Khandadeva: Bhattadipika, 1,3

Khandadeva: Bhattadipika, a commentary on Jaimini's Mimamsasutra,
Adhyaya 1, Adhikarana 3,
with Sambhubhatta's Prabhavali (subcomm.)
Based on the ed. by N.S. Ananta Krishna Sastri
Bombay 1921-1922 (Reprint: Delhi 1987)
(Sri Garib Dass Oriental Series, 50-)

Input by members of the Sansknet project
(www.sansknet.org) [server down!]

This GRETIL version has been converted from a custom Devanagari encoding.
Therefore, word boundaries are usually not marked by blanks.
These and other irregularities cannot be standardized at present.

An attempt to structure the text according to sutras had to be
abandoned for want of an adequate printed edition.

THE TEXT IS NOT PROOF-READ!

THIS GRETIL TEXT FILE IS FOR REFERENCE PURPOSES ONLY!
COPYRIGHT AND TERMS OF USAGE AS FOR SOURCE FILE.

Text converted to Unicode (UTF-8).
(This file is to be used with a UTF-8 font and your browser's VIEW configuration
set to UTF-8.)

description:	multibyte sequence:
long a	ā
long A	Ā
long i	ī
long I	Ī
long u	ū
long U	Ū
vocalic r	ṛ
vocalic R	Ṛ
long vocalic r	ṝ
vocalic l	ḷ
vocalic L	Ḷ
long vocalic l	ḹ
velar n	ṅ
velar N	Ṅ
palatal n	ñ
palatal N	Ñ
retroflex t	ṭ
retroflex T	Ṭ
retroflex d	ḍ
retroflex D	Ḍ
retroflex n	ṇ
retroflex N	Ṇ
palatal s	ś
palatal S	Ś
retroflex s	ṣ
retroflex S	Ṣ
anusvara	ṃ
visarga	ḥ
long e	ē
long o	ō
l underbar	ḻ
r underbar	ṟ
n underbar	ṉ
k underbar	ḵ
t underbar	ṯ

Unless indicated otherwise, accents have been dropped in order
to facilitate word search.

For a comprehensive list of GRETIL encodings and formats see:
http://gretil.sub.uni-goettingen.de/gretil/gretdiac.pdf
and
http://gretil.sub.uni-goettingen.de/gretil/gretdias.pdf

For further information see:
http://gretil.sub.uni-goettingen.de/gretil.htm

<B1> (1 adhikaraṇam / )

dharmasya śabdamūlatvād aśabdam anapekṣaṃ syāt / Jaim_1,3.1 /

śiṣṭatraivarṇikaparigṛhītānāṃ manvādipraṇītasmṛtīnāṃ dharmādharmayoḥ prāmāṇyaṃ na veti sandehe sanmūlakatvaniścāyakābhāvādaprāmāṇyam /
<B2> atha prathamādhyāyasya tṛtīyaḥ pādaḥ /
(pūrvatanapādadvayena smṛtipādasya saṃgatiḥ nāmadheyapādataḥ pūrvaṃ smṛtipādapravṛttibījanirūpaṇādikañca) "athāto dharmajijñāsā" iti śāstrārambhasūtreṇa dharmādharmasvarūpajijñāsāpratijñāyā iva tadviṣayakapramāṇamātrajijñāsāpratijñāyā api kṛtatvāt prathame 'dhyāye pramāṇamātranirūpaṇārthe prādhānyāt prathamataḥ tatpramāṇabhūtacodanāyāḥ prathamapāde prāmāṇyaṃ nirūpya tadavayavatvenopasthitānāṃ arthavādamantrāṇāmapi dvitīye pāde prāmāṇyaṃ vidhyekavākyatayā nāmadheyāpekṣayāntaraṅgatvena nāmadheyānāmarthavādamantrādimūlakatayāca nirūpyārthavādamantraprāmāṇyasādhanānantaraṃ smṛtyādiprāmāṇyavicārasyāvasarasaṃgatyā'yātatvena kariṣyamāṇaḥ smṛtyādiprāmāṇyavicāro nādhyāyāsaṃgataḥ ; kvacidapi smṛtyādīnāṃ nāmadheyamūlatvādarśanāt, vidhyuddeśāntargatayā cārthavādamantrādivat svatantravedāvayavarūpavākyatvasya nāmadheye 'bhāvāt, codanāprāmāṇyasādhanenaiva tatprāmāṇyasya siddhatvācca /
ataḥ prāgārambho 'pi nāsaṅgataḥ /
ata eva adhikaraṇārambhe "evaṃ tāvatkṛtsnasya vedasya prāmāṇyamukta"mityuktaṃ bhāṣyakāreṇa /
codanaiva pramāṇamiti niyamasya prādhānyaparatayāpyupapatteḥ upastaraṇābhighāraṇayorājyaniyamasyeva puroḍāśe vrīhiniyamasyeva ca tulyajātīyasvatantrapramāṇāntaravyāvṛttyarthatvādarthavādamantrayoścedṛśopayogitvena prāmāṇye iva naiva vyākopaḥ; codanāmūlatvenaiva smṛtyādiprāmāṇyasādhanādityarthaṃ anusaṃdhāya smṛtyādiprāmāṇyavicāramārabhate --- śiṣṭeti //
pauruṣeyatvenāprāmāṇyasyaiva niścaye sati tatprāmāṇyakoṭiḥ kiṃ saṃbhāvanayeti śaṅkānirāsāya -- śiṣṭetyādyuktam //
(vidyāsthānāntargatapurāṇavibhāgastannāmanirdeśaśca) atraca smṛtīnāmiti padaṃ sadācārāṇāṃ vedātiriktadharmasthānānāṃ copalakṣaṇam /
tāni ca "purāṇanyāyamīmāṃsādharmaśāstrāṅgamiśritāḥ //
vedāḥ sthānāni vidyānāṃ dharmasya ca caturdaśe"ti yājñavalkyenoktāni /
tatra sargapratisargamanvantaravaṃśānucaritapratipādakāni bhagavatābādarāyaṇena kṛtāni purāṇāni brāhmaṃ pādmaṃ śaivaṃ bhāgavataṃ nāradīyaṃ mārkaṇḍeyaṃ āgneyaṃ bhaviṣyaṃ brahmakaivartaṃ laiṅgaṃ vārāhaṃ brahmāṇḍaṃ vāyupurāṇaṃ skāndaṃ vāmanaṃ kaurmaṃ mātsyaṃ gāruḍaṃ ceti krameṇāṣṭādaśa /
aṣṭādaśānāmapyupapurāṇānāṃ purāṇatvenaiva saṃgrahaḥ //
nyāyo gautamapraṇīta ānvīkṣakī pañcādhyāyī, kaṇādapraṇītā daśādhyāyī ca //
(mīmāṃsāpadārthavivecanam) mīmāṃsā ---- "athāto dharmajijñāsā"ityādinā jaiminipraṇītā dvādaśādhyāyī saṃkarṣaṇakāṇḍātmikā caturadhyāyī ca karmamīmāṃsā, "athāto brahmajijñāsā" ityādinā vyāsapraṇītā caturadhyāyī śārīrakamīmāṃsā ca //
(dharmaśāstrapadārthaḥ, smṛtikartṝṇāṃ nāmāni ca) dharmaśāstrantu varṇāśramadharmaviśeṣāṇāṃ vibhāgena pratipādakaṃ tattatsmṛtipravartakapraṇītam /
teca manvatriviṣṇvaṅgirohārītayājñavalkyayamāpastambasaṃvartakātyāyanabṛhaspatiparāśaravyāsaśaṅkhalikhitadakṣagautamaśātātapavasiṣṭhādayo dharmaśāstrapravartakā iti yājñavalkyoktāḥ, tathā "teṣāmapyaṅgirovyāsagautamātryuśanoyamāḥ /
vasiṣṭhadakṣasaṃvartaśātātapaparāśaraḥ /
viṣṇvāpastambahārītāḥ śaṅkhaḥ kātyāyano guruḥ /
pracetā nārado yogī bodhāyanamanū tathā /
sumantuḥ kāśyapo babhruḥ paiṭhino vyāghra eva ca /
satyavrato bharadvājo gārgyaḥ kārṣṇyājinistathā /
jābālirjamadagniśca yaugākṣirbrahmasaṃbhavaḥ /
iti dharmapraṇetāraḥ ṣaṭtriṃśadṛṣayaḥ smṛtāḥ /
iti paiṭhinoktāśca jñeyāḥ /
mahābhāratarāmāyaṇasāṃkhyapātañjalapāśupatavaiṣṇavādīnāṃ ca dharmaśāstra evāntarbhāvaḥ /
sāṃkhyaśāstraṃ ṣaḍadhyāyaṃ bhagavatā kapilena praṇītam /
tathā pātañjalaṃ pādacatuṣṭayātmakaṃ patañjalinā praṇītam /
pāśupataṃ bhagavatā paśupatinā pañcādhyāyaṃ praṇītam /
śaivamantraśāstrasya pāśupata evāntarbhāvaḥ /
evaṃ vaiṣṇavaṃ nāradādibhiḥ kṛtam /
pāñcarātrasyātraiva vaiṣṇavamantraśāstre antarbhāvaḥ /
vāmāgamādikantu śāstrabāhyamevetibahavaḥ /
tadevaṃ purāṇādicatuṣṭayaṃ vedānāmupāṅgamiti vyavahriyate //
<B1> na hyatra pratyakṣādimūlam; teṣāṃ dharmādharmayorapravṛtteḥ, vedasya ca pratyakṣapaṭhitasyānupalambhāt, upalambhe vā smṛtipraṇayanavaiyarthyāt, pratyakṣapaṭhitasyedānīmucchedasya ca vaidikairyathāparigaṇanaṃ śākhānāṃ mātrāmātrāparityāgena pālyamānatayā kalpayitumaśakteḥ /
nāpi anityānumeyo vedo mūlam; smṛtermūlasāmānyavyāptatve 'pi vedavyāptatvābhāvenānumānānupapatteḥ, manorapyanumeyatvakalpane andhaparamparāpatteśca /
ataśca sanmūlatvāsambhavād bhrāntyādimūlatvenāprāmāṇyamiti prāpte --- <B2> (vedāṅganirūpaṇam) aṅgānica śikṣākalpavyākaraṇachandoniruktajyotirādayaḥ ṣaṭ /
tatra sarvavedasādhāraṇī "atha śikṣāṃ pravakṣyāmītyādipañcakhaṇḍātmikā pāṇinipraṇītā, anyaiśca munibhiḥ prativedaśākhaṃ bhinnarūpatayā prātiśākhyasaṃjñayā praṇītā ca śikṣā /
kalpāḥ śākhāntarīyāṅgopasaṃhāreṇa vaidikānuṣṭhānakramaviśeṣajñānāya bodhāyanāpastambādimunibhiḥ praṇītāḥ /
baijāvāpyāśvalāyanagrāhyāyaṇādimunipraṇītānāṃ sūtrāṇāmatraivāntarbhāvaḥ /
taduktam --- vārtike --- "siddharūpaḥ prayogo yaiḥ karmaṇāmanugamyate" /
iti //
"kalpā lakṣaṇārthāni sūtrāṇītipracakṣate" iti //
vyākaraṇamaṣṭādhyāyyātmakaṃ maheśvaraprasādādbhagavatā pāṇininā praṇītaṃ māheśvaram /
kaumārādivyākaraṇāni na vedāṅgam ; laukikapadamātrasādhutvānvākhyānaparatvāt //
niruktaṃ bhagavatā yāskena samāmnāyaḥ samāmnāta ityādinā trayodaśādhyāyyātmakaṃ praṇītam /
nighaṇṭusaṃjñakapañcādhyāyātmakasya granthasya yāskapraṇītasya taditarakośānāṃ caivātraivāntarbhāvaḥ /
jyotiṣaṃ ca bhagavatā ādityena gargādibhiśca praṇītam /
chandastu bhagavatā piṅgalena aṣṭādhyāyyātmakaṃ praṇītam //
(sarveṣāmapi vidyāsthānānāṃ smṛtyadhikaraṇaviṣayatvopapādanam) tadevaṃ daśabhiḥ sahitā ṛgvedayajurvedasāmātharvaṇākhyāścatvāro vedā iti caturdaśa dharmasthānāni /
etānyevāyurvedadhanurvedagāndharvārthaśāstrasaṃjñairupavedaiḥ sahitānyaṣṭādaśa vā /
yadyapi vedavadācārātmatuṣṭīnāmapi dharme prāmāṇyaṃ vakṣyate; tathāpi teṣāmaśabdarūpatvātśabdarūpapurāṇādyabhiprāyeyaṃ saṃkhyeti na virodhaḥ /
tatra vedānāṃ prāmāṇyasya pūrvameva sādhitatvāt tadvyatiriktāni pratyakṣamūladṛṣṭārthavyatiriktāni adṛṣṭārthatayā yāni dharmasthānatvena parigṛhītāni vedamūlakatayā sādhayitavyapramāṇatākāni tāni sarvāṇīhodāharaṇamiti bhāvaḥ //
(smṛtīnāṃ mūlāpekṣāyāṃ mūlasyaca pratyakṣāderasaṃbhavādaprāmāṇyanirūpaṇam) smṛtayastāvat dṛḍhakartṛsmaraṇena pauruṣeyatvādavaśyaṃ tatpraṇetṛbhiḥ aṣṭakāsvargayoḥ sādhyasādhanabhāvaṃ kenacit pramāṇenāvadhārya praṇītāḥ /
ata eva smṛtisamākhyāpyupapadyate /
tacca sādhyasādhanabhāvāvadhāraṇaṃ pratyakṣādinā na saṃbhavatītyāha --- nahyatreti //
śabdamūlatvakalpane ca kṛtakasya tasya prāmāṇyāniścayānmūlatvānupapatteḥ vedaśabdasyaiva tadvaktavyam, tadapyanupalambhādayuktamityāha ---- vedasyaceti //
(utsannaśrutimūlatvaśaṅkātannirākaraṇe) nanvasmadādibhiḥ anupalambhe 'pi manvādibhiḥ pratyakṣapāṭhenopalabdhaḥ idānīṃ ca puruṣapramādādutsannaḥ deśāntare vā kaiścitpaṭhyamāno 'pi nāsmābhirupalabhyate, asmābhirapivā paṭhyamāno 'pi paraprakaraṇādipaṭhitatvāt nāsmābhiḥ smṛtimūlatvena jñāyate iti yathāsaṃbhavaṃ kalpanopapatteḥ kathaṃ nityaśabdāsadbhāvaniścaya ityata āha --- upalambhe 'piveti //
utsannaśrutimūlatvaṃ nirasyati --- idānīmiti //
mātrāmātrātyāgināmadhyetṝṇāṃ anekasmṛtimūlabhūtānekaśrutivākyatyāgānupapatteḥ /
ekaviṃśatyadhvayuktaṃ ṛgvedaṃ ṛṣayo viduḥ /
sahastrādhvā sāmavedo yajurekaśatādhikam //
navādhvātharvaṇākhyeti prāhuḥ pañcadaśādhvakam //
iti sadguruśiṣyeṇa tattadvedīyaśākhānāṃ parigaṇanāt tāsāṃ ca sarvāsāmekasmin deśe 'pāṭhe 'pi deśāntare pāṭhasaṃbhavādutsādakalpanā na yuktā /
deśāntarapaṭhyamānaśrutimūlatvakalpanāpi tāsāmeva manvādibhiradhyāpanopapattau smṛtipraṇayanavaiyarthyāpatterevāyuktetyarthaḥ /
adhvā devagatiḥ śākhāiti paryāyavācakā iti //
(nityānumeyavedamūlakatvanirāsaḥ) yadatra guruṇocyate --- "na kevalamasmākameva liṅgenaivānumeyāḥ śrutayaḥ, kintu manvādīnāmapi smṛtyantareṇānumeyāḥ, evaṃ tataḥ paramapi; natu kenāpi dṛṣṭā iti nityānumeyaśrutimūlatvaṃ iti, tadapi nirasyati -- nāpīti //
pauruṣeyasya smṛtyantarasya sāmānyato yatkiñcinmūlapramāṇavyāptasyāpi śrutyaikāntikatvābhāvenānugamānupapatteḥ yatkiñcinmūlakatvāṅgīkāre anavasthānādandhaparaṃparāpattiḥ /
liṅgādīnāntu apauruṣeyatvena anyamūlakatvāyogāt śrutikalpakatvāvirodha iti vaiṣamyamityarthaḥ //
<B1> śiṣṭānāmadyayāvadavigītaparamparayā jyotiṣṭomādiṣvivāṣṭakākalañjabhakṣaṇādiṣvapi dharmatvenādharmatvena ca parigraha nmanvādīnāṃ traivarṇikatvena vedadarśanasaṃbhavācca tanmūlatvameva yuktam, na tu bhrāntyādimūlatvam; tatkāraṇasyādyayāvattadajñānasya ca kalpane gauravācca /
śrutiśca pratyakṣapaṭhitaiva tanmūlam /
na ca smṛtipraṇayanavaiyarthyam; śākhāntaropasaṃhāreṇārthavādopoddhāreṇa nyāyasiddhārthakathanena ca smṛtipraṇayanasārthakyāt /
ato mūlaśrutyupasthāpakatayaiva dharmādharmapramāprayojakatvaṃ smṛtīnāmiti siddham // 1 // iti prathamaṃ smṛtyadhikaraṇam /
<B2> (bhrāntyādimūlatvenāprāmāṇyopasaṃhāraḥ) etenākṣepakābhāvāt dṛṣṭārthāpattirapi nirasanīyā; bhrāntipratāraṇādimūlatvasyāpi saṃbhavāt, evamācārānuṣṭhānasyāpi jñānapūrvakatvāt pūrvānuṣṭhātṝṇāṃ jñānakaraṇajijñāsāyāṃ pramāṇamūlatvāsaṃbhavāt bhrāntyādimūlakatvamevetyabhipretya aprāmāṇyapūrvapakṣamupasaṃharati --- ataśceti //
(siddhāntasūtre 'numānaśabdenārthāpattereva grahaṇamiti nirūpaṇapūrvakaṃ smṛtiprāmāṇyapratijñā) tanmūlakatvameva yuktamiti //
dṛḍhasakalatraivarṇikaśiṣṭaparigrahānyathānupapattiprasūtadṛṣṭārthāpattyā śrutimūlatvameva teṣāṃ kalpayituṃ yuktamityarthaḥ /
yattu ---

api vā kartṛsāmānyāt pramāṇam anumānaṃ syāt / Jaim_1,3.2 /

iti sūtragatānumānaśabdasvārasyāt vaidikaśabdānumānaparigraheṇa manvādismṛtiḥ dharme pramāṇaṃ vedārthānuṣṭhātṛbhiḥ anuṣṭhīyamānārthakatvāt vedavadityanumānena prāmāṇyaṃ smṛtyācārau vedamūlau vaidikakartṛkatvāt dharmatvasmṛtitvādvā asmadādigatāgnihotrasmṛtivadityanumānena ca śrutimūlatvaṃ kecitsādhayanti /
aṅgīkurvanti /
ca prakāśakārastathaiva, tadarthakāmānusārismṛtyācāreṣu vyabhicārādayuktam iti //
ata eva dūṣitaṃ kaustubhe vistareṇopapāditaṃ tatraiva draṣṭavyam //
ataḥ sūtrabhāṣyagatānumānoktirarthāpattireva /
ataḥ saiva śrutimūlatvasādhane pramāṇamiti bhāvaḥ //
(anupalambhanimittopapādanapūrvakapratyakṣapaṭhitaśrutimūlatvavyavasthāpanam) śrutimūlakatve siddhe sā śrutiḥ pratyakṣapāṭhenaivāvadhāritā manvādibhiḥ /
asmākamanupalambhastu svādhyāyādhyayanavākye svādhyāyapadamahimnā ekaśākhādhyayanasyaiva śākhāntarādhikaraṇe sādhayiṣyamāṇatvena śākhāntarādhītānāmadhyayanābhāvādeva /
adhyayanaṃ vinaivopāyāntareṇāvadhāraṇe 'pi tattaddeśīyapuruṣāntarādhītaśākhānāṃ pramādālasyādiyuktaiḥ puruṣaiḥ tattaddeśagamanena śrotumapyaśakterupalambhāyogyatvādeva nānupapannaḥ /
ekaśākhādhītānāmapi ca śrutīnāṃ kratuprakaraṇagatānāṃ taddharmaṃ bādhitvā puruṣadharmasya puruṣadharmādhikṛtānāṃ puruṣadharmatvabādhena kratudharmatvasya mantrārthavādādikalpyavidhīnāṃ cedānīntanaiḥ puruṣairnirṇetumaśakterupalambhāyogyatvam /
manvādīnāntu sarvajñatvena pratyakṣapāṭhenāvadhāraṇasaṃbhavāt pratyakṣapaṭhitaiva śrutirmūṃlamityabhipretyāha --- śrutiśceti //
dṛśyante ca spaṣṭameva mantrārthavādāḥ pratyakṣapaṭhitā eva tattatsmṛtimūlam /
yathā "yāṃ janā iti mantro 'ṣṭakāsmṛteḥ /
yathā tarhyarthavādo manuṣyarāja āgatetyasminnukṣaṇaṃ vehataṃ(?) vākṣadanta" iti arthavādaḥ --- mahokṣaṃ mahājaṃ veti smṛteḥ /
evamitarāsāmapi /
evaṃ gurvanugamanādyācārāṇāṃ "tasmācchreyāṃsaṃ pūrvaṃ pāpīyān paścādanvetī"ti cayanaprakaraṇagatārthavādo mūlam /
evamanyatrāpyūhyamityarthaḥ //
(smṛtipraṇayanasārthakyopapādanam) teṣāṃ śrutipratyakṣe smṛtipraṇayanavaiyarthyamāśaṅkya nirākaroti ----naceti //
arthavādopoddhāreṇeti //
avidhisvarūpārthavādatyāgena vidhimātropasaṃhārasyedānīntanaiḥ kartumaśaktesteṣāṃ jñānārthaṃ tatpraṇayanasārthakyamiti bhāvaḥ //
(smṛtiprāmāṇyavyavahārasya gauṇatvavarṇanapūrvakopasaṃhāraḥ) nanu smṛtyācārāṇāṃ śrutyanumāpakatvenopakṣīṇānāṃ kathaṃ dharmādharmapramājanakatvam? tasya vedaikagamyatvena tadgamyatvāsaṃbhavāt, ityata āha -- ata iti //
evañca tatprāmāṇyavyavahāro liṅgādīnāmiva bhāktaḥ /
dharmādharmapramāṇanirūpaṇapratijñāpyādyasūtre mukhyabhāktasādhāraṇyeneti bhāvaḥ //
yattu --- bhāṣyakāreṇa prapākaraṇādismṛtīnāṃ paropakārarūpadṛṣṭārthatvena tathā gurvanugamanādyācārāṇāṃ guruprītirūpadṛṣṭārthatvena prāmāṇyamuktam, tadvārtika eva nirastaṃ draṣṭavyam /
yāni ca pūrvoktāni dharmasthānāni teṣuca yastāvadṛṣṭor'thaḥ sa pratyakṣādimūla eva /
tatra yathāyathaṃ dṛṣṭādṛṣṭaprayojanavibhāga ākare draṣṭavyaḥ /
vistarabhayānnocyate iti //
iti prathamaṃ smṛtyadhikaraṇam //
----- <B1> (2 adhikaraṇam / )

virodhe tv anapekṣyaṃ syād asati hy anumānam / Jaim_1,3.3 /

śrutiviruddhānāmapi audumbarī sarvā veṣṭitavyetyādismṛtīnāṃ śrutimūlakatvāviśeṣāt prāmāṇyam /
nacaudumbarīṃ spṛṣṭvodgāyediti pratyakṣaśrutivirodhāttadanupapattiḥ; parasparaviruddhārthakānāmapi grahaṇāgrahaṇādiśrutīnāṃ bahuśo darśanena virodhe satyapi tatkalpane bādhakābhāvāt, tadvadeva vikalpena virodhasya pariharttuṃ śakyatvācca /
na hyatra pratyakṣaśrutyā smṛtermūlākāṅkṣā nivarttate, yena kalpanāmūlocchedādviruddhapratyakṣaśrutyā liṅgasyeva smṛterbādhaḥ syāt /
na vā śaityauṣṇyayorivātra viṣayayoratyantavirodhaḥ, yena auṣṇyapratyakṣeṇeva śaityānumānasya prakṛte prameyāpahāralakṣaṇo bādhaḥ syāt /
na tvetadasti; vikalpena dvayoḥ saṃbhavāditi prāpte ---- bhāṣyakāreṇaivaṃ siddhāntitam ---- sarvatrānumāne 'numeyajijñāsāyāḥ kāraṇatvāt pratyakṣaśrutyā ca sparśavidhānenāveṣṭitatvarūpeṇaudumbaryāḥ paricchinnatvājjijñāsābhāvena naudumbarīveṣṭanaviṣayakaśrutyanumānasambhavaḥ /
tathā pratyakṣaśrutivirodhābhāve 'pi yatra lobhādidarśanaṃ, yathā vaisarjanahomīyaṃ vāso 'dhvaryuḥ parigṛhṇātītyādau tatrāpi na śrutikalpanaṃ kḷptahetoreva mūlatvopapatteḥ iti /
<B2> (pūrvādhikaraṇenāpavādikasaṃgatyupapādanam) "virodhe tvanapekṣaṃ syāt asati hyanumāna"miti siddhāntasūtragatatuśabdanirasanīyatvena sūcitatatsūtrapūrvapakṣeṇādhikaraṇavicāraṃ darśayitumudāharaṇamāha --- śrutiviruddhānāmapīti //
apiśabdena yadi śiṣṭatraivarṇikaparigrahānupapattiprasūtaśrutimūlakatvena manvādismṛtīnāṃ prāmāṇyaṃ, tarhi viruddhānāmapi āsāmuktahetorastu prāmāṇyam ityākṣepanirāsāt āpavādikī saṃgatiḥ sūcikā //
(ādipadena aṣṭācatvāriṃśadityādismṛtidvayasaṃgrahanirūpaṇam) ādipadena yathaudumbarīṃ spṛṣṭvodgāyediti pratyakṣaśrutiviruddhāyāḥ sarvaveṣṭanasmṛterudāharaṇatvaṃ, tathā "jātaputraḥ kṛṣṇakeśo 'gnīnādadhīta" iti śrutyā viruddhāyā "aṣṭācatvāriṃśadvarṣaparyantaṃ vedabrahmacaryami"ti smṛteḥ, tathā "na dīkṣitasyānnamaśnīyāt" iti niṣedhāpekṣitāvadhisamarpikayāgnīṣomīye saṃsthite yajamānasya gṛhe 'śitavyamiti śrutyā viruddhāyāḥ "krītarājako bhojyānna" iti smṛterapyudāharaṇatvaṃ saṃgṛhītam //
sadomaṇḍape udumbaravṛkṣasya kāṣṭhamūrdhvatayā yajamānasammitaṃ nikhanya sthāpyate /
tadaudumbarīśabdasyārthaḥ /
vikalpeneti //
(sparśanaveṣṭanayoḥ prayogabhedena vikalpanirūpaṇam) vahnau śaityauṣṇyayorvikalpāsaṃbhavāt parasparātyantābhāvasamānādhikaraṇayostayoḥ virodhasya pratyakṣasiddhatvāt pratyakṣabādhitatvena na śaityānumataṃ saṃbhavatīti yuktaḥ prameyāpahāralakṣaṇo bādhaḥ, iha tu sparśanaveṣṭanayoḥ parasparātyantābhāvasamānādhikaraṇayoḥ prayogabhedena vikalpenaniveśasya saṃbhavāt yuktaṃ prāmāṇyamityarthaḥ /
sarvatreti //
dhūmādidarśanānantaraṃ vyāptismaraṇe satyapi jijñāsābhāve 'numityanudayāt parokṣajñāne athavānumityarthāpattyoreva tasyāḥ kāraṇatvamityarthaḥ //
(vaisarjanahomīyamiti viṣayāntaragaveṣaṇaprayojanam) atra

hetudarśanāc ca / Jaim_1,3.4 /

iti pūrvasūtrānantarasūtram /
tatra yadi pratyakṣaśrutimūlakatvāsaṃbhavaḥ, tadā smṛtermūlākāṅkṣāyāṃ bhrāntyādimūlakatvameva yuktaṃ kalpayitum /
tatra veṣṭanasmṛterudgātre dānena vastralobhaḥ, aṣṭācatvāriṃśat brahmacaryasmṛteḥ napuṃsakatvapracchādanam, rājakrayāvadhismṛteḥ bubhukṣaiveti /
saṃbhavaticedaṃ dṛṣṭaṃ kāraṇamiti pauruṣeyatvādihetvantarapradarśanaparatayaikadā bhāṣyakāraḥ pūrvaśeṣatayā vyākhyāya adhikaraṇāntaraparatayā pakṣāntareṇa vyācakhyau /
tatra pratyakṣaśrutivirodhenaiva mukhyahetunā pūrvatrāprāmāṇyasiddhau lobhādihetoḥ dṛṣṭasyānvācayabhūtasya kathane prayojanābhāvenāparitoṣāt dvitīyavyākhyānaṃ kṛtam, tadeva yuktamiti tanmate upapādayati --- tatheti //
vaisarjanahomīyamiti /./
(vaisarjanahomīyapadārthaḥ ādipadena yūpahastivākyasaṃgrahaśca) agnīṣomīyapaśoḥ tantre prakānte agnīṣomapraṇayanārthaṃ yajamānaṃ patnīputrān bhrātṝṃścāhatena vāsasā saṃchādya vāsaso 'nte strucamupanibadhya juhotīti śālāmukhīyāgnīdhrāhavanīyeṣu caturgṛhītenājyena catvāro vaisarjanahomā vihitāḥ /
tadvāso vaisarjanahomīyamityarthaḥ //
ādipadena yūpahastinodānamācarantīti smṛtyantaragrahaṇam /
yūpo hastyate veṣṭyate yenetivyutpattyā yūpaveṣṭanārthaṃ vāso yūpahastipadasyārthaḥ /
tacca saptadaśabhirvāsobhiḥ yūpaṃ veṣṭayatīti veṣṭanavidhānāt vājapeyaṃ āmnātam //
(bhāṣyakṛtsaṃmatasyoktādhikaraṇadvayasya vārtikakāramatarītyā khaṇḍanam) evaṃ bhāṣyamatenādhikaraṇadvayaṃ vyākhyātam /
tadvārtikakāreṇa dūṣitam /
tathāhi --- pratyakṣaśrutivirodhe smṛtīnāṃ mūlabhūtaśrutyabhāvaḥ kiṃ sādhakābhāvāt bādhakasattvādvā /
nādyaḥ; maharṣipraṇītatvādeḥ śiṣṭatraivarṇikaparigrahādeścetarasmṛtiṣvivehāpi śrutisādhakasyāviśeṣāt /
nāntyaḥ; viruddhaśrutidarśanarūpasya bādhakasya vrīhiyavādiṣu śrutiṣu bahuśo darśanena vyabhicārāt, viprakīrṇaśākhāntaragataśrutīnāmasmadādibhiḥ anupalambhe 'pi manvādīnāṃ mahattaratvenānupalambharūpabādhakasyāpi abhāvācca /
ataḥ parapratyakṣasyāpyātmapratyakṣasamatvāt taddṛṣṭaśrutīnāṃ mūlatvasaṃbhavānna bhāṣyakāroktaṃ sarvathāprāmāṇyaṃ sidhyati //
<B1> vārttikakārastu ---- na jijñāsāyā anumityaṅgatvam; agnyādyajijñāsāyāmapi tadudayāt, satyapi vā tasyāḥ kāraṇatve anumitiviṣayaśruterjijñāsitatvācca /
pratyakṣaśrutivirodhābhāve vā lobhādimūlakatvāṅgīkāre aṣṭakādismṛterapi tadāpatteḥ /
ataśca pratyakṣaśrutivirodhe 'pi smṛteḥ śiṣṭatraivarṇikaparigarhāviśeṣeṇa śrutimūlatvakalpanopapatteryuktameva prāmāṇyam, parantu yāvacchrutiniścayaṃ veṣṭanaṃ nānuṣṭheyam, arthavādādyunnītavidhimūlakatvasyāpi smṛtiṣu darśanena prakṛte 'pi tanmūlakatvasya saṃbhāvitatvāttasya connayanasya pratyakṣaśrutivirodhe ābhāsatvasaṃbhavāt /
ataśca yāvacchrutiniścayaṃ ananuṣṭhānalakṣaṇamaprāmāṇyamityabhiprāyaṃ sūtramiti ----- prāha /
<B2> (veṣṭanasmṛtimūlapratyakṣaśrutinirūpaṇam) kiñca jaiminiḥ svakṛte chāndogyānupade granthe --- "vaiṣṭutaṃ vai vāsaḥ śrīrvāsaḥ śrīḥ sāmeti stotrīyāparigaṇanārthānāmaudumbarīṇāṃ prādeśamātrāṇāṃ kuśānāṃ sa ekayā sa tisṛbhiḥ sa ekayetyādiviṣṭutyupākhyagataprakārābhivyañjakatayā viṣṭutiśabdavācyānāṃ sthāpanārthaṃ pariveṣṭayatīti śāṭyāyanaśākhābrāhmaṇagatapratyakṣaśrutimūlatvameva audumbarīprakaraṇe śāṭyāyanināṃ tāmūrdhvadeśenobhayatra vāsasī darśayatīti granthena darśitavāniti pratyakṣaiva śrutiḥ evamaṣṭācatvāriṃśadvarṣabrahmacaryasmṛterapi "aṣṭācatvāriṃśadvarṣaṃ sa vai vedabrahmacaryamiti rāṇakodāhṛtātharvavedapaṭhitā pratyakṣaiva śrutiśca mūlamityudāharaṇānyapyayuktāni //
(aṣṭācatvāriṃśaditi smṛtimūlapratyakṣaśrutinirdeśaḥ) yathācātra virodho 'pi nāsti tathā ākare draṣṭavyam /
kaustubhe ca /
ato na yuktaṃ prathamādhikaraṇam //
(vārtikakāramatāvataraṇapūrvakatanmatopapādanam) dvitīyādhikaraṇamapyaviruddhānāmapi lobhamūlatvakalpane dānādismṛterapi tadāpatterayuktam /
nahi "apivā kāraṇāgrahaṇe prayuktānī"ti adhikaraṇena dṛṣṭamūlāsaṃbhavamātreṇācāraprāmāṇyaṃ sādhayiṣyate /
yena tadvyatirekeṇa dṛṣṭamūlatvasaṃbhavahetunehāprāmāṇyaṃ sādhyeta, kintu dharmabudhyānuṣṭhīyamānatvenaiva /
anvācayahetumātrantu dṛṣṭamūlāsaṃbhava upanyasta iti tamimamadhikaraṇadvayabhaṅgaṃ ācāryakṛtamabhipretya matāntaratayā darśayati ---- vārtikakārastviti //
veṣṭanañcānuṣṭheyamiti //
atraca veṣṭanādismṛtīnāṃ pratyakṣapaṭhitatattacchrutimūlatvasya prāgevoktatvāt yāvacchrutiniścayaṃ nānuṣṭheyamityanupapatteḥ veṣṭanapadamajahatsvārthalakṣaṇayādṛṣṭamūlasmṛtiviṣayaparatayā vyākhyeyam /
ataevoktaṃ nyāyasudhāyāṃ ---- udāharaṇabhāṣyamapi adṛṣṭamūlāvasthasmṛtiviṣayatayā netavyam iti //
(yāvacchrutiniścayamananuṣṭhānalakṣaṇamaprāmāṇyamityasya sūtrārūḍhatvopapādanam) nanu ---- adṛṣṭamūlasmṛtīnāṃ vipralambhamūlakatvābhāvenātyantabādhyatvāsaṃbhavāt yathāśrutamūlāniścayena atyantetarasmṛtitulyatvāyoge 'pi kathañcitprāmāṇyāṅgīkāre "virodhetvanapekṣa"mityaprāmāṇyapratipādakasūtrav irodha ityata āha ---ataśceti //
mūlabhūtaśruteḥ parapratyakṣatve 'pi svapratyakṣatvābhāvāt svapratyakṣasya tu mūlānusandhānasāpekṣatvādyato durbalā, atastayoḥ virodhe yadanapekṣaṃ śrautaṃ vijñānaṃ tadeva pramāṇamādaraṇīyaṃ syāt /
asati hi śrautārthe'numānamanumitaśrutimūlamādaraṇīyamiti pūrvasūtragatānuṣaktapramāṇapadasyānuṣṭhānalakṣaṇaprāmāṇyaparatayā sūtrārtha ityarthaḥ //
(virodhetviti sūtre pāṭhabhedaḥ yojanābhedaśca) atra sūtre 'napekṣamanapekṣyamiti yakārarahitatatsahitatayā pāṭhabhedaḥ /
yadā yakārasahitastadā yasya vānyadapekṣyaṃ nāstītyarthaḥ /
tadrahitastu vyākhyāta eva //
(atrādṛtavārtikasiddhāntasya vārtikaślokaiḥ saṃvādaḥ) taduktamācāryaiḥ --- "yāvadekaṃ śrutau karma smṛtau cānyatpratīyate /
tāvattayorviruddhatve śrautānuṣṭhānamiṣyate /
ataścaivaṃ śrutismṛtyorviśeṣo nopadarśyate /
nātyantameva bādhyatvaṃ nacāpyatyantatulyatā /
" iti //
yadā tu viruddhasmṛtimūlabhūtā śrutiḥ svasya pratyakṣā, tadā dvayorapi vikalpena vyavasthayā vā ādaraḥ kārya ityarthasiddhor'thaḥ //
(vārtikamate hetudarśanācceti sūtrayojanāprakāraḥ) yacca hetudarśanācceti sūtraṃ tat pratyakṣaśrutiviruddhasmṛtiprasaṃgagatācāramūledānīntanasmṛtyorvirodhe yathāsparśyādisparśadūṣitajagannāthaniveditānnabhakṣaṇādau tatra saṃbhavanmūlāntarāyā anādarapradarśanārthatvena vyākhyeyamiti dik //
(vārtikakārīyavarṇakāntaravivaraṇam) evaṃ tadvyākhyāyāṃ

[sarvatra ca prayogāt sannidhānaśāstrāc ca / Jaim_1,3.14 /]

ityadhikaraṇena gatārthatvam /
tatrahi pratyakṣasūtrārthopasaṃhārakalpasūtravacasāṃ śrutivirodhe 'nādaraṇīyatve sutarāṃ smṛtiṣvanādarasiddherityaparitoṣeṇa yadvarṇakāntaraṃ kṛtamācāryaistadanusaṃdhatte --- yadveti //
(śākyādismṛtyaprāmāṇyavarṇanasyādhikaraṇāntarairagatārthatānirūpaṇam) apivā kartṛsāmānyādi"ti pūrvādhikaraṇasiddhāntasūtropāttakartṛsāmānyahetoḥ śiṣṭatraivarṇikadṛḍhaparigraharūpamukhyahetūpalakṣaṇatvāt tena pūrvaṃ prāmāṇye abhihite sa yatra nāsti tatrāprāmāṇyamucyate ityevamasya pratyudāharaṇasaṃgatimanyatra pratyakṣasūtre pratyakṣādimūlatvenāprāmāṇyoktāvapi kalpasūtrādhikaraṇe svātantryeṇa prāmāṇyābhāve ukte 'pica vedamūlakatayā prāmāṇyaśaṅkānirāsasyānyatrākṛtatvādagatārthatāṃ pramāṇābhāsanirūpaṇenādhyāyasaṃgatiñcābhipretya viṣayapradarśanapūrvaṃ pūrvapakṣamārabhate ------ śākyādīnāmiti //
<B1> yadvā ----- śākyādīnāmapi kṣatriyatvaprasiddhervedadarśanasaṃbhavena tatpraṇītasmṛtīnāmapi vedamūlatvaṃ, tanmūlo vedaścedānīṃ pralīna iti prāpte --- śiṣṭatraivarṇikānāṃ dharmatvena parigrahasya pūrvādhikaraṇamukhyahetorabhāvāt pratyuta apramāṇatvenaiva teṣāṃ smaraṇādvedāprāmāṇyavādibhireva ca tatprāmāṇyasvīkārādvedamūlatvakalpanānupapatteraprāmāṇya- miti ----- sūtrārthaḥ // 2 // 6 // iti dvitīyaṃ virodhādhikaraṇam /
<B2> (śākyādismṛtyaprāmāṇyavarṇanasyopayogaḥ) nacaiṣāmābhāsatvakathanasyānupayogaḥ; "yadi hyanādareṇaiṣāṃ na kathyetāpramāṇatā //
aśakyaiveti matvānye bhaveyuḥ samadṛṣṭayaḥ /
śobhāsaukaryahetūktikalikālavaśena ca /
yajñoktapaśuhiṃsādityāgabhrāntimavāpnuyuḥ /
anirākṛtya tān sarvān dharmaśuddhirna labhyate /
ityādivārtikoktarītyā tatkathanasyāvaśyakatvāt /
ataśca yadyapi śākyādibhiḥ svagranthānāṃ vedamūlatvena prāmāṇyānaṅgīkārānnaiva tannirāse prayojanam; tathāpi vaidikānāmeva vedamūlatvabhrānteḥ prāptāyā nirākaraṇadvārā ābhāsatvanirūpaṇārthatvenāyamārambho yukta iti bhāvaḥ //
(śākyapadasya pāśupatapāñcarātrādikartrṛpalakṣaṇatānirūpaṇam) atraca śākyādipadaṃ yāni trayīvidbhiḥ na parigṛhītāni kiñcittanmiśradharmakañcukachāyāni lokopasaṃgrahalābhakhyātipūjāprayojanaparāṇi trayīviparītāsaṃbaddhadṛṣṭaśobhādipratyakṣānumānopamānārthāpattiprāyayukt i mūlopanibaddhāni sāṃkhyayogapāñcarātrapāśupatanirbandhyaparigṛhītadharmādharmanibandhanāni, yāni ca bāhyatarāṇi mlecchācāramiśrakabhojanācāranibandhanāni tatpraṇetṝṇāmupalakṣaṇam //
(manvādismṛtīnāmiva śākyādismṛtīnāmapi prāmāṇyaśaṅkā) śrutismṛtisaṃvādikatipayāhiṃsāsatyadamadānadayādinibandhanadarśanena tanmadhyapatitacaityavandanādīnāmapi yuktaṃ dharmatvamityabhisaṃdhāya pūrvapakṣe hetuṃ darśayati --- kṣatriyatvaprasiddheriti //
smṛtīnāmapi ityapinā traivarṇikatayā saṃbhāvitavedasaṃyogamanvādipraṇītasmṛtīnāṃ vedamūlakatayā prāmāṇyaṃ, evamāsāmapīti dṛṣṭāntoktiḥ sūcitā //
tena tadvadeva mūlānumānasyānupalabdhivirodhaḥ /
pratyakṣaśrutimūlatvapakṣeṇa tāvatparihṛto jñāpitaḥ /
adhunā malinaśākhāmūlatvapakṣe tu virodhaśaṅkaiva nāstītyabhipretya tatpakṣaṃ darśayati --- tanmūleti //
evañca yāvat kiñcit kiyantamapi kālaṃ kaiścidādriyamāṇaṃ prasiddhaṃ gataṃ tatpratyakṣaśākhāvisaṃvāde 'pyutsannaśākhāmūlam /
tenāsmin pakṣe yasmai yadrocate sa tat pramāṇīkuryāditi doṣo nāpadyata iti bhāvaḥ //
(śākyādismṛtyaprāmāṇyavyavasthāpanam) teṣāṃ smaraṇāditi //
"yā vedabāhyāḥ smṛtayo yāśca kāśca kudṛṣṭayaḥ /
sarvāstā niṣphalāḥ pretya tamoniṣṭhā hi tāḥ smṛtā" ityādinā manvādibhiḥ apramāṇatvenaivaiṣāṃ granthānāṃ smaraṇāt ityarthaḥ //
(śākyādismṛtyaprāmāṇyasya sūtrārūḍhatvanirūpaṇam) sūtrārtha iti //
sūtrayorartha ityarthaḥ /
vedavidveṣarūpe virodhe trayībāhyamevañjātīyakaṃ anapekṣyamapramāṇam /
athavā --- śākyasya kṣatriyatvaprasiddhestasyaca pravaktṛtvapratigrahītṛtvaniṣedhāt śākyasya tadanuṣṭhātṛtvāt svadharmavirodhe taduktamanapekṣyamityādyasūtrārthaḥ //
(śākyamanusmṛtyoḥ sāmyaśaṅkānirākaraṇena vaiṣamyanirūpaṇam) nacaivaṃ manorapi kṣatriyatvena pravaktṛtvānupapattiḥ; "yadvai kiñcamanuravadattadbheṣajam" itiśrutyā tasya tadabhyanujñānāt /
śākyādibhiśca svapratipādyārtheṣu bahūnāmasaddhetūnāmevopādānān kasyāpi saddhetoradarśanāccānapekṣyam /
manvādīnāntu hetūpanyāsābhāvāt kvacitsattve 'pi vā "veda eva dvijātīnāṃ niḥśreyasakaraḥ para"; ityādinā prādhānyena vedamūlatvasyaiva dharme 'bhidhānāt hetvadhikaraṇanyāyenārthavādamātratvānna doṣaḥ /
ata eva śākyādīnāṃ hetukatvāt "haitukānbakavṛttīṃśca vāṅmātreṇāpi nārcaye"dityādināsaṃbhāṣyatvamuktamiti dvitīyasūtrārthaḥ /
vedamūlakatvakalpanānupapatteriti padaṃ hetudarśanasyāpyupalakṣaṇaṃ draṣṭavyam //
(pāñcarātrādyaprāmāṇyavarṇanam) yastu sāṃkhyayogapāñcarātrādiṣu śiṣṭatraivarṇikaparigrahaḥ, sa na tanmūlaḥ, kintu nṛsiṃharāmatāpanīyopaniṣacchrutyagastyādisaṃhitāmūla eva /
ata eva śiṣṭatraivarṇikāparigṛhītavāmāgamapratipādakānāṃ teṣāṃ aprāmāṇyam /
yattu tatretarāgamasaṃvādi tacchākyānāmivāhiṃsādi vāmāgamaparigrahabhaktyudbhavābhiprāyameveti tadanuṣṭhānamapi na tanmūlam /
śiṣṭānāmapi tu pūrveṣāṃ tadasadāgamamūlameveti na doṣa iti sarvathāprāmāṇyamiti bahavaḥ //
(śrutyaviruddhāṃśe pāñcarātrādīnāmapi prāmāṇyamitiśrutimūlakatatsiddhāntanirūpaṇam) pūjyapādaistu yatpratyakṣaśrutimūlaṃ dṛśyamānaśiṣṭatraivarṇikaparigṛhītaṃ tadaṃśe prāmāṇyamuktaṃ kaustubhe /
ata eva "sāṃkhyāṃ yogaḥ pāñcarātraṃ vedāḥ pāśupataṃ tathā /
ātmapramāṇānyetāni na hantavyāni hetubhiḥ" iti mahābhāratavacanena prāmāṇyamuktaṃ, tathāpi "yo yadaṃśena mārgāṇāṃ vedena na virudhyate /
soṃ'śaḥ pramāṇamityuktaṃ keṣāñcidadhikāriṇāmi"ti muktikhaṇḍagatacaturthādhyāyavacanenādhikāriviśeṣaparatayā upasaṃhṛtamiti darśitaṃ mādhavena /
yathācaivaṃ satyaviruddhānāṃ śākyādipramāṇānāṃ prāmāṇyaṃ tadagre nirasiṣyate //
(smṛtyadhikaraṇagatasya prāmāṇyavarṇanasyādhikāriviśeṣaparatayā yojanam) yattu smṛtyadhikaraṇe sāṃkhyādīnāṃ bāhyagranthānāṃ copayogapratipādanaṃ, tat dharmamokṣasādhanajñānopayogivairāgyādipratipādakayuktikathanaparatayā na dharmādyupadeśaparatayeti na virodhaḥ /
evaṃsati yadyapi tāpanīyādipratyakṣaśrutimūlasya vāmāgamasya pratyakṣaśrutiviruddhasya vā prāmāṇyaṃ durnivāram; tathāpi "pāñcarātraṃ bhāgavataṃ tantraṃ vaikhānasābhidham /
vedabhraṣṭāntsamuddiśya kamalāpatiruktavān" /
tathā "atyantaskhalitānāṃ hi dvijānāṃ vedamārgataḥ /
pāñcarātrādayo mārgāḥ kālenaivopakārakāḥ" /
tathā "śāpādvā gautamādīnāṃ pāpādvā mahato narāḥ /
ye gatā vedabāhyatvaṃ ye ca saṃkīrṇayonijāḥ /
te 'dhikriyante tantrādaustrīśūdrāśca yathāyatham" ityādipurāṇavacanebhyaḥ adhikāriviśeṣaparatayeṣṭameva tatprāmāṇyaṃ, natu vaidikādhikāriviṣayam /
ataeva --- teṣu na śiṣṭatraivarṇikaparigraha ityalaṃ vistareṇa //
iti dvitīyaṃ virodhādhikaraṇam //
- - - - - <B1> (3 adhikaraṇam / )

śiṣṭākope 'viruddham iti cet / Jaim_1,3.5 /

na śāstraparimāṇatvāt //
smārtānāmācamanādīnāṃ śrautaiḥ kramakālaparimāṇādibhirvirodhe śrautatvātkramādīnāmeva prābalyāt tadviṣayasmṛtīnāmaprāmāṇyam /
na hi "kṣute ācāmedi"ti vihitasya smārtasyācamanasya vedavedikaraṇamadhye 'nuṣṭhāne "vedaṅkṛtvā vediṃ karotī"ti śrutibodhitaḥ kramo 'nuṣṭhātuṃ śakyate /
<B2> (virodhādhikaraṇena dvedhā saṃgatinirūpaṇam) evaṃ pūrvādhikaraṇe bhāṣyakāramate śrutiviruddhānāṃ puruṣārthakratvarthasmṛtīnāṃ svarūpeṇaivāprāmāṇye sādhite vārtikakāramate ca ananuṣṭhānalakṣaṇāprāmāṇye sādhite saṃprati pratyakṣaśrutivirodha eva kvāsti kva nāstītyevaṃ balābalādhikaraṇottaramahīnādhikaraṇaprabhṛtiṣviva vicārakaraṇena koṣṭhaśodhanikārūpeṇāsya saṃgatiṃ athavā śrutivirodhe satyapi smṛtiprameyasya padārthatvāt prābalyena prāmāṇyamityapavādakaraṇādāpavādikīṃ saṅgatiṃ vā spaṣṭatvāt tathā sūtradarśitāmapi siddhāntopakramatāṃ prayojanābhāvāccopekṣya viṣayaṃ pradarśayan pūrvapakṣamevāha --- smārtānāmapi //
"ācāntena yajñopavītinā kartavyaṃ" "dakṣiṇācāreṇa kartavyaṃ" ityādismṛtivihitānāmityarthaḥ /
antimasmṛtau dakṣiṇena hastena ācaraṇena kartavyamityarthāt "lohitoṣṇīṣā" ityatreva aprāptadakṣiṇahastavidhānaṃ jñeyam //
(śākhāntarādhikaraṇagatārthatāśaṅkānirāsaḥ smṛtipadenetinirūpaṇam) śākhāntarādhikaraṇasamāptau "api vā kramasaṃyogāt vidhipṛthaktvamekasyāṃ vyavatiṣṭhete"ti sūtreṇa kramakālaparimāṇavirodhāt śākhāntarīyapadārthānupasaṃhāramāśaṅkya "virodhināṃ tvasaṃyogādaikakarmye tatsaṃyogādvidhīnāṃ sarvakarmapratyayaḥ syāt" iti sūtreṇa padārthānāṃ kramādibādhakatvaṃ vakṣyete iti na tena gatārthatā, tatrobhayoḥ śrautatvena anyatarasamavāyābhāvāt yuktaṃ padārthānāṃ bādhakatvam, iha tu prāmāṇyadaurbalyādastu bādhyatvamiti śaṅkotthānasūcanena parihartuṃ ---- smṛtīnāmityuktam /
ācāraprāpitānāmityasyopalakṣaṇam /
tatratyasyaiva prameyabalasya pramāṇabalābalabādhāyopanyāsāt nānenāpi tasya gatārthatvamiti bhāvaḥ //
(ācamanādibhiḥ kramasya virodhasamarthanam) virodhe iti //
yadyapi bhojanādinimittakasyācamanasya puruṣārthatvāt sarvaprayogādau kriyamāṇasyāpi tasya madhye prasakteravirodhaḥ; tathāpi dvayoḥ padārthayoḥ madhye kṣutādinimittācamanasya kratvarthasya prasakterbhavatyeva saḥ /
ataeva vitataikapadārthakaraṇamadhyaprasaktasya kṣutādinimittasya prāptau yadyapi nācamanavidhānaṃ, kintu "kṣute niṣṭhīvane caiva paridhāne 'śrupātane /
na tu karmastha ācāmeddakṣiṇaṃ śravaṇaṃ spṛśet" itismṛtivihitadakṣiṇakarṇasparśe 'styeva virodha iti tasyāpayudāharaṇatvam /
evaṃ yajñopavītasyāpi "sadopavītinā bhāvyam" iti smṛtau sadāśabdasaṃyogāt puruṣārthatvenaiva vidhāne 'pi "anupavītaśca yatkaroti na tatkṛtam" ityuttarārdhena kartavyakarmamātrāṅgatvena vidhānātsvarūpeṇa tasya virodhābhāve 'pi strastasya punassamīkaraṇe naṣṭasya punardhāraṇe vāstyeva saḥ /
evaṃ śikhābandhane 'pi ityudāharaṇatvam /
evaṃ dakṣiṇavākye 'pi bhojanādau puruṣārthatvena vihitasya dakṣihastācaraṇasya virodhābhāve 'pi kratvarthasya tasyāstyeva virodhaḥ /
hastadvayenānuṣṭhāne 'vilambāparaparyāyaprayogaprāśubhāvasyaikena hastenānuṣṭhāne bādhāpatteḥ /
ato yuktaṃ sarveṣāṃ udāharaṇatvaṃ virodhaprasaktyeti bhāvaḥ //
<B1> smārtapadārthānāñca bahutvāt pūrvāhṇādiḥ kālaḥ prayogavidhyavagatañca parimāṇaṃ na śakyate 'nugrahītum /
naca śrautatve 'pi kramādeḥ padārthadharmatvāt padārthabhūtebhyaḥ ācamanādibhyo daurbalyam /
pramāṇapūrvakatvāt prameyāvagamasya prathamāvagatapramāṇabalābalāpekṣayā prameyabalābalasya daurbalyāditi prāpte ----- <B2> (vedakaraṇavedikaraṇapadayorarthaḥ) pūrvapakṣasādhakaṃ śrutivirodhaṃ darśayituṃ śrautaiḥ ityuktam /
tameva virodhaṃ darśayati -----nahīti //
vedaṃ kṛtveti //
vedo nāma sammārjanasādhanadarbhamuṣṭiḥ /
tasya karaṇaṃ nāma bandhanāgraparivāsanādisaṃskāraḥ /
vedirnāma gārhapatyāhavanīyayormadhye caturaṅgulakhātā bhūmiḥ /
tatkaraṇaṃ nāma vedena sammārjanamuddhananādisaṃskāraśceti vedavedikaraṇaśabdayorarthaḥ //
(ācamanādīnāṃ prayogavidhyasaṃgraheṇa gauṇakramavirodhasamarthanam) śrutibodhita iti //
etacca śrutyarthapāṭhasthānamukhyapravṛttyākhyapāñcamikaṣaṭpramāṇagamyakramamātrasyopalakṣaṇam; arthādikramasyāpi prayogavidhividheyatvāt /
pratyakṣaśrutapradhānavidhereva aṅgavidhyekavākyatāmātrakalpanayā prayogavidhivyapadeśyatvāt pratyakṣaśrutivihitatvāvirodhaḥ /
evañca smārtānāṃ kṣutādinimittakācamanādīnāṃ bhedena homavat vaidikaissaha kramaniyame mānābhāvāt vaidikānāmevāṅgānāṃ kramāvadhāraṇāt prayogavidhinā ca niyatakramakāṇāmeva padārthānāṃ vidhānāt tadbahirbhūtācamanādīnāṃ naiva prayogavidhisaṃbhava ityarthaḥ //
(madhye ācamanānuṣṭhāne pūrvāhṇaprayogaprāśubhāvādibādhāpattinirūpaṇam) pūrvāhṇādiriti //
ādipadenāgnihokrāṅgasāyaṃprātaḥ kālayorapi saṃgrahaḥ /
yathaiva "pūrvāhṇo vai devānāmi"ti śrutyā pūrvāhṇakālo vihitaḥ, tathaiva prayogavidhinā aṅgaprayogaviśiṣṭabhāvanāvidhānena yugapadanuṣṭhānākṣepādatyantayaugapadyāśakteścāṅga- pradhānānāmaṅgānāṃ ca parasparaṃ pratyāsattilakṣaṇaḥ prayogaprāśubhāvalakṣaṇaśca kālo bodhyate /
tayorapi madhye smārtapadārthānuṣṭhāne bādhaḥ syādevetyarthaḥ //
(parimāṇasyāpi prayogavidhyavagamanirūpaṇam) prayogavidhyavagataṃ ceti //
kiṃ kaścit padārtho vismṛtaḥ? kṛtaṃ vā sarvamiti sandehena vaiguṇyāśaṅkodaye "yadeva śraddhayā karoti tadeva vīryavattaraṃ bhavatī"ti vacanāvagatātiśayaphalajanakaphalāvaśyaṃbhāvaniścayātmakaśraddhāvi rahāt phalānutpatterdaivāt sakalavaidikapadārthānuṣṭhāne kṛte 'pi saṃpūrṇaphalaprāptaye kṛtākṛtasandehasyāvaśyāpaneyatvāt tasya cānuṣṭheyapadārthasaṃkhyāsaṃpattiparyālocanaṃ vinaiva nirākartumaśakyatvāt prayogavacanena śrutyādiviniyojyānāṃ pracayasiddheyattāvadavadhāraṇasyārthādākṣepamabhipretyāvagataṃ cetyuktam /
tataśca prathamāvadhṛtasya parimāṇasya prathamāparikalpitapaścādāgatasmārtapadārthānuṣṭhānena bhraṃśāt punaḥtatkṛtākṛtānirūpaṇādanivṛttavaiguṇyāśaṅkasya samyakkṛtatvādinimittasaṃskārapāṭavābhāvāt apūrvadaurbalyena nyūnaphalalābhaprasaṃga ityarthaḥ /
taduktaṃ vārtike --- "taccātiśayavatsarvaṃ sārthavādādvidhergatam /
nyūnatvākṣamayāvaśyaṃ viruddhāṃ bādhate smṛtimi"ti //
(aṅgaguṇavirodhecetinyāyavirodhasya pūrvapakṣe prasaktasya pariharaṇam) yattu --- siddhānte "aṅgaguṇavirodheca tādarthyādi"ti dvādaśikanyāyenāṅgabhūtānāṃ iṣṭyādīnāṃ pradhānabhūtasomakālānurodhena "ya iṣṭye"ti vākyabodhitaparvakālabādhavadihāpi padārthatvena pradhānabhūtācamanādyanurodhena tadaṅgakramādereva virodhe satyapi yukto bādhaityucyate, tadanūdya dūṣayati --- naceti //
prathamāvagateti //
tena prathamāvagatena pramāṇabalābalenācamanādibhyaḥ kramādīnāṃ balīyastve nirṇīte nirākāṅkṣatvānna paścādavagataṃ prameyabalābalamādartavyamityarthaḥ //
(ācamanādibhiḥ smārtaiḥ kramakālāderavirodhena siddhāntaḥ, tasya sūtrārūḍhatvañca) atraca "api vā kāraṇāgrahaṇe prayuktāni pratīyeran" iti siddhāntasūtraṃ vārtikakṛtā virodhe satyapi prameyagatabalābalenācamanādīnāṃ prāmāṇyaparatayā yathāpaṭhitāvadhinaikadāvatāryapunarapyavirodhapradarśanaṃ sūtrārūḍhaṃ kartuṃ "teṣvadarśanād virodhasye"tyaṃśasyānuṣaṅgaṃ kṛtvā virodhapradarśanaparatayā anuṣaktadvitīyāvadhināvatāritam /
tatra virodhe satyapi prameyabalābalasya prābalyahetostuṣyatu durjana iti nyāyenopapādanīyatayā mukhyatvādvirodhābhāvasyaiva mukhyahetutayā tatpradarśanaparatvena sūtrārthaṃ prathamato 'nusaṃdhāya siddhāntamāha --- padārtheti //
kratvapūrvasyānirjñātāṅgaparimāṇatayā śrautāṅgamātreṇa nairākāṅkṣyābhāvādyathā virodhābhāve balābalamanādṛtya śrutyādisamākhyāparyantaissahānārabhyavādena prāpitānyaṅgāni samuccitya gṛhyante, evaṃ smṛtyācāraprāptānyapi; sarveṣāṃkaraṇopakārasādhanānāṃ anvayottaramanuṣṭhānāya prayogavidheranuṣṭhānātmanaḥ pravṛtteḥ /
tena ca bodhitaprayogavelāyāmeva padārthānāmapekṣitaṃ kramakālādi prayogāvacchedakatayā anvīyamānaṃ yāvatpramāṇaprāpitapadārthaprayogavirodhenaivāvacchedakatayā kalpyate; kālādīnāṃ prayogavidhyanvayitvasyaikādaśe vakṣyamāṇatvenāṅgapradhānasādhāraṇyāt /
naca smārtānāṃ vaidikaissaha krame niyāmakābhāvaḥ; bhedanahomavannimittasannipātādevopasthityā sthānādeva tanniyamopapatteḥ /
śrutikrameṇa prabalenāpi padārthabādhāpattyā balavatpadārthāśritasya sthānasya bādhāyogāt //
<B1> padārthaprāptyapekṣatvāt kramāderuttarakālikasya yāvatpramāṇagamyapadārthāvirodhenaiva kalpanīyatvānna tāvatpadārthavirodhitvam /
parimāṇantu na kasyacicchāstrasyārtha iti na tasya śrautatvam /
virodhe 'pi ācamanādīnāṃ padārthatvāt prābalyameva /
pramāṇānāṃ hi na svarūpato virodho 'pi tu prameyavirodhanibandhanaḥ /
tadyadaiva prameyavirodha ālocyate tadaiva tadgatena balābalena nirṇīte śāstrārthe na pramāṇabalābalasya niyāmakatvamiti pramāṇameva tatsmṛtiḥ /
yadvā --- yacchākyādigrantheṣu vedāviruddhaṃ dānādivacanaṃ tasya bhavatu pramāṇatetyāśaṅkya, "svādhyāyo 'dhyetavyaḥ", "vedo 'khilodharmamūlaṃ tadvidāñca smṛtiśīle" /
"purāṇanyāyamīmāṃsādharmaśāstrāṅgamiśritāḥ /
vedāḥ sthānāni vidyānāṃ dharmasya ca caturdaśa" /
ityādivacanairniyatapramāṇapratipādyānāmeva dharmatvapramiteranyataḥ pramitasya phalasādhanatvābhāvāt teṣāmaprāmāṇyamiti // 3 //
iti tṛtīyaṃ śiṣṭākopādhikaraṇam /
<B2> (smārtānāṃ keṣāñcana padārthānāmante 'nuṣṭhānam) atraivamavadheyam ---- yatra sthalaviśeṣapuraskāreṇaiva smārtapadārthavidhiḥ tatra sthalāmnānādeva tasya kramaḥ, parantu śrutivihitakramavirodhe tasya bādhenānte padārthānuṣṭhānam /
yatratu smṛtau padārthamātrasyaiva kratvaṅgatayā vidhānaṃ na sthalaviśeṣasya, tatrāgantūnāmante niveśātsyādevānte 'nuṣṭhānam iti --- dhyeyam /
ihatu "ācāntena kartavyami"ti smṛtisahakṛtasthānādeva teṣāṃ krama iti na bādhakam /
parimāṇasya tu sākṣāt śāstreṇa vidhyabhāvāt pūrvoktarītyā kathañcittadākṣepe 'pi kramakālavat prayogavelāyāmevākāṅkṣaṇāt prayujyamānapadārthāṅgatayaiva tatpravṛttyuttarakālamākasmikabhedanahomaprāyaścittādi- samavāyāvadhāraṇeneva smārtācamanādipadārthāvadhāraṇenāpi kalpanīyasya sarvapadārthāvacchedakatayaiva prayogavacanopasaṃgrahānna virodha ityarthaḥ //
(ācamanakramayorvirodhāṅgīkāreṇāpi ācamanarūpaprabalapadārthāśritatvāt ācamanasmṛtiprāmāṇyanirūpaṇam) adhunā tuṣyatu durjana iti nyāyena virodhamaṅgīkṛtyāpi prāmāṇyaṃ sādhayati --- virodhe 'picet //
tadevopapādayati --- pramāṇānāṃhīti // .//
pramāṇayoraśvamahiṣavatsvarūpeṇa virodhābhāvena viruddhaprameyapramāpakatvenaiva tasya pratīteḥ prathamaṃ pramāṇasvarūpālocane 'pi prameyasvarūpālocanaṃ vinā tadapratīteḥ tatsvarūpālocanottaraṃ virodhapratisandhāne tadgatena dharmidharmarūpaprameyabalābalenāsaṃjātavirodhinā'camanāderbalīyastvaniścaye sati na kramādyanugrahaḥ saṃbhavati /
yadyapi vā prameyavirodhānusandhānottarakṣaṇe tadgatabalābalopasthitikāle viruddhaprameyapratipādakatvena pramāṇayorapi virodhopasthitiḥ syāt; tathāpi tatra prameyabalābalopasthityuttarakṣaṇe 'saṃjātavirodhitvānnirṇaye sati tannirṇayavelāyāṃ na pramāṇagatabalābalopasthitiriti itarasya nirṇayapadavīmanāgatasya śrutiliṅgādivadevottarabhāvino daurbalyam //
naca śruteratyantabādhaḥ; ācamananimittopanipātābhāve sārthakyāt /
ācamanādeḥ śrutyarthatvenottarapadārthāṅgatvenāṅgībhūtavedikaraṇavyavadhāyakatvāyogācca tadanāpatteriti bhāvaḥ /
taduktam vārtike --- "śaucayajñopavītāderna svatantrapadārthatā /
sarvaṃ hyaṅgapradhānārthaṃ tena na vyavadhāyakam" --- iti //
ata ācamanāderdurbalatvāt śrutyā bādhābhāvāt prāmāṇyamupasaṃharati--- iti pramāṇameveti //
(vārtikakṛtā bhāṣyakārīyādhikaraṇāntaraparatvasyakhaṇḍanaṃ vārtikamatātiriktanyāyasudhākāramatasūcanañca) atra vārtikakṛtā pūrvoktarītyā virodhasya sphuṭatvāt pūrvapakṣāyogāt ata eva abhyupetya virodhaṃ pramāṇabalapūrvapakṣasyāpyayogāt yajñopavītasya "upavyayate devalakṣmameva tatkurute" iti darśapūrṇamāsaprakaraṇagatavākyena prakṛtāvatideśato vikṛtāvapi śrutyaiva vidhānādasya vāsovinyāsaparatve 'pi "yajñopavītyevādhīyīta" iti kāṭhakavākyena brahmasūtrasyāpi śrutyaiva vidhānāt anyābhiśca śrutibhiḥ ācamanadakṣiṇahastādīnāmapi pratyakṣata eva vidhānāt smārtatvānupapatterudāharaṇatvāyogācca bhāṣyakārīyādhikaraṇāntararacanāṃ pradūṣya adhikaraṇāntaratvavyākhyānasyāyogāt virodhādhikaraṇasādhitaśākyādigranthāprāmāṇyākṣepasamādhānaparatayā taccheṣatvenādyaṃ sūtradvayam tṛtīyantu smṛtyadhikaraṇasādhitācāraprāmāṇyākṣepasamādhānaparatayā taccheṣatayaiva vyākhyeyam ityuktam, tadanusaṃdhāya varṇakāntaramāha --- yadveti //
yathācātra yajñopavītādīnāṃ śrautatvaṃ vārtikakāroktaṃ abhyuccayayuktimātraṃ tathā nyāyasudhāyāṃ kaustubhe ca draṣṭavyam /
vistarabhayāttu neha prapañcyate //
(śākyādinibaddhadānādiprāmāṇyam) dānādīti //
vihārāsanavairāgyadhyānasatyadamadānadayāhiṃsādīnāṃ ādipadena saṃgrahaḥ //
(niṣedhādivākyānāmapi dharmaparyavasānopapādanam) vedo 'khila iti //
yadyapi akhilasya vedasya na dharmamūlatvasaṃbhavaḥ; śyenādivākyānāṃ niṣedhavākyānāṃ ca tanmūlatvāyogāt, tathāpi dharmamabodhayatāmapi tadvākyānāṃ pārāyaṇabrahmayajñādinirvartanadvārā dharmaṃ prati kārakatvāt prāyaścittavidhyapekṣitanimittasamarpakatveana vidvadvākyavatparaṃparayā dharmapramopayogasaṃbhavācca na doṣaḥ /
smṛtiśīle iti //
śīlaṃ ācāraḥ /
ityādivacanairiti //
ādipadena "āyurvedo dhanurvedo gāndharvaṃ ceti tat trayam /
arthaśāstraṃ caturthaṃ tu vidyā hyaṣṭādaśaiva tu /
" ityasya saṃgrahaḥ //
(śākyādinibaddhadānādyaprāmāṇyam) aprāmāṇyamiti //
ataścāhiṃsādyarthasya śiṣṭaparigrahe 'pi tasya vedamūlakatvenāpyupapatteḥ tadviṣayaśākyādivacanānāṃ śiṣṭaiḥ prāmāṇyānabhyanujñānāt śiṣṭāparigrahāt na tato jñātaṃ sadanuṣṭhitaṃ śreyassādhanaṃ bhavatīti na tadviṣayatadvacasāṃ prāmāṇyamityarthaḥ /
taduktaṃ vārtike --- tathāca prāyaścittādidānakāle yo vākyamātmīyaṃ anyakavikṛtaṃ vā ślokaṃ sūtraṃ voccārya manvādisaṃvādiprāyaścittaṃ "dadyānna tat kaścidapi dharmārthaṃ pratipadyate /
vedenaivābhyanujñātā yeṣāmeva pravaktṛtā /
nityānāmabhidheyānāṃ manvantarayugādiṣu /
teṣāṃ viparivarteṣu kurvatāṃ dharmasaṃhitāḥ /
vacanāni pramāṇāni nānyeṣāmiti niścayaḥ" /
iti //
tathā --- "smaryante ca purāṇeṣu dharmaviplutihetuṣu /
kalau śākyādayasteṣāṃ ko vākyaṃ śrotumarhati" /
atassanmūlamapyahiṃsādivacanaṃ śvadṛtiprakṣiptakṣīravadanupabhogyaṃ avistrambhaṇīyaṃ ceti //
iti tṛtīyaṃ śiṣṭākopādhikaraṇam //
<B1> (4 adhikaraṇam / ) api vā kāraṇāgrahaṇeprayuktānipratīyeran //
anibaddhānāṃ vasantotsavādyācārāṇāṃ prāmāṇyaṃ na veti sandehe eteṣāṃ vedamūlatve aṣṭakādivanmanvādibhirnibandhanāpatteḥ sāmānyatastadvidāñcasmṛtiśīle ityādinā nibandhane 'pi ca viśeṣato 'nibandhanena teṣāṃ śrutidarśanābhāvaniścayādaprāmāṇyamiti prāpte --- dharmabuddhyā vaidikairanuṣṭhīyamānatvāt smṛtivadeva vaidikatvam /
viśeṣato 'nibandhanaṃ tu gauravabhiyā na doṣaḥ /
vyatikramasāhasadarśanaṃ tu dharmabuddhyānanuṣṭhīyamānatvāt na vaidikam /
nacaitāvatā sarvasyāpyavaidikatvam /
ata ācārāṇāmapi dharmādharmayoḥ prāmāṇyam // 4 // iti caturthaṃ ācāraprāmāṇyādhikaraṇam /
<B2> (varṇakāntarāvataraṇam) athavā --- atrotsūtramathavā

na śāstraparimāṇatvāt / Jaim_1,3.6 /

itipūrvatanasiddhāntasūtrasyehapūrvapakṣatvamabhi pretya sautraṃ pūrvapakṣaṃ viṣayapradarśanapūrvakamāha --- anibaddhānāmiti //
(ācārātmatuṣṭyoraprāmāṇyapūrvapakṣaḥ) nibaddhācāraviṣayavacanānāṃ smṛtitvenaiva prāmāṇyāt tasya ca vakṣyamāṇākṣepahetorasaṃbhavāt anudāharaṇatvaṃ sūcayituṃ anibaddhānāmityuktam /
vasantotsavādītyādipadena tattaddeśabhinnācāramātrasya tathā 'bhojanavyatirekeṇa jalaṃ na pāsye' ityādi śrutismṛtyaviruddhasaṃkalpaviṣayāyāḥ śiṣṭātmatuṣṭeśca saṃgrahaḥ /
ityādineti //
ādipadena "śrutiḥ smṛtiḥ sadācāraḥ svasyayat priyamātmanaḥ /
samyak saṃkalpajaḥ kāmo dharmamūlamidaṃ smṛtam" /
"yasmin deśe ya ācāraḥ" "ācāraścaiva sādhūnām" ityādīnāṃ saṃgrahaḥ /
niścayāditi //
etacca kriyārūpāṇāmācārāṇāṃ aśabdarūpatvāt puruṣahitabodhakatvānupapatterapyupalakṣaṇam /
evaṃ smṛtyadhikaraṇasādhitaprāmāṇyākṣepamupasaṃharati --- aprāmāṇyamiti //
(dharmabuddhyānuṣṭhānanibandhānācāraprāmāṇyasiddhāntaḥ) dharmabuddhyeti //
etadvyāvṛrtyaṃ svayameva sphuṭīkariṣyate /
dharmabuddhyā śākyādibhiḥ anuṣṭhīyamānācāraprāmāṇyavyāvṛttaye --- vaidikairityuktam /
sākṣāt paraṃparayā vā vedavihitakāritvalakṣaṇaśiṣṭatvaguṇairityarthaḥ /
smṛtivadeveti //
(śrutismṛtiviruddhācārāprāmāṇyanirūpaṇam) śiṣṭatraivarṇikaparigraho nāsati vedamūlatve 'vakalpate iti lobhādikāraṇābhāve smṛtivadeva vedamūlatvamityarthaḥ /
ata eva śrutismṛtiviruddhācaraṇeṣu satyapi dharmatvasmaraṇe mātulakanyāpariṇayādau śrutivirodhādeva virodhādhikaraṇanyāyena śrutimūlatvākalpanam /
smṛtivirodhe tu vakṣyate /
ataśca śrutismṛtyaviruddhānāṃ lobhādidṛṣṭamūlatayāsaṃbhāvitānāṃ sadācārāṇāṃ vedamūlatvam /
ata eva smṛtau "śrutismṛtyaviruddho yassa sadācāra ucyate" ityuktam ityarthaḥ //
(dharmavyatikramādinā'cārāprāmāṇyaśaṅkā) atraca sakalasadācāramūlabhūtāyā ekasyā eva śrutermūlatvakalpanaṃ athavā bhinnānāmityatra nirṇayaḥ kaustubhe draṣṭavyaḥ /
evañca aśabdarūpāṇāṃ ācārāṇāṃ ātmatuṣṭeśca mūlabhūtaśabdānumāpakatvena prāmāṇyaprayojakatve smṛtyadhikaraṇena siddhe 'pi keṣāñcit śiṣṭairindravasiṣṭhādibhirdharmavyatikramādanuṣṭhīyamānānāṃ ahalyāgamanarūpabrahmahatyopakramarūpasāhasādīnāmapi prāmāṇyāpattiḥ /
tathātmatuṣṭerapi "kasyacijjāyate tuṣṭiraśubhe 'pīha karmaṇi /
śākyasya vā kuhetūktirvedabrāhmaṇadūṣaṇe /
paśuhiṃsādisaṃbaddhayajñe tuṣyanti hi dvijāḥ /
tebhya eva tu yajñebhyaḥ śākyāḥ krudhyanti pīḍitāḥ /
śūdrānnabhojanenāpi tuṣyantyanye dvijātayaḥ /
svamātulasutāṃ prāpya dākṣiṇātyaśca tuṣyati /
anyetu savyalīkena cetasā tanna kurvate /
" ityādivārtikoktarītyānavasthitatvāt vedamūlakatvāsaṃbhavāt prāmāṇyānāpattirityāśaṅkāṃ nirākartumāha --- vyatikrameti //
(dharmabuddhyānuṣṭhānābhāvena vyatikramādyaprāmāṇye 'pi itareṣāṃ sadācārāṇāṃ prāmāṇyameveti nirūpaṇam) indravasiṣṭhādīnāṃ pūrvoktācaraṇasya "śrutisāmānyamātrādvā na doṣo 'tra bhaviṣyati /
manuṣyapratiṣedhādvā tejobalavaśena ca /
yathāvā nāviruddhatvaṃ tathā tadgamayiṣyate" /
iti vārtikoktaprakāreṇa kaustubhādyupapāditena virodhaparihārasaṃbhavāt naiva viruddhatvam /
dharmabuddhyā anuṣṭhīyamānatvābhāvācca na sadācāratvamapi /
atasteṣāṃ lobhakāmādirūpadṛṣṭamūlatvānnaiva prāmāṇyam /
evamātmatuṣṭerapi yatra tanmūlatvasaṃbhavaḥ, tadviṣaye aprāmāṇye 'pi śrutismṛtyaviruddhātmatuṣṭeḥ saṃbhavatyeva tat /
ataeva ātmatuṣṭerdharmajanakatvasandehe nirṇāyikāyāḥ "yadeva kiñcanānūcānobhyūhatyārṣaṃ tadbhavatī"ti vedenaiva prāmāṇyābhyanujñānāt dharmatvajñāpakatvasya smṛtāvapyukteḥ dharme jñāte jñāpakatayāpi prāmāṇyamavyāhatamevetyarthaḥ /
etena --- nityānumeyatvasya pūrvameva nirākaraṇāt pratyakṣaśrutyanubhavasya svasmin pratyakṣabādhitatvāt śrutyanumāpakatvāsaṃbhavāt aprāmāṇyam iti --- nirastam; "yadeve"tiśrutereva pratyakṣapaṭhitāyā icchāviṣayasya dharmatvabodhikāyāḥ svasyānubhavasaṃbhavena tanmūlakatvopapatteḥ /
atra matāntaranirāsaḥ kaustubhe draṣṭavyaḥ //
iti caturthaṃ ācāraprāmāṇyādhikaraṇam //
- - - - - <B1> (5 adhikaraṇam / )

teṣv adarśanād virodhasya samā vipratipattiḥ syāt / Jaim_1,3.8 /

teṣvadarśanāt //
atra śabdaprayogarūpasyācārasya yatrāryamlecchayoḥ parasparamarthavipratipattiḥ, yathā pīluśabdasya vṛkṣaviśeṣe āryāṇāṃ hastinyanyeṣāṃ, tatra tayostulyabalatvam; vyavahāre āryāṇāmiva mlecchānāmapyabhiyuktatvāviśeṣāt, avadhyasmaraṇasyobhayatrāpi samānatvācceti prāpte ---- śakyatāvacchedakabhedenānekaśaktikalpanāprasaṅgāt ekatraiva śaktirnobhayatra /
naca vinigamanāvirahaḥ; āryaprasiddhereva niyāmakatvāt /
āryā hi śabdaikasamadhigamyadharmādharmayoraviplutilipsayā śabdārthatattvaṃ vivicya paripālayanti, na mlecchāḥ; dṛṣṭārthavyavahārasya yathākathañcidapi siddheḥ /
atastatprasiddhyā vṛkṣaviśeṣa eva śaktiḥ /
gajapratītistu lakṣaṇayā śaktibhramādvā /
yatra tu niyāmakābhāvastatrāgatyākṣādiśabdeṣu ubhayatrāpi śaktiḥ; āryāṇāmevobhayatra prayogāt /
tatrāpi kvacidvākyaśeṣasya niyāmakatā --- yathā "yatrānyā oṣadhayo mlāyante athaite modamānā ivottiṣṭhantī"tyanena yavaśabdasya dīrghaśūka eva śaktiḥ /
priyaṅguṣu tulakṣaṇādiriti // 5 // iti pañcamādhikaraṇe āryaprasiddhiniyāmakatāparaṃ prathamavarṇakam /
<B2> (teṣvadarśanāditisūtre bhāṣyakṛdracitādhikaraṇaśarīrasaṃgrahaḥ) atra bhāṣyakāreṇa vyākaraṇādhikaraṇe sādhuśabdaprayoganiyamasmṛteḥ vedamūlatvābhidhānādanādivācakākhyasādhu- śabdaprayogasya dharmabuddhyānuṣṭhīyamānatvāviśeṣāt sādhuśabdaprayogasya sākṣāddharmatayā tadantarvartipadānāṃ padārthapratipattimukhena dharmādharmopayogitayā dharmaprāmāṇyasaṃbhavena dharmapramāṇajijñāsopapatteḥ adhyāyasaṃgatiṃ, śiṣṭākopādhikaraṇe smṛtyadhikaraṇasiddhasmṛtyācāraprāmāṇyasya virodhādhikaraṇenāpāditasya pratiprasavakaraṇenācāraprāmāṇyasyāpi prastutatvādanantarasaṃgatiṃ cābhipretya yatra "yavamayaścaruḥ" "vārāhī upānahau" "vaitase kaṭe prājāpatyān saṃcinoti" ityādau prayuktānāṃ yavavarāhavetasaśabdānāmarthaprayogācāravipratipattiḥ, yathā --- bahubhiḥ yavādiśabdāḥ priyaṅgu-vāyasa-jambuvṛkṣeṣu prayujyante, kaiścittu dīrghaśūka-sūkara-vañjuleṣu, tatra prayogapratyayayorubhayatrāviśeṣāt ubhayatra vācakatvakalpanenārthadvayasyāpi vikalpena grahaṇaṃ iti pūrvapakṣaṃ prāpayyānekatra śaktikalpane gauravādekatra śaktiraparatra gauṇī /
tatrāpi yavapadasya yavamayakarambhapātravidhiśeṣatayā "yatrānyā oṣadhayo mlāyante athaite modamānā ivottiṣṭhantī" tyāmnānāt dīrghaśūka eva śaktiḥ; phālgune 'nyauṣadhimlānatāyāmapi priyaṅgūṇāṃ modābhāvāt, varṣāsu teṣāṃ modasattve 'pi anyauṣadhīnāṃ mlānābhāvāt dīrghaśūkānāṃ phālgune 'nyauṣadhimlānatāyāmeva modasaṃbhavena tadupapatteḥ /
atra ca vākyaśeṣasya sattvepyanyatrāśvavālādau śaktigrāhakatve yavādiśabdasthale tanniścāyakatvamātrameva lāghavāt kalpyate /
śaktigrahastu prayogādeva /
ata eva phālgunādau godhūmādermodamānatve 'pi aprayogādeva vācyatvāprasaktiḥ /
evaṃ "varāhaṃ gāvo 'nudhāvanti" "daeapsujo vetasaḥ" ityarthavādābhyāṃ varāhavetasaśabdayorapi sūkaravañjulayoreva śaktiḥ /
gavāmadyatvabuddhyā khecaravāyasānudhāvanāsaṃbhavena jambūvṛkṣasya sthalādhikaraṇasya apsujanyatvasyāsaṃbhavena tadanupapatteḥ /
ataśca vākyaśeṣānugṛhītāryaprasiddhireva balīyasīti siddhāntitam //
(vārtikakārasaṃmatādhikaraṇaśarīraracanāpūrvakaṃ mūlakṛtā vārtikārīyādhikaraṇaśarīraparigrahe nimittanirūpaṇam) vārtikakṛtā tu yavavarāhavetasaśabdānāṃ priyaṅguvāyasajambūrūpeṣvartheṣu kasminnapi deśe śiṣṭairaprayogāt vipratipattyabhāvena "sārasvataṃ meṣa" mityatra "vāgvai sarasvatī"ti vākyaśeṣeṇa sarasvatīśabdaprakṛtinirṇayasyevehāpi "sandigdheṣu vākyaśeṣādi" tyanenagatārthatvādvākyaśeṣābhāvenābhiyuktaprasiddhestulyabalatvāpatteśca nodāharaṇatvasaṃbhavaḥ /
navaitatsadṛśaṃ vākyaśeṣanirṇeyābhidheyaṃ trivṛdādiśabdarūpaṃ saṃbhavatyudāharaṇam; tatra traiguṇya eva lokaprayogenārthavipratipattyabhāvāt /
ato bhāṣyakārīyāmadhikaraṇaracanāmayuktāṃ matvā pikanemādhikaraṇe vakṣyamāṇamlecchaprayogācāraprāmāṇyālocanena prāsaṅgikīṃ saṃgatiṃ cābhisaṃdhāyāryamlecchavipratipattiviṣayaśabdaprayogarūpācārodāharaṇenāpi āryaprasiddherbalīyastvaṃ siddhāntitam /
tadvadeva bhāṣyakāra kṛtaṃ vicāraṃ svayamapyupekṣya yathāvārtikameva vicāraṃ darśayati --- tatreti //
"pailavaudumbarau daṇḍau vaiśyasye" tigautamasmṛtāvityarthaḥ /
avadhyasmaraṇasyeti //
asmādayaṃ vyavahāraḥ pravṛtta ityevaṃrūpāvadherasmaraṇasyetyarthaḥ //
(āryaprasiddherarthanirṇāyakatvam tayorvirodhe vākyaśeṣasyeti nirūpaṇam) āryāhīti //
āryapadaṃ rasavīryavipākavaicitryajñānasidhyarthaṃ yatamānānāṃ vaidyānāmapyupalakṣaṇam /
yathākathañcidapi siddherityasyāgre paripālayantītyanuṣaṅgaḥ /
lakṣaṇayeti //
pīluvṛkṣādhikaraṇakabandhanasaṃbandhena lakṣaṇayā yatra tu kathañcidapi na śakyasaṃbandhalābhaḥ, tatra śaktibhramādvetyarthaḥ /
niyāmaketi //
yatrāryāṇāmevobhayatra prayogastatra "abhiyuktatarā ye ye bahuśāstrārthadarśinaḥ /
te te yatra prayuñjīran sa sorthastattvato bhavet" itivārtikadarśitarītyā nirṇayaḥ /
ataeva --- asati vākyaśeṣe 'pi nakṣatiḥ /
yatra tvetayorevobhayatra prayogastatra vākyaśeṣasya niyāmakatetyarthaḥ /
yavaśabdasyeti //
(saṃbhavadvipratipattikānāmapyuktādhikaraṇaviṣayatvam) etacca pūrvoktarītyā vārtikamate yavaśabdasyārthaprayogavipratipattyaviṣayatvāt bhāṣyakāradarśitasaṃbhavadvipratipatti- viṣayatvena kathañciduktamapi saṃbhavadvipratipattikodāharaṇāntaropalakṣaṇārthatvena vyākhyeyamiti dhyeyam //
(vipratipattyadhikaraṇaprayojananirūpaṇam) prayojanaṃ pūrvapakṣe gajadantaprakṛtiko vikalpena, siddhāntevṛkṣamaya eva vikalpo na /
tathā pīluśabdasya pūrvapakṣe hastivācakatvenāpaśabdatvābhāvāt āhitāgnerhastyabhiprāyeṇa tacchabdaprayoge sārasvatīṣṭiḥ prāyaścittaṃ na, siddhānte tu bhavatyeveti spaṣṭatvānnoktam //
(vārtikakārīyavarṇakāntaradvayanirūpaṇam) viṣayavyāvṛttyarthaṃ vārtikakṛtā kṛtaṃ varṇakāntaradvayam, tatrādyamāha /
evañceti /
pariṇayādāviti //
ādipadena paitṛṣvastrīyādipariṇayasyānupanītena bhāryayā ca sahabhojanasya paryuṣitabhojanādeśca saṃgrahaḥ /
(smṛtiviruddhācārasya prathamavarṇakaviṣayatvopapādanam) so 'yamācāraḥ āndhradeśe vidyamāno "mātulasya sutāmūḍhvā mātṛgotrāṃ tathaivaca /
samānapravarāṃ caiva tyaktvā cāndrāyaṇaṃ caret" iti śātātapasmṛtyā tathā "paitṛṣvastrīyabhaginīṃ svastrīyāṃ mātureva ca /
mātuśca bhrāturāptasya gatvā cāndrāyaṇaṃ caret" iti manusmṛtyā ca viruddhastatra vicāra ityarthaḥ //
(ācārasmṛtyoḥ samabalatvācāraprābalyayośca nirūpaṇam) dharmatvena śiṣṭatraivarṇikaparigrahasya śrutikalpakatvasyobhayatra tulyatvāt vikalpena prāmāṇyamiti pūrvapakṣamāha --- tatrobhayoriti //
etacca tulyabalatvaṃ "samā vipratipattiḥ syādi"ti sūtrānurodhenoktam //
vastutastu --- pratyakṣaśrutyā viruddhasmṛtermūlaśrutyanumitipratibandhalakṣaṇabādhāsaṃbhave 'pi yathāśrutamūlaniścayādananuṣṭhānarūpaphalāpahāralakṣaṇabādhasyeveha smṛtivirodhe 'nuṣṭhānātmakasyācārasya phalāpahāralakṣaṇasya bādhasyāsaṃbhavāt smṛtervākyātmakatvena pratyakṣaśrutyaviruddhārthapratipādakaśrutikalpanena yathāśrutārthatyāgalakṣaṇabādhasaṃbhave 'pi ihācārāṇāṃ avākyātmakatvena anyathātvasyāpi kalpayitumaśakyatvāt tadasaṃbhavemithyātvalakṣaṇaḥ paraṃ bādho vācyaḥ /
nacāsau saṃbhavati; śiṣṭatraivarṇikaparigrahasya dṛṣṭatvāt /
atasteṣvācāreṣu smṛtyapekṣayā śīghrameva mūlaśrutikalpanayā labdhātmakeṣu balavadvirodhadarśanāt balīyastvāt smṛterevācāreṇa phalāpahāralakṣaṇabādhasaṃbhava iti na vikalpopīti dhyeyam //
(smṛtivirodhe ācārasya śrutyādikalpakatvāyogenāprāmāṇyanirūpaṇam) siddhāntamāha --- evamiti //
smṛtīnāmiti //
ayaṃ bhāvaḥ--- manvādīnāṃ "sākṣātkṛtadharmāṇa ṛṣaya" iti smṛteḥ sakalatattvajñānasaṃpannatvāt tatpraṇītasmṛteḥ vedavirodhe 'pi śrutimūlatvāvirodhe sutarāmācāravirodhe tanmūlatvavirodhāsaṃbhavāt na tāvanmūlaśrutikalpanapratibandhasaṃbhavaḥ, ācārasya tu manvādigatasya asmadādibhiḥ anupalaṃbhādarvācīnānāṃ ca sakaladharmatattvajñānābhāvāt pramādādisaṃbhavena cāviśvasanīyatvāt tadācārasya śrutimūlatvakalpane śrutivirodhavat smṛtivirodhe 'pi bhavatyevānuṣṭhānalakṣaṇaphalāpahārarūpabādhasaṃbhavena pratibandhaḥ /
śiṣṭācāro hi pūrvapūrvācāryagatassannuttarottarān prati svakartavyatāṃ pramāpayan svānuṣṭhānaphalakatayā prāmāṇyaṃ labhate /
saṃbhavati ca tasyottarottarānuṣṭhānalakṣaṇaphalāpahārādbādhaḥ //
(ācārasya śrutikalpane smṛtyapekṣayā viprakarṣanirūpaṇam) kiñca --- ācārasya nityānumeyaśrutimūlakatvanirāsāt pratyakṣānubhūtaśrutimūlatvaṃ kalpanīyam /
naca idānīntanānāmanuṣṭhātṝṇāṃ itastato viprakīrṇaśākhāntaragataśrutidarśanaṃ saṃbhavati /
ator'vācīnācārān dṛṣṭvā na jhaṭityeva śrutiviṣayānubhavakalpanam bādhitatvāt iti manvādibhyaḥ manvādyupadeśenaivādyayāvadarvācīnaparyantametadācārānuṣṭhānakalpanamiti śrutyadhigamakalpanaṃ yāvadanuṣṭhānamiti manvāderanuṣṭhānadarśanena vā adyatadanuṣṭhānadarśanakalpanaṃ vā manvādibhistu paraṃ etadācāramūlaśrutirdṛṣṭeti kalpyate; teṣāṃ sakalavedārthatattvadarśanavattvāt, ato manvādibhirevaitadācāramūlaṃ śrutimupalakṣya smṛtvā tadānīntanebhya upadiśya tadānīntanaireva vā manvādyācāraṃ dṛṣṭvā anuṣṭhitaṃ ityevaṃ paramparayādyayāvadarvācīnācāraparyantaṃ ācārānuṣṭhānamityevaṃ pūrvapūrvācārakalpanayā smṛtiṃ prakalpya paścāt śrutikalpanamiti dvyantaritaprāmāṇyādviprakarṣaḥ /
manvādinibaddhasmṛtīnāṃ tu manvādiṣveva śrutyupalaṃbhapūrvakaṃ tadarthasmṛtikalpanena nibandhanopapatterarthakalpanadvārā jhaṭityeva śrutikalpanāt sannikarṣa iti liṅgavākyādivadevārthaviprakarṣādapyācārasya daurbalyam //
<B1> evaṃ vā ---yatra mātulakanyāpariṇayādau smṛtyācārayorvirodhastatrobhayorapi śrutikalpakatvāttulyabalatva- miti prāpte --- smṛtīnāṃ sapratyayapraṇītatvāt smṛtiṣu kartavyatāvācividhipratyayaśravaṇācca balīyastvam /
ācāreṣu tu ācaritṝṇāṃ janānāṃ manvādyapekṣayātathā pratyayitataratvābhāvāditastatoviprakīrṇaparaprakaraṇādigata- śrutyavagamasyāśakyatvāt kartavyatāvācividhipratyayasyāvaśyakalpanīyatvācca daurbalyam /
ataevedānīntanācāra- darśanena śrutidraṣṭuḥ smṛtiṃ tadupadeśaṃ vā kalpayitvā śrutikalpanam, smṛtīnāntu sākṣādevetiviśeṣaḥ /
ataḥ smṛtivirodhe ācārasya yāvatsmṛtidarśanaṃ ananuṣṭhānam // 6 // iti pañcamādhikaraṇe smṛtiviruddhācārā- prāmāṇyaparaṃ dvitīyavarṇakam /
(paraprakaraṇapaṭhiteṣu vākyeṣvidānīntanānāṃ yatkiñcidācārādimūlatvādhyavasānābhāvanirūpaṇam) yadyapi katipayācāramūlabhūtaśrutīnāmarvācīnānāṃ darśanaṃ bhavati, yathā "nayanaṃ dakṣiṇaṃ dīkṣitaḥ pūrvamaṅkte savyaṃ hi manuṣyā āñjate" iti śrutermanuṣyakartṛkaprāksavyākṣyañjanācāramūlabhūtāyāḥ, evamanyā api śrutaya udāhartavyāḥ; tathāpi paraprakaraṇapaṭhitatvavidhyantaśeṣatvādinedānīntanaistāsāmācāramūlatvānadhyavasānādācāra- paraṃparayā manvādiniṣṭhādhyavasāyakalpanamāvaśyakameva //
kiñca ācāre kartavyasya svarūpamātraṃ kḷptaṃ, natu kartavyatā; sā tu dharmabuddhyādinā arthasukhādirūpahetvantarāsaṃbhavapariśeṣasahakṛtayā kalpyā, smṛtau tu liṅādiśabdenaiva sāvagamyate iti vaiṣamyāt prakṛte śrutivirodharūpabalavadbādhakabalādanupalabhyamānamapi kāmādihetvantaraṃ sphuṭatarameva kasyacinmūlānuṣṭhātuḥ puṃsa iti pariśeṣāsaṃbhavena śrutikalpanāyogāt tatra dharmabuddhirbhrama eva /
anyeṣāmapi tadanuyāyināmadharma eva dharmabuddhiriti niṣpramāṇakaṃ tanmūlaśrutikalpanam //
(vikalpāpattyāpi niṣiddhaviṣayakācārādeḥ śrutikalpakatvāyogaḥ) kiñca --- smṛtimūlaśrutyā niṣedharūpayā mātulakanyāpariṇayādeḥ pratyavāyajanakatvabodhanāt ācāramūlaśrutyā iṣṭasādhanatvabodhanasya vastuni vikalpāyogenaikasyaiva tadubhayavirodhaḥ /
ṣoḍaśigrahaṇaniṣedhena tu ṣoḍaśigrahaṇābhāve 'pītarāṅgaiḥ kratūpakārasiddherevākṣepāt yukto vikalpaḥ //
(ātmatuṣṭeḥ śrutimūlatvaśaṅkānirākaraṇapūrvakaṃ smṛtyācāramūlatvavyavasthāpanam) evamātmatuṣṭerapi smṛtivirodhe daurbalyādaprāmāṇyamavaseyam /
naca --- ātmatuṣṭeḥ "yadeva kiñcanānūcāno 'bhyūhatyārṣaṃ tadbhavatī"ti pratyakṣaśrutereva mūlatayopalabhyamānatvena paraṃparākalpanābhāvāt daurbalyasyācāravadanupapattiriti --- vācyam; yadevetyasyā śruteḥ sāmānyaviṣayatvena viśeṣaviṣayasmṛtyācāraiḥ śiṣṭākopādhikaraṇanyāyenāviruddhaviṣaye saṃkocopapatteḥ /
ata ācāravat śiṣṭātmatuṣṭerapi smṛtyācārayorvirodhe daurbalyamiti //
(mātulakanyāpariṇayādeḥ deśabhedena bodhāyanavacanānusāreṇādharmatvavyavasthāpanam) sapratyayetimūle pratyayo viśvāsaḥ tattvajñānaṃ copāttaṃ, tābhyāṃ sahitā sapratyayāḥ manvādayaḥ taiḥ praṇītatvādityarthaḥ //
yattu "yeṣāṃ paraṃparāprāptāḥ pūrvajairapyanuṣṭhitāḥ /
ta eva tairna duṣyanti ācārairnetare janāḥ" /
"itara itarasminna duṣyati deśaprāmāṇyāt" ityāpastambādivacanebhyo deśabhedena prāmāṇyavyavasthāpanaṃ taddurbalavigītācārānurodhena balavatsmṛtisaṃkocasyānyāyyatvāt bodhāyanenāpastambamatamupanyasya "mithyaitaditi gautamaḥ" "śiṣṭasmṛtivirodhādi" tyukteścāpastambavacanasya garhāmātranirākaraṇārthatvamabhipretya siddhāntamupasaṃharati --- ata iti //
(mātulakanyāpariṇayādeḥ pratyakṣaśrutimūlatvaparasmṛticandrikādikhaṇḍanasūcanam) atraca "garbhe nunaujanitā dampatīdaṃ patī karddevastvaṣṭā savitā viśvarūpa" ityādipratyakṣaśrautaliṅgāvaṣṭabdhatvānmātulakanyāpaitṛṣvastreyīpariṇayācārasya smṛtito 'pi prābalyādanudāharaṇatvaṃ nyāyasudhākṛtā balābalādhikaraṇe uktam /
tadanusāreṇa smṛticandrikākārādayopyevamevāṅgīkurvanti /
teṣāmupapādanapūrvakaṃ nirākaraṇaṃ kaustubhe draṣṭavyam //
(trivṛccaryaśvavālādiśabdānāmarthaviśeṣe lokavedayorvipratipannānāmuktavarṇakaviṣayatānirūpaṇam) vārtikakṛtā kṛtaṃ dvitīyaṃ varṇakāntaramāha --- evaṃveti //
"trivṛt bahiṣpavamāna" mityatra paṭhite trivṛcchabde lokatastribhirvṛtyata iti vyutpattyā "trivṛdrajjustrivṛdgranthi" rityatra traiguṇyamarthaḥ pratīyate /
vede tu tadupakramya "upāsmai gāyatā nara" ityāditṛcatrayānukramaṇāt "navabhiḥstuvantī"ti śrutyantarācca stotrīyānavakam /
tathā caruśabdasya loke sthālīvacanatvaṃ, vede tu "ādityaḥ prāyaṇīyaḥ payasi caruri"ti vidhāyājyasyainaṃ carumabhipūrya caturājyabhāgān yajati pathyāṃ svastimiṣṭvā agnīṣomau yajati agnīṣomāviṣṭvā savitāraṃ yajatyaditimodaneneti kramaparavākye siddhavadodanānuvādādodanaparatvam /
tatrāpi yājñikaprasidhyānavastrāvitāntarūṣmapakvaudanaviśeṣaparatvam /
tathā aśvavālaśabdeḥ loke 'vayavayogenāśvasya keśarūpor'thaḥ, vedetu "aśvavālaḥ prastaraḥ" ityatra vākyaśeṣe "yajño ha vai devebhyaḥ aśvobhūtvo 'pākrāmat so 'paḥ prāviśat sa vāladhau gṛhītaḥ sa bālānmuktvā viveśa ha te vālāḥ kāśatāṃ prāptā" iti śravaṇāt kāśarūporthaḥ, evaṃ vipratipattiviṣayamudāharati --- trivṛditi //
ādipadenaikṣavī vidhṛtītyatra lokāvagatayogabalenekṣvavayavapara ekṣavīśabdaḥ, vārtikalekhanonnītavākyaśeṣāttu vede kāśamūlaparaḥ /
tathā stomaśabdo brāhmaṇastoma iti loke samudāyavacanaḥ, vedetu stutermānaṃ stoma iti yājñikaprasidhyāstome ḍavidhiḥ pañcadaśādyartha iti vyākaraṇena cānugṛhītena 'trivṛdeva stomaḥ' 'pañcadaśastoma' iti sāmānādhikaraṇyanirdeśena stotrīyāsaṃkhyākṛtastutisaṃkhyāpara ityanayorapi vipratipattiviṣayayoḥ saṃgrahaḥ //
<B1> evaṃ vā --- trivṛccarvaśvavālādiśabdeṣu yatra lokavākyaśeṣayorarthavipratipattistatra padapadārthasambandhe lokāt vedasyādhikye pramāṇābhāvāttulyabalatvamiti prāpte --- viṣayaikyābhāve vidhistutyorekavākyatānupapattervidhirvākyaśeṣasyaiva śaktigrāhakatvamanumanyate /
ataśca laukikapramāṇāvagater'the śaktikalpanābhiyā na śaktirapi tu lakṣaṇādinaiva bodhaḥ /
ataeva yatra vākyaśeṣo nāsti tatrāpi trivṛdādipadārtho vaidika eva grahītavya iti vakṣyate /
ataśca trivṛcchabdasya stotragatamṛṅgavakaṃ śakyaṃ na tu tattraiguṇyam /
caruśabdasyaudano na tu sthālī /
aśvavālaśabdasya kāśāḥ nāśvakeśāḥ /
vākyaśeṣāśca kaustubhe draṣṭavyāḥ // 7 // iti tṛtīyavarṇakam /
<B2> (laukikavaidikaprasiddhyorasamabalatvena vikalpapūrvapakṣaḥ) nanu --- lokaprasiddherdharmaṃ pratyanaṅgatvāt vedaprasiddhireva balavatītyāśaṅkāṃ "naitadevaṃ padārtheṣu na hi vedo viśiṣyate /
adṛṣṭahetuvākyārthe lokātsa hyatiricyata" iti vārtikoktarītyā pariharati --- tatreti //
tulyabalatvamiti //
naca --- ekatraśaktikalpane paratra tatsādṛśyena prayogopapatternānekaśaktikalpanaṃ yuktamiti ---vācyam; arthadvayasyāpyatyantavailakṣaṇyena sādṛśyābhāvāt, vinigamanāvirahācca /
ato 'nanyathāsiddhapramāṇadvayabalenobhayorapi vācyatvāvagamāt tulyabalatvena vikalpaḥ /
tathāca "trivṛdbahiṣpavamānam"ityatraikā ṛk triguṇitetyekaḥ tṛcaḥ kartavyo laukikārthagrahaṇapakṣe, tṛcāntarāmnānantu pākṣikatvena jñeyam /
evaṃ caruśabdenānadanīyasyaiva sthālīdravyasya kṛṣṇalavadvidhānaṃ, payasastvadṛṣṭadvārādhikaraṇatvam, arthavādastu pākṣikānuvāda iti /
evamanyatrāpyūhyamiti bhāvaḥ //
(lokaprasiddheḥ vaidikaprasiddhyapekṣayā balavattvapakṣanirūpaṇam) tulyabalatvaṃ ca lokaprasiddherbalavattvapūrvapakṣasyāpyupalakṣaṇam /
tathāhi --- virodhe lokaprasiddheranyanairapekṣyeṇātmalābhāt "kārpāsamupavītaṃ syāt viprasyordhvaṃ vṛtaṃ trivṛt /
trivṛtā granthinaikene"ti manuvacane rajjvāraṃbhakeṣu navatantuṣu navasaṅkhyāsadbhāve 'pi upavītāraṃbhikāyāṃ rajjvāṃ traiguṇyavidhyarthatvadarśanāt, vede 'pi "trivṛdraśanābhavatī"ti traiguṇyaviṣayayājñikaprasiddherapi satvācca trivṛcchabde manuvaidikaprasidhyanugṛhītatvāccānupasaṃjātavirodhitvena vaidikaprasiddherlokaprasiddhapadāntarasāmānādhikaraṇyādhīnasiddhikatvena vilambitatvāttadapekṣayā daurbalyamiti tadarthasyaiva grahaṇam /
arthavādānāntu prarocanāmātratvena "yajamānaḥ prastara" ityādivadgauṇatvenāpyupapatternāvaśyaṃ saṃjñāsaṃjñisaṃbandhapratipādanaparatvamityānarthakyābhāvāt nānarthakyapratihatatvenāpi tadarthasya grahaṇamiti nārthadvayagrahaṇena vikalpo 'pi /
evañca sāmyapakṣe vikalpenārthavādasya pākṣikānuvādatvam, prābalyapakṣe lokaprasiddhārthasyaiva vidhau grahaṇādarthavādasthaudanādipadānāṃ odanasaṃbandhena sthālyādilakṣakatvaṃ kalpyata iti siddham //
(laukikavaidikaprasiddhyoḥ samabalatvaviṣamabalatvapakṣadvayepi sārthavādavidhisthale 'vivādāt nirarthavādaghaṭakapadābhiprāyatvam --- iti) prakāśakārāstu --- pakṣadvaye 'pi prakṛtodāharaṇer'thavādenaudanaviṣaya eva vidhestātparyagrahāt siddhāntavat "gauṇaṃ lākṣaṇikaṃ vāpi vākyabhedena vā svayam /
vedo 'yamāśrayatyarthaṃ ko nu taṃ pratikūlayet" iti vārtikoktarītyā odanasyaiva grahaṇāpattyā nānuṣṭhāne kaścana viśeṣaḥ, tathāpi yatra "sauryaṃ carumi"tyatra nārthavādastatredaṃ prayojanam --- ityāhuḥ /
tanna; vidhāvarthavādānurodhena caruśabde lakṣaṇāpekṣayār'thavāda eva sthālīlakṣaṇāyā nyāyyatvāt lakṣaṇādinā bodha iti //
(trivṛcchabdārthanirṇayaḥ) tatrāyaṃ vivekaḥ --- trivṛdādiśabdānāṃ tṛcatrayānukramaṇavaśāt stotrīyānavake śaktāvavadhāritāyāṃ yatra stotrasaṃbandhastatra sa evārtho grāhyaḥ /
anyathā bahiṣpavamāne tṛcatrayavidhānādeva stotrīyānavakasiddhau "trivṛdbahiṣpavamānamiti" trivṛcchabdopādānavaiyarthyāpatteḥ /
ataḥ stotrīyānavake iva traiguṇye 'pi trivṛṣpadavācyatvenaiva tatsārthakyāt yatra nāsti "trivṛdagniṣṭudagniṣṭomaḥ" ityādau tṛcatrayānukramaṇaṃ, tatra tasyaiva rūḍhyā kḷptayā yogabādhena vidhānam /
yatra tu na sā bādhikā, yathā --- "trivṛtāyūpami"tyādau tatra lokaprasiddhatraiguṇyasya grahaṇe 'pi na laukikārthe traiguṇye śakyasaṃbandhābhāvāllakṣaṇā /
ataśca stotrīyānavakamātre śaktasyeha navakamātre grahaṇe 'pi lakṣaṇāpatteḥ kḷptāvayavayogenaivārthapratītyupapattau lākṣaṇikārthatve pramāṇābhāvāt śakyārthasyaiva grahaṇamiti lokasiddhārthe 'pi śaktireveti nānārthatvameva /
ata eva --- bahiṣpavamāna eva tṛcatrayānukramaṇadbahiṣpavamānagatastotrīyāgatanavaka eva rūḍhiḥ---ityapyapāstam; tathātve trivṛdgahaṇavaiyarthyāpattestadavasthatvāt /
na hi tadā agniṣṭuti sarvastotreṣu navakaṃ vidhātuṃ śakyate; "trivṛtāyūpa"mityatreva lākṣaṇikatvāpatteḥ /
traiguṇyarūpaśakyārthasyaiva grahaṇāpattestatrātideśenaiva stotrīyānavakaprāpteśca vidhivaiyarthyācca tatra trivṛtpadavaiyarthyāpatteranivāraṇāt /
ataḥ stotrīyānavake iva traiguṇye 'pi śaktiḥ /
evaṃ mānavavākye 'pi stotrīyānavakavat lokaprasiddhatraiguṇyaparatvameva //
(trivṛcchabdasya stotrīyānavakavācitve ākṛtyadhikaraṇavirodhaparihārau) naca stotrīyānavakavācitve ākṛtyadhikaraṇavirodhaḥ; yatra viśeṣaṇamātre śaktau kalpitāyāṃ tadavinābhāvāt viśeṣyapratītiryujyate tasyākṛtyadhikaraṇanyāyaviṣayatve 'pi putrāvinābhāvābhāvena snuṣādiśabdānāṃ putrabhāryādiviśiṣṭavācitvasyevehāpi viśiṣṭavācakatvasya svīkāre tadvirodhābhāvāt //
(caruśabdārthanirṇayaḥ) caruśabdasyāpi vākyaśeṣabalāt samānaviṣayatvānurodhena odane rūḍhisvīkārāt, aikāntikasaṃbandhāllokaprasiddhasthālyāṃ lakṣaṇaiveti nānekārthatvam /
ataeveha śaktāvavadhāritāyāṃ yatra na vākyaśeṣaḥ--- "yathā sauryaṃ caru"mityādau tatrāpi lākṣaṇikārthagrahaṇe mānābhāvādodanasyaiva grahaṇam /
yadyapi yājñikaiḥ kapāle kaṭāhe vā śrapitasya carutvānabhyupagamāt sthālīsthaudana eva ca prayogāt sthālīsthaudanaparatve ākṛtyadhikaraṇanyāyena sthālīmātravācitvameva yuktam /
ataeva aikāntikasaṃbandhādodana eva lakṣaṇeti prāpnoti; tathāpi arthavādānurodhena gauṇārthasyaivagrahaṇe siddhe śyenopamānenopamitayāgaparatayā nirṇītaśyenaśabdena yāgasya gauṇyāpi vṛttyā grahaṇe siddhe tatprābalyāt "samānamitaracchayenene" tyādau tadgrahaṇasyeva sauryamityādāvapi tasyaiva yuktaṃ grahaṇam /
yājñikānāmapi caruśabdasyaudane pākaviśeṣamātranimittatve /
api tasya sthālīmantareṇānupapatterarthākṣepepi sthālīsthaudanavācitvānaṅgīkāreṇākṛtyadhikaraṇanyāyā- viṣayatayā sthālīvācyatāyāḥ aprasakteśca /
yadyapi caruśabde yājñikaprasiddhyā lokaprasiddherbādhādeva nirṇayassaṃbhavatīti na vākyaśeṣamātranirṇeyābhiprāyatvam; tathāpi kvācitkayājñikaprasiddhereva lākṣaṇikatvopapattyā bahutaratatprasiddhibādhāyogāt vākyaśeṣasyaiva yājñikaprasiddhimūlatvenāṅgīkāryatve "taddhetoreve"ti nyāyena nirṇāyakatvam iti dhyeyam //
(aśvavālaśabdārthanirṇayaḥ) evamevāśvavālaśabdayorapi avayavayogena śaktyaivāvayavārthāśvakeśarūpārthayorvede aśvavālānāmeva kāśarūpeṇa pariṇāmābhidhānāt prakṛtivikārayośca salakṣaṇatvadīrghatvādinā sādṛśyena yadyapi gauṇaḥ prayogaḥ saṃbhavati; tathāpi sarvatra vākyaśeṣābhāve 'pi śyenaśabda iva pūrvoktarītyā grahaṇaṃ yuktam /
vastutastu --- aśvavālaśabdasya gauṇatvābhyupagame gauṇatāyāḥ padāntarasāmānādhikaraṇyasāpekṣatvena asāmarthyāpatteḥ āśvavāla iti taddhitānutpattiprasaṃgāt naiva gauṇatvam, apitu vaidikaprasiddhyā balīyasyāvayavārthaprasiddhibādhāt aśvakarṇaśabda ivakāśeṣu rūḍhyavagamādiha śakyārthasyaiva grahaṇe 'pi avayavayogenāpi śaktyavadhāraṇāt nānārthatvameva /
etena --- arthavāda eva kāśapadaṃ keśarūpavālalakṣaṇārthamastu, kṛtaṃ śakyāntarakalpanena iti --- nirastam; 'te vālāḥ kāśatāṃ prāptā' ityananvayāpatteḥ //
(stomaśabdārthanirṇayaḥ) evaṃ stomaśabdasyāpi stotrīyāsaṅkhyākṛtastutisaṅkhyāvācitvam vaidikasāmānādhikaraṇyādinā /
athavā nyāyasudhākāroktarītyā stotrīyāsamudāyamātravacanatvamavagantavyam /
lokaprasiddhasamudāyaparatvaṃ tu lakṣaṇayā śaktyā veti dik //
vakṣyate iti //
daśame iti śeṣaḥ //
tenaitadadhikaraṇaprayojanamātrakathanārthatvānnapaunaruktyami ti bhāvaḥ /
vākyaśeṣāśceti grantho vyākhyātacaraḥ //
yattu "sandigdheṣu vākyaśeṣādi"tyanena gatārthatvam, tat na; tasya vākyaśeṣānvayātprāk sandigdhārthaviṣaye nirṇāyakatve 'pi iha tadanvayātprāk viparītārthaniścayena sandigdhārthatvābhāvena anirṇāyakatayāpravṛtteriti //

iti caturthaṃ śāstraprasiddhapadārthaprāmāṇyādhikaraṇam //
- - - - - <B1>

[coditaṃ tu pratīyetāvirodhāt pramāṇena / Jaim_1,3.10 /]

coditantu //
yatra pikanemasatatāmarasādiśabdānāṃ nāryāṇāṃ arthaviśeṣe prasiddhiḥ, mleccheṣu tu pikaḥ kokilaḥ, nemaḥ arddhaṃ, sataṃ bṛhatpatraṃ dārumayaṃ śatacchidraṃ parimaṇḍalaṃ, tāmarasam kamalaṃ ityevaṃ prasiddhiḥ, tatra tatprasiddhārthasyaiva grahaṇaṃ na tu nigamaniruktādinā tatkalpanam /
naca mleccheṣu śabdārthayorviplutidarśanena tatprasiddheravistrambhaṇīyatā; pikādiśabdānāṃ vedaeva dṛśyamānatvenāviplutatvāt /
ataśca teṣāṃ vācyākāṅkṣāyāṃ tatprasiddherapi kḷptatayā grāhakatvam /
ataeva nigamādiprasiddherapi tatprasiddhitvena prābalye 'pi kalpyatvena daurbalyam /
mlecchaprasiddheśca mlecchaprasiddhitvena daurbalye 'pi kḷptatvena prābalyam; pramāṇabalābalāpekṣayā prameyabalābalabalīyastvasya sthāpitatvāt /
ataeva nātra viśeṣataḥ pūrvapakṣaḥ kathitaḥ // 8 //
iti pikanemādhikaraṇam /
<B2> (pikanemādipadārthanirṇaye siddhāntenopakrame nimittanirūpaṇam) atra yadyapi bhāṣye āryamlecchaprasiddherbalābalacintā bhāti; tathāpi sā mlecchaprasiddheḥ kvacidapi prāk prāmāṇyasyānirūpaṇādayukteti matvā prāmāṇyāprāmāṇyacintaivātra kriyate /
balābalacintātu śiṣṭākopādhikaraṇe vyutpāditapramāṇabalābalanyāyenaiva siddhā prasaṃgāt phalībhūtatvena darśiteti vārtikasūcitamabhipretya virodhe mlecchaprasiddheḥ daurbalye 'pi avirodhe tasyā eva pramāṇatvena grahaṇāt niruktādidvārakaśāstraprasiddhessiddhānte grahaṇādāpavādikīṃ saṃgatiṃ spaṣṭatvāttathāśāstrasthaprasiddhagrahaṇapūrvapakṣasya niryuktikatayā ca tāmapradarśyaiva viṣayapradarśanapūrvakaṃ siddhāntamāha --- yatreti /
ādipadena paśvavayavaviśeṣavācināṃ klomādiśabdānāṃ dhautakauśeyavācinaḥ patrorṇaśabdasya kañcukavācino vārabāṇaśabdasya ca saṃgrahaḥ //
(pikādyarthanirṇaye svarūpato mlecchaprasiddhidaurbalyanirākaraṇapūrvakatatprāmāṇyavyavasthāpanam) kāśādiṣu sādhitāpramāṇabhāvamlecchaprasiddheragrahaṇāt nāryāṇāmityuktam /
āryeṣvarthaviśeṣaprasiddheḥ svarūpato 'sattve 'pi tanmūlatvenāsiddhāyā api niruktādinā sādhayituṃ śakyatvāt tasyāṃ prayoktṛbalīyastvaṃ svarūpeṇa balīyastvam /
mlecchaprasiddhau tu prayoktṛdaurbalyaṃ svarūpeṇa daurbalyamitisandehakāraṇamapākurvan niścayaṃ darśayati --- tatra tatprasiddhārthasyeti //
tathāca mlecchaprasiddherevābhidheyanirṇaye prāmāṇyamityarthaḥ /
pikādiśabdānāmiti //
śabdāntareṣu viplutiśaṅkānirākaraṇāśaktāvapi "pikamālabheta" "somāpauṣṇaṃ caruṃ nirvapennemapiṣṭaṃ paśukāma" ityādivaidikacodanāsu pikādiśabdānāṃ prayuktatvenāvibhaktikamlecchaprayoge 'pi prātipadikamātrasyāviplutiniścayānnityavedaprayuktatvena ca jātyādirūpanityārthavācitvakalpanāvaśyaṃbhāve sati mukhyārthāntarāprasiddhyā tatsadṛśe kokilādau gauṇatvāyogāt svasamānārthakakokilādiśabdāsādṛśyācca gāvyādiśabdavattanmūlakasya, śaktibhramasyāpyasaṃbhavenārthasyāpyaviplutiniścayādanādi- mlecchavyavahārasyāpi vācakatvakalpanāvighātaḥ /
nahyadṛṣṭārtheṣu śākyādibhyo manvādīnāmiva padasvarūpajñāne itarebhyor'thanirṇaye 'nyasya balīyastvaṃ kiñcidviruddhamasti, pratyutākāṅkṣitapadārthajñāne sādhakameveti bhāvaḥ /
abhyupetyāpitu virodhaṃ śāstraprasiddheḥ daurbalyaṃ darśayati --- ataeveti //
sthāpitatvāditi //
nahi --- tatra svarūpabalābalāpekṣayā tatsaṃbandhyanyapramāṇagatabalābalamātraṃ durbalamuktam, natvāśrayabalābalamiti --- yuktam; svarūpabalābalāpekṣayā tatsaṃbandhyanyagatabalābalamātradaurbalyasya pratipāditatvāt /
tatsaṃbandhyanyacca yathā pramāṇaṃ tathā āśrayo 'pīti na doṣaḥ /
etacca bhāṣyakāramatenoktam ; vārtikakāramate śiṣṭākopādhikaraṇabhaṅgenānyathāsūtrāṇāṃ yojanāt, prameyabalābalajyāyastvasya tatra pūrvamanirūpaṇādihaiva āśrayagatabalābalāpekṣayā prameyabalābalasya vicāryatvāt //
(vārtikamate asyaivādhikaraṇasya viṣayaviśeṣe mlecchaprasiddhiprābalyasādhakateti nirūpaṇam) ato vārtikamate mlecchaprasiddheḥ prāmāṇyāprāmāṇyavicārasyeva tadgatabalābalavicārasyāpi ihaiva kartavyatvādupajīvyatayedamadhikaraṇaṃ pīlvādivarṇakāt prāk arthato draṣṭavyam /
evañcāsmin mate prameyabalābalajyāyastvasthāpanasyātra pūrvapakṣākathanaṃ prati hetvākāṅkṣā saṃbhavati; tathāpi virodhe mlecchaprasiddheraprāmāṇye ukter'thādevāvirodhe prāmāṇyahetoḥ pūrvapakṣasādhakasyāsaṃbhavāt sūtrakṛtāpi svātantryeṇa tadakathanādeva cātra tadakathanamiti jñeyam //

iti pañcamaṃ mlecchaprasiddhiprāmāṇyādhikaraṇam //
<B1> prayogaśāstram iticet //
sarvasmṛtīnāṃ kalpasūtrāṇāṃ vā ṣaḍaṅgānāmeva vā śākyādigranthānāṃ vā vedatvaṃ vedatulyatvaṃ vā bhavatu; na śrutyādimūlakatve gauravāt, nityabrahmayajñavidhiviṣayatvānupapatteśca, ṣaḍaṅgānāṃ tu "ṣaḍaṅgameke" --- iti smṛterapi vedatvam /
buddhabodhāyanamaśakādibhistu samākhyā kaṭhādivatpravacananimittatvenāpyupapanneti prāpte --- dṛḍhakartṛsmaraṇātkaṭhādivatpravacananimittatvānupapatternaiṣāṃ vedatvaṃ vedatulyatvaṃ vā /
pratimanvantarañcaivaṃvidhānāṃ granthānāṃ sattvānnityabrahmayajñavidhiviṣayatvopapattiḥ /
ekagrahaṇāttu "ṣaḍaṅgameke" iti paramatopanyāsaḥ /
tasmādeṣāṃ smṛtyadhikaraṇanyāyena vedamūlakatvameva /
śākyādigranthānāṃ tu tadasambhavāt ābhāsatvameva /
<B2> (kalpasūtraprāmāṇyaparabhāṣyakārīyādhikaraṇaśarīrasya smṛtyadhikaraṇena paunaruktyaparihārārthaṃ svataḥ prāmāṇyaparatayā vārtikakāramatānusāreṇa tadyojanam) atra bhāṣyakṛtā sūtrānurodhena kalpasūtrāṇyudāhṛtya prāmāṇyāprāmāṇyacintā kṛtā /
sā na yuktā; smṛtyadhikaraṇe vedātiriktavidyāsthānamātrasya vedamūlakatayā prāmāṇyasya sādhitatvena tadviruddhatvāt /
atassiddhānte sūtradvayena svaraniyamavākyaśeṣābhidhānena vedavailakṣaṇyapratipādanāt svataḥprāmāṇyanirākaraṇapratīteḥ pūrvapakṣe svātantryeṇa prāmāṇyamabhyupetya smṛtyadhikaraṇasādhitavedamūlakatvahetukaprāmāṇyākṣepeṇa pūrvapakṣamupavarṇya tasyaiveha siddhānte nirākaraṇadvārā smṛtyadhikaraṇasādhitasya sthirīkaraṇena bhāṣyagatapramāṇāpramāṇaśabdayoḥ svātantryāsvātantryavyākhyāyāṃ ākṣepahetossarvatrāviśeṣeṇa smṛtyādiṣvapi tadākṣepasamādhānayossaṃbhavāt kalpasūtrapadaṃ bhāṣyagataṃ upalakṣaṇamabhipretya mlecchācārāṇāṃ keṣāñcidanāditvena śiṣṭācāratulyatayā svatantryaprāmāṇye 'bhihite ihāpi vedatvena vedatulyatayā vā svataḥ prāmāṇyopapatternaiṣāṃ vedamūlatvaṃ tadvirodhena vā nāprāmāṇyaṃ yuktamityanantarādhikaraṇavyutpāditaprāmāṇyopajīvanena smṛtivirodhādhikaraṇadvayākṣepādākṣepikīṃ saṃgatiṃ spaṣṭatvādapradarśyaivodāharaṇāni darśayati --- sarvasmṛtīnāmiti //
(kalpānāṃ sūtrāṇāṃ ca smṛtyadhikaraṇaviṣayatvena tadākṣepaparādhikaraṇaviṣayatvayogena kalpasūtrayoḥ lakṣaṇādinirūpaṇam) na kevalaṃ smṛtyadhikaraṇe manvādismṛtimātramudāharaṇaṃ, yena tāvanmātraviṣaya evāyamākṣepo bhavet, apitu vedātiriktānāṃ sarveṣāmevodāharaṇatvāt kalpasūtrādiviṣayasyāpi tasyākṣepaṃ sūcayitumāha --- kalpasūtrāṇāṃ veti //
kalpāśca sūtrāṇi ceti vigrahaḥ /
kalpā nāma prayogaṃ kalpayantīti vyutpattyā siddharūpaprayogapratipādakā granthā bodhāyanavārāhamāśakādipraṇītāḥ, sūtrāṇi tu sūcayantīti vyutpattyā ṛcaṃ pādagrahaṇaṃ etattīrthamityācakṣate ityādisvaparibhāṣāsvasaṃjñābhiryutāni prayogaviśeṣonnāyakalakṣaṇapratipādakā āśvalāyanabaijāvāpakātyāyanādikṛtā granthā iti bhedaḥ /
taduktaṃ vārtike --- "siddharūpaḥ prayogo yaiḥ karmaṇāmanugamyate /
tatkalpā lakṣaṇārthāni sūtrāṇīti pracakṣate" iti //
anyatrāpi --- "laghūni sūcitārthāni svalpākṣarapadāni ca /
sarvatassārabhūtāni sūtrāṇyāhurmanīṣiṇaḥ" iti //
(śākyādigranthānāṃ kalpasūtrādhikaraṇaviṣayatvopapādanam) śākyādīti //
yadyapi smṛtyadhikaraṇe śākyādigranthānāṃ na prāmāṇyaṃ sādhitaṃ, yenākṣepaviṣayatocyeta; tathāpi virodhādhikaraṇe vārtikakṛtā teṣāṃ vedamūlatvāsaṃbhavenāprāmāṇyasya pratipāditatvādihākṣepasādhitahetoḥ svātantryasyāprāmāṇyākṣepe 'pi pravṛtteḥ siddhāntānupayoge 'pi vicāraviṣayatvamupapadyate iti bhāvaḥ //
atra sarvatra vāśabdo na pakṣāntaradyotakaḥ, kintu anāsthādyotakaḥ san sarveṣūdāharaṇatvajñāpaka eva //
(vedatvena vedatulyatvena vā lāghavāt kalpasūtrāṇāṃ prāmāṇyapūrvapakṣaḥ) ata eva vārtike "evametāni catvāryapi vidyāsthānānī"tyuktam /
gauravāditi //
yathaiva smṛtyadhikaraṇe bhrāntyādimūlatvakalpanāto vedamūlatvakalpanāyā laghubhūtatvāt vedamūlatvamevāśritam, tathaiva dṛḍhataraśiṣṭatraivarṇikaparigraheṇa avaśyavaktavye prāmāṇye vedamūlatvakalpanāpekṣayāpi apauruṣeyatvakalpanāyā laghubhūtatvāttadeva yuktamāśrayitum ityapauruṣeyatvasāmyāt manvādinibandhanāni, vedāḥ, dharmamūlatvāt, vidhivadityanumānena vedatvam /
yadātu tāni avedāḥ, vedamudrārahitatvādvedatvenābhiyuktaprasiddhyabhāvādvā kāvyavaditi satpratipakṣānumānaparāhatatvamupanyasyeta; tadā vedatulyatvaṃ vetyarthaḥ //
(pratyakṣavedārthasaṃgrāhakatvena praṇayanavaiyarthyāpattyā vedatvena prāmāṇyanirūpaṇam) kiñca manvādismṛtīnāṃ tirohitaprāyavedārthanibandhanatvāt kathañcidarthavattve 'pi kalpasūtrāṇāṃ vispaṣṭaṃ sakalajanapratyakṣavedārthopanibandhanāt praṇayanānarthakyāpatteḥ śākhāntaravadevāpauruṣeyatvena vedatvaṃ yuktam /
nahi sakalajanapratyakṣavedavākyārthaviṣayamarthaṃ vadatāmeṣāṃ puruṣaiḥ praṇayanaṃ saṃbhavati /
tathātve vāmīṣāṃ vidhāyakopasthānamātreṇa caritārthatvāt dharmapramājanakatvānupapatterdharmamūlasmaraṇānupapatteriti bhāvaḥ //
(anādibrahmayajñavidhiviṣayatvena smṛtīnāṃ svataḥpramāṇadharmādharmapramitijanakatvena śākyādignthānāṃ ca prāmāṇyanirūpaṇam) nityabrahmayajñeti //
"aharahaḥ svādhyāyamadhīyīte"tyupakramya "yadṛco 'dhīte yadyajūṃṣi yadbrāhmaṇānītihāsānpurāṇāni kalpāni"ti nityo 'nādisiddho brahmayajñavidhiḥ /
nahi kalpādīnāmādhunikatve sa upapadyata ityarthaḥ //
yadyapi na śākyādigranthānāṃ nityabrahmayajñavidhiviṣayatvam; tathāpi śākyādigranthebhyo dharmādharmāvagateḥ svasaṃvedyatvāttasyāśca svataḥprāmāṇyasya tarkapāde sthāpitatvādāptoktatvalakṣaṇaguṇābhāve 'pi prāmāṇyāvighātaḥ /
naca --- mīmāṃsakaiḥ prāmāṇyānabhyupagame 'pi śākyaiḥ parataḥprāmāṇyābhyupagamāt āptoktatvalakṣaṇaguṇābhāve kathaṃ prāmāṇyopapattiḥ? "utpādādvā tathāgatānāmanutpādādvā sthitaivaiṣāṃ dharmanityate"ti śākyena pravāhanityatvena kūṭasthanityatvena vā dharmanityatvasyoktatvāt, tatra nityatvasya ca tatpratipādakāgamanityatvamantareṇānupapatteḥ nityānāṃ cāgamānāṃ asvatastve prāmāṇyānirvāhāt svatastvābhyupagame 'pi apasiddhāntānāpatteḥ /
evaṃ satyapi yadi svakartṛkatvamabhyupagamyeta, tadā kartṛdoṣeṇa prāmāṇyāvagatirbādhyetāpi, natu tadabhyupagamo yuktaḥ; gauravāt /
evañca yadyapi vedamūlakatve nirākṛte vedatvaṃ vedatulyatvaṃ vā dūreṇāpāstam; tathāpi "śākyādiścoraḥ svāgamaprāmāṇyagrāmaṃ pratyakṣādimūlatvenānyadvāreṇa praveṣṭumudyato 'tīndriyārthadarśanāsāmarthyavedamārgabāhyatvalakṣaṇanyāyadaṇḍapāṇibhirmīmāṃsakaiḥ vārito varaṃ na praviśet, saṃprati tu mīmāṃsakānumatenāpauruṣeyatvena mahāpathenaiva prakaṭaṃ praveṣṭuṃ icchatī"ti vārtikoktarītyā saṃbhavatyevāprāmāṇyākṣepeṇa svātantryeṇa prāmāṇyamiti bhāvaḥ //
(ṣaḍaṅgavedatvanirūpaṇaprakāraḥ) aṅgānāntu vedatve spaṣṭameva hetumāha --- aṅgānāntviti //
"mantrabrāhmaṇayorvedanāmadheyaṃ ṣaḍaṅgameka" eti gautamasmṛteḥ spaṣṭameva vedatvamityarthaḥ /
apauruṣeyatve bodhāyanabauddhamāśakādisamākhyānupapattiṃ kāṭhakādisamākhyāvadupapattyā pariharati --- buddheti //
etādṛśasamākhyāmūlikaivaiṣu lokānāṃ pauruṣeyatvabhrāntirityarthaḥ //
(dṛḍhakartṛsmaraṇena smṛtyādipauruṣeyatvavyavasthāpanam) dṛśyābhāvasādhakasya dṛśyādarśanasyeveha kartrabhāvasādhakasyasmartavyāsmaraṇasyābhāvena vedavadakartṛkatvānupapatteḥ pauruṣeyatve 'pi prāmāṇyasya lāghavamātreṇa tatsādhane kālidāsādivākyeṣvapi tadāpatteḥ tasya prāmāṇyopaṣṭambhakatvena svataḥpramāṇatvābhāvācca nāpauruṣeyatvasiddhyā vedatvaṃ vedatulyatvaṃ vetyabhipretya siddhāntamāha --- dṛḍheti //
ataśca smartavyāsmaraṇahetunā vedāpauruṣeyatve nyāyataḥ svaravākyaśeṣādimudrādibhiśca siddhe kāṭhakādisamākhyāyāḥ tadanurodhena pravacananimittatvāṅgīkāre 'pīha kartrabhāvasādhakapramāṇābhāvena pratyuta tatsādhakapramāṇasattvena pravacananimittatvena na tattatsamākhyā netuṃ yuktā /
evaṃ satyapi yadi traivarṇikānāṃ dharmatvasmaraṇaṃ apauruṣeyatvaṃ vinā nopapadyeta, tataḥ kalpyetāpi tat, tattu vedamūlatvenāpyupapannataramityabhipretyopasaṃharati --- tasmāditi //
<B1> prayojanaṃ kalpādīnāṃ vedatve tattulyatve vā yatra pratyakṣaśrutivirodhastatra vikalpaḥ /
yatra vā pratyakṣaśrutivirodhābhāve 'pi nyāyobhāsopanyāsapūrvakaṃ vacanaṃ, tatrāpi vacanatvādeva tadanuṣṭhānaṃ, nyāyopanyāsastu hetvadhikaraṇanyāyenārthavādaḥ /
siddhānte tu pratyakṣaśrutivirodhe sannyāyavirodhe ca yāvanmūlaśrutidarśanamananuṣṭhānalakṣaṇamaprāmāṇyam /
śrutidarśanottarantu vikalpaḥ /
yatra tu nyāyopanyāsarahitaṃ mīmāṃsānyāyaviruddhañca smṛtervacanaṃ tatra śrutimūlakatvasambhavena vacanavirodhe nyāyasyaivābhāsatvāttadartha evānuṣṭheya iti /
atra sarvatrodāharaṇāni mūloktodāharaṇadūṣaṇāni cāsmatkṛte kaustubhe draṣṭavyāni // 9 // <B2> (nityabrahmayajñavidhiviṣayatvādiprāptavedatulyatvādinirākaraṇam) yā tu nityabrahmayajñavidhiviṣayatvānupapattiḥ, tāṃ pariharati --- nityeti //
yathaiva vrīhitvajātimādāya nityasaṃyogavirodhaparihāraḥ, tathā sarvagrantheṣu vākyatvavatkalpyatvajātyanaṅgīkāre 'pi kḷpidhātvarthānusāreṇa vedārthaprakalpakatvopādhinaivañjātīyakānāṃ granthānāṃ sarvakālaṃ keṣāñcitsaṃbhavena pravāhanityatayā nityasaṃyogāvirodhopapatterna doṣa ityarthaḥ /
yattu aṅgānāṃ vedatvasmaraṇaṃ, tadekagrahaṇādeva pūrvapakṣatvapratīteḥ "mantrabrāhmaṇayoḥ vedanāmadheyami"tyatraikagrahaṇābhāvena siddhāntatvapratīteḥ asanmūlakamityāha --- ekagrahaṇāttviti //
(kalpasūtrapraṇayanasārthakyopapādanam) yattu praṇayanavaiyarthyāpādanaṃ, tannānāśākhāgatānāmekādaśakapālatvādīnāṃ samuccitānāṃ ca prayojādyanumantraṇamantrādīnāṃ śākhāntarīyavākyādhīnabādhopasaṃhāraparisaṃkhyāpadārthalakṣaṇāpūrvatādijñānārthatvāda yuktam /
upasaṃhārasya mīmāṃsābhijñaiḥ svaśākhāmātrādhyāyibhiḥkvacidudāharaṇaviśeṣe jñātuṃ śakyatve 'pi sarvodāharaṇeṣu jñātumaśakyatvāt tattadarthasmṛtivikṣepakārthavādatyāgena saṃpratyanuṣṭhānasya kartumaśakyatvācca praṇayanasārthakyopapatteḥ pariharaṇīyam /
prakṛte śākhāntaravadadhyetṛbhedābhāvāttulyādhyetṛkatvāttvanmata eva vidhyantarānarthakyamityabhyāsāt karmāntaratvāpatteratīva gauravam /
mama tu pratyakṣavidhivihitārthānuvādakatve 'pi anuṣṭhānasaukaryārthaṃ kalpādinopasthāpanamarthavaditi /
naca --- evaṃ ekaikasyāṃ śākhāyāṃ pañcaṣaṭsaṃkhyākakalpasūtrāmnānavaiyarthyam, ekenaiva tadupasthāpanasiddheḥ iti ---vācyam; svādhyāyādhyayanavidhau svapadopādānāt pāraṃparyāgataikaśākhādhyayananiyamasyeva "bahvalpaṃ vāsvagṛhyoktaṃ yasya yāvatprakīrtitaṃ /
tasya tāvati śāstrārthe kṛte sarvaḥ kṛto bhavedi"ti śākhāntarādhikaraṇagatasarvāṅgopasaṃhārānukalpavidhāvapi svapadopādānena gṛhyapadopalakṣita- kalpasūtrādīnāmapi pāraṃparyāgataikagṛhyasūtrādhyayananiyamasyāpi pratīteranekakalpasūtrādyadhyayanasyāprasaktyānekairupasthāpanena sārthakyopapatteḥ; nahyuttarādhikaraṇe kalpasūtrādīnāṃ parigrahavyavasthāpi nirasiṣyate 'pitu tadarthavyavasthaiva /
ataśca yānyāśvalāyanakātyāyanasūtrādīni tāni tattaccaraṇaireva paṭhanīyānītyevaṃparigrahavyavasthayā netaravaiyarthyamiti bhāvaḥ /
yadapi dharmapramājanakatvāsaṃbhavaḥ ityuktaṃ, tatra yatraiṣāṃ mūlabhūtā śrutirna pratyakṣā, tatra laukikavākyavat dharmapramājanakatvābhāve 'pi mūlabhūtaśrutyupasthāpakatvena dharmapramāprayojakatvopapatterbhāktameva prāmāṇyamiti smṛtyadhikaraṇa eva pratipādanānnirasanīyam /
yatra mūlabhūtā śrutiḥ pratyakṣā, tatrāpi tattātparyāvadhāraṇasya kalpasūtrādyadhīnatvāt tātparyaviṣayībhūtārthaviṣayapramājanakatvāt tadupapattiriti kaustubhe draṣṭavyam //
(śākyādigranthāprāmāṇyavyavasthāpanam) evaṃ vedamūlakatvena kalpādīnāṃ prāmāṇye sādhite 'pi śākyādigranthānāmapi samānanyāyātprāmāmye bhrāntiṃ prasaktāṃ pūrvahetunaiva nirasyati --- śākyādigranthānāṃ tviti /
tadasaṃbhavāditi //
vedāprāmāṇyavādibhireva tatprāmāṇyāṅgīkāreṇa vedamūlakatvasyāsaṃbhavādityarthaḥ /
(kalpasūtrādhikaraṇapūrvapakṣaprayojanāni) nanu kalpādīnāṃ siddhānte vedamūlakatvena prāmāṇyāṅgīkāre kiṃ vicāraprayojanamityapekṣāyāmāha --- prayojanamiti //
yatra pratyakṣeti //
yathā "audumbarīṃ spṛṣṭvodgāyet" iti śrutyāveṣṭanaviṣayakasūtrasya virodho bhāṣyakāramate, yathāvā "puroḍāśaṃ paryagnikarotī"ti kalpasūtravacanānāṃ virodhastatretyarthaḥ /
yatraveti --- yathā "anyatra tadarthavādavacanādi"ti pañcamādhyāyagatāśvalāyanavacane "suṣiro vā etarhi paśuryarhivapāmutkhidati yadvrīhimayaḥ puroḍāśo bhavatyapidhānāya" ityartha vādāvagatachidrāpidhānārthatvasyāgnīṣomīyapaśupuroḍāśe 'vagateḥ tasya ca savanīye 'tideśaprāptasyāpyakaraṇaṃ "anusavanaṃ savanīyāḥ puroḍāśā nirupyante vrīhitvācchidratāyā" ityarthavādāvagatachidrāpidhānarūpaphalakasavanīyaireva tatkāryasya siddhernyāyābhāsopanyāsapūrvakaṃ pratipāditaṃ tadvacanamityarthaḥ //
(kalpasūtrādhikaraṇasiddhāntaprayojanāni) sannyāyavirodheceti //
dvādaśādhyāye "chidrāpidhānārthatvāt puroḍāśo na syāt anyeṣāmevamarthatvā"dityadhikaraṇe pūrvoktarītyā paśupuroḍāśasyākaraṇaṃ "puroḍāśena mādhyandine savane" iti liṅgāt vikalpena vā karaṇamiti pūrvapakṣaṃ prāpayyachidrāpidhānapratipādanasyārthavādamātratvāt daśame devatāsaṃskārārthatvasya sādhitatvānnityatvena kartavya eveti siddhāntitam /
atra mīmāṃsā sannyāyaḥ /
tadvirodha ityarthaḥ //
mīmāṃsānyāyaviruddhañceti //
yathā navame agniṣṭuti subrahmaṇyānigadagatānāṃ harivadvādipadānāṃ nyāyenānūhaḥ sādhitaḥ, tadviruddhaṃ "agna āgaccha rohitāśva bṛhadbhāno dhūmaketo jātavedo vicarṣaṇa" ityūhitapāṭhabodhakaṃ chandogasūtrakāravacanam /
yathāvā "tathā yūpasya vedi" rititārtīyādhikaraṇe "ardhamantarvedi minotī"ti vacanena yūpārdhoddeśenāntarvedideśāṅgatvena vihiter'thādyūpārdhasya bahirvedideśe prāpte bahirvedītyayamanuvāda iti pūrvapakṣaṃ prāpayyāsaṃskṛtadeśa evāntarvedibarhirvedipadābhyāṃ lakṣayitvā vidhīyata iti siddhāntitam /
tatra pūrvapakṣe yūpāṅgatvādyūpavṛddhau paśvekādaśinyāmaṅgavṛddherāvaśyakatvātpratiyūpaṃ vedivṛddhirityetanmūlaṃ prastutotkarṣaṃ prakṛtyāpastaṃbairāmnātaṃ "yāvadyūpaṃ vedimuddhantī"ti kalpasūtrakāravacanaṃ siddhāntanyāyaviruddham /
yathāvā dvādaśādhikaraṇe daikṣai śrute "jāghanyā patnīssaṃyājayantī"ti vākye paśvanuniṣpannajāghanyāḥ pratipattyapekṣatvāt tatpratipattyarthatayā patnīsaṃyājānāṃ vidhānam /
tataścātideśaprāptatayā paśvaikādaśinyāṃ sarvāsāmapi jāghanīnāṃ saṃskāryatvānurodhena sarvābhiḥ patnīsaṃyājāḥ kāryā iti jāghanīsamuccayapūrvapakṣaṃ prāpayya ājyena saha vikalpena prāptāyā jāghanyā niyamārthatvena vidhānopapattau na patnīsaṃyājādīnāṃ aprākṛtakāryārthatvaṃ kalpanīyam /
tataśca arthakarmatve sati jāghanyā upādeyatvena vivakṣitaikatvādyayā kayācidekayā tayā patnīsaṃyājā iti siddhāntitam /
ataśca mīmāṃsānyāyaviruddham "jāghanībhiḥ patnīḥ saṃyājayantī"ti bahuvacanāntajāghanīpadaghaṭitaṃ kalpasūtrakāravacanamityarthaḥ /
yattu --- śāstradīpikāyāṃ etādṛśavacanānāṃ nyāyopanyāsarahitānāmapi mīmāṃsānyāyavirodhe sarvathāprāmāṇyamuktam, tannyāyavirodhābhāve śrutimūlakatvābhāvāniścayāteṣu bahutvādismaraṇasya śrutimūlatvopapatterupekṣaṇīyamitivyaktaṅkaustubhe //
atreti grantho vyākhyātacaraḥ //
iti ṣaṣṭhaṃ kalpasūtrādhikaraṇam //
(avasarasaṃgatyā mūlabhūtavedagataviśeṣavicārapratijñā) evaṃ tāvatsamṛtīnāmācārāṇāṃ ātmatuṣṭeśca vedamūlakatvena prāmāṇye dṛḍhīkṛte avasaraprāptatvāt keṣucitsmṛtyācāreṣu mūlabhūtavedagato viśeṣaḥ tattadadhyetrācaritradhikārānadhikāravicāraphalībhūtaścintyate /
evamavasarasaṅgatimathaśabdena sūcayan viṣayaṃ darśayati --- atha yatreti //
(smṛtyādipadopalakṣaṇatānirūpaṇam) smṛtiṣviti padaṃ purāṇamānavetihāsavyatiriktadharmaśāstragṛhyopalakṣaṇaṃ /
tathā gautamīyachandogapade apyupalakṣaṇe /
yathā gautamīyā smṛtiśchandogaireva paṭhyate tathā gobhilīyamapi; tathā vāsiṣṭhaṃ bahvṛcaireva, śaṅkhalikhitaṃ vājasaneyibhireva, āpastambabodhāyanīye taittirīyaireva, teṣāmapi pāṭhavyavasthayā vicāraviṣayatvāt /
holākādīti //
(holākādītyādipadārthaḥ) ādipadadvayena yathā holākācāraḥ prācyaireva, evaṃ vasantotsavaḥ, tathā svasvakulāgatakarañjārkādisthāvarapūjādyācāro āhnīnaibukasaṃjño dākṣiṇātyaireva, tathā "jyeṣṭhāyāṃ paurṇamāsyāṃ balīvardānabhyarcya dhāvayantī" tyudvṛṣabhayajña udīcyaireva /
tathā ayamevotsavo bhādrapadāmāvāsyāyāṃ dākṣiṇātyaireva /
tathā mātṛgaṇapūjācāraḥ pratīcyaireva iti vyavasthayā teṣāmapi vicāraviṣayatvāt /
evaṃ kvaciddeśaviśeṣe kaiścidevaṃ kiñcitkriyate teṣāmapyupalakṣaṇam //
(gṛhyāpratipādyācāraviṣayatvanirūpaṇaparanyāyasudhākhaṇḍanasūcanam) yattu --- nyāyasudhākṛtā gṛhyāpratipādyaviṣayaviśeṣāṇāmevātra vicāraviṣayatvenodāharaṇatvaṃ, natu pārvaṇasthālīpākopanayādīnāṃ gṛhyavihitānāmapi ityuktam; tasyopapādanapūrvakaṃ dūṣaṇaṃ kaustubha eva draṣṭavyam //
(keṣāñcidvicārasvarūpakhaṇḍanam) yattu --- yathāśrutabhāṣyānusārāt holākādyācārāḥ smṛtayaśca prācyādibhinnān prati pramāṇaṃ naveti vicārasvarūpaṃ kaiścit --- uktam; tatprāmāṇyasyālokavatsarvapuruṣāsādhāraṇyāt vyavasthāśaṅkānupapatterayuktamityupekṣyam /
pramāṇabhūtamūlaśrutigataviśeṣapūrvapakṣameva phalībhūtavicārasahitaṃ darśayati --- tatreti //
<B1> anumāna //
atha yatra smṛtiṣu pāṭhavyavasthā yathā gautamīyā chandogaireva, tathā'cāreṣu kartṛvyavasthā yathā holākādi prācyādyabhimānibhireva, tatra tadanumeyaśrutirapi anumāpakasya niyataviṣayatvānniyatādhikārikaiveti nānyaistadanuṣṭheyamiti prāpte ----- yadyapi anumāpakaṃ niyataviṣayam; tathāpi nānumeyaśrutau viśeṣaṇaṃ prācyatvādi dātuṃ śakyam /
nahi prācyatvaṃ nāma sarvācaritranugataṃ jātivyaktiguṇasaṃsthānādibhirnirvaktuṃ śakyam; tattaddeśagatānāmapyanācaraṇāt, ciravinirgataputrapautrāṇāmapyācaraṇācca /
ato viśeṣaṇābhāvāt sarvaviṣayatvam /
gautamīyādismṛtiṣu tu na chandogādhikārikatvasmaraṇaṃ, yena śrutāvapi tatsambhāvyate /
pāṭhamātrantu teṣāṃ smṛtikartuḥ tacchākhīyatvādapyupapannam /
kartā hi chandogaḥ svaśiṣyān chandogān svagranthamadhyāpayāmāsa te 'pyanyān ityevaṃ pāṭhastanmātrevyavasthita iti tatrāpi sarvaviṣayatvameva // 10 // <B2> (svābhimatapūrvapakṣanirūpaṇam) yathaiva dhūmasya parvatavṛttitvadarśanāt vahnerapi parvatavṛttitvenaivānumānaṃ tathaiva śrutyanumāpakatvasya smṛtyācārarūpasya liṅgasya keṣucideva vyavasthitatvādanumīyamānāyāḥ śruterapi vyavasthitaviṣayatvameva kalpayituṃ yuktam /
yaditu arthāpattividhayā tatkalpanaṃ, tadā yadyapi tadviṣayaśrutikalpanamātreṇa tasyāḥ parihārānna niyatakartṛkalpanā prāmāṇikītyucyeta, tathāpi sāmānyaśrutikalpane tatpravartitayoḥ smṛtyācārayorapi sarvaviṣayatvāpatteranupapattyaparihārādvyavasthitaśrutikalpanameva yuktamityarthaḥ //
(kartṛviśeṣajñānopāyanirūpaṇam) sarvatra kartṛviśeṣajñānaṃ sāmarthyānniṣedhavaśādupapadādvā /
yathā dvijānāmevāhitāgnitvāt śūdrādestadabhāvādagnihotrādiṣu kartṛviśeṣajñānaṃ sāmarthyāt /
yathāvā patitaṣaṇḍhādīnāṃ niṣedhādaniṣiddheṣveva patitaṣaṇḍharūpakartṛviśeṣajñānaṃ niṣedhavaśāt /
yathāvā rājasūye rājarūpakartṛviśeṣajñānaṃ rājarūpopapadādbhavati //
(prakṛte kathamapi kartṛviśeṣajñānābhāvasamarthanam) prakṛteca na niṣedho na vā sāmarthyaṃ niyāmakamasti; apratyakṣatvāt /
sāmarthyasyaca sarvatrāviśiṣṭatvāt /
yattu --- upapadamaśrutaṃ kalpanīyaṃ, tattu naiva śrutau dātuṃ śakyate ityabhipretya siddhāntamāha --- yadyapīti /
smṛtimūlabhūtaśrutiṣu yadyapi caraṇaviśeṣavācitaittirīyādyupapadaṃ saṃbhavati; tathāpi kalpakasmṛtau padāpāṭhānnāśrutakalpakaṃ kiñcidasti pramāṇam /
yastu pāṭhaḥ sa tu pāṭhaṃ vināpyavagatamātrasya smṛtivākyasya śrutikalpakatvopapatterakiñcitkaraḥ //
naca pāṭhavyavasthānupapattiḥ tatkalpikā; tasyānyathāpyupapannatvena vyavasthākalpakatvāsaṃbhavādityabhipretyāha --- gautamīyādīti //

iti saptamaṃ holākādhikaraṇam //
- - - - - (pīlvādyadhikaraṇaiḥ vyākaraṇādhikaraṇāpaunarūktyaparihāraḥ) atrācāraprāmāṇyaprasaṃgātsādhubhūtagośabdaprayogācārasya sāsnādimataḥ padārthasya kāryabhūtavākyārthapramā- karaṇatvātprāmāṇyasyevāsādhugāvyādiśabdaprayogācārasya tādṛśapramākaraṇatvamasti naveti cintā /
sāca yadyapi pīlvādivarṇake yavavarāhādhikaraṇe bhāṣyamatenābhiyuktācārāt śāstrasthācārasya balavatvaṃ sādhitamitīhāpi smṛtyadhikaraṇasādhitasmṛtiprāmāṇyena sādhitaprāmāṇyakavyākaraṇānugṛhītācārabalīyastvāt nodetītyetadarthaṃ prathamato mūlabhūtavyākaraṇaprāmāṇyaṃ sādhitamapi na saṃbhavatītyetadavaśyaṃ sādhanīyameva darśayati --- smṛtyadhikaraṇeti //
(smṛtyadhikaraṇākṣepenaitadadhikaraṇapravṛttinirūpaṇam) samūlatve tatprāmāṇyāttadanugatā eva gavādayaḥ śabdā jyotiṣṭomādikarmaṇi prayoktavyāḥ, natu tadananugatā gāvyādayo 'pi /
nirmūlatvetu tatprāmāmyābhāvānniyāmakābhāvena pratyāyakatvāviśeṣāt sarveṣāṃ prayogassiddho bhavatītyataḥ tadākṣipya samādhīyata ityarthaḥ /
ityeka iti prayoganiyama ityarthaḥ /
ityapara iti /
sādhusvarūpaniyama ityarthaḥ //
(sādhuśabdaprayoganiyamāsaṃbhavanirūpaṇam) tatra na tāvat ādyo niyamaḥsaṃbhavatiḥ niyamābhāvepyasādhubhyaḥ prayogasvarūpasya tatkāryābhidhānasya jāyamānatvena tatsvarūpe kārye vopayogābhāvāt /
avihitatvena ca prayogasyādṛṣṭārthatvābhāvenāvaghātādiniyamasyevāpūrvepyupayoga- kalpanānupapatteśca /
atha rāgaprāptabhojanāśritaprāṅbhukhatvaniyamavadarthaprāptaprayogāśritasādhuniyamo dharmāya vidhīyate ityucyate, tatrāha --- naceti /
na tāvadatra pratyakṣādikaṃ mūlaṃ saṃbhavati; teṣāṃ dharmādharmayorapravṛtteḥ /
vedavākyasya mūlatayā kalpanāyāmapi pratiśabdaṃ 'gośabdenābhidadhyāt na gāvīśabdene'tyevaṃ kalpanasya anantaśrutipāṭhāsaṃbhavādasaṃbhavaḥ /
naca paṭhitānāmeva mūlatvam; nityānumeyaśrutimūlatvasya nirākṛtatvāt /
ekaikasya ca sādhuśabdasya gāvīgoṇyādyanekāpaśabdadarśanena tadviṣayapratiṣedhānāṃ pratipadakalpane 'tyantamānantyaprasaṃgāt pāṭhānupapatteśca /
'sādhubhirbhāṣeta nāsādhubhiri'tyevaṃ sādhutvāsādhutvopapadakalpanena tatkalpanāyāṃ tayornirvaktumaśakteḥ na saṃbhava ityabhipretyāha --- pratīti /
pūrvavadityanena pūrvādhikaraṇopapāditopapadāsaṃbhavarūpahetūpajīvanena pūrvapakṣotthānādanantarasaṃgatiḥ sūcitā /
nirvacanāsaṃbhavamupapādayati --- anādīti /
avadhyasmaraṇe sati vācakatvamityarthaḥ /
naca naca sādhuśabdasmaraṇāt śaktibhramādvā prayogapratyayayorupapattiḥ; gavādiṣvapi tathātvasya vaktuṃ śakyatvena vinigamanāvirahāt /
nanu apaśabdānāṃ gavādiṣu gauṇatvameva na vācakatvam, ityata āha --- apaśabdānāmiti //
etena --- lakṣaṇāpi --- nirastā; tayorarthāntaraśaktipūrvakatvāditi bhāvaḥ /
ato gavyādiśabdebhyo jāyamānasyārthapratyayasya niyamena vārayitumaśakyatvāt arthapratyayābhāve ca tatprayogasyaivāprasakterubhayathāpi "sādhūneve"ti niyamo na saṃbhavatītyabhipretya pūrvapakṣamupasaṃharati --- ata iti /
yathāca rakṣohāgamaladhvasandehānāṃ vyākaraṇaprayojanakatvamuktaṃ tathā pūrvapakṣe pratipāditaṃ kaustubha eva draṣṭavyam //
<B1> prayogotpatyaśāstratvācchabdeṣuna vyavasthāsyāt //
smṛtyadhikaraṇanyāyena siddhamapi vyākaraṇaprāmāṇyamākṣipyate /
niyamadvayārthaṃ hi tat /
"sādhūneva prayuñjīta nāsādhūn" ityekaḥ, "gavādaya eva sādhavo na gāvyādaya" ityaparaḥ /
na ca niyamadvayasya mūlaṃ sambhavati;tae pratigavādiśabdamanekaśrutivākyapāṭhāsambhavāt, sādhutvasya pūrvavannirvacanāsambhavenānugataikaśrutikalpanānupapatteśca /
nahi sādhutvaṃ nāmārthapratyāyakatvam, anāditve sati vācakatvaṃ vā; gāvyādiṣvapaśabdeṣvapi sattvāt, apaśabdānāṃ kvacidvācakatvābhāve gavādiṣu gauṇatvasyāpyasaṃbhavācca /
ato vācakatvāviśeṣānna vyākaraṇena niyamaḥ saṃbhavati iti prāpte --- prayogapratyayayoḥ sādhuśabdāpabhraṃśajānāṃ gāvyādiśabdānāṃ tacchabdopasthāpanadvāropapatterna vācakatvakalpanā; anekaśaktikalpanāpatteḥ /
idānīntanānāṃ ca śaktibhramāttau /
naca ghaṭakalaśādipadavadvinigamanāvirahaḥ; pāṇinyādipraṇītavyākaraṇasyaiva niyāmakatvāt /
naca nirmūlatvam; prayoganiyame "sādhūneva prayuñjīte" tyevaṃvidhāyā ekasyā eva śrutermūlatvāt, sādhutvaṃ cānādivācakatvaṃ, anapabhraṣṭatvaṃ vā, vyākaraṇābhyāsajanitasaṃskāravyaṅgyā jātirvā, pramitavṛttyār'thapratipādakatvaṃ veti kaustubha eva kṣuṇṇam /
<B2> (na mlecchitavaiityasya viṣayasamarpaṇam) evañca gāvyādiśabdānāmapaśabdānāmapaśabdatvābhāvāt "namlecchitavai" "āhitāgnirapaśabdaṃ prayujye" tyādayo niṣedhāḥ pārasīkaśabdaviṣayā eva "na mlecchabhāṣāṃ śikṣete" tyādismṛtyekavākyatayā neyāḥ //
athavā --- "mantro hīnaḥ svarataḥ" ityekavākyatayāneyāḥ /
mantraviṣayasvaravarṇabhreṣaviṣayatayā vā neyā iti bhāvaḥ //
(vācakatvaṃ vināpyapaśabdaprayogapratyayayorupapattivarṇanapūrvakasādhuśabdaprayoganiyamasamarthanam) siddhāntamāha --- prayogeti //
tacchabdopasthāpaneti //
mūlabhūtagośabdopasthāpanadvāretyarthaḥ /
aneketi //
anekeṣu śabdeṣu śaktikalpanavikalpādyāpatterityarthaḥ /
prathamataḥ karaṇāpāṭavādinā prayuktādgāvīśabdāt śrotuḥ prayojyavṛddhasyārthapratyayaḥ tāvadgośabdopasthāpanena yadā jātastadānīmeva śrotṛpārśvasthānāṃ saṃjñāsaṃjñirūpaśaktigraho bhramādeva jātaḥ tathaivānyeṣāmapīdānīntanānāmiti na prayogapratyayānyathānupapattyā vācakatvakalpanamityarthaḥ /
asādhuśabdaprayoganiṣedhasya pratyakṣata evopalambhasya vakṣyamāṇatvāt tatra kalpanāprayojanābhāvamarthādeva vā tatsiddhamabhipretya sādhuprayogamūlabhūtaśrutikalpanāmeva darśayati --- prayogeti //
(pārthasārathyuktasādhutvanirvacanaṃ tatra prakāśakārāṇāṃ vyākhyānaṃ dalaprayojanaṃ ca) prathamataḥ pārthasārathyuktaṃ sādhutvanirvacanamāha --- anādīti //
atra prakāśakārā itthaṃ tallakṣaṇārthamāhuḥ--- harikārikāyām --- "anapabhraṣṭatānādiryadvābhyudayayogyatā /
vyākriyāvyañjanīyā vā jātiḥ kāpīha sādhutā" /
iti nirvacanaṃ tredhākṛtam /
tatrādṛṣṭasādhanatvapakṣau vihāya haradattena --- "anidaṃprathamāḥ śabdāḥ sādhavaḥ parikīrtitāḥ /
ta eva śaktivaikalyapramādālasatādibhiḥ /
anyathoccaritāḥ puṃbhiḥ apaśabdā udāhṛtāḥ /
" iti prathamapakṣasyaiva vistareṇokteḥ sa evādṛtaḥ pārthasārathinā /
tatra yadyapi anāditvamātraṃ sādhutvanirvacanamatra pratīyate; tathāpi anapabhraṣṭaviśeṣitaṃ tat draṣṭavyam /
tadeva 'manādiranapabhraṣṭatā sādhutvami'ti tadgranthe 'ntye upasaṃhārāt, harikārikāyāmapi viśeṣaṇaviśeṣyabhāvadarśanāccetarayo 'ranapabhraṣṭatānādiri'tyatra vāśabdaprayogācca /
tatra yadyanapabhraṣṭatvamātramucyeta tadā ṭighubhādisaṃjñāsvativyāptiḥ /
ato 'nāditvapraveśaḥ /
taduktaṃ haradattena --- "yāstvetāḥ svecchayā saṃjñāḥ kriyante ṭighubhādayaḥ /
kathaṃ nu tāsāṃ sādhutvaṃ naiva tāḥ sādhavo matāḥ /
anapabhraṃśarūpatvānnāpyāsāmapaśabdatā /
hastaceṣṭā yathā loke tathā saṃketitā imāḥ /
nāsāṃ prayoge 'bhyudayaḥ pratyavāyo na vā bhavet /
" iti //
anāditvamātroktau anarthakaikavarṇasamudāye 'tivyāptamityanapa- bhraṣṭapadopādānam //
(anapabhraṣṭatvapariṣkāraḥ) nanu --- anapabhraṣṭatvaṃ atra yadyanādiryaḥ śabdaḥ sa ca pratyāyaka iti sādhutvalakṣaṇārthe kriyamāṇe yadyapi nāmakaraṇasaṃketite rudrādiśabde anādiśabdatvādapatyarūpārthapratyāyakatvāllakṣaṇasamāveśasaṃbhavaḥ; tathāpi goṇīśabdasyāvapanavācino 'nāditvāt gorūpārthapratyāyakatvācca gavi sādhutvāpattiḥ, atastatparihārārthaṃ yadarthaviṣayapratyāyakatvamanādiḥ sa tatra sādhurityucyeta, tarhi rudrādiśabdasya śivādyarthapratyāyakatvasyānāditvābhāvāt asādhutvāpattiriti ---cet, ucyate; nāmakaraṇavidhinānādireva putratvopādhinā saṃketitaḥ kartavyatayā vihitaḥ iti tena sāmānyopādhinānādyeva putrādipratyāyakatvaṃ rudrādiśabdānāmiti na doṣaḥ /
ato yadarthapratyāyakatvamanādi sa tatrārthe sādhuriti yuktam lakṣaṇamiti //
(anādivācakatvamityatra na viśeṣaṇaviśeṣyabhāvaḥ kintu lakṣaṇadvayamiti nirūpaṇam) atredamavadheyam --- yadyarthapratyāyakatvaṃ śaktyocyate, tadā gaṅgāgnipadayoḥ tīramāṇavakayorasādhutvāpattiḥ /
naca asmanmate śakyārthasyaiva tīrādyupasthāpakatvāt gaṅgādipadānāṃ tīrādipravāhavācakatvenaiva tīrādau sādhutvamiti prakāśakāroktaṃ yuktam; tatra yadi śakyārthapratyāyakatvameva vācyam, tāvatāpi anādipadopādānavaiyarthyam; ṭighubhādisaṃjñāsu śakterevābhāvena śakyārthapratyāyakatvamātreṇa nirākaraṇopapatteḥ, sādiśaktisvīkāre ca sādhutvasyāpyāpatteśca /
anyathā arthavattvābhāvena prātipadikasaṃjñābhāvāṭṭerityādiṣaṣṭhyanāpatteḥ /
yattu ṭerityādīnāṃ śabdānukāratvāṅgīkāreṇa sādhutvamaṅgīkṛtya śabdaparatver'thaparatvābhāvāt śabdasyaiva lopādikāryānvayāpattimāśaṅkya śabdaparasyaiva lakṣaṇayār'thaparatvaṃ yaduktam, tatsvayameva pūrvaṃ sādhutvānaṅgīkārāt pūrvāparaviruddhatvāt śabdaparatvasyāpi anāditvābhāvādvedokta "helaya" ityādiśabdānāṃ anukaraṇatvāṅgīkāreṇa sādhutvena svayamaṅgīkṛtānāṃ anādyarthapratyāyakatvābhāvācca lakṣaṇasyāvyāpteścāyuktam /
vastutastu --- vṛttigrahābhāve ṭighubhādīnāṃ arthabodhakatvānupapattervṛttāvapi ca lakṣaṇāgauṇyoḥśakyapūrvakatvenāsaṃbhavātsaṃketatvena ca gāvyādiśabdavacchabdopasthāpanena śaktibhrameṇa vā bodhakatvānupapatteravaśyakalpyāyāṃ śaktau śabdaviṣayaśaktisvīkāreṇa arthaparatvameva yuktamiti tatrānādyarthapratyāyakatvābhāvāt durupapādameva sādhutvamityanādipadopādānaṃ vyarthameva /
ato 'nādiriti bhinnaṃ lakṣaṇam, aparaṃ ca anapabhraṣṭateti lakṣaṇam, na tu viśeṣaṇaviśeṣyabhāvaḥ /
ataeva śāstradīpikāyāṃ "sarvakālavṛttitvameva cānāditvaṃ sādhutvam /
taccāvicchinnapāraṃparyādabhiyuktasmaraṇena sulabhami"tyuktamiti mūlagranthavirodho 'pītyabhipretya harikārikāgatānapabhraṣṭatāpadasya yayāśrutārthaparatvamevāṅgīkṛtya dvitīyaṃ lakṣaṇamāha --- anapabhraṣṭatva veti //
karaṇāpāṭavādijanyāpabhraṃśarahitatvamityarthaḥ //
(dvitīyalakṣaṇāsvārasyena tṛtīyaṃ tadasvārasyena tṛtīyaṃ ca lakṣaṇaṃ nirvakti) idamapi humādyanarthakavarṇeṣvativyāptam, ato lakṣaṇāntaramāha --- vyākaraṇeti //
atrāpi na gavādiśabdeṣvevānugatāgāvyādiśabdebhyo vyāvṛttā sādhutvaṃ nāma jātiḥ saṃbhavati; loke gavādiśabdamātravṛttisādhuśabdaprayogābhāvena tadaṅgīkāre mānābhāvāt /
kiñca vyākaraṇānugataśabdamātravṛttitvena tatsvīkāre vacantītyasyāpi sādhutvāpattiḥ /
yatra prayujyamānatve sati vyākaraṇānugatatvaṃ tatra sādhutvajātisvīkāre gavādipadasyānekakramikavarṇasamudāyātmakatvena yaugapadyāsaṃbhavāt "anārabdhe tu gośabde gośabdatvaṃ kathaṃ bhavedi"ti nyāyena padatvādijāteriva sādhutvādijāterapyasaṃbhava evetyayuktaṃ lakṣaṇaṃ matvā nyāyasudhākāroktaṃ lakṣaṇāntaramāha --- pramitavṛttyeti //
(vṛttitvādinirvacanāsaṃbhavena vṛttīyalakṣaṇe prakāśakṛto dūṣaṇaparihārau) yattu atra prakāśakāraiḥ na śaktyādyanugataṃ vṛttitvaṃ nāma kiñcit śakyate nirvaktumiti dūṣaṇaṃ dattam, tat śaktilakṣaṇāgauṇīṣu vṛttipadasya śāstrakāraiḥ saṃketitasyaiva laghunopāyena lakṣaṇe praveśānnirvacane prayojanābhāvādayuktam /
yadapi ādhunikasaṃketitanāmasu vṛttitvābhāvāllakṣaṇasyāvyāptiriti teṣāṃ dūṣaṇam, tat "dvādaśe 'hani pitā nāma kuryādi"ti sāmānyavidhinā putratvopādhinā sarveṣāṃ devadattaśabdādīnāṃ saṃketakaraṇena śakteḥ pramitatvādayuktam //
uktañca hariṇā --- "puntrādināmakaraṇe gṛhyeṣu niyamaśrute /
anādiśaktitā saṃjñāsvapi naiva virudhyate /
" iti //
teṣāmanāditāsaṃjñāsvapītipāṭhaḥ /
tasmāt teṣāmapyanāditāṅgīkārādarthapratyāyanarūpakāryānurodhenāvaśyaka eva śaktisvīkāra iti na doṣaḥ //
ṭighubhādisaṃjñāsvapi pūrvoktarītyār'thaparāṇāṃ sādiśaktisvīkārāt nāvyāptiḥ /
apaśabdānāṃ tu tattacchabdopasthāpanena arthapratyāyanāt vṛttyanaṅgīkārānnāpyativyāptiriti yuktaṃ lakṣaṇamityarthaḥ //
(vacantītyādīnāṃ sādhutvaparihāropāyaḥ) atra śaktibhrameṇārthapratyāyake 'paśabde 'tiprasaṃgavāraṇāya pramitapadopādāne 'pi yatra yaḥ śabdaḥ prayujyate, tasyaiva tādṛśārthapratyāyakatvamityapi niveśanīyam; itarathā ghaṭaśabdasya paṭe sādhutāpatteḥ /
tataśca etādṛśasādhutvasya vyākaraṇānugatatvameva śaktinirṇayadvārābhivyañjakam /
vacantītyādau vyākaraṇānugatatvasya "nahi vacirantiparaḥ prayujyate" iti kātyāyanena niṣedhakaraṇenābhāvānna sādhutvamiti sādhutvāsādhutvopalakṣaṇenaikasyā eva śaktinirṇāyakatvānna ghaṭakalaśādivadvinigamanāviraha iti bhāvaḥ //
(āśaṅkānirāsapūrvakaṃsādhubhireva bhāṣeteti niyamasvarūpatadvyāvartyāṃśādinirūpaṇam) nanu --- atra kīdṛśo niyamo vivakṣitaḥ, kiṃ sādhubhirbhāṣetaivetyevaṃ kriyāviṣayako vā ? uta yadbhāṣitavyaṃ tatsādhubhireveti sādhanaviṣayo vā? /
nādyaḥ, maune doṣāpatteḥ /
nāntyaḥ; bhāṣaṇaṃ hi nārthapratipādanamātram /
akṣinikocādāvaprayogāt, kintu śabdavyāpārasādhyaṃ arthapratipādanam, tatra ca vācakasya sādhuśabdasyaiva prāpteratyantāvācakāsādhuprayogāprasakteḥ kathañcidasādhuprāptyā tanniyamakaraṇe 'kṣinikocāderapi kathañcitprāptyā nivṛttyāpattiriti --- cet, parihṛtametadācāryaiḥ /
svābhiprāyaprakāśanadvārār'thaprakāśanamātramatra bhāṣetetyanena lakṣaṇayocyate, yadi śabdavyāpāradvārār'thajñāpanarūpaṃ bhāṣaṇamucyeta, tadā sādhuvyatiriktopāyāprasaktyā sādhuniyamo 'narthako bhavet, iha tu svābhiprāyaprakāśanadvārār'thajñāpanarūpaṃ bhāṣaṇamuddiśya sādhuniyamavidhau ca na maune doṣaḥ /
tatroddeśyābhāvādeva vidhyapravṛttermaunavyāvartanāt yatrāpi bhojanādau vaidhaṃ maunaṃ, tatrāpi etadvidhipravṛttyākṣinikocādivyāvartanāt hastasaṃjñādinā śākāderjñāpanavāraṇādi na kāryam /
athavā --- sāmānyaviśeṣanyāyānmaunavidhinaiva sādhubhāṣaṇavidherbādhāttatphalī- bhūtākṣinikocādivyāvṛtterapi bādhānna śiṣṭācāravirodho 'pi /
nahyetādṛśe bhāṣaṇe 'sādūnāmaprasaktirasti /
atastadvyāvṛttyā yukto niyama iti /
prakārāntaramapi vārtike upapāditaṃ tatraiva draṣṭavyam /
ato yuktameva sādhuprayoganiyamamūlabhūtaśrutikalpanam //
<B1> tadabhāvaścāsādhutvam /
pratyakṣaiva ca śrutiḥ "na mlecchitavai mleccho ha vā eṣa yadapaśabda" iti mūlam /
ayaṃ ca niṣedhaḥ prakaraṇājjyotiṣṭomāṅgam; yajñamātre 'pi ca niṣedho "yājñe karmaṇi niyamo 'nyatrāniyama" iti mahābhāṣyādyanusārāt /
sādhuprayoganiyamāt paraṃ phalodaya ityapi; "ekaḥ śabdaḥ samyag jñātaḥ suprayuktaḥ svarge loke kāmadhugbhavatī"ti vacanāt /
<B2> (na mlecchitavai ityatra mlecchaśabdasyāpaśabdaparatvopapādanapūrvakaṃ tasyāḥ pratyakṣāyā eva sādhuśabdaprayoganiyamamūlatvopapādanam) vastutastu --- nātra śrutyanumānamapi; pratyakṣāyā eva tasyāḥ pāṭhasyopalaṃbhādityāha --- pratyakṣaivaveti /
vājasaneyiśākhāyāṃ hi "te 'surā helayo helaya iti vadantaḥ parābabhūvuḥ /
tasmāt brāhmaṇena na mlecchitavai mleccho ha vā eṣa yadapaśabda" iti śrutau paṭhyamānāyāṃ vidhyarthe vihitena tavaipratyayena mlecchitavyamityarthāvagamāt pratyakṣata evāpabhāṣaṇaniṣedhācca sādhubhāṣaṇaniyamavidhiḥ pratīyate /
naca mlecchaśabdaḥ pārasikīśabdaviṣayaḥ; upakramopasaṃhārasthārthavādaparyālocanayāpaśabdamātraviṣayatvapratīteḥ /
upakrame ca "he araya" iti prayojye rephasthāne lakāraprayogeṇa "haihe prayoge haihayoḥ" ityetatsūtravihitaplutāprayogeṇa "plutapragṛhyā aci nityam" iti vihitaprakṛtibhāvābhāvācca "hetalaḥ" ityasurakṛtanividapaśabdabhāṣaṇasya parābhavarūpāniṣṭahetutvāvagaterata evāpaśabdatvenaivopasaṃhārapratīterna mlecchabhāṣāparatvamiti bhāvaḥ //
(apaśabdabhāṣaṇaniṣedhasya kratvarthatvopapādanam /
jyotiṣṭome pratinidhitayāpi apaśabdaniṣedhopapādanaṃ ca) nanu kathaṃ kratvarthatayāpaśabdabhāṣaṇaniṣedhaḥ? apaśabdabhāṣaṇasya puruṣārthatvena tadviṣayakaniṣedhasya niṣedhyasamānārthakatvasya yuktatvāt, ityata āha --- ayañceti //
"nānṛtaṃ vadaidi"ti prakaraṇāt jyotiṣṭomāṅgam /
"strayupāyamāṃsabhakṣādi puruṣārthamapi śritaḥ /
pratiṣedhaḥ kratoraṅgamiṣṭaḥ prakaraṇāśrayāt" itivārtikoktarītyā yadarthā kriyā tadartho niṣedha iti niyamasyautsargikatvāt na doṣa ityarthaḥ /
na kevalaṃ jyotiṣṭoma eva tanniṣedho 'pitu yajñamātra ityāha --- yajñamātrepiceti //
naca --- evaṃ "vāgyogavidduṣyati cāpaśabdairi"ti smṛtyā vācā manasā ca yajño vartata iti liṅgadarśanena vāgyogaśabdasya yajñaparatvāvasāyāttadvido yajñamātrasyāpaśabdabhāṣaṇe doṣa ityarthāvagateryajñamātraviṣayaniṣedhaparasya "yājñe karmaṇī"ti mahābhāṣyavacanasyāpi yajñamātraviṣayatayā pratīteḥ tābhyāmevavidhiniṣedhābhyāṃ itarayajña iva jyotiṣṭome 'pi tadubhayaprāpterviśeṣato niṣedhāmnānaṃ vyarthaṃ iti --- vācyam; niṣedhātikrame yajurvedabhreṣaprāyaścittaprāptyarthamṛtvigyajamāna- sādhāraṇyena niṣedhaprāptyarthaṃ vā tatsārthakyopapatteḥ /
athavā --- sādhuniyamenārthānnivṛttānāmapi asādhūnāṃ sādhuprayogāsaṃbhave 'vaghātāsaṃbhava iva nakhadalanādeḥ pratinidhitvena prāptau prasaktāyāṃ tanniṣedhārthaṃ tanniṣedha iti kaustubhadarśitarītyā vā sārthakyopapatteśca /
asmiṃśca pakṣe jyotiṣṭome sādhuprayogāsaṃbhave 'kṣisaṃketādereva pratinidhitvam, natvasādhuśabdasyetyapi draṣṭavyam //
vastutastu --- vāgyogavidityayaṃ na svatantro niṣedhaḥ, kintu sādhuprayoganiyamenārthādasādhubhāṣaṇanivṛtteḥ "nagire"tivadanuvādamātram "yastu prayuṅkte kuśalo viśeṣe śabdān yathāvadvyavahārakāle /
so 'nantamāpnoti phalaṃ paratra ce"ti caraṇatrayavihitasya puruṣārthasya sādhuniyamasyaucityena stutyarthaṃ iti kaustubhe draṣṭavyam /
etacca "āhitāgnirapaśabdaṃ prayujya sārasvatīmiṣṭiṃ nirvapedi"ti prāyaścittavidhyanyathānupapatti- kalpitāpaśabdaniṣedhasyāpyupalakṣaṇam /
tatrāpyāhitāgnipadopādānāt tatsādhyakratumātraprasaktāpaśabdaprayoge prāyaścittavidhānāt niṣedhasya yajñamātraparatvamavasīyate //
(puruṣārthatayāpaśabdabhāṣaṇaniṣedha iti prakāśakāramataṃ tatkhaṇḍanaṃ ca) yattu --- etasya yajñātiriktavyavahāre puruṣārthatayāpaśabdabhāṣaṇaniṣedhaparatvaṃ prakāśakārā varṇayanti, tasya dūṣaṇaṃ kaustubhe draṣṭavyam /
ataeva "anyatrāniyama" iti bhāṣyakārīyaṃ vacanaṃ āhitāgnīnāmapi vyavahārakāle harināmakīrtanādapaśabdabhāṣaṇācāro 'nugṛhīto bhavatītyalaṃ vistareṇa //
(satyaṃ vadet, nānṛtaṃ vadedityanayoḥ prayoganiyamamūlatvamitiśāstradīpikātadvyākhyānayoḥ siddhāntakhaṇḍanam) yattu --- samyaktvāsamyaktvavācisatyānṛtapadopādānāt "satyaṃ vadet" "nānṛtaṃ vadet" ityanayoreva śrutismṛtiṣu śrūyamāṇayorvidhiniṣedhayoḥ prayoganiyamāṃśe mūlatvopapatterekopalakṣaṇāsaṃbhavena mūlakalpanānirāse na yukta iti vārtike pakṣāntaramāha --- tadeva śāstradīpikāyāmanusṛtam, tadvadedityasyārthābhidhānārthakatvavacchabdoccāraṇaparatvādanṛtapadasyāpyarthaviṣaye satyatvaparatvāt śabdaviṣaye vāpabhraṣṭatvaparatvāt sakṛcchrutasya anekārthaparatvāyogenobhayaniṣedhakatvāyogāt pratyuta "eṣa ha vai satyaṃ vadan satye juhotyastamite juhoti udite prātaḥ prātaranṛtaṃ te vadanti purodayājjuhvati ye 'gnihotrami"tyādiśrutiparyālocanayār'thaparatvāvasāyācchabdaparatvānupapattergāvyādi śabdasya ca śiṣṭairagarhitatvātprauḍhivādamātramiti rāṇake eva vyaktam /
yattu --- somanāthena satyatvaṃ nāma vṛttyābādhitārthabodhakatvam /
tacca gauriyamiti śabde arthasya gorabādhitatvādarthaviṣayaṃ satyatvam, gośabdasya śaktyā pratipādakatvāt śabdaviṣayasatyatvamityubhayamapi niruktarūpeṇa ekasyaiva satyaśabdasyārthaḥ /
gāvyastītyatra tu arthābādhe 'pi vṛtterabhāvācchabdānṛtatvaṃ, arthabādhasthaletu pratipādakatvasadbhāve 'pyarthasyābādhitatvābhāvānnātiprasaṅga ityubhayaṃ niruktabodhakatvābhāvenaikasyaivānṛtaśabdasyārtho 'taḥ satyānṛtaśabdayoḥ nānekārthatāpattiḥ--- ityuktam; tadekarūpeṇāpi pratipāditārthadvayasya yugapadvadanakriyānvayāyogāt kriyāpade anekārthakalpanayā āvṛttyāpatteranivāraṇadupekṣyam //
(apaśabdabhāṣaṇaniṣedhasya kratvarthatopasaṃhāraḥ) evañca "na mlecchabhāṣāṃ śikṣeta" ityādiniṣedhaiḥ mlecchabhāṣāyāḥ puruṣārthatayā sarvatra niṣedhepyapaśabdarūpānyabhāṣāniṣedhasya sarvathā kratvarthatayaivāvagateḥ vyavahārakāle taduccāraṇānnaiva pratyavāya iti siddham //
(yajamānasaṃskāradvārā sākṣādvā kratvapūrve sādhuprayoganiyamāpūrvasyopayogaḥ) evaṃ tāvat jyotiṣṭomaprakaraṇagataniṣedhasya prakaraṇātkratvarthatve prāpte 'pi jañjabhyamānānuvacananyāyena jyotiṣṭomāpūrvasādhanībhūtabrāhmaṇapadopāttayajamānasaṃskāratvāvagateḥ tatra ca yajamānasyaiva tārtīyanyāyena kartṛtvena saṃskāryatvāt tadarthāpattyā kalpitasādhuniyamavidhivihitasādhuniyamādṛṣṭasya kratvarthatvāt tajjanyaphalādhānayogyatāsaṃpādanadvārā kratvapūrve upayogāt na vaiyarthyam /
evaṃ "yājñe karmaṇī"ti mahābhāṣyakāravacanāt yajñamātrāpūrve 'pi upayogānna vaiyarthyam /
etāvāṃstu viśeṣaḥ--- mahābhāṣyakāravacane kratuyuktapuruṣavācakapadopādānābhāvāttatsaṃskāratve pramāṇābhāvādanṛtavadana- varjanasyaiva śuddhakratudharmatvāttatkṛtavaiguṇyaparihārārthaṃ ṛtvigyajamānasādhāraṇyena karmāṅgabhūtavrīhyādipadārthavyavahārārthaṃ laukikaśabde prayoktavye vyākaraṇānugataśabdaniyamāttajjanyaṃ yadavaghātādiniyamajanyādṛṣṭavat śuddhakratvarthaṃ apūrvaṃ tadaṅgabhūtavrīhyādiniṣṭhameva kalpyate iti //
(kratvarthatvavatsaṃyogapṛthaktvanyāyena puruṣārthatvamapīti nirūpaṇam) etāvatāca kratvarthatvena niyamādṛṣṭavaiyarthye parihṛte saṃyogapṛthaktvanyāyena puruṣārthatāṅgīkaraṇamityapiśabdābhyāṃ sūcayan tadvaiyarthyaṃ parihartumāha --- sādhuprayoganiyamāditi //
"ekaḥ śabdaḥ suprayuktaḥ" ityanārabhyādhītavākyena phalasaṃbandhasyāpi bodhanāt tādṛśaphalasyāpūrvaṃ vināniṣpatteḥ tatra ca jyotiṣṭomasādhyaphalopabhogalakṣaṇakāryopayogitvādvapanādineva phalādhānayogyatārūpasaṃskārasya sādhuniyamena niṣpatterupayogānna vaiyarthyamityarthaḥ //
(ekaḥ śabda iti vākyārthasya prakṛtānuguṇasya saṃpādanaprakāraḥ) atra ca suprayukta ityasya agre śāstrānvaya ityapi paṭhati /
tena śāstraśabdena rūḍhyā vidyāsthānavācinā vyākaraṇasyaivābhidhānāt vyākaraṇaśāstrānugatasādhuśabdabhāṣaṇaniyamasya svargasādhanatvāvagateḥ puruṣārthatā avasīyate /
tathāca rāgaprāptaprayogāśritaḥ sādhuniyamo bhojanāśritaḥ prāṅmukhatvaniyama āyuṣyaphala iva svargaphale vidhīyate /
tasya cājñātasya śabdasya prayogāśritatvāsaṃbhavādarthaprāptavyākaraṇotthajñānakarmatvasyānuvādakameva samyagjñāta iti padam /
evañcātra prayogāśritādeva phalokteḥ jñānamātrādeva dharma iti pakṣo bhāṣyādyukto 'pi abhyupetyavādenaiva neyaḥ //
(sādhuśabdānāṃ prayogāśritānāmeva phalasādhanatvaṃ na jñānamātrādityasya sopapattikamupapādanam) ataeva jñānasya sādhuniyamārthatvena parārthatvājjñānaphalapratipādakānāṃ vacanānāṃ "yo 'śvamedhena yajate ya u cainamevaṃ vede" tivatparṇamayīnyāyenārthavādatvameva /
etena --- śāstrotthajñānapūrvakaprayogasyaiva dharmahetutvābhidhānaṃ vyākaraṇavārtikakārīyaṃ --- nirastam; prayogasya rāgaprāptatvena avidheyatvena phalasaṃbandhāsaṃbhavāt /
naca bhāṣaṇasyāpyarthajñānārthatvena parārthatvādapāpaślokaśravaṇavat "svarge loke" ityasyāpi arthavādamātratvaṃ śaṅkyam; anārabhyavihitasya bhāṣaṇasya kratvarthatve pramāṇābhāvena dṛṣṭārthavyavahārahetutvena śuddhapuruṣārthatvāvagateḥ phalākāṅkṣāyāṃ "phalamātreyo nirdeśādi"ti nyāyena phalapratipādakatvopapatteḥ iti bhāvaḥ //
(rāgaprāptasya sādhuprayogasyāśrayatvenānvetuṃ yogyasyopasthāpakapramāṇanirūpaṇam) nanu evaṃ dṛṣṭārthasya rāgaprāptasya bhojanasyādhikārākhyaprakaraṇena diṅyimāśrayatvasaṃbhave 'pi iha tadabhāve upasthitimātreṇāśrayatve kriyāntarāṇāmapyāśrayatvāpattyā suprayukta iti nityavadanuvādānupapattiriti śaṅkāṃ pariharati --- rāgaprāptasyāpīti //
tasmādeṣeti //
prakṛtipratyayādhānarūpeṇa vyākaraṇena saṃskṛtāyā vāco bhāṣaṇarūpadhātvarthāśrayasaṃbandhavidhānāt bhāṣaṇasyāśrayatvaṃ nāsulabhamityarthaḥ //
<B1> atra hi prayogāśritaḥ sādhuniyamaḥ phaloddeśena vidhīyate /
rāgaprāptasyāpi ca sādhuprayogasya "tasmādeṣā vyākṛtā vāgudyata" iti vacanādāśrayatvasiddhiriti spaṣṭaṃ kaustubhe /
"gavādaya eva sādhavo na gāvyādaya" iti sādhusvarūpaniyamasya tu anādiprayogaparamparaiva mūlam /
ataḥ pramāṇaṃ vyākaraṇam /
yattu nyāyamūlakaṃ sphoṭādi tatrocyate śrutiviruddhaṃ ca, tannyāyaśrutivirodhe kāmaṃ bhavatvapramāṇam //
ityaṣṭamaṃ vyākaraṇaprāmāṇyādhikaraṇam //
<B2> (atra prāsaṅgikaprakāśakāramatakhaṇḍanam) atra prakāśakārairasya puruṣārthabhūtasādhubhāṣaṇaniyamotpattividhiparatvamaṅgīkṛtya "ekaḥ śabda" ityasya phalasaṃbandhabodhakatvamityuktam /
tadekaḥ śabda ityanenaivobhayasaṃbhavādvaiyarthyāt ananyalabhyāśrayasaṃbandhavidhāyakatayaiva pariharaṇīyatvāt ayuktamiti sūcayituṃ vacanādityuktam /
nahyekaḥ śabda ityanena sādhubhāṣaṇaniyamasya svargaphalasādhanatā bodhyate, apitu suprayuktaḥ kāmadhugiti sāmānādhikaraṇyāt prayogāśritasādhuśabdaniyamasyaiveti sādhubhāṣaṇavidheranapekṣaṇādapekṣitāśrayasaṃbandhabodhakatvameva yuktam /
ata eva śāstradīpikāyāṃ tadāśritaḥ sādhuniyama ityevoktam iti bhāvaḥ //
yattu nyāyasudhākṛtāsya kratvarthatayā vidhāyakatvamuktaṃ, tat kaustubhe nirastam tatraiva draṣṭavyam //
(gavādaya eva sādhava ityatrānādiprayogaparaṃparāyā eva mūlatvanirūpaṇam) anādiprayogaparaṃparaiveti //
sādhutvāśrayāṇāṃ śabdānāṃ śrotrapratyakṣasiddhatvāt teṣāṃ pramāṇyaniścaya eva kevalaṃ vyākaraṇādhīna iti tatrāpi vyākaraṇāntaramūlakatvādupapannamevānādisādhusvarūpaniyamajñānam; caturdaśamahāvidyāsthānāntargatatvena kalpādivatpravāhanityatāyā vyākaraṇe 'pi svīkartuṃ yuktatvāt /
anyathā tatrāpi nityabrahmayajñavidhiviṣayatvānupapatteḥ /
ata eva taittirīyagate "prayājānūyājeṣu vibhaktiḥ kuryā" diti brāhmaṇe vibhaktikaraṇamupapadyate /
nacaivaṃ smṛtyantaramūlakatve 'ndhaparaṃparāpattiḥ; adṛṣṭasādhanatvasyāṣṭakādau pratyakṣāviṣayatvena andhaparaṃparāprāptāvapi "brāhmaṇyāṃ brāhmaṇājjāto brāhmaṇa" iti smṛtyuktābhivyañjakajñānasahakṛtacakṣurgrāhyatvena brāhmaṇapratyakṣasyevehāpi pūrvapūrvavyākaraṇāvagataprakṛtipratyayādyabhivyañjakābhyāsajanitasaṃskārasahakṛtenārthajñānānyathānupapatti- sahakṛtena ca śrotreṇādyayāvatsādhuśabdapratyakṣopapattestadaprasakteḥ /
ato "gavādaya eva sādhava" iti svarūpaniyame 'nādiprayogaparaṃparaiva mūlamiti bhāvaḥ /
ato vedāvagatasamyaksādhuśabdaprayogātmakadharmāṅgatvena vyākaraṇaprakriyeti kartavyatayopayujyate iti siddhaṃ vyākaraṇaprāmāṇyamupasaṃharati --- ata iti //
etadupapādanapūrvakaṃ nyāyaviruddhatvena darśitaṃ kaustubhe draṣṭavyam /
śrutiviruddhaṃ ceti //
(kalerḍhak vāmadevāḍḍyaḍyau ityanvākhyānayorarthavādaviruddhayoḥ sarvaveṣṭanavadananuṣṭhānalakṣaṇāprāmāṇyanirūpaṇam) "dṛṣṭaṃ sāme"tyadhikāre "kalerḍhak" "vāmadevādḍyaḍyā"- viti sūtrābhyāṃ kalinā vāmadevena varṣiṇā dṛṣṭaṃ sometyarthe kāleya - vāmadevyaśabdayoḥ sādhutvānvākhyānaṃ kriyamāṇaṃ śrutiviruddham; "yadakālayattatkāleyasya kāleyatva" mityarthavāde sukhasvīkārarūpakālaprāptinimittatvasya kāleyaśabde 'bhidhānāt /
tathā "āpo vai ṛtviyamārcchantyāsāṃ vāyuḥ pṛṣṭhe vyavartata tato vāmaṃ vasu sannyabhavat tanmitrāvaruṇau paryapaśyatāṃ tāvabrūtāṃ vāmaṃ martyā idaṃ devebhyo 'jani tasmādvāmadevyaṃ" ityarthavāde vāmadevya iti samabhivyāhṛtapadadvayoccāraṇakriyānimittatvasya vāmadevyapade 'bhidhānāt /
ataḥ tat yāvatmūlabhūtaśrutidarśanamananuṣṭhānalakṣaṇāprāmāṇyaviṣayaṃ bhavatu sarvaveṣṭanasmṛtivannatvetāvatā sarvasyāprāmāṇyamityarthaḥ /
prayojanaṃ pūrvottarapakṣotthaṃ prāgeva darśitam //

ityaṣṭamaṃ vyākaraṇaprāmāṇyādhikaraṇam //
<B1> (9 adhikaraṇam / ) prayogacodanā //
vācakaśabdaprasaṅgādvācyaṃ kiṃ ghaṭatvādijātiḥ uta vyaktiriti cintā /
tadarthaṃ ca lokavedayoḥ śabdānāmanyatvamuta neti cintanīyam /
anyatve hi upāyābhāvena vaidikaśabdaśaktigrahasyāsaṃbhavānnādyā cintā'rambhaṇīyā /
ekatve tu loke vṛddhavyavahārānusāreṇa gṛhītā śaktirvede phaliṣyatīti yuktā cintā /
tatra varṇābhede 'pi svarachāndasavarṇāgamalopavikārānadhyāyādidharmabhedāt saro rasa ityādipadayoriva lokavedayoḥ padānāmanyatvamiti prāpte ----- yatrārthabhedapratipattyanukūlo dharmabhedastatraiva padabhedaḥ /
yathā saro rasa iti kramāt, brahma brāhmaṇeti nyūnātiriktatvāt, sthūlapṛṣatītyatra karmadhārayabahuvrīhyoḥ svarāt antodāttatvādyudāttatvarūpāt, pacate dakṣiṇāṃ dehi bhojanārthaṃ pacate ityatra vyadhikaraṇapadasannidhirūpādvākyāt, yātaḥ punarāyāti yāto devadattayajñadattau ityatra samānādhikaraṇapadasannidhirūpaśrutyā, aśva iti agama ityarthe vyākaraṇasmṛtyā; tadamijñasya padabhedānubhavāt /
yatra tu nārthabhedapratītistatra satyapi dharmabhede dṛḍhatarapratyamijñābalenaikatvāvadhāraṇānna padānyatvaṃ lokavedayoriti yuktā ādyā cintā /
<B2> (ākṛtyadhikaraṇopoddhātasya lokavedādhikaraṇasyākṛtyadhikaraṇopakrameṇopakrame nimittanirūpaṇam) lokavedayoḥ śabdānāmanyatvaṃ uta neti vicārārthaṃ lokavedādhikaraṇasya pūrvavyutpāditavyākaraṇaprāmāṇyādhikaraṇenāsaṃgatimabhipretya saṅgatilobhenākṛtyadhikaraṇamevādāvārambhaṇīyaṃ, tena ca prasaṅgasaṅgatyupapatternāsaṅgatatā /
lokavedādhikaraṇaṃ tu tadupoddhātatvena madhye saṃgatamityevaṃ saṅgatiṃ sūcayitumākṛtyadhikaraṇacintāṃ prathamato darśayati --- vācaketi //
prasaṅgādityapavādasaṃgaterapi upalakṣaṇam /
pūrvaṃ vyākaraṇaprāmāṇyasya sādhitasyeha kātyāyanenokte vyaktivācitvāṃśe 'pi prasaktasyāpavādakaraṇenāpi tadupapatteḥ /
ata eva pratipadādhikaraṇādirūpopodghātasya prakṛtamanupakramyaiva kṛtasyeveha na karaṇam; asaṅgatiprasaṅgāt /
tatratvadhyāyāditvānnānantarasaṃgatyapekṣeti viśeṣaḥ /
athavā --- tatra "bhāvārthāḥ karmaśabdā" iti bhāvārthādhikaraṇasūtraṃ na kathañcidapi pratipadādhikaraṇe 'pi śakyaṃ yojayitumiti sūcayituṃ prakṛtamanupakramyārambha iti viśeṣaḥ //
(dravyaguṇakriyāvācakānāṃ sarveṣāmapyudāharaṇatvanirūpaṇam) ghaṭatvādijātiriti //
nahyetāvatā dravyavācakānāmevodāharaṇatvamiti bhramitavyam; dravyatvāvāntaravyāpyaghaṭatvādijātivat guṇatvāvāntaravyāpyaśuklatvādijāterapyaṅgīkāre bādhakābhāvāt /
karmatvāvāntarajātīnāṃ ca jyotiṣṭomatvādīnāṃ śabdāntarādipramāṇagamyatvenābhyāsādhikaraṇe sādhayiṣyamāṇatvāt teṣāmapi guṇakriyāśabdānāmudāharaṇatvopapatteḥ /
evamākhyāte 'pi prakṛtipratyayayoḥ dhātvarthabhāvanāvācitve sādhite 'pi tadgatajātyupadhyanyataradharmavācitvam, athavā --- tadupalakṣitavyaktivācitvamiti vicārasaṃbhavādudāharaṇatvaṃ draṣṭavyam //
(lokavedaśabdayoranyatve 'pi ākṛtyadhikaraṇanāvaśyakatāśaṅkāsamādhānābhyāṃ lokavedādhikaraṇāvaśyakatānirūpaṇam) ākṛtyadhikaraṇavicāropodghātaṃ darśayati --- tadarthañceti //
śabdānāmityetadarthānāmapyupalakṣaṇam //
vede phaliṣyatīti //
yadi anyaḥ śabdo bhavettadā laukikaprayogasyārthapratyāyanārthatvena yathākathañcit tātparyādevānyatarārthāvagateḥ saṃbhavena naiva tadviśeṣavācyatvavicārasya prayojanam /
vede yadyapi prayojanamīdṛśaṃ saṃbhavati /
pūrvapakṣe "yadāhavanīye juhotī"tyatra juhoteritarahomavyaktau padavadāhavanīyasyāpi saṃbandhaḥ śrutyaiva prāpyeteti sāmānyaśāstrasya bādhāprasaktervikalpaḥ prāpyeta, yadātvetadadhikaraṇasiddhāntayukttyā juhoterhematvajātivācitvenākṣepādvyaktibhānaṃ, tadā sāmānyaśāstreṇa sādhāraṇyenākṣepāt vyaktibhānepi yāvaddūrasthā padahomavyaktereva "pade juhotī" tyatra juhotinā sāhityākṣepātsāmānyaśāstrabādhānna vikalpaḥ iti; tathāpi "yūpaṃ chinattī"tyādau lokaprasiddhacchedanādipadasamabhivyāhāreṇa yūpapadaśaktigrahepyanyatra vede śaktigrahopāyābhāvāt naitatprayojanaṃ saṃbhavatītyekatve śabdānāṃ sādhite etaccintāphalamiti bhāvaḥ //
(āhavanīyapadavākyayoḥ sāvakāśaniravakāśanyāyaviṣayatvopapādanena vyaktivācitve 'pyupapattinirūpaṇenoktacintāprayojanāntaranirūpaṇam) yadyapi etadāhavanīyabādhābādharūpaṃ prayojanamākare 'bhihitam; tathāpi anyatra vyaktivācitvapakṣe 'pi "yat kiñcitprācīnamagnīṣomīyāttenopāṃśu carantī"ti vākyena sarvanāmopasthāpitatahyaktiviśeṣe vihitasyāpyupāṃśutvasya "mandraṃ prāyaṇīyāyāmi"ti vihitamandrasvareṇa niravakāśatayā bādhasyevehāpi sāvakāśaniravakāśanyāyena tadbādhasiddherayuktamiti kaustubhe draṣṭavyam //
ataeva prayojanāntaraṃ svayaṃ vakṣyate //
(ekatvetu itituśabdaprayojanam) nanvekatve 'pi phalopāyayorvedalokaviṣayatayā bhinnaviṣayatvādekāṅgavaikalyāparihāra ityāśaṅkā loke tattatpuruṣagatoccāraṇabhedavadvede 'pi uccāraṇamātrasya bhede 'pi śabdasvarūpabhedābhāvādayukteti tuśabdena sūcitam /
pūrvapakṣamāha --- tatreti //
(varṇābhede 'pi svarādibhedāt padabhedanirūpaṇam) nanu --- tarkapāde "saṃkhyābhāvādi"ti sūtre balavatpratyabhijñānādeva gakārādiśabdabhedaḥ sādhitaḥ, tenaiva tadghaṭitapadābhedo 'pi siddha evetyāśaṅkāṃ jarā rājetyādau varṇābhedasya vidyamānatve 'pi tadabhedāprayojakatvena nirasitumabhyupetyavādena varṇābhedepītyuktam /
tataśca tatra yathā dharmabheda eva padabhedaprayojakaḥ, tathehāpītyarthaḥ /
dharmabhedameva darśayati --- svara iti //
vaidikeṣu niyataḥ svaraḥ /
"devāsa" ityādau chāndaso varṇāgamaḥ /
"tmanādeve"ṣvityādau ātmanetyākāralopaḥ /
"udgrābhaṃ ca nigrābhaṃ ce"tyādau hakārasya bhakārarūpo vikāraḥ /
chāndogyabahvṛcabrāhmaṇayoḥ svarābhāvāt gavādiśabdeṣu cāgamābhāvāt vyāpakaṃ dharmabhedamāha --- anadhyāyādīti //
anadhyāyapadaṃ svādhyāyasyāpyupalakṣaṇam /
svādhyāyo nāma vihitakāle traivarṇikaiḥ upanītairadhyayanam /
anadhyayanaṃ ca niṣiddhakāle śūdrādibhiranupanītaiśca anadhyayanam vaidikeṣu na laukikeṣviti dharmabheda ityarthaḥ /
yadyapi pāṇininā veda iva loke 'pi svarānuśāsanaṃ kṛtam; tathāpi śiṣṭairloke svaraniyamasyānādarādvacantīvāprayogādeva svaraniyamo 'nāvaśyaka iti dhyeyam /
ādipadena guruśuśrūṣopāsābhivādanādeḥ saṃgrahaḥ /
padānyatve saṃjñādhikaraṇanyāyenārthabhedasyotsargataḥ prāptimabhipretyapadānyatvamātramupasaṃharati --- padānāmanyatvamiti //
(padāvadhāraṇopāyānitivārtikārthānusaṃdhānena siddhāntopakramanirūpaṇam) atra ca siddhānte nārthābhedatadbhedau yadyapi padābhedatadbhedaprayojakatvenābhimatau; śākhāntaravākyayorarthābhede 'pi bhedāt, akṣādipader'thabhede 'pi padabhedābhāvāt, ator'thabhedapratītyanukūlo yatra dharmabhedaḥ tatra padabheda iti kathanasya nopayogaḥ; tathāpi siddhānte pratyabhijñānāpratyabhijñānayoreva bhedābhedayormukhyahetutvam /
tatparicāyakatayā prāyikatvena arthābhedatadbhedāvupayujyete, tatpratipattistu dharmabhedādityabhipretya padabhedaprayojakaṃ darśayituṃ "padāvadhāramopāyān bahūnicchanti sūrayaḥ /
kramanyūnātiriktatvasvaravākyaśrutismṛtīr"iti vākyādhikaraṇagatakārikārthamāha --- yatreti //
(krameṇa tadudāharaṇanirdeśaḥ) krameṇodāharaṇāni darśayati --- yatheti //
vilakṣaṇānupūrvīrūpakramādityarthaḥ /
sthūlapṛṣatīmityatreti //
atra samāsabhedenārthadvayasaṃdehe svararūpadharmabhedenārthabhedaniścayāt padabhedaḥ //
(sthūlapṛṣatītyatra svarabhedādarthabhedastataḥ padabhedasya ca nirūpaṇam) tathāhi --- "sthūlapṛṣatīmanaḍvāhīmālabheta" ityatra karmadhārayapakṣe ata ityanuvartamāne "samāsasye"tyanena sūtreṇautsargikāntodāttatve vihite "anudāttaṃ padamekavarjami"ti sūtreṇa pūrveṣāṃ caturṇāmanudāttaḥ syāt, tadānīṃ ca pṛṣatīśabdena matvarthalakṣaṇayā tatraiva bindumattvānvayavat sthūlatvasyāpi tatraivānvayāt sthūlā bindumatī ca gauḥ yāgasādhanamityarthaḥ sidhyati /
bahuvrīhau tu "bahuvrīhau prakṛtyā pūrvapada"miti sūtrāntareṇa viśeṣasūtreṇa sāmānyavihitāntodāttatvabādhena pūrvapadasya prakṛtisvaravidhānāt sthūlaśabdagatalakārottarayakāre udāttasvarasya prāpteḥ sthaulyasya pṛṣatsvevānvayāt sthūlabindumatī svataḥ sthūlā vā gauryāgasādhanamiti arthassidhyatīti sandehe lakārottarākārodāttatvapāṭhāt bahuvrīhyanusārisvareṇa arthabhedaniścayātpadabheda ityarthaḥ //
(karmadhārayapakṣe prākṛtachāgajātibādhaprayojananirūpaṇaparaprakāśakārakhaṇḍanam) yattu --- atra prakāśakāraiḥ karmadhārayapakṣe prākṛtacchāgajātibādhaḥ, bahuvrīhipakṣe sthalabindumattārūpaguṇamātravidhānānna tadbādha iti prayojanabhedo 'pyuktaḥ /
sa sthūlapṛṣatīmanaḍvāhīmityevaṃ anaḍvāhīpadayuktasyaiva vākyasya mahābhāṣye nyāyasudhāyāṃ ca pāṭhāt ubhayapakṣe 'pyanaḍvāhīvidhānāvaśyakatvena chāgajātibādhopapatteḥ ayukta iti kaustubhe vyaktam //
(vākyāt padabhedodāharaṇam) vākyāditi //
dehītipadasamabhivyāhārādādyavākyena caturthyantanāmapadatvanirṇayaḥ /
uttaratra bhojanārthamitipadasamabhivyāhārāt tiṅantapadanirṇayastena tatra samabhivyāhārarūpadharmabhedena arthabhedāt padabheda ityarthaḥ //
(śrutipadārthanirūpaṇapūrvakatadudāharaṇanirdeśaḥ) nyāyasudhākāradarśitaṃ śrutipadasyārthamāha --- samānādhikaraṇeti //
yāti ityākhyātapadasāmānādhikaraṇyarūpa- dharmabhedena kartṛniṣṭhaprathamāntatvena nāmatvanirṇayenārthabhedātpadabhedaḥ /
evaṃ dvivacanāntadevadattayajñadattapadasāmānādhikaraṇyarūpa- dharmabhedena yāta ityākhyātaprathamapuruṣadvivacanāntatvanirṇayenārthabhedātpadabheda ityarthaḥ //
(smṛtyā padabhedodāharaṇam) aśva iti //
aśvastvaṃ devadattetyatra ṭu o śvi gativṛddhyoriti śvidhātorluṅi "cliluṅi" iti cli "jṝstambhvi" tyādinā cleraṅādeśe "śvayatera" ityanenekārasyākārādeśe 'ḍāgame kṛte madhyamapuruṣaikavacananiścayasya vyākaraṇasmṛtyāvagateḥ aśvatvajātimadvācitvena lokato nirṇītāśvarūpārthāpekṣayā bhinnārthapratīteraśvavācakapadādbhedaḥ smṛtyetyarthaḥ /
yadyapi aśvastvaṃ devadattetyatra samānādhikaraṇapadasamabhivyāhārarūpaśrutyāpyaśvajātīyavācakāśvapadādbhedaḥ sidhyati; tathāpi tasya gauṇyā vṛttyāpyupapatteḥ madhyamapuruṣaikavacanāntatvena padabhedaniścayaḥ smṛtyadhīna eveti bhāvaḥ //
(lokavadayoḥ padabhedopāyābhāvanirūpaṇam) evaṃ padabhedāvagatyupāyān pradarśya tadvyatirekaṃ prakṛte darśayati --- devā devāsa ityādau dṛḍhatarapratyabhijñābādhakānāṃ pūrvoktānāmabhāve pratyabhijñābalāt na padānyatvamityarthaḥ /
upodghātamupasaṃharati --- iti yukteti //
(niyogena vikalpenetyādivārtikādyuktānantapakṣaparityāgena śāstradīpikādṛtapakṣatrayaparityāgena ca jātivyaktipakṣadvayamātreṇopakrame nimittanirūpaṇam) tatra yadyapi "niyogena vikalpena dve vā saha samuccite /
saṃbandhaḥ samudāyo vā viśiṣṭā vaikayetarā /
gaurityuccārite sapta vastūni pratibhānti naḥ /
jātirvyaktiśca saṃbandhaḥ samūho liṅgakārake /
saṃkhyā ca saptamī teṣāmaṣṭapakṣīdvayordvayo" rityādinā vārtike 'neke pakṣā uktāḥ /
tatsakalamapi "iha pakṣasahastrāṇāṃ militā saptaviṃśatiḥ /
śatāniṣaṭcatuṣṣaṣṭiścāparāvastusaptake" ityādinā nyāyasudhāyāṃ kṛtaṃ, tathāpi ākṛtiviśiṣṭavyaktivācitvapakṣanirāsenaiva teṣāṃ sunirasyatvādupādānāśakteśca śāstradīpikāyām ākṛtirvā vyaktirvā ākṛtiviśiṣṭavyaktirveti pakṣatrayaṃ prādhānyena darśitam /
tatra vyaktivācitvapakṣa evākṛtiviśiṣṭavyaktivācitvasaṃbhavasya svayamupapādanīyatvāt tṛtīyapakṣasyāpi vyarthatāṃ manvāno yathābhāṣyaṃ pakṣadvayameva pradhānamabhipretya yadarthamupodghātastadarthaṃ darśayan pūrvopanyastatvāt saṃśayamapradarśyaiva pūrvapakṣamārabhate --- tatreti //
<B1> tatrāvaghātādikriyāṇāṃ liṅgakārakasaṅkhyādīnāṃ ca jātāvayogyatvāt gauḥ śukla ityādisamānādhikaraṇanirdeśācca vyaktivācitvameva /
nacaivaṃ jātibodhānāpattiḥ; lakṣaṇayā tadbodhopapatteḥ /
vyaktiśaktigrahasyaivavā kāryatāvacchedakaṃ jātiviśiṣṭaśābdabodhatvam /
ato na doṣaḥ /
na ca vinigamanāvirahaḥ; lāghavasyaiva niyāmakatvāt /
tathāhi --- na śaktigrahasya svātantryeṇa kāraṇatvaṃ, api tu lāghavācchakyatvādisambadhena ghaṭapadavattājñānasyaiva /
tataścāsmanmate ghaṭatvaṃ dharmitāvacchedakīkṛtya śakyatvasaṃbandhena ghaṭapadavattājñānasya ghaṭo ghaṭapadavānityākārakasya viśeṣyatāsambandhena viśiṣṭaśābdabodhatvāvacchinnaṃ prati kāraṇatvam, bhavanmate tu ghaṭatvatvaṃ dharmitāvacchedakīkṛtya tadvācyam /
ataśca ghaṭatvatvasya ghaṭetarāvṛttitvādirūpasyānekapadārthaghaṭitasya praveśāt tava kāryakāraṇabhāve gauravaṃ, na mama /
naca śakyānantyādidoṣaḥ; tasya phalamukhatvāt /
ataśca lāghavāt vyaktāveva śaktirjātiviśiṣṭavyaktau vā natu jātāveveti prāpte --- <B2> (jātau liṅgasaṃkhyākārakādyanvayāyogyatvanirūpaṇam) ayogyatvāditi //
vidhivākyeṣu vidhīyamānāvaghātādikriyāṇāṃ jātāvamūrtatvenāyogyatvam /
evaṃ "na brāhmaṇī hantavyā" ityādiniṣedheṣvapi jāternityatvena hananāprasakterayogyatvam /
evaṃ jāterekatvenaikatvātiriktadvitvādisaṃkhyānvayā- yogyatvam /
jāteḥ strītvena puṃstvānvayāyogyatvam /
amūrtatvādeva ca kriyājanyaphalāśrayatvādirūpakarmatvādikārakānvayā- yogyatvamityarthaḥ //
vastutastu --- "stanakeśavatī strī syāllomaśaḥ puruṣaḥ smṛtaḥ /
ityuktalakṣaṇasya liṅgasya jātāviva vyaktāvapi asaṃbhavastulya itiliṅgānvayāyogyatvamabhyuccayena draṣṭavyam //
(gauḥ śuklā iti sāmānādhikaraṇyasya vyaktivācitve evopapattiḥ) gauḥ śukla iti //
śuklādipadānāṃ guṇiparatvājjātau ca guṇāśrayatvāsaṃbhavena gośabdasyaikārthapratipādakatvarūpa- sāmānādhikaraṇyānupapatteḥ tadanurodhenāpi vyaktivācitvamityarthaḥ /
naca --- gośabdasya gotvaviśiṣṭavācitvāt śuklapadasya śuklaguṇaviśiṣṭaparatvāt viśeṣeṇabhede ca viśiṣṭabhedāt kathaṃ ekārthatvam iti --- vācyam ; viśeṣaṇabhede 'pi "gaurna śukle" ti pratītyabhāvenobhayaviśiṣṭavyaktaikyamādāyaikārthatvopapatteḥ iti //
(vyaktiśaktāvapi lakṣaṇayā jātibhānopapattiḥ yugadvṛttidvayavirodhena pakṣāntarānusaraṇañca) lakṣaṇayeti //
naca --- vinigamanāvirahaḥ; pratyuta lāghavenaikasyāṃ jātau śaktikalpanāt vyaktāveva lakṣaṇeti viparītaṃ vinigamakam iti --- vācyam ; jātervyaktiviśeṣaṃ vināpi anyatra vyaktiviśeṣe sattvena vyabhicāritvāt viśeṣaniścāyakatvāsaṃbhavena vyakteravyabhicāreṇa jātiviśeṣaniścāyakatvena vyaktereva jātilakṣaṇāyāṃ niyāmakasattvāt //
asmin pakṣe yugapadvṛttidvayavirodhāpatteraparitoṣātpakṣāntaramāha --- vyaktiśaktigrahasyaiveti //
(vyaktiśaktivādināṃ śābdabodhe kāryakāraṇabhāvalāghavādyupapattinirūpaṇam) svātantryeṇa kāraṇatvamiti //
ghaṭaśaktigrahatvena kāraṇatāyāṃ śakternaiyāyikamate riśvarecchārūpāyā mīmāṃsakamate padārthāntararūpāyā vā kāraṇatāghaṭakatvāttajjñānādeva viśiṣṭaśābdabodhodayaḥ iti vācyam, nacedamanubhavasiddham; tattvena jñānābhāve 'pi tathāvidhabodhasyānubhavasiddhatvāt, ato na svātantryeṇa kāraṇatvanityarthaḥ /
jñānasyaiveti //
ghaṭapadavattāniścayasyaivetyarthaḥ /
tadāca saṃbandhavidhayā śaktibhāneca śaktitvena rūpeṇābhāne 'pi na kācit kṣatiḥ /
vyaktāveva śaktiriti //
(vyaktiśaktivāde vyaktiviśeṣaśaktigrahāt vyaktyantarabodhopapattiḥ) nanu --- kathaṃ devadattīyaghaṭavyaktau saṃketagrahe sati vyaktyantare prayogaḥ /
tathātvevā paṭavyaktāvapi ghaṭaśabdaprayogāpattiḥ, iti --- cet, ghaṭatvasāmānyamupalakṣaṇīkṛtya yā evamākṛtikā gotvajātiviśiṣṭā sā gaurdevadattagauḥ ityukte devadattapadānabhidheyasyāpiśuklavastratvasya devadattapadaśaktigrahopalakṣaṇatvavadihāpi anabhidheyasyāpi gotvāderupalakṣaṇatvopapatteḥ //
(tuṣyaturdujananyāyena pakṣāntaradhāvanam) yadātvabhidheyasyaiva dharmitāvacchedakatvamiti niyamaḥ, tadā sandehakoṭāvanupanyastamapi vārtikoktatvātpakṣāntaramāha --- jātiviśiṣṭeti //
(vyaktiśaktivādasya śaktyānantyādidoṣaiḥ khaṇḍanam) na vyaktivācitvam; anantavyaktiśaktikalpanāpatteḥ /
ekaikavyaktigatajātirūpopalakṣaṇaikye 'pi saindhavādipade lavaṇāśvatvādinā śaktibhedasyevehāpi ghaṭatvasya śakyatāvacchedakatvābhāvena tattadvyaktitvasyaiva tadavacchedakatvena tadbhedasyānivāryatvāt /
athaikavyaktivācitvaṃ, tadāpi ghaṭatvasyātiprasaktatvena śakyatāvacchedakatvānupapatteḥ tadvyaktitvasyaiva śakyatāvacchedatvena tadvyaktiviṣayakasmaraṇābhāve ghaṭapadādanyavyaktibodhānāpattiḥ /
yadā tu pūrvoktavidhayā tadvyaktitvaṃ dharmitāvacchedakīkṛtya śakyatvasabandhena ghaṭapaṭhavattāniścayasya kāraṇatvaṃ kalpyate, yadyapi ca śaktyānantyam; tathāpi phalamukhatvānna doṣaḥ, tadā tadvyaktitvasya śakyatāvacchedakatvenaikavyaktiśaktigrahe 'pi śakteḥ saṃbandhavidhayā bhānāṅgīkārāttatvena rūpeṇāsmaraṇe 'pi kṣatyabhāvaḥ, tathā ghaṭatvasyātiprasaktasyāpi tadvyaktimātreṇa dharmitāvacchedakatvāṅgīkāro nānupapanna ityucyeta, tatrāha --- ghaṭatvam iti //
<B1> bhavanmate ghaṭatvaṃ dharmitāvacchedakīkṛtya śakyatvasaṃbandhena ghaṭapadavattāniścayasya ghaṭo ghaṭapadavān ityākārasya kāraṇatvaṃ padatvaṃ dharmitāvacchedakīkṛtya śaktatvasaṃbandhena ghaṭavattāniścayasya vā ghaṭapadaṃ ghaṭavadityākārasya kāraṇatvamityatra vinigamanāviraheṇānantakāryakāraṇabhāvaprasaṅgāt gauravam, asmanmatetu ghaṭapadatvaṃ dharmitāvacchedakīkṛtya śaktatvasambandhena ghaṭatvavattāniścayasyaiva ghaṭapadaṃ ghaṭatvavadityākārakasya kāraṇatvakalpanāllāghavam /
naca mamāpi viparītamāpādayituṃ śakyam; tathāsati ghaṭatvasya dharmitvena svarūpeṇa tasya dharmitvāyogāddharmitāvacchedakatvena ghaṭatvatvapraveśe gauravasya tvayaivoktatvāt /
ato na ghaṭatvatvāvacchinnaṃ ghaṭatvaṃ śakyatvasaṃbandhena ghaṭapadavadityākārakaṃ jñānaṃ kāraṇaṃ, api tu ghaṭapadaṃ śaktatvasambandhena ghaṭatvavadityākārakameva; jāteḥ svarūpeṇaiva prakāratvopapattau ghaṭatvatvasyāpraveśāt /
naca samavāyenaiva jāteḥ svarūpeṇa prakāratā na saṃbandhāntareṇetyatra pramāṇamasti; parairapi tathānabhyugamācca /
ataśca kāryakāraṇabhāve 'pi lāghavāt ghaṭatva eva śaktiḥ /
śakyānantyādi ca nāsmanmate /
ataḥ prathamopasthitatvājjātāveva śaktiḥ /
evamaruṇādiśabdeṣvapi guṇa eva guṇatve vā, na tu tadviśiṣṭadravye /
kathaṃ tarhi vyaktibodhaḥ? abhedāt uktavidhakāraṇasya jātiguṇaviśiṣṭavyaktiśābdatva eva kāryatāvacchedakatvasvīkārādvopapatteḥ /
vastutastu --- jātiguṇaśabdatvameva lāghavena kāryatāvacchedakam /
vyaktistu tṛtīyāntasthale paśunā yajeta aruṇayā krīṇāti ityādau naiva padādbhāsate; jātiguṇayoreva dravyaparicchedadvārā karaṇatvopapatteḥ /
liṅgasaṃkhyayorapi pāśādhikaraṇanyāyena sāmānādhikaraṇyena pārṣṭhiko jātiguṇasaṃbandhaḥ /
ataḥ saṃbandhavidhayaiva tatra dravyabodhaḥ /
dvitīyāntādisthale tujātiguṇayoḥ karmatvādyanvayāsaṃbhavādvyakterlakṣaṇayā bodhaḥ, tasyā eva karmatvādyanvayaḥ /
liṅgasaṅkhyādyanvayaśca sākṣātsambandhenaiva, sāmānādhikaraṇyañca vyaktidvārakamiti sarvaṃ sustham /
prayojanaṃ pūrvapakṣe rathantarādiśabdānāṃ ṛgvācitvādrathantaramuttarayorgāyati ityādau uttarāpadalakṣitottarākārye yonividhānaṃ, siddhānte tu gītyatideśa uttarāsviti vakṣyate // 12 // iti śrīkhaṇḍadevaviracitāyāṃ bhāṭṭadīpikāyāṃ prathamasyādhyāyasya tṛtīyaḥ pādaḥ // 3 // <B2> (guṇe guṇatvevetipakṣadvayopapattiḥ) guṇaeveti //
yadā jagatītalavarttyaruṇaguṇopyeka eva, tadā guṇa eva yadāruṇaguṇānāṃ bhedaḥ, tadānekavṛttijāteḥ saṃbhavāt guṇatve vā śaktirityarthaḥ //
(jātivyaktyorabhedena vyaktibodhopapattyādikam) abhedāditi //
yathaiva hi paṭe paṭatvaṃ iha śuklatvamiti pratītyāyutasiddhayorbhedastathā ayaṃ gaurayaṃ śukla ityādipratītyābhedasyāpi tayossiddhiḥ /
nacaivaṃ vyaktyabhede jāteranityatāpattiḥ; jātyātmanā nityatve 'pi vyaktyātmanānityatvasyāsmākamapīṣṭatvāt /
ataśca ghaṭādipadānāṃ jātivācitve 'pi vyaktyabhedājjāterjātyaiva vyaktipratītisiddhiḥ /
nacaivamabhede vyakterapi vācyatāpatteradhikaraṇavaiyarthyam; vyaktervācyatve 'pi bhedābhedāṅgīkāreṇa na vyaktyātmanā tat, apitu jātyātmatmanetyetatpratipādanārthamadhikaraṇasārthakyāt /
tadetannyāyasudhāyāṃ mukhyatvenopapāditaṃ pakṣamavalaṃbyoktam //
(jātiśaktijñānasyaiva jātyādiviśiṣṭaśābdatvaṅkāryatāvacchedakamitikalpāntaram) ye tu abhedāṅgīkāre 'pi śaktijñānarūpakāraṇasya jātiśābdabodhatvavat vyaktiśābdabodhatvasya pṛthakkāryatāvacchedakatvasvīkāre jātivyaktibodhasya ca kramikatvānanubhavāt kramikatvāṅgīkāre ca vaiśiṣṭyabodhābhāvena nirvikalpakarūpatāpatteḥ pūrvoktaghaṭatvavattājñānasya kāraṇasya ghaṭatvaviśiṣṭaśābdabodhatvaṃ kāryatāvacchedakamaṅgīkṛtyaivaṃ ekayaiva jātiśaktyorubhayorbodha iti vadanti, tanmatena pakṣāntaramāha --- uktavidheti //
(dvitīyakalpāsvarasanirūpaṇapūrvakasvamatāvataraṇam) asmiṃśca mate viśeṣyabhūtavyaktereva karaṇatvādidvārā kriyānvayāpattyā viśeṣaṇībhūtayorjātiguṇayostadanāpattiriti saptadaśaśarāve carau nirvāpe jaghanyamuṣṭilopena catussaṃkhyānugraho na sidhyet; jaghanyasyāpi pradhānatvena muṣṭyanugrahasyaiva nyāyyatvādityasvarasāt pakṣāntaraṃ svamatatvenāha --- vastutastviti //
(svamate vyaktibodhopapattiprakāraḥ, ekavacānteṣu bahuvacanādyanteṣuca) sāmānādhikaraṇyeneti //
karaṇatvopapatterityasyānuṣaṅgeṇa tadyojyam /
tathāca liṅgasaṃkhyayorapi samānapadopāttatvapratyāsattyā sāmānādhikaraṇyasaṃbandhena karaṇatva evānvayaḥ /
pārṣṭhiko jātiguṇasaṃbandha ityarthaḥ /
nanu --- vyaktiparicchedakatayā pratīyamānayorliṅgasaṃkhyayoranurodhena prātipadike vyaktilakṣaṇaivāstvityāśaṅkānirākaraṇāya pāśādhikaraṇanyāyenetyuktam /
tasyāyamarthaḥ //
yathā guṇabhūtabahutvānvayānurodhena mukhyabhūtapāśaprātipadikotkarṣo vikṛtau pāśamantre nāṅgīkṛtaḥ, tathānaiva lakṣaṇā yuktā --- iti /
yatra tu pārṣṭhiko 'pi dvitvabahutvānvayo jātau bādhitaḥ, tatrāgatyā lakṣitavyaktyaiva so 'ṅgīkriyatām /
prakṛte tu ekavacanānte yukta eva jātiguṇābhyāṃ sa iti bhāvaḥ //
(dvitīyāntādisthale lakṣaṇayā vyaktibodhopapādanam) dvitīyāntādisthaletviti //
ādipadena saṃpradānatvādikārakāntarasaṃgrahaḥ /
naca yugapadvṛttidvayavirodhaḥ; śakyārthasya padāntarārthānvayapramiteḥ prāgeva gaṅgāpadasya pravāhopasthityanantaraṃ lakṣaṇāvadihāpi tadaṅgīkāreṇa tasyāprasakteḥ /
ataeva --- anvayapramottaraṃ tasyaiva padasya vṛttyantareṇārthapratyāyakatva eva saḥ iti dhyeyam /
naca kramikabodhadvayāṅgīkaraṇe vaiśiṣṭyabodhābhāvena nirvikalpakarūpatvāpattiḥ; iṣṭāpatteriti bhāvaḥ /
sāmānādhikaraṇyaṃ ceti //
liṅgasaṃkhyayoḥ samānābhidhānaśrutyā sāmānādhikaraṇyasaṃbandhenakarmatvādyanvaye sāmānādhikaraṇyamekavṛttitvena jñeyamityarthaḥ //
(jātiviśiṣṭavyaktivācyatvanirāsaḥ) evañca lakṣaṇayaiva gauḥ śukla ityādi sāmānādhikaraṇyānupapattiḥ pariharaṇīyeti draṣṭavyam /
ākṛtiviśiṣṭavyaktivācitvapakṣastvāvaśyake jātivācyatve vyaktivācitvasyāpi kalpanāyāṃ gauravāpattyā nirasanīyaḥ /
prayojanamiti //
ṛgvācitvapakṣe ṛco ṛgantare vidhānānupapattyottarāpadena kāryalakṣaṇayā tatsthānāpattyā vidhānaṃ pūrvapakṣe /
siddhānte tu gīteḥ ṛgantare 'pi saṃbhavānna lakṣaṇā kintu tasyātideśa iti yatsaptame vicārayiṣyate tadetadadhikaraṇaprayojanamityarthaḥ //
(prakāśakāranirūpitapūrvapakṣasiddhāntaprayojananirasanapūrvakasvābhimataprayojananirūpaṇam) yattu --- prakāśakāraiḥ "vrīhīn prokṣati" "dadhnā juhotī" tyādau pūrvapakṣe sarvavrīhihomavyaktīnāṃ abhidhānāt tatra śrutyā prokṣaṇadadhyāderviniyogāt prakaraṇasannidhibādhena laukikavrīhiṣvapi prokṣaṇaṃ homāntare ca dadhi syāt pūrvapakṣe, siddhānte tu śabdārthabhūtāyā vrīhitvahomatvajāteḥ prākṛtavrīhihomayorapi paryāptisattvāt prakaraṇasannidhyanugrahe 'pi na kācicchrutipīḍeti prakṛteṣveveti /
tat siddhānte 'pi prakṛtavrīhihomātiriktavyaktiṣvapi tajjātiparyāptisattvenānivāraṇāt sarvaiśca vyavahārāsaṃbhavenānarthakyaparihārārthaṃ prakaraṇādyālocanāvaśyakatvena tena prakṛtātiriktānāṃ nivāraṇavat pūrvapakṣe 'pi tatsaṃbhavena viśeṣābhāvāt dvitīyādisthale lakṣaṇayā sarvavyaktibhānasyopapādanīyatvena doṣatādavasthyāccāyuktamityupekṣitaṃ pūjyapādaiḥ //

iti navamamākṛtyadhikaraṇam //
iti śrīkhaṇḍadevāntevāsikavimaṇḍanaśaṃbhubhaṭṭaviracitāyāṃ bhāṭṭadīpikāprabhāvalyāṃ prathamasyādhyāyasya tṛtīyaḥ pādaḥ //