Puggalapannatti
Input by the Sri Lanka Tripitaka Project
[PTS Vol Pug -] [\z Pp /] [\f I /]
[PTS Page 001] [\q 1/]
[BJT Vol Pug -] [\z Pp /] [\w I /]
[BJT Page 240] [\x 240/]
Abhidhammapiṭake
Puggalapaññattippakaraṇaṃ
Abhidhammapiṭake
Puggala paññattippakaraṇaṃ
THIS GRETIL TEXT FILE IS FOR REFERENCE PURPOSES ONLY!
COPYRIGHT AND TERMS OF USAGE AS FOR SOURCE FILE.
Text converted to Unicode (UTF-8).
(This file is to be used with a UTF-8 font and your browser's VIEW configuration
set to UTF-8.)
| description: | multibyte sequence: |
| long a | ā |
| long A | Ā |
| long i | ī |
| long I | Ī |
| long u | ū |
| long U | Ū |
| vocalic r | ṛ |
| vocalic R | Ṛ |
| long vocalic r | ṝ |
| vocalic l | ḷ |
| vocalic L | Ḷ |
| long vocalic l | ḹ |
| velar n | ṅ |
| velar N | Ṅ |
| palatal n | ñ |
| palatal N | Ñ |
| retroflex t | ṭ |
| retroflex T | Ṭ |
| retroflex d | ḍ |
| retroflex D | Ḍ |
| retroflex n | ṇ |
| retroflex N | Ṇ |
| palatal s | ś |
| palatal S | Ś |
| retroflex s | ṣ |
| retroflex S | Ṣ |
| anusvara | ṃ |
| visarga | ḥ |
| long e | ē |
| long o | ō |
| l underbar | ḻ |
| r underbar | ṟ |
| n underbar | ṉ |
| k underbar | ḵ |
| t underbar | ṯ |
Unless indicated otherwise, accents have been dropped in order
to facilitate word search.
For a comprehensive list of GRETIL encodings and formats see:
http://gretil.sub.uni-goettingen.de/gretil/gretdiac.pdf
and
http://gretil.sub.uni-goettingen.de/gretil/gretdias.pdf
For further information see:
http://gretil.sub.uni-goettingen.de/gretil.htm
Namo tassa bhagavato arahato sammāsambuddhassa
1. Mātikā
Cha paññattiyo: khandhapaññatti, āyatanapaññatti, dhātupaññatti, saccapaññatti,
indriyapaññatti, puggalapaññattī ti.
Kittāvatā khandhānaṃ khandhapaññatti: yāvatā pañcakkhandho, rūpakkhandho
vedanākkhandho saññākkhandho saṅkhārakkhandho viññāṇakkhandho. Ettāvatā
khandhānaṃ khandhapaññatti.
Kittāvatā āyatanānaṃ āyatanapaññatti: yāvatā dvādasāyatanāni cakkhāyatanaṃ rūpāyatanaṃ
sotāyatanaṃ saddāyatanaṃ ghānāyatanaṃ gandhāyatanaṃ jivhāyatanaṃ rasāyatanaṃ
kāyāyatanaṃ phoṭṭhabbāyatanaṃ manāyatanaṃ dhammāyatanaṃ. Ettāvatā āyatanānaṃ
āyatanapaññatti.
Kittāvatā dhātūnaṃ dhātupaññatti: yāvatā aṭṭhārasadhātuyo, cakkhudhātu rūpadhātu
cakkhuviññāṇadhātu, sotadhātu saddadhātu sotaviññāṇadhātu, ghānadhātu gandhadhātu
ghānaviññāṇadhātu, jivhādhātu rasadhātu jivhāviññāṇadhātu, kāyadhātu phoṭṭhabbadhātu
kāyaviññāṇadhātu, manodhātu dhammadhātu manoviññāṇadhātu. Ettāvatā dhātūnaṃ
dhātupaññatti.
[PTS Page 002] [\q 2/]
Kittāvatā saccānaṃ saccapaññatti: yāvatā cattāri saccāni, dukkhasaccaṃ samudayasaccaṃ
nirodhasaccaṃ maggasaccaṃ. Ettāvatā saccānaṃ saccapaññatti.
[BJT Page 242] [\x 242/]
Kittāvatā indriyānaṃ indriyānaṃ indriyapaññatti: yāvatā bāvīsatindriyāni: cakkhundriyaṃ
sotindriyaṃ ghānindriyaṃ jivhindriyaṃ kāyindriyaṃ manindriyaṃ itthindriyaṃ purisindriyaṃ
jīvitindriyaṃ sukhindriyaṃ dukkhindriyaṃ somanassindriyaṃ domanassindriyaṃ
upekkhindriyaṃ saddhindriyaṃ viriyindriyaṃ satindriyaṃ samādhindriyaṃ paññindriyaṃ
anaññātaññāssāmītindriyaṃ aññindriyaṃ aññātāvindriyaṃ. Ettāvatā indriyānaṃ
indriyapaññatti.
Kittāvatā praggalānaṃ puggalapaññatti:
1. Samayavimutto 2. Asamayavimutto
3. Kuppadhammo
4. Akuppadhammo
5. Parihānadhammo
6. Aparihānadhammo
7. Cetanābhabbo
8. Anurakkhanābhabbo
9. Puthujjano
10. Gotrabhū
11. Bhayūparato
12. Abhayūparato
13. Bhabbāgamano
14. Abhabbāgamano
15. Niyato
16. Aniyato
17. Paṭipannako
18. Phaleṭhīto
19. Samasīsī
20. hītakappī
21. Ariyo
22. Anariyo
23. Sekho1
24. Asekho2
25. Nevasekho nāsekho3
26. Tevijjo
27. Chaḷabhiñño
[PTS Page 003] [\q 3/]
28. Sammāsambuddho
29. Paccekabuddho4
30. Ubhatobhāgavimutto
31. Paññāvimutto
32. Kāyasakkhī
33. Diṭṭhappatto
34. Saddhāvimutto
35. Dhammānusārī
36. Saddhānusārī
37. Sattakkhattuparamo
38. Kolaṃkolo
39. Ekabījī
40. Sakadāgāmī
41. Anāgāmi.
42. Antarāparinibbāyī
43. Upahaccaparinibbāyī
44. Asaṅkhāraparinibbāyī
45. Sasaṅkhāraparinibbāyī
46. Uddhaṃsoto akaniṭṭhagāmi
1. Sekkho - machasaṃ sīmu.
2. Asekkho - machasaṃ
3. Nevasekkhanāsekkho - machasaṃ
4. Paccekasambuddho - machasaṃ
[BJT Page 244] [\x 244/]
47. Sotāpanno, sotāpattiphala sacchikiriyāya paṭipanno
48. Sakadāgāmī, sakadāgāmīphala sacchikiriyāya paṭipanno
49. Anāgāmī, anāgāmīphala sacchikiriyāya paṭipanno.
50. Arahā, arahattaphala sacchikiriyāya1 paṭipanno
Ekaka mātikā niṭṭhitā
2. Duka mātikā
1. Kodhano ca upanāhī ca
2. Makkhī ca paḷāsī ca
3. Issūkī ca maccharī ca
4. Saṭho ca māyāvī ca
5. Ahiriko ca anottappī ca
6. Dubbavo ca pāpamitto ca
[PTS Page 004] [\q 4/]
7. Indriyesu aguttadvāro ca bhojane amattaññū ca
8. Muṭṭhassati ca asampajāno ca
9. Sīlavipanno ca diṭṭhivipanno ca
10. Ajjhattasaññojano ca bahiddhāsaññojano ca
11. Akkodhano ca anupanāhī ca
12. Amakkhī ca apalāsī ca
13. Anissūkī ca amaccharī ca
14. Asaṭho ca amāyāvī ca
15. Hirimā ca ottappi ca
16. Suvaco ca kalyāṇamitto ca
17. Indriyesu guttadvāro ca bhojane mattaññū ca
18. Upaṭṭhitasati ca sampajāno ca
19. Sīlasampanno ca diṭṭhisampanno ca
20. Dve puggalā dullabhā lokasmiṃ
21. Dve puggalā dutappayā
22. Dve puggalā sutappayā
23. Dvinnaṃ puggalānaṃ āsavā vaḍḍhanti
25. Hīnādhimutto ca paṇītādhimutto ca
26. Titto ca tappetā ca
Draka mātikā niṭṭhitā
1. Arahattāya - [PTS.]
[BJT Page 246] [\x 246/]
3. Tika mātikā
1. Nirāyo āsaṃso vigatāso.
2. Tayo gilānūpamā puggalā.
3. Kāyasakkhī diṭṭhippanno saddhāvimutto.
4. Gūthabhāṇī pupphabhāṇī madhubhāṇī.
5. Arukūpama1 citto puggalo vijjūpamacitto puggalo vajirūpamacitto puggalo.
6. Andho ekacakkhu dvicakkhu.
7. Avakujjapañño puggalo ucchaṅgapañño puggalo puthrapañño puggalo.
[PTS Page 005] [\q 5/]
8. Atthekacco puggalo kāmesu ca bhavesu ca avītarāgo, atthekacco puggalo kāmesu
vītarāgo bhavesu avītarāgo, atthekacco puggalo kāmesu ca bhavesu ca vītarāgo.
9. Pāsāṇalekhupamo puggalo paṭhavilekhūpamo puggalo udakalekhupamo puggalo.
10. Tayo potthakupamā puggalā.
11. Tayo kāsikavatthūpamā puggalā.
12. Suppameyyo, duppameyyo, appameyyo.
13. Atthekacco puggalo na sevitabbo na bhajitabbo na payirupāsitabbo.
Atthekacco puggalo sevitabbo bhajitabbo payirupāsitabbo, atthekacco puggalo sakkatvā
sevitabbo bhajitabbo payirupāsitabbo.
14. Atthekacco puggalo jigucchitabbo na sevitabbo na bhajitabbo na payirupāsitabbo,
Atthekacco puggalo ajjhupekkhitabbo na sevitabbo na bhajitabbo na payirupāsitabbo,
Atthekacco puggalo sevitabbo bhajitabbo payirupāsitabbo.
1. Aruṇupama - [PTS]
[BJT Page 248] [\x 248/]
15. Atthekacco puggalo sīlesu paripūrakārī samādhismiṃ mattasokārī paññāya mattasokārī.
Atthekacco puggalo sīlesu ca paripūrakāri samādhismiṃ ca paripūrakārī paññāya
mtatasokārī.
Atthekacco puggalo sīlesu ca paripūrakārī samādhismiṃ ca paripūrakārī paññāya ca
paripūrakārī.
16. Tayo satthāro, aparepi tayo satthāro.
Taki mātikā niṭṭhitā.
4. Catukka mātikā
1. Asappuriso, asappurisena asappurisataro, sappuriso. Sappurisena sappurisataro.
2. Pāpo, pāpena pāpataro, kalyāṇo, kalyāṇena kalyāṇa taro.
[PTS Page 006] [\q 6/]
3. Pāpadhammo, pāpadhammena pāpadhammataro, kalyāṇadhammo, kalyāṇadhammena
kalyāṇadhammataro.
4. Sāvajjo, vajjabahulo, appavajjo, anavajjo.
5. Ugghaṭitaññū, vipañcitaññū1, neyyo, padaparamo.
6. Yuttapaṭibhāno no muttapaṭibhāno, muttapaṭibhāno no yuttapaṭibhāno, yuttapaṭibhāno
ca muttapaṭibhāno ca, neva yuttapaṭibhāno no muttapaṭibhāno.
7. Cattāro dhammakathikā puggalā.
8. Cattāro valāhakūpamā puggalā.
9. Cattāro mūsikūpamā puggalā.
10. Cattāro amabūpamā puggalā.
11. Cattāro kumbhūpamā puggalā.
12. Cattāro udakarahadupamā puggalā.
13. Cattāro balivaddūpamā2 puggalā.
14. Cattāro āsivisūpamā puggalā.
1. Vipacitaññū - sīmu.
2. Balībaddūpamā - machasaṃ.
[BJT Page 250] [\x 250/]
15. Atthekacco puggalo, ananuvicca apariyogāhetvā avaṇṇārahassā vaṇṇaṃ bhāsitā hoti,
Atthekacco puggalo ananuvicca apariyogāhetvā vaṇṇārahassa avaṇṇaṃ bhāsitā hoti,
Atthekacco puggalo ananuvicca apariyogāhetvā appasādaniye ṭhāne pasādaṃ upadaṃsitā
hoti,
Atthekacco puggalo ananuvicca apariyogāhetvā pasādaniye ṭhāne appasādaṃ upadaṃsitā
hoti.
16. Atthekacco puggalo anuvicca pariyogāhetvā avaṇṇārahassa avaṇṇaṃ bhāsitā hoti,
Atthekacco puggalo anuvicca pariyogāhetvā vaṇṇārahassa vaṇaṇaṃ bhāsitā hoti,
Atthekacco puggalo anuvicca pariyogāhetvā appasādaniye ṭhāne appasādaṃ upadaṃsitā hoti,
Atthekacco puggalo anuvicca pariyogāhetvā pasādaniye ṭhāne pasādaṃ upadaṃsitāhoti.
17. Atthekacco puggalo avaṇṇārahassa avaṇṇaṃ bhāsitā hoti bhūtaṃ tacchaṃ kālena, no ca
kho vaṇṇārahassa vaṇṇaṃ bhāsitā hoti bhūtaṃ tacchaṃ kālena,
Atthekacco puggalo vaṇaṇārahassa vaṇṇaṃ bhāsitā hoti bhūtaṃ tacchaṃ kālena, no ca kho
avaṇṇārahassa avaṇṇa. Bhāsitā hoti bhūtaṃ tacchaṃ kālena,
Atthogacco puggalo avaṇṇārahassa avaṇṇaṃ bhāsitā hoti [PTS Page 007] [\q 7/]
bhūtaṃ tacchaṃ kālena, vaṇṇarahassa vaṇṇaṃ bhāsitā hoti bhūtaṃ tacchaṃ kālena.
Atthekacco puggalo neva avaṇṇārahassa avaṇṇaṃ bhāsitā hoti bhūtaṃ tacchaṃ kālena, no
ca vaṇṇārasahha vaṇṇaṃ bhāsitā hoti bhūtaṃ tacchaṃ kālena.
[BJT Page 252] [\x 252/]
18. Uṭṭhānaphalūpajīvī no puññaphalūpajīvī,
Puññaphalūpajīvī no uṭṭhānaphalūpajīvī,
Uṭṭhānaphalūpajīvī ca puññaphalūpajīvī ca.
Neva uṭṭhānaphalūpajīvī no puññaphalūpajīvī.
19. Tamotama parāyano, tamo jotiparāyano, jotiparāyano, jotitamaparāyano, joti joti
parāyano.
20. Onatonato, onatunnato, unnatonato, unnatunnato.
21. Cattāro rukkhupamā puggalā.
22. Rūpappamāṇo rūpappasanno, ghosappamāṇo ghosappasanno, lūkhappamāṇo
lūkhappasanno, dhammappamāṇo dhammappasanno.
23. Atthekacco puggalo attahitāya paṭipanno hoti no parahitāya,
Atthekacco puggalo parahitāya paṭipanno hoti no attahitāya,
Atthekacco puggalo attahitāya ceva paṭipanno hoti parahitāya ca,
Atthekacco puggalo nevattahitāya paṭipanno hoti no parahitāya.
24. Atthekacco puggalo attantapo hoti attaparitāpanānuyogamanuyutto,
Atthekacco puggalo parantapo hoti paraparitāpanānuyogamanuyutto,
Atthekacco puggalo attantapo ca hoti attaparitāpanānuyogamanuyutto parantapo ca
paraparitāpanānuyogamanuyutto,
[BJT Page 254] [\x 254/]
Atthekacco puggalo neva attantapo hoti na attaparitāpanānuyogamanuyutto, na parannapo
na paraparitāpanānuyogamanuyutto, so anattantapo aparantapo diṭṭhevadhamme nicchāto
nibbuto sītibhūto sukhapaṭisaṃvedī brahmabhūtena attanā viharati.
25. Sarāgo, sadoso, samoho, samāno.
26. Atthekacco puggalo lābhī hoti ajjhattaṃ ceto samathassa, na lābhī
adhipaññādhammavipassanāya.
[PTS Page 008] [\q 8/]
Atthekacco puggalo lābhī hoti adhipaññādhammavipassanāya, na lābhī ajjhattaṃ
cetosamathassa.
Atthekacco puggalo lābhī ceva hoti ajjhattaṃ cetosamathassa, lābhī
adhipaññādhammavipassanāya.
Atthekacco puggalo neva lābhī hoti ajjhattaṃ cetosamathassa na lābhī
adhipaññādhammavipassanāya.
27. Anusotagāmī puggalo, paṭisotagāmī puggalo, ṭhitatto puggalo, tiṇṇo pāragato1. Thale
tiṭṭhati brāhmaṇo.
28. Appassuto sutena anuppanno, appassuto sutena uppanno, bahussuto sutena anuppanno,
bahussuto sutena uppanno.
29. Samaṇacalo, samaṇapadumo, samaṇapuṇḍarīko, samaṇesu samaṇasukhumālo.
Catukka mātikā niṭṭhitā.
1. Paraṅgato - machasaṃ.
[BJT Page 256] [\x 256/]
5. Pañcaka mātikā
1. Atthekacco puggalo ārabhati1 ca vippaṭisārī ca hoti tañca cetovimuttiṃ paññāvimuttiṃ
yathābhūtaṃ nappajānāti, yatthassa te uppannā pāpakā akusalā dhammā aparisesā
nirujjhanti.
Atthekacco puggalo ārabhati na vippaṭisārī ca hoti tañca cetovimuttiṃ paññāvimuttiṃ
yathābhūtaṃ nappajānāti, yatthassa te uppannā pāpakā akusalā dhammā aparisesā
nirujjhanti.
Atthekacco puggalo nārabhati vippaṭisārī hoti tañca cetovimuttiṃ paññāvimuttiṃ
yathābhūtaṃ nappajānāti yatthassa te uppannā pāpakā akusalā dhammā aparisesā nirujjhanti.
Atthekacco puggalo nārabhati na vippaṭisārī hoti tañca cetovimuttiṃ paññāvimuttiṃ
yathābhūtaṃ nappajānāti yatthassa te uppannā pāpakā akusalā dhammā aparisesā nirujjhanti.
Atthekacco puggalo nārabhati na vippaṭisārī hoti tañca ceto vimuttiṃ paññāvimuttiṃ
yathābhūtaṃ pajānāti yatthassa te uppannā pāpakā akusalā dhammā aparisesā nirujjhanti.
[PTS Page 009] [\q 9/]
2. Datvā avajānāti, saṃvāsena avajānāti, ādheyyamukho hoti, lolo hoti mando momūho hoti.
3. Pañca yodhājīvūpamā puggalā.
9. Pañca āraññikā.
4. Pañca piṇḍapātikā.
10. Pañca rukkhamūlikā.
5. Pañca khalupacchābhattikā.
11. Pañca abbhokāsikā.
6. Pañca ekāsanikā.
12. Pañca nesajjikā.
7. Pañca paṃsukūlikā.
13. Pañca yathāsanthatikā.
8. Pañca tecīvarikā. 14. Pañca sosānikā. Pañcaka mātikā niṭṭhitā.
1. Ārabbhati - machasaṃ.
[BJT Page 258] [\x 258/]
6. Chakka mātikā
1. Atthekacco puggalo pubbe ananussutesu dhammesu sāmaṃ saccāni abhisambujjhati,
tattha ca sabbaññutaṃ pāpuṇāti balesu ca vasībhāvaṃ.
Atthekacco puggalo pubbe ananussutesu dhammesu sāmaṃ saccāni abhisambujjhati, na ca
tattha sabbaññutaṃ pāpuṇāti na ca balesu1 vasībhāvaṃ.
Atthekacco puggalo pubbe ananussutesu dhammesu sāmaṃ saccāni anabhisambujjhati
diṭṭheva dhamme dukkhassantakaro hoti, na ca sāvakapāramiṃ pāpuṇāti.
Atthekacco puggalo pubbe ananussutesu dhammesu sāmaṃ saccāni anabhisambujjhati na ca
diṭṭheva dhamme dukkhassantakaro hoti, anāgāmī hoti anāgannā itthattaṃ.
Atthekacco puggalo pubbe ananussutesu dhammesu sāmaṃ saccāni anabhisambujjhati na ca
diṭṭheva dhamme dukkhassantakaro hoti, āgāmī hoti āgannā itthattaṃ.
Chakka mātikā niṭṭhitā.
[PTS Page 010] [\q 10/]
7. Sattaka mātikā
1. Satta udakūpamā puggalā: sakiṃ nimuggo nimuggova hoti, ummujjitvā nimujjati,
ummujjitvā ṭhito hoti, ummujjitvā vipassati viloketi, ummujjitvā patarati, ummujjitvā
paṭigādhappatto hoti, ummujjitvā tiṇṇo hoti pāragato thale tiṭṭhati brāhmaṇo.
2. Ubhatobhāgavimutto, paññāvimutto, kāyasakkhī, diṭṭhappatto, saddhāvimutto,
dhammānusārī, saddhānusārī.
Sattaka mātikā niṭṭhitā.
1. Phalesu - [PTS.]
[BJT Page 260] [\x 260/]
8. Aṭṭhaka mātikā
1. Cattāro maggasamaṅgino, cattāro phalasamaṅgino-puggalā.
Aṭṭhaka mātikā niṭṭhitā
9. Navaka mātikā
1. Sammā sambuddho, pacceka buddho, ubhatobhāgavimutto, paññāvimutto, kāyasakkhī,
diṭṭhappatto, saddhāvimutto, dhammānusārī, saddhānusārī.
Navaka mātikā niṭṭhitā
10. Dasaka mātikā
1. Pañcannaṃ idha niṭṭhā, pañcannaṃ idha vihāya niṭṭhā.
Dasaka mātikā niṭṭhitā
Puggalapaññatti mātikā niṭṭhitā.
[BJT Page 262] [\x 262/]
[PTS Page 011] [\q 11/]
1. Ekaka niddeso
1. Katamo ca puggalo samayavimutto: idhekacco puggalo kālena kālaṃ samayena samayaṃ
aṭṭhavimokkhe kāyena phassitvā1 viharati, paññāya cassa disvā ekacce āsavā parikkhīṇā
honti. Ayaṃ vuccati puggalo samaya vimutto.
2. Katamo ca puggalo asamayavimutto: idhekacco puggalo naheva kho kālena kālaṃ
samayena samayaṃ aṭṭhavimokkhe kāyena phassitvā viharati, paññāya cassa disvā āsavā
parikkhīṇā honti. Ayaṃ vuccati puggalo asamayavimutto. Sabbepi ariya puggalā
ariyavimokkhe asamayavimuttā.
3. Katamo ca puggalo kuppadhammo: idhekacco puggalo lābhī hoti. Rūpasahagatānaṃ vā
arūpasahagatānaṃ vā samāpattīnaṃ, so ca kho na nikāmalābhī hoti na akicchalābhī na
akasiralābhī, na yatthicchakaṃ yadicchakaṃ yāvaticchakaṃ samāpajjatī'pi vuṭṭhātipi. hānaṃ
kho panetaṃ vijjati yaṃ tassa puggalassa pamādamāgamma tā samāpattiyo kuppeyyuṃ.
Ayaṃ vuccati puggalo kuppadhammo.
4. Katamo ca puggalo akuppadhammo: idhekacco puggalo lābhī hoti rūpasahagatānaṃ vā
arūpasahagatānaṃ vā samāpattīnaṃ. So ca kho nikāmalābhī hoti akicchalābhī akasiralābhī,
yatthicchakaṃ yadicchakaṃ yāvaticchakaṃ samāpajjatī'pi vuṭṭhāti'pi. Aṭṭhānametaṃ
anavakāso yaṃ tassa puggalassa pamādamāgamma tā samāpattiyo kuppeyyuṃ. Ayaṃ vuccati
puggalo akuppadhammo. Sabbepi ariyapuggalā ariye vimokkhe akuppadhammā.
1. Phusitvā - machasaṃ.
[BJT Page 264] [\x 264/]
5. Katamo ca puggalo parihānadhammo: idhekacco puggalo lābhī hoti rūpasahagatānaṃ vā
[PTS Page 012] [\q 12/] arūpasahagatānaṃ vā samāpattīnaṃ, so ca kho na nikāmalābhī
hoti na akicchalābhī na akasiralābhī, na yatthicchakaṃ yadicchakaṃ yāvaticchakaṃ
samāpajjatī pi vuṭṭhāti'pi. hānaṃ kho panetaṃ vijjati yaṃ so puggalo pamādamāgamma tāhi
samāpattīhi parihāyeyya, ayaṃ vuccati puggalo parihānadhammo.
6. Katamo ca puggalo aparihānadhammo: idhekacco puggalo lābhī hoti rūpasahagatānaṃ vā
arūpasahagatānaṃ vā samāpattīnaṃ, so ca kho nikāmalābhī hoti akicchalābhī akasiralābhī,
yatthicchakaṃ yadicchakaṃ yāvaticchakaṃ samāpajjati'pi vuṭṭhātipi. Aṭṭhānametaṃ
anavākāso yaṃ so puggalo pamādamāgamma tāhi samāpattīhi parihāyeyya, ayaṃ vuccati
puggalo aparihāna dhammo. Sabbepi ariyapuggalā ariye vimokkhe aparihānadhammā.
7. Katamo ca puggalo cetanābhabbo: idhekacco puggalo lābhī hoti rūpasahagatānaṃ vā
arūpasahagatānaṃ vā samāpattīnaṃ, so ca kho na nikāmalābhī hoti, na akicchalābhī, na
akasiralābhī, yatthicchakaṃ yadicchakaṃ yāvaticchakaṃ samāpajjati'pi vuṭṭhāti'pi. Sace
anusañceteti na parihāyati tāhi samāpattīhi, sace na anusañceteti parihāyati tāhi
samāpattīhi. Ayaṃ vuccati puggalo cetanābhabbo.
8. Katamo ca puggalo anurakkhanābhabbo: idhekacco puggalo lābhī hoti rūpasahagatānaṃ
vā arūpasahagatānaṃ vā samāpattīnaṃ, so ca kho na nikāmalābhī hoti na akicchalābhī na
akasiralābhī, na yatthicchakaṃ yadicchakaṃ yāvaticchakaṃ samāpajjati pi vuṭṭhāti'pi. Sace
anurakkhati na parihāyati tāhi samāpattīhi, sace na anurakkhati parihāyati tāhi samāpattīhi.
Ayaṃ vuccati puggalo anurakkhanābhabbo.
[BJT Page 266] [\x 266/]
9. Katamo ca puggalo puthujjano: yassa puggalassa tīṇi saṃyojanāni appahīnāni na ca tesaṃ
dhammānaṃ pahānāya paṭipanno, ayaṃ vuccati puggalo puthujjano.
[PTS Page 013] [\q 13/]
10. Katamo ca puggalo gotrabhū: yesaṃ dhammānaṃ samanantarā ariyadhammassa
avaknanti hoti tehi dhammehi samannāgato, ayaṃ vuccati puggalo gotrabhū.
11-12. Katamo ca puggalo bhayūparato: satta sekhkhā bhayūparatā, ye ca puthujjanā
sīlavanto: arahā abhayūparato.
13. Katamo ca puggalo abhabbāgamano: ye te puggalā kammāvaraṇena samannāgatā
kilesāvaraṇena samannāgatā vipākāvaraṇena samannāgatā assaddhā acchandikā duppaññā
eḷā1 abhabbā niyāmaṃ okkamituṃ kusalesu dhammesu sammattaṃ, ime vuccanti puggalā
abhabbāgamanā.
14. Katamo ca puggalo bhabbāgamano: ye te puggalā na kammāvaraṇena samannāgatā, na
kilesāvaraṇena samannāgatā, na vipākāvaraṇena samannāgatā, saddhā chandikā
paññāvantā aneḷā2 bhabbā niyāmaṃ okkamituṃ kusalesu dhammesu sammattaṃ, ime
vuccanti puggalā bhabbāgamanā.
15-16. Katamo ca puggalo niyato: pañca puggalā ānantariyakā ye ca micchā diṭṭhikā niyatā,
aṭṭha ca ariyapuggalā niyatā. Avasesā puggalā aniyatā.
17-18. Katamo ca puggalo paṭipannako: cattāro magga samaṅgino puggalā paṭipannakā,
cattāro phalasamaṅgino puggalā phale ṭhitā.
19. Katamo ca puggalo samasīsi: yassa puggalassa apubbaṃ acarimaṃ āsavapariyādānaṃ ca
hoti jīvitapariyādānaṃ ca, ayaṃ vuccati puggalo samasīsi.
1. Eḷā - sīmu - jalā - [PTS. 2.] Paññavantā - sīmu.
[BJT Page 268] [\x 268/]
20. Katamo ca puggalo ṭhitakappī: ayaṃ ca puggalo sotāpattiphalasacchikiriyāya paṭipanno
assa, kappassa ca uḍḍayhanavelā assa. Neva tāva kappo uḍḍayheyya, yāvāyaṃ puggalo na
sotāpattiphalaṃ sacchikaroti. Ayaṃ vuccati puggalo ṭhitakappi [PTS Page 014] [\q 14/]
sabbepi maggasamaṅgino puggalā ṭhitakappino.
21-22. Katamo ca puggalo ariyo: aṭṭhāriyapuggalā ariyā, avasesā pugagalā anariyā.
23-25. Katamo ca puggalo sekho: cattāro maggasamaṅgino tayo phalasamaṅgino puggalā
sekhā, arahā asekho, avasesā puggalā neva sekhā nāsekkhā.
26. Katamo puggalo tevijjo: tīhi vijjāhi samannāgato puggalo tevijjo.
27. Katamo ca puggalo chaḷabhiñño: chahi abhiññāhi samannāgato puggalo chaḷabhiñño.
28. Katamo ca puggalo sammāsambuddho: idhekacco puggalo pubbe ananussutesu
dhammesu sāmaṃ saccāni abhisambujjhati, tattha ca sabbaññutaṃ pāpuṇāti balesu ca
vasībhāvaṃ. Ayaṃ vuccati puggalo sammāsambuddho.
29. Katamo ca puggalo paccekasambuddho: idhekacco puggalo pubbe ananussutesu
dhammesu sāmaṃ saccāni abhisambujjhati, na ca tattha sabbaññutaṃ pāpuṇāti na ca balesu
vasībhāvaṃ. Ayaṃ vuccati puggalo paccekasambuddho.
30. Katamo ca puggalo ubhatobhāgavimutto: idhekacco puggalo aṭṭha vimokkhe kāyena
phassitvā1 viharati, paññāya cassa disvā āsavā parikkhīṇā honti. Ayaṃ vuccati puggalo
ubhatobhāga vimutto.
Phusitvā - machasaṃ.
[BJT Page 270] [\x 270/]
31. Katamo ca puggalo paññāvimutto: idhekacco puggalo naheva kho aṭṭha vimokkhe
kāyena phassitvā viharati, paññāya cassa disvā āsavā parikkhīṇā honti. Ayaṃ vuccati
puggalo paññā vimutto.
32. Katamo ca puggalo kāyasakkhī: idhekacco puggalo aṭṭha vimokkhe kāyena phassitvā
[PTS Page 015] [\q 15/] viharati, paññāya cassa disvā ekacce āsavā parikkhīṇā honti.
Ayaṃ vuccati puggalo kāyasakkhī.
33. Katamo ca puggalo diṭṭhappatto: idhe kacco puggalo idaṃ dukkhanti yathābhūtaṃ
pajānāti, ayaṃ dukkhasamudayoti yathābhūtaṃ pajānāti, ayaṃ dukkhanirodhoti yathābhūtaṃ
pajānāti, ayaṃ dukkhanirodhagāminī paṭipadāti yathābhūtaṃ pajānāti, tathāgatappaveditā
cassa dhammā paññāya vodiṭṭhā honti vocaritā, paññāya cassa disvā ekacce āsavā
parikkhīṇā honti. Ayaṃ vuccati puggalo diṭṭhappatto.
34. Katamo ca puggalo saddhāvimutto: idhekacco puggalo idaṃ dukkhanti yathābhūtaṃ
pajānāti, ayaṃ dukkhasamudayoti yathābhūtaṃ pajānāti, ayaṃ dukkhanirodhoti yathābhūtaṃ
pajānāti, ayaṃ dukkhanirodhagāminī paṭipadāti yathābhūtaṃ pajānāti, tathāgatappaveditā
cassa dhammā paññāya vodiṭṭhā honti vocaritā, paññāya cassa disvā ekacce āsavā
parikkhīṇā honti, no ca kho yathā diṭṭhappattassa ayaṃ vuccati puggalo saddhāvimutto.
35. Katamo ca puggalo dhammānusārī: yassa puggalassa sotāpattiphalasacchikiriyāya
paṭipannassa paññindiyaṃ adhimattaṃ hoti paññāvāhi paññāpubbaṅgamaṃ ariyamaggaṃ
bhāveti. Ayaṃ vuccati puggalo dhammānusārī. Sotāpattiphalasacchikiriyāya paṭipanno
puggalo dhammānusārī. Phale ṭhito diṭṭhappatto.
[BJT Page 272] [\x 272/]
36. Katamo ca puggalo saddhānusārī: yassa puggalassa sotāpattiphalasacchikiriyāya
paṭipannassa saddhindriyaṃ adhimattaṃ hoti saddhāvāhi saddhāpubbaṅgamaṃ ariyamaggaṃ
bhāveti. Ayaṃ vuccati puggalo saddhānusāri, sotāpattiphala sacchikiriyāya paṭipanno
puggalo saddhānusārī, phale ṭhito saddhāvimutto.
37. Katamo ca puggalo sattakkhattuparamo: idhekacco puggalo tiṇṇaṃ saṃyojanānaṃ
parikkhayā [PTS Page 016] [\q 16/] sotāpannā hoti aaivinipātadhammo niyato
sambodhiparāyano, so sattakkhattuṃ deve ca manusse ca sandhāvitvā saṃsaritvā
dukkhassantaṃ karoti. Ayaṃ vuccati puggalo sattakkhattuparamo.
38. Katamo ca puggalo kolaṃkolo: idhekacco puggalo tiṇṇaṃ saṃyojanānaṃ parikkhayā
sotāpanno hoti avinipātadhammo niyato sambodhiparāyano, so dve vā tīṇi vā kulāni
sandhāvitvā saṃsaritvā dukkhassantaṃ karoti. Ayaṃ vuccati puggalo kolaṅkolo.
39. Katamo ca puggalo ekabījī: idhekacco puggalo tiṇṇaṃ saṃyojanānaṃ parikkhayā
sotāpanno hoti avinipākadhammo niyato sambodhiparāyaṇo, so ekaṃ yeva mānusakaṃ
bhavaṃ nibbattetvā dukkhassantaṃ karoti. Ayaṃ vuccati puggalo ekabījī.
40. Katamo ca puggalo sakadāgāmī: idhekacco puggalo tiṇṇaṃ saṃyojanānaṃ parikkhayā
rāgadosamohānaṃ tanuttā sakadāgāmī hoti sakideva imaṃ lokaṃ āganatvā dukkhassantaṃ
karoti. Ayaṃ vuccati puggalo sakadāgāmī.
41. Katamo ca puggalo anāgāmī: idhekacco puggalo pañcannaṃ orambhāgiyānaṃ
saṃyojanānaṃ parikkhayā opapātiko hoti tattha parinibbāyī anāvattidhammo tasmā loko,
ayaṃ vuccati puggalo anāgāmī.
[BJT Page 274] [\x 274/]
42. Katamo ca puggalo antarāparinibbāyī: idhekacco puggalo pañcannaṃ orambhāgiyānaṃ
saṃyojanānaṃ parikkhayā opapātiko hoti tattha parinibbāyī anāvattidhammo tasmā lokā, so
uppannaṃ vā samanantarā, appattaṃ vā vemajjhaṃ āyuppamāṇaṃ ariyamaggaṃ sañjaneti
upariṭṭhimānaṃ saṃyojanānaṃ pahānāya. Ayaṃ vuccati puggalo antarāparinibbāyī.
43. Katamo ca puggalo upahaccaparinibbāyī: idhekacco puggalo pañcannaṃ
orambhāgiyānaṃ [PTS Page 017] [\q 17/] saṃyojanānaṃ parikkhayā opapātiko hoti
tattha parinibbāyi anāvattidhammo tasmā lokā, so atikkamitvā vemajjhaṃ āyuppamāṇaṃ
upahacca vā kālakiriyaṃ ariyamaggaṃ sañjaneti upariṭṭhimānaṃ saṃyojanānaṃ pahānāya.
Ayaṃ vuccati puggalo upahaccaparinibbāyī.
44. Katamo ca puggalo asaṅkhāraparinibbāyī: idhekacco puggalo pañcannaṃ
orambhāgiyānaṃ saṃyojanānaṃ parikkhayā opapātiko hoti tattha parinibbāyī
anāvattidhammo tasmā lokā. So asaṅkhārena ariyamaggaṃ sañjaneti upariṭṭhimānaṃ
saṃyojanānaṃ pahānāya. Ayaṃ vuccati puggalo asaṅkhāraparinibbāyī.
45. Katamo ca puggalo sasaṅkhāraparinibbāyī: idhekacco puggalo pañcannaṃ
orambhāgiyānaṃ saṃyojanānaṃ parikkhayā opapātiko hoti tattha parinibbāyī
anāvattidhammo tasmā lokā, so sasaṅkhārena ariyamaggaṃ sañjaneti upariṭṭhimānaṃ
saṃyojanānaṃ pahānāya. Ayaṃ vuccati puggalo sasaṅkhāraparinibbāyi.
46. Katamo ca puggalo uddhaṃsoto akaniṭṭhāgāmī: idhekacco puggalo pañcannaṃ
orambhāgiyānaṃ saṃyojanānaṃ parikkhayā opapātiko hoti tattha parinibbāyi
anāvattidhammo tasmā lokā, so avihā cuto atappaṃ gacchati, atappā cuto sudassaṃ gacchati,
sudassā cuto sudassiṃ gacchati, sudassito vuto akaniṭṭhaṃ gacchati, akaniṭṭhaṃ
ariyamaggaṃ sañjaneti upariṭṭhimānaṃ saṃyojanānaṃ pahānāya. Ayaṃ vuccati puggalo
uddhaṃsoto akaniṭṭhagāmī.
[BJT Page 276] [\x 276/]
47. Tiṇṇaṃ saṃyojanānaṃ pahānāya paṭipanno puggalo sotāpattiphalasacchikiriyāya
paṭipanno, yassa puggalassa tīṇi saṃyojanāni pahīnāni. Ayaṃ vuccati puggalo sotāpanno.
48. Kāmarāgavyāpādānaṃ tanubhāvāya paṭipanno puggalo sakadāgāmiphalasacchikiriyāya
paṭipanno, yassa puggalassa kāmarāgavyāpādā tanubhūtā. Ayaṃ vuccati puggalo
sakadāgāmī.
49. Kāmarāgavyāpānaṃ anavasesappahānāya paṭipanno [PTS Page 018] [\q 18/]
puggalo anāgāmiphalasacchikiriyāya paṭipanno, yassa puggalassa kāmarāgavyāpādā
anavasesā pahīnā. Ayaṃ vuccati puggalo anāgāmī.
50. Rūparāga arūparāga māna uddhacca avijjā anavasesappahānāya paṭipanno puggalo
arahattaphalasacchikiriyāya paṭipanno, yassa puggalassa rūparāgo arūparāgo māno
uddhaccaṃ avijjā anavasesā pahīnā. Ayaṃ vuccati puggalo arahā.
Ekaka niddeso niṭṭhito.
[BJT Page 278] [\x 278/]
2. Duka niddeso
1. Katamo ca puggalo koṣano tattha katamo kodho, so kodho kujjhanā kujjhitattaṃ, doso
dussanā dussitattaṃ, vyāpatti vyāpajjanā vyāpajjitattaṃ, virodho paṭivirodho caṇḍikkaṃ,
asuropo anattamanatā cittassa. Ayaṃ vuccati kodho. Yassa puggalassa ayaṃ kodho
appahīno, ayaṃ vuccati puggalo kodhano.
Katamo ca puggalo upanāhī: tattha katamo upanāho: pubbakālaṃ kodho aparakālaṃ
upanāho, yo evarūpo upanāho upanayhanā upanayhitattaṃ aṭṭhapanā ṭhapanā saṇṭhapanā
anusaṃsandanā anuppabandhanā daḷhīkammaṃ kodhassa, ayaṃ vuccati upanāho. Yassa
puggalassa ayaṃ upanāho appahīno, ayaṃ vuccati puggalo upanāhī.
2. Katamo ca puggalo makkhī: tattha katamo makkho: yo makkho makkhāyanā
makkhāyitattaṃ1 niṭṭhuriyaṃ niṭṭhuriyakammaṃ, ayaṃ vuccati makkho. Yassa puggalassa
ayaṃ makkho appahīno, ayaṃ vuccati puggalo makkhī.
Katamo ca puggalo palāsī: tattha katamo palāso yo palāso palāsāyanā [PTS Page 019] [\q
19/] palāsāyitattaṃ palāsāhāro vivādaṭṭhānaṃ yugaggāho appaṭinissaggo, ayaṃ vuccati
palāso yassa puggalassa ayaṃ palāso. Appasīno, ayaṃ vuccati puggalo palāsī.
3. Katamo ca puggalo issuki: tattha katamā issā: yā paralābha sakkāra garukāra mānana
vandana pūjanāsu issā issāyanā issāyitattaṃ usūyā usūyanā usūyitattaṃ, ayaṃ vuccati issā.
Yassa puggalassa ayaṃ issā appahīnā, ayaṃ vuccati puggalo issukī.
Katamo ca puggalo maccharī: tattha katamaṃ macchariyaṃ: pañca
macchariyāni-āvāsamacchariyaṃ kulamacchariyaṃ lābhamacchariyaṃ vaṇṇamacchariyaṃ
cammamacchariyaṃ, yaṃ evarūpaṃ maccheraṃ maccharayānā maccharāyitattaṃ vevicchaṃ
kadariyaṃ kaṭukañcukatā aggahitattaṃ cittassa, idaṃ vuccati macchariyaṃ. Yassa puggalassa
idaṃ macchariyaṃ appahīnaṃ, ayaṃ vuccati puggalo maccharī.
1. Makkhīyanā makkhīyitattā sī, mu.
[BJT Page 280] [\x 280/]
4. Katamo ca puggalo saṭho: tattha katamaṃ sāṭheyyaṃ: idhekacco puggalo saṭho hoti
parisaṭho, yaṃ tattha saṭhaṃ saṭhatā sāṭheyyaṃ kakkharatā kakkariyaṃ parikkhattatā
parikkhattiyaṃ, idaṃ vuccati sāṭheyyaṃ. Yassa puggalassa idaṃ sāṭheyyaṃ appahīnaṃ. Ayaṃ
vuccati puggalo saṭho.
Katamo ca puggalo māyāvī: tattha katamā māyā: idhekacco kāyena duccaritaṃ caritvā
vācāya duccaritaṃ caritvā manasā duccaritaṃ caritvā tassa paṭicchādanahetu pāpikaṃ icchaṃ
paṇidahati 'mā maṃ jaññā'ti icchati, 'mā maṃ chaññā'ti saṃkappeti, 'mā maṃ jaññā'ti vācaṃ
bhāsati, 'mā maṃ jaññā'ti kāyena parakkamati, yā eva rūpā māyā māyāvitā accasarā vañcanā
nikati nikiraṇā pariharaṇaṃ gūhanā parigūhanā chādanā parichādanā anuttānīkammaṃ
anāvikammaṃ vocchādanā pāpakiriyā, ayaṃ vuccati māyā. Yassa puggalassa ayaṃ māyā
appahīṇā, ayaṃ vuccati puggalo māyāvī.
5. Katamo ca puggalo ahiriko: kattha katamaṃ ahirikaṃ: yaṃ na hirīyati hirīyitabbena, na
hirīyati pāpakānaṃ akusalānaṃ dhammānaṃ samāpattiyā. Idaṃ vuccati ahirikaṃ, iminā
ahirikena samannāgato puggalo ahiriko.
Katamo ca puggalo anottappī: tattha katamaṃ anottappaṃ: yaṃ na ottappati ottappitabbena,
na ottappati pāpakānaṃ akusalānaṃ dhammānaṃ samāpattiyā. Idaṃ vuccati anottappaṃ,
iminā anottappena samannāgato puggalo anottappī.
6. Katamo ca puggalo dubbavo: tattha katamā dovacassatā: sahadhammike vuccamāne
dovacassāyaṃ dovacassiyaṃ dovacassatā vippaṭikūlagāhitā vipaccanikasātatā anādariyaṃ
anādariyatā agāravatā appatissavatā. Ayaṃ vuccati dovacassatā, tāya samannāgato puggalo
dubbavo.
[BJT Page 282] [\x 282/]
Katamo ca puggalo pāpamitto: tattha katamā pāpamittā: yo te puggalā assaddhā dussīlā
appassutā maccharino duppaññā, yā tesaṃ sevanā nisevanā saṃsevanā bhajanā nambhajanā
bhatti sambhatti taṃsampavaṅkatā. Ayaṃ vuccati pāpamittatā, imāya pāpamittatāya
samannāgato puggalo pāpamitto.
7. Katamo ca puggalo indriyesu aguttadvāro: tattha katamā indriyesu aguttadvāratā:
idhekacco cakkhunā rūpaṃ disvā nimittaggāhī hoti anubyañjanaggāhī,
yatvādhikaraṇamenaṃ cakkhundriyaṃ asaṃvutaṃ viharantaṃ abhijjhā domanassā pāpakā
akusalā dhammā anvāssaveyyuṃ tassa saṃvarāya na paṭipajjati na rakkhati cakkhundriyaṃ,
cakkhundriyena saṃvaraṃ āpajjati. Sotena saddaṃ sutvā -pe ghānena gandhaṃ
ghāyitvājivhāya rasaṃ sāyitvā- kāyena phoṭṭhabbaṃ phusitvā- manasā dhammaṃ viññāya
nimittaggāhī hoti anubyañjanaggāhī, yatvādhikaraṇamenaṃ manindriyaṃ asaṃvutaṃ
viharantaṃ, abhijjhā domanassā pāpakā akusalā dhammā anvāssaveyyuṃ, tassa saṃvarāya na
paṭipajjati, na rakkhati manindriyaṃ, manindriye [PTS Page 021] [\q 21/] na saṃvaraṃ
āpajjati. Yā imesaṃ channaṃ indriyānaṃ agutti agopanā anārakkho asaṃvaro. Ayaṃ vuccati
indriyesu aguttadvāratā. Imāya indriyesu aguttadvāratāya samannāgato puggalo indriyesu
aguttadvāro.
Katamo ca puggalo bhojane amattaññū: tattha katamā bhojane amattaññutā: idhekacco
puggalo appaṭisaṅkhā ayoniso āhāraṃ āhāreti, davāya madāya maṇḍanāya vibhūsanāya yā
tattha asantuṭṭhitā amattaññutā appaṭisaṅkhā bhojane. Ayaṃ vuccati bhojane amattaññutā,
imāya bhojane amattaññutāya samannāgato puggalo bhojane amattaññū.
[BJT Page 284] [\x 284/]
8. Katamo ca puggalo muṭṭhassati: tattha katamā muṭṭhasaccaṃ: yā asati ananussati
appaṭissati assati asaraṇatā adhāraṇatā pilāpanatā pammussanatā. Idaṃ vuccati
muṭṭhasaccaṃ, iminā muṭṭhasaccena samannāgato puggalo muṭṭhassati.
Katamo ca puggalo asampajāno: tattha katamaṃ asampajaññaṃ: yaṃ aññāṇaṃ adassanaṃ
anabhisamayo ananubodho asambodho appaṭivedho asaṅgāhanā apariyogāhanā
asamapekkhanā apaccavekkhanā apaccakkhakammaṃ dummejjhaṃ bālyaṃ asampajaññaṃ
moho pamoho sammoho avijjā avijjogho avijjāyogo avijjānusayo avijjāpariyuṭṭhānaṃ
avijjālaṅgi moho akusalamūlaṃ, idaṃ vuccati asampajaññaṃ. Iminā asampajaññena
samannāgato puggalo asampajāno.
9. Katamo ca puggalo sīlavipanno: tattha katamā sīlavipatti kāyiko vītikkamo vācasiko
vītikkamo kāyikavācasiko vītikkamo, ayaṃ vuccati sīlavipatti, sabbampi dussīlyaṃ
sīlavipatti. Imāya sīlavipattiyā samannāgato puggalo sīlavipanno.
Katamo ca puggalo diṭṭhivipanno: tattha katamā diṭṭhivipatti: natthi dinnaṃ natthi diṭṭhi
natthi hutaṃ natthi sukaṭadukkaṭānaṃ1 kammānaṃ phalaṃ vipāko, natthi ayaṃ [PTS Page
022] [\q 22/] loko, natthi paraloko, natthi mātā, natthi pitā, natthi sattā opapātikā, natthi
loke samaṇabrāhmaṇā sammaggatā sammā paṭipannā ye imañca lokaṃ parañca lokaṃ
sayaṃ abhiññā sacchikatvā pavedentīti yā evarūpā diṭṭhi diṭṭhigataṃ diṭṭhigahanaṃ
diṭṭhikantāro diṭṭhivisūkāyitaṃ diṭṭhivipphanditaṃ diṭṭhisaṃyojanaṃ gāho patiṭṭhāho
abhinivoso paramāso kummaggo micchāpatho micchattaṃ titthāyatanaṃ vipariyesagāho.
Ayaṃ vuccaci diṭṭhivipatti, sabbāpi micchādiṭṭhi diṭṭhivipatti, imāya diṭṭhivipattiyā
samannāgato puggalo diṭṭhivipanno.
1. Sukata dukkhatānaṃ - sīmu.
[BJT Page 286] [\x 286/]
10. Katamo ca puggalo ajjhattasaññojano: yassa puggalassa pañcorambhāgiyāni saṃyojanāni
appahīnāni. Ayaṃ vuccati puggalo ajjhattasaññojano.
Katamo ca puggalo bahiṅ saññojano: yassa puggalassa pañcuddhambhāgiyāni saṃyojanāni
appahīnāni. Ayaṃ vuccati puggalo bahiṅsaññojano.
11. Katamo ca puggalo akkodhano: tattha katamo kodho: yo kodhā kujjhanā kujjhitattaṃ,
doso dussanā dussitattaṃ, vyāpatti vyāpajjanā vyāpajjitattaṃ, virodho paṭivirodho
caṇḍikkaṃ, asuropo anattamanatā cittassa, ayaṃ vuccati kodho. Yassa puggalassa ayaṃ
kodho pahīno, ayaṃ vuccati puggalo akkodhano.
Katamo ca puggalo anupanāhī: tattha katamo upanāho: pubbakālaṃ kodho aparakālaṃ
upanāho, yo evarūpo upanāho upanayhanā upanayhitattaṃ aṭṭhapanā ṭhapanā saṇḍapanā
anusaṃsandanā anuppabandhanā daḷhīkammaṃ kodhassa, ayaṃ vuccati upanāho. Yassa
puggalassa ayaṃ upanāho pahīno, ayaṃ vuccati puggalo anupanāhī.
12. Katamo ca puggalo amakkhī: tattha katamo makkho: yo makkho makkhiyanā
makkhīyitattaṃ niṭṭhuriyaṃ niṭṭhuriyakammaṃ, ayaṃ vuccati makkho. Yassa puggalassa
ayaṃ makkho pahīno, ayaṃ vuccati puggalo amakkhī.
Katamo ca puggalo apalāsī: tattha katamo palāso: yo palāso palāsayanā palāsāyitattaṃ
palāsāhāro vivādaṭṭhānaṃ yugaggāho appaṭinissaggo, ayaṃ vuccati paḷāso. Yassa
puggalassa ayaṃ paḷāso pahīno, ayaṃ vuccati puggalo apalāsī.
[BJT Page 288] [\x 288/]
[PTS Page 023] [\q 23/]
13. Katamo ca puggalo anissukī: tattha katamā issā: yā paralābhasakkāra garukāra mānana
vandana pūjanāsu issā issāyanā issāyitattaṃ, usūyā usūyanā usūyitattaṃ, ayaṃ vuccati issā.
Yassa puggalassa ayaṃ issā pahīnā, ayaṃ vuccati puggalo anissukī.
Katamo ca puggalo amaccharī: tattha katamaṃ macchariyaṃ: pañcamacchariyāni -
āvāsamacchariyaṃ kulamacchariyaṃ lābhamacchariyaṃ vaṇṇamacchariyaṃ
dhammamacchariyaṃ. Yaṃ evarūpaṃ maccheraṃ1 maccharāyanā maccharāyitattaṃ, vevicchaṃ
kadariyaṃ kaṭukañcukatā aggahitattaṃ cittassa. Idaṃ vuccati macchariyaṃ. Yassa puggalassa
idaṃ macchariyaṃ pahīnaṃ, ayaṃ vuccati puggalo amaccharī.
14. Katamo ca puggalo asaṭho: tattha katamaṃ sāṭheyyaṃ: idhekacco puggalo saṭho hoti
parisaṭho, yaṃ tattha saṭhaṃ saṭhatā sāṭheyyaṃ kakkaratā kakkariyaṃ parikkhattatā
parikkhattiyaṃ, idaṃ vuccati sāṭheyaṃ. Yassa puggalassa idaṃ sāṭheyyaṃ pahīnaṃ, ayaṃ
vuccati puggalo asaṭho.
Katamo ca puggalo amāyāvī: tattha katamā māyā: idhekacco kāyena duccaritaṃ caritvā
vācāya duccaritaṃ caritvā manasā duccaritaṃ caritvā tassa paṭicchādanahetu pāpikaṃ icchaṃ
paṇidahati 'mā maṃ jaññā'ti icchati, 'mā maṃ chaññā'ti saṃkappeti, 'mā maṃ jaññā'ti vācaṃ
bhāsati, 'mā maṃ jaññā'ti kāyena parakkamati, yā eva rūpā māyā māyāvitā accasarā vañcanā
nikati nikiraṇā pariharaṇaṃ gūhanā parigūhanā chādanā parichādanā anuttānīkammaṃ
anāvikammaṃ vocchādanā pāpakiriyā, ayaṃ vuccati māyā. Yassa puggalassa ayaṃ māyā
ppahīṇā, ayaṃ vuccati puggalo amāyāvī.
1. Vacchariyaṃ - machasaṃ.
[BJT Page 290] [\x 290/]
15. Katamo ca puggalo hirimā: tattha katamā hiri: [PTS Page 024] [\q 24/] yā hiri
hirīyati hirīyitabbena, hirīyati pāpakānaṃ akusalānaṃ dhammānaṃ samāpattiyā, ayaṃ
vuccati hiri, imāya hiriyā samannāgato puggalo hirimā.
Katamo ca puggalo ottappī: tattha katamaṃ ottappaṃ: yaṃ ottappati ottappitabbena,
ottappati pāpakānaṃ akusalānaṃ dhammānaṃ samāpattiyā, idaṃ vuccati ottappaṃ. Iminā
ottappena samannāgato puggalo ottappī.
16. Katamo ca puggalo suvaco: tattha katamā sovacassatā: sahadhammike vuccamāne
sovacassāyaṃ sovacassiyaṃ sovacassatā avippaṭikūlagāhitā avipaccanikasātatā sagārāvatā
sappatissavatā, ayaṃ vuccati sovacassatā. Imāya sovacassatāya samannāgato puggalo suvaco.
Katamo ca puggalo kalyāṇamitto: tattha katamā kalyāṇamittatā: ye te puggalā saddhā
sīlavanto bahussutā paññāvanto cāgavanto yā tesaṃ sevanā nisevanā saṃsevanā bhajanā
sambhajanā bhatti sambhatti taṃsampavaṅkatā, ayaṃ vuccati kalyāṇamittatā. Imāya
kalyāṇamittatāya samannāgato puggalo kalyāṇamitto.
17. Katamo ca puggalo indriyesu guttadvāro: tattha katamā indriyesu guttadvāratā:
idhekacco cakkhunā rūpaṃ disvā na nimittaggāhī hoti nānubyañjajaggāhī
yatvādhikaraṇamenaṃ cakkhundriyaṃ asaṃvutaṃ viharantaṃ abhijjhā domanassā pāpakā
akusalā dhammā anvāssaveyyuṃ, tassa saṃvarāya paṭipajjati, rakkhati cakkhundriyaṃ,
cakkhundriye saṃvaraṃ āpajjati. Sotena saddaṃ sutvā-ghānena gandhaṃ ghāyitvā-jivhāya
rasaṃ sāyitvā-kāyena phoṭṭhabbaṃ phusitvā-manasā dhammaṃ viññāya na nimittaggāhī
hoti nānubyañjanaggāhī. Yatvādhikaraṇamenaṃ manindriyaṃ asaṃvutaṃ viharantaṃ
abhijjhādomanassā pāpakā akusalā dhammā anvāssaveyyuṃ, tassa saṃvarāya paṭipajjati
rakkhati manindriyaṃ, manindriye saṃvaraṃ āpajjati. Yā imesaṃ channaṃ indriyānaṃ gutti
gopanā ārakkho saṃvaro, [PTS Page 025] [\q 25/] ayaṃ vuccati indriyesu guttadvāratā.
Imāya indiyesu guttadvāratāya, samannāgato puggalo indriyesu guttadvāro.
[BJT Page 292] [\x 292/]
Katamo ca puggalo bhojane mattaññū: tattha katamā bhojane mattaññutā: idhekacco puggalo
paṭisaṅkhā yoniso āhāraṃ āhāreti neva davāya na madāya na maṇḍanāya na vibhūsanāya
yāvadeva imassa kāyassa ṭhitiyā yāpanāya vihiṃsūparatiyā brahmacariyānuggahāya, iti
purāṇañca vedanaṃ paṭihaṅkhāmi, navañca vedanaṃ na uppādessāmi, yātrā ca me
bhavissati anavajjatā ca phāsuvihāro cā'ti yā tattha santuṭṭhitā mattaññutā paṭisaṅkhā
bhojane, ayaṃ vuccati bhojane mattaññutā. Imāya bhojane mattaññutāya samannāgato
puggalo bhojane mattaññū.
18. Katamo ca puggalo upaṭṭhitasati: tattha katamā sati: yā sati anussati paṭissati sati
saraṇatā dhāraṇatā apilāpanatā apammussanatā sati satindriyaṃ sati balaṃ sammāsati. Ayaṃ
vuccati sati. Imāya satiyā samannāgato puggalo upaṭṭhisati.
Katamo ca puggalo sampajāno: tattha katamaṃ sampajaññaṃ: yā paññā pajānanā vicayo
pavicayo dhammavicayo sallakkhanā upalakkhanā paccupalakkhanā paṇḍiccaṃ kosallaṃ
nepuññaṃ vebhavyā cintā upaparikkhā bhūrī medhā parināyikā vipassanā sampajaññaṃ
patodo paññā paññindriyaṃ paññābalaṃ paññāsatthaṃ paññāpāsādo paññāāloko
paññāobhāso paññāpajjoto paññāratanaṃ amoho dhammavicayo sammādiṭṭhi, idaṃ vuccati
sampajaññaṃ. Iminā sampajaññena samannāgato puggalo sampajāno.
19. Katamo ca puggalo sīlasampanno: tattha katamā sīlasampadā: kāyiko avītikkamo
vācasiko avītikkamo kāyikavācasiko avītikkamo, ayaṃ vuccati sīlasampadā, sabbo'pi
sīlasaṃvaro sīlasampadā imāya sīlasampadāya samannāgato puggalo sīlasampanno.
[BJT Page 294] [\x 294/]
Katamo ca puggalo diṭṭhisampanno: [PTS Page 026] [\q 26/] tattha katamā
diṭṭhisampadā atthi dinnaṃ, atthi yiṭṭhaṃ, atthi hutaṃ, atthi sukaṭadukkaṭānaṃ kammānaṃ
phalaṃ vipāko, atthi ayaṃ loko, atthi paro loko, atthi mātā, atthi pitā, atthi sattā opapātikā,
atthi loke samaṇabrāhmaṇā sammaggatā sammāpaṭipannā, ye imañca lokaṃ parañca lokaṃ
sayaṃ abhiññā sacchikatvā pavedentī'ti. Yā evarūpā paññā pajānanā -pe amoho
dhammavicayo sammādiṭṭhi ayaṃ vuccati diṭṭhisampadā, sabbā'pi sammādiṭṭhi
diṭṭhisampadā imāyadiṭṭhisampadāya samannāgato puggalo diṭṭhisampanno.
20. Katame dve puggalā dullabhā 'lokasmiṃ: yo ca pubbakārī yo ca kataññū katavedī. Ime
dve puggalā lokasmiṃ.
21. Katame dve puggalā dutappayā? Yo ca laddhaṃ laddhaṃ nikkhipati, 1 yo ca laddhaṃ
laddhaṃ vissajjeti, ime dve puggalā duttappayā.
22. Katame dve puggalā sutappayā: yo ca laddhaṃ laddhaṃ na nikkhipati, yo ca laddhaṃ
laddhaṃ na vissajjeti, ime dve puggalā sutappayā.
23. Katamesaṃ dvinnaṃ puggalānaṃ āsavā vaḍḍhanti: yo ca na kukkuccāyitabbaṃ
kukkuccāyati, yo ca kukkuccāyitabbaṃ na kukkuccāyati, imesaṃ dvinnaṃ puggalānaṃ āsavā
vaḍḍhanti.
24. Katamesaṃ dvinnaṃ puggalānaṃ āsavā na vaḍḍhanti: yo ca na kukkuccāyitabbaṃ na
kukkuccāyati, yo ca kukkuccāyitabbaṃ kukkuccāyati, imesaṃ dvinnaṃ puggalānaṃ āsavā na
vaḍḍhanti.
1. Nikkhapati - sīmu.
[BJT Page 296] [\x 296/]
25. Katamo ca puggalo hīnādhimutto: idhe'kacco puggalo dussīlo hoti pāpadhammo, so
aññaṃ dussīlaṃ pāpadhammaṃ sevati bhajati payirupāsati, ayaṃ vuccati puggalo
hīnādhimutto.
Katamo ca puggalo paṇītādhimutto: idhe'kacco puggalo sīlavā hoti kalyāṇadhammo, so
aññaṃ sīlavantaṃ kalyāṇadhammaṃ sevati bhajati payirupāsati, ayaṃ vuccati puggalo
paṇītādhimutto.
[PTS Page 027] [\q 27/]
26. Katamo ca puggalo titto: paccekabuddho1 ye ca tathāgatasāvakā arahanto tittā.
Sammāsambuddho titto ca tappetā ca. Ayaṃ vuccati puggalo titto.
Dukaniddeso niṭṭhito.
1. Paccekasambuddho-machasaṃ.
[BJT Page 298 [\x 298/] 3.] Tika niddeso
1. Katamo ca puggalo nirāso: idhe'kacce puggalo dussīlo hoti pāpadhammo asuci
saṃkassarasamācāro paṭicchannakammanto assamaṇo samaṇapaṭiñño abrahmacārī
brahmacārīpaṭiñño antopūti avassuto kasamabujāto. So suṇāti itthannāmo kira bhikkhu
āsavānaṃ khayā anāsavaṃ cetovimuttiṃ paññāvimuttiṃ diṭṭhevadhamme khayā anāsavaṃ
cetovimuttiṃ paññāvimuttiṃ diṭṭhevadhamme sayaṃ abhiññā sacchikatvā upasampajja
viharatī'ti. Tassa na evaṃ hoti: 'kudassu nāma ahampi āsavānaṃ khayā anāsavaṃ
cetovimuttiṃ paññāvimuttiṃ diṭṭhevadhamme sayaṃ abhiññā sacchikatvā upasampajja
viharissāmī'ti, ayaṃ vuccati puggalo nirāso.
Katamo ca puggalo āsaṃso: idhe'kacco puggalo sīlavā hoti kalyāṇadhammo, so suṇāti
'itthannāmo kira bhikkhu āsavānaṃ khayā anāsavaṃ cetovimrattiṃ paññāvimuttiṃ diṭṭheva
dhamme sayaṃ abhiññā sacchikatvā upasampajja viharatī'ti. Tassa evaṃ hoti 'kudassu nāma
ahampi āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ
abhiññā sacchikatvā upasampajja viharissāmī'ti, ayaṃ vuccati puggalo āsaṃso.
Katamo ca puggalo vigatāso: idhe'kacco puggalo āsavānaṃ khayā anāsavaṃ cetovimuttiṃ
paññāvimuttiṃ diṭṭhevadhamme sayaṃ abhiññāsacchikatvā upasampajja viharati. So suṇāti
'itthannāmo kira bhikkhu āsavānaṃ khayā anāsavaṃ cetovimuttiṃ paññāvimuttiṃ
diṭṭhevadhamme sayaṃ abhiññāsacchikatvā upasampajja viharatī'ti tassa naha evaṃ hoti.
'Kudassu nāma ahampi āsavānaṃ khayā anāsavaṃ cetovimuttiṃ paññāvimuttiṃ diṭṭheva
dhamme sayaṃ abhiññā sacchikatvā upasampajja viharissāmī'ti. Taṃ kisasahetu: yāhi'ssa
pubbe avimuttassa vimuttāsā sāssa1. Paṭippassaddhā, ayaṃ vuccati puggalo vigatāso.
1. Sā - machasaṃ.
[BJT Page 300] [\x 300/]
2. Tattha katame tayo gilānūpamā puggalā tayo gilānāidhe'kaccogilāno labhanto vā
sappāyāni [PTS Page 028] [\q 28/] bhojanāni, alabhanto vā sappāyāni bhojanāni,
labhanto vā sappāyāni bhesajjāni alabhanto vā sappāyāni bhesajjāni, labhanto vā patirūpaṃ
upaṭṭhākaṃ alabhanto vā patirūpaṃ upaṭṭhākaṃ, neva vuṭṭhāti tamhā ābādhā, idha pana
ekacco gilāno labhanto vā sappāyāni bhojanāni, alabhanto vā sappāyāni bhojanāni, labhanto
vā sappāyāni bhesajjāni, alabhanto vā sappāyāni bhesajjāni, labhanto vā patirūpaṃ
upaṭṭhākaṃ alabhanto vā patirūpaṃ upaṭṭhākaṃ vuṭṭhāti tamhā ābādhā. Idha pana ekacco
gilāno labhantova sappāyāni bhojanāni no alabhanto, labhantova sappāyāni bhesajjāni no
alabhanto, labhantova patirūpaṃ upaṭṭhākaṃ no alabhanto, vuṭṭhāti tamhā ābādhā. Tatra
svāyaṃ gilāno labhantova sappāyāni bhojanāni no alabhanto, labhantova sappāyāni
bhesajjāni no alabhanto, labhantova patirūpaṃ upaṭṭhākaṃ no alabhanto vuṭṭhāti tamhā
ābādhā. Imaṃ gilānaṃ paṭicca gilānabhattaṃ anuññataṃ, gilānabhesajjaṃ anuññataṃ,
gilānupaṭṭhāko anuññāto, imañca pana gilānaṃ paṭicca aññe'pi gilānā upaṭṭhātabbā.
Evameva1 tayo gilānūpamā puggalā santo saṃvijjamānā lokasmiṃ katame tayo: idhe'kacco
puggalo labhanto vā tathāgataṃ dassanāya, alabhanto vā tathāgataṃ dassanāya, labhanto vā
tathāgatappaveditaṃ dhammavinayaṃ savanāya, alabhanto vā tathāgatappaveditaṃ
dhammavinayaṃ savanāya, neva okkamati niyāmaṃ kusalesu dhammesu sammattaṃ. Idha
pana ekacco pugagalo labhanto vā tathāgataṃ dassanāya alabhanto vā tathāgataṃ dassanāya,
labhanto vā tathāgatappaveditaṃ dhammavinayaṃ savanāya, alabhanto vā
tathāgatappaveditaṃ dhammavinayaṃ savanāya. Okkamati niyāmaṃ kusalesu dhammesu
sammattaṃ. Idha pana ekacco puggalo labhantova tathāgataṃ dassanāya no alabhanto,
labhantova tathāgatappaveditaṃ dhammavinayaṃ savanāya no alabhanto, okkamati niyāmaṃ
kusalesu dhammesu sammattaṃ. Tatra svāyaṃ puggalo labhantova tathāgataṃ dassanāya no
alabhanto, labhantova tathāgatappaveditaṃ dhammavinayaṃ savanāya no alabhanto
okkamati niyāmaṃ kusalesu dhammesu sammattaṃ. Imaṃ puggalaṃ paṭicca bhagavatā
dhammadesanā anuññātā, imañca pana puggalaṃ paṭicca [PTS Page 029] [\q 29/]
aññesampi dhammo desetabbo. Ime tayo gilānūpamā puggalā santo saṃvijjamānā lokasmiṃ.
1. Evamevaṃ - machasaṃ.
[BJT Page 302] [\x 302/]
3. Katamo ca puggalo kāyasakkhī: idhe'kacco puggalo aṭṭhavīmokkhe kāyena phassitvā1
viharati, paññāya cassa disvā ekacce āsavā parikkhīṇā honti. Ayaṃ vuccati puggalo
kāyasakkhi.
Katamo ca puggalo diṭṭhappatto: idhe'kacco puggalo idaṃ dukkhanti yathābhūtaṃ pajānāti,
ayaṃ dukkhasamudayoti yathābhūtaṃ pajānāti, ayaṃ dukkhanirodhoti yathābhūtaṃ pajānāti,
ayaṃ dukkhanirodhagāminī paṭipadāti yathābhūtaṃ pajānāti, tathāgatappaveditā cassa
dhammā paññāya vodiṭṭhā honti vocaritā paññāya cassa disvā ekacce āsavā parikkhīṇā
honti. Ayaṃ vuccati puggalo diṭṭhappatto.
Katamo ca puggalo saddhāvimutto: idhe'kacco puggalo idaṃ dukkhanti yathābhūtaṃ pajānāti
-pe- tathāgatappaveditā cassa dhammā paññāya vodiṭṭhā honti vocaritā, paññāya cassa
disvā ekacce āsavā parikkhīṇā honti. No ca kho yathā diṭṭhappattassa. Ayaṃ vuccati
puggalo saddhāvimutto.
4. Katamo ca puggalo gūthabhāṇī: idhe kacco pugagalo musāvādī hoti, sahaggato2 vā,
parisaggato3 vā ñātimajjhagato vā, pūgamajjhagato vā, rājakulamajjhagato vā, abhinīto
sakkhipuṭṭho 'ehambho purisa 4 yaṃ jānāsi taṃ vadehī'ti so ajānaṃvā āha 5 jānāmīti, jānaṃ
vā āha na jānāmīti, apassaṃ vā āha passāmīti, passaṃ vā āha na passāmīti, iti attahetu vā
parahetu vāāmisakiñcikkhahetu vā, sampajānamusā bhāsitā hoti. Ayaṃ vuccati puggalo
gūthabhāṇī.
1. Phusitvā - machasaṃ. 2. Sabhāgato - sī. 3. Parisagato - sī. 4. Ehi bho purisa - syā. 5. Ahaṃ
- sīmu.
[BJT Page 304] [\x 304/]
Katamo ca puggalo pupphabhāṇī: idhe'kacco puggalo musāvādaṃ pahāya musāvādā
paṭivirato hoti sahaggato vā parisaggato vā ñātimajjhagato vā pūgamajjhagato vā
rājakulamajjhagato vā abhinīto sakkhipuṭṭho 'ehambho purisa yaṃ jānāsi taṃ vadehī'ti, so
ajānaṃ vā āha na jānāmīti, jānaṃ vā āha jānāmīti, apassaṃ vā āha na passāmīti, passaṃ vā
āha passāmīti, iti attahetu vā parahetu vā āmisakiñcikkhahetu vā na sampajānamusā bhāsitā
hoti, ayaṃ vuccati puggalo pupphabhāṇi.
Katamo ca puggalo madhubhāṇī: idhe'kacco puggalo yā sā vācā nelā kaṇṇasukhā
pemanīyo [PTS Page 030] [\q 30/] hadayaṅgamā porī bahujanakantā bahujanamanāpā
tathārūpī vācaṃ bhāsitā hoti. Ayaṃ vuccati puggalo madhubhāṇī.
5. Katamo ca puggalo arukūpamacitto: idhe'kacco puggalo kodhano hoti upāyābahulo,
appampi vutto samāno abhisajjati kuppati vyāpajjati patitthiyati1 kopañca dosañca
appaccayañca pātu karoti seyyathāpi nāma duṭṭhārukā2 kaṭṭhena vā kaṭhalena vā
ghaṭṭitā3 bhiyyosomattāya assandati. 4 Evameva idhekacco puggalo kodhano hoti
upāyābahulo. Appampi vutto samāno abhisajjati kuppati byāpajjati, patitthiyati, kopañca
dosañca appaccayañca pātukaroti. Ayaṃ vuccati puggalo arukūpamacitto.
Katamo ca puggalo vijjūpamacitto: idhe'kacco puggalo idaṃ dukkhanti yathābhūtaṃ pajānāti,
ayaṃ dukkhasamudayoti yathābhūtaṃ pajānāti, ayaṃ dukkhanirodhoti yathābhūtaṃ pajānāti,
ayaṃ dukkhanirodhagāminī paṭipadāti yathābhūtaṃ pajānāti. Seyyathāpi nāma cakkhumā
puriso rattandhakāratimisāyaṃ5 vijjantarikāya rūpāni passeyya, evameva idhekacco puggalo
idaṃ dukkhanti yathābhūtaṃ pajānāti. Ayaṃ dukkhasamudayoti yathābhūtaṃ pajānāti, ayaṃ
dukkhanirodhoti yathābhūtaṃ pajānāti, ayaṃ dukkhanirodhagāminī paṭipadāti yathābhūtaṃ
pajānāti, ayaṃ vuccati puggalo vijjūpamacitto.
1. Patiṭaṭhaḍhiyati - syā. 2. Duṭṭhāruko - machasaṃ. 3. Ghaṭaṭito - machasaṃ. 4. Āsaṃvadeti
- sīmu, machasaṃ. 5. Ratatanadhakāratimisāya - machasaṃ.
[BJT Page 306] [\x 306/]
Katamo ca puggalo vajirūpamacitto: idhe'kacco puggalo āsavānaṃ khayā anāsavaṃ
cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja
viharati. Seyyathāpi nāma vajirassa natthi kiñci abhejjaṃ maṇī vā pāsāno vā, evameva
idhe'kacco puggalo āsavānaṃ khayā anāsavaṃ cetovimuttiṃ paññāvimuttiṃ diṭṭheva
dhamme sayaṃ abhiññā sacchikatvā upasampajja viharati, ayaṃ vuccati puggalo
vajirūpamacitto.
6. Katamo ca puggalo andho: idhe'kaccassa puggalassa tathā rūpaṃ cakkhu na hoti,
yathārūpena cakkhunā anadhigataṃ vā bhogaṃ adhigaccheyya adhigataṃ vā bhogaṃ
phātikareyya, 1 tathārūpampanassa 2 cakkhu na hoti, yathārūpena cakkhunā kusalākusale
dhamme jāneyya, sāvajjānavajje dhamme jāneyya, hīnappaṇīte dhamme jāneyya,
kaṇhasukkasappaṭibhāge dhamme jāneyya, ayaṃ vuccati puggalo andho.
Katamo ca puggalo ekacakkhu: idhe'kaccassa puggalassa tathā rūpaṃ cakkhu hoti,
yathārūpena cakkhunā anadhigataṃ vā bhogaṃ adhigaccheyya [PTS Page 031] [\q 31/]
adhigataṃ vā bhogaṃ phātikareyya, tathārūpampanassa cakkhu na hoti, yathārūpena
cakkhunā kusalākusale dhamme jāneyya, sāvajjānavajje dhamme jāneyya, hīnappaṇīte
dhamme jāneyya, kaṇhasukkasappaṭibhāge dhamme jāneyya, ayaṃ vuccati puggalo
ekacakkhu.
Katamo ca puggalo dvicakkhu: idhe'kaccassa puggalassa tathā rūpaṃ cakkhu hoti,
yathārūpena cakkhunā anadhigataṃ vā bhogaṃ adhigaccheyya adhigataṃ vā bhogaṃ
phātikareyya, tathārūpampanassa cakkhu hoti, yathārūpena cakkhunā kusalākusale dhamme
jāneyya, sāvajjānavajje dhamme jāneyya, hīnappaṇīte dhamme jāneyya,
kaṇhasukkasappaṭibhāge dhamme jāneyya, ayaṃ vuccati puggalo dvicakkhu.
1. Phāniṃ kareyya - machasaṃ. 2. Tathārūpamapissa - ma cha saṃ.
.
[BJT Page 308] [\x 308/]
7. Katamo ca puggalo avakujjapañño: idhe'kacco puggalo ārāmaṃ gantā1 hoti, abhikkhaṇaṃ
bhikkhūnaṃ santike dhammasavanāya, 2 tassa bhikkhu dhammaṃ desenti: ādikalyāṇaṃ
majjhe kalyāṇaṃ pariyosānakalyāṇaṃ sātthaṃ savyañjanaṃ kevalaparipuṇṇaṃ parisuddhaṃ
buhmacariyaṃ pakāsenti, so tasmiṃ āsane nisinno tastā kathāya neva ādiṃ manasikaroti, na
majjhaṃ manasikaroti na pariyosānaṃ manasikaroti vuṭṭhito'pi tamhaṃ āsanā tassā kathāya
neva ādiṃ manasikaroti. Na majjhaṃ manasikaroti, na pariyosānaṃ manasikaroti. Seyyathāpi
nāma kumbho nikakujjo3 tatra udakaṃ āsittaṃ vivaṭṭati no saṇṭhāti, evameva idhe'kacco
puggalo ārāmaṃ gantā hoti abhikkhaṇaṃ bhikkhūnaṃ santike dhammasavanāya, tassa
bhikkhu dhammaṃ desenti, ādikalyāṇaṃ majjhekalyāṇaṃ pariyosānakalyāṇaṃ sātthaṃ
savyajjhanaṃ kevalaparipuṇṇaṃ parisuddhaṃ brahmacariyaṃ pakāsenti. So tasmiṃ āsane
nisinno tassā kathāya neva ādiṃ manasikaroti, na majjhaṃ manasikaroti, na pariyosānaṃ
manasikaroti, vuṭṭhito'pi tamhā āsanā tassā kathāya neva ādiṃ manasikaroti, na majjhaṃ
manasikaroti na pariyosānaṃ manasikaroti, ayaṃ vuccati puggalo avakujjapañño.
Katamo ca puggalo ucchaṅgapañño: idhe kacco puggalo ārāmaṃ gantā hoti abhikkhaṇaṃ
bhikkhūnaṃ santike dhammasavanāya. Tassa bhikkhu dhammaṃ desenti ādikalyāṇaṃ
majjhekalyāṇaṃ pariyosānakalyāṇaṃ sātthaṃ savyañjanaṃ kevalaparipuṇṇaṃ parisuddhaṃ
brahmacariyaṃ pakāsenti, so tasmiṃ āsane nisinno tassā tathāya ādimpi manasikaroti,
majjhampi manasikaroti. Pariyosānampi manasikaroti, vuṭṭhito ca kho tamhā āsanā tassā
kathāya neva ādiṃ manasikaroti, na majjhaṃ manasikaroti, na pariyosānaṃ manasikaroti,
seyyathāpi nāma purisassa ucchaṅge nānā khajjāni ākiṇṇāni [PTS Page 032] [\q 32/]
tilā taṇḍulā4 modakā badarā, so tamhā āsanā vuṭṭhahanto satisammosā pakireyya.
Evameva idhe'kacco puggalo ārāmaṃ gantā hoti, abhikkhaṇaṃ bhikkhūnaṃ santike
dhammasavanāya, tassa bhikkhu dhammaṃ desenti ādikalyāṇaṃ majjhekalyāṇaṃ
pariyosānakalyāṇaṃ sātthaṃ savyañjanaṃ kevalaparipuṇṇaṃ parisuddhaṃ brahmacariyaṃ
pakāsenti, so tasmiṃ āsane nisinne tassā kathāya ādimpi manasikaroti, majjhampi
manasikaroti, pariyosānampi manasikaroti vuṭṭhito tamhā āsanā tassā kathāya neva ādimpi
manasikaroti na majjhimpi manasikaroti na pariyosānampi manasikaroti. Ayaṃ vuccati
puggalo ucchaṅgapañño.
1. Gato sīmu, gantvā - syā. 2. Dhammasasavaṇayaya - ma cha saṃ, syā. 3. Nikujjo - syā. 4.
Tilakaṇḍulā - machasaṃ.
[BJT Page 310] [\x 310/]
Katamo ca puggalo puthupañño: idhe'kacco puggalo ārāmaṃ gantā hoti abhikkhaṇaṃ
bhikkhunaṃ santike dhammasavanāya tassa bhikkhu dhammaṃ desenti, ādikalyāṇaṃ majjhe
kalyāṇaṃ pariyosānakalyāṇaṃ sātthaṃ savyañjanaṃ kevalaparipuṇṇaṃ parisuddhaṃ
brahmacariyaṃ pakāsenti. So tasmiṃ āsane nisinno tassā kathāya ādimpi manasikaroti,
majjhampi manasikaroti, pariyosānampi manasikaroti; vuṭṭhito'pi tamhā āsanā tassā kathāya
ādimpi manasikaroti, majjhampi manasikaroti, pariyosānampi manasikaroti. Seyyathāpi
nāma kumbho ukkujjo. Tatra udakaṃ āsittaṃ saṇṭhāti no vivaṭṭati. Evameva idhe'kacco
puggalo ārāmaṃ gantā hoti: abhikkhaṇaṃ bhikkhūnaṃ santike dhammasavanāya. Tassa
bhikkhu dhammaṃ desenti ādikalyāṇaṃ majjhekalyānaṃ pariyosānakalyāṇaṃ sātthaṃ
savyañjanaṃ kevalaparipuṇṇaṃ parisuddhaṃ brahmacariyaṃ pakāsenti. So tasmiṃ āsane
nisinno tassā kathāya ādimpi manasikaroti. Majjhampi manasikaroti, pariyosānampi
manasikaroti, vuṭṭhito'pi tamhā āsanā tassā kathāya ādimpi manasikaroti, majjhampi
manasikaroti, pariyosānampi manasikaroti. Ayaṃ vuccati puggalo puthupañño.
8. Katamo ca puggalo kāmesu ca bhavesu ca avītarāgo: sotāpannasakadāgāmino, ime
vuccanti puggalā kāmesu ca bhavesu ca avītarāgā.
Katamo ca puggalo kāmesu vītarāgo bhavesu avītarāgo: anāgāmī. Ayaṃ vuccati puggalo
kāmesu vītarāgo, bhavesu avītarāgo.
Katamo ca puggalo ca kāmesu ca bhavesu ca vītarāgo: arahā. Ayaṃ vuccati puggalo kāmesu
ca bhavesu ca vītarāgo.
9. Katamo ca puggalo pāsāṇalekhūpamo: idhe'kacco puggalo abhiṇhaṃ kujjhati, so ca
khvassa kodho ciraṃ dīgharattaṃ anuseti. Seyyathāpi nāma pāsāṇalekhā na khippaṃ lujjati
vātena vā udakena vā ciraṭṭhitikā hoti. Evameva idhe'kacco puggalo abhiṇhaṃ kujjhati, so
ca khvasasa kodho ciraṃ dīgharattaṃ anuseti. Ayaṃ vuccati puggalo pāsāṇalekhūpamo.
[BJT Page 312] [\x 312/]
Katamo ca puggalo paṭhavilekhūpamo: idhe'kacco puggalo abhiṇhaṃ kujjhati, so ca
khavassa kodho na ciraṃ dīgharattaṃ anuseti. Seyyathāpi nāma paṭhaviyā lekhā khippaṃ
lujjati vātena vā udakena vā na ciraṭṭhitikā hoti. Evameva idhe'kacco puggalo abhiṇhaṃ
kujjhati so ca khavassa kodho na ciraṃ dīgharattaṃ anuseti. Ayaṃ vuccati puggalo
paṭhavilekhūpamo.
Katamo ca puggalo udakalekhūpamo: idhe'kacco puggalo āgāḷhena pi vuccamāne
pharusena'pi vuccamāno amanāpena'pi vuccamāno saṃsandatimeva, sandhīyatimeva;
sammodatimeva seyyathāpi nāma [PTS Page 033] [\q 33/] udake lekhā khippaṃ lujjati,
na ciraṭṭhitikā hoti, evameva idhe'kacco puggalo āgāḷhena'pi vuccamāno pharusena'pi
vuccamāno amanāpena'pi vuccamāno saṃsandatimeva, sandhīyatimeva, sammodatimeva.
Ayaṃ vuccati puggalo udakalekhūpamo.
10. Tattha katame tayo potthakūpamā puggalā: tayo potthakā, navo'pi potthakā
dubbaṇṇoceva hoti dukkhasamphasso ca appaggho ca, majjhimo ca potthako
dubbaṇṇoceva hoti dukkhasamphasso ca appaggho ca. Jiṇṇo'pi potthako dubbaṇṇo ceva
hoti dukkhasamphasso ca appaggho ca. Jiṇṇampi potthakaṃ ukkhaliparimajjanaṃ vā
karonti. Saṅkārakūṭe vā naṃ chaḍḍenti. 'Evameva tayo potthakūpamā puggalā santo
saṃvijjamānā bhikkhūsu.
Katame tayo: navoce'pi bhikkhu hoti dussīlo pāpadhammo idamassa dubbaṇṇatāya,
seyyathāpi so potthako dubbaṇṇo tathūpamo ayaṃ puggalo yo kho panassa sevanti bhajanti
payirupāsanti diṭṭhānugatiṃ āpajjanti, tesaṃ taṃ hoti dīgharattaṃ ahitāya dukkhāya.
Idimassa dukkhasamphassatāya. Seyyathāpi so potthako dukkhasamphasso tathūpamo ayaṃ
puggalo yesaṃ kho pana patigaṇhāti
cīvarapiṇḍapātasenāsanagilānapaccayabhesajjaparikkhāraṃ. Tesaṃ taṃ na mahapphalaṃ hoti
na mahānisaṃsaṃ.
[BJT Page 314] [\x 314/]
Idamassa appagghatāya seyyathāpi so potthako appaggho tathūpamo ayaṃ puggalo.
Majjhimo ce'pi bhikkhu hoti -pethero ce'pi bhikkhu hoti, dussīlo pāpadhammo, idamassa
dubbaṇṇatāya, seyyathāpi so potthako dubbaṇṇo tathūpamo ayaṃ puggalo. Yo kho
panassa sevanti. Bhajanti, parirupāsanti, diṭṭhānugatiṃ āpajjanti, tesaṃ taṃ hoti dīgharattaṃ
ahitāya dukkhāya. Idamassa dukkhasamphassatāya. Seyyathāpi so potthako
dukkhasamphasso tathūpamo ayaṃ puggalo. Yesaṃ kho pana patigaṇhāti1.
Cīvarapiṇḍapātasenāsanagilānapaccayabhesajjaparikkhāraṃ, tesaṃ taṃ na mahapphalaṃ hoti
na mahānisaṃsaṃ idamassa appagghatāya. Seyyathāpi so potthako appaggho tathūpamo
ayaṃ puggalo. Evarūpo thero ce'pi bhikkhu saṅghamajjhe bhaṇati. Tamenaṃ bhikkhu
evamāhaṃsu: kinnukho tuyhaṃ bālassa avyattassa bhaṇitena tvampi nāma bhaṇitabbaṃ
maññasīti. So kupito anattamano tathārūpiṃ vācaṃ nicchāreti. Yathārūpāya vācāya saṅgho
ukkhipati saṅkārakūṭe'va naṃ potthakaṃ. [PTS Page 034] [\q 34/] ime tayo
potthakūpamā puggalā santo saṃvijjamānā bhikkhūsu.
11. Tattha katame tayo kāsikavatthūpamā puggalā: tīṇi kāsikavatthāni, navampi kāsikaṃ
vatthaṃ vaṇṇavantañceva hoti sukhasamphassañca mahagghañca, majjhimampi kāsikaṃ
vatthaṃ vaṇṇavantañceva hoti sukhasamphassañca mahagghañca. Jiṇṇampi kāsikaṃ
vatthaṃ vaṇṇavantañceva hoti sukhasamphassañca mahagghañca. Jiṇṇampi kāsikaṃ
vatthaṃ ratana paḷiveṭhanaṃ vā karonti, gandhakaraṇḍake vā naṃ nikkhipanti. Evameva
tayo kāsikavatthupamā puggalā santo saṃvijjamānā bhikkhūsu.
Katame tayo: navo ce'pi bhikkhu hoti sīlavā kalyāṇadhammo idamassa suvaṇṇatāya.
Seyyathāpi taṃ kāsikaṃ vatthaṃ vaṇṇavantaṃ tathūpamo ayaṃ puggalo. Ye kho panassa
sevanti bhajanti payirupāsanti diṭṭhānugati āpajjanti tesaṃ taṃ hoti dīgharattaṃ hitāya
sukhāya. Idamassa sukhasamphassatāya.
1. Paṭiggaṇhāti - machasaṃ.
[BJT Page 316] [\x 316/]
Seyyathāpi taṃ kāsikaṃ vatthaṃ sukhasamphassaṃ tathūpamo ayaṃ puggalo. Yesaṃ kho pana
patigaṇhāti1 cīvarapiṇḍapāta senāsanagilānapaccayabhesajjaparikkhāraṃ tesaṃ taṃ
mahapphalaṃ hoti mahānisaṃsaṃ. Idamassa mahagghatāya. Seyyathāpi taṃ kāsikaṃ vatthaṃ
mahagghaṃ tathūpamo ayaṃ puggalo. Majjhimo ce'pi bhikkhu -pethero ce'pi bhikkhu hoti
sīlavā kalyāṇadhammo idamassa suvaṇṇatāya. Seyyathāpi taṃ kāsikaṃ vatthaṃ
vaṇṇavantaṃ, tathūpamo ayaṃ puggalo ye kho panassa sevanti bhajanti payirupāsanti
diṭṭhānugatiṃ āpajjanti. Tesaṃ taṃ hoti dīgharattaṃ hitāya sukhāya, idamassa
sukhasamphassatāya. Seyyathāpi taṃ kāsikaṃ vatthaṃ sukhasamphassaṃ, tathūpamo ayaṃ
puggalo. Yesaṃ kho pana patigaṇhāti'
cīvarapiṇḍapātasenāsanagilānapaccayabhesajjaparikkhāraṃ. Tesaṃ taṃ mahapphalaṃ hoti
mahānisaṃsaṃ. Idamassa mahagghatāya. Seyyathāpi taṃ kāsikaṃ vatthaṃ magagghaṃ,
tathūpamo ayaṃ puggalo. Evarūpo ca thero bhikkhusaṅghamajjhe bhaṇati, tamenaṃ bhikkhu
evamāhaṃsu appasaddā āyasmanto hotha, thero bhikkhu dhammañca vinayañca bhaṇatīti.
Tassa taṃ vacanaṃ ādheyyaṃ gacchati gandhakaraṇḍake'va [PTS Page 035] [\q 35/] na
kāsikaṃ vatthaṃ, ime tayo kāsikavatthūpamā puggalā santo saṃvijjamānā bhikkhūsu.
12. Katamo ca puggalo suppameyyo: idhe'kacco puggalo uddhato hoti unnalo capalo
mukhatharo vikiṇṇavāco muṭṭhassati asampajāno asamāhito vibbhantacitto asaṃvutindriyo.
Ayaṃ vuccati puggalo suppameyyo.
Katamo ca puggalo duppameyyo: idhe'kacco puggalo anuddhato hoti anunnalo acapalo
amukharo avikiṇṇavāco upaṭṭhitasati sampajāno samāhito ekaggacitto saṃvutindriyo. Ayaṃ
vuccati puggalo duppameyyo.
Katamo ca puggalo appameyyo: idhe'kacco puggalo āsavānaṃ khayā anāsavaṃ cetovimuttiṃ
paññāvimuttiṃ diṭṭheva dhamme sayaṃ abhiññā sacchikatvā upasampajja viharati. Ayaṃ
vuccati puggalo appameyyo.
1. Paṭigaṇhāti - machasaṃ.
[BJT Page 318] [\x 318/]
13. Katamo ca puggalo na sevitabbo, na bhajitabbo na payirupāsitabbo: idhe'kacco puggalo
hīno hoti sīlena samādhinā paññāya. Evarūpo puggalo na sevitabbo, na bhajitabbo, na
payirupāsitabbo aññatra anuddayā, aññatra anukampā.
Katamo ca puggalo sevitabbo, bhajitabbo payirupāsitabbo: idhekacco puggalo sadiso hoti
sīlena samādhinā paññāya, evarūpo puggalo sevitabbo bhajitabbo payirupāsitabbo, taṃ
kissahetu: sīlasāmaññagatānaṃ sataṃ sīlakathā ca no bhavissati nā ca no phāsu bhavissati.
Sā ca no pavattanī1 bhavissati. Samādhi sāmaññagatānaṃ sataṃ samādhikathā ca no
bhavissati. Sā ca no phāsu bhavissati, sā ca no pavattanī1 bhavissati. Paññāsāmaññagatānaṃ
sataṃ paññākathā ca no bhavissati. Sā ca no phāsu bhavissati, sā ca no pavattanī bhavissati.
Tasmā evarūpo puggalo sevitabbo bhajitabbo payirupāsitabbo.
Katamo ca puggalo sakkatvā garukatvā2 sevitabbo, bhajitabbo payirupāsitabbo idhe'kacco
puggalo adhiko hoti sīlena samādhinā paññāya. Evarūpo puggalo sakkatvā garukatvā
sevitabbo bhajitabbo, payirupāsitabbo. Taṃ kissahetu aparipūraṃ vā sīlakkhandhaṃ
paripūressāmi, paripūraṃ vā sīlakkhandhaṃ [PTS Page 036] [\q 36/] tattha tattha
paññāya anuggahessāmi, aparipūraṃ vā samādhikkhandhaṃ paripūressāmi, paripūraṃ vā
samādhikkhandhaṃ tattha tattha paññāya anuggahessāmi. Aparipūraṃ vā paññākkhandhaṃ
paripūressāmi, paripūraṃ vā paññākkhandhaṃ tattha tattha paññāya anuggahessāmī'ti.
Tasmā evarūpo puggalo sakkatvā garukatvā2 sevitabbo, bhajitabbo, payirupāsitabbo.
1. Pavatatīni - machasaṃ. 2. Garuṃ katvā - machasaṃ.
[BJT Page 320] [\x 320/]
14. Katamo ca puggalo jigucchitabbo na sevitabbo, na bhajitabbo, na payirupāsitabbo:
idhekacco puggalo dussīlo hoti pāpadhammo asuci saṅkassarasamācāro
paṭicchannakammanto assamaṇo samaṇapaṭiñño, abrahmacārī brahmacāripaṭiñño anto
puti avassuto kasambujāto evarūpo puggalo jigucchitabbo na sevitabbo. Na bhajitabbo, na
payirupāsitabbo' taṃ kissahetu: kiñcāpi evarūpassa puggalassa na diṭṭhānugatiṃ āpajjati atha
kho naṃ pāpako kittisaddo abbhuggacchati pāpamitto purisapuggalo pāpasahāyo
pāpasampavaṅko'ti. Seyyathāpi nāma abhi gūthagato kiñcāpi na daṃsati atha kho naṃ
makkheti, evameva kiñcāpi evarūpassa puggalassa na diṭṭhānugatiṃ āpajjati atha kho naṃ
pāpako kittisaddo abbhuggacchati pāpamitto purisapuggalopāpasahāyo pāpasampavaṅkhoti
tasmā evarūpopa puggalo jigucchitabbo na sevitabbo, na bhajitabbo, na payirupāsitabbo.
Katamo ca puggalo ajjhupekkhitabbo na sevitabbo na bhajitabbo na payirupāsitabbo:
idhe'kacco puggalo kodhano hoti upāyāsabahulo appampi vutto samāno abhisajjati kuppati
vyāpajjati patitthiyati, kopañca dosañca appaccañce pātukaroti, seyyathāpi nāma duṭṭhārukā
kaṭṭhena vā kaṭhalāya vā ghaṭṭitā bhiyyosomattāya assandati, evameva idhe'kacco puggalo
kodhano hoti upāyāsabahulo appampi vutto samāno abhisajjati kuppati vyāpajjati,
patitthiyati kopañca dosañca appaccayañca pātukaroti, seyyathāpi nāma tindukālātaṃ
kaṭṭhena vā kaṭhalayā vā ghaṭṭhitaṃ bhiyyosomattāya cicciṭāyati ciṭiciṭāyati, evameva
idhekacco puggalo kodhano hoti upāyāsabahulo appampi vutto samāne abhisajjati kuppati
vyāpajjati patitthiyati, kopañca dosañca appaccayañca pātukaroti, seyyathāpi nāma
gūthakūpo kaṭṭhena vā kaṭhalāya vā ghaṭṭito bhiyyosomattāya duggandho hoti, evameva
idhekacco puggalo kodhano hoti upāyasabahulo, appampi vutto samāno abhisajjati kuppati
vyāpajjati patitthiyati kopañca dosañca appaccayañca [PTS Page 037] [\q 37/]
pātukaroti, evarūpo puggalo ajjhupekkhitabbo na sevitabbo na bhajitabbo na
payirupāsitabbo. Taṃ kissahetu: akkoseyyapi maṃ paribhāseyyapi maṃ anatthampi me1
kareyyāti, tasmā evarūpo puggalo ajjhupekkhitabbo, na sevitabbo, na bhajitabbo, na
payirupāsitabbo.
Anatthampi maṃ - sīmu.
[BJT Page 322] [\x 322/]
Katamo ca puggalo sevitabbo, bhajitabbo, payirupāsitabbo: idhe'kacco puggalo sīlavā hoti,
kalyāṇadhammo, evarūpo puggalo sevitabbo, bhajitabbo, payirupāsitabbo, taṃ kissa hetu:
kiñcāpi evarūpassa puggalassa na diṭṭhānugatiṃ āpajjati atha kho naṃ kalyāṇo kittisaddo
abbhuggacchati. Kalyāṇamitto purisapuggalo, kalyāṇasahāyo kalyāṇasampavaṅko'ti tasmā
evarūpo puggalo sevitabbo, bhajitabbo, payirupāsitabbo.
15. Katamo ca puggalo sīlesu paripūrakārī samādhismiṃ mattasokārī paññāya mattasokārī:
sotāpannasakadāgāmino. Ime vuccanti puggalā sīlesu paripūrakārino, samādhismiṃ
mattasokārino, paññāya mattasokārino.
Katamo ca puggalo sīlesu ca paripūrakārī, samādhismiñca paripūrakārī paññāya
mattasokārī: anāgāmī. Ayaṃ vuccati puggalo sīlesu ca paripūrakārī samādhismiñca
paripūrakārī, paññāya mattasokārī.
Katamo ca puggalo sīlesu ca paripūrakārī, samādhismiñca paripūrakārī, paññāya ca
paripūrakārī: arahā. Ayaṃ vuccati puggalo sīlesu ca paripūrakārī samādhismiñca
paripūrakārī, paññāya ca paripūrakārī.
16. Tattha katame tayo satthāre: idhe'kacco satthā kāmānaṃ pariññaṃ paññāpeti, na rūpānaṃ
pariññaṃ paññāpeti, na vedanānaṃ pariññaṃ paññāpeti. Idha pana ekacco satthā kāmānañca
pariññaṃ paññāpeti. Rūpānañca pariññaṃ paññāpeti, na vedanānaṃ pariññaṃ paññāpeti, idha
pana ekacco satthā kāmānañca pariññaṃ paññāpeti, rūpānañca pariññaṃ paññāpeti
vedanānañca pariññaṃ paññāpeti. Tatra yvāyaṃ satthā kāmānaṃ pariññaṃ paññāpeti, na
rūpānaṃ pariññaṃ paññāpeti, na vedanānaṃ pariññaṃ paññāpeti1 rūpāvacarasamāpattiyā
lābhī satthā tena daṭṭhabbo [PTS Page 038] [\q 38/] tatra yvāyaṃ satthā kāmānañca
pariññaṃ paññāpeti rūpānañca pariññaṃ paññāpeti na vedanānaṃ pariññaṃ paññāpeti
arūpāvacarasamāpattiyā lābhī satthā tena daṭṭhabbo. Tatra yvāyaṃ satthā kāmānañca
pariññaṃ paññāpeti, rūpānañca pariññaṃ paññāpeti, vedanānañca pariññaṃ paññāpeti,
sammāsambuddho satthā tena daṭṭhabbo, ime tayo satthāro.
1. Paññāpeti - machasaṃ.
[BJT Page 324] [\x 324/]
17. Tattha katame aparepi tayo satthāro: idhekacco satthā diṭṭheva dhamme attānaṃ saccato
thetato paññāpeti, abhisamparāyañca attānaṃ saccato thetato paññāpeti idha pana ekacco
satthā diṭṭheva dhamme attānaṃ saccato thetato paññāpeti, no ca kho abhisamparāyaṃ
attānaṃ saccato thetato paññāpeti, idha pana ekacco satthā diṭṭheceva dhamme attānaṃ
saccato thetato na paññāpeti. Abhisamparāyañca attānaṃ saccato thetato paññāpeti. Tatra
yvāyaṃ satthā diṭṭheceva dhamme attānaṃ saccato thetato paññāpeti, abhisamparāyañca
attānaṃ saccato thetato paññāpeti sassatavādo satthā tena daṭṭhabbo, tatra yvāyaṃ satthā
diṭṭhe'va dhamme attānaṃ saccato thetato paññāpeti no ca kho abhisamparāyaṃ attānaṃ
saccato thetato paññāpeti ucchedavādo satthā tena daṭṭhabbo. Tatra yāvāyaṃ satthā
diṭṭheceva dhamme attānaṃ saccato thetato na paññāpeti. Abhisamparāyañca attānaṃ
saccato thetato na paññāpeti. Sammā sambuddho satthā tena daṭṭhabbo, ime apare'pi tayo
satthāro.
Tika niddeso niṭṭhito.
[BJT Page 326] [\x 326/]
4. Catukka niddeso
1. Katamo ca puggalo asappuriso: idhe'kacco puggalo pāṇātipātī hoti, adinnādāyī moti,
kāmesu micchācārī hoti musāvādī hoti, surāmerayamajjapamādaṭṭhāyī hoti. Ayaṃ vuccati
puggalo asappuriso.
[PTS Page 039] [\q 39/]
Katamo ca puggalo asappurisena asappurisataro: idhe'kacco puggalo attanā ca pāṇātipātī
hoti, parañca pāṇātipāte samādapeti. Attanā ca adinnādāyī hoti, parañca adinnādāne
samādapeti. Attanā ca kāmesu micchācārī hoti, parañca kāmesu micchācāre samādapeti,
attanā ca musāvādī hoti, parañca musāvāde samādapeti, attanā ca
surāmerayamajjapamādaṭṭhāyī hoti, parañca surāmerayamajjapamādaṭṭhāne samādapeti,
ayaṃ vuccati puggalo asappurisena asappurisataro.
Katamo ca puggalo sappuriso: idhe'kacco puggalo pāṇātipātā paṭivirato hoti, adinnādānā
paṭivirato hoti, kāmesumicchācārā paṭivirato hoti, musāvādā paṭivirato hoti,
surāmerayamajjapamādaṭṭhānā paṭivirato hoti, ayaṃ vuccati puggalo sappuriso.
Katamo ca puggalo sappurisena sappurisataro: idhe'kacco puggalo attanā ca pāṇātipātā
paṭivirato hoti, parañca pāṇātipātāveramaṇiyā samādapeti. Attanā ca adinnādānā paṭivirato
hoti, parañca adinnādānā veramaṇiyā samādapeti. Attanā ca kāmesu micchācārā paṭivirato
hoti, parañca kāmesu micchācārā veramaṇiyā samādapeti. Attanā ca musāvādā paṭivirato
hoti, parañca musāvādā veramaṇiyā samādapeti. Attanā ca surāmerayamajjapamādaṭṭhānā
paṭivirato hoti, parañca surāmerayamajjapamādaṭṭhānā veramaṇiyā samādapeti. Ayaṃ
vuccati puggalo sappurisena sappurisataro.
[BJT Page 328] [\x 328/]
2. Katamo ca puggalo pāpo: idhe'kacco puggalo pāṇātipātī hoti, adinnādāyī hoti, kāmesu
micachācārī hoti, musāvādī hoti, pisunavāco1 hoti, pharusavāco2 hoti, samphappalāpī hoti,
abhijjhālū hoti, vyāpannacitto hoti, micchādiṭṭhi hoti, ayaṃ vuccati puggalo pāpo.
Katamo ca puggalo pāpena pāpataro: idhe'kacco puggalo attanā ca pāṇātipātī hoti. Parañca
pāṇātipāte samādapeti. Attanā ca adinnādāyī hoti, parañca adinnādāne samādapeti, attanā
ca kāmesu micchācārī hoti parañca kāmesu micchācāre samādapeti, attanā ca musāvādī
hoti, parañca musāvāde samādapeti, attanā ca pisunavāco1 hoti, parañca pisunāya vācāya
samādapeti, attanā ca pharusavāco [PTS Page 040] [\q 40/] hoti, parañca pharusāya
vācāya samādapeti, attanā ca samphappalāpī hoti, parañca samphappalāpe samādapeti,
attanā ca abhijjhālū hoti, parañca abhijjhāya samādapeti, attanā ca vyāpannacitto hoti,
parañca vyāpāde samādapeti, attanā ca micchādiṭṭhi hoti, parañca micchādiṭṭhiyā
samādapeti: ayaṃ vuccati puggalo pāpena pāpataro.
Katamo ca puggalo kalyāṇo: idhe'kacco puggalo pāṇātipātā paṭivirato hoti, adinnādākā
paṭivirato hoti, kāmesumicchācārā paṭivirato hoti, musāvādā paṭivirato hoti.
Pisunāyavācāya paṭivirato hoti, pharusāya vācāya paṭivirato hoti, samphappalāpā paṭivirato
hoti, anabhijjhālū hoti, avyāpannacitto hoti, sammādiṭṭhi hoti. Ayaṃ vuccati puggalo
kalyāṇo.
Katamo ca puggalo kalyāṇena kalyāṇataro: idhe'kacco puggalo attanā ca pāṇātipātā
paṭivirato hoti, parañca pāṇātipātā veramaṇiyā samādapeti, attanā ca adinnādānā paṭivirato
hoti. Parañca adinnādānā veramaṇiyā samādapeti, attanā ca kāmesu micchācārā paṭivirato
hoti, parañca kāmesu micchācārā veramaṇiyā samādapeti. Attanā ca musāvādā paṭivirato
hoti,
1. ( Pisunāvāco - sīmu.
2. Pharusāvāco - sīmu. ( Pisuṇavāco - machasaṃ.
[BJT Page 330] [\x 330/]
Parañca musāvādā veramaṇiyā samādapetā, attanā ca pisunāya vācāya paṭivirato hoti,
parañca pisunāya vācāya veramaṇiyā samādapeti. Attanā ca pharusāya vācāya paṭivirato
hoti, parañca pharusāya vācāya veramaṇiyā samādapeti. Attanā ca samphappalāpā
paṭivirato hoti, parañca samphappalāpā veramaṇiyā samādapeti. Attanā ca anabhijjhālu
hoti, parañca anabhijjhāya samādapeti. Attanā ca avyāpannacitto hoti. Parañca avyāpāde
samādapeti. Attanā ca sammādiṭṭhi hoti, parañca sammādiṭṭhiyā samādapeti. Ayaṃ vuccati
puggalo kalyāṇena kalyāṇataro.
3. Katamo ca puggalo pāpadhammo: idhe'kacco puggalo pāṇātipātī hoti - pe - micchādiṭṭhī
hoti, ayaṃ vuccati puggalo pāpadhammo.
Katamo ca puggalo pāpadhammena pāpadhammataro: idhe'kacco puggalo attanā ca
pāṇātipātātī hoti, parañca pāṇātipāte samādapeti. Attanā ca adinnādāyī hoti, parañca
adinnādāne samādapeti - pe - attanā ca micchādiṭṭhi hoti, parañca micchādiṭṭhiyā
samādapeti. Ayaṃ vuccati puggalo pāpadhammena pāpadhammataro.
Katamo ca puggalo kalyāṇadhammo: idhe'kacco puggalo pāṇātipātā paṭivirato hoti,
adinnādānā paṭivirato hoti - pe - sammādiṭṭhi hoti. Ayaṃ vuccati puggalo kalyāṇadhammo.
Katamo ca puggalo kalyāṇadhammena kalyāṇadhammataro: idhe'kacco puggalo attanāca
pāṇātipātā paṭivirato hoti, parañca pāṇātipātā veramaṇiyā samādapeti. - Pe - attanā ca
sammādiṭṭhi hoti, parañca sammādiṭṭhiyā samādapeti. Ayaṃ vuccati puggalo
kalyāṇadhammena kalyāṇadhammataro.
[PTS Page 041] [\q 41/]
4. Katamo ca puggalo sāvajjo: idhe'kacco puggalo sāvajjena kāyakammena samannāgato hoti;
sāvajjena vacīkammena samannāgato hoti, sāvajjena manokammena samannāgato hoti.
Ayaṃ vuccati puggalo sāvajjo.
[BJT Page 332] [\x 332/]
Katamo ca puggalo sāvajjabahulo: idhekacco puggalo sāvajjena bahulaṃ kāyakammena
samannāgato hoti appaṃ anavajjena, sāvajjena bahulaṃ vacīkammena samannāgato hoti -
appaṃ anavajjena, sāvajjena bahulaṃ manokammena samannāgato hoti appaṃ anavajjena,
ayaṃ vuccati puggalo sāvajja bahulo.
Katamo ca puggalo appasāvajjo: idhe'kacco puggalo anavajjena bahulaṃ kāyakammena
samannāgato hoti appaṃ sāvajjena, anavajjena bahulaṃ vacīkammena samannāgato hoti
appaṃ sāvajjena, anavajjena bahulaṃ manokammena samannāgato hoti appaṃ sāvajjena.
Ayaṃ vuccati puggalo appasāvajjo.
Katamo ca puggalo anavajjo: idhe'kacco puggalo anavajjena kāyakammena samannāgato
hoti, anavajjena vacīkammena samannāgato hoti, anavajjena manokammena samannāgato
hoti, ayaṃ vuccati puggalo anavajjo.
5. Katamo ca puggalo ugghaṭitaññū: yassa puggalassa sahaudāhaṭavelāya
dhammābhisamayo hoti. Ayaṃ vuccati puggalo ugghaṭitaññu.
Katamo ca puggalo vipacitaññū: yassa puggalassa saṅkhittena bhāsitassa vitthārena atthe
vibhajiyamāne. Dhammābhisamayo hoti, ayaṃ vuccati puggalo vipacitaññū.
Katamo ca puggalo neyye: yassa puggalassa uddesato paripucchato yoniso manasikaroto
kalyāṇamitte sevato bhajato payirupāsato evaṃ anupubbena dhammābhisamayo hoti. Ayaṃ
vuccati puggalo neyyo.
Katamo ca puggalo padaparamo: yassa puggalassa bahumpi suṇato bahumpi bhaṇato
bahumpi dhārayato bahumpi vācayato, na tāya jātiyā dhammābhisamayo hoti. Ayaṃ vuccati
puggalo padaparamo.
[PTS Page 042] [\q 42/]
[BJT Page 334] [\x 334/]
6. Katamo ca puggalo muttapaṭibhāno, no yuttapaṭibhāno: idhe'kacco puggalo pañhaṃ
puṭṭho samāno yuttaṃ vadati no sīghaṃ. Ayaṃ vuccati puggalo yuttapaṭibhāno no
muttapaṭibhāno.
Katamo ca puggalo muttapaṭibhāno, no yuttapaṭibhāno: idhe'kacco puggalo pañhaṃ puṭṭho
samāno sīghaṃ vadati no yuttaṃ. Ayaṃ vuccati puggalo muttapaṭibhāno, no yuttapaṭibhāno.
Katamo ca puggalo yuttapaṭibhāno ca muttapaṭibhāno ca: idhe'kacco puggalo pañhaṃ
puṭṭho samāno yuttañca vadati. Sīghañca ayaṃ vuccati puggalo yuttapaṭibhāno ca
muttapaṭibhāno ca.
Katamo ca puggalo neva yuttapaṭibhāno no muttapaṭibhāno: idhe'kacco puggalo pañhaṃ
puṭṭho samāno neva yuttaṃ vadati, no sīghaṃ. Ayaṃ vuccati puggalo neva yuttapaṭibhāno
no muttapaṭibhāno.
7. Tattha katame cattāro dhammakathikā puggalā: cattāro dhammakathikā - idhe'kacco
dhammakathiko appañca bhāsati, asahitañca parisā cassa na kusalā hoti sahitāsahitassa,
evarūpo dhammakathiko evarūpāya parisāya dhammakathikotveva saṅkhaṃ gacchati. Idha
pana ekacco dhammakathiko appañca bhāsati sahitañca, parisāya cassa kusalā hoti
sahitāsahitassa, evarūpo dhammakathiko evarūpāya parisā dhammakathikotveva saṅkhaṃ
gacchati. Idha pana ekacco dhammakathiko bahuñca bhāsati asahitañca parisācassa na
kusalā hoti sahitāsahitassa, evarūpo dhammakathiko evarūpāya parisāya
dhammakathikotveva saṅkhaṃ gacchati. Idha pana ekacco dhammakathiko bahuñca bhāsati
sahitañca, parisā cassa kusalā hoti sahitāsahitassa, evarūpo dhammakathiko evarūpāya
parisāya dhammakathikotveva saṅkhaṃ gacchati. Ime cattāro dhammakathikā puggalā.
[BJT Page 336] [\x 336/]
8. Tattha katame cattāro valāhakūpamā puggalā: cattāro valāhakā; gajjitā no vassitā vassitā,
no gajjitā, gajjitā ca vassitā ca, neva gajjitā no vassitā. Evameva [PTS Page 043] [\q 43/]
cattāro valāhakūpamā puggalā santo saṃvijjamānā lokasmiṃ. Katame cattāro: gajjitā no
vassitā, vassitā no gajjitā, gajjitā ca vassitā ca, neva gajjitā no vassitā.
Kathañca puggalo gajjitā hoti no vassitā: idhe'kacco puggalo bhāsitā hoti no kattā. Evaṃ
puggalo gajjitā hoti no vassitā. Seyyathāpi so valāhako gajjitā no vassitā. Tathūpamo ayaṃ
puggalo.
Kathañca puggalo vassitā hoti no gajjitā: idhe'kacco puggalo kattā hoti no bhāsitā. Evaṃ
puggalo vassitā hoti no gajjitā. Seyyathāpi so valāhako vassitā no gajjitā. Tathūpamo ayaṃ
puggalo.
Kathañca puggalo gajjitā ca hoti vassitā ca: idhe kacco puggalo bhāsitā ca hoti kattā ca evaṃ
puggalo gajjitā ca hoti vassitā ca. Seyyathāpi so valāhako gajjitā ca vassitā ca. Tathūpamo
ayaṃ puggalo.
Kathañca puggalo neva gajjitā hoti no vassitā: idhe'kacco puggalo neva bhāsitā hoti no kattā,
evaṃ puggalo neva gajjitā hoti no vassitā, seyyathāpi so valāhako neva gajjitā no vassitā,
tathūpamo ayaṃ puggalo. Ime cattāro valāhakūpamā puggalā santo saṃvijjamānā lokasmiṃ.
9. Tattha katame cattāro mūsikūpamā puggalā: catasso mūsika: gādhaṃ katta no vasitā, vasitā
no gādhaṃ kattā. Gādhaṃ kattā ca vasitā ca, neva gādhaṃ kattā no vasitā. Evameva cattāro
mūsikūpamā puggalā santo saṃvijjamānā lokasmiṃ. Katame cattāro: gādhaṃ kattā no vasitā,
vasitā no gādhaṃ kattā, gādhaṃ kattā ca, vasitā ca, neva gādhaṃ kattā no vasitā.
[BJT Page 338] [\x 338/]
Kathañca puggalo gādhaṃ kattā hoti no vasitā: idhe'kacco puggalo dhammaṃ pariyāpuṇāti:
suttaṃ geyyaṃ veyyākaraṇaṃ gāthaṃ udānaṃ itivuttakaṃ jātakaṃ abbhutadhammaṃ.
Vedallaṃ. So idaṃ dukkhanti yathābhūtaṃ nappajānāti, ayaṃ dukkhasamudayoti yathābhūtaṃ
nappajānāti ayaṃ dukkhanirodhoti yathābhūtaṃ nappajānāti, ayaṃ dukkhanirodhagāminī
paṭipadāti yathābhūtaṃ nappajānāti. Evaṃ puggalo gādhaṃ kattā hoti no vasitā. Seyyathāpi
sā mūsikā gādhaṃ kattā no vasitā, tathūpamo ayaṃ puggalo.
[PTS Page 044] [\q 44/]
Kathañca puggalo vasitā hoti no gādhaṃ kattā: idhe'kacco puggalo na dhammaṃ
pariyāpuṇāti: suttaṃ geyyaṃ veyyākaraṇaṃ gāthā udānaṃ itivuttakaṃ jātakaṃ
abbhutadhammaṃ vedallaṃ. So idaṃ dukkhanti yathābhūtaṃ pajānāti, ayaṃ
dukkhasamudayoti yathābhūtaṃ pajānāti, ayaṃ dukkhanirodhoti yathābhūtaṃ pajānāti, ayaṃ
dukkhanirodhagāminī paṭipadāti yathābhūtaṃ pajānāti. Evaṃ puggalo vasitā hoti no gādhaṃ
kattā seyyathāpi sā mūsikā vasitā no gādhaṃ kattā. Tathupamo ayaṃ puggalo.
Kathañca puggalo gādhaṃ kattā ca hoti vasitā ca: idhe'kacco puggalo dhammaṃ
pariyāpuṇāti: suttaṃ geyyaṃ veyyākaraṇaṃ gāthā udānaṃ itivuttakaṃ jātakaṃ
abbhutadhammaṃ vedallaṃ. So idaṃ dukkhanti yathābhūtaṃ pajānāti, ayaṃ
dukkhasamudayoti yathābhūtaṃ pajānāti, ayaṃ dukkhanirodhoti yathābhūtaṃ pajānāti, ayaṃ
dukkhanirodhagāminī paṭipadāti yathābhūtaṃ pajānāti. Evaṃ puggalo gādhaṃ kattā ca hoti
vasitā ca. Seyyathāpi sā mūsikā gādhaṃ kattā ca hoti vasitā ca-tathupamo ayaṃ puggalo.
Kathañca puggalo neva gādhaṃ kattā hoti no vasitā; idhe'kacco puggalo na dhammaṃ
pariyāpuṇāti; suttaṃ geyyaṃ veyyākaraṇaṃ gāthaṃ udānaṃ itivuttakaṃ jākataṃ
abbhutadhammaṃ vedallaṃ, so idaṃ dukkhanti yathābhūtaṃ nappajānāti, ayaṃ
dukkhasamudayoti yathābhūtaṃ nappajānāti, ayaṃ dukkhanirodhoti yathābhūtaṃ
nappajānāti, ayaṃ dukkhanirodhagāminī paṭipadāti yathābhūtaṃ nappajānāti, evaṃ puggalo
neva gādhaṃ kattā hoti no vasitā. Seyyathāpi sā mūsikā. Neva gādhaṃ kattā no vasitā,
tathūpamo ayaṃ puggalo. Ime cattāro mūsikūpamā puggalā santo saṃvijjamānā lokasmiṃ.
[BJT Page 340] [\x 340/]
10. Tattha katame cattāro ambūpamā puggalā: cattāri ambāti, āmaṃ pakkavaṇṇi, pakkaṃ
āmavaṇṇi, āmaṃ āmavaṇṇi, pakkaṃ pakkavaṇṇi. Evameva1 cattāro ambūpamā puggalā
santo saṃvijjamānā lokasmiṃ. Katame cattāro: āmo pakkavaṇṇi, pakko āmavaṇṇī, āmo
āmavaṇṇī, pakko pakkavaṇṇī.
Kathañca puggalo āmo hoti pakkavaṇṇī: idhe'kaccassa puggalassa pāsādikaṃ hoti
abhikkantaṃ paṭiknantaṃ ālokitaṃ vilokitaṃ sammiñjitaṃ pasāritaṃ
saṅghāṭipattacīvaradhāraṇaṃ. So idaṃ dukkhanti yathābhūtaṃ nappajānāti, ayaṃ
dukkhasamudayoti yathābhūtaṃ nappajānāti, ayaṃ dukkhanirodhoti yathābhūtaṃ
nappajānāti, ayaṃ dukkhanirodhagāminī paṭipadāti yathābhūtaṃ nappajānāti. Evaṃ puggalo
āmo hoti pakkavaṇṇī. Seyyathāpi taṃ ambaṃ āmaṃ pakkavaṇṇi, tathūpamo ayaṃ puggalo.
Kathañca puggalo pakko hoti āmavaṇṇī: [PTS Page 045] [\q 45/] idhe'kaccassa
puggalassa na pāsādikaṃ hoti abhikkantaṃ paṭikkantaṃ ālokitaṃ vilokitaṃ sammiñjitaṃ
pasāritaṃ saṅghāṭipattacīvaradhāraṇaṃ. So idaṃ dukkhanti yathābhūtaṃ pajānāti, ayaṃ
dukkhasamudayoti yathābhūtaṃ pajānāti, ayaṃ dukkhanirodhoti yathābhūtaṃ pajānāti, ayaṃ
dukkhanirodhagāminī paṭipadāti yathābhūtaṃ pajānāti. Evaṃ puggalo pakko hoti
āmavaṇṇī. Seyyathāpi taṃ ambaṃ pakkaṃ āmavaṇṇī, tathūpamo ayaṃ puggalo.
Kathañca puggalo āmo hoti āmavaṇṇī: idhe'kaccassa puggalassa na pāsādikaṃ hoti
abhikkantaṃ paṭikkantaṃ ālokitaṃ vilokitaṃ sammiñjitaṃ pasāritaṃ
saṅghāṭipattacīvaradhāraṇaṃ. So idaṃ dukkhanti yathābhūtaṃ nappajānāti -pe- ayaṃ
dukkhanirodhagāminī paṭipadāti yathābhūtaṃ nappajānāti. Evaṃ puggalo āmo hoti
āmavaṇṇī. Seyyathāpi taṃ ambaṃ āmaṃ āmavaṇṇī, tathūpamo ayaṃ puggalo.
1. Evameva - machasaṃ.
342
Kathañca puggalo pakko hoti pakkavaṇṇī: idhe'kaccassa puggalassa pāsādikaṃ hoti
abhikkantaṃ paṭikkantaṃ ālokitaṃ vilokitaṃ sammiñjitaṃ pasāritaṃ
saṅghāṭipattacīvaradhāraṇaṃ. So idaṃ dukkhanti yathābhūtaṃ pajānāti -pe- ayaṃ
dukkhanirodhagāminī paṭipadāti yathābhūtaṃ pajānāti. Evaṃ puggalo pakko hoti
pakkavaṇṇī. Seyyathāpi taṃ ambaṃ pakkaṃ pakkavaṇṇi. Tathupamo ayaṃ puggalo. Ime
cattāro ambūpamā puggalā santo saṃvijjamānā lokasmiṃ.
11. Tattha katame cattāro kumabhūpamā puggalā: cattāro kumbhā: tuccho pihito, pūro
vivaṭo, tuccho vivaṭo, pūro pihito. Evameva cattāro kumbhūpamā puggalā santo
saṃvijjamānā lokasmiṃ. Katame cattāro: tuccho pihito, pūro vivaṭo, tuccho vivaṭo, puro
pihito.
Kathañca puggalo tucchā hoti pihite: idhe'kaccassa pāsādikaṃ hoti abhikkantaṃ paṭikkantaṃ
ālokitaṃ vilokitaṃ sammiñjitaṃ pasāritaṃ saṅghāṭipattacīvaradhāraṇaṃ. So idaṃ dukkhanti
yathābhūtaṃ nappajānāti -pe- ayaṃ dukkhanirodhagāminī paṭipadāti yathābhūtaṃ
nappajānāti. Evaṃ puggalo tuccho hoti pihito. Seyyathāpi so kumbho tuccho pihito,
tathūpamo ayaṃ puggalo.
Kathañca puggalo pūro hoti vivaṭo: idhe'kaccassa puggalassa na pāsādikaṃ hoti abhikkantaṃ
paṭikkantaṃ ālokitaṃ vilokitaṃ sammiñjitaṃ pasāritaṃ saṅghāṭipattacīvaradhāraṇaṃ. So idaṃ
dukkhanti yathābhūtaṃ pajānāti -pe- ayaṃ dukkhanirodhagāminīpaṭipadāti yathābhūtaṃ
pajānāti. Evaṃ puggalo pūro hoti vivaṭo. Seyyathāpi so kumbho pūro vivaṭo, tathūpamo
ayaṃ puggalo.
[PTS Page 046] [\q 46/]
Kathañca puggalo tuccho hoti vivaṭo: idhe'kaccassa puggalassa na pāsādikaṃ hoti
abhikkantaṃ paṭikkantaṃ ālokitaṃ vilokitaṃ sammiñjitaṃ pasāritaṃ
saṅghāṭipattacīvaradhāraṇaṃ so idaṃ dukkhanti yathābhūtaṃ nappajānāti -pe- ayaṃ
dukkhanirodhagāminī paṭipadāti yathābhūtaṃ nappajānāti. Evaṃ puggalo tuccho hoti
vivaṭo. Seyyathāpi so kumbho tuccho vivaṭo, tathūpamo ayaṃ puggalo. [BJT Page 344] [\x
344/]
Kathañca puggalo pūro hoti pihito: idhe'kaccassa puggalassa pāsādikaṃ hoti abhikkantaṃ
paṭikkantaṃ ālokitaṃ vilokitaṃ sammiñjitaṃ1. Pasāritaṃ saṅghāṭipattacīvaradhāraṇaṃ. So
idaṃ dukkhanti yathābhūtaṃ pajānāti -pe- ayaṃ dukkhanirodhagāminī paṭipadāti
yathābhūtaṃ pajānāti. Evaṃ puggalo pūro hoti pihito. Seyyathāpi so kumbho pūro pihito,
tathūpamo ayaṃ puggalo. Ime cattāro kumbhūpamā puggalā santo saṃvijjamānā lokasmiṃ.
12. Tattha katame cattāro udakarahadūpamā puggalā: cattāro udakarahadā: uttāno
gambhīrobhāso, gambhīro uttānobhāso uttāno uttānobhāso, gambhīro gambhīrobhāso.
Evameva cattāro udakarahadūpamā puggalā santo saṃvijjamānā lokasmiṃ. Katame cattāro:
uttāno gambhīrobhāso, gambhīro uttāno bhāso, uttāno uttānobhāso, gambhīro
gambhīrobhāso.
Kathañca puggalo uttāno hoti gambhīrobhāso: idhekaccassa puggalassa pāsādikaṃ hoti
abhikkantaṃ paṭikkantaṃ ālokitaṃ vilokitaṃ sammiñjitaṃ pasāritaṃ
saṅghāṭipattacīvaradhāraṇaṃ. So idaṃ dukkhanti yathābhūtaṃ nappajānāti - pe - ayaṃ
dukkhanirodhagāminīpaṭipadāti yathābhūtaṃ nappajānāti. Evaṃ puggalo uttāno hoti
gambhīro bhāso. Seyyathāpi so udakarahado uttāno gambhīrobhāso tathūpamo ayaṃ
puggalo.
Kathañca puggalo gambhīro hoti uttānobhāso: idhekaccassa puggalassa na pāsādikaṃ hoti
abhikkantaṃ paṭikkantaṃ ālokitaṃ vilokitaṃ sammiñjitaṃ pasāritaṃ
saṅghāṭipattacīvaradhāraṇaṃ. So idaṃ dukkhanti yathābhūtaṃ pajānāti - pe - ayaṃ
dukkhanirodhagāminī paṭipadāti yathābhūtaṃ pajānāti. Evaṃ puggalo gambhīro hoti uttāno
bhāso seyyathāpi so udakarahado gambhīro uttānobhāso tathūpamo ayaṃ puggalo.
Kathañca puggalo uttāno hoti uttānobhāso: idhekaccassa puggalassa na pāsādikaṃ hoti
abhikkantaṃ paṭikkantaṃ ālokitaṃ vilokitaṃ sammiñjitaṃ pasāritaṃ
saṅghāṭipattacīvaradhāraṇaṃ. So idaṃ dukkhanti yathābhūtaṃ nappajānāti -pe- ayaṃ
dukkhanirodhagāminī paṭipadāti yathābhūtaṃ nappajānāti. Evaṃ puggalo uttāno hoti
uttānobhāse. Seyyathāpi so udakarahado uttāno uttānobhāso tathūpamo ayaṃ puggalo.
1. Samiñjitaṃ - machasaṃ.
[BJT Page 346] [\x 346/]
Kathañca puggalo gambhīro hoti gambhirobhāso: [PTS Page 047] [\q 47/] idhe'kaccassa
puggalassa pāsādikaṃ hoti abhiknantaṃ paṭikkantaṃ ālokitaṃ vilokitaṃ sammiñjitaṃ
pasāritaṃ saṅghāṭipattacīvaradhāraṇaṃ. So idaṃ dukkhanti yathābhūtaṃ pajānāti -pe- ayaṃ
dukkhanirodhagāminī paṭipadāti yathābhūtaṃ pajānāti. Evaṃ puggalo gambhīro hoti
gambhīrobhāso. Seyyathāpi so udakarahado gambhīro gambhīrobhāso, tathūpamo ayaṃ
puggalo. Ime cattaro udakarahadupamā puggalā santo saṃvijjamānā lokasmiṃ.
13. Tattha katame cattāro balivaddūpamā puggalā: cattāro balavaddā - sagavacaṇḍo1 no
paragavacaṇḍo, paragavacaṇḍo no sagavacaṇḍo, sagavacaṇḍo ca paragavacaṇḍo ca, neva
sagavacaṇḍo no paragavacaṇḍo. Evameva cattāro balivaddūpamā puggalā santo
saṃvijjamānā lokasmiṃ, katame cattāro: sagavacaṇḍo no paragavacaṇḍo, paragavacaṇḍo
no sagavacaṇḍo, sagavacaṇḍo ca paragavacaṇḍo ca neva sagavacaṇḍo no
paragavacaṇḍo.
Kathañca puggalo sagavacaṇḍo hoti no paragavacaṇḍo: idhe'kacco puggalo sakaparisaṃ
ubbejitā hoti no paraparisaṃ evaṃ puggalo sagavacaṇḍo hoti, no paragavacaṇḍo.
Seyyathāpi so balivaddo sagavacaṇḍo no paragavacaṇḍo, tathūpamo ayaṃ puggalo.
Kathañca puggalo paragavacaṇḍo hoti no sagavacaṇḍo: idhe'kacco puggalo paraparisaṃ
ubbejitā hoti no sakaparisaṃ evaṃ puggalo paragavacaṇḍo hoti no sagavacaṇḍo. Seyyathāpi
so balivaddo paragavacaṇḍo no sagavacaṇḍo, tathūpamo ayaṃ puggalo.
Kathañca puggalo sagavacaṇḍo ca hoti paragavacaṇḍo ca: idhe'kacco puggalo
sakaparisañca ubbejitā hoti paraparisañca, evaṃ puggalo sagavacaṇḍo ca hoti
paragavacaṇḍo ca. Seyyathāpi so balivaddo sagavacaṇḍo ca paragavacaṇḍo ca, tathūpamo
ayaṃ puggalo.
Kathañca puggalo neva sagavacaṇḍo hoti no paragavacaṇḍo: idhe'kacco puggalo neva
sakaparisaṃ ubbejitā hoti no paraparisaṃ, evaṃ puggalo neva sagavacaṇḍo hoti no
paragavacaṇḍo, seyyathāpi so balivaddo neva sagavacaṇḍo no paragavacaṇḍo. Tathūpamo
ayaṃ puggalo. Ime cattāro balivaddūpamā puggalā. Santo saṃvijjamānā lokasmiṃ.
1. Sakagavacaṇḍo - machasaṃ.
[BJT Page 348] [\x 348/]
[PTS Page 048] [\q 48/]
14. Tattha katame cattāro āsivisūpamā puggalā: cattāro āsivisā āgataviso no ghoraviso,
ghoraviso, no āgataviso, āgataviso ca ghoraviso ca, neva āgataviso no ghoraviso. Evameva
cattāro āsivisūpamā puggalā santo saṃvijjamānā lokasmiṃ. Katame cattāro: āgataviso no
ghoraviso, ghoraviso no āgataviso, āgataviso ca ghoraviso ca, neva āgataviso no ghoraviso.
Kathañca puggalo āgataviso hoti no ghoraviso: idhe'kacco puggalo abhiṇhaṃ kujjhati, so ca
khavassa kodho na ciraṃ dīgharattaṃ anuseti. Evaṃ puggalo āgataviso hoti no ghoraviso,
seyyathāpi so āsiviso āgataviso no ghoraviso, tathūpamo ayaṃ puggalo.
Kathañca puggalo ghoraviso hoti no āgataviso: idhe'kacco puggalo neva kho abhiṇhaṃ
kujjhati, so ca khavassa kodho ciraṃ dīgharattaṃ anuseti. Evaṃ puggalo ghoraviso hoti no
āgataviso, seyyathāpi so āsiviso1 ghoraviso no āgataviso, tathūpamo ayaṃ puggalo.
Kathañca puggalo āgataviso ca hoti ghoraviso ca: idhe'kacco puggalo abhiṇhaṃ kujjhati, so
ca khavassa kodho ciraṃ dīgharattaṃ anuseti. Evaṃ puggalo āgataviso ca hoti ghoraviso ca.
Seyyathāpi so āsiviso āgataviso ca ghoraviso ca, tathūpamo ayaṃ puggalo.
Kathañca puggalo neva āgataviso hoti no ghoraviso: idhekacco puggalo naheva kho
abhiṇhaṃ kujjhati, so ca khavassa kodho na ciraṃ dīgharattaṃ anuseti. Evaṃ puggalo neva
āgataviso hoti no ghoraviso. Seyyathāpi so āsiviso neva āgataviso no ghoraviso, tathūpamo
ayaṃ puggalo. Ime cattāro āsivisūpamā puggalā santo saṃvijjamānā lokasmiṃ.
1. Āsiviso - machasaṃ.
[BJT Page 350] [\x 350/]
15. Kathañca puggalo ananuvicca apariyogāhetvā avaṇṇārahassa vaṇṇaṃ bhāsitā hoti:
idhe'kacco puggalo duppaṭipannānaṃ micchāpaṭipannānaṃ titthiyānaṃ titthiyasāvakānaṃ
vaṇṇaṃ bhāsati supaṭipannā1. Itipi, sammāpaṭipannā itipī ti. Evaṃ puggalo ananuvicca
apariyogāhetvā avaṇṇārahassa vaṇṇaṃ bhāsitā hoti.
Kathañca puggalo ananuvicca apariyogāhetvā vaṇṇarahassa avaṇṇaṃ bhāsitā hoti: [PTS
Page 049] [\q 49/] idhe'kacco puggalo supaṭipannānaṃ sammāpaṭipannānaṃ
buddhānaṃ buddhasāvakānaṃ avaṇṇaṃ bhāsati, duppaṭipannā itipi, micchāpaṭipannā itipī
ti. Evaṃ puggalo ananuvicca apariyogāhetvā vaṇṇārahassa avaṇṇaṃbhāsitā hoti.
Kathañca puggalo ananuvicca apariyogāhetvā appasādanīye ṭhāne pasādaṃ upadaṃsitā hoti:
idhe'kacco puggalo duppaṭipadāya micchāpaṭipadāya pasādaṃ janeti supaṭipadā2. Itipi,
sammāpaṭipadā itipī ti evaṃ puggalo ananuvicca apariyogāhetvā appasādanīye ṭhāne
pasādaṃ upadaṃsitā hoti.
Kathañca puggalo ananuvicca apariyogā hetvā pasādanīye ṭhāne appasādaṃ upadaṃsitā
hoti: idhe'kacco puggalo supaṭipadāya sammāpaṭipadāya appasādaṃ janeti duppaṭipadā
itipi, micchāpaṭipadā itipī ti. Evaṃ puggalo ananuvicca apariyogāhetvā pasādanīye ṭhāne
appasādaṃ upadaṃsitā hoti.
16. Kathañca puggalo ananuvicca pariyogāhetvā avaṇṇārahassa avaṇṇaṃ bhāsitā hoti:
idhe'kacco puggalo duppaṭipannānaṃ micchāpaṭipannānaṃ titthiyānaṃ titthiyasāvakānaṃ
avaṇṇaṃ bhāsati duppaṭipannā itipi, micchāpaṭipannā itipī'ti. Evaṃ puggalo ananuvicca
pariyogāhetvā avaṇṇārahassa avaṇṇaṃ bhāsitā hoti.
Kathañca puggalo anuvicca pariyogāhetvā vaṇṇārahassa vaṇṇaṃ bhāsitā hoti: idhe'kacco
puggalo supaṭipannānaṃ sammāpaṭipannānaṃ buddhānaṃ buddhasāvakānaṃ vaṇṇaṃ
bhāsati supaṭipannā itipi, sammāpaṭipannā itipī'ti, evaṃ puggalo anuvicca pariyogāhetvā
vaṇṇarahassa vaṇṇaṃ bhāsitā hoti, 1. Suppaṭipapannā - sīmu.
2. Suppaṭipadā - sīmu, machasaṃ.
Suppaṭipannā - machasaṃ.
[BJT Page 352] [\x 352/]
Kathañca puggalo anuvicca pariyogāhetvā appasādanīye ṭhāne appasādaṃ upadaṃsitā hoti:
idhe'kacco puggalo duppaṭipadāya micchāpaṭipadāya appasādaṃ janeti, duppaṭipadā itipi
micchāpaṭipadā itipī'ti' evaṃ puggalo anuvicca pariyogāhetvā appasādanīye ṭhāne
appasādaṃ upadaṃsitā hoti.
Kathañca puggalo anuvicca pariyogāhetvā pasādanīye ṭhāne pasādaṃ upadaṃsitā hoti: [PTS
Page 050] [\q 50/] idhe'kacco puggalo supaṭipadāya sammāpaṭipadāya pasādaṃ janeti,
supaṭipadā itipi, sammāpaṭipadā itipī'ti evaṃ puggalo anuvicca pariyogāhetvā pasādanīye
ṭhāne pasādaṃ upadaṃsitā hoti.
17. Kathañca puggalo avaṇṇārahassa avaṇṇaṃ bhāsitā hoti bhūtaṃ tacchaṃ kālena, no ca
kho vaṇṇārahassa vaṇṇaṃ bhāsitā hoti bhūtaṃ tacchaṃ kālena, idhe'kacce puggale vaṇṇo'pi
saṃvijjati. Avaṇṇo'pi saṃvijjati, yo tattha avaṇṇo taṃ bhaṇati bhūtaṃ tacchaṃ kālena, yo
tattha vaṇṇo taṃ na bhaṇati bhūtaṃ tacchaṃ kālena. Evaṃ puggalo avaṇṇārahassa avaṇṇaṃ
bhāsitā hoti bhūtaṃ tacchaṃ kālena, no ca kho vaṇṇārahassa vaṇṇaṃ bhāsitā hoti bhūtaṃ
tacchaṃ kālena.
Kathañca puggalo vaṇṇārahassa vaṇṇaṃ bhāsitā hoti bhūta tacchaṃ kālena no ca kho
avaṇṇārahassa avaṇṇaṃ bhāsitā hoti bhūtaṃ tacchaṃ kālena idhe'kacce puggale vaṇṇo'pi
saṃvijjati, avaṇṇo'pi saṃvijjati, yo tattha vaṇṇo taṃ bhaṇati bhūtaṃ tacchaṃ kālena, yo
tattha avaṇṇo taṃ na bhaṇati bhūtaṃ tacchaṃ kālena evaṃ puggalo vaṇṇārahassa vaṇṇaṃ
bhāsitā hoti bhūtaṃ tacchaṃ kālena, no ca kho avaṇṇārahassa avaṇṇaṃ bhāsitā hoti bhūtaṃ
tacchaṃ kālena.
Kathañca puggalo avaṇṇārahassa avaṇṇaṃ bhāsitā hoti bhūtaṃ tacchaṃ kālena
vaṇṇārahassa ca vaṇṇaṃ bhāsitā hoti bhūtaṃ tacchaṃ kālena: idhe'kacce puggale avaṇṇo'pi
saṃvijjati, vaṇṇopi saṃvijjati. Yo tattha avaṇṇo taṃ bhaṇati bhūtaṃ tacchaṃ kālena yo pi
tattha vaṇṇo tampi bhaṇati bhūtaṃ tacchaṃ kālena. Tatra kālaññū hoti tassa pañhassa
veyyākaraṇāya. Evaṃ puggalo avaṇṇārahassa ca avaṇṇaṃ bhāsitā hoti bhūtaṃ tacchaṃ
kālena. Vaṇṇarahassa ca vaṇṇaṃ bhāsitā hoti bhūtaṃ tacchaṃ kālena.
[BJT Page 354] [\x 354/]
Kathañca puggalo ne: va avaṇṇārahassa avaṇṇaṃ bhāsitā hoti bhūtaṃ tacchaṃ kālena, nopi
vaṇṇārahassa vaṇṇaṃ bhāsitaṃ hoti bhūtaṃ tacchaṃ kālena: idhe'kacce puggale vaṇṇo'pi
saṃvijjati, avaṇṇo'pi saṃvijjati. Yo tattha avaṇṇo taṃ na bhaṇati bhūtaṃ tacchaṃ kālena,
yopi tattha vaṇṇo tampi na bhaṇati bhūtaṃ [PTS Page 051] [\q 51/] tacchaṃ kālena.
Upekkhako viharati sato sampajāno. Evaṃ puggalo neva avaṇṇārahassa avaṇṇaṃ bhāsitā
hoti bhūtaṃ tacchaṃ kālena, nopi vaṇṇārahassa vaṇṇaṃ bhāsitā hoti bhūtaṃ tacchaṃ kālena.
18. Katamo ca puggalo uṭṭhānaphalūpajīvī no puññapalūpajīvī: yassa puggalassa
uṭṭhahato ghaṭato vāyamato ājīvo abhinibbattati no puññato, ayaṃ vuccati puggalo
uṭṭhānaphalūpajīvī no puññapalūpajīvī.
Katamo ca puggalo puññapalūpajīvī no uṭṭhānaphalūpajīvī: paranimmitavasavattideve
upādaya tatūpari devā puññaphalūpajīvino no uṭṭhānaphalūpajīvino.
Katamo ca puggalo uṭṭhānaphalūpajīvī ca puññaphalūpajīvī ca: yassa puggalassa
uṭṭhahato ghaṭato vāyamato ājīvo abhinibbattati puññato ca, ayaṃ vuccati puggalo
uṭṭhānaphalūpajīvī ca puññaphalūpajīvī ca.
Katamo ca puggalo neva uṭṭhānaphalūpajīvī no puññaphalūpajīvī: nerayikā neva
uṭṭhānaphalūpajīvino no puññaphalūpajīvino.
19. Kathañca puggalo tamo hoti tamaparāyaṇo: idhe'kacco puggalo nīce kule paccājāto hoti
caṇḍālakule vā nesādakule vā veṇakule vā rathakārakule vā pukkusakule vā daḷidde
appannapānabhojane kasiravuttike, yattha kasirena ghāsacchādo labbhati, so ca hoti
dubbaṇṇo duddisiko okoṭimako bavhābādho kāṇo vā kuṇī vā khañjo vā pakkhahato vā
na lābhī annassa pānassa vatvathassa yānassa mālāgandhavilepanassa
seyyāvasathapadīpeyyassa. So kāyena duccaritaṃ carati, vācāya duccaritaṃ carati, manasā
duccaritaṃ carati. So kāyena duccaritaṃ caritvā, vācāya duccaritaṃ caritvā, manasā duccaritaṃ
caritvā, kāyassa bhedā parammaraṇā apāyaṃ duggatiṃ vinipātaṃ nirayaṃ upapajjati evaṃ
puggalo tamo hoti tamparāyaṇo.
[BJT Page 356] [\x 356/]
Kathañca puggalo tamo hoti jotiparāyaṇo: idhe'kacco puggalo nīce kule paccājāto hoti
caṇḍālakule vā nesādakule vā veṇakule vā rathakārakule vā pukkusakule vā daḷiddo
appannapānabhojane kasiravuttike, yattha kasirena ghāsacchādo labbhati, so ca hoti
dubbaṇṇo duddisiko okoṭimako bavhābādho. Kāṇo vā kuṇī vā khañjo vā pakkhahato vā
na lābhī annassa pānassa vatthassa yānassa mālāgandhavilepanassa
seyyāvasathapadīpeyyassa. So kāyena sucaritaṃ carati, vācāya sucaritaṃ carati, manasā
sucaritaṃ carati. So kāyena sucaritaṃ caritvā, vācāya sucaritaṃ [PTS Page 052] [\q 52/]
caritvā manasā sucaritaṃ caritvā, kāyassa bhedā parammaraṇā sugatiṃ saggaṃ lokaṃ
uppajjati. Evaṃ puggalo tamo hoti jotiparāyaṇo.
Kathañca puggalo joti hoti tamparāyaṇo: idhe'kacco puggalo ucce kule paccājāto hoti
khattiyamahāsāḷakule vā brāhmaṇamahāsāḷakule vā gahapatimahāsāḷakule vā aḍṭhe
mahaddhane mahābhoge pahūtajātarūparajate pahūtavittūpakaraṇa pahūtadhanadhaññe. So
ca hoti abhirūpo dassanīyo pāsādiko paramāya vaṇṇapokkharatāya samannāgato. Lābhī
annassa pānassa vatthassa yānassa mālāgandhavilepanassa seyyāvasathapadīpeyyassa. So
kāyena duccaritaṃ carati, vācāya duccaritaṃ carati manasā duccaritaṃ carati so kāyena
duccaritaṃ caritvā vācāya duccaritaṃ caritvā manasā duccaritaṃ caritvā kāyassa bhedā
parammaraṇā apāyaṃ duggatiṃ vinipātaṃ nirayaṃ upapajjati. Evaṃ puggalo joti hoti
tamparāyano. Kathañca puggalo joti hoti jotiparāyaṇo: idhe'kacco puggalo ucce kule
paccājāto hoti khattiyamahāsāḷakule vā brāhmaṇamahāsāḷakule vā gahapatimahāsāḷakule
vā aḍṭhe mahaddhane mahābhoge pahūtajātarūparajate pahūtacittūpakaṇe
pahutadhanadhaññe. So ca hoti abhirūpo dassanīyo pāsādiko paramāya vaṇṇapokkharatāya
samannāgato, lābhī annassa pānassa vatthassa yānassa mālāgandhavilepanassa
seyyāvasathapadīpeyyassa. So kāyena sucaritaṃ carati, vācāya sucaritaṃ carati, manasā
sucaritaṃ carati so kāyena sucaritaṃ caritvā, vācāya sucaritaṃ caritvā manasā sucaritaṃ
caritvā kāyassa bhedā parammaraṇā sugakiṃ saggaṃ lokaṃ upapajjati. Evaṃ puggalo joti
hoti jotiparāyaṇo.
[BJT Page 358] [\x 358/]
20. Kathañca puggalo onatonato hoti: idhekacco puggalo nīce kule paccājāto -pe- evaṃ
puggalo onatonato hoti. Kathañca puggalo onatunnatohoti -pe evaṃ puggalo onatunnato
hoti. Kathañca puggalo unnatonato hoti idhekacco puggalo ucce kule paccājāto hoti -pe evaṃ
puggalo unnatonato hoti. Kathañca puggalo unnatunnato hoti -pe- evaṃ puggalo
unnatunnato hoti.
21. Tattha katame cattāro rukkhupamā puggalā: cattāro rukkhā, pheggusāraparivāro, sāro
phegguparivāro, pheggu pheggu parivāro, sāro sāraparivāro. Evamevaṃ cattāro rukkhupamā
puggalā santo saṃvijjamānā lokasmiṃ. Katame ttāro: pheggu sāraparivāro, sāro
phegguparivāro, pheggu phegguparivāro, sāro sāraparivāro. [PTS Page 053] [\q 53/]
kathañca puggalo pheggu hoti sāraparivāro: idhe kacco puggalo dussīlo hoti pāpadhammo
parisā ca khvassa hoti sīlavatī kalyāṇadhammā. Evaṃ puggalo pheggu hoti sāraparivāro.
Seyyathāpi so rukkho pheggu sāraparivāro. Tathūpamo ayaṃ puggalo.
Kathañca puggalo sāro hoti phegguparivāro: idhe'kacco puggalo sīlavā hoti
kalyāṇadhammo parisā ca khvassa hoti dussīlā pāpadhammā. Evaṃ puggalo sāro hoti
phegguparivāro. Seyyathāpi so rukkho sāro phegguparivāro, tathūpamo ayaṃ puggalo.
Kathañca puggalo pheggu hoti phegguparivāro: idhe'kacco puggalo dussīlo hoti
pāpadhammo. Parisāpi'ssa hoti dussīlā pāpadhammā. Evaṃ puggalo pheggu hoti
phegguparivāro seyyathāpi so rukkho pheggu phegguparivāro. Tathūpamo ayaṃ puggalo.
Kathañca puggalo sāro hoti sāraparivāro: idhe'kacco puggalo sīlavā hoti kalyāṇadhammo,
parisāpissa hoti sīlavatī kalyāṇadhammā. Evaṃ puggalo sāro hoti sāraparivāro, seyyathāpi
so rukkho sāro sāraparivāro, tathūpamo ayaṃ puggalo. Ime cattāro rukkhūpamā puggalā
santā saṃvijjamānā lokasmiṃ.
[BJT Page 360] [\x 360/]
22. Katamo ca puggalo rūpappamāṇo rūpappasanto: idhe'kacco puggalo ārohaṃ vā passitvā
pariṇāhaṃ vā passitvā saṇṭhānaṃ vā passitvā paripūraṃ vā passitvā tattha pamāṇaṃ gahetvā
pasādaṃ janeti, ayaṃ vuccati puggalo rūpappamāṇo rūpappasanto.
Katamo ca puggalo ghosappamāṇo ghosappasanno: idhe'kacco puggalo paravaṇṇanāya
parathomanāya parapasaṃsanāya paravaṇṇahārikāya1 tattha pamāṇaṃ gahetvā pasādaṃ
janeti. Ayaṃ vuccati puggalo ghosappamāṇo ghosappasanno.
Katamo ca pugagalo lūkappamāṇo lūkhappasanno: idhe'kacco puggalo cīvaralūkhaṃ vā
passitvā, senāsanalūkhaṃ vā passitvā vividhaṃ vā dukkarakārikaṃ passitvā, tattha pamāṇaṃ
gahetvā pasādaṃ janeti. Ayaṃ vuccati puggalo lūkhappamāṇo lūkhappasanno.
Katamo ca puggalo dhammappamāṇo dhammappasanno: idhe'kacco puggalo sīlaṃ vā
passitvā samādhiṃ vā passitvā [PTS Page 054] [\q 54/] paññaṃ vā passitvā tattha
pamāṇaṃ gahetvā pasādaṃ janeti. Ayaṃ vuccati puggalo dhamamappamāṇo
dhammappasanno.
23. Kathañca puggalo attahitāya paṭipanno hoti no parahitāya: idhe'kacco puggalo attanā
sīlasampanno hoti no paraṃ sīlasampadāya samādapeti, attanā samādhisampanno hoti no
paraṃ samādhisampadāya samādapeti, attanā paññāsampanno hoti paraṃ paññāsampadāya
samādapeti. Attanā vimuttisampanno hoti no paraṃ vimuttisampadāya samādapeti, attanā
vimuttiñāṇadassasampanno hoti no paraṃ vimuttiñāṇadassasampadāya samādapeti. Evaṃ
puggalo attahitāya paṭipanno hoti no parahitāya.
1. Paravaṇṇahāriyā - sīmu.
[BJT Page 362] [\x 362/]
Kathañca puggalo parahitāya paṭipanno hoti no attahitāya: idhe'kacco puggalo attanā na
sīlasampanno hoti paraṃ sīlasampadāya samādapeti, attanā na samādhisampanno hoti
paraṃ samādhisampadāya samādapeti. Attanā na paññāsampanno hoti paraṃ
paññāsampadāya samādapeti: attanā na vimuttisampanno hoti paraṃ vimuttisampadāya
samādapeti. Attanā na vimuttiñāṇadassanasampanno hoti paraṃ
vimuttiñāṇadassanasampadāya samādapeti, evaṃ puggalo parahitāya paṭipanno hoti no
attahitāya.
Kathañca puggalo attahitāya ceva paṭipanno hoti parahitāya ca: idhe'kacco puggalo attanā
ca sīlasampanno hoti parañca sīlasampadāya samādapeti, attanā ca samādhisampanno hoti
parañca samādhisampadāya samādapeti attanā ca paññāsampanno hoti parañca
paññāsampadāya samādapeti attanā ca vimuttisampanno hoti parañca vimuttisampadāya
samādapeti. Attanā ca vimuttiñāṇadassanasampanno hoti parañca
vimuttiñāṇadassanasampadāya samādapeti. Evaṃ puggalo attahitāya ceva paṭipanno hoti
parahitāya ca.
Kathañca puggalo neva attahitāya paṭipanno hoti no parahitāya: idhe'kacco puggalo attanā
na sīlasampanno hoti no paraṃ sīlasampadāya samādapeti. Attanā na samāṣisampanno hoti
no paraṃ samādhisampadāya samādapeti. Attanā na paññāsampanno hoti no paraṃ
paññāsampadāya samādapeti, attanā [PTS Page 055] [\q 55/] na vimuttisampanno hoti
no paraṃ vimuttisampadāya samādapeti, attanā na vimuttiñāṇadassanasampanno hoti no
paraṃ vimuttiñāṇadassana sampadāya samādapeti. Evaṃ puggalo neva attahitāya paṭipanno
hoti no parahitāya.
[BJT Page 364] [\x 364/]
24. Kathañca puggalo attannapo hoti attaparitāpanānuyogamanuyutto: idhe'kacco puggalo
acelako hoti muttācāro, hatthāpalekhano, na ehibhadantiko, na tiṭṭhabhadantiko, na
abhihaṭaṃ, na uddissakaṭaṃ, na nimantanaṃ sādiyati. So na kumbhimukhā patigaṇhāti, na
khalopimukā1 patigaṇhāti, na phalakamantaraṃ, na daṇḍamantaraṃ, na musalamantaraṃ,
na dvinnaṃ bhuñjamānānaṃ, na gabbhanīyā, na pāyamānāya, na purisantaragatāya, na
saṃkitakīsu, na yattha sā upaṭṭhito hoti, na yattha makkhikā saṇḍasaṇḍacārīni, na
macchaṃ, na maṃsaṃ, na suraṃ, na merayaṃ, na thusodakaṃ pivati. So ekāgāriko vā hoti
ekālopiko vā, dvāgāriko vā hoti dvālopikovā, sattāgāriko vā hoti sattālopiko vā, ekissā'pi
dattiyā yāpeti dvīhi'pi dattīhi yāpeti -pe- sattahipi dattīhi yāpeti, ekāhikampi āhāraṃ
āhāreti, dvāhikampi2 āhāraṃ āhāreti, -pesattāhikampi āhāraṃ āhāreti. Iti evarūpaṃ
addhamāsikampi3 pariyāyabhattabhojanānuyogamanuyutto viharati.
So sākabhakkho vā hoti, sāmākabhakkho vā hoti, nīvārabhakkho vā hoti, daddulabhakkho
vā hoti, haṭabhakkho vā hoti, kaṇabhakkho vā hoti, ācāmabhakkho vā hoti,
piññākabhakkho vā hoti, tiṇhakkho vā hoti, gomayabhakkho vā hoti, vanamūlaphalāhāro
yāpeti, pavattaphalahojī. So sāṇānipi dhāreti, masāṇānipi dhāreti, chavadussānipi dhāreti,
paṃsukūlānipi dhāreti, tirīṭānipi dhāreti, ajinānipi dhāreti, ajinakakhipampi dhāreti,
kusacīrampi dhāreti, vākacīrampi dhāreti, phalakacīrampi dhāreti, kesakambalampi dhāreti,
vālakambalampi dhāreti, ulūkapakkhampi dhāreti, kesamassulocakopi hoti
kesamassulocanānuyogamanuyutto, ubbhaṭṭha kopi hoti āsanapaṭikkhitto, ukkuṭikopi hoti
ukkuṭikappadhāna manuyutto, kaṇṭakāpassayikopi hoti kaṇṭakāpassaye seyyakappeti,
sāyatatiyakampi4 udakorohanānuyogamanuyutto viharati. Iti evarūpaṃ anekavihitaṃ kāyassa
atāpanaparitāpanānuyogamanuyutto viharati. [PTS Page 056] [\q 56/] evaṃ puggalo
attantapo hoti attaparitāpanānuyogamanuyutto.
1. Kalopimukhā - sīmu, 2. Dvahikampi - sīmu. 3. Aḍḍhamāsakampi - sīmu, machasaṃ, syā,
4. Sāyaṃ tatiyakampi - syā.
[BJT Page 366] [\x 366/]
Kathañca puggalo parantapo hoti paraparitāpanānuyogamanuyutto: idhe'kacco puggalo
orabbhīko hoti sukariko sākuṇiko māgaviko luddo macchāghātako coro coraghātako*
bandhanāgāriko, ye vā panaññepi keci kurūrakammantā. Evaṃ puggalo parantapo hoti
paraparitāpanānuyogamanuyutto.
Kathañca puggalo attantapo ca hoti attaparitāpanānuyogamanuyutto parantapo ca hoti
paraparitāpanānuyogamanuyutto: idhekacco puggalo rājā vā hoti khattiyo muddhābhisitto1
brāhmaṇo vā mahāsāḷo, so puratthimena nagarassa navaṃ yaññāgāraṃ2 kārāpetvā,
kesamassuṃ ohāretvā khurājinaṃ3 nivāsetvā sappitelena kāyaṃ abbhañjitvā, migavisāṇena4
piṭṭhiṃ kaṇḍuyamāno5 yaññāgāraṃ2 paṭisati saddhiṃ mahesiyā brāhmaṇena ca purohitena.
So tattha anantarahitāya bhūmiyā haritūpattāya seyyaṃ kappeti. Ekissā gāviyā
sarūpavacchāya yaṃ ekasmiṃ thane khīraṃ hoti tena rājā yāpeti yaṃ dutiyasmiṃ thane
khīraṃ hoti tena mahesī yāpeti, yaṃ tatiyasmiṃ thane khīraṃ hoti tena brāhmaṇo purohito
yāpeti, yaṃ catutthasmiṃ thane khīraṃ hoti tena aggiṃ juhati. Avasesena vacchako yāpeti.
So evamāha: ettakā usabhā haññantu yaññatthāya, ettakā vacchatarā haññantu yaññatthāya,
ettakā vacchatariyo haññantu yaññatthāya, ettakā ajā haññanti yaññatthāya, ettakā urabbhā
haññantu yaññatthāya ettakā rukkhā chijjantu yupatthāya, ettakā dabbhā lūyantu
barihisatthāyāti6 yepissa te honti dāsāni vā pessāti vā kammakarāti vā tepi daṇḍatajjitā
bhayatajjitā assumukhā rudamānā parikammāni karonti, evaṃ puggalo attantapo ca hoti
attaparitāpanānuyogamanuyutto, parattapo ca hoti paraparitāpanānuyogamanuyutto.
Kathañca puggalo nevattantapo hoti na attaparitāpanānuyogamanuyutto, na parantapo hoti
na paraparitāpanānuyogamanuyutto: so anattantapo aparantapo diṭṭheva dhamme nicchāto
nibbuto sītibhūto sukhapaṭisaṃvedī brahmabhūtena attanā viharati: idha tathāgato loke
uppajjati arahaṃ sammāsambuddho [PTS Page 057] [\q 57/] vijjācaraṇasampanno
sugato lokavidū anuttaro purisadasmasārathī satthā devamanussānaṃ buddho bhagavā, so
imaṃ lokaṃ sadevakaṃ samārakaṃ sabrahmakaṃ sassamaṇabrāhmaṇiṃ pajaṃ
sadevamanussaṃ sayaṃ abhiññā sacchikatvā pavedeti. So dhammaṃ deseti ādikalyāṇaṃ
majjhekalyāṇaṃ pariyosānakalyāṇaṃ sātthaṃ savyañjanaṃ kevalaparipuṇṇaṃ parisuddhaṃ
brahmacariyaṃ pakāseti, taṃ dhammaṃ suṇāti gahapati vā gahapatiputto vā aññatarasmiṃ
vā kule paccājāto.
1. Mudhāvasitto - sīmu, machasaṃ.
2. Sandhāgāraṃ - machasaṃ.
*. Goghātako - syā, machasaṃ, adhitaṃ. Santhāgāraṃ - syā, pa.
3. Kharājīnaṃ - sīmu. 4. Magavighāṇena - sīmu. 5. Kaṇaḍuvamāno - syā, machasaṃ. 6.
Parahiṃsatthaya - sīmu.
[BJT Page 368] [\x 368/]
So taṃ dhammaṃ sutvā tathāgate saddhaṃ paṭilabhati, so tesa saddhāpaṭilābhena
samannāgato iti paṭisañcikkhati: sambādho gharāvāso rājāpatho, abbhokāso pabbajjā,
nayidaṃ sukaraṃ āgāraṃ ajjhāvasatā ekantaparipuṇṇaṃ ekantaparisuddhaṃ saṅkhalikhitaṃ
brahmacariyaṃ carituṃ yannūnāhaṃ kesamassuṃ ohāretvā kāsāyāni vatthāni acchādetvā
āgārasmā anagāriyaṃ pabbajeyyanti, so aparena samayena appaṃ vā bhogakkhandhaṃ
pahāya, mahantaṃ vā bhogakkhandhaṃ pahāya, appaṃ vā ñātiparivaṭṭaṃ pahāya, mahantaṃ
vā ñātiparivaṭṭaṃ pahāya, kesamassuṃ ohāretvā kāsāyāni vatthāni acchādetvā, agārasmā
anagāriyaṃ pabbajati.
So evaṃ pabbajito samāno bhikkhūnaṃ sikkhāsājīvasamāpanno pāṇātipātaṃ pahāya
pāṇātipātā paṭivirato hoti nihitadaṇḍo nihitasattho lajji dayāpanno
sabbapāṇabhūtahitānukampī viharati, adinnādānaṃ pahāya adinnādānā paṭivirato hoti
dinnādāyi dinnapaṭikaṅkhī athenena sucibhūtena attanā viharati. Abrahmacariyaṃ pahāya
brahmacārī hoti ārācārī virato methunā gāmadhammā, musāvādaṃ pahāya musāvādā
paṭivirato hoti saccavādī saccasandho theto paccayiko avisaṃvādako lokassa. Pisunāvācaṃ
pahāya pisunāya vācāya paṭivirato hoti ito sutvā na amutra akkhātā imesaṃ bhedāya,
amutra vā sutvā na imesaṃ ākkhātā amūsaṃ bhedāya, bhinnānaṃ vā satdhātā sahitānaṃ vā
anuppadātā, samaggā rāmo samaggarato samagganandi samaggakaraṇiṃ vācaṃ bhāsitaṃ
hoti. Pharusāvācaṃ pahāya pharusāya vācāya paṭivirato hoti, yā sā vācā nelā kaṇṇasukhā
pemaniyā hadayaṅgamā porī bahujanakantā bahujanamanāpā, tathārūpiṃ vācaṃ bhāsitā hoti.
Samphappalāpaṃ [PTS Page 058] [\q 58/] pahāya samphappalāpā paṭivirato hoti,
kālavādī bhūtavādī atthavādī dhammavādī vinayavādī nidhānavatiṃ vācaṃ bhāsitā hoti
kālesa sāpadesaṃ pariyantavatiṃ atthasahitaṃ.
[BJT Page 370] [\x 370/]
So bījagāmabhūtagāmasamārambhā paṭivirato hoti, ekabhattiko hoti rattūparato virato
vikālabhojanā, naccagītavāditavisūkadassanā paṭivirato hoti.
Mālāgandhavilepanadhāraṇamaṇḍanavibhūsanaṭṭhānā paṭivirato hoki,
uccāsayanamahāsayanā paṭivirato hoti, jātarūparajatapaṭiggahaṇā paṭivirato hoti,
āmakadhañña paṭiggahaṇā paṭivirato hoti, āmakamaṃsapaṭiggahaṇā paṭivirato hoti,
itthikumārikapaṭiggahaṇā paṭivirato hoti, dāsidāsapaṭiggahaṇā paṭivirato hoti.
Ajelakapaṭiggahaṇā paṭivirato hoti, kukkuṭasūkarapaṭiggahaṇā paṭivirato hoti,
hatthigavāssavaḷavāpaṭiggahaṇā paṭivirato hoti, khettavatthupaṭiggahaṇā paṭivirato hoti,
dūteyyapahiṇagamanānuyogā paṭivirato hoti, kāyavikkayā paṭivirato hoti,
tulākūṭamānakūṭā paṭivirato hoti, ukkoṭanavañcana nikatisāciyogā paṭivirato hoti,
chedanavadhabandhanaviparāmosa ālopasahasākārā paṭivirato hoti.
So santuṭṭho hoti kāyaparihārikena cīvarena kucchiparihārikena piṇḍapātena, so yena
yeneva pakkamati samādāyeva pakkamati, seyyathāpi pakkhī sakuṇo yena yeneva ḍeti
sappatabhārova ḍeti. Evameva bhikkhu santuṭṭho hoti kāyaparihārikena cīvarena
kucchiparihārikena piṇḍapātena, yena yeneva pakkamati, samādāyeva pakkamati, so iminā
ariyena sīlakkhandhena samannāgato ajjhattaṃ anavajjasukhaṃ paṭisaṃvedeti.
So cakkhunā rūpaṃ disvā na nimittaggahī hoti nānuvyañjanaggāhī yatvādhikaraṇamenaṃ
cakkhundriyaṃ asaṃvutaṃ viharantaṃ abhijjhā domanassā pāpakā akusalā dhammā
anvāssaveyyuṃ, tassa saṃvarāya paṭijjati rakkhati cakkhundriyaṃ cakkhundiiraye saṃvaraṃ
āpajjati. Sotena saddaṃ sutvā, -pe ghānena gandhaṃ sāyitvā -pe- jivhāya rasaṃ sāyitvā -pe
kāyena phoṭṭhabbaṃ phusitvā -pe- mānasā dhammā viññāya na nimittaggāhī hoti
nānuvyañjanaggāhī yatvādhikaraṇamenaṃ manindriyaṃ asaṃvutaṃ viharantaṃ
abhijjhādomanassaṃ pāpakā akusalā dhammā anvāssavyeṃ tassa saṃvarāya paṭipajjati
rakkhati manindriyaṃ manindriye [PTS Page 059] [\q 59/] saṃvaraṃ āpajjati, so iminā
ariyena indriyasaṃvarena samannāgato ajjhattaṃ avyāsekasukhaṃ paṭisaṃvedeti.
[BJT Page 372] [\x 372/]
So abhikkante paṭikkante sampajānakārī hoti. Ālokite vilokite sampajānakārī hoti,
sammiñjite pasārite sampajānakārī hoti, saṅghāṭipattacīvaradhāraṇe sampajānakārī hoti,
asite pīte khāyite sāyite sampajānakārī hoti, uccārapassāvakamme sampajānakārī hoti. Gate
ṭhite nisinne sutte jāgarite bhāsite tuṇhībhāve sampajānakārī hoti.
So iminā ariyena sīlakkhandhena samannāgato, iminā ca ariyena indriyasaṃvarena
samannāgato, iminā ca ariyena satisampajaññena samannāgato imāya ca ariyāya santuṭṭhiyā
samannāgato vivittaṃ senāsanaṃ bhajati araññaṃ rukkhamūlaṃ pabbataṃ kandaraṃ giriguhaṃ
susānaṃ vanapatthaṃ abbhokāsaṃ palālapuñjiṃ.
So pacchābhattaṃ piṇḍapātapaṭikkanto nisīdati pallaṅkaṃ ābhujitvā ujuṃ kāyaṃ paṇidhāya
parimukhaṃ satiṃ upaṭṭhapetvā, so abhijjhaṃ loke pahāya vigatābhijjhena cetasā viharati,
abhijjhāya cittaṃ parisodheti. Vyāpādadosaṃ pahāya avyāpannacitto viharati,
sabbapāṇabhūtahitānukampi vyāpādapadosā cittaṃ parisodheti, thīnamiddhaṃ pahāya
vigatathīnamiddho viharati ālokasaññī sato sampajāno thīnamiddhā cittaṃ parisodheti.
Uddhaccakukkuccaṃ pahāya anuddhato viharati ajjhattaṃ vūpasannacitto uddhaccakukkuccā
cittaṃ parisodheti. Vicikicchaṃ pahāya tiṇṇavicikiccho viharati akathaṅkathī kusalesu
dhammesu vicikicchāya cittaṃ parisodheti.
So ime pañcanīvaraṇe pahāya cetaso upakkilese paññāya dubbalīkaraṇe viviccava kāmehi
vivicceva akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ
upasampajja viharati. Vitakkavicārānaṃ vūpasamā ajjhattaṃ sampasādanaṃ cetaso
ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ upasampajja
viharati. Pītiyā ca virāgā upekkhako ca viharati sato ca sampajāno. Sukhañca kāyena
paṭisaṃvedetiyaṃ taṃ ariyā ācikkhanti upekkhako satimā sukhavihārīti-tatiya jhānaṃ
upasampajja viharati sukhassa ca pahānā dukkhassa ca pahānā pubbeva
somanassadomanassānaṃ atthaṅgamā adukkhaṃ asukhaṃ upekkhāsatipārisuddhiṃ catutthaṃ
jhānaṃ upasampajja viharati.
[PTS Page 060] [\q 60/]
[BJT Page 374] [\x 374/]
So evaṃ samāhite citte parisuddhe pariyodāte anaṅgaṇe vigatūpakkilese mudubhūte
kammaniye ṭhite aneñjappatte pubbenivāsānussatiñāṇāya cittaṃ abhininnāmeti, so
anekavihitaṃ pubbenivāsaṃ anussarati. Seyyathīdaṃ: ekampi jātiṃ dvepi jātiyo tissopi jātiyo,
catassopi jātiyo pañcapi dasapi jātiyo vīsatimpi jātiyo tiṃsampi jātiyo cattārīsampi jātiyo
paññāsampi jātiyo jātisatampi jātisahassampi jātisatasahassampi anekepi saṃvaṭṭakappe
anekepi vivaṭṭakappe amutrāsiṃ evaṃnāmo evaṃgotto evaṃvaṇṇo evamāhāro
evaṃsukhadukkhapaṭisaṃvedī evamāyupariyanto. So tato cuto amutra uppādiṃ, tatrāpāsiṃ
evaṃnāmo -peevamāyupariyanto so tato cuto idhupapannoti, iti sākāraṃ sauddasaṃ
anekavihitaṃ pubbenivāsaṃ anussarati.
So evaṃ samāhite citte parisuddhe pariyodāte anaṅgaṇe vigatūpakkīlese mudubhūte
kammaniye ṭhite āneñjappatte sattānaṃ cutūpapātañāṇāya cittaṃ abhininnāmeti. So dibbena
cakkhunā visuddhena atikkantamānusakena satte passati cavamāne uppajjamāne hīne
paṇīte suvaṇṇe dubbaṇṇe sugate duggate yathā kammūpage satte pajānāti: ime vata
bhonto sattā kāya duccaritena samannāgatā, vacīduccaritena samannāgatā manoduccaritena
samannāgatā ariyānaṃ upavādakā micchādiṭṭhikā micchādiṭṭhikammasamādānā. Te kāyassa
bhedā parammaraṇā apāyaṃ duggatiṃ vinipātaṃ nirayaṃ upapannā. Ime vā pana bhonto
sattā kāyasucaritena samannāgatā, vacīsucaritena samannāgatā, manosucaritena
samannāgatā ariyānaṃ anupavādakā sammādiṭṭhikā sammādiṭṭhikammasamādānā. Te
kāyassa bhedā parammaraṇā sugatiṃ saggaṃ lokaṃ upapannoti iti dibbena cakkhunā
visuddhena atikkantamānusakena satte passati cavamāne uppajjamāne hīne paṇīte
suvaṇṇe dubbaṇṇe sugate duggate yathākammūpage satte pajānāti.
[BJT Page 376] [\x 376/]
So evaṃ samāhite citte parisuddhe pariyodāte anaṅgaṇe vigatūpakkilese mudubhūte
kammaniye ṭhite āneñjappatte āsavānaṃ khayañāṇāya cittaṃ abhininnāmeti, so idaṃ
dukkhanti yathābhūtaṃ pajānāti. Ayaṃ dukkhasamudayoti yathābhūtaṃ pajānāti, ayaṃ
dukkhanirodhoti yathābhūtaṃ pajānāti, ayaṃ dukkhanirodhagāminī paṭipadāti yathābhūtaṃ
pajānāti, [PTS Page 061] [\q 61/] ime āsavāti yathābhūtaṃ pajānāti. Ayaṃ
āsavasamudayoti yathābhūtaṃ pajānāti. Ayaṃ āsavanirodhoti yathābhūtaṃ pajānāti. Ayaṃ
āsavanirodhagāminīpaṭipadāti yathābhūtaṃ pajānāti. Tassa evaṃ jānato evaṃ passato
kāmāsavāpi cittaṃ vimuccati bhavāsavāpi cittaṃ vimuccati, avijjāsavāpi cittaṃ vimuccati,
vimuttasmiṃ vimuttamiti ñāṇaṃ hoti, khīṇā jāti vusitaṃ brahmacariyaṃ kataṃ karaṇīyaṃ
nāparaṃ itthattāyāti pajānāti. Evaṃ puggalo neva attantapo hoti na
attaparitāpanānūyogamanuyutto, na parantapo hoti na paraparitāpanānuyogamanuyutto. So
anattantapo aparantapo diṭṭheva dhamme nicchāto nibbuto sītibhūto sukhapaṭisaṃvedī
brahmabhūtena attanā viharati.
25. Katamo ca puggalo sarāgo: yassa puggalassa rāgo appahīṇo, ayaṃ vuccati puggalo
sarāgo. Katamo ca puggalo sadoso, yassa puggalassa doso appahīṇo, ayaṃ vuccati puggalo
sadoso. Katamo ca puggalo samoho: yassa puggalasasa moho appahīṇo, ayaṃ vuccati
puggalo samoho. Katamo ca puggalo samāno, yassa puggalassa māno appahīṇo, ayaṃ
vuccati puggalo samāno.
26. Kathañca puggalo lābhī hoti ajjhattaṃ cetosamathassa na lābhī
adhipaññādhammavipassanāya, idhe'kacco puggalo lābhī hoti rūpasahagatānaṃ vā
arūpasahagatānaṃ vā samāpattīnaṃ na lābhī lokuntaramaggassa vā phalassa vā evaṃ
puggalo lābhī hoti ajjhattaṃ cetosamathassa, na lābhī adhipaññādhammavipassanāya.
[BJT Page 378] [\x 378/]
Kathañca puggalo lābhī hoti adhipaññādhammavipassanāya na lābhī ajjhattaṃ
cetosamathassa: idhe'kacco puggalo lābhī hoti lokuttaramaggassa vā phalassa vā, na lābhī
rūpasahagatānaṃ vā arūpasahagatānaṃ vā samāpattīnaṃ evaṃ puggalo lābhī hoti
adhipaññādhammavipassanāya na lābhī ajjhattaṃ cetosamathassa. [PTS Page 062] [\q 62/]
Kathañca puggalo lābhī ceva hoti ajjhattaṃ cetosamathassa lābhī ca hoti
adhipaññādhammavipassanāya. Idhe'kacco puggalo lābhī hoti rūpasahagatānaṃ vā
arūpasahagatānaṃ vā samāpattīnaṃ, lābhī lokuttaramaggassa vā phalassa vā evaṃ puggalo
lābhī ceva hoti ajjhattaṃ cetosamathassa, lābhī adhipaññādhammavipassanāya.
Kathañca puggalo neva lābhī hoti ajjhattaṃ ceto samathassa, na lābhī
adhipaññādhammavipassanāya: idhe'kacco puggalo neva lābhī hoti rūpasahagatānaṃ vā
arūpasahagatānaṃ vā samāpattīnaṃ, lābhī na lokuttaramaggassa vā phalassa vā evaṃ
puggalo neva lābhī hoti ajjhattaṃ cetosamathassa, na lābhī adhipaññādhammavipassanāya.
27. Katamo ca puggalo anusotagāmī: idhekacco puggalo kāme ca paṭisevati pāpañca
kamamaṃ karoti, ayaṃ vuccati puggalo anusotagāmī.
Katamo ca puggalo paṭisotagāmī: idhe'kacco puggalo kāme ca na sevati, pāpañca kammaṃ
na karoti, so sahāpi dukkhena sahāpi domanassena assumukho rudamāno paripuṇṇaṃ
parisuddhaṃ brahmacariyaṃ carati, ayaṃ vuccati puggalo paṭisotagāmī.
Katamo ca puggalo ṭhitatto: idhe'kacco puggalo pañcannaṃ orambhāgiyānaṃ saṃyojanānaṃ
parikkhayā opapātiko hoti tattha parinibbāyī anāvattidhammo tasmā lokā, ayaṃ vuccati
puggalo ṭhitatto.
[BJT Page 380] [\x 380/]
Katamo ca puggalo tiṇṇo pāragato thale tiṭṭhati brāhmaṇo: idhe'kacco puggalo āsavānaṃ
khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā
upasampajja viharati- ayaṃ vuccati puggalo tiṇṇo pāragato thale tiṭṭhati brahmaṇo.
28. Kathañca puggalo appassuto hoti sutena anuppanno: idhe'kaccassa puggalassa appakaṃ
sutaṃ hoti suttaṃ geyyaṃ veyyākaraṇaṃ gāthaṃ udānaṃ itivuttakaṃ jātakaṃ
abbhutadhammaṃ vedallaṃ, so tassa appakassa sutassa na atthamaññāya dhammamaññāya
[PTS Page 063] [\q 63/] dhammānudhammapaṭipanno hoti. Evaṃ puggalo appassuto
hoti sutena anuppanno.
Kathañca puggalo appassuto hoti sutena uppanno: idhekaccassa puggalassa appakaṃ sutaṃ
hoti suttaṃ geyyaṃ veyyākaraṇaṃ gāthaṃ udānaṃ itivuttakaṃ jātakaṃ abbhutadhammaṃ
vedallaṃ, so tassa appakassa sutassa atthamaññāya dhammamaññāya
dhammānudhammapaṭipanno hoti. Evaṃ puggalo appasusato hoti sutena uppanno.
Kathañca puggalo bahussuto hoti sutena anuppanno: idhe'kaccassa puggalassa bahukaṃ
sutaṃ hoti suttaṃ geyyaṃ veyyākaraṇaṃ gāthaṃ udānaṃ itivuttakaṃ jātakaṃ
abbhutadhammaṃ vedallaṃ, so tassa bahukassa sutassa na atthamaññāya na
dhammamaññāya na dhammānudhammapaṭipanno hoti, evaṃ puggalo bahussuto hoti
sutena anuppanno.
Kathañca puggalo bahussuto hoti sutena uppanno: idhe'kaccassa puggalassa bahukaṃ sutaṃ
hoti suttaṃ geyyaṃ veyyākaraṇaṃ gāthaṃ udānaṃ itivuttakaṃ jātakaṃ abbhutadhammaṃ
vedallaṃ so tassa bahukassa sutassa atthamaññāya dhammamaññāya
dhammānudhammapaṭipanno hoti, evaṃ puggalo bahussuto hoti sutena uppanno,
[BJT Page 382] [\x 382/]
29. Katamo ca puggalo samaṇamacalo: idhe'kacco puggalo tiṇṇaṃ saṃyojanānaṃ parikkhayā
sotāpanno hoti avinipātadhammo niyato sambodhiparāyaṇo, ayaṃ vuccati puggalo
samaṇamacalo.
Katamo ca puggalo samaṇapadumo: idhe'kacco puggalo tiṇṇaṃ saṃyojanānaṃ parikkhayā
rāgadosamohānaṃ tanuttā sakadāgāmī hoti sakideva imaṃ lokaṃ āgantvā dukkhassantaṃ
karoti, ayaṃ vuccati puggalo samaṇapadumo.
Katamo ca puggalo samaṇapuṇḍarīko: idhe'kacco puggalo pañcannaṃ orambhāgiyānaṃ
saṃyojanānaṃ parikkhayā opapātiko hoti tattha parinibbāyī anāvattidhammo tasmā lokā,
ayaṃ vuccati puggalo samaṇapuṇḍariko.
Katamo ca puggalo samaṇesu samaṇasukhumālo: idhe'kacco puggalo āsavānaṃ khayā
anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā
upasampajja viharati, ayaṃ vuccati puggalo samaṇesu samaṇasukhumālo.
Catukka niddeso niṭṭhito.
[BJT Page 384] [\x 384/]
[PTS Page 064] [\q 64/]
5. Pañcaka niddeso
1. Tatra yvāyaṃ puggalo ārambhati1 ca vippaṭisārī ca hoti. Tañca cetovimuttiṃ
paññāvimuttiṃ yathābhūtaṃ nappajānāti yatthassa te uppannā pāpakā akusalā dhammā
aparisesā nirujjhanti. So evamassa vacanīyo: āyasmato kho ārambhajā āsavā saṃvijjanti,
vippaṭisārajā ca āsavā pavaḍḍhanti, sādhuvatāyasmā ārambhaje āsave pahāya vippaṭisāraje
āsave paṭivinodetvā cittaṃ paññca bhāvetu. Evamāyasmā amunā pañcamena puggalena
samasamo bhavissatīti.
Tatra yvāyaṃ puggalo ārambhati na vippaṭisārī hoti. Tañca ceto vimuttiṃ paññāvimuttiṃ
yathābhūtaṃ nappajānāti yatthassa te uppannā pāpakā akusalā dhammā aparisesā nirujjhanti.
So evamassa vacanīyo-āyasmato kho ārambhajā āsavā saṃvijjanti, vippaṭisārajā āsavā
nappavaḍḍhanti, sādhuvatāyasmā ārambhaje āsave pahāya cittaṃ paññca bhāvetu
evamāyasmā amunā pañcamena puggalena samasamo bhavissatīti.
Tatra yvāyaṃ puggalo na ārambhati vippaṭisārī hoti. Tañca ceto vimuttiṃ paññāvimuttiṃ
yathābhūtaṃ nappajānāti yatthassa te uppannā pāpakā akusalā dhammā aparisesā nirujjhanti.
So evamassa vacanīyo-āyasmato kho ārambhajā āsavā na saṃvijjanti, vippaṭisārajā āsavā
ppavaḍḍhanti, sādhuvatāyasmā vippaṭisāraje āsave paṭivinodetvā cittaṃ paññca bhāvetu
evamāyasmā amunā pañcamena puggalena samasamo bhavissatīti.
Tatra yvāyaṃ puggalo nārambhati na vippaṭisārī hoti, tañca cetovimuttiṃ paññāvimuttiṃ
yathābhūtaṃ nappajānāti, yatthassa te uppannā pāpakā akusalā dhammā aparisesā
nirujjhanti. So evamassa vacanīyo-āyasmato kho ārambhajā āsavā na saṃvijjanti,
vippaṭisārajā āsavā nappavaḍḍhanti. Sādhu vatāyasmā cittaṃ paññca bhāvetu evamāyasmā
amunā pañcamena puggalena samasamo bhavissatīti. Iti ime cattāro puggalā amunā
pañcamena puggalena evaṃ ovadiyamānā, evaṃ anusāsiyamānā anupubbena āsavānaṃ
khayaṃ pāpuṇanti.
1. Ārabhati - machasaṃ.
[PTS Page 065] [\q 65/]
[BJT Page 386] [\x 386/]
2. Kathañca puggalo datvā avajānāti: idhe'kacco puggalo puggalassa deti
cīvarapiṇḍapātasenāsanagilānapaccayabhesajjaparikkhāraṃ tassa evaṃ hoti ahaṃ dammi,
ayaṃ1 patigaṇhātīti2, tamenaṃ datvā avajānāti, evaṃ puggalo datvā avajānāti.
Kathañca puggalo saṃvāsena avajānāti: idhe'kacco puggalo puggalena saddhiṃ saṃvasati dve
vā tīṇi vā vassāni, tamenaṃ saṃvāsena avajānāti, evaṃ puggalo saṃvāsena avajānāti.
Kathañca puggalo ādheyyamukho hoti: idhe'kacco puggalo parassa vaṇṇe vā avaṇṇe vā
bhāsiyamāne khippaññeva adhimuccitā hoti, evaṃ puggalo ādheyyamukho hoti.
Kathañca puggalo lolo hoti: idhe'kacco puggalo ittarasaddho hoti, ittarabhattī, ittarapemo,
ittarapasādo, evaṃ puggalo lolo hoti.
Kathañca puggalo mando momūho hoti: idhe'kacco puggalo kusalākusale dhamme na jānāti.
Sāvajjānavajje dhamme na jānāti. Hīnappaṇīte dhamme na jānāti: kaṇhasukkasappaṭibhāge
dhamme na jānāti. Evaṃ puggalo momūho hoti.
3. Tattha katame pañca yodhājivūpamā puggalā pañca yodhājīvā, idhe'kacco yodhājīvo
rajaggaññeva disvā saṃsīdati, visīdati, na santhamahati3 na sakkoti saṃgāmaṃ otarituṃ
evarūpopi idhe'kacco yodhājīvo hoti ayaṃ paṭhamo yodhājīvo santo saṃvijjamāno lokasmiṃ.
Punacaparaṃ idhe'kacco yodhājīvo sahati rajaggaṃ. Api ca kho dhajaggaññeva disvā
saṃsīdati, visīdati, na santhambhati, na sakkoti saṅgāmaṃ otarituṃ, evarūpopi idhe'kacco
yodhājīvo hoti. Ayaṃ dutiyo yodhājīvo santo saṃvijjamāno lokasmiṃ.
1. Ayaṃ, pana - syā. 2. Paṭigganhatī ti - syā. Machasaṃ. 3. Satthambhati - sīmu,
[BJT Page 388] [\x 388/]
Punacaparaṃ idhe'kacco yodhājīvo sahati rajaggaṃ, sahati dhajaggaṃ, api ca kho uppādanaṃ
yeva sutvā saṃsīdati, visīdati na santhambhati1 na sakkoti saṅgāmaṃ otarituṃ. Evarūpo'pi
idhe'kacco yodhājīvo hoti. Ayaṃ tatiyo yodhājīvo santo saṃvijjamāno lokasmiṃ.
Punacaparaṃ idhe'kacco yodhājīvo sahati rajaggaṃ, [PTS Page 066] [\q 66/] sahati
dhajaggaṃ, sahati ussādanaṃ. Api ca kho sampahāre haññati vyāpajjati, evarūpo'pi
idhe'kacco yodhājīvo hoti, ayaṃ catuttho yodhājīvo santo saṃvijjamāno lokasmiṃ.
Punacaparaṃ idhe'kacco yodhājīvo sahati rajaggaṃ, sahati dhajaggaṃ, sahati ussādanaṃ,
sahati sampahāraṃ, so taṃ saṅgāmaṃ abhivijinitvā vijitasaṅgāmo tameva saṅgāmasīsaṃ
ajjhāvasati. Evarūpo'pi idhe'kacco yodhājīvo hoti ayaṃ pañcamo yodhājīvo santo
saṃvijjamāno lokasmiṃ.
Ime pañca yodhājīvā santo saṃvijjamānā lokasmiṃ, evameva pañca yodhājīvūpamā puggalā
santo saṃvijjamānā bhikkhūsu, katame pañca: idhe'kacco bhikkhu rajaggaññeva disvā
saṃsīdati, visīdati, na santhambhati, na sakkoti brahmacariyaṃ santānetuṃ2. Sikkhā
dubbalyaṃ āvīkatvā, sikkhaṃ paccakkhāya hīnāyāvattati. Kimassa rajaggasmiṃ: idha
bhikkhu suṇāti, amukasmiṃ nāma gāme vā nigame vā itthī vā kumārī vā abhirūpā
dassanīyā pāsādikā paramāya vaṇṇapokkharatāya samannāgatāti. So taṃ sutvā saṃsīdati,
visīdati, na santhambhati, na sakkoti brahmacariyaṃ santānetuṃ, sikkhādubbalyaṃ ācīkatvā3
sikkhaṃ paccakkhāya hīnāyāvattati. Idamassa rajaggasmiṃ. Seyyathāpi so yodhājīvo
rajaggaññeva disvā saṃsīdati, visīdati, na santhambhati, na sakkoti saṅgāmaṃ otarituṃ.
Tathupamo ayaṃ puggalo. Evarūpo'pi idhe'kacco puggalo hoti ayaṃ paṭhamo
yodhājīvūpamo puggalo santo saṃvijjamāno bhikkhūsu.
Punacaparaṃ idhe'kacco bhikkhu sahati rajaggaṃ api ca kho dhajaggaññeva disvā saṃsīdati,
visīdati, na santhambhati. Na sakkoti brahmacariyaṃ santānetuṃ, sikkhādubbalyaṃ ācīkatvā,
sikkhaṃ paccakkhāya hīnāyāvantati, kimassa dhajaggasmiṃ: idha bhikkhu naheva kho
suṇāti, amukasmiṃ nāma gāme vā nigame vā itthi vā kumāri vā abhirūpā dassanīyā
pāsādikā paramāya vaṇṇapokkharatāya samannāgatāti.
1. Satthambhati - sīmu. 2. Saṃdhāretu - machasaṃ. 3. Ācikattha - machasaṃ.
[BJT Page 390] [\x 390/]
Api ca kho sāmaṃ yeva passati1 itthiṃ vā kumāriṃ vā abhirūpaṃ dassanīyaṃ pāsādikaṃ
paramāya vaṇaṇapokkharatāya samannāgataṃ. So taṃ disvā saṃsīdati, visīdati, na
santhambhati, na sakkoti brahmacariyaṃ santānetuṃ, sikkhādubbalyaṃ ācīkatvā sikkhaṃ
paccakakhāya hīnāyāvattati. Idamassa dhajaggasmiṃ. Seyyathāpi [PTS Page 067] [\q 67/]
so yodhājīvo sahati rajaggaṃ. Api ca kho dhajaggaññeva disvā saṃsīdati visīdati na
santhambhati na sakkoti saṅgāmaṃ otarituṃ tathupamo ayaṃ puggalo. Evarūpopi idhe'kacco
puggalo hoti. Ayaṃ dutiyo yodhājīvūpamo puggalo santo saṃvijjamāno bhikkhūsu.
Punacaparaṃ idhe'kacco bhikkhu sahati rajaggaṃ sahati dhajaggaṃ. Api ca kho
ussādanaṃyeva sutvā saṃsīdati, visīdati, na santhambhati, na sakkoti brahmacariyaṃ
santānetuṃ2 sikkhādubbalyaṃ ācīkatvā sikkhaṃ paccakkhāya hīnāyāvattati, kimassa
ussādanāyaṃ. Idha bhikkhuṃ araññagataṃ vā, rukkhamūlagataṃ vā, suññāgāragataṃ vā
mātugāmo upasaṃkamitvā ūhasati ullapati ujjhagghati uppaṇḍeti. So mātugāmena
ūhasiyamāno ullapiyamāno ujjhagghiyamāno uppaṇḍiyamāno saṃsīdati, visīdati, na
satthambhati, na sakkoti brahmacariyaṃ santānetuṃ sikkhādubbalyaṃ ācīkatvā sikkhaṃ
paccakkhāya hīnāyāvattati. Idamassa ussādanāya. Seyyathāpi so yodhājīvo sahati rajaggaṃ,
sahati dhajaggaṃ. Apica kho ussādanaṃyeva sutvā saṃsīdati, visīdati, na santhambhati, na
sakkoti saṅgāmaṃ otarituṃ. Tathūpamo ayaṃ puggalo, evarūpopi idhe'kacco puggalo hoti.
Ayaṃ tatiyo yodhājīvūpamo puggalo santo saṃvijjamāno bhikkhusu.
Punacaparaṃ idhe'kacco bhikkhu sahati rajaggaṃ, sahati dhajaggaṃ, sahati ussādanaṃ. Api
ca kho sampahāre haññati vyāpajjati. Kimassa sampahārasmiṃ. Idha bhikkhuṃ araññagataṃ
vā rukkhamūlagataṃ vā suññāgāragataṃ vā mātugāmo upasaṃkamitvā abhinisīdati,
abhinipajjati, ajjhottharati. So mātugāmena abhinisīdiyamāno abhinipajjiyamāno
ajjhotthariyamāno sikkhaṃ apaccakkhāya dubbalyaṃ anāvīkatvā methunaṃ dhammaṃ
patisevati, idamasassa sampahārasmiṃ. Seyyathāpi so yodhājīvo sahati rajaggaṃ, sahati
dhajaggaṃ, sahati ussādanaṃ. Apica kho sampahāre haññati vyāpajjati tathūpamo ayaṃ
puggalo. Evarūpopi idhe'kacco puggalo hoti, ayaṃ catuttho yodhājīvūpamo puggalo santo
saṃvijjamāno bhikkhūsu.
1. Sāmaṃ passati - machasaṃ. 2. Saṃdhāretu - machasaṃ.
[BJT Page 392] [\x 392/]
Punacaparaṃ idhe'kacco bhikkhu sahati rajaggaṃ, sahati dhajaggaṃ sahati usasādanaṃ sahati
sampahāraṃ. So taṃ saṃṅgāmaṃ abhivijinitvā vijita saṅgāmo tameva saṅgamasīsaṃ
ajjhāvasati. Kimassa saṅgāmavijayasmiṃ [PTS Page 068] [\q 68/] idha bhikkhuṃ
araññagataṃ vā rukkhamūlagataṃ vā suññāgāragataṃ vā mātugāmo upasaṃkamitvā
abhinisīdati, abhinipajjati ajjhottharati. So mātugāmena abhinisīdiyamāno abhinipajjiyamāno
ajjhotthariyamāno vinivaṭṭetvā vinimocetvā yena kāmaṃ pakkamati. So vivittaṃ senāsanaṃ
bhajati araññaṃ rukkhamūlaṃ pabbataṃ kandaraṃ giriguhaṃ susānaṃ vanapatthaṃ
abbhokāsaṃ palālapuñjiṃ.
So araññagato vā rukkhamūlagato vā suññāgāragato vā nisīdati pallaṅkaṃ ābhujitvā ujuṃ
kāyaṃ paṇidhāya parimukhaṃ satiṃ upaṭṭhapetvā so abhijjhaṃ loko pahāya vigatābhijjhena
cetasā viharati abhijjhāya cittaṃ parisodheti. Vyāpādadosaṃ pahāya avyāpannacitto viharati.
Sabbapāṇabhūtahitānukampi. Vyāpādadosā cittaṃ parisodheti. Thīnamiddhaṃ pahāya
vigatathīnamiddho viharati ālokasaññī sato sampajāno thīnamiddhā cittaṃ parisodheti
uddhaccakukkuccaṃ pahāya anuddhato viharati. Ajjhattaṃ vūpasannacitto.
Uddhaccakukkuccā cittaṃ parisodheti. Vicikicchaṃ pahāya tiṇṇavicikiccho viharati
akathaṅkathi kusalesu dhammesu. Vicikicchāya cittaṃ parisodheti.
So ime pañcanīvaraṇe pahāya cetaso upakkilese paññāya dubbalīkaraṇe vivivacceva
kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ
paṭhamaṃjhānaṃ upasampajja viharati. Vitakkavicārānaṃ vūpasamā dutiyaṃ jhānaṃ -pe-
tatiyaṃ jhānaṃ -pecatutthaṃ jhānaṃ upasampajja viharati. So evaṃ samāhite citte parisuddhe
pariyodāte anaṅgaṇe vigatūpakkilese mudubhūte kammaniye ṭhite āneñjappatte āsavānaṃ
khayañāṇāya cittaṃ abhininnāmeti. So idaṃ dukkhanti yathābhūtaṃ pajānāti, ayaṃ
dukkhasamudayoti yathābhūtaṃ pajānāti, ayaṃ dukkhanirodhoti yathābhūtaṃ pajānāti. Ayaṃ
dukkhanirodhagāminī paṭipadāti yathābhūtaṃ pajānāti.
[BJT Page 384] [\x 384/]
Ime āsavānaṃ yathābhūtaṃ pajānāti, ayaṃ āsavasamudayoti yathābhūtaṃ pajānāti. Ayaṃ
āsavanirodhoti yathābhūtaṃ pajānāti. Ayaṃ āsavanirodhagāminīpaṭipadāti yathābhūtaṃ
pajānāti. Tassa evaṃ jānato evaṃ passato kāmāsavāpi cittaṃ vimuccati. Bhavāsavāpi cittaṃ
vimuccati avijjāsavāpi cittaṃ vimuccati. Vimuttasmiṃ vimuttamiti ñāṇaṃ hoti, khīṇā jāti,
vusitaṃ brahmacariyaṃ, kataṃ karaṇīyaṃ, nāparaṃ itthattāyāti pajānāti. Idamassa
saṅgāmavijayasmiṃ. Seyyathāpi so yodhājīvo sahati rajaggaṃ, sahati dhajaggaṃ, sahati
ussādanaṃ, sahati sampahāraṃ. So taṃ saṅgāmaṃ abhivijinitvā [PTS Page 069] [\q 69/]
vijikasaṅgāmo tameva saṅgamasīsaṃ ajjhāvasati. Tathūpamo ayaṃ puggalo. Evarūpopi
idhe'kacco puggalo hoti. Ayaṃ pañcamo yodhājīvūpamo puggalo santo saṃvijjamāno
bhikkhūsu. Ime pañca yodhājīvūpamā puggalā santo saṃvijjamānā bhikkhusu.
4. Tattha katame pañca piṇḍapātikā: mandattā momūhattā piṇḍapātiko hoti, pāpiccho
icchāpakato piṇḍapātiko hoti, ummādā cittakkhepā piṇḍapātiko hoti. Vaṇṇitaṃ buddhehi
buddha sāvakehīti piṇḍapātiko hoti. Api ca appicchataṃyeva nissāya, santuṭṭhiṃyeva
nissāya, sallekhaṃyeva nissāya, idamaṭṭhitaṃyeva nissāya piṇḍapātiko hoti.
Tatra svāyaṃ piṇḍapātiko appicchataṃyeva1 nissāya, santuṭṭhiṃ yeva nissāya,
sallekhaṃyeva nissāya, idamaṭṭhitaṃyeva2 nissāya, piṇḍapātiko hoti. Ayaṃ imesaṃ
pañcannaṃ piṇḍapātikānaṃ aggo ca seṭṭho ca mokkho ca uttamo ca pavaro ca. Seyyathāpi
nāma gāvā khīraṃ, khīramhā dadhi, dadhimhā nonītaṃ, nonītamhā sappi sappimhā
sappimaṇḍo. Sappimaṇḍaṃ tattha aggamakkhāyati. Evameva yvāyaṃ piṇḍapātiko
appicchataṃyeva nissāya santuṭṭhiṃ yeva nissāya sallekhaṃyeva nissāya idamaṭṭhitaṃyeva
nissāya piṇḍapātiko hoti, ayaṃ imesaṃ pañcannaṃ piṇḍapātikānaṃ aggo ca seṭṭho ca
mokkho ca uttamo ca pavaro ca, ime pañca piṇḍapātikā.
1. Appicchaṃ, yeva - syā. 2. Idamatthikaṃyeva - machasaṃ.
[BJT Page 396] [\x 396/]
5-14. Tattha katame pañca khalupacchābhattikā -pe- pañca ekāsanikā -pe- pañcapaṃsukūlikā
-pe- pañca tecīvarikā -pepañca āraññikā -pe- pañca rukkhamūlikā -pe- pañca abbhokāsikā
-pe- pañca nesajjikā -pe- pañca yathāsanthatikā -pe- pañca sosānikā.
Tattha katame pañca sosānikā: mandattā momūhattā sosāniko hoti, pāpiccho icchāpakato
sosāniko hoti, ummādā cittavikkhepo sosāniko hoti. Vaṇṇitaṃ buddhehi buddhasāvakehīti
sosāniko hoti, apica appicchataṃyeva nissāya santuṭṭhiṃyeva nissāya sallekhaṃyeva nissāya
idamaṭṭhitaṃyeva nissāya sosāniko hoti.
Tatra yvāyaṃ sosāniko appicchataṃyeva nissāya santuṭṭhiyeva [PTS Page 070] [\q 70/]
nissāya sallekhaṃyeva nissāya idamaṭṭhitaṃyeva nissāya sosāniko hoti, ayaṃ imesaṃ
pañcannaṃ sosānikānaṃ aggo ca seṭṭho ca mokkho ca uttamo ca pavaro ca. Seyyathāpi
nāma gāvā khīraṃ khīramhā dadhi dadhimhā nonītaṃ nonītamhā sappi, sappimhā
sappimaṇḍo, sappimaṇḍā tattha aggamakkhāyati, evameva yvāyaṃ sosāniko
appicchataṃyeva nissāya santuṭṭhiṃyeva nissāya sallekhaṃyeva nissāya idamaṭṭhitaṃyeva
nissāya sosāniko hoti, ayaṃ imesaṃ pañcannaṃ sosānikānaṃ aggo ca seṭṭho ca mokkho ca
uttamo ca pavaro ca. Ime pañca sosānikā.
Pañcaka niddeso niṭṭhito.
[BJT Page 398] [\x 398/]
6. Chakka niddeso
1. Tatra yvāyaṃ puggalo pubbe ananussutesu dhammesu sāmaṃ saccāni abhisambujjhati.
Tatra ca sabbaññutaṃ pāpuṇāti balesu ca vasībhāvaṃ. Sammāsambuddho tena daṭṭhabbo.
Tatra yvāyaṃ puggalo pubbe ananussutesu dhammesu sāmaṃ saccāni abhisambujjhati, na ca
tattha sabbaññutaṃ pāpuṇāti na ca balesu vasībhāvaṃ. Paccekasambuddho tena daṭṭhabbo.
Tatra yvāyaṃ puggalo pubbe ananussutesu dhammesu sāmaṃ saccāni anabhisambujjhati
diṭṭheva dhamme dukkhassantaṃ karoti1 sāvakapāramiñca pāpuṇāti, sāriputtamoggallānā
tena daṭṭhabbā.
Tatra yvāyaṃ puggalo pubbe ananussutesu dhammesu sāmaṃ saccāni anabhisambujjhati,
diṭṭheva dhamme dukkhassantaṃ karoti na ca sāvakapāramiṃ pāpuṇāti, avasesā arahantā
tena daṭṭhabbā.
Tatra yvāyaṃ puggalo pubbe ananussutesu dhammesu sāmaṃ saccāni anabhisambujjhati, na
ca diṭṭheva dhamme dukkhassantaṃ karoti anāgāmī hoti anāgantā itthattaṃ, [PTS Page 071]
[\q 71/] anāgāgamī tena daṭṭhabbo.
Tatra yvāyaṃ puggalo prabbe ananussutesu dhammesu sāmaṃ saccāni anabhisambujjhati, na
ca diṭṭheva dhamme dukkhassantakaro hoti, āgāmī hoti āgantā itthattaṃ,
sotāpannasakadāgāmino tesa daṭṭhabbā.
Chakka niddeso niṭṭhito.
1. Dukkhasayantakaro hoti - machasaṃ.
[BJT Page 400] [\x 400/]
7. Sattaka niddeso
1. Kathañca puggalo sakiṃ nimuggo nimuggova hoti: idhe'kacco puggalo samannāgato hoti
ekantakāḷakehi akusalehi dhammehi evaṃ puggalo sakiṃ nimuggo nimuggova hoti.
Kathañca puggalo ummujjitvā nimujjati: idhe'kacco puggalo ummujjati sāhu1 saddhā
kusalesu dhammesu sāhu hiri kusalesu dhammesu sāhu ottappaṃ kusalesu dhammesu sāhu
viriyaṃ kusalesu dhammesu sāhu paññā kusalesu dhammesūti, tassa sā saddhā neva tiṭṭhati
no vaḍḍhati, hāyatimeva, tassa sā hiri neva tiṭṭhati no vaḍḍhati hāyatimeva, tassa taṃ
ottappaṃ neva tiṭṭhati no vaḍḍhati hāyatimeva, tassa taṃ viriyaṃ2 neva tiṭṭhati no
vaḍḍhati hāyatimeva, tassa sā paññā neva tiṭṭhati no vaḍḍhati hāyatimeva, evaṃ puggalo
ummujjitvā nijjati.
Kathañca puggalo ummujjitvā ṭhito hoti: idhe'kacco puggalo ummujjati, sāhu saddhā
kusalesu dhammesu sāhu hiri kusalesu dhammesu sāhu ottappaṃ kusalesu dhammesu sāhu
viriyaṃ kusalesu dhammesu sāhu paññā kusalesu dhammesūti. Tassa sā saddhā neva hāyati
no vaḍḍhati ṭhitā hoti, tassa sā hiri neva hāyati no vaḍḍhati ṭhitā hoti, tassa taṃ ottappaṃ
neva hāyati no vaḍḍhati ṭhitaṃ hoti, tassa taṃ viriyaṃ neva hāyati no vaḍḍhati ṭhitaṃ hoti,
tassa sā paññā neva hāyati, no vaḍḍhati ṭhitā hoti evaṃ puggalo ummujjitvā ṭhito hoti.
Kathañca puggalo ummujjitvā vipassati viloketi: idhe'kacco puggalo ummujjati, sāhu saddhā
kusalesu dhammesu, sāhu hiri kusalesu dhammesu, sāhu ottappaṃ kusalesu dhammesu,
sāhu viriyaṃ kusalesu dhammesu. [PTS Page 072] [\q 72/] sāhu paññā kusalesu
dhammesūti. So tiṇṇā saṃyojanānaṃ parikkhayā sotāpanno hoti avinipātadhammo niyato
sambodhiparāyaṇo. Evaṃ puggalo ummujjitvā vipassati viloketi.
1. Sādhu - machasaṃ. 2. Viriyaṃ - machasaṃ.
[BJT Page 402] [\x 402/]
Kathañca puggalo ummujjitvā patarati: idhe'kacco puggalo ummujjati, sāhu saddhā kusalesu
dhammesu, sāhu hiri kusalesu dhammesu sāhu ottappaṃ kusalesu dhammesu, sāhu viriyaṃ
kusalesu dhammesu, sāhu paññā kusalesu dhaṣammesūti, so tiṇṇaṃ saññojanānaṃ
parikkhayā rāgadosamohānaṃ tanuttā sakadāgāmī hoti sakideva imaṃ lokaṃ āgantvā
dukkhassantaṃ karoti. Evaṃ puggalo ummujjitvā patarati.
Kathañca puggalo ummujjitvā patigādhappatto hoti: idhe'kacco puggalo ummujjati, sāhu
saddhā kusalesu dhammesu sāhu hiri kusalesu dhammesu, sāhu ottappaṃ kusalesu
dhammesu, sāhu viriyaṃ kusalesu dhammesu sāhu paññā kusalesu dhammesūti, so
pañcannaṃ orambhāgiyānaṃ saññojanānaṃ parikkhayā opapātiko hoti tattha parinibbāyi
anāvattidhammo tasmā lokā. Evaṃ puggalo ummujjitvā patigādhappatto hoti.
Kathañca puggalo ummujjitvā tiṇṇo hoti pāragato thale tiṭṭhati brāhmaṇo: idhekacco
puggalo ummujjati, sāhu saddhā kusalesu dhammesu, sāhu hiri kusalesu, dhammesu, sāhu
ottappaṃ kusalesu dhammesu, sāhu viriyaṃ kusalesu dhammesu, sāhu paññā kusalesu
dhammesūti, so āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme
sayaṃ abhiññā sacchikatvā upasampajja viharati. Evaṃ puggalo ummujjitvā tiṇṇo hoti
pāraṃgato thale tiṭṭhati brāhmaṇo.
2. Katamo ca puggalo ubhatobhāgavimutto: idhe'kacco puggalo aṭṭhavimokkhe kāyena
phusitvā viharati, paññāya cassa disvā āsavā parikkhīṇā honti, ayaṃ vuccati puggalo
ubhatobhāga vimutto.
Katamo ca puggalo paññāvimutto -pe- kāyasakkhī -pediṭṭhippatto -pesaddhāvimutto -pe-
dhammānusārī -pekatamo ca puggalo saddhānusārī. Yassa puggalassa
sotāpattiphalasacchikiriyāya paṭipannassa saddhindriyaṃ adhimattaṃ hoti, saddhāvāhī
saddhāpubbaṅgamaṃ ariyamaggaṃ bhāveti. Ayaṃ vuccati puggalo saddhānusārī.
Sotāpattiphalasacchikiriyāya paṭipanno puggalo saddhānusārī. Phale ṭhito saddhāvimutto.
Sattaka niddeso niṭṭhito.
[BJT Page 404] [\x 404/]
[PTS Page 073] [\q 73/]
8. Aṭṭhaka niddeso
1. Tattha katame cattāro maggasamaṅgino, cattāro phalasamaṅgino puggalā:
Sotāpanno, sotāpattiphalasacchikiriyāya paripanno sakadāgāmī,
sakadāgāmiphalasacchikiriyāya paṭipanno, anāgāmī, anāgāmiphalasacchikiriyāya paṭipanno,
arahā, arahattaphalasacchikiriyāya1 paṭipanno. Ime cattāro maggakasamaṅgino, cattāro
phalasamaṅgino puggalā.
Aṭṭhaka niddeso niṭṭhito.
1. Arahatatāya - syā.
[BJT Page 406] [\x 406/]
9. Navaka niddeso
1. Katamo ca puggalo sammāsambuddho: idhe'kacco puggalo pubbe ananussutesu
dhammesu sāmaṃ saccāni abhisambujjhati, tattha ca sabbaññutaṃ pāpuṇāti, balesu ca
vasībhāvaṃ. Ayaṃ vuccati puggalo sammāsambuddho.
Katamo ca puggalo paccekabuddho: idhekacco puggalo pubbe ananussutesu dhammesu
sāmaṃ saccāni abhisambujjhati, na ca tattha sabbaññutaṃ pāpuṇāti, na ca balesu
vasībhāvaṃ. Ayaṃ vuccati puggalo paccekabuddho.
Katamo ca puggalo ubhatobhāgavimutto: idhe'kacco puggalo aṭṭhavimokkhe kāyena
phusitvā viharati, paññāya cassa disvā āsavā parikkhīṇā honti. Ayaṃ vuccati puggalo
ubhatobhāgavimutto.
Katamo ca puggalo paññāvimutto: idhe'kacco puggalo naheva aṭṭha vimokkhe kāyena
phusitvā viharati, paññāya cassa disvā āsavā parikkhīṇā honti, ayaṃ vuccati puggalo paññā
vimutto.
Katamo ca puggalo kāyasakkhī: idhe'kacco puggalo aṭṭha vimokkhe kāyena phusitvā
viharati, paññāya cassa disvā ekacce āsavā parikkhīṇā honti, ayaṃ vuccati puggalo
kāyasakkhī.
[PTS Page 074] [\q 74/]
Katamo ca puggalo diṭṭhippatto: idhe'kacco puggalo idaṃ dukkhanti yathābhūtaṃ pajānāti,
ayaṃ dukkhasamudayoti yathābhūtaṃ pajānāti, ayaṃ dukkhanirodhoti yathābhūtaṃ pajānāti,
ayaṃ dukkhanirodhagāminī paṭipadāti yathābhūtaṃ pajānāti, tathāgatappaveditā cassa
dhammā paññāya vodiṭṭhā honti vocaritā, paññāya cassa disvā ekacce āsavā parikkhīṇā
honti, ayaṃ vuccati puggalo diṭṭhippatto.
[BJT Page 408] [\x 408/]
Katamo ca puggalo saddhāvimutto: idhe'kacco puggalo idaṃ dukkhanti yathābhūtaṃ pajānāti
-pe- ayaṃ dukkhanirodhagāminīpaṭipadāti yathābhūtaṃ pajānāti, tathāgatappaveditā cassa
dhammā paññāya vodiṭṭhā honti vocaritā, paññāya cassa disvā ekacce āsavā parikkhīṇā
honti no ca kho yathādiṭṭhippattassa, ayaṃ vuccati puggalo saddhāvimutto.
Katamo ca puggalo dhammānusārī: yassa puggalassa sotāpattiphalasacchikiriyāya
paṭipannassa paññindriyaṃ adhimattaṃ hoti, paññāvāhī paññāpubbaṅgamaṃ ariyamaggaṃ
bhāveti, ayaṃ vuccati puggalo dhammānusārī sotāpattiphalasacchikiriyāya paṭipanno
puggalo dhammānusārī phale ṭhito diṭṭhippatto.
Katamo ca puggalo saddhānusārī: yassa puggalassa sotāpattiphalasacchikiriyāya
paṭipannassa saddhindriyaṃ adhimattaṃ hoti, saddhāvāhī saddhāpubbaṅgamaṃ
ariyamaggaṃ bhāveti, ayaṃ vuccati puggalo saddhānusārī sotāpattiphalasacchikiriyāya
paṭipanno puggalo saddhānusārī phale ṭhito saddhāvimutto.
Navaka niddeso niṭṭhito.
[BJT Page 410] [\x 410/]
10. Dasaka niddeso
Katamesaṃ pañcannaṃ idha niṭṭhā: sattakkhattuparamassa kolaṅkolassa ekabījissa
sakadāgāmissa, yo ca diṭṭheva dhamme arahā imesaṃ pañcannaṃ idha niṭṭhā.
Katamesaṃ pañcannaṃ idha vihāya niṭṭhā: antarāparinibbāyissa upahaccaparinibbāyissa
asaṅkhāraparinibbāyissa sasaṅkhāraparinibbāyissa uddhaṃsotassa akaniṭṭhagāmino. Imesaṃ
pañcannaṃ idha vihāya niṭṭhāti.
Ettāvatā puggalānaṃ puggalapaññatti.
Dasaka niddeso niṭṭhito.
Puggalapaññattippakaraṇaṃ samattaṃ.