Brahmabindu-Upanisad
Based on the edition by Ramamaya Tarkaratna
In: The Atharvana-Upanishads. Calcutta: Ganesha Press, 1872
(Bibliotheca Indica ; 76)
Input by Oliver Hellwig
THIS GRETIL TEXT FILE IS FOR REFERENCE PURPOSES ONLY!
COPYRIGHT AND TERMS OF USAGE AS FOR SOURCE FILE.
Text converted to Unicode (UTF-8).
(This file is to be used with a UTF-8 font and your browser's VIEW configuration
set to UTF-8.)
| description: | multibyte sequence: |
| long a | ā |
| long A | Ā |
| long i | ī |
| long I | Ī |
| long u | ū |
| long U | Ū |
| vocalic r | ṛ |
| vocalic R | Ṛ |
| long vocalic r | ṝ |
| vocalic l | ḷ |
| vocalic L | Ḷ |
| long vocalic l | ḹ |
| velar n | ṅ |
| velar N | Ṅ |
| palatal n | ñ |
| palatal N | Ñ |
| retroflex t | ṭ |
| retroflex T | Ṭ |
| retroflex d | ḍ |
| retroflex D | Ḍ |
| retroflex n | ṇ |
| retroflex N | Ṇ |
| palatal s | ś |
| palatal S | Ś |
| retroflex s | ṣ |
| retroflex S | Ṣ |
| anusvara | ṃ |
| visarga | ḥ |
| long e | ē |
| long o | ō |
| l underbar | ḻ |
| r underbar | ṟ |
| n underbar | ṉ |
| k underbar | ḵ |
| t underbar | ṯ |
Unless indicated otherwise, accents have been dropped in order
to facilitate word search.
For a comprehensive list of GRETIL encodings and formats see:
http://gretil.sub.uni-goettingen.de/gretil/gretdiac.pdf
and
http://gretil.sub.uni-goettingen.de/gretil/gretdias.pdf
For further information see:
http://gretil.sub.uni-goettingen.de/gretil.htm
oṃ
mano hi dvividhaṃ proktaṃ śuddhaṃ cāśuddham eva ca /
aśuddhaṃ kāmasaṃkalpaṃ śuddhaṃ kāmavivarjitam // BrbUp_1 //
mana eva manuṣyāṇāṃ kāraṇaṃ bandhamokṣayoḥ /
bandhāya viṣayāsaktaṃ muktyai nirviṣayaṃ smṛtam // BrbUp_2 //
yato nirviṣayasyāsya manaso muktir iṣyate /
tasmān nirviṣayaṃ nityaṃ manaḥ kāryaṃ mumukṣuṇā // BrbUp_3 //
nirastaviṣayāsaṅgaṃ saṃniruddhaṃ mano hṛdi /
yadā yāty unmanībhāvaṃ tadā tat paramamadam // BrbUp_4 //
tāvad eva niroddhavyaṃ yāvaddhṛdi gataṃ kṣayam /
etaj jñānaṃ ca mokṣaṃ ca ato 'nyo granthavistaraḥ // BrbUp_5 //
naiva cintyaṃ na cācintyam acintyaṃ cintyam eva ca /
pakṣapātavinirmuktaṃ brahma sampadyate tadā // BrbUp_6 //
svareṇa saṃdhayed yogam asvaraṃ bhāvayet param /
asvareṇa hi bhāvena bhāvo nābhāva iṣyate // BrbUp_7 //
tad eva niṣkalaṃ brahma nirvikalpaṃ nirañjanam /
tad brahmāham iti jñātvā brahma sampadyate dhruvam // BrbUp_8 //
nirvikalpam anantaṃ ca hetudṛṣṭāntavarjitam /
aprameyam anādyaṃ ca jñātvā ca paramaṃ śivam // BrbUp_9 //
na nirodho na cotpattir na vandyo na ca śāsanam /
na mumukṣā na muktiś ca ity eṣā paramārthatā // BrbUp_10 //
eka evātmā mantavyo jāgratsvapnasuṣuptiṣu /
sthānatrayād vyatītasya punarjanma na vidyate // BrbUp_11 //
eka eva hi bhūtātmā bhūte bhūte vyavasthitaḥ /
ekadhā bahudhā caiva dṛśyate jalacandravat // BrbUp_12 //
ghaṭasaṃbhṛtam ākāśaṃ līyamāne ghaṭe yathā /
ghaṭo līyeta nākāśaṃ tadvaj jīvo ghaṭopamaḥ // BrbUp_13 //
ghaṭavad vividhākāraṃ bhidyamānaṃ punaḥ punaḥ /
tadbhagnaṃ na ca jānāti sa jānāti ca nityaśaḥ // BrbUp_14 //
śabdamāyāvṛto yāvat tāvat tiṣṭhati puṣkare /
bhinne tamasi caikatvam ekam evānupaśyati // BrbUp_15 //
śabdākṣaraṃ paraṃ brahma yasmin kṣīṇe yad akṣaram /
tad vidvān akṣaraṃ dhyāyed yadīcchecchāntim ātmanaḥ // BrbUp_16 //
dve vidye veditavye tu śabdabrahma paraṃ ca yat /
śabdabrahmaṇi niṣṇātaḥ paraṃ brahmādhigacchati // BrbUp_17 //
grantham abhyasya medhāvī jñānavijñānatattvataḥ /
palālam iva dhānyārthī tyajed grantham aśeṣataḥ // BrbUp_18 //
gavām anekavarṇānāṃ kṣīrasyāpy ekavarṇatā /
kṣīravat paśyate jñānaṃ liṅginas tu gavāṃ yathā // BrbUp_19 //
ghṛtam iva payasi nigūḍhaṃ bhūte bhūte ca vasati vijñānam /
satataṃ manthayitavyaṃ manasā manthānabhūtena // BrbUp_20 //
jñānanetraṃ samādāya cared vahnim ataḥ param /
niṣkalaṃ nirmalaṃ śāntaṃ tad brahmāham iti smṛtam // BrbUp_21 //
sarvabhūtādhivāsaṃ ca yad bhūteṣu vasaty adhi /
sarvānugrāhakatvena tad asmy ahaṃ vāsudeva // BrbUp_22 //