Niddesa I: Mahaniddesa
Based on the ed. by L. de la Vallée Poussin and E.J. Thomas: Mahāniddesa, Parts I and II.
London : Pali Text Society 1916/1917.
(Combined reprint 1978)
Input by the Dhammakaya Foundation, Thailand, 1989-1996
[GRETIL-Version vom 10.4.2015]
NOTICE
This file is (C) Copyright the Pali Text Society and the Dhammakaya Foundation, 2015.
This work is licensed under a Creative Commons Attribution-ShareAlike 4.0 International License.
These files are provided by courtesy of the Pali Text Society for
scholarly purposes only.
In principle they represent a digital edition (without revision or
correction) of the printed editions of the complete set of Pali
canonical texts published by the PTS. While they have been subject to a
process of checking, it should not be assumed that there is no
divergence from the printed editions and it is strongly recommended that
they are checked against the printed editions before quoting.
PLAIN TEXT VERSION
(In order to fascilitate word search, all annotations have been removed,
and the line breaks of the printed edition have been converted into floating text.)
STRUCTURE OF REFERENCES (added):
Sn_n,nn.nn(=nnn) = Suttanipata_Vagga[IV only],Suttanta.Verse(=cumulative verse numbering[766-975])
Nidd_I.nn:nn = Niddesa I[=Mahāniddesa].Niddesa[section].Verse
NOTE:
The verse numbering jumps from "Nidd I.6:9" to "Nidd I.6:11".
THIS GRETIL TEXT FILE IS FOR REFERENCE PURPOSES ONLY!
COPYRIGHT AND TERMS OF USAGE AS FOR SOURCE FILE.
Text converted to Unicode (UTF-8).
(This file is to be used with a UTF-8 font and your browser's VIEW configuration
set to UTF-8.)
| description: | multibyte sequence: |
| long a | ā |
| long A | Ā |
| long i | ī |
| long I | Ī |
| long u | ū |
| long U | Ū |
| vocalic r | ṛ |
| vocalic R | Ṛ |
| long vocalic r | ṝ |
| vocalic l | ḷ |
| vocalic L | Ḷ |
| long vocalic l | ḹ |
| velar n | ṅ |
| velar N | Ṅ |
| palatal n | ñ |
| palatal N | Ñ |
| retroflex t | ṭ |
| retroflex T | Ṭ |
| retroflex d | ḍ |
| retroflex D | Ḍ |
| retroflex n | ṇ |
| retroflex N | Ṇ |
| palatal s | ś |
| palatal S | Ś |
| retroflex s | ṣ |
| retroflex S | Ṣ |
| anusvara | ṃ |
| visarga | ḥ |
| long e | ē |
| long o | ō |
| l underbar | ḻ |
| r underbar | ṟ |
| n underbar | ṉ |
| k underbar | ḵ |
| t underbar | ṯ |
Unless indicated otherwise, accents have been dropped in order
to facilitate word search.
For a comprehensive list of GRETIL encodings and formats see:
http://gretil.sub.uni-goettingen.de/gretil/gretdiac.pdf
and
http://gretil.sub.uni-goettingen.de/gretil/gretdias.pdf
For further information see:
http://gretil.sub.uni-goettingen.de/gretil.htm
Niddesa, Mahā Vol. I & II
[page 001]
1
NAMO TASSA BHAGAVATO ARAHATO SAMMĀSAMBUDDHASSA.
Mahāniddeso.
Part I
AṬṬHAKAVAGGIKO.
Paṭhamo Kāmasuttaniddeso.
Sn_IV,1.1(=766): Kāmaṃ kāmayamānassa tassa ce taṃ samijjhati,
addhā pītimano hoti laddhā macco yad icchati. || Nidd_I.1:1 ||
Kāmaṃ kāmayamānassā ti. Kāmā ti uddānato dve kāmā, vatthukāmā ca kilesakāmā ca.
Katame vatthukāmā? Manāpikā rūpā, manāpikā saddā, manāpikā gandhā, manāpikā rasā, manāpikā phoṭṭhabbā; attharaṇā pāpuraṇā; dāsidāsā ajeḷakā kukkuṭasūkarā hatthigavāssavaḷavā khettaṃ vatthu hiraññaṃ suvaṇṇaṃ gāmanigamarājadhāniyo raṭṭhaṃ ca janapado ca koso ca koṭṭhāgārañ ca, yaṃ kiñci rajanīyaṃ vatthu, vatthukāmā.
Api ca atītā kāmā, anāgatā kāmā, paccuppannā kāmā; ajjhattā kāmā, bahiddhā kāmā, ajjhattabahiddhā kāmā; hīnā kāmā, majjhimā kāmā, paṇītā kāmā; āpāyikā kāmā, mānusikā kāmā, dibbā kāmā; paccupaṭṭhitā kāmā, nimmitā kāmā, paranimmitā kāmā; pariggahitā kāmā, apariggahitā kāmā;
[page 002]
2 Aṭṭhakavaggo. [S.N. 766
[... content straddling page break has been moved to the page above ...] mamāyitā kāmā, amamāyitā kāmā; sabbe pi kāmāvacarā dhammā, sabbe pi rūpāvacarā dhammā, sabbe pi arūpāvacarā dhammā; taṇhāvatthukā taṇhārammaṇā kāmanīyatthena rajanīyatthena madanīyatthena kāmā; ime vuccanti vatthukāmā.
Katame kilesakāmā? Chando kāmo, rāgo kāmo, chandarāgo kāmo, saṃkappo kāmo, rāgo kāmo, saṃkapparāgo kāmo; yo kāmesu kāmachando kāmarāgo kāmanandi kāmataṇhā kāmasneho kāmapariḷāho kāmamucchā kāmajjhosānaṃ kāmogho kāmayogo kāmupādānam kāmachandanīvaraṇaṃ --
*Addasam kāma te mūlaṃ, saṃkappā kāma jāyasi;
na taṃ saṃkappayissāmi, evaṃ kāma na hohisī ti; ime vuccanti kilesakāmā.
Kāmaṃ kāmayamānassā ti kāmaṃ kāmayamānassa icchamānassa sādiyamānassa patthayamānassa pihayamānassa abhijappamānassā ti, kāmaṃ kāmayamānassa.
Tassa ce taṃ samijjhatī ti. Tassa ce ti tassa khattiyassa vā brāhmaṇassa vā vessassa vā suddassa vā gahaṭṭhassa vā pabbajitassa vā devassa vā manussassa vā. Tan ti vatthukāmā vuccanti manāpikā rūpā, manāpikā saddā, manāpikā gandhā, manāpikā rasā, manāpikā phoṭṭhabbā. Samijjhatī ti ijjhati samijjhati labhati paṭilabhati adhigacchati vindatī ti, tassa ce taṃ samijjhati.
Addhā pītimano hotī ti. Addhā ti ekaṃsavacanaṃ nissaṃsayavacanaṃ nikkaṃkhavacanaṃ advejjhavacanaṃ adveḷhakavacanaṃ niyogavacanaṃ apaṇṇakavacanaṃ avatthāpanavacanam etaṃ,
[page 003]
S.N. 767] Kāmasuttaniddeso. 3
[... content straddling page break has been moved to the page above ...] addhā ti. Pītī ti yā pañcakāmaguṇapaṭisaṃyuttā pīti, pāmujjaṃ, āmodanā, pamodanā, hāso, pahāso, vitti, tuṭṭhi, odagyaṃ, attamanatā cittassa, abhipūraṇatā cittassa. Mano ti yaṃ cittaṃ mano mānasaṃ hadayaṃ paṇḍaraṃ mano manāyatanaṃ manindriyaṃ viññāṇaṃ viññāṇakkhandho, tajjā manoviññāṇadhātu; ayaṃ vuccati mano. Ayaṃ mano imāya pītiyā sahagato hoti, sahajāto saṃsaṭṭho sampayutto ekuppādo ekanirodho ekavatthuko ekārammaṇo. Pītimano hotī ti pītimano hotī tuṭṭhamano haṭṭhamano pahaṭṭhamano attamano udaggamano muditamano pamoditamano hotī ti, addhā pītimano hoti.
Laddhā macco yad icchatī ti. Laddhā ti laddhā labhitvā paṭilabhitvā adhigantvā vinditvā. Macco ti satto naro māṇavo poso puggalo jīvo jagū jantu indagū manujo.
Yad icchatī ti yaṃ icchati yaṃ sādiyati yaṃ pattheti yaṃ piheti yaṃ abhijappati rūpaṃ vā saddaṃ vā gandhaṃ vā rasaṃ vā phoṭṭhabbaṃ vā ti, laddhā macco yad icchati.
Ten'; āha Bhagavā:
Kāmaṃ kāmayamānassa tassa ce taṃ samijjhati,
addhā pītimano hoti laddhā macco yad icchatī ti.
_________________________________
Sn_IV,1.2(=767): Tassa ce kāmayānassa chandajātassa jantuno
te kāmā parihāyanti, sallaviddho va ruppati. || Nidd_I.1:2 ||
[page 004]
4 Aṭṭhakavaggo. [S.N. 767
Tassa ce kāmayānassā ti. Tassa ce ti tassa khattiyassa vā brāhmaṇassa vā vessassa vā suddassa vā gahaṭṭhassa vā pabbajitassa vā devassa vā manussassa vā. Kāmayānassā ti kāmayamānassa icchamānassa sādiyamānassa patthayamānassa pihayamānassa abhijappamānassa.
Athavā kāmataṇhāya yāyati niyyati vuyhati saṃhariyati. Yathā hatthiyānena vā assayānena vā goyānena vā ajayānena vā meṇḍakayānena vā oṭṭhayānena vā kharayānena vā yāyati niyyati vuyhati saṃhariyati, evam eva kāmataṇhāya yāyati niyyati vuyhati saṃhariyatī ti, tassa ce kāmayānassa.
Chandajātassa jantuno ti. Chando ti yo kāmesu kāmachando kāmarāgo kāmanandi kāmataṇhā kāmasneho kāmapariḷāho kāmamucchā kāmajjhosānaṃ kāmogho kāmayogo kāmupādānaṃ kāmachandanīvaraṇaṃ. Tassa so kāmachando jāto hoti, sañjāto nibbatto abhinibbatto pātubhūto. Jantuno ti sattassa narassa māṇavassa posassa puggalassa jīvassa jagussa jantussa indagussa manujassā ti, chandajātassa jantuno.
Te kāmā parihāyantī ti te vā kāmā parihāyanti, so vā kāmehi parihāyati.
Kathaṃ te kāmā parihāyanti? Tassa tiṭṭhantass'; eva, te bhoge rājāno vā haranti, corā vā haranti, aggi vā ḍahati, udakaṃ vā vahati, *appiyā vā dāyādā haranti, nihitaṭṭhānā vā vigacchati, duppayuttā vā kammantā bhañjanti, kule vā kulajjhāpako uppajjati yo te bhoge vikirati vidhameti vidhaṃseti,
[page 005]
S.N. 767] Kāmasuttaniddeso. 5
[... content straddling page break has been moved to the page above ...] aniccatā yeva aṭṭhamī; evaṃ te kāmā hāyanti parihāyanti paridhaṃsenti paripatanti antaradhāyanti vippalujjanti.
Kathaṃ so kāmehi parihāyati? Tiṭṭhant'; eva te bhogā, so cavati marati antaradhāyati vippalujjati; evaṃ so kāmehi hāyati parihāyati paridhaṃseti paripatati antaradhāyati vippalujjati.
*Corā haranti rājāno, aggi ḍahati, nassati,
atho antena jahati sarīraṃ sapariggahaṃ.
Etad aññāya medhāvī bhuñjetha ca dadetha ca,
datvā ca bhutvā ca yathānubhāvaṃ
anindito saggam upeti ṭhānan ti,
te kāmā parihāyanti.
Sallaviddho va ruppatī ti yathā ayomayena vā sallena viddho, aṭṭhimayena vā sallena, dantamayena vā sallena, visāṇamayena vā sallena, kaṭṭhamayena vā sallena viddho, ruppati kuppati ghaṭṭiyati pīḷiyati, byādhito domanassito hoti; evam eva vatthukāmānaṃ vipariṇāmaññathābhāvā uppajjanti sokaparidevadukkhadomanassupāyāsā, so kāmasallena ca sokasallena ca viddho ruppati kuppati ghaṭṭiyati pīḷiyati, byādhito domanassito hotī ti, sallaviddho va ruppati. Ten'; āha Bhagavā:
Tassa ce kamāyānassa chandajātassa jantuno
te kāmā parihāyanti, sallaviddho va ruppatī ti.
_________________________________
[page 006]
6 Aṭṭhakavaggo. [S.N. 768
Sn_IV,1.3(=768): Yo kāme parivajjeti sappass'; eva padā siro,
so 'maṃ visattikaṃ loke sato samativattati. || Nidd_I.1:3 ||
Yo kāme parivajjetī ti. Yo ti yo yādiso yathāyutto yathāvihito yathāpakāro yanthānapatto yaṃdhammasamannāgato khattiyo vā brāhmaṇo vā vesso vā suddo vā gahaṭṭho vā pabbajito vā devo vā manusso vā. Kāme parivajjetī ti kāmā ti uddānato dve kāmā, vatthukāmā ca kilesakāmā cā . . . pe . . . ime vuccanti vatthukāmā . . . pe . . . ime vuccanti kilesakāmā. Kāme parivajjetī ti dvīhi kāraṇehi kāme parivajjeti, vikkhambhanato vā samucchedato vā.
Kathaṃ vikkhambhanato kāme parivajjeti? Aṭṭhikaṃkalūpamā kāmā appassādatthenā ti passanto vikkhambhanato kāme parivajjeti. Maṃsapesūpamā kāmā bahusādhāraṇatthenā ti passanto vikkhambhanato kāme parivajjeti. Tiṇukkūpamā kāmā anudahanatthenā ti passanto vikkhambhanato kāme parivajjeti. Aṅgārakāsūpamā kāmā mahāpariḷāhatthenā ti passanto vikkhambhanato kāme parivajjeti. Supinakūpamā kāmā ittarapaccupaṭṭhānatthenā ti passanto vikkhambhanato kāme parivajjeti. Yācitakūpamā kāmā tāvakālikatthenā ti passanto vikkhambhanato kāme parivajjeti. Rukkhaphalūpamā kāmā sambhañjanaparibhañjanatthenā ti passanto, vikkhambhanato kāme parivajjeti. Asisūnūpamā kāmā adhikuṭṭanatthenā ti passanto vikkhambhanato kāme parivajjeti. Sattisūlūpamā kāmā vinivijjanatthenā ti passanto vikkhambhanato kāme parivajjeti. Sappasirūpamā kāmā sappaṭibhayatthenā ti passanto vikkhambhanato kāme parivajjeti.
[page 007]
S.N. 768] Kāmasuttaniddeso. 7
[... content straddling page break has been moved to the page above ...] Aggikhandhūpamā kāmā mahābhitāpanatthenā ti passanto vikkhambhanato kāme parivajjeti.
Buddhānussatiṃ bhāvento pi vikkhambhanato kāme parivajjeti, dhammānussatiṃ bhāvento pi . . . pe . . . saṅghānussatiṃ bhāvento pi, sīlānussatiṃ bhāvento pi, cāgānussatiṃ bhāvento pi, devatānussatiṃ bhāvento pi, ānāpāṇassatiṃ bhāvento pi, maraṇassatiṃ bhāvento pi, kāyagatāsatiṃ bhāvento pi vikkhambhanato kāme parivajjeti, upasamānussatiṃ bhāvento pi vikkhambhanato kāme parivajjeti, paṭhamaṃ jhānaṃ bhāvento pi vikkhambhanato kāme parivajjeti, dutiyaṃ jhānaṃ bhāvento pi, tatiyaṃ jhānaṃ bhāvento pi, catutthaṃ jhānaṃ bhāvento pi, ākāsānañcāyatanasamāpattiṃ bhāvento pi, viññānañcāyatanasamāpattiṃ bhāvento pi, ākiñcaññāyatanasamāpattiṃ bhāvento pi, nevasaññānāsaññāyatanasamāpattiṃ bhāvento pi vikkhambhanato kāme parivajjeti. Evaṃ vikkhambhanato kāme parivajjeti.
Kathaṃ samucchedato kāme parivajjeti? Sotāpattimaggaṃ bhāvento pi apāyagamanīve kāme samucchedato parivajjeti, sakadāgāmimaggaṃ bhāvento pi oḷārike kāme samucchedato parivajjeti, anāgāmimaggaṃ bhāvento pi aṇusahagate kāme samucchedato parivajjeti, arahattamaggaṃ bhāvento pi sabbena sabbaṃ sabbathā sabbaṃ asesaṃ nissesaṃ samucchedato kāme parivajjeti. Evaṃ samucchedato kāme parivajjetī ti, yo kāme parivajjeti.
Sappass'; eva padā siro ti. Sappo vuccati ahi. Ken'; atthena sappo? Saṃsappanto gacchatī ti sappo. Bhujanto gacchatī ti bhujago;
[page 008]
8 Aṭṭhakavaggo. [S.N. 768
[... content straddling page break has been moved to the page above ...] ureṇa gacchatī ti urago; pannasiro gacchatī ti pannago; sireṇa supatī ti siriṃsapo; vile sayatī ti vilāsayo; guhāyaṃ setī ti guhāsayo; dāṭhā tassa āvudho ti dāṭhāvudho; visaṃ tassa ghoran ti ghoraviso; jivhā tassa duvidhā ti dujivho; dvīhi jivhāhi rasaṃ sāyatī ti dvirasaññū. Yathā puriso jīvitukāmo amaritukāmo sukhakāmo dukkhapaṭikkūlo pādena sappasiraṃ vajjeyya vivajjeyya parivajjeyya abhinivajjeyya, evam eva sukhakāmo dukkhapaṭikkūlo kāme vajjeyya vivajjeyya parivajjeyya abhinivajjeyyā ti, sappass'; eva padā siro.
So 'maṃ visattikaṃ loke sato samatirattatī ti. So ti yo kāme parivajjeti. Visattikā vuccati taṇhā, yo rāgo sārāgo anunayo anurodho nandi nandirāgo, cittassa sārāgo, icchā mucchā ajjhosānaṃ gedho paligedho saṅgo paṅko ejā māyā janikā sañjananī sibbinī jālinī saritā visattikā suttaṃ visaṭā āyūhanī dutiyā paṇidhi bhavanetti vanaṃ vanatho santhavo sneho apekkhā paṭibandhā āsā āsiṃsanā āsiṃsitattaṃ, rūpāsā saddāsā gandhāsā rasāsā phoṭṭhabbāsā lābhāsā dhanāsā puttāsā jīvitāsā, jappā pajappā abhijappā jappanā pajappanā jappitattaṃ, loluppā loluppāyanā loluppāyitattaṃ, mucchañcikatā, sādhukamyatā, adhammarāgo visamalobho, nikanti nikāmanā patthanā pihanā sampatthanā, kāmataṇhā bhavataṇhā vibhavatanhā rūpataṇhā arūpataṇhā nirodhataṇhā rūpataṇhā,
[page 009]
S.N. 768] Kāmasuttaniddeso. 9
[... content straddling page break has been moved to the page above ...] saddataṇhā gandhataṇhā rasataṇhā phoṭṭhabbataṇhā dhammataṇhā; ogho yogo gantho upādānaṃ āvaranaṃ nīvaraṇaṃ chadanaṃ bandhanaṃ upakkileso anusayo pariyuṭṭhānaṃ latā, vevicchaṃ dukkhamūlaṃ dukkhanidānaṃ dukkhappabhavo, mārapāso mārabaḷisaṃ māravisayo, taṇhānadi tanhājālaṃ taṇhāgaddulaṃ taṇhāsamuddo, abhijjhā, lobho akusalamūlaṃ.
Visattikā ti. Ken'; atthena visattikā? Visaṭā ti visattikā, visālā ti visattikā, visaṭā ti visattikā, visakkatī ti visattikā, visaṃharatī ti visattikā, visaṃvādikā ti visattikā, visamūlā ti visattikā, visaphalā ti visattikā, visaparibhogā ti visattikā; visālā vā pana sā rūpe taṇhā, sadde gandhe rase phoṭṭhabbe kule gaṇe āvāse lābhe yase pasaṃsāya sukhe cīvare piṇḍapāte senāsane gilānapaccayabhesajjaparikkhāre kāmadhātuyā rūpadhātuyā arūpadhātuyā kāmabhave rūpabhave arūpabhave saññābhave asaññābhave nevasaññānāsaññābhave ekavokārabhave catuvokārabhave pañcavokārabhave atīte anāgate paccuppanne diṭṭhasutamutaviññātabbesu dhammesu visaṭā vitthatā ti, visattikā.
Loke ti apāyaloke manussaloke devaloke khandhaloke dhātuloke āyatanaloke.
Sato ti catūhi kāraṇehi sato, kāye kāyānupassanāsatipaṭṭhānaṃ bhāvento sato, vedanāsu citte dhammesu dhammānupassanāsatipaṭṭhānaṃ bhāvento sato. Aparehi pi catūhi kāraṇehi sato, asatiparivajjanāya sato, satikaraṇīyānañ ca dhammānaṃ katattā sato, satipaṭipakkhānaṃ dhammānaṃ hatattā sato, satinimittānaṃ dhammānaṃ appamuṭṭhattā sato.
[page 010]
10 Aṭṭhakavaggo. [S.N. 768
[... content straddling page break has been moved to the page above ...] Aparehi pi catūhi kāraṇehi sato, satiyā samannāgatattā sato, satiyā vasitattā sato, satiyā pāguññatāya sato, satiyā apaccorohaṇatāya sato. Aparehi pi catūhi kāraṇehi sato, satattā sato, santattā sato, samitattā sato, santadhammasamannāgatattā sato. Būddhānussatiyā sato, dhammānussatiyā sato, saṃghānussatiyā sato, sīlānussatiyā sato, cāgānussatiyā sato, devatānussatiyā sato, ānāpāṇasatiyā sato, maraṇasatiyā sato, kāyagatāsatiyā sato, upasamānussatiyā sato. Yā sati anussati patissati sati saraṇatā dhāraṇatā apilāpanatā asammussanatā sati satindriyaṃ satibalaṃ sammāsati satisambojjhaṅgo ekāyanamaggo, ayaṃ vuccati sati. Imāya satiyā upeto hoti, samupeto upāgato samupāgato upapanno samupapanno samannāgato, so vuccati sato.
So 'maṃ visattikaṃ loke sato samativattatī ti yā loke visattikā, imaṃ loke visattikaṃ sato tarati uttarati patarati samatikkamati vītivattatī ti, so 'maṃ visattikaṃ loke sato samativattatī ti. Ten'; āha Bhagavā:
Yo kāme parivajjeti sappass'; eva padā siro,
So 'maṃ visattikaṃ loke sato samativattatī ti.
_________________________________
Sn_IV,1.4(=769): Khettaṃ vatthuṃ hiraññaṃ vā gavāssaṃ dāsaporisaṃ
thiyo bandhū puthū kāme yo naro anugijjhati. || Nidd_I.1:4 ||
[page 011]
S.N. 769] Kāmasuttaniddeso. 11
Khettaṃ vatthuṃ hiraññaṃ vā ti. Khettan ti sālikhettaṃ vīhikhettaṃ muggakhettaṃ māsakhettaṃ yavakhettaṃ godhūmakhettaṃ tilakhettaṃ. Vatthun ti gharavatthu koṭṭhavatthu purevatthu pacchāvatthu ārāmavatthu vihāravatthu. Hiraññan ti hiraññaṃ vuccati kahāpaṇo ti, khettaṃ vatthuṃ hiraññaṃ vā.
Gavāssaṃ dāsaporisan ti. Gavan ti gāvo vuccanti.
Assā ti pasukādayo vuccanti. Dāsā ti cattāro dāsā, antojātako dāso, dhanakkitako dāso, sāmaṃ vā dāsavisayaṃ upeti, akāmako vā dāsavisayaṃ upeti.
*Āmāya dāsā pi bhavanti h'; eke,
dhanena kītā pi bhavanti dāsā,
sāmañ ca eke upayanti dāsaṃ,
bhayā panuṇṇā pi bhavanti dāsā.
Porisan ti tayo purisā, bhaṭakā kammakarā upajīvino ti, gavāssaṃ dāsaporisaṃ.
Thiyo bandhū puthū kāme ti. Thiyo ti itthipariggaho vuccati. Bandhū ti cattāro bandhū, ñātibandhavā pi bandhu, gottabandhavā pi bandhu. mantabandhavā pi bandhu, sippabandhavā pi banhdu, Puthū kāme ti bahū kāme, ete puthū kāmā manāpikā rūpā . . . pe . . . manāpikā phoṭṭhabbā ti, thiyo bandhū puthū kāme.
Yo naro anugijjhatī ti. Yo ti yo yādiso yathāyutto yathāvihito yathāpakāro yanthānapatto yaṃdhammasamannāgato khattiyo vā brāhmaṇo vā vesso vā suddo vā gahaṭṭho vā pabbajito vā devo vā manusso vā.
[page 012]
12 Aṭṭhakavaggo. [S.N. 770
[... content straddling page break has been moved to the page above ...] Naro ti satto naro māṇavo poso puggalo jīvo jagū jantu indagū manujo. Anugijjhatī ti kilesakāmena vatthukāmesu gijjhati anugijjhati paligijjhati palibajjhatī ti, yo naro anugijjhati. Ten'; āha Bhagavā:
Khettaṃ vatthuṃ hiraññaṃ vā gavāssaṃ dāsaporisaṃ
thiyo bandhū puthū kāme yo naro anugijjhati.
_________________________________
Sn_IV,1.5(=770): Abalā naṃ balīyanti, maddante naṃ parissayā,
tato naṃ dukkham anveti, nāvaṃ bhinnam ivodakaṃ. || Nidd_I.1:5 ||
Abalā naṃ balīyantī ti. Abalā ti abalā kilesā dubbalā appabalā appathāmakā hīnā nihīnā parihīnā omakā lāmakā jatukkā parittā. Te kilesā taṃ puggalaṃ sahanti parisahanti abhibhavanti ajjhottharanti pariyādiyanti maddantī ti, evam pi abalā naṃ balīyanti.
Athavā abalaṃ puggalaṃ dubbalaṃ appabalaṃ appathāmakaṃ hīnaṃ nihīnaṃ parihīnaṃ omakaṃ lāmakaṃ jatukkaṃ parittaṃ, yassa n'; atthi saddhābalaṃ viriyabalaṃ satibalaṃ samādhibalaṃ paññābalaṃ hiribalaṃ ottappabalaṃ, te kilesā taṃ puggalaṃ sahanti parisahanti abhibhavanti ajjhottharanti pariyādiyanti maddantī ti, evam pi abalā naṃ balīyanti.
Maddante naṃ parissayā ti. Parissayā ti dve parissayā, pākaṭaparissayā ca paṭicchannaparissayā ca.
Katame pākaṭaparissayā? Sīhā byagghā dīpi-acchataracchā kokā gomahisā hatthī ahi-vicchikā satapadī corā vā assu,
[page 013]
S.N. 770] Kāmasuttaniddeso. 13
[... content straddling page break has been moved to the page above ...] māṇavā vā katakammā vā akatakammā vā, cakkhurogo sotarogo ghānarogo jivhārogo kāyarogo sīsarogo kaṇṇarogo mukharogo dantarogo kāso sāso pināso ḍāho jaro kucchirogo mucchā pakkhandikā sūlā visūcikā kuṭṭhaṃ gaṇḍo kilāso soso apamāro daddu kaṇḍu kacchu rakhasā vitacchikā lohitapittaṃ madhumeho aṃsā piḷakā bhagandalā, pittasamuṭṭhānā ābādhā, semhasamuṭṭhānā ābādhā, vātasamuṭṭhānā ābādhā, sannipātikā ābādhā, utupariṇāmajā ābādhā, visamaparihārajā ābādhā, opakkamikā ābādhā, kammavipākajā ābādhā, sītaṃ uṇhaṃ jighacchā pipāsā uccāro passāvo ḍaṃsamakasavātātapasiriṃsapasamphassā iti vā, ime vuccanti pākaṭaparissayā.
Katame paṭicchannaparissayā? Kāyaduccaritaṃ vacīduccaritaṃ manoduccaritaṃ, kāmachandanīvaraṇaṃ byāpādanīvaraṇaṃ thīnamiddhanīvaraṇaṃ uddhaccakukkuccanīvaraṇaṃ vicikicchānīvaraṇaṃ, rāgo doso moho kodho upanāho makkho paḷāso issā macchariyaṃ māyā sāṭheyyaṃ thambho sārambho māno atimāno mado pamādo, sabbe kilesā, sabbe duccaritā, sabbe darathā, sabbe pariḷāhā, sabbe santāpā, sabbākusalābhisaṃkhārā; ime vuccanti paṭicchannaparissayā.
Parissayā ti ken'; atthena parissayā? Parisahantī ti parissayā, parihānāya saṃvattantī ti parissayā, tatr'; āsayā ti, parissayā.
Kathaṃ parisahantī ti parissayā? Te parissayā taṃ puggaḷaṃ sahanti parisahanti abhibhavanti ajjhottharanti pariyādiyanti maddanti; evaṃ parisahantī ti, parissayā.
Kathaṃ parihānāya saṃvattantī ti parissayā? Te parissayā kusalānaṃ dhammānaṃ parihānāya antarāyāya saṃvattanti. Katamesaṃ kusalānaṃ dhammānaṃ?
Sammāpaṭipadāya anulomapaṭipadāya apaccanīkapaṭipadāya anvatthapaṭipadāya dhammānudhammapaṭipadāya,
[page 014]
14 Aṭṭhakavaggo.
[... content straddling page break has been moved to the page above ...] sīlesu paripūrikāritāya, indriyesu guttadvāratāya, bhojane mattaññutāya, jāgariyānuyogassa, satisampajaññassa, catunnaṃ satipaṭṭhānānaṃ bhāvanānuyogassa, catunnaṃ sammappadhānānaṃ bhāvanānuyogassa, catunnaṃ iddhippādānaṃ bhāvanānuyogassa, pañcannaṃ indriyānaṃ bhāvanānuyogassa, pañcannaṃ balānaṃ bhāvanānuyogassa, sattannaṃ bojjhaṅgānaṃ bhāvanānuyogassa, ariyassa aṭṭhaṅgikassa maggassa bhāvanānuyogassa. Imesaṃ kusalānaṃ dhammānaṃ parihānāya antarāyāya saṃvattanti; evaṃ parihānāya samvattantī ti, parissayā.
Kathaṃ tatr'; āsayā ti parissayā? Tatth'; ete pāpakā akusalā dhammā uppajjanti attabhāvasannissayā; yathā bile bilāsayā pāṇā sayanti, dake dakāsayā pāṇā sayanti, vane vanāsayā pāṇā sayanti, rukkhe rukkhāsayā pāṇā sayanti, evam eva tatth'; ete pāpakā akusalā dhammā uppajjanti attabhāvasannissayā, evam pi tatr'; āsayā ti, parissayā.
Vuttaṃ h'; etaṃ Bhagavatā: *Sāntevāsiko bhikkhave bhikkhu sācariyako dukkhaṃ na phāsu viharati. Kathañ ca bhikkhave bhikkhu sāntevāsiko sācariyako dukkhaṃ na phāsu viharati? Idha bhikkhave bhikkhuno cakkhunā rūpaṃ disvā uppajjanti pāpakā akusalā dhammā sarasaṃkappā saṃyojanīyā, ty assa anto vasanti anvāvasanti pāpakā akusalā dhammā ti, tasmā sāntevasiko ti vuccati; te naṃ samudācaranti samudācaranti naṃ pāpakā akusalā dhammā ti, tasmā sācariyako ti vuccati. Puna c'; aparaṃ bhikkhave bhikkhuno sotena saddaṃ sutvā,
[page 015]
S.N. 770] Kāmasuttaniddeso. 15
[... content straddling page break has been moved to the page above ...] ghānena gandhaṃ ghāyitvā, jivhāya rasaṃ sāyitvā, kāyena phoṭṭhabbaṃ phusitvā, manasā dhammaṃ viññāya uppajjanti pāpakā akusalā dhammā sarasaṃkappā saṃyojanīyā, ty assa anto vasanti anvāvasanti pāpakā akusalā dhammā ti, tasmā sāntevāsiko ti vuccati; te naṃ samudācaranti samudācaranti naṃ pāpakā akusalā dhammā ti, tasmā sācariyako ti vuccati. Evaṃ kho bhikkhave bhikkhu sāntevāsiko sācariyako dukkhaṃ na phāsu viharatī ti, evam pi tatr'; āsayā ti, parissayā.
Vuttaṃ h'; etaṃ Bhagavatā: *Tayo me bhikkhave antarāmalā antarā-amittā antarāsapattā antarāvadhakā antarāpaccatthikā. Katame tayo? Lobho bhikkhave antarāmalaṃ antarā-amitto antarāsapatto antarāvadhako antarāpaccatthiko. Doso bhikkhave antarāmalaṃ antarā-amitto antarāsapatto antarāvadhako antarāpaccatthiko. Moho bhikkhave antarāmalaṃ antarā-amitto antarāsapatto antarāvadhako antarāpaccatthiko. Ime kho bhikkhave tayo antarāmalā antarā-amittā antarāsapattā antarāvadhakā antarāpaccatthikā ti.
Anatthajanano lobho, lobho cittappakopano,
bhayaṃ antarato jātaṃ taṃ jano nāvabujjhati.
Luddho atthaṃ na jānāti, luddho dhammaṃ na passati;
andhaṃ tamaṃ tadā hoti, yaṃ lobho sahate naraṃ.
Anatthajanano doso, doso cittappakopano,
bhayaṃ antarato jātaṃ taṃ jano nāvabujjhati.
Kuddho atthaṃ na jānāti, kuddho dhammaṃ na passati;
andhaṃ tamaṃ tadā hoti, yaṃ kodho sahate naraṃ.
[page 016]
16 Aṭṭhakavaggo. [S.N. 770
Anatthajanano moho, moho cittappakopano,
bhayaṃ antarato jātaṃ taṃ jano nāvabujjhati.
Mūḷho atthaṃ na jānāti, mūḷho dhammaṃ na passati;
andhaṃ tamaṃ tadā hoti, yam moho sahate naraṃ,
evam pi tatr'; āsayā ti parissayā ti.
Vuttaṃ h'; etaṃ Bhagavatā: *Tayo kho mahārāja purisassa dhammā ajjhattam uppajjamānā uppajjanti ahitāya dukkhāya aphāsuvihārāya. Katame tayo? Lobho kho mahārāja purisassa dhammo ajjhattaṃ uppajjamāno uppajjati ahitāya dukkhāya aphāsuvihārāya. Doso kho mahārāja purisassa dhammo ajjhattaṃ uppajjamāno uppajjati ahitāya dukkhāya aphāsuvihārāya. Moho kho mahārāja purisassa dhammo ajjhattaṃ uppajjamāno uppajjati ahitāya dukkhāya aphāsuvihārāya. Ime kho mahārāja tayo purisassa dhammā ajjhattaṃ uppajjamānā uppajjanti ahitāya dukkhāya aphāsuvihārāyā ti.
Lobho doso ca moho ca purisaṃ pāpacetasaṃ
hiṃsanti attasambhūtā tacasāraṃ va samphalan ti, evam pi tatr'; āsayā ti parissayā.
Vuttaṃ pi c'; etaṃ Bhagavatā:
*Rāgo ca doso ca itonidānā
arati rati lomahaṃso ito jāto
ito samuṭṭhāya manovitakkā
kumārakā dhaṃkam iv'; ossajjantī ti,
evam pi tatr'; āsayā ti, parissayā.
Maddante naṃ parissayā ti te parissayā taṃ puggalaṃ sahanti parisahanti abhibhavanti ajjhottharanti pariyādiyanti maddantī ti, maddante naṃ parissayā.
[page 017]
S.N. 770] Kāmasuttaniddeso. 17
Tato naṃ dukkham anvetī ti. Tato ti tato tato parissayato taṃ puggalaṃ dukkhaṃ anveti anugacchati anvāyikaṃ hoti; jātidukkhaṃ anveti anugacchati anvāyikaṃ hoti, jarādukkhaṃ anveti anugacchati anvāyikaṃ hoti, byādhidukkhaṃ anveti anugacchati anvāyikaṃ hoti, maraṇadukkhaṃ anveti anugacchati anvāyikaṃ hoti, sokaparidevadukkhadomanassupāyāsadukkhaṃ anveti anugacchati anvāyikaṃ hoti, nerayikaṃ dukkhaṃ, tiracchānayonikaṃ dukkhaṃ, petavisayikaṃ dukkhaṃ anveti anugacchati anvāyikam hoti, mānusakaṃ dukkhaṃ, gabbhe okkantimūlakaṃ dukkhaṃ, gabbhe ṭhitimūlakaṃ dukkhaṃ, gabbhā vuṭṭhānamūlakaṃ dukkhaṃ, jātass'; upanibandhikaṃ dukkhaṃ, jātassa parādheyyakaṃ dukkhaṃ, attupakkamadukkhaṃ, parupakkamadukkhaṃ anveti anugacchati anvāyikaṃ hoti; dukkhadukkhaṃ anveti anugacchati anvāyikaṃ hoti, saṃkhāradukkham vipariṇāmadukkhaṃ, cakkhurogo sotarogo ghānarogo jivhārogo kāyarogo sīsarogo kaṇṇarogo mukharogo dantarogo kāso sāso pināso ḍāho jaro kucchirogo mucchā pakkhandikā sūlā visūcikā kuṭṭhaṃ gaṇḍo kilāso soso apamāro daddu kaṇḍu kacchu rakhasā vitacchikā lohitapittaṃ madhumeho aṃsā piḷakā bhagandalā, pittasamuṭṭhānā ābādhā, semhasamuṭṭhānā ābādhā, vātasamuṭṭhānā ābādhā, sannipātikā ābādhā, utupariṇāmajā ābādhā, visamaparihārajā ābādhā, opakkamikā ābādhā, kammavipākajā ābādhā, sitaṃ uṇhaṃ jighacchā pipāsā uccāro passāvo ḍaṃsamakasavātātapasiriṃsapasamphassadukkhaṃ, mātumaraṇadukkhaṃ pitumaraṇadukkhaṃ bhātumaraṇadukkhaṃ bhaginīmaraṇadukkhaṃ puttamaraṇadukkhaṃ dhītumaraṇadukkhaṃ ñātibyasanadukkhaṃ bhogabyasanadukkhaṃ rogabyasanadukkhaṃ sīlabyasanadukkhaṃ diṭṭhibyasanadukkhaṃ anveti anugacchati anvāyikaṃ hotī ti,
[page 018]
18 Aṭṭhakavaggo. [S.N. 770
[... content straddling page break has been moved to the page above ...] tato naṃ dukkhaṃ anveti.
Nāvaṃ bhinnaṃ ivodakan ti yathā bhinnaṃ nāvaṃ tato tato udakaṃ anveti anugacchati anvāyikaṃ hoti, purato pi udakaṃ anveti anugacchati anvāyikaṃ hoti, pacchato pi, heṭṭhato pi, passato pi udakaṃ anveti anugacchati anvāyikaṃ hoti; evam eva tato tato parissayato taṃ puggalaṃ dukkhaṃ anveti anugacchati anvāyikaṃ hoti, jātidukkhaṃ anveti anugacchati anvāyikaṃ hoti . . . pe . . . diṭṭhibyasanadukkhaṃ anveti anugacchati anvāyikaṃ hotī ti, nāvaṃ bhinnam ivodakaṃ. Ten'; āha Bhagavā:
Abalā naṃ balīyanti, maddante naṃ parissayā,
tato naṃ dukkham anveti, nāvaṃ bhinnam ivodakan ti.
_________________________________
Sn_IV,1.6(=771): Tasmā jantu sadā sato kāmāni parivajjaye,
te pahāya tare oghaṃ, nāvaṃ sitvā va pāragū. || Nidd_I.1:6 ||
Tasmā jantu sadā sato ti. Tasmā ti tasmā taṃkāraṇā taṃhetu tappaccayā taṃnidānā etaṃ ādīnavaṃ sampassamāno kāmesū ti, tasmā. Jantū ti satto naro māṇavo poso puggalo jīvo jagū jantu indagū manujo. Sadā ti sadā sabbadā sabbakālaṃ niccakālaṃ dhuvakālaṃ satataṃ samitaṃ abbocchiṇṇaṃ poṅkhānupoṅkhaṃ, udakummikājātaṃ avīci-santatisahitaṃ phusitaṃ purebhattaṃ pacchābhattaṃ purimayāmaṃ majjhimayāmaṃ pacchimayāmaṃ kāḷe juṇhe vasse hemante gimhe,
[page 019]
S.N. 771] Kāmasuttaniddeso. 19
[... content straddling page break has been moved to the page above ...] purime vayokhandhe, majjhime vayokhandhe, pacchime vayokhandhe.
Sato ti catūhi kāraṇehi sato, kāye kāyānupassanāsatipaṭṭhānaṃ bhāvento sato, vedanāsu citte dhammesu dhammānupassanāsatipaṭṭhānaṃ bhāvento sato; aparehi pi catūhi kāraṇehi sato . . . pe . . . so vuccati sato ti, tasmā jantu sadā sato.
Kāmāni parivajjaye ti. Kāmānī ti uddānato dve kāmā, vātthukāmā ca kilesakāmā ca . . . pe . . . ime vuccanti vatthukāmā . . . pe . . . ime vuccanti kilesakāmā.
Kāmāni parivajjaye ti dvīhi kāraṇehi kāme parivajjeyya, vikkhambhanato vā samucchedato vā.
Kathaṃ vikkhambhanato kāme parivajjeyya? Aṭṭhikaṃkalūpamā kāmā appassādatthenā ti passanto vikkhambhanato kāme parivajjeyya; maṃsapesūpamā kāmā bahusādhāraṇatthenā ti passanto vikkhambhanato kāme parivajjeyya; tiṇukkūpamā kāmā anudahanatthenā ti passanto vikkhambhanato kāme parivajjeyya . . . pe . . . nevasaññānāsaññāyatanasamāpattiṃ bhāvento pi vikkhambhanato kāme parivajjeyya. Evaṃ vikkhambhanato kāme parivajjeyya . . . pe . . . evaṃ samucchedato kāme parivajjeyyā ti, kāmāni parivajjaye.
Te pahāya tare oghan ti. Te ti vatthukāme parijānitvā, kilesakāme pahāya pajahitvā vinoditvā byantikaritvā anabhāvaṃ gamitvā, kāmachandanīvaraṇaṃ pahāya pajahitvā vinoditvā byantikaritvā anabhāvaṃ gamitvā, byāpādanīvaraṇaṃ thīnamiddhanīvaraṇaṃ uddhaccakukkuccanīvaraṇaṃ vicikicchānīvaranaṃ pahāya pajahitvā vinoditvā byantikaritvā anabhāvaṃ gamitvā, kāmoghaṃ bhavoghaṃ diṭṭhoghaṃ avijjoghaṃ tareyya uttareyya patareyya samatikkameyya vītivatteyyā ti, te pahāya tare oghaṃ.
[page 020]
20 Aṭṭhakavaggo. [S.N. 771
Nāvaṃ sitvā va pāragū ti yathā garukaṃ nāvaṃ bhārikaṃ udakaṃ sitvā osiñcitvā chaḍḍetvā lahukāya nāvāya khippaṃ lahuṃ appakasiren'; eva pāraṃ gaccheyya; evam eva vatthukāme parijānitvā, kilesakāme pahāya pajahitvā vinoditvā byantikaritvā anabhāvaṃ gamitvā, kāmachandanīvaraṇaṃ byāpādanīvaraṇaṃ thīnamiddhanīvaraṇaṃ uddhaccakukkuccanīvaraṇaṃ vicikicchānīvaraṇaṃ pahāya pajahitvā vinoditvā byantikaritvā anabhāvaṃ gamitvā, khippaṃ lahuṃ appakasiren'; eva pāraṃ gaccheyya. Pāraṃ vuccati amataṃ nibbānaṃ; yo so sabbasaṃkhārasamatho sabbūpadhipaṭinissaggo taṇhakkhayo virāgo nirodho nibbānaṃ; pāraṃ gaccheyya, pāraṃ adhigaccheyya, pāraṃ phuseyya, pāraṃ sacchikareyya pāragū ti; yo pi pāraṃ gantukāmo so pi pāragū, yo pi pāraṃ gacchati so pi pāragū, yo pi pāraṃ gato so pi pāragū.
Vuttaṃ h'; etaṃ Bhagavatā: *Tiṇṇo pāragato thale tiṭṭhati brāhmaṇo ti. Brāhmaṇo ti kho bhikkhave arahato etaṃ adhivacanaṃ; so abhiññāpāragū pariññāpāragū pahānapāragū bhāvanāpāragū sacchikiriyāpāragū samāpattipāragū; abhiññāpāragū sabbadhammānaṃ, pariññāpāragū sabbadukkhānaṃ, pahānapāragū sabbakilesānaṃ, bhāvanāpāragū catunnaṃ ariyamaggānaṃ, sacchikiriyāpāragū nirodhassa, samāpattipāragū sabbasamāpattīnaṃ; so vasippatto pāramippatto ariyasmiṃ sīlasmiṃ, vasippatto pāramippatto ariyasmiṃ samādhismiṃ, vasippatto pāramippatto ariyāya paññāya, vasippatto pāramippatto ariyāya vimuttiyā; so pāragato pārappatto, antagato antappatto, koṭigato koṭippatto, pariyantagato pariyantappatto, vosānagato vosānappatto, tāṇagato tāṇappatto, leṇagato leṇappatto, saraṇagato saraṇappatto, abhayagato abhayappatto, accutagato accutappatto, amatagato amatappatto, nibbānagato nibbānappatto; so vuṭṭhavāso ciṇṇacaraṇo gataddho gatadiso gatakoṭiko pālitabrahmacariyo uttamadiṭṭhippatto bhāvitamaggo pahīnakileso paṭividdhākuppo sacchikatanirodhi;
[page 021]
S.N. 771] Kāmasuttaniddeso. 21
[... content straddling page break has been moved to the page above ...] dukkhaṃ tassa pariññātaṃ, samudayo pahīno, maggo bhāvito, nirodho sacchikato, abhiññeyyam abhiññātam, pariññeyyaṃ pariññātaṃ, pahātabbaṃ pahīnaṃ, bhāvetabbaṃ bhāvitaṃ, sacchikātabbaṃ sacchikataṃ; so ukkhittapaligho saṃkiṇṇaparikho abbūḷhesiko niraggaḷo ariyo pannaddhajo pannabhāro visaṃyutto pañcaṅgavippahīno chalaṅgasamannāgato ekārakkho caturāpasseno panuṇṇapaccekasacco samavayasaṭṭhesano anāvilasaṃkappo passaddhakāyasaṃkhāro suvimuttacitto suvimuttapañño kevalī vusitavā uttamapuriso paramapuriso paramapattippatto. So n'; eva ācināti, na apacināti, apacinitvā ṭhito; n'; eva pajahati, na upādiyati, pajahitvā ṭhito; n'; eva visineti, na ussineti, visinetvā ṭhito; n'; eva vidhupeti, na sandhupeti, vidhupetvā ṭhito; asekkhena sīlakkhandhena samannāgatattā ṭhito, asekkhena samādhikkhandhena, asekkhena paññakkhandhena, asekkhena vimuttikkhandhena, asekkhena vimuttiñāṇadassanakkhandhena samannāgatattā ṭhito; saccaṃ paṭipādayitvā ṭhito, ejaṃ samatikkamitvā ṭhito, kilesaggiṃ pariyādayitvā ṭhito, aparigamanatāya ṭhito, kataṃ samādāya ṭhito, muttipaṭisevanatāya ṭhito, mettāya pārisuddhiyā ṭhito, karuṇāya muditāya upekkhāya pārisuddhiyā ṭhito, accantapārisuddhiyā ṭhito, akammaññatāya pārisuddhiyā ṭhito, vimuttattā ṭhito, santussitattā ṭhito, khandhapariyante ṭhito, dhātupariyante ṭhito, āyatanapariyante ṭhito, gatipariyante ṭhito, upapattipariyante ṭhito, paṭisandhipariyante ṭhito, bhavapariyante ṭhito, saṃsārapariyante ṭhito,
[page 022]
22 Aṭṭhakavaggo. [S.N. 771
[... content straddling page break has been moved to the page above ...] vaṭṭapariyante ṭhito, antimabhave ṭhito, antimasamussaye ṭhito, antimadehadharo arahā.
*Tassāyaṃ pacchimako bhavo, carimo 'yaṃ samussayo,
jātimaraṇasaṃsāro n'; atthi tassa punabbhavo ti,
nāvaṃ sitvā va pāragū. Ten'; āha Bhagavā:
Tasmā jantu sadā sato kāmāni parivajjaye,
te pahāya tare oghaṃ, nāvaṃ sitvā va pāragū ti.
PAṬHAMO KĀMASUTTANIDDESO NIṬṬHITO.
[page 023]
23
II.
DUTIYO GUHAṬṬHAKASUTTANIDDESO.
Sn_IV,2.1(=772): Satto guhāyaṃ bahunābhichanno
tiṭṭham naro mohanasmiṃ pagālho,
dūre vivekā hi tathāvidho so,
kāmā hi loke na hi suppahāyā. || Nidd_I.2:1 ||
Satto guhāyaṃ bahunābhichanno ti. Satto ti hi kho vuttaṃ. Api ca guhā tāva vattabbā. Guhā vuccati kāyo:
kāyo ti vā guhā ti vā deho ti vā sandeho ti vā nāvā ti vā ratho ti vā dhajo ti vā vammiko ti vā niddan ti vā nagaran ti vā kuṭī ti vā gaṇḍo ti vā kummo ti vā nāgo ti vā kāyass'; etaṃ adhivacanaṃ. Satto guhāyan ti guhāyaṃ satto visatto āsatto laggo laggito palibuddho:
yathā bhittikhīle vā nāgadante vā bhaṇḍaṃ sattaṃ visattaṃ āsattaṃ laggaṃ laggitaṃ palibuddhaṃ; evaṃ eva guhāyaṃ satto visatto āsatto laggo laggito palibuddho.
Vuttaṃ h'; etaṃ Bhavagatā: *Rūpe kho Rādha yo chando, yo rāgo, yā nandi, yā taṇhā, ye upāyupādānā cetaso adhiṭṭhānābhinivesānusayā,
[page 024]
24 Aṭṭhakavaggo. [S.N. 772
[... content straddling page break has been moved to the page above ...] tatra satto, tatra visatto, tasmā satto ti vuccati.
Satto ti lagganādhivacanan ti, satto guhāyaṃ.
Bahunābhichanno ti bahukehi kilesehi channo, rāgena channo, dosena channo, mohena channo, kodhena channo, upanāhena channo, makkhena channo, paḷāsena channo, issāya channo, macchariyena channo, māyāya channo, sāṭheyyena channo, thambhena channo, sārambhena channo, mānena channo, atimānena channo, madena channo, pamādena channo, sabbakilesehi sabbaduccaritehi sabbadarathehi sabbapariḷāhehi sabbasantāpehi sabbākusalābhisaṃkhārehi channo ucchanno āvuṭo nivuṭo ovuṭo pihito paṭicchanno paṭikujjito ti, satto guhāyaṃ bahunābhichanno.
Tiṭṭhaṃ naro mohanasmiṃ pagāḷho ti. Tiṭṭhaṃ naro ti tiṭṭhanto naro ratto rāgavaseṇa tiṭṭhati, duṭṭho dosavasena tiṭṭhati, mūḷho mohavasena tiṭṭhati, vinibandho mānavasena tiṭṭhati, parāmaṭṭho diṭṭhivasena tiṭṭhati, vikkhepagato uddhaccavasena tiṭṭhati, aniṭṭhaṅgato vicikicchāvasena tiṭṭhati, thāmagato anusayavasena tiṭṭhatī ti, evam pi tiṭṭhaṃ naro.
Vuttaṃ h'; etaṃ Bhavagatā: *Santi bhikkhave cakkhuviññeyyā rūpā iṭṭhā kantā manāpā piyarūpā kāmūpasamhitā rajanīyā; tañ ce bhikkhu abhinandati abhivadati ajjhosāya tiṭṭhati. Santi bhikkhave sotaviññeyyā saddā, ghānaviññeyyā gandhā,
[page 025]
S.N. 772] Guhaṭṭhakasuttaniddeso. 25
[... content straddling page break has been moved to the page above ...] jivhāviññeyyā rasā, kāyaviññeyyā phoṭṭhabbā, manoviññeyyā dhammā iṭṭhā kantā manāpā piyarūpā kāmūpasaṃhitā rajanīyā; tañ ce bhikkhu abhinandati abhivadati ajjhosāya tiṭṭhatī ti, evam pi tiṭṭhaṃ naro.
Vuttaṃ h'; etaṃ Bhavagatā: *Rūpupayaṃ vā bhikkhave viññāṇaṃ tiṭṭhamānaṃ tiṭṭhati rūpārammaṇaṃ rūpappatiṭṭhaṃ nandūpasevanaṃ vuddhiṃ virūḷhiṃ vepullaṃ āpajjati. Vedanupayaṃ vā bhikkhave, saññupayaṃ vā bhikkhave, saṃkhārupayaṃ vā bhikkhave viññāṇaṃ tiṭṭhamānaṃ tiṭṭhati, saṃkhārārammaṇaṃ saṃkhārappatiṭṭhaṃ nandūpasevanaṃ vuddhiṃ virūhiṃ vepullaṃ āpajjatī ti, evam pi tiṭṭhaṃ naro.
Vuttaṃ pi h'; etaṃ Bhagavatā:** Kavaḷiṅkāre ce bhikkhave āhāre atthi rāgo, atthi nandi, atthi taṇhā, patiṭṭhitaṃ tattha viññāṇaṃ virūḷhaṃ; yattha patiṭṭhitaṃ viññāṇaṃ virūḷhaṃ, atthi tattha nāmarūpassāvakkanti; yattha atthi nāmarūpassāvakkanti, atthi tattha saṃkhārānaṃ vuddhi; yattha atthi saṃkhārānaṃ vuddhi atthi tattha āyatiṃ punabbhavābhinibbatti; yattha atthi āyatiṃ punabbhavābhinibbatti, atthi tattha āyatiṃ jātijarāmaraṇaṃ; yattha atthi āyatiṃ jātijarāmaraṇaṃ, sasokan taṃ bhikkhave sarajaṃ sa-upāyāsan ti vadāmi. Phasse ce bhikkhave āhāre, manosañcetanāya ce bhikkhave āhāre, viññāṇe ce bhikkhave āhāre atthi rāgo, atthi nandi, atthi taṇhā,
[page 026]
26 Aṭṭhakavaggo. [S.N. 772
[... content straddling page break has been moved to the page above ...] patiṭṭhitaṃ tattha viññāṇaṃ virūḷhaṃ; yattha patiṭṭhitaṃ viññāṇaṃ virūḷhaṃ, atthi tattha nāmarūpassāvakkanti; yattha atthi nāmarūpassāvakkanti, atthi tattha saṃkhārānaṃ vuddhi; yattha atthi saṃkhārānaṃ vuddhi, atthi tattha āyatiṃ punabbhavābhinibbatti; yattha atthi āyatiṃ punabbhavābhinibbatti, atthi tattha āyatiṃ jātijarāmaraṇaṃ; yattha atthi āyatiṃ jātijarāmaraṇaṃ, sasokan taṃ bhikkhave sarajaṃ sa-upāyāsan ti vadāmī ti, evam pi tiṭṭhaṃ naro.
Mohanasmiṃ pagāḷho ti. Mohanā vuccanti pañca kāmaguṇā, cakkhuviññeyyā rūpā iṭṭhā kantā manāpā piyarūpā kāmūpasaṃhitā rajanīyā, sotaviññeyyā saddā, ghānaviññeyyā gandhā, jivhāviññeyyā rasā, kāyaviññeyyā phoṭṭhabbā iṭṭhā kantā manāpā piyarūpā kāmūpasaṃhitā rajanīyā. Kiṃkāraṇā mohanā vuccanti pañca kāmaguṇā?
Yebhuyyena devamanussā pañcasu kāmaguṇesu muyhanti sammuyhanti sampamuyhanti, mūḷhā sammūḷhā sampamūḷhā, avijjāya andhikatā āvuṭā nivuṭā ovuṭā pihitā paṭicchannā paṭikujjitā; taṃkāraṇā mohanā vuccanti pañca kāmaguṇā. Mohanasmiṃ pagāḷho ti mohanasmiṃ pagāḷho ogāḷho ajjhogāḷho nimuggo ti, tiṭṭhaṃ naro mohanasmiṃ pagāḷho.
Dūre vivekā hi tathāvidho so ti. Vivekā ti tayo vivekā, kāyaviveko cittaviveko upadhiviveko.
Katamo kāyaviveko? Idha bhikkhu vivittaṃ senāsanaṃ bhajati araññaṃ rukkhamūlaṃ pabbataṃ kandaraṃ giriguhaṃ susānaṃ vanapatthaṃ abbhokāsaṃ palālapuñjaṃ, kāyena ca vivitto viharati; so eko gacchati, eko tiṭṭhati, eko nisīdati, eko seyyaṃ kappeti, eko gāmaṃ piṇḍāya pavisati, eko paṭikkamati, eko raho nisīdati, eko caṅkamaṃ adhiṭṭhāti, eko carati viharati iriyati vattati pāleti yapeti yāpeti. Ayaṃ kāyaviveko.
[page 027]
S.N. 772] Guhaṭṭhakasuttaniddeso. 27
Katamo cittaviveko? Paṭhamaṃ jhānaṃ samāpannassa nīvaraṇehi cittaṃ vivittaṃ hoti; dutiyaṃ jhānaṃ samāpannassa vitakkavicārehi cittaṃ vivittaṃ hoti; tatiyaṃ jhānaṃ samāpannassa pītiyā cittaṃ vivittaṃ hoti, catutthaṃ jhānaṃ samāpannassa sukhadukkhehi cittaṃ vivittaṃ hoti; ākāsānañcāyatanaṃ samāpannassa rūpasaññāya paṭighasaññāya nānattasaññāya cittaṃ vivittaṃ hoti; viññāṇañcāyatanaṃ samāpannassa ākāsānañcāyatanasaññāya cittaṃ vivittaṃ hoti; ākiñcaññāyatanaṃ samāpannassa viññāṇañcāyatanasaññāya cittaṃ vivittaṃ hoti; nevasaññānāsaññāyatanaṃ samāpannassa ākiñcaññāyatanasaññāya cittaṃ vivittaṃ hoti; sotāpannassa sakkāyadiṭṭhiyā vicikicchāya sīlabbataparāmāsā diṭṭhānusayā vicikicchānusayā tadekaṭṭhehi ca kilesehi cittaṃ vivittaṃ hoti; sakadāgāmissa oḷārikā kāmarāgasaṃyojanā paṭighasaṃyojanā oḷārikā kāmarāgānusayā paṭighānusayā tadekaṭṭhehi ca kilesehi cittaṃ vivittaṃ hoti; anāgāmissa aṇusahagatā kāmarāgasaṃyojanā paṭighasaṃyojanā, aṇusahagatā kāmarāgānusayā paṭighānusayā tadekaṭṭhehi ca kilesehi cittaṃ vivittaṃ hoti; arahato rūparāgā arūparāgā mānā uddhaccā avijjāya mānānusayā bhavarāgānusayā avijjānusayā tadekaṭṭhehi ca kilesehi bahiddhā ca sabbanimittehi cittaṃ vivittaṃ hoti.
Ayaṃ cittaviveko.
Katamo upadhiviveko? Upadhi vuccanti kilesā ca khandhā ca abhisaṃkhārā ca. Upadhiviveko vuccati amataṃ nibbānaṃ; yo so sabbasaṃkhārasamatho sabbūpadhipaṭinissaggo taṇhakkhayo virāgo nirodho nibbānaṃ. Ayaṃ upadhiviveko.
Kāyaviveko ca vūpakaṭṭhakāyānaṃ nekkhammābhiratānaṃ; cittaviveko ca parisuddhacittānaṃ paramavodānappattānaṃ; upadhiviveko ca nirupadhīnaṃ puggalānaṃ visaṃkhāragatānaṃ.
[page 028]
28 Aṭṭhakavaggo. [S.N. 772
Dūre vivekā hī ti yo so evaṃ guhāyaṃ satto evaṃ bahukehi kilesehi channo, evaṃ mohanasmiṃ pagāḷho, so kāyavivekā pi dūre, cittavivekā pi dūre, upadhivivekā pi dūre vidūre suvidūre na santike na sāmantā anāsanne vūpakaṭṭhe. Tathāvidho ti tathāvidho tādiso tassaṇṭhito tappakāro tappaṭibhāgo yo so mohanasmiṃ pagāḷho ti, dūre vivekā hi tathāvidho so.
Kāmā hi loke na hi suppahāyā ti. Kāmā ti uddānato dve kāmā, vatthukāmā ca kilesakāmā ca.
Katame vatthukāmā? Manāpikā rūpā, manāpīkā saddā, manāpikā gandhā, manāpikā rasā, manāpikā phoṭṭhabbā; attharaṇā pāpuraṇā dāsidāsā ajeḷakā kukkuṭasūkarā hatthigavāssavaḷavā khettaṃ vatthu hiraññaṃ suvaṇṇam gāmanigamarājadhāniyo raṭṭhañ ca janapado ca koso ca koṭṭhāgārañ ca, yaṃ kiñci rajanīyavatthu vatthukāmā.
Api ca atītā kāmā, anāgatā kāmā paccupapannā kāmā, ajjhattā kāmā, bahiddhā kāmā, ajjhattabahiddhā kāmā, hīnā kāmā, majjhimā kāmā, paṇītā kāmā, āpāyikā kāmā, mānusikā kāmā, dibbā kāmā, paccuppaṭṭhitā kāmā, nimmitā kāmā, paranimmitā kāmā, pariggahitā kāmā, apariggahitā kāmā, mamāyitā kāmā, amamāyitā kāmā, sabbe pi kāmāvacarā dhammā, sabbe pi rūpāvacarā dhammā, sabbe pi arūpāvacarā dhammā, taṇhāvatthukā taṇhārammaṇā kāmanīyatthena rajanīyatthena madanīyatthena kāmā; ime vuccanti vatthukāmā.
Katame kilesakāmā? Chando kāmo, rāgo kāmo, chandarāgo kāmo, saṃkappo kāmo, rāgo kāmo, saṃkapparāgo kāmo; yo kāmesu kāmachando kāmarāgo kāmanandi kāmataṇhā kāmasneho kāmapariḷāho kāmamucchā kāmajjhosānaṃ kāmogho kāmayogo kāmupādānaṃ kāmachandanīvaraṇaṃ.
*Addasaṃ kāma te mūlaṃ, saṃkappā kāma jāyasi;
na taṃ saṃkappayissāmi. evaṃ kāma na hohisi; ime vuccanti kilesakāmā.
[page 029]
S.N. 773] Guhaṭṭhakasuttaniddeso. 29
Loke ti apāyaloke manussaloke devaloke khandhaloke dhātuloke āyatanaloke. Kāmā hi loke na hi suppahāyā ti kāmā hi loke duppahāyā duccajjā duppariccajjā dunnimmadayā dunnivedhayā dubbinivedhayā duttarā duppatarā dussamatikkamā dubbītivattā ti, kāmā hi loke na hi suppāhāyā. Ten'; āha Bhagavā:
Satto guhāyaṃ bahunābhichanno
tiṭṭhaṃ naro mohanasmiṃ pagāḷho,
dūre vivekā hi tathāvidho so,
kāmā hi loke na hi suppahāya ti.
_________________________________
Sn_IV,2.2(=773): Icchānidānā bhavasātabaddhā
te duppamuñcā, na hi aññamokkhā,
pacchā pure vā pi apekkhamānā
ime va kāme purime va jappaṃ. || Nidd_I.2:2 ||
Icchānidānā bhavasātabaddhā ti. Icchā ti vuccati taṇhā, yo rāgo sārāgo anunayo anurodho nandi nandirāgo cittassa sārāgo icchā mucchā ajjhosānaṃ gedho paligedho saṅgo paṅko ejā māyā janikā sañjanikā sañjananī sibbinī jālinī saritā visattikā suttaṃ visaṭā āyūhanī dutiyā paṇidhi bhavanetti vanaṃ vanatho santhavo sneho apekkhā paṭibandho, āsā āsiṃsanā āsiṃsitattaṃ rūpāsā saddāsā gandhāsā rasāsā phoṭṭhabbāsā lābhāsā dhanāsā puttāsā jīvitāsā, jappā pajappā abhijappā jappā jappanā jappitattaṃ, loluppā loluppāyanā loluppāyitattaṃ, mucchañcikatā, sādhukammaññatā, adhammarāgo visamalobho nikanti nikāmanā patthanā pihanā sampatthanā,
[page 030]
30 Aṭṭhakavaggo. [S.N. 773
[... content straddling page break has been moved to the page above ...] kāmataṇhā bhavataṇhā vibhavataṇhā, rūpataṇhā arūpataṇhā, nirodhataṇhā, rūpataṇhā saddataṇhā gandhataṇhā rasataṇhā phoṭṭhabbataṇhā dhammataṇhā, ogho yogo gantho, upādānaṃ āvaraṇaṃ nīvaraṇaṃ chadanaṃ bandhanaṃ upakkileso anusayo pariyuṭṭhānaṃ latā vevicchaṃ dukkhamūlaṃ dukkhanidānaṃ dukkhappabhavo mārapāso mārabaḷisaṃ māravisayo taṇhānadī taṇhājālaṃ taṇhāgaddulaṃ taṇhāsamuddo abhijjhā, lobho akusalamūlaṃ.
Icchānidānā ti icchānidānā icchāhetukā icchāpaccayā icchākāraṇā icchāpabhavā ti, icchānidānā.
Bhavasātabaddhā ti. Ekaṃ bhavasātaṃ, sukhā vedanā.
Dve bhavasātāni, sukhā ca vedanā iṭṭhañ ca vatthu.
Tīṇi bhavasātāni, yobbaññaṃ ārogyaṃ jīvitaṃ. Cattāri bhavasātāni, lābho yaso pasaṃsā sukhaṃ. Pañca bhavasātāni, manāpikā rūpā, manāpikā saddā, manāpikā gandhā, manāpikā rasā, manāpikā phoṭṭhabbā. Cha bhavasātāni, cakkhusampadā sotasampadā ghānasampadā jivhāsampadā kāyasampadā manosampadā.
Bhavasātabaddhā ti sukhāya vedanāya baddhā, iṭṭhasmiṃ vatthusmiṃ baddhā, yobbaññe baddhā, ārogye baddhā, jīvite baddhā, lābhe baddhā, yase baddhā, pasaṃsāya baddhā, sukhe baddhā, manāpikesu rūpesu baddhā, saddesu gandhesu rasesu manāpikesu phoṭṭhabbesu baddhā, cakkhusampadāya baddhā, sotasampadāya ghānasampadāya jivhāsampadāya kāyasampadāya, manosampadāya, baddhā vinibaddhā ābaddhā laggā laggitā palibuddhā ti, icchānidānā bhavasātabaddhā.
[page 031]
S.N. 773] Guhaṭṭhakasuttaniddeso. 31
Te duppamuñcā na hi aññamokkhā ti te vā bhavasātavatthū duppamuñcā, sattā vā etto dummocayā.
Kathan te bhavasātavatthū duppamuñcā? Sukhā vedanā dummuñcā, iṭṭhaṃ vatthu dummuñcaṃ, yobbaññaṃ dummuñcaṃ, ārogyaṃ dummuñcaṃ, jīvitaṃ dummuñcaṃ, lābho dummuñco, yaso dummuñco, pasaṃsā dummuñcā, sukhaṃ dummuñcaṃ, manāpikā rūpā dummuñcā, manāpikā saddā gandhā rasā phoṭṭhabbā dummuñcā, cakkhusampadā dummuñcā, sotasampadā ghānasampadā jivhāsampadā kāyasampadā manosampadā, dummuñcā duppamuñcā dummocayā duppamocayā dunnimmadayā dubbinivedhayā duttarā duppatarā dussamatikkamā dubbītivattā; evan te bhavasātavatthū duppamuñcā.
Kathaṃ sattā etto dummocayā? Sukhāya vedanāya sattā dummocayā, iṭṭhasmā vatthusmā dummocayā, yobbaññā dummocayā, ārogyā dummocayā, jīvitā dummocayā, lābhā dummocayā, yasā dummocayā, pasaṃsāya dummocayā, sukhā dummocayā, manāpikehi rūpehi dummocayā, manāpikehi saddehi gandhehi rasehi phoṭṭhabbehi dummocayā, cakkhusampadāya dummocayā, sotasampadāya ghānasampadāya jivhāsampadāya kāyasampadāya manosampadāya dummocayā duppamocayā duddharā dussamuddharā dubbuṭṭhāpanā dussamuṭṭhāpanā; evaṃ sattā etto dummocayā ti, te duppamuñcā.
[page 032]
32 Aṭṭhakavaggo. [S.N. 773
Na hi aññamokkhā ti te attanā palipapalipannā na sakkonti paraṃ palipapalipannaṃ uddharituṃ.
Vuttaṃ h'; etaṃ Bhavagatā: *So vata Cunda attanā palipapalipanno paraṃ palipapalipannaṃ uddharissatī ti n'; etaṃ ṭhānaṃ vijjati. So vata Cunda attanā adanto avinīto aparinibbuto paraṃ damessati vinessati parinibbāpessatī ti n'; etaṃ ṭhānaṃ vijjatī ti evaṃ, na hi aññamokkhā.
Athavā n'; atth'; añño koci mocetā; te yadi mucceyyuṃ, sakena thāmena, sakena balena, sakena viriyena, sakena parakkamena sakena purisathāmena, sakena purisabalena, sakena purisaviriyena, sakena purisaparakkamena attanā sammāpaṭipadaṃ anulomapaṭipadam apaccanīkapaṭipadaṃ anvatthapaṭipadaṃ dhammānudhammapaṭipadaṃ paṭipajjamānā mucceyyun ti, evam pi na hi aññamokkhā. Vuttaṃ pi h'; etaṃ Bhagavatā:
*Nāhaṃ gamissāmi pamocanāya
kathaṃkathiṃ Dhotaka kañci loke,
dhammañ ca seṭṭhaṃ abhijānamāno
evaṃ tuvaṃ ogham imaṃ taresī ti,
evam pi na hi aññamokkhā. Vuttaṃ pi h'; etaṃ Bhagavatā:
Attanā pakataṃ pāpaṃ, attanā saṃkilissati,
attanā akataṃ pāpaṃ, attanā 'va visujjhati,
suddhi asuddhi paccattaṃ, nāñño aññaṃ visodhaye ti, evam pi na hi aññamokkhā.
[page 033]
S.N. 773] Guhaṭṭhakasuttaniddeso. 33
Vuttaṃ pi h'; etaṃ Bhagavatā: *Evam eva kho brāhmaṇa tiṭṭhat'; eva nibbānaṃ, tiṭṭhati nibbānagāmimaggo, tiṭṭhām'; ahaṃ samādapetā; atha ca pana mama sāvakā mayā evaṃ ovadiyamānā evaṃ anusāsiyamānā app'; ekacce accantaniṭṭhaṃ nibbānaṃ ārādhenti, ekacce n'; ārādhenti.
Ettha kyāhaṃ brāhmaṇa karomi? maggakkhāyī brāhmaṇa tathāgato, maggaṃ buddho ācikkhati, attanā paṭipajjamānā mucceyyun ti. Evam pi na hi aññamokkhā ti, te duppamuñcā na hi aññamokkhā.
Pacchā pure vā pi apekkhamānā ti. Pacchā vuccati anāgataṃ, pure vuccati atītaṃ; api ca atītaṃ upādāya anāgatañ ca paccuppannañ ca pacchā, anāgataṃ upādāya atītañ ca paccuppannañ ca pure.
Kathaṃ pure apekkhaṃ karoti? Evaṃrūpo ahosiṃ atītaṃ addhānan ti tattha nandiṃ samanvāgameti; evaṃvedano ahosiṃ, evaṃsañño ahosiṃ, evaṃsaṃkhāro ahosiṃ, evaṃviññāṇo ahosiṃ atītam addhānan ti tattha nandiṃ samanvāgameti; evam pi pure apekkhaṃ karoti.
Athavā, iti me cakkhu ahosi atītam addhānaṃ, iti rūpā ti tattha chandarāgapaṭibaddhaṃ hoti viññāṇaṃ, chandarāgapaṭibaddhattā viññāṇassa, tad abhinandati, tad abhinandanto evam pi pure apekkhaṃ karoti; iti me sotaṃ ahosi atītam addhānaṃ, iti saddā ti; iti me ghānam ahosi atītam addhānaṃ, iti gandhā ti; iti me jivhā ahosi atītam addhānaṃ, iti rasā ti; iti me kāyo ahosi atītam addhānaṃ, iti phoṭṭhabbā ti; iti me mano ahosi atītam addhānaṃ, iti dhammā ti tattha chandarāgapaṭibaddhaṃ hoti viññāṇaṃ; chandarāgapaṭibaddhattā viññāṇassa, tad abhinandati; tad abhinandanto evam pi pure apekkhaṃ karoti.
[page 034]
34 Aṭṭhakavaggo. [S.N. 773
Athavā, yān'; assu tāni pubbe mātugāmena saddhiṃ hasitalapitakīḷitāni, tad assādeti, taṃ nikāmeti, tena ca vittiṃ āpajjati; evam pi pure apekkhaṃ karoti.
Kathaṃ pacchā apekkhaṃ karoti? Evaṃrūpo siyaṃ anāgatam addhānan ti tattha nandiṃ samanvāgameti; evaṃvedano siyaṃ, evaṃsañño siyaṃ, evaṃsaṃkhāro siyaṃ, evaṃviññāṇo siyaṃ anāgatam addhānan ti tattha nandiṃ samanvāgameti; evam pi pacchā apekkhaṃ karoti.
Athavā, iti me cakkhu siyā anāgatam addhānaṃ, iti rūpā ti appaṭiladdhassa paṭilābhāya cittaṃ paṇidahati, cetaso paṇidhānapaccayā, tad abhinandati, tad abhinandanto evam pi pacchā apekkhaṃ karoti; iti me sotaṃ siyā anāgatam addhānaṃ, iti saddā ti; iti me ghānaṃ siyā anāgatam addhānaṃ, iti gandhā ti; iti me jivhā siyā anāgatam addhānaṃ, iti rasā ti; iti me kāyo siyā anāgatam addhānaṃ, iti phoṭṭhabbā ti; iti me mano siyā anāgatam addhānaṃ, iti dhammā ti appaṭiladdhassa paṭilābhāya cittaṃ paṇidahati; cetaso paṇidhānapaccayā, tad abhinandati, tad abhinandanto evam pi pacchā apekkhaṃ karoti.
Athavā, imināhaṃ sīlena vā vattena vā tapena vā brahmacariyena vā devo vā bhavissāmi devaññataro vā ti appaṭiladdhassa paṭilābhāya cittaṃ paṇidahati; cetaso paṇidhānapaccayā, tad abhinandati, tad abhinandanto evam pi pacchā apekkhaṃ karotī ti, pacchā pure vā pi apekkhamānā.
Ime va kāme purime va jappan ti. Ime va kāme ti paccuppanne pañca kāmaguṇe icchantā sādiyantā patthayantā pihayantā abhijappantā.
[page 035]
S.N. 774] Guhaṭṭhakasuttaniddeso. 35
[... content straddling page break has been moved to the page above ...] Purime va jappan ti atīte pañca kāmaguṇe jappantā pajappantā abhijappantā ti, ime va kāme purime va jappaṃ. Ten'; āha Bhagavā:
Icchānidānā bhavasātabaddhā
te duppamuñcā, na hi aññamokkhā,
pacchā pure vā pi apekkhamānā
ime va kāme purime va jappan ti.
_________________________________
Sn_IV,2.3(=774): Kāmesu giddhā pasutā pamūḷhā
avadāniyā te visame niviṭṭhā
dukkhūpanītā paridevayanti:
kiṃ su bhavissāma ito cutāse? || Nidd_I.2:3 ||
Kāmesu giddhā pasutā pamūḷhā ti. Kāmā ti uddānato dve kāmā, vatthukāmā ca kilesakāmā ca . . . pe . . . ime vuccanti vatthukāmā . . . pe . . . ime vuccanti kilesakāmā; gedho vuccati taṇhā; yo rāgo sārāgo . . . pe . . . abhijjhā lobho akusalamūlaṃ. Kilesakāmena vatthukāmesu rattā giddhā gadhitā mucchitā ajjhopannā laggā laggitā palibuddhā ti, kāmesu giddhā.
Pasutā ti ye pi kāme esanti gavesanti pariyesanti, taccaritā tabbahulā taggarukā tanninnā tappoṇā tappabbhārā tadadhimuttā tadādhipateyyā, te pi kāmapasutā.
Ye pi taṇhāvasena rūpe esanti gavesanti pariyesanti, sadde, gandhe, rase, phoṭṭhabbe esanti gavesanti pariyesanti, taccaritā tabbahulā taggarukā tanninnā tappoṇā tappabbhārā tadadhimuttā tadādhipateyyā, te pi kāmapasutā. Ye pi taṇhāvasena rūpe paṭilabhanti, sadde gandhe rase phoṭṭhabbe paṭilabhanti,
[page 036]
36 Aṭṭhakavaggo. [S.N. 774
[... content straddling page break has been moved to the page above ...] taccaritā tabbahulā taggarukā tanninnā tappoṇā tappabbhārā tadadhimuttā tadādhipateyyā, te pi kāmappasutā. Ye pi taṇhāvasena rūpe paribhuñjanti, sadde gandhe rase phoṭṭhabbe paribhuñjanti, taccaritā tabbahulā taggarukā tanninnā tappoṇā tappabbhāra tadadhimuttā tadādhipateyyā, te pi kāmappasutā. Yathā kalahakārako kalahappasuto, kammakārako kammappasuto, gocare caranto gocarappasuto, jhāyī jhānappasuto; evaṃ eva ye pi kāme esanti gavesanti pariyesanti, taccaritā tabbahulā taggarukā tanninnā tappoṇā tappabbhārā tadadhimuttā tadādhipateyyā, te pi kāmappasutā. Ye pi taṇhāvasena rūpe esanti gavesanti pariyesanti, sadde gandhe rase phoṭṭhabbe esanti gavesanti pariyesanti, taccaritā tabbahulā taggarukā tanninnā tappoṇā tappabbhārā tadadhimuttā tadādhipateyya, te pi kāmappasutā. Ye pi taṇhāvasena rūpe paṭilabhanti, sadde gandhe rase phoṭṭhabbe paṭilabhanti, taccaritā tabbahulā taggarukā tanninnā tappoṇā tappabbhārā tadadhimuttā tadādhipateyyā, te pi kāmappasutā. Ye pi taṇhāvasena rūpe paribhuñjanti, sadde gandhe rase phoṭṭhabbe paribhuñjanti, taccaritā tabbahulā taggarukā tanninnā tappoṇā tappabbhārā tadadhimuttā tadādhipateyyā, te pi kāmappasutā.
Pamūḷhā ti yebhuyyena devamanussā pañcasu kāmaguṇesu muyhanti saṃmuyhanti sampamuyhanti, mūḷhā sammūḷhā sampamūḷhā, avijjāya andhikatā āvuṭā nivuṭā ovuṭā pihitā paṭicchannā paṭikujjitā ti, kāmesu giddhā pasutā pamūḷhā.
Avadāniyā te visame niviṭṭhā ti. Avadāniyā ti avaṃ gacchantī ti pi avadāniyā. Maccharino pi vuccanti avadāniyā. Buddhānaṃ buddhasāvakānaṃ vacanaṃ byappathaṃ desanaṃ anusiṭṭhiṃ n'; ādiyantī ti,
[page 037]
S.N. 774] Guhaṭṭhakasuttaniddeso. 37
[... content straddling page break has been moved to the page above ...] avadāniyā.
Kathaṃ avaṃ gacchantī ti avadāniyā? Avaṃ gacchantī ti nirayaṃ gacchanti, tiracchānayoniṃ gacchanti, pittivisayaṃ gacchantī ti evaṃ avaṃ gacchantī ti, avadāniyā.
Kathaṃ maccharino vuccanti avadāniyā? Pañca macchariyāni, āvāsamacchariyaṃ kulamacchariyaṃ lābhamacchariyaṃ vaṇṇamacchariyaṃ dhammamacchariyaṃ; yaṃ evarūpaṃ macchariyaṃ maccharāyanā maccharāyitattaṃ vevicchaṃ kadariyaṃ kaṭukañcakatā aggahitattaṃ cittassa, idaṃ vuccati macchariyaṃ. Api ca khandhamacchariyaṃ pi macchariyaṃ, dhātumacchariyam pi macchariyaṃ, āyatanamacchariyam pi macchariyaṃ gāho, idaṃ vuccati macchariyaṃ. Iminā macchariyena avadaññutāya samannāgatā janā pamattā; evaṃ maccharino vuccanti avadāniyā.
Kathaṃ buddhānaṃ buddhasāvakānaṃ vacanaṃ byappathaṃ desanaṃ anusiṭṭhim n'; ādiyantī ti avadāniyā?
Buddhānaṃ buddhasāvakānaṃ vacanaṃ byappathaṃ desanaṃ anusiṭṭhiṃ n'; ādiyanti, na sussusanti, na sotaṃ odahanti, na aññācittaṃ upaṭṭhapenti, anassavā avacanakarā paṭilomavuttino aññen'; eva mukhaṃ karonti, evaṃ buddhānaṃ buddhasāvakānaṃ vacanaṃ byappathaṃ desanaṃ anusiṭṭhiṃ n'; ādiyantī ti, avadāniyā.
Avadāniyā te visame niviṭṭhā ti. Visame ti visame kāyakamme niviṭṭhā, visame vacīkamme niviṭṭhā, visame manokamme niviṭṭhā, visame pāṇātipāte niviṭṭhā, visame adinnādāne niviṭṭhā, visame kāmesu micchācāre niviṭṭhā, visame musāvāde niviṭṭhā, visamāya pisuṇāya vācāya niviṭṭhā,
[page 038]
38 Aṭṭhakavaggo. [S.N. 774
[... content straddling page break has been moved to the page above ...] visamāya pharusāya vācāya niviṭṭhā, visame samphappalāpe niviṭṭhā, visamāya abhijjhāya niviṭṭhā, visame byāpāde niviṭṭhā, visamāya micchādiṭṭhiyā niviṭṭhā, visamesu saṃkhāresu niviṭṭhā, visamesu pañcasu kāmaguṇesu niviṭṭhā, visamesu pañcasu nīvaraṇesu niviṭṭhā, visamāya cetanāya, visamāya patthanāya, visamāya paṇidhiyā niviṭṭhā patiṭṭhitā allīnā upagatā ajjhositā adhimuttā laggā laggitā palibuddhā ti, avadāniyā te visame niviṭṭhā.
Dukkhūpanītā paridevayantī ti. Dukkhūpanītā ti dukkhūpanītā dukkhappattā dukkhasampattā dukkhupagatā mārappattā mārasampattā mārupagatā maraṇappattā maraṇasampattā maraṇupagatā ti, dukkhūpanītā.
Paridevayantī ti lapanti lālapanti socanti kilamanti paridevanti, urattāḷiṃ kandanti, sammohaṃ āpajjantī ti, dukkhūpanītā paridevayanti.
Kiṃ su bhavissāma ito cutāse? ti ito cutā kiṃ su bhavissāma? nerayikā bhavissāma, tiracchānayonikā bhavissāma, pittivisayikā bhavissāma, manussā bhavissāma, devā kiṃ bhavissāma? rūpī bhavissāma, arūpī bhavissāma, saññī bhavissāma, asaññī bhavissāma, nevasaññīnāsaññī bhavissāma? bhavissāma nu kho mayaṃ anāgatam addhānaṃ? nanu kho bhavissāma anāgatam addhānaṃ? kiṃ nu kho bhavissāma anāgatam addhānam? kathaṃ nu kho bhavissāma anagātam addhānaṃ? kiṃ hutvā bhavissāma nu kho mayaṃ anāgatam addhānan? ti saṃsayapakkhannā vimatipakkhannā dveḷhakajātā lapanti lālapanti socanti kilamanti paridevanti, urattāḷiṃ kandanti, sammohaṃ āpajjantī ti, kiṃ su bhavissāma ito cutāse? Ten'; āha Bhagavā:
[page 039]
S.N. 775] Guhaṭṭhakasuttaniddeso. 39
Kāmesu giddhā pasutā pamūḷhā
avadāniyā te visame niviṭṭhā
dukkhūpanītā paridevayanti:
kiṃ su bhavissāma ito cutāse? ti.
_________________________________
Sn_IV,2.4(=775): Tasmā hi sikkhetha idh'; eva jantu;
yaṃ kiñci jaññā visaman ti loke,
na tassa hetu visamaṃ careyya,
appaṃ h'; idaṃ jīvitam āhu dhīrā. || Nidd_I.2:4 ||
Tasmā hi sikkhetha idh'; eva jantū ti. Tasmā ti tasmā taṃkāraṇā taṃhetu tappaccayā tannidānā etaṃ ādīnavaṃ sampassamāno kāmesū ti, tasmā. Sikkhethā ti. Tisso sikkhā, adhisīlasikkhā adhicittasikkhā adhipaññāsikkhā.
Katamā adhisīlasikkhā? Idha bhikkhu sīlavā hoti, pātimokkhasaṃvarasaṃvuto viharati ācāragocarasampanno; aṇumattesu vajjesu bhayadassāvī, samādāya sikkhati sikkhāpadesu. Khuddako sīlakkhandho, mahanto sīlakkhandho, sīlaṃ patiṭṭhā ādicaraṇaṃ saṃyamo saṃvaro, mukhaṃ pamukham kusalānaṃ dhammānaṃ samāpattiyā. Ayaṃ adhisīlasikkhā.
Katamā adhicittasikkhā? Idha bhikkhu vivicc'; eva kāmehi, vivicca akusalehi dhammehi, savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati. Vitakkavicārānaṃ vūpasamā ajjhattaṃ saṃpasādanaṃ, cetaso ekodibhāvaṃ, avitakkaṃ avicāraṃ samādhijaṃ pītisukhaṃ dutiyaṃ jhānaṃ upasampajja viharati.
Pītiyā ca virāgā upekkhako ca viharati sato sampajāno, sukhañ ca kntū ti satto naro . . . pe . . . manujo ti, tasmā hi sikkhetha idh'; eva jantu.
Yaṃ kiñci jaññā visaman ti loke ti. Yaṃ kiñcī ti sabbena sabbaṃ sabbathā sabbaṃ asesaṃ nissesaṃ pariyādāyavacanaṃ etaṃ yaṃ kiñcī ti.
[page 041]
S.N. 775] Guhaṭṭhakasuttaniddeso. 41
[... content straddling page break has been moved to the page above ...] Jaññā visaman tī ti, visamaṃ kāyakammaṃ visaman ti jāneyya, visamaṃ vacīkammaṃ visaman ti jāneyya, visamaṃ manokammaṃ visaman ti jāneyya, visamaṃ pāṇātipātaṃ visamo ti jāneyya, visamaṃ adinnādānaṃ visaman ti jāneyya, visamaṃ kāmesu micchācāraṃ visamo ti jāneyya, visamaṃ musāvādaṃ visamo ti jāneyya, visamaṃ pisuṇaṃ vācaṃ visamā ti jāneyya, visamaṃ pharusaṃ vācaṃ visamā ti jāneyya, visamaṃ samphappalāpaṃ visamo ti jāneyya, visamaṃ abhijjhaṃ visamā ti jāneyya, visamaṃ byāpādaṃ visamo ti jāneyya, visamaṃ micchādiṭṭhiṃ visamā ti jāneyya, visame saṃkhāre visamā ti jāneyya, visame pañca kāmaguṇe visamā ti jāneyya, visame pañca nīvaraṇe visamā ti jāneyya, visamaṃ cetanaṃ visamā ti jāneyya, visamaṃ paṭṭhanam visamā ti jāneyya, visamaṃ paṇidhiṃ visamā ti jāneyya ājāneyya vijāneyya paṭijāneyya paṭivijjheyya. Loke ti apāyaloke . . . pe . . . āyatanaloke ti, yaṃ kiñci jaññā visaman ti loke.
Na tassa hetu visamaṃ careyyā ti visamassa kāyakammassa hetu visamaṃ na careyya, visamassa vacīkammassa hetu visamaṃ na careyya, visamassa manokammassa hetu visamaṃ na careyya, visamassa pāṇātipātassa hetu visamaṃ na careyya, visamassa adinnādānassa hetu visamaṃ na careyya, visamassa kāmesu micchācārassa hetu visamaṃ na careyya, visamassa musāvādassa hetu visamaṃ na careyya, visamāya pisuṇāya vācāya hetu visamaṃ na careyya, visamāya pharusāya vācāya hetu visamaṃ na careyya, visamassa samphappalāpassa hetu visamaṃ na careyya, visamāya abhijjhāya hetu visamaṃ na careyya, visamassa byāpādassa hetu visamaṃ na careyya, visamāya micchādiṭṭhiyā hetu visamaṃ na careyya, visamānaṃ saṃkhārānaṃ hetu visame na careyya,
[page 042]
42 Aṭṭhakavaggo. [S.N. 775
visamānaṃ pañcannaṃ kāmaguṇānaṃ hetu visame na careyya, visamānaṃ pañcannaṃ nīvaraṇānaṃ hetu visame na careyya, visamāya cetanāya hetu, visamāya patthanāya hetu, visamāya paṇidhiyā hetu visamaṃ na careyya, na ācareyya, na samācareyya, na samādāya vatteyyā ti, na tassa hetu visamaṃ careyya.
Appaṃ h'; idaṃ jīvitam āhu dhīrā ti. Jīvitan ti āyu ṭhiti yapanā yāpanā iriyanā vattanā pālanā jīvitaṃ jīvitindriyaṃ.
Api ca dvīhi kāraṇehi appakaṃ jīvitaṃ: ṭhitiparittatāya vā appakaṃ jīvitaṃ, sarasaparittatāya vā appakaṃ jīvitaṃ.
Kathaṃ ṭhitiparittatāya appakaṃ jīvitaṃ? Atīte cittakkhaṇe jīvittha, na jīvati, na jīvissati. Anāgate cittakkhaṇe jīvissati, na jīvati, na jīvittha. Paccuppanne cittakkhaṇe jīvati, na jīvittha, na jīvissati.
*Jīvitaṃ attabhāvo ca sukhadukkhā ca kevalā
ekacittasamāyuttā, lahuso vattati kkhaṇo.
Cullāsīti sahassāni kappā tiṭṭhanti ye marū,
na tv eva te pi jīvanti dvīhi cittehi samāhitā.
Ye niruddhā marantassa tiṭṭhamānassa vā idha,
sabb'; eva sadisā khandhā, gatā appaṭisandhikā.
Anantarā ca ye bhaṅgā ye ca bhaṅgā anāgatā,
tadantare niruddhānaṃ vesammaṃ n'; atthi lakkhaṇe.
Anibbattena na jāto, paccuppannena jīvati,
cittabbhaṅgamato loko, paññatti paramatthiyā.
Yathā ninnā pavattanti, chandena pariṇāmitā
acchinnavārā vattanti saḷāyatanapaccayā.
[page 043]
S.N. 775] Guhaṭṭhakasuttaniddeso. 43
Anidhānagatā bhaṅgā, puñjo n'; atthi anāgate,
nibbattā yeva tiṭṭhanti āragge sāsapūpamā.
Nibbattānañ ca dhammānaṃ bhaṅgo nesaṃ purekkhato,
palokadhammā tiṭṭhanti purāṇehi amissitā.
Adassanato āyanti bhaṅgā, gacchanti dassanaṃ,
vijjuppādo va ākāse uppajjanti vayanti cā ti.
Evaṃ ṭhitiparittatāya appakaṃ jīvitaṃ.
Kathaṃ sarasaparittatāyā appakaṃ jīvitam? Assāsupanibaddhaṃ jīvitaṃ, passāsupanibaddhaṃ jīvitaṃ assāsappassāsupanibaddhaṃ jīvitaṃ, mahābhūtupanibaddhaṃ jīvitaṃ, usmūpanibaddhaṃ jīvitam, kavaḷiṅkārāhārupanibaddhaṃ jīvitaṃ, viññāṇupanibaddhaṃ jīvitaṃ.
Mūlam pi imesaṃ dubbalaṃ; pubbahetū pi imesaṃ dubbalā; ye pi paccayā te pi dubbalā; ye pi pabhavikā te pi dubbalā; sahabhū pi imesaṃ dubbalā; sampayogā pi imesaṃ dubbalā; sahajā pi imesaṃ dubbalā; yā pi payojikā sā pi dubbalā. Aññamaññaṃ niccadubbalā ime. Aññamaññaṃ anavaṭṭhitā ime. Aññamaññaṃ paripāṭayanti ime. Aññamaññassa hi n'; atthi tāyitā. Na cā pi ṭhapenti aññamaññ'; ime. Yo pi nibbattako so na vijjati. Na ca kena ci koci hāyati.
Bhaṅgabyā ca imehi sabbaso. Purimehi pabhāvitā ime, ye pi pabhāvitā te pure matā. Purimā pi ca pacchimā pi ca aññamaññaṃ na kadāci addasaṃsū ti.
[page 044]
44 Aṭṭhakavaggo. [S.N. 775
[... content straddling page break has been moved to the page above ...] Evaṃ sarasaparittatāya appakaṃ jīvitaṃ.
Api ca cātummahārājikānaṃ devānaṃ jīvitaṃ upādāya manussānaṃ appakaṃ jīvitaṃ, parittakaṃ jīvitaṃ, thokaṃ jīvitaṃ, khaṇikaṃ jīvitaṃ, lahukaṃ jīvitaṃ, ittaraṃ jīvitaṃ, anaddhanīyaṃ jīvitaṃ, na ciraṭṭhitikaṃ jīvitaṃ; tāvatiṃsānaṃ devānaṃ, yāmānaṃ devānaṃ, tusitānaṃ devānaṃ, nimmānaratīnaṃ devānaṃ, parinimmitavasavattīnaṃ devānaṃ, brahmakāyikānaṃ devānaṃ jīvitaṃ upādāya manussānaṃ appakaṃ jīvitaṃ, parittakaṃ jīvitaṃ, thokaṃ jīvitaṃ, khaṇikaṃ jīvitaṃ, lahukaṃ jīvitaṃ, ittaraṃ jīvitaṃ, anaddhanīyaṃ jīvitaṃ, na ciraṭṭhitikaṃ jīvitaṃ.
Vuttaṃ h'; etaṃ Bhagavatā: *Appam idaṃ bhikkhave manussānaṃ āyu, gamanīyo samparāyo, mantāya phoṭṭhabbaṃ, kattabbaṃ kusalaṃ, caritabbaṃ brahmacariyaṃ.
N'; atthi jātassa amaraṇaṃ. Yo hi bhikkhave ciraṃ jīvati so vassasataṃ appaṃ vā bhiyyo.
Appam āyu manussānaṃ, hīḷeyya naṃ suporiso;
careyy'; ādittasīso va, n'; atthi maccussa n'; āgamo.
Accayanti ahorattā, jīvitaṃ uparujjhati,
āyu jīyati maccānaṃ kunnadīnaṃ va ūdakan ti.
Appaṃ h'; idaṃ jīvitam āhu dhīrā ti. Dhīrā ti dhitimā ti dhīrā; dhitisampannā ti dhīrā; dhikkatapāpā ti dhīrā.
Dhi vuccati paññā; yā paññā pajānanā vicayo pavicayo dhammavicayo sallakkhaṇā upalakkhaṇā paccuppalakkhaṇā paṇḍiccaṃ kosallaṃ nepuññaṃ vebhabyā cintā upaparikkhā bhūrī medhā pariṇāyikā vipassantā sampajaññaṃ patodo paññā paññindriyaṃ paññābalaṃ paññāsatthaṃ paññāpāsādo paññā-āloko pañña-obhāso paññāpajjoto paññāratanaṃ amoho dhammavicayo,
[page 045]
S.N. 776] Guhaṭṭhakasuttaniddeso. 45
[... content straddling page break has been moved to the page above ...] sammādiṭṭhi; tāya paññāya samannāgatattā dhīrā. Api ca khandhadhīrā dhātudhīrā āyatanadhīrā paṭiccasamuppādadhīrā satipaṭṭhānadhīrā sammappadhānadhīrā iddhipādadhīrā indriyadhīrā baladhīrā bojjhaṅgadhīrā maggadhīrā phaladhīrā nibbānadhīrā. Te dhīrā evaṃ āhaṃsu manussānaṃ appakaṃ jīvitaṃ, parittakaṃ jīvitaṃ, thokaṃ jīvitaṃ, khaṇikaṃ jīvitaṃ, lahukaṃ jīvitaṃ, ittaraṃ jīvitaṃ, anaddhanīyaṃ jīvitaṃ, na ciraṭṭhitikaṃ jīvitan ti, evaṃ āhaṃsu, evaṃ kathenti, evaṃ bhaṇanti, evaṃ dīpayanti, evaṃ voharantī ti, appaṃ h'; idaṃ jīvitam āhu dhīrā. Ten āha Bhagavā:
Tasmā hi sikkhetha idh'; eva jantu;
yaṃ kiñci jaññā visaman ti loke,
na tassa hetū visamaṃ careyya,
appaṃ h'; idaṃ jīvitaṃ āhu dhīrā ti.
_________________________________
Sn_IV,2.5(=776): Passāmi loke pariphandamānaṃ
pajaṃ imaṃ taṇhagataṃ bhavesu,
hīnā narā maccumukhe lapanti
avītataṇhāse bhavābhavesu. || Nidd_I.2:5 ||
Passāmi loke pariphandamānan ti. Passāmī ti maṃsacakkhunā pi passāmi, dibbacakkhunā pi passāmi, paññācakkhunā pi passāmi, buddhacakkhunā pi passāmi, samantacakkhunā pi passāmi, dakkhāmi olokemi nijjhāyāmi upaparikkhāmi. Loke ti apāyaloke manussaloke devaloke khandhaloke dhātuloke āyatanaloke.
[page 046]
46 Aṭṭhakavaggo. [S.N. 776
[... content straddling page break has been moved to the page above ...] Pariphandamānan ti taṇhāphandanāya phandamānaṃ, diṭṭhiphandanāya phandamānaṃ, kilesaphandanāya phandamānaṃ, payogaphandanāya phandamānaṃ, vipākaphandanāya phandamānaṃ, duccaritaphandanāya phandamānaṃ, rattaṃ rāgena phandamānaṃ, duṭṭhaṃ dosena phandamānaṃ, mūḷhaṃ mohena phandamānaṃ, vinibandhaṃ mānena phandamānaṃ, parāmaṭṭhaṃ diṭṭhiyā phandamānaṃ, vikkhepagataṃ uddhaccena phandamānaṃ, aniṭṭhaṅgataṃ vicikicchāya phandamānaṃ, thāmagataṃ anusayehi phandamānaṃ, lābhena phandamānaṃ, alābhena phandamānaṃ, yasena phandamānaṃ, ayasena phandamānaṃ, pasaṃsāya phandamānaṃ, nindāya phandamānaṃ, sukhena phandamānaṃ, dukkhena phandamānaṃ, jātiyā phandamānaṃ, jarāya phandamānaṃ, byādhinā phandamānaṃ, maraṇena phandamānaṃ, sokaparidevadukkhadomanassupāyāsehi phandamānaṃ, nerayikena dukkhena phandamānaṃ, tiracchānayonikena dukkhena phandamānaṃ, pittivisayikena dukkhena phandamānaṃ, mānusikena dukkhena phandamānam, gabbhokkantimūlakena dukkhena phandamānaṃ, gabbhe ṭhitimūlakena dukkhena phandamānaṃ, gabbhavuṭṭhānamūlakena dukkhena phandamānaṃ, jātass'; upanibandhikena dukkhena phandamānaṃ, jātassa parādheyyakena dukkhena phandamānaṃ, attupakkamena dukkhena phandamānaṃ, parupakkamena dukkhena phandamānaṃ, dukkhadukkhena phandamānaṃ, saṃkhāradukkhena phandamanaṃ, vipariṇāmadukkhena phandamānaṃ, cakkhurogena dukkhena phadamānaṃ, sotarogena dukkhena phandamānaṃ,
[page 047]
S.N. 776] Guhaṭṭhakasuttaniddeso. 47
ghānarogena dukkhena, jivhārogena dukkhena, kāyarogena dukkhena, sīsarogena dukkhena, kaṇṇarogena, mukharogena, dantarogena, kāsena, sāsena, pināsena, ḍahena, jareṇa, kucchirogena, mucchāya, pakkhandikāya, sulāya, visūcikāya, kuṭṭhena, gaṇḍena, kilāsena, sosena, apamāreṇa, dadduyā, kaṇḍuyā, kacchuyā, rakhasāya, vitacchikāya, lohitena, pittena, madhumehena, aṃsāya piḷakāya, bhagaṇḍalena, pittasamuṭṭhānena ābādhena, semhasamuṭṭhānena ābādhena, vātasamuṭṭhānena ābādhena, sannipātikena ābādhena, utupariṇāmajena ābāḍhena, visamaparihārajena ābādhena, opakkamikena ābādhena, kammavipākajena ābādhena, sītena, uṇhena, jighacchāya, pipāsāya, uccārena, passāvena, ḍaṃsamakasavātātapasiriṃsapasamphassena dukkhena, mātumaraṇena dukkhena, pitumaraṇena dukkhena, bhātumaraṇena dukkhena, bhaginimaraṇena dukkhena, puttamaraṇena dukkhena, dhītumaraṇena dukkhena, ñātibyasanena, bhogabyasanena, rogabyasanena, sīlabyasanena, diṭṭhibyasanena, dukkhena phandamānaṃ samphandamānam vipphandamānam vedhamānam pavedhamānam sampavedhamānam passāmi dakkhāmi olokemi nijjhāyāmi upaparikkhāmī ti, passāmi loke pariphandamānaṃ.
Pajaṃ imaṃ taṇhagataṃ bhavesū ti. Pajā ti sattādhivacanaṃ. Taṇhā ti rūpataṇhā saddataṇhā gandhataṇhā rasataṇhā phoṭṭhabbataṇhā dhammataṇhā. Taṇhagatan ti taṇhāgataṃ taṇhānugataṃ taṇhānusaṭaṃ taṇhāya pannaṃ taṇhāya pātitaṃ abhibhūtaṃ pariyādiṇṇacittaṃ.ḥ
[page 048]
48 Aṭṭhakavaggo. [S.N. 776
[... content straddling page break has been moved to the page above ...] Bhavesū ti kāmabhave rūpabhave arūpabhave ti, pajaṃ imaṃ taṇhagataṃ bhavesu.
Hīnā narā maccumukhe lapantī ti. Hīnā narā ti hīnena kāyakammena samannāgatā ti hīnā; hīnena vacīkammena samannāgatā ti hīnā; hīnena manokammena samannāgatā ti hīnā; hīnena pāṇātipātena samannāgatā ti hīnā; hīnena adinnādānena, hīnena kāmesu micchācārena, hīnena musāvādena, hīnāya pisuṇāya vācāya, hīnāya pharusāya vācāya, hīnena samphappalāpena, hīnāya abhijjhāya, hīnena byāpādena, hīnāya micchādiṭṭhiyā, hīnehi saṃkhārehi, hīnehi pañcahi kāmaguṇehi, hīnehi pañcahi nīvaraṇehi, hīnāya cetanāya, hīnāya patthanāya, hīnāya paṇidhiyā samannāgatā ti hīnā nihīnā omakā lāmakā jatukkā parittā ti, hīnā narā.
Maccumukhe lapantī ti maccumukhe māramukhe maraṇamukhe maccuppattā maccusampattā maccupāgatā mārappattā mārasampattā mārupāgatā maraṇappattā maraṇasampattā maraṇupāgatā lapanti lālapanti socanti kilamanti paridevanti urattāḷiṃ kandanti sammohaṃ āpajjantī ti, hīnā narā maccumukhe lapanti.
Avītataṇhāse bhavābhavesū ti taṇhā ti rūpataṇhā . . . pe . . . dhammataṇhā. Bhavābhavesū ti bhavābhave kammabhave, punabbhave, kāmabhave kammabhave, kāmabhave punabbhave, rūpabhave kammabhave, rūpabhave punabbhave, arūpabhave kammabhave, arūpabhave punabbhave, punappunaṃ bhave, punappunaṃ gatiyā, punappunaṃ upapattiyā,
[page 049]
S.N. 777] Guhaṭṭhakasuttaniddeso. 49
[... content straddling page break has been moved to the page above ...] punappunaṃ paṭisandhiyā, punappunaṃ attabhāvābhinibbattiyā.
Avītataṇhā ti avigatataṇhā acattataṇhā avantataṇhā amuttataṇhā appahīnataṇhā appaṭinissaṭṭhataṇhā ti, avītataṇhāse bhavābhavesu. Ten'; āha Bhagavā:
Passāmi loke pariphandamānaṃ
pajaṃ imaṃ taṇhagataṃ bhavesu,
hīnā narā maccumukhe lapanti
avītataṇhāse bhavābhavesū ti.
_________________________________
Sn_IV,2.6(=777): Mamāyite passatha phandamāne
macche va appodake khīṇasote,
etam pi disvā amamo careyya
bhavesu āsattim akubbamāno. || Nidd_I.2:6 ||
Mamāyite passatha phandamāne ti. Mamattā ti dve mamattā: taṇhāmamattañ ca diṭṭhimamattañ ca.
Katamaṃ taṇhāmamattaṃ? Yāvatā taṇhāsaṃkhātena sīmakataṃ mariyādikataṃ odhikataṃ pariyantikataṃ pariggahitaṃ mamāyitaṃ: idaṃ mamaṃ, etaṃ mamaṃ, ettakaṃ mamaṃ, ettāvatā mamaṃ, mama rūpā saddā gandhā rasā phoṭṭhabbā, attharaṇā, pāpuraṇā, dāsidāsā ajeḷakā kukkuṭasūkarā hatthigavāssavaḷavā khettam vatthu hiraññaṃ suvaṇṇaṃ gāmanigamarājadhāniyo raṭṭhañ ca janapado ca koso ca koṭṭhāgārañ ca; kevalam pi mahāpaṭhaviṃ taṇhāvasena mamāyati, yāvatā aṭṭhasatataṇhāvicaritaṃ; idaṃ taṇhāmamattaṃ.
Katamam diṭṭhimamattaṃ? Vīsativatthukā sakkāyadiṭṭhi, dasavatthukā micchādiṭṭhi, dasavatthukā antaggāhikā diṭṭhi; yā evarūpā diṭṭhi, diṭṭhigataṃ diṭṭhigahaṇaṃ diṭṭhikantāro diṭṭhivisūkāyikaṃ diṭṭhivipphanditaṃ diṭṭhisaṃyojanaṃ gāho paṭiggāho abhiniveso parāmāso kummaggo micchāpatho micchattaṃ titthāyatanaṃ,
[page 050]
50 Aṭṭhakavaggo. [S.N. 777
[... content straddling page break has been moved to the page above ...] vipariyesagāho, viparittagāho, vippallāsagāho, micchāgāho, ayāthāvakasmiṃ yāthāvakan ti gāho, yāvatā dvāsaṭṭhi diṭṭhigatāni; idaṃ diṭṭhimamattaṃ.
Mamāyite passatha phandamāne ti mamāyitavatthuacchedasaṃkino pi phandanti, acchijjante pi phandanti, acchinne pi phandanti, {mamāyitavatthuvipariṇāmasampino} pi phandanti, vipariṇāmante pi phandanti, vipariṇate pi phandanti paphandanti samphandanti vipphandanti vedhanti pavedhanti sampavedhanti: evaṃ phandamāne paphandamāne samphandamāne vipphandamāne vedhamāne pavedhamāne sampavedhamāne passatha dakkhatha oloketha nijjhāyatha upaparikkhathā ti, mamāyite passatha phandamāne.
Macche va appodake khīṇasote ti: yathā macchā appodake parittodake udakapariyādāne kākehi vā kulalehi vā balākehi vā paripātiyamānā ukkhipiyamānā khajjamānā phandanti paphandanti samphandanti vipphandanti vedhanti pavedhanti sampavedhanti; evaṃ eva pajā mamāyitavatthuacchedasaṃkino pi phandanti, acchijjante pi phandanti, acchinne pi phandanti, mamāyitavatthuvipariṇāmasaṃkino pi phandanti, vipariṇāmante pi phandanti, vipariṇate pi phandanti paphandanti samphandanti vipphandanti vedhanti pavedhanti sampavedhantī ti, macche va appodake khīṇasote.
Etam pi disvā amamo careyyā ti etaṃ ādīnavaṃ disvā passitvā tulayitvā tīrayitvā vibhāvayitvā vibhūtaṃ katvā mamattesū ti,
[page 051]
S.N. 778] Guhaṭṭhakasuttaniddeso. 51
[... content straddling page break has been moved to the page above ...] etam pi disvā amamo careyya. Mamattā ti dve mamattā: taṇhāmamattañ ca diṭṭhimamattañ ca . . . pe . . . idaṃ taṇhāmamattaṃ . . . pe . . . idaṃ diṭṭhimamattaṃ. Taṇhāmamattam pahāya, diṭṭhimamattaṃ paṭinissajjitvā, cakkhuṃ amamāyanto, sotaṃ amamāyanto, ghānaṃ amamāyanto, jivhaṃ amamāyanto, kāyaṃ amamāyanto, manaṃ amamāyanto, rūpe sadde gandhe rase phoṭṭhabbe kulaṃ gaṇaṃ āvāsaṃ lābhaṃ yasaṃ pasaṃsaṃ sukhaṃ cīvaraṃ piṇḍapātaṃ senāsanaṃ gilānapaccayabhesajjaparikkhāraṃ kāmadhātuṃ rūpadhātuṃ arūpadhātuṃ kāmabhavaṃ rūpabhavaṃ arūpabhavaṃ saññābhavaṃ asaññābhavaṃ nevasaññānāsaññābhavaṃ ekavokārabhavaṃ catuvokārabhavaṃ pañcavokārabhavaṃ atītaṃ anāgataṃ paccuppannaṃ diṭṭhasutamutaviññātabbe dhamme amamāyanto aggaṇhanto aparāmasanto anabhinivisanto, careyya vihareyya iriyeyya vatteyya pāleyya yapeyya yāpeyyā ti, etam pi disvā amamo careyya.
Bhavesu āsattim akubbamāno ti. Bhavesū ti kāmabhave rūpabhave arūpabhave. Āsatti vuccati taṇhā; yo rāgo sārāgo . . . pe . . . abhijjhā lobho akusalamūlaṃ.
Bhavesu āsattim akubbamāno ti bhavesu āsattiṃ akubbamāno, chandaṃ pemaṃ rāgaṃ khantiṃ akubbamāno ajanayamāno asañjanayamāno anibbattayamāno anabhinibbattayamāno ti, bhavesu āsattim akubbamāno. Ten'; āha Bhagavā:
Mamāyite passatha phandamāne
macche va appodake khīṇasote,
etam pi disvā amamo careyya
bhavesu āsattim akubbamāno ti.
_________________________________
Sn_IV,2.7(=778): ubhosu antesu vineyya chandaṃ
phassaṃ pariññāya anānugiddho,
yad attagarahī, tad akubbamāno
na limpatī diṭṭhasutesu dhīro. || Nidd_I.2:7 ||
[page 052]
52 Aṭṭhakavaggo. [S.N. 778
Ubhosu antesu vineyya chandan ti. Antā ti phasso eko anto, phassasamudayo dutiyo anto. Atīto eko anto, anāgato dutiyo anto. Sukhā vedanā eko anto, dukkhā vedanā dutiyo anto. Nāmaṃ eko anto, rūpaṃ dutiyo anto. Cha ajjhattikāni āyatanāni eko anto, cha bāhirāni āyatanāni dutiyo anto. Sakkāyo eko anto, sakkāyasamudayo dutiyo anto ti. Chando ti yo kāmesu kāmacchando, kāmarāgo kāmanandi kāmataṇhā kāmasneho kāmapariḷāho kāmamucchā kāmajjhosānaṃ kāmogho kāmayogo kāmupādānaṃ kāmacchandanīvaraṇaṃ. Ubhosu antesu vineyya chandan ti ubhosu antesu chandaṃ vineyya paṭivineyya pajaheyya vinodeyya byantīkareyya anabhāvaṃ gameyyā ti, ubhosu antesu vineyya chandaṃ.
Phassaṃ pariññāya anānugiddho ti. Phasso ti cakkhusamphasso, sotasamphasso, ghānasamphasso jivhāsamphasso, kāyasamphasso, manosamphasso, adhivacanasamphasso, paṭighasamphasso, sukhavedanīyo samphasso, dukkhavedanīyo samphasso, adukkha-m-asukhavedanīyo samphasso, kusalo phasso, akusalo phasso, abyākato phasso, kāmāvacaro phasso, rūpāvacaro phasso, arūpāvacaro phasso, suññato phasso, animitto phasso, appaṇihito phasso, lokiyo phasso, lokuttaro phasso, atīto phasso, anāgato phasso, paccuppanno phasso; yo evarūpo phasso phusanā samphusanā samphusitattaṃ; ayaṃ vuccati phasso.
Phassaṃ pariññāyā ti phassaṃ tīhi pariññāhi parijānitvā ñātapariññāya tīraṇapariññāya pahānapariññāya.
Katamā ñātapariññā? Phassaṃ jānāti: ayaṃ cakkhusamphasso, ayaṃ sotasamphasso, ayaṃ ghānasamphasso, ayaṃ jivhāsamphasso, ayaṃ kāyasamphasso, ayaṃ manosamphasso, ayaṃ adhivacanasamphasso, ayaṃ paṭighasamphasso, ayaṃ sukhavedanīyo phasso, ayaṃ dukkhavedanīyo phasso, ayaṃ adukkha-m-asukhavedanīyo phasso, ayaṃ kusalo phasso, ayaṃ akusalo phasso, ayaṃ abyākato phasso, ayaṃ kāmāvacaro phasso, ayaṃ rūpāvacaro phasso,
[page 053]
S.N. 778] Guhaṭṭhakasuttaniddeso. 53
ayaṃ arūpāvacaro phasso, ayaṃ suññato phasso, ayaṃ animitto phasso, ayaṃ appaṇihito phasso, ayaṃ lokiyo phasso, ayaṃ lokuttaro phasso, ayaṃ atīto phasso, ayaṃ anāgato phasso, ayaṃ paccuppanno phasso ti jānāti passati; ayaṃ ñātapariññā.
Katamā tīraṇapariññā? Evaṃ ñātaṃ katvā phassaṃ tīreti, aniccato dukkhato rogato gaṇḍato sallato aghato ābādhato parato palokato ītito upaddavato bhayato upasaggato calato pabhaṅguto addhuvato atāṇato aleṇato asaraṇato rittato tucchato suññato anattato ādīnavato vipariṇāmadhammato asārakato aghamūlato vadhakato vibhavato sāsavato saṃkhatato mārāmisato jātidhammato jarādhammato byādhidhammato maraṇadhammato sokaparidevadukkhadomanassupāyāsadhammato saṃkilesikadhammato samudayato atthaṅgamato assādato ādīnavato nissaraṇato tīreti; ayaṃ tīraṇapariññā.
Katamā pahānapariññā? Evaṃ tīrayitvā phasse chandarāgaṃ pajahati vinodeti byantīkaroti anabhāvaṃ gameti.
Vuttaṃ h'; etaṃ Bhagavatā: *Yo bhikkhave phassesu chandarāgo, taṃ pajahatha; evaṃ so phasso pahīno bhavissati ucchinnamūlo tālāvatthukato anabhāvaṅgato āyatiṃ anuppādadhammo ti; ayaṃ pahānapariññā.
Phassaṃ pariññāyā ti phassaṃ imāhi tīhi pariññāhi parijānitvā.
Anānugiddho ti. Gedho vuccati taṇhā. Yo rāgo sārāgo . . . pe . . . abhijjhā lobho akusalamūlaṃ; yass'; eso gedho pahīno samucchinno vūpasanto paṭipassaddho abhabbuppattiko ñāṇagginā daḍḍho, so vuccati agiddho.
So rūpe agiddho, sadde agiddho, gandhe agiddho, rase agiddho, phoṭṭhabbe agiddho, kule gaṇe āvāse lābhe yase pasaṃsāya sukhe cīvare piṇḍapāte senāsane gilānapaccayabhesajjaparikkhāre,
[page 054]
54 Aṭṭhakavaggo. [S.N. 778
[... content straddling page break has been moved to the page above ...] kāmadhātuyā rūpadhātuyā arūpadhātuyā, kāmabhave rūpabhave arūpabhave saññābhave asaññābhave nevasaññānāsaññābhave ekavokārabhave catuvokārabhave pañcavokārabhave, atīte anāgate paccuppanne, diṭṭhasutamutaviññātabbesu dhammesu agiddho agadhito amucchito anajjhopanno vītagedho vigatagedho cattagedho vantagedho muttagedho pahīnagedho paṭinissaṭṭhagedho vītarāgo vigatarāgo cattarāgo vantarāgo muttarāgo pahīnarāgo paṭinissaṭṭharāgo nicchāto nibbuto sītibhūto {sukhapaṭisaṃvedī} brahmabhūtena attanā viharatī ti, phassaṃ pariññāya anānugiddho.
Yad attagarahī tad akubbamāno ti. Yadan ti yaṃ. Attagarahī ti dvīhi kāraṇehi attānaṃ garahati, katattā ca akatattā ca.
Kathaṃ katattā ca akatattā ca attānaṃ garahati?
Kataṃ me kāyaduccaritaṃ, akataṃ me kāyasucaritan ti attānaṃ garahati; kataṃ me vacīduccaritaṃ, akataṃ me vacīsucaritan ti attānaṃ garahati; kataṃ me manoduccaritaṃ, akataṃ me manosucaritan ti attānaṃ garahati; kato me pāṇātipāto, akatā me pāṇātipātā veramaṇī ti attānaṃ garahati; kataṃ me adinnādānaṃ, akatā me adinnādānā veramaṇī ti attānaṃ garahati; kato me kāmesu micchācāro, akatā me kāmesu micchācārā veramaṇī ti attānaṃ garahati; kato me musāvādo, akatā me musāvādā veramaṇī ti attānaṃ garahati; katā me pisuṇā vācā, akatā me pisuṇāya vācāya veramaṇī ti attānaṃ garahati; katā me pharusā vācā, akatā me pharusāya vācāya veramaṇī ti attānaṃ garahati; kato me samphappalāpo, akatā me samphappalāpā veramaṇī ti attānaṃ garahati; katā me abhijjhā, akatā me anabhijjhā ti attānaṃ garahati; kato me byāpādo, akato me abyābhijjhā ti attānaṃ garahati; katā me micchādiṭṭhi, akatā me sammādiṭṭhī ti attānaṃ garahati; evaṃ katattā ca akatattā ca attānaṃ garahati.
Athavā, sīlesu 'mhi na paripūrakārī ti attānaṃ garahati;
[page 055]
S.N. 778] Guhaṭṭhakasuttaniddeso. 55
indriyesu 'mhi aguttadvāro ti attānaṃ garahati; bhojane amattaññu 'mhī ti attānaṃ garahati; jāgariyaṃ ananuyutto 'mhī ti attānaṃ garahati; na satisampajaññena samannāgato 'mhī ti attānaṃ garahati; abhāvitā me cattāro satipaṭṭhānā ti attānaṃ garahati; abhāvitā me cattāro sammappadhānā ti attānaṃ garahati; abhāvitā me cattāro iddhipādā ti attānaṃ garahati; abhāvitāni me pañc'; indriyānī ti attānaṃ garahati; abhāvitāni me pañca balānī ti attānaṃ garahati; abhāvitā me satta bojjhaṅgā ti attānaṃ garahati; abhāvito me ariyo aṭṭhaṅgiko maggo ti attānaṃ garahati; dukkhaṃ me apariññātan ti attānaṃ garahati; samudayo me appahīno ti attānaṃ garahati; maggo me abhāvito ti attānaṃ garahati; nirodho me asacchikato ti attānaṃ garahati; evaṃ katattā ca akatattā ca attānaṃ garahati. Evaṃ attagarahitaṃ kammaṃ akubbamāno ajanayamāno asañjanayamāno anibbattayamāno anabhinibbattayamāno ti, yad attagarahī tad akubbamāno.
Na limpatī diṭṭhasutesu dhīro ti. Lepā ti dve lepā:
taṇhālepo ca diṭṭhilepo ca . . . pe . . . ayaṃ taṇhālepo . . . pe . . . ayaṃ diṭṭhilepo. Dhīro ti dhīro paṇḍito paññavā buddhimā ñāṇī vibhāvī medhāvī. Dhīro taṇhālepaṃ pahāya, diṭṭhilepaṃ paṭinissajjitvā, diṭṭhe na limpati, sute na limpati, mute na limpati, viññāte na limpati na saṃlimpati na upalimpati, alitto asaṃlitto anupalitto nikkhanto nissaṭṭho vippamutto visaṃyutto vimariyādikatena cetasā viharatī ti, na limpati diṭṭhasutesu dhīro.
Ten'; āha Bhagavā:
Ubhosu antesu vineyya chandaṃ
phassaṃ pariññāya anānugiddho,
yad attagarahī, tad akubbamāno
na limpatī diṭṭhasutesu dhīro ti.
_________________________________
[page 056]
56 Aṭṭhakavaggo. [S.N. 779
Sn_IV,2.8(=779): Saññaṃ pariññā vitareyya oghaṃ
pariggahesu muni nopalitto
abbūḷha-sallo caram appamatto
nāsiṃsatī lokam imaṃ parañ ca. || Nidd_I.2:8 ||
Saññaṃ pariññā vitareyya oghan ti. Saññā ti kāmasaññā byāpādasaññā vihiṃsāsaññā, nekkhammasaññā abyāpādasaññā avihiṃsāsaññā, rūpasaññā saddasaññā gandhasaññā rasasaññā phoṭṭhabbasaññā dhammasaññā; yā evarūpā saññā sañjānanā sañjānitattaṃ ayaṃ vuccati saññā. Saññaṃ pariññā ti saññaṃ tīhi pariññāhi parijānitvā ñātapariññāya tīraṇapariññāya pahānapariññāya.
Katamā ñātapariññā? Saññaṃ jānāti: ayaṃ kāmasaññā, ayaṃ byāpādasaññā, ayaṃ vihiṃsāsaññā, ayaṃ nekkhammasaññā, ayaṃ abyāpādasaññā, ayaṃ avihiṃsāsaññā, ayaṃ rūpasaññā, ayaṃ saddasaññā, ayaṃ gandhasaññā, ayaṃ rasasaññā, ayaṃ phoṭṭhabbasaññā, ayaṃ dhammasaññā ti jānāti passati; ayaṃ ñātapariññā.
Katamā tīraṇapariññā? Evaṃ ñātaṃ katvā saññaṃ tīreti, aniccato dukkhato rogato gaṇḍato sallato aghato ābādhato parato palokato ītito upaddavato bhayato upasaggato calato pabhaṅguto . . . pe . . . samudayato aṭṭhaṅgamato assādato ādīnavato nissaraṇato tīreti; ayaṃ tīraṇapariññā.
Katamā pahānapariññā? Evaṃ tīretvā saññāya chandarāgaṃ pajahati vinodeti byantīkaroti anabhāvaṃ gameti.
Vuttaṃ h'; etaṃ Bhagavatā: *Yo bhikkhave saññāya chandarāgo, taṃ pajahatha; evaṃ sā saññā pahīnā bhavissati ucchinnamūlā tālāvatthukatā anabhāvaṅgatā āyatiṃ anuppādadhammā ti; ayaṃ pahānapariññā.
Saññaṃ pariññā ti saññaṃ imāhi tīhi pariññāhi parijānitvā.
[page 057]
S.N. 779] Guhaṭṭhakasuttaniddeso. 57
Vitareyya oghan ti kāmoghaṃ bhavoghaṃ diṭṭhoghaṃ avijjoghaṃ vitareyya uttareyya patareyya samatikkameyya vītivatteyyā ti, saññaṃ pariññā vitareyya oghaṃ.
Pariggahesu muni nopalitto ti. Pariggahā ti dve pariggahā, taṇhāpariggaho ca diṭṭhipariggaho ca . . . pe . . . ayaṃ taṇhāpariggaho . . . pe . . . ayaṃ diṭṭhipariggaho.
Munī ti. Monaṃ vuccati ñāṇaṃ, yā paññā pajānanā . . . pe . . . amoho dhammavicayo sammādiṭṭhi; tena ñāṇena samannāgato muni monappatto ti.
Tīṇi moneyyāni, kāyamoneyyaṃ vacīmoneyyaṃ manomoneyyaṃ.
Katamaṃ kāyamoneyyaṃ? Tividhānaṃ kāyaduccaritānaṃ pahānaṃ, kāyamoneyyaṃ. Tividhaṃ kāyasucaritaṃ, kāyamoneyyaṃ. Kāyārammaṇaṃ ñāṇaṃ, kāyamoneyyaṃ. Kāyapariññā, kāyamoneyyaṃ. Pariññāsahagato maggo, kāyamoneyyaṃ. Kāye chandarāgassa pahānaṃ, kāyamoneyyaṃ. Kāyasaṃkhāranirodho catutthajjhānasamāpatti, kāyamoneyyaṃ; idaṃ kāyamoneyyaṃ.
Katamaṃ vacīmoneyyaṃ? Catubbidhānaṃ vacīduccaritānaṃ pahānaṃ, vacīmoneyyaṃ. Catubbidhaṃ vacīsucaritaṃ, vacīmoneyyaṃ. Vācārammaṇaṃ ñāṇaṃ, vacīmoneyyaṃ. Vācāpariññā, vacīmoneyyaṃ. Pariññāsahagato maggo, vacīmoneyyaṃ. Vācāya chandarāgassa pahānaṃ, vacīmoneyyaṃ. Vacīsaṃkhāranirodho dutiyajjhānasamāpatti, vacīmoneyyaṃ; idaṃ vacīmoneyyaṃ.
Katamaṃ manomoneyyaṃ? Tividhānaṃ manoduccaritānaṃ pahānaṃ, manomoneyyaṃ. Tividhaṃ manosucaritaṃ, manomoneyyaṃ. Cittārammaṇaṃ ñāṇaṃ, manomoneyyaṃ. Cittapariññā, manomoneyyaṃ. Pariññāsahagato maggo, manomoneyyam. Cittacchandarāgassa pahānaṃ, manomoneyyaṃ. Cittasaṃkhāranirodho saññāvedayitanirodhasamāpatti,
[page 058]
58 Aṭṭhakavaggo. [S.N. 779
[... content straddling page break has been moved to the page above ...] manomoneyyaṃ; idaṃ manomoneyyaṃ.
*Kāyamuniṃ vācāmuniṃ manomunim anāsavaṃ
muniṃ moneyyasampannaṃ āhu sabbapahāyinaṃ.
Kāyamuniṃ vācāmuniṃ manomunim anāsavaṃ
muniṃ moneyyasampannaṃ āhu ninhātapāpakan ti.
Imehi tīhi moneyyehi dhammehi samannāgatā cha munayo, āgāramunayo anāgāramunayo sekhamunayo asekhamunayo paccekamunayo munimunayo.
Katame āgāramunayo? Ye te āgārikā diṭṭhapadā viññātasāsanā ime āgāramunayo.
Katame anāgāramunayo? Ye te pabbajitā diṭṭhapadā viññātasāsanā, ime anāgāramunayo.
Satta sekhā sekhamunayo.
Arahanto asekhamunayo.
Paccekabuddhā paccekamunayo.
Munimunayo vuccanti tathāgatā arahanto sammāsambuddhā.
Na monena muni hoti mūḷharūpo aviddasu,
yo ca tulaṃ va paggayha varam ādāya paṇḍito.
Pāpāni parivajjeti, sa muni, tena so muni;
yo munāti ubho loke, muni tena pavuccati.
Asatañ ca satañ ca ñatvā dhammaṃ
ajjhattaṃ bahiddhā ca sabbaloke
devamanussehi pūjito,
yo so saṅgajālam aticca so muni.
Lepā ti dve lepā, taṇhālepo ca diṭṭhilepo ca . . . pe . . . ayaṃ tanhālepo . . . pe . . . ayaṃ diṭṭhilepo.
Muni taṇhālepaṃ pahāya diṭṭhilepaṃ paṭinissajjitvā pariggahesu na limpati na saṃlimpati na upalimpati,
[page 059]
S.N. 779] Guhaṭṭhakasuttaniddeso. 59
[... content straddling page break has been moved to the page above ...] alitto asaṃlitto anupalitto nikkhanto nissaṭṭho vippamutto visaṃyutto vimariyādikatena cetasā viharatī ti, pariggahesu muni nopalitto.
Abbūḷhasallo caraṃ appamatto ti. Sallan ti satta sallāni, rāgasallaṃ dosasallaṃ mohasallaṃ mānasallaṃ diṭṭhisallaṃ sokasallaṃ kathaṃkathāsallaṃ. Yass'; etāni sallāni pahīnāni samucchinnāni vūpasantāni paṭipassaddhāni abhabbuppattikāni ñāṇagginā daḍḍhāni, so vuccati abbūḷhasallo abbūḷhitasallo pahatasallo uddhaṭasallo samuddhaṭasallo uppāṭitasallo samuppāṭitasallo cattasallo vantasallo muttasallo pahīnasallo paṭinissaṭṭhasallo, nicchāto nibbuto sītibhūto {sukhapaṭisaṃvedī} brahmabhūtena attanā viharatī ti abbūḷhasallo.
Caran ti caranto viharanto iriyanto vattento pālento yapento yāpento.
Appamatto ti sakkaccakārī sātaccakārī aṭṭhitakārī anolīnavuttiko anikkhittacchando anikkhittadhuro kusalesu dhammesu. Kathāhaṃ aparipūraṃ vā sīlakkhandhaṃ paripūreyyaṃ, paripūraṃ vā sīlakkhandhaṃ tattha tattha paññāya anuggaṇheyyan? ti, yo tattha chando ca vāyāmo ca ussāho ca ussoḷhī ca appaṭivāṇī ca satisampajaññañ ca ātappaṃ padhānaṃ adhiṭṭhānaṃ anuyogo appamādo kusalesu dhammesu. Kathāhaṃ aparipūraṃ vā samādhikkhandhaṃ paripūreyyaṃ paripūraṃ vā samādhikkhandhaṃ tattha tattha paññāya anuggaṇheyyan? ti . . . pe . . . kusalesu dhammesu. Kathāhaṃ aparipūraṃ vā paññākkhandhaṃ vimuttikkhandhaṃ vimuttiñāṇadassanakkhandhaṃ paripūreyyaṃ paripūraṃ vā vimuttiñāṇadassanakkhandhaṃ tattha tattha paññāya anuggaṇheyyan?
[page 060]
60 Aṭṭhakavaggo. [S.N. 779
[... content straddling page break has been moved to the page above ...] ti, yo tattha chando ca vāyāmo ca ussāho ca ussoḷhī ca appaṭivānī ca satisampajaññañ ca ātappaṃ padhānaṃ adhiṭṭhānaṃ anuyogo appamādo kusalesu dhammesu.
Kathāhaṃ apariññātaṃ vā dukkhaṃ parijāneyyaṃ, appahīne vā kilese pajaheyyaṃ, abhāvitaṃ vā maggaṃ bhāveyyaṃ, asacchikataṃ vā nirodhaṃ sacchikareyyan? ti, yo tattha chando ca vāyāmo ca ussāho ca ussoḷhī ca appaṭivāṇī ca satisampajaññañ ca ātappaṃ padhānaṃ adhiṭṭhānaṃ anuyogo appamādo kusalesu dhammesū ti, abbūḷhasallo caraṃ appamatto.
Nāsiṃsati lokam imaṃ parañ cā ti imaṃ lokaṃ nāsiṃsati sakattabhāvaṃ, paraṃ lokaṃ nāsiṃsati parattabhāvaṃ. Imaṃ lokaṃ nāsiṃsati sakarūpavedanāsaññāsaṃkhāraviññāṇaṃ, paraṃ lokaṃ nāsiṃsati pararūpavedanāsaññāsaṃkhāraviññāṇaṃ. Imaṃ lokaṃ nāsiṃsati cha ajjhattikāni āyatanāni, paraṃ lokaṃ nāsiṃsati cha bāhirāni āyatānani. Imaṃ lokaṃ nāsiṃsati manussalokaṃ, paraṃ lokaṃ nāsiṃsati devalokaṃ. Imaṃ lokaṃ nāsiṃsati kāmadhātum, paraṃ lokaṃ nāsiṃsati rūpadhātuṃ arūpadhātuṃ. Imaṃ lokaṃ nāsiṃsati kāmadhātuṃ rūpadhātuṃ, paraṃ lokaṃ nāsiṃsati arūpadhātuṃ. Punāgatiṃ vā upapattiṃ vā paṭisandhiṃ vā bhavaṃ vā saṃsāraṃ vā vaṭṭaṃ vā nāsiṃsati na icchati na sādiyati na pattheti na piheti nābhijappatī ti, nāsiṃsati lokaṃ imaṃ parañ ca. Ten'; āha Bhagavā:
[page 061]
S.N. 779] Guhaṭṭhakasuttaniddeso. 61
Saññaṃ pariññā vitareyya oghaṃ
pariggahesu muni nopalitto
abbūḷhasallo caraṃ appamatto
nāsiṃsati lokaṃ imaṃ parañ cā ti.
DUTIYO GUHAṬṬHAKASUTTANIDDESO NIṬṬHITO.
[page 062]
62
III.
TATIYO DUṬṬHAṬṬHAKASUTTANIDDESO.
Sn_IV,3.1(=780): Vadanti ve duṭṭhamanā pi eke,
aññe pi ve saccamanā vadanti,
vādañ ca jātaṃ muni no upeti,
tasmā munī n'; atthi khilo kuhiñci. || Nidd_I.3:1 ||
Vadanti ve duṭṭhamanā pi eke ti. Te titthiyā duṭṭhamanā paduṭṭhamanā viruddhamanā paṭiviruddhamanā āhatamanā paccāhatamanā āghāṭitamanā paccāghāṭitamanā vadanti upavadanti Bhagavantañ ca bhikkhusaṃghañ ca abhūtenā ti, vadanti ve duṭṭhamanā pi eke.
Aññe pi ve saccamanā vadantī ti. Ye tesaṃ titthiyānaṃ saddahantā okappentā adhimuccantā saccamanā saccasaññino bhūtamanā bhūtasaññino tathamanā tathasaññino yāthāvamanā yāthāvasaññino aviparittamanā aviparittasaññino vadanti upavadanti Bhagavantañ ca bhikkhusaṃghañ ca abhūtenā ti, aññe pi ve saccamanā vadanti.
Vādañ ca jātaṃ muni no upetī ti. So vādo jāto hoti sañjāto nibbatto abhinibbatto pātubhūto, parato ghoso akkoso upavādo Bhagavato ca bhikkhusaṃghassa ca abhūtenā ti, vādañ ca jātaṃ muni no upetī ti.
Munī* ti. Monaṃ vuccati ñāṇaṃ, yā paññā pajānanā . . . pe . . . amoho dhammavicayo sammādiṭṭhi; tena ñāṇena samannāgato muni monappatto
[page 063]
S.N. 781] Duṭṭhaṭṭhakasuttaniddeso. 63
[... content straddling page break has been moved to the page above ...] . . . pe . . . saṅgajālam aticca so munī ti.
Yo vādaṃ upeti so dvīhi kāraṇehi vādaṃ upeti. Kārako kārakatāya vādaṃ upeti; atha vā vuccamāno upavadiyamāno kuppati byāpajjati patiṭṭhiyati, kopañ ca dosañ ca appaccayañ ca pātukaroti akārako 'mhī ti yo vādaṃ upeti so imehi dvīhi kāraṇehi vādaṃ upeti. Muni dvīhi kāraṇehi vādaṃ na upeti. Akārako akārakatāya vādaṃ na upeti; athavā vuccamāno upavadiyamāno na kuppati na byāpajjati na patiṭṭhiyati na kopañ ca dosañ ca appaccayañ ca pātukaroti akārako 'mhī ti muni imehi dvīhi kāraṇehi vādaṃ na upeti na upagacchati na gaṇhāti na parāmasati na abhinivisatī ti, vādañ ca jātaṃ muni no upeti.
Tasmā munī n'; atthi khilo kuhiñcī ti. Tasmā ti tasmā taṃkāraṇā taṃhetu tappaccayā taṃnidānā munino ahatacittatā khilajātatā pi n'; atthi; pañca pi cetokhilā n'; atthi; tayo pi khilā n'; atthi; rāgakhilo dosakhilo mohakhilo n'; atthi na santi na saṃvijjati n'; upalabbhati, pahīno samucchinno vūpasanto paṭipassaddho abhabbuppattiko ñāṇagginā daḍḍho. Kuhiñcī ti kuhiñci kimhici katthaci ajjhattaṃ vā bahiddhā vā ajjhattabahiddhā vā ti, tasmā munī n'; atthi khilo kuhiñci. Ten'; āha Bhagavā:
Vadanti ve duṭṭhamanā pi eke,
aññe pi ve saccamanā vadanti,
vādañ ca jātaṃ muni no upeti,
tasma munī n'; atthi khilo kuhiñcī ti.
_________________________________
Sn_IV,3.2(=781): Sakaṃ hi diṭṭhiṃ katham accayeyya
chandānunīto ruciyā niviṭṭho?
sayaṃ samattāni pakubbamāno,
yathā hi jāneyya, tathā vadeyya. || Nidd_I.3:2 ||
[page 064]
64 Aṭṭhakavaggo. [S.N. 781
Sakaṃ hi diṭṭhiṃ katham accayeyyā? ti. Ye te titthiyā Sundariṃ* paribbājikaṃ hantvā, samaṇānaṃ sakyaputtiyānaṃ avaṇṇaṃ pakāsayitvā, evaṃ etaṃ lābhaṃ yasaṃ sakkārasammānaṃ paccāharissāmā ti evaṃdiṭṭhikā evaṃkhantikā evaṃrucikā evaṃladdhikā evamajjhasayā evamadhippāyā, te nāsakkhiṃsu sakaṃ diṭṭhiṃ sakaṃ khantiṃ sakaṃ ruciṃ sakaṃ laddhiṃ sakaṃ ajjhāsayaṃ sakaṃ adhippāyaṃ atikkamituṃ. Atha kho sv eva ayaso te paccāgato ti, evam pi sakaṃ hi diṭṭhiṃ katham accayeyya?
Athavā sassato loko, idam eva saccaṃ, mogham aññan ti yo so evaṃvādo, so sakaṃ diṭṭhiṃ sakaṃ khantiṃ sakaṃ ruciṃ sakaṃ laddhiṃ sakaṃ ajjhāsayaṃ sakaṃ adhippāyaṃ kathaṃ accayeyya atikkameyya samatikkameyya vītivatteyya? Taṃ kissa hetu? Tassa sā diṭṭhi tathā samattā samādiṇṇā gahitā parāmaṭṭhā abhiniviṭṭhā ajjhositā adhimuttā ti, evam pi sakam hi diṭṭhiṃ katham accayeyya? Asassato loko, antavā loko, anantavā loko, taṃ jīvaṃ taṃ sarīraṃ, aññaṃ jīvaṃ aññaṃ sarīraṃ, hoti tathāgato param maraṇā, na hoti tathāgato param maraṇā, hoti ca na ca hoti tathāgato param maraṇā, n'; eva hoti na na hoti tathāgato param maraṇā, idam eva saccaṃ, mogham aññan ti yo so evaṃvādo, so sakaṃ diṭṭhiṃ sakaṃ khantiṃ sakaṃ ruciṃ sakaṃ laddhiṃ sakaṃ ajjhāsayaṃ sakaṃ adhippāyaṃ kathaṃ accayeyya atikkameyya samatikkameyya vītivatteyya? Taṃ kissa hetu? Tassa sā diṭṭhi tathā samattā samādiṇṇā gahitā parāmaṭṭhā abhiniviṭṭhā ajjhositā adhimuttā ti, evam pi sakaṃ hi diṭṭhiṃ katham accayeyya?
Chandānunīto ruciyā niviṭṭho ti. Chandānunīto ti sakāya diṭṭhiyā sakāya khantiyā sakāya ruciyā sakāya laddhiyā yāyati niyyati vuyhati saṃhariyati. Yathā hatthiyānena vā rathayānena vā assayānena vā goyānena vā ajayānena vā meṇḍakayānena vā oṭṭhayānena vā kharayānena vā yāyati niyyati vuyhati saṃhariyati;
[page 065]
S.N. 781] Duṭṭhaṭṭhakasuttaniddesu. 65
[... content straddling page break has been moved to the page above ...] evam eva sakāya diṭṭhiyā sakāya khantiyā sakāya ruciyā sakāya laddhiyā yāyati niyyati vuyhati saṃhariyatī ti, chandānunīto.
Ruciyā niviṭṭho ti sakāya diṭṭhiyā sakāya khantiyā sakāya ruciyā sakāya laddhiyā niviṭṭho patiṭṭhito allīno upāgato ajjhosito adhimutto ti, chandānunīto ruciyā niviṭṭho.
Sayaṃ samattāni pakubbamāno ti sayaṃ samattaṃ karoti, paripuṇṇaṃ karoti, anomaṃ karoti, aggaṃ seṭṭhaṃ viseṭṭhaṃ pāmokkhaṃ uttamaṃ pavaraṃ karoti; ayaṃ satthā sabbaññū ti sayaṃ samattaṃ karoti, paripuṇṇaṃ karoti, anomaṃ karoti, aggaṃ seṭṭhaṃ viseṭṭhaṃ pāmokkhaṃ uttamaṃ pavaraṃ karoti; ayaṃ dhammo svākkhāto, ayaṃ gaṇo supaṭipanno, ayaṃ diṭṭhi bhaddikā, ayaṃ paṭipadā supaññattā, ayaṃ maggo niyyāniko ti sayaṃ samattaṃ karoti, paripuṇṇaṃ karoti, anomaṃ karoti, aggaṃ seṭṭhaṃ viseṭṭhaṃ pāmokkhaṃ uttamaṃ pavaraṃ karoti janeti sañjaneti nibbatteti abhinibbattetī ti, sayaṃ samattāni pakubbamāno.
Yathā hi jāneyya tathā vadeyyā ti yathā jāneyya tathā vadeyya katheyya bhaṇeyya dīpeyya vohareyya. Sassato loko, idaṃ eva saccaṃ, moghaṃ aññan ti yathā jāneyya tathā vadeyya katheyya bhaneyya dīpeyya vohareyya.
Asassato loko . . . pe . . . n'; eva hoti na na hoti tathāgato paraṃ maraṇā, idam eva saccaṃ, mogham aññan ti yathā jāneyya tathā vadeyya katheyya bhaṇeyya dīpeyya vohareyyā ti, yathā hi jāneyya tathā vadeyya. Ten'; āha Bhagavā:
[page 066]
66 Aṭṭhakavaggo. [S.N. 782
Sakaṃ hi ditthiṃ kathaṃ accayeyya
chandānunīto ruciyā niviṭṭho?
sayaṃ samattāni pakubbamāno,
yathā hi jāneyya tathā vadeyyā ti.
_________________________________
Sn_IV,3.3(=782): Yo attano sīlavatāni jantu
anānupuṭṭho ca paresa pāvā,
anariyadhammaṃ kusalā tam āhu,
yo ātumānaṃ sayam eva pāvā. || Nidd_I.3:3 ||
Yo attano sīlavatāni jantū ti. Yo ti yo yādiso yathāyutto yathāvihito yathāpakāro yanthānappatto yaṃdhammasamannāgato khattiyo vā brāhmaṇo vā vesso vā suddo vā gahaṭṭho vā pabbajito vā devo vā manusso vā. Sīlavatānī ti. Atthi sīlañ c'; eva vattañ ca, atthi vattaṃ na sīlaṃ.
Katamaṃ sīlañ c'; eva vattañ ca? Idha bhikkhu sīlavā hoti, pātimokkhasaṃvarasaṃvuto viharati ācāragocarasampanno, aṇumattesu vajjesu bhayadassāvī samādāya sikkhati sikkhāpadesu; yo tattha saṃyamo saṃvaro avītikkamo, idaṃ sīlaṃ; yaṃ samādānaṃ, taṃ vattaṃ; saṃvaratthena sīlaṃ, samādānatthena vattaṃ; idaṃ vuccati sīlañ c'; eva vattañ ca.
Katamaṃ vattaṃ na sīlaṃ? Aṭṭha dhūtaṅgāni, āraññikaṅgaṃ piṇḍapātikaṅgaṃ paṃsukūlikaṅgaṃ tecīvarikaṅgaṃ sapadānacārikaṅgaṃ khalupacchābhattikaṅgaṃ nesajjikaṅgaṃ yathāsanthatikaṅgaṃ; idaṃ vuccati vattaṃ na sīlaṃ. Viriyasamādānam pi vuccati vattaṃ na sīlaṃ: Kāmaṃ taco ca nhārū ca aṭṭhi ca avasussatu, sarīre upasussatu maṃsalohitaṃ, yan taṃ purisathāmena purisabalena purisaviriyena purisaparakkamena pattabbaṃ,
[page 067]
S.N. 782] Duṭṭhaṭṭhakasuttaniddeso. 67
[... content straddling page break has been moved to the page above ...] na taṃ apāpuṇitvā viriyassa saṇṭhānaṃ bhavissatī ti cittaṃ paggaṇhāti padahati; evarūpaṃ viriyasamādānaṃ vuccati vattaṃ na sīlaṃ. Na tāvāhaṃ imaṃ pallaṅkaṃ bhindissāmi yāva me anupādāya āsavehi cittaṃ vimuccissatī ti cittaṃ paggaṇhāti padahati; evarūpam pi viriyasamādānaṃ vuccati vattaṃ na sīlaṃ.
*Nāssissaṃ, na pivissāmi, vihārato na nikkhamiṃ,
na pi passaṃ nipātessaṃ taṇhāsalle anūhate ti
cittaṃ paggaṇhāti padahati; evarūpam pi viriyasamādānaṃ vuccati vattaṃ na sīlaṃ. Na tāvāhaṃ imamhā āsanā vuṭṭhahissāmi, caṅkamā orohissāmi, vihārā nikkhamissāmi, aḍḍhayogā nikkhamissāmi, pāsādā nikkhamissāmi, hammiyā nikkhamissāmi, guhāya nikkhamissāmi leṇā nikkhamissāmi, kuṭiyā nikkhamissāmi, kūṭāgārā nikkhamissāmi, aṭṭā nikkhamissāmi, māḷā nikkhamissāmi, uddhaṇhā nikkhamissāmi, upaṭṭhānasālāya nikkhamissāmi, maṇḍapā nikkhamissāmi, rukkhamūlā nikkhamissāmi yāva me anupādāya āsavehi cittaṃ vimuccissatī ti cittaṃ paggaṇhāti padahati; evarūpam pi viriyasamādānaṃ vuccati vattaṃ na sīlaṃ. Imasmiñ ñeva pubbaṇhasamayaṃ ariyadhammaṃ āharissāmi samāharissāmi adhigacchissāmi phusayissāmi sacchikarissāmi ti cittaṃ paggaṇhāti padahati; evarūpam pi viriyasamādānaṃ vuccati vattaṃ na sīlaṃ. Imasmiñ ñeva majjhantikasamayaṃ sāyaṇhasamayam purebhattaṃ pacchābhattaṃ purimayāmaṃ majjhimayāmaṃ pacchimayāmaṃ kāḷe juṇhe vasse hemante gimhe, purime vayokhandhe, majjhime vayokhandhe, pacchime vayokhandhe ariyadhammaṃ āharissāmi samāharissāmi adhigacchissāmi phusayissāmi sacchikarissāmī ti cittaṃ paggaṇhāti padahati;
[page 068]
68 Aṭṭhakavaggo. [S.N. 782
[... content straddling page break has been moved to the page above ...] evarūpam pi viriyasamādānaṃ vuccati vattaṃ na sīlaṃ.
Jantū ti satto naro māṇavo poso puggalo jīvo jagū jantu indagū manujo ti, yo attano sīlavatāni jantu.
Anānupuṭṭho ca paresa pāvā ti. Paresan ti paresaṃ khattiyānaṃ brāhmaṇānaṃ vessānaṃ suddānaṃ gahaṭṭhānaṃ pabbajitānaṃ devānaṃ manussānaṃ. Anānupuṭṭho ti apuṭṭho apucchito anāyācito anajjhesito appasadito.
Pāvā ti attano sīlaṃ vā vattaṃ vā sīlavattaṃ vā pāvadati.
Aham asmi sīlasampanno ti vā, vattasampanno ti vā, sīlavattasampanno ti vā, jātiyā vā gottena vā kolaputtikena vā vaṇṇapokkharatāya vā dhanena vā ajjhenena vā kammāyatanena vā sippāyatanena vā vijjaṭṭhānena vā sutena vā paṭibhāṇena vā aññataraññatarena vā vatthunā, uccākulā pabbajito ti vā, mahākulā pabbajito ti vā, mahābhogakulā pabbajito ti vā, uḷārabhogakulā pabbajito ti vā, ñāto yasassī sagahaṭṭhapabbajitānan ti vā, lābhi 'mhi cīvarapiṇḍapātasenāsanagilānapaccayabhesajjaparikkhārānan ti vā, suttantiko ti vā, vinayadharo ti vā, dhammakathiko ti va, āraññiko ti vā, piṇḍapātiko ti vā, paṃsukūliko ti vā, tecīvariko ti vā, sapadānacāriko ti vā, khalupacchābhattiko ti vā, nesajjiko ti va, yathāsanthatiko ti vā, paṭhamassa jhānassa lābhī ti vā, dutiyassa jhānassa lābhī ti vā, tatiyassa jhānassa lābhī ti vā, catutthassa jhānassa lābhī ti vā, ākāsānañcāyatanasamāpattiyā lābhī ti vā, viññāṇañcāyatanasamāpattiyā lābhī ti vā, ākiñcaññāyatanasamāpattiyā lābhī ti vā, nevasaññānāsaññāyatanasamāpattiyā lābhī ti vā pāvadati katheti bhaṇati dīpayati voharatī, ti anānupuṭṭho ca paresa pāvā.
[page 069]
S.N. 782] Duṭṭhaṭṭhakasuttaniddeso. 69
Anariyadhammaṃ kusalā tam āhū ti. Kusalā ti ye te khandhakusalā dhātukusalā āyatanakusalā paṭiccasamuppādakusalā satipaṭṭhānakusalā sammappadhānakusalā iddhippādakusalā indriyakusalā balakusalā bojjhaṅgakusalā maggakusalā phalakusalā nibbānakusalā, te kusalā evam āhaṃsu: Anariyānaṃ eso dhammo, n'; eso dhammo ariyānaṃ; bālānaṃ eso dhammo, n'; eso dhammo paṇḍitānaṃ; asappurisānaṃ eso dhammo, n'; eso dhammo sappurisānan ti evam āhaṃsu evaṃ kathenti evaṃ bhaṇanti evaṃ dīpayanti evaṃ voharantī ti, anariyadhammaṃ kusalā tam āhu.
Yo ātumānaṃ sayam eva pāvā ti. Ātumā vuccati attā.
Sayam eva pāvā ti sayam eva attānaṃ {pāvadati}: aham asmi sīlasampanno ti vā, vattasampanno ti vā, sīlavattasampanno ti vā, jātiyā vā gottena vā kolaputtikena vā vaṇṇapokkharatāya vā dhanena vā ajjhenena vā kammāyatanena vā sippāyatanena vā vijjaṭṭhānena vā sutena vā paṭibhāṇena vā aññataraññatarena vā vatthunā, uccākulā pabbajito ti vā, mahākulā pabbajito ti vā, mahābhogakulā pabbajito ti vā, uḷārabhogakulā pabbajito ti vā, ñāto yasassī sagahaṭṭhapabbajitānan ti vā, lābhi 'mhi cīvarapiṇḍapātasenāsanagilānapaccayabhesajjaparikkhārānan ti vā, suttantiko ti vā, vinayadharo ti vā, dhammakathiko ti vā, āraññiko ti vā, piṇḍapātiko ti vā, paṃsukūliko ti vā, tecīvariko ti vā, sapadānacāriko ti vā, khalupacchābhattiko ti vā, nesajjiko ti vā, yathāsanthatiko ti vā, paṭhamassa jhānassa lābhī ti vā, dutiyassa jhānassa lābhī ti vā, tatiyassa jhānassa lābhī ti vā, catutthassa jhānassa lābhī ti vā, ākāsānañcāyatanasamāpattiyā lābhī ti vā, viññāṇañcāyatanasamāpattiyā lābhī ti vā, ākiñcaññāyatanasamāpattiyā lābhī ti vā,
[page 070]
70 Aṭṭhakavaggo. [S.N. 782
[... content straddling page break has been moved to the page above ...] nevasaññānāsaññāyatanasamāpattiyā lābhī ti vā pāvadati katheti bhaṇati dīpayati voharatī ti, yo ātumānaṃ sayam eva pāvā. Ten'; āha Bhagavā:
Yo attano sīlavatāni jantu
anānupuṭṭho ca paresa pāvā,
anariyadhammaṃ kusalā tam āhu,
yo ātumānaṃ sayam eva pāvā ti.
_________________________________
Sn_IV,3.4(=783): Santo ca bhikkhu abhinibbutatto
iti 'han ti sīlesu akatthamāno
tam ariyadhammaṃ kusalā vadanti,
yass'; ussadā n'; atthi kuhiñci loke. || Nidd_I.3:4 ||
Santo ca bhikkhu abhinibbutatto ti. Santo ti rāgassa santattā santo, dosassa santattā santo, mohassa santattā santo, kodhassa upanāhassa makkhassa paḷāsassa issāya macchariyassa māyāya sāṭheyyassa thambhassa sārambhassa mānassa atimānassa madassa pamādassa sabbakilesānaṃ sabbaduccaritānam sabbadarathānaṃ sabbapariḷāhānaṃ sabbasantāpānaṃ sabbākusalābhisaṃkhārānaṃ santattā samitattā vūpasamitattā vijjhātattā nibbutattā vigatattā paṭipassaddhattā santo vūpasanto nibbuto paṭipassaddho ti, santo.
Bhikkhū ti sattannaṃ dhammānaṃ bhinnattā bhikkhu; sakkāyadiṭṭhi bhinnā hoti, vicikicchā bhinnā hoti, sīlabbataparāmāso bhinno hoti, rāgo bhinno hoti, doso bhinno hoti, moho bhinno hoti, māno bhinno hoti; bhinn'; assa honti pāpakā akusalā dhammā saṃkilesikā ponobbhavikā sadarā dukkhavipākā āyatiṃ jātijarāmaraṇīyā.
[page 071]
S.N. 783] Duṭṭhaṭṭhakasuttaniddeso. 71
*Pajjena katena attanā,
Sabhiyā ti Bhagavā,
parinibbānagato vitiṇṇakaṃkho
vibhavañ ca bhavañ ca vippahāya
vusitavā khīṇapunabbhavo ti.
Santo ca bhikkhu abhinibbutatto ti. Rāgassa nibbāpitattā dosassa nibbāpitattā mohassa nibbāpitattā abhinibbutatto, kodhassa upanāhassa makkhassa paḷāsassa issāya macchariyassa māyāya sāṭheyyassa thambhassa sārambhassa mānassa atimānassa madassa pamādassa sabbakilesānaṃ sabbaduccaritānaṃ sabbadarathānaṃ sabbapariḷāhānaṃ sabbasantāpānaṃ sabbākusalābhisaṃkhārānaṃ nibbāpitattā abhinibbutatto ti, santo ca bhikkhu abhinibbutatto.
Iti 'han ti sīlesu akatthamāno ti. Iti 'han ti padasandhi padasaṃsaggo padapāripūri akkharasamavāyo byañjanasiliṭṭhatā padānupubbatā-m-etaṃ, iti 'han ti.
Sīlesu akatthamāno ti. idh'; ekacco katthī hoti vikatthī; so katthati vikatthati aham asmi sīlasampanno ti vā vattasampanno ti vā sīlavattasampanno ti vā, jātiyā vā gottena vā kolaputtikena vā vaṇṇapokkharatāya vā . . . pe . . . n'; evasaññānāsaññāyatanasamāpattiyā lābhī ti vā katthati vikatthati. Evaṃ na katthati na vikatthati, katthanā ārato virato paṭivirato nikkhanto nissaṭṭho vippamutto visaṃyutto vimariyādikatena cetasā viharati ti, iti 'han ti sīlesu akatthamāno.
Tam ariyadhammaṃ kusalā vadantī ti. Kusalā ti ye te khandhakusalā dhātukusalā āyatanakusalā paṭiccasamuppādakusalā satipaṭṭhānakusalā sammappadhānakusalā iddhippādakusalā indriyakusalā balakusalā bojjhaṅgakusalā maggakusalā phalakusalā nibbānakusalā,
[page 072]
72 Aṭṭhakavaggo. [S.N. 783
[... content straddling page break has been moved to the page above ...] te kusalā evaṃ vadanti. Ariyānaṃ eso dhammo, n'; eso dhammo anariyānaṃ; paṇḍitānaṃ eso dhammo, n'; eso dhammo bālānaṃ; sappurisānaṃ eso dhammo, n'; eso dhammo asappurisānan ti, evaṃ vadanti evaṃ kathenti evaṃ bhaṇanti evaṃ dīpayanti evaṃ voharantī ti, tam ariyadhammaṃ kusalā vadanti.
Yass'; ussadā n'; atthi kuhiñci loke ti. Yassā ti arahato khīṇāsavassa. Ussadā ti satt'; ussadā, rāgussado dosussado mohussado mānussado diṭṭhussado kilesussado kammussado. Yass'; ime ussadā n'; atthi na santi na saṃvijjanti n'; upalabbhanti, pahīnā samucchinnā vūpasantā paṭipassaddhā abhabbuppattikā ñāṇagginā daḍḍhā.
Kuhiñcī ti kuhiñci kimhici katthaci ajjhattaṃ vā bahiddhā vā ajjhattabahiddhā vā. Loke ti apāyaloke manussaloke devaloke khandhaloke dhātuloke āyatanaloke ti, yass'; ussadā n'; atthi kuhiñci loke. Ten'; āha Bhagavā:
Santo ca bhikkhu abhinibbutatto
iti 'han ti sīlesu akatthamāno
tam ariyadhammaṃ kusalā vadanti,
yass'; ussadā n'; atthi kuhiñci loke ti.
_________________________________
Sn_IV,3.5(=784): Pakappitā saṃkhatā yassa dhammā
purakkhatā santi avīvadātā,
yad attani passati ānisaṃsaṃ,
tan nissito kuppa-paṭicca-santiṃ. || Nidd_I.3:5 ||
Pakappitā saṃkhatā yassa dhammā ti. Pakappanā ti dve pakappanā, taṇhāpakappanā ca diṭṭhipakappanā ca . . . pe . . . ayaṃ taṇhāpakappanā . . . pe . . . ayaṃ diṭṭhipakappanā. Saṃkhatā ti saṃkhatā visaṃkhatā abhisaṃkhatā saṇṭhapitā ti pi saṃkhatā;
[page 073]
S.N. 784] Duṭṭhaṭṭhakasuttaniddesu. 73
[... content straddling page break has been moved to the page above ...] athavā aniccā saṃkhatā paṭiccasamuppannā khayadhammā vayadhammā virāgadhammā nirodhadhammā ti pi saṃkhatā. Yassā ti diṭṭhigatikassa. Dhammā vuccanti dvāsaṭṭhi diṭṭhigatānī ti, pakappitā saṃkhatā yassa dhammā.
Purakkhatā santi avīvadātā ti. Purekkhārā ti dve purekkhārā, taṇhāpurekkhāro ca diṭṭhipurekkhāro ca . . . . . . pe . . . ayaṃ taṇhāpurekkhāro . . . pe . . . ayaṃ diṭṭhipurekkhāro. Tassa taṇhāpurekkhāro appahīno, diṭṭhipurekkhāro appaṭinissaṭṭho, tassa taṇhāpurekkhārassa appahīnattā, tassa diṭṭhipurekkhārassa appaṭinissaṭṭhattā, so taṇhaṃ vā diṭṭhiṃ vā purato katvā carati, taṇhādhajo taṇhāketu taṇhādhipateyyo diṭṭhidhajo diṭṭhiketu diṭṭhādhipateyyo taṇhāya vā diṭṭhiyā vā parivārito caratī ti, purakkhatā. Santī ti santi saṃvijjanti upalabbhanti. Avīvadātā ti avīvadātā avodātā aparisuddhā saṃkiliṭṭhā saṃkilesikā ti, purekkhatā santi avīvadātā Yad attani passati ānisaṃsan ti. Yad attanī ti yaṃ attani. Attā vuccati diṭṭhigataṃ; attano diṭṭhiyā dve ānisaṃse passati, {diṭṭhadhammikañ} ca ānisaṃsaṃ samparāyikañ ca ānisaṃsaṃ.
Katamo diṭṭhiyā {diṭṭhadhammiko} ānisaṃso? Yaṃdiṭṭhiko satthā hoti, taṃdiṭṭhikā sāvakā honti; taṃdiṭṭhikaṃ satthāraṃ sāvakā sakkaronti garukaronti mānenti pūjenti apacitiṃ karonti; labhanti ca tatonidānaṃ cīvarapiṇḍapātasenāsanagilānapaccayabhesajjaparikkhāraṃ. Ayaṃ diṭṭhiyā diṭṭhadhammiko ānisaṃso.
Katamo diṭṭhiyā samparāyiko ānisaṃso? Ayaṃ diṭṭhi alaṃ nāgattāya vā supaṇṇattāya vā yakkhattāya vā asurattāya vā gandhabbattāya vā mahārājattāya vā indattāya vā brahmattāya vā devattāya vā. Ayaṃ diṭṭhi alaṃ suddhiyā visuddhiyā parisuddhiyā muttiyā vimuttiyā parimuttiyā;
[page 074]
74 Aṭṭhakavaggo. [S.N. 784
[... content straddling page break has been moved to the page above ...] imāya diṭṭhiyā sujjhanti visujjhanti parisujjhanti muccanti vimuccanti parimuccanti, imāya diṭṭhiyā sujjhissāmi visujjhissāmi parisujjhissāmi muccissāmi vimuccissāmi parimuccissāmī ti āyatiṃ phalapāṭikaṃkhī hoti. Ayaṃ diṭṭhiyā samparāyiko ānisaṃso.
Attano diṭṭhiyā ime dve ānisaṃse passati dakkhati oloketi nijjhāyati upaparikkhatī ti, yad attani passati ānisaṃsaṃ.
Tan nissito kuppa-paticca-santin ti. Tisso santiyo, accantasanti tadaṅgasanti sammatisanti.
Katamā accantasanti? Accantasanti vuccati amataṃ nibbānaṃ; yo so sabbasaṃkhārasamatho sabbūpadhipaṭinissaggo taṇhakkhayo virāgo nirodho nibbānaṃ; ayaṃ accantasanti.
Katamā tadaṅgasanti? Paṭhamaṃ jhānaṃ samāpannassa nīvaraṇā santā honti, dutiyaṃ jhānaṃ samāpannassa vitakkavicārā santā honti, tatiyaṃ jhānaṃ samāpannassa pīti santā hoti, catutthaṃ jhānaṃ samāpannassa sukhadukkhā santā honti, ākāsānañcāyatanaṃ samāpannassa rūpasaññā paṭighasaññā nānattasaññā santā honti, viññāṇañcāyatanaṃ samāpannassa ākāsānañcāyatanasaññā santā hoti, ākiñcaññāyatanaṃ samāpannassa viññāṇañcāyatanasaññā santā hoti, n'; evasaññā-nāsaññāyatanaṃ samāpannassa ākiñcāññāyatanasaññā santā hoti; ayaṃ tadaṅgasanti.
Katamā sammatisanti? Sammatisanti vuccanti dvāsaṭṭhi diṭṭhigatā diṭṭhisantiyo; api ca sammatisanti imasmiṃ atthe adhippetā santatī ti.
[page 075]
S.N. 785] Duṭṭhaṭṭhakasuttaniddeso. 75
Tan nissito kuppa-paṭicca-santin ti kuppasantiṃ pakuppasantim eritasantiṃ sameritasantiṃ calitasantiṃ ghaṭitasantiṃ kappitasantiṃ pakappitasantiṃ aniccaṃ saṃkhataṃ paṭiccasamuppannaṃ khayadhammaṃ vayadhammaṃ virāgadhammaṃ nirodhadhammaṃ santiṃ nissito āsito allīno upāgato ajjhosito adhimutto ti, tan nissito kuppa-paṭicca-santiṃ.
Ten'; āha Bhagavā:
Pakappitā saṃkhatā yassa dhammā
purakkhatā santi avīvadātā,
yad attani passati ānisaṃsaṃ,
tan nissito kuppa-paṭicca-santin ti.
_________________________________
Sn_IV,3.6(=785): Diṭṭhīnivesā na hi svātivattā
dhammesu niccheyya samuggahītaṃ,
tasmā naro tesu nivesanesu
nidassatī ādiyati-cca dhammaṃ. || Nidd_I.3:6 ||
Diṭṭhīnivesā na hi svātivattā ti. Diṭṭhīnivesā ti sassato loko, idam eva saccaṃ, mogham aññan ti abhinivesapparāmāso diṭṭhinivesanaṃ; asassato loko, antavā loko, anantavā loko, taṃ jīvaṃ taṃ sarīraṃ, aññaṃ jīvaṃ aññaṃ sarīraṃ, hoti tathāgato parammaraṇā, na hoti tathāgato parammaraṇā, hoti ca na ca hoti tathāgato parammaraṇā, n'; eva hoti na na hoti tathāgato parammaraṇā, idam eva saccaṃ, mogham aññan ti abhinivesapparāmāso diṭṭhinivesanan ti, diṭṭhinivesā. Na hi svātivatā ti durativattā duttarā duppatarā dussamatikkamā dubbītivattā ti,
[page 076]
76 Aṭṭhakavaggo. [S.N. 785
[... content straddling page break has been moved to the page above ...] diṭṭhīnivesā na hi svātivattā.
Dhammesu niccheyya samuggahītan ti. Dhammesū ti dvāsaṭṭhi diṭṭhigatesu. Niccheyyā ti nicchinitvā vinicchinitvā vicinitvā pavicinitvā tulayitvā tīrayitvā vibhāvayitvā vibhūtaṃ katvā. Samuggahītan ti nivesanesu odhisaggāho vilaggāho varaggāho koṭṭhāsaggāho uccayaggāho samuccayaggāho: idaṃ saccaṃ tacchaṃ tathaṃ bhūtaṃ yāthāvaṃ aviparittan ti gahitaṃ parāmaṭṭhaṃ abhiniviṭṭhaṃ ajjhositaṃ adhimuttan ti, dhammesu niccheyya samuggahītaṃ.
Tasmā naro tesu nivesanesū ti. Tasmā ti tasmā taṃkāraṇā taṃhetu taṃpaccayā taṃnidānā. Naro ti satto naro māṇavo poso puggalo jīvo jagū jantu indagū manujo. Tesu nivesanesū ti tesu diṭṭhinivesanesū ti, tasmā naro tesu nivesanesu.
Nidassatī ādiyati-cca dhamman ti. Nidassatī ti dvīhi kāraṇehi nidassati, paravicchindanāya vā nidassati, anabhisambhuṇanto vā nidassati.
Kathaṃ paravicchindanāya nidassati? Paro vicchindati: So satthā na sabbaññū, dhammo na svākkhāto, gaṇo na suppaṭipanno, diṭṭhi na bhaddikā, paṭipadā na suppaññattā, maggo na niyyāniko; n'; atth'; ettha suddhi vā visuddhi vā parisuddhi vā mutti vā vimutti vā parimutti vā; na tattha sujjhanti vā visujjhanti vā parisujjhanti vā muccanti vā vimuccanti vā parimuccanti vā; hīnā nihīnā omakā lāmakā jatukkā parittā ti. Evaṃ paro vicchindati; evaṃ vicchindiyamāno satthāraṃ nidassati,
[page 077]
S.N. 786] Duṭṭhaṭṭhakasuttaniddeso. 77
[... content straddling page break has been moved to the page above ...] dhammakkhānaṃ nidassati, gaṇaṃ nidassati, diṭṭhiṃ nidassati, paṭipadaṃ nidassati, maggaṃ nidassati. Evaṃ paravicchindanāya nidassati.
Kathaṃ anabhisambhuṇanto nidassati? Sīlaṃ anabhisambhuṇanto sīlaṃ nidassati, vattaṃ anabhisambhuṇanto vattaṃ nidassati, sīlavattaṃ anabhisambhuṇanto sīlavattaṃ nidassati. Evaṃ anabhisambhuṇanto nidassati.
Ādiyati-cca dhamman ti. Satthāraṃ gaṇhāti, dhammakkhānaṃ gaṇhāti, gaṇaṃ gaṇhāti, diṭṭhiṃ gaṇhāti, paṭipadaṃ gaṇhāti, maggaṃ gaṇhāti, phalaṃ gaṇhāti parāmasati abhinivisatī ti, nidassatī ādiyati-cca dhammaṃ.
Ten'; āha Bhagavā:
Diṭṭhīnivesā na hi svātivattā
dhammesu niccheyya samuggahītaṃ,
tasmā naro tesu nivesanesu
nidassatī ādiyati-cca dhamman ti.
_________________________________
Sn_IV,3.7(=786): Dhonassa hi n'; atthi kuhiñci loke
pakappitā diṭṭhi bhavābhavesu,
māyañ ca mānañ ca pahāya dhono
sa kena gaccheyya? Anūpayo so. || Nidd_I.3:7 ||
Dhonassa hi n'; atthi kuhiñci loke pakappitā diṭṭhi bhavābhavesū ti. Dhono ti. Dhonā vuccati paññā, yā paññā pajānanā vicayo pavicayo dhammavicayo sallakhaṇā upalakkhaṇā paccupalakkhaṇā paṇḍiccaṃ kosallaṃ nepuññaṃ vebhavyā cintā upaparikkhā bhūri medhā pariṇāyikā vipassanā sampajjaññaṃ patodo paññā {paññindri-} yam paññābalaṃ paññāsaṭṭhaṃ paññāpāsādo paññāāloko paññā-obhāso paññāpajjoto paññāratanaṃ amoho dhammavicayo sammādiṭṭhi.
Kiṃkāraṇā dhonā vuccati paññā? Tāya paññāya kāyaduccaritaṃ dhutañ ca dhotañ ca sandhotañ ca niddhotañ ca,
[page 078]
78 Aṭṭhakavaggo. [S.N. 786
[... content straddling page break has been moved to the page above ...] vacīduccaritaṃ dhutañ ca dhotañ ca sandhotañ ca niddhotañ ca, manoduccaritaṃ dhutañ ca dhotañ ca sandhotañ ca niddhotañ ca, rāgo dhuto ca dhoto ca sandhoto ca niddhoto ca, doso moho kodho upanāho makkho paḷāso issā macchariyaṃ māyā sāṭheyyaṃ thambho sārambho māno atimāno mado pamādo, sabbe kilesā, sabbe duccaritā, sabbe darathā, sabbe pariḷāhā, sabbe santāpā, sabbākusalābhisaṃkhārā dhutā ca dhotā ca sandhotā ca niddhotā ca; taṃ-kāraṇā dhonā vuccati paññā. Athavā sammādiṭṭhiyā micchādiṭṭhi dhutā ca dhotā ca sandhotā ca niddhotā ca, sammāsaṃkappena micchāsaṃkappo dhuto ca dhoto ca sandhoto ca niddhoto ca, sammāvācāya micchāvācā dhutā ca, sammākammantena micchākammanto dhuto ca, sammā-ājīvena micchāājīvo dhuto ca, sammāvāyāmena micchāvāyāmo dhuto ca, sammāsatiyā micchāsati dhutā ca, sammāsamādhinā micchāsamādhi dhuto ca, sammāñāṇena micchāñāṇaṃ dhutañ ca, sammāvimuttiyā micchāvimutti dhutā ca dhotā cā sandhotā ca niddhotā ca. Athavā ariyena aṭṭhaṅgikena maggena sabbe kilesā, sabbe duccaritā, sabbe darathā, sabbe pariḷāhā, sabbe santāpā, sabbākusalābhisaṃkhārā dhutā ca dhotā ca sandhotā ca niddhotā ca.
Arahā imehi dhoneyyehi dhammehi upeto samupeto upagato samupagato upapanno samupapanno samannāgato; tasmā arahā dhono. So dhutarāgo dhutapāpo dhutakileso dhutapariḷāho ti dhono.
Kuhiñcī ti kuhiñci kimhici katthaci ajjhattaṃ vā bahiddhā vā ajjhattabahiddhā vā. Loke ti apāyaloke . . . pe . . . āyatanaloke. Pakappanā ti dve pakappanā,
[page 079]
S.N. 786] Duṭṭhaṭṭhakasuttaniddeso. 79
taṇhāpakappanā ca diṭṭhipakappanā ca . . . pe . . . ayaṃ taṇhāpakappanā . . . pe . . . ayaṃ diṭṭhipakappanā.
Bhavābhavesu ti bhavābhave, kammabhave, punabbhave, kāmabhave kammabhave, kāmabhave punabbhave, rūpabhave kammabhave, rūpabhave punabbhave, arūpabhave kammabhave, arūpabhave punabbhave, punappunaṃ bhave punappunaṃ gatiyā punappunaṃ upapattiyā punappunaṃ paṭisandhiyā punappunaṃ attabhāvābhinibbattiyā.
Dhonassa hi n'; atthi kuhiñci loke pakappitā diṭṭhi bhavābhavesū ti; dhonassa kuhiñci loke bhavābhavesu ca kappitā pakappitā abhisaṃkhatā saṇṭhapitā diṭṭhi n'; atthi na santi na saṃvijjanti n'; upalabbhanti, pahīnā samucchinnā vūpasantā paṭipassaddhā abhabbuppattikā ñāṇagginā daḍḍhā ti, dhonassa hi n'; atthi kuhiñci loke pakappitā diṭṭhi bhavābhavesu.
Māyañ ca mānañ ca pahāya dhono ti. Māyā vuccati vañcanikā cariyā. Idh'; ekacco kāyena duccaritaṃ caritvā, vacasā duccaritaṃ caritvā, manasā duccaritaṃ caritvā, tassa paṭicchādanahetu pāpikaṃ icchaṃ paṇidahati: Mā maṃ jaññā ti icchati, mā maṃ jaññā ti saṃkappeti, mā maṃ jaññā ti vācaṃ bhāsati, mā maṃ jaññā ti kāyena parakkamati. Yā evarūpā māyā māyāvitā accasarā vañcañā nikati nikiraṇā pariharaṇā kuhanā parikuhaṇā chādanā paricchādanā anuttānikammaṃ anāvikammaṃ vocchādanā pāpakiriyā; ayaṃ vuccati māyā.
Māno ti. Ekavidhena māno, yā cittassa uṇṇati. Duvidhena māno: attukkaṃsanamāno paravambhanamāno.
Tividhena māno: seyyo 'ham asmī ti māno, sadiso 'ham asmī ti māno,
[page 080]
80 Aṭṭhakavaggo. [S.N. 786
[... content straddling page break has been moved to the page above ...] hīno 'ham asmī ti māno. Catubbidhena māno: lābhena mānaṃ janeti, yasena mānaṃ janeti, pasaṃsāya mānaṃ janeti, sukhena mānaṃ janeti. Pañcavidhena māno: lābhi 'mhi manāpikānaṃ rūpānan ti mānaṃ janeti, lābhi 'mhi manāpikānaṃ saddānaṃ gandhānaṃ rasānaṃ phoṭṭhabbānan ti mānaṃ janeti. Chabbidhena māno: cakkhusampadāya mānaṃ janeti, sotasampadayā ghānasampadāya jivhāsampadāya kāyasampadāya manosampadāya mānaṃ janeti. Sattavidhena māno: māno atimāno mānātimāno omāno adhimāno asmimāno micchāmāno. Aṭṭhavidhena māno: lābhena mānaṃ janeti, alābhena omānaṃ janeti, yasena mānaṃ janeti, ayasena omānaṃ janeti, pasaṃsāya mānaṃ janeti, nindāya omānaṃ janeti, sukhena mānaṃ janeti, dukkhena omānaṃ janeti.
Navavidhena māno: seyyassa seyyo 'ham asmī ti māno, seyyassa sadiso 'ham asmī ti māno, seyyassa hīno 'ham asmī ti māno, sadisassa seyyo 'ham asmī ti māno, sadisassa sadiso 'ham asmī ti māno, sadisassa hīno 'ham asmī ti māno, hīnassa seyyo 'ham asmī ti māno, hīnassa sadiso 'ham asmī ti māno, hīnassa hīno 'ham asmī ti māno. Dasavidhena māno: idh'; ekacco mānaṃ janeti jātiyā vā gottena vā kolaputtikena vā vaṇṇapokkharatāya vā dhanena vā ajjhenena vā kammāyatanena vā sippāyatanena vā vijjaṭṭhānena vā sutena vā paṭibhāṇena vā aññataraññatarena vā vatthunā. Yo evarūpo māno maññanā maññitattaṃ uṇṇati uṇṇamo dhajo saṃpaggāho ketukamyatā cittassa, ayaṃ vuccati māno.
Māyañ ca mānañ ca pahāya dhono ti māyañ ca mānañ ca pahāya pajahitvā vinoditvā byantīkaritvā anabhāvaṃgametvā ti, māyañ ca mānañ ca pahāya dhono.
Sa kena gaccheyya anūpayo so ti. Upayo ti dve upayā, taṇhūpayo ca diṭṭhūpayo ca . . . pe . . . ayaṃ taṇhūpayo . . . pe . . . ayaṃ diṭṭhūpayo. Tassa taṇhūpayo pahīno,
[page 081]
S.N. 787] Duṭṭhaṭṭhakasuttaniddeso. 81
[... content straddling page break has been moved to the page above ...] diṭṭhūpayo paṭinissaṭṭho; taṇhūpayassa pahīnattā, diṭṭhūpayassa paṭinissaṭṭhattā anūpayo so kena rāgena gaccheyya, kena dosena gaccheyya, kena mohena gaccheyya, kena mānena gaccheyya, kāya diṭṭhiyā gaccheyya, kena uddhaccena gaccheyya kāya vicikicchāya gaccheyya, kehi anusayehi gaccheyya ratto ti vā duṭṭho ti vā mūḷho ti vā vinibandho ti vā parāmaṭṭho ti vā vikkhepagato ti vā aniṭṭhaṅgato ti vā thāmagato ti vā?
Te abhisaṃkhārā pahīnā, abhisaṃkhārānaṃ pahīnattā gatiyā kena gaccheyya nerayiko ti vā tiracchānayoniko ti vā pittivisayiko ti vā manusso ti vā devo ti vā rūpī ti vā arūpī ti vā saññī ti vā asaññī ti vā nevasaññī-nāsaññī ti vā? So hetu n'; atthi paccayo n'; atthi kāraṇaṃ n'; atthi yena gaccheyyā ti, sa kena gaccheyya? Anūpayo so.
Ten'; āha Bhagavā:
Dhonassa hi n'; atthi kuhiñci loke
pakappitā diṭṭhi bhavābhavesu;
māyañ ca mānañ ca pahāya dhono,
sa kena gaccheyya? Anūpayo so ti.
_________________________________
Sn_IV,3.8(=787): Upayo hi dhammesu upeti vādaṃ,
anūpayaṃ kena kathaṃ vadeyya?
attaṃ nirattaṃ na hi tassa atthi,
adhosi so diṭṭhim idh'; eva sabbaṃ. || Nidd_I.3:8 ||
Upayo hi dhammesu upeti vādan ti. Upayo ti dve upayā, taṇhūpayo ca diṭṭhūpayo ca . . . pe . . . ayaṃ taṇhūpayo . . . pe . . . ayaṃ diṭṭhūpayo. Tassa taṇhūpayo appahīno, diṭṭhūpayo appaṭinissaṭṭho, taṇhūpayassa appahīnattā, diṭṭhūpayassa appaṭinissaṭṭhattā dhammesu vādaṃ upeti, ratto ti vā duṭṭho ti vā mūḷho ti vā vinibandho ti vā parāmaṭṭho ti vā vikkhepagato ti vā aniṭṭhaṅgato ti vā thāmagato ti vā;
[page 082]
82 Aṭṭhakavaggo. [S.N. 787
[... content straddling page break has been moved to the page above ...] te abhisaṃkhārā appahīnā, abhisaṃkhārānaṃ appahīnattā gatiyā vādaṃ upeti, nerayiko ti vā tiracchānayoniko ti vā pittivisayiko ti vā manusso ti vā devo ti vā rūpī ti vā arūpī ti vā saññī ti vā asaññī ti vā nevasaññī-nāsaññī ti vā vādaṃ upeti upagacchati gaṇhāti parāmasati abhinivisatī ti, upayo hi dhammesu upeti vādaṃ.
Anūpayaṃ kena kathaṃ vadeyyā? ti. Upayo ti dve upayā, taṇhūpayo ca diṭṭhūpayo ca . . . pe . . . ayaṃ taṇhūpayo . . . pe . . . ayaṃ diṭṭhūpayo. Tassa taṇhūpayo pahīno, diṭṭhūpayo paṭinissaṭṭho, taṇhūpayassa pahīnattā, diṭṭhūpayassa paṭinissaṭṭhattā anūpayaṃ kena rāgena vadeyya, kena dosena vadeyya, kena mohena vadeyya, kena mānena vadeyya, kāya diṭṭhiyā vadeyya, kena uddhaccena vadeyya, kāya vicikicchāya vadeyya, kehi anusayehi vadeyya ratto ti vā duṭṭho ti vā mūḷho ti vā vinibandho ti vā parāmaṭṭho ti vā vikkhepagato ti vā aniṭṭhaṅgato ti vā thāmagato ti vā? Te abhisaṃkhārā pahīnā, abhisaṃkhārānaṃ pahīnattā gatiyā kena vadeyya nerayiko ti vā . . . pe . . . nevasaññī nāsaññī ti vā? So hetu n'; atthi, paccayo n'; atthi, kāraṇaṃ n'; atthi yena vadeyya katheyya bhaṇeyya dīpayeyya vohareyyā ti, anūpayaṃ kena kathaṃ vadeyya?
Attaṃ nirattaṃ na hi tassa atthī ti. Attā ti sassatadiṭṭhi n'; atthi, nirattā ti ucchedadiṭṭhi n'; atthi, attā ti gahitaṃ n'; atthi, nirattā ti muñcitabbaṃ n'; atthi; yass'; atthi gahitaṃ tass'; atthi muñcitabbaṃ, yass'; atthi muñcitabbaṃ tass'; atthi gahitaṃ; gahaṇamuñcanaṃ samatikkanto arahā vuddhiparihāniṃ vītivatto. So vuṭṭhavāso ciṇṇacaraṇo . . . pe . . . n'; atthī tassa punabbhavo ti, attaṃ nirattaṃ na hi tassa atthi.
[page 083]
S.N. 787] Duṭṭhaṭṭhakasuttaniddeso. 83
Adhosi so diṭṭhim idh'; eva sabban ti. Tassa dvāsaṭṭhi diṭṭhigatāni pahīnāni samucchinnāni vūpasantāni paṭipassaddhāni abhabbuppattikāni ñāṇagginā daḍḍhāni. So sabbaṃ diṭṭhigataṃ idh'; eva adhosi dhuni niddhuni pajahi vinodesi byanti-akāsi anabhāvaṃ gamesī ti, adhosi so diṭṭhim idh'; eva sabbaṃ. Ten'; āha Bhagavā:
Upayo hi dhammesu upeti vādaṃ,
anupayaṃ kena kathaṃ vadeyya?
attaṃ nirattaṃ na hi tassa atthi,
adhosi so diṭṭhim idh'; eva sabban ti.
TATIYO DUṬṬHAṬṬHAKASUTTANIDDESO NIṬṬHITO.
[page 084]
84
CATUTTHO SUDDHAṬṬHAKASUTTANIDDESO.
Sn_IV,4.1(=788): Passāmi suddhaṃ paramaṃ arogaṃ,
diṭṭhena saṃsuddhi narassa hoti,
evābhijānaṃ paraman ti ñatvā
suddhānupassī ti pacceti ñāṇaṃ. || Nidd_I.4:1 ||
Passāmi suddhaṃ paramaṃ arogan ti. Passāmi suddhan ti passāmi suddhaṃ, dakkhāmi suddhaṃ, olokemi suddhaṃ, nijjhāyāmi suddhaṃ, upaparikkhāmi suddhaṃ.
Paramaṃ arogan ti paramaṃ ārogyappattaṃ khemappattaṃ tāṇappattaṃ leṇappattaṃ saraṇappattaṃ parāyanappattaṃ abhayappattaṃ accutappattaṃ amatappattaṃ nibbānappattan ti, passāmi suddhaṃ paramaṃ arogaṃ.
Diṭṭhena saṃsuddhi narassa hotī ti cakkhuviññāṇena rūpadassanena narassa suddhi visuddhi parisuddhi mutti vimutti parimutti hoti, naro sujjhati visujjhati parisujjhati muccati vimuccati parimuccatī ti, diṭṭhena saṃsuddhi narassa hoti.
Evābhijānaṃ paraman ti ñatvā ti evaṃ abhijānanto ājānanto vijānanto paṭivijānanto pativijjhanto, idaṃ paramaṃ aggaṃ seṭṭhaṃ viseṭṭhaṃ pāmokkhaṃ uttamaṃ pavaran ti ñatvā jānitvā tulayitvā tīrayitvā vibhāvayitvā vibhūtaṃ katvā ti, evābhijānaṃ paraman ti ñatvā.
[page 085]
S.N. 789] Suddhaṭṭhakasuttaniddeso. 85
Suddhānupassī ti pacceti ñāṇan ti. Yo suddhaṃ passati so suddhānupassī. Pacceti ñāṇan ti cakkhuviññāṇena rūpadassanaṃ ñāṇan ti pacceti, maggo ti pacceti, patho ti pacceti, niyyānan ti paccetī ti, suddhānupassī ti pacceti ñāṇaṃ. Ten'; āha Bhagavā:
Passāmi suddhaṃ paramaṃ arogaṃ,
diṭṭhena saṃsuddhi narassa hoti,
evābhijānaṃ paraman ti ñātvā,
suddhānupassī ti pacceti ñāṇan ti.
_________________________________
Sn_IV,4.2(=789): Diṭṭhena ce suddhi narassa hoti,
ñāṇena vā so pajahāti dukkhaṃ,
aññena so sujjhati sopadhīko,
diṭṭhī hi naṃ pāva tathā vadānaṃ. || Nidd_I.4:2 ||
Diṭṭhena ce suddhi narassa hotī ti cakkhuviññāṇena* rūpadassanena ce narassa suddhi visuddhi parisuddhi mutti vimutti parimutti hoti, naro sujjhati visujjhati parisujjhati muccati vimuccati parimuccatī ti, diṭṭhena ce suddhi narassa hoti.
Ñāṇena vā so pajahāti dukkhan ti cakkhuviññāṇena rūpadassanena ce naro jātidukkhaṃ pajahati, jarādukkhaṃ pajahati, byādhidukkhaṃ pajahati, maraṇadukkhaṃ pajahati, sokaparidevadukkhadomanassupāyāsadukkhaṃ pajahatī ti, ñāṇena vā so pajahāti dukkhaṃ.
Aññena so sujjhati sopadhīko ti aññena asuddhimaggena micchāpaṭipadāya aniyyānapathena aññatra satipaṭṭhānehi aññatra sammappadhānehi aññatra iddhippādehi aññatra indriyehi aññatra balehi aññatra bojjhaṅgehi aññatra ariyaṭṭhaṅgikamaggena naro sujjhati visujjhati parisujjhati muccati vimuccati parimuccati.
[page 086]
86 Aṭṭhakavaggo. [S.N. 789
[... content straddling page break has been moved to the page above ...] Sopadhīko ti sarāgo sadoso samiho samāno sataṇho sadiṭṭhi sakileso sa-upādāno ti, aññena so sujjhati sopadhīko.
Diṭṭhī hi naṃ pāva tathā vadānan ti sā va diṭṭhi taṃ puggalaṃ {pāvadati}; iti vā yaṃ puggalo micchādiṭṭhiko viparītadassano ti. Tathā vadānan ti tathā vadantaṃ kathentaṃ bhaṇantaṃ dīpayantaṃ voharantaṃ: sassato loko, idam eva saccaṃ, mogham aññan ti tathā vadantaṃ kathentaṃ bhaṇantaṃ dīpayantaṃ voharantaṃ asassato loko, antavā loko, anantavā loko, taṃ jīvaṃ taṃ sarīraṃ, aññaṃ jīvaṃ aññaṃ sarīraṃ, hoti tathāgato paraṃmaraṇā, na hoti tathāgato paraṃmaraṇā, hoti ca na ca hoti tathāgato paraṃmaraṇā, n'; eva hoti na na hoti tathāgato paraṃmaraṇā, idam eva saccaṃ, mogham aññan ti tathā vadantaṃ kathentaṃ bhaṇantaṃ dīpayantaṃ voharantan ti, diṭṭhī hi naṃ pāva tathā vadānaṃ. Ten'; āha Bhagavā:
Diṭṭhena ce suddhi narassa hoti,
ñāṇena vā so pajahāti dukkhaṃ,
aññena so sujjhati sopadhīko,
diṭṭhī hi naṃ pāva tathā vadānan ti.
_________________________________
Sn_IV,4.3(=790): Na brāhmaṇo aññato suddhim āha
diṭṭhe sute sīlavate mute vā,
puññe ca pāpe ca anūpalitto,
attañjaho na-y-idha pakubbamāno. || Nidd_I.4:3 ||
Na brāhmaṇo aññato suddhim āha diṭṭhe sute sīlavate mute vā ti. Nā ti paṭikkhepo. Brāhmaṇo ti sattannaṃ dhammānaṃ bāhitattā brāhmaṇo; sakkāyadiṭṭhi bāhitā hoti, vicikicchā bāhitā hoti, sīlabbataparāmāso bāhito hoti,
[page 087]
S.N.790] Suddhaṭṭhakasuttaniddeso. 87
[... content straddling page break has been moved to the page above ...] rāgo bāhito hoti, doso bāhito hoti, moho bāhito hoti, māno bāhito hoti, bāhit'; assa honti pāpakā akusalā dhammā saṅkilesikā ponobbhavikā sadarā dukkhavipākā āyatiṃ jātijarāmaraṇīyā:
*Bāhetvā sabbapāpakāni Sabhiyā ti Bhagavā
vimalo sādhusamāhito ṭhitatto
saṃsāram aticca kevalī so,
anissito tādi pavuccate sa brahmā.
Na brāhmaṇo aññato suddhim āhā ti brāhmaṇo aññena asuddhimaggena micchāpaṭipadāya aniyyānapathena aññatra satipaṭṭhānehi aññatra sammappadhānehi aññatra iddhippādehi aññatra indriyehi aññatra balehi aññatra bojjhaṅgehi aññatra ariyaṭṭhaṅgikamaggena, suddhiṃ visuddhiṃ parisuddhiṃ muttiṃ vimuttiṃ parimuttiṃ n'; āha na katheti na bhaṇati na dīpayati na voharatī ti, na brāhmaṇo aññato suddhim āha.
Diṭṭhe sute sīlavate mute vā ti. Sant'; eke samaṇabrāhmaṇā diṭṭhasuddhikā; te ekaccānaṃ rūpānaṃ dassanaṃ maṅgalaṃ paccenti; ekaccānaṃ rūpānaṃ dassanaṃ amaṅgalaṃ paccenti.
Katamesaṃ rūpānaṃ dassanaṃ maṅgalaṃ paccenti?
Te kālato vuṭṭhahitvā abhimaṅgalagatāni rūpāṇi passanti:
vātasakuṇaṃ passanti, pussaveḷuvalaṭṭhiṃ passanti, gabbhinitthiṃ passanti, kumārikaṃ khandhe āropetvā gacchantaṃ passanti, puṇṇaghaṭaṃ passanti, rohitamacchaṃ passanti, ājaññaṃ passanti, ājaññarathaṃ passanti,
[page 088]
88 Aṭṭhakavaggo. [S.N. 790
usabhaṃ passanti, gokapilaṃ passanti; evarūpānaṃ rūpānaṃ dassanaṃ maṅgalaṃ paccenti.
Katamesaṃ rūpānaṃ dassanaṃ amaṅgalaṃ paccenti?
Palālapuñjaṃ passanti, takkaghaṭaṃ passanti, rittaghaṭaṃ passanti, naṭaṃ passanti, naggasamaṇaṃ passanti, kharaṃ passanti, kharayānaṃ passanti, ekayuttayānaṃ passanti, kāṇaṃ passanti, kuṇiṃ passanti, khañjaṃ passanti, pakkhahataṃ passanti, jiṇṇakaṃ passanti, byādhikaṃ passanti, mataṃ passanti; evarūpānaṃ rūpānaṃ dassanaṃ amaṅgalaṃ paccenti. Ime te samaṇabrāhmaṇā diṭṭhasuddhikā, te diṭṭhena suddhiṃ visuddhiṃ parisuddhiṃ muttiṃ vimuttiṃ parimuttiṃ paccenti.
Sant'; eke samaṇabrāhmaṇā sutasuddhikā; te ekaccānaṃ saddānaṃ savanaṃ maṅgalaṃ paccenti; ekaccānaṃ saddānaṃ savanaṃ amaṅgalaṃ paccenti.
Katamesaṃ saddānaṃ savanaṃ maṅgalaṃ paccenti?
Te kālato vuṭṭhahitvā abhimaṅgalagatāni saddāni suṇanti:
vaḍḍhā ti vā vaḍḍhamānā ti vā puṇṇā ti vā pussā ti vā assokā ti vā sumanā ti vā sunakkhattā ti vā sumaṅgalā ti vā sirī ti vā sirivaḍḍhā ti vā; evarūpānaṃ saddānaṃ savanaṃ maṅgalaṃ paccenti.
Katamesaṃ saddānaṃ savanaṃ amaṅgalaṃ paccenti?
Kāṇo ti vā kuṇī ti vā khañjo ti vā pakkhahato ti vā jiṇṇako ti vā byādhiko ti vā mato ti vā chinnan ti vā bhinnan ti vā daḍḍhan ti vā naṭṭhan ti vā n'; atthī ti vā; evarūpānaṃ saddānaṃ savanaṃ amaṅgalaṃ paccenti.
Ime te samaṇabrāhmaṇā sutasuddhikā te sutena suddhiṃ visuddhiṃ parisuddhiṃ muttiṃ vimuttiṃ parimuttiṃ paccenti.
Sant'; eke samaṇabrāhmaṇā sīlasuddhikā; te sīlamattena saṃyamamattena saṃvaramattena avītikkamamattena suddhiṃ visuddhiṃ parisuddhiṃ muttiṃ vimuttiṃ parimuttiṃ paccenti.
[page 089]
S.N. 790] Suddhaṭṭhakasuttaniddeso. 89
[... content straddling page break has been moved to the page above ...]
Samaṇo Muṇḍikāputto evam āha: Catūhi kho ahaṃ thapati dhammehi samannāgataṃ purisapuggalaṃ paññāpemi sampannakusalaṃ paramakusalaṃ uttamapattippattaṃ samaṇaṃ ayojjhaṃ. Katamehi catūhi? Idha thapati na kāyena pāpakammaṃ karoti, na pāpikaṃ vācaṃ bhāsati, na pāpakaṃ saṃkappaṃ saṃkappeti, na pāpakaṃ ājīvaṃ ājīvati. Imehi kho ahaṃ thapati catūhi dhammehi samannāgataṃ purisapuggalaṃ paññāpemi sampannakusalaṃ paramakusalaṃ uttamapattippattaṃ samaṇaṃ ayojjhaṃ.
Evaṃ eva sant'; eke samaṇabrāhmaṇā sīlasuddhikā; te sīlamattena saṃyamamattena saṃvaramattena avītikkamamattena suddhiṃ visuddhiṃ parisuddhiṃ muttiṃ vimuttiṃ parimuttiṃ paccenti.
Sant'; eke samaṇabrāhmaṇā vattasuddhikā. Te hatthivattikā vā honti, assavattikā vā honti, govattikā vā honti, kukkuravattikā vā honti, kākavattikā vā honti, Vāsudevavattikā vā honti, Baladevavattikā vā honti, Puṇṇabhaddavattikā vā honti, Maṇibhaddavattikā vā honti, aggivattikā vā honti, nāgavattikā vā honti, supaṇṇavattikā vā honti, yakkhavattikā vā honti, asuravattikā vā honti, gandhabbavattikā vā honti, mahārājavattikā vā honti, candavattikā vā honti, suriyavattikā vā honti, Indavattikā vā honti, Brahmavattikā vā honti, devavattikā vā honti, disavattikā vā honti. Ime te samaṇabrāhmaṇā vattasuddhikā; tena vattena suddhiṃ visuddhiṃ parisuddhiṃ muttiṃ vimuttiṃ parimuttiṃ paccenti.
Sant'; eke samaṇabrāhmaṇā mutavisuddhikā. Te kālato vuṭṭhahitvā paṭhaviṃ āmasanti, haritaṃ āmasanti, gomayaṃ āmasanti,
[page 090]
90 Aṭṭhakavaggo. [S.N. 790
[... content straddling page break has been moved to the page above ...] kacchapaṃ āmasanti, jālaṃ akkamanti, tilavāhaṃ āmasanti, pussatilaṃ khādanti, pussatelaṃ makkhenti, pussadantakaṭṭhaṃ khādanti, pussamattikāya nhāyanti, pussasāṭakaṃ nivāsenti, pussaveṭṭhanaṃ veṭṭhanti. Ime te samaṇabrāhmaṇā mutasuddhikā; tena mutena suddhiṃ visuddhiṃ parisuddhiṃ muttiṃ vimuttiṃ parimuttiṃ paccenti.
Na brāhmaṇo aññato suddhim āha diṭṭhe sute sīlavate mute vā ti brāhmaṇo diṭṭhasuddhiyā pi suddhiṃ n'; āha, sutasuddhiyā pi suddhiṃ n'; āha, sīlasuddhiyā pi suddhiṃ n'; āha, vattasuddhiyā pi suddhiṃ n'; āha, mutasuddhiyā pi suddhiṃ n'; āha na katheti na bhaṇati na dīpayati na voharatī ti, na brāhmaṇo aññato suddhim āha diṭṭhe sute sīlavatre mute vā.
Puññe ca pāpe ca anūpalitto ti. Puññaṃ vuccati yaṃ kiñci tedhātukaṃ kusalābhisaṃkhāraṃ; apuññaṃ vuccati sabbaṃ akusalaṃ. Yato puññābhisaṃkhāro ca apuññābhisaṃkhāro ca āneñjābhisaṃkhāro ca pahīnā honti ucchinnamūlā tālavatthukatā anabhāvaṅgatā āyatiṃ anuppādadhammā, ettāvatā puññe ca pāpe ca na limpati na saṃlimpati na upalimpati, alitto asaṃlitto anūpalitto nikkhanto nissaṭṭho vippamutto visaṃyutto vimariyādikatena cetasā viharatī ti, puññe ca pāpe ca anūpalitto.
Attañjaho na-y-idha pakubbamāno ti. Attañjaho ti attadiṭṭhijaho; attañjaho ti gāhajaho; attañjaho ti taṇhāvasena diṭṭhivasena gahitaṃ parāmaṭṭhaṃ abhiniviṭṭhaṃ ajjhositaṃ adhimuttaṃ,
[page 091]
S.N. 791] Suddhaṭṭhakasuttaniddeso. 91
[... content straddling page break has been moved to the page above ...] sabbaṃ taṃ cattaṃ hoti vantaṃ muttaṃ pahīnaṃ paṭinissaṭṭhaṃ. Na-y-idha pakubbamāno ti puññābhisaṃkhāraṃ vā apuññābhisaṃkhāraṃ vā āneñjābhisaṃkhāraṃ vā akubbamāno ajanayamāno asañjanayamāno anibbattayamāno anabhinibbattayamāno ti, attañjaho na-y-idha pakubbamāno. Ten'; āha Bhagavā:
Na brāhmaṇo aññato suddhim āha
diṭṭhe sute sīlavate mute vā,
puññe ca pāpe ca anūpalitto,
attañjaho na-y-idha pakubbamāno ti.
_________________________________
Sn_IV,4.4(=791): Purimaṃ pahāya aparaṃ sitāse
ejānugā te na taranti saṅgaṃ,
te uggahāyanti nirassajanti,
kapī va sākhaṃ pamukhaṃ gahāya. || Nidd_I.4:4 ||
Purimaṃ pahāya aparaṃ sitāse ti purimaṃ satthāraṃ pahāya aparaṃ satthāraṃ nissitā, purimaṃ dhammakkhānaṃ pahāya aparaṃ dhammakkhānaṃ nissitā, purimaṃ gaṇaṃ pahāya aparaṃ gaṇaṃ nissitā, purimaṃ diṭṭhiṃ pahāya aparaṃ diṭṭhiṃ nissitā, purimaṃ paṭipadaṃ pahāya aparaṃ paṭipadaṃ nissitā, purimaṃ maggaṃ pahāya aparaṃ maggaṃ nissitā sannissitā allīnā upagatā ajjhositā adhimuttā ti, purimaṃ pahāya aparaṃ sitāse.
Ejānugā te na taranti saṅgan ti. Ejā vuccati taṇhā, yo rāgo sārāgo . . . pe . . . abhijjhā lobho akusalamūlaṃ.
Ejānugā ti ejānugā ejānugatā ejānusaṭā, ejāya pannā patitā abhibhūtā pariyādiṇṇacittā. Na taranti saṅgan ti rāgasaṅgaṃ dosasaṅgaṃ mohasaṅgaṃ mānasaṅgaṃ diṭṭhisaṅgaṃ kilesasaṅgaṃ duccaritasaṅgaṃ na taranti, na uttaranti na pataranti na samatikkamanti na vītivattantī ti, ejānugā te na taranti saṅgaṃ.
Te uggahāyanti nirassajantī ti satthāram gaṇhanti, taṃ muñcitvā aññaṃ satthāraṃ gaṇhanti; dhammakkhānaṃ gaṇhanti,
[page 092]
92 Aṭṭhakavaggo. [S.N. 791
[... content straddling page break has been moved to the page above ...] taṃ muñcitvā aññaṃ dhammakkhānaṃ gaṇhanti; gaṇaṃ gaṇhanti, taṃ muñcitvā aññaṃ gaṇaṃ gaṇhanti; diṭṭhiṃ gaṇhanti, taṃ muñcitvā aññaṃ diṭṭhiṃ gaṇhanti; paṭipadaṃ gaṇhanti, taṃ muñcitvā aññaṃ paṭipadaṃ gaṇhanti; maggaṃ gaṇhanti, taṃ muñcitvā aññaṃ maggaṃ gaṇhanti, gaṇhanti ca muñcanti ca, ādiyanti ca nirassajanti cā ti, te uggahāyanti nirassajanti.
Kapī va sākhaṃ pamukhaṃ gahāyā ti yathā makkaṭo araññe pavane caramāno sākhaṃ gaṇhāti, taṃ muñcitvā aññaṃ sākhaṃ gaṇhāti, taṃ muñcitvā aññaṃ sākhaṃ gaṇhāti; evam eva puthū samaṇabrāhmaṇā puthū diṭṭhigatāni gaṇhanti ca muñcanti ca, ādiyanti ca nirassajanti cā ti, kapī va sākhaṃ pamukhaṃ gahāya. Ten'; āha Bhagavā:
Purimaṃ pahāya aparaṃ sitāse
ejānugā te na taranti saṅgaṃ,
te uggahāyanti nirassajanti,
kapī va sākhaṃ pamukhaṃ gahāyā ti.
_________________________________
Sn_IV,4.5(=792): Sayaṃ samādāya vatāni jantu
uccāvacaṃ gacchati saññasatto,
vidvā ca vedehi samecca dhammaṃ
na uccāvacaṃ gacchati bhūripañño. || Nidd_I.4:5 ||
Sayaṃ samādāya vatāni jantu ti. Sayaṃ samādāyā ti sāmaṃ samādāya. Vatāni ti hatthivattaṃ vā assavattaṃ vā govattaṃ vā kukkuravattaṃ vā kākavattaṃ vā Vāsudevavattaṃ vā Baladevavattaṃ vā Puṇṇabhaddavattaṃ vā Maṇibhaddavattaṃ vā aggivattaṃ vā nāgavattaṃ vā supaṇṇavattaṃ vā yakkhavattaṃ vā asuravattaṃ vā . . . pe . . . disavattaṃ vā ādāya samādāya ādiyitvā samādiyitvā gaṇhitvā parāmasitvā abhinivisitvā. Jantū ti satto naro
[page 093]
S.N. 792] Suddhaṭṭhakasuttaniddeso. 93
[... content straddling page break has been moved to the page above ...] . . . pe . . . manujo ti, sayaṃ samādāya vatāni jantu.
Uccāvacam gacchati saññasatto ti satthārato satthāraṃ gacchati, dhammakkhānato dhammakkhānaṃ gacchati, gaṇato gaṇaṃ gacchati, diṭṭhiyā diṭṭhiṃ gacchati, paṭipadāto paṭipadaṃ gacchati, maggato maggaṃ gacchati.
Saññasatto ti kāmasaññāya byāpādasaññāya vihiṃsāsaññāya diṭṭhisaññāya satto visatto āsatto laggo laggito palibuddho. Yathā bhittikhīle vā nāgadante vā bhaṇḍaṃ sattaṃ visattaṃ āsattaṃ laggaṃ laggitaṃ palibuddhaṃ, evam eva kāmasaññāya byāpādasaññāya vihiṃsāsaññāya diṭṭhisaññāya satto visatto āsatto laggo laggito palibuddho ti, uccāvacaṃ gacchati saññasatto.
Vidvā ca vedehi samecca dhamman ti. Vidvā ti vidvā vijjāgato ñāṇī buddhimā vibhāvī medhāvī. Vedehī ti vedā vuccanti catūsu maggesu ñāṇaṃ paññā paññindriyaṃ paññābalaṃ dhammavicayasambojjhaṅgo, vīmaṃsā vipassanā sammādiṭṭhi; tehi vedehi jātijarāmaraṇassa antagato antappatto koṭigato koṭippatto pariyantagato pariyantappatto vosānagato vosānappatto tāṇagato tāṇappatto leṇagato leṇappatto saraṇagato saraṇappatto abhayagato abhayappatto accutagato accutappatto amatagato amatappatto nibbānagato nibbānappatto, vedānaṃ vā antagato ti vedagū, vedehi vā antagato ti vedagū, sattannaṃ dhammānaṃ viditattā vedagū; sakkāyadiṭṭhi viditā hoti, vicikicchā viditā hoti, sīlabbataparāmaso vidito hoti, rāgo vidito hoti, doso vidito hoti, moho vidito hoti, māno vidito hoti, vidit'; assa honti pāpakā akusalā dhammā saṃkilesikā ponobbhavikā sadarā dukkhavipākā āyatiṃ jarāmaraṇīyā.
*Vedāni viceyya kevalāni Sabhiyā ti Bhagavā
samaṇānaṃ yāni p'; atthi brāhmaṇānaṃ
sabbavedanāsu vītarāgo
sabbaṃ vedam aticca vedagū so ti.
[page 094]
94 Aṭṭhakavaggo. [S.N. 792
Vidvā ca vedehi samecca dhamman ti. Samecca abhisamecca dhammaṃ: sabbe saṃkhārā aniccā ti samecca abhisamecca dhammaṃ; sabbe saṃkhārā dukkhā ti samecca abhisamecca dhammaṃ; sabbe dhammā anattā ti samecca abhisamecca dhammaṃ; avijjāpaccayā saṃkhārā ti samecca abhisamecca dhammaṃ; saṃkhārapaccayā viññāṇan ti samecca abhisamecca dhammaṃ; viññāṇapaccayā nāmarūpan ti, nāmarūpapaccayā saḷāyatanan ti, saḷāyatanapaccayā phasso ti, phassapaccayā vedanā ti, vedanāpaccayā taṇhā ti, taṇhāpaccayā upādānan ti, upādānapaccayā bhavo ti, bhavapaccayā jātī ti, jātipaccayā jarāmaraṇan ti samecca abhisamecca dhammaṃ; avijjānirodhā saṃkhāranirodho ti samecca abhisamecca dhammaṃ, saṃkhāranirodhā viññāṇanirodho ti samecca abhisamecca dhammaṃ, viññāṇanirodhā nāmarūpanirodho ti, nāmarūpanirodhā saḷāyatananirodho ti, saḷāyatananirodhā phassanirodho ti, phassanirodhā vedanānirodho ti, vedanānirodhā taṇhānirodho ti, taṇhānirodhā upādānanirodho ti, upādānanirodhā bhavanirodho ti, bhavanirodhā jātinirodho ti, jātinirodhā jarāmaraṇanirodho ti samecca abhisamecca dhammaṃ; idaṃ dukkhan ti samecca abhisamecca dhammaṃ; ayaṃ dukkhasamudayo ti, ayaṃ dukkhanirodho ti, ayaṃ dukkhanirodhagāminī paṭipadā ti samecca abhisamecca dhammaṃ; ime āsavā ti samecca abhisamecca dhammaṃ; ayam āsavasamudayo ti, ayaṃ āsavanirodho ti, ayaṃ āsavanirodhagāminī paṭipadā ti samecca abhisamecca dhammaṃ; ime dhammā abhiññeyyā ti samecca abhisamecca dhammaṃ; ime dhammā pariññeyyā ti, ime dhammā pahātabbā ti, ime dhammā bhāvetabbā ti, ime dhammā sacchikātabbā ti samecca abhisamecca dhammaṃ; channaṃ phassāyatanānaṃ samudayañ ca atthaṅgamañ ca assādañ ca ādīnavañ ca nissaraṇañ ca samecca abhisamecca dhammaṃ; pañcannaṃ upādānakkhandhānaṃ samudayañ ca atthaṅgamañ ca assādañ ca ādīnavañ ca nissaraṇañ ca samecca abhisamecca dhammaṃ;
[page 095]
S.N. 793] Suddhaṭṭhakasuttaniddeso. 95
[... content straddling page break has been moved to the page above ...] catunnaṃ mahābhūtānaṃ samudayañ ca atthaṅgamañ ca assādañ ca ādīnavañ ca nissaraṇañ ca samecca abhisamecca dhammaṃ; yaṃ kiñci samudayadhammaṃ sabban taṃ nirodhadhamman ti samecca abhisamecca dhamman ti, vidvā ca vedehi samecca dhammaṃ.
Na uccāvacaṃ gacchati bhūripañño ti na satthārato satthāraṃ gacchati, na dhammakkhānato dhammakkhānaṃ gacchati, na gaṇato gaṇaṃ gacchati, na diṭṭhiyā diṭṭhiṃ gacchati, na paṭipadāya paṭipadaṃ gacchati, na maggato maggaṃ gacchati. Bhūripañño ti mahāpañño puthupañño hāsapañño javanapañño tikkhapañño nibbedhikapañño.
Bhūri vuccati pathavī; tāya paṭhavīsamāya paññāya vipulāya vitthatāya samannāgato ti, na uccāvacaṃ gacchati bhūripañño. Ten'; āha Bhagavā:
Sayaṃ samādāya vatāni jantu
uccāvacaṃ gacchati saññasatto,
vidvā ca vedehi samecca dhammaṃ
na uccāvacaṃ gacchati bhūripañño ti.
_________________________________
Sn_IV,4.6(=793): Sa sabbadhammesu visenibhūto
yaṃ kiñci diṭṭhaṃ va sutaṃ mutaṃ vā
tam evadassiṃ vivaṭaṃ carantaṃ
kenīdha lokasmiṃ vikappayeyya? || Nidd_I.4:6 ||
Sa sabbadhammesu visenibhuto yaṃ kiñci diṭṭhaṃ va sutaṃ mutaṃ vā ti. Senā vuccati mārasenā; kāyaduccaritam mārasenā, vacīduccaritaṃ mārasenā, manoduccaritaṃ mārasenā, rāgo mārasenā, doso mārasenā, moho mārasenā, kodho upanāho . . . pe . . . sabbākusalābhisaṃkhārā mārasenā. Vuttaṃ h'; etaṃ Bhagavatā:
[page 096]
96 Aṭṭhakavaggo. [S.N. 793
*Kāmā te paṭhamā senā, dutiyārati vuccati,
tatiyā khuppipāsā te, catutthī taṇhā pavuccati.
Pañcamaṃ thīnamiddhan te, chaṭṭhā bhīrū pavuccati,
sattamaṃ vicikicchā te, makkho thambho te aṭṭhamo.
Lābho siloko sakkāro micchāladdho ca yo yaso
yo c'; attānaṃ samukkaṃse pare ca avajānati.
Esā Namuci te senā Kaṇhassābhippahāriṇī,
na naṃ asūro jināti, jetvā ca labhate sukhan ti.
Yato catūhi maggehi sabbā ca mārasenā, sabbe ca paṭisenikarā kilesā, jitā ca parājitā ca bhaggā vippaluggā paraṃmukhā, so vuccati visenibhūto. So diṭṭhe visenibhūto, sute visenibhūto, mute visenibhūto, viññāte visenibhūto ti, sa sabbadhammesu visenibhūto yaṃ kiñci diṭṭhaṃ va sutaṃ mutaṃ vā.
Tam evadassiṃ vivaṭaṃ carantan ti tam eva suddhadassiṃ visuddhadassiṃ parisuddhadassiṃ vodānadassiṃ pariyodānadassiṃ; athavā suddhadassanaṃ visuddhadassanaṃ parisuddhadassanaṃ vodānadassanaṃ pariyodānadassanaṃ. Vivaṭan ti. Taṇhāchadanaṃ kilesachadanaṃ avijjāchadanaṃ; tāni chadanāni vivaṭāni honti viddhaṃsitāni upaghātitāni samugghātitāni pahīnāni samucchinnāni vūpasantāni paṭipassaddhāni abhabbuppattikāni ñāṇagginā daḍḍhāni. Carantan ti carantaṃ vicarantaṃ iriyantaṃ vattantaṃ pālentaṃ yapentaṃ yāpentan ti, tam evadassiṃ vivaṭaṃ carantaṃ.
[page 097]
S.N. 794] Suddhaṭṭhakasuṭṭaniddeso. 97
Kenīdha lokasmiṃ vikappayeyyā ti. Kappā ti dve kappā, taṇhākappo ca diṭṭhikappo ca . . . pe . . . ayaṃ taṇhākappo . . . pe . . . ayaṃ diṭṭhikappo. Tassa taṇhākappo pahīno, diṭṭhikappo paṭinissaṭṭho; taṇhākappassa pahīnattā diṭṭhikappassa paṭinissaṭṭhattā kena rāgena kappeyya, kena dosena kappeyya, kena mohena kappeyya, kena mānena kappeyya, kāya diṭṭhiyā kappeyya, kena uddhaccena kappeyya, kāya vicikicchāya kappeyya, kehi anusayehi kappeyya ratto ti vā duṭṭho ti vā mūḷho ti vā vinibandho ti vā parāmaṭṭho ti vā vikkhepagato ti vā aniṭṭhaṅgato ti vā thāmagato ti vā? Te abhisaṃkhārā pahīnā, abhisaṃkhārānaṃ pahīnattā gatiyā kena kappeyya nerayiko ti vā, tiracchānayoniko ti vā pittivisayiko ti vā manusso ti vā devo ti vā rūpī ti vā arūpī ti vā saññī ti vā asaññī ti vā nevasaññi-nāsaññī ti vā? So hetu n'; atthi, paccayo n'; atthi, kāraṇaṃ n'; atthi yena kappeyya vikappeyya vikappam āpajjeyya. Lokasmin ti apāyaloke manussaloke devaloke khandhaloke dhātuloke āyatanaloke ti, kenīdha lokasmiṃ vikappayeyya. Ten'; āha Bhagavā:
Sa sabbadhammesu visenibhūto
yaṃ kiñci diṭṭhaṃ va sutaṃ mutaṃ vā
tam evadassiṃ vivaṭaṃ carantaṃ
kenīdha lokasmiṃ vikappayeyyā? ti.
_________________________________
Sn_IV,4.7(=794): Na kappayanti, na purekkharonti,
accantasuddhī ti na te vadanti;
ādānaganthaṃ gathitaṃ visajja
āsaṃ na kubbanti kuhiñci loke. || Nidd_I.4:7 ||
Na kappayanti na purekkharontī ti. Kappā ti dve kappā, taṇhākappo ca diṭṭhikappo ca . . . pe . . . ayaṃ taṇhākappo . . . pe . . . ayaṃ diṭṭhikappo. Tesaṃ taṇhākappo pahīno, diṭṭhikappo paṭinissaṭṭho; taṇhākappassa pahīnattā diṭṭhikappassa paṭinissaṭṭhattā taṇhākappaṃ vā diṭṭhikappaṃ vā na kappenti na janenti na sañjanenti na nibbattenti nābhinibbattentī ti,
[page 098]
98 Aṭṭhakavaggo. [S.N. 794
[... content straddling page break has been moved to the page above ...] na kappayanti. Na purekkharontī ti. Dve purekkhārā, taṇhāpurekkhāro ca diṭṭhipurekkhāro ca . . . pe . . . Ayaṃ taṇhāpurekkhāro . . . pe . . . ayaṃ diṭṭhipurekkhāro. Tesaṃ taṇhāpurekkāro pahīno, diṭṭhipurekkhāro paṭinissaṭṭho; taṇhāpurekkhārassa pahīnattā diṭṭhipurekkhārassa paṭinissaṭṭhattā na taṇhaṃ vā na diṭṭhiṃ vā purato katvā caranti; na taṇhādhajā, na taṇhāketū, na taṇhādhipateyyā; na diṭṭhidhajā, na diṭṭhiketū, na diṭṭhādhipateyyā; na taṇhāya vā na diṭṭhiyā vā parivāritā carantī ti, na kappayanti na purekkharonti.
Accantasuddhī ti na te vadantī ti. Accantasuddhī ti anaccantasuddhiṃ saṃsārasuddhiṃ akiriyasuddhiṃ sassatavādaṃ na vadanti na kathenti na bhaṇanti na dīpayanti na voharantī ti, accantasuddhī ti na te vadanti.
Ādānaganthaṃ gathitaṃ visajjā ti. Ganthā ti cattāro ganthā, abhijjhā kāyagantho, byāpādo kāyagantho, sīlabbataparāmāso kāyagantho, idaṃsaccābhiniveso kāyagantho.
Attano diṭṭhiyā rāgo abhijjhā kāyagantho. Paravādesu āghāto appaccayo byāpādo kāyagantho. Attano sīlaṃ vā vattaṃ vā sīlabbataṃ vā parāmasan ti sīlabbataparāmāso kāyagantho. Attano diṭṭhe idaṃsaccābhiniveso kāyagantho.
Kiṃkāraṇā vuccanti ādānagantho? Tehi ganthehi rūpaṃ ādiyanti upādiyanti gaṇhanti parāmasanti abhinivisanti, vedanaṃ saññaṃ saṃkhāre viññānaṃ gatiṃ upapattiṃ paṭisandhiṃ bhavaṃ saṃsāravaṭṭaṃ ādiyanti upādiyanti gaṇhanti parāmasanti abhinivisanti; taṃkāranā vuccanti ādānagantho.
Visajjā ti ganthe vossajjitvā vā visajja; athavā ganthe gathite ganthite bandhe vibandhe ābandhe lagge laggite palibuddhe photayitvā vā visajja;
[page 099]
S.N. 795] Suddhaṭṭhakasuṭṭaniddeso. 99
[... content straddling page break has been moved to the page above ...] yathā vayhaṃ vā rathaṃ vā sakaṭaṃ vā sandamānikaṃ vā sajjaṃ visajjaṃ karonti vikopenti, evam eva ganthe vossajjitvā vā visajja; athavā ganthe gathite ganthite bandhe vibandhe ābandhe lagge laggite palibuddhe phoṭayitvā vā visajjā ti, ādānaganthaṃ gathitaṃ visajja.
Āsaṃ na kubbanti kuhiñci loke ti. Āsā vuccati taṇhā, yo rāgo sārāgo . . . pe . . . abhijjhā lobho akusalamūlaṃ.
Āsaṃ na kubbantī ti āsaṃ na kubbanti na janenti na sañjanenti na nibbattenti nābhinibbattenti. Kuhiñcī ti kuhiñci kimhici katthaci ajjhattaṃ vā bahiddhā vā ajjhattabahiddhā vā. Loke ti apāyaloke . . . pe . . . āyatanaloke ti, āsaṃ na kubbanti kuhiñci loke. Ten'; āha Bhagavā:
Na kappayanti, na purekkharonti
accantasuddhī ti na te vadanti,
ādānaganthaṃ gathitaṃ visajja
āsaṃ na kubbanti kuhiñci loke ti.
_________________________________
Sn_IV,4.8(=795): Sīmātigo brāhmaṇo, tassa n'; atthi
ñatvā ca disvā ca samuggahītaṃ;
na rāgarāgī na virāgaratto,
tassīdaṃ n'; atthi param uggahītaṃ. || Nidd_I.4:8 ||
Sīmātigo brāhmaṇo, tassa n'; atthi ñatvā ca disvā ca samuggahītan ti. Sīmā ti catasso sīmāyo; sakkāyadiṭṭhi vicikicchā sīlabbataparāmāso diṭṭhānusayo vicikicchānusayo tadekaṭṭhā ca kilesā, ayaṃ paṭhamā sīmā; oḷārikaṃ kāmarāgasaṃyojanaṃ, paṭighasaṃyojanaṃ, oḷāriko kāmarāgānusayo, paṭighānusayo, tadekaṭṭhā ca kilesā, ayaṃ dutiyā sīmā; aṇusahagataṃ kāmarāgasaṃyojanaṃ, paṭighasaṃyojanaṃ, aṇusahagato kāmarāgānusayo, paṭighānusayo, tadekaṭṭhā ca kilesā; ayaṃ tatiyā sīmā; rūparāgo arūparāgo māno uddhaccaṃ avijjā,
[page 100]
100 Aṭṭhakavaggo. [S.N. 795
[... content straddling page break has been moved to the page above ...] mānānusayo bhavarāgānusayo avijjānusayo tadekaṭṭhā ca kilesā, ayaṃ catutthā sīmā. Yato catūhi ariyamaggehi imā catasso sīmāyo atikkanto hoti samatikkanto vītivatto, so vuccati sīmātigo. Brāhmaṇo ti sattannaṃ dhammānaṃ bāhitattā brāhmaṇo . . . pe . . . anissito tādi pavuccate brahmā.
Tassā ti arahato khīṇāsavassa. Ñatvā ti paracittañāṇena vā ñatvā, pubbenivāsānussatiñāṇena vā ñatvā. Disvā ti maṃsacakkhunā vā dibbacakkhunā vā disvā ti, sīmātigo brāhmaṇo tassa n'; atthi ñatvā ca disvā ca. Samuggahītan ti tassa idaṃ paramaṃ aggaṃ seṭṭhaṃ viseṭṭhaṃ pāmokkhaṃ uttamaṃ pavaran ti gahitaṃ parāmaṭṭhaṃ abhiniviṭṭhaṃ ajjhositaṃ adhimuttaṃ n'; atthī ti n'; atthi na santi na saṃvijjati n'; upalabbhati, pahīnaṃ samucchinnaṃ vūpasantaṃ paṭipassaddhaṃ abhabbuppattikaṃ ñāṇagginā daḍḍhan ti, sīmātigo brāhmaṇo tassa n'; atthi ñatvā ca disvā ca samuggahītaṃ.
Na rāgarāgī na virāgaratto ti. Rāgarattā vuccanti ye pañcasu kāmaguṇesu rattā giddhā gadhitā mucchitā ajjhopannā laggā laggitā palibuddhā. Virāgarattā vuccanti ye rūpāvacarārūpāvacarasamāpattīsu rattā giddhā gadhitā mucchitā ajjhopannā laggā laggitā palibuddhā.
Na rāgarāgī na virāgaratto ti yato kāmarāgo ca rūparāgo ca arūparāgo ca pahīnā honti ucchinnamūlā tālavatthukatā anabhāvaṅgatā āyatiṃ anuppādadhammā, ettāvatā na rāgarāgī na virāgaratto.
Tassīdaṃ n'; atthi param uggahītan ti. Tassā ti arahato khīṇāsavassa. Tassa idaṃ paramaṃ aggaṃ seṭṭham viseṭṭhaṃ pāmokkhaṃ uttamaṃ pavaran ti gahitaṃ parāmaṭṭhaṃ abhiniviṭṭhaṃ ajjhositaṃ adhimuttaṃ n'; atthī ti n'; atthi na santi na saṃvijjati n'; upalabbhati,
[page 101]
S.N. 795] Suddhaṭṭhakasuṭṭaniddeso. 101
[... content straddling page break has been moved to the page above ...] pahīnaṃ samucchinnaṃ vūpasantaṃ paṭipassaddhaṃ abhabbuppattikaṃ ñāṇagginā daḍḍhan ti, tassīdaṃ n'; atthi param uggahītaṃ. Ten'; āha Bhagavā:
Sīmātigo brāhmaṇo, tassa n'; atthi
ñatvā ca disvā ca samuggahītaṃ;
na rāgarāgī, na virāgaratto,
tassīdaṃ n'; atthi param uggahītan ti.
CATUTTHO SUDDHAṬṬHAKASUTTANIDDESO NIṬṬHITO.
[page 102]
102
PAÑCAMO PARAMAṬHAKASUTTANIDDESO.
Sn_IV,5.1(=796): Paraman ti diṭṭhīsu paribbasāno,
yad utariṃkurute jantu loke
hīnā ti aññe tato sabba-m-āha,
tasmā vivādāni avītivatto. || Nidd_I.5:1 ||
Paraman ti diṭṭhīsu paribbasāno ti. Sant'; eke samaṇabrāhmaṇā diṭṭhigatikā. Te dvāsaṭṭhiyā diṭṭhigatānaṃ aññataraññataradiṭṭhigataṃ, idaṃ paramaṃ aggaṃ seṭṭhaṃ viseṭṭhaṃ pāmokkhaṃ uttamaṃ pavaran ti gahetvā uggahetvā gaṇhitvā parāmasitvā abhinivisitvā, sakāya sakāya diṭhiyā vasanti saṃvasanti āvasanti parivasanti. Yathā āgārikā vā gharesu vasanti, sāpattikā vā āpattīsu vasanti, sakilesā vā kilesesu vasanti; evam eva sant'; eke samaṇabrāhmaṇā diṭṭhigatikā; te dvāsaṭṭhiyā diṭṭhigatānaṃ aññataraññataraṃ diṭṭhigataṃ, idaṃ paramaṃ aggaṃ seṭṭhaṃ viseṭṭhaṃ pāmokhaṃ uttamaṃ pararan ti gahetvā uggahetvā gaṇhitvā parāmasitvā abhinivisitvā, sakāya sakāya diṭṭhiyā vasanti saṃvasanti āvasanti parivasantī ti, paraman ti diṭṭhīsu paribbasāno.
Yad uttariṃkurute jantu loke ti. Yadan ti yaṃ. Uttariṃkurute ti uttariṃkaroti, aggaṃ seṭṭhaṃ viseṭṭhaṃ pāmokkhaṃ uttamaṃ pavaraṃ karoti:
[page 103]
S.N. 796] Paramaṭṭhakasuttaniddeso. 103
[... content straddling page break has been moved to the page above ...] ayaṃ satthā sabbaññū ti uttariṃ karoti, aggaṃ seṭṭhaṃ viseṭṭhaṃ pāmokkhaṃ uttamaṃ pavaraṃ karoti; ayaṃ dhammo svakkhāto, ayaṃ gaṇo supaṭipanno, ayaṃ diṭṭhi bhaddikā, ayaṃ paṭipadā supaññattā, ayaṃ maggo niyyāniko ti uttariṃ karoti, aggaṃ seṭṭhaṃ viseṭṭhaṃ pāmokkhaṃ uttamaṃ pavaraṃ karoti nibbatteti abhinibbatteti. Jantū ti satto naro . . . pe . . . manujo. Loke ti apāyaloke . . . pe . . . āyatanaloke ti, yad uttariṃkurute jantu loke.
Hīnā ti aññe tato sabba-m-āhā ti. Attano satthāraṃ dhammakkhānaṃ gaṇaṃ diṭṭhiṃ paṭipadaṃ maggaṃ ṭhapetvā, sabbe parappavāde khipati ukkhipati parikkhipati: so satthā na sabbaññū, dhammo na svākkhāto, gaṇo na supaṭipanno, diṭṭhi na bhaddikā, paṭipadā na supaññattā, maggo na niyyāniko; n'; atth'; ettha suddhi vā visuddhi vā parisuddhi vā mutti vā vimutti vā parimutti vā; na tattha sujjhanti vā visujjhanti vā parisujjhanti vā muccanti vā vimuccanti vā parimuccanti vā; hīnā nihīnā omakā lāmakā jatukkā parittā ti evam āha evaṃ katheti evaṃ bhaṇati evaṃ dīpayati evaṃ voharatī ti, hīnā ti aññe tato sabba-m-āha.
Tasmā vivādāni avītivatto ti tasmā taṃkāraṇā taṃhetu tappaccayā taṃnidānā diṭṭhikalahāni diṭṭhibhaṇḍaṇāni diṭṭhiviggahāni diṭṭhivivādāni diṭṭhimedhagāni avītivatto anatikkanto asamatikkanto ti, tasmā vivādāni avītivatto. Ten'; āha Bhagavā:
Paraman ti diṭṭhīsu paribbasāno,
yad uttariṃkurute jantu loke
hīnā ti aññe tato sabba-m-āha,
tasmā vivādāni avītivatto ti.
_________________________________
[page 104]
104 Aṭṭhakavaggo. [S.N. 797
Sn_IV,5.2(=797): Yad attanī passati ānisaṃsaṃ
diṭṭhe sute sīlavate mute vā,
tad eva so tattha samuggahāya
nihīnato passati sabbam aññaṃ. || Nidd_I.5:2 ||
Yad attanī passati ānisaṃsaṃ diṭṭhe sute sīlavate mute vā ti. Yad attanī ti yaṃ attani. Attā vuccati diṭṭhigataṃ.
Attano diṭṭhiyā dve ānisaṃse passati; diṭṭhadhammikañ ca ānisaṃsaṃ, samparāyikañ ca ānisaṃsaṃ.
Katamo diṭṭhiyā diṭṭhadhammiko ānisaṃso? Yaṃdiṭṭhiko satthā hoti, taṃdiṭṭhikā sāvakā honti, taṃditthikaṃ satthāraṃ sāvakā sakkaronti garukaronti mānenti pūjenti apacitiṃ karonti; labhanti ca tatonidānaṃ cīvarapiṇḍapātasenāsanagilānapaccayabhesajjaparikkhāraṃ.
Ayaṃ diṭṭhiyā diṭṭhadhammiko ānisaṃso.
Katamo diṭṭhiyā samparāyiko ānisaṃso? Ayaṃ diṭṭhi alaṃ nāgattāya vā supaṇṇattāya vā yakkhattāya vā asurattāya vā gandhabbattāya vā mahārājattāya vā indattāya vā brahmattāya vā devattāya vā. Ayaṃ diṭṭhi alaṃ suddhiyā visuddhiyā parisuddhiyā muttiyā vimuttiyā parimuttiyā; imāya diṭṭhiyā sujjhanti visujjhanti parisujjhanti muccanti vimuccanti parimuccanti; imāya diṭṭhiyā sujjhissāmi visujjhissāmi parisujjhissāmi muccissāmi vimuccissāmi parimuccissāmī ti āyatiṃ phalapāṭikaṃkhī hoti. Ayaṃ diṭṭhiyā samparāyiko ānisaṃso.
Attano diṭṭhiyā ime dve ānisaṃse passati.
Diṭṭhasuddhiyā pi dve ānisaṃse passati; sutasuddhiyā pi dve ānisaṃse passati; sīlasuddhiyā pi dve ānisaṃse passati; vattasuddhiyā pi dve ānisaṃse passati; mutasuddhiyā pi dve ānisaṃse passati: diṭṭhadhammikañ ca ānisaṃsaṃ, sāmparāyikañ ca ānisaṃsaṃ.
Katamo mutasuddhiyā diṭṭhadhammiko ānisaṃso?
Yaṃdiṭṭhiko satthā hoti, taṃdiṭṭhikā sāvakā honti . . . pe . . . ayaṃ mutasuddhiyā diṭṭhadhammiko ānisaṃso.
[page 105]
S.N. 798] Paramaṭṭhakasuttaniddeso. 105
Katamo mutasuddhiyā samparāyiko ānisaṃso? Ayaṃ diṭṭhi alaṃ nāgattāya vā . . . pe . . . ayaṃ mutasuddhiyā saṃparāyiko ānisaṃso. Mutasuddhiyā pi ime dve ānisaṃse passati dakkhati oloketi nijjhāyati upaparikkhatī ti, yad attanī passati ānisaṃsaṃ diṭṭhe sute sīlavate mute vā.
Tad eva so tattha samuggahāyā ti. Tad evā ti taṃ diṭṭhigataṃ. Tatthā ti sakāya diṭṭhiyā sakāya khantiyā sakāya ruciyā sakāya laddhiyā. Samuggahāyā ti idaṃ paramaṃ aggaṃ seṭṭhaṃ viseṭṭhaṃ pāmokkhaṃ uttamaṃ pavaran ti gahetvā uggahetvā gaṇhitvā parāmasitvā abhinivisitvā ti, tad eva so tattha samuggahāya.
Nihīnato passati sabbam aññan ti. Aññaṃ satthāraṃ dhammakkhānaṃ gaṇaṃ diṭṭhiṃ paṭipadaṃ maggaṃ hīnato nihīnato omakato lāmakato jatukkato parittato passati dakkhati oloketi nijjhāyati upaparikkhatī ti, nihīnato passati sabbam aññaṃ. Ten'; āha Bhagavā:
Yad attanī passati ānisaṃsaṃ
diṭṭhe sute sīlavate mute vā,
tad eva so tattha samuggahāya
nihīnato passati sabbam aññan ti.
_________________________________
Sn_IV,5.3(=798): Taṃ vā pi ganthaṃ kusalā vadanti
yaṃ nissito passati hīnam aññaṃ,
tasmā hi diṭṭhaṃ va sutaṃ mutaṃ vā
sīlabbataṃ bhikkhu na nissayeyya. || Nidd_I.5:3 ||
Taṃ vā pi ganthaṃ kusalā vadantī ti. Kusalā ti ye te khandhakusalā dhātukusalā āyatanakusalā paṭiccasamuppādakusalā satipaṭṭhānakusalā sammappadhānakusalā iddhippādakusalā indriyakusalā balakusalā bojjhaṅgakusalā maggakusalā phalakusalā nibbānakusalā, te kusalā evaṃ vadanti: gantho eso, lambanaṃ etaṃ, bandhanaṃ etaṃ,
[page 106]
106 Aṭṭhakavaggo. [S.N. 798
palibodho eso ti evaṃ vadanti evaṃ kathenti evaṃ bhaṇanti evaṃ dīpayanti evaṃ voharantī ti, taṃ vā pi ganthaṃ kusalā vadanti.
Yaṃ nissito passati hīnam aññan ti. Yaṃ nissito ti yam satthāraṃ dhammakkhānaṃ gaṇaṃ diṭṭhiṃ paṭipadaṃ maggaṃ nissito sannissito allīno upagato ajjhosito adhimutto. Passati hīnam aññan ti aññaṃ satthāraṃ dhammakkhānaṃ gaṇaṃ diṭṭhiṃ paṭipadaṃ maggaṃ hīnato nihīnato omakato lāmakato jatukkato parittato passati dakkhati oloketi nijjhāyati upaparikkhatī ti, yaṃ nissito passati hīnam aññaṃ.
Tasmā hi diṭṭhaṃ va sutaṃ mutaṃ vā sīlabbataṃ bhikkhu na nissayeyyā ti. Tasmā ti tasmā taṃkāraṇā taṃhetu tappaccayā taṃnidānā. Diṭṭhaṃ vā diṭṭhasuddhiṃ vā sutaṃ vā sutasuddhiṃ vā mutaṃ vā mutasuddhiṃ vā sīlaṃ vā sīlasuddhiṃ vā vattaṃ vā vattasuddhiṃ vā na nissayeyya na gaṇheyya na parāmaseyya nābhiniviseyyā ti, tasmā hi diṭṭhaṃ va sutaṃ mutaṃ vā sīlabbataṃ bhikkhu na nissayeyya. Ten'; āha Bhagavā:
Taṃ vā pi ganthaṃ kusalā vadanti
yam nissito passati hīnam aññaṃ,
tasmā hi diṭṭhaṃ va sutaṃ mutaṃ vā
sīlabbataṃ bhikkhu na nissayeyyā ti.
_________________________________
Sn_IV,5.4(=799): Diṭṭhiṃ pi lokasmiṃ na kappayeyya
ñāṇena vā sīlavatena vā pi,
samo ti attānam anūpaneyya,
hīno na maññetha, visesi vā pi. || Nidd_I.5:4 ||
Diṭṭhiṃ pi lokasmiṃ na kappayeyya ñāṇena vā sīlavatena vā pī ti. Aṭṭhasamāpattiñāṇena vā pañcābhiññāñāṇena vā micchāñāṇena vā sīlena vā vattena vā sīlavattena vā diṭṭhiṃ na kappayeyya na janeyya na sañjaneyya na nibbatteyya nābhinibbatteyya.
[page 107]
S.N. 800] Paramaṭṭhakasuttaniddeso. 107
[... content straddling page break has been moved to the page above ...] Lokasmin ti apāyaloke manussaloke devaloke khandhaloke dhātuloke āyatanaloke ti, diṭṭhiṃ pi lokasmiṃ na kappayeyya ñāṇena vā sīlavatena vā pi.
Samo ti attānam anūpaneyyā ti. Sadiso 'ham asmī ti attānaṃ na upaneyya, jātiyā vā gottena vā kolaputtikena vā vaṇṇapokkharatāya vā dhanena vā ajjhenena vā kammāyatanena vā sippāyatanena vā sutena vā paṭibhāṇena vā aññataraññatarena vā vatthunā ti, samo ti attānam anūpaneyya.
Hīno na maññetha visesi vā pī ti. Hīno 'ham asmī ti attānam na upaneyya, jātiyā vā gottena vā . . . pe . . . aññataraññatarena vā vatthunā. Seyyo 'ham asmī ti attānaṃ na upaneyya, jātiyā vā gottena vā . . . pe . . . aññataraññatarena vā vatthunā ti, hīno na maññetha visesi vā pi. Ten'; āha Bhagavā:
Diṭṭhiṃ pi lokasmiṃ na kappayeyya
ñāṇena vā sīlavatena vā pi,
samo ti attānam anūpaneyya,
hīno na maññetha, visesi vā pī ti.
_________________________________
Sn_IV,5.5(=800): Attaṃ pahāya anupādiyāno
ñāṇe pi so nissayaṃ no karoti,
sa ve viyattesu na vaggasārī,
diṭṭhiṃ pi so na pacceti kiñci. || Nidd_I.5:5 ||
Attaṃ pahāya anupādiyāno ti. Attaṃ pahāyā ti attaditthiṃ pahāya; attaṃ pahāyā ti attagahaṃ pahāya; attaṃ pahāyā ti taṇhāvasena diṭṭhivasena gahitaṃ parāmaṭṭhaṃ abhiniviṭṭhaṃ ajjhositaṃ adhimuttaṃ pahāya pajahitvā vinodetvā byantīkatvā anabhāvaṃ gamitvā.
[page 108]
108 Aṭṭhakavaggo. [S.N. 800
Attaṃ pahāya anupādiyāno ti catūhi upādānehi anupādiyamāno agaṇhamāno aparāmasamāno anabhinivisamāno ti, attaṃ pahāya anupādiyāno.
Ñāṇe pi so nissayaṃ no karotī ti. Aṭṭhasamāpattiñāṇe vā pañcābhiññāñāṇe vā micchāñāṇe vā taṇhānissayaṃ vā diṭṭhinissayaṃ vā na karoti na janeti na sañjaneti na nibbatteti nābhinibbattetī ti, ñāṇe pi so nissayaṃ no karoti.
Sa ve viyattesu na vaggasārī ti. Sa ve vavatthitesu bhinnesu dvejjhāpannesu dveḷhakajātesu nānādiṭṭhikesu nānākhantikesu nānārucikesu nānāladdhikesu nānādiṭṭhinissayanissitesu chandāgatiṃ gacchantesu, dosāgatiṃ gacchantesu, mohāgatiṃ gacchantesu, bhayāgatiṃ gacchantesu, na chandāgatiṃ gacchati, na dosāgatim gacchati, na mohāgatiṃ gacchati, na bhayāgatiṃ gacchati, na rāgavasena gacchati, na dosavasena gacchati, na mohavasena gacchati, na mānavasena gacchati, na diṭṭhivasena gacchati, na uddhaccavasena gacchati, na vicikicchāvasena gacchati, na anusayavasena gacchati, na vaggehi dhammehi yāyati niyyāyati vuyhati saṃhariyatī ti, sa ve viyattesu na vaggasārī.
Diṭṭhiṃ pi so na pacceti kiñcī ti. Tassa dvāsaṭṭhi diṭṭhigatāni pahīnāni samucchinnāni vūpasantāni paṭipassaddhāni abhabbuppattikāni ñāṇagginā daḍḍhāni. So kiñci diṭṭhigataṃ na pacceti na paccāgacchatī ti, diṭṭhiṃ pi so na pacceti kiñci. Ten'; āha Bhagavā:
Attaṃ pahāya anupādiyāno
ñāṇe pi so nissayaṃ no karoti,
sa ve viyattesu na vaggasārī,
diṭṭhiṃ pi so na pacceti kiñcī ti.
_________________________________
[page 109]
S.N. 801] Paramaṭṭhakasuttaniddeso. 109
Sn_IV,5.6(=801): Yassūbhayante paṇidhīdha n'; atthi
bhavābhavāya idha vā huraṃ vā,
nivesanā tassa na santi keci
dhammesu niccheyya samuggahītam. || Nidd_I.5:6 ||
Yassūbhayante paṇidhīdha n'; atthi bhavābhavāya idha vā huraṃ vā ti. Yassā ti arahato khīṇāsavassa. Antā ti phasso eko anto, phassasamudayo dutiyo anto; atītaṃ eko anto, anāgataṃ dutiyo anto; sukhā vedanā eko anto, dukkhā vedanā dutiyo anto; nāmaṃ eko anto, rūpaṃ dutiyo anto; cha ajjhattikāni āyatanāni eko anto, cha bāhirāni āyatanāni dutiyo anto; sakkāyo eko anto, sakkāyasamudayo dutiyo anto. Paṇidhi vuccati taṇhā; yo rāgo sārāgo . . . pe . . . abhijjhā lobho akusalamūlaṃ.
Bhavābhavāyā ti bhavābhavāya, kammabhavāya, punabbhavāya, kāmabhavāya kammabhavāya, kāmabhavāya punabbhavāya, rūpabhavāya kammabhavāya, rūpabhavāya punabbhavāya, arūpabhavāya kammabhavāya, arūpabhavāya punabbhavāya, punappunaṃ bhavāya, punappunaṃ gatiyā punappunaṃ upapattiyā, punappunaṃ paṭisandhiyā, punappunaṃ attabhāvābhinibbattiyā. Idhā ti sakattabhāvo, hurā ti parattabhāvo; idhā ti sakarūpavedanāsaññāsaṃkhāraviññāṇaṃ, hurā ti pararūpavedanāsaññāsaṃkhāraviññāṇaṃ; idhā ti cha ajjhattikāni āyatanāni, hurā ti cha bāhirāni āyatanāni; idhā ti manussaloko, hurā ti devaloke; idhā ti kāmadhātu, hurā ti rūpadhātu arūpadhātu; idhā ti kāmadhātu rūpadhātu, hurā ti arūpadhātu.
Yassūbhayante paṇidhīdha n'; atthi bhavābhavāya idha vā huraṃ vā ti yassa ubho ante, bhavābhavāya, idha vā huraṃ vā paṇidhi n'; atthi na saṃvijjati, n'; upalabbhati, pahīnā samucchinnā vūpasantā paṭipassaddhā abhabbuppattikā ñāṇagginā daḍḍhā ti,
[page 110]
110 Aṭṭhakavaggo. [S.N. 801
[... content straddling page break has been moved to the page above ...] yassūbhayante paṇidhīdha n'; atthi bhavābhavāya idha vā huraṃ vā.
Nivesanā tassa na santi kecī ti. Nivesanā ti dve nivesanā, taṇhānivesanā ca diṭṭhinivesanā ca . . . pe . . . ayaṃ taṇhānivesanā . . . pe . . . ayaṃ diṭṭhinivesanā. Tassā ti: arahato khīṇāsavassa. Nivesanā tassa na santī ti na santi na saṃvijjanti n'; upalabbhanti, pahīnā samucchinnā vūpasantā patipassaddhā abhabbuppattikā ñāṇagginā daḍḍhā ti, nivesanā tassa na santi keci.
Dhammesu niccheyya samuggahītan ti. Dhammesū ti dvāsaṭṭhiyā diṭṭhigatesu. Niccheyyā ti nicchinitvā vinicchinitvā vicinitvā pavicinitvā tulayitvā tīrayitvā vibhāvayitvā vibhūtaṃ katvā. Odhiggāho vilaggāho varaggāho koṭṭhāsaggāho uccayaggāho samuccayaggāho: idaṃ saccaṃ tacchaṃ tathaṃ bhūtaṃ yāthāvaṃ aviparītan ti gahitaṃ parāmaṭṭhaṃ abhiniviṭṭhaṃ ajjhositaṃ adhimuttaṃ n'; atthi na saṃvijjati n'; upalabbhati, pahīnaṃ samucchinnaṃ vūpasantaṃ paṭipassaddhaṃ abhabbuppattikaṃ ñāṇagginā daḍḍhan ti, dhammesu niccheyya samuggahītaṃ. Ten'; āha Bhagavā:
Yassūbhayante paṇidhīdha n'; atthi
bhavābhavāya idha vā huraṃ vā,
nivesanā tassa na santi keci
dhammesu niccheyya samuggahītan ti.
_________________________________
Sn_IV,5.7(=802): Tassīdha diṭṭhe va sute mute vā
pakappitā n'; atthi aṇū pi saññā;
taṃ brāhmaṇaṃ diṭṭhim anādiyānaṃ
kenīdha lokasmiṃ vikappayeyya? || Nidd_I.5:7 ||
Tassīdha diṭṭhe va sute mute vā pakappitā n'; atthi aṇū pi saññā ti. Tassā ti arahato khīṇāsavassa tassa. Diṭṭhe vā diṭṭhavisuddhiyā vā sute vā sutavisuddhiyā vā mute vā mutavisuddhiyā vā saññāpubbaṅgamatā saññādhipateyyatā;
[page 111]
S.N. 802] Paramaṭṭhakasuttaniddeso. 111
[... content straddling page break has been moved to the page above ...] saññāviggahena saññāya uṭṭhapitā kappitā abhisaṃkhatā saṇṭhapitā diṭṭhi n'; atthi na saṃvijjati n'; upalabbhati, pahīnā samucchinnā vūpasantā paṭipassaddhā abhabbuppattikā nāṇagginā daḍḍhā ti, tassīdha diṭṭhe va sute mute vā pakappitā n'; atthi aṇū pi saññā.
Taṃ brāhmaṇaṃ diṭṭhim anādiyānan ti. Brāhmaṇo ti sattannaṃ dhammānaṃ bāhitattā brāhmaṇo . . . pe . . . anissito tādi pavuccate brahmā. Taṃ brāhmaṇaṃ diṭṭhim anādiyānan ti taṃ brāhmaṇam diṭṭhiṃ anādiyantaṃ agaṇhantaṃ aparāmasantaṃ abhinivisantan ti, taṃ brāhmaṇaṃ diṭṭhim anādiyānaṃ.
Kenīdha lokasmiṃ vikappayeyyā ti. Kappā ti dve kappā, taṇhākappo ca diṭṭhikappo ca . . . pe . . . ayaṃ taṇhākappo . . . pe . . . ayaṃ diṭṭhikappo. Tassa taṇhākappo pahīno, diṭṭhikappo paṭinissaṭṭho; taṇhākappassa pahīnattā, diṭṭhikappassa paṭinissaṭṭhattā, kena rāgena kappeyya? kena dosena kappeyya? kena mohena kappeyya? kena mānena kappeyya? kāya diṭṭhiyā kappeyya?
kena uddhaccena kappeyya? kāya vicikicchāya kappeyya?
kehi anusayehi kappeyya ratto ti vā duṭṭho ti vā mūḷho ti vā, vinibandho ti vā parāmaṭṭho ti vā, vikkhepagato ti vā, aniṭṭhaṅgato ti vā thāmagato ti vā? Te abhisaṃkhārā pahīnā, abhisaṃkhārānaṃ pahīnattā, gatiyā kena kappeyya nerayiko ti vā tiracchānayoniko ti vā pittivisayiko ti vā,
[page 112]
112 Aṭṭhakavaggo. [S.N. 802
[... content straddling page break has been moved to the page above ...] manusso ti vā devo ti vā, rūpī ti vā arūpī ti vā, saññī ti vā, asaññī ti vā, nevasaññīnāsaññī ti vā?
So hetu n'; atthi, paccayo n'; atthi, kāranaṃ n'; atthi; yena kappeyya vikappeyya vikappaṃ āpajjeyya. Lokasmin ti apāyaloke manussaloke devaloke khandhaloke dhātuloke āyatanaloke ti, kenīdha lokasmiṃ vikappayeyya? Ten'; āha Bhagavā:
Tassīdha diṭṭhe va sute mute vā
pakappitā n'; atthi aṇū pi saññā;
taṃ brāhmaṇaṃ diṭṭhim anādiyānaṃ
kenīdha lokasmiṃ vikappayeyyā? ti.
_________________________________
Sn_IV,5.8(=803): Na kappayanti, na purekkharonti,
dhammā pi tesaṃ na paṭicchitāse;
na brāhmaṇo sīlavatena neyyo,
pāraṅgato na pacceti tādi. || Nidd_I.5:8 ||
Na kappayanti na purekkharontī ti. Kappā ti dve kappā, taṇhākappo ca diṭṭhikappo ca . . . pe . . . ayaṃ taṇhākappo . . . pe . . . ayaṃ diṭṭhikappo.
Katamo taṇhākappo? Yāvatā taṇhāsaṃkhātena sīmakataṃ mariyādikataṃ odhikataṃ pariyantikataṃ pariggahitaṃ mamāyitaṃ: idaṃ mamaṃ, etaṃ mamaṃ, ettakaṃ mamaṃ, ettāvatā mamaṃ, mama rūpā saddā gandhā rasā phoṭṭhabā; attharaṇā pāpuraṇā; dāsidāsā ajeḷakā kukkuṭasūkarā hatthigavāssavalavā khettaṃ vatthu hiraññaṃ suvaṇṇaṃ gāmanigamarājadhāniyo raṭṭhañ ca janapado ca koso ca koṭṭhāgārañ ca; kevalam pi mahāpaṭhaviṃ taṇhāvasena mamāyati, yāvatā aṭṭhasatataṇhāvicaritaṃ. Ayaṃ taṇhākappo.
Katamo diṭṭhikappo? Vīsativatthukā sakkāyadiṭṭhi,
[page 113]
S.N. 803] Paramaṭṭhakasuttaniddeso. 113
dasavatthukā micchādiṭṭhi, dasavatthukā antaggāhikā diṭṭhi; yā evarūpā diṭṭhi diṭṭhigataṃ diṭṭhigahaṇaṃ diṭṭhikantāraṃ diṭṭhivisūkāyikaṃ diṭṭhivipphanditaṃ diṭṭhisaṃyojanaṃ gāho paṭiggāho abhiniveso parāmāso kummaggo micchāpatho micchattaṃ titthāyatanaṃ vipariyesagāho viparittagāho vippallāsagāho micchāgāho ayāthāvakasmiṃ yāthāvakan ti gāho, yāvatā dvāsaṭṭhī diṭṭhigatāni. Ayaṃ diṭṭhikappo.
Tesaṃ taṇhākappo pahīno, diṭṭhikappo paṭinissaṭṭho; taṇhākappassa pahīnattā, diṭṭhikappassa paṭinissaṭṭhattā, taṇhākappaṃ vā diṭṭhikappaṃ vā na kappenti na janenti na sañjanenti na nibbattenti nābhinibbattentī ti, na kappayanti.
Na purekkharontī ti. Purekkhārā ti dve purekkharā, taṇhāpurekkhāro ca diṭṭhipurekkhāro ca . . . pe . . . ayaṃ taṇhāpurekkhāro . . . pe . . . ayaṃ diṭṭhipurekkhāro. Tesaṃ taṇhāpurekkhāro pahīno, diṭṭhipurekkhāro paṭinissaṭṭho; taṇhāpurekkhārassa pahīnattā, diṭṭhipurekkhārassa paṭinissaṭṭhattā, na taṇhaṃ vā, na diṭṭhiṃ vā purato katvā caranti; na taṇhādhajā, na taṇhāketū, na taṇhādhipateyyā, na diṭṭhidhajā, na diṭṭhiketū, na diṭṭhādhipateyyā, na taṇhāya vā, na diṭṭhiyā vā parivāritā carantī ti, na kappayanti na purekkharonti.
Dhammā pi tesaṃ na paṭicchitāse ti. Dhammā vuccanti dvāsatthī diṭṭhigatāni. Tesan ti tesaṃ arahantānaṃ khīṇāsavānaṃ. Paṭicchitāse ti sassato loko, idam eva saccaṃ, mogham aññan ti na paṭicchitāse; asassato loko . . . pe . . . n'; eva hoti na na hoti tathāgato parammaraṇā, idam eva saccaṃ, mogham aññan ti na paṭicchitāse ti, dhammā pi tesaṃ na paṭicchitāse.
Na brāhmaṇo sīlavatena neyyo ti. Nā ti paṭikkhepo.
Brāhmaṇo ti sattannaṃ dhammānaṃ bāhitattā brāhmāṇo
[page 114]
114 Aṭṭhakavaggo. [S.N. 803
. . . pe . . . anissito tādi pavuccate brahmā. Na brāhmaṇo sīlavatena neyyo ti brāhmaṇo sīlena vā vattena vā sīlavattena vā na yāyati na niyyāti na vuyhati na saṃhariyatī ti, na brāhmaṇo sīlavatena neyyo.
Pāraṅgato na pacceti tādī ti. Pāraṃ vuccati amataṃ nibbānaṃ; yo so sabbasaṃkhārasamatho sabbūpadhipaṭinissaggo taṇhakkhayo virāgo nirodho nibbānaṃ. Yo pāragato pārappatto antagato antappatto koṭigato koṭippatto. . . pe . . . n'; atthi tassa punabbhavo ti, pāraṅgato. Na paccetī ti sotāpattimaggena ye kilesā pahīnā, te kilese na puna pacceti na paccāgacchati; sakadāgāmimaggena ye kilesā pahīnā, te kilese na puna pacceti na paccāgacchati; anāgāmimaggena ye kilesā pahīnā, te kilese na puna pacceti na paccāgacchati; arahattamaggena ye kilesā pahīnā, te kilese na puna pacceti na paccāgacchatī ti, pāraṅgato na pacceti.
Tādī ti. Arahā pañcah'; ākārehi tādi, iṭṭhāniṭṭhe tādi, cattāvī ti tādi, tiṇṇāvī ti tādi, muttāvī ti tādi, taṃniddesā tādi.
Kathaṃ arahā iṭṭhāniṭṭhe tādi? Arahā lābhe pi tādi, alābhe pi tādi, yase pi tādi, ayase pi tādi, pasaṃsāya pi tādi, nindāya pi tādi, sukhe pi tādi, dukkhe pi tādi; ekañ ce bāhaṃ gandhena limpeyyum, ekañ ce bāhaṃ vāsiyā taccheyyuṃ, amusmiṃ n'; atthi rāgo, amusmiṃ n'; atthi paṭighaṃ; anunayapaṭighavippahīno ugghātinigghātiṃ vītivatto anurodhavirodhasamatikkanto.
Evaṃ arahā iṭṭhāniṭṭhe tādi.
Kathaṃ arahā cattāvī ti tādi? Arahato rāgo catto vanto mutto pahīno paṭinissaṭṭho;
[page 115]
S.N. 803] Paramaṭṭhakasuttaniddeso. 115
[... content straddling page break has been moved to the page above ...] doso moho kodho upanāho makkho palāso issā macchariyaṃ māyā sāṭheyyaṃ thambho sārambho māno atimāno mado pamādo, sabbe kilesā, sabbe duccaritā, sabbe darathā, sabbe pariḷāhā, sabbe santāpā, sabbākusalābhisaṃkhārā cattā vantā muttā pahīnā paṭinissaṭṭhā. Evaṃ arahā cattāvī ti tādi.
Kathaṃ arahā tiṇṇāvī ti tādī? Arahā kāmoghaṃ tiṇṇo, bhavoghaṃ tiṇṇo, diṭṭhoghaṃ tiṇṇo, avijjoghaṃ tiṇṇo, sabbasaṃkhārapaṭipathaṃ tiṇṇo uttiṇṇo nittiṇṇo atikkanto samatikkanto vītivatto; so vuṭṭhavāso ciṇṇacaraṇo . . . pe . . . n'; atthi tassa punabbhavo ti. Evaṃ arahā tiṇṇāvī ti tādi.
Kathaṃ arahā muttāvī ti tādi? Arahato rāgā cittaṃ muttaṃ vimuttaṃ suvimuttaṃ, dosā cittaṃ muttaṃ vimuttaṃ suvimuttaṃ, mohā cittaṃ muttaṃ vimuttaṃ suvimuttaṃ, kodhā upanāhā makkhā paḷāsā issā macchariyā māyā sāṭheyyā thambhā sārambhā mānā atimānā madā pamādā sabbakilesehi sabbaduccaritehi sabbadarathehi sabbapariḷāhehi sabbasantāpehi sabbākusalābhisaṃkhārehi cittaṃ muttaṃ vimuttaṃ suvimuttaṃ. Evaṃ arahā muttāvī ti tādi.
Kathaṃ arahā taṃniddesā tādi? Arahā, sīle sati, sīlavā ti taṃniddesā tādi; saddhāya sati, saddho ti taṃniddesā tādi; viriye sati, viriyavā ti taṃniddesā tādi; satiyā sati, satimā ti taṃniddesā tādi; samādhismiṃ sati, samāhito ti taṃniddesā tādi; paññāya sati, paññavā ti taṃniddesā tādi; vijjāya sati, tevijjo ti taṃniddesā tādi; abhiññāya sati, chaḷabhiñño ti taṃniddesā tādi. Evaṃ arahā taṃniddesā tādī ti,
[page 116]
116 Aṭṭhakavaggo. [S.N. 803
[... content straddling page break has been moved to the page above ...] pāraṅgato na pacceti tādi. Ten'; āha Bhagavā:
Na kappayanti na purekkharonti,
dhammā pi tesaṃ na paticchitāse;
na brāhmaṇo sīlavatena neyyo,
pāraṅgato na pacceti tādī ti.
PAÑCAMO PARAMAṬṬHAKASUTTANIDDESO NIṬṬHITO.
[page 117]
117
CHAṬṬHO JARĀSUTTANIDDESO.
Sn_IV,6.1(=804): Appaṃ vata jīvitaṃ idaṃ,
oraṃ vassasatā pi miyyati,
yo ce pi aticca jīvati
atha kho so jarasā pi miyyati. || Nidd_I.6:1 ||
Appaṃ vata jīvitaṃ idan ti. Jīvitan ti āyu ṭhiti yapanā yāpanā iriyanā vattanā pālanā jīvitaṃ jīvitindriyaṃ. Api ca dvīhi kāraṇehi appakaṃ jīvitaṃ, thokaṃ jīvitaṃ, ṭhitiparittatāya vā appakaṃ jīvitaṃ, sarasaparittatāya vā appakaṃ jīvitaṃ.
Kathaṃ ṭhitiparittatāya vā appakaṃ jīvitaṃ? Atīte cittakkhaṇe jīvittha, na jīvati, na jīvissati; anāgate cittakkhaṇe jīvissati, na jīvati, na jīvittha; paccuppanne cittakkhaṇe jīvati, na jīvittha, na jīvissati.
*Jīvitaṃ attabhāvo ca sukhadukkhā ca kevalā
ekacittasamāyuttā, lahuso vattati-kkhaṇo.
Cullāsītisahassāni kappā tiṭṭhanti ye marū,
na tv eva te pi jīvanti dvīhi cittehi samāhitā.
[page 118]
118 Aṭṭhakavaggo. [S.N. 804
Ye niruddhā marantassa tiṭṭhamānassa vā idha,
sabb'; eva sadisā khandhā gatā appaṭisandhikā.
Anantarā ca ye bhaṅgā, ye ca bhaṅgā anāgatā,
tadantare niruddhānaṃ vesammaṃ n'; atthi lakkhaṇe.
Anibbattena na jāto, paccuppannena jīvati,
cittabhaṅgamato loko, paññatti paramatthiyā.
Yathā ninnā pavattanti chandena pariṇāmitā
acchinnavārā vattanti saḷāyatanapaccayā.
Anidhānagatā bhaṅgā, puñjo n'; atthi anāgate,
nibbattā yeva tiṭṭhanti āragge sāsapūpamā.
Nibbattānañ ca dhammānaṃ bhaṅgo nesaṃ purekkhato,
palokadhammā tiṭṭhanti porāṇehi amissitā.
Adassanato āyanti bhaṅgā gacchanti dassanaṃ,
vijjuppādo va ākāse uppajjanti vayanti cā ti.
Evaṃ ṭhitiparittatāya appakaṃ jīvitaṃ.
Kathaṃ sarasaparittatāya appakaṃ jīvitaṃ? Assāsupanibaddhaṃ jīvitaṃ, passāsupanibaddhaṃ jīvitaṃ, assāsappassāsupanibaddhaṃ jīvitaṃ, mahābhūtupanibaddhaṃ jīvitaṃ, usmūpanibaddhaṃ jīvitaṃ, kavaḷiṃkārāhārupanibaddhaṃ jīvitaṃ, viññāṇupanibaddhaṃ jīvitaṃ mūlam pi imesaṃ dubbalaṃ, pubbahetū pi imesaṃ dubbalā, ye pi paccayā te pi dubbalā, ye pi pabhavikā te pi dubbalā, sahabhū pi imesaṃ dubbalā, sampayogā pi imesaṃ dubbalā, sahajā pi imesaṃ dubbalā, yā pi payojikā sā pi dubbalā. Aññamaññaṃ niccadubbalā ime, aññamaññaṃ anvatthitā ime,
[page 119]
S.N. 804] Jarāsuttaniddeso. 119
[... content straddling page break has been moved to the page above ...] aññamaññaṃ paripātayanti ime, aññamaññassa hi n'; atthi tāyitā, na cā pi ṭhapenti aññamaññ'; ime, yo pi nibbattako so na vijjati, na ca kenaci koci hāyati, bhaṅgabyā ca ime hi sabbaso, purimehi pabhāvitā ime, ye pi pabhāvitā te pure matā, purimā pi ca pacchimā pi ca aññamaññaṃ na kadāci addasun ti.
Evaṃ sarasaparittatāya appakaṃ jīvitaṃ.
Api ca cātummahārājikānaṃ devānaṃ jīvitaṃ upādāya manussānaṃ appakaṃ jīvitaṃ, parittakaṃ jīvitaṃ, thokaṃ jīvitaṃ, khaṇikaṃ jīvitaṃ, lahukaṃ jīvitaṃ, ittaraṃ jīvitaṃ, anaddhanīyaṃ jīvitam, na ciraṭṭhitikaṃ jīvitaṃ tāvatiṃsānaṃ devānaṃ, yāmānaṃ devānaṃ, tusitānaṃ devānaṃ, nimmānaratīnaṃ devānaṃ, paranimmitavasavattīnaṃ devānaṃ, brahmakāyikānaṃ devānaṃ jīvitaṃ upādāya manussānaṃ appakaṃ jīvitaṃ, parittakaṃ jīvitaṃ, thokaṃ jīvitam, khaṇikaṃ jīvitaṃ, lahukaṃ jīvitaṃ, ittaraṃ jīvitaṃ, anaddhanīyaṃ jīvitaṃ, na ciraṭṭhitikaṃ jīvitaṃ.
Vuttaṃ h'; etaṃ Bhagavatā: *appam idaṃ bhikkhave manussānaṃ āyu, gamanīyo samparāyo, mantāya phoṭṭhabbaṃ, kattabbaṃ kusalaṃ, caritabbaṃ brahmacariyaṃ, n'; atthi jātassa amaraṇaṃ. Yo bhikkhave ciraṃ jīvati, so vassasataṃ appaṃ vā bhiyyo.
Appam āyu manussānaṃ, hīḷeyya naṃ suporiso,
careyy'; ādittasīso va, n'; atthi maccussa n'; āgamo.
Accayanti ahorattā, jīvitaṃ uparujjhati,
āyuṃ khīyati maccānaṃ, kunnadīnaṃ va ūdakan
ti.
[page 120]
120 Aṭṭhakavaggo. [S.N. 804
Appaṃ vata jīvitaṃ idaṃ oraṃ vassasatā pi miyyatī ti.
Kalalakāle pi cavati marati antaradhāyati vippalujjati.
Abbudakāle pi cavati marati antaradhāyati vippalujjati.
Pesikāle pi cavati marati antaradhāyati vippalujjati.
Ghaṇakāle pi cavati marati antaradhāyati vippalujjati.
Pasākhakāle pi cavati marati antaradhāyati vippalujjati. Jātimatto pi cavati marati antaradhāyati vippalujjati. Pasūtighare pi cavati marati antaradhāyati vippalujjati. Aḍḍhamāsiko pi cavati marati antaradhāyati vippalujjati. Māsiko pi cavati marati antaradhāyati vippalujjati. Dvimāsiko pi timāsiko pi catumāsiko pi pañcamāsiko pi cavati marati antaradhāyati vippalujjati.
Chamāsiko pi sattamāsiko pi aṭṭhamāsiko pi navamāsiko pi dasamāsiko pi saṃvacchariko pi cavati marati antaradhāyati vippalujjati. Dvivassiko pi tivassiko pi catuvassiko pi pañcavassiko pi chavassiko pi sattavassiko pi aṭṭhavassiko pi navavassiko pi dasavassiko pi vīsativassiko pi tiṃsavassiko pi cattāḷīsavassiko pi paññāsavassiko pi saṭṭhivassiko pi sattativassiko pi asītivassiko pi navutivassiko pi cavati marati antaradhāyati vippalujjatī ti, oraṃ vassasatā pi miyyati.
Yo ce pi aticca jīvatī ti. Yo vassasataṃ atikkamitvā jīvati, so ekaṃ vā vassaṃ jīvati, dve vā vassāni jīvati, tīṇi vā vassāni jīvati, cattāri vā vassāni jīvati, pañca vā vassāni jīvati, dasa vā vassāni jīvati, vīsati vā vassāni jīvati, tiṃsaṃ vā vassāni jīvati, cattāḷīsaṃ vā vassāni jīvatī ti, yo ce pi aticca jīvati.
Atha kho so jarasā pi miyyatī ti. Yadā jiṇṇo hoti vuḍḍho mahallako addhagato vayo anuppatto khaṇḍadanto palitakeso vilūnaṃ khālitasiro vallīnaṃ tilakāhatagatto vaṅko bhaggo daṇḍaparāyano,
[page 121]
S.N. 805] Jarāsuttaniddeso. 121
[... content straddling page break has been moved to the page above ...] so jarāya pi cavati marati antaradhāyati vippalujjati.
*N'; atthi maraṇamhā mokkho.
Phalānam iva pakkānaṃ pāto patanato bhayam,
evaṃ jātānaṃ maccānaṃ niccaṃ maraṇato bhayaṃ.
Yathā pi kumbhakārassa katā mattikabhājanā
sabbe bhedanapariyantā, evaṃ maccāna jīvitaṃ.
Daharā ca mahantā ca ye bālā ye ca paṇḍitā,
sabbe maccuvasaṃ yanti, sabbe maccuparāyanā.
Tesaṃ maccuparetānaṃ gacchataṃ paralokato
na pitā tāyate puttaṃ ñātī vā pana ñātake.
Pekkhatañ ñeva ñātīnaṃ passa lālappataṃ puthū;
ekameko 'va maccānaṃ go vajjho viya niyyati.
Evaṃ abbhāhato loko maccunā ca jarāya cā ti;
atha kho so jarasā pi miyyati. Ten'; āha Bhagavā:
Appaṃ vata jīvitaṃ idaṃ,
oraṃ vassasatā pi miyyati,
yo ce pi aticca jīvati
atha kho so jarasā pi miyyatī ti.
_________________________________
Sn_IV,6.2(=805): Socanti janā mamāyite,
na hi santi niccā pariggahā;
vinābhāvasantam ev'; idaṃ
iti disvā nāgāram āvase. || Nidd_I.6:2 ||
Socanti janā mamāyite ti. Janā ti khattiyā ca brāhmaṇā ca vessā ca suddā ca gahaṭṭhā ca pabbajitā ca devā ca manussā ca.
[page 122]
122 Aṭṭhakavaggo. [S.N. 805
[... content straddling page break has been moved to the page above ...] Mamattā ti dve mamattā, taṇhāmamattañ ca diṭṭhimamattañ ca . . . pe . . . idaṃ taṇhāmamattaṃ . . . pe . . . idaṃ diṭṭhimamattaṃ. Mamāyitavatthuacchedasaṃkino pi socanti, acchijjante pi socanti, acchinne pi socanti; mamāyitavatthuvipariṇāmasaṃkino pi socanti, vipariṇāmante pi socanti, vipariṇate pi socanti kilamanti paridevanti, urattāḷiṃ kandanti, sammohaṃ āpajjantī ti, socanti janā mamāyite.
Na hi santi niccā pariggahā ti. Pariggahā ti dve pariggahā, taṇhāpariggaho ca diṭṭhipariggaho ca . . . pe . . . ayaṃ taṇhāpariggaho . . . pe . . . ayaṃ diṭṭhipariggaho.
Taṇhāpariggaho anicco saṃkhato paṭiccasamuppanno khayadhammo vayadhammo virāgadhammo nirodhadhammo vipariṇāmadhammo. Diṭṭhipariggaho anicco saṃkhato paṭiccasamuppanno khayadhammo vayadhammo virāgadhammo nirodhadhammo vipariṇāmadhammo.
Vuttaṃ h'; etaṃ Bhagavatā: *Passatha no tumhe bhikkhave taṃ pariggahaṃ yvāyaṃ pariggaho nicco dhuvo sassato avipariṇāmadhammo sassatisamaṃ tath'; eva ṭhassatī ti? -- No h'; etaṃ bhante. -- Sādhu bhikkhave, aham pi kho etaṃ bhikkhave pariggahaṃ na samanupassāmi yvāyaṃ pariggaho nicco dhuvo sassato avipariṇāmadhammo sassatisamaṃ tath'; eva ṭhassatī ti pariggahā niccā dhuvā sassatā avipariṇāmadhammā n'; atthi na santi na saṃvijjanti n'; upalabbhantī ti, na hi santi niccā pariggahā.
Vinābhāvasantam ev'; idan ti. Nānābhāve vinābhāve aññathābhāve sante samvijjamāne upalabhiyamāne.
Vuttaṃ h'; etaṃ Bhagavatā: **Alaṃ Ānanda mā soci, mā paridevi. Nanu etaṃ Ānanda mayā paṭikacc'; eva akkhātaṃ:
[page 123]
S.N. 806] Jarāsuttaniddeso. 123
[... content straddling page break has been moved to the page above ...] sabbeh'; eva piyehi manāpehi nānābhāvo vinābhāvo aññathābhāvo? Taṃ kut'; ettha Ānanda labbhā yan taṃ jātaṃ bhūtaṃ saṃkhataṃ palokadhammaṃ, taṃ vata mā palujjī ti? N'; etaṃ ṭhānaṃ vijjati. *Purimānaṃ purimānaṃ khandhānaṃ dhātūnaṃ āyatanānaṃ vipariṇāmaññathābhāvā pacchimā pacchimā khandhā ca dhātuyo ca āyatanāni ca pavattantī ti, vinābhāvasantam ev'; idaṃ.
Iti disvā nāgāram āvase ti. Itī ti padasandhi padasaṃsaggo padapāripūri akkharasamavāyo byañjanasiliṭṭhatā padānupubbatā-m-etam itī ti. Iti disvā passitvā tulayitvā tīrayitvā vibhāvayitvā vibhūtaṃ katvā mamattesū ti, iti disvā. Nāgāram āvase ti sabbaṃ gharāvāsapalibodhaṃ chinditvā, puttadārapalibodhaṃ chinditvā, ñātipalibodhaṃ chinditvā, mittāmaccapalibodhaṃ chinditvā, sannidhipalibodhaṃ chinditvā, kesamassuṃ ohāretvā, kāsāyāni vatthāni acchādetvā, agārasmā anagāriyaṃ pabbajitvā, ākiñcanabhāvaṃ upagantvā, eko careyya vihareyya iriyeyya vatteyya pāleyya yapeyya yāpeyyā ti, iti disvā nāgāram āvase. Ten'; āha Bhagavā:
Socanti janā mamāyite,
na hi santi niccā pariggahā;
vinābhāvasantam ev'; idaṃ
iti disvā nāgāram āvase ti.
_________________________________
Sn_IV,6.3(=806): Maraṇena pi taṃ pahīyati,
yaṃ puriso mama-y-idan ti maññati,
etam pi viditvā paṇḍito
na mamattāya nametha māmako. || Nidd_I.6:3 ||
Maraṇena pi taṃ pahīyatī ti. Maraṇan ti yā tesaṃ tesaṃ sattānaṃ tamhā tamhā sattanikāyā cuti cavanatā bhedo antaradhānaṃ maccu maraṇaṃ kālakiriyā,
[page 124]
124 Aṭṭhakavaggo. [S.N. 806
[... content straddling page break has been moved to the page above ...] khandhānaṃ bhedo, kaḷevarassa nikkhepo, jīvitindriyass'; upacchedo. Tan ti rūpagataṃ vedanāgataṃ saññāgataṃ saṃkhāragataṃ viññāṇagataṃ. Pahīyatī ti pahīyati jahīyati vijahīyati antaradhāyati vippalujjati. Bhāsitam pi h'; etaṃ:
*Pubb'; eva maccaṃ vijahanti bhogā,
macco va ne pubbataraṃ jahāti,
asassatā bhogino kāmakāmī,
tasmā na socām'; ahaṃ sokakāle.
Udeti āpūrati veti cando,
atthaṃ gametvāna paleti suriyo,
viditā mayā sattakalokadhammā,
tasmā na socām'; ahaṃ sokakāle ti,
maraṇena pi taṃ pahīyati.
Yaṃ puriso mama-y-idan ti maññatī ti. Yan ti rūpagataṃ vedanāgataṃ saññāgataṃ saṃkhāragataṃ viññāṇagataṃ. Puriso ti saṃkhā samaññā paññatti lokavohāro nāmaṃ nāmakammaṃ nāmadheyyaṃ nirutti byañjanaṃ abhilāpo. Mama-y-idan ti maññatī ti taṇhāmaññanāya maññati, diṭṭhimaññanāya maññati, mānamaññanāya maññati, kilesamaññanāya maññati, duccaritamaññanāya maññati, payogamaññanāya maññati, vipākamaññanāya maññatī ti, yaṃ puriso mama-y-idan ti maññati.
Etam pi viditvā paṇḍito ti. Etaṃ ādīnavaṃ ñatvā jānitvā tulayitvā tīrayitvā vibhāvayitvā vibhūtaṃ katvā mamattesū ti, etam pi viditvā. Paṇḍito ti buddhimā ñāṇī vibhāvī medhāvī ti, etam pi viditvā paṇḍito.
Na mamattāya nametha māmako ti. Mamattā ti dve mamattā,
[page 125]
S.N. 806] Jarāsuttaniddeso. 125
[... content straddling page break has been moved to the page above ...] taṇhāmamattañ ca diṭṭhimamattañ ca . . . pe . . . idaṃ taṇhāmamattaṃ . . . pe . . . idaṃ diṭṭhimamattaṃ. Māmako ti buddhamāmako dhammamāmako saṅghamāmako; so Bhagavantaṃ mamāyati, Bhagavā taṃ puggalaṃ pariggaṇhāti.
Vuttaṃ h'; etaṃ Bhagavatā: *Ye te bhikkhave bhikkhū kuhā thaddhā lapā saṅgī unnaḷā asamāhitā, na me te bhikkhave bhikkhū māmakā, apagatā ca te bhikkhū imasmā dhammavinayā, na ca te imasmiṃ dhammavinaye vuddhiṃ virūḷhiṃ vepullaṃ āpajjanti. Ye ca kho te bhikkhave bhikkhū nikkuhā nillapā dhīrā athaddhā susamāhitā, te kho me {bhikkhave} bhikkhū māmakā, anapagatā ca te bhikkhū imasmā dhammavinayā, te ca imasmiṃ dhammavinaye vuddhiṃ virūḷhiṃ vepullaṃ āpajjanti.
Kuhā thaddhā lapā saṅgī unnaḷā asamāhitā,
na te dhamme virūhanti sammāsambuddhadesite.
Nikkuhā nillapā dhīrā athaddhā susamāhitā,
te ve dhamme virūhanti sammāsambuddhadesite.
Na mamattāya nametha māmako ti māmako taṇhāmamattaṃ pahāya, diṭṭhimamattaṃ paṭinissajjitva, mamattāya na nameyya, na onameyya, na taṃninno assa, na tappoṇo, na tappabbhāro, na tadadhimutto, na tadādhipateyyo ti, na mamattāya nametha māmako. Ten'; āha Bhagavā:
Maraṇena pi taṃ pahīyati,
yaṃ puriso mama-y-idan ti maññati,
etam pi viditvā paṇḍito
na mamattāya nametha māmako ti.
_________________________________
[page 126]
126 Aṭṭhakavaggo. [S.N. 807
Sn_IV,6.4(=807): Supinena yathā pi saṅgataṃ
paṭibuddho puriso na passati,
evam pi piyāyitaṃ janaṃ
petaṃ kālakataṃ na passati. || Nidd_I.6:4 ||
Supinena yathā saṅgatan ti saṅgataṃ samāgataṃ samāhitaṃ sannipatitan ti, supinena yathā pi saṅgataṃ.
Paṭibuddho puriso na passatī ti. Yathā puriso supinagato candaṃ passati, suriyaṃ passati, mahāsamuddhaṃ passati, sinerupabbatarājaṃ passati, hatthiṃ passati, assaṃ passati, rathaṃ passati, pattiṃ passati, senābyūhaṃ passati, ārāmarāmaṇeyyakaṃ passati, vanarāmaṇeyyakaṃ passati, bhūmirāmaṇeyyakaṃ passati, pokkharaṇirāmaṇeyyakaṃ passati, paṭibuddho na kiñci passatī ti, paṭibuddho puriso na passati.
Evam pi piyāyitaṃ janan ti. Evan ti opammapaṭisampādanā. Piyāyitaṃ janan ti piyāyitaṃ mamāyitaṃ janaṃ mātaraṃ vā pitaraṃ vā bhātaraṃ vā bhaginiṃ vā puttaṃ vā dhītaraṃ vā mittaṃ vā amaccaṃ vā ñātisālohitaṃ vā ti, evam pi piyāyitaṃ janaṃ.
Petaṃ kālakataṃ na passatī ti. Petā vuccanti matā kālakatā. Na passati na dakkhati nādhigacchati na vindati na paṭilabhatī ti, petaṃ kālakataṃ na passati. Ten'; āha Bhagavā:
Supinena yathā pi saṅgataṃ
paṭibuddho puriso na passati,
evam pi piyāyitaṃ janaṃ
petaṃ kālakataṃ na passatī ti.
_________________________________
[page 127]
S.N. 808] Jarāsuttaniddeso. 127
Sn_IV,6.5(=808): Diṭṭhā pi sutā pi te janā
yesaṃ nāmam idaṃ pavuccati,
nāmam evāvasissati
akkheyyaṃ petassa jantuno. || Nidd_I.6:5 ||
Diṭṭhā pi sutā pi te janā ti. Diṭṭhā ti ye cakkhuviññāṇābhisambhūtā. Sutā ti ye sotaviññāṇābhisambhūtā. Te janā ti khattiyā ca brāhmaṇā ca vessā ca suddā ca gahaṭṭhā ca pabbajitā ca devā ca manussā cā ti, diṭṭhā pi sutā pi te janā.
Yesaṃ nāmam idaṃ pavuccatī ti. Yesan ti khattiyānaṃ brāhmaṇānaṃ vessānaṃ suddānaṃ gahaṭṭhānaṃ pabbajitānaṃ devānaṃ manussānaṃ. Nāman ti saṃkhā samaññā paññatti lokavohāro nāmaṃ nāmakammaṃ nāmadheyyaṃ nirutti byañjanaṃ abhilāpo. Pavuccatī ti kathiyati bhaṇiyati dīpayati vohariyatī ti, yesaṃ nāmam idaṃ pavuccati.
Nāmaṃ evāvasissati akkheyyan ti. Rūpagataṃ vedanāgataṃ saññāgataṃ saṃkhāragataṃ viññāṇagataṃ pahīyati jahīyati vijahīyati antarādhayati vippalujjati, nāmam evāvasissati. Akkheyyan ti akkhātuṃ kathetuṃ bhaṇituṃ dīpayituṃ voharitun ti, nāmam evāvasissati akkheyyaṃ.
Petassa jantuno ti. Petassā ti matassa kālakatassa.
Jantuno ti sattassa narassa māṇavassa posassa puggalassa jīvassa jagussa jantussa indagussa manujassā ti, akkheyyaṃ petassa jantuno. Ten'; āha Bhagavā:
Diṭṭhā pi sutā pi te janā
yesaṃ nāmam idaṃ pavuccati,
nāmaṃ evāvasissati
akkheyyaṃ petassa jantuno ti.
_________________________________
[page 128]
128 Aṭṭhakavaggo. [S.N. 809
Sn_IV,6.6(=809): Sokaparidevamaccharaṃ
na jahanti giddhā mamāyite,
tasmā munayo pariggahaṃ
hitvā acariṃsu khemadassino. || Nidd_I.6:6 ||
Sokaparidevamaccharaṃ na jahanti giddhā mamāyite ti.
Soko ti ñātibyasanena vā phuṭṭhassa, bhogabyasanena vā phuṭṭhassa, rogabyasanena vā phuṭṭhassa, sīlabyasanena vā phuṭṭhassa, diṭṭhibyasanena vā phuṭṭhassa, aññataraññatarena vā byasanena samannāgatassa, aññataraññatarena vā dukkhadhammena phuṭṭhassa soko socanā socitattaṃ antosoko antoparisoko antoḍāho antopariḍāho cetaso parijjhāyanā domanassaṃ sokasallaṃ.
*Paridevo ti ñātibyasanena vā phuṭṭhassa . . . pe . . . diṭṭhibyasanena vā phuṭṭhassa, aññataraññatarena vā byasanena samannāgatassa, aññataraññatarena vā dukkhadhammena phuṭṭhassa ādevo paridevo ādevanā paridevanā ādevitattaṃ paridevitattaṃ vācā palāpo vippalāpo lālappo lālappāyanā {lālappāyitattaṃ}.
**Macchariyan ti pañca macchariyāni, āvāsamacchariyaṃ kulamacchariyaṃ lābhamacchariyaṃ vaṇṇamacchariyaṃ dhammamacchariyaṃ; yaṃ evarūpaṃ macchariyaṃ maccharāyanā maccharāyitattaṃ vevicchaṃ kadariyaṃ kaṭukañcakatā aggahitattaṃ cittassa; idaṃ vuccati macchariyaṃ. Api ca khandhamacchariyam pi macchariyaṃ, dhātumacchariyam pi macchariyaṃ, āyatanamacchariyaṃ pi macchariyaṃ. Gāho vuccati macchariyaṃ; gedho vuccati taṇhā; yo rāgo sārāgo . . . pe . . . abhijjhā lobho akusalamūlaṃ.
Mamattā ti dve mamattā, taṇhāmamattañ ca diṭṭhimamattañ ca
[page 129]
S.N. 809] Jarāsuttaniddeso. 129
[... content straddling page break has been moved to the page above ...] . . . pe . . . idaṃ taṇhāmamattaṃ . . . pe . . . idaṃ diṭṭhimamattaṃ.
Mamāyitavatthu-acchedasaṃkino pi socanti, acchijjante pi socanti, acchinne pi socanti; mamāyitavatthuvipariṇāmasaṃkino pi socanti, vipariṇāmante pi socanti, vipariṇate pi socanti. Mamāyitavatthu-acchedasaṃkino pi paridevanti, acchijjante pi paridevanti, acchinne pi paridevanti; mamāyitavatthuvipariṇāmasaṃkino pi paridevanti, vipariṇāmante pi paridevanti, vipariṇate pi paridevanti. Mamāyitavatthu rakkhanti gopenti pariggaṇhanti, mamāyitan ti maccharāyanti. Mamāyitasmiṃ vatthusmiṃ socanti, sokaṃ na jahanti, paridevaṃ na jahanti, macchariyaṃ na jahanti, gedhaṃ na jahanti, na-ppajahanti, na vinodenti, na byantīkaronti, na anabhāvaṃ gamentī ti, sokaparidevamaccharaṃ na jahanti giddhā mamāyite.
Tasmā munayo pariggahaṃ hitvā acariṃsu khemadassino ti. Tasmā ti tasmā taṃkāraṇā taṃhetu tappaccayā taṃnidānā etaṃ ādīnavaṃ sampassamāno mamattesū ti, tasmā. Munayo ti. Monaṃ vuccati ñāṇaṃ, yā paññā pajānanā . . . pe . . . amoho dhammavicayo sammādiṭṭhi; tena ñāṇena samannāgatā munayo monapattā. Tīṇi moneyyāni, kāyamoneyyaṃ vacīmoneyyaṃ manomoneyyaṃ . . . pe . . . saṅgajālam aticca so muni.
Pariggahā ti dve pariggahā, taṇhāpariggaho ca diṭṭhipariggaho ca . . . pe . . . ayaṃ taṇhāpariggaho . . . pe . . . ayaṃ diṭṭhipariggaho. Munayo taṇhāpariggahaṃ pahāya diṭṭhipariggahaṃ paṭinissajjitvā acariṃsu vicariṃsu iriyiṃsu vattiṃsu pāliṃsu yapiṃsu yāpiṃsu.
[page 130]
130 Aṭṭhakavaggo. [S.N. 809
Khemadassino ti. Khemaṃ vuccati amataṃ nibbānaṃ, yo so sabbasaṃkhārasamatho sabbūpadhipaṭinissaggo taṇhakkhayo virāgo nirodho nibbānaṃ. Khemadassino ti khemadassino tāṇadassino leṇadassino saraṇadassino abhayadassino accutadassino amatadassino nibbānadassino ti, tasmā munayo pariggahaṃ hitvā acariṃsu khemadassino.
Ten'; āha Bhagavā:
Sokaparidevamaccharaṃ
na jahanti giddhā mamāyite
tasmā munayo pariggahaṃ hitvā
acariṃsu khemadassino ti.
_________________________________
Sn_IV,6.7(=810): Patilīnacarassa bhikkhuno
bhajamānassa vivittam āsanaṃ
sāmaggiyam āhu tassa taṃ,
yo attānaṃ bhavane na dassaye. || Nidd_I.6:7 ||
Patilīnacarassa bhikkhuno ti. Patilīnacarā vuccanti satta sekhā; arahā patilīno.
Kiṃkāraṇā patilīnacarā vuccanti satta sekhā? Te tato tato cittaṃ patilīnentā paṭikujjentā paṭivaṭṭentā sanniruddhantā sanniggaṇhantā sannivārentā rakkhantā gopentā caranti viharanti iriyanti vattenti pālenti yapenti yāpenti. Cakkhudvāre cittaṃ patilīnentā paṭikujjentā paṭivaṭṭentā sanniruddhantā sanniggaṇhantā sannivārentā rakkhantā gopentā caranti viharanti iriyanti vattenti pālenti yapenti yāpenti. Sotadvāre cittaṃ, ghānadvāre cittaṃ, jivhādvāre cittaṃ, kāyadvāre cittaṃ, manodvāre cittaṃ patilīnentā paṭikujjentā pativaṭṭentā sanniruddhantā sanniggaṇhantā sannivārentā rakkhantā gopentā caranti viharanti iriyanti vattenti pālenti yapenti yāpenti.
[page 131]
S.N. 810] Jarāsuttaniddeso. 131
[... content straddling page break has been moved to the page above ...] Yathā kukkuṭapattaṃ vā nahārugaddulaṃ vā aggimhi pakkhittaṃ hoti patilīyati paṭikujjati paṭivattati na sampasāriyati; evam eva te tato tato cittaṃ patilīnentā paṭikujjentā paṭivaṭṭentā sanniruddhantā sanniggaṇhantā sannivārentā rakkhantā gopentā caranti viharanti iriyanti vattenti pālenti yapenti yāpenti. Cakkhudvāre cittaṃ, sotadvāre cittaṃ, ghānadvāre cittaṃ, jivhādvāre cittaṃ, kāyadvāre cittaṃ, manodvāre cittaṃ patilīnentā paṭikujjentā pativaṭṭentā sanniruddhantā sanniggaṇhantā sannivārentā rakkhantā gopentā caranti viharanti iriyanti vattenti pālenti yapenti yāpenti; taṃkāraṇā patilīnacarā vuccanti satta sekhā.
Bhikkhuno ti kalyāṇaputhujjanassa vā bhikkhuno sekhassa vā bhikkhuno ti, patilīnacarassa bhikkhuno.
Bhajamānassa vivittam āsanan ti. Āsanaṃ vuccati yattha nisīdanti, mañco pīṭhaṃ bhisī taṭṭikā cammakhando tiṇasanthāro paṇṇasanthāro palālasanthāro; taṃ āsanaṃ asappāyarūpadassanena vittaṃ vivittaṃ pavivittaṃ, asappāyasaddasavanena vittaṃ vivittaṃ pavivittaṃ, asappāyagandhaghāyanena asappāyarasasāyanena asappāyaphoṭṭhabbaphusanena, asappāyehi pañcahi kāmaguṇehi vittaṃ vivittaṃ pavivittaṃ; taṃ āsanaṃ bhajato sambhajato sevato nisevato saṃsevato paṭisevato ti, bhajamānassa vivittam āsanaṃ.
Sāmaggiyam āhu tassa taṃ yo attānaṃ bhavane na dassaye ti. Sāmaggiyā ti tisso sāmaggiyo, gaṇasāmaggī dhammasāmaggī anabhinibbattisāmaggī.
Katamā gaṇasāmaggī? Bahū ce pi bhikkhū samaggā sammodamānā avivadamānā khīrodakībhūtā aññamaññaṃ piyacakkhūhi sampassantā viharanti,
[page 132]
132 Aṭṭhakavaggo. [S.N. 810
[... content straddling page break has been moved to the page above ...] ayaṃ gaṇasāmaggī.
Katamā dhammasāmaggī? Cattāro satipaṭṭhānā, cattāro sammappadhānā, cattāro iddhippādā, pañc'; indriyāni, pañca balāni, satta bojjhaṅgā, ariyo aṭṭhaṅgiko maggo.
Te ekato pakkhandanti pasīdanti sampatiṭṭhanti vimuccanti, na tesaṃ dhammānaṃ vivādo vippavādo atthi.
Ayaṃ dhammasāmaggī.
Katamā anabhinibbattisāmaggī? Bahū ce pi bhikkhū anupādisesāya nibbānadhātuyā parinibbāyanti, na tena nibbānadhātuyā ūnattaṃ vā puṇṇattaṃ vā paññāyati.
Ayaṃ anabhinibbattisāmaggī.
Bhavane ti. Nerayikānaṃ nirayo bhavanaṃ, tiracchānayonikānaṃ tiracchānayoni bhavanaṃ, pittivisayikānaṃ pittivisayo bhavanaṃ, manussānaṃ manussaloko bhavanaṃ, devānaṃ devaloko bhavanaṃ.
Sāmaggiyam āhu tassa taṃ yo attānaṃ bhavane na dassaye ti. Tass'; esā sāmaggī, etaṃ channaṃ, etaṃ paṭirūpaṃ, etaṃ anucchavikaṃ, etaṃ anulomaṃ, yo evaṃ paṭipanno niraye attānaṃ na dasseyya, tiracchānayoniyā attānaṃ na dasseyya, pittivisaye attānaṃ na dasseyya, manussaloke attānaṃ na dasseyya, devaloke attānaṃ na dasseyyā ti evam āhu, evam āhaṃsu, evaṃ kathenti, evaṃ bhaṇanti, evaṃ dīpayanti, evaṃ voharantī ti, sāmaggiyam āhu tassa taṃ yo attānaṃ bhavane na dassaye. Ten'; āha Bhagavā:
Patilīnacarassa bhikkhuno
bhajamānassa vivittam āsanaṃ
sāmaggiyam āhu tassa taṃ,
yo attānaṃ bhavane na dassaye ti.
_________________________________
[page 133]
S.N. 811] Jarāsuttaniddeso. 133
Sn_IV,6.8(=811): Sabbattha muni anissito
na piyaṃ kubbati no pi appiyaṃ,
tasmiṃ paridevamaccharaṃ
paṇṇe vāri yathā na limpati. || Nidd_I.6:8 ||
Sabbattha muni anissito ti. Sabbaṃ vuccati dvādasāyatanāni, cakkhu c'; eva rūpā ca sotañ ca saddā ca ghānañ ca gandhā ca jivhā ca rasā ca kāyo ca phoṭṭhabbā ca mano ca dhammā ca. Munī ti monaṃ vuccati ñāṇaṃ, yā paññā pajānanā . . . pe . . . saṅgajālam aticca so muni. Anissito ti dve nissayā, taṇhānissayo ca diṭṭhinissayo ca . . . pe . . . ayaṃ taṇhānissayo . . . pe . . . ayaṃ diṭṭhinissayo. Muni taṇhānissayaṃ pahāya, diṭṭhinissayaṃ paṭinissajjitvā, cakkhuṃ anissito, sotaṃ anissito, ghānaṃ anissito, jivhaṃ anissito, kāyaṃ anissito, manaṃ anissito, rūpe sadde gandhe rase phoṭṭhabbe dhamme kulaṃ gaṇaṃ āvāsaṃ lābham yasaṃ pasaṃsaṃ sukhaṃ cīvarapiṇḍapātasenāsanagilānapaccayabhesajjaparikkhāraṃ kāmadhātuṃ rūpadhātuṃ arūpadhātuṃ kāmabhavaṃ rūpabhavaṃ arūpabhavaṃ saññābhavaṃ asaññābhavaṃ nevasaññā-nāsaññābhavaṃ ekavokārabhavaṃ catuvokārabhavaṃ pañcavokārabhavaṃ atītaṃ anāgataṃ paccuppannaṃ diṭṭhasutamutāviññātabbe dhamme anissito asannissito anallīno anupagato anajjhosito anadhimutto nikkhanto nissaṭṭho vippamutto visaṃyutto vimariyādikatena cetasā viharatī ti, sabbattha muni anissito.
Na piyaṃ kubbati no pi appiyan ti. Piyā ti dve piyā, sattā vā saṃkhārā vā.
Katame sattā piyā? Idha yassa te honti atthakāmā hitakāmā phāsukāmā yogakkhemakāmā, mātā vā pitā vā bhātā vā bhaginī vā putto vā dhītā vā mittā vā amaccā vā ñātī vā sālohitā vā,
[page 134]
134 Aṭṭhakavaggo. [S.N. 811
[... content straddling page break has been moved to the page above ...] ime sattā piyā.
Katame saṃkhārā piyā? Manāpikā rūpā, manāpikā saddā, manāpikā gandhā, manāpikā rasā, manāpikā phoṭṭhabbā; ime saṃkhārā piyā.
Appiyā ti dve appiyā, sattā vā saṃkhārā vā.
Katame sattā appiyā? Idha yassa te honti anatthakāmā ahitakāmā aphāsukāmā ayogakkhemakāmā jīvitā voropetukāmā, ime sattā appiyā.
Katame saṃkhārā appiyā? Amanāpikā rūpā, amanāpikā saddā, amanāpikā gandhā, amanāpikā rasā, amanāpikā phoṭṭhabbā; ime saṃkhārā appiyā.
Na piyaṃ kubbati no pi appiyan ti. Ayaṃ me satto piyo, ime ca me saṃkhārā manāpā ti bhaṅgavasena piyaṃ na karoti. Ayaṃ me satto appiyo, ime ca me saṃkhārā amanāpā ti paṭighavasena appiyaṃ na karoti na janeti na sañjaneti na nibbatteti nābhinibbattetī ti, na piyaṃ kubbati no pi appiyaṃ.
Tasmiṃ paridevamaccharaṃ paṇṇe vāri yathā na limpatī ti. Tasmin ti tasmiṃ puggale arahante khīṇāsave.
Paridevo ti ñātibyasanena vā phuṭṭhassa, bhogabyasanena vā phuṭṭhassa, rogabyasanena vā phuṭṭhassa, sīlabyasanena vā phuṭṭhassa, diṭṭhibyasanenā vā phuṭṭhassa, aññataraññatarena vā byasanena samannāgatassa, aññataraññatarena vā dukkhadhammena phuṭṭhassa ādevo paridevo ādevanā paridevanā ādevitattaṃ paridevitattaṃ vācāpalāpo vippalāpo lālappo lālappāyanā lālappāyitattaṃ.
Macchariyan ti pañca macchariyāni, āvāsamacchariyaṃ kulamacchariyaṃ lābhamacchariyaṃ vaṇṇamacchariyaṃ dhammamacchariyaṃ; yaṃ evarūpaṃ macchariyaṃ maccharāyanā maccharāyitattaṃ vevicchaṃ kadariyaṃ kaṭukañcakatā aggahitattaṃ cittassa; idam vuccati macchariyaṃ. Api ca khandhamacchariyam pi macchariyaṃ,
[page 135]
S.N. 812] Jarāsuttaniddeso. 135
dhātumacchariyaṃ pi macchariyaṃ, āyatanamacchariyaṃ pi macchariyaṃ. Gāho vuccati macchariyaṃ.
Paṇṇe vāri yathā na limpatī ti. Paṇṇaṃ vuccati padumapattaṃ. Vāri vuccati udakaṃ. Yathā vāri padumapatte na limpati na saṃlimpati n'; upalimpati, alittaṃ asaṃlittaṃ anupalittaṃ; evaṃ eva tasmiṃ puggale arahante khīṇāsave paridevo ca macchariyañ ca na limpati na saṃlimpati n'; upalimpati, alittā asaṃlittā anupalittā; so ca puggalo tehi kilesehi na limpati na saṃlimpati n'; upalimpati, alitto asaṃlitto anupalitto nikkhanto nissaṭṭho vippamutto visaṃyutto vimariyādikatena cetasā viharatī ti, tasmiṃ paridevamaccharaṃ paṇṇe vāri yathā na limpati. Ten'; āha Bhagavā:
Sabbattha muni anissito
na piyaṃ kubbati no pi appiyaṃ,
tasmiṃ paridevamaccharaṃ,
paṇṇe vāri yathā na limpatī ti.
_________________________________
Sn_IV,6.9(=812): Udabindu yathā pi pokkhare,
padume vāri yathā na limpati,
evaṃ muni nopalimpati
yadidaṃ diṭṭhasutaṃmutesu vā. || Nidd_I.6:9 ||
Udabindu yathā pi pokkhare ti. Udabindū ti vuccati udakathevo. Pokkharaṃ vuccati padumapattaṃ. Yathā udakabindu padumapatte na limpati, na saṃlimpati, n'; upalimpati, alittaṃ asaṃlittaṃ anupalittan ti, udabindu yathā pi pokkhare.
Padume vāri yathā na limpatī ti. Padumaṃ vuccati padumapupphaṃ. Vāri vuccati udakaṃ. Yathā vāri padumapupphe na limpati, na saṃlimpati, n'; upalimpati, alittaṃ asaṃlittaṃ anupalittan ti, padume vāri yathā na limpati.
[page 136]
136 Aṭṭhakavaggo. [S.N. 812
Evaṃ muni nopalimpati yadidaṃ diṭṭhasutaṃmutesu vā ti. Evan ti opammasampaṭipādanā. Munī ti monaṃ vuccati ñāṇaṃ, yā paññā pajānanā . . . pe . . . saṅgajālam aticca so muni. Lepā ti dve lepā, taṇhālepo ca diṭṭhilepo ca . . . pe . . . ayaṃ taṇhālepo . . . pe . . . ayaṃ diṭṭhilepo. Muni taṇhālepaṃ pahāya, diṭṭhilepaṃ paṭinissajjitvā, diṭṭhe na limpati, sute na limpati, mute na limpati, viññāte na limpati, na saṃlimpati, n'; upalimpati, alitto asaṃlitto anupalitto nikkhanto nissaṭṭho vippamutto visaṃyutto vimariyādikatena cetasā viharatī ti, evaṃ muni nopalimpati yadidaṃ diṭṭhasutaṃmutesu vā.
Ten'; āha Bhagavā:
Udabindu yathā pi pokkhare,
padume vāri yathā na limpati,
evaṃ muni nopalimpati
yadidaṃ diṭṭhasutaṃmutesu vā ti.
_________________________________
Sn_IV,6.10(=813): Dhono na hi tena maññati
yadidaṃ diṭṭhasutaṃmutesu vā,
nāññena visuddhim icchati,
na hi so rajjati no virajjati. || Nidd_I.6:11 ||
Dhono na hi tena maññati yadidaṃ diṭṭhasutaṃmutesu vā ti. Dhono ti. Dhonā vuccati paññā, yā paññā pajānanā . . . pe . . . amoho dhammavicayo sammādiṭṭhi.
Kiṃkāraṇā dhonā vuccati paññā? Tāya paññāya kāyaduccaritaṃ dhutañ ca dhotañ ca sandhotañ ca niddhotañ ca, vacīduccaritaṃ dhutañ ca dhotañ ca sandhotañ ca niddhotañ ca, manoduccaritaṃ dhutañ ca dhotañ ca sandhotañ ca niddhotañ ca, rāgo dhuto ca dhoto ca sandhoto ca niddhoto ca, doso moho kodho upanāho makkho paḷāso issā macchariyaṃ māyā sāṭheyyaṃ thambho sārambho māno atimāno mado pamādo, sabbe kilesā, sabbe duccaritā, sabbe darathā, sabbe pariḷāhā sabbe santāpā,
[page 137]
S.N. 813] Jarāsuttaniddeso. 137
[... content straddling page break has been moved to the page above ...] sabbākusalābhisaṃkhārā dhutā ca dhotā ca sandhotā ca niddhotā ca. Taṃkāraṇā dhonā vuccati paññā.
Athavā sammādiṭṭhiyā micchādiṭṭhi dhutā ca dhotā ca sandhotā ca niddhotā ca; sammāsaṃkappena micchāsaṃkappo dhuto ca dhoto ca sandhoto ca niddhoto ca, sammāvācāya micchāvācā dhutā ca, sammākammantena micchākammanto dhuto ca, sammā-ājīvena micchā-ājīvo dhuto ca, sammāvāyāmena micchāvāyāmo dhuto ca, sammāsatiyā micchāsati dhutā ca, sammāsamādhinā micchāsamādhi dhuto ca, sammāñāṇena micchāñāṇaṃ dhutañ ca, sammāvimuttiyā micchāvimutti dhutā ca dhotā ca sandhotā ca niddhotā ca. Athavā ariyena aṭṭhaṅgikena maggena sabbe kilesā, sabbe duccaritā, sabbe darathā, sabbe pariḷāhā, sabbe santāpā, sabbākusalābhisaṃkhārā dhutā ca dhotā ca sandhotā ca niddhotā ca.
Arahā imehi dhoneyyehi dhammehi upeto samupeto upagato samupagato upapanno samupapanno samannāgato; tasmā arahā dhono. So dhutarāgo dhutapāpo dhutakileso dhutapariḷāho ti, dhono.
Dhono na hi tena maññati yadidaṃ diṭṭhasutaṃmutesu vā ti dhono diṭṭhaṃ na maññati, diṭṭhasmiṃ na maññati, diṭṭhato na maññati, diṭṭhaṃ me ti na maññati; sutaṃ na maññati, sutasmiṃ na maññati, sutato na maññati, sutaṃ me ti na maññati; mutaṃ na maññati, mutasmiṃ na maññati, mutato na maññati, mutaṃ me ti na maññati; viññātaṃ na maññati, viññātasmiṃ na maññati, viññātato na maññati, viññātaṃ me ti na maññati.
Vuttaṃ h'; etaṃ Bhagavatā: *Asmī ti bhikkhave maññitam etaṃ, ayam aham asmī ti maññitam etaṃ, bhavissan ti maññitam etaṃ, na bhavissan ti maññitam etaṃ, rūpī bhavissan ti maññitam etaṃ, arūpī bhavissan ti maññitam etaṃ,
[page 138]
138 Aṭṭhakavaggo. [S.N. 813
[... content straddling page break has been moved to the page above ...] saññī bhavissan ti maññitam etaṃ, asaññī bhavissan ti maññitam etaṃ, nevasaññi-nāsaññī bhavissan ti maññitam etaṃ; maññitaṃ bhikkhave rogo, maññitaṃ gaṇḍo, maññitaṃ sallaṃ, maññitaṃ upaddavo; tasmā ti ha bhikkhave amaññamānena cetasā viharissāmā ti evaṃ hi vo bhikkhave sikkhitabban ti, dhono na hi tena maññati yadidaṃ diṭṭhasutaṃmutesu vā.
Nāññena visuddhim icchatī ti. Dhono aññena asuddhimaggena micchāpaṭipadāya aniyyānikapathena, aññatra satipaṭṭhānehi, aññatra sammappadhānehi, aññatra iddhippādehi, aññatra indriyehi, aññatra balehi, aññatra bojjhaṅgehi, aññatra ariyā aṭṭhaṅgikā maggā, suddhiṃ visuddhiṃ parisuddhiṃ muttiṃ vimuttiṃ parimuttiṃ na icchati, na assādiyati, na pattheti, na piheti, na samijjhati, nābhijappatī ti, nāññena visuddhim icchati.
Na hi so rajjati no virajjatī ti. Sabbe bālaputhujjanā rajjanti; kalyāṇaputhujjanam upādāya satta sekhā virajjanti; arahā n'; eva rajjati, no virajjati, virato so, khayā rāgassa vītarāgattā, khayā dosassa vītadosattā, khayā mohassa vītamohattā. So vuṭṭhavāso ciṇṇacaraṇo . . . pe . . . n'; atthi tassa punabbhavo ti, na hi so rajjati no virajjati. Ten'; āha Bhagavā:
Dhono na hi tena maññati
yadidam diṭṭhasutaṃmutesu vā,
nāññena visuddhim icchati,
na hi so rajjati no virajjatī ti.
7CHAṬṬHO JARĀSUTTANIDDESO NIṬṬHITO.
[page 139]
139
SATTAMO TISSAMETTEYYASUTTANIDDESO.
Sn_IV,7.1(=814): Methunam anuyuttassa icc-āyasmā Tisso Metteyyo
vighātaṃ brūhi mārisa,
sutvāna tava sāsanaṃ viveke sikkhisāmase. || Nidd_I.7:1 ||
Methunam anuyuttassā ti. Methunadhammo nāma yo so asaddhammo gāmadhammo vasaladhammo duṭṭhullo odakantiko rahasso dvayadvayasamāpatti. Kiṃkāraṇā vuccati methunadhammo? Ubhinnaṃ rattānaṃ sārattānam avassutānaṃ pariyuṭṭhitānaṃ pariyādiṇṇacittānaṃ ubhinnaṃ sadisānaṃ dhammo ti; taṃkāraṇā vuccati methunadhammo. Yathā ubho kalahakārakā methunakā ti vuccanti, ubho bhaṇḍanakārakā methunakā ti vuccanti, ubho bhassakārakā methunakā ti vuccanti, ubho vivādakārakā methunakā ti vuccanti, ubho adhikaraṇakārakā methunakā ti vuccanti, ubho vādino methunakā ti vuccanti, ubho sallāpakā methunakā ti vuccanti, evam eva ubhinnaṃ rattānaṃ sārattānam avassutānaṃ pariyuṭṭhitānam pariyādiṇṇacittānaṃ ubhinnaṃ sadisānaṃ dhammo ti taṃkāraṇā vuccati methunadhammo. Methunam anuyuttassā ti methunadhamme yuttassa payuttassa āyuttassa samāyuttassa taccaritassa tabbahulassa taggarukassa tanninnassa tappoṇassa tappabbhārassa tadadhimuttassa tadādhipateyyassā ti, methunam anuyuttassa.
Icc-āyasmā Tisso Metteyyo ti. Iccā ti padasandhi padasaṃsaggo padapāripūri akkharasamavāyo byañjanasiliṭṭhatā padānupubbatā-m-etaṃ iccā ti.
[page 140]
140 Aṭṭhakavaggo. [S.N. 814
[... content straddling page break has been moved to the page above ...] Āyasmā ti piyavacanaṃ garuvacaṇaṃ sagāravavacanaṃ sappatissavacanam etaṃ, āyasmā ti. Tisso ti tassa therassa nāmaṃ saṃkhā samaññā paññatti vohāro nāmaṃ nāmakammaṃ nāmadheyyaṃ nirutti byañjanam abhilāpo. Metteyyo ti tassa therassa gottaṃ saṃkhā samaññā paññatti vohāro ti, icc-āyasmā Tisso Metteyyo.
Vighātaṃ brūhi mārisā ti vighātaṃ upaghātaṃ pīḷanaṃ ghaṭṭanaṃ upaddavaṃ upasaggaṃ brūhi ācikkha desehi paññāpehi paṭṭhapehi vivara vibhaja uttānīkarohi pakāsehi. Mārisā ti piyavacanaṃ garuvacanaṃ sagāravavacanaṃ sappatissavacanam etaṃ mārisā ti, vighātaṃ brūhi mārisā.
Sutvāna tava sāsanan ti tuyhaṃ vacanaṃ byappathaṃ desanaṃ anusāsanaṃ anusiṭṭhiṃ sutvā suṇitvā uggahitvā upadhārayitvā upalakkhayitvā ti, sutvāna tava sāsanaṃ.
Viveke sikkhisāmase ti. Viveko ti tayo vivekā, kāyaviveko cittaviveko upadhiviveko.
Katamo kāyaviveko? Idha bhikkhu vivittaṃ senāsanaṃ bhajati araññaṃ rukkhamūlaṃ pabbataṃ kandaraṃ giriguhaṃ susānaṃ vanapatthaṃ abbhokāsaṃ palālapuñjaṃ.
Kāyena ca vivitto viharati: so eko gacchati, eko tiṭṭhati, eko nisīdati, eko seyyaṃ kappeti, eko gāmaṃ piṇḍāya pavisati, eko paṭikkamati, eko raho nisīdati, eko caṅkamaṃ adhiṭṭhāti, eko carati, eko viharati iriyati vattati pāleti yapeti yāpeti. Ayaṃ kāyaviveko.
Katamo cittaviveko? Paṭhamaṃ jhānaṃ samāpannassa nīvaraṇehi cittaṃ vivittaṃ hoti, dutiyaṃ jhānaṃ samāpannassa vitakkavicārehi cittaṃ vivittaṃ hoti, tatiyaṃ jhānaṃ samāpannassa pītiyā cittaṃ vivittam hoti, catutthaṃ jhānaṃ samāpannassa sukhadukkhehi cittaṃ vivittaṃ hoti, ākāsānañcāyatanaṃ samāpannassa rūpasaññāya paṭighasaññāya nānattasaññāya cittaṃ vivittaṃ hoti, viññāṇañcāyatanaṃ samāpannassa ākāsānañcāyatanasaññāya cittaṃ vivittaṃ hoti,
[page 141]
S.N. 814] Tissametteyyasuttaniddeso. 141
[... content straddling page break has been moved to the page above ...] ākiñcaññāyatanaṃ samāpannassa viññāṇañcāyatanasaññāya cittaṃ vivittaṃ hoti, nevasaññānāsaññāyatanaṃ samāpannassa ākiñcaññāyatanasaññāya cittaṃ vivittaṃ hoti, sotāpannassa sakkāyadiṭṭhiyā vicikicchāya sīlabbataparāmāsā diṭṭhānusayā vicikicchānusayā tadekaṭṭhehi ca kilesehi cittaṃ vivittaṃ hoti, sakadāgāmissa oḷārikā kāmarāgasaṃyojanā paṭighasaṃyojanā oḷārikā kāmarāgānusayā patighānusayā tadekaṭṭhehi ca kilesehi cittaṃ vivittaṃ hoti, anāgāmissa aṇusahagatā kāmarāgasaṃyojanā paṭighasaṃyojanā aṇusahagatā kāmarāgānusayā paṭighānusayā tadekaṭṭhehi ca kilesehi cittaṃ vivittaṃ hoti, arahato rūparāgā arūparāgā mānā uddhaccā avijjāya mānānusayā bhavarāgānusayā avijjānusayā tadekaṭṭhehi ca kilesehi bahiddhā ca sabbanimittehi cittaṃ vivittaṃ hoti. Ayaṃ cittaviveko.
Katamo upadhiviveko? Upadhi vuccanti kilesā ca khandhā ca abhisaṃkhārā ca. Upadhiviveko vuccati amataṃ nibbānaṃ, yo so sabbasaṃkhārasamatho sabbūpadhipaṭinissaggo taṇhakkhayo virāgo nirodho nibbānam.
Ayaṃ upadhiviveko.
Kāyaviveko ca vūpakaṭṭhakāyānaṃ nekkhammābhiratānaṃ, cittaviveko ca parisuddhacittānaṃ paramavodānapattānaṃ, upadhiviveko ca nirūpadhīnaṃ puggalānaṃ visaṃkhāragatānaṃ.
Viveke sikkhisāmase ti. So thero pakatiyā sikkhitasikkho; api ca dhammadesanaṃ yācanto evam āha viveke sikkhisāmase ti. Ten'; āha thero Tisso Metteyyo:
Methunam anuyuttassa icc-āyasmā Tisso Metteyyo
vighātaṃ brūhi mārisa,
sutvāna tava sāsanaṃ viveke sikkhisāmase.
_________________________________
[page 142]
142 Aṭṭhakavaggo. [S.N. 815
Sn_IV,7.2(=815): Methunam anuyuttassa Metteyyā ti Bhagavā mussat'; evāpi sāsanaṃ,
micchā ca paṭipajjati, etaṃ tasmim anāriyaṃ. || Nidd_I.7:2 ||
Methunam anuyuttassā ti. Methunadhammo nāma yo so asaddhammo gāmadhammo vasaladhammo duṭṭhullo odakantiko rahasso dvayadvayasamāpatti. Kiṃkāraṇā vuccati methunadhammo? Ubhinnaṃ rattānaṃ sārattānaṃ avassutānaṃ pariyuṭṭhitānaṃ pariyādiṇṇacittānaṃ ubhinnaṃ sadisānaṃ dhammo ti taṃkāraṇā vuccati methunadhammo. Yathā ubho kalahakārakā methunakā ti vuccanti, ubho bhaṇḍanakārakā methunakā ti vuccanti, ubho bhassakārakā methunakā ti vuccanti, ubho vivādakārakā methunakā ti vuccanti, ubho adhikaraṇakārakā methunakā ti vuccanti, ubho vādino methunakā ti vuccanti, ubho sallāpakā methunakā ti vuccanti; evam eva ubhinnaṃ rattānaṃ sārattānam avassutānam pariyuṭṭhitānam pariyādiṇṇacittānam ubhinnaṃ sadisānaṃ dhammo ti taṃkāraṇā vuccati methunadhammo. Methunam anuyuttassā ti methunadhamme yuttassa payuttassa āyuttassa samāyuttassa taccaritassa tabbahulassa taggarukassa tanninnassa tapponassa tappabbhārassa tadadhimuttassa tadādhipateyyassā ti, methunam anuyuttassa.
Metteyyā ti Bhagavā taṃ theraṃ gottena ālapati. Bhagavā ti gāravādhivacanaṃ; api ca bhaggarāgo ti Bhagavā, bhaggadoso ti Bhagavā, bhaggamoho ti Bhagavā, bhaggadiṭṭhī ti Bhagavā, bhaggakaṇṭako ti Bhagavā, bhaggakileso ti Bhagavā; bhajī vibhajī paṭibhajī dhammaratanan ti Bhagavā; bhavānaṃ antakaro ti Bhagavā; bhāvitakāyo ti bhāvitasīlo bhāvitacitto bhāvitapañño ti Bhagavā; bhajī vā Bhagavā araññavanapatthāni pantāni senāsanāni appasaddāni appanigghosāni vijanavātāni manussarāhaseyyakāni paṭisallānasārūpānī ti Bhagavā; bhāgī vā Bhagavā cīvarapiṇḍapātasenāsanagilānapaccayabhesajjaparikkhārānan ti Bhagavā;
[page 143]
S.N. 815] Tissametteyyasuttaniddeso. 143
[... content straddling page break has been moved to the page above ...] bhāgī vā Bhagavā attharasassa dhammarasassa vimuttirasassa adhisīlassa adhicittassa adhipaññāyā ti Bhagavā; bhāgī vā Bhagavā catunnaṃ jhānānaṃ catunnaṃ appamaññānaṃ catunnaṃ arūpasamāpattīnan ti Bhagavā; bhāgī vā Bhagavā aṭṭhannaṃ vimokkhānam aṭṭhannaṃ abhibhāyatanānaṃ navannaṃ anupubbavihārasamāpattīnan ti Bhagavā; bhāgī vā Bhagavā dasannaṃ saññābhāvanānaṃ dasannaṃ kasiṇasamāpattīnam ānāpānasatisamāpattiyā asubhasamāpattiyā ti Bhagavā; bhāgī vā Bhagavā catunnaṃ satipaṭṭhānānaṃ catunnaṃ sammappadhānānaṃ catunnam iddhippādānaṃ pañcannaṃ indriyānaṃ pañcannaṃ balānaṃ sattannaṃ bojjhaṅgānam ariyassa aṭṭhaṅgikassa maggassā ti Bhagavā; bhāgī vā Bhagavā dasannaṃ tathāgatabalānaṃ catunnaṃ vesārajjānaṃ catunnaṃ paṭisambhidānaṃ channaṃ abhiññānaṃ channaṃ buddhadhammānan ti Bhagavā; Bhagavā ti n'; etaṃ nāmaṃ mātarā kataṃ, na pitarā kataṃ, na bhātarā kataṃ, na bhaginiyā kataṃ, na mittāmaccehi kataṃ, na ñātisālohitehi kataṃ, na samaṇabrāhmaṇehi kataṃ, na devatāhi kataṃ; vimokkhantikam etaṃ Buddhānaṃ Bhagavantānaṃ bodhityā mūle saha sabbaññutaññāṇassa paṭilābhā sacchikā paññatti yadidaṃ Bhagavā ti, Metteyyā ti Bhagavā.
Mussat'; evāpi sāsanan ti. Dvīhi kāraṇehi sāsanaṃ mussati: pariyattisāsanam pi mussati, paṭipattisāsanam pi mussati.
Katamaṃ pariyattisāsanaṃ? Yaṃ tassa pariyāpuṭaṃ suttaṃ geyyaṃ veyyākaraṇaṃ gāthā udānaṃ itivuttakaṃ jātakaṃ abbhutadhammaṃ vedallaṃ, idaṃ pariyattisāsanaṃ; taṃ pi mussati parimussati paribāhiro hotī ti, evam pi mussat'; evāpi sāsanaṃ.
Katamaṃ paṭipattisāsanaṃ? Sammāpaṭipadā, anulomapaṭipadā,
[page 144]
144 Aṭṭhakavaggo. [S.N. 815
[... content straddling page break has been moved to the page above ...] apaccanīkapaṭipadā, anvatthapaṭipadā, dhammānudhammapaṭipadā, kusalesu paripūrikāritā, indriyesu guttadvāratā, bhojane mattaññutā, jāgariyānuyogo, satisampajaññaṃ, cattāro satipaṭṭhānā, cattāro sammappadhānā, cattāro iddhippādā, pañc'; indriyāni, pañca balāni, satta bojjhaṅgā, ariyo aṭṭhaṅgiko maggo; idaṃ paṭipattisāsanaṃ; taṃ pi mussati parimussati, paribāhiro hotī ti, evam pi mussat'; evāpi sāsanaṃ.
Micchā ca paṭipajjatī ti. Pāṇam pi hanati, adinnam pi ādiyati, sandhim pi chindati, nillopam pi harati, ekāgārikam pi karoti, paripanthe pi tiṭṭhati, paradāram pi gacchati, musā pi bhaṇatī ti, micchā ca paṭipajjati.
Etaṃ tasmiṃ anāriyan ti etaṃ tasmiṃ puggale anariyadhammo bāladhammo mūḷhadhammo aññāṇadhammo amarāvikkhepadhammo yadidaṃ micchā paṭipadā ti, etaṃ tasmiṃ anāriyaṃ. Ten'; āha Bhagavā:
Methunam anuyuttassa Metteyyā ti Bhagavā
mussat'; evāpi sāsanaṃ,
micchā ca paṭipajjati, etaṃ tasmiṃ anāriyan ti.
_________________________________
Sn_IV,7.3(=816): Eko pubbe caritvāna methunaṃ yo nisevati,
yānaṃ bhantaṃ va taṃ loke hīnam āhu puthujjanaṃ. || Nidd_I.7:3 ||
Eko pubbe caritvānā ti. Dvīhi kāraṇehi eko pubbe caritvāna, pabbajjāsaṃkhātena vā gaṇāvavassaggatthena vā.
Kathaṃ pabbajjāsaṃkhātena eko pubbe caritvāna?
Sabbaṃ gharāvāsapalibodhaṃ chinditvā, puttadārapalibodhaṃ chinditvā, ñātipalibodhaṃ chinditvā, mittāmaccapalibodhaṃ chinditvā, sannidhipalibodhaṃ chinditvā, kesamassuṃ ohāretvā, kāsāyāni vatthāni acchādetvā, agārasmā anagāriyaṃ pabbajitvā, ākiñcanabhāvaṃ upagantvā,
[page 145]
S.N. 816] Tissametteyyasuttaniddeso. 145
eko carati viharati iriyati vattati pāleti yapeti yāpeti; evaṃ pabbajjāsaṃkhātena, eko pubbe caritvāna.
Kathaṃ gaṇāvavassaggatthena eko pubbe caritvāna?
So evaṃ pabbajito samāno eko araññavanapatthāni pantāni senāsanāni paṭisevati appasaddāni appanigghosāni vijanavātāni manussarāhaseyyakāni paṭisallānasāruppāni.
So eko gacchati, eko tiṭṭhati, eko nisīdati; eko seyyaṃ kappeti, eko gāmaṃ piṇḍāya pavisati, eko paṭikkamati, eko raho nisīdati, eko caṅkamaṃ adhiṭṭhāti, eko carati, eko viharati iriyati vattati pāleti yapeti yāpeti; evaṃ gaṇāvavassaggatthena, eko pubbe caritvāna.
Methunaṃ yo nisevatī ti. Methunadhammo nāma yo so asaddhammo . . . pe . . . taṃkāraṇā vuccati methunadhammo. Methunaṃ yo nisevatī ti so aparena samayena Buddhaṃ dhammaṃ saṃghaṃ sikkhaṃ paccakkhāya hīnāyāvattitvā methunadhammaṃ sevati nisevati saṃsevati paṭisevatī ti, methunaṃ yo nisevati.
Yānaṃ bhantaṃ va taṃ loke ti. Yānan ti hatthiyānaṃ assayānaṃ goyānaṃ ajayānaṃ meṇḍakayānaṃ oṭṭhayānaṃ kharayānaṃ bhantaṃ adantaṃ akāritam avinītam uppathaṃ gaṇhāti, visamaṃ khāṇum pi pāsāṇam pi abhiruhati, yānam pi ārohakam pi bhañjati, papāte pi papatati. Yathā taṃ bhantaṃ yānaṃ adantaṃ akāritaṃ avinītaṃ uppathaṃ gaṇhāti, evam eva so vibbhantako bhantayānapaṭibhāgo uppathaṃ gaṇhāti: micchādiṭṭhiṃ gaṇhāti . . . pe . . . micchāsamādhiṃ gaṇhāti. Yathā taṃ bhantaṃ yānaṃ adantaṃ akāritaṃ avinītaṃ visamaṃ khāṇum pi pāsāṇam pi abhiruhati, evam eva so vibbhantako bhantayānapaṭibhāgo visamaṃ kāyakammaṃ abhiruhati, visamaṃ vacīkammaṃ abhiruhati, visamaṃ manokammaṃ abhiruhati, visamaṃ pāṇātipātaṃ abhiruhati, visamaṃ adinnādānaṃ abhiruhati, visamaṃ kāmesu micchācāraṃ abhiruhati, visamaṃ musāvādaṃ abhiruhati, visamaṃ pisuṇaṃ vācaṃ abhiruhati, visamaṃ pharusaṃ vācaṃ abhiruhati, visamaṃ samphappalāpaṃ abhiruhati,
[page 146]
146 Aṭṭhakavaggo. [S.N. 816
[... content straddling page break has been moved to the page above ...] visamaṃ abhijjhaṃ abhiruhati, visamaṃ byāpādaṃ abhiruhati, visamaṃ micchādiṭṭhiṃ abhiruhati, visame saṃkhāre abhiruhati, visame pañca kāmaguṇe abhiruhati, visame nīvaraṇe abhiruhati. Yathā taṃ bhantaṃ yānaṃ adantaṃ akāritaṃ avinītaṃ yānaṃ pi ārohakam pi bhañjati, evam eva so vibbhantako bhantayānapaṭibhāgo niraye attānaṃ bhañjati, tiracchānayoniyā attānaṃ bhañjati, pittivisaye attānaṃ bhañjati, manussaloke attānaṃ bhañjati, devaloke attānaṃ bhañjati. Yathā taṃ bhantaṃ yānam adantaṃ akāritaṃ avinītaṃ papāte pi papatati, evam eva so vibbhantako bhantayānapaṭibhāgo jātipapātamhi pi papatati, jarāpapātamhi pi papatati, byādhipapātamhi pi papatati, maraṇapapātamhi pi papatati, sokaparidevadukkhadomanassupāyāsapapātamhi pi papatati. Loke ti apāyaloke . . . pe . . . manussaloke ti, yānaṃ bhantaṃ va taṃ loke.
Hīnam āhu puthujjanan ti. Puthujjanā ti ken'; atthena puthujjanā? Puthu kilese janentī ti puthujjanā, puthu avihatasakkāyadiṭṭhikā ti puthujjanā, puthu satthārānaṃ mukhullokikā ti puthujjanā, puthu sabbagatīhi āvuṭā ti puthujjanā, puthu nānābhisaṃkhārehi abhisaṃkharontī ti puthujjanā, puthu nānā-oghehi vuyhantī ti puthujjanā, puthu nānāsantāpehi santappantī ti puthujjanā, puthu nānāpariḷāhehi paridayhantī ti puthujjanā, puthu pañcasu kāmaguṇesu rattā giddhā gadhitā mucchitā ajjhosānā laggā laggitā palibuddhā ti puthujjanā, puthu pañcahi nīvaraṇehi āvuṭā nivuṭā ophuṭā pihitā paṭicchannā paṭikujjitā ti puthujjanā. Hīnam āhu puthujjanan ti puthujjanaṃ hīnaṃ nihīnaṃ omakaṃ lāmakaṃ jatukkaṃ parittan ti evam āhu evam āhaṃsu evaṃ kathenti evaṃ bhaṇanti evaṃ dīpayanti evaṃ voharantī ti,
[page 147]
S.N. 817] Tissametteyyasuttaniddeso. 147
[... content straddling page break has been moved to the page above ...] hīnam āhu puthujjanaṃ. Ten'; āha Bhagavā:
Eko pubbe caritvāna methunaṃ yo nisevati,
yānaṃ bhantaṃ va taṃ loke hīnam āhu puthujjanan ti.
_________________________________
Sn_IV,7.4(=817): Yaso kittī ca yā pubbe hāyat'; evāpi tassa sā,
etam pi disvā sikkhetha methunaṃ vippahātave. || Nidd_I.7:4 ||
Yaso kittī ca yā pubbe hāyat'; evāpi tassa sā ti. Katamo yaso? Katamā kitti? Idh'; ekacco pubbe samaṇabhāve sakkato hoti garukato mānito pūjito apacito lābhī cīvara{piṇḍapāta}senāsanagilānapaccayabhesajjaparikkhārānaṃ; ayaṃ yaso.
Katamā kitti? Idh'; ekacco pubbe samaṇabhāve kittivaṇṇabhato hoti paṇḍito viyatto medhāvī bahussuto cittakathī kalyāṇapaṭibhāṇo suttantiko ti vā vinayadharo ti vā dhammakathiko ti vā āraññiko ti vā piṇḍapātiko ti vā paṃsukūliko ti vā, tecīvariko ti vā sapadānacāriko ti vā khalupacchābhattiko ti vā nesajjiko ti vā yathāsanthatiko ti vā paṭhamassa jhānassa lābhī ti vā dutiyassa jhānassa lābhī ti vā tatiyassa jhānassa lābhī ti vā catutthassa jhānassa lābhī ti vā ākāsānañcāyatanasamāpattiyā lābhī ti vā viññāṇañcāyatanasamāpattiyā lābhī ti vā ākiñcaññāyatanasamāpattiyā lābhī ti vā nevasaññānāsaññāyatanasamāpattiyā lābhī ti vā; ayaṃ kitti.
Yaso kittī ca yā pubbe hāyat'; evāpi tassa sā ti. Tassa aparena samayena Buddhaṃ dhammaṃ saṃghaṃ sikkhaṃ paccakkhāya hīnāyāvattassa so ca yaso sā ca kitti hāyati parihāyati paridhaṃsati paripatati antaradhāyati vippalujjatī ti,
[page 148]
148 Aṭṭhakavaggo. [S.N. 817
[... content straddling page break has been moved to the page above ...] yaso kittī ca yā pubbe hāyat'; evāpi tassa sā.
Etam pi disvā sikkhetha methunaṃ vippahātave ti.
Etan ti pubbe samaṇabhāve yaso kitti ca, aparabhāge Buddhaṃ dhammaṃ saṃghaṃ sikkhaṃ paccakkhāya hīnāyāvattassa ayaso ca akitti ca; etaṃ sampattivipattiṃ disvā passitvā tulayitvā tīrayitvā vibhāvayitvā vibhūtaṃ katvā ti, etam pi disvā. Sikkhethā ti tisso sikkhā, adhisīlasikkhā adhicittasikkhā adhipaññāsikkhā.
Katamā adhisīlasikkhā? Idha bhikkhu sīlavā hoti, pātimokkhasaṃvarasaṃvuto viharati ācāragocarasampanno, aṇumattesu vajjesu bhayadassāvī samādāya sikkhati sikkhāpadesu; khuddako sīlakkhandho, mahanto sīlakkhandho, sīlaṃ patiṭṭhā ādicaraṇaṃ saṃyamo saṃvaro mukhaṃ pamukhaṃ kusalānaṃ dhammānaṃ samāpattiyā. Ayaṃ adhisīlasikkhā.
Katamā adhicittasikkā? Idha bhikkhu vivicc'; eva kāmehi, vivicca akusalehi dhammehi, savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati, vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ dutiyaṃ jhānaṃ, tatiyaṃ jhānaṃ, catutthaṃ jhānaṃ upasampajja viharati. Ayaṃ adhicittasikkhā.
Katamā adhipaññāsikkhā? Idha bhikkhu paññavā hoti, udayatthagāminiyā paññāya samannāgato ariyāya nibbedhikāya sammādukkhakkhayagāminiyā; so idaṃ dukkhan ti yathābhūtaṃ pajānāti, ayaṃ dukkhasamudayo ti yathābhūtaṃ pajānāti, ayaṃ dukkhanirodho ti yathābhūtaṃ pajānāti, ayaṃ dukkhanirodhagāminī paṭipadā ti yathābhūtaṃ pajānāti, ime āsavā ti yathābhūtaṃ pajānāti, ayaṃ āsavasamudayo ti yathābhūtaṃ pajānāti, ayaṃ āsavanirodho ti yathābhūtaṃ pajānāti, ayaṃ āsavanirodhagāminī paṭipadā ti yathābhūtaṃ pajānāti. Ayaṃ adhipaññāsikkhā.
[page 149]
S.N. 818] Tissametteyyasuttaniddeso. 149
Methunadhammo nāma yo so asaddhammo . . . pe . . . taṃkāraṇā vuccati methunadhammo.
Etam pi disvā sikkhetha methunaṃ vippahātave ti methunadhammassa pahānāya vūpasamāya paṭinissaggāya paṭipassaddhiyā adhisīlam pi sikkheyya, adhicittam pi sikkheyya, adhipaññam pi sikkheyya. Imā tisso sikkhā āvajjento sikkheyya, jānanto sikkheyya, passanto sikkheyya, paccavekkhanto sikkheyya, cittaṃ adhiṭṭhahanto sikkheyya, saddhāya adhimuccanto sikkheyya, viriyaṃ paggaṇhanto sikkheyya, satiṃ upaṭṭhapento sikkheyya, cittaṃ samādahanto sikkheyya, paññāya pajānanto sikkheyya abhiññeyyaṃ abhijānanto sikkheyya, pariññeyyaṃ parijānanto sikkheyya, pahātabbaṃ pajahanto sikkheyya, bhāvetabbaṃ bhāvento sikkheyya, sacchikātabbaṃ sacchikaronto sikkheyya ācareyya samācareyya samādāya vatteyyā ti, etam pi disvā sikkhetha methunaṃ vippahātave. Ten 'āha Bhagavā.
Yaso kittī ca yā pubbe hāyat'; evāpi tassa sā,
etam pi disvā sikkhetha methunaṃ vippahātave ti.
_________________________________
Sn_IV,7.5(=818): Saṃkappehi pareto so kapano viya jhāyati,
sutvā paresaṃ nigghosaṃ maṅku hoti tathāvidho. || Nidd_I.7:5 ||
Saṃkappehi pareto so kapaṇo viya jhāyatī ti. Kāmasaṃkappena byāpādasaṃkappena vihiṃsāsaṃkappena diṭṭhisaṃkappena phuṭṭho pareto samohito samannāgato pihito kapaṇo viya mando viya momūho viya jhāyati pajjhāyati nijjhāyati avajjhāyati. Yathā ulūko rukkhasākhāyaṃ mūsikaṃ magayamāno jhāyati pajjhāyati nijjhāyati avajjhāyati; yathā koṭṭhu nadītīre macche magayamāno jhāyati pajjhāyati nijjhayāti avajjhāyati;
[page 150]
150 Aṭṭhakavaggo. [S.N. 818
yathā vilāro sandhisamalasapaṅkatīre mūsikaṃ magayamāno jhāyati pajjhāyati nijjhāyati avajjhāyati; yathā gadrabho vahacchinno sandhisamalasapaṅkatīre jhāyati pajjhāyati nijjhāyati avajjhāyati; evam eva so vibbhantako kāmasaṃkappena byāpādasaṃkappena vihiṃsāsaṃkappena diṭṭhisaṃkappena phuṭṭho pareto samohito samannāgato pihito kapaṇo viya mando viya momūho viya jhāyati pajjhāyati nijjhāyati avajjhāyātī ti, saṃkappehi pareto so kapaṇo viya jhāyati.
Sutvā paresaṃ nigghosaṃ maṅku hoti tathāvidho ti.
Paresan ti upajjhāyakā vā ācariyakā vā samānupajjhāyakā vā samānācariyakā vā mittā vā sandiṭṭhā vā sambhattā vā sahāyā vā codenti: Tassa te kho āvuso alābhā, tassa te dulladdhaṃ; yaṃ tvaṃ evarūpaṃ uḷāraṃ satthāraṃ labhitvā, evaṃ svākkhāte dhammavinaye pabbajitvā, evarūpaṃ ariyagaṇaṃ labhitvā, hīnassa methunadhammassa kāraṇā Buddhaṃ dhammaṃ saṃghaṃ sikkhaṃ paccakkhāya hīnāyāvatto 'si; saddhā pi nāma te nāhosi kusalesu dhammesu, hiri pi nāma te nāhosi kusalesu dhammesu, ottappam pi nāma te nāhosi kusalesu dhammesu, viriyam pi nāma te nāhosi kusalesu dhammesu, sati pi nāma te nāhosi kusalesu dhammesu, paññā pi nāma te nāhosi kusalesu dhammesū ti tesaṃ vacanaṃ byappathaṃ desanaṃ anusāsanaṃ anusiṭṭhiṃ sutvā suṇitvā uggahetvā upadhārayitvā upalakkhayitvā maṅku hoti, pīḷito ghaṭṭito byatthito domanassito hoti. Tathāvidho ti tathāvidho tādiso tassaṇṭhito tappakāro tappaṭibhāgo,
[page 151]
S.N. 819] Tissametteyyasuttaniddeso. 151
[... content straddling page break has been moved to the page above ...] yo so vibbhantako ti, sutvā paresaṃ nigghosaṃ maṅku hoti tathāvidho. Ten'; āha Bhagavā:
Saṃkappehi pareto so kapaṇo viya jhāyati,
sutvā paresaṃ nigghosaṃ maṅku hoti tathāvidho ti.
_________________________________
Sn_IV,7.6(=819): Atha satthāni kurute paravādehi codito,
esa khv-assa mahāgedho, mosavajjaṃ pagāhati. || Nidd_I.7:6 ||
Atha satthāni kurute paravādehi codito ti. Athā ti padasandhi padasaṃsaggo padapāripūri akkharasamavāyo byañjanasiliṭṭhatā padānupubbatā-m-etaṃ athā ti. Satthānī ti tīṇi satthāni, kāyasatthaṃ vacīsatthaṃ manosatthaṃ; tividhaṃ kāyaduccaritaṃ kāyasatthaṃ, catubbidhaṃ vacīduccaritaṃ vacīsatthaṃ, tividhaṃ manoduccaritaṃ manosatthaṃ. Paravādehi codito ti upajjhāyakehi vā ācariyakehi vā samānupajjhāyakehi vā samānācariyakehi vā mittehi vā sandiṭṭhehi vā sambhatte i vā sahāyehi vā codito, sampajānamusā bhāsati:
Abhirato ahaṃ bhante ahosiṃ pabbajjāya, mātā me posetabbā, tena 'mhi vibbhanto ti bhaṇati; pitā me posetabbo tena 'mhi vibbhanto ti bhaṇati; bhātā me posetabbo, bhaginī me posetabbā, putto me posetabbo, dhītā me posetabbā, mittā me posetabbā, amaccā me posetabbā, ñātakā me posetabbā, ñātisālohitā me posetabbā, tena 'mhi vibbhanto ti bhaṇati vacīsatthaṃ karoti saṃkaroti janeti sañjaneti nibbatteti abhinibbattetī ti, atha satthāni kurute paravādehi codito.
Esa khv -assa mahāgedho ti. Eso kho assa mahāgedho mahāvanaṃ mahāgahaṇaṃ mahākantāro mahāvisamo mahākuṭilo mahāpaṅko mahāpalipo mahāpalibodho mahābandhanaṃ yadidaṃ sampajānamusāvādo ti,
[page 152]
152 Aṭṭhakavaggo. [S.N. 819
[... content straddling page break has been moved to the page above ...] esa khv-assa mahāgedho.
Mosavajjaṃ pagāhatī ti. Mosavajjaṃ vuccati musāvādo.
Idh'; ekacco sabhaggato vā parisaggato vā ñātimajjhagato vā pūgamajjhagato vā rājakulamajjhagato vā abhinīto sakkhipuṭṭho: ehi bho purisa yaṃ jānāsi taṃ vadehī ti. So ajānaṃ vā āha jānāmī ti, jānaṃ vā āha na jānāmī ti, apassaṃ vā āha passāmī ti, passaṃ vā āha na passāmī ti, iti attahetu vā parahetu vā āmisakiñcikkhahetu vā sampajānamusā bhāsati; idaṃ vuccati mosavajjam.
Api ca tīh'; ākārehi musāvādo hoti; pubb'; ev'; assa hoti musā bhaṇissan ti, bhaṇantassa hoti musā bhaṇāmī ti, bhaṇitassa hoti musā mayā bhaṇitan ti; imehi tīh'; ākārehi musāvādo hoti. Api ca catūh'; ākārehi pañcah'; ākārehi chah'; ākārehi sattah'; ākarehi aṭṭhah'; ākārehi musāvādo hoti: pubb'; ev'; assa hoti musā bhaṇissan ti, bhaṇantassa hoti musā bhaṇāmī ti, bhaṇitassa hoti musā mayā bhaṇitan ti, vinidhāya diṭṭhiṃ, vinidhāya khantim, vinidhāya ruciṃ, vinidhāya saññaṃ, vinidhāya bhāvaṃ, imehi aṭṭhah'; ākārehi musāvādo hoti. Mosavajjaṃ pagāhatī ti mosavajjaṃ pagāhati ogāhati ajjhogāhati pavisatī ti, mosavajjaṃ pagāhati. Ten'; āha Bhagavā:
[page 153]
S.N. 820] Tissametteyyasuttaniddeso. 153
Atha satthāni kurute paravādehi codito,
esa khv-assa mahāgedho, mosavajjaṃ pagāhatī ti.
_________________________________
Sn_IV,7.7(=820): Paṇḍito ti samaññāto ekacariyaṃ adhiṭṭhito,
athāpi methune yutto mando va parikissati. || Nidd_I.7:7 ||
Paṇḍito ti samaññāto ti idh'; ekacco pubbe samaṇabhāve kittivaṇṇabhato hoti paṇḍito viyatto medhāvī bahussuto cittakathī kalyāṇapatibhāṇo suttantiko ti vā vinayadharo ti vā dhammakathiko ti vā . . . pe . . . nevasaññānāsaññāyatanasamāpattiyā lābhī ti vā evaṃ ñāto hoti saññāto samaññāto ti, paṇḍito ti samaññāto.
Ekacariyaṃ adhiṭṭhito ti dvīhi kāraṇehi ekacariyaṃ adhiṭṭhito pabbajjāsaṃkhātena vā gaṇāvavassaggatthena vā.
Kathaṃ pabbajjāsaṃkhātena ekacariyaṃ adhiṭṭhito?
Sabbaṃ gharāvāsapalibodhaṃ chinditvā . . . pe . . . evaṃ pabbajjāsaṃkhātena ekacariyaṃ adhiṭṭhito.
Kathaṃ gaṇāvavassaggatthena ekacariyaṃ adhiṭṭhito?
So evaṃ pabbajito samāno eko araññavanapatthāni pantāni . . . pe . . . evaṃ gaṇāvavassaggatthena ekacariyaṃ adhiṭṭhito ti, ekacariyaṃ adhiṭṭhito.
Athāpi methune yutto ti. Methunadhammo nāma yo so asaddhammo . . . pe . . . taṃkāraṇā vuccati methunadhammo. Athāpi methune yutto ti so aparena samayena Buddhaṃ dhammaṃ saṃghaṃ sikkhaṃ paccakkhāya hīnāyāvattitvā methunadhamme yutto payutto ayutto samāyutto ti, athāpi methune yutto.
Mando va parikissatī ti kapaṇo viya momūho viya kissati parikissati parikilissati,
[page 154]
154 Aṭṭhakavaggo. [S.N. 820
[... content straddling page break has been moved to the page above ...] pāṇam pi hanati, adinnam pi ādiyati, sandhim pi chindati, nillopam pi harati, ekāgārikam pi karoti, paripanthe pi tiṭṭhati, paradāram pi gacchati, musā pi bhaṇati, evam pi kissati parikissati parikilissati. Tam enaṃ rājāno gahetvā vividhā kammakāraṇā kārenti: kasāhi pi tāḷenti, vettehi pi tāḷenti, aḍḍhadaṇḍakehi pi tāḷenti, hattham pi chindanti, pādam pi chindanti, hatthapādam pi chindanti, kaṇṇam pi chindanti, nāsam pi chindanti, kaṇṇanāsam pi chindanti, vilaṅgathālikam pi karonti, saṃkhamuṇḍikam pi karonti, rāhumukham pi karonti, jotimālikam pi karonti, hatthapajjotikam pi karonti, erakavattikam pi karonti, cīrakavāsikam pi karonti, eṇeyyakam pi karonti, baḷisamaṃsikam pi karonti, kahāpaṇakam pi karonti, khārāpatacchikam pi karonti, palighaparivattikam pi karonti, palālapīṭhakam pi karonti, tattena pi telena osiñcanti, sunakhehi pi khādāpenti, jīvantam pi sūle uttāsenti, asinā pi sīsaṃ chindanti; evam pi kissati parikissati parikilissati. Athavā kāmataṇhāya abhibhūto pariyādiṇṇacitto bhoge pariyesanto nāvāya mahāsamuddaṃ pakkhandati, sītassa purakkhato, uṇhassa purakkhato, ḍaṃsamakasavātātapasiriṃsapasamphassehi rissamāno khuppipāsāya pīḷiyamāno Gumbaṃ gacchati, Takkolaṃ gacchati, Takkasilaṃ gacchati, Kālamukhaṃ gacchati, Maraṇapāraṃ gacchati, Vesuṅgaṃ gacchati, Verāpathaṃ gacchati, Javaṃ gacchati, Tamaliṃ gacchati, Vaṅgam gacchati, Eḷavaddanaṃ gacchati,
[page 155]
S.N. 820] Tissametteyyasuttaniddeso. 155
Suvaṇṇakūṭaṃ gacchati, Suvaṇṇabhūmiṃ gacchati, Tambapaṇṇiṃ gacchati, Suppāraṃ gacchati, Bharukacchaṃ gacchati, Suraṭṭhaṃ gacchati, Aṅgaṇekaṃ gacchati, Gaṅgaṇaṃ gacchati, Paramagaṅgaṇaṃ gacchati, Yonaṃ gacchati, Paramayonaṃ gacchati, Allasandaṃ gacchati, Marukantāraṃ gacchati, Jaṇṇupathaṃ gacchati, Ajapathaṃ gacchati, Meṇḍapathaṃ gacchati, Saṅkupathaṃ gacchati, Chattapathaṃ gacchati, Vaṃsapathaṃ gacchati, Sakuṇapathaṃ gacchati, Mūsikapathaṃ gacchati, Daripathaṃ gacchati, Vettādhāraṃ gacchati; evam pi kissati parikissati parikilissati. Pariyesanto na labhati, alābhamūlakam pi dukkhadomanassaṃ {paṭisaṃvedeti}; evam pi kissati parikissati parikilissati. Pariyesanto labhati, laddhā ca ārakkhamūlakam pi dukkhadomanassaṃ {paṭisaṃvedeti}: Kin ti me bhoge n'; eva rājāno hareyyuṃ, na corā hareyyuṃ, na aggi ḍaheyya, na udakaṃ vaheyya, na appiyā dāyādā hareyyun ti; tassa evaṃ rakkhato gopayato te bhogā vippalujjanti, so vippayogamūlakam pi dukkhadomanassaṃ {paṭisaṃvedeti}; evam pi kissati parikissati parikilissatī ti,
[page 156]
156 Aṭṭhakavaggo. [S.N. 820
[... content straddling page break has been moved to the page above ...] athāpi methune yutto mando va parikissati. Ten'; āha Bhagavā:
Paṇḍito ti samaññāto ekacariyaṃ adhiṭṭhito,
athāpi methune yutto mando va parikissatī ti.
_________________________________
Sn_IV,7.8(=821): Etam ādīnavaṃ ñatvā muni pubbāpare idha,
ekacariyaṃ daḷhaṃ kayirā, na nisevetha methunaṃ. || Nidd_I.7:8 ||
Etam ādīnavaṃ ñatvā muni pubbāpare idhā ti. Etan ti pubbe samaṇabhāve yaso ca kitti ca, aparabhāge Buddhaṃ dhammaṃ saṃghaṃ sikkhaṃ paccakkhāya hīnāyāvattassa ayaso ca akitti ca, etaṃ sampattivipattiṃ ñatvā jānitvā tulayitvā tīrayitvā vibhāvayitvā vibhūtaṃ katvā.
Munī ti. Monaṃ vuccati ñāṇaṃ, yā paññā pajānanā . . . pe . . . saṅgajālam aticca so muni. Idhā ti imissā diṭṭhiyā, imissā khantiyā, imissā ruciyā, imasmiṃ ādāye, imasmiṃ dhamme, imasmiṃ vinaye, imasmiṃ dhammavinaye, imasmiṃ pāvacane, imasmiṃ brahmacariye, imasmiṃ satthusāsane, imasmiṃ attabhāve, imasmiṃ manussaloke ti, etam ādīnavaṃ ñatvā muni pubbāpare idha.
Ekacariyaṃ daḷhaṃ kayirā ti dvīhi kāraṇehi ekacariyaṃ daḷhaṃ kareyya, pabbajjāsaṃkhātena vā gaṇāvavassaggatthena vā.
Kathaṃ pabbajjāsaṃkhātena ekacariyaṃ daḷhaṃ kareyya? Sabbaṃ gharāvāsapalibodhaṃ chinditvā, puttadārapalibodhaṃ chinditvā, ñātipalibodhaṃ chinditvā, mittāmaccapalibodhaṃ chinditvā, sannidhipalibodhaṃ chinditvā, kesamassuṃ ohāretvā, kāsāyāni vatthāni acchādetvā, agārasmā anagāriyaṃ pabbajitvā, akiñcanabhāvaṃ upagantvā, eko careyya vihareyya iriyeyya vatteyya pāleyya yapeyya yāpeyya;
[page 157]
S.N. 822] Tissametteyyasuttaniddeso. 157
[... content straddling page break has been moved to the page above ...] evaṃ pabbajjāsaṃkhātena ekacariyaṃ daḷhaṃ kareyya.
Kathaṃ gaṇāvavassaggatthena ekacariyaṃ daḷhaṃ kareyya? So evaṃ pabbajito samāno eko araññavanapatthāni pantāni senāsanāni patiseveyya appasaddāni appanigghosāni vijanavātāni manussarāhaseyyakāni paṭisallānasāruppāni; so eko gaccheyya, eko tiṭṭheyya, eko nisīdeyya, eko seyyaṃ kappeyya, eko gāmaṃ piṇḍāya paviseyya, eko paṭikkameyya, eko raho nisīdeyya, eko caṅkamaṃ adhiṭṭheyya, eko careyya vihareyya iriyeyya vatteyya pāleyya yapeyya yāpeyya; evaṃ gaṇāvavassaggatthena ekacariyaṃ daḷhaṃ kareyyā ti.
Ekacariyaṃ daḷhaṃ kareyya, thiraṃ kareyya, daḷhasamādāno assa avaṭṭhitasamādāno kusalesu dhammesū ti, ekacariyaṃ daḷhaṃ kayirā.
Na nisevetha methunan ti. Methunadhammo nāma yo so asaddhammo gāmadhammo . . . pe . . . taṃkāraṇā vuccati methunadhammo. Methunadhammaṃ na seveyya, na niseveyya, na saṃseveyya, na paṭiseveyya, na careyya, na samācareyya, na samādāya vatteyā ti, na nisevetha methunam. Ten'; āha Bhagavā:
Etam ādīnavaṃ ñatvā muni pubbāpare idha,
ekacariyaṃ daḷhaṃ kayirā, na nisevetha methunan ti.
_________________________________
Sn_IV,7.9(=822): Vivekañ ñeva sikkhetha, etad ariyānam uttamaṃ;
tena settho na maññetha, sa ve nibbānasantike. || Nidd_I.7:9 ||
Vivekañ ñeva sikkhethā ti. Viveko ti tayo vivekā, kāyaviveko cittaviveko upadhiviveko.
[page 158]
158 Aṭṭhakavaggo. [S.N. 822
Katamo kāyaviveko? . . . pe . . . ayaṃ upadhiviveko.
Kāyaviveko ca vūpakaṭṭhakāyānaṃ nekkhammābhiratānaṃ; cittaviveko ca parisuddhacittānaṃ paramavodānapattānaṃ; upadhiviveko ca nirupadhīnaṃ puggalānaṃ visaṃkhāragatānaṃ.
Sikkhā ti tisso sikkhā, adhisīlasikkhā adhicittasikkhā adhipaññāsikkhā . . . pe . . . ayaṃ adhipaññāsikkhā.
Vivekañ ñeva sikkhethā ti vivekañ ñeva sikkheyya ācareyya samācareyya samādāya vatteyyā ti, vivekañ ñeva sikkhetha.
Etad ariyānam uttaman ti. Ariyā vuccanti Buddhā ca buddhasāvakā ca paccekabuddhā ca. Ariyānaṃ etaṃ aggaṃ seṭṭhaṃ viseṭṭhaṃ pāmokkhaṃ uttamaṃ pavaraṃ, yadidaṃ vivekacariyā ti, etad ariyānam uttamaṃ.
Tena seṭṭho na maññethā ti tāya vivekacariyāya uṇṇatiṃ na kareyya, uṇṇamaṃ na kareyya, mānaṃ na kareyya, thambhaṃ na kareyya, na tena mānaṃ janeyya, bandhaṃ na kareyya, na tena thaddho assa patthaddho paggahitasiro ti, tena seṭṭho na maññetha.
Sa ve nibbānasantike ti so nibbānassa santike sāmantā āsanne avidūre upakaṭṭhe ti, sa ve nibbānasantike.
Ten'; āha Bhagavā:
Vivekañ ñeva sikkhetha, etad ariyānam uttamaṃ;
tena seṭṭho na maññetha, sa ve nibbānasantike ti.
_________________________________
Sn_IV,7.10(=823): Rittassa munino carato kāmesu anapekkhino
oghatiṇṇassa pihayanti kāmesu gadhitā pajā. || Nidd_I.7:10 ||
Rittassa munino carato ti. Rittassā ti rittassa vivittassa pavivittassa,
[page 159]
S.N. 823] Tissametteyyasuttaniddeso. 159
[... content straddling page break has been moved to the page above ...] kāyaduccaritena rittassa vivittassa pavivittassa, vacīduccaritena manoduccaritena rāgena dosena mohena kodhena upanāhena makkhena paḷāsena issāya macchariyena māyāya sāṭheyyena thambhena sārambhena mānena atimānena madena pamādena sabbakilesehi sabbaduccaritehi sabbadarathehi sabbapariḷāhehi sabbasantāpehi sabbākusalābhisaṃkhārehi rittassa vivittassa pavivittassa.
Munino ti monaṃ vuccati ñāṇaṃ,yā paññā pajānanā . . . pe . . . saṅgajālam aticca so muni. Carato ti carato viharato iriyato vattato pālayato yapayato yāpayato ti, rittassa munino carato.
Kāmesu anapekkhino ti. Kāmā ti uddānato dve kāmā, vatthukāmā ca kilesakāmā ca . . . pe . . . ime vuccanti vatthukāmā . . . pe . . . ime vuccanti kilesakāmā.
Vatthukāme parijānitvā, kilesakāme pahāya pajahitvā vinoditvā byantīkaritvā anabhāvaṃ gamitvā, kāmesu anapekkhavā, cattakāmo vantakāmo muttakāmo pahīnakāmo paṭinissaṭṭhakāmo vītarāgo vantarāgo muttarāgo pahīnarāgo patinissaṭṭharāgo nicchāto nibbuto sītibhūto {sukhapaṭisaṃvedī} brahmabhūtena attanā viharatī ti, kāmesu anapekkhino.
Oghatiṇṇassa pihayanti kāmesu gadhitā pajā ti. Pajā ti sattādhivacanaṃ. Pajā kāmesu rattā giddhā gadhitā mucchitā ajjhopannā laggā laggitā palibuddhā, tā kāmoghaṃ tiṇṇassa, bhavoghaṃ tiṇṇassa, diṭṭhoghaṃ tiṇṇassa, avijjoghaṃ tiṇṇassa, sabbasaṃkhārapathaṃ tiṇṇassa uttiṇṇassa nitiṇṇassa atikkantassa samatikkantassa vītivattassa pāragatassa pārappattassa antagatassa antappattassa koṭigatassa koṭippattassa pariyantagatassa pariyantappattassa vosānagatassa vosānappattassa tāṇagatassa tāṇappattassa leṇagatassa leṇappattassa saraṇagatassa saraṇappattassa abhayagatassa abhayappattassa accutagatassa accutappattassa amatagatassa amatappattassa nibbānagatassa nibbānappattassa icchanti sādiyanti patthayanti pihayanti abhijappanti.
[page 160]
160 Aṭṭhakavaggo. [S.N. 823
[... content straddling page break has been moved to the page above ...] Yathā iṇāyikā ānaṇyaṃ patthenti pihayanti, yathā ābādhikā ārogyam patthenti pihayanti, yathā bandhanabandhā bandhanamokkhaṃ patthenti pihayanti, yathā dāsā bhujissaṃ patthenti pihayanti, yathā kantāraddhānaṃ pakkhannā khemantabhūmiṃ patthenti pihayanti; evam eva pajā kāmesu rattā giddhā gadhitā mucchitā ajjhopannā laggā laggitā palibuddhā, tā kāmoghatiṇṇassa bhavoghatiṇṇassa . . . pe . . . nibbānagatassa nibbānappattassa icchanti sādiyanti patthayanti pihayanti abhijappantī ti, oghatiṇṇassa pihayanti kāmesu gadhitā pajā. Ten'; āha Bhagavā:
Rittassa munino carato kāmesu anapekkhino
oghatiṇṇassa pihayanti kāmesu gadhitā pajā ti.
SATTAMO TISSAMETTEYYASUTTANIDDESO NITTHITO.
[page 161]
161
AṬṬHAMO PASŪRASUTTANIDDESO
Sn_IV,.(=824): Idh'; eva suddhiṃ iti vādiyanti,
nāññesu dhammesu visuddhim āhu,
yaṃ nissitā, tattha subhā vadānā
paccekasaccesu puthū niviṭṭhā. || Nidd_I.8:1 ||
Idh'; eva suddhiṃ iti vādiyantī ti. Idh'; eva suddhiṃ visuddhiṃ parisuddhiṃ muttiṃ vimuttiṃ parimuttiṃ vadanti kathenti bhaṇanti dīpayanti voharanti: sassato loko, idam eva saccaṃ, mogham aññan ti suddhiṃ visuddhiṃ parisuddhiṃ muttiṃ vimuttiṃ parimuttiṃ vadanti kathenti bhaṇanti dīpayanti voharanti, asassato loko, antavā loko, anantavā loko, taṃ jīvaṃ taṃ sarīraṃ, aññaṃ jīvaṃ aññaṃ sarīraṃ, hoti tathāgato paraṃmaraṇā, na hoti tathāgato paraṃmaraṇā, hoti ca na ca hoti tathāgato {paraṃmaraṇā}, n'; eva hoti na na hoti tathāgato {paraṃmaraṇā}, idam eva saccaṃ, mogham aññan ti suddhiṃ visuddhiṃ parisuddhiṃ muttiṃ vimuttiṃ parimuttiṃ vadanti kathenti bhaṇanti dīpayanti voharantī ti, idh'; eva suddhiṃ iti vādiyanti.
Nāññesu dhammesu visuddhim āhū ti. Attano satthāraṃ dhammakkhānaṃ gaṇaṃ diṭṭhiṃ paṭipadaṃ maggaṃ ṭhapetvā sabbe paravāde khipanti ukkhipanti parikkhipanti: so satthā na sabbaññū, dhammo na svākkhāto, gaṇo na supaṭipanno, diṭṭhi na bhaddikā, paṭipadā na supaññattā,
[page 162]
162 Aṭṭhakavaggo. [S.N. 824
[... content straddling page break has been moved to the page above ...] maggo na niyyāniko; n'; atth'; ettha suddhi vā visuddhi vā parisuddhi vā mutti vā vimutti vā parimutti vā; n'; atth'; ettha sujjhanti vā visujjhanti vā parisujjhanti vā muccanti vā vimuccanti vā parimuccanti vā hīnā nihīnā omakā lāmakā jatukkā parittā ti evam āhaṃsu evaṃ kathenti evaṃ bhaṇanti evaṃ dīpayanti evaṃ voharantī ti, nāññesu dhammesu visuddhim āhu.
Yaṃ nissitā tattha subhā vadānā ti. Yaṃ nissitā ti.
Yaṃ satthāraṃ dhammakkhānaṃ gaṇaṃ diṭṭhim paṭipadaṃ maggaṃ nissitā sannissitā allīnā upagatā ajjhositā adhimuttā. Tatthā ti sakāya diṭṭhiyā sakāya khantiyā sakāya ruciyā sakāya laddhiyā. Subhā vadānā ti subhavādā sobhaṇavādā paṇḍitavādā dhīravādā ñāṇavādā hetuvādā lakkhaṇavādā kāraṇavādā ṭhānavādā sakāya laddhiyā ti, yaṃ nissitā tattha subhā vadānā.
Paccekasaccesu puthū niviṭṭhā ti. Puthū samaṇabrāhmaṇā puthupaccekasaccesu niviṭṭhā patiṭṭhitā allīnā upagatā ajjhositā adhimuttā: sassato loko, idam eva saccaṃ, mogham aññan ti niviṭṭhā patiṭṭhitā allīnā upagatā ajjhositā adhimuttā, assassato loko . . . pe . . . n'; eva hoti na na hoti tathāgato {paraṃmaraṇā}, idam eva saccaṃ, mogham aññan ti niviṭṭhā patiṭṭhitā allīnā upagatā ajjhositā adhimuttā ti, paccekasaccesu puthū niviṭṭhā.
Ten'; āha Bhagavā:
Idh'; eva suddhiṃ iti vādiyanti,
nāññesu dhammesu visuddhim āhu,
yaṃ nissitā, tattha subhā vadānā
paccekasaccesu puthū niviṭṭhā ti.
[page 163]
S.N. 825] Pasūrasuttaniddeso. 163
Sn_IV,8.2(=825): Te vādakāmā parisaṃ vigayha
bālaṃ dahanti mithu aññamaññaṃ,
vadanti te aññasitā kathojjaṃ
pasaṃsakāmā kusalā vadānā. || Nidd_I.8:2 ||
Te vādakāmā parisaṃ vigayhā ti. Te vādakāmā ti te vādakāmā vādatthikā vādādhippāyā vādapurekkhārā vādapariyesanaṃ carantā. Parisaṃ vigayhā ti khattiyaparisaṃ brāhmaṇaparisaṃ gahapatiparisaṃ samaṇaparisaṃ vigayha ogayha ajjhogahetvā pavisitvā ti, te vādakāmā parisaṃ vigayha.
Bālaṃ dahanti mithu aññamaññan ti. Mithū ti dve janā dve kalahakārakā dve bhaṇḍanakārakā dve bhassakārakā dve vivādakārakā dve adhikaraṇakārakā dve vādino dve sallāpakā, te aññamaññaṃ bālato hīnato nihīnato omakato lāmakato jatukkato parittato dahanti passanti dakkhanti olokenti nigghāyanti upaparikkhantī ti, bālaṃ dahanti mithu aññamaññaṃ.
Vadanti te aññasitā kathojjan ti. Aññaṃ satthāraṃ dhammakkhānaṃ gaṇaṃ diṭṭhiṃ paṭipadaṃ maggaṃ nissitā sannissitā allīnā upagatā ajjhositā adhimuttā.
Kathojjaṃ vuccati kalaho bhaṇḍanaṃ viggaho vivādo medhagaṃ; athavā kathojjan ti anojavantī sā kathā.
Kathojjaṃ vadanti, kalahaṃ vadanti, bhaṇḍanaṃ vadanti, viggahaṃ vadanti, vivādaṃ vadanti, medhagaṃ vadanti bhaṇanti dīpayanti voharantī ti, vadanti te aññasitā kathojjaṃ.
Pasaṃsakāmā kusalā vadānā ti. Pasaṃsakāmā ti pasaṃsakāmā pasaṃsatthikā pasaṃsādhippāyā pasaṃsapurekkhārā pasaṃsapariyesanaṃ carantā. Kusalā vadānā ti kusalavādā paṇḍitavādā dhīravādā ñāṇavādā hetuvādā lakkhaṇavādā kāraṇavādā ṭhānavādā sakāya laddhiyā ti,
[page 164]
164 Aṭṭhakavaggo. [S.N. 825
[... content straddling page break has been moved to the page above ...] pasaṃsakāmā kusalā vadānā. Ten'; āha Bhagavā:
Te vādakāmā parisaṃ vigayha
bālaṃ dahanti mithu aññamaññaṃ,
vadanti te aññasitā kathojjaṃ
pasaṃsakāmā kusalā vadānā ti.
_________________________________
Sn_IV,8.3(=826): Yutto kathāyaṃ parisāya majjhe
pasaṃsam icchaṃ vinighāti hoti,
apāhatasmiṃ pana maṅku hoti,
nindāya so kuppati randhamesī. || Nidd_I.8:3 ||
Yutto kathāyaṃ parisāya majjhe ti. Khattiyaparisāya vā brāhmaṇaparisāya vā gahapatiparisāya vā samaṇaparisāya vā majjhe attano kathāyaṃ yutto payutto āyutto samāyutto sampayutto kathetun ti, yutto kathāyaṃ parisāya majjhe.
Pasaṃsam icchaṃ vinighāti hotī ti. Pasaṃsam icchan ti pasaṃsaṃ thomanaṃ kittiṃ vaṇṇahāriyaṃ icchanto sādiyanto patthayanto pihayanto abhijappanto. Vinighāti hotī ti pubb'; eva sallāpā kathaṃkathī vinighāti hoti: Jayo nu kho me bhavissati, parājayo nu kho me bhavissati?
kathaṃ niggahaṃ karissāmi? kathaṃ patikammaṃ karissāmi? kathaṃ visesaṃ karissāmi? kathaṃ paṭivisesaṃ karissāmi? kathaṃ āvedhiyaṃ karissāmi?
kathaṃ nibbedhiyaṃ karissāmi? kathaṃ chedaṃ karissāmi? kathaṃ maṇḍalaṃ karissāmī? ti. Evaṃ pubb'; eva sallāpā kathaṃkathī vinighāti hotī ti, pasaṃsam icchaṃ vinighāti hoti.
Apāhatasmiṃ pana maṅku hotī ti. Ye te pañhavīmaṃsakā pārisajjā pāsanikā te apaharanti,
[page 165]
S.N. 826] Pasūrasuttaniddeso. 165
[... content straddling page break has been moved to the page above ...] atthāpagataṃ bhaṇitan ti atthato apaharanti, byañjanāpagataṃ bhaṇitan ti byañjanato apaharanti, atthabyañjanāpagataṃ bhaṇitan ti atthabyañjanato apaharanti; attho te dunnīto, byañjanan te duropitaṃ, atthabyañjanan te dunnītaṃ duropitaṃ, niggaho te akato, patikamman te dukkaṭaṃ, viseso te akato, paṭiviseso te dukkaṭo, āvedhiyā te akatā, nibbedhiyā te dukkaṭā, chedo te akato, maṇḍalan te dukkaṭaṃ dukkathitaṃ dubbhaṇitaṃ dullapitaṃ duruttaṃ dubbhāsitan ti apaharanti. Apāhatasmiṃ pana maṅku hotī ti apāhatasmiṃ maṅku hoti, pīlito ghaṭṭito byatthito domanassito hotī ti, apāhatasmiṃ pana maṅku hoti.
Nindāya so kuppati randhamesī ti. Nindāyā ti nindāya garahāya akittiyā avaṇṇahārikāya. Kuppatī ti kuppati byāpajjati patitthīyati kopañ ca dosañ ca apaccayañ ca pātukarotī ti nindāya so kuppati. Randhamesī ti randhamesī virandhamesī aparandhamesī khalitamesī gaḷitamesī vivaramesī ti, nindāya so kuppati randhamesī ti. Ten'; āha Bhagavā:
Yutto kathāyaṃ parisāya majjhe
pasaṃsam icchaṃ vinighāti hoti,
apāhatasmiṃ pana maṅku hoti,
nindāya so kuppati randhamesī ti.
_________________________________
[page 166]
166 Aṭṭhakavaggo. [S.N. 827
Sn_IV,8.4(=827): Yam assa vādaṃ parihīnam āhu
apāhataṃ pañhavimaṃsakā ye,
paridevatī socati hīnavādo,
upaccagā man ti anutthunāti. || Nidd_I.8:4 ||
Yam assa vādaṃ parihīnam āhū ti. Yaṃ tassa vādaṃ hīnaṃ nihīnam parihīnaṃ parihāpitaṃ na paripūritaṃ evam āhaṃsu evaṃ kathenti evaṃ bhaṇanti evaṃ dīpayanti evaṃ voharantī ti, yam assa vādaṃ parihīnam āhu.
Apāhataṃ pañhavimaṃsakā ye ti. Ye te pañhavīmaṃsakā pārisajjā pāsanikā te apaharanti, atthāpagataṃ bhaṇitan ti atthato apaharanti, byañjanāpagataṃ bhaṇitan ti byañjanato apaharanti, atthabyañjanāpagataṃ bhaṇitan ti atthabyañjanato apaharanti, attho te dunnīto, byañjanaṃ te duropitaṃ, atthabyañjanaṃ te dunnītaṃ duropitaṃ, niggaho te akato, patikamman te dukkaṭaṃ, viseso te akato, paṭiviseso te dukkaṭo, āvedhiyā te akatā, nibbedhiyā te dukkaṭā, chedo te akato, maṇḍalaṃ te dukkaṭaṃ dukkathitaṃ dubbhaṇitaṃ dullapitaṃ duruttaṃ dubbhāsitan ti apaharantī ti, apāhataṃ pañhavimaṃsakā ye.
Paridevati socati hīnavādo ti. Paridevatī ti aññaṃ mayā āvajjitaṃ, aññaṃ cintitaṃ, aññaṃ upadhāritaṃ, aññaṃ upalakkhitaṃ; so mahāpakkho mahāpariso mahāparivāro parisā cāyaṃ vaggā na samaggā, samaggāya hotu kathāsallāpo, puna bhañjissāmī ti yo evarūpo vācāpalāpo vippalāpo lālappo lālappāyanā lālappāyitattan ti, paridevati.
Socatī ti tassa jayo ti socati, mayhaṃ parājayo ti socati, tassa lābho ti socati, mayhaṃ alābho ti socati, tassa yaso ti socati, mayhaṃ ayaso ti socati, tassa pasaṃsā ti socati, mayhaṃ nindā ti socati, tassa sukhan ti socati, mayhaṃ dukkhan ti socati; so sakkato garukato mānito pūjito apacito lābhī cīvarapiṇḍapātasenāsanagilānapaccayabhesajjaparikkhārānaṃ, aham asmi asakkato agarukato amānito apūjito anapacito na lābhī cīvarapiṇḍapātasenāsanagilānapaccayabhesajjaparikkhārānan ti socati kilamati paridevati urattāḷiṃ kandati sammohaṃ āpajjatī ti paridevati socati.
[page 167]
S.N. 828] Pasūrasuttaniddeso. 167
[... content straddling page break has been moved to the page above ...] Hīnavādo ti hīnavādo nihīnavādo parihīnavādo parihāpitavādo na paripūrivādo ti, paridevati socati hīnavādo.
Upaccagā man ti anutthunātī ti. So maṃ vādena vādaṃ accagā upaccagā atikkanto samatikkanto vītivatto ti evam pi upaccagā man ti; athavā vādena vādaṃ abhibhavitvā ajjhottharitvā pariyāditvā madditvā carati viharati iriyati vattati pāleti yapeti yāpetī ti, evam pi upaccagā man ti.
Anutthunā vuccati vācāpalāpo vippalāpo lālappo lālappāyanā lālappāyitattan ti, upaccagā man ti anutthunāti.
Ten āha Bhagavā:
Yam assa vādaṃ parihīnam āhu
apāhataṃ pañhavimaṃsakā ye,
paridevati socati hīnavādo,
upaccagā man ti anutthunātī ti.
_________________________________
Sn_IV,8.5(=828): Ete vivādā samaṇesu jātā,
etesu ugghātinighāti hoti,
etam pi disvā virame kathojjaṃ,
na h'; aññad-atth'; atthi pasaṃsalābhā. || Nidd_I.8:5 ||
Ete vivādā samaṇesu jātā ti. Samaṇā ti ye keci ito bahiddhā paribbājupagatā paribbājakasamāpannā. Ete diṭṭhikalahā diṭṭhibhaṇḍanā diṭṭhiviggahā diṭṭhivivādā diṭṭhimedhagā samaṇesu jātā sañjātā nibbattā abhinibbattā pātubhūtā ti, ete vivādā samaṇesu jātā.
Etesu ugghātinighāti hotī ti. Jayaparājayo hoti, lābhālābho hoti, yasāyaso hoti, nindāpasaṃsā hoti, sukhadukkhaṃ hoti,
[page 168]
168 Aṭṭhakavaggo. [S.N. 828
[... content straddling page break has been moved to the page above ...] somanassadomanassaṃ hoti, iṭṭhāniṭṭhaṃ hoti, anunayapatighaṃ hoti, ugghātinighāti hoti, anurodhavirodho hoti; jayena cittam ugghātitaṃ hoti, parājayena cittaṃ nighātitaṃ hoti, lābhena cittaṃ ugghātitaṃ hoti, alābhena cittaṃ nighātitaṃ hoti, yasena cittaṃ ugghātitaṃ hoti, ayasena cittaṃ nighātitaṃ hoti, pasaṃsāya cittaṃ ugghātitaṃ hoti, nindāya cittaṃ nighātitaṃ hoti, sukhena cittaṃ ugghātitaṃ hoti, dukkhena cittaṃ nighātitaṃ hoti, somanassena cittaṃ ugghātitaṃ hoti, domanassena cittaṃ nighātitaṃ hoti, uṇṇatiyā cittaṃ ugghātitaṃ hoti, oṇatiyā cittaṃ nighātitaṃ hotī ti, etesu ugghātinighāti hoti.
Etam pi disvā virame kathojjan ti. Etaṃ pi disvā ti etam ādīnavaṃ disvā passitvā tulayitvā tīrayitvā vibhāvayitvā vibhūtaṃ katvā diṭṭhikalahesu diṭṭhibhaṇḍanesu diṭṭhiviggahesu diṭṭhivivādesu diṭṭhimedhagesū ti. Etam pi disvā virame kathojjan ti. Kathojjaṃ vuccati kalaho bhaṇḍanaṃ viggaho vivādo medhagaṃ; athavā kathojjan ti anojavantī sā kathā. Kathojjaṃ na kareyya, kalahaṃ na kareyya, bhaṇḍanaṃ na kareyya, viggahaṃ na kareyya, vivādaṃ na kareyya, medhagaṃ na kareyya, kalahabhaṇḍanaviggahavivādamedhagaṃ pajaheyya vinodeyya byantīkareyya anabhāvaṃ gameyya, kalahabhaṇḍanaviggahavivādamedhagā ārato assa, virato paṭivirato nikkhanto nissaṭṭho vippayutto visaṃyutto vimariyādikatena cetasā vihareyyā ti, etam pi disvā virame kathojjam.
Na h'; aññad-atth'; atthi pasaṃsalābhā ti. Pasaṃsalābhā añño attho n'; atthi attattho vā parattho vā ubhayattho vā, diṭṭhadhammiko vā attho samparāyiko vā attho, uttāno vā attho gambhīro vā attho,
[page 169]
S.N. 829] Pasūrasuttaniddeso. 169
[... content straddling page break has been moved to the page above ...] gūḷho va attho paṭicchanno vā attho, neyyo vā attho nīto vā attho, anavajjo vā attho, nikkileso vā attho, vodāno va attho, paramattho vā attho n'; atthi na saṃvijjati n'; upalabbhatī ti, na h'; aññad-atth'; atthi pasaṃsalābhā. Ten'; aha Bhagavā:
Ete vivādā samaṇesu jātā,
etesu ugghātinighāti hoti,
etam pi disvā virame kathojjaṃ,
na h'; aññad-atth'; atthi pasaṃsalābhā ti.
_________________________________
Sn_IV,8.6(=829): Pasaṃsito vā pana tattha hoti
akkhāya vādaṃ parisāya majjhe,
so hassati uṇṇamati-cca tena
pappuyya tam atthaṃ yathā mano ahu. || Nidd_I.8:6 ||
Pasaṃsito vā pana tattha hotī ti. Tatthā ti sakāya diṭṭhiyā sakāya khantiyā sakāya ruciyā sakāya laddhiyā.
Pasaṃsito thomito kittito vaṇṇito hotī ti, pasaṃsito vā pana tattha hoti.
Akkhāya vādaṃ parisāya majjhe ti. Khattiyaparisāya vā brāhmaṇaparisāya vā gahapatiparisāya vā samaṇaparisāya vā majjhe attano vādaṃ akkhāya ācikkhitvā anuvādaṃ akkhāya ācikkhitvā thambhayitvā brūhayitvā dīpayitvā jotayitvā voharitvā pariggaṇhitvā ti, akkhāya vādaṃ parisāya majjhe.
So hassati uṇṇamati-cca tenā ti. So tena jayatthena tuṭṭho hoti haṭṭho pahaṭṭho attamano paripuṇṇasaṃkappo; athavā dantavidaṃsakaṃ hasamāno ti, so hassati.
Uṇṇamati-cca tenā ti so tena jayatthena uṇṇato hoti uṇṇamo dhajo sampaggāho ketukamyatā cittassā ti,
[page 170]
170 Aṭṭhakavaggo. [S.N. 829
[... content straddling page break has been moved to the page above ...] so hassati uṇṇamati-cca tena.
Pappuyya tam atthaṃ yathāmano ahū ti. Taṃ jayattham pappuyya pāpuṇitvā adhigantvā vinditvā paṭilabhitvā yathāmano ahū ti yathāmano ahu, yathācitto ahu, yathāsaṃkappo ahu, yathāviññāṇo ahū ti, pappuyya tam atthaṃ yathāmano ahu. Ten'; āha Bhagavā:
Pasaṃsito vā pana tattha hoti
akkhāya vādaṃ parisāya majjhe,
so hassati uṇṇamati-cca tena
pappuyya tam atthaṃ yathāmano ahū ti.
_________________________________
Sn_IV,8.7(=830): Yā unnatī, sā 'ssa vighātabhūmi,
mānātimānaṃ vadate pan'; eso,
etam pi disvā na vivādayetha,
na hi tena suddhiṃ kusalā vadanti. || Nidd_I.8:7 ||
Yā uṇṇatī sā 'ssa vighātabhūmī ti. Yā uṇṇatī uṇṇamo dhajo sampaggāho ketukamyatā cittassa sā tassa vighātabhūmi ugghātabhūmi pīlanabhūmi ghaṭṭanabhūmi upaddavabhūmi upasaggabhūmī ti, yā uṇṇatī sā 'ssa vighātabhūmi.
Mānātimānaṃ vadate pan'; eso ti. So puggalo mānañ ca vadati atimānañ ca vadatī ti, mānātimānaṃ vadate pan'; eso.
Etam pi disvā na vivādayethā ti. Etaṃ ādīnavaṃ disvā passitvā tulayitvā tīrayitvā vibhāvayitvā vibhūtaṃ katvā, diṭṭhikalahesu diṭṭhibhaṇḍanesu diṭṭhiviggahesu diṭṭhivivādesu diṭṭhimedhagesū ti, etam pi disvā. Na vivādayethā ti na kalahaṃ kareyya,
[page 171]
S.N. 831] Pasūrasuttaniddeso. 171
[... content straddling page break has been moved to the page above ...] na bhaṇḍanaṃ kareyya, na viggahaṃ kareyya, na vivādaṃ kareyya, na medhagaṃ kareyya, kalahabhaṇḍanaviggahavivādamedhagaṃ pajaheyya vinodeyya byantīkareyya anabhāvaṃ gameyya, kalahabhaṇḍanaviggahavivādamedhagā ārato assa, virato paṭivirato nikkhanto patinissaṭṭho vippamutto visaṃyutto vimariyādikatena cetasā vihareyyā ti, etam pi disvā na vivādayetha.
Na hi tena suddhiṃ kusalā vadantī ti. Kusalā ti ye te khandhakusalā dhātukusalā āyatanakusalā paticcasamuppādakusalā satipaṭṭhānakusalā sammappadhānakusalā iddhippādakusalā indriyakusalā balakusalā bojjhaṅgakusalā maggakusalā phalakusalā nibbānakusalā. Te kusalā diṭṭhikalahena diṭṭhibhaṇḍanena diṭṭhiviggahena diṭṭhivivādena diṭṭhimedhagena suddhiṃ visuddhiṃ parisuddhiṃ muttiṃ vimuttiṃ parimuttiṃ na vadanti na kathenti na bhaṇanti na dīpayanti na voharantī ti, na hi tena suddhiṃ kusalā vadanti. Ten'; āha Bhagavā:
Yā uṇṇatī, sā 'ssa vighātabhūmi,
mānātimānaṃ vadate pan'; eso,
etam pi disvā na vivādayetha,
na hi tena suddhiṃ kusalā vadantī ti.
_________________________________
Sn_IV,8.8(=831): Sūro yathā rājakhadāya puṭṭho
abhigajjam eti paṭisūram icchaṃ,
yen'; eva so tena palehi sūra,
pubb'; eva n'; atthī yadidaṃ yudhāya. || Nidd_I.8:8 ||
Sūro yathā rājakhadāya puṭṭho ti. Sūro ti sūro vīro vikkanto abhīrū achambhī anutrāsī apalāyī. Rājakhadāya puṭṭho ti rājakhādanīyena rājabhojanīyena puṭṭho posito āpādito paṭipādito vaḍḍhito ti,
[page 172]
172 Aṭṭhakavaggo. [S.N. 831
[... content straddling page break has been moved to the page above ...] sūro yathā rājakhadāya puṭṭho.
Abhigajjam eti paṭisūram icchan ti, So gajjanto uggajjanto abhigajjanto eti upeti upagacchati paṭisūraṃ paṭipūrisaṃ paṭisattuṃ paṭimallaṃ icchanto sādiyanto patthayanto pihayanto abhijappanto ti, abhigajjam eti paṭisūram icchaṃ.
Yen'; eva so tena palehi sūrā ti. Yen'; eva so diṭṭhigatiko tena palehi: ten'; eva vaja, tena gaccha, tena abhikkama; so tuyhaṃ paṭisūro paṭipūriso paṭisattu paṭimallo ti, yen'; eva so tena palehi sūra.
Pubb'; eva n'; atthī yadidaṃ yudhāyā ti. Pubb'; eva bodhiyā mūle ye paṭisenikarā kilesā paṭilomakarā paṭikaṇṭakakarā paṭipakkhakarā, te n'; atthi na santi na saṃvijjanti n'; upalabbhanti, pahīnā samucchinnā vūpasantā paṭipassaddhā abhabbuppattikā ñāṇagginā daḍḍhā.
Yadidaṃ yudhāyā ti yadidaṃ yuddhatthāya kalahatthāya bhaṇḍanatthāya viggahatthāya vivādatthāya medhagatthāyā ti'; pubb'; eva n'; atthī yadidaṃ yudhāya. Ten'; āha Bhagavā:
Sūro yathā rājakhadāya puṭṭho
abhigajjam eti paṭisūram icchaṃ,
yen'; eva so tena palehi sūra,
pubb'; eva n'; atthī yadidaṃ yudhāyā ti.
_________________________________
Sn_IV,8.9(=832): Ye diṭṭhim uggayha vivādiyanti,
idam eva saccan ti ca vādiyanti,
te tvaṃ vadassū na hi te 'dha atthi
vādamhi jāte paṭisenikattā. || Nidd_I.8:9 ||
[page 173]
S.N. 832] Pasūrasuttaniddeso. 173
Ye diṭṭhim uggayha vivādiyantī ti. Ye dvāsaṭṭhiyā diṭṭhigatānaṃ aññataraññataraṃ diṭṭhigataṃ gahetvā uggahitvā gaṇhitvā parāmasitvā abhinivisitvā vivādiyanti, kalahaṃ karonti, bhaṇḍanaṃ karonti, viggahaṃ karonti, vivādaṃ karonti, medhagaṃ karonti: na tvaṃ imaṃ dhammavinayaṃ ājānāsi, ahaṃ imaṃ dhammavinayaṃ ājānāmi; kiṃ tvaṃ imaṃ dhammavinayaṃ ājānissasi? micchāpaṭipanno tvam asi, aham asmi sammāpaṭipanno; sahitam me, asahitan te; pure vacanīyaṃ, pacchā avaca; pacchā vacanīyaṃ, pure avaca; adhiciṇṇan te viparāvattaṃ, āropito te vādo, niggahito si, cara, vādappamokkhāya nibbedhehi vā sace pahosī ti, ye diṭṭhim uggayha vivādiyanti.
Idam eva saccan ti ca vādiyantī ti. Sassato loko, idam eva saccaṃ, mogham aññan ti vādiyanti kathenti bhananti dīpayanti voharanti. Asassato loko . . . pe . . . n'; eva hoti na na hoti tathāgato paraṃmaraṇā, idam eva saccaṃ, mogham aññan ti vādiyanti kathenti bhaṇanti dīpayanti voharantī ti, idam eva saccan ti ca vādiyanti.
Te tvaṃ vadassū, na hi te 'dha atthi vādamhi jāte paṭisenikattā ti. Te tvaṃ diṭṭhigatike vadassū vādena vādaṃ niggahena niggahaṃ, paṭikkammena paṭikkammaṃ, visesena visesam, paṭivisesena paṭivisesaṃ, āvedhiyāya āvedhiyaṃ, nibbedhiyāya nibbedhiyaṃ, chedena chedaṃ, maṇḍalena maṇḍalaṃ; te tuyhaṃ paṭisūrā paṭipurisā paṭisattū paṭimallā ti te tvaṃ vadassu. Na hi te 'dha atthi vādamhi jāte paṭisenikattā ti: vāde jāte sañjāte nibbatte abhinibbatte pātubhūte ye paṭisenikattā paṭilomakattā paṭikaṇṭakakattā paṭipakkhakattā kalahaṃ kareyyuṃ,
[page 174]
174 Aṭṭhakavaggo. [S.N. 832
[... content straddling page break has been moved to the page above ...] bhaṇḍanaṃ kareyyuṃ, viggahaṃ kareyyuṃ, vivādaṃ kareyyuṃ, medhagaṃ kareyyuṃ, te n'; atthi na santi na saṃvijjanti n'; upalabbhanti, pahīnā samucchinnā vūpasantā paṭipassaddhā abhabbuppattikā ñāṇagginā daḍḍhā ti, te tvaṃ vadassū na hi te 'dha atthi vādamhi jāte paṭisenikattā. Ten'; āha Bhagavā:
Ye diṭṭhim uggayha vivādiyanti,
idam eva saccan ti ca vādiyanti,
te tvaṃ vadassu na hi te 'dha atthi
vādamhi jāte paṭisenikattā ti.
_________________________________
Sn_IV,8.10(=833): Visenikatvā pana ye caranti
diṭṭhīhi diṭṭhiṃ avirujjhamānā,
tesu tvaṃ kiṃ labhetho Pasūra,
yesīdha n'; atthī param uggahītaṃ. || Nidd_I.8:10 ||
Visenikatvā pana ye carantī ti. Senā vuccati mārasenā; kāyaduccaritaṃ mārasenā, vacīduccaritaṃ mārasenā, manoduccaritaṃ mārasenā, rāgo mārasenā, doso mārasenā, moho mārasenā, kodho upanāho makkho paḷāso issā macchariyaṃ māyā sāṭheyyaṃ thambho sārambho māno atimāno mado pamādo sabbe kilesā sabbe duccaritā sabbe darathā sabbe pariḷāhā sabbe santāpā sabbākusalabhisaṃkhārā mārasenā.
Vuttaṃ h'; etaṃ Bhagavatā:
*Kāmā te pathamā senā, dutiyārati vuccati
. . . pe . . . jetvā ca labhate sukhan ti.
Yato catūhi ariyamaggehi sabbā ca mārasenā sabbe ca paṭisenikarā kilesā jitā ca parājitā ca bhaggā vippaluggā parammukhā;
[page 175]
S.N. 834] Pasūrasuttaniddeso. 175
[... content straddling page break has been moved to the page above ...] tena vuccanti visenikatvā ye ti arahanto khīṇāsavā. Carantī ti caranti viharanti iriyanti vattenti pālenti yapenti yāpentī ti, visenikatvā pana ye caranti.
Diṭṭhīhi diṭṭhiṃ avirujjhamānā ti. Yesaṃ dvāsaṭṭhi diṭṭhigatāni pahīnāni samucchinnāni vūpasantāni paṭipassaddhāni abhabbuppattikāni ñāṇagginā daḍḍhāni; te diṭṭhīhi diṭṭhiṃ avirujjhamānā aghaṭṭiyamānā appaṭihaññamānā appaṭihatamānā ti, diṭṭhīhi diṭṭhiṃ avirujjhamānā.
Tesu tvaṃ kiṃ labhetho Pasūrā ti; tesu arahantesu khīṇāsavesu kiṃ labhetho paṭisūra paṭipurisa paṭisattu paṭimallā ti, tesu tvaṃ kiṃ labhetho Pasūra.
Yesīdha n'; atthī param uggahītan ti yesaṃ arahantānaṃ khīṇāsavānaṃ idaṃ paramaṃ aggaṃ seṭṭhaṃ viseṭṭhaṃ pāmokkhaṃ uttamaṃ pavaran ti gahitaṃ parāmaṭṭhaṃ ajjhositaṃ adhimuttaṃ n'; atthi na saṃvijjati n'; upalambhati; pahīnaṃ samucchinnaṃ vūpasantaṃ paṭipassaddhaṃ abhabbuppattikaṃ ñāṇagginā daḍḍhan ti, yesīdha n'; atthī param uggahītaṃ. Ten'; aha Bhagavā:
Visenikatvā pana ye caranti
diṭṭhīhi diṭṭhiṃ avirujjhamānā,
tesu tvaṃ kiṃ labhetho Pasūra,
yesīdha n'; atthī param uggahītan ti.
_________________________________
Sn_IV,8.11(=834): Atha tvaṃ pavitakkam āgamā
manasā diṭṭhigatāni cintayanto,
dhonena yugaṃ samāgamā,
na hi tvaṃ sakkhasi sampayātave. || Nidd_I.8:11 ||
[page 176]
176 Aṭṭhakavaggo. [S.N. 834
Atha tvaṃ pavitakkam āgamā ti. Athā ti padasandhi padasaṃsaggo padapāripūri akkharasamavāyo byañjanasiliṭṭhatā padānupubbatā-m-etaṃ, athā ti. Pavitakkam āgamā ti takkento vitakkento saṃkappento: Jayo nu kho me bhavissati, parājayo nu kho me bhavissati? kathaṃ niggahaṃ karissāmi? kathaṃ paṭikammaṃ karissāmi? kathaṃ visesaṃ karissāmi kathaṃ paṭivisesaṃ karissāmi? kathaṃ āvedhiyaṃ karissāmi? kathaṃ nibbedhiyaṃ karissāmi? kathaṃ chedaṃ karissāmi? kathaṃ maṇḍalaṃ karissāmī? ti evaṃ takkento vitakkento saṃkappento āgato 'si upāgato 'si sampatto 'si mayā saddhiṃ samāgato 'sī ti, atha tvaṃ pavitakkam āgamā.
Manasā diṭṭhigatāni cintayanto ti. Mano ti yaṃ cittaṃ mano mānasaṃ hadayaṃ paṇḍaraṃ mano manāyatanaṃ manindriyaṃ viññāṇaṃ viññāṇakkhandho, tajjā manoviññāṇadhātu. Cittena diṭṭhigatāni cintento vicintento; sassato loko ti vā, asassato loko ti vā . . . pe . . . n'; eva hoti na na hoti tathāgato paraṃmaraṇā ti vā ti, manasā diṭṭhigatāni cintayanto.
Dhonena yugaṃ samāgamā, na hi tvaṃ sakkhasi sampayātave ti. Dhonā vuccati paññā; yā paññā pajānanā . . . pe . . . amoho dhammavicayo sammādiṭṭhi. Kiṃkāraṇā dhonā vuccati paññā? Tāya paññāya kayaduccaritaṃ dhutañ ca dhotañ ca sandhotañ ca niddhotañ ca . . . pe . . . sabbākusalābhisaṃkhārā dhutā ca dhotā ca sandhotā ca niddhotā ca. Athavā sammādiṭṭhiyā micchadiṭṭhi dhutā ca dhotā ca sandhotā ca niddhotā ca . . . pe . . . sammāvimuttiyā micchāvimutti dhutā ca dhotā ca sandhotā ca niddhotā ca; athavā ariyena aṭṭhaṅgikena maggena sabbe akusalā, sabbe duccaritā, sabbe darathā, sabbe pariḷāhā, sabbe santāpā, sabbākusalābhisaṃkhārā dhutā ca dhotā ca sandhotā ca niddhotā ca. Bhagavā imehi dhoneyyehi dhammehi upeto samupeto upagato samupagato upapanno samupapanno samannāgato;
[page 177]
S.N. 834] Pasūrasuttaniddeso. 177
[... content straddling page break has been moved to the page above ...] tasmā Bhagavā dhono. So dhutarāgo dhutapāpo dhutakileso dhutapariḷāho ti dhoṇo ti. Dhonena yugaṃ samāgamā na hi tvaṃ sakkhasi sampayātave ti. Pasūro paribbājako na-ppaṭibalo dhonena Buddhena Bhagavatā saddhiṃ yugaṃ samāgamā samāgantvā yugaggāhaṃ gaṇhituṃ sākacchetuṃ sallapituṃ sākacchaṃ samāpajjituṃ. Taṃ kissa hetu? Pasūro paribbājako hīno nihīno omako lāmako jatukko paritto. So hi Bhagavā aggo ca seṭṭho ca viseṭṭho ca pāmokkho ca pavaro ca. Yathā saso na-ppaṭibalo mattena mātaṅgena saddhiṃ yugaṃ samāgamā samāgantvā yugaggāhaṃ gaṇhituṃ; yathā koṭṭhako na-ppaṭibalo sīhena migaraññā saddhiṃ yugaṃ samāgamā samāgantvā yugaggāhaṃ gaṇhituṃ; yathā vacchako taruṇako dhenupako na-ppaṭibalo usabhena balakkakunā saddhiṃ yugaṃ samāgamā samāgantvā yugaggāhaṃ gaṇhituṃ; yathā dhaṃko na-ppaṭibalo garuḷena venateyyena saddhiṃ yugaṃ samāgamā samāgantvā yugaggāhaṃ gaṇhituṃ; yathā caṇḍālo na-ppaṭibalo raññā cakkavattinā saddhiṃ yugaṃ samāgamā samāgantvā yugaggāhaṃ gaṇhituṃ; yathā paṃsupisācako na-ppaṭibalo Indena devaraññā saddhiṃ yugaṃ samāgamā samāgantvā yugaggāhaṃ gaṇhituṃ; evam eva Pasūro paribbājako na-ppaṭibalo dhonena Buddhena Bhagavatā saddhiṃ yugaṃ samāgamā samāgantvā yugaggāhaṃ gaṇhituṃ sākacchetuṃ sallapituṃ sākacchaṃ samāpajjituṃ. Taṃ kissa hetu? Pasūro paribbājako hīnapañño nihīnapañño omakapañño lāmakapañño jatukkapañño parittapañño.
So hi Bhagavā mahāpañño puthupañño hāsapañño javanapañño tikkhapañño nibbedhikapañño paññāppabhedakusalo pabhinnañāṇo adhigatapaṭisambhido catuvesārajjappatto dasabaladhārī purisāsabho purisasīho purisanāgo purisājañño purisadhorayho anantañāṇo anantatejo anantayaso aḍḍho mahaddhano dhanavā netā vinetā anunetā saññāpetā nijjhāpetā pekkhatā pasāretā.
[page 178]
178 Aṭṭhakavaggo. [S.N. 834
[... content straddling page break has been moved to the page above ...] So hi Bhagavā anuppannassa maggassa uppādetā, asañjātassa maggassa sañjānetā, anakkhātassa maggassa akkhātā, maggaññū maggavidū maggakovido; maggānugā ca pan'; assa etarahi sāvakā viharanti pacchā samannāgatā. So hi Bhagavā jānaṃ jānāti, passaṃ passati, cakkhubhūto ñāṇabhūto dhammabhūto brahmabhūto vattā pavattā, atthassa ninnetā, amatassa dātā, dhammasāmi tathāgato.
N'; atthi tassa Bhagavato aññātaṃ adiṭṭhaṃ aviditaṃ asacchikataṃ aphusitaṃ paññāya; atītaṃ anāgataṃ paccuppannaṃ upādāya sabbe dhammā sabbākārena Buddhassa Bhagavato ñāṇamukhe āpāthaṃ āgacchanti; yaṃ kiñci neyyaṃ nāma atthi jānitabbaṃ, attattho vā parattho vā ubhayattho vā, diṭṭhadhammiko vā attho samparāyiko vā attho, uttāno vā attho gambhīro vā attho, gūḷho vā attho paṭicchanno vā attho, neyyo vā attho nīto vā attho, anavajjo vā attho, nikkileso vā attho, vodāno vā attho, paramattho vā attho, sabban taṃ anto buddhañāṇe parivattati. Sabbaṃ kāyakammaṃ Buddhassa Bhagavato ñāṇānuparivattati, sabbaṃ vacīkammaṃ ñāṇānuparivattati, sabbaṃ manokammaṃ ñāṇānuparivattati. Atīte Buddhassa Bhagavato appaṭihataṃ ñāṇaṃ, anāgate Buddhassa Bhagavato appaṭihataṃ ñāṇaṃ, paccuppanne Buddhassa Bhagavato appaṭihataṃ ñāṇaṃ.
Yāvatakaṃ neyyaṃ tāvatakaṃ ñāṇaṃ, yāvatakaṃ ñāṇaṃ tāvatakaṃ neyyaṃ; neyyapariyantikaṃ ñāṇaṃ, ñāṇapariyantikaṃ neyyaṃ. Neyyaṃ atikkamitvā ñāṇaṃ na-pparivattati,
[page 179]
S.N. 834] Pasūrasuttaniddeso. 179
[... content straddling page break has been moved to the page above ...] ñāṇaṃ atikkamitvā neyyapatho n'; atthi, aññamaññapariyantaṭṭhāyino te dhammā. Yathā dvinnaṃ samuggapaṭalānaṃ sammāphusitānaṃ heṭṭhimaṃ samuggapaṭalaṃ uparimaṃ nātivattati, uparimaṃ samuggapaṭalaṃ heṭṭhimaṃ nātivattati, aññamaññapariyantaṭṭhāyino; evam eva Buddhassa Bhagavato neyyañ ca ñāṇañ ca aññamaññapariyantaṭṭhāyino: yāvatakaṃ neyyaṃ tāvatakaṃ ñāṇaṃ, yāvatakaṃ ñānaṃ tāvatakaṃ neyyaṃ; neyyapariyantikaṃ ñānaṃ, ñānapariyantikaṃ neyyaṃ, neyyaṃ atikkamitvā ñāṇaṃ na-pparivattati, ñāṇaṃ atikkamitvā neyyapatho n'; atthi; aññamaññapariyantaṭṭhāyino te dhammā.
Sabbadhammesu Buddhassa Bhagavato ñāṇaṃ pavattati, sabbe dhammā Buddhassa Bhagavato āvajjanapaṭibaddhā ākaṃkhapaṭibaddhā manasikārapaṭibaddhā cittuppādapaṭibaddhā, sabbasattesu Buddhassa Bhagavato ñāṇaṃ pavattati; sabbesaṃ sattānaṃ Bhagavā āsayaṃ jānāti anusayaṃ jānāti caritaṃ jānāti adhimuttiṃ jānāti, apparajakkhe mahārajakkhe tikkhindriye mudindriye svākāre dvākāre suviññāpaye duviññāpaye bhabbābhabbe satte pajānāti. Sadevako loko samārako sabrahmako sassamaṇabrāhmaṇī pajā sadevamanussā anto buddhañāṇe parivattati. Yathā ye keci macchakacchapā antamaso timitimiṅgalaṃ upādāya anto mahāsamudde parivattanti; evam eva sadevako loko samārako sabrahmako sassamaṇabrāhmaṇī pajā sadevamanussā anto buddhañāṇe parivattati. Yathā ye keci pakkhī antamaso garuḷaṃ venateyyaṃ upādāya ākāsassa padese parivattanti, evam eva ye pi te Sāriputtasamāpaññāya te pi Buddhañāṇassa padese parivattanti.
[page 180]
180 Aṭṭhakavaggo. [S.N. 834
[... content straddling page break has been moved to the page above ...] Buddhañāṇaṃ devamanussānaṃ paññaṃ pharitvā abhibhavitvā tiṭṭhati.
Ye pi te khattiyapaṇḍitā brāhmaṇapaṇḍitā gahapatipaṇḍitā samaṇapaṇḍitā nipuṇā kataparappavādā vālavedhirūpā vobhindantā maññe caranti paññāgatena diṭṭhigatāni, te pañhe abhisaṃkharitvā abhisaṃkharitvā tathāgataṃ upasaṃkamitvā pucchanti gūḷhāni ca paṭicchannāni ca, kathitā ca visajjitā ca te pañhā Bhagavatā honti niddiṭṭhakāraṇā upakkhittakā ca. Te Bhagavato sampajjanti. Atha kho Bhagavā tattha atirocati yadidam paññāyā ti, dhonena yugaṃ samāgamā na hi tvaṃ sakkhasi sampayātave. Ten'; āha Bhagavā:
Atha tvaṃ pavitakkam āgamā
manasā diṭṭhigatāni cintayanto,
dhonena yugaṃ samāgamā,
na hi tvaṃ sakkhasi sampayātave ti.
AṬṬHAMO PASŪRASUTTANIDDESO NIṬṬHITO.
[page 181]
NAVAMO1 MĀGANDIYASUTTANIDDESO2. 181
Sn_IV,9.1(=835): Disvāna Taṇhaṃ Aratiñ ca Rāgaṃ
nāhosi chando api methunasmiṃ;
kim'; ev'; idaṃ muttakarīsapuṇṇaṃ,
pādā pi naṃ samphusituṃ na icche. || Nidd_I.9:1 ||
Disvāna Taṇhaṃ Aratiñ ca Rāgaṃ nāhosi chando api methunasmin ti Taṇhañ ca Aratiñ ca Rāgañ ca māradhītaro disvā passitvā, methunadhamme chando vā rāgo vā pemaṃ vā nāhosī ti, disvāna Taṇhaṃ Aratiñ ca Rāgaṃ nāhosi chando api methunasmiṃ.
Kim'; ev'; idaṃ muttakarīsapuṇṇaṃ pādā pi naṃ samphusituṃ na icche ti kim'; ev'; idaṃ sarīram muttapuṇṇaṃ karīsapuṇṇam semhapuṇṇaṃ rudhirapuṇṇaṃ aṭṭhisaṃghāṭaṃ nhārusambandhaṃ rudhiramaṃsāvalepanaṃ cammāvanaddhaṃ chaviyā paṭicchannaṃ chiddāvachiddaṃ ugghariṃ magghariṃ kimisaṃghanisevitaṃ nānākalimalaparipūraṃ pādena akkamituṃ na iccheyyaṃ. Kuto pana saṃvāso vā samāgamo vā ti, kim ev'; idaṃ muttakarīsapuṇṇaṃ pādā pi naṃ samphusituṃ na icche.
[page 182]
182 Aṭṭhakavaggo. [S.N. 835
[... content straddling page break has been moved to the page above ...]
Anacchariyañ c'; etaṃ manusso yaṃ dibbe kāme patthayanto mānussake kāme na iccheyya, mānussake vā kāme patthayanto dibbe kāme na iccheyya; yaṃ tvaṃ ubho pi na icchasi, na sādiyasi na patthesi na pihesi nābhijappasi, kin te dassanaṃ, katamāya tvaṃ diṭṭhiyā samannāgato? ti pucchatī ti.
Ten'; āha Bhagavā:
Disvāna Taṇhaṃ Aratiñ ca Rāgaṃ
nāhosi chando api methunasmiṃ;
kim'; ev'; idaṃ muttakarīsapuṇṇaṃ,
pādā pi naṃ samphusituṃ na icche ti.
_________________________________
Sn_IV,9.2(=836): Etādisañ ce ratanaṃ na icchasi
nāriṃ narindehi bahūhi patthitaṃ,
diṭṭhigataṃ sīlavatānujīvitaṃ
bhavūpapattiñ ca vadesi kīdisaṃ. || Nidd_I.9:2 ||
Idaṃ vadāmī ti na tassa hoti Māgandiyā ti Bhagavā
dhammesu niccheyya samuggahītaṃ,
passañ ca diṭṭhīsu anuggahāya
ajjhattasantiṃ pacinaṃ adassaṃ. || Nidd_I.9:3 ||
Idaṃ vadāmī ti na tassa hotī ti. Idaṃ vadāmī ti idaṃ vadāmi, etaṃ vadāmi, ettakaṃ vadāmi, ettāvatā vadāmi, idam diṭṭhigataṃ vadāmi, sassato loko ti vā . . . pe . . . n'; eva hoti na na hoti tathāgato paraṃmaraṇā ti vā ti. Na tassa hotī ti na mayhaṃ hoti ettāvatā vadāmī ti na tassa hotī ti, idaṃ vadāmī ti na tassa hoti.
[page 183]
S.N. 837] Māgandiyasuttaniddeso. 183
Māgandiyā ti Bhagavā taṃ brāhmaṇaṃ nāmena ālapati.
Bhagavā ti gāravādhivacanaṃ . . . pe . . . sacchikā paññatti; yadidaṃ Bhagavā ti, Māgandiyā ti Bhagavā.
Dhammesu niccheyya samuggahītan ti. Dhammesu dvāsaṭṭhiyā diṭṭhigatesu. Niccheyyā ti nicchinitvā vinicchinitvā vicinitvā pavicinitvā tulayitvā tīrayitvā vibhāvayitvā vibhūtaṃ katvā, odhiggāho vilaggāho varaggāho koṭṭhāsaggāho uccayaggāho samuccayaggāho: idaṃ saccaṃ tacchaṃ tathaṃ bhūtaṃ yāthāvaṃ aviparittan ti gahitaṃ parāmaṭṭhaṃ abhiniviṭṭhaṃ ajjhositaṃ adhimuttaṃ n'; atthi na saṃvijjati n'; upalabbhati; pahīnaṃ samucchinnaṃ vūpasantaṃ paṭipassaddhaṃ abhabbuppattikaṃ ñāṇagginā daḍḍhan ti, dhammesu niccheyya samuggahītaṃ.
Passañ ca diṭṭhīsu anuggahāyā ti diṭṭhīsu ādīnavaṃ passanto diṭṭhiyo na gaṇhāmi na parāmasāmi na abhinivisāmi. Athavā na gaṇhitabbā na parāmasitabbā na abhinivisitabbā ti, evam pi passañ ca diṭṭhīsu anuggahāya. Athavā sassato loko, idam eva saccaṃ mogham aññan ti diṭṭhigatam etaṃ, diṭṭhigahaṇaṃ diṭṭhikantāro diṭṭhivisūkāyikaṃ diṭṭhivipphanditaṃ diṭṭhisaṃyojanaṃ sadukkhaṃ savighātaṃ sa-upāyāsaṃ sapariḷāhaṃ, na nibbidhāya, na virāgāya, na nirodhāya, na upasamāya, na abhiññāya, na sambodhāya, na nibbānāya saṃvattatī ti diṭṭhīsu ādīnavaṃ passanto, diṭṭhiyo na gaṇhāmi, na parāmasāmi, na abhinivisāmi. Athavā na gaṇhitabbā na parāmasitabbā, na abhinivisitabbā ti, evam pi passañ ca diṭṭhīsu anuggahāya.
[page 184]
184 Aṭṭhakavaggo. [S.N. 837
Asassato loko, antavā loko, anantavā loko, taṃ jīvaṃ taṃ sarīraṃ, aññaṃ jīvaṃ aññaṃ sarīraṃ, hoti tathāgato paraṃmaraṇā, na hoti tathāgato paraṃmaraṇā, hoti ca na ca hoti tathāgato paraṃmaraṇā, n'; eva hoti na na hoti tathāgato paraṃmaraṇā, idam eva saccaṃ, mogham aññan ti diṭṭhigatam etaṃ diṭṭhigahaṇaṃ diṭṭhikantāro diṭṭhivisūkāyikaṃ diṭṭhivipphanditaṃ diṭṭhisaṃyojanaṃ sadukkhaṃ savighātaṃ sa-upāyāsaṃ sapariḷāhaṃ, na nibbidhāya, na virāgāya, na nirodhāya, na upasamāya, na abhiññāya, na sambodhāya, na nibbānāya saṃvattatī ti diṭṭhīsu ādīnavaṃ passanto, diṭṭhiyo na gaṇhāmi, na parāmasāmi, na abhinivisāmi. Athavā na gaṇhitabbā, na parāmasitabbā, na abhinivisitabbā ti, evam pi passañ ca diṭṭhīsu anuggahāya. Athavā imā diṭṭhiyo evaṃgahitā evaṃ-parāmaṭṭhā evaṃ-gatikā bhavissanti evaṃabhisamparāyā ti diṭṭhīsu ādīnavaṃ passanto, diṭṭhiyo na gaṇhāmi, na parāmasāmi, na abhinivisāmi. Athavā na gaṇhitabbā, na parāmasitabbā, na abhinivisitabbā ti, evam pi passañ ca diṭṭhīsu anuggahāya. Athavā imā diṭṭhiyo nirayasaṃvattanikā tiracchānayonisaṃvattanikā pittivisayasaṃvattanikā ti diṭṭhisu ādīnavaṃ passanto diṭṭhiyo na gaṇhāmi, na parāmasāmi, nābhinivisāmi.
Athavā na gaṇhitabbā, na parāmasitabbā, nābhinivisitabbā ti, evam pi passañ ca diṭṭhīsu anuggahāya.
Athavā imā diṭṭhiyo aniccā saṃkhatā paṭiccasamuppannā khayadhammā vayadhammā virāgadhammā nirodhadhammā ti diṭṭhīsu ādīnavaṃ passanto diṭṭhiyo na gaṇhāmi, na parāmasāmi, nābhinivisāmi. Athavā na gaṇhitabbā, na parāmasitabbā, nābhinivisitabbā ti, evam pi passañ ca diṭṭhīsu anuggahāya.
[page 185]
S.N. 838] Māgandiyasuttaniddeso. 185
Ajjhattasantiṃ pacinaṃ adassan ti ajjhattaṃ santiṃ, ajjhattaṃ rāgassa santiṃ, dosassa santiṃ, mohassa santiṃ, kodhassa upanāhassa makkhassa paḷāsassa issāya macchariyassa māyāya sāṭheyyassa thambhassa sārambhassa mānassa atimānassa madassa pamādassa sabbakilesānaṃ sabbaduccaritānaṃ sabbadarathānaṃ sabbapariḷāhānaṃ sabbasantāpānaṃ sabbākusalābhisaṃkhārānaṃ santiṃ vūpasantiṃ nibbutiṃ paṭipassaddhiṃ.
Pacinan ti pacinanto vicinanto pavicinanto tulayanto tīrayanto vibhāvayanto vibhūtaṃ karonto. Sabbe saṃkhārā aniccā ti pacinanto vicinanto pavicinanto tulayanto tīrayanto vibhāvayanto vibhūtaṃ karonto.
Sabbe saṃkhārā dukkhā ti, sabbe dhammā anattā ti . . . pe . . . yaṃ kiñci samudayadhammaṃ sabban taṃ nirodhadhamman ti pacinanto vicinanto pavicinanto tulayanto tīrayanto vibhāvayanto vibhūtaṃ karonto.
Adassan ti adassaṃ adakkhiṃ passiṃ paṭivijjhin ti, ajjhattasantiṃ pacinaṃ adassaṃ. Ten āha Bhagavā:
Idaṃ vadāmī ti na tassa hoti Māgandiyā ti Bhagavā
dhammesu niccheyya samuggahītaṃ,
passañ ca diṭṭhīsu anuggahāya
ajjhattasantiṃ pacinaṃ adassan ti.
_________________________________
Sn_IV,9.4(=838): Vinicchayā yāni pakappitāni,
iti Māgandiyo
te ve munī brūsi anuggahāya,
ajjhattasantī ti yam etam atthaṃ
kathaṃ nu dhīrehi paveditan taṃ. || Nidd_I.9:4 ||
[page 186]
186 Aṭṭhakavaggo. [S.N. 838
Vinicchayā yāni pakappitānī ti. Vinicchayā vuccanti dvāsaṭṭhī diṭṭhigatāni diṭṭhivinicchayā. Pakappitānī ti kappitā abhisaṃkhatā saṇṭhapitā ti pi pakappitā.
Athavā aniccā saṃkhatā paticcasamuppannā khayadhammā vayadhammā virāgadhammā nirodhadhammā vipariṇāmadhammā ti pi pakappitā ti, vinicchayā yāni pakappitāni.
Iti Māgandiyo ti. Itī ti padasandhi . . . pe . . . padānupubbatā-m-etam, itī ti.
Te ve munī brūsi anuggahāya ajjhattasantī ti yam etam atthan ti. Te ve ti dvāsaṭṭhī diṭṭhigatāni. Munī ti monaṃ vuccati ñāṇaṃ . . . pe . . . saṅgajālam aticca so munī ti. Anuggahāyā ti. Diṭṭhīsu ādīnavaṃ passanto diṭṭhiyo na gaṇhāmi, na parāmasāmi, nābhinivisāmī ti paggaṇhāsi. Ajjhattasantī ti ca bhaṇasi. Yam etam atthan ti yaṃ paramatthan ti, te ve munī brūsi anuggahāya, ajjhattasantī ti yam etam atthaṃ.
Kathaṃ nu dhīrehi paveditan tan ti. Kathan nū ti saṃsayapucchā vimatipucchā dveḷhakapucchā anekaṃsapucchā. Evaṃ nu kho,na nu kho, kin nu kho, kathaṃ nu kho ti, kathaṃ nu.
Dhīrehī ti paṇḍitehi paññavantehi buddhimantehi ñāṇīhi vibhāvīhi medhāvīhi. Paveditan ti veditaṃ paveditaṃ ācikkhitaṃ desitaṃ paññapitaṃ paṭṭhapitaṃ vivaritaṃ vibhajitaṃ uttānīkataṃ pakāsitan ti,
[page 187]
S.N. 839] Māgandiyasuttaniddeso. 187
[... content straddling page break has been moved to the page above ...] kathaṃ nu dhīrehi paveditan taṃ. Ten āha Bhagavā:
Vinicchayā yāni pakappitāni,
iti Māgandiyo
te ve munī brūsi anuggahāya,
ajjhattasantī ti yam etam atthaṃ
kathaṃ nu dhīrehi paveditan taṃ?
_________________________________
Sn_IV,9.5(=839): Na diṭṭhiyā na sutiyā na ñānena,
Māgandiyā ti Bhagavā
sīlabbatenā pi na suddhim āha
adiṭṭhiyā assutiyā añāṇā
asīlatā abbatā no pi tena,
ete ca nissajja anuggahāya
santo anissāya bhavaṃ na jappe. || Nidd_I.9:5 ||
Na diṭṭhiyā na sutiyā na ñāṇenā ti. Diṭṭhena pi suddhiṃ visuddhiṃ parisuddhiṃ muttiṃ vimuttiṃ parimuttiṃ n'; āha, na kathesi, na bhaṇasi, na dīpayasi, na voharasi. Sutena pi suddhiṃ visuddhiṃ parisuddhiṃ muttiṃ vimuttiṃ parimuttiṃ n'; āha, na kathesi, na bhaṇasi, na dīpayasi, na voharasi. Diṭṭhasutena pi suddhiṃ visuddhiṃ parisuddhiṃ muttiṃ vimuttiṃ parimuttiṃ n'; āha, na kathesi, na bhaṇasi, na dīpayasi, na voharasi. Ñāṇena pi suddhiṃ visuddhiṃ parisuddhiṃ muttiṃ vimuttiṃ parimuttiṃ n'; āha, na kathesi, na bhaṇasi, na dīpayasi, na voharasī ti, na diṭṭhiyā na sutiyā na ñāṇena.
Māgandiyā ti Bhagavā taṃ brāhmaṇaṃ nāmena ālapati.
Bhagavā ti gāravādhivacanaṃ . . . pe . . . sacchikā paññatti, yadidaṃ Bhagavā ti, Māgandiyā ti Bhagavā.
[page 188]
188 Aṭṭhakavaggo. [S.N. 839
Sīlabbatenā pi na suddhim āhā ti sīlena pi suddhiṃ visuddhiṃ parisuddhiṃ muttiṃ vimuttiṃ parimuttiṃ n'; āha, na kathesi, na bhaṇasi, na dīpayasi na voharasi.
Vattena pi suddhiṃ visuddhiṃ parisuddhiṃ muttiṃ vimuttiṃ parimuttiṃ n'; āha, na kathesi, na bhaṇasi, na dīpayasi, na voharasi. Sīlabbatenā pi suddhiṃ visuddhiṃ parisuddhiṃ muttiṃ vimuttiṃ parimuttiṃ n'; āha, na kathesi, na bhaṇasi, na dīpayasi, na voharasī ti, sīlabbatenā pi na suddhiṃ āha.
Adiṭṭhiyā assutiyā añāṇā asīlatā abbatā no pi tenā ti.
Diṭṭhi pi icchitabbā, dasavatthukā sammādiṭṭhi: atthi dinnaṃ, atthi yiṭṭhaṃ, atthi hutaṃ, atthi sukaṭadukkaṭānaṃ kammānaṃ phalaṃ vipāko, atthi ayaṃ loko, atthi paro loko, atthi mātā, atthi pitā, atthi sattā opapātikā, atthi loke samaṇabrāhmaṇā sammaggatā sammāpaṭipannā, ye imañ ca lokaṃ parañ ca lokaṃ sayaṃ abhiññā sacchikatvā pavedentī ti.
Savanam pi icchitabbaṃ: parato ghoso, suttaṃ geyyaṃ veyyākaraṇaṃ gāthā udānaṃ itivuttakaṃ jātakaṃ abbhutadhammaṃ vedallaṃ.
Ñāṇam pi icchitabbaṃ: kammassakataṃ ñāṇaṃ saccānulomikaṃ ñāṇaṃ abhiññā ñāṇaṃ samāpattiñāṇaṃ.
Sīlam pi icchitabbaṃ: pātimokkhasaṃvaro.
Vattam pi icchitabbaṃ: aṭṭha dhutaṅgāni, āraññikaṅgaṃ {piṇḍapātikaṅgaṃ} paṃsukūlikaṅgaṃ tecīvarikaṅgaṃ sapadānacārikaṅgaṃ khalupacchābhattikaṅgaṃ nesajjikaṅgaṃ yathāsanthatikaṅgaṃ.
Adiṭṭhiyā assutiyā añāṇā asīlatā abbatā no pi tenā ti na pi sammādiṭṭhimattena,
[page 189]
S.N. 839] Māgandiyasuttaniddeso. 189
[... content straddling page break has been moved to the page above ...] na pi savanamattena, na pi ñāṇamattena, na pi sīlamattena, na pi vattamattena ajjhattasantipatto hoti, na pi vinā etehi dhammehi ajjhattasantiṃ pāpuṇāti; api ca sambhārā ime dhammā honti ajjhattasantiṃ pāpuṇituṃ adhigantuṃ phusituṃ sacchikātun ti, adiṭṭhiyā assutiyā añāṇā asīlatā abbatā no pi tena.
Ete ca nissajja anuggahāyā ti ete kaṇhapakkhikānaṃ dhammānaṃ samugghātato pahānaṃ icchitabbaṃ. Tedhātukesu kusalesu dhammesu atammayatā icchitabbā.
Yato kaṇhapakkhikā dhammā samugghātapahānena pahīnā honti ucchinnamūlā tālāvatthukatā anabhāvaṃgatā āyatiṃ anuppādadhammā, tedhātukesu ca kusalesu dhammesu atammayatā hoti. Ettāvatā pi na gaṇhāti, na parāmasati, nābhinivisati. Athavā na gaṇhitabbā, na parāmasitabbā, nābhinivisitabbā ti, evam pi ete ca nissajja anuggahāya. Yato taṇhā ca diṭṭhi ca māno ca pahīnā honti, ucchinnamūlā tālāvatthukatā anabhāvaṃgatā āyatiṃ anuppādadhammā, ettāvatā pi na gaṇhāti, na parāmasati, nābhinivisatī ti, evam pi ete ca nissajja anuggahāya. Yato puññābhisaṃkhāro ca apuññābhisaṃkhāro ca āṇeñjābhisaṃkhāro ca pahīnā honti, ucchinnamūlā tālāvatthukatā anabhāvaṅgatā āyatiṃ anuppādadhammā, ettāvatā pi na gaṇhāti, na parāmasati, nābhinivisatī ti, evam pi ete ca nissajja anuggahāya.
Santo anissāya bhavaṃ na jappe ti. Santo ti rāgassa santattā santo, dosassa santattā santo, mohassa santattā santo,
[page 190]
190 Aṭṭhakavaggo. [S.N. 839
[... content straddling page break has been moved to the page above ...] kodhassa upanāhassa makkhassa paḷāsassa issāya macchariyassa māyāya sāṭheyyassa thambhassa sārambhassa mānassa atimānassa madassa pamādassa sabbakilesānaṃ sabbaduccaritānaṃ sabbadarathānaṃ sabbapariḷāhānaṃ sabbasantāpānaṃ sabbākusalābhisaṃkhārānaṃ santattā samitattā vūpasamitattā vijjhātattā nibbutattā vigatattā paṭipassaddhattā santo vūpasanto nibbuto paṭipassaddho ti, santo.
Anissāyā ti dve nissayā, taṇhānissayo ca diṭṭhinissayo ca . . . pe . . . ayaṃ taṇhānissayo . . . pe . . . ayaṃ diṭṭhinissayo. Taṇhānissayaṃ pahāya, diṭṭhinissayaṃ paṭinissajjitvā, cakkhuṃ anissāya, sotaṃ anissāya, ghānaṃ anissāya, jivhaṃ anissāya, kāyaṃ anissāya, manaṃ anissāya, rūpe sadde gandhe rase phoṭṭhabbe kulaṃ gaṇam āvāsaṃ lābhaṃ yasaṃ pasaṃsaṃ sukhaṃ cīvaraṃ piṇḍapātaṃ senāsanaṃ gilānapaccayabhesajjaparikkhāraṃ kāmadhātuṃ rūpadhātuṃ arūpadhātuṃ kāmabhavaṃ rūpabhavaṃ arūpabhavaṃ saññābhavaṃ asaññābhavaṃ nevasaññānāsaññābhavaṃ ekavokārabhavaṃ catuvokārabhavaṃ pañcavokārabhavaṃ atītaṃ anāgataṃ paccuppannaṃ diṭṭhasutamutaviññātabbe dhamme anissāya agaṇhitvā aparāmasitvā abhinivisitvā ti, santo anissāya.
Bhavaṃ na jappe ti kāmabhavaṃ na jappeyya, rūpabhavaṃ na jappeyya, arūpabhavaṃ na jappeyya, na pajappeyya, na abhijappeyyā ti, santo anissāya bhavaṃ na jappe. Ten'; āha Bhagavā:
Na diṭṭhiyā na sutiyā na ñāṇena,
Māgandiyā ti Bhagavā
sīlabbatenā pi na suddhim āha
adiṭṭhiyā assutiyā añāṇā
asīlatā abbatā no pi tena,
ete ca nissajja anuggahāya
santo anissāya bhavaṃ na jappe ti.
_________________________________
[page 191]
S.N. 840] Māgandiyasuttaniddeso. 191
Sn_IV,9.6(=840): No ce kira diṭṭhiyā na sutiyā na ñāṇena iti Māgandiyo
sīlabbatenā pi na suddhim āha
adiṭṭhiyā assutiyā añāṇā
asīlatā abbatā no pi tena,
maññām'; ahaṃ momuham eva dhammam,
diṭṭhiyā eke paccenti suddhiṃ. || Nidd_I.9:6 ||
No ce kira diṭṭhiyā na sutiyā na ñāṇenā ti diṭṭhiyā pi suddhiṃ visuddhiṃ parisuddhiṃ muttiṃ vimuttiṃ parimuttim n'; āha, na kathesi, na bhaṇasi, na dīpayasi, na voharasi. Sutena pi suddhiṃ visuddhiṃ parisuddhim muttiṃ vimuttiṃ parimuttiṃ n'; āha, na kathesi, na bhaṇasi, na dīpayasi, na voharasi. Diṭṭhasutena pi suddhiṃ visuddhiṃ parisuddhiṃ muttiṃ vimuttiṃ parimuttiṃ n'; āha, na kathesi, na bhaṇasi, na dīpayasi, na voharasi. Ñāṇena pi suddhiṃ visuddhiṃ parisuddhim muttiṃ vimuttim parimuttiṃ n'; āha, na kathesi, na bhaṇasi, na dīpayasi, na voharasī ti, no ce kira diṭṭhiyā na sutiyā na ñāṇena.
Iti Māgandiyo ti. Itī ti padasandhi . . . pe . . . anupubbatā-m-etaṃ, itī ti. Māgandiyo ti tassa brāhmaṇassa nāman ti, iti Māgandiyo.
Sīlabbatenā pi na suddhim āhā ti sīlena pi suddhiṃ visuddhiṃ parisuddhiṃ; vattena pi suddhiṃ visuddhiṃ parissuddhiṃ sīlabbatenā pi suddhiṃ visuddhiṃ parisuddhiṃ muttiṃ vimuttiṃ parimuttiṃ n'; āha, na kathesi, na bhaṇasi, na dīpayasi, na voharasī ti, sīlabbatenā pi na suddhim āha.
[page 192]
192 Aṭṭhakavaggo. [S.N. 840
Adiṭṭhiyā assutiyā añāṇā asīlatā abbatā no pi tenā ti diṭṭhi pi icchitabbā ti evaṃ bhaṇasi, savanam pi icchitabban ti evaṃ bhaṇasi, ñāṇam pi icchitabban ti evaṃ bhaṇasi, sīlam pi icchitabban ti evaṃ bhaṇasi, vattam pi icchitabban ti evaṃ bhaṇasi. Na sakkosi ekaṃsena anujānituṃ, na sakkosi ekaṃsena paṭikkhipitun ti, adiṭṭhiyā assutiyā añāṇā asīlatā abbatā no pi tena.
Maññām'; ahaṃ momuham eva dhamman ti momūhadhammo ayaṃ tuyhaṃ bāladhammo añāṇadhammo amarāvikkhepadhammo ti evaṃ maññāmi, evaṃ jānāmi, evaṃ ājānāmi, evaṃ paṭivijjhāmī ti, maññām'; ahaṃ momuham eva dhammaṃ.
Diṭṭhiyā eke paccenti suddhin ti diṭṭhiyā eke samaṇabrāhmaṇā suddhiṃ visuddhiṃ parisuddhiṃ muttiṃ vimuttiṃ parimuttiṃ paccenti: sassato loko, idam eva saccaṃ, mogham aññan ti, diṭṭhiyā eke samaṇabrāhmaṇā suddhiṃ visuddhiṃ parisuddhiṃ muttiṃ vimuttiṃ parimuttiṃ paccenti; asassato loko . . . pe . . . n'; eva hoti na na hoti tathāgato paraṃmaraṇā, idam eva saccaṃ, mogham aññan ti diṭṭhiyā eke samaṇabrāhmaṇā suddhiṃ visuddhiṃ parisuddhiṃ muttiṃ vimuttiṃ parimuttiṃ paccentī ti, diṭṭhiyā eke paccenti suddhiṃ. Ten'; āha so brāhmaṇo:
No ce kira diṭṭhiyā na sutiyā na ñāṇena iti Māgandiyo
sīlabbatenā pi na suddhim āha
diṭṭhiyā assutiyā añāṇā
asīlatā abbatā no pi tena,
maññām'; ahaṃ momuham eva dhammaṃ,
diṭṭhiyā eke paccenti suddhin ti.
_________________________________
[page 193]
S.N. 841] Māgandiyasuttaniddeso. 193
Sn_IV,9.7(=841): Diṭṭhīsu nissāya anupucchamāno Māgandiyā ti Bhagavā
samuggahītesu pamoham āgā
ito ca nāddakkhi aṇum pi saññaṃ,
tasmā tuvaṃ momuhato dahāsi. || Nidd_I.9:7 ||
Diṭṭhīsu nissāya anupucchamāno ti. Māgandiyo brāhmaṇo diṭṭhiṃ nissāya diṭṭhiṃ pucchati, lagganaṃ nissāya laggaṇaṃ pucchati, bandhanaṃ nissāya bandhanaṃ pucchati, palibodhaṃ nissāya palibodhaṃ pucchati. Anupucchamāno ti punappunaṃ pucchatī ti, diṭṭhīsu nissāya anupucchamāno.
Māgandiyā ti Bhagavā taṃ brāhmaṇaṃ nāmena ālapati Bhagavā ti gāravādhivacanaṃ . . . pe . . . sacchikā paññatti yadidaṃ Bhagavā ti, Māgandiyā ti Bhagavā.
Samuggahītesu pamoham āgā ti yā diṭṭhi tayā gahiṭā parāmaṭṭhā abhiniviṭṭhā ajjhositā adhimuttā; tay'; eva tvaṃ diṭṭhiyā mūlho 'si, pamūḷho sammūḷho, mohaṃ āgato 'si, pamohaṃ āgato 'si, sammohaṃ āgato 'si, andhakāraṃ pakkhanto 'sī ti, samuggahītesu pamoham āgā.
Ito ca nāddakkhi aṇum pi saññan ti. Ito ajjhattasantito vā paṭipattito vā dhammadesanato vā, yuttasaññaṃ vā pattasaññaṃ vā lakkhaṇasaññaṃ vā kāraṇasaññaṃ vā ṭhānasaññaṃ vā na paṭilabhasi; kuto ñāṇan? ti, evam pi ito ca nāddakkhi aṇum pi saññaṃ.
Athavā aniccaṃ vā aniccasaññānulomaṃ vā, dukkhaṃ vā dukkhasaññānulomaṃ vā, anattaṃ vā anattasaññānulomaṃ vā, saññuppādamattaṃ vā saññānimittaṃ vā na paṭilabhasi,
[page 194]
194 Aṭṭhakavaggo. [S.N. 841
[... content straddling page break has been moved to the page above ...] kuto ñāṇan? ti, evam pi ito ca nāddakkhi aṇum pi saññaṃ.
Tasmā tuvaṃ momuhato dahāsī ti. Tasmā ti tasmā taṃkāraṇā taṃhetu taṃpaccayā taṃnidānā. Momūhadhammato bāladhammato mūlhadhammato añāṇadhammato amarāvikkhepadhammato dahāsi passasi dakkhasi olokesi nijjhāyasi upaparikkhasī ti, tasmā tuvaṃ momuhato dahāsi. Ten'; āha Bhagavā:
Diṭṭhīsu nissāya anupucchamāno Māgandiyā ti Bhagavā
samuggahītesu pamoham āgā
ito ca nāddakkhi aṇum pi saññaṃ,
tasmā tuvaṃ momuhato dahāsī ti.
_________________________________
Sn_IV,9.8(=842): Samo visesī uda vā nihīno
yo maññatī, so vivadetha tena,
tīsu vidhāsu avikampamāno
samo visesī ti na tassa hoti. || Nidd_I.9:8 ||
Samo visesī uda vā nihīno yo maññatī so vivadetha tenā ti. Sadiso 'ham asmī ti vā, seyyo 'ham asmī ti vā, nihīno 'ham asmī ti vā yo maññati, so tena mānena, tāya diṭṭhiyā, tena vā puggalena, kalahaṃ kareyya, bhaṇḍanaṃ kareyya, viggahaṃ kareyya, vivādaṃ kareyya, medhagaṃ kareyya: Na tvaṃ imaṃ dhammavinayaṃ ājānāsi, ahaṃ imaṃ dhammavinayaṃ ājānāmi; kiṃ tvaṃ imaṃ dhammavinayaṃ ājānissasi? micchāpaṭipanno tvam asi, aham asmi sammāpaṭipanno, sahitam me, asahitan te, pure vacanīyaṃ pacchā avaca, pacchā vacanīyaṃ pure avaca, adhiciṇṇan te viparāvattaṃ, āropito te vādo, niggahito tvam asi; cara vādappamokkhāya, nibbedhehi vā sace pahosī ti, samo visesī uda vā nihīno yo maññatī, so vivadetha tena.
[page 195]
S.N. 843] Māgandiyasuttaniddeso. 195
Tīsu vidhāsu avikampamāno samo visesī ti na tassa hotī ti. Yass'; etā tisso vidhā pahīnā samucchinnā vūpasantā paṭipassaddhā abhabbuppattikā, ñāṇagginā daḍḍhā, so tīsu vidhāsu na kampati, na vikampati; avikampamānassa puggalassa sadiso 'ham asmī ti vā, seyyo 'ham asmī ti vā, nihīno 'ham asmī ti vā, na tassa hotī ti, na mayhaṃ hotī ti, tīsu vidhāsu avikampamāno samo visesī ti na tassa hoti. Ten'; āha Bhagavā:
Samo visesī uda vā nihīno
yo maññatī, so vivadetha tena,
tīsu vidhāsu avikampamāno
samo visesī ti na tassa hotī ti.
_________________________________
Sn_IV,9.9(=843): Saccan ti so brāhmaṇo kiṃ vadeyya?
musā ti vā so vivadetha kena?
yasmiṃ samaṃ visamaṃ vā pi n'; atthi,
sa kena vādaṃ paṭisaṃyujeyya? || Nidd_I.9:9 ||
Saccan ti so brāhmaṇo kiṃ vadeyyā? ti. Brāhmaṇo ti sattannaṃ dhammānaṃ bāhitattā brāhmaṇo . . . pe . . . anissito tādi pavuccati sa brahmā ti. Saccan ti so brāhmaṇo kiṃ vadeyyā? ti. Sassato loko, idam eva saccaṃ, moghamaññan ti brāhmaṇo kiṃ vadeyya, kiṃ katheyya, kiṃ bhaṇeyya, kiṃ dīpayeyya, kiṃ vohareyya, asassato loko . . . pe . . . n'; eva hoti na na hoti tathāgato paraṃmaraṇā, idam eva saccaṃ, mogham aññan ti brāhmaṇo kiṃ vadeyya, kiṃ katheyya, kiṃ bhaṇeyya, kiṃ dīpayeyya, kiṃ vohareyyā? ti, saccan ti so brāhmaṇo kiṃ vadeyya?
Musā ti vā so vivadetha kenā? ti. Brāhmaṇo mayhaṃ va saccaṃ, tuyhaṃ musā ti kena mānena, kāya diṭṭhiyā, kena vā puggalena kalahaṃ kareyya, bhaṇḍanaṃ kareyya,
[page 196]
196 Aṭṭhakavaggo. [S.N. 843
viggahaṃ kareyya, vivādaṃ kareyya, medhagaṃ kareyya:
na tvaṃ imaṃ dhammavinayaṃ ājānāsi . . . pe . . . nibbedhehi vā sace pahosī? ti, musā ti vā so vivadetha kena?
Yasmiṃ samaṃ visamaṃ vā pi n'; atthī ti. Yasmin ti yasmiṃ puggale arahante khīṇāsave. Sadiso 'ham asmī ti māno n'; atthi, seyyo 'ham asmī ti atimāno n'; atthi, hīno 'ham asmī ti omāno n'; atthi, na saṃvijjati, n'; upalabbhati, pahīnaṃ samucchinnaṃ vūpasantaṃ paṭipassaddhaṃ abhabbuppattikaṃ ñāṇagginā daḍḍhan ti, yasmiṃ samaṃ visamaṃ vā pi n'; atthi.
Sa kena vādaṃ paṭisaṃyujeyyā? ti so kena mānena kāya diṭṭhiyā, kena vā puggalena vādaṃ paṭisaṃyujjeyya paṭiphareyya, kalahaṃ kareyya, bhaṇḍanaṃ kareyya, viggahaṃ kareyya, vivādaṃ kareyya, medhagaṃ kareyya:
na tvaṃ imaṃ dhammavinayaṃ ājānāsi . . . pe . . . nibbedhehi vā sace pahosī? ti, sa kena vādaṃ paṭisaṃyujeyya? Ten'; āha Bhagavā:
Saccan ti so brāhmaṇo kiṃ vadeyya?
musā ti vā so vivadetha kena?
yasmiṃ samaṃ visamaṃ vā pi n'; atthi,
sa kena vādaṃ paṭisaṃyujeyyā? ti.
_________________________________
Sn_IV,9.10(=844): Okam pahāya aniketasārī
gāme akubbaṃ muni santhavānī
kāmehi ritto apurekkharāno
kathaṃ na viggayha janena kayirā? || Nidd_I.9:10 ||
[page 197]
S.N. 844] Māgandiyasuttaniddeso. 197
*Atha kho Hālindakāni gahapati yen'; āyasmā Mahākaccāno ten'; upasaṃkami; upasaṃkamitvā āyasmantaṃ Mahākaccānaṃ abhivādetvā ekam antaṃ nisīdi; ekam antaṃ nisinno kho Hālindakāni gahapati āyasmantaṃ Mahākaccānaṃ etad avoca: Vuttam idaṃ bhante Kaccāna Bhagavatā Aṭṭhakavaggike Māgandiyapañhe:
Okaṃ pahāya aniketasārī
gāme akubbaṃ muni santhavānī
kāmehi ritto, apurekkharāno
kathaṃ na viggayha janena kayirā ti.
Imassa nu kho bhante Kaccāna Bhagavatā saṃkhittena bhāsitassa kathaṃ attho vitthārena daṭṭhabbo? ti. -Rūpadhātu kho gahapati viññāṇassa oko, rūpadhāturāgavinibandhañ ca pana viññāṇaṃ okasārī ti vuccati.
Vedanādhātu kho gahapati, saññādhātu kho gahapati, saṃkhāradhātu kho gahapati viññāṇassa oko, saṃkhāradhāturāgavinibandhañ ca pana viññāṇaṃ okasarī ti vuccati; evaṃ kho gahapati okasārī hoti.
Kathañ ca gahapati anokasārī hoti? Rūpadhātuyā kho gahapati yo chando, yo rāgo, yā nandi, yā taṇhā, ye upāyupādānā cetaso adhiṭṭhānābhinivesānusayā, te tathāgatassa pahīnā ucchinnamūlā tālāvatthukatā anabhāvaṃ gatā āyatiṃ anuppādadhammā;
[page 198]
198 Aṭṭhakavaggo. [S.N. 844
[... content straddling page break has been moved to the page above ...] tasmā tathāgato anokasārī ti vuccati. Vedanādhātuyā kho gahapati, saññādhātuyā kho gahapati, saṃkhāradhātuyā kho gahapati, viññāṇadhātuyā kho gahapati yo chando, yo rāgo, yā nandi, yā taṇhā, ye upāyupādānā cetaso adhiṭṭhānābhinivesānusayā, te tathāgatassa pahīnā ucchinnamūlā tālāvatthukatā anabhāvaṃ gatā āyatiṃ anuppādadhammā; tasmā tathāgato anokasārī ti vuccati; evaṃ kho gahapati anokasārī hoti.
Kathañ ca gahapati niketasārī hoti? Rūpanimittaniketasāravinibandhaṃ kho gahapati niketasārī ti vuccati. Saddanimittagandhanimittarasanimittaphoṭṭhabbanimittadhammanimittaniketasāravinibandhaṃ kho gahapati niketasārī ti vuccati; evaṃ kho gahapati niketasārī hoti.
Kathañ ca gahapati aniketasārī hoti? Rūpanimittaniketasāravinibandhā kho gahapati tathāgatassa pahīnā ucchinnamūlā tālāvatthukatā anabhāvaṃ gatā āyatiṃ anuppādadhammā; tasmā tathāgato aniketasārī ti vuccati.
Saddanimittagandhanimittarasanimittaphoṭṭhabbanimittadhammanimittaniketasāravinibandhā kho gahapati tathāgatassa pahīnā ucchinnamūlā tālāvatthugatā anabhāvaṃ gatā āyatiṃ anuppādadhammā; tasmā tathāgato aniketasārī ti vuccati; evaṃ kho gahapati aniketasārī hoti.
Kathañ ca gahapati gāme santhavajāto hoti?
[page 199]
S.N. 844] Māgandiyasuttaniddeso. 199
Idha gahapati ekacco gihīhi saṃsaṭṭho viharati, sahanandī sahasokī, sukhitesu sukhito, dukkhitesu dukkhito, uppannesu kiccakaraṇīyesu attanā voyogaṃ āpajjati.
Evaṃ kho gahapati gāme santhavajāto hoti.
Kathañ ca gahapati gāme na santhavajāto hoti? Idha gahapati bhikkhu gihīhi asaṃsaṭṭho viharati, na sahanandī, na sahasokī, na sukhitesu sukkhito, na dukkhitesu dukkhito, uppannesu kiccakaraṇīyesu na attanā voyogaṃ āpajjati. Evaṃ kho gahapati gāme na santhavajāto hoti.
Kathañ ca gahapati kāmehi aritto hoti? Idha gahapati ekacco kāmesu avītarāgo hoti avītachando avītapemo avītapipāso avītapariḷāho avītataṇho, evaṃ kho gahapati kāmehi aritto hoti.
Kathañ ca gahapati kāmehi ritto hoti? Idha gahapati bhikkhu kāmesu vītarāgo hoti vītachando vītapemo vītapipāso vītapariḷāho vītataṇho; evaṃ kho gahapati kāmehi ritto hoti.
Kathañ ca gahapati purekkharāno hoti? Idha gahapati ekaccassa evaṃ hoti: evaṃrūpo siyaṃ anāgatam addhānan ti, tattha nandiṃ samanvāgameti; evaṃvedano siyaṃ, evaṃsañño siyaṃ, evaṃsaṃkhāro siyaṃ, evaṃviññāṇo siyaṃ anāgatam addhānan ti, tattha nandiṃ samanvāgameti; evaṃ kho gahapati purekkharāno hoti.
[page 200]
200 Aṭṭhakavaggo. [S.N. 844
Kathañ ca gahapati apurekkharāno hoti? Idha gahapati ekaccassa evaṃ hoti: evaṃrūpo siyaṃ anāgatam addhānan ti, tattha nandiṃ na samanvāgameti, evaṃvedano siyaṃ, evaṃsañño siyaṃ, evaṃsaṃkhāro siyaṃ, evaṃviññāṇo siyaṃ anāgatam addhānan ti, tattha nandiṃ na samanvāgameti; evaṃ kho gahapati apurekkharāno hoti.
Kathañ ca gahapati kathaṃ viggayha janena kattā hoti?
Idha gahapati ekacco evarūpiṃ kathaṃ kattā hoti: na tvaṃ imaṃ dhammavinayaṃ ājānāsi . . . pe . . . nibbedhehi vā sace pahosī ti; evaṃ kho gahapati kathaṃ viggayha janena kattā hoti.
Kathañ ca gahapati kathaṃ na viggayha janena kattā hoti? Idha gahapati ekacco na evarūpiṃ kathaṃ kattā hotī: na tvaṃ imaṃ dhammavinayaṃ ājānāsi . . . pe . . . nibbedhehi vā sace pahosī ti; evaṃ kho gahapati kathaṃ na viggayha janena kattā hoti. Iti kho gahapati yan taṃ vuttaṃ Bhagavatā Aṭṭhakavaggike Māgaṇḍikapañhe:
Okam pahāya aniketasārī
gāme akubbaṃ muni santhavānī
kāmehi ritto apurekkharāno
kathaṃ na viggayha janena kayirā ti.
[page 201]
S.N. 845] Māgandiyasuttaniddeso. 201
Imassa kho gahapati Bhagavatā saṃkhittena bhāsitassa evaṃ vitthārena attho daṭṭhabbo. Ten'; āha Bhagavā:
Okam pahāya aniketasārī
gāme akubbaṃ muni santhavānī
kāmehi ritto apurekkharāno
kathaṃ na viggayha janena kayirā ti.
_________________________________
Sn_IV,9.11(=845): Yehi vivitto vicareyya loke,
na tāni uggayha vadeyya nāgo:
elambujaṃ kaṇṭakavārijaṃ yathā
jalena paṅkena c'; anūpalittaṃ,
evaṃ munī santivado agiddho
kāme ca loke ca anūpalitto. || Nidd_I.9:11 ||
Yehi vivitto vicareyya loke ti. Yehī ti yehi diṭṭhigatehi. Vivitto ti kāyaduccaritena vitto vivitto pavivitto, vacīduccaritena manoduccaritena rāgena . . . pe . . . sabbākusalābhisaṃkhārehi vitto vivitto pavivitto. Vicareyyā ti careyya vihareyya iriyeyya vatteyya pāleyya yapeyya yāpeyya. Loke ti manussaloke ti, yehi vivitto vicareyya loke.
Na tāni uggayha vadeyya nāgo ti. Nāgo ti āguṃ na karotī ti nāgo; na gacchatī ti nāgo, nāgacchatī ti nāgo.
Kathaṃ āguṃ na karotī ti nāgo? Āgu vuccanti pāpakā akusalā dhammā saṃkilesikā ponobbhavikā sadarā dukkhavipākā āyatiṃ jātijarāmaraṇīyā.
[page 202]
202 Aṭṭhakavaggo. [S.N. 845
*Āguṃ na karotī ti kiñci loke,
Sabhiyā ti Bhagavā,
sabbasaṃyoge visajja bandhanāni
sabbattha na sajjati vimutto,
nāgo tādi vuccate tathattā ti;
evaṃ āguṃ na karotī ti, nāgo.
Kathaṃ na gacchatī ti nāgo? Na chandāgatiṃ gacchati, na dosāgatiṃ gacchati, na mohāgatiṃ gacchati, na bhayāgatiṃ gacchati; na rāgavasena gacchati, na dosavasena gacchati, na mohavasena gacchati, na mānavasena gacchati, na diṭṭhivasena gacchati, na uddhaccavasena gacchati, na vicikicchāvasena gacchati, na anusayavasena gacchati, na vaggehi dhammehi yāyati niyyati vuyhati saṃhariyati; evaṃ na gacchatī ti nāgo.
Kathaṃ nāgacchatī ti nāgo? Sotāpattimaggena ye kilesā pahīnā, te kilese na puneti, na pacceti, na paccāgacchati; sakadāgāmimaggena anāgāmimaggena arahattamaggena ye kilesā pahīnā, te kilese na puneti, na pacceti, na paccāgacchati; evaṃ nāgacchatī ti nāgo.
Na tāni uggayha vadeyya nāgo ti. Nāgo na tāni diṭṭhigatāni gahetvā uggahetvā gaṇhitvā parāmasitvā abhinivisitvā vadeyya katheyya bhaṇeyya dīpayeyya vohareyya:
sassato loko asassato loko . . . pe . . . n'; eva hoti na na hoti tathāgato paraṃmaraṇā, idam eva saccaṃ, mogham aññan ti vadeyya katheyya bhaṇeyya dīpayeyya vohareyyā ti, na tāni uggayha vadeyya nāgo.
Elambujaṃ kaṇṭakavārijaṃ yathā jalena paṅkena c'; anūpalittan ti. Elaṃ vuccati udakaṃ. Ambu vuccati udakaṃ. Ambujaṃ vuccati padumaṃ. Kaṇṭako vuccati kharadaṇḍo.
[page 203]
S.N. 845] Māgandiyasuttaniddeso. 203
[... content straddling page break has been moved to the page above ...] Vāri vuccati udakaṃ. Vārijaṃ vuccati padumaṃ vārijaṃ vārisambhavaṃ. Jalaṃ vuccati udakaṃ. Paṅko vuccati kaddamo. Yathā padumaṃ vārijaṃ vārisambhavaṃ jalena ca paṅkena ca na limpati, na saṃlimpati, n'; upalimpati, alittaṃ asaṃlittaṃ anupalittan ti, elambujaṃ kaṇṭakavārijaṃ yathā jalena paṅkena c'; anūpalittaṃ.
Evaṃ munī santivado agiddho kāme ca loke ca anūpalitto ti. Evan ti opammasampaṭipādanā. Munī ti monaṃ vuccati ñāṇaṃ . . . pe . . . saṅgajālam aticca so muni.
Santivado ti santivādo muni tāṇavādo leṇavādo saraṇavādo accutavādo amatavādo nibbānavādo ti, evaṃ muni santivado.
Agiddho ti. Gedho vuccati taṇhā; yo rāgo sārāgo . . . pe . . . abhijjhā lobho akusalamūlaṃ. Yassa so gedho pahīno samucchinno vūpasanto paṭipassaddho abhabbuppattiko ñāṇagginā daḍḍho, so vuccati agiddho.
So rūpe agiddho, sadde gandhe rase phoṭṭhabbe kule gaṇe āvāse lābhe yase pasaṃsāya sukhe cīvare piṇḍapāte senāsane gilānapaccayabhesajjaparikkhāre kāmadhātuyā rūpadhātuyā arūpadhātuyā kāmabhave rūpabhave arūpabhave saññābhave asaññābhave nevasaññānāsaññābhave ekavokārabhave catuvokārabhave pañcavokārabhave atīte anāgate paccuppanne diṭṭhasutamutaviññātabbesu dhammesu agiddho agadhito amucchito anajjhopanno vītagedho cattagedho vantagedho muttagedho pahīnagedho paṭinissaṭṭhagedho vītarāgo cattarāgo vantarāgo muttarāgo pahīnarāgo paṭinissaṭṭharāgo nicchāto nibbuto sītibhūto sukhapaṭisaṃvedī brahmabhūtena attanā viharatī ti,
[page 204]
204 Aṭṭhakavaggo. [S.N. 845
[... content straddling page break has been moved to the page above ...] evaṃ munī santivado agiddho.
Kāme ca loke ca anūpalitto ti. Kāmā ti udānato dve kāmā, vatthukāmā ca kilesa kāmā ca . . . pe . . . ime vuccanti vatthukāmā . . . pe . . . ime vuccanti kilesakāmā. Loke ti apāyaloke manussaloke devaloke khandhaloke dhātuloke āyatanaloke. Lepo ti dve lepā, taṇhālepo ca diṭṭhilepo ca . . . pe . . . ayaṃ taṇhālepo . . . pe . . . ayaṃ diṭṭhilepo. Muni taṇhālepaṃ pahāya, diṭṭhilepam paṭinissajjitvā, kāme ca loke ca na limpati, na saṃlimpati, n'; upalimpati, alitto asaṃlitto anupalitto nikkhanto nissaṭṭho vippamutto visaṃyutto vimariyādikatena cetasā viharatī ti, evaṃ munī santivado agiddho kāme ca loke ca anūpalitto.
Ten'; āha Bhagavā:
Yehi vivitto careyya loke,
na tāni uggayha vadeyya nāgo:
elambujaṃ kaṇṭakavārijam yathā
jalena paṅkena c'; anūpalittaṃ,
evaṃ munī santivado agiddho
kāme ca loke ca anūpalitto ti.
_________________________________
Sn_IV,9.12(=846): Na vedagū diṭṭhiyā na mutiya
sa mānam eti, na hi tammayo so,
na kammunā no pi sutena neyyo
anūpanīto sa nivesanesu. || Nidd_I.9:12 ||
Na vedayū diṭṭhiyā na mutiyā sa mānam etī ti. Nā ti paṭikkhepo. Vedagū ti. Vedo vuccati catūsu maggesu ñāṇaṃ,
[page 205]
S.N. 846] Māgandiyasuttaniddeso. 205
[... content straddling page break has been moved to the page above ...] paññā paññindriyaṃ paññābalaṃ dhammavicayasambojjhaṅgo vīmaṃsā vipassanā sammādiṭṭhi. Tehi vedehi jātijarāmaraṇassa antagato antappatto koṭigato koṭippatto pariyantagato pariyantappatto vosānagato vosānappatto tāṇagato tāṇappatto leṇagato leṇappatto saraṇagato saraṇappatto abhayagato abhayappatto accutagato accutappatto amatagato amatappatto nibbānagato nibbānappatto. Vedānaṃ vā antaṃ gato ti vedagū, vedehi vā antagato ti vedagū, sattannaṃ vā dhammānaṃ viditattā vedagū, sakkāyadiṭṭhi viditā hoti, vicikicchā viditā hoti, sīlabbataparāmāso vidito hoti,rāgo vidito hoti, doso vidito hoti, moho vidito hoti, māno vidito hoti, vidit'; assa honti pāpakā akusalā dhammā saṃkilesikā ponobbhavikā sadarā dukkhavipākā āyatiṃ jātijarāmaraṇīyā.
*Vedāni viceyya kevalāni Sabhiyā ti Bhagavā
samaṇānaṃ yāni p'; atthi brāhmaṇānaṃ
sabbavedanāsu vītarāgo
sabbaṃ vedam aticca vedagū so ti.
Na diṭṭhiyā ti. Tassa dvāsaṭṭhī diṭṭhigatāni pahīnāni samucchinnāni vūpasantāni paṭipassaddhāni abhabbuppattikāni ñāṇagginā daḍḍhāni; so diṭṭhiyā na yāyati, na niyyati, na vuyhati, na saṃhariyati; na pi taṃ diṭṭhigataṃ sārato pacceti, na paccāgacchatī ti, na vedagū diṭṭhiyā.
Na mutiyā sa mānam etī ti. Mutarūpena vā paraghosena vā mahājanasammutiyā vā na mānaṃ eti,
[page 206]
206 Aṭṭhakavaggo. [S.N. 846
[... content straddling page break has been moved to the page above ...] na upeti, na upagacchati, na gaṇhāti, na parāmasati, nābhinivisatī ti, na vedagū diṭṭhiyā na mutiyā sa mānam eti.
Na hi tammayo so ti na taṇhāvasena diṭṭhivasena tammayo hoti tapparamo tapparāyano. Yato taṇhā ca diṭṭhi ca māno ca pahīnā honti ucchinnamūlā tālāvatthukatā anabhāvaṃ gatā āyatiṃ anuppādadhammā, ettāvatā na tammayo hoti, na tapparamo, na tapparāyano ti, na hi tammayo so.
Na kammunā no pi sutena neyyo ti. Na kammunā ti puññābhisaṃkhārena vā apuññābhisaṃkhārena vā āṇeñjābhisaṃkhārena vā na yāyati, na niyyati, na vuyhati, na saṃhariyatī ti, na kammunā. No pi sutena neyyo ti sutasuddhiyā vā paraghosena vā mahājanasammutiyā vā na yāyati, na niyyati, na vuyhati, na saṃhariyatī ti, na kammunā no pi sutena neyyo.
Anūpanīto sa nivesanesū ti. Upayo ti dve upayā, taṇhupayo ca diṭṭhupayo ca . . . pe . . . ayaṃ taṇhupayo . . . pe . . . ayaṃ diṭṭhupayo. Tassa taṇhupayo pahīno, diṭṭhupayo paṭinissaṭṭho, taṇhupayassa pahīnattā, diṭṭhupayassa paṭinissaṭṭhattā, so nivesanesu anupanīto anupalitto anupagato anajjhosito anadhimutto nikkhanto nissaṭṭho vippamutto visaṃyutto vimariyādikatena cetasā viharatī ti, anūpanīto sa nivesanesu.
[page 207]
S.N. 847] Māgandiyasuttaniddeso. 207
Ten'; āha Bhagavā:
Na vedagū diṭṭhiyā na mutiyā
sa mānam eti, na hi tammayo so,
na kammunā no pi sutena neyyo
anūpanīto sa nivesanesū ti.
_________________________________
Sn_IV,9.13(=847): Saññāvirattassa na santi ganthā,
paññāvimuttassa na santi mohā:
saññañ ca diṭṭhiñ ca ye aggahesuṃ,
te ghaṭṭayantā vicaranti loke. || Nidd_I.9:13 ||
Saññāvirattassa na santi ganthā ti yo samathapubbaṅgamaṃ ariyamaggaṃ bhāveti, tassa ādito upādāya ganthā vikkhambhitā honti; arahattappatte, arahato ganthā ca mohā ca nīvaraṇā ca kāmasaññā byāpādasaññā vihiṃsāsaññā diṭṭhisaññā ca pahīnā honti, ucchinnamūlā tālāvatthukatā anabhāvaṃ gatā āyatiṃ anuppādadhammā ti, saññāvirattassa na santi ganthā.
Paññāvimuttassa na santi mohā ti yo vipassanāpubbaṅgamaṃ ariyamaggaṃ bhāveti, tassa ādito upādāya mohā vikkhambhitā honti; arahattappatte, arahato mohā ca ganthā ca nīvaraṇā ca kāmasaññā byāpādasaññā vihiṃsāsaññā diṭṭhisaññā ca pahīnā honti, ucchinnamūlātālāvatthukatā anabhāvaṃ gatā āyatiṃ anuppādadhammā ti, paññāvimuttassa na santi mohā.
Saññañ ca diṭṭhiñ ca ye aggahesuṃ te ghaṭṭayantā vicaranti loke ti ye saññaṃ gaṇhanti, kāmasaññaṃ byāpādasaññaṃ vihiṃsāsaññaṃ, te saññāvasena ghaṭṭenti saṃghaṭṭenti. Rājāno pi rājūhi vivadanti, khattiyā pi khattiyehi vivadanti;
[page 208]
208 Aṭṭhakavaggo. [S.N. 847
[... content straddling page break has been moved to the page above ...] brāhmaṇā pi brāhmaṇehi vivadanti; gahapatī pi gahapatīhi vivadanti; mātā pi puttena vivadati; putto pi mātarā vivadati; pitā pi puttena vivadati; putto pi pitarā vivadati; bhātā pi bhātarā vivadati; bhaginī pi bhaginiyā vivadati; bhātā pi bhaginiyā vivadati; bhaginī pi bhātarā vivadati; sahāyo pi sahāyena vivadati. Te tattha kalahaviggahavivādāpannā aññamaññaṃ pāṇīhi pi upakkamanti, leḍḍūhi pi upakkamanti, satthehi pi upakkamanti. Te tattha maraṇam pi nigacchanti, maraṇamattam pi dukkhaṃ. Ye diṭṭhiṃ gaṇhanti: sassato loko ti vā . . . pe . . . n'; eva hoti na na hoti tathāgato paraṃmaraṇā ti vā, te diṭṭhivasena ghaṭṭenti saṃghaṭṭenti. Satthārato satthāraṃ ghaṭṭenti; dhammakkhānato dhammakkhānaṃ ghaṭṭenti; gaṇato gaṇaṃ ghaṭṭenti, diṭṭhiyā diṭṭhiṃ ghaṭṭenti, paṭipadāya paṭipadaṃ ghaṭṭenti, maggato maggaṃ ghaṭṭenti. Athavā te vivadanti, kalahaṃ karonti, bhaṇḍanaṃ karonti, viggahaṃ karonti, vivādaṃ karonti, medhagaṃ karonti: na tvaṃ imaṃ dhammavinayaṃ ājānāsi . . . pe . . . nibbedhehi vā sace pahosī ti.
Tesaṃ abhisaṃkhārā appahīnā; abhisaṃkhārānaṃ appahīnatta, gatiyā ghaṭṭenti, niraye ghaṭṭenti, tiracchānayoniyā ghaṭṭenti, pittivisaye ghaṭṭenti, manussaloke ghaṭṭenti, devaloke ghaṭṭenti, gatiyā gatiṃ upapattiyā upapattiṃ paṭisandhiyā paṭisandhiṃ bhavena bhavaṃ, saṃsārena saṃsāraṃ vaṭṭena vaṭṭaṃ ghaṭṭenti, ghaṭṭentā caranti viharanti iriyanti vattenti pālenti yapenti yāpenti. Loke ti apāyaloke manussaloke devaloke khandhaloke dhātuloke āyatanaloke ti, saññañ ca diṭṭhiñ ca ye aggahesuṃ te ghaṭṭayantā vicaranti loke.
[page 209]
S.N. 847] Māgandiyasuttaniddeso. 209
[... content straddling page break has been moved to the page above ...] Ten'; āha Bhagavā:
Saññāvirattassa na santi ganthā,
paññāvimuttassa na santi mohā:
saññañ ca diṭṭhiñ ca ye aggahesuṃ,
te ghaṭṭayantā vicaranti loke ti.
NAVAMO MĀGANDIYASUTTANIDDESO NIṬṬHITO.
[page 210]
210
DASAMO PURĀBHEDASUTTANIDDESO.
Sn_IV,10.1(=848): Kathaṃdassī kathaṃsīlo upasanto ti vuccati,
tam me Gotama pabrūhi pucchito uttamaṃ naraṃ. || Nidd_I.10:1 ||
Kathaṃdassī kathaṃsīlo upasanto ti vuccatī ti. Kathaṃdassī ti kīdisena dassanena samannāgato, kiṃsaṇṭhitena kiṃpakārena kiṃpaṭibhāgenā ti, kathaṃdassī. Kathaṃsīlo ti kīdisena sīlena samannāgato, kiṃsaṇṭhitena kiṃpakārena kiṃpaṭibhāgenā ti, kathaṃdassī kathaṃsīlo.
Upasanto ti vuccatī ti santo vūpasanto nibbuto paṭipassaddho ti vuccati pavuccati kathiyati bhaṇiyati dīpayati vohariyati. Kathaṃdassī ti adhipaññaṃ pucchati. Kathaṃsīlo ti adhisīlaṃ pucchati. Upasanto ti adhicittaṃ pucchatī ti, kathaṃdassī kathaṃsīlo upasanto ti vuccati.
Tam me Gotama pabruhī ti. Tan ti yaṃ pucchāmi, yaṃ yācāmi, yaṃ ajjhesāmi, yaṃ pasādemi. Gotamā ti so nimmito Buddhaṃ Bhagavantaṃ gottena ālapati.
[page 211]
S.N. 849] Purābhedasuttaniddeso. 211
Pabrūhī ti brūhi ācikkha desehi paññāpehi paṭṭhapehi vivara vibhaja uttānīkarohi pakāsehī ti, taṃ me Gotama pabrūhi.
Pucchito uttamaṃ naran ti. Pucchito ti puṭṭho pucchito yācito ajjhesito pasādito. Uttamaṃ naran ti aggaṃ seṭṭhaṃ viseṭṭhaṃ pāmokkhaṃ uttamaṃ pavaraṃ naran ti, pucchito uttamaṃ naraṃ. Ten'; āha so nimmito:
Kathaṃdassī kathaṃsīlo upasanto ti vuccati,
tam me Gotama pabrūhi pucchito uttamaṃ naran ti.
_________________________________
Sn_IV,10.2(=849): Vītataṇho purā bhedā ti Bhagavā pubbam antam anissito
vemajjhe n'; upasaṃkheyyo, tassa n'; atthi purekkhataṃ. || Nidd_I.10:2 ||
Vītataṇho purā bhedā ti Bhagavā ti purā kāyassa bhedā, purā attabhāvassa bhedā, purā kaḷevarassa nikkhepā, purā jīvitindriyassa upacchedā, vītataṇho vigatataṇho cattataṇho vantataṇho muttataṇho pahīnataṇho paṭinissaṭṭhataṇho vītarāgo vigatarāgo cattarāgo vantarāgo pahīnarāgo paṭinissaṭṭharāgo nicchāto nibbuto sītibhūto sukhapaṭisaṃvedī brahmabhūtena attanā viharatī ti. Bhagavā ti gāravādhivacanaṃ. Api ca bhaggarāgo ti Bhagavā, bhaggadoso ti Bhagavā, bhaggamoho ti Bhagavā, bhaggadiṭṭhī ti Bhagavā, bhaggakaṇṭako ti Bhagavā, bhaggakileso ti Bhagavā, bhaji vibhaji paṭivibhaji dhammaratanan ti Bhagavā, bhavānaṃ antakaro ti Bhagavā, bhāvitakāyo ti Bhagavā, bhāvitasīlo bhāvitacitto bhāvitapañño ti Bhagavā. Bhaji vā Bhagavā araññavanapatthāni pantāni senāsanāni appasaddāni appanigghosāni vijanavātāni manussarāhaseyyakāni paṭisallānasārūpānī ti Bhagavā.
[page 212]
212 Aṭṭhakavaggo. [S.N. 849
[... content straddling page break has been moved to the page above ...] Bhāgī vā Bhagavā cīvarapiṇḍapātasenāsanagilānapaccayabhesajjaparikkhārānan ti Bhagavā. Bhāgī vā Bhagavā attharasassa dhammarasassa vimuttirasassa adhisīlassa adhicittassa adhipaññāyā ti Bhagavā. Bhāgī vā Bhagavā catunnaṃ jhānānaṃ catunnaṃ appamaññānaṃ catunnaṃ arūpasamāpattīnan ti Bhagavā. Bhāgī vā Bhagavā aṭṭhannaṃ vimokkhānaṃ aṭṭhannaṃ abhibhāyatanānaṃ navannaṃ anupubbavihārasamāpattīnan ti Bhagavā. Bhāgī vā Bhagavā dasannaṃ saññābhāvanānaṃ dasannaṃ kasiṇasamāpattīnaṃ ānāpānasatisamādhissa asubhasamāpattiyā ti Bhagavā.
Bhāgī vā Bhagavā catunnaṃ satipaṭṭhānānaṃ catunnaṃ sammappadhānānaṃ catunnaṃ iddhippādānaṃ pañcannaṃ indriyānaṃ pañcannaṃ balānaṃ sattannaṃ bojjhaṅgānaṃ ariyassa aṭṭhaṅgikassa maggassā ti Bhagavā. Bhāgī vā Bhagavā dasannaṃ tathāgatabalānaṃ catunnaṃ vesārajjānaṃ catunnaṃ paṭisambhidānaṃ channaṃ abhiññānaṃ channaṃ buddhadhammānan ti Bhagavā. Bhagavā ti n'; etaṃ nāmaṃ mātarā kataṃ, na pitarā katam, na bhātarā kataṃ, na bhaginiyā kataṃ, na mittāmaccehi kataṃ, na ñātisālohitehi kataṃ, na samaṇabrāhmaṇehi kataṃ, na devatāhi kataṃ, vimokkhantikam etaṃ Buddhānaṃ Bhagavantānaṃ bodhiyā mūle saha sabbaññutañāṇassa paṭilābhā sacchikā paññatti, yadidaṃ Bhagavā ti, vītataṇho purā bhedā ti Bhagavā.
Pubbam antam anissito ti pubbanto vuccati atīto addhā; atītaṃ addhānaṃ ārabbha taṇhā pahīnā hoti, diṭṭhi paṭinissaṭṭhā, taṇhāya pahīnattā diṭṭhiyā paṭinissaṭṭhattā, evam pi pubbaṃ antam anissito. Athavā evaṃrūpo ahosiṃ atītam addhānan ti, tattha nandiṃ na samanvāgameti. Evaṃvedano ahosiṃ, evaṃsañño ahosiṃ,
[page 213]
S.N. 849] Purābhedasuttaniddeso. 213
evaṃsaṃkhāro ahosiṃ, evaṃviññāno ahosiṃ atītam addhānan ti, tattha nandiṃ na samanvāgameti, evam pi pubbaṃ antam anissito. Athavā iti me cakkhu ahosi atītam addhānaṃ, iti rūpā ti, tattha na chandarāgapaṭibaddhaṃ hoti viññāṇaṃ; na chandarāgapaṭibaddhattā viññāṇassa na tad abhinandati, na tad abhinandanto, evam pi pubbaṃ antam anissito. Iti me sotaṃ ahosi atītam addhāṇaṃ, iti saddā ti, iti me ghānaṃ ahosi atītam addhānaṃ, iti gandhā ti, iti me jivhā ahosi atītam addhānaṃ, iti rasā ti, iti me kāyo ahosi atītam addhānaṃ, iti phoṭṭhabbā ti, iti me mano ahosi atītam addhānaṃ, iti dhammā ti, tattha na chandarāgapaṭibaddhaṃ hoti viññāṇaṃ, na chandarāgapaṭibaddhattā viññāṇassa, na tad abhinandati, na tadabhinandanto, evam pi pubbaṃ antam anissito. Athavā yān'; assu tāni pubbe mātugāmena saddhiṃ hasitalapitakathitakīḷitāni na tad assādeti, na taṃ nikāmeti, na ca tena pavittiṃ āpajjati, evam pi pubbam antam anissito.
Vemajjhe n'; upasaṃkheyyo ti vemajjhe vuccati paccuppanno addhā; paccuppannaṃ addhānaṃ ārabbha taṇhā pahīnā hoti, diṭṭhi paṭinissaṭṭhā, taṇhāya pahīnattā diṭṭhiyā paṭinissaṭṭhattā ratto ti n'; upasaṃkheyyo, duṭṭho ti n'; upasaṃkheyyo, mūḷho ti n'; upasaṃkheyyo, vinibandho ti n'; upasaṃkheyyo, parāmaṭṭho ti n'; upasaṃkheyyo, vikkhepagato ti n'; upasaṃkheyyo, aniṭṭhaṅgato ti n'; upasaṃkheyyo, thāmagato ti n'; upasaṃkheyyo; te abhisaṃkhārā pahīnā, abhisaṃkhārānaṃ pahīnattā gatiyā n'; upasaṃkheyyo, nerayiko ti vā, tiracchānayoniko ti vā, pittivisayiko ti vā, manusso ti vā, devo ti vā,
[page 214]
214 Aṭṭhakavaggo. [S.N. 849
rūpī ti vā, arūpī ti vā, saññī ti vā, asaññī ti vā, nevasaññī nāsaññī ti vā. So hetu n'; atthi, paccayo n'; atthi, kāraṇaṃ n'; atthi, yena saṃkhaṃ gaccheyyā ti, vemajjhe n'; upasaṃkheyyo.
Tassa n'; atthi purekkhatan ti. Tassā ti arahato khīṇāsavassa. Purekkhāro ti dve purekkhārā, taṇhāpurekkhāro ca diṭṭhipurekkhāro ca . . . pe . . . ayaṃ taṇhāpurekkhāro . . . pe . . . ayaṃ diṭṭhipurekkhāro. Tassa taṇhāpurekkhāro pahīno, diṭṭhipurekkhāro paṭinissaṭṭho, taṇhāpurekkhārassa pahīnattā diṭṭhipurekkhārassa paṭinissaṭṭhattā, na taṇhaṃ vā diṭṭhiṃ vā purato katvā carati, na taṇhādhajo, na taṇhāketu, na taṇhādhipateyyo, na diṭṭhidhajo, na diṭṭhiketu, na diṭṭhādhipateyyo, na taṇhāya vā diṭṭhiyā vā parivārito caratī ti, evam pi tassa n'; atthi purekkhataṃ. Athavā evaṃrūpo siyaṃ anāgatam addhānan ti, tattha nandiṃ na samanvāgameti, evaṃvedano siyaṃ, evaṃsañño siyaṃ, evaṃsaṃkhāro siyaṃ, evaṃviññāṇo siyaṃ anāgatam addhānan ti, tattha nandiṃ na samanvāgameti, evam pi tassa n'; atthi purekkhataṃ.
Athavā iti me cakkhu siyā anāgatam addhānaṃ, iti rūpā ti appaṭiladdhassa paṭilābhāya cittaṃ na paṇidahati, cetaso appaṇidhānapaccayā na tad abhinandati, na tad abhinandanto, evam pi tassa n'; atthi purekkhataṃ. Iti me sotaṃ siyā anāgatam addhānaṃ, iti saddā ti; iti me ghānaṃ siyā anāgatam addhānaṃ, iti gandhā ti; iti me jivhā siyā anāgatam addhānaṃ, iti rasā ti; iti me kāyo siyā anāgatam addhānaṃ, iti phoṭṭhabbā ti; iti me mano siyā anāgatam addhānaṃ, iti dhammā ti appaṭiladdhassa paṭilābhāya cittaṃ na paṇidahati, cetaso appaṇidhānapaccayā na tad abhinandati, na tad abhinandanto, evam pi tassa n'; atthi purekkhataṃ. Athavā imināhaṃ sīlena vā vattena vā tapena vā brahmacariyena vā devo vā bhavissāmi devaññataro vā ti appaṭiladdhassa paṭilābhāya cittaṃ na paṇidahati,
[page 215]
S.N. 850] Purābhedasuttaniddeso. 215
[... content straddling page break has been moved to the page above ...] cetaso appaṇidhānapaccayā na tad abhinandati, na tadabhinandanto, evam pi tassa n'; atthi purekkhataṃ. Ten'; āha Bhagavā:
Vītataṇho purā bhedā ti Bhagavā pubbam antaṃ anissito
vemajjhe n'; upasaṃkheyyo, tassa n'; atthi purekkhatan ti.
_________________________________
Sn_IV,10.3(=850): Akkodhano asantāsī, avikatthī akukkuco,
mantābhāṇī anuddhato, sa ve vācāyato munī. || Nidd_I.10:3 ||
Akkodhano asantāsī ti. Akkodhano ti hi kho vuttaṃ, api ca kodho tāva vattabbo. Dasah'; ākārehi kodho jāyati: anattham me carī ti kodho jāyati, anattham me caratī ti kodho jāyati, anattham me carissatī ti kodho jāyati, piyassa me manāpassa anatthaṃ acarī ti, anatthaṃ caratī ti, anatthaṃ carissatī ti kodho jāyati, appiyassa me amanāpassa atthaṃ acarī ti, atthaṃ caratī ti, appiyassa me amanāpassa atthaṃ carissatī ti kodho jāyati, aṭṭhāne vā pana kodho jāyati. Yo evarūpo cittassa āghāto, paṭighāto paṭighaṃ paṭinirodho kopo pakopo sampakopo doso padoso sampadoso cittassa, byāpatti manopadoso kodho kujjhanā kujjhitattaṃ doso dussanā dussitattaṃ byāpatti byāpajjanā byāpajjitattaṃ virodho paṭivirodho caṇḍikkaṃ assuropo, anattamanatā cittassa; ayaṃ vuccati kodho.
[page 216]
216 Aṭṭhakavaggo. [S.N. 850
Api ca kodhassa adhimattaparittatā veditabbā. Atthi kañci kālaṃ kodho cittāvilakaraṇamatto hoti, na ca tāva mukhakulānavikulāno hoti. Atthi kañci kālaṃ kodho mukhakulānavikulānamatto hoti, na ca tāva hanusañcopano hoti. Atthi kañci kālaṃ kodho hanusañcopanamatto hoti, na ca tāva pharusavācaniccharāṇo hoti.
Atthi kañci kālaṃ kodho pharusavācanicchāraṇamatto hoti, na ca tāva disāvidisaṃ anuvilokano hoti. Atthi kañci kālaṃ kodho disāvidisaṃ anuvilokanamatto hoti, na ca tāva daṇḍasatthaparāmasano hoti. Atthi kañci kālaṃ kodho daṇḍasatthaparāmasanamatto hoti, na ca tāva daṇḍasattha-abbhukkiraṇo hoti. Atthi kañci kālaṃ kodho daṇḍasattha-abbhukkiraṇamatto hoti, na ca tāva daṇḍasattha-abhinipātano hoti. Atthi kañci kālaṃ kodho daṇḍasattha-abhinipātanamatto hoti, na ca tāva chindavicchindakaraṇo hoti. Atthi kañci kālaṃ kodho chindavichindakaraṇamatto hoti, na ca tāva sambhañjanaparibhañjano hoti. Atthi kañci kālaṃ kodho sambhañjanaparibhañjanamatto hoti, na ca tāva aṅgamaṅgāpakaḍḍhano hoti. Atthi kañci kālaṃ kodho {aṅgamaṅgāpakaḍḍhanamatto} hoti, na ca tāva jīvitapanāsano hoti. Atthi kañci kālaṃ kodho jīvitapanāsanamatto hoti, na ca tāva sabbacāgaparicāgasaṇṭhito hoti. Yato kodho parapuggalaṃ ghātetvā attānaṃ ghāteti; ettāvatā kodho paramussadagato paramavepullapatto hoti.
Yass'; eso kodho pahīno samucchinno vūpasanto paṭipassaddho abhabbuppattiko ñāṇagginā daḍḍho,
[page 217]
S.N. 850] Purābhedasuttaniddeso. 217
[... content straddling page break has been moved to the page above ...] so vuccati akkodhano. Kodhassa pahīnattā akkodhano, kodhavatthussa pariññātattā akkodhano, kodhahetussa ucchinnattā akkodhano ti, akkodhano.
Asantāsī ti. Idh'; ekacco tāsī hoti uttāsī parittāsī. So tasati uttasati paritasati bhāyati santāsaṃ āpajjati:
kulaṃ vā na labhāmi, gaṇaṃ vā na labhāmi, āvāsaṃ vā na labhāmi, lābhaṃ vā na labhāmi, yasaṃ vā na labhāmi, pasaṃsaṃ vā na labhāmi, sukhaṃ vā na labhāmi, cīvaraṃ vā na labhāmi, piṇḍapātaṃ vā na labhāmi, senāsanaṃ vā na labhāmi, gilānapaccayabhesajjaparikkhāraṃ vā na labhāmi, gilānupaṭṭhākaṃ vā na labhāmi, appaññāto 'mhī ti.
Idha bhikkhu asantāsī hoti anuttāsī aparittāsī. So na tasati, na uttasati, na paritasati, na bhāyati, na santāsaṃ āpajjati: kulaṃ vā na labhāmi, gaṇaṃ vā na labhāmi, āvāsaṃ vā na labhāmi, lābhaṃ vā na labhāmi, yasaṃ vā na labhāmi, pasaṃsaṃ vā na labhāmi, sukhaṃ vā na labhāmi, cīvaraṃ vā na labhāmi, piṇḍapātaṃ vā na labhāmi, senāsanaṃ vā na labhāmi, gilānapaccayabhesajjaparikkhāraṃ vā na labhāmi, gilānupaṭṭhākaṃ vā na labhāmi, appaññāto 'mhī ti, na tasati, na uttasati, na parittasati, na bhāyati, na santāsaṃ āpajjatī ti, akkodhano asantāsī.
Avikatthī akukkuco ti. Idh'; ekacco katthī hoti vikatthī.
So katthati vikatthati: aham asmi sīlasampanno ti vā, sīlabbatasampanno ti vā, jātiyā vā gottena vā kolaputtikena vā vaṇṇapokkharatāya vā dhanena vā ajjhenena vā kammāyatanena vā sippāyatanena vā vijjaṭṭhānena vā sutena vā paṭibhāṇena vā aññataraññatarena vā vatthunā,
[page 218]
218 Aṭṭhakavaggo. [S.N. 850
uccākulā pabbajito ti vā, mahākulā pabbajito ti vā, mahābhogakulā pabbajito ti vā, uḷārabhogakulā pabbajito ti vā, ñāto yasassī gahaṭṭhapabbajitānan ti vā, lābhi 'mhi cīvarapiṇḍapātasenāsanagilānapaccayabhesajjaparikkhārānan ti vā, suttantiko ti vā, vinayadharo ti vā, dhammakathiko ti vā, āraññiko ti vā, piṇḍapātiko ti vā, paṃsukūliko ti vā, tecīvariko ti vā, sapadānacāriko ti vā, khalupacchābhattiko ti vā, nesajjiko ti vā, yathāsanthatiko ti vā, paṭhamassa jhānassa lābhī ti vā, dutiyassa jhānassa lābhī ti vā, tatiyassa jhānassa lābhī ti vā, catutthassa jhānassa lābhī ti vā, ākāsānañcāyatanasamāpattiyā viññāṇañcāyatanasamāpattiyā ākiñcaññāyatanasamāpattiyā nevasaññānāsaññāyatanasamāpattiyā lābhī ti vā katthati vikatthati; evaṃ na katthati na vikatthati, katthanā ārato virato paṭivirato nikkhanto nissaṭṭho vippamutto visaṃyutto vimariyādikatena cetasā viharatī ti, avikatthī.
Akukkuco ti. Kukkuccan ti hatthakukkuccam pi kukkuccaṃ, pādakukkuccam pi kukkuccaṃ, hatthapādakukkuccam pi kukkuccaṃ, akappiye kappiyasaññitā, kappiye akappiyasaññitā, vikāle kālasaññitā avajje vajjasaññitā, vajje avajjasaññitā; yaṃ evarūpaṃ kukkuccaṃ, kukkuccāyanā, kukkuccāyitattaṃ, cetaso vippaṭisāro, manovilekho; idaṃ vuccati kukkuccaṃ.
Api ca dvīhi kāraṇehi uppajjati kukkuccaṃ, cetaso vippaṭisāro manovilekho, katattā ca akatattā ca.
Kathaṃ katattā ca akatattā ca uppajjati kukkuccaṃ cetaso vippaṭisāro manovilekho? Kataṃ me kāyaduccaritaṃ, akataṃ me kāyasucaritan ti uppajjati kukkuccaṃ cetaso vippaṭisāro manovilekho. Kataṃ me vacīduccaritaṃ, akataṃ me vacīsucaritan ti uppajjati kukkuccaṃ cetaso vippaṭisāro manovilekho. Kataṃ me manoduccaritaṃ, akataṃ me manosucaritan ti uppajjati kukkuccaṃ cetaso vippaṭisāro manovilekho. Kato me pāṇātipāto, akatā me pāṇātipātā veramaṇī ti uppajjati kukkuccaṃ cetaso vippaṭisāro manovilekho. Kataṃ me adinnādānaṃ,
[page 219]
S.N. 850] Purābhedasuttaniddeso. 219
[... content straddling page break has been moved to the page above ...] akatā me adinnādānā veramaṇī ti uppajjati kukkuccaṃ cetaso vippaṭisāro manovilekho. Kato me kāmesu micchācāro, akatā me kāmesu micchācārā veramanī ti uppajjati kukkuccaṃ cetaso vippaṭisāro manovilekho. Kato me musāvādo, akatā me musāvādā veramaṇī ti. Katā me pisuṇā vācā, akatā me pisuṇāya vācāya veramaṇī ti. Katā me pharusā vācā, akatā me pharusāya vācāya veramaṇī ti. Kato me samphappalāpo, akatā me samphappalāpā veramaṇī ti. Katā me abhijjhā, akatā me anabhijjhā ti. Kato me byāpādo, akato me abyāpādo ti.
Katā me micchādiṭṭhi, akatā me sammādiṭṭhī ti uppajjati kukkuccaṃ cetaso vippaṭisāro manovilekho; evaṃ katattā ca akatattā ca uppajjati kukkuccaṃ cetaso vippatisāro manovilekho. Athavā sīlesu 'mhi na paripūrakārī ti uppajjati kukkuccaṃ cetaso vippaṭisāro manovilekho.
Indriyesu 'mhi aguttadvāro ti. Bhojane amattaññū 'mhī ti. Jāgariyaṃ ananuyutto 'mhī ti. Na satisampajaññena samannāgato 'mhī ti. Abhāvitā me cattāro satipaṭṭhānā ti. Abhāvitā me cattāro sammappadhānā ti. Abhāvitā me cattāro iddhippādā ti. Abhāvitāni me pañc'; indriyānī ti. Abhāvitāni me pañca balānī ti. Abhāvitā me satta bojjhaṅgā ti. Abhāvito me ariyo aṭṭhaṅgiko maggo ti.
Dukkhaṃ me apariññātan ti. Samudayo me appahīno ti. Maggo me abhāvito ti. Nirodho me asacchikato ti uppajjati kukkuccaṃ cetaso vippatisāro manovilekho.
Yass'; etaṃ kukkuccaṃ pahīnaṃ samucchinnaṃ vūpasantaṃ paṭipassaddhaṃ abhabbuppattikaṃ ñāṇagginā daḍḍhaṃ, so vuccati akukkucco ti, avikatthī akukkuco.
Mantābhāṇī anuddhato ti mantā vuccati paññā; yā paññā pajānanā . . . pe . . . amoho dhammavicayo sammādiṭṭhi. Mantāya pariggahetvā vācaṃ bhāsati, bahum pi kathento, bahum pi bhaṇanto, bahum pi dīpayanto, bahum pi voharanto, dukkaṭaṃ dukkathitaṃ dubbhāsitaṃ dubbhaṇitaṃ dullapitaṃ duruttaṃ vācaṃ na bhāsatī ti,
[page 220]
220 Aṭṭhakavaggo. [S.N. 850
[... content straddling page break has been moved to the page above ...] mantābhāṇī. Anuddhato ti. Tattha katamaṃ uddhaccaṃ? Yaṃ cittassa uddhaccaṃ avūpasamo, cetaso vikkhepo, bhantattaṃ cittassa, idaṃ vuccati uddhaccaṃ. Yass'; etaṃ uddhaccaṃ pahīnaṃ samucchinnaṃ vūpasantaṃ paṭipassaddhaṃ abhabbuppattikaṃ ñāṇagginā daḍḍhaṃ, so vuccati anuddhato ti, mantābhāṇī anuddhato.
Sa ve vācāyato munī ti. Idha bhikkhu musāvādaṃ pahāya musāvādā paṭivirato hoti saccavādī saccasandho theto paccayiko avisaṃvādako lokassa. Pisuṇaṃ vācaṃ pahāya pisuṇāya vācāya paṭivirato hoti; ito sutvā na amutra akkhātā imesaṃ bhedāya, amutra vā sutvā na imesaṃ akkhātā amūsaṃ bhedāya; iti bhinnānaṃ vā sandhātā, sahitānaṃ vā anuppadātā, samaggārāmo samaggarato samagganandī samaggakaraṇiṃ vācaṃ bhāsitā hoti.
Pharusaṃ vācaṃ pahāya pharusāya vācāya paṭivirato hoti; yā sā vācā nelā kaṇṇasukhā pemanīyā hadayaṅgamā porī bahujanakantā bahujanamanāpā, tathārūpiṃ vācaṃ bhāsitā hoti. Samphappalāpaṃ pahāya samphappalāpā paṭivirato hoti, kālavādī bhūtavādī atthavādī dhammavādī vinayavādī nidānavatiṃ vācaṃ bhāsitā hoti, kālena sāpadesaṃ pariyantavatiṃ atthasaṃhitaṃ. Catūhi vacīsucaritehi samannāgato catudosāgataṃ vācaṃ bhāsati, dvattiṃsāya tiracchānakathāya ārato virato paṭivirato nikkhanto paṭinissaṭṭho vippamutto visaṃyutto vimariyādikatena cetasā viharati. Dasavatthūni katheti, seyyathīdaṃ appicchakathaṃ katheti, santuṭṭhikathaṃ pavivekakatham asaṃsaggakathaṃ viriyārambhakathaṃ sīlakathaṃ samādhikathaṃ paññākathaṃ vimuttikathaṃ vimuttiñāṇadassanakathaṃ satipaṭṭhānakathaṃ sammappadhānakathaṃ iddhippādakathaṃ indriyakathaṃ balakathaṃ bojjhaṅgakathaṃ maggakathaṃ phalakatham nibbānakathaṃ katheti.
[page 221]
S.N. 851] Purābhedasuttaniddeso. 221
[... content straddling page break has been moved to the page above ...]
Vācāyato ti yatto paṭiyatto gutto gopito rakkhito saṃvuto vūpasanto.
Munī ti monaṃ vuccati ñāṇaṃ . . . pe . . . saṅgajālam aticca so munī* ti, sa ve vācāyato muni. Ten āha Bhagavā:
Akkodhano asantāsī, avikatthī akukkuco,
mantābhāṇī anuddhato, sa ve vācāyato munī ti.
_________________________________
Sn_IV,10.4(=851): Nirāsattī anāgate atītaṃ nānusocati,
vivekadassī phassesu diṭṭhīsu ca na niyyati. || Nidd_I.10:4 ||
Nirāsattī anāgate ti āsatti vuccati taṇhā; yo rāgo sārāgo . . . pe . . . abhijjhā lobho akusalamūlaṃ. Yass'; esā āsatti taṇhā pahīnā samucchinnā vūpasantā paṭipassaddhā abhabbuppattikā ñāṇagginā daḍḍhā ti, evam pi nirāsattī anāgate. Athavā evaṃrūpo siyaṃ anāgatam addhānan ti, tattha nandiṃ na samanvāgameti. Evaṃvedano siyaṃ, evaṃsañño siyaṃ, evaṃsaṃkhāro siyaṃ, evaṃviññāṇo siyaṃ anāgatam addhānan ti, tattha nandiṃ na samanvāgameti, evam pi nirāsattī anāgate. Athavā iti me cakkhu siyā anāgatam addhānaṃ, iti rūpā ti, appaṭiladdhassa paṭilābhāya cittaṃ na paṇidahati, cetaso appaṇidhānapaccayā na tad abhinandati, na tad abhinandanto, evam pi nirāsattī anāgate. Iti me sotaṃ siyā anāgatam addhānaṃ, iti saddā ti . . . pe . . . iti me mano siyā anāgatam addhānaṃ, iti dhammā ti, appaṭiladdhassa paṭilābhāya cittaṃ na paṇidahati, cetaso appaṇidhānapaccayā na tad abhinandati,
[page 222]
222 Aṭṭhakavaggo. [S.N. 851
[... content straddling page break has been moved to the page above ...] na tad abhinandanto, evam pi nirāsattī anāgate. Athavā imināhaṃ sīlena vā vattena vā tapena vā brahmacariyena vā devo vā bhavissāmi devaññataro vā ti, appaṭiladdhassa paṭilābhāya cittaṃ na paṇidahati, cetaso appaṇidhānapaccayā na tad abhinandati, na tad abhinandanto, evam pi nirāsattī anāgate.
Atītaṃ nānusocatī ti vipariṇataṃ vā vatthu na socati.
Vipariṇatamhi vā vatthusmiṃ na socati: cakkhuṃ me vipariṇatan ti na socati, sotaṃ me, ghānaṃ me, jivhā me, kāyo me, rūpā me, saddā me, gandhā me, rasā me, phoṭṭhabbā me, kulaṃ me, gaṇaṃ me, āvāso me, lābho me, yaso me, pasaṃsā me, sukhaṃ me, cīvaraṃ me, piṇḍapāto me, senāsanaṃ me, gilānapaccayabhesajjaparikkhāro me, mātā me, pitā me, bhātā me, bhaginī me, putto me, dhītā me, mittāmaccā me, ñātakā me, sālohitā me vipariṇatā ti na socati, na kilamati, na paridevati, na urattāḷiṃ kandati, na sammohaṃ āpajjatī ti, atītaṃ nānusocati.
Vivekadassī phassesū ti. Phasso ti cakkhusamphasso sotasamphasso ghānasamphasso jivhāsamphasso kāyasamphasso manosamphasso adhivacanasamphasso paṭighasamphasso sukhavedanīyo samphasso dukkhavedanīyo samphasso adukkha-m-asukhavedanīyo samphasso kusalo phasso akusalo phasso abyākato phasso kāmāvacaro phasso rūpāvacaro phasso arūpāvacaro phasso suññato phasso animitto phasso appaṇihito phasso lokiyo phasso lokuttaro phasso atīto phasso anāgato phasso paccuppanno phasso; yo evarūpo phasso phusanā samphusanā samphusitattaṃ; ayaṃ vuccati phasso.
Vivekadassī phassesū ti cakkhusamphassaṃ vivittaṃ passati attena vā attaniyena vā niccena vā dhuvena vā sassatena vā avipariṇāmadhammena vā. Sotasamphassaṃ vivittaṃ passati,
[page 223]
S.N. 851] Purābhedasuttaniddeso. 223
[... content straddling page break has been moved to the page above ...] ghānasamphassaṃ vivittaṃ pāssati, jivhāsamphassaṃ vivittaṃ passati, kāyasamphassaṃ vivittaṃ passati, manosamphassaṃ vivittaṃ passati, adhivacanasamphassaṃ vivittaṃ passati, paṭighasamphassaṃ vivittaṃ passati, sukhavedanīyaṃ samphassaṃ, dukkhavedanīyaṃ samphassaṃ, adukkha-m-asukhavedanīyam samphassaṃ, kusalaṃ phassaṃ vivittaṃ passati, akusalaṃ phassaṃ vivittaṃ passati, abyākataṃ phassaṃ vivittaṃ passati, kāmāvacaraṃ phassaṃ, rūpāvacaraṃ phassaṃ, arūpāvacaraṃ phassaṃ, lokiyaṃ phassaṃ, lokuttaraṃ phassaṃ vivittaṃ passati attena vā attaniyena vā niccena vā dhuvena vā sassatena vā avipariṇāmadhammena vā.
Athavā atītaṃ phassaṃ anāgatehi ca phassehi paccuppannehi ca phassehi vivittaṃ passati; anāgataṃ phassaṃ atītehi ca phassehi paccuppannehi ca phassehi vivittaṃ passati; paccuppannaṃ phassaṃ atītehi ca phassehi anāgatehi ca phassehi vivittaṃ passati.
Athavā ye te phassā ariyā anāsavā lokuttarā suññatapaṭisaṃyuttā, te phasse vivitte passati rāgena dosena mohena kodhena upanāhena makkhena paḷāsena issāya macchariyena māyāya sāṭheyyena thambhena sārambhena mānena atimānena madena pamādena sabbakilesehi sabbaduccaritehi sabbadarathehi sabbapariḷāhehi sabbasantāpehi sabbākusalābhisaṃkhārehi vivitte passatī ti, vivekadassī phassesu.
Diṭṭhīsu ca na niyyatī ti tassa dvāsaṭṭhī diṭṭhigatāni pahīnāni samucchinnāni vūpasantāni paṭipassaddhāni abhabbuppattikāni ñāṇagginā daḍḍhāni, so diṭṭhiyā na yāyati, na niyyati, na vuyhati, na saṃhariyati, na pi taṃ diṭṭhigataṃ sārato pacceti paccāgacchatī ti, diṭṭhīsu ca na niyyati. Ten'; āha Bhagavā:
[page 224]
224 Aṭṭhakavaggo. [S.N. 852
Nirāsattī anāgate atītaṃ nānusocatī,
vivekadassī phassesu diṭṭhīsu ca na niyyatī ti.
_________________________________
Sn_IV,10.5(=852): Patilīno akuhako, apihālu amaccharī,
appagabbho ajeguccho, pesuṇeyye ca no yuto. || Nidd_I.10:5 ||
Patilīno akuhako ti. Patilīno ti rāgassa pahīnattā patilīno, dosassa pahīnattā patilīno, mohassa pahīnattā patilīno, kodhassa upanāhassa makkhassa paḷāsassa issāya macchariyassa . . . pe . . . sabbākusalābhisaṃkhārānaṃ pahīnattā, patilīno.
Vuttaṃ h'; etaṃ Bhagavatā: *Kathañ ca bhikkhave bhikkhu patilīno hoti? Idha bhikkhave bhikkhuno asmimāno pahīno hoti ucchinnamūlo tālāvatthukato anabhāvaṃ gato āyatiṃ anuppādadhammo; evaṃ kho bhikkhave bhikkhu patilīno hotī ti, patilīno.
Akuhako ti. Tīṇi kuhanavatthūni, paccayapaṭisevanasaṃkhātaṃ kuhanavatthu, iriyāpathasaṃkhātaṃ kuhanavatthu, sāmantajappanasaṃkhātaṃ kuhanavatthu.
Katamaṃ paccayapaṭisevanasaṃkhātaṃ kuhanavatthu?
Idha gahapatikā bhikkhuṃ nimantenti cīvarapiṇḍapātasenāsanagilānapaccayabhesajjaparikkhārehi. So pāpiccho icchāpakato atthiko cīvarapiṇḍapātasenāsanagilānapaccayabhesajjaparikkhārānaṃ, bhiyyo kamyataṃ upādāya cīvaraṃ paccakkhāti, piṇḍapātaṃ paccakkhāti, senāsanaṃ paccakkhāti, gilānapaccayabhesajjaparikkhāraṃ paccakkhāti. So evam āha: kiṃ samaṇassa mahagghena cīvarena? Etaṃ sāruppaṃ yaṃ samaṇo susānā vā saṅkārakūṭā vā pāpaṇikā vā nantakāni uccinitvā saṃghāṭiṃ katvā dhāreyya. Kiṃ samaṇassa mahagghena piṇḍapātena?
[page 225]
S.N. 852] Purābhedasuttaniddeso. 225
[... content straddling page break has been moved to the page above ...] Etaṃ sāruppaṃ yaṃ samaṇo uñchācariyāya piṇḍiyālopena jīvikaṃ kappeyya. Kiṃ samaṇassa mahagghena senāsanena? Etaṃ sārūppaṃ yaṃ samaṇo rukkhamūliko vā assa, sosāniko vā abbhokāsiko vā. Kiṃ samaṇassa mahagghena gilānapaccayabhesajjaparikkhārena? Etaṃ sārūppaṃ yaṃ samaṇo pūtimuttena vā hariṭakīkhaṇḍena vā osadhaṃ kareyyā ti, tadupādāya lūkhaṃ cīvaraṃ dhāreti, lūkhaṃ piṇḍapātaṃ bhuñjati, lūkhaṃ senāsanaṃ paṭisevati, lūkhaṃ gilānapaccayabhesajjaparikkhāraṃ paṭisevati. Tam enaṃ gahapatikā evaṃ jānanti: ayaṃ samaṇo appiccho santuṭṭho pavivitto asaṃsaṭṭho āraddhaviriyo dhutavādo ti; bhiyyo bhiyyo nimantenti cīvarapiṇḍapātasenāsanagilānapaccayabhesajjaparikkhārehi. So evam āha: tiṇṇaṃ sammukhībhāvā saddho kulaputto bahuṃ puññaṃ pasavati. Saddhāya sammukhībhāvā saddho kulaputto bahuṃ puññaṃ pasavati; deyyadhammassa sammukhībhāvā saddho kulaputto bahuṃ puññaṃ pasavati; dakkhiṇeyyānaṃ sammukhībhāvā saddho kulaputto bahuṃ puññaṃ pasavati. Tumhākañ c'; evāyaṃ saddhā atthi. Deyyadhammo cāyaṃ saṃvijjati. Ahañ ca paṭiggāhako. Sac'; āhaṃ na paṭiggahessāmi, evaṃ tumhe puññena parihīnā bhavissatha.
Na mayhaṃ iminā attho, api ca tumhākañ ñeva anukampāya patiggaṇhāmī ti, tad upādāya bahum pi cīvaraṃ paṭiggaṇhāti, bahum pi piṇḍapātaṃ paṭiggaṇhāti, bahum pi senāsanaṃ paṭiggaṇhāti, bahum pi gilānapaccayabhesajjaparikkhāraṃ paṭiggaṇhāti; yā evarūpā bhākuṭikā bhākuṭiyaṃ kuhanā kuhāyanā kuhitattaṃ; idaṃ vuccati paṭisevanasaṃkhātaṃ kuhanavatthu.
Katamaṃ iriyāpathasaṃkhātaṃ kuhanavatthu? Idh'; ekacco pāpiccho icchāpakato sambhāvanādhippāyo: evaṃ maṃ jano sambhāvissatī ti gamanaṃ saṇṭhapeti, ṭhānaṃ saṇṭhapeti,
[page 226]
226 Aṭṭhakavaggo. [S.N. 852
[... content straddling page break has been moved to the page above ...] nisajjaṃ saṇṭhapeti, sayanaṃ saṇṭhapeti; paṇidhāya gacchati, paṇidhāya tiṭṭhati, paṇidhāya nisīdati, paṇidhāya seyyaṃ kappeti, samāhito viya gacchati, samāhito viya tiṭṭhati, samāhito viya nisīdati, samāhito viya seyyaṃ kappeti, āpādakajjhāyī ca hoti; yā evarūpā iriyāpathassa āṭhapanā saṇṭhapanā bhākuṭikā bhākuṭiyaṃ kuhanā kuhāyanā kuhitattaṃ; idaṃ iriyāpathasaṃkhātaṃ kuhanavatthuṃ.
Katamaṃ sāmantajappanasaṃkhātaṃ kuhanavatthuṃ?
Idh'; ekacco pāpiccho icchāpakato sambhāvanādhippāyo:
evaṃ maṃ jano sambhāvissatī ti ariyadhammasannissitaṃ vācaṃ bhāsati. Yo evarūpaṃ cīvaraṃ dhāreti, so samaṇo mahesakkho ti bhaṇati, yo evarūpaṃ pattaṃ dhāreti, lohathālakaṃ dhāreti, dhammakarakaṃ dhāreti, parisāvanaṃ dhāreti, kuñcikaṃ dhāreti, upāhanaṃ dhāreti, kāyabandhanaṃ dhāreti, āyogaṃ dhāreti, so samaṇo mahesakkho ti bhaṇati. Yassa evarūpo upajjhāyo, so samaṇo mahesakkho ti bhaṇati; yassa evarūpo ācariyo, evarūpā samānupajjhāyakā samānācariyakā mittā sandiṭṭhā sambhattā sahāyā, so samaṇo mahesakkho ti bhaṇati. Yo evarūpe vihāre vasati, so samaṇo mahesakkho ti bhaṇati. Yo evarūpe aḍḍhayoge vasati, pāsāde vasati, hammiye vasati, guhāyaṃ vasati, leṇe vasati, kuṭiyā vasati, kūṭāgāre vasati, aṭṭe vasati, māḷe vasati, uddaṇḍe vasati, upaṭṭhānasālāyam vasati, maṇḍape vasati, rukkhamūle vasati, so samaṇo mahesakkho ti bhaṇati.
Athavā korajikakorajiko bhākuṭikabhākuṭiko kuhakakuhako lapakalapako mukhasambhāvito ayaṃ samaṇo imāsaṃ evarūpānaṃ santāṇaṃ vihārasamāpattīnaṃ lābhī tādisaṃ gambhīraṃ guyhaṃ nipuṇṇaṃ paṭicchannaṃ lokuttarasuññatapaṭisaṃyuttaṃ kathaṃ katheti;
[page 227]
S.N. 852] Purābhedasuttaniddeso. 227
[... content straddling page break has been moved to the page above ...] yā evarūpā bhākuṭikā bhākuṭiyaṃ kuhanā kuhāyanā kuhāyitattaṃ, idaṃ sāmantajappanasaṃkhātaṃ kuhanavatthuṃ.
Yass'; imāni tīṇi kuhanavatthūni pahīnāni samucchinnāni vūpasantāni paṭipassaddhāni abhabbuppattikāni nāṇagginā daḍḍhāni, so vuccati akuhako ti, patilīno akuhako.
Āpihālu amaccharī ti. Pihā vuccati taṇhā; yo rāgo sārāgo . . . pe . . . abhijjhā lobho akusalamūlaṃ. Yass'; esā pihā pahīnā samucchinnā vūpasantā paṭippassaddhā abhabbuppattikā ñāṇagginā daḍḍhā, so vuccati apihālu.
So rūpe na piheti, sadde gandhe rase phoṭṭhabbe kulaṃ gaṇaṃ āvāsaṃ lābhaṃ yasaṃ pasaṃsaṃ sukhaṃ cīvaraṃ piṇḍapātaṃ senāsanaṃ gilānapaccayabhesajjaparikkhāraṃ kāmadhātuṃ rūpadhātuṃ arūpadhātum kāmabhavaṃ rūpabhavaṃ arūpabhavaṃ saññābhavaṃ asaññābhavaṃ nevasaññānāsaññābhavaṃ ekavokārabhavaṃ catuvokārabhavaṃ pañcavokārabhavaṃ atītaṃ anāgataṃ paccuppannaṃ diṭṭhasutamutaviññātabbe dhamme na piheti, na icchati, na sādiyati, na pattheti, nābhijappatī ti, apihālu.
Amaccharī ti pañca macchariyāni, āvāsamacchariyaṃ kulamacchariyaṃ lābhamacchariyaṃ vaṇṇamacchariyaṃ dhammamacchariyaṃ; yaṃ evarūpaṃ macchariyaṃ maccharāyanā maccharāyitattaṃ vevicchaṃ kadariyaṃ kaṭukañcakatā aggahitattaṃ cittassa, idaṃ vuccati macchariyaṃ. Api ca khandhamacchariyam pi macchariyaṃ, dhātumacchariyam pi macchariyaṃ, āyatanamacchariyam pi macchariyaṃ, gāho vuccati macchariyaṃ. Yass'; etaṃ pahīnaṃ vūpasantaṃ paṭippassaddhaṃ abhabbuppattikaṃ ñāṇagginā daḍḍhaṃ, so vuccati amaccharī ti, apihālu amaccharī.
[page 228]
228 Aṭṭhakavaggo. [S.N. 852
Appagabbho ajeguccho ti. Pāgabbhiyan ti tīṇi pāgabbhiyāni, kāyikaṃ pāgabbhiyaṃ, vācasikaṃ pāgabbhiyaṃ, cetasikaṃ pāgabbhiyaṃ.
Katamaṃ kāyikaṃ pāgabbhiyaṃ? Idh'; ekacco saṅghagato pi kāyikaṃ pāgabbhiyaṃ dasseti, gaṇagato pi kāyikaṃ pāgabbhiyaṃ dasseti, bhojanasālāyaṃ pi kāyikaṃ pāgabbhiyaṃ dasseti, jantāghare pi kāyikaṃ pāgabbhiyaṃ dasseti, udakatitthe pi kāyikaṃ pāgabbhiyaṃ dasseti, antaragharaṃ pavisanto pi kāyikaṃ pāgabbhiyaṃ dasseti, antaragharaṃ paviṭṭho pi kāyikaṃ pāgabbhiyaṃ dasseti.
Kathaṃ saṅghagato kāyikaṃ pāgabbhiyaṃ dasseti?
Idh'; ekacco saṅghagato acittikārakato there bhikkhū ghaṭṭayanto pi tiṭṭhati, ghaṭṭayanto pi nisīdati, purato pi tiṭṭhati, purato pi nisīdati, ucce pi āsane nisīdati, sasīsaṃ pārupitvā pi nisīdati, ṭhitako pi bhaṇati, bāhāvikkhepako pi bhaṇati; evaṃ saṅghagato kāyikaṃ pāgabbhiyaṃ dasseti.
Kathaṃ gaṇagato kāyikaṃ pāgabbhiyaṃ dasseti? Idh'; ekacco gaṇagato acittikārakato therānaṃ bhikkhūnaṃ anupāhanānaṃ caṅkamantānaṃ sa-upāhano caṅkamati, nīce caṅkame caṅkamantānaṃ ucce caṅkame caṅkamati, chamāyaṃ caṅkamantānaṃ caṅkame caṅkamati, ghaṭṭayanto pi tiṭṭhati, ghaṭṭayanto pi nisīdati; purato pi tiṭṭhati, purato pi nisīdati, ucce pi āsane nisīdati, sasīsaṃ pārupitvā pi nisīdati, ṭhitako pi bhaṇati, bāhāvikkhepako pi bhaṇati; evaṃ gaṇagato kāyikaṃ pāgabbhiyaṃ dasseti.
Kathaṃ bhojanasālāya kāyikaṃ pāgabbhiyaṃ dasseti?
Idh'; ekacco bhojanasālāya acittikārakato there bhikkhū anupakhajja nisīdati, nave pi bhikkhū āsanena patibāhati, ghaṭṭayanto pi tiṭṭhati, ghaṭṭayanto pi nisīdati, purato pi tiṭṭhati, purato pi nisīdati, ucce pi āsane nisīdati, sasīsaṃ pārupitvā pi nisīdati, ṭhitako pi bhaṇati, bāhāvikkhepako pi bhaṇati; evaṃ bhojanasālāya kāyikaṃ pāgabbhiyaṃ dasseti.
[page 229]
S.N. 852] Purābhedasuttaniddeso. 229
Kathaṃ jantāghare kāyikaṃ pāgabbhiyaṃ dasseti?
Idh'; ekacco jantāghare acittikārakato there bhikkhū ghaṭṭayanto pi tiṭṭhati, ghaṭṭayanto pi nisīdati, purato pi tiṭṭhati, purato pi nisīdati, ucce pi āsane nisīdati, anāpucchaṃ pi anajjhiṭṭho pi kaṭṭhaṃ pakkhipati, dvāraṃ pidahati, bāhāvikkhepako pi bhaṇati; evaṃ jantāghare kāyikaṃ pāgabbhiyaṃ dasseti.
Kathaṃ udakatitthe kāyikaṃ pāgabbhiyaṃ dasseti?
Idh'; ekacco udakatitthe acittikārakato there bhikkhū ghaṭṭayanto pi otarati, purato pi otarati, ghaṭṭayanto pi nhāyati, purato pi nhāyati, uparito pi nhāyati, ghaṭṭayanto pi uttarati, purato pi uttarati, uparito pi uttarati; evaṃ udakatitthe kāyikaṃ pāgabbhiyaṃ dasseti.
Kathaṃ antaragharaṃ pavisanto kāyikaṃ pāgabbhiyaṃ dasseti? Idh'; ekacco antaragharaṃ pavisanto acittikārakato there bhikkhū ghaṭṭayanto pi gacchati, purato pi gacchati, vokkamma pi therānaṃ bhikkhūnaṃ purato gacchati; evaṃ antaragharaṃ pavisanto kāyikaṃ pāgabbhiyaṃ dasseti.
Kathaṃ antaragharaṃ paviṭṭho kāyikaṃ pāgabbhiyaṃ dasseti? Idh'; ekacco antaragharaṃ paviṭṭho na pavisa bhante ti vuccamāno pavisati, na tiṭṭha bhante ti vuccamāno tiṭṭhati, na nisīda bhante ti vuccamāno nisīdati, anokāsaṃ pi pavisati, anokāse pi tiṭṭhati, anokāse pi nisīdati; yāni tāni honti kulānaṃ ovarakāni guḷhāni ca paticchannāni ca, yattha kulitthiyo kuladhītaro kulasuṇhāyo kulakumāriyo nisīdanti, tattha pi sahasā pavisati, kumārakassa pi sīsaṃ parāmasati; evaṃ antaragharaṃ paviṭṭho kāyikaṃ pāgabbhiyaṃ dasseti; idaṃ kāyikaṃ pāgabbhiyaṃ.
[page 230]
230 Aṭṭhakavaggo. [S.N. 852
Katamaṃ vācasikaṃ pāgabbhiyaṃ? Idh'; ekacco saṅghagato pi vācasikaṃ pāgabbhiyaṃ dasseti, gaṇagato pi vācasikaṃ pāgabbhiyaṃ dasseti, antaragharaṃ paviṭṭho pi vācasikaṃ pāgabbhiyaṃ dasseti.
Kathaṃ saṅghagato vācasikaṃ pāgabbhiyaṃ dasseti?
Idh'; ekacco saṅghagato acittikārakato there bhikkhū anāpucchaṃ vā anajjhiṭṭho vā dhammaṃ bhaṇati, pañhaṃ visajjeti, pātimokkhaṃ uddisati, ṭhitako pi bhaṇati, bāhāvikkhepako pi bhaṇati; evaṃ saṅghagato vācasikaṃ pāgabbhiyaṃ dasseti.
Kathaṃ gaṇagato vācasikaṃ pāgabbhiyaṃ dasseti?
Idh'; ekacco gaṇagato acittikārakato there bhikkhū anāpucchaṃ vā anajjhiṭṭho vā ārāmagatānaṃ bhikkhūnaṃ dhammaṃ bhaṇati, pañhaṃ visajjeti, ṭhitako pi bhaṇati, bāhāvikkhepako pi bhaṇati, ārāmagatānaṃ bhikkhunīnaṃ upāsakānaṃ upāsikānaṃ dhammaṃ bhaṇati, pañhaṃ visajjeti, ṭhitako pi bhaṇati, bāhāvikkhepako pi bhaṇati; evaṃ ganagato vācasikaṃ pāgabbhiyaṃ dasseti.
Kathaṃ antaragharaṃ paviṭṭho vācasikaṃ pāgabbhiyaṃ dasseti? Idh'; ekacco antaragharaṃ paviṭṭho itthiṃ vā kumāriṃ vā āha: itthannāme itthaṃgotte kiṃ atthi?
Yāgū atthi, bhattaṃ atthi, khādanīyaṃ atthi? Kiṃ pivissāma, kiṃ bhuñjissāma, kiṃ khādissāma, kiṃ vā atthi, kiṃ vā me dassathā? ti vippalapati. Yo evarūpo vācāpalāpo vippalāpo lālappo lālappāyanā lālappāyitattaṃ; evaṃ antaragharaṃ paviṭṭho vācasikaṃ pāgabbhiyaṃ dasseti; idaṃ vācasikaṃ pāgabbhiyaṃ.
Katamaṃ cetasikaṃ pāgabbhiyaṃ? Idh'; ekacco na uccākulā pabbajito samāno uccākulā pabbajitena saddhiṃ sadisaṃ attānaṃ dahati cittena; na mahākulā pabbajito samāno mahākulā pabbajitena saddhiṃ sadisaṃ attānaṃ dahati cittena; na mahābhogakulā pabbajito samāno mahābhogakulā pabbajitena saddhiṃ sadisaṃ attānaṃ dahati cittena;
[page 231]
S.N. 852] Purābhedasuttaniddeso. 231
[... content straddling page break has been moved to the page above ...] na uḷārabhogakulā pabbajito samāno, na suttantiko samāno suttantikena saddhiṃ sadisaṃ attānaṃ dahati cittena, na vinayadharo samāno, na dhammakathiko samāno, āraññiko samāno, na piṇḍapātiko samāno, na paṃsukūliko samāno, na tecīvariko samāno, na sapadānacāriko samāno, na khalupacchābhattiko samāno, na nesajjiko samāno, na yathāsanthatiko samāno, na paṭhamassa jhānassa lābhī samāno paṭhamassa jhānassa lābhinā saddhiṃ sadisaṃ attānaṃ dahati cittena . . . pe . . . na nevasaññānāsaññāyatanasamāpattiyā lābhī samāno nevasaññānāsaññāyatanasamāpattiyā lābhinā saddhiṃ sadisaṃ attānaṃ dahati cittena; idaṃ cetasikaṃ pāgabbhiyaṃ.
Yass'; imāni tīṇi pāgabbhiyāni pahīnāni samucchinnāni vūpasantāni paṭipassaddhāni abhabbuppattikāni ñāṇagginā daḍḍhāni, so vuccati appagabbho ti, appagabbho.
Ajeguccho ti. Atthi puggalo jeguccho, atthi ajeguccho.
Katamo ca puggalo jeguccho? Idh'; ekacco puggalo dussīlo hoti pāpadhammo asucisaṅkassarasamācāro paṭicchannakammanto assamaṇo samaṇapaṭiñño abrahmacārī brahmacāripaṭiñño antoputi avassuto kasambujāto; ayaṃ vuccati puggalo jeguccho.
Athavā kodhano hoti upāyāsabahulo, appam pi vutto samāno abhisajjati kuppati byāpajjati patiṭṭhiyati kopañ ca dosañ ca appaccayañ ca pātukaroti; ayaṃ vuccati puggalo jeguccho. Athavā kodhano hoti, upanāhī hoti, makkhī hoti, paḷāsī hoti, issukī hoti, maccharī hoti, saṭho hoti, māyāvī hoti, thaddho hoti, atimānī hoti, pāpiccho hoti, micchādiṭṭhi hoti, sandiṭṭhiparāmāsī hoti, ādhānagāhī duppaṭinissaggī hoti; ayaṃ vuccati puggalo jeguccho.
Katamo ca puggalo ajeguccho? Idha bhikkhu sīlavā hoti, pātimokkhasaṃvarasaṃvuto viharati ācāragocarasampanno,
[page 232]
232 Aṭṭhakavaggo. [S.N. 852
[... content straddling page break has been moved to the page above ...] aṇumattesu vajjesu bhayadassāvī samādāya sikkhati sikkhāpadesu; ayaṃ vuccati puggalo ajeguccho.
Athavā akkodhano hoti anupāyāsabahulo, bahum pi vutto samāno na abhisajjati, na kuppati na byāpajjati na patiṭṭhiyati na kopañ ca dosañ ca appaccayañ ca pātukaroti. Ayaṃ vuccati puggalo ajeguccho.
Athavā akkodhano hoti, anupanāhī hoti, amakkhī hoti, apaḷāsī hoti, anissukī hoti, amaccharī hoti, asaṭho hoti, amāyāvī hoti, athaddho hoti, anatimānī hoti, na pāpiccho hoti, na micchādiṭṭhi hoti, asandiṭṭhiparāmāsī hoti, anādhānagāhī hoti, suppaṭinissaggī hoti; ayaṃ vuccati puggalo ajeguccho. Sabbo kalyāṇaputhujjanaṃ upādāya ariyapuggalo ajeguccho ti, appagabbho ajeguccho.
Pesuṇeyye ca no yuto ti pesuññan ti idh'; ekacco pisuṇavāco hoti, ito sutvā amutra akkhātā imesaṃ bhedāya, amutra vā sutvā imesaṃ akkhātā amūsaṃ bhedāya; iti samaggānaṃ vā bhettā, bhinnānaṃ vā anuppadātā, vaggārāmo vaggarato vagganandī vaggakaraṇiṃ vācaṃ bhāsitā hoti; idaṃ vuccati pesuññaṃ.
Api ca dvīhi kāraṇehi pesuññaṃ upasaṃharati, piyakamyatāya vā bhedādhippāyo vā.
Kathaṃ piyakamyatāya pesuññaṃ upasaṃharati?
Imassa piyo bhavissāmi, manāpo bhavissāmi, vissāsiko bhavissāmi, abbhantariko bhavissāmi, suhadayo bhavissāmī ti; evaṃ piyakamyatāya pesuññaṃ upasaṃharati.
Kathaṃ bhedādhippāyo pesuññaṃ upasaṃharati?
Kathaṃ ime nānā assu, vinā assu, vaggā assu, dvedhā assu, dvejjhā assu, dvepakkhā assu, bhijjeyyuṃ na samāgaccheyyuṃ, dukkhaṃ na phāsu vihareyyun ti;
[page 233]
S.N. 853] Purābhedasuttaniddeso. 233
evaṃ bhedādhippāyo pesuññaṃ upasaṃharati. Yass'; etaṃ pesuññaṃ pahīnaṃ samucchinnaṃ vūpasantaṃ paṭipassaddhaṃ abhabbuppattikaṃ ñāṇagginā daḍḍhaṃ, so pesuññe na yutto na-ppayutto nāyutto na samāyutto ti, pesuṇeyye ca no yuto. Ten'; āha Bhagavā:
Paṭilīno akuhako, apihālu amaccharī,
appagabbho ajeguccho, pesuṇeyye ca no yuto ti.
_________________________________
Sn_IV,10.6(=853): Sātiyesu anassāvī atimāne ca no yuto,
saṇho ca paṭibhāṇavā, na saddho na virajjati. || Nidd_I.10:6 ||
Sātiyesu anassāvī ti sātiyā vuccanti pañca kāmaguṇā.
Kiṃkāraṇā sātiyā vuccanti pañca kāmaguṇā? Yebhuyyena devamanussā pañca kāmaguṇe icchanti sādiyanti patthayanti pihayanti abhijappanti, taṃkāraṇā sātiyā vuccanti pañca kāmaguṇā. Yesaṃ esā sātiyā taṇhā appahīnā, tesaṃ cakkhuto rūpataṇhā savati pasavati sandati pavattati, sotato saddataṇhā, ghānato gandhataṇhā, jivhāto rasataṇhā, kāyato phoṭṭhabbataṇhā, manato dhammataṇhā savati pasavati sandati pavattati. Yesaṃ esā sātiyā taṇhā pahīnā samucchinnā vūpasantā paṭipassaddhā abhabbuppattikā ñāṇagginā daḍḍhā, tesaṃ cakkhuto rūpataṇhā na savati, na pasavati, na sandati, na pavattati, sotato saddataṇhā . . . pe . . . manato dhammataṇhā na savati, na pasavati, na sandati, na pavattatī ti, sātiyesu anassāvī.
Atimāne ca no yuto ti. Katamo atimāno? Idh'; ekacco paraṃ atimaññati jātiyā vā gottena vā . . . pe . . . aññataraññatarena vā vatthunā; yo evarūpo māno, maññanā maññitattaṃ uṇṇati uṇṇamo dhajo sampaggāho ketukamyatā cittassa,
[page 234]
234 Aṭṭhakavaggo. [S.N. 853
[... content straddling page break has been moved to the page above ...] ayaṃ vuccati atimāno. Yass'; eso atimāno pahīno samucchinno vūpasanto paṭipassaddho abhabbuppattiko ñāṇagginā daḍḍho, so atimāne no yutto, na-ppayutto, nāyutto, na samāyutto ti, atimāne ca no yuto.
Saṇho ca paṭibhāṇavā ti. Saṇho ti saṇhena kāyakammena samannāgato ti saṇho, saṇhena vacīkammena, saṇhena manokammena samannāgato ti saṇho, saṇhehi satipaṭṭhānehi samannāgato ti saṇho, saṇhehi sammappadhānehi, saṇhehi iddhippādehi, saṇhehi indriyehi, saṇhehi balehi, saṇhehi bojjhaṅgehi samannāgato ti saṇho, saṇhena ariyena aṭṭhaṅgikena maggena samannāgato ti saṇho.
Paṭibhāṇavā ti. Tayo paṭibhāṇavanto, pariyattipaṭibhāṇavā paripucchāpaṭibhāṇavā adhigamapaṭibhāṇavā.
Katamo pariyattipaṭibhāṇavā? Idh'; ekaccassa pariyāpuṭaṃ hoti suttaṃ geyyaṃ veyyākaraṇaṃ gāthā udānaṃ itivuttakaṃ jāṭakaṃ abbhutadhammaṃ vedallaṃ.
Tassa pariyattiṃ nissāya paṭibhāyati; ayaṃ pariyattipaṭibhāṇavā.
Katamo paripucchāpaṭibhāṇavā? Idh'; ekacco paripucchako hoti attatthe ca ñāyatthe ca lakkhaṇe ca kāraṇe ca ṭhānāṭhāne ca. Tassa taṃ paripucchaṃ nissāya paṭibhāyati; ayaṃ paripucchāpaṭibhāṇavā.
Katamo adhigamapaṭibhāṇavā? Idh'; ekaccassa adhigatā honti cattāro satipaṭṭhānā, cattāro sammappadhānā, cattāro iddhippādā, pañc'; indriyāni, pañca balāni, satta bojjhaṅgā, ariyo aṭṭhaṅgiko maggo, cattāri sāmaññaphalāni, catasso paṭisambhidā, cha abhiññā; tassa attho ñāto, dhammo ñāto, nirutti ñātā, atthe ñāte attho paṭibhāyati,
[page 235]
S.N. 853] Purābhedasuttaniddeso. 235
[... content straddling page break has been moved to the page above ...] dhamme ñāte dhammo paṭibhāyati, niruttiyā ñātāya nirutti paṭibhāyati; imesu tīsu ñāṇaṃ paṭibhāṇapaṭisambhidā. Imāya paṭibhāṇapaṭisambhidāya upeto samupeto upagato samupagato upapanno samupapanno samannāgato hoti; so vuccati paṭibhāṇavā.
Yassa pariyatti n'; atthi, paripucchā n'; atthi, adhigamo n'; atthi, kiṃ tassa paṭibhāyissatī ti, saṇho ca paṭibhāṇavā.
Na saddho na virajjatī ti. Na saddho ti sāmaṃ sayam abhiññātaṃ attapacchakkhaṃ dhammaṃ na kassaci saddhahati aññassa samaṇassa vā brāhmaṇassa vā devassa vā mārassa vā narassa vā brahmuno vā. Sabbe saṃkhārā aniccā ti sāmaṃ sayam abhiññātaṃ attapacchakkhaṃ dhammaṃ na kassaci saddahati aññassa samaṇassa vā brāhmaṇassa vā devassa vā mārassa vā narassa vā brahmuno vā. Sabbe saṃkhārā dukkhā ti, sabbe dhammā anattā ti, avijjāpaccayā saṃkhārā ti . . . pe . . . jātipaccayā jarāmaraṇan ti avijjānirodhā saṃkhāraṇirodho ti . . . pe . . . jātinirodhā jarāmaraṇanirodho ti. Idaṃ dukkhan ti . . . pe . . . ayaṃ dukkhanirodhagāminī paṭipadā ti. Ime āsavā ti . . . pe . . . ayaṃ āsavanirodhagāminī paṭipadā ti. Ime dhammā abhiññeyyā ti . . . pe . . . ime dhammā sacchikātabbā ti. Channaṃ phassāyatanānaṃ samudayañ ca aṭṭhaṅgamañ ca assādañ ca ādīnavañ ca nissaraṇañ ca, pañcannaṃ upādānakkhandhānaṃ samudayañ ca aṭṭhaṅgamañ ca assādañ ca ādīnavañ ca nissaraṇañ ca, catunnaṃ mahābhūtānaṃ samudayañ ca aṭṭhaṅgamañ ca assādañ ca ādīnavañ ca nissaraṇañ cā ti. Yaṃ kiñci samudayadhammaṃ, sabbantaṃ nirodhadhamman ti sāmaṃ sayam abhiññātaṃ attapaccakkhaṃ dhammaṃ na kassaci saddahati aññassa samaṇassa vā brāhmaṇassa vā devassa vā mārassa vā narassa vā brahmuno vā.
[page 236]
236 Aṭṭhakavaggo. [S.N. 853
[... content straddling page break has been moved to the page above ...]
Vuttaṃ h'; etaṃ Bhagavatā: *Saddahasi tvaṃ Sāriputta saddhindriyaṃ bhāvitaṃ bahulīkataṃ amatogadhaṃ hoti amataparāyanaṃ amatapariyosānaṃ, viriyindriyaṃ satindriyaṃ samādhindriyaṃ paññindriyaṃ bhāvitaṃ bahulīkatam amatogadhaṃ hoti amataparāyanaṃ amatapariyosānan? ti. Na khvāhaṃ ettha bhante Bhagavato saddhāya gacchāmi, saddhindriyaṃ viriyindriyaṃ satindriyaṃ samādhindriyaṃ paññindriyaṃ bhāvitaṃ bahulīkataṃ amatogadhaṃ hoti amataparāyanaṃ amatapariyosānaṃ. Yesam nūn'; etaṃ bhante añātaṃ assa adiṭṭhaṃ aviditaṃ asacchikataṃ aphusitaṃ paññāya, te tattha paresaṃ saddhāya gaccheyyuṃ, saddhindriyam . . . pe . . . paññindriyaṃ bhāvitaṃ bahulīkataṃ amatogadhaṃ hoti amataparāyanaṃ amatapariyosānan ti. Yesañ ca kho etaṃ bhante ñātaṃ diṭṭhaṃ viditaṃ sacchikataṃ phusitaṃ paññāya, nikkaṃkhā te tattha nibbicikicchā, saddhindriyaṃ viriyindriyaṃ satindriyaṃ samādhindriyaṃ paññindriyaṃ bhāvitaṃ bahulīkataṃ amatogadhaṃ hoti amataparāyanaṃ amatapariyosānan ti; mayhañ ca kho etaṃ bhante ñātam diṭṭhaṃ viditaṃ sacchikataṃ phusitaṃ paññāya, nikkaṃkho 'haṃ tattha nibbicikiccho, saddhindriyaṃ viriyindriyaṃ satindriyaṃ samādhindriyaṃ paññindriyaṃ bhāvitaṃ bahulīkataṃ amatogadhaṃ hoti amataparāyanaṃ amatapariyosānan ti. Sādhu sādhu Sāriputta. Yesaṃ h'; etaṃ Sāriputta añātaṃ assa adiṭṭhaṃ aviditaṃ asacchikataṃ aphusitaṃ paññāya, te tattha paresaṃ saddhāya gaccheyyuṃ, saddhindriyaṃ . . . pe . . .
[page 237]
S.N. 854] Purābhedasuttaniddeso. 237
paññindriyaṃ bhāvitaṃ bahulīkataṃ amatogadhaṃ hoti amataparāyanaṃ amatapariyosānan ti.
*Assaddho akataññū ca sandhicchedo ca yo naro,
hatāvakāso vantāso, sa ve uttamaporiso ti.
Na virajjatī ti sabbe bālaputhujjanā rajjanti. Kalyāṇaputhujjanaṃ upādāya satta sekhā virajjanti. Arahā n'; eva rajjati, no virajjati; virato so khayā rāgassa vītarāgattā, khayā dosassa vītadosattā, khayā mohassa vītamohattā; so vuṭṭhavāso ciṇṇacaraṇo . . . pe . . . n'; atthi tassa punabbhavo ti, na saddho na virajjati. Ten'; āha Bhagavā:
Sātiyesu anassāvī atimāne ca no yuto,
saṇho ca paṭibhāṇavā, na saddho na virajjatī ti.
_________________________________
Sn_IV,10.7(=854): Lābhakamyā na sikkhati, alābhe ca na kuppati,
aviruddho ca taṇhāya rase ca nānugijjhati. || Nidd_I.10:7 ||
Lābhakamyā na sikkhati, alābhe ca na kuppatī ti.
Kathaṃ lābhakamyā na sikkhati? Idha bhikkhave bhikkhu bhikkhuṃ passati lābhiṃ cīvarapiṇḍapātasenāsanagilānapaccayabhesajjaparikkhārānaṃ. Tassa evaṃ hoti: kena nu kho ayam āyasmā lābhī cīvarapiṇḍapātasenāsanagilānapaccayabhesajjaparikkhārānan ti? Tassa evaṃ hoti: ayaṃ kho āyasmā suttantiko, tena ayam āyasmā lābhī cīvarapiṇḍapātasenāsanagilānapaccayabhesajjaparikkhārānan ti. So lābhahetu lābhapaccayā lābhakāraṇā lābhābhinibbattiyā lābhaṃ paripācento suttantaṃ pariyāpuṇāti; evam pi lābhakamyā sikkhati.
[page 238]
238 Aṭṭhakavaggo. [S.N. 854
Athavā bhikkhu bhikkhuṃ passati lābhiṃ cīvarapiṇḍapātasenāsanagilānapaccayabhesajjaparikkhārānaṃ. Tassa evaṃ hoti: kena nu kho ayam āyasmā lābhī cīvarapiṇḍapātasenāsanagilānapaccayabhesajjaparikkhārānan ti?
Tassa evaṃ hoti: ayaṃ kho āyasmā vinayadharo . . . pe . . . ābhidhammiko, tena ayam āyasmā lābhī cīvarapiṇḍapātasenāsanagilānapaccayabhesajjaparikkhārānan ti, so lābhahetu lābhapaccayā lābhakāraṇā labhābhinibbattiyā lābhaṃ paripācento abhidhammaṃ pariyāpuṇāti; evam pi lābhakamyā sikkhati.
Athavā bhikkhu bhikkhuṃ passati lābhiṃ cīvarapiṇḍapātasenāsanagilānapaccayabhesajjaparikkhārānaṃ. Tassa evaṃ hoti: kena nu kho ayam āyasmā lābhī cīvarapiṇḍapātasenāsanagilānapaccayabhesajjaparikkhārānan ti?
Tassa evaṃ hoti: ayaṃ kho āyasmā āraññiko piṇḍapātiko paṃsukūliko tecīvariko sapadānacāriko khalupacchābhattiko nesajjiko yathāsanthatiko, tena ayam āyasmā lābhī cīvarapiṇḍapātasenāsanagilānapaccayabhesajjaparikkhārānan ti. So lābhahetu lābhapaccayā lābhakāraṇā lābhābhinibbattiyā lābhaṃ paripācento āraññiko hoti . . . pe . . . yathāsanthatiko hoti; evam pi lābhakamyā sikkhati.
Kathaṃ na lābhakamyā sikkhati? Idha bhikkhu na lābhahetu, na lābhapaccayā, na lābhakāraṇā, na lābhābhinibbattiyā, na lābhaṃ paripācento yāvad eva attadamathāya attasamathāya attaparinibbāpanatthāya suttantaṃ pariyāpuṇāti, vinayaṃ pariyāpuṇāti, abhidhammaṃ pariyāpuṇāti; evam pi na lābhakamyā sikkhati. Athavā bhikkhu na lābhahetu, na lābhapaccayā, na lābhakāraṇā, na lābhābhinibbattiyā, na lābhaṃ paripācento yāvad eva appicchañ ñeva nissāya, santuṭṭhiñ ñeva nissāya, sallekhañ ñeva nissāya, pavivekañ ñeva nissāya, idamatthitañ ñeva nissāya āraññiko hoti, piṇḍapātiko hoti, paṃsukūliko hoti, tecīvariko hoti, sapadānacāriko hoti, khalupacchābhattiko hoti, nesajjiko hoti, yathāsanthatiko hoti; evam pi na lābhakamyā sikkhatī ti, lābhakamyā na sikkhati.
[page 239]
S.N. 854] Purābhedasuttaniddeso. 239
Alābhe ca na kuppatī ti. Kathaṃ alābhe kuppati?
Idh'; ekacco kulaṃ vā na labhāmi, gaṇaṃ vā na labhāmi, āvāsaṃ vā na labhāmi, lābhaṃ vā na labhāmi, yasaṃ vā na labhāmi, pasaṃsaṃ vā na labhāmi, sukhaṃ vā na labhāmi, cīvaraṃ vā na labhāmi, piṇḍapātaṃ vā na labhāmi, senāsanaṃ vā na labhāmi, gilānapaccayabhesajjaparikkhāraṃ vā na labhāmi, gilānupaṭṭhākaṃ vā na labhāmi, appañāto 'mhī ti kuppati byāpajjati patiṭṭhiyati, kopañ ca dosañ ca appaccayañ ca pātukaroti; evaṃ alābhe kuppati.
Kathaṃ alābhe na kuppati? Idha bhikkhu kulaṃ vā na labhāmi, gaṇaṃ vā na labhāmi, āvāsaṃ vā na labhāmi, lābhaṃ vā na labhāmi, yasaṃ vā na labhāmi, pasaṃsaṃ vā na labhāmi, sukhaṃ vā na labhāmi, cīvaraṃ vā na labhāmi, piṇḍapātaṃ vā na labhāmi, senāsanaṃ vā na labhāmi, gilānapaccayabhesajjaparikkhāraṃ vā na labhāmi, gilānupaṭṭhākaṃ vā na labhāmi, appañāto 'mhī ti na kuppati, na byāpajjati na patiṭṭhiyati, na kopañ ca na dosañ ca appaccayañ ca pātukaroti; evaṃ alābhe na kuppatī ti, lābhakamyā na sikkhati, alābhe ca na kuppati.
Aviruddho ca taṇhāya rase ca nānugijjhatī ti. Viruddho ti yo cittassa āghāto paṭighāto anuvirodho kopo pakopo sampakopo doso padoso sampadoso cittassa byāpatti manopadoso cittassa kodho kujjhanā kujjhitattaṃ doso dussanā dussitattaṃ byāpatti byāpajjanā byāpajjitattaṃ virodho paṭivirodho caṇḍikkaṃ assuropo anattamanatā cittassa; ayaṃ vuccati virodho. Yass'; eso virodho pahīno samucchinno vūpasanto paṭipassaddho abhabbuppattiko ñāṇagginā daḍḍho, so vuccati aviruddho.
[page 240]
240 Aṭṭhakavaggo. [S.N. 854
Taṇhā ti rūpataṇhā saddataṇhā gandhataṇhā rasataṇhā phoṭṭhabbataṇhā dhammataṇhā.
Raso ti mūlaraso khandharaso tacaraso pattaraso puppharaso phalaraso ambilaṃ madhuraṃ tittikaṃ kaṭukaṃ loṇikaṃ khārikaṃ lambilaṃ kasāvo sāduṃ asāduṃ sītaṃ uṇhaṃ. Sant'; eke samaṇabrāhmaṇā rasagiddhā, te jivhaggena rasaggāni pariyesantā āhiṇḍanti. Te ambilaṃ labhitvā anambilaṃ pariyesanti, anambilaṃ labhitvā ambilaṃ pariyesanti. Madhuraṃ labhitvā amadhuraṃ pariyesanti, amadhuraṃ labhitvā madhuraṃ pariyesanti.
Tittikaṃ labhitvā atittikaṃ pariyesanti, atittakaṃ labhitvā tittakaṃ pariyesanti. Kaṭukaṃ labhitvā akaṭukaṃ pariyesanti. Akaṭukaṃ labhitvā kaṭukaṃ pariyesanti. Loṇikaṃ labhitvā aloṇikaṃ pariyesanti. Aloṇikaṃ labhitvā loṇikaṃ pariyesanti. Khārikaṃ labhitvā akhārikaṃ pariyesanti. Akhārikaṃ labhitvā khārikaṃ pariyesanti. Lambilaṃ labhitvā kasāvaṃ pariyesanti.
Kasāvaṃ labhitvā lambilaṃ pariyesanti. Sāduṃ labhitvā asāduṃ pariyesanti. Asāduṃ labhitvā sāduṃ pariyesanti.
Sītaṃ labhitvā uṇhaṃ pariyesanti. Uṇhaṃ labhitvā sītaṃ pariyesanti. Te yaṃ yaṃ labhitvā tena na santussanti, aparāparaṃ pariyesanti, manāpikesu rasesu rattā giddhā gadhitā mucchitā ajjhopannā laggā laggitā palibuddhā. Yassa rasataṇhā pahīnā samucchinnā vūpasantā paṭipassaddhā abhabbuppattikā ñāṇagginā daḍḍhā, so paṭisaṃkhā yoniso āhāraṃ āhāreti n'; eva davāya, na madāya, na maṇḍanāya, na vibhūsanāya; yāvad eva imassa kāyassa ṭhitiyā yāpanāya vihiṃsuparatiyā brahmacariyānuggahāya iti purāṇañ ca vedanaṃ paṭikaṃkhāmi, navañ ca vedanaṃ na uppādessāmi; yātrā ca me bhavissati anavajjatā ca phāsuvihāro cā ti.
[page 241]
S.N. 855] Purābhedasuttaniddeso. 241
Yathā vaṇaṃ ālimpeyya yāvad eva ropanatthāya, yathā vā pana akkhaṃ abbañjeyya yāvad eva bhārassa nittharaṇatthāya, yathā vā pana puttamaṃsa-āhāraṃ āhāreyya yāvad eva kantārassa nittharaṇatthāya; evam eva bhikkhu patisaṃkhā yoniso āhāraṃ āhāreti n'; eva davāya, na madāya, na maṇḍanāya, na vibhūsanāya; yāvad eva imassa kāyassa ṭhitiyā yāpanāya, vihiṃsuparatiyā brahmacariyānuggahāya, iti purāṇañ ca vedanaṃ paṭikaṃkhāmi, navañ ca vedanaṃ na uppādessāmi; yātrā ca me bhavissati anavajjatā ca phāsuvihāro cā ti, rasataṇhaṃ pajahati vinodeti byantīkaroti anabhāvaṃ gameti; rasataṇhāya ārato virato paṭivirato nikkhanto nissaṭṭho vippamutto visaññutto vimariyādikatena cetasā viharatī ti, aviruddho ca taṇhāya rase ca nānugijjhati. Ten'; āha Bhagavā:
Lābhakamyā na sikkhati, alābhe ca na kuppati,
aviruddho ca taṇhāya rase ca nānugijjhatī ti.
_________________________________
Sn_IV,10.8(=855): Upekkhako sadā sato na loke maññati samaṃ
na visesī na nīceyyo, tassa no santi ussadā. || Nidd_I.10:8 ||
Upekkhako sadā sato ti. Upekkhako ti chaḷaṅgupekkhāya samannāgato cakkhunā rūpaṃ disvā n'; eva sumano hoti, na dummano upekkhako viharati sato sampajāno. Sotena saddaṃ sutvā, ghānena gandhaṃ ghāyitvā, jivhāya rasaṃ sāyitvā, kāyena phoṭṭhabbaṃ phusitvā, manasā dhammaṃ viññāya n'; eva sumano hoti, na dummano upekkhako viharati sato sampajāno.
Cakkhunā rūpaṃ disvā manāpaṃ nābhigijjhati nābhihasati na rāgaṃ janeti. Tassa ṭhito va kāyo hoti, ṭhitaṃ cittaṃ ajjhattaṃ susaṇṭhitaṃ suvimuttam.
[page 242]
242 Aṭṭhakavaggo. [S.N. 855
Cakkhunā kho pan'; eva rūpaṃ disvā amanāpaṃ na maṅku hoti appatitthīnacitto ādīnamanaso abyāpannacetaso. Tassa ṭhito va kāyo hoti, ṭhitaṃ cittaṃ ajjhattaṃ susaṇṭhitaṃ suvimuttaṃ. Sotena saddaṃ sutvā, ghānena gandhaṃ ghāyitvā, jivhāya rasaṃ sāyitvā, kāyena phoṭṭabbaṃ phusitvā, manasā dhammaṃ viññāya manāpaṃ nābhigijjhati nābhihasati na rāgaṃ janeti. Tassa ṭhito va kāyo hoti, ṭhitaṃ cittaṃ ajjhattaṃ susaṇṭhitaṃ suvimuttaṃ. Manasā kho pan'; eva dhammaṃ viññāya amanāpaṃ na maṅku hoti appatitthīnacitto ādinamanaso abyāpannacetaso. Tassa ṭhito va kāyo hoti, ṭhitaṃ cittaṃ ajjhattaṃ susaṇṭhitaṃ suvimuttaṃ. Cakkhunā rūpaṃ disvā manāpāmanāpesu rūpesu. Tassa ṭhito va kāyo hoti, ṭhitaṃ cittaṃ ajjhattaṃ susaṇṭhitaṃ suvimuttaṃ. Sotena saddaṃ sutvā, ghānena gandhaṃ ghāyitvā, jivhāya rasaṃ sāyitvā, kāyena phoṭṭhabbaṃ phusitvā, manasā dhammaṃ viññāya manāpāmanāpesu dhammesu tassa ṭhito va kāyo hoti, ṭhitaṃ cittaṃ ajjhattaṃ susaṇṭhitaṃ suvimuttaṃ. Cakkhunā rūpaṃ disvā rajanīye na rajjati, dosanīye na dussati, mohanīye na muyhati, kopanīye na kuppati, kilesanīye na kilissati, madanīye na majjati; sotena saddaṃ sutvā, ghānena gandhaṃ ghāyitvā, jivhāya rasaṃ sāyitvā, kāyena phoṭṭhabbaṃ phusitvā manasā dhammaṃ viññāya rajanīye na rajjati, dosanīye na dussati, mohanīye na muyhati, kopanīye na kuppati, kilesanīye na kilissati, madanīye na majjati. Diṭṭhe diṭṭhamatto, sute sutamatto, mute mutamatto, viññāte viññātamatto, diṭṭhe na limpati, sute na limpati, mute na limpati, viññāte na limpati. Diṭṭhe anūpayo anissito appaṭibaddho vippamutto visaṃyutto vimariyādikatena cetasā viharati. Sute mute viññāte anūpayo anissito appaṭibaddho vippamutto visaṃyutto vimariyādikatena cetasā viharati. Saṃvijjati arahato cakkhu, passati arahā cakkhunā rūpaṃ, chandarāgo arahato n'; atthi;
[page 243]
S.N. 855] Purābhedasuttaniddeso. 243
[... content straddling page break has been moved to the page above ...] suvimuttacitto arahā. Saṃvijjati arahato sotaṃ, suṇāti arahā sotena saddaṃ, chandarāgo arahato n'; atthi; suvimuttacitto arahā. Saṃvijjati arahato ghānaṃ, ghāyati arahā ghānena gandhaṃ, chandarāgo arahato n'; atthi; suvimuttacitto arahā. Saṃvijjati arahato jivhā, sāyati arahā jivhāya rasaṃ, chandarāgo arahato n'; atthi; suvimuttacitto arahā. Saṃvijjati arahato kāyo, phussati arahā kāyena phoṭṭhabbaṃ, chandarāgo arahato n'; atthi; suvimuttacitto arahā.
Saṃvijjati arahato mano, vijānāti arahā manasā dhammaṃ, chandarāgo arahato n'; atthi; suvimuttacitto arahā.
Cakkhu rūpārāmaṃ rūparataṃ rūpasammuditaṃ, taṃ arahato dantaṃ guttaṃ rakkhitaṃ saṃvutaṃ, tassa ca saṃvarāya dhammaṃ deseti. Sotaṃ saddārāmaṃ, ghānaṃ gandhārāmaṃ, jivhā rasārāmā rasaratā rasasammuditā, sā arahato dantā guttā rakkhitā saṃvutā, tassā ca saṃvarāya dhammaṃ deseti. Kāyo phoṭṭhabbārāmo, mano dhammārāmo dhammarato dhammasammudito, so arahato danto gutto rakkhito saṃvuto, tassa ca saṃvarāya dhammaṃ deseti.
*Dantaṃ nayanti samitiṃ, dantaṃ rājābhirūhati,
danto seṭṭho manussesu, yo 'tivākyaṃ titikkhati.
Varam assatarā dantā, ājāniyā va sindhavā,
kuñjarā va mahānāgā, attadanto tato varaṃ.
Na hi etehi yānehi gaccheyya amataṃ disaṃ,
yathā 'ttanā sudantena danto dantena gacchati.
**Vidhāsu na vikappanti vippamuttā punabbhavā,
dantabhūmiṃ anuppattā te loke vijitāvino.
[page 244]
244 Aṭṭhakavaggo. [S.N. 855
*Yass'; indriyāni bhāvitāni
ajjhattaṃ ca bahiddhā ca sabbaloke,
nibbijjh'; imaṃ parañ ca lokaṃ
kālaṃ kaṃkhati bhāvito sudanto ti.
Upekkhako sadā ti. Sadā sabbadā sabbakālaṃ niccakālaṃ dhuvakālaṃ . . . pe . . . pacchimavayo khandhe.
Sato ti catūhi kāraṇehi sato, kāye kāyānupassanāsatipaṭṭhānaṃ bhāvento sato, vedanāsu, citte, dhammesu dhammānupassanāsatipaṭṭhānaṃ bhāvento sato . . . pe . . . so vuccati sato ti, upekkhako sadā sato.
Na loke maññati saman ti sadiso 'ham asmī ti mānaṃ na janeti jātiyā vā gottena vā . . . pe . . . aññataraññatarena vā vatthunā ti, na loke maññati samaṃ.
Na visesī na nīceyyo ti seyyo 'ham asmī ti atimānaṃ na janeti jātiyā vā gottena vā . . . pe . . . aññataraññatarena vā vatthunā. Hīno 'ham asmī ti mānaṃ na janeti jātiyā vā gottena vā . . . pe . . . aññataraññatarena vā vatthunā ti, na visesī na nīceyyo.
Tassa no santi ussadā ti. Tassā ti arahato khīṇāsavassa.
Ussadā ti sattussadā, rāgussado dosussado mohussado mānussado diṭṭhussado kilesussado kammussado. Tass'; ime ussadā n'; atthi, na santi, na saṃvijjanti, n'; upalabbhanti, pahīnā samucchinnā vūpasantā paṭipassaddhā abhabbuppattikā ñāṇagginā daḍḍhā ti, tassa no santi ussadā. Ten'; āha Bhagavā:
Upekkhako sadā sato na loke maññatī samaṃ
na visesī na nīceyyo, tassa no santi ussadā ti.
_________________________________
Sn_IV,10.9(=856): Yassa nissayatā n'; atthi, ñatvā dhammaṃ anissito
bhavāya vibhavāya ca taṇhā yassa na vijjati. || Nidd_I.10:9 ||
[page 245]
S.N. 856] Purābhedasuttaniddeso. 245
Yassa nissayatā n'; atthī ti. Yassā ti arahato khīṇāsavassa. Nissayā ti dve nissayā, taṇhānissayo ca diṭṭhinissayo ca . . . pe . . . ayaṃ taṇhānissayo . . . pe . . . ayaṃ diṭṭhinissayo. Tassa taṇhānissayo pahīno, diṭṭhinissayo paṭinissaṭṭho; taṇhānissayassa pahīnattā, diṭṭhinissayassa paṭinissaṭṭhattā, nissayatā yassa n'; atthi, na saṃvijjati, n'; upalabbhati; pahīnā samucchinnā vūpasantā paṭipassaddhā abhabhuppattikā ñāṇagginā daḍḍhā ti, yassa nissayatā n'; atthi.
Ñatvā dhammaṃ anissito ti. Ñatvā ti ñatvā jānitvā tulayitvā tīrayitvā vibhāvayitvā vibhūtaṃ katvā. Sabbe saṃkhārā aniccā ti ñatvā jānitvā tulayitvā tīrayitvā vibhāvayitvā vibhūtaṃ katvā. Sabbe saṃkhārā dukkhā ti, sabbe dhammā anattā ti . . . pe . . . yaṃ kiñci samudayadhammaṃ sabban taṃ nirodhadhamman ti ñatvā jānitvā tulayitvā tīrayitvā vibhāvayitvā vibhūtaṃ katvā. Anissito ti dve nissayā, taṇhānissayo ca diṭṭhinissayo ca . . . pe . . . ayaṃ taṇhānissayo . . . pe . . . ayaṃ diṭṭhinissayo.
Tanhānissayaṃ pahāya, diṭṭhinissayaṃ paṭinissajjitvā, cakkhuṃ anissito, sotaṃ anissito, ghānaṃ anissito, jivhaṃ anissito, kāyaṃ anissito, manaṃ anissito, rūpe sadde gandhe rase phoṭṭhabbe kulaṃ gaṇaṃ āvāsaṃ . . . pe . . . diṭṭhasutamutaviññātabbe dhamme anissito anallīno anupagato anajjhosito anadhimutto nikkhanto nissaṭṭho vippamutto visaṃyutto vimariyādikatena cetasā viharatī ti, ñatvā dhammaṃ anissito.
Bhavāya vibhavāya ca taṇhā yassa na vijjatī ti. Taṇhā ti rūpataṇhā saddataṇhā gandhataṇhā rasataṇhā phoṭṭhabbataṇhā dhammataṇhā. Yassā ti arahato khīṇāsavassa. Bhavāyā ti bhavadiṭṭhiyā; vibhavāyā ti vibhavadiṭṭhiyā; bhavāyā ti sassatadiṭṭhiyā; vibhavāyā ti ucchedadiṭṭhiyā; bhavāyā ti punappunaṃ bhavāya, punappunaṃ gatiyā, punappunaṃ uppattiyā, punappunaṃ paṭisandhiyā,
[page 246]
246 Aṭṭhakavaggo. [S.N. 856
[... content straddling page break has been moved to the page above ...] punappunaṃ attabhāvābhinibbattiyā. Taṇhā yassa n'; atthi, na saṃvijjati, n'; upalabbhati, pahīnā samucchinnā vūpasantā paṭipassaddhā abhabbuppattikā ñāṇagginā daḍḍhā ti, bhavāya vibhavāya ca taṇhā yassa na vijjati. Ten'; āha Bhagavā:
Yassa nissayatā n'; atthi, ñatvā dhammaṃ anissito
bhavāya vibhavāya ca taṇhā yassa na vijjatī ti.
_________________________________
Sn_IV,10.10(=857): Taṃ brūmi upasanto ti kāmesu anapekkhinaṃ,
ganthā tassa na vijjanti, atāri so visattikaṃ. || Nidd_I.10:10 ||
Taṃ brūmi upasanto ti santo upasanto vūpasanto nibbuto paṭipassaddho ti. Taṃ brūmī ti taṃ kathemi, taṃ bhaṇāmi, taṃ dīpayāmi, taṃ voharāmī ti, taṃ brūmi upasanto.
Kāmesu anapekkhinan ti. Kāmā ti uddānato dve kāmā, vatthukāmā ca kilesakāmā ca . . . pe . . . ime vuccanti vatthukāmā . . . pe . . . ime vuccanti kilesakāmā.
Vatthukāme parijānitvā, kilesakāme pahāya pajahitvā vinoditvā byantīkaritvā anabhāvaṃ gamitvā, kāmesu anapekkhī vītakāmo cattakāmo vantakāmo muttakāmo pahīnakāmo paṭinissaṭṭhakāmo vītarāgo cattarāgo vantarāgo muttarāgo pahīnarāgo paṭinissaṭṭharāgo nicchāto nibbuto sītibhūto sukhapaṭisaṃvedī brahmabhūtena attanā viharatī ti, kāmesu anapekkhinaṃ.
Ganthā tassa na vijjantī ti. Ganthā ti cattāro ganthā, abhijjhā kāyagantho, byāpādo kāyagantho, sīlabbataparāmāso kāyagantho; idaṃsaccābhiniveso kāyagantho.
[page 247]
S.N. 858] Purābhedasuttaniddeso. 247
Attano diṭṭhiyā rāgo, abhijjhā kāyagantho. Paravādesu āghāto appaccayo, byāpādo kāyagantho. Attano sīlaṃ vā vattaṃ vā sīlabbattaṃ vā parāmasati, sīlabbataparāmāso kāyagantho. Attano diṭṭhi, idaṃsaccābhiniveso kāyagantho. Tassā ti arahato khīṇāsavassa. Ganthā tassa na vijjantī ti ganthā tassa n'; atthi, na santi, na saṃvijjanti, n'; upalabbhanti, pahīnā samucchinnā vūpasantā paṭipassaddhā abhabbuppattikā ñāṇagginā daḍḍhā ti, ganthā tassa na vijjanti.
Atāri so visattikan ti. Visattikā vuccati taṇhā; yo rāgo sārāgo . . . pe . . . abhijjhā lobho akusalamūlaṃ.
Visattikā ti. Ken'; atthena visattikā? Visatā ti visattikā, visālā ti visattikā, visaṭṭhā ti visattikā, visamā ti visattikā, visakkatī ti visattikā, visaṃharatī ti visattikā, visaṃvādikā ti visattikā, visamūlā ti visattikā, visaphalā ti visattikā, visaparibhogā ti visattikā, visālā vā pana sā taṇhā rūpe sadde gandhe rase phoṭṭhabbe kule gaṇe āvāse . . . pe . . . diṭṭhasutamutaviññātabbesu dhammesu visaṭā vitthatā ti, visattikā. Atāri so visattikan ti so imaṃ visattikaṃ taṇhaṃ atāri uttari pattari samatikkami vītivattatī ti, atāri so visattikaṃ. Ten'; āha Bhagavā:
Taṃ brūmi upasanto ti kāmesu anapekkhinaṃ,
ganthā tassa na vijjanti, atāri so visattikan ti.
_________________________________
Sn_IV,10.11(=858): Na tassa puttā pasavo khettaṃ vatthuñ ca vijjati,
attaṃ vā pi nirattaṃ vā na tasmiṃ upalabbhati. || Nidd_I.10:11 ||
Na tassa puttā pasavo khettaṃ vatthuñ ca vijjatī ti.
Nā ti paṭikkhepo. Tassā ti arahato khīṇāsavassa. Puttā ti cattāro puttā, attajo putto, khettajo putto, dinnako putto,
[page 248]
248 Aṭṭhakavaggo. [S.N. 858
[... content straddling page break has been moved to the page above ...] antevāsiko putto. Pasavo ti ajeḷakā kukkuṭasūkarā hatthigavāssavaḷavā. Khettan ti sālikhettaṃ vīhikhettaṃ muggakhettaṃ māsakhettaṃ yavakhettaṃ godhūmakhettaṃ tilakhettaṃ. Vatthun ti gharavatthu koṭṭhakavatthu purevatthu pacchāvatthu ārāmavatthu vihāravatthu. Na tassa puttā pasavo khettaṃ vatthuñ ca vijjatī ti tassa puttapariggaho vā pasupariggaho vā khettapariggaho vā vatthupariggaho vā n'; atthi, na santi, na saṃvijjanti, n'; upalabbhanti, pahīnā samucchinnā vūpasantā paṭipassaddhā abhabbuppattikā ñāṇagginā daḍḍhā ti, na tassa puttā pasavo khettaṃ vatthuñ ca vijjati.
Attaṃ vā pi nirattaṃ vā na tasmiṃ upalabbhatī ti.
Attā ti sassatadiṭṭhi n'; atthi, nirattā ti ucchedadiṭṭhi n'; atthi, attā ti gahitaṃ n'; atthi, nirattā ti muñcitabbaṃ n'; atthi. Yassa n'; atthi gahitaṃ, tassa n'; atthi muñcitabbaṃ; yassa n'; atthi muñcitabbaṃ, tassa n'; atthi gahitaṃ; gahaṇamuñcanaṃ samatikkanto arahā vuddhiṃ parihāniṃ vītivatto. So vuṭṭhavāso ciṇṇacaraṇo . . . pe . . . n'; atthi tassa punabbhavo ti, attaṃ vā pi nirattaṃ vā na tasmiṃ upalabbhati. Ten'; āha Bhagavā:
Na tassa puttā pasavo khettaṃ vatthuñ ca vijjati,
attaṃ vā pi nirattaṃ vā na tasmiṃ upalabbhatī ti.
_________________________________
Sn_IV,10.12(=859): Yena vajjuṃ puthujjanā atho samaṇabrāhmaṇā,
taṃ tassa apurekkhataṃ, tasmā vādesu n'; ejati. || Nidd_I.10:12 ||
Yena naṃ vajjuṃ puthujjanā atho samaṇabrāhmaṇā ti.
Puthujjanā ti. Ken'; atthena puthujjanā? Puthukilese janentī ti puthujjanā;
[page 249]
S.N. 859] Purābhedasuttaniddeso. 249
[... content straddling page break has been moved to the page above ...] puthu avihatasakkāyadiṭṭhikā ti puthujjanā; puthu satthārānaṃ mukhullokikā ti puthujjanā; puthu sabbagatīhi āvunitā ti puthujjanā; puthu nānābhisaṃkhārehi abhisaṃkharontī ti puthujjanā; puthu nānā-oghehi vuyhantī ti puthujjanā; puthu nānāsantāpehi santappentī ti puthujjanā; puthu nānāpariḷāhehi pariḍayhantī ti puthujjanā puthu pañcasu kāmaguṇesu rattā giddhā gadhitā ajjhopannā laggā laggitā palibuddhā ti puthujjanā puthu pañcahi nīvaraṇehi āvuṭā nivutā ophutā pihitā paṭicchannā paṭikujjitā ti puthujjanā.
Samaṇā ti ye keci ito bahiddhā paribbājupagatā paribbājasamāpannā. Brāhmaṇā ti ye keci bhovādikā. Yena vajjuṃ putthujjanā atho samaṇabrāhmaṇā ti puthujjanā yena rāgena vadeyyuṃ, yena dosena vadeyyuṃ, yena mohena vadeyyuṃ, yena mānena vādeyyuṃ, yāya diṭṭhiyā vadeyyuṃ, yena uddhaccena vadeyyuṃ, yāya vicikicchāya vadeyyuṃ, yehi anusayehi vadeyyuṃ ratto ti vā, duṭṭho ti vā, mūḷho ti vā, vinibandho ti vā, parāmaṭṭho ti vā, vikkhepagato ti vā, aniṭṭhaṅgato ti vā, thāmagato ti vā; te abhisaṃkhārā pahīnā, abhisaṃkhārānaṃ pahīnattā, gatiyā yena vadeyyuṃ nerayiko ti vā, tiracchānayoniko ti vā, pittivisayiko ti vā, manusso ti vā, devo ti vā, rūpī ti vā, arūpī ti vā, saññī ti vā, asaññī ti vā, nevasaññīnāsaññī ti vā, so hetu n'; atthi, paccayo n'; atthi, kāraṇaṃ n'; atthi, yena vadeyyuṃ katheyyuṃ bhaṇeyyuṃ dīpayeyyuṃ vohareyyun ti, yena vajjuṃ puthujjanā atho samaṇabrāhmaṇā.
Taṃ tassa apurekkhatan ti. Tassā ti arahato khīṇāsavassa. Purekkhāro ti dve purekkhārā, taṇhāpurekkhāro ca diṭṭhipurekkhāro ca
[page 250]
250 Aṭṭhakavaggo. [S.N. 859
[... content straddling page break has been moved to the page above ...] . . . pe . . . ayaṃ taṇhāpurekkhāro . . . pe . . . ayaṃ diṭṭhipurekkhāro. Tassa taṇhāpurekkhāro pahīno, diṭṭhipurekkhāro paṭinissaṭṭho, taṇhāpurekkhārassa pahīnattā, diṭṭhipurekkhārassa paṭinissaṭṭhattā, na taṇhaṃ vā diṭṭhiṃ vā purato katvā carati; na taṇhādhajo, na taṇhāketu, na taṇhādhipateyyo, na diṭṭhidhajo, na diṭṭhiketu, na diṭṭhādhipateyyo, na taṇhāya vā diṭṭhiyā vā parivārito caratī ti, taṃ tassa apurekkhataṃ.
Tasmā vādesu n'; ejatī ti. Tasmā ti tasmā taṃkāraṇā taṃhetu tappaccayā taṃnidānā vādesu upavādesu nindāya garahāya akittiyā avaṇṇahārikāya n'; ejati, na ejati, na calati, na vedhati, na-ppavedhati na sampavedhatī ti, tasmā vādesu n'; ejati. Ten'; āha Bhagavā:
Yena vajjuṃ puthujjanā atho samaṇabrāhmaṇā,
taṃ tassa apurekkhataṃ, tasmā vādesu n'; ejatī ti.
_________________________________
Sn_IV,10.13(=860): Vītagedho amaccharī na ossesu vadate muni
na samesu na omesu, kappaṃ n'; eti akappiyo. || Nidd_I.10:13 ||
Vītagedho amaccharī ti. Gedho vuccati {taṇhā}, yo rāgo sārāgo . . . pe . . . abhijjhā lobho akusalamūlaṃ. Yass'; eso gedho pahīno samucchinno vūpasanto paṭipassaddho abhabbuppattiko ñāṇagginā daḍḍho, so vuccati vītagedho.
So rūpe agiddho . . . pe . . . diṭṭhasutamutaviññātabbesu dhammesu agiddho agadhito amucchito anajjhopanno vītagedho cattagedho vantagedho muttagedho paṭinissaṭṭhagedho nicchāto nibbuto sītibhūto sukhapaṭisaṃvedī brahmabhūtena attanā viharatī ti, vītagedho.
[page 251]
S.N. 861] Purābhedasuttaniddeso. 251
Amaccharī ti. Macchariyan ti pañca macchariyāni, āvāsamacchariyaṃ kulamacchariyaṃ lābhamacchariyaṃ vaṇṇamacchariyaṃ dhammamacchariyaṃ; yaṃ evarūpaṃ macchariyaṃ . . . pe . . . gāho vuccati macchariyaṃ.
Yass'; etaṃ macchariyaṃ pahīnaṃ samucchinnaṃ vūpasantaṃ paṭipassaddhaṃ abhabbuppattikaṃ ñāṇagginā daḍḍhaṃ, so vuccati amaccharī ti, vītagedho amaccharī.
Na ossesu vadate muni, na samesu na omesū ti. Munī ti monaṃ vuccati ñāṇaṃ . . . pe . . . saṅgajālam aticca so muni. Muni seyyo 'ham asmī ti vā, sadiso 'ham asmī ti vā, hīno 'ham asmī ti vā, na vadati, na katheti, na bhaṇati, na dīpayati, na voharatī ti, na ossesu vadate muni, na samesu na omesu.
Kappaṃ n'; eti akappiyo ti. Kappo ti dve kappā, taṇhākappo ca diṭṭhikappo ca . . . pe . . . ayaṃ taṇhākappo . . . pe . . . ayaṃ diṭṭhikappo. Tassa taṇhākappo pahīno, diṭṭhikappo paṭinissaṭṭho, taṇhākappassa pahīnattā, diṭṭhikappassa paṭinissaṭṭhattā, taṇhākappaṃ vā diṭṭhikappaṃ vā n'; eti, na upeti, na upagacchati, na gaṇhāti, na parāmasati, n'; ābhinivisatī ti. Kappaṃ n'; eti akappiyo ti. Kappo ti dve kappā, taṇhākappo ca diṭṭhikappo ca . . . pe . . . ayaṃ taṇhākappo . . . pe . . . ayaṃ diṭṭhikappo. Tassa taṇhākappo pahīno, diṭṭhikappo paṭinissaṭṭho, tassa taṇhākappassa pahīnattā diṭṭhikappassa paṭinissaṭṭhattā taṇhākappaṃ vā diṭṭhikappaṃ vā na kappeti na janeti na sañjaneti na nibbatteti n'; ābhinibbattetī ti, kappaṃ n'; eti akappiyo. Ten'; āha Bhagavā:
Vītagedho amaccharī na ossesu vadate muni
na samesu na omesu, kappaṃ n'; eti akappiyo ti.
_________________________________
Sn_IV,10.14(=861): Yassa loke sakaṃ n'; atthi, asatā ca na socati,
dhammesu ca na gacchati, sa ve santo ti vuccati. || Nidd_I.10:14 ||
[page 252]
252 Aṭṭhakavaggo. [S.N. 861
Yassa loke sakaṃ n'; atthī ti. Yassā ti arahato khīṇāsavassa. Sakaṃ n'; atthī ti yassa mayhaṃ vā idaṃ paresam vā idan ti kiñci rūpagataṃ vedanāgataṃ saññāgataṃ saṃkhāragataṃ viññāṇagataṃ gahitaṃ parāmaṭṭhaṃ abhiniviṭṭhaṃ ajjhositaṃ adhimuttaṃ n'; atthi . . . pe . . . ñāṇagginā daḍḍhan ti, yassa loke sakaṃ n'; atthi.
Asatā ca na socatī ti vipariṇataṃ vā vatthuṃ na socati, vipariṇatasmiṃ vā vatthusmiṃ na socati, cakkhu me vipariṇatan ti na socati, sotaṃ me, ghānaṃ me, jivhā me, kāyo me, mano me, rūpā me, saddā me, gandhā me, rasā me, phoṭṭhabbā me, kulaṃ me, gaṇo me, āvāso me, lābho me, yaso me, pasaṃsā me, sukhaṃ me, cīvaraṃ me, piṇḍapāto me, senāsanaṃ me, gilānapaccayabhesajjaparikkhāro me, mātā me, pitā me, bhātā me, bhaginī me, putto me, dhītā me, mittā me, amaccā me, ñātakā me, sālohitā me vipariṇatā ti na socati, na kilamati, na paridevati, na urattāḷiṃ kandati, na sammohaṃ āpajjatī ti, evam pi asatā ca na socati.
Athavā asātāya dukkhāya vedanāya phuṭṭho pareto samohito samannāgato na socati, na kilamati, na paridevati, na urattāḷiṃ kandati, na sammohaṃ āpajjati; cakkhurogena phuṭṭho pareto samohito samannāgato na socati, na kilamati, na paridevati, na urattāḷiṃ kandati na sammohaṃ āpajjati; sotarogena ghānarogena jivhārogena kāyarogena sīsarogena kaṇṇarogena mukharogena dantarogena kāsena sāsena pināsena ḍāhena jarena kucchirogena mucchāya pakkhandikāya sulāya visūcikāya kuṭṭhena gaṇḍena kilāsena sosena apamārena danduyā kaṇḍuyā kacchuyā rakhasāya vitacchikāya lohitena pittena madhumehena aṃsāya pīḷakāya bhagandalāya pittasamuṭṭhānehi ābādhehi semhasamuṭṭhānehi ābādhehi vātasamuṭṭhānehi ābādhehi sannipātikehi ābādhehi utupariṇāmajehi ābādhehi opakkamikehi ābādhehi kammavipākajehi ābādhehi sītena uṇhena jighacchāya pipāsāya uccārena passāvena ḍaṃsamakasavātātapasīriṃsapasamphassehi phuṭṭho pareto samohito samannāgato na socati,
[page 253]
S.N. 861] Purābhedasuttaniddeso. 253
[... content straddling page break has been moved to the page above ...] na kilamati, na paridevati, na urattāḷiṃ kandati, na sammohaṃ āpajjatī ti, evam pi asatā ca na socati.
Athavā asante asaṃvijjamāne anupalabbhiyamāne: aho vata me taṃ, taṃ vata me n'; atthi; siyā vata me taṃ, taṃ vatāhaṃ na labhāmī ti na socati, na kilamati, na paridevati, na urattāḷiṃ kandati, na sammohaṃ āpajjatī ti, evam pi asatā ca na socati.
Dhammesu ca na gacchatī ti na chandāgatiṃ gacchati, na dosāgatiṃ gacchati, na mohāgatiṃ gacchati, na bhayāgatiṃ gacchati, na rāgavasena gacchati, na dosavasena gacchati, na mohavasena gacchati, na mānavasena gacchati, na diṭṭhivasena gacchati, na uddhaccavasena gacchati, na vicikicchāvasena gacchati, na anusayavasena gacchati, na vaggehi dhammehi yāyati niyyati vuyhati saṃhariyatī ti, dhammesu ca na gacchati.
Sa ve santo ti vuccatī ti so santo upasanto vūpasanto nibbuto paṭipassaddho vuccati kathiyati bhaṇiyati dīpayati vohariyatī ti,
[page 254]
254 Aṭṭhakavaggo. [S.N. 861
[... content straddling page break has been moved to the page above ...] sa ve santo ti vuccati. Ten'; āha Bhagavā:
Yassa loke sakaṃ n'; atthi, asatā ca na socati,
dhammesu ca na gacchati, sa ve santo ti vuccatī ti.
DASAMO PURĀBHEDASUTTANIDDESO NIṬṬHITO.
[page 255]
255
Mahāniddeso.
Part
EKĀDASAMO KALAHAVIVĀDASUTTANIDDESO.
Sn_IV,11.1(=862): Kuto pahūtā kalahā vivādā
paridevasokā sahamaccharā ca
mānātimānā sahapesuṇā ca,
kuto pahūtā te, tad iṃgha brūhi. || Nidd_I.11:1 ||
Kuto pahūtā kalahā vivādā ti. Kalaho ti ekena ākārena kalaho pi vivādo pi tañ ñeva; yo kalaho so vivādo, yo vivādo so kalaho. Athavā aparena ākārena vivādo vuccati kalahassa pubbabhāgo vivādo. Rājāno pi rājūhi vivadanti, khattiyā pi khattiyehi vivadanti, brāhmaṇā pi brāhmaṇehi vivadanti, gahapatikā pi gahapatīhi vivadanti, mātā pi puttena vivadati, putto pi mātarā vivadati, pitā pi puttena vivadati, putto pi pitarā vivadati, bhātā pi bhātarā vivadati, bhātā pi bhaginiyā vivadati, bhaginī pi bhātarā vivadati, sahāyo pi sahāyena vivadati; ayaṃ vivādo.
Katamo kalaho? Āgārikā randhapasutā kāyena vācāya kalahaṃ karonti; pabbajitā āpattiṃ āpajjantā kāyena vācāya kalahaṃ karonti; ayaṃ kalaho.
[page 256]
256 Aṭṭhakavaggo. [S.N. 862
Kuto pahūtā kalahā vivādā ti. Kalahā ca vivādā ca kuto pahūtā, kuto jātā, kuto sañjātā, kuto nibbattā, kuto abhinibbattā, kuto pātubhūtā, kiṃnidānā kiṃsamudayā kiṃjātikā kiṃpabhavā ti kalahassa ca vivādassa ca mūlaṃ pucchati, hetuṃ pucchati, nidānaṃ pucchati, sambhavaṃ pucchati, pabhavaṃ pucchati, samuṭṭhānaṃ pucchati, āhāraṃ pucchati, ārammaṇaṃ pucchati, paccayaṃ pucchati, samudayaṃ pucchati papucchati yācati ajjhesati pasādetī ti, kuto pahūtā kalahā vivādā.
Paridevasokā sahamaccharā cā ti. Paridevo ti ñātibyasanena vā phuṭṭhassa, bhogabyasanena vā phuṭṭhassa, rogabyasanena vā phuṭṭhassa, sīlabyasanena vā phuṭṭhassa, diṭṭhibyasanena vā phuṭṭhassa, aññataraññatarena vā byasanena samannāgatassa, aññataraññatarena vā dukkhadhammena phuṭṭhassa ādevo paridevo ādevanā paridevanā ādevitattaṃ paridevitattaṃ vācāpalāpo vippalāpo lālappo lālappāyanā lālappāyitattaṃ.
Soko ti ñātibyasanena vā phuṭṭhassa, bhogabyasanena vā phuṭṭhassa, rogabyasanena vā phuṭṭhassa, sīlabyāsanena vā phuṭṭhassa, diṭṭhibyasanena vā phuṭṭhassa, aññataraññatarena vā byasanena samannāgatassa aññataraññatarena vā dukkhadhammena phuṭṭhassa soko socanā socitattaṃ antosoko antoparisoko antoḍāho antopariḍāho cetaso parijjhāyanā domanassaṃ sokasallaṃ.
Macchariyan ti pañca macchariyāni, āvāsamacchariyaṃ kulamacchariyaṃ lābhamacchariyaṃ vaṇṇamacchariyaṃ dhammamacchariyaṃ; evarūpaṃ macchariyaṃ maccharāyanā maccharāyitattaṃ vevicchaṃ kadariyaṃ kaṭukañcakatā aggahitattaṃ cittassa; idaṃ vuccati macchariyaṃ. Api ca khandhamacchariyam pi macchariyaṃ, dhātumacchariyam pi macchariyaṃ, āyatanamacchariyam pi macchariyaṃ,
[page 257]
S.N. 862] Kalahavivādasuttaniddeso. 257
[... content straddling page break has been moved to the page above ...] gāho vuccati macchariyan ti, paridevasokā sahamaccharā ca.
Mānātimānā sahapesuṇā cā ti. Māno ti idh'; ekacco mānaṃ janeti, jātiyā vā gottena vā kolaputtikena vā vaṇṇapokkharatāya vā dhanena vā ajjhenena vā kammāyatanena vā sippāyatanena vā vijjaṭṭhānena vā sutena vā paṭibhāṇena vā aññataraññatarena vā vatthunā.
Atimāno ti idh'; ekacco aññaṃ atimaññati jātiyā vā gottena vā . . . pe . . . aññataraññatarena vā vatthunā.
Pesuññan ti idh'; ekacco pisuṇavāco hoti, ito sutvā amutra akkhātā imesaṃ bhedāya, amutra vā sutvā imesaṃ akkhātā amūsaṃ bhedāya; iti samaggānaṃ vā bhettā, bhinnānaṃ vā anuppadātā, vaggārāmo vaggarato vagganandī, vaggakaraṇiṃ vācaṃ bhāsitā hoti; idaṃ vuccati pesuññaṃ.
Api ca dvīhi kāraṇehi pesuññaṃ upasaṃharati, piyakamyatāya vā bhedādhippāyo vā. Kathaṃ piyakamyatāya pesuññaṃ upasaṃharati? Imassa piyo bhavissāmi, manāpo bhavissāmi, vissāsiko bhavissāmi, abbhantariko bhavissāmi, suhadayo bhavissāmī ti evaṃ piyakamyatāya pesuññaṃ upasaṃharati. Kathaṃ bhedādhippāyo pesuññaṃ upasaṃharati? Kathaṃ ime nānā assu, vinā assu, vaggā assu, dvedhā assu, dvejjhā assu, dvepakkhā assu, bhijjeyyuṃ, na samāgaccheyyuṃ, dukkhaṃ na phāsu vihareyyun ti, evaṃ bhedādhippāyo pesuññaṃ upasaṃharatī ti, mānātimānā sahapesuṇā ca.
Kuto pahūtā te, tad iṃgha brūhī ti. Kalaho ca vivādo ca paridevo ca soko ca macchariyañ ca māno ca atimāno ca pesuññañ ca ime aṭṭha kilesā kuto pahūtā,
[page 258]
258 Aṭṭhakavaggo. [S.N. 862
[... content straddling page break has been moved to the page above ...] kuto jātā, kuto sañjātā, kuto nibbattā, kuto abhinibbattā, kuto pātubhūtā, kiṃnidānā kiṃsamudayā kiṃjātikā kiṃpabhavā ti imesaṃ aṭṭhannaṃ kilesānaṃ mūlaṃ pucchati, hetuṃ pucchati, nidānaṃ pucchati, sambhavaṃ pucchati, pabhavaṃ pucchati, samuṭṭhānaṃ pucchati, āhāraṃ pucchati, ārammaṇaṃ pucchati, paccayaṃ pucchati, samudayaṃ pucchati papucchati yācati ajjhesati pasādetī ti, kuto pahūtā te, tad iṃgha brūhī ti.
Iṅgha brūhi ācikkhāhi desehi paññāpehi paṭṭhapehi vivara vibhaja uttānīkarohi pakāsehī ti, kuto pahūtā te, tad iṃgha brūhi. Ten'; āha so nimmito:
Kuto pahūtā kalahā vivādā
paridevasokā sahamaccharā ca
mānātimānā sahapesuṇā ca,
kuto pahūtā te, tad iṃgha brūhī ti.
_________________________________
Sn_IV,11.2(=863): Piyappahūtā kalahā vivādā
paridevasokā sahamaccharā ca
mānātimānā sahapesuṇā ca,
maccherayuttā kalahā vivādā
vivādajātesu ca pesuṇāni. || Nidd_I.11:2 ||
Piyappahūtā kalahā vivādā paridevasokā sahamaccharā cā ti. Piyā ti dve piyā, sattā vā saṃkhārā vā.
Katame sattā piyā? Idha yassa te honti atthakāmā hitakāmā phāsukāmā yogakkhemakāmā, mātā vā pitā vā bhātā vā bhaginī vā putto vā dhītā vā mittā vā amaccā vā ñātī vā sālohitā vā; ime sattā piyā. Katame saṃkhārā piyā? Manāpikā rūpā, manāpikā saddā, manāpikā gandhā, manāpikā rasā, manāpikā phoṭṭhabhā; ime saṃkhārā piyā.
[page 259]
S.N. 863] Kalahavivādasuttaniddeso. 259
Piyavatthu-acchedasaṃkino pi kalahaṃ karonti, acchijjante pi kalahaṃ karonti, acchinne pi kalahaṃ karonti, piyavatthuvipariṇāmasaṃkino pi kalahaṃ karonti, vipariṇāmante pi kalahaṃ karonti, vipariṇate pi kalahaṃ karonti. Piyavatthu-acchedasaṃkino pi vivadanti, acchijjante pi vivadanti, acchinne pi vivadanti, piyavatthuvipariṇāmasaṃkino pi vivadanti, vipariṇāmante pi vivadanti, vipariṇate pi vivadanti. Piyavatthu-acchedasaṃkino pi paridevanti, acchijjante pi paridevanti acchinne pi paridevanti, piyavatthuvipariṇāmasaṃkino pi paridevanti, vipariṇāmante pi paridevanti, vipariṇate pi paridevanti. Piyavatthu-acchedasaṃkino pi socanti, acchijjante pi socanti, acchinne pi socanti; piyavatthuvipariṇāmasaṃkino pi socanti, vipariṇāmante pi socanti, vipariṇate pi socanti. Piyavatthuṃ rakkhanti gopenti pariggaṇhanti mamāyanti maccharāyanti.
Mānātimānā sahapesuṇā cā ti. Piyavatthuṃ nissāya mānaṃ janenti, piyavatthuṃ nissāya atimānaṃ janenti.
Kathaṃ piyavatthuṃ nissāya mānaṃ janenti? Mayaṃ lābhino manāpikānaṃ rūpānaṃ saddānaṃ gandhānaṃ rasānaṃ phoṭṭhabbānan ti; evaṃ piyavatthuṃ nissāya mānaṃ janenti.
Kathaṃ piyavatthuṃ nissāya atimānaṃ janenti? Mayaṃ lābhino manāpikānaṃ rūpānaṃ saddānaṃ gandhānaṃ rasānaṃ phoṭṭhabbānaṃ; ime pana na lābhino manāpikānaṃ rūpānaṃ saddānaṃ gandhānaṃ rasānaṃ phoṭṭhabbānan ti; evaṃ piyavatthuṃ nissāya atimānaṃ janenti.
Pesuññan ti. Idh'; ekacco pisuṇavāco hoti, ito sutvā amutra akkhātā imesaṃ bhedāya . . . pe . . . evaṃ bhedādhippāyo pesuññaṃ upasaṃharatī ti . . . pe . . . mānātimānā sahapesuṇā ca.
[page 260]
260 Aṭṭhakavaggo. [S.N. 863
Maccherayuttā kalahā vivādā ti kalaho ca vivādo ca paridevo ca soko ca māno ca atimāno ca pesuññaṃ ca ime satta kilesā macchariye yuttā payuttā āyuttā samāyuttā ti, maccherayuttā kalahā vivādā.
Vivādajātesu ca pesuṇānī ti vivāde jāte sañjāte nibbatte abhinibbatte pātubhūte pesuññaṃ upasaṃharanti; ito sutvā amutra akkhāyanti imesaṃ bhedāya, amutra vā sutvā imesaṃ akkhāyanti amūsaṃ bhedāya; iti samaggānaṃ vā bhettā bhinnānaṃ vā anuppadātā, vaggārāmā vaggaratā vagganandī vaggakaraṇiṃ vācaṃ bhāsitā honti; idaṃ vuccati pesuññaṃ.
Api ca dvīhi kāraṇehi pesuññaṃ upasaṃharanti, piyakamyatāya vā bhedādhippāyā vā. Kathaṃ piyakamyatāya pesuññaṃ upasaṃharanti? Imassa piyā bhavissāma, manāpā bhavissāma, vissāsikā bhavissāma, abbhantarikā bhavissāma, suhadayā bhavissāmā ti; evaṃ piyakamyatāya pesuññaṃ upasaṃharanti. Kathaṃ bhedādhippāyā pesuññaṃ upasaṃharanti? Kathaṃ ime nānā assu, vinā assu, vaggā assu, dvedhā assu, dvejjhā assu, dvepakkhā assu, bhijjeyyuṃ, na samāgaccheyyuṃ, dukkhaṃ na phāsu vihareyyun ti; evaṃ bhedādhippāyā pesuññaṃ upasaṃharantī ti, vivādajātesu ca pesuṇāni.
Ten'; āha Bhagavā:
Piyappahūtā kalahā vivādā
paridevasokā sahamaccharā ca
mānātimānā sahapesuṇā ca,
maccherayuttā kalahā vivādā
vivādajātesu ca pesuṇānī ti.
_________________________________
[page 261]
S.N. 864] Kalahavivādasuttaniddeso. 261
Sn_IV,11.3(=864): Piyā su lokasmiṃ kutonidānā
ye vā pi lobhā vicaranti loke?
āsā ca niṭṭhā ca kutonidānā,
ye samparāyāya narassa honti? || Nidd_I.11:3 ||
Piyā su lokasmiṃ kutonidānā ti. Piyā kutonidānā, kuto jātā, kuto sañjātā, kuto nibbattā, kuto abhinibbattā, kuto pātubhūtā, kiṃnidānā kiṃsamudayā kiṃjātikā, kiṃpabhavā? ti piyānaṃ mūlaṃ pucchati . . . pe . . . samudayaṃ pucchati papucchati yācati ajjhesati pasādeti ti, piyā su lokasmiṃ kutonidānā?
Ye vā pi lobhā vicaranti loke ti. Ye vā pī ti khattiyā ca brāhmaṇā ca vessā ca suddā ca gahaṭṭhā ca pabbajitā ca devā ca manussā ca. Lobhā ti yo lobho lubbhanā lubbhitattaṃ sārāgo sārajjanā sārajjitattaṃ abhijjhā lobho akusalamūlaṃ. Vicarantī ti vicaranti viharanti iriyanti vattanti pālenti yapenti yāpenti. Loke ti apāyaloke manussaloke devaloke khandhaloke dhātuloke āyatanaloke ti, ye vā pi lobhā vicaranti loke.
Āsā ca niṭṭhā ca kutonidānā ti. Āsā ca niṭṭhā ca kutonidānā, kuto jātā, kuto sañjātā, kuto nibbattā, kuto abhinibbattā, kuto pātubhūtā, kiṃnidānā kiṃsamudayā kiṃjātikā kiṃpabhavā? ti āsāya ca niṭṭhāya ca mūlaṃ pucchati . . . pe . . . samudayaṃ pucchati papucchati yācati ajjhesati pasādetī ti, āsā ca niṭṭhā ca kutonidānā?
Ye samparāyāya narassa hontī ti ye narassa parāyanā honti, dīpā honti, tāṇā honti, leṇā honti, saraṇā honti; naro niṭṭhāparāyano hotī ti, ye samparāyāya narassa honti. Ten'; āha so nimmito:
[page 262]
262 Aṭṭhakavaggo. [S.N. 864
Piyā su lokasmiṃ kutonidānā
ye vā pi lobhā vicaranti loke?
āsā ca niṭṭhā ca kutonidānā,
ye samparāyāya narassa hontī? ti.
_________________________________
Sn_IV,11.4(=865): Chandānidānāni piyāni loke
ye vā pi lobhā vicaranti loke;
āsā ca niṭṭhā ca itonidānā,
ye samparāyāya narassa honti. || Nidd_I.11:4 ||
Chandānidānāni piyāni loke ti. Chando ti yo kāmesu kāmachando kāmarāgo kāmanandi kāmataṇhā kāmasineho kāmapariḷāho kāmamucchā kāma-m-ajjhosānaṃ kāmogho kāmayogo kāmupādānaṃ kāmachandanīvaraṇaṃ.
Api ca pañca chandā, pariyesanachando paṭilābhachando paribhogachando sannidhichando visajjanachando.
Katamo pariyesanachando? Idh'; ekacco ajjhosito yeva atthiko chandajāto rūpe pariyesati, saddhe gandhe rase phoṭṭhabbe pariyesati; ayaṃ pariyesanachando.
Katamo paṭilābhachando? Idh'; ekacco ajjhosito yeva atthiko chandajāto rūpe paṭilabhati, sadde gandhe rase phoṭṭhabbe paṭilabhati; ayaṃ paṭilābhachando.
Katamo paribhogachando? Idh'; ekacco ajjhosito yeva atthiko chandajāto rūpe paribhuñjati, sadde gandhe rase phoṭṭhabbe paribhuñjati; ayaṃ paribhogachando.
Katamo sannidhichando? Idh'; ekacco ajjhosito yeva atthiko chandajāto dhanasannicayaṃ karoti, āpadāsu bhavissatī ti; ayaṃ sannidhichando.
Katamo visajjanachando? Idh'; ekacco ajjhosito yeva atthiko chandajāto dhanaṃ visajjeti hatthārohānaṃ assārohānaṃ rathikānaṃ dhanuggahānaṃ pattikānaṃ:
ime maṃ rakkhissanti gopissanti saṃparivārissantī ti; ayaṃ visajjanachando.
[page 263]
S.N. 865] Kalahavivādasuttaniddeso. 263
Piyānī ti dve piyā, sattā vā saṃkhārā vā . . . pe . . . ime sattā piyā . . . pe . . . ime saṃkhārā piyā.
Chandānidānāni piyānī loke ti piyā chandanidānā, piyā chandasamudayā chandajātikā chandappabhavā ti, chandānidānāni piyāni loke.
Ye vā pi lobhā vicaranti loke ti. Ye vā pī ti khattiyā ca brāhmaṇā ca vessā ca suddā ca gahaṭṭhā ca pabbajitā ca devā ca manussā ca. Lobhā ti yo lobho lubbhanā lubbhitattaṃ sārāgo sārajjanā sārajjitattaṃ, abhijjhā lobho akusalamūlaṃ. Vicarantī ti vicaranti viharanti iriyanti vattanti pālenti yapenti yāpenti. Loke ti apāyaloke . . . pe . . . āyatanaloke ti, ye vā pi lobhā vicaranti loke.
Āsā cā niṭṭhā ca itonidānā ti. Āsā vuccati taṇhā; yo rāgo sārāgo . . . pe . . . abhijjhā lobho akusalamūlaṃ.
Niṭṭhā ti idh'; ekacco rūpe pariyesanto rūpaṃ paṭilabhati, rūpaniṭṭho hoti; sadde gandhe rase phoṭṭhabbe kulaṃ gaṇaṃ āvāsaṃ lābhaṃ yasaṃ pasaṃsaṃ sukhaṃ cīvaraṃ piṇḍapātaṃ senāsanaṃ gilānapaccayabhesajjaparikkhāraṃ suttantaṃ vinayaṃ abhidhammaṃ āraññikaṅgaṃ piṇḍapātikaṅgaṃ paṃsukūlikaṅgaṃ tecīvarikaṅgaṃ sapadānacārikaṅgaṃ khalūpacchābhattikaṅgaṃ nesajjikaṅgaṃ yathāsanthatikaṅgaṃ, paṭhamaṃ jhānaṃ, dutiyaṃ jhānaṃ, tatiyaṃ jhānaṃ, catutthaṃ jhānaṃ, ākāsāñcāyatanasamāpattiṃ viññāṇañcāyatanasamāpattiṃ ākiñcaññāyatanasamāpattiṃ nevasaññānāsaññāyatanasamāpattiṃ pariyesanto nevasaññānāsaññāyātanasamāpattiṃ paṭilabhati, nevasaññānāsaññāyatanasamāpattiniṭṭho hoti.
*Āsāya kasate khettaṃ, vījaṃ āsāya vappati,
āsāya vāṇijā yanti samuddaṃ dhanahārakā.
Yāya āsāya tiṭṭhāmi sā me āsā samijjhatī ti.
Niṭṭhā vuccate āsāya samiddhi.
[page 264]
264 Aṭṭhakavaggo. [S.N. 865
Āsā ca niṭṭhā ca itonidānā ti āsā ca niṭṭhā ca ito chandanidānā chandasamudayā chandajātikā chandappabhavā ti, āsā ca niṭṭhā ca itonidānā.
Ye samparāyāya narassa hontī ti ye narassa parāyanā honti, dīpā honti, tāṇā honti, leṇā honti, saraṇā honti; naro niṭṭhāparāyano hotī ti, ye samparāyāya narassa honti. Ten'; āha Bhagavā:
Chandānidānāni piyāni loke
ye vā pi lobhā vicaranti loke;
āsā ca niṭṭhā ca itonidānā,
ye samparāyāya narassa hontī ti.
_________________________________
Sn_IV,11.5(=866): Chando nu lokasmiṃ kutonidāno?
vinicchayā vā pi kuto pahūtā
kodho mosavajjañ ca kathaṃkathā ca,
ye vā pi dhammā samaṇena vuttā? || Nidd_I.11:5 ||
Chando nu lokasmiṃ kuto nidāno? ti. Chando kutonidāno, kuto jāto, kuto sañjāto, kuto nibbatto, kuto abhinibbatto, kuto pātubhūto, kiṃnidāno kiṃsamudayo kiṃjātiko kimpabhavo? ti chandassa mūlaṃ pucchati . . . pe . . . samudayaṃ pucchati papucchati yācati ajjhesati pasādetī ti, chando nu lokasmiṃ kuto nidāno?
Vinicchayā vā pi kuto pahūtā ti. Vinicchayā kuto pahutā, kuto jātā, kuto sañjātā, kuto nibbattā, kuto abhinibbattā, kuto pātubhūtā, kiṃnidānā kiṃsamudayā kiṃjātikā kiṃpabhavā? ti vinicchayānaṃ mūlaṃ pucchati . . . pe . . . samudayaṃ pucchati papucchati yācati ajjhesati pasādetī ti, vinicchayā vā pi kuto pahūtā?
Kodho mosavajjañ ca kathaṃkathā cā ti. Kodho ti yo cittassa āghāto paṭighāto paṭighaṃ virodho paṭivirodho kopo pakopo sampakopo doso padoso sampadoso, cittassa byāpatti,
[page 265]
S.N. 867] Kalahavivādasuttaniddeso. 265
[... content straddling page break has been moved to the page above ...] manopadoso, kodho kujjhanā kujjhitattaṃ doso dussanā dussitattaṃ byāpatti byāpajjanā byāpajjitattaṃ virodho paṭivirodho caṇḍikkaṃ assuropo, anattamanatā cittassa. Mosavajjaṃ vuccati musāvādo. Kathaṃkathā vuccati vicikicchā ti, kodho mosavajjañ ca kathaṃkathā ca.
Ye vā pi dhammā samaṇena vuttā ti. Ye vā pī ti ye kodhena ca mosavajjena ca kathaṃkathāya ca sahagatā sahajātā saṃsaṭṭhā sampayuttā ekuppādā ekanirodhā ekavatthukā ekārammaṇā; ime vuccanti ye vā pi dhammā. Athavā ye vā pī ti kilesā aññajātikā aññavihitā; ime vuccanti ye vā pi dhammā. Samaṇena vuttā ti samaṇena samitapāpena brāhmaṇena bāhitapāpena, bhikkhunā bhinnakilesamūlena, sabbākusalamūlabandhanā pamuttena vuttā pavuttā ācikkhitā desitā paññāpitā paṭṭhapitā vivaṭā vibhattā uttānīkatā pakāsitā ti, ye vā pi dhammā samaṇena vuttā. Ten'; āha so nimmito:
Chando nu lokasmiṃ kutonidāno?
vinicchayā vā pi kuto pahutā
kodho mosavajjañ ca kathaṃkathā ca,
ye vā pi dhammā samaṇena vuttā? ti.
_________________________________
Sn_IV,11.6(=867): Sātaṃ asātan ti yam āhu loke,
tam ūpanissāya pahoti chando,
rūpesu disvā vibhavaṃ bhavañ ca
vinicchayaṃ kūrute jantu loke. || Nidd_I.11:6 ||
Sātaṃ asātan ti yam āhu loke ti. Sātan ti sukhā ca vedanā, iṭṭhañ ca vatthu. Asātan ti dukkhā ca vedanā, aniṭṭhañ ca vatthuṃ. Yam āhu loke ti yaṃ āhaṃsu, yaṃ kathenti, yaṃ bhaṇanti,yaṃ dīpayanti, yaṃ voharantī ti, sātaṃ asātan ti yaṃ āhu loke.
[page 266]
266 Aṭṭhakavaggo. [S.N. 867
Tam ūpanissāya pahoti chando ti. Sātāsātaṃ nissāya, sukhadukkhaṃ nissāya, somanassadomanassaṃ nissāya, iṭṭhāniṭṭhaṃ nissāya, anunayapaṭighaṃ nissāya, chando hoti pahoti jāyati sañjāyati nibbattati abhinibbattatī ti, tam ūpanissāya pahoti chando.
Rūpesu disvā vibhavaṃ bhavañ cā ti. Rūpesū ti cattāro ca mahābhūtā, catunnañ ca mahābhūtānaṃ upādāyarūpaṃ.
Katamo rūpānaṃ bhavo? yo rūpānaṃ bhavo jāti sañjāti nibbatti abhinibbatti pātubhāvo; ayaṃ rūpānaṃ bhavo.
Katamo rūpānaṃ vibhavo? Yo rūpānaṃ khayo vayo bhedo paribhedo aniccatā antaradhānaṃ; ayaṃ rūpānaṃ vibhavo.
Rūpesu disvā vibhavaṃ bhavañ cā ti rūpesu bhavañ ca vibhavañ ca disvā passitvā tulayitvā tīrayayitvā vibhāvayitvā vibhūtaṃ katvā ti, rūpesu disvā vibhavaṃ bhavañ ca.
Vinicchayaṃ kūrute jantu loke ti. Vinicchayā ti dve vinicchayā, taṇhāvinicchayo ca diṭṭhivinicchayo ca.
Kathaṃ taṇhāvinicchayaṃ karoti? Idh'; ekaccassa anuppannā c'; eva bhogā na uppajjanti, uppannā ca bhogā parikhayaṃ gacchanti; tassa evaṃ hoti: kena nu kho me upāyena anuppannā c'; eva bhogā na uppajjanti, uppannā ca bhogā parikkhayaṃ gacchanti?
Tassa pana evaṃ hoti: surāmerayamajjapamādaṭṭhānānuyogaṃ anuyuttassa me anuppannā c'; eva bhogā na uppajjanti, uppannā ca bhogā parikkhayaṃ gacchanti.
Vikālavisikkhācariyānuyogaṃ anuyuttassa me anuppannā c'; eva bhogā na uppajjanti, uppannā ca bhogā parikkhayaṃ gacchanti. Samajjābhicaraṇaṃ anuyuttassa me, jutappamādaṭṭhānānuyogaṃ anuyuttassa me, pāpamittānuyogaṃ anuyuttassa me anuppannā c'; eva bhogā na uppajjanti, uppannā ca bhogā parikkhayaṃ gacchanti.
[page 267]
S.N. 868] Kalahavivādasuttaniddeso. 267
Ālassānuyogaṃ anuyuttassa me anuppannā c'; eva bhogā na uppajjanti, uppannā ca bhogā parikkhayaṃ gacchantī ti evaṃ ñāṇaṃ katvā chabhogānaṃ apāyamukhāni na sevati; cha bhogānaṃ āyamukhāni sevati. Evam pi taṇhāvinicchayaṃ karoti.
Athavā kasiyā vā vāṇijjāya vā gorakkhena vā issatthena vā rājaporisena vā sippaññatarena vā paṭipajjati; evam pi taṇhāvinicchayaṃ karoti.
Kathaṃ diṭṭhivinicchayaṃ karoti? Cakkhusmiṃ uppanne jānāti: attā me uppanno ti; cakkhusmiṃ antarahite jānāti: attā me antarahito, vigato me attā ti, evam pi diṭṭhivinicchayaṃ karoti. Sotasmiṃ ghānasmiṃ jivhāya kāyasmiṃ rūpasmiṃ saddasmiṃ gandhasmiṃ rasasmiṃ phoṭṭhabbasmiṃ uppanne jānāti: attā me uppanno ti, phoṭṭhabbasmiṃ antarahite jānāti: attā me antarahito, vigato me attā ti, evam pi diṭṭhivinicchayaṃ karoti janeti sañjaneti nibbatteti abhinibbatteti.
Jantū ti satto naro mānavo . . . pe . . . manujo ti.
Loke ti apāyaloke . . . pe . . . āyatanaloke ti, vinicchayaṃ kūrute jantu loke. Ten'; āha Bhagavā:
Sātaṃ asātan ti yam āhu loke,
tam ūpanissāya pahoti chando,
rūpesu disvā vibhavaṃ bhavañ ca
vinicchayaṃ kūrute jantu loke ti.
_________________________________
Sn_IV,11.7(=868): Kodho mosavajjañ ca kathaṃkathā ca
ete pi dhammā dvaya-m-eva sante:
kathaṃkathī ñāṇapathāya sikkhe,
ñatvā pavuttā samaṇena dhammā. || Nidd_I.11:7 ||
Kodho mosavajjañ ca kathaṃkaṭhā cā ti. Kodho ti yo cittassa āghāto paṭighāto . . . pe . . . Mosavajjaṃ vuccati musāvādo.
[page 268]
268 Aṭṭhakavaggo. [S.N. 868
[... content straddling page break has been moved to the page above ...] Kathaṃkathā vuccati vicikicchā.
Iṭṭhaṃ vatthuṃ nissāya pi kodho jāyati. Aniṭṭhaṃ vatthuṃ nissāya pi kodho jāyati. Iṭṭhaṃ vatthuṃ nissāya pi musāvādo uppajjati. Aniṭṭhaṃ vatthuṃ nissāya pi musāvādo uppajjati. Iṭṭhaṃ vatthuṃ nissāya pi kathaṃkathā uppajjati. Aniṭṭhaṃ vatthuṃ nissāya pi kathaṃkathā uppajjati.
Kathaṃ aniṭṭhaṃ vatthuṃ nissāya kodho jāyati?
Anatthaṃ me acarī ti kodho jāyati; anatthaṃ me caratī ti kodho jāyati; anatthaṃ me carissatī ti kodho jāyati; piyassa me manāpassa anatthaṃ acari, anatthaṃ carati, anatthaṃ carissatī ti kodho jāyati; appiyassa me amanāpassa atthaṃ acari, atthaṃ carati, atthaṃ carissatī ti kodho jāyati; evaṃ aniṭṭhaṃ vatthuṃ nissāya kodho jāyati.
Kathaṃ iṭṭhaṃ vatthuṃ nissāya kodho jāyati? Iṭṭhavatthu-acchedasaṃkino pi kodho jāyati; acchijjante pi kodho jāyati; acchinne pi kodho jāyati; iṭṭhavatthuvipariṇāmasaṃkino pi kodho jāyati; vipariṇāmante pi kodho jāyati; vipariṇate pi kodho jāyati; evaṃ iṭṭhaṃ vatthuṃ nissāya kodho jāyati.
Kathaṃ aniṭṭhaṃ vatthuṃ nissāya musāvādo uppajjati?
Idh'; ekacco addubandhanena vā bandho, tassa bhandhanassa mokkhatthāya sampajānamusā bhāsati. Rajjubandhanena vā bandho, saṃkhalikabandhanena vā bandho, vettabandhanena vā bandho, latābandhanena vā bandho, parikkhepabandhanena vā bandho, gāmanigamanagararaṭṭhabandhanena vā bandho, janapadabandhanena vā bandho, tassa bandhanassa mokkhatthāya sampajānamusā bhāsati;
[page 269]
S.N. 868] Kalahavivādasuttaniddeso. 269
[... content straddling page break has been moved to the page above ...] evaṃ aniṭṭhaṃ vatthuṃ nissāya musāvādo uppajjati.
Kathaṃ iṭṭhaṃ vatthum nissāya musāvādo uppajjati?
Idh'; ekacco manāpikānaṃ rūpānaṃ hetu sampajānamusā bhāsati, manāpikānaṃ saddānaṃ gandhānaṃ rasānaṃ phoṭṭhabbānaṃ hetu, cīvarahetu piṇḍapātahetu senāsanahetu gilānapaccayabhesajjaparikkhārahetu sampajānamusā bhāsati; evaṃ iṭṭhaṃ vatthuṃ nissāya musāvādo uppajjati.
Kathaṃ aniṭṭhaṃ vatthuṃ nissāya kathaṃkathā uppajjati? Muccissāmi nu kho cakkhurogato, nanu kho muccissami cakkhurogato? Muccissāmi nu kho sotarogato ghānarogato jivhārogato kāyarogato sīsarogato kaṇṇarogato mukharogato? Muccissāmi nu kho dantarogato, nanu kho muccissāmi dantarogato? ti; evaṃ aniṭṭhaṃ vatthuṃ nissāya kathaṃkathā uppajjati.
Kathaṃ iṭṭhaṃ vatthuṃ nissāya kathaṃkathā uppajjati? Labhissāmi nu kho manāpike rūpe, nanu kho labhissāmi manāpike rūpe? Labhissāmi nu kho manāpike sadde gandhe rase phoṭṭhabbe kulaṃ gaṇaṃ āvāsaṃ lābhaṃ yasaṃ pasaṃsam sukhaṃ cīvaraṃ piṇḍapātaṃ senāsanaṃ gilānapaccayabhesajjaparikkhāran? ti; evaṃ iṭṭhaṃ vatthuṃ nissāya kathaṃkathā uppajjatī ti, kodho mosavajjañ ca kathaṃkathā ca.
Ete pi dhammā dvaya-m-eva sante ti sātāsāte sante, sukhāsukhe sante, somanassadomanasse sante, iṭṭhāniṭṭhe sante, anunayapaṭighe sante saṃvijjamāne upalabbhiyamāne ti, ete pi dhammā dvaya-m-eva sante.
Kathaṃkathī ñāṇapathāya sikkhe ti ñāṇam pi ñāṇapatho; ñāṇassa ārammaṇam pi ñāṇapatho; ñāṇasahabhuno pi dhammā ñāṇapatho; yathā ariyamaggo ariyapatho devamaggo devapatho brahmamaggo brahmapatho; evam eva ñāṇam pi ñāṇapatho. Ñāṇassa ārammaṇam pi ñāṇapatho; ñāṇasahabhuno pi dhammā ñāṇapatho.
[page 270]
270 Aṭṭhakavaggo. [S.N. 868
Sikkhe ti tisso sikkhā, adhisīlasikkhā adhicittasikkhā adhipaññāsikkhā. Katamā adhisīlasikkhā? Idha bhikkhu sīlavā hoti, pātimokkhasaṃvarasaṃvuto viharati ācāragocarasampanno, aṇumattesu vajjesu bhayadassāvī, samādāya sikkhati sikkhāpadesu. Khuddako sīlakkhandho, mahanto sīlakkhandho, sīlaṃ, patiṭṭhā, ādicaraṇaṃ, samyamo, saṃvaro, mukhaṃ pamukhaṃ kusalānaṃ dhammānaṃ samāpattiyā; ayaṃ adhisīlasikkhā.
Katamā adhicittasikkhā? Idha bhikkhu vivicc'; eva kāmehi . . . pe . . . catutthaṃ jhānaṃ upasampajja viharati; ayaṃ adhicittasikkhā.
Katamā adhipaññāsikkhā? Idha bhikkhu paññavā hoti, udayatthagāminiyā paññāya samannāgato, ariyāya nibbedhikāya sammādukkhakkhayagāminiyā. So idaṃ dukkhan ti yathābhūtaṃ pajānāti . . . pe . . . ayaṃ dukkhanirodhagāminī paṭipadā ti yathābhūtaṃ pajānati, ime āsavā ti yathābhūtaṃ pajānāti . . . pe . . . ayaṃ āsavanirodhagāminī paṭipadā ti yathābhūtaṃ pajānāti; ayaṃ adhipaññāsikkhā.
Kathaṃkathī ñāṇapathāya sikkhe ti: kathaṃkathī puggalo sakaṃkho savilekho sadveḷhako savicikiccho ñāṇādhigamāya ñāṇaphusanāya ñāṇasacchikiriyāya adhisīlam pi sikkheyya, adhicittam pi sikkheyya, adhipaññam pi sikkheyya. Imā tisso sikkhā āvajjento sikkheyya, jānanto sikkheyya, passanto sikkheyya,paccavekkhanto sikkheyya, cittaṃ adhiṭṭhahanto sikkheyya, saddhāya adhimuccanto sikkheyya, viriyaṃ paggaṇhanto sikkheyya, satiṃ upaṭṭhahanto sikkheyya, cittaṃ samādahanto sikkheyya, paññāya pajānanto sikkheyya, abhiññeyyaṃ abhijānanto sikkheyya, pariññeyyaṃ parijānanto sikkheyya, pahātabbaṃ pajahanto sikkheyya, bhāvetabbaṃ bhāvento sikkheyya, sacchikātabbaṃ sacchikaronto sikkheyya ācareyya samācareyya samādāya vatteyyā ti,
[page 271]
S.N. 868] Kalahavivādasuttaniddeso. 271
[... content straddling page break has been moved to the page above ...] kathaṃkathī ñāṇapathāya sikkhe.
Ñatvā pavuttā samaṇena dhammā ti ñatvā jānitvā tulayitvā tīrāyitvā vibhāvayitvā vibhūtaṃ katvā vuttā pavuttā ācikkhitā desitā paññāpitā paṭṭhapitā vivaṭā vibhattā uttānīkatā pakāsitā; sabbe saṃkhārā aniccā ti ñatvā jānitvā tulayitvā tīrayitvā vibhāvayitvā vibhūtaṃ katvā vuttā pavuttā ācikkhitā desitā paññāpitā paṭṭhapitā vivaṭā vibhattā uttānīkatā pakāsitā; sabbe saṃkhārā dukkhā ti; sabbe dhammā anattā ti, avijjāpaccayā saṃkhārā . . . pe . . . jātipaccayā jarāmaraṇan ti, avijjānirodhā saṃkhāranirodho . . . pe . . . jātinirodhā jarāmaraṇanirodho ti, idaṃ dukkhan ti . . . pe . . . ayaṃ dukkhanirodhagāminī paṭipadā ti, ime āsavā ti . . . pe . . . ayaṃ āsavanirodhagāminī paṭipadā ti, ime dhammā abhiññeyyā ti, ime dhammā pariññeyyā ti, ime dhammā pahātabbā ti, ime dhammā bhāvetabbā ti, ime dhammā sacchikātabbā ti, channaṃ phassāyatanānaṃ samudayañ ca aṭṭhaṅgamañ ca assādañ ca ādīnavañ ca nissaraṇañ ca, pañcannaṃ upādānakkhandhānaṃ, catunnaṃ mahābhūtānaṃ yam kiñci samudayadhammaṃ sabban taṃ nirodhadhamman ti ñatvā jānitvā tulayitvā tīrayitvā vibhāvayitvā vibhūtaṃ katvā vuttā pavuttā ācikkhitā desitā paññāpitā paṭṭhapitā vivaṭā vibhattā uttānīkatā pakāsitā. Vuttaṃ h'; etaṃ Bhagavatā:
*Abhiññāyā 'haṃ bhikkhave dhammaṃ desemi, no anabhiññāya; sanidānā 'haṃ bhikkhave dhammaṃ desemi, no anidānaṃ; sappāṭihāriyā 'haṃ bhikkhave dhammaṃ desemi, no appāṭihāriyaṃ. Tassa mayhaṃ bhikkhave abhiññāya dhammaṃ desayato, no anabhiññāya, sanidānaṃ dhammaṃ desayato, no anidānaṃ, sappāṭihāriyaṃ dhammaṃ desayato,
[page 272]
272 Aṭṭhakavaggo. [S.N. 868
[... content straddling page break has been moved to the page above ...] no appāṭihāriyaṃ, karaṇīyo ovādo, karaṇīyā anusāsanī; alañ ca pana vo bhikkhave tuṭṭhiyā, alaṃ pāmojjāya, alaṃ somanassāya: sammāsambuddho Bhagavā, svākkhāto dhammo, supaṭipanno saṃgho ti. Imasmiṃ ca pana veyyākaraṇasmiṃ bhaññamāne dasasahassī lokadhātu akampitthā ti, ñatvā pavuttā samaṇena dhammā. Ten'; āha Bhagavā:
Kodho mosavajjañ ca kathaṃkathā ca
ete pi dhammā dvaya-m-eva sante:
kathaṃkathī ñaṇapathāya sikkhe,
ñatvā pavuttā samaṇena dhammā ti.
_________________________________
Sn_IV,11.8(=869): Sātaṃ asātañ ca kutonidānā?
kismiṃ asante na bhavanti h'; ete?
vibhavaṃ bhavañ cā pi yam etam atthaṃ,
etam me pabrūhi yatonidānaṃ. || Nidd_I.11:8 ||
Sātaṃ asātañ ca kutonidānā? ti sātāsātā kutonidānā, kuto jātā, kuto sañjātā, kuto nibbattā, kuto abhinibbattā, kuto pātubhūtā, kiṃnidānā kiṃsamudayā kiṃjātikā kiṃpabhavā? ti sātāsātānaṃ mūlaṃ pucchati . . . pe . . . samudayaṃ pucchati papucchati yācati ajjhesati pasādetī ti, sātaṃ asātañ ca kutonidānā?
Kismiṃ asante na bhavanti h'; ete? ti. Kismiṃ asante asaṃvijjamāne anupalabbhiyamāne, sātāsātā na bhavanti, na-ppabhavanti, na jāyanti, na sañjāyanti, na nibbattanti, nābhinibbattantī? ti, kismiṃ asante na bhavanti h'; ete.
Vibhavaṃ bhavañ cā pi yam etam atthan ti. Katamo sātāsātānaṃ bhavo? Yo sātāsātānaṃ bhavo sambhavo jāti sañjāti nibbatti abhinibbatti pātubhāvo; ayaṃ sātāsātānaṃ bhavo.
[page 273]
S.N. 870] Kalahavivādasuttaniddeso. 273
Katamo sātāsātānaṃ vibhavo? Yo sātāsātānaṃ khayo vayo bhedo pabhedo aniccatā antaradhānaṃ, ayaṃ sātāsātānaṃ vibhavo.
Yam etam atthan ti yaṃ paramatthan ti, vibhavaṃ bhavañ cā pi, yam etam atthaṃ.
Etam me pabrūhi yatonidānan ti. Etam atthan ti yaṃ pucchāmi yaṃ yācāmi yaṃ ajjhesāmi yaṃ pasādemi.
Pabrūhī ti brūhi vadehi ācikkha desehi paññāpehi paṭṭhapehi vivara vibhaja uttānīkarohi pakāsehi. Etam me pabrūhi yatonidānan ti yaṃnidānaṃ yaṃsamudayaṃ yaṃjātikaṃ yaṃpabhavan ti, etam me pabrūhi yatonidānaṃ.
Ten'; āha so nimmito:
Sātaṃ asātañ ca kutonidānā?
kismiṃ asante na bhavanti h'; ete?
vibhavaṃ bhavañ cā pi yam etam atthaṃ,
etam me pabrūhi yatonidānan ti.
_________________________________
Sn_IV,11.9(=870): Phassanidānaṃ sātaṃ asātaṃ,
phasse asante na bhavanti h'; ete,
vibhavaṃ bhavañ cā pi yam etam atthaṃ,
etaṃ te pabrūmi itonidānaṃ. || Nidd_I.11:9 ||
Phassanidānaṃ sātaṃ asātan ti. Sukhavedanīyaṃ phassaṃ paṭicca uppajjati sukhā vedanā; sā tass'; eva sukhavedanīyassa phassassa nirodhā tajjaṃ vedayitaṃ sukhavedanīyaṃ phassaṃ paṭicca uppannā sukhā vedanā; sā nirujjhati, sā vūpasammati. Dukkhavedanīyaṃ phassaṃ paṭicca uppajjati dukkhā vedanā; sā tass'; eva dukkhavedanīyassa phassassa nirodhā tajjaṃ vedayitaṃ dukkhavedanīyaṃ phassaṃ paṭicca uppannā dukkhā vedanā;
[page 274]
274 Aṭṭhakavaggo. [S.N. 870
[... content straddling page break has been moved to the page above ...] sā nirujjhati, sā vūpasammati. Adukkha-masukhavedanīyaṃ phassaṃ paṭicca uppajjati adukkha-masukhā vedanā; sā tass'; eva adukkha-m-asukhavedanīyassa phassassa nirodhā tajjaṃ vedayitaṃ adukkha-m-asukhavedanīyaṃ phassaṃ paṭicca uppannā adukkha-m-asukhā vedanā, sā nirujjhati, sā vūpasammati.
Phassanidānaṃ sātaṃ asātan ti sātāsātā phassanidānā phassasamudayā phassajātikā phassappabhavā ti, phassanidānaṃ sātaṃ asātaṃ.
Phasse asante na bhavanti h'; ete ti phassa asante asaṃvijjamāne anupalabbhiyamāne, sātāsātā na bhavanti, na-ppabhavanti, na jāyanti, na sañjāyanti, na nibbattanti, nābhinibbattanti, na pātubhavantī ti, phasse asnate na bhavanti h'; ete.
Vibhavaṃ bhavañ cā pi yam etam atthan ti. Bhavadiṭṭhi pi phassanidānaṃ, vibhavadiṭṭhi pi phassanidānaṃ. Yam etam atthan ti yaṃ paramatthan ti, vibhavaṃ bhavañ cā pi yam etam atthaṃ.
Etaṃ te pabrūmi itonidānan ti. Etan ti yam pucchasi yaṃ yācasi yaṃ ajjhesasi yaṃ pasādesi. Pabrūmī ti brūmi ācikkhāmi desemi paññāpemi paṭṭhapemi vivarāmi vibhajāmi uttānīkaromi pakāsemī ti, etan te pabrūmi.
Itonidānan ti ito phassanidānaṃ phassasamudayaṃ phassajātikaṃ phassappabhavan ti, etan te pabrūmi itonidānaṃ. Ten'; āha Bhagavā:
Phassanidānaṃ sātaṃ asātaṃ,
phasse asante na bhavanti h'; ete,
vibhavaṃ bhavañ cā pi yam etam atthaṃ,
etaṃ te pabrūmi itonidānan ti.
_________________________________
[page 275]
S.N. 872] Kalahavivādasuttaniddeso. 275
Sn_IV,11.10(=871): Phasso nu lokasmiṃ kutonidāno?
pariggahā vā pi kuto pahūtā?
kismiṃ asante na mamattam atthi?
kismiṃ vibhūte na phusanti phassā? || Nidd_I.11:10 ||
Phasso nu lokasmiṃ kutonidāno? ti phasso kutonidāno, kuto jāto, kuto sañjāto, kuto nibbatto, kuto abhinibbatto, kuto pātubhūto, kiṃnidāno kiṃsamudayo kiṃjātiko kiṃpabhavo? ti phassassa mūlaṃ pucchati . . . pe . . . samudayaṃ pucchati papucchati yācati ajjhesati pasādetī ti, phasso nu lokasmiṃ kuto nidāno?
Pariggahā vā pi kuto pahūtā? ti pariggahā kuto pahutā, kuto jātā, kuto sañjātā, kuto nibbattā, kuto abhinibbattā, kuto pātubhūtā, kiṃnidānā kiṃsamudayā kiṃjātikā kiṃpabhavā? ti pariggahānaṃ mūlaṃ pucchati . . . pe . . . samudayaṃ pucchati papucchati yācati ajjhesati pasādeti ti, pariggahā vā pi kuto pahūtā?
Kismiṃ asante na mamattam atthī? ti kismiṃ asante asaṃvijjamāne anupalabbhiyamāne mamattā n'; atthi, na santi, na saṃvijjanti, n'; upalabbhanti, pahīnā samucchinnā vūpasantā paṭipassaddhā abhabbuppattikā ñāṇagginā daḍḍhā? ti, kismiṃ asante na mamattam atthi?
Kismiṃ vibhūte na phusanti phassā? ti kismiṃ vibhūte vibhāvite atikkante samatikkante vītivatte na phassā phusantī? ti, kismiṃ vibhūte na phusanti phassā? Ten'; āha so nimmito:
Phasso nu lokasmiṃ kutonidāno?
pariggahā vā pi kuto pahūtā?
kismiṃ asante na mamattam atthi?
kismiṃ vibhūte na phusanti phassā? ti.
_________________________________
Sn_IV,11.11(=872): Nāmañ ca rūpañ ca paṭicca phasso,
icchānidānāni pariggahāni,
icchāy'; asantyā na mamattam atthi,
rūpe vibhūte na phusanti phassā. || Nidd_I.11:11 ||
[page 276]
276 Aṭṭhakavaggo. [S.N. 872
Nāmañ ca rūpañ ca paṭicca phasso ti cakkhuñ ca paṭicca rūpe ca uppajjati cakkhuviññāṇaṃ, tiṇṇaṃ saṅgati phasso; cakkhuñ ca rūpā ca rūpasmiṃ, cakkhusamphassaṃ ṭhapetvā sampayuttakā dhammā nāmasmiṃ; evam pi nāmañ ca rūpañ ca paṭicca phasso. Sotañ ca paṭicca sadde ca uppajjati sotaviññāṇaṃ, tiṇṇaṃ saṅgati phasso; sotañ saddā ca rūpasmiṃ, sotasamphassaṃ ṭhapetvā sampayuttakā dhammā nāmasmiṃ; evam pi nāmañ ca rūpañ ca paṭicca phasso. Ghānañ ca paṭicca gandhe ca uppajjati ghānaviññāṇaṃ, tiṇṇaṃ saṅgati phasso; ghānañ ca gandhā ca rūpasmiṃ, ghānasamphassaṃ ṭhapetvā sampayuttakā dhammā nāmasmiṃ; evam pi nāmañ ca rūpañ ca paṭicca phasso. Jivhañ ca paṭicca rase ca uppajjati jivhāviññāṇaṃ, tiṇṇaṃ saṅgati phasso; jivhā ca rasā ca rūpasmiṃ, jivhāsamphassaṃ ṭhapetvā sampayuttakā dhammā nāmasmiṃ; evam pi nāmañ ca rūpañ ca paṭicca phasso. Kāyañ ca paṭicca phoṭṭhabbe ca uppajjati kāyaviññāṇaṃ, tiṇṇaṃ saṅgati phasso; kāyo ca phoṭṭhabbo ca rūpasmiṃ, kāyasamphassaṃ ṭhapetvā sampayuttakā dhammā nāmasmiṃ; evam pi nāmañ ca rūpañca paṭicca phasso. Manañ ca paṭicca dhamme ca uppajjati manoviññāṇaṃ, tiṇṇaṃ saṅgati phasso; vatthurūpaṃ rūpasmiṃ, dhammā rūpino rūpasmiṃ, manosamphassaṃ ṭhapetvā sampayuttakā dhammā nāmasmiṃ; evam pi nāmañ ca rūpañ ca paṭicca phasso.
Icchānidānāni pariggahānī ti. Icchā vuccati taṇhā, yo rāgo sārāgo . . . pe . . . abhijjhā lobho akusalamūlaṃ.
Pariggahā ti dve pariggahā, taṇhāpariggaho ca diṭṭhipariggaho ca . . . pe . . . ayaṃ taṇhāpariggaho . . . pe . . . ayaṃ diṭṭhipariggaho.
Icchānidānāni pariggahānī ti pariggahā icchānidānā icchāhetukā icchāpaccayā icchākāraṇā icchāpabhavā ti, icchānidānāni pariggahāni.
Icchāy'; asantyā na mamattam atthī ti. Icchā vuccati taṇhā, yo rāgo sārāgo . . . pe . . . abhijjhā lobho akusalamūlaṃ. Mamattā ti dve mamattā, taṇhāmamattañ ca,
[page 277]
S.N. 872] Kalahavivādasuttaniddeso. 277
diṭṭhimamattañ ca . . . pe . . . idaṃ taṇhāmamattaṃ . . . pe . . . idaṃ diṭṭhimamattaṃ.
Icchāy'; asantyā na mamattam atthī ti icchāya asantyā asaṃvijjamānāya 'nupalabbhiyamānāya mamattā n'; atthi, na santi, na saṃvijjanti, n'; upalabbhanti, pahīnā samucchinnā vūpasantā paṭipassaddhā abhabbuppattikā ñāṇagginā daḍḍhā ti, icchāy'; asantyā na mamattam atthi.
Rūpe vibhūte na phusanti phassā ti. Rūpe ti cattāro ca mahābhūtā, catunnañ ca mahābhūtānaṃ upādāyarūpaṃ.
Rūpe vibhūte ti catūhi kāraṇehi rūpaṃ vibhūtaṃ hoti, ñātavibhūtena tīraṇavibhūtena pahānavibhūtena samatikkamavibhūtena.
Kathaṃ ñātavibhūtena rūpaṃ vibhūtaṃ hoti? Rūpaṃ jānāti: yaṃ kiñci rūpaṃ, sabbaṃ rūpaṃ, cattāro ca mahābhūtā, catunnañ ca mahābhūtānaṃ upādāyarūpaṃ ti jānāti passati; evaṃ ñātavibhūtena rūpaṃ vibhūtaṃ hoti.
Kathaṃ tīraṇavibhūtena rūpaṃ vibhūtaṃ hoti? Evaṃ ñātaṃ katvā rūpaṃ tīreti aniccato dukkhato rogato gaṇḍato sallato aghato ābādhato parato palokato ītito upaddavato bhayato upasaggato calato pabhaṅgato addhuvato atāṇato aleṇato asaraṇato rittato tucchato suññato anattato ādīnavato vipariṇāmadhammato asārakato aghamūlato vadhakato vibhavato sāsavato saṃkhatato mārāmisato jātidhammato jarādhammato byādhidhammato maraṇadhammato sokaparidevadukkhadomanassupāyāsadhammato saṃkilesikadhammato samudayato atthaṅgamato assādato ādīnavato nissaraṇato tīreti; evaṃ tīraṇavibhūtena rūpaṃ vibhūtaṃ hoti.
[page 278]
278 Aṭṭhakavaggo. [S.N. 872
Kathaṃ pahānabhūtena rūpaṃ vibhūtaṃ hoti? Evaṃ tīretvā rūpe chandarāgaṃ pajahati vinodeti byantīkaroti anabhāvaṃ gameti.
Vuttaṃ h'; etaṃ Bhagavatā: *Yo rūpe bhikkhave chandarāgo taṃ pajahatha; evan taṃ pahīnaṃ bhavissati ucchinnamūlaṃ tālāvatthukataṃ anabhāvaṃ gataṃ āyatiṃ anuppādadhammaṃ; evaṃ pahānavibhūtena rūpaṃ vibhūtaṃ hoti.
Kathaṃ samatikkamavibhūtena rūpaṃ vibhūtaṃ hoti?
Catasso arūpasamāpattiyo paṭiladdhassa rūpā vibhūtā honti vibhāvitā atikkantā samatikkantā vītavattā; evaṃ samatikkamavibhūtena rūpaṃ vibhūtaṃ hoti. Imehi catūhi kāraṇehi rūpaṃ vibhūtaṃ hoti.
Rūpe vibhūte na phusanti phassā ti rūpe vibhūte vibhāvite atikkante samatikkante vītivatte, pañca phassā na phusanti, cakkhusamphasso sotasamphasso ghānasamphasso jivhāsamphasso kāyasamphasso ti, rūpe vibhūte na phusanti phassā. Ten'; āha Bhagavā:
Nāmañ ca rūpañ ca paṭicca phasso,
icchānidānāni pariggahāni,
icchāy'; asantyā na mamattam atthi,
rūpe vibhūte na phusanti phassā ti.
_________________________________
Sn_IV,11.12(=873): Kathaṃsametassa vibhoti rūpaṃ?
sukhaṃ dukkhaṃ vā pi kathaṃ vibhoti?
etam me pabrūhi yathā vibhoti,
taṃ jāniyāma iti me mano ahu. || Nidd_I.11:12 ||
Kathaṃsametassa vibhoti rūpan? ti kathaṃsametassā ti kathaṃsametassa kathaṃpaṭipannassa kathamiriyantassa kathaṃpavattentassa kathaṃpālentassa kathaṃyapentassa kathaṃyāpentassa rūpaṃ vibhoti vibhāviyyati atikkamiyyati samatikkamiyyati vītivattiyyatī?
[page 279]
S.N. 874] Kalahavivādasuttaniddeso. 279
[... content straddling page break has been moved to the page above ...] ti, kathaṃsametassa vibhoti rūpaṃ?
Sukhaṃ dukkhaṃ vā pi kathaṃ vibhotī? ti sukhañ ca dukkhañ ca kathaṃ vibhoti vibhāviyyati atikkamiyyati samatikkamiyyati vītivattiyyatī? ti, sukhaṃ dukkhaṃ vā pi kathaṃ vibhoti?
Etam me pabrūhi yathā vibhotī ti. Etan ti yaṃ pucchāmi, yaṃ yācāmi, yaṃ ajjhesāmi, yaṃ pasādemī ti etam me pabrūhī ti brūhi ācikkha desehi paññāpehi paṭṭhapehi vivara vibhaja uttānīkarohi pakāsehī ti, etam me pabrūhi.
Yathā vibhotī ti yathā vibhoti vibhāviyyati atikkamiyyati samatikkamiyyati vītivattiyyatī ti, etam me pabrūhi yathā vibhoti.
Taṃ jāniyāma iti me mano ahū ti. Taṃ jāneyyāma ājāneyyāma vijāneyyāma paṭivijāneyyāma paṭivijjheyyāmā ti taṃ jāniyāma. Iti me mano ahū ti: iti me cittaṃ ahu, iti me saṃkappo ahu, iti me viññāṇaṃ ahū ti, tam jāniyāma iti me mano ahu. Ten'; āha so nimmito:
Kathaṃsametassa vibhoti rūpaṃ?
sukhaṃ dukkhaṃ vā pi kathaṃ vibhoti?
etaṃ me pabrūhi yathā vibhoti,
taṃ jāniyāma iti me mano ahū ti.
_________________________________
Sn_IV,11.13(=874): Na saññasaññī na visaññasaññī
no pi asaññī na vibhūtasaññī,
evaṃsametassa vibhoti rūpaṃ,
saññānidānā hi papañcasaṃkhā. || Nidd_I.11:13 ||
Na saññasāññī na visaññasaññī ti. Saññasaññino vuccanti ye pakatisaññāya ṭhitā; na pi so pakatisaññāya ṭhito. Visaññasaññino vuccanti ummattakā, ye ca ukkhittacittā;
[page 280]
280 Aṭṭhakavaggo. [S.N. 874
[... content straddling page break has been moved to the page above ...] na pi so ummattako, no pi khittacitto ti, na saññasaññī na visaññasaññī.
No pi asaññī na vibhūtasannī ti. Asaññino vuccanti nirodhasamāpannā, ye ca asaññasattā; na pi so nirodhasamāpanno, no pi asaññasatto. Vibhūtasaññino vuccanti ye catunnaṃ arūpasamāpattīnaṃ lābhino; na pi so catunnaṃ arūpasamāpattīnaṃ lābhī ti, no pi asaññī na vibhūtasaññī.
Evaṃsametassa vibhoti rūpan ti. Idha bhikkhu sukhassa ca pahānā . . . pe . . . catutthaṃ jhānaṃ upasampajja viharati. So evaṃsamāhite citte parisuddhe pariyodāte anaṅgaṇe vigatūpakkilese mudubhūte kammanīye ṭhite āneñjappatte, ākāsānañcāyatanasamāpattipaṭilābhatthāya cittaṃ abhinīharati abhininnāmeti arūpamaggasamaṅgī ti. Evaṃsametassā ti evaṃsametassa evaṃpaṭipannassa evaṃiriyantassa evaṃvattentassa evaṃpālentassa evaṃyapentassa evaṃyāpentassa rūpaṃ vibhoti vibhāviyyati atikkamiyyati samatikkamiyyati vītivattiyyatī ti, evaṃsametassa vibhoti rūpaṃ.
Saññānidānā hi papañcasaṃkhā ti. Papañcā yeva papañcasaṃkhā taṇhāpapañcasaṃkhā diṭṭhipapañcasaṃkhā mānapapañcasaṃkhā saññānidānā saññāsamudayā saññājātiyā saññāpabhavā ti, saññānidānā hi papañcasaṃkhā.
Ten'; āha Bhagavā:
Na saññasaññī na visaññasaññī
no pi asaññī na vibhūtasaññī,
evaṃsametassa vibhoti rūpaṃ,
saññānidānā hi papañcasaṃkhā ti.
_________________________________
[page 281]
S.N. 875] Kalahavivādasuttaniddeso. 281
Sn_IV,11.14(=875): Yan taṃ apucchimha akittayī no,
aññan taṃ pucchāma, tad iṃgha brūhi,
ettāvat'; aggaṃ no vadanti h'; eke
yakkhassa suddhiṃ idha paṇḍitāse,
udāhu aññaṃ pi vadanti etto? || Nidd_I.11:14 ||
Yan taṃ apucchimha akittayī no ti. Yan taṃ apucchimha ayācimha ajjhesimha pasādayimha. Akittayī no ti kittitaṃ pakittitaṃ ācikkhitaṃ desitaṃ paññāpitaṃ paṭṭhapitaṃ vivaṭaṃ vibhattaṃ uttānīkataṃ pakāsitan ti, yan taṃ apucchimha akittayī no.
Aññan taṃ pucchāma, tad iṃgha brūhī ti. Aññan taṃ pucchāma, aññan taṃ yācāma, aññan taṃ ajjhesāma, aññan taṃ pasādema, uttariṃ taṃ pucchāma. Tad iṃgha brūhī ti iṃgha brūhi ācikkha desehi paññāpehi paṭṭhapehi vivara vibhaja uttānīkarohi pakāsehī ti, aññan taṃ pucchāma, tad iṃgha brūhi.
Ettāvat'; aggaṃ no vadanti h'; eke yakkhassa suddhiṃ idha paṇḍitāse ti. Eke samaṇabrāhmaṇā ettāvatā arūpasamāpattiyā aggaṃ seṭṭhaṃ viseṭṭhaṃ pāmokkhaṃ uttamaṃ pavaraṃ vadanti kathenti bhaṇanti dīpayanti voharanti. Yakkhassā ti sattassa narassa mānavassa posassa puggalassa jīvassa jagussa jantussa indagussa manujassa. Suddhin ti suddhiṃ visuddhiṃ parisuddhiṃ muttiṃ vimuttiṃ parimuttiṃ. Idha paṇḍitāse ti idha paṇḍitavādā dhīravādā ñāṇavādā hetuvādā lakkhaṇavādā kāraṇavādā ṭhānavādā sakāya laddhiyā ti, ettāvat'; aggaṃ no vadanti h'; eke yakkhassa suddhiṃ idha paṇḍitāse.
Udāhu aññaṃ pi vadanti etto ti. Udāhu eke samaṇabrāhmaṇā etā arūpasamāpattiyo atikkamitvā samatikkamitvā vītivattitvā etto arūpato aññaṃ uttariṃ yakkhassa suddhiṃ visuddhiṃ parisuddhiṃ muttiṃ vimuttiṃ parimuttiṃ vadanti kathenti bhaṇanti dīpayanti voharantī ti,
[page 282]
282 Aṭṭhakavaggo. [S.N. 875
[... content straddling page break has been moved to the page above ...] udāhu aññaṃ pi vadanti etto. Ten'; āha so nimmito:
Yan taṃ apucchimha akittayī no,
aññan taṃ pucchāma, tad iṃgha brūhi,
ettāvat'; aggaṃ no vadanti h'; eke
yakkhassa suddhiṃ idha panditāse,
udāhu aññaṃ pi vadanti etto ti.
_________________________________
Sn_IV,11.15(=876): Ettāvat'; aggaṃ pi vadanti h'; eke
yakkhassa suddhiṃ idha paṇḍitāse,
tesaṃ pun'; eke samayaṃ vadanti
anupādisese kusalā vadānā. || Nidd_I.11:15 ||
Ettāvat'; aggaṃ pi vadanti h'; eke yakkhassa suddhiṃ idha paṇḍitāse ti. Sant'; eke samaṇabrāhmaṇā sassatavādā ettāvatā arūpasamāpattiyā aggaṃ seṭṭhaṃ viseṭṭhaṃ pāmokkhaṃ uttamaṃ pavaraṃ vadanti kathenti bhaṇanti dīpayanti voharanti. Yakkhassā ti sattassa narassa māṇavassa posassa puggalassa jīvassa jagussa jantussa indagussa manujassa. Suddhin ti suddhiṃ visuddhiṃ parisuddhiṃ muttiṃ vimuttiṃ parimuttiṃ. Idha paṇḍitāse ti idha paṇḍitavādā dhīravādā ñāṇavādā hetuvādā lakkhaṇavādā kāraṇavādā ṭhānavādā sakāya laddhiyā ti, ettāvat'; aggaṃ pi vadanti h'; eke yakkhassa suddhiṃ idha paṇḍitāse.
Tesaṃ pun'; eke samayaṃ vadanti anupādisese kusalā vadānā ti tesaṃ yeva samaṇabrāhmaṇānaṃ eke samaṇabrāhmaṇā ucchedavādā bhavatajjitā vibhavaṃ abhinandanti. Te sattassa samaṃ upasamaṃ vūpasamaṃ nirodhaṃ paṭipassaddhaṃ vadanti: yato kira bho ayaṃ attā kāyassa bhedā ucchijjati vinassati na hoti param maraṇā ettāvatā anupādiseso ti. Kusalā vadānā ti kusalavādā paṇḍitavādā dhīravādā ñāṇavādā hetuvādā lakkhaṇavādā kāraṇavādā ṭhānavādā sakāya laddhiyā ti,
[page 283]
S.N. 877] Kalahavivādasuttaniddeso. 283
[... content straddling page break has been moved to the page above ...] tesaṃ pun'; eke samayaṃ vadanti anupādisese kusalā vadānā. Ten'; āha Bhagavā:
Ettāvat'; aggaṃ pi vadanti h'; eke
yakkhassa suddhiṃ idha paṇḍitāse,
tesaṃ pun'; eke samayaṃ vadanti
anupādisese kusalā vadānā ti.
_________________________________
Sn_IV,11.16(=877): Ete ca ñatvā upanissitā ti
ñatvā munī nissaye so vimaṃsī,
ñatvā vimutto na vivādam eti,
bhavābhavāya na sameti dhīro ti. || Nidd_I.11:16 ||
Ete ca ñatvā upanissitā ti. Ete ti diṭṭhigatike. Upanissitā ti sassatadiṭṭhinissitā ti ñatvā, ucchedadiṭṭhinissitā ti ñatvā, sassatucchedadiṭṭhinissitā ti ñatvā jānitvā tulayitvā tīrayitvā vibhāvayitvā vibhūtaṃ katvā ti, ete ca ñatvā upanissitā ti.
Ñatvā munī nissaye so vimaṃsī ti. Munī ti monaṃ vuccati ñāṇaṃ . . . pe . . . saṅgajālam aticca so muni.
Muni sassatadiṭṭhinissitā ti ñatvā, ucchedadiṭṭhinissitā ti ñatvā, sassatucchedadiṭṭhinissitā ti ñatvā ti ñatvā jānitvā tulayitvā tīrayitvā vibhāvayitvā vibhūtaṃ katvā.
So vimaṃsī ti paṇḍito paññavā buddhimā ñāṇī vibhāvī medhāvī ti, ñatvā munī nissaye so vimaṃsī.
Ñatvā vimutto na vivādam etī ti. Ñatvā jānitvā tulayitvā tīrayitvā vibhāvayitvā vibhūtaṃ katvā, mutto vimutto parimutto suvimutto accanta-anupādāvimokkhena, sabbe saṃkhārā aniccā ti ñatvā jānitvā tulayitvā tīrayitvā vibhāvayitvā vibhūtaṃ katvā, mutto vimutto parimutto suvimutto accanta-anupādāvimokkhena, sabbe saṃkhārā dukkhā ti, sabbe dhammā anattā ti . . . pe . . . yaṃ kiñci samudayadhammaṃ sabban taṃ nirodhadhamman ti ñatvā jānitvā tulayitvā tīrayitvā vibhāvayitvā vibhūtaṃ katvā,
[page 284]
284 Aṭṭhakavaggo. [S.N. 877
[... content straddling page break has been moved to the page above ...] mutto vimutto parimutto suvimutto accanta-anupādāvimokkhenā ti ñatvā vimutto.
Na vivādam etī ti na kalahaṃ karoti, na bhaṇḍanaṃ karoti, na viggahaṃ karoti, na vivādaṃ karoti, na medhagaṃ karoti.
Vuttaṃ h'; etaṃ Bhagavatā: *Evaṃ vimuttacitto kho Aggivessana bhikkhu na kenaci saṃvadati, na kenaci vivadati, yañ ca loke vuttaṃ tena ca voharati aparāmasan ti, ñatvā vimutto na vivādam eti.
Bhavābhavāya na sameti dhiro ti. Bhavābhavāyā ti bhavābhavāya kammabhavāya punabbhavāya, kāmabhavāya kammabhavāya; kāmabhavāya punabbhavāya, rūpabhavāya kammabhavāya, rūpabhavāya punabbhavāya, arūpabhavāya kammabhavāya, arūpabhavāya punabbhavāya; punappunaṃ bhavāya, punappunaṃ gatiyā, punappunaṃ upapattiyā punappunaṃ paṭisandhiyā punappunaṃ attabhāvābhinibbattiyā na sameti, na samāgacchati, na gaṇhāti, na parāmasati, nābhinivisatī ti. Dhīro ti dhīro paṇḍito paññavā buddhimā ñāṇī vibhāvī medhāvī ti, bhavābhavāya na sameti dhīro ti. Ten'; āha Bhagavā:
Ete ca ñatvā upanissitā ti
ñatvā munī nissaye so vimaṃsī,
ñatvā vimutto na vivādam eti,
bhavābhavāya na sameti dhīro ti.
EKĀDASAMO KALAHAVIVĀDASUTTANIDDESO NIṬṬHITO.
[page 285]
285
CŪḶAVIYŪHASUTTANIDDESO.
Sn_IV,12.1(=878): Sakaṃ sakaṃ diṭṭhi paribbasānā
viggayha nānā kusalā vadanti:
yo evaṃ jānāti, sa vedi dhammaṃ,
idaṃ paṭikkosam akevalī so. || Nidd_I.12:1 ||
Sakaṃ sakaṃ diṭṭhi paribbasānā ti. Sant'; eke samaṇabrāhmaṇā diṭṭhigatikā. Te dvāsaṭṭhiyā diṭṭhigatānaṃ aññataraññataraṃ diṭṭhigataṃ gahetvā uggahetvā gaṇhitvā parāmasitvā abhinivisitvā, sakāya sakāya diṭṭhiyā vasanti saṃvasanti āvasanti parivasanti. Yathā āgārikā vā gharesu vasanti, sāpattikā vā āpattīsu vasanti, sakilesā vā kilesesu vasanti; evam eva sant'; eke samaṇabrāhmaṇā diṭṭhigatikā, te dvāsaṭṭhiyā diṭṭhigatānaṃ aññataraññataraṃ diṭṭhigataṃ gahetvā uggahetvā gaṇhitvā parāmasitvā abhinivisitvā sakāya sakāya diṭṭhiyā vasanti saṃvasanti āvasanti parivasantī ti, sakaṃ sakaṃ diṭṭhi paribbasānā.
Vigayha nānā kusalā vadantī ti. Viggayhā ti gahetvā uggahetvā gaṇhitvā parāmasitvā abhinivisitvā. Nānā vadantī ti nānā vadanti, vividhaṃ vadanti, aññoññaṃ vadanti, puthu vadanti, na ekaṃ vadanti. Vadanti kathenti bhaṇanti dīpayanti voharanti. Kusalā ti kusalavādā paṇḍitavādā dhīravādā ñāṇavādā hetuvādā lakkhaṇavādā kāraṇavādā ṭhānavādā sakāya laddhiyā ti,
[page 286]
286 Aṭṭhakavaggo. [S.N. 878
[... content straddling page break has been moved to the page above ...] viggayha nānā kusalā vadanti.
Yo evaṃ jānāti sa vedi dhamman ti yo imaṃ dhammaṃ diṭṭhiṃ paṭipadaṃ maggaṃ jānāti, so dhammaṃ vedi aññāsi apassi paṭivijjhī ti, yo evaṃ jānāti sa vedi dhammaṃ.
Idaṃ patikkosam akevalī so ti yo imaṃ dhammaṃ diṭṭhiṃ paṭipadaṃ maggaṃ paṭikkosati, akevalī so, asamatto so, aparipuṇṇo so, hīno nihīno omako lāmako jatukko paritto ti, idaṃ paṭikkosam akevalī so. Ten'; āha so nimmito:
Sakaṃ sakaṃ diṭṭhi paribbasānā
viggayha nānā kusalā vadanti:
yo evaṃ jānāti, sa vedi dhammaṃ,
idaṃ paṭikkosam akevalī so ti.
_________________________________
Sn_IV,12.2(=879): Evam pi viggayha vivādiyanti,
bālo paro akusalo ti cāhu,
sacco nu vādo katamo imesaṃ?
sabb'; eva hīme kusalā vadānā. || Nidd_I.12:2 ||
Evam pi viggayha vivādiyantī ti evaṃ gahetvā uggahetvā gaṇhitvā parāmasitvā abhinivisitvā vivādiyanti, kalahaṃ karonti, bhaṇḍanaṃ karonti, viggahaṃ karonti, vivādaṃ karonti, medhagaṃ karonti: na tvaṃ imaṃ dhammavinayaṃ ājānāsi . . . pe . . . nibbedhehi vā sace pahosī ti, evam pi viggayha vivādiyanti.
Bālo paro akusalo ti cāhū ti paro bālo hīno nihīno omako lāmako jatukko paritto akusalo avidvā avijjāgato añāṇī avibhāvī duppañño ti evam āhaṃsu, evaṃ kathenti,
[page 287]
S.N. 880] Cūḷaviyūhasuttaniddeso. 287
[... content straddling page break has been moved to the page above ...] evaṃ bhaṇanti, evaṃ dīpayanti, evaṃ voharantī ti, bālo paro akusalo ti cāhu.
Sacco nu vādo katamo imesan? ti imesaṃ samaṇabrāhmaṇānaṃ vādo katamo sacco taccho tatho bhūto yāthāvo aviparitto ti, sacco nu vādo katamo imesaṃ?
Sabb'; eva hīme kusalā vadānā ti sabb'; ev'; ime samaṇabrāhmaṇā kusalavādā paṇḍitavādā dhīravādā ñāṇavādā hetuvādā lakkhaṇavādā kāraṇavādā ṭhānavādā sakāya laddhiyā ti, sabb'; eva hīme kusalā vadānā. Ten'; āhu so nimmito:
Evam pi viggayha vivādiyanti,
bālo paro akusalo ti cāhu,
sacco nu vādo katamo imesaṃ?
sabb'; eva hīme kusalā vadānā ti.
_________________________________
Sn_IV,12.3(=880): Parassa ve dhammam anānujānaṃ
bālo mako hoti nihīnapañño,
sabb'; eva bālā sunihīnapaññā,
sabb'; ev'; ime diṭṭhiparibbasānā. || Nidd_I.12:3 ||
Parassa ve dhammam anānujānan ti parassa dhammaṃ diṭṭhiṃ paṭipadaṃ maggaṃ anānujānanto anānupassanto anānumaññanto anānumodanto ti, parassa ve dhammam anānujānaṃ.
Bālo mako hoti nihīnapañño ti paro bālo hoti hīno nihīno omako lāmako jatukko paritto hīnapañño nihīnapañño omakapañño lāmakapañño jatukkapañño parittapañño ti, bālo mako hoti nihīnapañño.
Sabb'; eva bālā sunihīnapaññā ti sabb'; ev'; ime samaṇabrāhmaṇā bālā hīnā nihīnā omakā lāmakā jatukkā parittā. Sabb'; eva hīnapaññā nihīnapaññā omakapaññā lāmakapaññā jatukkapaññā parittapaññā ti,
[page 288]
288 Aṭṭhakavaggo. [S.N. 880
[... content straddling page break has been moved to the page above ...] sabb'; eva bālā sunihīnapaññā.
Sabb'; ev'; ime diṭṭhiparibbasānā ti sabb'; ev'; ime samaṇabrāhmaṇā diṭṭhigatikā. Te dvāsaṭṭhiyā diṭṭhigatānaṃ aññataraññataraṃ diṭṭhigataṃ gahetvā uggahetvā gaṇhitvā parāmasitvā abhinivisitvā sakāya sakāya diṭṭhiyā vasanti saṃvasanti āvasanti parivasanti. Yathā āgārikā vā gharesu vasanti, sāpattikā vā āpattīsu vasanti, sakilesā vā kilesesu vasanti, evam eva sabb'; ev'; ime samaṇabrāhmaṇā diṭṭhigatikā, te dvāsaṭṭhiyā diṭṭhigatānaṃ aññataraññataraṃ diṭṭhigataṃ gahetvā uggahetvā gaṇhitvā parāmasitvā abhinivisitvā sakāya sakāya diṭṭhiyā vasanti saṃvasanti āvasanti parivasantī ti, sabb'; ev'; ime diṭṭhiparibbasānā.
Ten'; āha Bhāgava:
Parassa ve dhammam anānujānaṃ
bālo mako hoti nihīnapañño,
sabb'; eva bālā sunihīnapaññā,
sabb'; ev'; ime diṭṭhiparibbasānā ti.
_________________________________
Sn_IV,12.4(=881): Sandiṭṭhiyā ce pana vīvadātā
saṃsuddhapaññā kusalā matīmā,
na tesaṃ koci parihīnapañño,
diṭṭhī hi tesaṃ pi tathā samattā. || Nidd_I.12:4 ||
Sandiṭṭhiyā ce pana vīvadātā ti sakāya diṭṭhiyā, sakāya khantiyā, sakāya ruciyā, sakāya laddhiyā vīvadātā pariyodātā asaṅkiliṭṭhā ti, sandiṭṭhiyā ce pana vīvadātā.
[page 289]
S.N. 882] Cūḷaviyūhasuttaniddeso. 289
Saṃsuddhapaññā kusalā matīmā ti. Suddhapaññā visuddhapaññā parisuddhapaññā vodātapaññā pariyodātapaññā. Athavā suddhadassanā visuddhadassanā parisuddhadassanā vodātadassanā pariyodātadassanā ti, saṃsuddhapaññā. Kusalā ti. Kusalā paṇḍitā paññavanto buddhimanto ñāṇino vibhāvino medhāvino ti, saṃsuddhapaññā kusalā. Matīmā ti matimā paṇḍitā paññavanto buddhimanto ñāṇino vibhāvino medhāvino ti, saṃsuddhapaññā kusalā matīmā.
Na tesaṃ koci parihīnapañño ti tesaṃ samaṇabrāhmaṇānaṃ na koci hīnapañño nihīnapañño omakapañño lāmakapañño jatukkapañño parittapañño. Athavā sabb'; eva aggapaññā seṭṭhapaññā viseṭṭhapaññā pāmokkhapaññā uttamapaññā pavarapaññā ti,na tesaṃ koci parihīnapañño.
Diṭṭhī hi tesaṃ pi tathā samattā ti tesaṃ samaṇabrāhmaṇānaṃ diṭṭhi tathā samattā samādinnā gahitā parāmaṭṭhā abhiniviṭṭhā ajjhositā adhimuttā ti, diṭṭhī hi tesaṃ pi tathā samattā. Ten'; āha Bhagavā:
Sandiṭṭhiyā ce pana vīvadātā
saṃsuddhapaññā kusalā matīmā,
na tesaṃ koci parihīnapañño,
diṭṭhī hi tesaṃ pi tathā samattā ti.
_________________________________
Sn_IV,12.5(=882): Na vāham etam tathivan ti brūmi,
yam āhu bālā mithu aññamaññaṃ:
sakaṃ sakaṃ diṭṭhim akaṃsu saccaṃ,
tasmā hi bālo ti paraṃ dahanti. || Nidd_I.12:5 ||
[page 290]
290 Aṭṭhakavaggo. [S.N. 882
Na vāham etaṃ tathivan ti brūmī ti. Nā ti paṭikkhepo. Etan ti dvāsaṭṭhidiṭṭhigatan ti nāhaṃ etaṃ tathaṃ tacchaṃ bhūtaṃ yāthāvaṃ aviparittan ti brūmi ācikkhāmi desemi paññāpemi paṭṭhapemi vivarāmi vibhajāmi uttānīkaromi pakāsemī ti, na vāham etaṃ tathivan ti brūmi.
Yam āhu bālā mithu aññamaññan ti. Mithū ti dve janā, dve kalahakārakā, dve bhaṇḍanakārakā, dve bhassakārakā, dve vivādakārakā, dve adhikaraṇakārakā, dve vādino, dve sallāpakā. Te aññamaññaṃ bālo hīno nihīno omako lāmako jatukko paritto ti evam āhaṃsu, evaṃ kathenti, evaṃ bhaṇanti, evaṃ dīpayanti, evaṃ voharantī ti, yam āhu bālā mithu aññamaññaṃ.
Sakaṃ sakaṃ diṭṭhiṃ akaṃsu saccan ti sassato loko, idam eva saccaṃ, mogham aññan ti sakaṃ sakaṃ diṭṭhim akaṃsu saccaṃ. Asassato loko, idam eva saccaṃ, mogham aññan ti . . . pe . . . n'; eva hoti na na hoti tathāgato param maraṇā, idam eva saccaṃ, mogham aññan ti, sakaṃ sakaṃ diṭṭhim akaṃsu saccaṃ.
Tasmā hi bālo ti paraṃ dahantī ti. Tasmā ti tasmā taṃkāraṇā taṃhetu taṃpaccayā taṃnidānā paraṃ bālo hīno nihīno omako lāmako jatukko paritto ti dahanti passanti dakkhanti olokenti nijjhāyanti upaparikkhantī ti, tasmā hi bālo ti paraṃ dahanti. Ten'; āha Bhagavā:
Na vāham etaṃ tathivan ti brūmi,
yam āhu bālā mithu aññamaññaṃ:
sakaṃ sakaṃ diṭṭhim akaṃsu saccaṃ,
tasmā hi bālo ti paraṃ dahantī ti.
_________________________________
[page 291]
S.N. 883] Cūḷaviyūhasuttaniddeso. 291
Sn_IV,12.6(=883): Yam āhu saccaṃ tathivan ti eke,
tam āhu aññe pi tucchaṃ musā ti,
evam pi viggayha vivādiyanti,
kasmā na ekaṃ samaṇā vadanti? || Nidd_I.12:6 ||
Yam āhu saccaṃ tathivan ti eke ti yaṃ dhamman diṭṭhiṃ paṭipadaṃ maggaṃ eke samaṇabrāhmaṇā: idaṃ saccaṃ tacchaṃ bhūtaṃ yāthāvaṃ aviparittan ti evaṃ āhaṃsu, evaṃ kathenti, evaṃ bhaṇanti, evaṃ dīpayanti, evaṃ voharantī ti, yam āhu saccaṃ tathivan ti eke.
Tam āhu aññe pi tucchaṃ musā tī ti tam eva dhammaṃ diṭṭhiṃ paṭipadaṃ maggaṃ eke samaṇabrāhmaṇā: etaṃ tucchaṃ, etaṃ musā, etaṃ abhūtaṃ, etaṃ alikaṃ, etaṃ ayāthāvan ti evam āhaṃsu evaṃ kathenti, evaṃ bhaṇanti, evaṃ dīpayanti, evaṃ voharantī ti, tam āhu aññe pi tucchaṃ musā ti.
Evam pi viggayha vivādiyantī ti evaṃ gahetvā uggahetvā gaṇhitvā parāmasitvā abhinivisitvā vivādiyanti, kalahaṃ karonti, bhaṇḍanaṃ karonti, viggahaṃ karonti, vivādaṃ karonti, medhagaṃ karonti: na tvaṃ imaṃ dhammavinayaṃ ājānāsi . . . pe . . . nibbedhehi vā sace pahosī ti, evam pi viggayha vivādiyanti.
Kasmā na ekaṃ samaṇā vadantī? ti. Kasmā ti kasmā kiṃkāraṇā kiṃhetu kiṃpaccayā kiṃnidānā kiṃsamudayā kiṃjātikā kiṃpabhavā na ekaṃ vadanti, nānā vadanti, vividhaṃ vadanti, aññoññaṃ vadanti, puthu vadanti kathenti bhaṇanti dīpayanti voharantī ti, kasmā na ekaṃ samaṇā vadanti. Ten'; āha so nimmito:
[page 292]
292 Aṭṭhakavaggo. [S.N. 883
Yam āhu saccaṃ tathivan ti eke,
tam āhu aññe pi tucchaṃ musā ti,
evam pi viggayha vivādiyanti,
kasmā na ekaṃ samaṇā vadantī? ti.
_________________________________
Sn_IV,12.7(=884): Ekaṃ hi saccaṃ na dutīyam atthi,
yasmiṃ pajā no vivade pajānaṃ,
nānā te saccāni sayaṃ thunanti,
tasmā na ekaṃ samaṇā vadanti. || Nidd_I.12:7 ||
Ekaṃ hi saccaṃ na dutīyam atthī ti. Ekaṃ saccaṃ vuccati dukkhanirodho nibbānaṃ, yo so sabbasaṃkhārasamatho sabbūpadhipaṭinissaggo taṇhakkhayo virāgo nirodho nibbānaṃ. Athavā ekaṃ saccaṃ vuccati maggasaccaṃ niyyānasaccaṃ dukkhanirodhagāminī paṭipadā ariyo aṭṭhaṅgiko maggo, seyyathīdaṃ sammādiṭṭhi sammāsaṃkappo sammāvācā sammākammanto sammā-ājīvo sammāvāyāmo sammāsati sammāsamādhī ti, ekaṃ hi saccaṃ na dutīyam atthi.
Yasmiṃ pajā no vivade pajānan ti. Yasmin ti yamhi sacce. Pajā ti sattādhivacanaṃ. Pajā yaṃ saccaṃ pajānantā ājānantā vijānantā paṭivijānantā pativijjhantā na kalahaṃ kareyya na bhaṇḍanaṃ kareyya, na viggahaṃ kareyya, na vivādaṃ kareyya, na medhagaṃ kareyya, kalahaṃ bhaṇḍanaṃ viggahaṃ vivādaṃ medhagaṃ pajaheyya vinodeyya byantīkareyya anabhāvaṃ gameyyā ti, yasmiṃ pajā no vivade pajānaṃ.
Nānā te saccāni sayaṃ thunantī ti nānā te saccāni sayaṃ thunanti vadanti kathenti bhaṇanti dīpayanti voharanti: sassato loko, idam eva saccaṃ, mogham aññan ti sayaṃ thunanti vadanti kathenti bhaṇanti dīpayanti voharanti;
[page 293]
S.N. 885] Cūḷaviyūhasuttaniddeso. 293
[... content straddling page break has been moved to the page above ...] asassato loko . . . pe . . . n'; eva hoti na na hoti tathāgato param maraṇā, idam eva saccaṃ, mogham aññan ti sayaṃ thunanti vadanti kathenti bhaṇanti dīpayanti voharantī ti, nānā te saccāni sayaṃ thuṇanti.
Tasmā na ekaṃ samaṇā vadantī ti. Tasmā ti tasmā taṃkāraṇā taṃhetu taṃpaccayā taṃnidānā na ekaṃ vadanti, nānā vadanti, vividhaṃ vadanti, aññoññaṃ vadanti, puthu vadanti kathenti bhaṇanti dīpayanti voharantī ti, tasmā na ekaṃ samaṇā vadanti. Ten'; āha Bhagavā:
Ekaṃ hi saccaṃ na dutīyam atthi,
yasmiṃ pajā no vivade pajānaṃ,
nānā te saccāni sayaṃ thunanti,
tasmā na ekaṃ samaṇā vadantī ti.
_________________________________
Sn_IV,12.8(=885): Kasmā nu saccāni vadanti nānā
pavādiyāse kusalā vadānā?
saccāni suttāni bahūni nānā,
udāhu te takkam anussaranti? || Nidd_I.12:8 ||
Kasmā nu saccāni vadanti nānā ti. Kasmā ti kasmā kiṃkāraṇā kiṃhetu kiṃpaccayā kiṃnidānā saccāni nānā vadanti, vividhāni vadanti, aññoññāni vadanti, puthūni vadanti, kathenti bhaṇanti dīpayanti voharantī ti, kasmā nu saccāni vadanti nānā.
Pavādiyāse kusalā vadānā ti. Pavādiyāse ti vippavadantī ti pi pavādiyāse. Athavā sakaṃ sakaṃ diṭṭhigataṃ pavadanti kathenti bhaṇanti dīpayanti voharanti: sassato loko, idam eva saccaṃ mogham aññan ti pavadanti kathenti bhaṇanti dīpayanti voharanti: asassato loko . . . pe . . . n'; eva hoti na na hoti tathāgato param maraṇā, idam eva saccaṃ mogham aññan ti pavadanti kathenti bhaṇanti dīpayanti voharanti.
[page 294]
294 Aṭṭhakavaggo. [S.N. 885
Kusalā vadānā ti kusalavādā paṇḍitavādā dhīravādā ñāṇavādā hetuvādā lakkhaṇavādā kāraṇavādā ṭhānavādā sakāya laddhiyā ti, pavādiyāse kusalāvadānā.
Saccāni suttāni bahūni nānā ti saccāni sutāni bahūni nānāni vividhāni aññoññāni puthūnī ti, saccāni suttāni bahūni nānā.
Udāhu te takkam anussarantī? ti udāhu takkena vitakkena saṃkappena yāyanti niyyanti vuyhanti saṃhariyantī ti, evam pi udāhu te takkam anussaranti? Athavā takkapariyāhataṃ vīmaṃsānucaritaṃ sayaṃ pāṭibhānaṃ vadanti kathenti bhaṇanti dīpayanti voharantī ti, evam pi udāhu te takkam anussaranti. Ten'; āha so nimmito:
Kasmā nu saccāni vadanti nānā
pavādiyāse kusalā vadānā?
saccāni suttāni bahūni nānā,
udāhu te takkam anussarantī? ti.
_________________________________
Sn_IV,12.9(=886): Na h'; eva saccāni bahūni nānā,
aññatra saññāya niccāni loke,
takkañ ca diṭṭhīsu pakappayitvā
saccaṃ musā ti dvayadhammam āhu. || Nidd_I.12:9 ||
Na h'; eva saccāni bahūni nānā ti na h'; eva saccāni bahukāni nānāni vividhāni aññoññāni puthūnī ti, na h'; eva saccāni bahūni nānā.
Aññatra saññāya niccāni loke ti. Aññatra saññāya niccagāhā ekañ ñeva saccaṃ loke kathiyati bhaṇiyati dīpayati vohariyati: dukkhanirodho nibbānaṃ, yo so sabbasaṃkhārasamatho sabbūpadhipaṭinissaggo taṇhakkhayo virāgo nirodho nibbānaṃ. Athavā ekaṃ saccaṃ vuccati maggasaccaṃ niyyānasaccaṃ dukkhanirodhagāminī paṭipadā, ariyo aṭṭhaṅgiko maggo, seyyathīdaṃ sammādiṭṭhi
[page 295]
S.N. 887] Cūḷaviyūhasuttaniddeso. 295
[... content straddling page break has been moved to the page above ...] . . . pe . . . sammāsamādhī ti, aññatra saññāya niccāni loke.
Takkañ ca diṭṭhīsu pakappayitvā saccaṃ musā ti dvayadhammam āhū ti takkaṃ vitakkaṃ saṃkappaṃ takkayitvā vitakkayitvā saṃkappayitvā diṭṭhigatāni janenti sañjanenti nibbattenti abhinibbattenti; diṭṭhigatāni janetvā sañjanetvā nibbattetvā abhinibbattetvā: mayhaṃ saccaṃ, tuyhaṃ musā ti evam āhaṃsu, evaṃ kathenti, evaṃ bhaṇanti, evaṃ dīpayanti, evaṃ voharantī ti, takkañ ca diṭṭhīsu pakappāyitvā saccaṃ musā ti dvayadhammam āhu. Ten'; āha Bhagavā:
Na h'; eva saccāni bahūni nānā,
aññatra saññāya niccāni loke,
takkañ ca diṭṭhīsu pakappayitvā
saccaṃ musā ti dvayadhammam āhū ti.
_________________________________
Sn_IV,12.10(=887): Diṭṭhe sute sīlavate mute vā
ete ca nissāya vimānadassī
vinicchaye ṭhatvā pahassamāno
bālo paro akusalo ti c'; āha. || Nidd_I.12:10 ||
Diṭṭhe sute sīlavate mute vā ete ca nissāya vimānadassī ti diṭṭhaṃ vā diṭṭhisuddhiṃ vā sutaṃ vā sutasuddhiṃ vā sīlaṃ vā sīlasuddhiṃ vā vattaṃ vā vattasuddhiṃ vā mutaṃ vā mutasuddhiṃ vā nissāya upanissāya gaṇhitvā parāmasitvā abhinivisitvā ti, diṭṭhe sute sīlavate mute vā.
Ete ca nissāya vimānadassī ti na sammānetī ti pi vimānadassī, athavā domanassaṃ janetī ti pi vimānadassī ti, diṭṭhe sute sīlavate mute vā ete ca nissāya vimānadassī.
Vinicchaye ṭhatvā pahassamāno ti. Vinicchayā vuccanti dvāsaṭṭhī diṭṭhigatāni.
[page 296]
296 Aṭṭhakavaggo. [S.N. 887
[... content straddling page break has been moved to the page above ...] Diṭṭhivinicchaye vinicchitadiṭṭhiyā ṭhatvā patiṭṭhahitvā gaṇhitvā parāmasitvā abhinivisitvā ti, vinicchaye ṭhatvā. Pahassamāno ti tuṭṭho hoti, haṭṭho pahaṭṭho attamano paripuṇṇasaṃkappo. Athavā dantavidaṃsakaṃ hassamāno ti, vinicchaye ṭhatvā pahassamāno.
Bālo paro akusalo ti c'; āhā ti paro bālo hīno nihīno omako lāmako jatukko paritto akusalo avidvā avijjāgato añāṇī avibhāvī amedhāvī duppañño ti evam āha, evaṃ katheti, evaṃ bhaṇati, evaṃ dīpayati, evaṃ voharatī ti, bālo paro akusalo ti c'; āha. Ten'; āha Bhagavā:
Diṭṭhe sute sīlavate mute vā
ete ca nissāya vimānadassī
vinicchaye ṭhatvā pahassamāno
bālo paro akusalo ti c'; āha ti.
_________________________________
Sn_IV,12.11(=888): Yen'; eva bālo ti paraṃ dahāti,
ten'; ātumānaṃ kusalo ti c'; āha;
sayam attanā so kusalo vadāno
aññaṃ vimāneti, tath'; eva pāvā. || Nidd_I.12:11 ||
Yen'; eva bālo ti paraṃ dahātī ti yena hetunā, yena paccayena, yena kāraṇena, yena pabhavena paraṃ bālato hīnato nihīnato omakato lāmakato jatukkato parittato dahati passati dakkhati oloketi nijjhāyati upaparikkhatī ti, yen'; eva bālo ti paraṃ dahāti.
Ten'; ātumānaṃ kusalo ti c'; āhā ti. Ātumā vuccati attā. So pi ten'; eva hetunā, tena paccayena, tena kāraṇena, tena pabhavena attānaṃ āha: aham asmi kusalo paṇḍito paññavā buddhimā ñāṇī vibhāvī medhāvī ti,
[page 297]
S.N. 889] Cūḷaviyūhasuttaniddeso. 297
[... content straddling page break has been moved to the page above ...] ten'; ātumānaṃ kusalo ti c'; āha.
Sayam attanā so kusalo vadāno ti sayaṃ attānaṃ kusalavādo paṇḍitavādo dhīravādo ñāṇavādo hetuvādo lakkhaṇavādo kāraṇavādo ṭhānavādo sakāya laddhiyā ti, sayam attanā so kusalo vadāno.
Aññaṃ vimāneti, tath'; eva pāvā ti. Na sammānetī ti pi aññaṃ vimāneti; athavā domanassaṃ janetī ti pi, aññaṃ vimāneti. Tath'; eva pāvā ti. Tath'; eva taṃ diṭṭhigataṃ pāvadati: iti p'; ayaṃ puggalo micchādiṭṭhiko viparittadassano ti, aññaṃ vimāneti tath'; eva pāvā. Ten'; āha Bhagavā:
Yen'; eva bālo ti paraṃ dahāti,
ten'; ātumānaṃ kusalo ti c'; āha;
sayam attanā so kusalo vadāno
aññaṃ vimāneti, tath'; eva pāvā ti.
_________________________________
Sn_IV,12.12(=889): Atīsaraṃdiṭṭhiyā so samatto
mānena matto paripuṇṇamānī
sayam eva sāmaṃ manasābhisitto,
diṭṭhī hi sā tassa tathā samattā. || Nidd_I.12:12 ||
Atīsaraṃdiṭṭhiyā so samatto ti. Atisāradiṭṭhiyo vuccanti dvāsaṭṭhī diṭṭhigatāni. Kiṃkāraṇā atisāradiṭṭhiyo vuccanti dvāsaṭṭhī diṭṭhigatāni? Sabbā tā diṭṭhiyo kāraṇātikkantā lakkhaṇātikkantā hīnātikkantā taṃkāraṇā atisāradiṭṭhiyo vuccanti dvāsaṭṭhī diṭṭhigatāni.
[page 298]
298 Aṭṭhakavaggo. [S.N. 889
Sabbe pi titthiyā atisāradiṭṭhiyā. Kiṃkāraṇā sabbe pi titthiyā atisāradiṭṭhiyā? Te aññamaññaṃ atikkamitvā samatikkamitvā vītivattetvā diṭṭhigatāni janenti sañjanenti nibbattenti abhinibbattenti; taṃkāraṇā sabbe pi titthiyā atisāradiṭṭhiyā. So samatto ti atisāradiṭṭhiyā samatto paripuṇṇo anomo ti, atīsaraṃdiṭṭhiyā so samatto.
Mānena matto paripuṇṇamānī ti sakāya diṭṭhiyā mānena matto pamatto ummatto adhimatto ti, mānena matto.
Paripuṇṇamānī ti paripuṇṇamānī samattamānī anomamānī ti, mānena matto paripuṇṇamānī.
Sayam eva sāmaṃ manasābhisitto ti. Sayam eva attānaṃ cittena abhisiñcati: aham asmi kusalo paṇḍito paññavā buddhimā ñāṇī vibhāvī medhāvī ti, sayam eva sāmaṃ manasābhisitto.
Diṭṭhī hi sā tassa tathā samattā ti tassa sā diṭṭhi tathā samattā samādiṇṇā gahitā parāmaṭṭhā abhiniviṭṭhā ajjhositā adhimuttā ti, diṭṭhī hi sā tassa tathā samattā. Ten'; āha Bhagavā:
Atīsaraṃdiṭṭhiyā so samatto
mānena matto paripuṇṇamānī
sayam eva sāmaṃ manasābhisitto,
diṭṭhī hi sā tassa tathā samattā ti.
_________________________________
Sn_IV,12.13(=890): Parassa ce hi vacasā nihīno,
tumo sahā hoti nihīnapañño;
athavā sayaṃ vedagū hoti dhīro,
na koci bālo samaṇesu atthi. || Nidd_I.12:13 ||
[page 299]
S.N. 891] Cūḷaviyūhasuttaniddeso. 299
Parassa ce hi vacasā nihīno ti. Parassa ce vācāya vacanena ninditakāraṇā garahitakāraṇā upavaditakāraṇā paro bālo hoti hīno nihīno omako lāmako jatukko paritto ti, parassa ce hi vacasā nihīno.
Tumo sahā hoti nihīnapañño ti so pi ten'; eva saha hoti hīnapañño nihīnapañño omakapañño lāmakapañño jatukkapañño parittapañño ti, tumo sahā hoti nihīnapañño.
Athavā sayaṃ vedagū hoti dhīro ti. Athavā sayam vedagū hoti dhīro paṇḍito paññavā buddhimā ṇāṇī vibhāvī medhāvī ti, athavā sayaṃ vedagū hoti dhīro.
Na koci bālo samaṇesu atthī ti samaṇesu na koci bālo hīno nihīno omako lāmako jatukko paritto atthi; sabb'; eva aggapaññā seṭṭhapaññā viseṭṭhapaññā pāmokkhapaññā uttamapaññā pavarapaññā ti, na koci bālo samaṇesu atthi. Ten'; āha Bhagavā:
Parassa ce hi vacasā nihīno,
tumo sahā hoti nihīnapañño;
athavā sayaṃ vedagū hoti dhīro,
na koci bālo samaṇesu atthī ti.
_________________________________
Sn_IV,12.14(=891): Aññaṃ ito yābhivadanti dhammaṃ,
aparaddhā suddhim akevalī te,
evam pi titthyā puthuso vadanti
sandiṭṭhirāgena hi tyābhirattā. || Nidd_I.12:14 ||
Aññaṃ ito yābhivadanti dhammaṃ aparaddhā suddhim akevalī te ti ito aññaṃ dhammaṃ diṭṭhiṃ paṭipadaṃ maggaṃ ye abhivadanti,
[page 300]
300 Aṭṭhakavaggo. [S.N. 891
[... content straddling page break has been moved to the page above ...] te suddhimaggaṃ visuddhimaggaṃ parisuddhimaggaṃ vodātamaggaṃ pariyodātamaggaṃ viraddhā aparaddhā khalitā gaḷitā aññāya aparaddhā akevalī te, asamattā te, aparipuṇṇā te, hīnā nihīnā omakā lāmakā jatukkā parittā ti, aññaṃ ito yābhivadanti dhammaṃ aparaddhā suddhim akevalī te.
Evam pi titthyā puthuso vadantī ti. Titthaṃ vuccati diṭṭhigataṃ; titthyā vuccanti diṭṭhigatikā; puthudiṭṭhiyā puthudiṭṭhigatāni vadanti kathenti bhaṇanti dīpayanti voharantī ti, evam pi titthyā puthuso vadanti.
Sandiṭṭhirāgena hi tyābhirattā ti sakāya diṭṭhiyā diṭṭhirāgena rattā abhirattā ti, sandiṭṭhirāgena hi tyābhirattā.
Ten'; āha Bhagavā:
Aññaṃ ito yābhivadanti dhammaṃ,
aparaddhā suddhim akevalī te,
evaṃ pi titthyā puthuso vadanti
sandiṭṭhirāgena hi tyābhirattā ti.
_________________________________
Sn_IV,12.15(=892): Idh'; eva suddhiṃ iti vādiyanti,
nāññesu dhammesu visuddhim āhu,
evam pi titthyā puthuso niviṭṭhā
sakāyane tattha daḷhaṃ vadānā. || Nidd_I.12:15 ||
Idh'; evā suddhiṃ iti vādiyantī ti idha suddhiṃ visuddhiṃ parisuddhiṃ muttiṃ vimuttiṃ parimuttiṃ vadanti kathenti bhaṇanti dīpayanti voharanti: sassato loko, idam eva saccaṃ, mogham aññan ti idha suddhiṃ visuddhiṃ parisuddhiṃ muttiṃ vimuttiṃ parimuttiṃ vadanti kathenti bhaṇanti dīpayanti voharanti: asassato loko . . . pe . . . n'; eva hoti na na hoti tathāgato param maraṇā, idam eva saccaṃ, mogham aññan ti idha suddhiṃ visuddhiṃ parisuddhiṃ muttiṃ vimuttiṃ parimuttiṃ vadanti kathenti bhaṇanti dīpayanti voharantī ti,
[page 301]
S.N. 893] Cūḷaviyūhasuttaniddeso. 301
[... content straddling page break has been moved to the page above ...] idh'; eva suddhiṃ iti vādiyanti.
Nāññesu dhammesu visuddhim āhū ti attano satthāraṃ dhammakkhānaṃ gaṇaṃ diṭṭhiṃ paṭipadaṃ maggaṃ ṭhapetvā sabbe paravāde khipanti ukkhipanti parikkhipanti: so satthā na sabbaññū, dhammo na svākkhāto, gaṇo na supaṭipanno, diṭṭhi na bhaddikā, paṭipadā na supaññattā, maggo na niyyāniko; n'; atth'; ettha suddhi vā visuddhi vā parisuddhi vā mutti vā vimutti vā parimutti vā, n'; atth'; ettha sujjhanti vā visujjhanti vā parisujjhanti vā muccanti vā vimuccanti vā parimuccanti vā, hīnā nihīnā omakā lāmakā jatukkā parittā ti, evam āhaṃsu, evaṃ kathenti, evaṃ bhaṇanti, evaṃ dīpayanti, evaṃ voharantī ti, nāññesu dhammesu visuddhim āhu.
Evam pi titthyā puthuso niviṭṭhā ti. Titthaṃ vuccati diṭṭhigataṃ; titthyā vuccanti diṭṭhigatikā; puthudiṭṭhiyā puthudiṭṭhigatesu niviṭṭhā patiṭṭhitā allīnā upagatā ajjhositā adhimuttā ti, evam pi titthyā puthuso niviṭṭhā.
Sakāyane tattha daḷhaṃ vadānā ti. Dhammo sakāyanaṃ, diṭṭhi sakāyanaṃ, paṭipadā sakāyanaṃ, maggo sakāyanaṃ; sakāyane daḷhavādā thiravādā balikavādā avatthitavādā ti, sakāyane tattha daḷhaṃ vadānā. Ten'; āha Bhagavā:
Idh'; eva suddhiṃ iti vādiyanti,
nāññesu dhammesu visuddhim āhu,
evam pi titthyā puthuso niviṭṭhā
sakāyane tattha daḷhaṃ vadānā ti.
_________________________________
Sn_IV,12.16(=893): Sakāyane vā pi daḷhaṃ vadāno
kam ettha bālo ti paraṃ daheyya?
sayam eva so medhagaṃ āvaheyya
paraṃ vadaṃ bālam asuddhidhammaṃ. || Nidd_I.12:16 ||
[page 302]
302 Aṭṭhakavaggo. [S.N. 893
Sakāyane vā pi daḷhaṃ vadāno ti. Dhammo sakāyanaṃ, diṭṭhi sakāyanaṃ, paṭipadā sakāyanaṃ, maggo sakāyanaṃ; sakāyane daḷhavādo thiravādo balikavādo avatthitavādo ti, sakāyane vā pi daḷhaṃ vadāno.
Kam ettha bālo ti paraṃ daheyyā? ti. Etthā ti sakāya diṭṭhiyā, sakāya khantiyā, sakāya ruciyā, sakāya laddhiyā, paraṃ bālato hīnato nihīnato omakato lāmakato jatukkato parittato kaṃ daheyya, kaṃ passeyya, kaṃ dakkheyya, kam olokeyya, kaṃ nijjhayeyya, kaṃ upaparikkheyyā ti, kam ettha bālo ti paraṃ daheyya?
Sayam eva so medhagaṃ āvaheyya paraṃ vadaṃ bālam asuddhidhamman ti paro bālo hīno nihīno omako lāmako jatukko paritto asuddhidhammo avisuddhidhammo aparisuddhidhammo avodātadhammo ti evaṃ vadanto, evaṃ kathento, evaṃ bhaṇanto, evaṃ dīpayanto, evaṃ voharanto, sayam eva kalahaṃ bhaṇḍanaṃ viggahaṃ vivādaṃ medhagaṃ āvaheyya samāvaheyya āhareyya samāhareyya ākaḍḍheyya samākaḍḍheyya gaṇheyya parāmaseyya abhiniviseyyā ti, sayam eva so medhagaṃ āvaheyya paraṃ vadaṃ bālaṃ asuddhidhammaṃ. Ten'; āha Bhagavā:
Sakāyane vā pi daḷhaṃ vadāno
kam ettha bālo ti paraṃ daheyya?
sayam eva so medhagaṃ āvaheyya
paraṃ vadaṃ bālam asuddhidhamman ti.
_________________________________
Sn_IV,12.17(=894): Vinicchaye ṭhatvā sayaṃ pamāya
uddhaṃ so lokasmiṃ vivādam eti,
hitvāna sabbāni vinicchayāni
na medhagaṃ kurute jantu loke ti. || Nidd_I.12:17 ||
[page 303]
S.N. 894] Cūḷaviyūhasuttaniddeso. 303
Vinicchaye ṭhatvā sayaṃ pamāyā ti. Vinicchayā vuccanti dvāsaṭṭhī diṭṭhigatāni. Vinicchaye vinicchitadiṭṭhiyā ṭhatvā patiṭṭhahitvā gaṇhitvā parāmasitvā abhinivisitvā ti, vinicchaye ṭhatvā. Sayaṃ pamāyā ti sayaṃ pamāya paminitvā, ayaṃ satthā sabbaññū ti sayaṃ pamāya paminitvā; ayaṃ dhammo svākkhāto, ayaṃ gaṇo supaṭipanno, ayaṃ diṭṭhi bhaddikā, ayaṃ paṭipadā supaññattā, ayaṃ maggo niyyāniko ti sayaṃ pamāya paminitvā ti, vinicchaye ṭhatvā sayaṃ pamāya.
Uddhaṃ so lokasmiṃ vivādam etī ti. Uddhaṃ vuccati anāgataṃ; attano vādaṃ uddhaṃ ṭhapetvā sayam eva kalahaṃ bhaṇḍanaṃ viggahaṃ vivādaṃ medhagaṃ eti upeti upagacchati gaṇhāti parāmasati abhinivisatī ti, evam pi uddhaṃ so lokasmiṃ vivādam eti. Athavā aññena uddhaṃ vādena saddhiṃ kalahaṃ karoti, bhaṇḍanaṃ karoti, viggahaṃ karoti, vivādaṃ karoti, medhagaṃ karoti: na tvaṃ imaṃ dhammavinayaṃ ājānāsi . . . pe . . . nibbedhehi vā sace pahosī ti, evam pi uddhaṃ so lokasmiṃ vivādam eti.
Hitvāna sabbāni vinicchayānī ti Vinicchayā vuccanti dvāsaṭṭhī diṭṭhigatāni; sabbā vinicchitadiṭṭhiyo hitvā cajjitvā pariccajitvā jahitvā pajahitvā vinoditvā byantīkaritvā anabhāvaṃ gametvā ti, hitvāna sabbāni vinicchayāni.
Na medhagaṃ kurute jantu loke ti na kalahaṃ karoti, na bhaṇḍanaṃ karoti, na viggahaṃ karoti, na vivādaṃ karoti, na medhagaṃ karoti. Vuttaṃ h'; etaṃ Bhagavatā:
*Evaṃ vimuttacitto kho Aggivessana bhikkhu na kenaci saṃvadati, na kenaci vivadati. Yañ ca loke vuttaṃ tena ca voharati aparāmasan ti. Jantū ti satto naro mānavo poso puggalo jīvo jagū jantu indagū manujo.
[page 304]
304 Aṭṭhakavaggo. [S.N. 894
[... content straddling page break has been moved to the page above ...] Loke ti apāyaloke manussaloke devaloke khandhaloke dhātuloke āyatanaloke ti, na medhagaṃ kurute jantu loke ti. Ten'; āha Bhagavā:
Vinicchaye ṭhatvā sayaṃ pamāya
uddhaṃ so lokasmiṃ vivādam eti
hitvāna sabbāni vinicchayāni
na medhagaṃ kurute jantu loke ti.
DVĀDASAMO CŪḶAVIYŪHASUTTANIDDESO NIṬṬHITO.
[page 305]
305
TERASAMO MAHĀVIYŪHASUTTANIDDESO.
Sn_IV,13.1(=895): Ye kec'; ime diṭṭhiparibbasānā
idam eva saccan ti pavādiyanti,
sabb'; eva te nindam anvānayanti
atho pasaṃsam pi labhanti tattha. || Nidd_I.13:1 ||
Ye kec'; ime diṭṭhiparibbasānā ti. Ye kecī ti sabbena sabbaṃ sabbathā sabbaṃ asesaṃ nissesaṃ pariyādāyavacanam etaṃ, ye kecī ti. Diṭṭhiparibbasānā ti. Sant'; eke samaṇabrāhmaṇā diṭṭhigatikā. Te dvāsaṭṭhiyā diṭṭhigatānaṃ aññataraññataraṃ diṭṭhigataṃ gahetvā uggahetvā gaṇhitvā parāmasitvā abhinivisitvā sakāya sakāya diṭṭhiyā vasanti saṃvasanti āvasanti parivasanti; yathā āgārikā vā gharesu vasanti, sāpattikā vā āpattīsu vasanti, sakilesā vā kilesesu vasanti, evam eva sant'; eke samaṇabrāhmaṇā diṭṭhigatikā. Te dvāsaṭṭhiyā diṭṭhigatānaṃ aññataraññataraṃ diṭṭhigataṃ gahetvā uggahetvā gaṇhitvā parāmasitvā abhinivisitvā sakāya sakāya diṭṭhiyā vasanti saṃvasanti āvasanti parivasantī ti, ye kec'; ime diṭṭhiparibbasānā.
Idam eva saccan ti pavādiyantī ti. Sassato loko, idam eva saccaṃ, mogham aññan ti vadanti kathenti bhaṇanti dīpayanti voharanti. Asassato loko . . . pe . . . n'; eva hoti, na na hoti tathāgato paraṃ maraṇā, idam eva saccaṃ,
[page 306]
306 Aṭṭhakavaggo. [S.N. 895
[... content straddling page break has been moved to the page above ...] mogham aññan ti vadanti kathenti bhaṇanti dīpayanti voharantī ti, idam eva saccan ti pavādiyanti.
Sabb'; eva te nindam anvānayantī ti sabb'; eva te samaṇabrāhmaṇā nindam eva anventi, garaham eva anventi, akittim eva anventi, sabbe ninditā yeva honti, garahitā yeva honti, akittitā yeva hontī ti, sabb'; eva te nindam anvānayanti.
Atho pasaṃsam pi labhanti tatthā ti. Tattha sakāya diṭṭhiyā, sakāya khantiyā, sakāya ruciyā, sakāya laddhiyā, pasaṃsaṃ thomanaṃ kittiṃ vaṇṇahārikaṃ labhanti paṭilabhanti adhigacchanti vindantī ti, atho pasaṃsam pi labhanti tattha. Ten'; āha so nimmito:
Ye kec'; ime diṭṭhiparibbasānā
idam eva saccan ti pavādiyanti,
sabb'; eva te nindam anvānayanti
atho pasaṃsam pi labhanti tatthā ti.
_________________________________
Sn_IV,13.2(=896): Appaṃ hi etaṃ na alaṃ samāya,
duve vivādassa phalāni brūmi,
evam pi disvā na vivādiyetha
khemābhipassaṃ avivādabhummaṃ. || Nidd_I.13:2 ||
Appaṃ hi etaṃ na alaṃ samāyā ti. Appaṃ hi etaṃ ti appakaṃ etaṃ, omakaṃ etaṃ, thokaṃ etaṃ, lāmakaṃ etaṃ, jatukkaṃ etaṃ, parittakaṃ etan ti, appaṃ hi etaṃ. Na alaṃ samāyā ti nālaṃ rāgassa samāya, dosassa samāya, mohassa samāya, kodhassa upanāhassa makkhassa paḷāsassa issāya macchariyassa māyāya sāṭheyyassa, thambhassa sārambhassa mānassa atimānassa madassa pamādassa sabbakilesānaṃ sabbaduccaritānaṃ sabbadarathānaṃ sabbapariḷāhānaṃ sabbasantāpānaṃ sabbākusalābhisaṃkhārānaṃ samāya upasamāya vūpasamāya nibbānāya paṭinissaggāya paṭipassaddhiyā ti,
[page 307]
S.N.] 896] Mahāviyūhasuttaniddeso. 307
[... content straddling page break has been moved to the page above ...] appaṃ hi etaṃ na alaṃ samāya.
Duve vivādassa phalāni brūmī ti diṭṭhikalahassa diṭṭhibhaṇḍanassa diṭṭhiviggahassa diṭṭhivivādassa diṭṭhimedhagassa dve phalāni honti. Jayaparājayo hoti, lābhālābho hoti, yasāyaso hoti, nindāpasaṃso hoti, sukhadukkhaṃ hoti, somanassadomanassaṃ hoti, iṭṭhāniṭṭhaṃ hoti, anunayapaṭighaṃ hoti, ugghātinigghāti hoti, anurodhavirodho hoti. Athavā taṃ kammaṃ nirayasaṃvattanikaṃ tiracchānayonikasaṃvattanikaṃ pittivisayikasaṃvattanikan ti brūmi ācikkhāmi desemi paññāpemi paṭṭhapemi vivarāmi vibhajāmi uttānīkaromi pakāsemī ti, duve vivādassa phalāni brūmi.
Etam pi disvā na vivādiyethā ti. Etam pi disvā ti etaṃ ādīnavaṃ disvā passitvā tulayitvā tīrayitvā vibhāvayitvā vibhūtaṃ katvā diṭṭhikalahesu diṭṭhibhaṇḍanesu diṭṭhiviggahesu diṭṭhivivādesu diṭṭhimedhagesū ti, etam pi disvā. Na vivādiyethā ti na kalahaṃ kareyya, na bhaṇḍanaṃ kareyya, na viggahaṃ kareyya, na vivādaṃ kareyya, na medhagaṃ kareyya, kalahabhaṇḍanaviggahavivādamedhagaṃ pajaheyya vinodeyya byantīkareyya anabhāvaṃ gameyya, kalahabhaṇḍanaviggahavivādamedhagā ārato assa, virato paṭivirato nikkhanto paṭinissaṭṭho vippamutto visaṃyutto vimariyādikatena cetasā vihareyyā ti, etam pi disvā na vivādiyetha.
[page 308]
308 Aṭṭhakavaggo. [S.N. 896
Khemābhipassaṃ avivādabhumman ti. Avivādabhummaṃ vuccati amatanibbānaṃ, yo so sabbasaṃkhārasamatho sabbūpadhipaṭinissaggo taṇhakkhayo virāgo nirodho nibbānaṃ. Etaṃ avivādabhummaṃ khemato tāṇato leṇato saraṇato abhayato accutato amatato nibbānato passanto dakkhanto olokento nijjhāyanto upaparikkhanto ti, khemābhipassaṃ avivādabhūmmaṃ. Ten'; āha Bhagavā:
Appaṃ hi etaṃ na alaṃ samāya,
duve vivādassa phalāni brūmi,
etam pi disvā na vivādiyetha
khemābhipassaṃ avivādabhumman ti.
_________________________________
Sn_IV,13.3(=897): Yā kāc'; imā sammutiyo puthujjā,
sabbā va etā na upeti vidvā,
anūpayo so upayaṃ kim eyya
diṭṭhe sute khantim akubbamāno? || Nidd_I.13:3 ||
Yā kāc'; imā sammutiyo puthujjā ti. Yā kācī ti sabbena sabbaṃ sabbatthā sabbaṃ asesaṃ nissesaṃ pariyādāyavacanam etaṃ, yā kācī ti. Sammutiyo ti sammutiyo vuccanti dvāsaṭṭhī diṭṭhigatāni, diṭṭhisammutiyo. Puthujjā ti puthujjanehi janitā vā tā sammutiyo ti puthujjā, puthunānājanehi janitā vā tā sammutiyo ti puthujjā ti, yā kāc'; imā sammutiyo puthujjā.
Sabbā va etā na upeti vidvā ti vidvā vijjāgato ñāṇī vibhāvī medhāvī sabbā va etā diṭṭhisammutiyo n'; eti, na upeti, na upagacchati, na gaṇhātī, na parāmasati, nābhinivisatī ti, sabbā va etā na upeti vidvā.
Anūpayo so upayaṃ kim eyyā? ti. Upayo ti dve upayā, taṇhūpayo ca diṭṭhūpayo ca . . . pe . . . ayaṃ taṇhūpayo . . . pe . . . ayaṃ diṭṭhūpayo. Tassa taṇhūpayo pahīno, diṭṭhupayo paṭinissaṭṭho, taṇhūpayassa pahīnattā, diṭṭhupayassa paṭinissaṭṭhattā, anupayo puggalo kiṃ rūpaṃ upeyya upagaccheyya gaṇheyya parāmaseyya abhiniviseyya:
[page 309]
S.N. 898] Mahāviyūhasuttaniddeso. 309
[... content straddling page break has been moved to the page above ...] attā me ti? Kiṃ vedanaṃ, kiṃ saññaṃ, kiṃ saṃkhāre, kiṃ viññāṇaṃ, kiṃ gatiṃ, kiṃ uppattiṃ, kiṃ paṭisandhiṃ, kiṃ bhavaṃ, kiṃ saṃsāraṃ, kiṃ vaṭṭaṃ upeyya upagaccheyya gaṇheyya parāmaseyya abhiniviseyyā? ti, anūpayo so upayaṃ kim eyya?
Diṭṭhe sute khantim akubbamāno ti diṭṭhe vā diṭṭhasuddhiyā vā, sute vā sutasuddhiyā vā, mute vā mutasuddhiyā vā, khantiṃ akubbamāno, chandaṃ akubbamāno, pemaṃ akubbamāno, rāgaṃ akubbamāno ajanayamāno asañjanayamāno anibbattayamāno nābhinibbattayamāno ti, diṭṭhe sute khantim akubbamāno. Ten'; āha Bhagavā:
Yā kāc'; imā sammutiyo puthujjā,
sabbā va etā na upeti vidvā,
anūpayo so upayaṃ kim eyya
diṭṭhe sute khantim akubbamāno? ti.
_________________________________
Sn_IV,13.4(=898): Sīluttamā saṃyamen'; āhu suddhiṃ
vattaṃ samādāya upaṭṭhitāse
idh'; eva sikkhema, ath'; assa suddhiṃ
bhavūpanītā kusalā vadānā. || Nidd_I.13:4 ||
Sīluttamā saṃyamen'; āhu suddhin ti. Sant'; eke samaṇabrāhmaṇā sīluttamavādā. Te sīlamattena saṃyamamattena saṃvaramattena avītikkamamattena suddhiṃ visuddhim parisuddhiṃ muttiṃ vimuttiṃ parimuttiṃ āhu vadanti kathenti bhaṇanti dīpayanti voharanti.
*Samaṇamuṇḍikāputto evam āha: Catūhi kho ahaṃ thapati dhammehi samannāgataṃ purisapuggalaṃ paññāpemi sampannakusalaṃ paramakusalaṃ uttamapattipattaṃ samaṇaṃ ayojjhaṃ.
[page 310]
310 Aṭṭhakavaggo. [S.N. 898
[... content straddling page break has been moved to the page above ...] Katamehi catūhi? Idha thapati na kāyena pāpakammaṃ karoti, na pāpikaṃ vācaṃ bhāsati, na pāpakaṃ saṃkappaṃ saṃkappati, na pāpakaṃ ājīvaṃ ājīvati. Imehi kho ahaṃ thapati catūhi dhammehi samannāgataṃ purisapuggalaṃ paññāpemi sampannakusalaṃ paramakusalaṃ uttamapattipattaṃ samaṇaṃ ayojjhaṃ.
Evam eva sant'; eke {samaṇabrāhmaṇā} sīluttamavādā; te sīlamattena saṃyamamattena saṃvaramattena avitikkamamattena suddhiṃ visuddhiṃ parisuddhiṃ muttiṃ vimuttiṃ parimuttiṃ āhu vadanti kathenti bhaṇanti dīpayanti voharantī ti, sīluttamā saṃyamen'; āhu suddhiṃ.
Vattaṃ samādāya upaṭṭhitāse ti. Vattan ti hatthivattaṃ vā assavattaṃ vā govattaṃ vā ajavattaṃ vā kukkuravattaṃ vā kākavattaṃ vā vāsudevavattaṃ vā puṇṇabhaddavattaṃ vā maṇibhaddavattaṃ vā aggivattaṃ vā nāgavattaṃ vā supaṇṇavattaṃ vā yakkhavattaṃ vā asuravattaṃ vā gandhabbavattaṃ vā mahārājavattaṃ vā candavattaṃ vā suriyavattaṃ vā indavattaṃ vā brahmavattaṃ vā devavattaṃ vā disāvattaṃ vā ādāya samādāya ādayitvā gaṇhitvā parāmasitvā abhinivisitvā upaṭṭhitā paccupaṭṭhitā allīnā upagatā ajjhositā adhimuttā ti, vattaṃ samādāya upaṭṭhitāse.
Idh'; eva sikkhema ath'; assa suddhin ti. Idhā ti sakāya diṭṭiyā, sakāya khantiyā, sakāya ruciyā, sakāya laddhiyā sikkhema ācarema samācarema samādāya vattemā ti, idh'; eva sikkhema. Ath'; assa suddhin ti; athavā 'ssa suddhiṃ visuddhiṃ parisuddhiṃ muttiṃ vimuttiṃ parimuttin ti, idh'; eva sikkhema ath'; assa suddhiṃ.
Bhavūpanītā kusalā vadānā ti. Bhavūpanītā ti bhavūpanītā bhavūpagatā bhava-ajjhositā bhavādhimuttā ti,
[page 311]
S.N. 899] Mahāviyūhasuttaniddeso. 311
bhavūpanītā. Kusalā vadānā ti kusalavādā paṇḍitavādā dhīravādā ñānavādā hetuvādā lakkhaṇavādā kāraṇavādā ṭhānavādā sakāya laddhiyā ti, bhavūpanītā kusalā vadānā.
Ten'; āha Bhagavā:
Sīluttamā saṃyamen'; āhu suddhiṃ
vattaṃ samādāya upaṭṭhitāse
idh'; eva sikkhema, ath'; assa suddhiṃ
bhavūpanītā kusalā vadānā ti.
_________________________________
Sn_IV,13.5(=899): Sace cuto sīlavatāto hoti,
sa vedhatī kamma virādhayitvā,
sa jappatī patthayatī ca suddhiṃ
satthā va hīno pavasaṃ gharamhā. || Nidd_I.13:5 ||
Sace cuto sīlavatāto hotī ti. Dvīhi kāraṇehi sīlabbatato cavati: paravicchindanāya vā cavati, anabhisambhuṇanto vā cavati.
Kathaṃ paravicchindanāya cavati? Paro vicchindati:
so satthā na sabbaññū, dhammo na svākkhāto, gaṇo na supaṭipanno, diṭṭhi na bhaddikā, paṭipadā na supaññattā, maggo na niyyāniko, n'; atth'; ettha suddhi vā visuddhi vā parisuddhi vā mutti vā vimutti vā parimutti vā, n'; atth'; ettha sujjhanti vā visujjhanti vā parisujjhanti vā muccanti vā vimuccanti vā parimuccanti vā, hīnā nihīnā omakā lāmakā jatukkā parittā ti, evaṃ paro vicchindati; evaṃ vicchindayamāno satthārā cavati, dhammakkhānā cavati, gaṇā cavati, diṭṭhiyā cavati, paṭipadāya cavati, maggato cavati, evaṃ paravicchindanāya cavati.
[page 312]
312 Aṭṭhakavaggo. [S.N. 899
Kathaṃ anabhisambhuṇanto cavati? Sīlaṃ anabhisambhuṇanto sīlato cavati, vattaṃ anabhisambhuṇanto vattato cavati, sīlabbataṃ anabhisambhuṇanto sīlabbatato cavati, evaṃ anabhisambhuṇanto cavatī ti, sace cuto sīlavatāto hoti.
Sa vedhatī kamma virādhayitvā ti. Sa vedhatī ti:
sīlaṃ vā vattaṃ vā sīlabbataṃ vā viraddhaṃ mayā, aparaddhaṃ mayā, khalitaṃ mayā, gaḷitaṃ mayā, aññāya aparaddho ahan ti vedhati pavedhati saṃpavedhatī ti, sa vedhatī kamma virādhayitvā ti. Puññābhisaṃkhāraṃ vā apuññābhisaṃkhāraṃ vā āneñjābhisaṃkhāraṃ vā viraddhaṃ mayā, aparaddhaṃ mayā, khalitaṃ mayā, gaḷitaṃ mayā, aññāya aparaddho ahan ti vedhati pavedhati sampavedhatī ti, sa vedhatī kamma virādhayitvā.
Sa jappatī patthayatī ca suddhin ti. Jappatī ti sīlaṃ vā jappati, vattaṃ vā jappati, sīlabbataṃ vā jappati pajappati abhijappatī ti, sa jappati. Patthayatī ca suddhin ti sīlasuddhiṃ vā pattheti, vattasuddhiṃ vā pattheti, sīlabbatasuddhiṃ vā pattheti piheti abhijappatī ti, sa jappatī patthayatī ca suddhiṃ.
Satthā va hīno pavasaṃ gharamhā ti yathā puriso gharato nikkhanto, satthena saha vasanto, satthā ohīno, taṃ vā satthaṃ anubandhati sakaṃ vā gharaṃ paccāgacchati; evam eva so diṭṭhigatiko taṃ vā satthāraṃ gaṇhāti, aññaṃ vā satthāraṃ gaṇhāti; taṃ vā dhammakkhānaṃ gaṇhāti, aññaṃ vā dhammakkhānaṃ gaṇhāti; taṃ vā gaṇaṃ gaṇhāti,aññaṃ vā gaṇaṃ gaṇhāti; taṃ vā diṭṭhiṃ gaṇhāti, aññaṃ vā diṭṭhiṃ gaṇhāti; taṃ vā paṭipadaṃ gaṇhāti, aññaṃ vā paṭipadaṃ gaṇhāti; taṃ vā maggaṃ gaṇhāti, aññaṃ vā maggaṃ gaṇhāti parāmasati abhinivisatī ti,
[page 313]
S.N. 900] Mahāviyūhasuttaniddeso. 313
[... content straddling page break has been moved to the page above ...] satthā va hīno pavasaṃ gharamhā. Ten'; āha Bhagavā:
Sace cuto sīlavatāto hoti,
sa vedhatī kamma virādhayitvā,
sa jappatī patthayatī ca suddhiṃ
satthā va hīno pavasaṃ gharamhā ti.
_________________________________
Sn_IV,13.6(=900): Sīlabbataṃ vā pi pahāya sabbaṃ
kammañ ca sāvajjanavajjam etaṃ
suddhiṃ asuddhin ti apatthayāno
virato care santim anuggahāya. || Nidd_I.13:6 ||
Sīlabbataṃ vā pi pahāya sabban ti sabbā sīlasuddhiyo pahāya pajahitvā vinoditvā byantīkaritvā anabhāvaṃ gamitvā, sabbā vattasuddhiyo pahāya pajahitvā vinoditvā byantīkaritvā anabhāvaṃ gamitvā, sabbā sīlabbatasuddhiyo pahāya pajahitvā vinoditvā byantīkaritvā anabhāvaṃ gamitvā ti, sīlabbataṃ vā pi pahāya sabbaṃ.
Kammañ ca sāvajjanavajjam etan ti. Sāvajjakammaṃ vuccati kaṇhaṃ kaṇhavipākaṃ, anavajjakammaṃ vuccati sukkaṃ sukkavipākaṃ. Sāvajjañ ca kammaṃ anavajjañ ca kammaṃ pahāya pajahitvā vinoditvā byantīkaritvā anabhāvaṃ gamitvā ti, kammañ ca sāvajjanavajjam etaṃ.
Suddhiṃ asuddhin ti apatthayāno ti. Asuddhin ti asuddhiṃ patthenti, akusale dhamme patthenti, suddhiṃ patthenti, pañca kāmaguṇe patthenti, asuddhiṃ patthenti, akusale dhamme patthenti, pañca kāmaguṇe patthenti, suddhiṃ patthenti; dvāsaṭṭhī diṭṭhigatāni patthenti, asuddhiṃ patthenti, akusale dhamme patthenti, pañca kāmaguṇe patthenti, dvāsaṭṭhī diṭṭhigatāni patthenti, suddhiṃ patthenti, tedhātuke kusale dhamme patthenti, asuddhiṃ patthenti, akusale dhamme patthenti, pañca kāmaguṇe patthenti, dvāsaṭṭhī diṭṭhigatāni patthenti, tedhātuke kusale dhamme patthenti, suddhiṃ patthenti, kalyāṇaputhujjanā niyāmāvakkantiṃ patthenti, sekkhā aggadhammaṃ arahattaṃ patthenti,
[page 314]
314 Aṭṭhakavaggo. [S.N. 900
[... content straddling page break has been moved to the page above ...] arahattappatte arahā n'; eva akusale dhamme pattheti, na pi pañca kāmaguṇe pattheti, na pi dvāsaṭṭhī diṭṭhigatāni pattheti, na pi tedhātuke kusale dhamme pattheti, na pi niyāmāvakkantiṃ pattheti, na pi aggadhammaṃ arahattaṃ pattheti, patthanaṃ samatikkanto arahā vuddhiparihāniṃ vītivatto, so vuṭṭhavāso ciṇṇacaraṇo . . . pe . . . n'; atthi tassa punabbhavo ti, suddhiṃ asuddhin ti apatthayāno.
Virato care santim anuggahāyā ti. Virato ti suddhiasuddhiyā ārato virato paṭivirato nikkhanto nissaṭṭho vippamutto visaṃyutto vimariyādikatena cetasā viharatī ti, virato. Care ti careyya vicareyya iriyeyya vatteyya pāleyya yapeyya yāpeyyā ti, virato care. Santim anuggahāyā ti. Santiyo vuccanti dvāsaṭṭhī diṭṭhigatāni, diṭṭhisantiyo agaṇhanto aparāmasanto anabhinivisanto ti, virato care santim anuggahāya. Ten'; āha Bhagavā:
Sīlabbataṃ vā pi pahāya sabbaṃ
kammañ ca sāvajjanavajjam etaṃ
suddhiṃ asuddhin ti apatthayāno
virato care santim anuggahāyā ti.
_________________________________
Sn_IV,13.7(=901): Tamūpanissāya jigucchitaṃ vā
athavā pi diṭṭhaṃ va sutaṃ mutaṃ vā
uddhaṃsarā suddhim anutthunanti
avītatanhāse bhavābhavesu. || Nidd_I.13:7 ||
[page 315]
S.N. 901] Mahāviyūhasuttaniddeso. 315
Tamūpanissāya jigucchitaṃ vā ti. Sant'; eke samaṇabrāhmaṇā tapojigucchavādā tapojigucchasārā tapojigucchaṃ nissitā sannissitā allīnā upagatā ajjhositā adhimuttā ti, tamūpanissāya jigucchitaṃ vā.
Athavā pi diṭṭhaṃ va sutaṃ mutaṃ va ti diṭṭhaṃ vā diṭṭhasuddhiṃ vā sutaṃ vā sutasuddhiṃ vā mutaṃ vā mutasuddhiṃ vā nissāya upanissāya gaṇhitvā parāmasitvā abhinivisitvā ti, athavā pi diṭṭhaṃ va sutaṃ mutaṃ vā.
Uddhaṃsarā suddhim anutthunantī ti. Sant'; eke samaṇabrāhmaṇā uddhaṃsarāvādā. Katame te samaṇabrāhmaṇā uddhaṃsarāvādā? Ye te samaṇabrāhmaṇā accantasuddhikā saṃsārasuddhikā akiriyadiṭṭhikā sassatavādā, ime te samaṇabrāhmaṇā uddhaṃsarāvādā, te saṃsārena suddhiṃ visuddhiṃ parisuddhiṃ muttiṃ vimuttiṃ parimuttiṃ anutthunanti vadanti kathenti bhaṇanti dīpayanti voharantī ti, uddhaṃsarā suddhim anutthunanti.
Avītataṇhāse bhavābhavesū ti. Taṇhā ti rūpataṇhā saddataṇhā gandhataṇhā rasataṇhā phoṭṭhabbataṇhā dhammataṇhā. Bhavābhavesū ti bhavābhave kammabhave punabbhave, kāmabhave kammabhave, kāmabhave punabbhave, rūpabhave kammabhave, rūpabhave punabbhave, arūpabhave kammabhave, arūpabhave punabbhave punappunaṃ bhave punappunaṃ gatiyā punappunaṃ upapattiyā punappunaṃ paṭisandhiyā punappunaṃ attathāvābhinibbattiyā. Avītataṇhāse ti avītataṇhā avigatataṇhā acattataṇhā avantataṇhā amuttataṇhā appahīnataṇhā appaṭinissaṭṭhataṇhā ti, avītataṇhāse bhavābhavesu. Ten'; āha Bhagavā:
[page 316]
316 Aṭṭhakavaggo. [S.N. 901
Tamūpanissāya jigucchitaṃ vā
athavā pi diṭṭhaṃ va sutaṃ mutaṃ vā
uddhaṃsarā suddhim anutthunanti
avītataṇhāse bhavābhavesū ti.
_________________________________
Sn_IV,13.8(=902): Patthayamānassa hi jappitāni
saṃvedhitaṃ vā pi pakappitesu:
cutūpapāto idha yassa n'; atthi,
sa kena vedheyya kuhiṃ pajappe? || Nidd_I.13:8 ||
Patthayamānassa hi jappitānī ti. Patthanā vuccati taṇhā, yo rāgo sārāgo . . . pe . . . abhijjhā lobho akusalamūlaṃ. Patthayamānassā ti patthayamānassa icchamānassa sādiyamānassa pihayamānassa abhijappayamānassā ti, patthayamānassa hi. Jappitānī ti jappanā vuccati taṇhā, yo rāgo sārāgo . . . pe abhijjhā lobho akusalamūlan ti, patthayamānassa hi jappitāni.
Saṃvedhitaṃ vā pi pakappitesū ti. Pakappanā ti dve pakappanā, taṇhāpakappanā ca, diṭṭhipakappanā ca . . . pe . . . ayaṃ taṇhāpakappanā . . . pe . . . ayaṃ diṭṭhipakappanā. Vatthu-acchedasaṃkino pi vedhenti, acchijjante pi vedhenti, acchinne pi vedhenti; vatthuvipariṇāmasaṃkino pi vedhenti, vipariṇāmante pi vedhenti, vipariṇate pi vedhenti pavedhenti sampavedhentī ti, saṃvedhitaṃ vā pi pakappitesu.
Cutūpapāto idha yassa n'; atthī ti. Yassā ti arahato khīṇāsavassa āgamanaṃ gamanaṃ gamanāgamanaṃ kālaṃ gati bhavābhavo cuti ca upapatti ca nibbatti ca bhedo ca jātijarāmaraṇaṃ n'; atthi, na santi, na saṃvijjanti, n'; upalabbhanti, pahīnā samucchinnā vūpasantā paṭipassaddhā abhabbuppattikā ñāṇagginā daḍḍhā ti,
[page 317]
S.N. 903] Mahāviyūhasuttaniddeso. 317
[... content straddling page break has been moved to the page above ...] cutūpapāto idha yassa n'; atthi.
Sa kena vedheyya kuhiṃ pajappe? ti, so kena rāgena vedheyya, kena dosena vedheyya, kena mohena vedheyya, kena mānena vedheyya, kāya diṭṭhiyā vedheyya, kena uddhaccena vedheyya, kāya vicikicchāya vedheyya, kehi anusayehi vedheyya ratto ti vā duṭṭho ti vā mūḷho ti vā vinibandho ti vā parāmaṭṭho ti vā vikkhepagato ti vā aniṭṭhaṅgato ti vā thāmagato ti vā? Te abhisaṃkhārā pahīnā; abhisaṃkhārānaṃ pahīnattā, gatiyā kena vedheyya pavedheyya nerayiko ti vā tiracchānayoniko ti vā pittivisayiko ti vā manusso ti vā devo ti vā rūpī ti vā arūpī ti vā saññī ti vā asaññī ti vā nevasaññīnāsaññī ti vā? So hetu n'; atthi, paccayo n'; atthi, kāraṇam n'; atthi, yena vedheyya pavedheyya sampavedheyyā ti, sa kena vedheyya?
Kuhiṃ pajappe ti kimhi jappeyya, kattha jappeyya pajappeyya abhijappeyyā ti, sa kena vedheyya kuhiṃ pajappe?
Ten'; āha Bhagavā:
Patthayamānassa hi jappitāni
saṃvedhitaṃ vā pi pakappitesu:
cutūpapāto idha yassa n'; atthi,
sa kena vedheyya kuhiṃ pajappe? ti.
_________________________________
Sn_IV,13.9(=903): Yam āhu dhammaṃ paraman ti eke,
tam eva hīnan ti pan'; āhu aññe:
sacco nu vādo katamo imesaṃ?
sabb'; eva hīme kusalā vadānā. || Nidd_I.13:9 ||
Yam āhu dhammaṃ paraman ti eke ti yaṃ dhammaṃ diṭṭhiṃ paṭipadaṃ maggaṃ eke samaṇabrāhmaṇā: idaṃ paramaṃ aggaṃ seṭṭhaṃ visetthaṃ pāmokkhaṃ uttamaṃ pavaran ti evam āhaṃsu,
[page 318]
318 Aṭṭhakavaggo. [S.N. 902
[... content straddling page break has been moved to the page above ...] evaṃ kathenti, evaṃ bhaṇanti, evaṃ dīpayanti, evaṃ voharantī ti, yam āhu dhammaṃ paraman ti eke.
Tam eva hīnan ti pan'; āhu aññe ti tam eva dhammaṃ diṭṭhiṃ paṭipadaṃ maggaṃ eke samaṇabrāhmaṇā: hīnaṃ etaṃ, nihīnaṃ etaṃ, omakaṃ etaṃ, lāmakaṃ etaṃ, jatukkaṃ etaṃ, parittakaṃ etan ti evam āhaṃsu, evaṃ kathenti, evaṃ bhaṇanti, evaṃ dīpayanti, evaṃ voharantī ti, tam eva hīnan ti pan'; āhu aññe.
Sacco nu vādo katamo imesan? ti imesaṃ samaṇabrāhmaṇānaṃ vādo katamo sacco taccho tatho bhūto yāthāvo aviparitto ti, sacco nu vādo katamo imesaṃ?
Sabb'; eva hīme kusalā vadānā ti sabb'; eva hīme samaṇabrāhmaṇā kusalavādā paṇḍitavādā dhīravādā ñāṇavādā hetuvādā lakkhaṇavādā kāraṇavādā ṭhānavādā sakāya laddhiyā ti, sabb'; eva hīme kusalā vadānā. Ten'; āha Bhagavā:
Yam āhu dhammaṃ paraman ti eke,
tam eva hīnan ti pan'; āhu aññe:
sacco nu vādo katamo imesaṃ?
Sabb'; eva hīme kusalā vadānā ti.
_________________________________
Sn_IV,13.10(=904): Sakaṃ hi dhammaṃ paripuṇṇam āhu
aññassa dhammaṃ pana hīnam āhu,
evam pi viggayha vivādiyanti
sakaṃ sakaṃ sammutim āhu saccaṃ. || Nidd_I.13:10 ||
Sakaṃ hi dhammaṃ paripuṇṇam āhū ti sakaṃ hi dhammaṃ diṭṭhiṃ paṭipadaṃ maggaṃ eke samaṇabrāhmaṇā:
idaṃ samattaṃ paripuṇṇaṃ anoman ti evam āhaṃsu evaṃ kathenti, evaṃ bhaṇanti, evaṃ dīpayanti, evaṃ voharantī ti, sakaṃ hi dhammaṃ paripuṇṇam āhu.
[page 319]
S.N. 905] Mahāviyūhasuttaniddeso. 319
Aññassa dhammaṃ pana hīnam āhū ti aññassa dhammaṃ diṭṭhiṃ paṭipadaṃ maggaṃ eke samaṇabrāhmaṇā: hīnaṃ etaṃ, nihīnaṃ etaṃ, omakaṃ etaṃ, lāmakaṃ etaṃ, jatukkaṃ etaṃ, parittakaṃ etan ti evam āhaṃsu, evaṃ kathenti evaṃ bhaṇanti, evaṃ dīpayanti, evaṃ voharantī ti, aññassa dhammaṃ pana hīnam āhu.
Evam pi viggayha vivādiyantī ti evaṃ gahetvā gaṇhitvā parāmasitvā abhinivisitvā vivādiyanti, kalahaṃ karonti, bhaṇḍanaṃ karonti, viggahaṃ karonti, vivādaṃ karonti, medhagaṃ karonti: na tvaṃ imaṃ dhammavinayaṃ ājānāsi . . . pe . . . nibbedhehi vā sace pahosī ti, evam pi viggayha vivādiyanti.
Sakaṃ sakaṃ sammutim āhu saccan ti sassato loko . . . pe . . . n'; eva hoti, na na hoti tathāgato paraṃ maraṇā, idam eva saccaṃ, mogham aññan ti, sakaṃ sakaṃ sammutim āhu saccaṃ. Ten'; āha Bhagavā:
Sakaṃ hi dhammaṃ paripuṇṇam āhu
aññassa dhammaṃ pana hīnam āhu,
evam pi viggayha vivādiyanti
sakaṃ sakaṃ sammutim āhu saccan ti.
_________________________________
Sn_IV,13.11(=905): Parassa ce vambhayitena hīno,
na koci dhammesu visesi assa,
puthū hi aññassa vadanti dhammaṃ
nihīnato, samhi dalhaṃ vadānā. || Nidd_I.13:11 ||
Parassa ce vambhayitena hīno ti parassa ce vambhayitakāraṇā ninditakāraṇā garahitakāraṇā upavaditakāraṇā paro bālo hoti hīno nihīno omako lāmako jatukko paritto ti, parassa ce vambhayitena hīno.
Na koci dhammesu visesi assā ti dhammesu na koci aggo seṭṭho viseṭṭho pāmokkho uttamo pavaro assā ti, na koci dhammesu visesi assa.
[page 320]
320 Aṭṭhakavaggo. [S.N. 905
Puthū hi aññassa vadanti dhammaṃ nihīnato ti bahukā pi bahunnaṃ dhammaṃ vadanti upavadanti nindanti garahanti hīnato nihīnato omakato lāmakato jatukkato parittato; bahukā pi ekassa dhammaṃ vadanti upavadanti nindanti garahanti hīnato nihīnato omakato lāmakato jatukkato parittato; eko pi bahunnaṃ dhammaṃ vadati upavadati nindati garahati hīnato nihīnato omakato lāmakato jatukkato parittato; eko pi ekassa dhammaṃ vadati upavadati nindati garahati hīnato nihīnato omakato lāmakato jatukkato parittato ti, puthū hi aññassa vadanti dhammaṃ nihīnato.
Samhi daḷhaṃ vadānā ti. Dhammo sakāyanaṃ, diṭṭhi sakāyanaṃ, paṭipadā sakāyanaṃ, maggo sakāyanaṃ; sakāyane daḷhavādā thiravādā balikavādā avatthitavādā ti, samhi daḷhaṃ vadānā. Ten'; āha Bhagavā:
Parassa ce vambhayitena hīno,
na koci dhammesu visesi assa,
puthū hi aññassa vadanti dhammaṃ
nihīnato, samhi daḷhaṃ vadānā ti.
_________________________________
Sn_IV,13.12(=906): Sadhammapūjā ca panā tath'; eva:
yathā pasaṃsanti sakāyanāni,
sabbe pavādā tathivā bhaveyyuṃ,
suddhī hi nesaṃ paccattam eva. || Nidd_I.13:12 ||
Sadhammapūjā ca panā tath'; evā ti. Katamā sadhammapūjā? Sakaṃ satthāraṃ sakkaroti garukaroti māneti pūjeti: ayaṃ satthā sabbaññū ti; ayaṃ sadhammapūjā. Sakaṃ dhammakkhānaṃ, sakaṃ gaṇaṃ, sakaṃ diṭṭhiṃ, sakaṃ paṭipadaṃ, sakaṃ maggaṃ sakkaroti garukaroti māneti pūjeti: ayaṃ maggo niyyāniko ti; ayaṃ sadhammapūjā.
[page 321]
S.N. 907] Mahāviyūhasuttaniddeso. 321
[... content straddling page break has been moved to the page above ...] Sadhammapūjā ca panā tath'; evā ti sadhammapūjā tathā tacchā bhūtā yāthāvā aviparittā ti, sadhammapūjā ca panā tath'; eva.
Yathā pasaṃsanti sakāyanānī ti. Dhammo sakāyanaṃ, diṭṭhi sakāyanaṃ, paṭipadā sakāyanaṃ, maggo sakāyanaṃ; sakāyanāni pasaṃsanti thomenti kittenti vaṇṇentī ti, yathā pasaṃsanti sakāyanāni.
Sabbe pavādā tathivā bhaveyyun ti sabbe pavādā tathā tacchā bhūtā yāthāvā aviparittā bhaveyyun ti, sabbe pavādā tathivā bhaveyyuṇ.
Suddhī hi nesaṃ paccattam evā ti paccattam eva tesaṃ samaṇabrāhmaṇānaṃ suddhi visuddhi parisuddhi mutti vimutti parimuttī ti, suddhī hi nesaṃ paccattam eva. Ten'; āha Bhagavā:
Sadhammapūjā ca panā tath'; eva:
yathā pasaṃsanti sakāyanāni,
sabbe pavādā tathivā bhaveyyuṃ,
suddhī hi nesaṃ paccattam evā ti.
_________________________________
Sn_IV,13.13(=907): Na brāhmaṇassa paraneyyam atthi
dhammesu niccheyya samuggahītaṃ,
tasmā vivādāni upātivatto,
na hi seṭṭhato passati dhammam aññaṃ. || Nidd_I.13:13 ||
Na brāhmaṇassa paraneyyam atthī ti. Nā ti paṭikkhepo.
Brāhmaṇo ti sattannaṃ dhammānaṃ bāhitattā brāhmaṇo . . . pe . . . anissito tādi pavuccati brahmā. Na brāhmaṇassa paraneyyam atthī ti brāhmaṇassa paraneyyatā n'; atthi; brāhmaṇo na paraneyyo, na parapattiyo, na parapaccayo, na parapaṭibaddhagu jānāti passati, asammūḷho sampajāno patissato: sabbe saṃkhārā aniccā ti brāhmaṇassa paraneyyatā n'; atthi; brāhmaṇo na paraneyyo, na parapattiyo, na parapaccayo, na parapaṭibaddhagu jānāti passati,
[page 322]
322 Aṭṭhakavaggo. [S.N. 907
[... content straddling page break has been moved to the page above ...] asammūḷho sampajāno patissato: sabbe saṃkhārā dukkhā ti . . . pe . . . yaṃ kiñci samudayadhammaṃ sabban taṃ nirodhadhamman ti brāhmaṇassa paraneyyatā n'; atthi; brāhmaṇo na paraneyyo, na parapattiyo, na parapaccayo, na parapaṭibaddhagu jānāti passati, asammūḷho sampajāno patissato ti, na brāhmaṇassa paraneyyam atthi.
Dhammesu niccheyya samuggahītan ti. Dhammesū ti dvāsaṭṭhidiṭṭhigatesu. Niccheyyā ti nicchinitvā vinicchinitvā vicinitvā pavicinitvā tulayitvā tīrayitvā vibhāvayitvā vibhūtaṃ katvā, odhiggāho vilaggāho varaggāho koṭṭhāsaggāho uccayaggāho samuccayaggāho: idaṃ saccaṃ tathaṃ tacchaṃ bhūtaṃ yāthāvaṃ aviparittan ti gahitaṃ parāmaṭṭhaṃ abhiniviṭṭhaṃ ajjhositaṃ adhimuttaṃ n'; atthi, na saṃvijjati, n'; upalabbhati; pahīnaṃ samucchinnaṃ vūpasantaṃ paṭipassaddhaṃ abhabbuppattikaṃ ñāṇagginā daḍḍhan ti, dhammesu niccheyya samuggahītaṃ.
Tasmā vivādāni upātivatto ti. Tasmā ti tasmā taṃkāraṇā taṃhetu tappaccayā taṃnidānā, diṭṭhikalahāni diṭṭhibhaṇḍanāni diṭṭhiviggahāni diṭṭhivivādāni diṭṭhimedhagāni upātivatto atikkanto samatikkanto vītivatto ti, tasmā vivādāni upātivatto.
Na hi seṭṭhato passati dhammam aññan ti: aññaṃ satthāraṃ dhammakkhānaṃ gaṇaṃ diṭṭhiṃ paṭipadaṃ maggaṃ, aññatra satipaṭṭhānehi, aññatra sammappadhānehi, aññatra iddhippādehi, aññatra indriyehi, aññatra balehi, aññatra bojjhaṅgehi, aññatra ariyā {aṭṭhaṅgikā} maggā, aggaṃ seṭṭhaṃ viseṭṭhaṃ pāmokkhaṃ uttamaṃ pavaraṃ dhammaṃ na passati, na dakkhati, na oloketi, na nijjhāyati,
[page 323]
S.N. 908] Mahāviyūhasuttaniddeso. 323
[... content straddling page break has been moved to the page above ...] na upaparikkhatī ti, na hi seṭṭhato passati dhammam aññaṃ. Ten'; āha Bhagavā:
Na brāhmaṇassa paraneyyam atthi
dhammesu niccheyya samuggahītaṃ,
tasmā vivādāni upātivatto,
na hi seṭṭhato passati dhammam aññan ti.
_________________________________
Sn_IV,13.14(=908): Jānāmi passāmi, tath'; eva etaṃ:
diṭṭhiyā eke paccenti suddhiṃ,
addakkhi ce, kiṃ hi tumassa tena?
atisitvā aññena vadanti suddhiṃ. || Nidd_I.13:14 ||
Jānāmi passāmi tath'; eva etan ti. Jānāmī ti paracittañāṇena vā jānāmi pubbenivāsānussatiñāṇena vā jānāmi. Passāmī ti maṃsacakkhunā vā passāmi, dibbena vā cakkhunā passāmi. Tath'; eva etan ti etaṃ tathaṃ tacchaṃ bhūtaṃ yāthāvaṃ aviparittan ti, jānāmi passāmi tath'; eva etaṃ.
Diṭṭhiyā eke paccenti suddhin ti diṭṭhiyā eke samaṇabrāhmaṇā suddhiṃ visuddhiṃ parisuddhiṃ muttiṃ vimuttiṃ parimuttiṃ paccenti: sassato loko, idam eva saccaṃ, mogham aññan ti diṭṭhiyā eke samaṇabrāhmaṇā suddhiṃ visuddhiṃ parisuddhiṃ muttiṃ vimuttiṃ parimuttiṃ paccenti; asassato loko . . . pe . . . n'; eva hoti na na hoti tathāgato paraṃ {maraṇā}, idam eva saccaṃ, mogham aññan ti diṭṭhiyā eke samaṇabrāhmaṇā suddhiṃ visuddhiṃ parisuddhiṃ muttiṃ vimuttiṃ parimuttiṃ paccentī ti, diṭṭhiyā eke paccenti suddhiṃ.
Addakkhi ce, kiṃ hi tumassa tenā? ti. Addakkhī ti paracittañāṇena vā addakkhi, pubbenivāsānussatiñāṇena vā addakkhi; maṃsacakkhunā vā addakkhi, dibbena vā cakkhunā addakkhī ti, addakkhi ce. Kiṃ hi tumassa tenā ti tassa tena dassanena kiṃ kathaṃ dukkhapariññā atthi?
Na samudayassa pahānaṃ atthi, na maggabhāvanā atthi,
[page 324]
324 Aṭṭhakavaggo. [S.N. 908
na phalasacchikiriyā atthi, na rāgassa samucchedapahānaṃ atthi, na dosassa samucchedapahānaṃ atthi, na mohassa samucchedapahānaṃ atthi, na kilesānaṃ samucchedapahānaṃ atthi, na saṃsāravaṭṭassa ucchedo atthī ti, addakkhi ce, kiṃ hi tumassa tena?
Atisitvā aññena vadanti suddhin ti te titthiyā suddhimaggaṃ visuddhimaggaṃ parisuddhimaggaṃ vodātamaggaṃ parivodātamaggaṃ atikkamitvā samatikkamitvā vītivattitvā, aññatra satipaṭṭhānehi, aññatra sammappadhānehi, aññatra iddhippādehi, aññatra indriyehi, aññatra balehi, aññatra bojjhaṅgehi, aññatra ariyā aṭṭhaṅgikā maggā, suddhiṃ visuddhiṃ parisuddhiṃ muttiṃ vimuttiṃ parimuttiṃ vadanti kathenti bhaṇanti dīpayanti voharantī ti, evam pi atisitvā aññena vadanti suddhiṃ.
Athavā Buddhā ca buddhasāvakā ca paccekabuddhā ca tesaṃ titthiyānaṃ asuddhimaggaṃ avisuddhimaggaṃ aparisuddhimaggaṃ avodātamaggaṃ aparivodātamaggaṃ atikkamitvā samatikkamitvā vītivattitvā, catūhi satipaṭṭhānehi, catūhi sammappadhānehi, catūhi iddhippādehi, pañcahi indriyehi, pañcahi balehi, sattahi bojjhaṅgehi, ariyena aṭṭhaṅgikena maggena, suddhiṃ visuddhiṃ parisuddhiṃ muttiṃ vimuttiṃ parimuttiṃ vadanti kathenti bhaṇanti dīpayanti voharantī ti, evam pi atisitvā aññena vadanti suddhiṃ. Ten'; āha Bhagavā:
Jānāmi passāmi, tath'; eva etaṃ:
diṭṭhiyā eke paccenti suddhiṃ,
addakkhi ce, kiṃ hi tumassa tena?
atisitvā aññena vadanti suddhin ti.
_________________________________
Sn_IV,13.15(=909): Passaṃ naro dakkhati nāmarūpaṃ,
disvāna vāññassati tāni-m-eva:
kāmaṃ bahuṃ passatu appakaṃ vā,
na hi tena suddhiṃ kusalā vadanti. || Nidd_I.13:15 ||
[page 325]
S.N. 909] Mahāviyūhasuttaniddeso. 325
Passaṃ naro dakkhati nāmarūpan ti. Passaṃ naro ti paracittañāṇena vā passanto, pubbenivāsānussatiñāṇena vā passanto, maṃsacakkhunā vā passanto, dibbene vā cakkhunā passanto, nāmarūpañ ñeva dakkhati niccato sukhato attato; na tesaṃ dhammānaṃ samudayaṃ vā atthaṅgamaṃ vā assādaṃ vā ādīnavaṃ vā nissaraṇaṃ vā dakkhatī ti, passaṃ naro dakkhati nāmarūpaṃ.
Disvāna vāññassati tāni-m-evā ti. Disvā ti paracittañāṇena vā disvā, pubbenivāsānussatiñāṇena vā disvā, maṃsacakkhunā vā disvā, dibbena vā cakkhunā disvā, nāmarūpañ ñeva disvā, ñassati niccato sukhato attato; na tesaṃ dhammānaṃ samudayaṃ vā atthaṅgamaṃ vā assādaṃ vā ādīnavaṃ vā nissaraṇaṃ vā ñassatī ti, disvāna vāññassati tāni-m-eva.
Kāmaṃ bahuṃ passatu appakaṃ vā ti kāmaṃ bahukaṃ vā passanto nāmarūpaṃ appakaṃ vā niccato sukhato attato ti, kāmaṃ bahuṃ passatu appakaṃ vā.
Na hi tena suddhiṃ kusalā vadantī ti. Kusalā ti ye te khandhakusalā dhātukusalā āyatanakusalā paṭiccasamuppādakusalā satipaṭṭhānakusalā sammappadhānakusalā iddhippādakusalā indriyakusalā balakusalā bojjhaṅgakusalā maggakusalā phalakusalā nibbānakusalā, te kusalā paracittañāṇena vā pubbenivāsānussatiñāṇena vā maṃsacakkhunā vā dibbena vā cakkhunā nāmarūpadassanena suddhiṃ visuddhiṃ parisuddhiṃ muttiṃ vimuttiṃ parimuttiṃ na vadanti, na kathenti, na bhaṇanti, na dīpayanti, na voharantī ti, na hi tena suddhiṃ kusalā vadanti. Ten'; āha Bhagavā:
Passaṃ naro dakkhati nāmarūpaṃ,
disvāna vāññassati tāni-m-eva:
kāmaṃ bahuṃ passatu appakaṃ vā,
na hi tena suddhiṃ kusalā vadantī ti.
_________________________________
[page 326]
326 Aṭṭhakavaggo. [S.N. 910
Sn_IV,13.16(=910): Nivissavādī na hi subbināyo
pakappitaṃ diṭṭhi purekkharāno,
yaṃ nissito, tattha subhaṃ vadāno
suddhiṃvado tattha tath'; addasā so. || Nidd_I.13:16 ||
Nivissavādī na hi subbināyo ti. Sassato loko, idam eva saccaṃ, mogham aññan ti nivissavādī; assassato loko . . . pe . . . n'; eva hoti na na hoti tathāgato paraṃ maraṇā idam eva saccaṃ, mogham aññan ti nivissavādī. Na hi subbināyo ti nivissavādī dubbinayo duññāpayo dunnijjhāpayo duppekkhapayo duppasādayo ti, nivissavādī na hi subbināyo.
Pakappitaṃ diṭṭhi purekkharāno ti pakappitaṃ abhisaṃkhataṃ saṇṭhapitaṃ diṭṭhiṃ purakkhato purato katvā carati; diṭṭhidhajo diṭṭhiketu diṭṭhādhipateyyo diṭṭhiyā parivārito caratī ti, pakappitaṃ diṭṭhi purekkharāno.
Yaṃ nissito, tattha subhaṃ vadāno ti. Yaṃ nissito ti yaṃ satthāraṃ dhammakkhānaṃ gaṇaṃ diṭṭhiṃ paṭipadaṃ maggaṃ nissito sannissito allīno upagato ajjhosito adhimutto ti, yaṃ nissito. Tatthā ti sakāya diṭṭhiyā, sakāya khantiyā, sakāya ruciyā, sakāya laddhiyā. Subhaṃ vadāno ti subhavādo sobhaṇavādo paṇḍitavādo dhīravādo ñāṇavādo hetuvādo lakkhaṇavādo kāraṇavādo ṭhānavādo sakāya laddhiyā ti, yaṃ nissito tattha subhaṃ vadāno.
Suddhiṃvado tattha tath'; addasā so ti. Suddhiṃvado ti suddhivādo visuddhivādo parisuddhivādo vodātavādo pariyodātavādo;
[page 327]
S.N. 911] Mahāviyūhasuttaniddeso. 327
[... content straddling page break has been moved to the page above ...] athavā suddhidassano visuddhidassano parisuddhidassano vodātadassano pariyodātadassano ti, suddhiṃ-vado. Tatthā ti sakāya diṭṭhiyā, sakāya khantiyā, sakāya ruciyā, sakāya laddhiyā. Tath'; addasā so ti tathaṃ tacchaṃ bhūtaṃ yāthāvaṃ aviparittan ti addassa addakkhi apassi paṭivijjhī ti, suddhiṃvado tattha tath'; addasā so. Ten'; āha Bhagavā:
Nivissavādī na hi subbināyo
pakappitaṃ diṭṭhi purekkharāno,
yaṃ nissito, tattha subhaṃ vadāno
suddhiṃvado tattha tath'; addasā so ti.
_________________________________
Sn_IV,13.17(=911): Na brāhmaṇo kappam upeti saṃkhaṃ
na diṭṭhisārī, na pi ñāṇabandhu,
ñatvā ca so sammutiyo puthujjā
upekkhatī, uggahaṇanti-m-aññe. || Nidd_I.13:17 ||
Na brāhmaṇo kappam upeti saṃkhan ti. Nā ti paṭikkhepo. Brāhmaṇo ti sattannaṃ dhammānaṃ bāhitattā brāhmaṇo . . . pe . . . anissito tādi pavuccate brahmā.
kappā ti dve kappā, taṇhākappo ca diṭṭhikappo ca . . . pe . . . ayaṃ taṇhākappo . . . pe . . . ayaṃ diṭṭhikappo. Saṃkhā vuccati ñāṇaṃ, yā paññā pajānanā . . . pe . . . amoho dhammavicayo sammādiṭṭhi. Na brāhmaṇo kappam upeti saṃkhan ti brāhmaṇo saṃkhāya jānitvā tulayitvā tīrayitvā vibhāvayitvā vibhūtaṃ katvā:
sabbe saṃkhārā aniccā ti, sabbe saṃkhārā dukkhā ti . . . pe . . . yaṃ kiñci samudayadhammaṃ sabban taṃ nirodhadhamman ti saṃkhāya jānitvā tulayitvā tīrayitvā vibhāvayitvā vibhūtaṃ katvā taṇhākappaṃ vā diṭṭhikappaṃ vā na upeti,
[page 328]
328 Aṭṭhakavaggo. [S.N. 911
[... content straddling page break has been moved to the page above ...] na upagacchati, na gaṇhāti, na parāmasati, nābhinivisatī ti, na brāhmaṇo kappam upeti saṃkhaṃ.
Na diṭṭhisārī na pi ñāṇabandhū ti tassa dvāsaṭṭhī diṭṭhigatāni pahīnāni samucchinnāni vūpasantāni paṭipassaddhāni abhabbuppattikāni ñāṇagginā daḍḍhāni; so diṭṭhiyā na yāyati, na niyyati, na vuyhati, na saṃhariyati, na pi taṃ diṭṭhigataṃ sārato pacceti paccāgacchatī ti, na diṭṭhisārī. Na pi ñāṇabandhū ti aṭṭhasamāpattiñāṇena vā pañcābhiññāñāṇena vā micchāñāṇena vā taṇhābandhaṃ vā diṭṭhibandhaṃ vā na karoti, na janeti, na sañjaneti, na nibbatteti, nābhinibbattetī ti, na diṭṭhisārī na pi ñāṇabandhu.
Ñatvā ca so sammutiyo puthujjā ti. Ñatvā ti ñatvā jānitvā tulayitvā tīrayitvā vibhāvayitvā vibhūtaṃ katvā:
sabbe saṃkhārā aniccā ti, sabbe saṃkhārā dukkhā ti . . . pe . . . yaṃ kiñci samudayadhammaṃ sabban taṃ nirodhadhamman ti ñatvā jānitvā tulayitvā tīrayitvā vibhāvayitvā vibhūtaṃ katvā ti, ñatvā ca so. Sammutiyo ti vuccanti dvāsaṭṭhī diṭṭhigatāni. Puthujjā ti puthujjanehi janitā vā tā sammutiyo ti puthujjā, puthunānājanehi janitā vā tā sammutiyo ti puthujjā ti, ñatvā ca so sammutiyo puthujjā.
Upekkhatī uggahaṇanti-m-aññe ti aññe taṇhāvasena diṭṭhivasena gaṇhanti parāmasanti abhinivisanti, arahā upekkhati, na gaṇhāti, na parāmasati, nābhinivisatī ti, upekkhatī uggahaṇanti-m-aññe. Ten'; āha Bhagavā:
Na brāhmaṇo kappam upeti saṃkhaṃ
na diṭṭhisārī, na pi ñāṇabandhu,
ñatvā ca so sammutiyo puthujjā
upekkhatī, uggahaṇanti-m-aññe ti.
_________________________________
[page 329]
S.N. 912] Mahāviyūhasuttaniddeso. 329
Sn_IV,13.18(=912): Visajja ganthāni munīdha loke
vivādajātesu na vaggasārī
santo asantesu upekkhako so
anuggaho, uggahaṇanti-m-aññe. || Nidd_I.13:18 ||
Visajja ganthāni munīdha loke ti. Ganthā ti cattāro ganthā: abhijjhā kāyagantho, byāpādo kāyagantho, sīlabbataparāmāso kāyagantho; idaṃsaccābhiniveso kāyagantho. Attano diṭṭhiyā rāgo, abhijjhā kāyagantho; paravādesu āghāto appaccayo, byāpādo kāyagantho; attano sīlaṃ vā vattaṃ vā sīlabbataṃ vā parāmasati, sīlabbataparāmāso kāyagantho; attano diṭṭhi, idaṃsaccābhiniveso kāyagantho.
Visajjā ti ganthe vossajjitvā vā visajja; athavā ganthe gathite bandhe vibandhe ābandhe lagge laggite palibuddhe bandhane phoṭayitvā vā visajja. Yathā vayham vā rathaṃ vā sakaṭaṃ vā sandamānikaṃ vā sajjaṃ visajjaṃ karonti vikopenti, evam eva ganthe vossajjitvā vā visajja; athavā ganthe gathite bandhe vibandhe ābandhe lagge laggite palibuddhe bandhane phoṭayitvā vā visajja. Munī ti monaṃ vuccati ñāṇaṃ, yā paññā pajānanā . . . pe . . . saṅgajālam aticca so muni. Idhā ti imissā diṭṭhiyā . . . pe . . . imasmiṃ manussaloke ti, visajja ganthāni munīdha loke.
Vivādajātesu na vaggasārī ti vivādajātesu sañjātesu nibbattesu abhinibbattesu pātubhūtesu, chandāgatiṃ gacchantesu dosāgatiṃ gacchantesu mohāgatim gacchantesu bhayāgatiṃ gacchantesu na chandāgatiṃ gacchati,
[page 330]
330 Aṭṭhakavaggo. [S.N. 912
[... content straddling page break has been moved to the page above ...] na dosāgatiṃ gacchati, na mohāgatiṃ gacchati, na bhayāgatiṃ gacchati, na rāgavasena gacchati, na dosavasena gacchati, na mohavasena gacchati, na mānavasena gacchati, na diṭṭhivasena gacchati, na uddhaccavasena gacchati, na vicikicchāvasena gacchati, na anusayavasena gacchati, na vaggehi dhammehi yāyati niyyati vuyhati saṃhariyatī ti, vivādajātesu na vaggasārī.
Santo asantesu upekkhako so ti. Santo ti rāgassa santattā santo, dosassa santattā santo, mohassa santattā santo . . . pe . . . sabbākusalābhisaṃkhārānaṃ santattā samitattā vūpasamitattā vijjhātattā nibbutattā vigatattā paṭipassaddhattā santo upasanto vūpasanto nibbuto paṭipassaddho ti, santo. Asantesu ti asantesu anupasantesu avūpasantesu anibbutesu apaṭipassaddhesū ti, santo asantesu.
Upekkhako so ti arahā chaḷaṅgupekkhāya samannāgato:
cakkhunā rūpaṃ disvā n'; eva sumano hoti, na dummano, upekkhako viharati sato sampajāno; sotena saddaṃ sutvā . . . pe . . .kālaṃ kaṃkhati bhāvito sudanto ti, santo asantesu upekkhako so.
Anuggaho uggahaṇanti-m-aññe ti aññe taṇhāvasena diṭṭhivasena gaṇhanti parāmasanti abhinivisanti; arahā upekkhati, na gaṇhāti, na parāmasati, nābhinivisatī ti, anuggaho uggahaṇanti-m-aññe. Ten'; āha Bhagavā:
Visajja ganthāni munīdha loke
vivādajātesu na vaggasārī
santo asantesu upekkhako so
anuggaho, uggahaṇanti-m-aññe ti.
_________________________________
Sn_IV,13.19(=913): Pubbāsave hitvā nave akubbaṃ
na chandagū no pi nivissavādī,
sa vippamutto diṭṭhigatehi dhīro
na limpatī loke anattagarahī. || Nidd_I.13:19 ||
[page 331]
S.N. 913] Mahāviyūhasuttaniddeso. 331
Pubbāsave hitvā nave akubban ti. Pubbāsavā vuccanti atītā rūpaṃ vedanā saññā saṃkhārā viññāṇaṃ. Atīte saṃkhāre ārabbha ye kilesā uppajjeyyuṃ, te kilese hitvā cajjitvā paricajjitvā pajahitvā vinoditvā byantīkaritvā anabhāvaṃ gamitvā ti, pubbāsave hitvā. Nave akubban ti. Navā vuccanti paccuppannā rūpaṃ vedanā saññā saṃkhārā viññāṇaṃ; paccuppanne saṃkhāre ārabbha chandaṃ akubbamāno, pemaṃ akubbamāno, rāgaṃ akubbamāno ajanayamāno asañjanayamāno anibbattayamāno nābhinibbattayamāno ti pubbāsāve hitvā nave akubbaṃ.
Na chandayū no pi nivissavādī ti. Na chandayā ti na chandāgatiṃ gacchati, na dosāgatiṃ gacchati, na mohāgatiṃ gacchati, na bhayāgatiṃ gacchati, na rāgavasena gacchati, na dosavasena gacchati, na mohavasena gacchati, na mānavasena gacchati, na diṭṭhivasena gacchati, na uddhaccavasena gacchati, na vicikicchāvasena gacchati, na anusayavasena gacchati, na vaggehi dhammehi yāyati niyyati vuyhati saṃhariyatī ti, na chandagū. No pi nivissavādī ti sassato loko, idam eva saccaṃ, mogham aññan ti nivissavādī; asassato loko, idaṃ eva saccaṃ, mogham aññan ti . . . pe . . . n'; eva hoti na na hoti tathāgato paraṃ maraṇā, idam eva saccaṃ, mogham aññan ti nivissavādī ti, na chandagū no pi nivissavādī.
Sa vippamutto diṭṭhigatehi dhīro ti tassa dvāsaṭṭhī diṭṭhigatāni pahīnāni samucchinnāni vūpasantāni paṭipassaddhāni abhabbuppattikāni ñāṇagginā daḍḍhāni; so diṭṭhigatehi vippamutto visaṃyutto vimariyādikatena cetasā viharatī ti. Dhīro ti dhīro paṇḍito paññavā buddhimā ñāṇī vibhāvī medhāvī ti, sa vippamutto diṭṭhigatehi dhīro.
Na limpatī loke anattagarahī ti. Lepo ti dve lepā, taṇhālepo ca diṭṭhilepo ca . . . pe . . . ayaṃ taṇhālepo
[page 332]
332 Aṭṭhakavaggo. [S.N. 913
. . . pe . . . ayaṃ diṭṭhilepo. Tassa taṇhālepo pahīno, diṭṭhilepo paṭinissaṭṭho; taṇhālepassa pahīnattā, diṭṭhilepassa paṭinissaṭṭhattā, anupalitto; apāyaloke na limpati, manussaloke na limpati, devaloke na limpati, khandhaloke na limpati, dhātuloke na limpati, āyatanaloke na limpati, na saṃlimpati, n'; upalimpati, alitto asaṃlitto anupalitto nikkhanto nissaṭṭho vippamutto visaṃyutto vimariyādikatena cetasā viharatī ti, na limpatī loke.
Anattagarahī ti dvīhi kāraṇehi attānaṃ garahati; katattā ca akatattā ca.
Kathaṃ kattatā ca akatattā ca attānaṃ garahati? Kataṃ me kāyaduccaritaṃ, akataṃ me kāyasucaritan ti attānaṃ garahati; kataṃ me vacīduccaritaṃ, kataṃ me manoduccaritaṃ, kato me pāṇātipāto . . . pe . . . katā me micchādiṭṭhi, akatā me sammādiṭṭhī ti attānaṃ garahati; evaṃ katattā ca akatattā ca attānaṃ garahati. Athavā sīlesu 'mhi na paripūrakārī ti attānaṃ garahati; indriyesu 'mhi aguttadvāro ti; bhojane amattaññū 'mhī ti; jāgariyam ananuyutto ti; na satisampajaññena samannāgato ti; abhāvitā me cattāro satipaṭṭhānā ti; abhāvitā me cattaro sammappadhānā ti, abhāvitā me cattāro iddhippādā ti; abhāvitāni me pañc'; indriyānī ti; abhāvitāni me pañca balānī ti; abhāvitā me satta bojjhaṅgā ti; abhāvito me ariyo aṭṭhaṅgiko maggo ti; dukkhaṃ me apariññātan ti; dukkhasamudayo me appahīno ti; maggo me abhāvito ti; nirodho me asacchikato ti attānaṃ garahati; evaṃ katattā ca akatattā ca attānaṃ garahati. Evam attagarahiyaṃ kammaṃ akubbamāno ajanayamāno asañjanayamāno anibbattayamāno nābhinibbattayamāno anattagarahī ti,
[page 333]
S.N. 914] Mahāviyūhasuttaniddeso. 333
[... content straddling page break has been moved to the page above ...] na limpatī loke anattagarahī. Ten'; āha Bhagavā:
Pubbāsave hitvā nave akubbaṃ
na chandagū no pi nivissavādī,
sa vippamutto diṭṭhigatehi dhīro
na limpatī loke anattagarahī ti.
_________________________________
Sn_IV,13.20(=914): Sa sabbadhammesu visenibhūto,
yaṃ kiñci diṭṭhaṃ va sutaṃ mutaṃ vā,
sa pannabhāro muni vippamutto
na kappiyo nūparato na patthiyo ti Bhagavā ti. || Nidd_I.13:20 ||
Sa sabbadhammesu visenibhūto yaṃ kiñci diṭṭhaṃ va sutaṃ mutaṃ vā ti. Senā vuccati mārasenā, kāyaduccaritaṃ mārasenā, vacīduccaritaṃ mārasenā, manoduccaritaṃ mārasenā, rāgo doso moho kodho upanāho makkho paḷāso issā macchariyaṃ māyā sāṭheyyaṃ thambho sārambho māno atimāno mado pamādo, sabbe kilesā, sabbe duccaritā, sabbe darathā, sabbe pariḷāhā, sabbe santāpā, sabbākusalābhisaṃkhārā mārasenā. Vuttaṃ h'; etaṃ Bhagavatā:
*Kāmā te paṭhamā senā, dutiyārati vuccati,
tatiyā khuppipāsā te, catutthī taṇhā pavuccati.
Pañcamaṃ thīnamiddhan te, chaṭṭhā bhīrū pavuccati,
sattamī vicikicchā te, makkho thambho te aṭṭhamo.
[page 334]
334 Aṭṭhakavaggo. [S.N. 914.
Lābho siloko sakkāro micchāladdho ca yo yaso,
yo c'; attānaṃ samukkaṃse pare ca avajānati.
Esā Namuci te senā Kaṇhassābhippahāraṇī,
na naṃ asūro jināti, chetvā ca labhate sukhan ti.
Yato catūhi ariyamaggehi sabbā ca mārasenā, sabbe ca paṭisenikarā kilesā jitā ca parājitā ca bhaggā vippaluttā parammukhā, so vuccati visenibhūto.
So diṭṭhe visenibhūto, sute mute viññāte visenibhūto ti, sa sabbadhammesu visenibhūto yaṃ kiñci diṭṭhaṃ va sutaṃ mutaṃ vā.
Sa pannabhāro muni vippamutto ti. Bhāro ti tayo bhārā, khandhabhāro kilesabhāro abhisaṃkhārabhāro.
Katamo khandhabhāro? Paṭisandhiyā rūpaṃ vedanā saññā saṃkhārā viññāṇaṃ, ayaṃ khandhabhāro.
Katamo kilesabhāro? Rāgo doso moho . . . pe . . . sabbākusalābhisaṃkhārā, ayaṃ kilesabhāro.
Katamo abhisaṃkhārabhāro? Puññābhisaṃkhāro apuññābhisaṃkhāro aṇeñjābhisaṃkhāro; ayaṃ abhisaṃkhārabhāro.
Yato khandhabhāro ca kilesabhāro ca abhisaṃkhārabhāro ca pahīnā honti, ucchinnamūlā tālāvatthukatā anabhāvaṃ gatā āyatiṃ anuppādadhammā, so vuccati pannabhāro patitabhāro oropitabhāro samoropitabhāro nikkhittabhāro paṭipassaddhabhāro. Munī ti monaṃ vuccati ñāṇaṃ, yā paññā pajānanā vicayo pavicayo dhammavicayo sallakkhaṇā upalakkhaṇā paccupalakkhaṇā paṇḍiccaṃ kosallaṃ nepuññaṃ vebhabyā cintā upaparikkhā bhūri medhā pariṇāyikā vipassanā sampajaññaṃ patodo paññā paññindriyaṃ paññābalaṃ paññāsatthaṃ paññāpāsādo paññā-āloko, paññā-obhāso paññāpajjoto paññāratanaṃ amoho dhammavicayo sammādiṭṭhi;
[page 335]
S.N. 914] Mahāviyūhasuttaniddeso. 335
[... content straddling page break has been moved to the page above ...] tena ñāṇena samannāgato muni monapatto ti.
Tīṇi moneyyāni, kāyamoneyyaṃ vacīmoneyyam manomoneyyaṃ.
Katamaṃ kāyamoneyyaṃ? Tividhānaṃ kāyaduccaritānaṃ pahānaṃ kāyamoneyyaṃ, tividhaṃ kāyasucaritaṃ kāyamoneyyaṃ, kāyārammaṇaṃ ñāṇaṃ kāyamoneyyaṃ, kāyapariññā kāyamoneyyaṃ, pariññāsahagato maggo kāyamoneyyaṃ, kāye chandarāgassa pahānaṃ kāyamoneyyaṃ, kāyasaṃkhāranirodho catutthajjhānasamāpatti kāyamoneyyaṃ. Idaṃ kāyamoneyyaṃ.
Katamaṃ vacīmoneyyaṃ? Catubbidhānaṃ vacīduccaritānaṃ pahānaṃ vacīmoneyyaṃ, catubbidhaṃ vacīsucaritaṃ vacīmoneyyaṃ, vācārammaṇaṃ ñāṇaṃ vacīmoneyyaṃ, vācāpariññā vacīmoneyyaṃ, pariññāsahagato maggo vacīmoneyyaṃ, vācāya chandarāgassa pahānaṃ vacīmoneyyaṃ, vacīsaṃkhāranirodho dutiyajjhānasamāpatti vacīmoneyyaṃ. Idaṃ vacīmoneyyaṃ.
Katamaṃ manomoneyyaṃ? Tividhānaṃ manoduccaritānaṃ pahānaṃ manomoneyyaṃ; tividhaṃ manosucaritaṃ manomoneyyaṃ; cittārammaṇaṃ ñāṇaṃ manomoneyyaṃ; cittapariññā manomoneyyaṃ; pariññāsahagato maggo manomoneyyaṃ; citte chandarāgassa pahānaṃ manomoneyyaṃ; cittasaṃkhāranirodho saññāvedayitanirodhasamāpatti manomoneyyaṃ. Idaṃ manomoneyyaṃ.
*Kāyamuniṃ vācāmuniṃ manomunim anāsavaṃ,
muniṃ moneyyasampannaṃ āhu sabbapahāyinaṃ.
Kāyamuniṃ vācāmuniṃ manomunim anāsavaṃ,
muniṃ moneyyasampannaṃ āhu ninhātapāpakan ti.
[page 336]
336 Aṭṭhakavaggo. [S.N. 914
Imehi moneyyehi dhammehi samannāgatā cha munayo:
āgāramunayo anāgāramunayo sekkhamunayo asekkhamunayo paccekamunayo munimunino.
Katame āgāramunayo? Ye te āgārikā diṭṭhapadā viññātasāsanā, ime āgāramunayo.
Katame anāgāramunayo? Ye te pabbajitā diṭṭhapadā viññātasāsanā, ime anāgāramunayo.
Satta sekkhā sekkhamunayo, arahanto asekkhamunayo, paccekabuddhā paccekamunino, munimunino tathāgatā arahanto sammāsambuddhā.
* Na monena munī hoti mūḷharūpo aviddasu,
yo ca tulaṃ va paggayha varam ādāya paṇḍito.
Pāpāni parivajjeti, sa muni, tena so muni;
yo munāti ubho loke, muni tena pavuccati.
** Asatañ ca satañ ca ñatvā dhammaṃ
ajjhattaṃ bahiddhā ca sabbaloke devamanussehi pūjito,
yo so saṅgajālam aticca so muni.
Vippamutto ti munino rāgā cittaṃ muttaṃ vimuttaṃ suvimuttaṃ; dosā cittaṃ, mohā cittaṃ muttaṃ vimuttaṃ suvimuttaṃ . . . pe . . . sabbākusalābhisaṃkhārehi cittaṃ muttaṃ vimuttaṃ suvimuttan ti, sa pannabhāro muni vippamutto.
Na kappiyo nūparato, na patthiyo ti Bhagavā ti. Kappo ti dve kappā, taṇhākappo ca diṭṭhikappo ca . . . pe . . . ayaṃ taṇhākappo . . . pe . . . ayaṃ diṭṭhikappo. Tassa taṇhākappo pahīno, diṭṭhikappo paṭinissaṭṭho; taṇhākappassa pahīnattā, diṭṭhikappassa paṭinissaṭṭhattā, taṇhākappaṃ vā diṭṭhikappaṃ vā na kappeti,
[page 337]
S.N. 914] Mahāviyūhasuttaniddeso. 337
[... content straddling page break has been moved to the page above ...] na janeti, na sañjaneti, na nibbatteti, nābhinibbattetī ti, na kappiyo. Nūparato ti sabbe bālaputhujjanā rajjanti; kalyāṇaputhujjanaṃ upādāya satta sekkhā, appattassa pattiyā, anadhigatassa adhigamāya, asacchikatassa sacchikiriyāya, āramanti viramanti paṭiviramanti; arahā ārato assa virato paṭivirato nikkhanto nissaṭṭho vippamutto visaṃyutto vimariyādikatena cetasā vihareyyā ti, na kappiyo nūparato. Na patthiyo ti. Patthanā vuccati taṇhā, yo rāgo sārāgo . . . pe . . . abhijjhā lobho akusalamūlaṃ. Yass'; esā patthanā pahīnā samucchinnā vūpasantā paṭipassaddhā abhabbuppattikā ñāṇagginā daḍḍhā, so vuccati na patthiyo. Bhagavā ti gāravādhivacanaṃ. Api ca bhaggarāgo ti Bhagavā, bhaggadoso ti Bhagavā, bhaggamoho ti Bhagavā, bhaggamāno ti Bhagavā, bhaggadiṭṭhī ti Bhagavā, bhaggakaṇṭako ti Bhagavā, bhaggakileso ti Bhagavā; bhaji vibhaji paṭivibhaji dhammaratanan ti Bhagavā; bhavānaṃ antakaro ti Bhagavā; bhāvitakāyo ti Bhagavā; bhāvitasīlo ti, bhāvitacitto ti, bhāvitapañño ti Bhagavā; bhāgī vā Bhagavā araññavanapatthāni pantāni senāsanāni appasaddāni appanigghosāni vijanavātāni manussarāhaseyyakāni paṭisallānasārūpānī ti Bhagavā; bhāgī vā Bhagavā cīvarapiṇḍapātasenāsanagilānapaccayabhesajjaparikkhārānan ti Bhagavā; bhāgī vā Bhagavā attharasassa dhammarasassa vimuttirasassa adhisīlassa adhicittassa adhipaññāyā ti Bhagavā; bhāgī vā Bhagavā catunnaṃ jhānānaṃ, catunnaṃ appamaññānaṃ, catunnaṃ arūpasamāpattīnan ti Bhagavā; bhāgī vā Bhagavā aṭṭhannaṃ vimokkhānaṃ, aṭṭhannaṃ abhibhāyatanānaṃ, navannaṃ anupubbavihārasamāpattīnan ti Bhagavā; bhāgī vā Bhagavā dasannaṃ saññābhāvanānaṃ,
[page 338]
338 Aṭṭhakavaggo. [S.N. 914
[... content straddling page break has been moved to the page above ...] dasannaṃ kasiṇasamāpattīnaṃ, ānāpānasatisamādhissa asubhasamāpattiyā ti Bhagavā; bhāgī vā Bhagavā catunnaṃ satipaṭṭhānānaṃ, catunnaṃ sammappadhānānaṃ, catunnaṃ iddhippādānaṃ, pañcannaṃ indriyānaṃ, pañcannaṃ balānaṃ, sattannaṃ bojjhaṅgānaṃ, ariyassa aṭṭhaṅgikassa maggassā ti Bhagavā; bhāgī vā Bhagavā dasannaṃ tathāgatabalānaṃ, catunnaṃ vesārajjānaṃ, catunnaṃ paṭisambhidānaṃ, channaṃ abhiññānaṃ, channaṃ buddhadhammānan ti Bhagavā. Bhagavā ti n'; etaṃ nāmaṃ mātarā kataṃ, na pitarā kataṃ, na bhatārā kataṃ, na bhaginiyā kataṃ, na mittāmaccehi kataṃ, na ñātisālohitehi kataṃ, na samaṇabrāhmaṇehi kataṃ, na devatāhi kataṃ; vimokkhantikam etaṃ buddhānaṃ bhagavantānaṃ bodhiyā mūle saha sabbaññutañāṇassa paṭilābhā, sacchikā paññatti yadidaṃ Bhagavā ti, na kappiyo nūparato na patthiyo ti Bhagavā ti. Ten'; āha Bhagavā:
Sa sabbadhammesu visenibhūto,
yaṃ kiñci diṭṭhaṃ va sutaṃ mutaṃ vā,
sa pannabhāro muni vippamutto
na kappiyo nūparato na patthiyo ti Bhagavā ti.
TERASAMO MAHĀVIYŪHASUTTANIDDESO NIṬṬHITO.
[page 339]
339
CUDDASAMO TUVAṬAKASUTTANIDDESO.
Sn_IV,14.1(=915): Pucchāmi taṃ Ādiccabandhuṃ
vivekaṃ santipadañ ca mahesiṃ:
kathaṃ disvā nibbāti bhikkhu
anupādiyāno lokasmiṃ kiñci. || Nidd_I.14:1 ||
Pucchāmi taṃ Ādiccabandhun ti. Pucchā ti tisso pucchā. adiṭṭhajotanā pucchā, diṭṭhasaṃsandanā pucchā, vimaticchedanā pucchā.
Katamā adiṭṭhajotanā pucchā? Pakatiyā lakkhaṇaṃ añātaṃ hoti adiṭṭhaṃ atulitaṃ atīritaṃ avibhūtaṃ avibhāritaṃ, tassa ñāṇāya dassanāya tulanāya tīraṇāya vibhāvanāya pañhaṃ pucchati; ayaṃ adiṭṭhajotanā pucchā.
Katamā diṭṭhasaṃsandanā pucchā? Pakatiyā lakkhaṇaṃ ñātaṃ hoti diṭṭhaṃ tulitaṃ tīritaṃ vibhūtaṃ vibhāvitaṃ, aññehi paṇḍitehi saddhiṃ saṃsandanatthāya pañhaṃ pucchati; ayaṃ diṭṭhasaṃsandanā pucchā.
Katamā vimaticchedanā pucchā? Pakatiyā saṃsayapakkhanto hoti vimatipakkhanto dveḷhakajāto: evaṃ nu kho, na nu kho, kin nu kho, kathaṃ nu kho ti; so vimaticchedanatthāya pañhaṃ pucchati; ayaṃ vimaticchedanā pucchā. Imā tisso pucchā.
Aparā pi tisso pucchā, manussapucchā amanussapucchā nimmitapucchā.
[page 340]
340 Aṭṭhakavaggo. [S.N. 915
Katamā manussapucchā? Manussā Buddhaṃ bhagavantaṃ upasaṅkamitvā pañhaṃ pucchanti, bhikkhū pucchanti, bhikkhuniyo pucchanti, upāsakā pucchanti, upāsikāyo pucchanti, rājāno pucchanti, khattiyā pucchanti, brāhmaṇā pucchanti, vessā pucchanti, suddā pucchanti, gahaṭṭhā pucchanti, pabbajitā pucchanti; ayaṃ manussapucchā.
Katamā amanussapucchā? Amanussā Buddhaṃ bhagavantaṃ upasaṅkamitvā pañhaṃ pucchanti, nāgā pucchanti, supaṇṇā pucchanti, yakkhā pucchanti, asurā pucchanti, gandhabbā pucchanti, mahārājāno pucchanti, indā pucchanti, brāhmāṇo pucchanti, devatāyo pucchanti, ayaṃ amanussapucchā.
Katamā nimmitapucchā? Yaṃ bhagavā rūpaṃ abhinimmināti manomayaṃ sabbaṅgapaccaṅgaṃ ahīnindriyaṃ, so nimmito Buddhaṃ bhagavantaṃ upasaṅkamitvā pañhaṃ pucchati, bhagavā tassa visajjeti; ayaṃ nimmitapucchā. Imā tisso pucchā.
Aparā pi tisso pucchā, atītapucchā anāgatapucchā ubhayatthapucchā.
Aparā pi tisso pucchā, diṭṭhadhammikatthapucchā samparāyikatthapucchā ubhayatthapucchā.
Aparā pi tisso pucchā, anavajjatthapucchā nikkilesatthapucchā vodānatthapucchā.
Aparā pi tisso pucchā, atītapucchā anāgatapucchā paccuppannapucchā.
Aparā pi tisso pucchā, ajjhattapucchā bahiddhāpucchā ajjhattabahiddhāpucchā.
Aparā pi tisso pucchā, kusalapucchā akusalapucchā abyākatapucchā.
Aparā pi tisso pucchā, khandhapucchā dhātupucchā āyatanapucchā.
Aparā pi tisso pucchā, satipaṭṭhānapucchā sammappadhānapucchā iddhippādapucchā.
[page 341]
S.N. 915] Tuvaṭakasuttaniddeso. 341
Aparā pi tisso pucchā, indriyapucchā balapucchā bojjhaṅgapucchā.
Aparā pi tisso pucchā, maggapucchā phalapucchā nibbānapucchā.
Pucchāmi tan ti taṃ pucchāmi, taṃ yācāmi, taṃ ajjhesāmi, taṃ pasādemi, taṃ kathayassu me ti, pucchāmi taṃ.
Ādiccabandhun ti ādicco vuccati suriyo. Suriyo Gotamo gottena, bhagavā pi Gotamo gottena. Bhagavā suriyassa gottañātako gottabandhu, tasmā Buddho ādiccabandhū ti, pucchāmi taṃ Ādiccabandhuṃ.
Vivekaṃ santipadañ ca mahesin ti. Viveko ti tayo vivekā, kāyaviveko cittaviveko upadhiviveko.
Katamo kāyaviveko? Idha bhikkhu vivittaṃ senāsanaṃ bhajati araññaṃ rukkhamūlaṃ pabbataṃ kandaraṃ giriguhaṃ susānaṃ vanapatthaṃ abbhokāsaṃ palālapuñjaṃ. Kāyena ca vivitto viharati. So eko gacchati, eko tiṭṭhati, eko nisīdati, eko seyyaṃ kappeti, eko gāmaṃ piṇḍāya pavisati, eko paṭikkamati, eko raho nisīdati, eko caṅkamaṃ adhiṭṭhāti, eko carati viharati iriyati vattati pāleti yapeti yāpeti; ayaṃ kāyaviveko.
Katamo cittaviveko? Paṭhamaṃ jhānaṃ samāpannassa nīvaraṇehi cittaṃ vivittaṃ hoti. Dutiyaṃ jhānaṃ samāpannassa vitakkavicārehi cittaṃ vivittaṃ hoti. Tatiyaṃ jhānaṃ samāpannassa pītiyā cittaṃ vivittaṃ hoti.
Catutthaṃ jhānaṃ samāpannassa sukhadukkhehi cittaṃ vivittaṃ hoti. Ākāsānañcāyatanaṃ samāpannassa rūpasaññāya paṭighasaññāya nānattasaññāya cittaṃ vivittaṃ hoti. Viññāṇañcāyatanaṃ samāpannassa ākāsānañcāyatanasaññāya cittaṃ vivittaṃ hoti. Ākiñcaññāyatanaṃ samāpannassa viññāṇañcāyatanasaññāya cittaṃ vivittaṃ hoti.
[page 342]
342 Aṭṭhakavaggo. [S.N. 915
[... content straddling page break has been moved to the page above ...] Nevasaññānāsaññāyatanaṃ samāpannassa ākiñcaññāyatanasaññāya cittaṃ vivittaṃ hoti. Sotāpannassa sakkāyadiṭṭhiyā vicikicchāya sīlabbataparāmāsā diṭṭhānusayā vicikicchānusayā tadekaṭṭhehi ca kilesehi cittaṃ vivittaṃ hoti. Sakadāgāmissa oḷārikakāmarāgasaṃyojanā paṭighasaṃyojanā oḷārikakāmarāgānusayā paṭighānusayā tadekaṭṭhehi ca kilesehi cittaṃ vivittaṃ hoti. Anāgāmissa aṇusahagatakāmarāgasaṃyojanā paṭighasaṃyojanā aṇusahagatakāmarāgānusayā paṭighānusayā tadekaṭṭhehi ca kilesehi cittaṃ vivittaṃ hoti. Arahato rūparāgā arūparāgā mānā uddhaccā avijjāya mānānusayā bhavarāgānusayā avijjānusayā tadekaṭṭhehi ca kilesehi bahiddhā ca sabbanimittehi cittaṃ vivittaṃ hoti; ayaṃ cittaviveko.
Katamo upadhiviveko? Upadhi vuccanti kilesā ca khandhā ca abhisaṃkhārā ca. Upadhiviveko vuccati amataṃ nibbānaṃ; yo so sabbasaṃkhārasamatho sabbūpadhipaṭinissaggo taṇhakkhayo virāgo nirodho nibbānaṃ.
Ayaṃ upadhiviveko.
Kāyaviveko ca vūpakaṭṭhakāyānaṃ nekkhammābhiratānaṃ; cittaviveko ca parisuddhacittānaṃ paramavodānapattānaṃ; upadhiviveko ca nirūpadhīnaṃ visaṃkhāragatānaṃ.
Santī ti ekena ākārena santi pi, santipadaṃ pi tañ ñeva amataṃ, nibbānaṃ yo so sabbasaṃkhārasamatho sabbūpadhipaṭinissaggo taṇhakkhayo virāgo nirodho nibbānaṃ.
Vuttaṃ h'; etaṃ Bhagavatā: *Santaṃ etaṃ padaṃ paṇītam etaṃ padaṃ, yadidaṃ sabbasaṃkhārasamatho sabbūpadhipatinissaggo taṇhakkhayo virāgo nirodho nibbānaṃ ti. Athavā aparena ākārena ye dhammā santādhigamāya santiphusanāya santisacchikiriyāya saṃvattanti,
[page 343]
S.N. 915] Tuvaṭakasuttaniddeso. 343
[... content straddling page break has been moved to the page above ...] seyyathīdaṃ cattāro satipaṭṭhānā, cattāro sammappadhānā, cattāro iddhippādā, pañc'; indriyāni, pañca balāni, satta bojjhaṅgā, ariyo aṭṭhaṅgiko maggo. Ime vuccanti santipadaṃ tāṇapadaṃ leṇapadaṃ saraṇapadaṃ abhayapadaṃ accutapadaṃ amatapadaṃ nibbānapadaṃ.
Mahesi ti. Mahesi Bhagavā; mahantaṃ sīlakkhandhaṃ esi gavesi pariyesī ti, mahesī. Mahantaṃ samādhikkhandhaṃ, mahantaṃ paññākkhandhaṃ, mahantaṃ vimuttikkhandhaṃ, mahantaṃ vimuttiñāṇadassanakkhandhaṃ esi gavesi pariyesī ti, mahesī. Mahato tamokāyassa padālanaṃ, mahato vipallāsassa pabhedanaṃ, mahato taṇhāsallassa abbūhanaṃ, mahato diṭṭhisaṃghātassa vinivedhanaṃ, mahato mānadhajassa pavāhanaṃ, mahato abhisaṃkhārassa vūpasamanaṃ, mahato oghassa nitthāraṇaṃ, mahato bhārassa nikkhepanaṃ, mahato saṃsāravaṭṭassa upacchedaṃ, mahato santāpassa nibbāpanaṃ, mahato pariḷāhassa paṭippassaddhiṃ, mahato dhammadhajassa ussāpanaṃ esi gavesi pariyesī ti, mahesī.
Mahante satipaṭṭhāne, mahante sammappadhāne, mahante iddhippāde, mahantāni indriyāni, mahantāni balāni, mahante bojjhaṅge, mahantaṃ ariyaṃ aṭṭhaṅgikaṃ maggaṃ, mahantaṃ paramatthaṃ, amattaṃ nibbānaṃ esi gavesi pariyesī ti, mahesī. Mahesakkhehi vā sattehi esito gavesito pariyesito kahaṃ Buddho, kahaṃ bhagavā, kahaṃ devadevo, kahaṃ narāsabho ti mahesī ti, vivekaṃ santipadañ ca mahesiṃ.
Kathaṃ disvā nibbāti bhikkhū ti. Kathaṃ disvā passitvā tulayitvā tīrayitvā vibhāvayitvā vibhūtaṃ katvā attano rāgaṃ nibbāpeti,
[page 344]
344 Aṭṭhakavaggo. [S.N. 915
[... content straddling page break has been moved to the page above ...] dosaṃ nibbāpeti, mohaṃ nibbāpeti, kodhaṃ upanāhaṃ makkhaṃ paḷāsaṃ issaṃ macchariyaṃ māyaṃ sāṭheyyaṃ thambhaṃ sārambhaṃ mānaṃ atimānaṃ madaṃ pamādaṃ,sabbe kilese, sabbe duccarite, sabbe darathe, sabbe pariḷāhe, sabbe santāpe, sabbākusalābhisaṃkhāre sameti upasameti vūpasameti nibbāpeti paṭipassambheti. Bhikkhū ti kalyāṇaputhujjano vā bhikkhu sekho vā bhikkhū ti, kathaṃ disvā nibbāti bhikkhu.
Anupādiyāno lokasmiṃ kiñcī ti catūhi upādānehi anupādiyamāno agaṇhayamāno aparāmasayamāno. Lokasmin ti apāyaloke manussaloke devaloke khandhaloke dhātuloke āyatanaloke. Kiñcī ti kiñci rūpagataṃ vedanāgataṃ saññāgataṃ saṃkhāragataṃ viññāṇagatan ti, anupādiyāno lokasmiṃ kiñci. Ten'; āha so nimmitto:
Pucchāmi taṃ Ādiccabandhuṃ
vivekaṃ santipadañ ca mahesiṃ:
kathaṃ disvā nibbāti bhikkhu
anupādiyāno lokasmiṃ kiñcī ti.
_________________________________
Sn_IV,14.2(=916): Mūlaṃ papañcasaṃkhāyā ti Bhagavā
mantā asmī ti sabbam uparuddhe,
yā kāci taṇhā ajjhattaṃ,
tāsaṃ vinayā sadā sato sikkhe. || Nidd_I.14:2 ||
Mūlaṃ papañcasaṃkhāyā ti Bhagavā mantā asmī ti sabbam uparuddhe ti. Papañcā yeva papañcasaṃkhā taṇhāpapañcasaṃkhā diṭṭhipapañcasaṃkhā.
Katamaṃ taṇhāpapañcassa mūlaṃ? Avijjā mūlaṃ, ayoniso manasikāro mūlaṃ, asmimāno mūlaṃ, ahirikaṃ mūlaṃ,
[page 345]
S.N. 916] Tuvaṭakasuttaniddeso. 345
[... content straddling page break has been moved to the page above ...] anottappaṃ mūlaṃ, uddhaccaṃ mūlaṃ; idaṃ taṇhāpapañcassa mūlaṃ.
Katamaṃ diṭṭhipapañcassa mūlaṃ? Avijjā mūlaṃ, ayoniso manasikāro mūlaṃ, asmimāno mūlaṃ, ahirikaṃ mūlaṃ, anottappaṃ mūlaṃ, uddhaccaṃ mūlaṃ; idaṃ diṭṭhipapañcassa mūlaṃ.
Bhagavā ti gāravādhivacanaṃ. Api ca bhaggarāgo ti Bhagavā, bhaggadoso ti Bhagavā, bhaggamoho ti Bhagavā, bhaggamāno ti Bhagavā, bhaggadiṭṭhī ti Bhagavā, bhaggakaṇṭako ti Bhagavā, bhaggakileso ti Bhagavā, bhaji vibhaji paṭivibhaji dhammaratanan ti Bhagavā. Bhavānaṃ antakaro ti Bhagavā; bhāvitakāyo ti Bhagavā, bhāvitasīlo ti bhāvitacitto ti bhāvitapañño ti Bhagavā; bhāgī vā Bhagavā araññavanapatthāni pantāni senāsanāni appasaddāni appanigghosāni vijanavātāni manussarāhaseyyakāni paṭisallānasārūpānī ti Bhagavā; bhāgī vā Bhagavā cīvarapiṇḍapātasenāsanagilānapaccayabhesajjaparikkhārānan ti Bhagavā; bhāgī vā Bhagavā attharasassa dhammarasassa vimuttirasassa adhisīlassa adhicittassa adhipaññāyā ti Bhagavā; bhāgī vā Bhagavā catunnaṃ jhānānaṃ, catunnaṃ appamaññānaṃ, catunnaṃ arūpasamāpattīnan ti Bhagavā; bhāgī vā Bhagavā aṭṭhannaṃ vimokkhānaṃ, aṭṭhannaṃ abhibhāyatanānaṃ, navannaṃ {anupubbavihārasamāpattīnan} ti Bhagavā; bhāgī vā Bhagavā dasannaṃ saññābhāvanānaṃ, dasannaṃ kasiṇasamāpattīnaṃ, ānāpānasatisamādhissa asubhasamāpattiyā ti Bhagavā; bhāgī vā Bhagavā catunnaṃ satipaṭṭhānānaṃ, catunnaṃ sammappadhānānaṃ, catunnaṃ iddhippādānaṃ, pañcannaṃ indriyānaṃ, pañcannaṃ balānaṃ, sattannaṃ bojjhaṅgānaṃ, ariyassa aṭṭhaṅgikassa maggassā ti Bhagavā; bhāgī vā Bhagavā dasannaṃ tathāgatabalānaṃ, catunnaṃ vesārajjānaṃ, catunnaṃ paṭisambhidānaṃ, channaṃ abhiññānaṃ, channaṃ buddhadhammānan ti Bhagavā.
[page 346]
346 Aṭṭhakavaggo. [S.N. 916
[... content straddling page break has been moved to the page above ...] Bhagavā ti n'; etaṃ nāmaṃ mātarā kataṃ, na pitarā kataṃ, na bhātarā kataṃ, na bhaginiyā kataṃ, na mittāmacchehi kataṃ, na ñātisālokitehi kataṃ, na samaṇabrāhmaṇehi kataṃ, na devatāhi kataṃ; vimokkhantikam etaṃ buddhānaṃ bhagavantānaṃ bodhiyā mūle saha sabbaññutañāṇassa paṭilābhā sacchikā paññatti yadidaṃ Bhagavā ti, mūlaṃ papañcasaṃkhāyā ti Bhagavā.
Mantā asmī ti sabbam uparuddhe ti. Mantā vuccati paññā; yā paññā pajānanā . . . pe . . . amoho dhammavicayo sammādiṭṭhi. Asmī ti rūpe asmī ti māno, asmī ti chando, asmī ti anusayo, vedanāya, saññāya, saṃkhāresu, viññāṇe asmī ti māno, asmī ti chando, asmī ti anusayo mūlaṃ papañcasaṃkhāyā ti Bhagavā. Mantā asmī ti sabbam uparuddhe ti papañcasaṃkhāya mūlañ ca asmimānañ ca mantāya sabbam uparuddheyya uparuddheyya nirodheyya vūpasameyya atthaṅgameyya paṭipassambheyyā ti, mūlaṃ papañcasaṃkhāyā ti Bhagavā, mantā asmī ti sabbam uparuddhe.
Yā kāci taṇhā ajjhattan ti. Yā kācī ti sabbena sabbaṃ sabbathā sabbaṃ asesaṃ nissesaṃ pariyādāyavacanaṃ etaṃ, yā kācī ti. Taṇhā ti, rūpataṇhā ti . . . pe . . . dhammataṇhā. Ajjhattan ti ajjhattaṃ samuṭṭhāti sā taṇhā ti, ajjhattaṃ. Athavā ajjhattikaṃ vuccati cittaṃ; yaṃ cittaṃ mano mānasaṃ hadayaṃ paṇḍaraṃ mano manāyatanaṃ manindriyaṃ viññāṇaṃ viññāṇakkhandho tajjā manoviññāṇadhātu. Cittena manasā taṇhā sahagatā sahajātā saṃsaṭṭhā sampayuttā ekuppādā ekanirodhā ekavatthukā ekārammaṇā ti pi ajjhattan ti, yā kāci taṇhā ajjhattaṃ
Tāsaṃ vinayā sadā sato sikkhe ti. Sadā ti sadā sabbadā sabbakālaṃ niccakālaṃ dhuvakālaṃ satataṃ samitaṃ abbhokiṇṇaṃ pokhānupokhaṃ udakummikajātaṃ avīcisantatisahitaṃ phusitaṃ purebhattaṃ pacchābhattaṃ purimayāmaṃ pacchimayāmaṃ kāḷe juṇhe vasse hemante gimhe purime vayokhandhe majjhime vayokhandhe pacchime vayokhandhe.
[page 347]
S.N. 916] Tuvaṭakasuttaniddeso. 347
[... content straddling page break has been moved to the page above ...] Sato ti catūhi kāraṇehi sato, kāye kāyānupassanāsatipaṭṭhānaṃ bhāvento sato, vedanāsu citte dhammesu dhammānupassanāsatipaṭṭhānaṃ bhāvento sato; aparehi catūhi kāraṇehi sato, asatiparivajjanāya sato, satikaraṇīyānaṃ dhammānaṃ katattā sato, satipaṭipakkhānaṃ dhammānaṃ katattā sato, satinimittānaṃ dhammānaṃ asammuṭṭhattā sato; aparehi pi catūhi kāraṇehi sato, satiyā samannāgatattā sato, satiyā vasitattā sato, satiyā pāguññatāya sato, satiyā apaccorohaṇatāya sato; aparehi pi catūhi kāraṇehi sato, satattā sato, santattā sato, samitattā sato, santadhammasamannāgatattā sato; buddhānussatiyā sato, dhammānussatiyā sato, saṃghānussatiyā sato, sīlānussatiyā sato, cāgānussatiyā sato, devatānussatiyā sato, ānāpānasatiyā sato, maraṇasatiyā sato, kāyagatāsatiyā sato, upasamānussatiyā sato; yā sati anussati patissati sati, saraṇatā dhāraṇatā apilāpanatā assammussanatā sati, satindriyaṃ satibalaṃ sammāsati satisambojjhaṅgo ekāyanamaggo; ayaṃ vuccati sati. Imāya satiyā upeto samupeto upagato samupagato upapanno samupapanno samannāgato so vuccati sato.
Sikkhe ti tisso sikkhā, adhisīlasikkhā adhicittasikkhā adhipaññāsikkhā. Katamā adhisīlasikkhā? Idha bhikkhu sīlavā hoti, pātimokkhasaṃvarasaṃvuto viharati, ācāragocarasampanno aṇumattesu vajjesu bhayadassāvī samādāya sikkhati sikkhāpadesu, khuddako sīlakkhandho,
[page 348]
348 Aṭṭhakavaggo. [S.N. 916
mahanto sīlakkhandho, sīlaṃ patiṭṭhā ādicaraṇaṃ saṃyamo saṃvaro mukhaṃ pamukhaṃ kusalānaṃ dhammānaṃ samāpattiyā; ayaṃ adhisīlasikkhā.
Katamā adhicittasikkhā? Idha bhikkhu vivicc'; eva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati. Vitakkavicārānaṃ vūpasamāya ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ upasampajja viharati. Pītiyā ca virāgā upekkhako ca viharati, sato ca sampajāno sukhañ ca kāyena {paṭisaṃvedeti}, yan taṃ ariyā ācikkhanti upekkhako satimā sukhavihārī ti, tatiyaṃ jhānaṃ upasampajja viharati.
Sukhassa ca pahānā dukkhassa ca pahānā pubb'; eva somanassadomanassānaṃ atthaṅgamā adukkha-m-asukhaṃ upekkhāsatipārisuddhiṃ catutthaṃ jhānaṃ upasampajja viharati; ayaṃ adhicittasikkhā.
Katamā adhipaññāsikkhā? Idha bhikkhu paññavā hoti udayatthagāminiyā paññāyā samannāgato ariyāya nibbedhikāya sammādukkhakkhayagāminiyā. So idaṃ dukkhan ti yathābhūtaṃ pajānāti, ayaṃ dukkhasamudayo ti yathābhūtaṃ pajānāti, ayaṃ dukkhanirodho ti yathābhūtaṃ pajānāti, ayaṃ dukkhanirodhagāminī paṭipadā ti yathābhūtaṃ pajānāti; ime āsavā ti yathābhūtaṃ pajānāti, ayaṃ āsavasamudayo ti yathābhūtaṃ pajānātī, ayaṃ āsavanirodho ti yathābhūtaṃ pajānāti, ayaṃ āsavanirodhagāminī paṭipadā ti yathābhūtaṃ pajānāti; ayaṃ adhipaññāsikkhā.
Tāsaṃ vinayā sadā sato sikkhe ti tāsaṃ taṇhānaṃ vinayāya paṭivinayāya pahānāya vūpasamāya paṭinissaggāya paṭipassaddhiyā adhisīlam pi sikkheyya, adhicittam pi sikkheyya, adhipaññam pi sikkheyya; imā tisso sikkhā āvajjanto sikkheyya, jānanto sikkheyya,
[page 349]
S.N. 917] Tuvaṭakasuttaniddeso. 349
passanto sikkheyya, paccavekkhanto sikkheyya, cittaṃ adhiṭṭhahanto sikkheyya, saddhāta adhimuccanto sikkheyya, viriyaṃ paggaṇhanto sikkheyya, satiṃ upaṭṭhapento sikkheyya, cittaṃ samādahanto sikkheyya, paññāya pajānanto sikkheyya, abhiññeyyaṃ abhijānanto sikkheyya, pariññeyyaṃ parijānanto sikkheyya, pahātabbaṃ pajahanto sikkheyya, bhāvetabbaṃ bhāvento sikkheyya, sacchikātabbaṃ sacchikaronto sikkheyya ācareyya samācareyya samādāya vatteyyā ti, tāsaṃ vinayā sadā sato sikkhe. Ten'; āha Bhagavā:
Mūlaṃ papañcasaṃkhāyā ti Bhagavā
mantā asmī ti sabbam uparuddhe,
yā kāci taṇhā ajjhattaṃ,
tāsaṃ vinayā sadā sato sikkhe ti.
_________________________________
Sn_IV,14.3(=917): Yaṃ kiñci dhammam abhijaññā
ajjhattaṃ athavā pi bahiddhā,
na tena thāmaṃ kubbetha,
na hi sā nibbuti sataṃ vuttā. || Nidd_I.14:3 ||
Yaṃ kiñci dhammam abhijaññā ajjhattan ti yaṃ kiñci attano guṇaṃ jāneyya, kusale vā dhamme, abyākate vā dhamme.
Katame attano guṇā? Uccākulā pabbajito vā assa, mahākulā pabbajito vā assa, mahābhogakulā vā uḷārabhogakulā vā pabbajito vā assa, ñāto yasassī gahaṭṭhapabbajitānan ti vā assa, lābhī 'mhi cīvarapiṇḍapātasenāsanagilānapaccayabhesajjaparikkhārānan ti vā assa, suttantiko vā assa, vinayadharo vā assa, dhammakathiko vā assa, āraññiko vā assa, piṇḍapātiko vā assa, paṃsukūliko vā assa, tecīvariko vā assa, sapadānacāriko vā assa, khalupacchābhattiko vā assa, nesajjiko vā assa, yathāsanthatiko vā assa, paṭhamassa jhānassa lābhī ti vā assa, dutiyassa jhānassa lābhī ti vā assa, tatiyassa jhānassa lābhī ti vā assa,
[page 350]
350 Aṭṭhakavaggo. [S.N. 917
[... content straddling page break has been moved to the page above ...] catutthassa jhānassa lābhī ti vā assa, ākāsānañcāyatanasamāpattiyā lābhī ti vā assa, viññāṇañcāyatanasamāpattiyā ākiñcaññāyatanasamāpattiyā nevasaññānāsaññāyatanasamāpattiyā lābhī ti vā assa; ime vuccanti attano guṇā. Yaṃ kiñci attano guṇaṃ jāneyya ājāneyya vijāneyya paṭivijāneyya paṭivijjheyyā ti, yaṃ kiñci dhammam abhijaññā.
Ajjhattaṃ athavā pi bahiddhā ti upajjhāyassa vā ācariyassa vā te guṇā assū ti, ajjhattaṃ athavā pi bahiddhā.
Na tena thāmaṃ kubbethā ti attano vā guṇena paresaṃ vā guṇena thāmaṃ na kareyya, thambhaṃ na kareyya, mānaṃ na kareyya, uṇṇatiṃ na kareyya, uṇṇamaṃ na kareyya, na tena mānaṃ janeyya, na tena thaddho assa patthaddho paggahitasiro ti, na tena thāmaṃ kubbetha.
Na hi sā nibbuti sataṃ vuttā ti satānaṃ santānaṃ sappurisānaṃ buddhānaṃ buddhasāvakānaṃ paccekabuddhānaṃ sā nibbuti na vuttā na-ppavuttā na ācikkhitā na desitā na paññāpitā na paṭṭhapitā na vivaṭā na vibhattā na uttānīkatā na-ppakāsitā ti, na hi sā nibbuti sataṃ vuttā. Ten'; āha Bhagavā:
Yaṃ kiñci dhammam abhijaññā
ajjhattaṃ athavā pi bahiddhā,
na tena thāmaṃ kubbetha,
na hi sā nibbuti sataṃ vuttā ti.
_________________________________
Sn_IV,14.4(=918): Seyyo na tena maññeyya
nīceyyo athavā pi sarikkho,
phuṭṭho anekarūpehi
nātumānaṃ vikappayaṃ {tiṭṭhe}. || Nidd_I.14:4 ||
Seyyo na tena maññeyyā ti seyyo 'ham asmī ti mānaṃ na janeyya jātiyā vā gottena vā kolaputtikena vā vaṇṇapokkharatāya vā dhanena vā ajjhenena vā kammāyatanena vā sippāyatanena vā vijjaṭṭhānena vā sutena vā paṭibhāṇena vā aññataraññatarena vā vatthunā ti,
[page 351]
S.N. 919] Tuvatakasuttaniddeso. 351
[... content straddling page break has been moved to the page above ...] seyyo na tena maññeyya.
Nīceyyo athavā pi sarikkho ti hīno 'ham asmī ti omānaṃ na janeyya jātiyā vā gottena vā . . . pe . . . aññataraññatarena vā vatthunā. Sadiso 'ham asmī ti mānaṃ na janeyya jātiyā vā gottena vā kolaputtikena vā vaṇṇapokkharatāya vā dhanena vā ajjhenena vā kammāyatanena vā sippāyatanena vā vijjaṭṭhānena vā sutena vā paṭibhāṇena vā aññataraññatarena vā vatthunā ti, nīceyyo athavā pi sarikkho.
Phuṭṭho anekarūpehī ti anekavidhehi ākārehi phuṭṭho pareto samohito samannāgato ti, phuṭṭho anekarūpehi.
Nātumānaṃ vikappayaṃ tiṭṭhe ti ātumāno vuccati attā; attānaṃ kappento vikappento vikappaṃ āpajjanto na tiṭṭheyyā ti, nātumānaṃ vikappayaṃ tiṭṭhe. Ten'; āha Bhagavā:
Seyyo na tena maññeyya
nīceyyo athavā pi sarikkho,
phuṭṭho anekarūpehi
nātumānaṃ vikappayaṃ tiṭṭhe ti.
_________________________________
Sn_IV,14.5(=919): Ajjhattam eva upasame,
nāññato bhikkhu santim eseyya:
ajjhattaṃ upasantassa
n'; atthi attaṃ, kuto nirattaṃ vā. || Nidd_I.14:5 ||
Ajjhattam eva upasame ti. Ajjhattaṃ rāgaṃ sameyya upasameyya, dosaṃ sameyya upasameyya, mohaṃ sameyya, kodhaṃ upanāhaṃ makkhaṃ paḷāsaṃ issaṃ macchariyaṃ māyaṃ sāṭheyyaṃ thambhaṃ sārambhaṃ mānaṃ atimānaṃ madaṃ pamādaṃ sabbe kilese sabbe duccarite sabbe darathe sabbe pariḷāhe sabbe santāpe sabbākusalābhisaṃkhāre sameyya upasameyya vūpasameyya nibbāpeyya paṭipassambheyyā ti,
[page 352]
352 Aṭṭhakavaggo. [S.N. 919
[... content straddling page break has been moved to the page above ...] ajjhattam eva upasame.
Nāññato bhikkhu santim eseyyā ti aññato asuddhimaggena micchāpaṭipadāya aniyyānapathena, aññatra satipaṭṭhānehi aññatra sammappadhānehi aññatra iddhippādehi aññatra indriyehi aññatra balehi aññatra bojjhaṅgehi aññatra ariyā aṭṭhaṅgikā maggā santiṃ upasantiṃ vūpasantiṃ nibbutiṃ paṭipassaddhiṃ na eseyya na gaveseyya na pariyeseyyā ti, nāññato bhikkhu santim eseyya.
Ajjhattaṃ upasantassā ti. Ajjhattaṃ rāgaṃ upasantassa, dosaṃ upasantassa . . . pe . . . sabbākusalābhisaṃkhāre santassa upasantassa vūpasantassa nibbutassa paṭipassaddhassā ti, ajjhattaṃ upasantassa.
N'; atthi attaṃ, kuto nirattaṃ vā ti. N'; atthī ti paṭikkhepo.
Attan ti sassatadiṭṭhi n'; atthi, nirattan ti ucchedadiṭṭhi n'; atthi, attā ti gahitaṃ n'; atthi, nirattā ti muñcitabbaṃ n'; atthi, yassa n'; atthi gahitaṃ, tassa n'; atthi muñcitabbaṃ, yass'; atthi muñcitabbaṃ, tass'; atthi gahitaṃ. Gāhamuñcanaṃ samatikkanto arahā vuddhiparihāniṃ vītivatto. So vuṭṭhavāso ciṇṇacaraṇo . . . pe . . . n'; atthi tassa punabbhavo ti, n'; atthi attaṃ, kuto nirattaṃ vā. Ten'; āha Bhagavā:
Ajjhattam eva upasame,
nāññato bhikkhu santim eseyya:
ajjhattaṃ upasantassa
n'; atthi attaṃ, kuto nirattaṃ vā ti.
_________________________________
[page 353]
S.N. 920] Tuvaṭakasuttaniddeso. 353
Sn_IV,14.6(=920): Majjhe yathā samuddassa
ūmi no jāyati, ṭhito hoti,
evaṃ ṭhito anej'; assa:
ussadaṃ bhikkhu na kareyya kuhiñci. || Nidd_I.14:6 ||
Majjhe yathā samuddassa ūmi no jāyati, ṭhito hotī ti.
Samuddo caturāsītiyojanasahassāni ubbedhena gambhīro; heṭṭhā cattāḷīsayojanasahassāni udakaṃ macchakacchapehi kampati, upari cattāḷīsayojanasahassāni udakaṃ vātehi kampati, majjhe cattāri yojanasahassāni udakaṃ na kampati na vikampati na calati na vedhati na pavedhati na sampavedhati anerito aghaṭṭhito acalito aluḷito abhanto vūpasanto, tatra ūmi no jāyati, ṭhito hoti samuddo ti, evam pi majjhe yathā samuddassa ūmi no jāyati, ṭhito hoti. Athavā sattannaṃ pabbatānaṃ antarikāsu sīdantarasamuddo, tatra udakaṃ na kampati na vikampati na calati na vedhati na pavedhati na sampavedhati, anerito aghaṭṭito acalito aluḷito abhanto vūpasanto, tatra ūmi no jāyati, ṭhito hoti samuddo ti, evam pi majjhe yathā samuddassa ūmi no jāyati, ṭhito hoti.
Evaṃ ṭhito anej'; assā ti. Evan ti opammasampaṭipādanā. Ṭhito ti lābhe pi na kampati, alābhe pi na kampati, yase pi na kampati, ayase pi na kampati, pasaṃsāya pi na kampati, nindāya pi na kampati, sukhe pi na kampati, dukkhe pi na kampati na vikampati na calati na vedhati na pavedhati na sampavedhatī ti, evaṃ ṭhito. Anej'; assā ti. Ejā vuccati taṇhā; yo rāgo sārāgo . . . pe . . . abhijjhā lobho akusalamūlaṃ. Yass'; esā ejā taṇhā pahīnā samucchinnā vūpasantā paṭipassaddhā abhabbuppattikā ñāṇagginā daḍḍhā, so vuccati anejo, ejāya pahīnattā anejo, so lābhe pi na iñjati, alābhe pi na iñjati, yase pi na iñjati, ayase pi na iñjati,
[page 354]
354 Aṭṭhakavaggo. [S.N. 920
[... content straddling page break has been moved to the page above ...] pasaṃsāya pi na iñjati, nindāya pi na iñjati, sukhe pi na iñjati, dukkhe pi na iñjati na calati na vedhati na pavedhati na sampavedhatī ti, evaṃ ṭhito anej'; assa.
Ussadaṃ bhikkhu na kareyya kuhiñcī ti. Ussadā ti satt'; ussadā, rāgussado dosussado mohussado mānussado diṭṭhussado kilesussado kammussado, taṃ na kareyya na janeyya na sañjaneyya na nibbatteyya nābhinibbatteyya. Kuhiñcī ti kuhiñci kimhici katthaci ajjhattaṃ vā bahiddhā vā ajjhattabahiddhā vā ti, ussadaṃ bhikkhu na kareyya kuhiñci. Ten'; āha Bhagavā:
Majjhe yathā samuddassa
ūmi no jāyati, ṭhito hoti,
evaṃ ṭhito anej'; assa:
ussadaṃ bhikkhu na kareyya kuhiñcī ti.
_________________________________
Sn_IV,14.7(=921): Akittayi vivaṭacakkhu
sakkhidhammaṃ parissayavinayaṃ,
paṭipadaṃ vadehi, bhaddan te,
pātimokkhaṃ athavā pi samādhiṃ. || Nidd_I.14:7 ||
Akittayi vivaṭacakkhū ti. Akittayī ti akittayi parikittayi ācikkhi desesi paññāpesi paṭṭhapesi vivari vibhaji uttānim akāsi pakāsesi ti, akittayi. Vivaṭacakkhū ti Bhagavā pañcahi cakkhūhi vivaṭacakkhu, maṃsacakkhunā pi vivaṭacakkhu, dibbacakkhunā pi vivaṭacakkhu, paññācakkhunā pi vivaṭacakkhu, buddhacakkhunā pi vivaṭacakkhu, samantacakkhunā pi vivaṭacakkhu.
Kathaṃ Bhagavā maṃsacakkhunā pi vivaṭacakkhu? Maṃsacakkhumhi Bhagavato pañca vaṇṇā saṃvijjanti: nīlo ca vaṇṇo, pītako ca vaṇṇo, lohitako ca vaṇṇo, kaṇho ca vaṇṇo,
[page 355]
S.N. 921] Tuvaṭakasuttaniddeso. 355
odāto ca vaṇṇo; yattha ca akkhilomāni patiṭṭhitāni, taṃ nīlaṃ hoti sunīlaṃ pāsādikaṃ dassaneyyaṃ ummārapupphasamānaṃ. Tassa parato pītakaṃ hoti, supītakaṃ suvaṇṇavaṇṇaṃ pāsādikaṃ dassaneyyaṃ kaṇṇikārapupphasamānaṃ; ubhayato ca akkhikūṭāni Bhagavato lohitakāni honti sulohitakāni pāsādikāni dassaneyyāni indagopakasamānāni. Majjhe kaṇhaṃ hoti sukaṇhaṃ alūkhaṃ siniddhaṃ pāsādikaṃ dassaneyyaṃ aḷāriṭṭhakasamānaṃ; tassa parato odātaṃ hoti suvodātaṃ setaṃ paṇḍaraṃ pāsādikaṃ dassaneyyaṃ osadhitārakasamānaṃ.
Tena Bhagavā pākatikena maṃsacakkhunā attabhāvapariyāpannena purimasucaritakammābhinibbattena samantā yojanaṃ passati divā c'; eva rattiñ ca. Yadā pi caturaṅgasamannāgato andhakāro hoti, suriyo ca atthaṅgamito hoti, kāḷapakkho ca uposatho hoti, tibbo ca vanasaṇḍo hoti, mahā ca akālamegho abbhuṭṭhito hoti, evarūpe pi caturaṅgasamannāgate andhakāre samantā yojanaṃ passati, n'; atthi so kūṭo vā kavāṭaṃ vā pākāro vā pabbato vā gacchaṃ vā latā vā āvaraṇaṃ rūpānaṃ dassanāya. Ekañ ce tilaphalaṃ nimittaṃ katvā tilavāhe pakkhipeyya, tañ ñeva tilaphalaṃ uddhareyya, evaṃ parisuddhaṃ Bhagavato pākatikamaṃsacakkhu; evaṃ Bhagavā maṃsacakkhunā vivaṭacakkhu.
Kathaṃ Bhagavā dibbena cakkhunā pi vivaṭacakkhu?
*Bhagavā dibbena cakkhunā visuddhena atikkantamānusakena satte passati cavamāne upapajjamāne hīne paṇīte suvaṇṇe dubbaṇṇe sugate duggate yathākammūpage satte pajānāti: ime te bhonto sattā kāyaduccaritena samannāgatā vacīduccaritena samannāgatā manoduccaritena samannāgatā ariyānaṃ upavādakā micchādiṭṭhikā micchādiṭṭhikammasamādānā,
[page 356]
356 Aṭṭhakavaggo. [S.N. 921
[... content straddling page break has been moved to the page above ...] te kāyassa bhedā param maraṇā apāyaṃ duggatiṃ vinipātaṃ nirayaṃ upapannā; ime vā pana bhonto sattā kāyasucaritena samannāgatā vacīsucaritena samannāgatā manosucaritena samannāgatā ariyānaṃ anupavādakā sammādiṭṭhikā sammādiṭṭhikammasamādānā, te kāyassa bhedā {paraṃ maraṇā} sugatiṃ saggaṃ lokaṃ upapannā ti, iti dibbena cakkhunā visuddhena atikkantamānusakena satte passati cavamāne upapajjamāne hīne paṇīte suvaṇṇe dubbaṇṇe sugate duggate yathākammūpage satte pajānāti. Ākaṃkhamāno ca Bhagavā ekam pi lokadhātuṃ passeyya, dve pi lokadhātuyo passeyya, tisso pi lokadhātuyo passeyya, catasso pi lokadhātuyo passeyya, pañca pi lokadhātuyo passeyya, dasa pi lokadhātuyo passeyya, visam pi lokadhātuyo passeyya, tiṃsam pi lokadhātuyo passeyya, cattāḷīsam pi lokadhātuyo passeyya, paññāsam pi lokadhātuyo passeyya, sahassim pi cūḷanikaṃ lokadhātuṃ passeyya, dvisahassim pi majjhimikaṃ lokadhātuṃ passeyya tīsahassim pi lokadhātuṃ passeyya, mahāsahassiṃ pi lokadhātuṃ passeyya. Yāvatā vā pana ākaṃkheyya, tāvatakaṃ passeyya; evaṃ parisuddhaṃ Bhagavato dibbacakkhu; evaṃ Bhagavā dibbena cakkhunā vivaṭacakkhu.
Kathaṃ Bhagavā paññācakkhunā pi vivaṭacakkhu?
Bhagavā mahāpañño puthupañño hāsapañño javanapañño tikkhapañño nibbedhikapañño paññappabhedakusalo pabhinnañāṇo adhigatapaṭisambhido catuvesārajjappatto dasabaladhārī purisāsabho purisasīho purisanāgo purisājañño purisadhoreyho anantañāṇo anantatejo anantayaso aḍḍho mahaddhano dhanavā netā vinetā anunetā saññāpetā nijjhāpetā pekkhetā pasādetā. So hi Bhagavā anuppannassa maggassa uppādetā, asañjātassa maggassa sañjānetā, anakkhātassa maggassa akkhātā, maggaññū maggavidū maggakovido. Maggānugā ca pana etarahi sāvakā viharanti pacchā samannāgatā. So hi Bhagavā jānaṃ jānāti,
[page 357]
S.N. 921] Tuvaṭakasuttaniddeso. 357
[... content straddling page break has been moved to the page above ...] passaṃ passati, cakkhubhūto dhammabhūto ñāṇabhūto brahmabhūto vattā pavattā, atthassa ninnetā, amatassa dātā, dhammasāmī tathāgato. N'; atthi tassa Bhagavato añātaṃ adiṭṭhaṃ aviditaṃ asacchikataṃ aphusitaṃ paññāya. Atītānāgatapaccuppannaṃ upādāya sabbe dhammā sabbākāreṇa Buddhassa Bhagavato ñāṇamukhe āpāthaṃ āgacchanti. Yaṃ kiñci neyyaṃ nāma atthi dhammaṃ jānitabbaṃ, attattho vā, parattho vā, ubhayattho vā, diṭṭhadhammiko vā attho, samparāyiko vā attho, uttāno vā attho, gambhīro vā attho, guyho vā attho, paṭicchanno vā attho, neyyo vā attho, nīto vā attho, anavajjo vā attho, nikkileso vā attho, vodāno vā attho, paramattho vā, sabban taṃ anto buddhañāṇe parivattati. Atīte Buddhassa Bhagavato appaṭihataṃ ñāṇaṃ, anāgate paccuppanne appaṭihataṃ ñāṇaṃ, sabbaṃ kāyakammaṃ Buddhassa Bhagavato ñāṇānuparivatti.
Sabbaṃ vacīkammaṃ, sabbaṃ manokammaṃ Buddhassa Bhagavato ñāṇānuparivatti. Yāvatakaṃ neyyaṃ tāvatakaṃ ñāṇaṃ, yāvatakaṃ ñāṇaṃ tāvatakaṃ neyyaṃ; neyyapariyantikaṃ ñāṇaṃ, ñāṇapariyantikaṃ neyyaṃ; neyyaṃ atikkamitvā ñāṇaṃ na-ppavattati, ñāṇaṃ atikkamitvā neyyapatho n'; atthi; aññamaññaṃ pariyantaṭṭhāyino te dhammā. Yathā dvinnaṃ samuggapaṭalānaṃ sammāphusitānaṃ heṭṭhimaṃ samuggapaṭalaṃ uparimaṃ va nātivattati, uparimaṃ samuggapaṭalaṃ heṭṭhimaṃ va nātivattati aññamaññapariyantaṭṭhāyino evam eva Buddhassa Bhagavato neyyañ ca ñāṇañ ca añña maññaṃ pariyantaṭṭhāyino; yāvatakaṃ neyyaṃ tāvatakaṃ ñāṇaṃ,
[page 358]
358 Aṭṭhakavaggo. [S.N. 921
[... content straddling page break has been moved to the page above ...] yāvatakaṃ ñāṇaṃ tāvatakaṃ neyyaṃ; neyyapariyantikaṃ ñāṇaṃ, ñāṇapariyantikaṃ neyyaṃ; neyyaṃ atikkamitvā ñāṇaṃ na-ppavattati, ñāṇaṃ atikkamitvā neyyapatho n'; atthi; aññamaññaṃ pariyantaṭṭhāyino te dhammā. Sabbadhammesu Buddhassa Bhagavato ñāṇaṃ parivattati, sabbe dhammā Buddhassa Bhagavato āvajjanapaṭibaddhā ākaṃkhapaṭibaddhā manasikārapaṭibaddhā cittuppādapaṭibaddhā. Sabbasattesu Buddhassa Bhagavato ñāṇaṃ parivattati, sabbesaṃ sattānaṃ Bhagavā āsayaṃ jānāti, anusayaṃ jānāti, caritaṃ jānāti, adhimuttiṃ jānāti. Apparajakkhe mahārajakkhe tikkhindriye mudindriye svākāre dvākāre suviññāpaye duviññāpaye bhabbābhabbe satte jānāti. Sadevako loko samārako sabrahmako sassamaṇabrāhmaṇī pajā sadevamanussā anto buddhañāṇe parivattati. Yathā ye keci macchakacchapā antamaso timitimiṅgalaṃ upādāya anto mahāsamudde parivattanti, evam eva sadevako loko samārako sabrahmako sassamaṇabrāhmaṇī pajā sadevamanussā anto buddhañāṇe parivattati. Yathā ye keci pakkhī antamaso garuḷaṃ venateyyaṃ upādāya ākāsassa padese parivattanti, evam eva ye pi te Sāriputtasamā paññāya te pi buddhañāṇassa padese parivattanti. Buddhañāṇaṃ devamanussānaṃ pañhaṃ pharitvā abhibhavitvā tiṭṭhati; ye pi te khattiyapaṇḍitā brāhmaṇapaṇḍitā gahapatipaṇḍitā samaṇapaṇḍitā nipuṇā parappavādā bālavedhirūpā vobhindantā maññe caranti paññāgatena diṭṭhigatāni. Te pañhaṃ abhisaṃkharitvā abhisaṃkharitvā tathāgataṃ upasaṅkamitvā pucchanti, kathitā visajjitā ca te pañhā Bhagavatā honti, niddiṭṭhakāraṇā upakkitakā ca.
[page 359]
S.N. 921] Tuvaṭakasuttaniddeso. 359
[... content straddling page break has been moved to the page above ...] Te Bhagavato sampajjante. Atha kho Bhagavā tattha atirocati yadidaṃ paññāyā ti; evaṃ Bhagavā paññācakkhunā pi vivaṭacakkhu.
Kathaṃ Bhagavā buddhacakkhunā pi vivaṭacakkhu?
Bhagavā buddhacakkhunā lokaṃ volokento addasa satte apparajakkhe mahārajakkhe tikkhindriye mudindriye svākāre dvākāre suviññāpaye duviññāpaye app-ekacce paralokavajjabhayadassāvino viharante. Seyyathā pi nāma uppaliniyaṃ vā paduminiyaṃ vā puṇḍarīkiniyaṃ vā appekaccāni uppalāni vā padumāni vā puṇḍarīkāni vā udake jātāni udake saṃvaḍḍhāni udakānuggatāni antonimuggapositāni, app-ekaccāni uppalāni vā padumāni vā puṇḍarīkāni vā udake jātāni udake saṃvaddhāni samodakaṇṭhitāni. app-ekaccāni uppalāni vā padumāni vā puṇḍarīkāni vā udake jātāni udake saṃvaḍḍhāni udakā accuggamma tiṭṭhanti anupalittāni udakena; evam eva Bhagavā buddhacakkhunā lokaṃ volokento addasa satte apparajakkhe mahārajakkhe tikkhindriye mudindriye svākāre dvākāre suviññāpaye duviññāpaye app-ekacce paralokavajjabhayadassāvino viharante. Jānāti Bhagavā, ayaṃ puggalo rāgacarito, ayaṃ dosacarito, ayaṃ mohacarito, ayaṃ vitakkacarito, ayaṃ saddhācarito, ayaṃ ñāṇacarito ti.
Rāgacaritassa Bhagavā puggalassa asubhakathaṃ katheti.
Dosacaritassa Bhagavā puggalassa mettābhāvanaṃ ācikkhati. Mohacaritaṃ Bhagavā puggalaṃ uddese paripucchāya kālena dhammassavane kālena dhammasākacchāya garusaṃvāse niveseti. Vitakkacaritassa Bhagavā puggalassa ānāpānasatiṃ ācikkhati. Saddhācaritassa Bhagavā puggalassa pāsādanīyaṃ nimittaṃ ācikkhati buddhasubodhiṃ dhammasudhammataṃ saṃghasupaṭipattiṃ sīlāni ca attano.
[page 360]
360 Aṭṭhakavaggo. [S.N. 921
[... content straddling page break has been moved to the page above ...] Ñāṇacaritassa Bhagavā puggalassa vipassanānimittaṃ ācikkhati aniccākāraṃ dukkhākāraṃ anattākāraṃ.
*Sele yathā pabbatamuddhaniṭṭhito.
yathā pi passe janataṃ samantato,
tathūpamaṃ dhammam ayaṃ Sumedha
pāsādam āruyha samantacakkhu,
sokāvakiṇṇaṃ janatam apetasoko
avekkhasu jātijarābhibhūtan ti; evaṃ Bhagavā buddhacakkhunā pi vivaṭacakkhu.
Kathaṃ Bhagavā samantacakkhunā pi vivaṭacakkhu?
Samantacakkhu vuccati sabbaññutañāṇaṃ. Bhagavā sabbaññutañāṇena upeto samupeto upagato samupagato upapanno samupapanno samannāgato, na tassa adiṭṭham idh'; atthi kiñci; atho aviññātaṃ ajānitabbaṃ; sabbaṃ abhiññāsi, yad atthi neyyaṃ. Tathāgato tena samantacakkhū ti, evaṃ Bhagavā samantacakkhunā pi vivaṭacakkhū ti, akittayi vivaṭacakkhu.
Sakkhidhammaṃ parissayavinayan ti. Sakkhidhamman ti na itihitihaṃ, na itikirāya na paramparāya, na piṭakasampadāya, na takkahetu, na nayahetu, na ākāraparivitakkena, na diṭṭhinijjhānakkhantiyā, sāmaṃ sayam abhiññātaṃ attapaccakkhadhamman ti, sakkhidhammaṃ. Parissayavinayan ti parissayā ti dve parissayā, pākaṭaparissayā ca paṭicchannaparissayā ca.
Katame pākaṭaparissayā? Sīhā byagghā dīpi-acchataracchā kokā gomahisā hatthī ahi-vicchikā satapadī corā vā assu,
[page 361]
S.N. 921] Tuvatakasuttaniddeso. 361
[... content straddling page break has been moved to the page above ...] māṇavā katakammā vā akatakammā vā, cakkhurogo sotarogo ghānarogo jivhārogo kāyarogo sīsarogo kaṇṇarogo mukharogo dantarogo kāso sāso pināso ḍāho jaro kucchirogo mucchā pakkhandikā sūlā visūcikā kuṭṭhaṃ gaṇḍo kilāso soso apamāro daddu kaṇḍu kacchu rakhasā vitacchikā lohitapittaṃ madhumeho aṃsā piḷakā bhagandalā, pittasamuṭṭhānā ābādhā, semhasamuṭṭhānā ābādhā, vātasamuṭṭhānā ābādhā, sannipātikā ābādhā, utupariṇāmajā ābādhā, visamaparihārajā ābādhā, opakkamikā ābādhā, kammavipākajā ābādhā, sītaṃ uṇhaṃ jighacchā pipāsā uccāro passāvo ḍaṃsamakasavātātapasiriṃsapasamphassā iti vā; ime vuccanti pākaṭaparissayā.
Katame paṭicchannaparissayā? Kāyaduccaritaṃ vacīduccaritaṃ manoduccaritaṃ kāmachandanīvaraṇaṃ byāpādanīvaraṇaṃ ṭhīnamiddhanīvaraṇaṃ uddhaccakukkuccanīvaraṇaṃ vicikicchānīvaraṇaṃ rāgo doso moho kodho upanāho makkho paḷāso issā macchariyaṃ māyā sāṭheyyaṃ thambho sārambho māno atimāno mado pamādo, sabbe kilesā, sabbāni duccaritāni, sabbe darathā, sabbe pariḷāhā, sabbe santāpā, sabbākusalābhisaṃkhārā; ime vuccanti paṭicchannaparissayā. Parissayā ti ken'; atthena parissayā? Parisahantī ti parissayā, parihānāya saṃvattantī ti parissayā, tatr'; āsayā ti, parissayā.
Kathaṃ parisahantī ti parissayā? Te parissayā taṃ puggalaṃ sahanti parisahanti abhibhavanti ajjhottharanti pariyādiyanti maddanti, evaṃ parisahantī ti, parissayā.
Kathaṃ parihānāya saṃvattantī ti parissayā? Te parissayā kusalānaṃ dhammānaṃ parihānāya antarāyāya saṃvattanti. Katamesaṃ kusalānaṃ dhammānaṃ? Sammāpaṭipadāya anulomapaṭipadāya apaccanīkapaṭipadāya anvatthapaṭipadāya dhammānudhammapaṭipadāya,
[page 362]
362 Aṭṭhakavaggo. [S.N. 921
[... content straddling page break has been moved to the page above ...] sīlesu paripūrakāritāya, indriyesu guttadvāratāya, bhojane mattaññutāya, jāgariyānuyogassa, satisampajaññassa, catunnaṃ satipaṭṭhānānaṃ bhāvanānuyogassa, catunnaṃ sammappadhānānaṃ, catunnaṃ iddhippādānaṃ, pañcannaṃ indriyānaṃ, pañcannaṃ balānaṃ, sattannaṃ bojjhaṅgānaṃ, ariyassa aṭṭhaṅgikassa maggassa bhāvanānuyogassa, imesaṃ kusalānaṃ dhammānaṃ parihānāya antarāyāya saṃvattanti; evaṃ parihānāya saṃvattantī ti, parissayā.
Kathaṃ tatr'; āsayā ti parissayā? Tatth'; ete pāpakā akusalā dhammā uppajjanti attabhāvasannissayā; yathā bile bilāsayā pāṇā sayanti, dake dakāsayā pāṇā sayanti, vane vanāsayā pāṇā sayanti, rukkhe rukkhāsayā pāṇā sayanti; evam eva tatth'; ete pāpakā akusalā dhammā upajjanti attabhāvasannissayā ti; evam pi tatr'; āsayā ti, parissayā.
Vuttaṃ h'; etaṃ Bhagavatā: *Sāntevāsiko bhikkhave bhikkhu sācariyako dukkhaṃ na phāsu viharati.
Kathañ ca bhikkhave bhikkhu sāntevāsiko sācariyako dukkhaṃ na phāsu viharati? Idha bhikkhave bhikkhuno cakkhunā rūpaṃ disvā uppajjanti pāpakā akusalā dhammā sarasaṃkappā saṃyojanīyā, ty assa anto vasanti anvāvasanti pāpakā akusalā dhammā ti, tasmā sāntevāsiko ti vuccati; te naṃ samudācaranti samudācaranti naṃ pāpakā akusalā dhammā ti, tasmā sācariyako ti vuccati. Puna c'; aparaṃ bhikkhave bhikkhuno sotena saddaṃ sutvā, ghānena gandhaṃ ghāyitvā, jivhāya rasaṃ sāyitvā, kāyena phoṭṭhabbaṃ phusitvā,
[page 363]
S.N. 921] Tuvaṭakasuttaniddeso. 363
[... content straddling page break has been moved to the page above ...] manasā dhammaṃ viññāya uppajjanti pāpakā akusalā dhammā sarasaṃkappā saṃyojanīyā, ty assa anto vasanti anvāvasanti pāpakā akusalā dhammā ti, tasmā sāntevāsiko ti vuccati; te naṃ {samudācaranti} samudacaranti naṃ pāpakā akusalā dhammā ti, tasmā sācariyako ti vuccati. Evaṃ kho bhikkhave bhikkhu sāntevāsiko sācariyako dukkhaṃ na phāsu viharatī ti, evam pi tatr'; āsayā ti, parissayā.
Vuttaṃ h'; etaṃ Bhagavatā: *Tayo me bhikkhave antarāmalā antarā-amittā antarāsapattā antarāvadhakā antarāpaccatthikā. Katame tayo? Lobho bhikkhave antarāmalaṃ antarā-amitto antarāsapatto antarāvadhako antarāpaccatthiko. Doso bhikkhave antarāmalaṃ antarāamitto antarāsapatto antarāvadhako antarāpaccatthiko.
Moho bhikkhave antarāmalaṃ antarā-amitto antarāsapatto antarāvadhako antarāpaccatthiko. Ime kho bhikkhave tayo antarāmalā antarā-amittā antarāsapattā antarāvadhakā antarāpaccatthikā ti.
Anatthajanano lobho, lobho cittappakopano,
bhayaṃ antarato jātaṃ taṃ jano nāvabujjhati.
Luddho atthaṃ na jānāti, luddho dhammaṃ na passati;
andhaṃ tamaṃ tadā hoti, yaṃ lobho sahate naraṃ.
Anatthajanano doso, doso cittappakopano,
bhayaṃ antarato jātaṃ taṃ jano nāvabujjhati.
Kuddho atthaṃ na jānāti, kuddho dhammaṃ na passati;
andhaṃ tamaṃ tadā hoti, yaṃ kodho sahate naraṃ.
[page 364]
364 Aṭṭhakavaggo. [S.N. 921
Anatthajanano moho, moho cittappakopano,
bhayaṃ antarato jātaṃ taṃ jano nāvabujjhati.
Mūḷho atthaṃ na jānāti, mūḷho dhammaṃ na passati;
andhaṃ tamaṃ tadā hoti, yaṃ moho sahate naran ti; evam pi tatr'; āsayā ti, parissayā.
Vuttaṃ h'; etaṃ Bhagavatā: *Tayo kho mahārāja purisassa dhammā ajjhattaṃ uppajjamānā uppajjanti ahitāya dukkhāya aphāsuvihārāya.
Katame tayo? Lobho kho mahārāja purisassa dhammo ajjhattaṃ uppajjamāno uppajjati ahitāya dukkhāya aphāsuvihārāya. Doso kho mahārāja purisassa dhammo ajjhattaṃ uppajjamāno uppajjati ahitāya dukkhāya aphāsuvihārāya. Moho kho mahārāja purisassa dhammo ajjhattaṃ uppajjamāno uppajjati ahitāya dukkhāya aphāsuvihārāya. Ime kho mahārāja purisassa dhammā ajjhattaṃ uppajjamānā uppajjanti ahitāya dukkhāya aphāsuvihārāya.
Lobho doso ca moho ca purisaṃ pāpacetasaṃ
hiṃsanti attasambhūtā tacasāraṃ va samphalan ti;
evam pi tatr'; āsayā ti, parissayā.
** Vuttaṃ h'; etaṃ Bhagavatā:
Rāgo ca doso ca itonidānā
aratī rati lomahaṃso ito jāto
ito samuṭṭhāya manovitakkā
kumārakā dhaṃkam iv'; ossajjantī ti; evam pi tatr'; āsayā ti, parissayā.
[page 365]
S.N. 922] Tuvaṭakasuttaniddeso. 365
Parissayavinayan ti parissayavinayaṃ parissayapahānaṃ parissayavūpasamaṃ parissayapaṭinissaggaṃ parissayapaṭipassaddhaṃ amataṃ nibbānan ti, sakkhidhammaṃ parissayavinayaṃ.
Paṭipadaṃ vadehi, bhaddan te ti. Paṭipadaṃ vadehi sammāpaṭipadaṃ anulomapaṭipadaṃ apaccanīkapaṭipadaṃ anvatthapaṭipadaṃ dhammānudhammapaṭipadaṃ, sīlesu pari pūrakāritaṃ, indriyesu guttadvārataṃ, bhojane mattaññutaṃ, jāgariyānuyogaṃ satisampajaññaṃ, cattāro satipaṭṭhāne, cattāro sammappadhāne, cattāro iddhippāde, pañcindriyāni pañcabalāni sattabojjhaṅge ariyaṃ aṭṭhaṅgikaṃ maggaṃ nibbānañ ca nibbānagāminiñ ca paṭipadaṃ vadehi ācikkha desehi paññapehi paṭṭhapehi vivara vibhaja uttānīkarohi pakāsehī ti, paṭipadaṃ vadehi. Bhaddan te ti so nimmito Buddhaṃ Bhagavantaṃ ālapati. Athavā yaṃ tvaṃ dhammaṃ ācikkhi desesi paññapesi paṭṭhapesi vivari vibhaji uttānī-akāsi pakāsesi, sabbantaṃ sundaraṃ bhaddakaṃ kalyāṇaṃ anavajjaṃ sevitabban ti, paṭipadaṃ vadehi bhaddan te.
Pātimokkhaṃ athavā pi samādhin ti. Pātimokkhan ti sīlaṃ patiṭṭhā ādicaraṇaṃ saṃyamo saṃvaro mukhaṃ pamukhaṃ kusalānaṃ dhammānaṃ samāpattiyā. Athavā pi samādhin ti yā cittassa ṭhiti saṇṭhiti avaṭṭhiti avisāhāro avikkhepo avisāhatamānasatā samatho samādhindriyaṃ samādhibalaṃ sammāsamādhī ti, pātimokkhaṃ athavā pi samādhiṃ.
Ten'; āha so nimmito:
Akittayi vivaṭacakkhu
sakkhidhammaṃ parissayavinayaṃ,
paṭipadaṃ vadehi, bhaddan te,
pātimokkhaṃ athavā pi samādhin ti.
_________________________________
Sn_IV,14.8(=922): Cakkhūhi n'; eva lol'; assa,
gāmakathāya āvaraye sotaṃ,
rase ca nānugijjheyya,
na ca mamāyetha kiñci lokasmiṃ. || Nidd_I.14:8 ||
[page 366]
366 Aṭṭhakavaggo. [S.N. 922
Cakkhūhi n'; eva lol'; assā ti kathaṃ cakkhulolo hoti?
Idh'; ekacco cakkhulolo cakkhuloliyena samannāgato hoti, adiṭṭhaṃ dakkhitabbaṃ, diṭṭhaṃ samatikkamitabban ti ārāmena ārāmaṃ uyyānena uyyānaṃ gāmena gāmaṃ nigamena nigamaṃ nagarena nagaraṃ raṭṭhena raṭṭhaṃ janapadena janapadaṃ dīghacārikaṃ anavatthitacārikaṃ anuyutto viharati rūpadassanāya; evam pi cakkhulolo hoti. Athavā antaragharaṃ paviṭṭho vīthiṃ paṭipanno asaṃvuto gacchati, hatthiṃ olokento assaṃ olokento rathaṃ olokento pattiṃ olokento itthiyo olokento purise olokento kumārake olokento kumārikāyo olokento antarāpaṇaṃ olokento gharamukhāni olokento uddhaṃ olokento adho olokento disāvidisaṃ pekkhamāno gacchati; evam pi cakkhulolo hoti. Athavā cakkhunā rūpaṃ disvā nimittaggāhī hoti anubyañjanaggāhī; yatvādhikaraṇam enaṃ cakkhundriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ; tassa saṃvarāya na paṭipajjati; na rakkhati cakkhundriyaṃ, cakkhundriye na saṃvaraṃ āpajjati; evam pi cakkhulolo hoti.
*Yathā vā pan'; eke bhonto samaṇabrāhmaṇā saddhādeyyāni bhojanāni bhuñjitvā te evarūpaṃ visūkadassanaṃ anuyuttā viharanti, seyyathīdaṃ naccaṃ gītaṃ vāditaṃ pekkhaṃ akkhānaṃ pāṇissaraṃ vetāḷaṃ kumbhathūnaṃ sobhanagarakaṃ caṇḍālaṃ vaṃsaṃ dhovanaṃ hatthiyuddham assayuddhaṃ mahisayuddhaṃ usabhayuddhaṃ goyuddhaṃ meṇḍayuddhaṃ kukkuṭayuddhaṃ vaṭṭakayuddhaṃ daṇḍayuddhaṃ muṭṭhiyuddhaṃ nibbuddhaṃ uyyodhikaṃ balaggaṃ senābyūhaṃ aṇīkadassanaṃ iti vā,
[page 367]
S.N. 922] Tuvaṭakasuttaniddeso. 367
[... content straddling page break has been moved to the page above ...] evam pi cakkhulolo hoti.
Kathaṃ na cakkhulolo hoti? Idha bhikkhu antaragharaṃ paviṭṭho vīthiṃ paṭipanno saṃvuto gacchati, na hatthiṃ olokento na assaṃ olokento na rathaṃ olokento na pattiṃ olokento na itthiyo olokento na purise olokento na kumārake olokento na kumārikāyo olokento na antarāpaṇaṃ olokento na gharamukhāni olokento na uddhaṃ olokento na adho olokento na disāvidisaṃ pekkhamāno gacchatī; evam pi na cakkhulolo hoti. Athavā bhikkhu cakkhunā rūpaṃ disvā na nimittaggāhī hoti nānubyañjanaggāhī; yatvādhikaraṇam enaṃ cakkhundriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ, tassa saṃvarāya paṭipajjati, rakkhati cakkhundriyaṃ, cakkhundriye saṃvaraṃ āpajjati; evam pi na cakkhulolo hoti. *Yathā vā pan'; eke bhonto samaṇabrāhmaṇā saddhādeyyāni bhojanāni bhuñjitvā, te evarūpaṃ visūkadassanaṃ anuyuttā viharanti, seyyathīdaṃ naccaṃ gītaṃ vāditaṃ pekkhaṃ akkhānaṃ . . . pe . . . aṇīkadassanaṃ iti vā, evarūpā visūkadassanānuyogā paṭivirato hoti; evam pi na cakkhulolo hoti. Cakkhūhi n'; eva lol'; assā ti cakkhuloliyaṃ pajaheyya vinodeyya byantīkareyya anabhāvaṃ gameyya; cakkhuloliyā ārato assa virato paṭivirato nikkhanto nissaṭṭho vippamutto visaṃyutto vimariyādikatena cetasā vihareyyā ti, cakkhūhi n'; eva lol'; assa.
Gāmakathāya āvaraye sotan ti. Gāmakathā vuccanti battiṃsa tiracchānakathā, seyyathīdaṃ **rājakathā corakathā mahāmattakathā senākathā bhayakathā yuddhakathā annakathā pānakathā vatthakathā yānakathā sayanakathā mālākathā gandhakathā ñātikathā gāmakathā nigamakathā nagarakathā janapadakathā itthīkathā purisakathā sūrakathā visikkhākathā kumbhaṭṭhānakathā pubbapetakathā nānattakathā lokakkhāyikā samuddakkhāyikā itibhavābhavakathā iti vā ti,
[page 368]
368 Aṭṭhakavaggo. [S.N. 922
[... content straddling page break has been moved to the page above ...] gāmakathāya. Āvaraye sotan ti gāmakathāya sotaṃ āvareyya nivāreyya sannivāreyya rakkheyya gopeyya pidaheyya pacchindeyyā ti, gāmakathāya āvaraye sotaṃ.
Rase ca nānugijjheyyā ti. Raso ti mūlaraso khandharaso tacaraso pattaraso puppharaso phalaraso ambilaṃ madhuraṃ tittikaṃ kaṭukaṃ loṇikaṃ khārikaṃ ambilaṃ kasāvo sāduṃ asāduṃ sītaṃ uṇhaṃ. Sant'; eke samaṇabrāhmaṇā rasagiddhā. Te jivhaggena rasaggāni pariyesantā āhiṇḍanti. Teambilaṃ labhitvā anambilaṃ pariyesanti, anambilaṃ labhitvā ambilaṃ pariyesanti . . . pe . . . sītaṃ labhitvā uṇhaṃ pariyesanti, uṇhaṃ labhitvā sītaṃ pariyesanti; te yaṃ yaṃ labhitvā tena tena na tussanti aparāparaṃ pariyesanti; manāpikesu rasesu rattā giddhā gadhitā mucchitā ajjhopannā laggā laggitā palibuddhā. Yass'; esā rasataṇhā pahīnā samucchinnā . . . pe . . . ñāṇagginā daḍḍhā; so paṭisaṃkhā yoniso āhāraṃ āhāreti, n'; eva davāya na madāya na maṇḍanāya na vibhūsanāya yāvad eva imassa kāyassa ṭhitiyā yāpanāya vihiṃsuparatiyā brahmacariyānuggahāya . . . pe . . . phāsuvihāro cā ti; yathā vaṇaṃ ālimpeyya yāvad eva āruhaṇatthāya, yathā vā pana akkhaṃ abbhañjeyya yāvad eva bhārassa nittharaṇatthāya, yathā vā pana puttamaṃsaṃ āhāreyya yāvad eva kantārassa nittharaṇatthāya; evam eva bhikkhu paṭisaṃkhā yoniso āhāraṃ āhāreti n'; eva davāya
[page 369]
S.N. 923] Tuvaṭakasuttaniddeso. 369
[... content straddling page break has been moved to the page above ...] . . . pe . . . anavajjatā ca phāsuvihāro cā ti rasataṇhaṃ pajaheyya vinodeyya byantīkareyya anabhāvaṃ gameyya; rasataṇhāya ārato assa virato paṭivirato nikkhanto nissaṭṭho vippamutto visaṃyutto vimariyādikatena cetasā vihareyyā ti, rase ca nānugijjheyya.
Na ca mamāyetha kiñci lokasmin ti. Mamattā ti dve mamattā, taṇhamamattañ ca diṭṭhimamattañ ca . . . pe . . . idaṃ taṇhāmamattaṃ . . . pe . . . idaṃ diṭṭhimamattaṃ. Taṇhāmamattaṃ pahāya diṭṭhimamattaṃ paṭinissajjitvā cakkhuṃ na mamāyeyya na gaṇheyya na parāmaseyya nābhiniviseyya, sotaṃ ghānaṃ jivhaṃ kāyaṃ rūpe sadde gandhe rase phoṭṭhabbe kulaṃ gaṇaṃ āvāsaṃ lābhaṃ yasaṃ pasaṃsaṃ sukhaṃ cīvaraṃ piṇḍapātaṃ senāsanaṃ gilānapaccayabhesajjaparikkhāraṃ kāmadhātuṃ rūpadhātuṃ arūpadhātuṃ kāmabhavaṃ rūpabhavaṃ arūpabhavaṃ saññābhavaṃ asaññābhavaṃ nevasaññānāsaññābhavaṃ ekavokārabhavaṃ catuvokārabhavaṃ pañcavokārabhavaṃ atītaṃ anāgataṃ paccuppannaṃ diṭṭhasutamutaviññātabbe dhamme na mamāyeyya na gaṇheyya na parāmaseyya nābhiniviseyya. Kiñcī ti kiñci rūpagataṃ vedanāgataṃ saññāgataṃ saṃkhāragataṃ viññāṇagataṃ. Lokasmin ti āpāyaloke . . . pe . . . āyatanaloke ti, na ca mamāyetha kiñci lokasmiṃ. Ten'; āha Bhagavā:
Cakkhūhi n'; eva lol assa,
gāmakathāya āvaraye sotaṃ,
rase ca nānugijjheyya,
na ca mamāyetha kiñci lokasmin ti.
_________________________________
Sn_IV,14.9(=923): Phassena yadā phuṭṭh'; assa,
paridevaṃ bhikkhu na kareyya kuhiñci,
bhavañ ca nābhijappeyya
bheravesu ca na sampavedheyya. || Nidd_I.14:9 ||
[page 370]
370 Aṭṭhakavaggo. [S.N. 923
Phassena yadā {phuṭṭh'; assā} ti. Phasso ti rogaphassena phuṭṭho pareto samohito samannāgato assa, cakkhurogena phuṭṭho pareto samohito samannāgato assa, sotarogena, ghānarogena, jivhārogena, kāyarogena, sīsarogena, kaṇṇarogena, sallarogena, mukharogena, dantarogena, kāsena, sāsena, pināsena, ḍāhena, jareṇa, kucchirogena, mucchāya, pakkhandikāya, sūlāya, visūcikāya, kuṭṭhena, gaṇḍena, kilāsena sosena, apamārena, dadduyā, kaṇḍuyā, kacchuyā, rakhasāya, vitacchikāya, lohitena, pittena, madhumehena, aṃsāya, piḷakāya, bhagandalāya, pittasamuṭṭhānehi ābādhehi, semhasamuṭṭhānehi ābādhehi, vātasamuṭṭhānehi ābādhehi, sannipātikehi ābādhehi, utupariṇāmajehi ābādhehi, visamaparihārajehi ābādhehi, opakkamikehi ābādhehi, kammavipākajehi ābādhehi, sītena, uṇhena, jighacchāya, pipāsāya, uccārena, passāvena, ḍaṃsamakasavātātapasiriṃsapasamphassehi phuṭṭho pareto samohito samannāgato assā ti, phassena yadā phuṭṭh'; assa.
Paridevaṃ bhikkhu na kareyya kuhiñcī ti ādevaṃ paridevaṃ ādevanaṃ paridevanaṃ ādevitattaṃ paridevitattaṃ vācāpalāpaṃ vippalāpaṃ lālappaṃ lālappāyanaṃ lālappāyitattaṃ na kareyya na janeyya na sañjaneyya na nibbatteyya nābhinibbatteyya kuhiñcī ti. Kuhiñci kimhici katthaci ajjhattaṃ vā bahiddhā vā ajjhattabahiddhā vā ti, paridevaṃ bhikkhu na kareyya kuhiñci.
Bhavañ ca nābhijappeyyā ti kāmabhavaṃ na jappeyya, rūpabhavaṃ na jappeyya, arūpabhavaṃ na jappeyya na pajappeyya nābhijappeyyā ti, bhavañ ca nābhijappeyya.
Bheravesu ca na sampavedheyyā ti. Bheravā ti ekena ākārena bhayam pi bheravam pi tañ ñeva. Vuttaṃ h'; etaṃ Bhagavatā:
[page 371]
S.N. 924] Tuvaṭakasuttaniddeso. 371
[... content straddling page break has been moved to the page above ...] *Etaṃ nūna taṃ bhayaṃ bheravaṃ āgacchatī ti. Bahiddhārammaṇaṃ vuttaṃ sīhā byagghā dīpi acchā taracchā kokā gomahisā hatthī ahi vicchikā satapadī corā vā assu, māṇavā vā katakammā vā akatakammā vā. Athāparena ākārena bhayaṃ vuccati ajjhattikaṃ cittasamuṭṭhānaṃ bhayaṃ bhayānakaṃ chambhitattaṃ lomahaṃso cetaso ubbego utrāso jātibhayaṃ jarābhayaṃ byādhibhayaṃ maraṇabhayaṃ rājabhayaṃ corabhayaṃ aggibhayaṃ udakabhayaṃ attānuvādabhayaṃ parānuvādabhayaṃ daṇḍabhayaṃ duggatibhayaṃ ūmibhayaṃ kumbhilabhayaṃ āvaṭṭabhayaṃ suṃsukārabhayaṃ ājīvakabhayaṃ asilokabhayaṃ parisāya sārajjabhayaṃ bhayānakaṃ chambhitattaṃ lomahaṃso cetaso ubbego utrāso.
Bheravesu ca na sampavedheyyā ti bherave passitvā vā suṇitvā vā na vedheyya na pavedheyya na sampavedheyya na taseyya na uttaseyya na parittaseyya na bhāyeyya na santāsaṃ āpajjeyya; abhīru assa achambhī anutrāsī apalāyī; pahīnabhayabheravo vigatalomahaṃso vihareyyā ti, bheravesu ca na sampavedheyya. Ten'; āha Bhagavā:
Phassena yadā phuṭṭh'; assa,
paridevaṃ bhikkhu na kareyya kuhiñci,
bhavañ ca nābhijappeyya,
bheravesu ca na sampavedheyyā ti.
_________________________________
Sn_IV,14.10(=924): Annānam atho pānānaṃ
khādanīyānaṃ atho pi vatthānaṃ
laddhā na sannidhiṃ kayirā,
na ca parittase tāni alabbhamāno. || Nidd_I.14:10 ||
[page 372]
372 Aṭṭhakavaggo. [S.N. 924
Annānam atho pānānaṃ, khādanīyānaṃ atho pi vatthānan ti. Annānan ti odano kummāso sattu maccho maṃsaṃ.
Pānānan ti aṭṭha pānāni, ambapānaṃ jambūpānaṃ pocapānaṃ mocapānaṃ madhupānaṃ muddhikapānaṃ sālūkapānaṃ pharusakapānaṃ. Aparāni pi aṭṭha pānāni, kosambapānaṃ kolapānaṃ badarapānaṃ ghaṭapānaṃ telapānaṃ yāgupānaṃ payopānaṃ rasapānaṃ. Khādanīyānan ti piṭṭhakhajjakaṃ, pūvakhajjakaṃ mūlakhajjakaṃ tacakhajjakaṃ pattakhajjakaṃ pupphakhajjakaṃ phalakhajjakaṃ. Vatthānan ti cha cīvarāni, khomaṃ kappāsikaṃ koseyyaṃ kambalaṃ sāṇaṃ bhaṅgan ti, annānam atho pānānaṃ, khādanīyānaṃ atho pi vatthānaṃ.
Laddhā na sannidhiṃ kayirā ti. Laddhā ti laddhā labhitvā adhigantvā paṭilabhitvā na kuhanāya na lapanāya na nemittakatāya na nippesikatāya na lābhena lābhaṃ nijigiṃsanatāya na dārudānena na veḷudānena na pattadānena na pupphadānena na phaladānena na sinānadānena na cuṇṇadānena na mattikadānena na dantakaṭṭhadānena na mukhodakadānena na pātukamyatāya na muggasūpatāya na pāribhaṭyatāya na pīṭhamaddikatāya na vatthuvijjāya na tiracchānavijjāya na aṅgavijjāya na nakkhattavijjāya na dūtagamanena na pahīnagamanena na {jaṃghapesanikena} na vejjakammena na navakammena na piṇḍapaṭipiṇḍakena na dānānuppadānena dhammena samena laddhā labhitvā adhigantvā vinditvā paṭilabhitvā ti, laddhā. Na sannidhiṃ kayirā ti annasannidhiṃ pānasannidhiṃ vatthasannidhiṃ yānasannidhiṃ sayanasannidhiṃ gandhasannidhiṃ āmisasannidhiṃ na kareyya na janeyya na sañjaneyya na nibbatteyya nābhinibbatteyyā ti, laddhā na sannidhiṃ kayirā.
Na ca parittase tāni alabbhamāno ti annaṃ vā na labhāmi,
[page 373]
S.N. 925] Tuvaṭakasuttaniddeso. 373
[... content straddling page break has been moved to the page above ...] pānaṃ vā na labhāmi, vatthaṃ vā na labhāmi, kulaṃ vā na labhāmi, gaṇaṃ vā na labhāmi, āvāsaṃ vā na labhāmi, lābhaṃ vā na labhāmi, yasaṃ vā na labhāmi, pasaṃsaṃ vā na labhāmi, sukhaṃ vā na labhāmi, cīvaraṃ vā na labhāmi, piṇḍapātaṃ vā na labhāmi, senāsanaṃ vā na labhāmi, gilānapaccayabhesajjaparikkhāraṃ vā na labhāmi, gilānupaṭṭhākaṃ vā na labhāmi, appañāto 'mhī ti na taseyya na uttaseyya na parittaseyya na bhāyeyya na santāsaṃ āpajjeyya; abhīru assa achambhī anutrāsī apalāyī; pahīnabhayabheravo vigatalomahaṃso vihareyyā ti, na ca parittase tāni alabbhamāno.
Ten'; āha Bhagavā:
Annānam atho pānānaṃ
khādanīyānaṃ atho pi vatthānaṃ
laddhā na sannidhiṃ kayirā,
na ca parittase tāni alabbhamāno.
_________________________________
Sn_IV,14.11(=925): Jhāyī na pādalol'; assa,
virame kukkuccā, na-ppamajjeyya,
ath'; āsanesu sayanesu
appasaddesu bhikkhu vihareyya. || Nidd_I.14:11 ||
Jhāyī na pādalol'; assā ti. Jhāyī ti paṭhamena pi jhānena jhāyī, dutiyena pi jhānena jhāyī, tatiyena pi jhānena jhāyī, catutthena pi jhānena jhāyī, savitakkasavicārena pi jhānena jhāyī, avitakkavicāramattena pi jhānena jhāyī, avitakkaavicārena pi jhānena jhāyi, sappītikena pi jhānena jhāyī, nippītikena pi jhānena jhāyī, pītisahagatena pi jhānena jhāyī, sātasahagatena pi jhānena jhāyī, sukhasahagatena pi jhānena jhāyī, upekkhāsahagatena pi jhānena jhāyī, animittena pi jhānena jhāyī, appaṇihitena pi jhānena jhāyī, lokiyena pi jhānena jhāyī, lokuttarena pi jhānena jhāyī, jhānarato ekaggam anuyutto sadatthagaruko ti, jhāyī.
[page 374]
374 Aṭṭhakavaggo. [S.N. 925
Na pādalol'; assā ti kathaṃ pādalolo hoti? Idh'; ekacco pādalolo pādaloliyena samannāgato hoti, ārāmena ārāmaṃ uyyānena uyyānaṃ gāmena gāmaṃ nigamena nigamaṃ nagarena nagaraṃ raṭṭhena raṭṭhaṃ janapadena janapadaṃ dīghacārikaṃ anavatthitacārikaṃ anuyutto viharati; evam pi pādalolo hoti. Athavā bhikkhu anto saṃghārāme pādaloliyena samannāgato hoti. Na atthahetu na karaṇahetu uddhato avūpasantacitto pariveṇato pariveṇaṃ gacchati, vihārato vihāraṃ gacchati, aḍḍhayogato aḍḍhayogaṃ gacchati, pāsādato pāsādaṃ gacchati, hammiyato hammiyaṃ gacchati, guhato guhaṃ gacchati, leṇato leṇaṃ gacchati, kuṭito kuṭiṃ gacchati, kūṭāgārato kūṭāgāraṃ gacchati, aṭṭato aṭṭaṃ gacchati, māḷato māḷaṃ gacchati, uṭaṇḍato uṭaṇḍaṃ gacchati uddhositato uddhositaṃ gacchati, upaṭṭhānasālato upaṭṭhānasālaṃ gacchati, maṇḍalamāḷato maṇḍalamāḷaṃ gacchati, rukkhamūlato rukkhamūlaṃ gacchati, yattha vā pana bhikkhū nisīdanti tahiṃ gacchatī, tattha ekassa vā dutiyo hoti, dvinnaṃ vā tatiyo hoti, tiṇṇaṃ vā catuttho hoti, tattha bahuṃ sapphappalāpaṃ lapati, seyyathīdaṃ* rājakathaṃ corakathaṃ mahāmattakathaṃ senākathaṃ bhayakathaṃ yuddhakathaṃ annakathaṃ pānakathaṃ vatthakathaṃ yānakathaṃ sayanakathaṃ mālākathaṃ gandhakathaṃ ñātikathaṃ gāmakathaṃ nigamakathaṃ nagarakathaṃ janapadakathaṃ itthīkathaṃ purisakathaṃ sūrakathaṃ visikkhākathaṃ kumbhaṭṭhānakathaṃ pubbapetakathaṃ nānattakathaṃ lokakkhāyikaṃ samuddakkhāyikaṃ iti-bhavābhavakathaṃ iti vā; evaṃ pi pādalolo hoti. Na pādalol'; assā ti pādaloliyaṃ pajaheyya vinodeyya byantīkareyya anabhāvaṅgameyya; pādaloliyā ārato assa virato paṭivirato nikkhanto nissaṭṭho vippamutto visaṃyutto vimariyādikatena cetasā vihareyya careyya samācareyya iriyeyya vatteyya pāleyya yapeyya yāpeyya;
[page 375]
S.N. 925] Tuvaṭakasuttaniddeso. 375
[... content straddling page break has been moved to the page above ...] paṭisallānārāmo assa paṭisallānarato so ajjhattaṃ cetosamatham anuyutto anirākatajjhāno vipassanāya samannāgato brūhetā suññāgārānaṃ jhāyī jhānarato ekaggam anuyutto sadatthagaruko ti, jhāyī na pādalol'; assa. Virame kukkuccā na-ppamajjeyyā ti. Kukkuccan ti hatthakukkuccam pi kukkuccaṃ, pādakukkuccam pi kukkuccaṃ, hatthapādakukkuccam pi kukkuccaṃ kappiye akappiyasaññitā, akappiye kappiyasaññitā, avajje vajjasaññitā, vajje avajjasaññitā, evarūpaṃ kukkuccaṃ kukkuccāyanā, kukkuccāyitattaṃ, cetaso vippaṭisāro, manovilekho; idaṃ vuccati kukkuccaṃ. Api ca dvīhi kāraṇehi uppajjati kukkuccaṃ, cetaso vippaṭisāro manovilekho katattā ca akatattā ca.
Kathaṃ katattā ca akatattā ca uppajjati kukkuccaṃ cetaso vippaṭisāro manovilekho? Kataṃ me kāyaduccaritaṃ, akataṃ me kāyasucaritan ti uppajjati kukkuccaṃ cetaso vippaṭisāro manovilekho. Kataṃ me vacīduccaritaṃ, kataṃ me manoduccaritaṃ, kato me pāṇātipāto, akatā me pāṇātipātā veramaṇī ti uppajjati kukkuccaṃ . . . pe . . . manovilekho. Kataṃ me adinnādānaṃ, kato me kāmesu micchācāro, kato me musāvādo, katā me pisuṇā vācā, katā me pharusā vācā, kato me samphappalāpo, katā me abhijjhā, kato me byāpādo, katā me micchādiṭṭhi, akatā me sammādiṭṭhī ti uppajjati kukkuccaṃ cetaso vippaṭisāro manovilekho; evaṃ katattā ca akatattā ca uppajjati kukkuccaṃ cetaso vippaṭisāro manovilekho. Athavā sīlesu 'mhi aparipūrakārī ti,
[page 376]
376 Aṭṭhakavaggo. [S.N. 925
[... content straddling page break has been moved to the page above ...] indriyesu 'mhi aguttadvāro ti, bhojane amattaññu 'mhī ti, jāgariyaṃ ananuyutto 'mhī ti, na satisampajaññena samannāgato 'mhī ti, abhāvitā me cattāro satipaṭṭhānā ti, abhāvitā me cattāro sammappadhānā ti, abhāvitā me cattāro iddhippādā ti, abhāvitāni me pañc'; indriyānī ti, abhāvitāni me pañca balānī ti, abhāvitā me satta bojjhaṅgā ti, abhāvito me ariyo aṭṭhaṅgiko maggo ti, dukkhaṃ me apariññātan ti, samudayo me appahīno ti, maggo me abhāvito ti, nirodho me asacchikato ti uppajjati kukkuccaṃ cetaso vippaṭisāro manovilekho.
Virame kukkuccā ti kukkuccā ārameyya virameyya paṭivirameyya, kukkuccaṃ pajaheyya vinodeyya byantīkareyya anabhāvaṅgameyya; kukkuccā ārato assa virato paṭivirato nikkhanto nissaṭṭho vippamutto visaṃyutto vimariyādikatena cetasā vihareyyā ti, virame kukkuccā. Na-ppamajjeyyā ti sakkaccakārī assa sātaccakārī aṭṭhitakārī anolīnavuttiko anikkhittachando anikkhittadhuro appamādo kusalesu dhammesu. Kadāhaṃ aparipūraṃ vā sīlakkhandhaṃ paripūreyyaṃ, paripūraṃ vā sīlakkhandhaṃ tattha paññāya anugaṇheyyan? ti yo tattha chando ca vāyāmo ca ussāho ca ussoḷhī ca thāmo ca appaṭivānī ca satisampajaññañ ca ātappaṃ padhānaṃ adhiṭṭhānaṃ anuyogo appamādo kusalesu dhammesu. Kadāhaṃ aparipūraṃ vā samādhikhandhaṃ paññākhandhaṃ vimuttiñāṇadassanakhandhaṃ, kadāhaṃ appariññātaṃ vā dukkhaṃ parijāneyyaṃ, appahīne vā kilese pajaheyyaṃ, abhāvitaṃ vā maggaṃ bhāveyyaṃ, asacchikataṃ vā nirodhaṃ sacchikareyyan? ti yo tattha chando ca vāyāmo ca ussāho ca ussoḷhī ca thāmo ca appaṭivānī ca satisampajaññañ ca ātappaṃ padhānaṃ adhiṭṭhānaṃ anuyogo appamādo kusalesu dhammesū ti,
[page 377]
S.N. 926] Tuvaṭakasuttaniddeso. 377
[... content straddling page break has been moved to the page above ...] virame kukkuccā na-ppamajjeyya.
Ath'; āsanesu sayanesu appasaddesu bhikkhu vihareyyā ti.
Athā ti padasandhi . . . pe . . . Āsanaṃ vuccati yatthā nisīdati, mañco pīṭhaṃ bhisi taṭṭikā cammakhandho tiṇasaṇṭhāro palāsasaṇṭhāro. Sayanaṃ vuccati senāsanaṃ, vihāro aḍḍhayogo pāsādo hammiyaṃ guhā ti, ath'; āsanesu sayanesu. Appasaddesu bhikkhu vihareyyā ti appasaddesu appanigghosesu vijanavātesu manussarāhaseyyakesu paṭisallānasārūpesu senāsanesu careyya vihareyya iriyeyya vatteyya pāleyya yapeyya yāpeyyā ti, ath'; āsanesu sayanesu appasaddesu bhikkhu vihareyya. Ten'; āha Bhagavā:
Jhāyī na pādalol'; assa,
virame kukkuccā, na-ppamajjeyya,
ath'; āsanesu sayanesu
appasaddesu bhikkhu vihareyyā ti.
_________________________________
Sn_IV,14.12(=926): Niddaṃ na bahulīkareyya,
jāgariyaṃ bhajeyya ātāpī,
tandiṃ māyaṃ hasaṃ khiḍḍaṃ
methunaṃ vippajahe savibhūsaṃ. || Nidd_I.14:12 ||
Niddaṃ na bahulīkareyyā ti rattindivaṃ chakoṭṭhāsaṃ karitvā pañcakoṭṭhāsaṃ jāgareyya ekaṃkoṭṭhāsaṃ nippajjeyyā ti, niddaṃ na bahulīkareyya.
Jāgariyaṃ bhajeyya ātāpī ti Idha bhikkhu divasaṃ caṅkamena nisajjāya āvaraṇīyehi dhammehi cittaṃ parisodheyya. Rattiyā paṭhamaṃ yāmaṃ caṅkamena nisajjāya āvaraṇīyehi dhammehi cittaṃ parisodheyya. Rattiyā majjhimaṃ yāmaṃ dakkhiṇena passena sīhaseyyaṃ kappeyya pāde pādaṃ accādhāya sato sampajāno uṭṭhānasaññaṃ manasikaritvā.
[page 378]
378 Aṭṭhakavaggo. [S.N. 926
[... content straddling page break has been moved to the page above ...] Rattiyā pacchimaṃ yāmaṃ paccuṭṭhāya caṅkamena nisajjāya āvaraṇīyehi dhammehi cittaṃ parisodheyya.
Jāgariyaṃ bhajeyyā ti jāgariyaṃ bhajeyya sambhajeyya paṭiseveyyā ti, jāgariyaṃ bhajeyya. Ātāpī ti ātappaṃ vuccati viriyaṃ; yo cetasiko viriyārambho nikkamo parakkamo uyyāmo vāyāmo ussāho ussoḷhī thāmo dhiti asithilaparakkamatā anikkhittachandatā anikkhittadhuratā dhurasampaggāho viriyaṃ viriyindriyaṃ viriyabalaṃ sammāvāyāmo, iminā ātāpena upeto samupeto upagato samupagato upapanno samupapanno samannāgato, so vuccati ātāpī ti, jāgariyaṃ bhajeyya ātāpī.
Tandiṃ māyaṃ hasaṃ khiḍḍaṃ methunaṃ vippajahe savibhūsan ti. Tandī ti yā tandi tandiyanā tandiyitattaṃ tandimanattaṃ ālasiyaṃ ālasāyanā ālasāyitattaṃ, ayaṃ vuccati tandi. Māyā ti māyā vuccati vañcanikā cariyā.
Idh'; ekacco kāyena duccaritaṃ caritvā, vācāya duccaritam caritvā, manasā duccaritaṃ caritvā tassa paṭicchādanahetu pāpikaṃ icchaṃ panidahati, mā maṃ jaññā ti icchati, mā maṃ jaññā ti saṃkappeti, mā maṃ jaññā ti vācaṃ bhāsati, mā maṃ jaññā ti kāyena parakkamati; yā evarūpā māyā māyāvitā accasarā vañcanā nikati nikiraṇā pariharaṇā gūhanā parigūhanā chādanā paṭicchādanā anuttānīkammaṃ anāvikammaṃ vocchādanā pāpakiriyā, ayaṃ vuccati māyā.
Hasan ti idh'; ekacco ativelaṃ dantavidaṃsakaṃ hasati.
Vuttaṃ h'; etaṃ Bhagavatā: *Kumārakam idaṃ bhikkhave ariyassa vinaye;
[page 379]
S.N. 926] Tuvaṭakasuttaniddeso. 379
[... content straddling page break has been moved to the page above ...] yadidaṃ ativelaṃ dantavidaṃsakaṃ hasitan ti.
Khiḍḍā ti dve khiḍḍā, kāyikā ca khiḍḍā vācasikā ca khiḍḍā.
Katamā kāyikā khiḍḍā? *Hatthīhi pi kilanti, assehi pi kilanti, rathehi pi kilanti, dhanuhi pi kilanti, aṭṭhapadehi pi kilanti, dasapadehi pi kilanti, ākāsehi pi kilanti, parihārapathehi pi kilanti, santikāya pi kilanti, khalikāya pi kilanti, ghaṭikāya pi kilanti, salākahatthena pi kilanti, akkhena pi kilanti, paṅkacirena pi kilanti, vaṅkakena pi kilanti, mokkhacikāya pi kilanti, ciṅgulakena pi kilanti, pattāḷhakena pi kilanti, rathakena pi kilanti, dhanukena pi kilanti, akkharikāya pi kilanti, manesikāya pi kilanti, yathāvajjena pi kilanti; ayaṃ kāyikā khiḍḍā.
Katamā vācasikā khiḍḍā? Mukhabheriyaṃ mukhāḷambadaṃ mukhadeṇḍimakaṃ mukhavalimakaṃ mukhabheruḷakaṃ mukhadaddarikaṃ nāṭikaṃ lāsaṃ gītaṃ davakammaṃ, ayaṃ vācasikā khiḍḍā. Methunadhammo nāma, yo so asaddhammo vasaladhammo duṭṭhullo odakantiko rahasso dvayadvayasamāpatti. Kiṃkāraṇā vuccati methunadhammo? Ubhinnaṃ rattānaṃ sārattānaṃ avassutānaṃ pariyuṭṭhitānaṃ pariyādiṇṇacittānaṃ ubhinnaṃ sadisānaṃ dhammo ti, taṃkāraṇā vuccati methunadhammo. Yathā ubho kalahakārakā ubho bhaṇḍanakārakā ubho bhassakārakā ubho vivādakārakā ubho adhikaraṇakārakā ubho vādino ubho sallāpakā methunakā ti vuccanti.
[page 380]
380 Aṭṭhakavaggo. [S.N. 926
[... content straddling page break has been moved to the page above ...] Evam eva ubhinnaṃ rattānaṃ sārattānaṃ avassutānaṃ pariyuṭṭhitānaṃ pariyādiṇṇacittānaṃ ubhinnaṃ sadisānaṃ dhammo ti, taṃkāraṇā vuccati methunadhammo.
Vibhūsā ti dve vibhūsā, atthi āgāriyassa vibhūsā, atthi pabbajitassa vibhūsā.
Katamā āgāriyassa vibhūsā? Kesā ca massu ca mālā ca gandhā ca vilepanā ca ābharaṇā ca pilandhanā ca vatthañ ca pasādanañ ca veṭṭhanañ ca ucchādanaṃ parimaddanaṃ nhāpanaṃ sambāhanaṃ ādāsaṃ añjanaṃ mālāvilepanaṃ mukhacuṇṇakaṃ mukhalepaṃ hatthabandhaṃ visikkhābandhaṃ daṇḍaṃ nālikaṃ khaggaṃ chattaṃ citrā upāhanā uṇhīsaṃ maṇi vālavijjanī odātāni vatthāni dīgharassāni iti vā; ayaṃ āgāriyassa vibhūsā.
Katamā pabbajitassa vibhūsā? Cīvaramaṇḍanā, pattamaṇḍanā, imassa vā pūtikāyassa bāhirānaṃ parikkhārānaṃ maṇḍanā vibhūsanā keḷanā parikeḷanā gedhikatā gedhitattaṃ capalanā cāpalyaṃ; ayaṃ pabbajitassa vibhūsā.
Tandiṃ māyaṃ hasaṃ khiḍḍaṃ methunaṃ vippajahe savibhūsan ti tandiñ ca māyañ ca hasañ ca khiḍḍañ ca methunadhammañ ca savibhūsaṃ saparivāraṃ saparibhaṇḍaṃ saparikkhāraṃ pajaheyya vinodeyya byantīkareyya anabhāvaṃ gameyyā ti, tandiṃ māyaṃ hasaṃ khiḍḍaṃ methunaṃ vippajahe savibhūsaṃ. Ten'; āha Bhagavā:
Niddaṃ na bahulīkareyya,
jāgariyaṃ bhajeyya ātāpī,
tandiṃ māyaṃ hasaṃ khiḍḍaṃ
methunaṃ vippajahe savibhūsan ti.
_________________________________
[page 381]
S.N. 927] Tuvaṭakasuttaniddeso. 381
Sn_IV,14.13(=927): Āthabbaṇaṃ supinaṃ lakkhaṇaṃ
no vidahe atho pi nakkhattaṃ,
virudañ ca gabbhakaraṇaṃ
tikicchaṃ māmako na seveyya. || Nidd_I.14:13 ||
Āthabbaṇaṃ supinaṃ lakkhaṇaṃ no vidahe atho pi nakkhattan ti. Āthabbaṇikā āthabbaṇaṃ payojenti; nagare vā ruddhe saṅgāme vā paccupaṭṭhite, paccatthikesu paccāmittesu ītiṃ uppādenti, upaddavaṃ uppādenti, rogaṃ uppādenti sūlaṃ karonti, visūcikaṃ karonti, pajjarakaṃ karonti, pakkhandikaṃ karonti; evaṃ āthabbaṇikā āthabbaṇaṃ payojenti. Supinapāṭhakā supinaṃ ādisanti, yo pubbaṇhasamayaṃ supinaṃ passati evaṃvipāko hoti, yo majjhantikasamayaṃ supinaṃ passati evaṃvipāko hoti, yo sāyaṇhasamayaṃ supinaṃ passati evaṃvipāko hoti, yo purime yāme, yo majjhime yāme, yo pacchime yāme, yo dakkhiṇena passena nipanno, yo vāmena passena nipanno, yo uttānanipanno, yo avakujjanipanno, yo candaṃ passati, yo suriyaṃ passati, yo mahāsamuddaṃ passati, yo sinerupabbatarājaṃ passati, yo hatthiṃ passati, yo assaṃ passati, yo rathaṃ passati, yo pattiṃ passati, yo senābyūhaṃ passati, yo ārāmarāmaṇeyyakaṃ passati, yo vanarāmaṇeyyakaṃ passati, yo bhūmirāmaṇeyyakaṃ passati, yo pokkharaṇirāmaṇeyyakaṃ passati, evaṃvipāko hoti; evaṃ supinapāṭhakā supinaṃ ādisanti. Lakkhaṇapāṭhakā lakkhaṇaṃ ādisanti, manilakkhaṇaṃ daṇḍalakkhaṇam vatthalakkhaṇaṃ asilakkhaṇaṃ usulakkhaṇaṃ dhanulakkhaṇaṃ āvudhalakkhaṇaṃ itthīlakkhaṇaṃ purisalakkhaṇaṃ kumārilakkhaṇaṃ kumāralakkhaṇaṃ dāsilakkhaṇaṃ dāsalakkhaṇaṃ hatthilakkhaṇaṃ assalakkhaṇaṃ mahisalakkhaṇaṃ usabhalakkhaṇaṃ golakkhaṇaṃ ajalakkhaṇaṃ meṇḍalakkhaṇaṃ kukkuṭalakkhaṇaṃ vaṭṭakalakkhaṇaṃ godhālakkhaṇaṃ kaṇṇikālakkhaṇaṃ kacchapalakkhaṇaṃ migalakkhanaṃ iti vā;
[page 382]
382 Aṭṭhakavaggo. [S.N. 927
[... content straddling page break has been moved to the page above ...] evaṃ lakkhaṇapāṭhakā lakkhaṇaṃ ādisanti. Nakkhattapāṭhakā nakkhattaṃ ādisanti, aṭṭhavīsati nakkhattāni iminā nakkhattena gharapaveso kattabbo, iminā nakkhattena makuṭaṃ bandhitabbaṃ, iminā nakkhattena vāreyyaṃ kāretabbaṃ, iminā nakkhattena vījanihāro kattabbo, iminā nakkhattena gharavāso kattabbo ti, evaṃ nakkhattapāṭhakā nakkhattaṃ ādisanti.
Āthabbaṇaṃ supinaṃ lakkhaṇaṃ no vidahe atho pi nakkhattan ti āthabbaṇañ ca supinañ ca lakkhaṇañ ca nakkhattañ ca no vidaheyya na careyya na samācareyya na samādāya vatteyya. Athavā na gaṇheyya na uggaṇheyya na dhāreyya na upadhāreyya na upalakkheyya na yojeyyā ti, āthabbaṇaṃ supinaṃ lakkhaṇaṃ no vidahe atho pi nakkhattaṃ.
Virudañ ca gabbhakaraṇaṃ tikicchaṃ māmako na seveyyā ti. Virudaṃ vuccati migacakkaṃ. Migacakkapāṭhakā migacakkaṃ ādisanti sakuṇānaṃ vā catuppadānaṃ vā rudaṃ vassitaṃ jānanti; evaṃ migacakkapāṭhakā migacakkaṃ ādisanti. Gabbhakaraṇīyā gabbhaṃ saṇṭhapenti. Dvīhi kāraṇehi gabbho na saṇṭhāti, pānakehi vā vātakuppehi vā. Pānakānaṃ vā vātakuppānaṃ vā paṭighātāya osadhaṃ denti; evaṃ gabbhakaraṇīyā gabbhaṃ saṇṭhapenti.
Tikicchā ti pañca tikicchā sālākiyaṃ sallakattiyaṃ kāyatikicchiyaṃ bhūtiyaṃ komārakavejjaṃ. Māmako ti buddhamāmako dhammamāmako saṃghamāmako. So vā Bhagavantaṃ mamāyati, Bhagavā vā taṃ puggalaṃ pariggaṇhāti.
[page 383]
[S.N. 927] Tuvaṭakasuttaniddeso. 383
Vuttaṃ h'; etaṃ Bhagavatā: *Ye te bhikkhave bhikkhū kuhā thaddhā lapā siṅgī unnaḷā asamāhitā, na me te bhikkhave bhikkhū māmakā, apagatā ca te bhikkhave bhikkhū imasmā dhammavinayā, na ca te bhikkhave bhikkhū imasmiṃ dhammavinaye vuddhiṃ virūḷhiṃ vepullaṃ āpajjanti. Ye ca kho te bhikkhave bhikkhū nikkuhā nillapā dhīrā athaddhā susamāhitā, te ca kho me bhikkhū māmakā, anapagatā ca te bhikkhave bhikkhū imasmā dhammavinayā, te ca bhikkhū imasmiṃ dhammavinaye vuddhiṃ virūḷhiṃ vepullaṃ āpajjanti.
Kuhā thaddhā lapā siṅgī unnaḷā asamāhitā,
na te dhamme virūhanti sammāsambuddhadesite.
Nikkuhā nillapā dhīrā athaddhā susamāhitā,
te ve dhamme virūhanti, sammāsambuddhadesite ti.
Virudañ ca gabbhakaraṇaṃ tikicchaṃ māmako na seveyyā ti virudañ ca gabbhakaraṇañ ca tikicchañ ca māmako na seveyya na niseveyya na paṭiseveyya na careyya na samācareyya na samādāya vatteyya, atha vā na gaṇheyya na uggaṇheyya na dhāreyya na upadhāreyya na upalakkheyya na-ppayujjeyyā ti, virudañ ca gabbhakaraṇañ ca tikicchañ ca māmako na seveyya. Ten'; āha Bhagavā:
Āthabbaṇaṃ supinaṃ lakkhaṇaṃ
no vidahe atho pi nakkhattaṃ,
virudañ ca gabbhakaranaṃ
tikicchaṃ māmako na seveyyā ti.
_________________________________
[page 384]
384 Aṭṭhakavaggo. [S.N. 928
Sn_IV,14.14(=928): Nindāya na-ppavedheyya,
na uṇṇameyya pasaṃsito bhikkhu,
lobhaṃ saha macchariyena
kodhaṃ pesuṇiyañ ca panūdeyya. || Nidd_I.14:14 ||
Nindāya na-ppavedheyyā ti idh'; ekacce bhikkhuṃ nindanti jātiyā vā gottena vā kolaputtikena vā vaṇṇapokkharatāya vā dhanena vā ajjhenena vā kammāyatanena vā sippāyatanena vā vijjaṭṭhānena vā sutena vā paṭibhāṇena vā aññataraññatarena vā vatthunā nindanti garahanti upavadanti: nindito garahito upavadito nindāya garahāya upavādena akittiyā avaṇṇahārikāya na vedheyya na-ppavedheyya na sampavedheyya na taseyya na uttaseyya na parittaseyya na bhāyeyya na santāsaṃ āpajjeyya; abhīru assa achambhī anutrāsī apalāyī; pahīnabhayabheravo vigatalomahaṃso vihareyyā ti, nindāya na-ppavedheyya.
Na uṇṇameyya pasaṃsito bhikkhū ti idh'; ekacce bhikkhuṃ pasaṃsanti jātiyā vā . . . pe . . . aññataraññatarena vā vatthunā pasaṃsanti thomenti kittenti vaṇṇenti:
pasaṃsito thomito kittito vaṇṇito pasaṃsāya thomanena kittiyā vaṇṇahārikāya uṇṇattiṃ na kareyya, uṇṇamaṃ na kareyya, mānaṃ na kareyya, thambhaṃ na kareyya; na tena thaddho assa patthaddho paggahitasiro ti, na uṇṇameyya pasaṃsito bhikkhu.
Lobhaṃ saha macchariyena kodhaṃ pesuniyañ ca panūdeyyā ti. Lobho ti yo lobho lubbhanā lubbhitattaṃ, sārāgo sārajjanā sārajjaṃtattaṃ abhijjhā lobho akusalamūlaṃ. Macchariyan ti pañca macchariyāni: āvāsamacchariyaṃ . . . pe . . . gāho vuccati macchariyaṃ. Kodho ti yo cittassa āghāto paṭighāto paṭighaṃ paṭivirodho kopo pakopo sampakopo doso padoso sampadoso citassa byāpatti manopadoso kodho kujjhanā kujjhitattaṃ doso dussanā dussitattaṃ byāpatti byāpajjanā byāpajjitattaṃ virodho paṭivirodho caṇḍikkaṃ assuropo anattamanatā cittassa.
[page 385]
S.N. 929] Tuvaṭakasuttaniddeso. 385
[... content straddling page break has been moved to the page above ...] Pesuṇiyan ti idh'; ekacco pisuṇavāco hoti; ito sutvā amutra akkhātā imesaṃ bhedāya amutra vā sutvā imesaṃ akkhātā amūsaṃ bhedāya; iti samaggānam vā bhettā bhinnānaṃ vā anuppadātā vaggārāmo vaggarato vagganandī vaggakaraṇiṃ vācaṃ bhāsitā hoti; idaṃ vuccati pesuññaṃ. Api ca dvīhi kāranehi pesuññaṃ upasaṃharati, piyakamyatāya vā bhedādhippāyena vā.
Kathaṃ piyakamyatāya pesuññaṃ upasaṃharati?
Imassa piyo bhavissāmi, manāpo bhavissāmi, vissāsiko bhavissāmi, abbhantariko bhavissāmi, suhadayo bhavissāmī ti; evaṃ piyakamyatāya pesuññaṃ upasaṃharati.
Kathaṃ bhedādhippāyena pesuññaṃ upasaṃharati?
Kathaṃ ime nānā assu, vinā assu, vaggā assu, dvidhā assu, dvejjhā assu, dvepakkhā assu, bhijjeyyuṃ na samāgaccheyyuṃ, dukkhaṃ na phāsu vihareyyun? ti; evaṃ bhedādhippāyena pesuññaṃ upasaṃharati.
Lobhaṃ saha macchariyena kodham pesuṇiyañ ca panūdeyyā ti lobhañ ca macchariyañ ca kodhañ ca pesuññañ ca panūdeyya pajaheyya vinodeyya byantīkareyya anabhāvaṃ gameyyā ti, lobhaṃ saha macchariyena kodhaṃ pesuṇiyañ ca panūdeyya. Ten'; ahā Bhagavā:
Nindāya na-ppavedheyya,
na uṇṇameyya pasaṃsito bhikkhu,
lobhaṃ saha macchariyena
kodhaṃ pesuṇiyañ ca panūdeyyā ti.
_________________________________
Sn_IV,14.15(=929): Kayavikkaye na tiṭṭheyya,
upavādaṃ bhikkhu na kareyya kuhiñci,
gāme ca nābhisajjeyya,
lābhakamyā janaṃ na lāpayeyya. || Nidd_I.14:15 ||
[page 386]
386 Aṭṭhakavaggo. [S.N. 929
Kayavikkaye na tiṭṭheyyā ti ye kayavikkayā vinaye paṭikkhittā, na te imasmiṃ atthe adhippetā.
Kathaṃ kayavikkaye tiṭṭhati? Pañcannaṃ saddhiṃ pattaṃ vā cīvaraṃ vā aññaṃ vā kiñci parikkhāraṃ vañcaniyaṃ vā karonto udayaṃ vā patthayanto parivatteti; evaṃ kayavikkaye tiṭṭhati. Kathaṃ kayavikkaye na tiṭṭhati? Pañcannaṃ saddhiṃ pattaṃ vā cīvaraṃ vā aññaṃ vā kiñci parikkhāraṃ na vañcaniyaṃ vā karonto na udayaṃ vā patthayanto parivatteti; evaṃ kayavikkaye na tiṭṭhati. Kayavikkaye na tiṭṭheyyā ti kayavikkaye na tiṭṭheyya na santiṭṭheyya kayavikkayaṃ pajaheyya vinodeyya byantīkareyya anabhāvaṃ gameyya; kayavikkayā ārato assa virato paṭivirato nikkhanto nissaṭṭho vippamutto visaṃyutto vimariyādikatena cetasā vihareyyā ti, kayavikkaye na tiṭṭheyya.
Upavādaṃ bhikkhu na kareyya kuhiñcī ti. Katame upavādakarā kilesā? Sant'; eke samaṇabrāhmaṇā iddhimanto dibbacakkhukā paracittaviduno. Te dūrato pi passanti, āsannā pi na dissanti, cetasā pi cittaṃ pajānanti. Devatā pi kho santi iddhimantiniyo dibbacakkhukā paracittaviduniyo. Tā dūrato pi passanti, āsannā pi na dissanti, cetasā pi cittaṃ pajānanti. Te oḷārikehi vā kilesehi majjhimehi vā kilesehi sukhumehi vā kilesehi upavadeyyuṃ.
Katame oḷārikā kilesā? Kāyaduccaritaṃ vacīduccaritaṃ manoduccaritaṃ; ime vuccanti oḷārikā kilesā.
Katame majjhimā kilesā? Kāmavitakko byāpādavitakko vihiṃsāvitakko; ime vuccanti majjhimā kilesā.
Katame sukhumā kilesā? Ñātivitakko, janapadavitakko, amaravitakko, parānuddayatā-paṭisaṃyutto vitakko, lābhasakkārasilokapaṭisaṃyutto vitakko, anavaññattipaṭisaṃyutto vitakko; ime vuccanti sukhumā kilesā. Te oḷārikehi vā kilesehi majjhimehi vā kilesehi sukhumehi vā kilesehi upavadeyyuṃ. Upavādaṃ na kareyya upavādakare kilese na kareyya na janeyya na sañjaneyya na nibbatteyya nābhinibbatteyya, upavādakare kilese pajaheyya vinodeyya byantīkareyya anabhāvaṃ gameyya,
[page 387]
S.N. 929] Tuvaṭakasuttaniddeso. 387
[... content straddling page break has been moved to the page above ...] upavādakarehi kilesehi ārato assa virato paṭivirato nikkhanto nissaṭṭho vippamutto visaṃyutto vimariyādikatena cetasā vihareyya. Kuhiñcī ti kuhiñci kimhici katthaci ajjhattaṃ vā bahiddhā vā ajjhattabahiddhā vā ti, upavādaṃ bhikkhu na kareyya kuhiñci.
Gāme ca nābhisajjeyyā ti. Kathaṃ gāme sajjati? Idha bhikkhu gāme gihīhi saṃsaṭṭho viharati sahanandī sahasokī sukhitesu sukhito, dukkhitesu dukkhito, uppannesu kiccakaraṇīyesu attanā vā yogaṃ āpajjati, evam pi gāme sajjati.
Athavā bhikkhu pubbaṇhasamayaṃ nivāsetvā pattacīvaram ādāya gāmaṃ vā nigamaṃ vā piṇḍāya pāvisati arakkhiten'; eva kāyena arakkhitāya vācāya anupaṭṭhitāya satiyā arakkhitena cittena asaṃvutehi indriyehi. So tatra tatra sajjati, tatra tatra gaṇhāti, tatra tatra bajjhati, tatra tatra anayabyasanaṃ āpajjati, evam pi gāme sajjati.
Kathaṃ gāme na sajjati? Idha bhikkhu gāme gihīhi asaṃsaṭṭho viharati na sahanandī na sahasokī na sukhitesu sukhito, na dukkhitesu dukkhito, uppannesu kiccakaraṇīyesu na attanā vāyogaṃ āpajjati; evam pi gāme na sajjati. Athavā bhikkhu pubbaṇhasamayaṃ nivāsetvā pattacīvaram ādāya gāmaṃ vā nigamaṃ vā piṇḍāya pāvisati rakkhiten'; eva kāyena rakkhitāya vācāya rakkhitena cittena upaṭṭhitāya satiyā saṃvutehi indriyehi. So tatra tatra na sajjati, tatra tatra na gaṇhāti, tatra tatra na bajjhati, tatra tatra na anayabyasanaṃ āpajjati; evam pi gāme na sajjati. Gāme ca nābhisajjeyyā ti. Gāme na sajjeyya na gaṇheyya na bajjheyya na palibajjheyya agiddho assa agadhito amucchito anajjhopanno vītagedho . . . pe . . . brahmabhūtena attanā vihareyyā ti, gāme ca nābhisajjeyya.
Lābhakamyā janaṃ na lāpayeyyā ti. Katamā lapanā?
Lābhasakkārasilokasannissitassa pāpicchassa icchāpakatassa āmisacakkhukassa lokadhammagarukassa yā paresaṃ ālapanā lapanā sallapanā ullapanā samullapanā unnahanā samunnahanā ukkāpanā samukkāpanā anuppiyabhāṇitā pātukamyatā muggasūpatā pāribhaṭyatā parapiṭṭhimaṃsikatā;
[page 388]
388 Aṭṭhakavaggo. [S.N. 929
[... content straddling page break has been moved to the page above ...] yā tattha saṇhavācakatā sakhilavācakatā mettavācakatā apharusavācakatā; ayaṃ vuccati lapanā. Api ca dvīhi kāraṇehi janaṃ lapati, attānaṃ vā nīcaṃ ṭhapento paraṃ uccaṃ ṭhapento janaṃ lapati, attānaṃ vā uccaṃ ṭhapento paraṃ nīcaṃ ṭhapento janaṃ lapati.
Kathaṃ attānaṃ nīcaṃ ṭhapento paraṃ uccaṃ ṭhapento janaṃ lapati?
Tumhe me bahūpakārā, ahaṃ tumhe nissāya labhāmi cīvarapiṇḍapātasenāsanagilānapaccayabhesajjaparikkhāraṃ, ye pi me aññe dātuṃ vā kātuṃ vā maññanti tumhe nissāya tumhe sampassantā; yam pi purāṇaṃ mātāpitikaṃ nāmadheyyaṃ, tam pi me antarahitaṃ; tumhehi ahañ ñāyāmi asukassa kulupako, asukāya kulupako ti; evaṃ attānaṃ nīcaṃ ṭhapento paraṃ uccaṃ ṭhapento janaṃ lapati.
Kathaṃ attānaṃ uccaṃ ṭhapento paraṃ nīcaṃ ṭhapento janaṃ lapati? Ahaṃ tumhākaṃ bahūpakāro, tumhe maṃ āgamma Buddhaṃ saraṇaṃ gatā, dhammaṃ saraṇaṃ gatā saṃghaṃ saraṇaṃ gatā, pāṇātipātā paṭiviratā, adinnādānāpaṭiviratā, kāmesu micchācārā paṭiviratā, musāvādā paṭiviratā, surāmerayamajjapamādaṭṭhānā paṭiviratā; ahaṃ tumhākaṃ uddesaṃ demi, paripucchaṃ demi, uposathaṃ ācikkhāmi, navakammaṃ adhiṭṭhāmi; atha ca pana tumhe maṃ ussajjitvā aññe sakkarotha garukarotha mānetha pūjethā ti, evam pi attānaṃ uccaṃ ṭhapento paraṃ nīcaṃ ṭhapento janaṃ lapati.
[page 389]
S.N. 930] Tuvaṭakasuttaniddeso. 389
[... content straddling page break has been moved to the page above ...] Lābhakamyā janaṃ na lāpayeyyā ti lābhahetu lābhakāraṇā lābhābhinibbattiyā lābhaṃ paripācento janaṃ na lapayeyya lapanaṃ pajaheyya vinodeyya byantīkareyya anabhāvaṃ gameyya; ālapanā ārato assa virato paṭivirato nikkhanto nissaṭṭho vippamutto visaṃyutto vimariyādikatena cetasā vihareyyā ti, lābhakamyā janaṃ na lāpayeyya. Ten'; āha Bhagavā:
Kayavikkaye na tiṭṭheyya,
upavādaṃ bhikkhu na kareyya kuhiñci,
gāme ca nābhisajjeyya,
lābhakamyā janaṃ na lāpayeyyā ti,
_________________________________
Sn_IV,14.16(=930): Na ca katthitā siyā bhikkhu,
na ca vācaṃ payuttaṃ bhāseyya,
pāgabbhiyaṃ na sikkheyya,
kathaṃ viggāhikaṃ na katheyya. || Nidd_I.14:16 ||
Na ca katthitā siyā bhikkhū ti. Idh'; ekacco katthī hoti vikatthī. So katthati, aham asmi sīlasampanno ti vā, vatasampanno ti vā, sīlabbatasampanno ti vā, jātiyā vā gottena vā kolaputtikena vā vaṇṇapokkharatāya vā dhanena vā kammāyatanena vā sippāyatanena vā vijjaṭṭhānena vā sutena vā paṭibhāṇena vā aññataraññatarena vā vatthunā uccākulā pabbajito ti vā mahābhogakulā pabbajito ti vā uḷārabhogakulā pabbajito ti vā suttantiko ti vā vinayadharo ti vā dhammakathiko ti vā āraññiko ti vā . . . pe . . . nevasaññānāsaññāyatanasamāpattiyā lābhī ti vā katthati vikatthati; evaṃ na vikattheyya vikatthaṃ pajaheyya vinodeyya byantīkareyya anabhāvaṃ gameyya, katthanā ārato assa virato paṭivirato nikkhanto nissaṭṭho vippamutto visaṃyutto vimariyādikatena cetasā vihareyyā ti, na ca katthitā siyā bhikkhu.
Na ca vācaṃ payuttaṃ bhāseyyā ti. Katamā payuttavācā?
[page 390]
390 Aṭṭhakavaggo. [S.N. 930
Idh'; ekacco cīvarapayuttaṃ vācaṃ bhāsati, piṇḍapātapayuttaṃ vācaṃ bhāsati, senāsanapayuttaṃ vācaṃ bhāsati, gilānapaccayabhesajjaparikkhārapayuttaṃ vācaṃ bhāsati; ayaṃ vuccati payuttavācā. Athavā cīvarahetu piṇḍapātahetu senāsanahetu gilānapaccayabhesajjaparikkhārahetu saccam pi bhaṇati, musā pi bhaṇati, pisuṇam pi bhaṇati, apisuṇam pi bhaṇati, pharusam pi bhaṇati, apharusam pi bhaṇati, samphappalāpam pi bhanati, asamphappalāpam pi bhaṇati, mantā pi vācaṃ bhāsati; ayam pi vuccati payuttavācā. Athavā pasannacitto paresaṃ dhammaṃ deseti:
aho vata me dhammaṃ suṇeyyuṃ, sutvā ca dhammaṃ pasīdeyyuṃ, pasannā ca me pasannākāraṃ kareyyun ti; ayaṃ vuccati payuttavācā.
Na ca vācaṃ payuttaṃ bhāseyyā ti antamaso dhammadesanāvācaṃ upādāya payuttavācaṃ na bhāseyya na katheyya na bhaṇeyya na dīpayeyya na vohareyya payuttavācaṃ pajaheyya vinodeyya byantīkareyya anabhāvaṃ gameyya; payuttavācāya ārato assa virato paṭivirato nikkhanto nissaṭṭho vippamutto visaṃyutto vimariyādikatena cetasā vihareyyā ti, na ca vācaṃ payuttaṃ bhāseyya.
Pāgabbhiyaṃ na sikkheyyā ti. Pāgabbhiyan ti tīṇi pāgabbhiyāni, kāyikaṃ pāgabbhiyaṃ, vācasikaṃ pāgabbhiyaṃ, cetasikaṃ pāgabbhiyaṃ. Katamaṃ kāyikaṃ pāgabhiyaṃ? Idh'; ekacco saṃghagato pi kāyikaṃ pāgabbhiyaṃ dasseti, gaṇagato pi kāyikaṃ pāgabbhiyaṃ dasseti, bhojanasālāya pi kāyikaṃ pāgabbhiyaṃ dasseti, jantāghare pi kāyikaṃ pāgabbhiyaṃ dasseti, udakatitthe pi kāyikaṃ pāgabbhiyaṃ dasseti, antaragharaṃ pavisanto pi kāyikaṃ pāgabbhiyaṃ dasseti, antaragharaṃ paviṭṭho pi kāyikaṃ pāgabbhiyaṃ dasseti.
Kathaṃ saṃghagato kāyikaṃ pāgabbhiyaṃ dasseti? Idh'; ekacco saṃghagato acittikārakato there bhikkhū ghaṭṭayanto pi tiṭṭhati, ghaṭṭayanto pi nisīdati, purato pi tiṭṭhati, purato pi nisīdati, ucce pi āsane nisīdati, sasīsaṃ pārupitvā pi nisīdati,
[page 391]
S.N. 930] Tuvaṭakasuttaniddeso. 391
[... content straddling page break has been moved to the page above ...] ṭhitako pi bhaṇati, bāhāvikkhepako pi bhaṇati; evaṃ saṃghagato kāyikaṃ pāgabbhiyaṃ dasseti.
Kathaṃ gaṇagato kāyikaṃ pāgabbhiyaṃ dasseti? Idh'; ekacco gaṇagato acittikārakato therānaṃ bhikkhūnaṃ anupāhanānaṃ caṅkamantānaṃ, sa-upāhano caṅkamati, nīce caṅkamantānaṃ ucce caṅkame caṅkamati, chamāyaṃ caṅkamantānaṃ caṅkame caṅkamati, ghaṭṭayanto pi tiṭṭhati, ghaṭṭayanto pi nisīdati, purato pi tiṭṭhati, purato pi nisīdati, ucce pi āsane nisīdati, sasīsaṃ pārupitvā pi nisīdati, ṭhitako pi bhaṇati, bāhāvikkhepako pi bhaṇati; evaṃ gaṅgato kāyikaṃ pāgabbhiyaṃ dasseti.
Kathaṃ bhojanasālāya kāyikaṃ pāgabbhiyaṃ dasseti?
Idh'; ekacco bhojanasālāya acittikārakato there bhikkhū anupakhajja nisīdati, nave pi bhikkhū āsanena paṭibāhati, ghaṭṭayanto pi tiṭṭhati, ghaṭṭayanto pi nisīdati, purato pi tiṭṭhati, purato pi nisīdati, ucce pi āsane nisīdati, sasīsaṃ pārupitvā pi nisīdati, ṭhitako pi bhaṇati, bāhāvikkhepako pi bhaṇati; evaṃ bhojanasālāya kāyikaṃ pāgabbhiyaṃ dasseti.
Kathaṃ jantāghare kāyikaṃ pāgabbhiyaṃ dasseti? Idh'; ekacco jantāghare acittikārakato there bhikkhū ghaṭṭayanto pi tiṭṭhati, ghaṭṭayanto pi nisīdati, purato pi tiṭṭhati, purato pi nisīdati, ucce pi āsane nisīdati, anāpucchā pi kaṭṭhaṃ pakkhipati, anāpucchā pi dvāraṃ pidahati; evaṃ jantāghare kāyikaṃ pāgabbhiyaṃ dasseti.
Kathaṃ udakatitthe kāyikaṃ pāgabbhiyaṃ dasseti?
Idh'; ekacco udakatitthe acittikārakato there bhikkhū ghaṭṭayanto pi otarati, purato pi otarati, ghaṭṭayanto pi nhāyati, purato pi nhāyati, upari pi nhāyati, ghaṭṭayanto pi uttarati, purato pi uttarati; evaṃ udakatitthe kāyikaṃ pāgabbhiyaṃ dassati.
Kathaṃ antaragharaṃ pavisanto kāyikaṃ pāgabbhiyaṃ dasseti? Idh'; ekacco antaragharaṃ pavisanto acittikārakato there bhikkhū ghaṭṭayanto pi gacchati, purato pi gacchati, vokkamma pi therānaṃ bhikkhūnaṃ purato gacchati,
[page 392]
392 Aṭṭhakavaggo. [S.N. 930
[... content straddling page break has been moved to the page above ...] evaṃ antaragharaṃ pavisanto kāyikaṃ pāgabbhiyaṃ dasseti.
Kathaṃ antaragharaṃ paviṭṭho kāyikaṃ pāgabbhiyaṃ dasseti? Idh'; ekacco antaragharaṃ paviṭṭho na pavisa bhante ti vuccamāno pavisati, na tiṭṭha bhante ti vuccamāno tiṭṭhati, na nisīda bhante ti vuccamāno nisīdati, anokāsam pi pavisati, anokāse pi tiṭṭhati, anokāse pi nisīdati; yāni tāni honti kulānaṃ ovarakāni gūḷhāni ca paṭicchannāni ca, yattha kulitthiyo kuladhītāyo kulasuṇhāyo kulakumāriyo nisīdanti, tattha pi sahasā pavisati, kumārakassa pi sīsaṃ parāmasati; evaṃ antaragharaṃ paviṭṭho kāyikaṃ pāgabbhiyaṃ dasseti; idaṃ kāyikaṃ pāgabbhiyaṃ.
Katamaṃ vācasikaṃ pāgabbhiyaṃ? Idh'; ekacco saṃghagato pi vācasikaṃ pāgabbhiyaṃ dasseti, gaṇagato pi vācasikaṃ pāgabbhiyaṃ dasseti, antaragharaṃ paviṭṭho pi vācasikaṃ pāgabbhiyaṃ dasseti.
Kathaṃ saṃghagato vācasikaṃ pāgabbhiyaṃ dasseti?
Idh'; ekacco saṃghagato acittikārakato there bhikkhū anāpucchā vā anajjhiṭṭho vā ārāmagatānaṃ bhikkhūnaṃ dhammaṃ bhaṇati, pañhaṃ visajjeti, pātimokkhaṃ uddisati, ṭhitako pi bhaṇati, bāhāvikkhepako pi bhaṇati; evaṃ saṃghagato vācasikaṃ pāgabbhiyaṃ dasseti.
Kathaṃ gaṇagato vācasikaṃ pāgabbhiyaṃ dasseti? Idh'; ekacco gaṇagato acittikārakato there bhikkhū anāpucchā vā anajjhiṭṭho vā ārāmagatānaṃ bhikkhūnaṃ dhammaṃ bhaṇati, pañhaṃ visajjeti ṭhitako pi bhaṇati; bāhāvikkhepako pi bhaṇati; ārāmagatānaṃ bhikkhunīnaṃ upāsakānaṃ upāsikānaṃ dhammaṃ bhaṇati, pañhaṃ visajjeti, ṭhitako pi bhaṇati, bahāvikkhepako pi bhaṇati; evaṃ gaṇagato vācasikaṃ pāgabbhiyaṃ dasseti.
Kathaṃ antaragharaṃ paviṭṭho vācasikaṃ pāgabbhiyaṃ dasseti? Idh'; ekacco antaragharaṃ paviṭṭho itthiṃ vā kumāriṃ vā āha: itthannāme itthaṃgotte kiṃ atthi?
Yāgū atthi, bhattaṃ atthi, khādanīyaṃ atthi? Kiṃ pivissāma,
[page 393]
S.N. 930] Tuvaṭakasuttaniddeso. 393
[... content straddling page break has been moved to the page above ...] kiṃ bhuñjissāma, kiṃ khādissāma, kiṃ vā atthi, kiṃ vā me dassathā? ti vilappati; evaṃ antaragharaṃ paviṭṭho vācasikaṃ pāgabbhiyaṃ dasseti; idaṃ vācasikaṃ pāgabbhiyaṃ.
Katamaṃ cetasikaṃ pāgabbhiyaṃ? Idh'; ekacco na uccākulā pabbajito samāno uccākulā pabbajitena saddhiṃ sadisaṃ attānaṃ karoti cittena, na mahākulā pabbajito samāno, na mahābhogakulā pabbajito samāno, na uḷārabhogakulā pabbajito samāno uḷārabhogakulā pabbajitena saddhiṃ sadisaṃ attānaṃ karoti cittena; na suttantiko samāno suttantikena saddhiṃ sadisaṃ attānaṃ karoti cittena; na vinayadharo samāno, na dhammakathiko samāno, na āraññiko samāno, na paṃsukūliko samāno, na tecīvariko samāno, na sapadānacāriko samāno, na khalupacchābhattiko samāno, na nesajjiko samāno, na yathāsanthatiko samāno yathāsanthatikena saddhiṃ sadisaṃ attānaṃ karoti cittena; na paṭhamassa jhānassa lābhī samāno paṭhamassa jhānassa lābhinā saddhiṃ sadisaṃ attānaṃ karoti cittena; na dutiyassa jhānassa lābhī samāno, na tatiyassa jhānassa lābhī samāno, na catutthassa jhānassa lābhī samāno, na ākāsānañcāyatanasamāpattiyā lābhī samāno, na viññāṇañcāyatanasamāpattiyā lābhī samāno, na ākiñcaññāyatanasamāpattiyā lābhī samāno, na nevasaññānāsaññāyatanasamāpattiyā lābhī samāno nevasaññānāsaññāyatanasamāpattiyā lābhinā saddhiṃ sadisaṃ attānaṃ karoti cittena; idaṃ cetasikaṃ pāgabbhiyaṃ. Pāgabbhiyaṃ na sikkheyyā ti; pāgabbhiyaṃ na sikkheyya na ācareyya na samācareyya na samādāya vatteyya, pāgabbhiyaṃ pajaheyya vinodeyya byantīkareyya anabhāvaṃ gameyya; pāgabbhiyā ārato assa virato paṭivirato nikkhanto nissaṭṭho vippamutto visaṃyutto vimariyādikatena cetasā vihareyyā ti, pāgabbhiyaṃ na sikkheyya.
[page 394]
394 Aṭṭhakavaggo. [S.N. 930
Kathaṃ viggāhikaṃ na kathayeyyā ti. Katamā viggāhikakathā? Idh'; ekacco evarūpiṃ kathaṃ kattā hoti, na tvaṃ imaṃ dhammavinayaṃ ājānāsi . . . pe . . . nibbedhehi vā sace pahosī ti. Vuttaṃ h'; etaṃ Bhagavatā: *Viggāhikāya kho Moggallāna kathāya sati kathābāhullaṃ pāṭikaṃkhaṃ, kathābāhulle sati uddhaccaṃ, uddhatassa asaṃvaro, asaṃvutassa ārā cittaṃ samādhimhā ti.
Kathaṃ viggāhikaṃ na kathayeyyā ti viggāhikakathaṃ na katheyya na bhaṇeyya na dīpayeyya na vohareyya, viggāhikakathaṃ pajaheyya vinodeyya byantīkareyya anabhāvaṃ gameyya; viggāhikakathāya ārato assa virato paṭivirato nikkhanto nissaṭṭho vippamutto visaṃyutto vimariyādikatena cetasā vihareyyā ti, kathaṃ viggāhikam na kathayeyya. Ten'; āha Bhagavā:
Na ca katthitā siyā bhikkhu,
na ca vācaṃ payuttaṃ bhāseyya,
pāgabbhiyaṃ na sikkheyya,
kathaṃ viggāhikaṃ na kathayeyyā ti.
_________________________________
Sn_IV,14.17(=931): Mosavajje na niyyetha,
sampajāno saṭhāni na kayirā,
atha jīvitena paññāya
sīlabbatena nāññam atimaññe. || Nidd_I.14:17 ||
Mosavajje na niyyethā ti mosavajjaṃ vuccati musāvādo.
Idh'; ekacco sabhaggato vā parisaggato vā . . . pe . . . āmisakiñcikkhahetu vā sampajānamusā bhāsitā hoti; idaṃ vuccati mosavajjaṃ. Api ca tīh'; ākārehi musāvādo hoti, pubb'eva tassa hoti musā bhaṇissan ti, bhaṇantassa hoti musā bhaṇāmī ti, bhaṇitassa hoti musā mayā bhaṇitan ti; imehi tīh'; ākārehi musāvādo hoti. Api ca catūh'; ākārehi pañcah'; ākārehi chah'; ākārehi sattah'; ākārehi aṭṭhah'; ākārehi musāvādo hoti, pubb'eva tassa hoti musā bhaṇissan ti, bhaṇantassa hoti musā bhaṇamī ti, bhaṇitassa hoti musā mayā bhaṇitan ti,
[page 395]
S.N. 931] Tuvaṭakasuttaniddeso. 395
[... content straddling page break has been moved to the page above ...] vinidhāya diṭṭhiṃ vinidhāya khantiṃ vinidhāya ruciṃ vinidhāya saññaṃ vinidhāya bhāvaṃ; imehi aṭṭhah'; ākārehi musāvādo hoti. Mosavajje na niyyethā ti mosavajje na niyyeyya, mosavajjaṃ pajaheyya vinodeyya byantīkareyya anabhāvaṃ gameyya; mosavajjā ārato assa virato paṭivirato nikkhanto nissaṭṭho vippamutto visaṃyutto vimariyādikatena cetasā vihareyyā ti, mosavajje na niyyetha.
Sampajāno saṭhāni na kayirā ti. Katamaṃ sāṭheyyaṃ?
Idh'; ekacco saṭho hoti parisaṭho. Yaṃ tattha saṭhaṃ saṭhatā sāṭheyyaṃ, kakkaritā kakkariyaṃ parikkhattatā parikattiyaṃ; idaṃ vuccati sāṭheyyaṃ. Sampajāno saṭhāni na kayirā ti sampajāno hutvā sāṭheyyaṃ na kareyya na janeyya na sañjaneyya na nibbatteyya nābhinibbatteyya; sāṭheyyaṃ pajaheyya vinodeyya byantīkareyya anabhāvaṃ gameyya sāṭheyyā ārato assa virato paṭivirato nikkhanto nissaṭṭho vippamutto visaṃyutto vimariyādikatena cetasā vihareyyā ti, sampajāno saṭhāni na kayirā.
Atha jīvitena paññāya sīlabbatena nāññaṃ atimaññe ti.
Athā ti padasandhi . . . pe . . . padānupubbatā-m-etaṃ, athā ti. Idh'; ekacco lūkhajīvikaṃ jīvanto paraṃ paṇītajīvikaṃ jīvantaṃ atimaññati: kiṃ panāyaṃ bahullājīvo sabbaṃ saṃbhakkhati, seyyathīdaṃ mūlabījaṃ khandhabījaṃ phalubījaṃ aggabījaṃ bījabījam eva pañcamaṃ asavicakkadantakuṭasamāṇappadhanātiṇṇo? ti.
So tāya lūkhajīvikāya paraṃ paṇītajīvikaṃ jīvantaṃ atimaññati. Idh'; ekacco paṇītajīvikaṃ jīvanto paraṃ lūkhajīvikaṃ jīvantaṃ atimaññati: kiṃ panāyaṃ appapuñño appesakkho na lābhī cīvarapiṇḍapātasenāsanagilānapaccayabhesajjaparikkhārānan? ti. So tāya paṇītajīvikāya paraṃ lūkhajīvikaṃ jīvantaṃ atimaññati.
[page 396]
396 Aṭṭhakavaggo. [S.N. 931
[... content straddling page break has been moved to the page above ...] Idh'; ekacco paññāsampanno hoti. So puṭṭho pañhaṃ visajjeti; tassa evaṃ hoti: aham asmi paññāsampanno, ime pan'; aññe na paññāsampannā ti. So tāya paññāsampadāya paraṃ atimaññati. Idh'; ekacco sīlasampanno hoti, pātimokkhasaṃvarasaṃvuto viharati, ācāragocarasampanno aṇumattesu vajjesu bhayadassāvī samādāya sikkhati sikkhāpadesu.
Tassa evaṃ hoti: aham asmi sīlasampanno, ime pan'; aññe bhikkhū dussīlā pāpadhammā ti. So tāya sīlasampadāya paraṃ atimaññati. Idh'; ekacco vattasampanno āraññiko vā piṇḍapātiko vā paṃsukūliko vā tecīvariko vā khalupacchābhattiko vā nesajjiko vā yathāsanthatiko vā. Tassa evaṃ hoti: aham asmi vattasampanno, ime pan'; aññe na vattasampannā ti. So tāya vattasampadāya paraṃ atimaññatī ti, atha jīvitena paññāya sīlabbattena.
Nāññam atimaññe ti lūkhajīvikāya vā paṇītajīvikāya vā paññāsampadāya vā sīlasampadāya vā vattasampadāya vā paraṃ nātimaññeyya nāvajāneyya na tena mānaṃ janeyya, na tena thaddho assa patthaddho paggahitasiro ti, atha jīvitena paññāya sīlabbatena nāññam atimaññe.
Ten'; āha Bhagavā:
Mosavajje na niyyetha,
sampajāno saṭhāni na kayirā,
atha jīvitena paññāya
sīlabbatena nāññam atimaññe ti.
_________________________________
Sn_IV,14.18(=932): Sutvā dūsito bahuṃ vācaṃ
samaṇānaṃ vā puthuvacanānaṃ
pharusena ne na pativajjā,
na hi santo paṭisenikaronti. || Nidd_I.14:18 ||
[page 397]
S.N. 932] Tuvaṭakasuttaniddeso. 397
Sutvā dūsito bahuṃ vācaṃ samaṇānaṃ vā puthuvacanānan ti. Dūsito ti dūsito khuṃsito ghaṭṭito vambhito garahito upavadito. Samaṇānan ti ye keci ito bahiddhā paribbājupagatā paribbājasamāpannā. Puthuvacanānan ti khattiyā ca brāhmaṇā ca vessā ca suddā ca gahaṭṭhā ca pabbajitā ca devā ca manussā ca. Te bahukāhi vācāhi aniṭṭhāhi akantāhi amanāpāhi akkoseyyuṃ paribhāseyyuṃ roseyyuṃ viroseyyuṃ heṭheyyuṃ viheṭheyyuṃ ghāteyyuṃ upaghāteyyuṃ upaghātaṃ kareyyuṃ. Tesaṃ bahuṃ vācaṃ aniṭṭhaṃ akantaṃ amanāpaṃ sutvā suṇitvā uggahitvā upadhārayitvā upalakkhitvā ti, sutvā dūsito bahuṃ vācaṃ samaṇānaṃ vā puthuvacanānaṃ.
Pharusena ne na pativajjā ti. Pharusenā ti pharusena kakkhaḷena. Na pativajjā ti na patibhaṇeyya akkosantaṃ na paccakkoseyya, rosantaṃ na patiroseyya, bhaṇḍanaṃ na patibhaṇḍeyya, na kalahaṃ kareyya, na bhaṇḍanaṃ kareyya, na viggahaṃ kareyya, na vivādaṃ kareyya, na medhagaṃ kareyya, kalahabhaṇḍanaviggahavivādamedhagaṃ pajaheyya vinodeyya byantīkareyya {anabhāvaṃgameyya}, kalahabhaṇḍanaviggahavivādamedhagā ārato assa virato paṭivirato nikkhanto nissaṭṭho vippamutto visaṃyutto vimariyādikatena cetasā vihareyyā ti, pharusena ne na pativajjā.
Na hi santo paṭisenikarontī ti. Santo ti rāgassa santattā santo, dosassa mohassa kodhassa upanāhassa . . . pe . . . sabbākusalābhisaṃkhārānaṃ santattā samitattā vūpasamitattā vijjhātattā nibbutattā vigatattā paṭipassaddhattā santo upasanto vūpasanto nibbuto paṭipassaddho ti, santo.
Na hi santo paṭisenikarontī ti santo paṭiseniṃ paṭimallaṃ paṭikaṇṭaṃ na karonti paṭipakkhaṃ na karonti na janenti na sañjanenti na nibbattenti nābhinibbattentī ti,
[page 398]
398 Aṭṭhakavaggo. [S.N. 932
[... content straddling page break has been moved to the page above ...] na hi santo paṭisenikaronti. Ten'; āha Bhagavā:
Sutvā dūsito bahuṃ vācaṃ
samaṇānaṃ vā puthuvacanānaṃ
pharusena ne na pativajjā,
na hi santo paṭisenikarontī ti.
_________________________________
Sn_IV,14.19(=933): Etañ ca dhammam aññāya
vicinaṃ bhikkhu sadā sato sikkhe,
santī ti nibbutiṃ ñatvā
sāsane Gotamassa na-ppamajjeyya. || Nidd_I.14:19 ||
Etañ ca dhammam aññāyā ti. Etan ti ācikkhitaṃ desitaṃ paññāpitaṃ paṭṭhapitaṃ vivaṭaṃ vibhattaṃ uttānīkataṃ pakāsitaṃ. Dhammam aññāyā ti jānitvā tulayitvā tīrayitvā vibhāvayitvā vibhūtaṃ katvā ti, evam pi etañ ca dhammam aññāya. Athavā samañ ca visamañ ca pathañ ca vipathañ ca sāvajjañ ca anavajjañ ca hīnañ ca paṇītañ ca kaṇhañ ca sukkañ ca viññūgarahitañ ca viññūpasaṭṭhañ ca dhammaṃ aññāya jānitvā tulayitvā tīrayitvā vibhāvayitvā vibhūtaṃ katvā ti, evam pi etañ ca dhammam aññāya. Athavā sammāpaṭipadaṃ anulomapaṭipadaṃ apaccanīkapaṭipadaṃ dhammānudhammapaṭipadaṃ sīlesu paripūrikāritaṃ indriyesu guttadvārataṃ bhojane mattaññutaṃ jāgariyānuyogaṃ satisampajaññaṃ cattāro satipaṭṭhāne cattāro sammappadhāne cattāro iddhippāde pañc'; indriyāni pañca balāni satta bojjhaṅge ariyaṃ aṭṭhaṅgikaṃ maggaṃ nibbānañ ca nibbānagāminiñ ca paṭipadaṃ dhammaṃ aññāya jānitvā tulayitvā tīrayitvā vibhāvayitvā vibhūtaṃ katvā ti, evam pi etañ ca dhammam aññāya.
Vicinaṃ bhikkhu sadā sato sikkhe ti. Vicinan ti vicinanto pavicinanto tulayanto tīrayanto vibhāvayanto vibhūtaṃ karonto. Sabbe saṃkhārā aniccā ti . . . pe . . . yaṃkiñci samudayadhammaṃ sabban taṃ nirodhadhamman ti vicinanto pavicinanto tulayanto tīrayanto vibhāvayanto vibhūtaṃ karonto ti,
[page 399]
S.N. 933] Tuvaṭakasuttaniddeso. 399
[... content straddling page break has been moved to the page above ...] vicinaṃ bhikkhu. Sadā ti sadā sabbadā sabbakālaṃ . . . pe . . . pacchime vayokhandhe.
Sato ti catūhi kāraṇehi sato kāye kāyānupassanāsatipaṭṭhānaṃ bhāvento . . . pe . . . so vuccati sato. Sikkhe ti tisso sikkhā, adhisīlasikkhā adhicittasikkhā adhipaññāsikkhā . . . pe . . . ayaṃ adhipaññāsikkhā. Imā tisso sikkhā āvajjanto sikkheyya . . . pe . . . sikkheyya ācareyya samācareyya samādāya vatteyyā ti, vicinaṃ bhikkhu sadā sato sikkhe.
Santī ti nibbutiṃ ñatvā ti rāgassa nibbutiṃ santī ti ñatvā, dosassa mohassa . . . pe . . . sabbākusalābhisaṃkhārānaṃ nibbutiṃ santī ti ñatvā jānitvā tulayitvā tīrayitvā vibhāvayitvā vibhūtaṃ katvā ti, santī ti nibbutiṃ ñatvā
Sāsane Gotamassa na-ppamajjeyyā ti Gotamasāsane buddhasāsane jinasāsane tathāgatasāsane devasāsane arahantasāsane na-ppamajjeyyā ti sakkaccakārī assa sātaccakārī aṭṭhitakārī anolīnavuttiko anikkhittachando anikkhittadhuro appamatto kusalesu dhammesu. Kadāhaṃ aparipūraṃ vā sīlakkhandhaṃ paripureyyaṃ . . . pe . . . aparipūraṃ vā samādhikkhandhaṃ paññākkhandhaṃ vimuttikkhandhaṃ vimuttiñāṇadassanakkhandaṃ? Kadāhaṃ apariññātaṃ vā dukkhaṃ parijāneyyaṃ, appahīne vā kilese pajaheyyaṃ, abhāvitaṃ vā maggaṃ bhāveyyaṃ, asacchikataṃ vā nirodhaṃ sacchikareyyan? ti. Yo tattha chando ca vāyāmo ca ussāho ca ussoḷhi ca thāmo ca appaṭivānī ca satisampajaññañ ca ātappaṃ padhānaṃ adhiṭṭhānaṃ anuyogo appamādo kusalesu dhammesu ti, sāsane Gotamassa na-ppamajjeyya.
Ten'; āha Bhagavā:
Etañ ca dhammam aññāya
vicinaṃ bhikkhu sadā sato sikkhe,
santī ti nibbutiṃ ñatvā
sāsane Gotamassa na-ppamajjeyyā ti.
_________________________________
[page 400]
400 Aṭṭhakavaggo. [S.N. 934
Sn_IV,14.20(=934): Abhibhū hi so anabhibhūto
sakkhidhammaṃ anītiham adassī
tasmā hi tassa Bhagavato
sāsane appamatto sadā namassam anusikkhe ti Bhagavā ti. || Nidd_I.14:20 ||
Abhibhū hi so anabhibhūto ti. Abhibhū ti rūpābhibhū saddābhibhū gandhābhibhū rasābhibhū phoṭṭhabbābhibhū dhammābhibhū, anabhibhūto kehici kilesehi; abhibhū hi pāpake akusale dhamme saṃkilesike ponobbhavike sadare dukkhavipāke āyatiṃ jātijarāmaraṇiye ti, abhibhū hi so anabhibhūto. Sakkhidhammaṃ anītiham adassī ti. Sakkhi dhamman ti na itihitihaṃ na itikiriyāya na paramparāya na piṭakasampadāya na takkahetu na nayahetu na ākāraparivitakkena na diṭṭhinijjhānakhantiyā sāmaṃ sayam abhiññātaṃ attapaccakkhaṃ dhammaṃ addasi addakkhi apassi paṭivijjhī ti, sakkhidhammaṃ anītiham adassī.
Tasmā hi tassa Bhagavato sāsane ti. Tasmā ti tasmā taṃkāraṇā taṃhetu taṃpaccayā taṃnidānā. Tassa Bhagavato sāsane ti tassa Bhagavato sāsane gotamasāsane buddhasāsane jinasāsane tathāgatasāsane devasāsane arahantasāsane ti, tasmā hi tassa Bhagavato sāsane. Appamatto sadā namassam anusikkhe ti Bhagavā ti appamatto ti sakkaccakārī assa sātaccakārī aṭṭhitakārī appamatto kusalesu dhammesu. Sadā ti sadā sabbadā . . . pe . . . pacchime vayokhandhe. Namassan ti kāyena vā namassamāno vācāya vā namassamāno cittena vā namassamāno anvatthapaṭipattiyā namassamāno dhammānudhammapaṭipattiyā namassamāno sakkāramāno garukārayamāno mānayamāno pūjayamāno apacāyamāno.
[page 401]
S.N. 934] Tuvaṭakasuttaniddeso. 401
[... content straddling page break has been moved to the page above ...] Anusikkhe ti ti tisso sikkhā, adhisīlasikkhā adhicittasikkhā adhipaññāsikkhā . . . pe . . . ayaṃ adhipaññāsikkhā. Imā tisso sikkhā āvajjanto sikkheyya . . . pe . . . sacchikātabbaṃ sacchikaronto sikkheyya ācareyya samācareyya samādāya vatteyya. Bhagavā ti gāravādhivacanaṃ . . . pe . . . sacchikā paññatti yadidaṃ Bhagavā ti, appamatto sadā namassam anusikkhe ti Bhagavā ti. Ten'; āha Bhagavā:
Abhibhū hi so anabhibhūto
sakkhidhammaṃ anītiham adassī
tasmā hi tassa Bhagavato
sāsane appamatto sadā namassam anusikkhe ti Bhagavā ti.
CUDDASAMO TUVAṬAKASUTTANIDDESO NIṬṬHITO.
[page 402]
402
PAṆṆARASAMO ATTADAṆḌASUTTANIDDESO.
Sn_IV,15.1(=935): Attadaṇḍā bhayaṃ jātaṃ janaṃ passatha medhagaṃ,
saṃvegaṃ kittayissāmi yathā saṃvijitaṃ mayā. || Nidd_I.15:1 ||
Attadaṇḍā bhayaṃ jātan ti. Daṇḍā ti tayo daṇḍā, kāyadaṇḍo vacīdaṇḍo manodaṇḍo. Tividhaṃ kāyaduccaritaṃ kāyadaṇḍo. Catuvidhaṃ vacīduccaritaṃ vacīdaṇḍo. Tividhaṃ manoduccaritaṃ manodaṇḍo. Bhayan ti dve bhayāni, diṭṭhadhammikañ ca bhayaṃ samparāyikañ ca bhayaṃ.
Katamaṃ diṭṭhadhammikaṃ bhayaṃ? Idh'; ekacco kāyena duccaritaṃ carati, vācāya duccaritaṃ carati, manasā duccaritaṃ carati, pāṇam pi hanati, adinnam pi ādiyati, sandhim pi chindati, nillopam pi harati, ekāgārikam pi karoti, paripanthe pi tiṭṭhati paradāram pi gacchati, musā pi bhaṇati. Tam enaṃ gahetvā rañño dassenti, ayaṃ deva coro āgucārī, imassa yaṃ icchasi taṃ daṇḍaṃ paṇehī ti. Tam enaṃ rājā paribhāsati; so paribhāsapaccayā pi dukkhadomanassaṃ paṭisaṃvedeti. Etaṃ bhayaṃ dukkhadomanassaṃ kuto tassa? Attadaṇḍato jātaṃ sañjātaṃ nibbattaṃ abhinibbattaṃ pātubhūtaṃ. Ettakena pi rājā na tussati. Tam enaṃ rājā bandhāpeti andubandhanena vā rajjubandhanena vā saṃkhalikabandhanena vettabandhena vā latābandhanena vā pekkhabandhanena vā parikkhepabandhanena vā gāmabandhanena vā nagarabandhanena vā raṭṭhabandhanena vā janapadabandhanena vā antamaso savacanīyam pi karoti,
[page 403]
S.N. 935] Attadaṇḍasuttaniddeso. 403
[... content straddling page break has been moved to the page above ...] na te labbhā ito pakkamitun ti. So bandhanapaccayā pi dukkhadomanassaṃ {paṭisaṃvedeti}. Etaṃ bhayaṃ dukkhadomanassaṃ kuto tassa? Attadaṇḍato jātaṃ sañjātaṃ nibbattaṃ abhinibbattaṃ pātubhūtaṃ. Ettakena pi rājā na tussati. Tam enaṃ rājā tassa dhanaṃ āharāpeti sataṃ vā sahassaṃ vā. So dhanajānipaccayā pi dukkhadomanassaṃ paṭisaṃvedeti.
Etaṃ bhayaṃ dukkhadomanassaṃ kuto tassa? Attadaṇḍato jātaṃ sañjātaṃ nibbattaṃ abhinibbattaṃ pātubhūtaṃ.
Ettakena pi rājā na tussati. Tam enaṃ rājā vividhā kammakāraṇā kārāpeti, kasāhi pi tāḷeti, vettehi pi tāḷeti, aḍḍhadaṇḍakehi pi tāḷeti, hattham pi chindati, pādam pi chindati, hatthapādam pi chindati, kaṇṇam pi chindati, nāsam pi chindati, kaṇṇanāsam pi chindati, vilaṅgathālakam pi karoti, saṃkhamuṇḍakam pi karoti, rāhumukham pi karoti jotimālakam pi karoti, hatthapajjotikam pi karoti, erakavattikam pi karoti, cirakavāsikam pi karoti, eṇeyyakam pi karoti, baḷisamaṃsikam pi karoti, kahāpaṇikam pi karoti, khārāpatacchikam pi karoti, palighaparivattikam pi karoti, palālapīṭhakam pi karoti, tattena pi telena osiñcati, sunakhehi pi khādāpeti, jīvantam pi sūle uttāseti, asinā pi sīsaṃ chindati. So kammakāraṇapaccayā pi dukkhadomanassaṃ paṭisaṃvedeti. Etaṃ bhayaṃ dukkhadomanassaṃ kuto tassa? Attadaṇḍato jātaṃ sañjātaṃ nibbattaṃ abhinibbattaṃ pātubhūtaṃ. Rājā imesaṃ catunnaṃ daṇḍānaṃ issaro. So sakena kammena kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati.
[page 404]
404 Aṭṭhakavaggo. [S.N. 935
[... content straddling page break has been moved to the page above ...] Tam enaṃ nirayapālā pañcavidhabandhanaṃ nāma kammakāraṇaṃ kārenti, tattaṃ ayokhilaṃ hatthe gamenti, tattaṃ ayokhilaṃ dutiye hatthe gamenti, tattaṃ ayokhilaṃ pāde gamenti, tattaṃ ayokhilaṃ dutiye pāde gamenti, tattaṃ ayokhilaṃ majjhe urasmiṃ gamenti. So tattha dukkhā tippā kaṭukā vedanā vedeti; na ca tāva kālaṃ karoti, yāva na taṃ pāpakammaṃ byantīhoti. Etaṃ bhayaṃ dukkhadomanassaṃ kuto tassa? Attadaṇḍato jātaṃ sañjātaṃ nibbattaṃ abhinibbattaṃ pātubhūtaṃ.
Tam enaṃ nirayapālā saṃvesitvā kudhārīhi tacchenti.
So tattha dukkhā tippā kaṭukā vedanā vedeti; na ca tāva kālaṃ karoti, yāva na taṃ pāpakammaṃ byantīhoti. Tam enaṃ nirayapālā uddhaṃ pādaṃ adhosiraṃ gahetvā vāsīhi tacchenti. Tam enaṃ nirayapālā rathe yojetvā ādittāya paṭhaviyā sampajjalitāya sañjotibhūtāya sārenti pi paccāsārenti pi . . . pe . . . tam enaṃ nirayapālā mahantaṃ aṅgārapabbataṃ ādittaṃ sampajjalitaṃ sañjotibhūtaṃ āropenti pi oropenti pi . . . pe . . . tam enaṃ nirayapālā uddhaṃ pādaṃ adhosiraṃ gahetvā tattāya lohakumbhiyā pakkhipanti ādittāya sampajjalitāya sañjotibhūtāya. So tattha phenuddehakaṃ paccati. So tattha phenuddehakaṃ paccamāno sakim pi uddhaṃ gacchati, sakim pi adho gacchati, sakim pi tiriyaṃ gacchati. So tattha dukkhā tippā kaṭukā vedanā vedeti; na ca tāva kālaṃ karoti, yāva na taṃ pāpakammaṃ byantīhoti. Etaṃ bhayaṃ dukkhadomanassaṃ kuto tassa? Attadaṇḍato jātaṃ sañjātaṃ nibbattaṃ abhinibbattaṃ pātubhūtaṃ.
*Tam enaṃ nirayapālā mahāniraye pakkhipanti. So kho pana mahānirayo
[page 405]
S.N. 935] Attadaṇḍasuttaniddeso. 405
Catukkaṇṇo catudvāro vibhatto bhāgaso mito
ayopākārapariyatto ayasā paṭikujjito.
Tassa ayomayā bhūmi jalitā tejasā yutā
samantā yojanasataṃ pharitvā tiṭṭhati sabbadā.
Kadariyā tapanā ghorā accimanto durāsadā,
lomahaṃsanarūpā ca bhismā paṭibhayā dukkhā.
Puratthimāya ca bhittiyā accikhandho samuṭṭhito,
ḍahanto pāpakammante pacchimāya paṭihaññati.
Pacchimāya ca bhittiyā accikhandho samuṭṭhito,
ḍahanto pāpakammante puritthimāya patihaññati.
Uttarāya ca bhittiyā accikhandho samuṭṭhito,
ḍahanto pāpakammante dakkhiṇāya paṭihaññati.
Dakkhiṇāya ca bhittiyā accikhandho samuṭṭhito,
ḍahanto pāpakammante uttarāya paṭihaññati.
Heṭṭhito ca samuṭṭhāya, accikhando bhayānako
ḍahanto pāpakammante chadanasmiṃ paṭihaññati.
Chadanamhā samuṭṭhāya accikhando bhayānako
ḍahanto pāpakammante bhūmiyaṃ paṭihaññati.
Ayokapālaṃ ādittaṃ santattaṃ jalitaṃ yathā,
evaṃ Avīcinirayo, heṭṭhā upari passato.
Tattha sattā mahāluddā, mahākibbisakārino,
accantapāpakammantā paccanti na ca miyyare.
Jātaṃvedasamo kāyo tesaṃ nirayavāsinaṃ
passa kammānaṃ daḷhattaṃ, na bhasmā honti na pi masi.
Puratthimena pi dhāvanti tato dhāvanti pacchato
uttarena pi dhāvanti tato dhāvanti dakkhiṇaṃ.
Yaṃ yaṃ disam pi dhāvanti taṃ taṃ dvāraṃ pithīyati,
abhinikkhamitāsā te sattā pāmokkhaṃ gavesino.
Na te tato nikkhamituṃ labhanti kammapaccayā,
tesañ ce pāpakammantaṃ avipakkaṃ kataṃ bahun ti.
Etaṃ bhayaṃ dukkhadomanassaṃ kuto tassa? Attadaṇḍato jātaṃ sañjātaṃ nibbattaṃ abhinibbattaṃ pātubhūtaṃ.
[page 406]
406 Aṭṭhakavaggo. [S.N. 935
Yāni ca nerayikāni dukkhāni, yāni ca tiracchānayonikāni dukkhāni, yāni ca pittivisayikāni dukkhāni, yāni ca mānusakāni dukkhāni, tāni kuto jātāni kuto sañjātāni kuto nibbattāni kuto abhinibbattāni kuto pātubhūtāni? Attadaṇḍato jātāni sañjātāni nibbattāni abhinibbattāni pātubhūtānī ti, attadaṇḍā bhayaṃ jātaṃ.
Janaṃ passatha medhagan ti. Janan ti khattiyā ca brāhmaṇā ca vessā ca suddā ca gahaṭṭhā ca pabbajitā ca devā ca manussā ca. Medhagan ti medhagaṃ janaṃ kalahaṃ janaṃ viruddhaṃ janaṃ paṭiviruddhaṃ janaṃ āhatajanaṃ paccāhatajanaṃ āghātitajanaṃ paccāghātitajanaṃ passatha dakkhatha oloketha nijjhāyetha upaparikkhathā ti, janaṃ passatha medhagaṃ.
Saṃvegaṃ kittayissāmī ti saṃvegaṃ ubbegaṃ utrāsaṃ bhayaṃ pīḷanaṃ ghaṭanaṃ upaddavaṃ upasaggaṃ kittayissāmi pakittayissāmi ācikkhissāmi desissāmi paññāpissāmi paṭṭhapissāmi vivarissāmi vibhajissāmi uttānīkarissāmi pakāsissāmī ti, saṃvegaṃ kittayissāmi.
Yathā saṃvijitaṃ mayā ti yathā mayā attāyeva saṃvejito ubbejito saṃvegam āpādito ti, yathā saṃvijitaṃ mayā. Ten'; āha Bhagavā:
Attadaṇḍā bhayaṃ jātaṃ, janaṃ passatha meḍhagaṃ,
saṃvegaṃ kittayissāmi yathā saṃvijitaṃ mayā ti.
_________________________________
Sn_IV,15.2(=936): Phandamānaṃ pajaṃ disvā macche appodake yathā
aññamaññehi byāruddhe disvā maṃ bhayam āvisi. || Nidd_I.15:2 ||
Phandamānaṃ pajaṃ disvā ti. Pajā ti sattādhivacanaṃ.
Pajaṃ tanhāphandanāya phandamānaṃ diṭṭhiphandanāya
[page 407]
S.N. 936] Attadaṇḍasuttaniddeso. 407
phandamānaṃ kilesaphandanāya phandamānaṃ duccaritaphandanāya phandamānaṃ payogaphandanāya phandamānaṃ vipākaphandanāya phandamānaṃ rattarāgena phandamānaṃ duṭṭhadosena phandamānaṃ mūḷhamohena phandamānaṃ vinibandhamānena phandamānaṃ parāmaṭṭhadiṭṭhiyā phandamānaṃ vikkhepagata-uddhaccena phandamānaṃ aniṭṭhaṅgatavicikicchāya phandamānaṃ thāmagatānusayehi phandamānaṃ lābhena phandamānaṃ alābhena phandamānaṃ yasena phandamānaṃ ayasena phandamānaṃ pasaṃsāya phandamānaṃ nindāya phandamānaṃ sukhena phandamānaṃ dukkhena phandamānaṃ jātiyā phandamānaṃ jarāya phandamānaṃ byādhinā phandamānaṃ maraṇena phandamānaṃ sokaparidevadukkhadomanassupāyāsehi phandamānaṃ nerayikena dukkhena phandamānaṃ tiracchānayonikena dukkhena phandamānaṃ pittivisayikena dukkhena phandamānaṃ mānusakena dukkhena phandamānaṃ gabbhokkantimūlakena dukkhena gabbhaṭṭhitimūlakena dukkhena gabbhavuṭṭhānamūlakena dukkhena jātass'; upanibandhikena dukkhena jātassa parādheyyakena dukkhena attūpakkamena dukkhena parūpakkamena dukkhena dukkhadukkhena saṃkhāradukkhena vipariṇāmadukkhena cakkhurogena dukkhena sotarogena ghānarogena jivhārogena kāyarogena sīsarogena kaṇṇarogena mukharogena dantarogena kāsena sāsena pināsena ḍāhena jarena kucchirogena mucchāya pakkhandikāya sūlāya visūcikāya kuṭṭhena gaṇḍena kilāsena sosena apamārena danduyā kaṇḍuyā kacchuyā rakhasāya vitacchikāya lohitena pittena madhumehena aṃsāya piḷakāya bhagandalāya pittasamuṭṭhānehi ābādhehi semhasamuṭṭhānehi ābādhehi vātasamuṭṭhānehi ābādhehi sannipātikehi ābādhehi utupariṇāmajehi ābādhehi visamaparihārajehi ābādhehi opakkamikehi ābādhehi kammavipākajehi ābādhehi sītena uṇhena jighacchāya pipāsāya uccārena passāvena ḍaṃsamakasavātātapasiriṃsapasamphassena mātumaraṇena dukkhena pitumaraṇena dukkhena bhātumaraṇena dukkhena bhaginimaraṇena dukkhena dhītumaraṇena dukkhena ñātimaraṇena dukkhena bhogabyasanena dukkhena rogabyasanena dukkhena sīlabyasanena dukkhena diṭṭhibyasanena dukkhena phandamānaṃ samphandamānaṃ vipphandamānaṃ vedhamānaṃ pavedhamānaṃ sampavedhamānaṃ disvā ti passitvā tulayitvā tīrayitvā vibhāvayitvā vibhūtaṃ katvā ti,
[page 408]
408 Aṭṭhakavaggo. [S.N. 936
[... content straddling page break has been moved to the page above ...] phandamānaṃ pajaṃ disvā.
Macche appodake yathā ti yathā macchā appodake parittodake udakapariyādāne kākehi vā kulalehi vā balākāya vā paripātiyāmānā ukkhipiyamānā khajjamānā phandanti samphandanti vipphandanti vedhenti pavedhenti sampavedhenti; evam eva pajā taṇhāphandanāya phandanti . . . pe . . . diṭṭhibyasanena dukkhena phandanti samphandanti vipphandanti vedhenti pavedhenti sampavedhentī ti, macche appodake yathā.
Aññamaññehi byāruddhe ti aññamaññaṃ sattā viruddhā paṭiviruddhā āhatā paccāhatā āghātitā paccāghātitā; rājāno pi rājūhi vivadanti, khattiyā pi khattiyehi vivadanti, brāhmaṇā pi brāhmaṇehi vivadanti, gahapatī pi gahapatīhi vivadanti, mātā pi puttena vivadati, putto pi mātarā vivadati, pitā pi puttena vivadati, putto pi pitarā vivadati, bhātā pi bhātarā vivadanti, bhātā pi bhaginiyā vivadati, bhaginī pi bhātarā vivadati, sahāyo pi sahāyena vivadati. Te tattha kalahaviggahavivādāpannā aññamaññaṃ pāṇīhi pi upakkamanti, leḍḍuhi pi upakkamanti, daṇḍehi pi upakkamanti, satthehi pi upakkamanti. Te tattha maraṇam pi gacchanti maraṇamattam pi dukkhan ti, aññamaññehi byāruddhe.
[page 409]
S.N. 937] Attadaṇḍasuttaniddeso. 409
Disvā maṃ bhayam āvisī ti. Disvā ti disvā passitvā tulayitvā tīrayitvā vibhāvayitvā vibhūtaṃ katvā, bhayaṃ pīḷanaṃ ghaṭanaṃ upaddavo upasaggo āvisatī ti, disvā maṃ bhayam āvisi. Ten'; āha Bhagavā:
Phandamānaṃ pajaṃ disvā macche appodake yathā
aññamaññehi byāruddhe disvā maṃ bhayam āvisī ti.
_________________________________
Sn_IV,15.3(=937): Samantam asāro loko, disā sabbā sameritā,
icchaṃ bhavanam attano nāddasāsiṃ anositaṃ. || Nidd_I.15:3 ||
Samantam asāro loko ti. Loko ti nirayaloko tiracchānayoniloko pittivisayaloko manussaloko devaloko khandhaloko dhātuloko āyatanaloko ayaṃ loko paro loko sabrahmaloko sadevaloko; ayaṃ vuccati loko. Nirayaloko asāro nissāro sārāpagato niccasārasārena vā sukhasārasārena vā attasārasārena vā niccena vā dhuvena vā sassatena vā avipariṇāmadhammena vā. Tiracchānayoniloko pittivisayaloko manussaloko devaloko khandhaloko dhātuloko āyatanaloko ayaṃ loko paro loko sabrahmaloko sadevaloko asāro nissāro sārāpagato niccasārasārena vā sukhasārasārena vā attasārasārena va niccena vā dhuvena vā sassatena vā avipariṇāmadhammena vā. Yathā naḷo asāro nissāro sārāpagato, yathā eraṇḍo asāro nissāro sārāpagato, yathā udumbaro asāro nissāro sārāpagato, yathā setagaccho asāro nissāro sārāpagato,
[page 410]
410 Aṭṭhakavaggo. [S.N. 937
[... content straddling page break has been moved to the page above ...] yathā pālibhaddako asāro nissāro sārāpagato, yathā pheṇupiṇḍo asāro nissāro sārāpagato, yathā udakapubbuḷaṃ asāraṃ nissāraṃ sārāpagataṃ, yathā marīci asārā nissārā sārāpagatā, yathā kaddalikhandho asāro nissāro sārāpagato, yathā māyā asārā nissārā sārāpagatā; evam eva nirayaloko asāro nissāro sārāpagato niccasārasārena vā sukhasārasārena vā attasārasārena vā niccena vā dhuvena vā sassatena vā avipariṇāmadhammena vā; tiracchānayoniloko pittivisayaloko manussaloko . . . pe . . . sadevaloko asāro nissāro sārāpagato niccasārasārena vā sukhasārasārena vā attasārasārena vā niccena vā dhuvena vā sassatena vā avipariṇāmadhammena vā; khandhaloko dhātuloko āyatanaloko ayaṃ loko paraloko brahmaloko devaloko asāro nissāro sārāpagato niccasārasārena vā sukhasārasāreṇa vā attasārasāreṇa vā niccena vā dhuvena vā sassatena vā avipariṇāmadhammena vā ti, samantam asāro loko. Disā sabbā sameritā ti.
Ye puratthimāya disāya saṃkhārā, te pi eritā sameritā calitā ghaṭṭitā aniccatāya jātiyā anugatā jarāya anusaṭā byādhinā abhibhūtā maraṇena abbhāhatā dukkhe patiṭṭhitā atāṇā aleṇā asaraṇā asaraṇībhūtā. Ye pacchimāya disāya saṃkhārā, ye uttarāya disāya saṃkhārā, ye dakkhiṇāya disāya saṃkhārā, ye puratthimāya anudisāya saṃkhārā, ye pacchimāya anudisāya saṃkhārā, ye uttarāya anudisāya saṃkhārā, ye dakkhiṇāya anudisāya saṃkhārā, ye heṭṭhimāya disāya saṃkhārā, ye uparimāya disāya saṃkhārā, ye dasadisāsu saṃkhārā, te pi eritā sameritā calitā ghaṭṭitā aniccatāya jātiyā anugatā jarāya anusaṭā byādhinā abhibhūtā maraṇena abbhāhatā dukkhe patiṭṭhitā atāṇā aleṇā asaraṇā asaraṇībhūtā. Bhāsitam pi c'; etaṃ:
[page 411]
S.N. 937] Attadaṇḍasuttaniddeso. 411
*Kiñcā pi cetaṃ jalatī vimānaṃ
obhāsayaṃ uttariyaṃ disāya
rūpe raṇaṃ disvā sadā pavedhitaṃ,
tasmā rūpe na ramati sumedho.
*Maccun'; abbhāhato loko jarāya parivārito
taṇhāsallena otiṇṇo icchādhumāyiko sadā.
*Sabbo ādīpito loko, sabbo loko pajopito
sabbo pajjalito loko sabbo loko pakampito ti; disā sabbā sameritā.
Icchaṃ bhavanam attano ti attano bhavaṃ tāṇaṃ leṇaṃ saraṇaṃ gatiṃ parāyanaṃ icchanto sādiyanto patthayanto pihayanto abhijappanto ti, icchaṃ bhavanam attano.
Nāddasāsiṃ anositan ti anajjhositaṃ na addasaṃ, ajjhositañ ñeva addasaṃ; sabbaṃ yobbaññaṃ jarāya ositam, sabbaṃ ārogyaṃ byādhinā ositaṃ, sabbaṃ jīvitaṃ maraṇena ositaṃ, sabbaṃ lābhaṃ alābhena ositaṃ, sabbaṃ yasaṃ ayasena ositaṃ, sabbaṃ pasaṃsam nindāya ositaṃ, sabbaṃ sukhaṃ dukkhena ositaṃ.
*Lābho alābho yaso ayaso ca
nindā ca pasaṃsā ca sukhadukkhañ ca
ete aniccā manujesu dhammā
asassatā vipariṇāmadhammā ti, nāddasāsiṃ anositaṃ. Ten'; āha Bhagavā:
Samantam asāro loko, disā sabbā sameritā,
icchaṃ bhavanam attano nāddasāsiṃ anositan ti.
_________________________________
[page 412]
412 Aṭṭhakavaggo. [S.N. 938
Sn_IV,15.4(=938): Osāne tveva byāruddhe disvā me aratī ahu,
ath'; ettha sallaṃ addakkhiṃ duddasaṃ hadayassitaṃ. || Nidd_I.15:4 ||
Osāne tveva byāruddhe ti. Osāne tvevā ti sabbaṃ yobbaññaṃ jarā osāpeti, sabbaṃ ārogyaṃ byādhi osāpeti, sabbaṃ jīvitaṃ maraṇaṃ osāpeti, sabbaṃ lābhaṃ alābho osāpeti, sabbaṃ yasaṃ ayaso osāpeti, sabbaṃ pasaṃsaṃ nindā osāpeti, sabbaṃ sukhaṃ dukkhaṃ osāpetī ti, osāne tveva.
Byāruddhe ti yobbaññakāmā sattā jarāya paṭiviruddhā, ārogyakāmā sattā byādhinā paṭiviruddhā, jīvitukāmā sattā maraṇena pativiruddhā, lābhakāmā sattā alābhena paṭiviruddhā, yasakāmā sattā ayasena paṭiviruddhā, pasaṃsakāmā sattā nindāya paṭiviruddhā, sukhakāmā sattā dukkhena viruddhā paṭiviruddhā āhatā paccāhatā āghāṭitā paccaghāṭitā ti, osāne tveva byāruddhe.
Disvā me aratī ahū ti. Disvā ti disvā passitvā tulayitvā tīrayitvā vibhāvayitvā vibhūtaṃ katvā ti, disvā. Me aratī ti yā arati, yā anabhirati, yā anabhiramanā, yā ukkaṇṭhiyā, yā paritasitā ahū ti, disvā me aratī ahu.
Ath'; ettha sallaṃ addakkhin ti. Athā ti padasandhi . . . pe . . . padānupubbatā-m-etaṃ, athā ti. Etthā ti sattesu.
Sallan ti satta sallāni, rāgasallaṃ dosasallaṃ mohasallaṃ mānasallaṃ diṭṭhisallaṃ sokasallaṃ kathaṃkathāsallaṃ.
Addakkhin ti addasaṃ addakkhiṃ apassiṃ paṭivijjhin ti, ath'; ettha sallaṃ addakkhiṃ.
Duddasaṃ hadayassitan ti. Duddasan ti duddasaṃ duddakkhaṃ duppassaṃ dubbujjhaṃ duranubujjhaṃ duppaṭivijjhaṃ. Hadayassitan ti hadayaṃ vuccati cittaṃ; yaṃ cittaṃ mano mānasaṃ hadayaṃ paṇḍaraṃ mano manāyatanaṃ manindriyaṃ viññāṇaṃ viññāṇakkhandho tajjā manoviññāṇadhātu. Hadayassitan ti hadayanissitaṃ cittanissitaṃ cittasannissitaṃ cittena sahagataṃ sahajātaṃ saṃsaṭṭhaṃ sampayuttaṃ ekuppādaṃ ekanirodhaṃ ekavatthukaṃ ekārammaṇan ti,
[page 413]
S.N. 939] Attadaṇḍasuttaniddeso. 413
[... content straddling page break has been moved to the page above ...] duddasaṃ hadayassitaṃ. Ten'; ahā Bhagavā:
Osāne tveva byāruddhe disvā me aratī ahu,
ath'; ettha sallaṃ addakkhiṃ duddasaṃ hadayassitan ti.
_________________________________
Sn_IV,15.5(=939): Yena sallena otiṇṇo disā sabbā vidhāvati,
tam eva sallaṃ abbūyha na dhāvati,
na sīdati. || Nidd_I.15:5 ||
Yena sallena otiṇṇo disā sabbā vidhāvatī ti. Sallan ti satta sallāni, rāgasallaṃ dosasallaṃ mohasallaṃ mānasallaṃ diṭṭhisallaṃ sokasallaṃ kathaṃkathāsallaṃ.
Katamaṃ rāgasallaṃ? Yo rāgo sārāgo anunayo anurodho nandi nandirāgo cittassa sārāgo . . . pe . . . abhijjhā lobho akusalamūlaṃ; idaṃ rāgasallaṃ.
Katamaṃ dosasallaṃ? Anatthaṃ me acarī ti āghāto jāyati, anatthaṃ me caratī ti āghāto jāyati, anatthaṃ me carissatī ti āghāto jāyati . . . pe . . . caṇḍikkaṃ assuropo anattamanatā cittassa; idaṃ dosasallaṃ.
Katamaṃ mohasallaṃ? Dukkhe añāṇaṃ . . . pe . . . dukkhanirodhagāminiyā paṭipadāya añāṇaṃ, pubbante añāṇaṃ, aparante añāṇaṃ, pubbantāparante añāṇaṃ, idappaccayatāpaṭiccasamuppannesu dhammesu añāṇaṃ; yaṃ evarūpaṃ adassanaṃ anabhisamayo ananubodho asambodho appaṭivedho asaṃgāhatā apariyogāhatā asamapekkhatā apaccavekkhatā apaccakkhakammaṃ dummejjhaṃ bālyaṃ moho pamoho sammoho avijjā avijjogho avijjāyogo avijjānusayo avijjāpariyuṭṭhānaṃ avijjāsaṅgī moho akusalamūlaṃ; idaṃ mohasallaṃ.
Katamaṃ mānasallaṃ? Seyyo 'ham asmī ti māno, sadiso 'ham asmī ti māno, hīno 'ham asmī ti māno; yo evarūpo māno maññanā maññitattaṃ uṇṇati uṇṇamo dhajo sampaggāho ketukamyatā cittassa; idaṃ mānasallaṃ.
Katamaṃ diṭṭhisallaṃ? Vīsativatthukā sakkāyadiṭṭhi,
[page 414]
414 Aṭṭhakavaggo. [S.N. 939
dasavatthukā micchādiṭṭhi, dasavatthukā antagāhikā diṭṭhi; yā evarūpā diṭṭhi diṭṭhigataṃ diṭṭhigahaṇaṃ diṭṭhikantāro diṭṭhivisūkāyikaṃ diṭṭhivipphanditaṃ diṭṭhisaṃyojanaṃ gāho paṭiggāho abhiniveso parāmāso kummaggo micchāpatho micchattaṃ titthāyatanaṃ vipariyesagāho viparittagāho vipallāsagāho micchāgāho ayāthāvakasmiṃ yāthāvakan ti gāho, yāvatā dvāsaṭṭhī diṭṭhigatāni; idaṃ diṭṭhisallaṃ.
Katamaṃ sokasallaṃ? Ñātibyasanena vā phuṭṭhassa bhogabyasanena vā phuṭṭhassa rogabyasanena vā phuṭṭhassa sīlabyasanena vā phuṭṭhassa diṭṭhibyasanena vāphuṭṭhassa aññataraññatarena vā byasanena samannāga tassa aññataraññatarena vā dukkhadhammena phuṭṭhassa soko socanā socitattaṃ antosoko antoparisoko antoḍāho antopariḍāho cetaso parijjhāyanā domanassaṃ sokasallaṃ; idaṃ sokasallaṃ.
Katamaṃ kathaṃkathāsallaṃ? Dukkhe kaṃkhā dukkhasamudaye kaṃkhā dukkhanirodhe kaṃkhā dukkhanirodhagāminiyā paṭipadāya kaṃkhā pubbante kaṃkhā aparante kaṃkhā pubbantāparante kaṃkhā idappaccayatāpaṭiccasamuppannesu dhammesu kaṃkhā; yā evarūpā kaṃkhā kaṃkhāyanā kaṃkhāyitattaṃ vimati vicikicchā dveḷhakaṃ dvedhāpatho saṃsayo anekaṃsagāho āsappanā parisappanā apariyogāhanā chambhitattaṃ cittassa manovilekho; idaṃ kathaṃkathāsallaṃ.
Yena sallena otiṇṇo disā sabbā vidhāvatī ti rāgasallena otiṇṇo viddho phuṭṭho pareto samohito samannāgato kāyena duccaritaṃ carati, vācāya duccaritaṃ carati, manasā duccaritaṃ carati, pāṇam pi hanati, adinnam pi ādiyati, sandhim pi chindati, nillopam pi harati, ekāgārikam pi karoti, paripanthe pi tiṭṭhati, paradāram pi gacchati, musā pi bhaṇati; evam pi rāgasallena otiṇṇo viddho phuṭṭho pareto samohito samannāgato dhāvati vidhāvati sandhāvati saṃsarati. Athavā rāgasallena otiṇṇo viddho phuṭṭho pareto samohito samannāgato bhoge pariyesanto nāvāya mahāsamuddaṃ gacchati,
[page 415]
S.N. 939] Attadaṇḍasuttaniddeso. 415
sītassa purakkhato uṇhassa purakkhato ḍaṃsamakasavātātapasiriṃsapasamphassehi rissamāno, khuppipāsāya miyyamāno Gumbhaṃ gacchati, Takkolaṃ gacchati, Takkasilaṃ gacchati, Kālamukhaṃ gacchati, Maraṇapāraṃ gacchati, Vesuṅgaṃ gacchati, Verāpathaṃ gacchati, Javaṃ gacchati, Tamaliṃ gacchati, Vaṅgaṃ gacchati, Eḷavaddhanaṃ gacchati, Suvaṇṇakūṭaṃ gacchati, Suvaṇṇabhūmiṃ gacchati, Tambapaṇṇiṃ gacchati, Suppāraṃ gacchati, Bharukacchaṃ gacchati, Suraṭṭhaṃ gacchati, Aṅgaṇekaṃ gacchati, Gaṅgaṇaṃ gacchati, Paramagaṅgaṇaṃ gacchati, Yonaṃ gacchati, Paramayonaṃ gacchati, Allasaṇḍaṃ gacchati, Marukantāraṃ gacchati, Jaṇṇupathaṃ gacchati, Ajapathaṃ gacchati, Meṇḍapathaṃ gacchati, Saṅkupathaṃ gacchati, Chattapathaṃ gacchati, Vaṃsapathaṃ gacchati, Sakuṇapathaṃ gacchati, Mūsikāpathaṃ gacchati, Daripathaṃ gacchati, Vettādhāraṃ gacchati. Pariyesanto na labhati, alābhamūlakam pi dukkhadomanassaṃ paṭisaṃvedeti. Pariyesanto labhati, laddhā ārakkhamūlakam pi dukkhadomanassaṃ {paṭisaṃvedeti}: kin ti me bhoge n'; eva rājāno hareyyuṃ, na corā hareyyuṃ, na aggi ḍaheyya, na udakaṃ vaheyya, na appiyā dāyādā hareyyun ti. Tassa evaṃ ārakkhato gopayato te bhogā vippalujjanti,
[page 416]
416 Aṭṭhakavaggo. [S.N. 939
[... content straddling page break has been moved to the page above ...] so vippayogamūlakam pi dukkhadomanassaṃ paṭisaṃvedeti; evam pi rāgasallena otiṇṇo viddho phuṭṭho pareto samohito samannāgato dhāvati vidhāvati sandhāvati saṃsarati, dosasallena mohasallena mānasallena otiṇṇo viddho phuṭṭho pareto samohito samannāgato kāyena duccaritaṃ carati, vācāya duccaritaṃ carati, manasā duccaritaṃ carati, pāṇam pi hanati, adinnam pi ādiyati, sandhim pi chindati, nillopam pi harati, ekāgārikam pi karoti, paripanthe pi tiṭṭhati, paradāram pi gacchati, musā pi bhaṇati; evaṃ mānasallena otiṇṇo viddho phuṭṭho pareto samohito samannāgato dhāvati vidhāvati sandhāvati saṃsarati. Diṭṭhisallena otiṇṇo viddho phuṭṭho pareto samohito samannāgato acelako hoti muttācāro hatthāvalekhano, na ehibhadantiko na tiṭṭhabhadantiko nābhihaṭaṃ n'; uddissakataṃ na nimantanaṃ sādiyati; so na kumbhimukhā paṭiggaṇhāti, na kaḷopimukhā paṭiggaṇhāti, na eḷakamantaraṃ na daṇḍamantaraṃ na musalamantaraṃ na dvinnaṃ bhuñjamānānaṃ na gabbhiniyā na pāyamānāya na purisantaragatāya na saṅkittīsu na yattha sā upaṭṭhito hoti, na yattha makkhikā saṇḍasaṇḍacārinī, na macchaṃ na maṃsaṃ na merayaṃ na thusodakaṃ pivati. So ekāgāriko vā hoti ekālopiko, dvāgāriko vā hoti dvālopiko . . . pe . . . sattāgāriko vā hoti sattālopiko. Ekissā pi dattiyā yāpeti, dvīhi pi dattīhi yāpeti . . . pe . . . sattahi pi dattīhi yāpeti. Ekāhikam pi āhāraṃ āhāreti, dvīhikam pi āhāraṃ āhāreti . . . pe . . . sattāhikam pi āhāraṃ āhāreti; iti evarūpaṃ aḍḍhamāsikam pi pariyāyabhattabhojanānuyogam anuyutto viharati; evam pi diṭṭhisallena otiṇṇo viddho phuṭṭho pareto samohito samannāgato dhāvati vidhāvati sandhāvati saṃsarati. Athavā diṭṭhisallena otiṇṇo viddho phuṭṭho pareto samohito samannāgato, so sākabhakkho vā hoti, sāmākabhakkho vā hoti, nīvārabhakkho vā hoti, daddulabhakkho vā hoti, hatabhakkho vā hoti, ācāmabhakkho vā hoti,
[page 417]
S.N. 939] Attadaṇḍasuttaniddeso. 417
[... content straddling page break has been moved to the page above ...] piññākabhakkho vā hoti, tiṇabhakkho vā hoti, gomayabhakkho vā hoti, vanamūlaphalāhāro yāpeti pavattaphalabhojī; so sāṇāni pi dhāreti, masāṇāni pi dhāreti, chavadussāni pi dhāreti, tirīṭāni pi dhāreti, ajināni pi dhāreti, paṃsukūlāni pi dhāreti, ajinakkhipam pi dhāreti, kusacīram pi dhāreti, vākacīram pi dhāreti, phalakacīram pi dhāreti, kesakambalam pi dhāreti, ulūkapakkham pi dhāreti, kesamassulocako hoti, kesamassulocanānuyogam anuyutto viharati, ubbhaṭṭhako pi hoti, āsanapaṭikkhitto ukkuṭiko pi hoti, ukkuṭikappadhānam anuyutto kaṇṭakāpassayiko pi hoti, kaṇṭakāpassaye seyyaṃ kappeti, phalakaseyyam pi kappeti, thaṇḍilaseyyaṃ pi kappeti, ekapassayiko pi hoti, rajojalladharo, abbhokāsiko pi hoti, yathāsanthatiko pi hoti, vikaṭiko pi hoti, vikaṭabhojanānuyogam anuyutto apānako pi hoti, apānabhattam anuyutto, sāyatatiyakam pi udakorohanānuyogam anuyutto viharati; iti evarūpaṃ anekavihitaṃ kāyassa ātāpanaparitāpanānuyogam anuyutto viharati; evaṃ pi diṭṭhisallena otiṇṇo viddho phuṭṭho pareto samohito samannāgato dhāvati vidhāvati sandhāvati saṃsarati. Sokasallena otiṇṇo viddho phuṭṭho pareto samohito samannāgato socati kilamati paridevati urattāḷiṃ kandati sammohaṃ āpajjati.
Vuttaṃ h'; etaṃ Bhagavatā: *Bhūtapubbaṃ brāhmaṇa imissāy'; eva Sāvatthiyā aññatarissā itthiyā mātā kālam akāsi.
Sā tassā kālakiriyāya ummattikā khittacittā rathiyā rathiyaṃ siṃghāṭakena siṃghāṭakaṃ upasaṅkamitvā evam āha: api me mātaraṃ addasatha, api me mātaraṃ addasathā? ti. Bhūtapubbaṃ brāhmaṇa imissāy'; eva Sāvatthiyā aññatarissā itthiyā pitā kālam akāsi,
[page 418]
418 Aṭṭhakavaggo. [S.N. 939
[... content straddling page break has been moved to the page above ...] bhātā kālam akāsi, bhaginī kālam akāsi, putto kālam akāsi, dhītā kālam akāsi, sāmiko kālaṃ akāsi. Sā tassa kālakiriyāya ummattikā khittacittā rathiyā rathiyaṃ siṃghāṭakena siṃghāṭakaṃ upasaṅkamitvā evam āha: api me sāmikaṃ addasatha, api me sāmikaṃ addasathā? ti.
Bhūtapubbaṃ brāhmaṇa imissāy'; eva Sāvatthiyā aññatarassa purisassa mātā kālam akāsi. So tassā kālakiriyāya ummattako khittacitto rathiyā rathiyaṃ siṃghāṭakena siṃghāṭakaṃ upasaṅkamitvā evam āha: api me mātaraṃ addasatha, api me mātaraṃ addasathā? ti.
Bhūtapubbaṃ brāhmaṇa imissāy'; eva Sāvatthiyā aññatarassa purisassa pitā kālam akāsi, bhātā kālam akāsi, bhaginī kālam akāsi, putto kālam akāsi, dhītā kālam akāsi, pajāpatī kālam akāsi. So tassā kālakiriyāya ummattako khittacitto rathiyā rathiyaṃ siṃghāṭakena siṃghāṭakaṃ upasaṅkamitvā evam āha: api me pajāpatiṃ addasatha, api me pajāpatiṃ addasathā? ti.
Bhūtapubbaṃ brāhmaṇa imissāy'; eva Sāvatthiyā aññatarā itthī ñātikulaṃ aggamāsi. Tassā te ñātakā sāmikaṃ acchinditvā aññassa dātukāmā. Sā ca naṃ na icchati.
Atha kho sā itthī sāmikaṃ etad avoca: ime maṃ ayyaputta ñātakā taṃ acchinditvā aññassa dātukāmā, ubho mayaṃ marissāmā ti. Atha kho so puriso taṃ itthiṃ dvidhā chetvā attānaṃ opātesi, ubho pecca bhavissāmā ti, evaṃ sokasallena otiṇṇo viddho phuṭṭho pareto samohito samannāgato dhāvati vidhāvati sandhāvati saṃsarati.
Kathaṃkathāsallena otiṇṇo viddho phuṭṭho pareto samohito samannāgato saṃsayapakkhanno hoti vimatipakkhanno dveḷhakajāto: ahosiṃ nu kho ahaṃ atītam addhānaṃ, na nu kho ahosiṃ atītam addhānaṃ, kiṃ nu kho ahosiṃ atītam addhānaṃ, kathaṃ nu kho ahosiṃ atītam addhānaṃ, kiṃ hutvā kiṃ ahosiṃ nu kho ahaṃ atītam addhānaṃ, bhavissāmi nu kho ahaṃ anāgatam addhānaṃ, na nu kho bhavissāmi anāgatam addhānaṃ,
[page 419]
S.N. 939] Attadaṇḍasuttaniddeso. 419
[... content straddling page break has been moved to the page above ...] kiṃ nu kho bhavissāmi anāgatam addhānaṃ, kathaṃ nu kho bhavissāmi anāgatam addhānaṃ, kiṃ hutvā kiṃ bhavissāmi nu kho ahaṃ anāgatam addhānan? ti; etarahi paccuppannam addhānaṃ ajjhattaṃ kathaṃkathī hoti: ahaṃ nu kho 'smi no nu kho 'smi kiṃ nu kho 'smi, kathaṃ nu kho 'smi; satto kuto āgato, so kuhiṃ gāmī bhavissatī? ti, evaṃ kathaṃkathāsallena otiṇṇo viddho phuṭṭho pareto samohito samannāgato dhāvati vidhāvati sandhāvati saṃsarati. Te ca salle abhisaṃkharoti, te salle abhisaṃkharonto sallābhisaṃkhāravasena puratthimadisaṃ dhāvati, pacchimadisaṃ dhāvati, uttaradisaṃ dhāvati, dakkhiṇadisaṃ dhāvati; te sallābhisaṃkhārā appahīnā, sallābhisaṃkhārānaṃ appahīnattā gatiyā dhāvati, niraye dhāvati, tiracchānayoniyā dhāvati, pittivisaye dhāvati, manussaloke dhāvati, devaloke dhāvati, gatiyā gatiṃ upapattiyā upapattim paṭisandhiyā paṭisandhiṃ bhavena bhavaṃ saṃsārena saṃsāraṃ vaṭṭena vaṭṭaṃ dhāvati vidhāvati sandhāvati saṃsaratī ti, yena sallena otiṇṇo disā sabbā vidhāvati.
Tam eva sallaṃ abbuyha na dhāvati na sīdatī ti tam eva rāgasallaṃ dosasallaṃ mohasallaṃ diṭṭhisallaṃ sokasallaṃ kathaṃkathāsallaṃ abbuyha abbuhitvā uddharitvā samuddharitvā uppādayitvā samuppādayitvā pajahitvā vinoditvā byantīkaritvā anabhāvaṃ gamitvā n'; eva puratthimadisaṃ dhāvati, na pacchimadisaṃ dhāvati, na uttaradisaṃ dhāvati, na dakkhiṇadisaṃ dhāvati; te sallābhisaṃkhārā pahīnā sallābhisaṃkhārānaṃ pahīnattā gatiyā na dhāvati, niraye na dhāvati, tiracchānayoniyā na dhāvati, pittivisaye na dhāvati, manussaloke na dhāvati, devaloke na dhāvati, na gatiyā gatiṃ na upapattiyā upapattiṃ na paṭisandhiyā paṭisandhiṃ na bhavena bhavaṃ na saṃsārena saṃsāraṃ na vaṭṭena vaṭṭaṃ dhāvati vidhāvati sandhāvati saṃsaratī ti, tam eva sallaṃ abbuyha na dhāvati na sīdatī ti kāmoghe na sīdati,
[page 420]
420 Aṭṭhakavaggo. [S.N. 939
[... content straddling page break has been moved to the page above ...] bhavoghe na sīdati, diṭṭhoghe na sīdati, avijjoghe na sīdati na saṃsīdati na osīdati na avasīdati na gacchati na avagacchatī ti, tam eva sallaṃ abbuyha na dhāvati na sīdati. Ten'; āha Bhagavā:
Yena sallena otiṇṇo disā sabbā vidhāvati,
tam eva sallaṃ abbuyha na dhāvati, na sīdati.
_________________________________
Sn_IV,15.6(=940): Tattha sikkhānugīyanti:
yāni loke gadhitāni, na tesu pasuto siyā,
nibbijjha sabbaso kāme sikkhe nibbānam attano. || Nidd_I.15:6 ||
Tattha sikkhānugīyanti: yāni loke gadhitānī ti. Sikkhā ti hatthisikkhā assasikkhā rathasikkhā dhanusikkhā sālākiyaṃ sallakattiyaṃ kāyatikicchaṃ bhūtiyaṃ komāratikicchaṃ. Gīyantī ti gīyanti kathiyanti bhaṇiyanti dīpayanti vohariyanti. Athavā gīyanti gaṇhiyanti uggaṇhiyanti dhāriyanti upadhāriyanti upalakkhiyanti gadhitapaṭilābhāya. Gadhitā vuccanti pañcakāmaguṇā cakkhuviññeyyā rūpā iṭṭhā kantā manāpā piyarūpā kāmūpasaṃhitā rajanīyā. Kiṃkāraṇā gadhitā vuccanti pañcakāmagunā?
Yebhuyyena devamanussā pañcakāmaguṇe icchanti sādiyanti pihayanti abhijappanti; taṃkāraṇā gadhitā vuccanti pañcakāmaguṇā. Loke ti manussaloke ti, tattha sikkhānugīyanti yāni: loke gadhitāni.
Na tesu pasuto siyā ti. Tāsu vā sikkhāsu tesu vā pañcakāmaguṇesu na pasuto siyā, na tanninno assa, na tappono na tappabbhāro na tadadhimutto na tadādhipateyyo ti, na tesu pasuto siyā.
Nibbijjha sabbaso kāme ti. Nibbijjhā ti paṭivijjhitvā, sabbe saṃkhārā aniccā ti paṭivijjhitvā, sabbe saṃkhārā dukkhā ti . . . pe . . . yaṃ kiñci samudayadhammaṃ sabban taṃ nirodhadhamman ti paṭivijjhitvā.
[page 421]
S.N. 941] Attadaṇḍasuttaniddeso. 421
[... content straddling page break has been moved to the page above ...] Sabbaso ti sabbena sabbaṃ sabbathā sabbaṃ asesaṃ nissesaṃ pariyādāyavacanam etaṃ sabbaso ti. Kāmā ti uddānato dve kāmā, vatthukāmā ca kilesakāmā ca . . . pe . . . ime vuccanti vatthukāmā . . . pe . . . ime vuccanti kilesakāmā ti, nibbijjha sabbaso kāme.
Sikkhe nibbānam attano ti. Sikkhā ti tisso sikkhā, adhisīlasikkhā adhicittasikkhā adhipaññāsikkhā . . . pe . . . ayaṃ adhipaññāsikkhā. Nibbānam attano ti attano rāgassa nibbānāya dosassa nibbānāya mohassa nibbānāya . . . pe . . . sabbākusalābhisaṃkhārānaṃ samāya upasamāya vūpasamāya nibbānāya paṭinissaggāya paṭipassaddhiyā adhisīlam pi sikkheyya adhicittam pi sikkheyya adhipaññaṃ pi sikkheyya. Imā tisso sikkhā āvajjento sikkheyya, jānanto sikkheyya . . . pe . . . sacchikātabbaṃ sacchikaronto sikkheyya ācareyya samācareyya samādāya vatteyyā ti, sikkhe nibbānam attano. Ten'; āha Bhagavā:
Tattha sikkhānugīyanti:
yāni loke gadhitāni na tesu pasuto siyā,
nibbijjha sabbaso kāme sikkhe nibbānam attano ti.
_________________________________
Sn_IV,15.7(=941): Sacco siyā appagabbho amāyo rittapesuṇo
akkodhano, lobhapāpakaṃ vevicchaṃ vitare muni. || Nidd_I.15:7 ||
Sacco siyā appagabbho ti. Sacco siyā ti saccavācāya samannāgato siyā, sammādiṭṭhiyā samannāgato siyā, ariyena aṭṭhaṅgikena maggena samannāgato siyā ti, sacco siyā.
Appagabbho ti tīṇi pāgabbhiyāni, kāyikaṃ pāgabbhiyaṃ, vācasikaṃ pāgabbhiyaṃ, cetasikaṃ pāgabbhiyaṃ . . . pe . . . idaṃ cetasikaṃ pāgabbhiyaṃ. Yass'; imāni tīṇi pāgabbhiyāni pahīnāni samucchinnāni vūpasantāni paṭipassaddhāni abhabbuppattikāni ñāṇagginā daḍḍhāni,
[page 422]
422 Aṭṭhakavaggo. [S.N. 941
[... content straddling page break has been moved to the page above ...] so vuccati appagabbho ti, sacco siyā appagabbho.
Amāyo rittapesuṇo ti. Māyā vuccati vañcanikā cariyā.
Idh'; ekacco kāyena duccaritaṃ caritvā, vācāya duccaritaṃ caritvā, manasā duccaritaṃ caritvā, tassa paṭicchādanahetu pāpikaṃ icchaṃ paṇidahati, mā maṃ jaññā ti icchati, mā maṃ jaññā ti saṃkappeti, mā maṃ jaññā ti vācaṃ bhāsati, mā maṃ jaññā ti kāyena parakkamati; yā evarūpā māyā māyāvitā accasarā vañcanā nikati nikiraṇā niharaṇā pariharaṇā guhanā pariguhanā chādanā paricchādanā anuttānīkammaṃ anāvikammaṃ vocchādanā pāpakiriyā; ayaṃ vuccati māyā. Yass'; esā māyā pahīnā samucchinnā vūpasantā paṭipassaddhā abhabbuppattikā ñāṇagginā daḍḍhā; so vuccati amāyo. Rittapesuṇo ti. Pesuññan ti idh'; ekacco pisuṇavāco hoti . . . pe . . . evaṃ bhedādhippāyo pesuññaṃ upasaṃharati. Yass'; etaṃ pesuññaṃ pahīnaṃ samucchinnaṃ vūpasantaṃ paṭipassaddhaṃ abhabbuppattikaṃ ñāṇagginā daḍḍhaṃ, so vuccati rittapesuṇo vigatapesuṇo ti, amāyo rittapesuṇo.
Akkodhano lobhapāpakaṃ vevicchaṃ vitare munī ti.
Akkodhano ti hi kho vuttaṃ. Api ca kodho tāva vattabbo, dasah'; ākārehi kodho jāyati . . . pe . . . yass'; eso kodho pahīno samucchinno vūpasanto paṭipassaddho abhabbuppattiko ñāṇagginā daḍḍho; so vuccati akkodhano. Kodhassa pahīnattā akkodhano, kodhavatthussa pariññātattā akkodhano, kodhahetussa ucchinnattā akkodhano. Lobho ti yo lobho lubbhanā lubbhitattaṃ . . . pe . . . abhijjhā lobho akusalamūlaṃ. Vevicchaṃ vuccati pañca macchariyāni, āvāsamacchariyaṃ . . . pe . . . gāho vuccati macchariyaṃ.
Munī ti monaṃ vuccati ñāṇaṃ; yā paññā pajānanā . . . pe . . . saṅgajālam aticca so munī ti. Akkodhano lobhapāpakaṃ vevicchaṃ vitare munī ti muni lobhapāpakañ ca vevicchañ ca atari uttari pattari samatikkami vitikkami vītivattayī ti,
[page 423]
S.N. 942] Attadaṇḍasuttaniddeso. 423
[... content straddling page break has been moved to the page above ...] akkodhano lobhapāpakaṃ vevicchaṃ vitare munī ti. Ten'; āha Bhagavā:
Sacco siyā appagabbho amāyo rittapesuṇo
akkodhano, lobhapāpakaṃ vevicchaṃ vitare munī ti.
_________________________________
Sn_IV,15.8(=942): Niddaṃ tandiṃ sahe thīnaṃ, pamādena na saṃvase,
atimāne na tiṭṭheyya nibbānamanaso naro. || Nidd_I.15:8 ||
Niddaṃ tandiṃ sahe thīnan ti. Niddā ti yā kāyassa akalyatā akammaññatā onāho pariyonāho anto samorodho middhaṃ soppaṃ capalāyikā supinā supitattaṃ. Tandī ti yā tandi tandiyanā tandimanakatā ālasiyaṃ ālasāyanā ālasayitattaṃ. Thīnan ti yā cittassa akalyatā akammaññatā olīyanā sallīyanā līnaṃ līyanā līyitattaṃ thīnaṃ thīyanā thīyitattaṃ cittassa. Niddaṃ tandiṃ sahe thīnan ti niddañ ca tandiñ ca saheyya parisaheyya abhibhaveyya ajjhotthareyya pariyādiyeyya maddeyyā ti, niddaṃ tandiṃ sahe thīnaṃ.
Pamādena na saṃvase ti. Pamādo vattabbo kāyaduccaritena vā vacīduccaritena vā manoduccaritena vā pañcakāmaguṇesu cittassa vossaggo vossaggānuppadānaṃ vā kusalānaṃ vā dhammānaṃ bhāvanāya asakkaccakiriyatā asātaccakiriyatā anaṭṭhitakiriyatā olīnavuttitā nikkhittachandatā nikkhittadhuratā anāsevanā abahulīkammaṃ anadhiṭṭhānaṃ ananuyogo pamādo; yo evarūpo pamādo pamajjanā pamajjitattaṃ; ayaṃ vuccati pamādo. Pamādena na saṃvase ti pamādena na saṃvaseyya na āvaseyya na parivaseyya pamādaṃ pajaheyya vinodeyya byantīkareyya anabhāvaṃ gameyya; pamādā ārato assa virato paṭivirato nikkhanto nissaṭṭho vippamutto visaṃyutto vimariyādikatena cetasā vihareyyā ti, pamādena na saṃvase.
[page 424]
424 Aṭṭhakavaggo. [S.N. 942
Atimāne na tiṭṭheyyā ti. Atimāno ti idh'; ekacco paraṃ atimaññati jātiyā vā gottena vā . . . pe . . . aññataraññatarena vā vatthunā; yo evarupo māno maññanā maññitattaṃ uṇṇati uṇṇamo dhajo sampaggāho ketukamyatā cittassa; ayaṃ vuccati atimāno. Atimāne na tiṭṭheyyā ti atimāne na tiṭṭheyya na santiṭṭheyya, atimānaṃ pajaheyya vinodeyya byantīkareyya anabhāvaṃ gameyya, atimānā ārato assa virato paṭivirato nikkhanto nissaṭṭho vippamutto visaṃyutto vimariyādikatena cetasā vihareyyā ti, atimāne na tiṭṭheyya.
Nibbānamanaso naro ti idh'; ekacco dānaṃ dento sīlaṃ samādiyanto uposathakammaṃ karonto pānīyaṃ paribhojanīyaṃ upaṭṭhapento pariveṇaṃ sammajjanto cetiyaṃ vandanto cetiye gandhamālaṃ āropento cetiyaṃ padakkhiṇaṃ karonto yaṃkiñci tedhātukaṃ kusalābhisaṃkhāraṃ abhisaṃkharonto na gatihetu na upapattihetu na paṭisandhihetu na bhavahetu na saṃsārahetu na vaṭṭahetu sabban taṃ visaṃyogādhippāyo nibbānaninno nibbānapoṇo nibbānapabbhāro abhisaṃkharotī ti, evam pi nibbānamanaso naro. Athavā sabbasaṃkhāradhātuyā cittaṃ paṭivāpetvā amatāya dhātuyā cittaṃ upasaṃharati, etaṃ santaṃ, etaṃ paṇītaṃ yadidaṃ sabbasaṃkhārasamatho sabbūpadhipaṭinissaggo taṇhakkhayo virāgo nirodho nibbānan ti, evam pi nibbānamanaso naro.
*Na paṇḍitā upadhisukhassa hetu
dānāni dadanti punabbhavāya,
kāmañ ca te upadhiparikkhayāya
dadanti dānaṃ apunabbhavāya.
Na paṇḍitā upadhisukhassa hetu
bhāventi jhānāni punabbhavāya,
kāmañ ca te upadhiparikkhayāya
bhāventi jhānāni apunabbhavāya.
[page 425]
S.N. 943] Attadaṇḍasuttaniddeso. 425
Te nibbutiṃ abhimanā dadanti
taṃninnacittā tadādhimuttatā,
najjo yathā sāgaramajjhagatā
bhavanti nibbānaparāyanā te ti,
nibbānamanaso naro. Ten'; āha Bhagavā:
Niddaṃ tandiṃ sahe thīnaṃ, pamādena na saṃvase,
atimāne na tiṭṭheyya nibbānamanaso naro ti.
_________________________________
Sn_IV,15.9(=943): Mosavajje na niyyetha, rūpe snehaṃ na kubbaye,
mānañ ca parijāneyya, sāhasā virato care. || Nidd_I.15:9 ||
Mosavajje na niyyethā ti mosavajjaṃ vuccati musāvādo; idh'; ekacco sabhaggato vā parisaggato vā ñātimajjhaggato vā pūgamajjhaggato vā rājakulamajjhaggato vā abhinīto sakkhipuṭṭho: ehi bho purisa, yaṃ jānāsi, taṃ vadehī ti; so ajānaṃ vā āha jānāmī ti, jānaṃ vā āha na jānāmī ti; apassaṃ vā āha passāmī ti, passaṃ vā āha na passamī ti; iti attahetu vā parahetu vā āmisakiñcikkhahetu vā sampajānamusā bhāsitā ti, iti vuccati mosavajjaṃ. Api ca tīh'; ākārehi catupañcachasatta-aṭṭhah'; ākārehi . . . pe . . . imehi aṭṭhah'; ākārehi musāvādo hoti. Mosavajje na niyyethā ti mosavajjena na yāyeyya na vuyheyya na saṃhareyya, mosavajjaṃ pajaheyya vinodeyya byantīkareyya anabhāvaṃ gameyya; mosavajjā ārato assa virato paṭivirato nikkhanto nissaṭṭho vippamutto visaṃyutto vimariyādikatena cetasā vihareyyā ti, mosavajje na niyyetha.
Rūpe snehaṃ na kubbaye ti. Rūpan ti cattāro ca mahābhūtā catunnañ ca mahābhūtānaṃ upādāyarūpaṃ.
[page 426]
426 Aṭṭhakavaggo. [S.N. 943
[... content straddling page break has been moved to the page above ...] Rūpe snehaṃ na kubbaye ti rūpe snehaṃ na kareyya, chandaṃ na kareyya, pemaṃ na kareyya, rāgaṃ na kareyya na janeyya na sañjaneyya na nibbatteyya nābhinibbatteyyā ti, rūpe snehaṃ na kubbaye.
Mānañ ca parijāneyyā ti. Māno ti ekavidhena māno cittassa uṇṇati. Duvidhena māno, attukkaṃsanamāno, paravambhanamāno. Tividhena māno, seyyo 'ham asmī ti māno, sadiso 'ham asmī ti māno, hīno 'ham asmī ti māno.
Catubbidhena māno, lābhena mānaṃ janeti, yasena mānaṃ janeti, pasaṃsāya mānaṃ janeti, sukhena mānaṃ janeti.
Pañcavidhena māno, lābhi 'mhi manāpikānaṃ rūpānan ti mānaṃ janeti, manāpikānaṃ saddānam gandhānaṃ rasānaṃ phoṭṭhabbānan ti mānaṃ janeti. Chabbidhena māno, cakkhusampadāya mānaṃ janeti, sotasampaḍāya ghānasampadāya jivhāsampadāya kāyasampadāya manosampadāya mānaṃ janeti. Sattavidhena māno, māno atimāno mānātimāno omāno adhimāno asmimāno micchāmāno.
Aṭṭhavidhena māno, lābhena mānaṃ janeti, alābhena omānaṃ janeti, yasena mānaṃ janeti, ayasena omānaṃ janeti, pasaṃsāya mānaṃ janeti, nindāya omānaṃ janeti, sukhena mānaṃ janeti, dukkhena omānaṃ janeti. Navavidhena māno, seyyassa seyyo 'ham asmī ti māno, seyyassa sadiso 'ham asmī ti māno, seyyassa hīno 'ham asmī ti māno, sadisassa seyyo 'ham asmī ti māno, sadisassa sadiso 'ham asmī ti māno, sadisassa hīno 'ham asmī ti māno, hīnassa seyyo 'ham asmī ti māno, hīnassa sadiso 'ham asmī ti māno, hīnassa hīno 'ham asmī ti māno. Dasavidhena māno, idh'; ekacco mānaṃ janeti jātiyā vā gottena vā . . . pe . . . aññataraññatarena vā vatthunā; yo evarūpo māno maññanā maññitattaṃ uṇṇati uṇṇamo dhajo sampaggāho ketukamyatā cittassa; ayaṃ vuccati māno. Mānañ ca parijāneyyā ti mānaṃ tīhi pariññāhi parijāneyya, ñātapariññāya tīraṇapariññāya pahānapariññāya.
[page 427]
S.N. 944] Attadaṇḍasuttaniddeso. 427
Katamā ñātapariññā? Mānaṃ jānāti, ayaṃ ekavidhena māno, cittassa uṇṇati; ayaṃ duvidhena māno, attukkaṃsanamāno paravambhanamāno . . . pe . . . ayaṃ dasavidhena māno, idh'; ekacco mānaṃ janeti jātiyā vā gottena vā . . . pe . . . aññataraññatarena vā vatthunā ti jānāti passati; ayaṃ ñātapariññā.
Katamā tīranapariññā? Evaṃ ñatvā mānaṃ tīreti aniccato dukkhato . . . pe . . . nissaraṇato tīreti; ayaṃ tīraṇapariññā.
Katamā pahānapariññā? Evaṃ tīretvā mānaṃ pajahati vinodeti byantīkaroti anabhāvaṃ gameti; ayaṃ pahānapariññā.
Mānañ ca parijāneyyā ti, mānaṃ imāhi tīhi pariññāhi parijāneyyā ti, mānañ ca parijāneyya.
Sāhasā virato care ti. Katamā sāhasācariyā? Rattassa rāgacariyā sāhasācariyā, duṭṭhassa dosacariyā sāhasācariyā, mūḷhassa mohacariyā sāhasācariyā, vinibandhassa mānacariyā sāhasācariyā, parāmaṭṭhassa diṭṭhicariyā sāhasācariyā, vikkhepagatassa uddhaccacariyā sāhasācariyā, aniṭṭhaṅgatassa vicikicchācariyā sāhasācariyā, thāmagattassa anusayacariyā sāhasācariyā; ayaṃ sāhasācariyā. Sāhasā virato care ti sāhasācariyāya ārato assa virato paṭivirato nikkhanto nissaṭṭho vippamutto visaṃyutto vimariyādikatena cetasā vihareyyā ti. Care ti careyya vicareyya iriyeyya vatteyya pāleyya yapeyya yāpeyyā ti, sāhasā virato care. Ten'; āha Bhagavā:
Mosavajje na niyyetha, rūpe snehaṃ na kubbaye,
mānañ ca parijāneyya, sāhasā virato care ti.
_________________________________
Sn_IV,15.10(=944): Purāṇaṃ nābhinandeyya, nave khantim akubbaye,
hīyamāne na soceyya, ākāsaṃ na sito siyā. || Nidd_I.15:10 ||
[page 428]
428 Aṭṭhakavaggo. [S.N. 944
Purāṇaṃ nābhinandeyyā ti. Purāṇā vuccanti atītā rūpā vedanā saññā saṃkhārā viññāṇaṃ. Atīte saṃkhāre taṇhāvasena diṭṭhivasena nābhinandeyya nābhivadeyya na ajjhoseyya abhinandanaṃ abhivadanaṃ ajjhosānaṃ gāhaṃ parāmāsaṃ abhinivesaṃ pajaheyya vinodeyya byantīkareyya anabhāvaṃ gameyyā ti, purāṇaṃ nābhinandeyya.
Nave khantim akubbaye ti. Navā vuccanti paccuppannā rūpā vedanā saññā saṃkhārā viññāṇaṃ. Puccuppanne saṃkhāre taṇhāvasena khantiṃ na kareyya chandaṃ na kareyya pemaṃ na kareyya rāgaṃ na kareyya na janeyya na sañjaneyya na nibbatteyya nābhinibbatteyyā ti, nave khantim akubbaye.
Hīyamāne na soceyyā ti hīyamāne hāyamāne parihāyamāne vemāne vigacchamāne antaradhāyamāne na soceyya na kilameyya na parāmaseyya na parideveyya na urattāḷiṃ kandeyya na sammohaṃ āpajjeyya. Cakkhusmiṃ hīyamāne hāyamāne parihāyamāne vemāne vigacchamāne antaradhāyamāne, sotasmiṃ ghānasmiṃ jivhāya kāyasmiṃ rūpasmiṃ saddasmiṃ gandhasmiṃ rasasmiṃ phoṭṭhabbasmiṃ kulasmiṃ gaṇasmiṃ āvāsasmiṃ yasasmiṃ pasaṃsāya sukhasmiṃ cīvarasmiṃ piṇḍapātasmiṃ senāsanasmiṃ gilānapaccayabhesajjaparikkhārasmiṃ hīyamāne hāyamāne parihāyamāne vemāne vigacchamāne antaradhāyamāne na soceyya na kilameyya na parāmaseyya na parideveyya na urattāḷiṃ kandeyya na sammohaṃ āpajjeyyā ti, hīyamāne na soceyya.
Ākāsaṃ na sito siyā ti. Ākāsaṃ vuccati taṇhā; yo rāgo sārāgo . . . pe . . . abhijjhā lobho akusalamūlaṃ. Kiṃkāraṇā ākāsaṃ vuccati taṇhā? Yāya taṇhāya rūpaṃ ākassati samākassati gaṇhāti parāmasati abhinivisati vedanaṃ saññaṃ saṃkhāre viññāṇaṃ gatiṃ upapattiṃ paṭisandhiṃ bhavaṃ saṃsāraṃ vaṭṭaṃ ākassati samākassati gaṇhāti parāmasati abhinivisati, taṃkāraṇā ākāsaṃ vuccati taṇhā. Ākāsaṃ na sito siyā ti taṇhaṃ na sito siyā, taṇhaṃ pajaheyya vinodeyya byantīkareyya anabhāvaṃ gameyya;
[page 429]
S.N. 945] Attadaṇḍasuttaniddeso. 429
[... content straddling page break has been moved to the page above ...] taṇhāya ārato assa virato paṭivirato nikkhanto nissaṭṭho vippamutto visaṃyutto vimariyādikatena cetasā vihareyyā ti, ākāsaṃ na sito siyā. Ten'; āha Bhagavā:
Purāṇaṃ nābhinandeyya, nave khantim akubbaye,
hīyamāne na soceyya, ākāsaṃ na sito siyā ti.
_________________________________
Sn_IV,15.11(=945): Gedhaṃ brūmi mahogho ti, ācamaṃ brūmi jappanaṃ,
ārammaṇaṃ pakappanaṃ, kāmapaṅko duraccayo. || Nidd_I.15:11 ||
Gedhaṃ brūmi mahogho tī ti. Gedho vuccati taṇhā; yo rāgo sārāgo . . . pe . . . abhijjhā lobho akusalamūlaṃ.
Mahogho vuccati taṇhā; yo rāgo sārāgo . . . pe . . . abhijjhā lobho akusalamūlaṃ. Gedhaṃ brūmi mahogho ti gedhaṃ mahogho ti brūmi ācikkhāmi desemi paññāpemi paṭṭhapemi vivarāmi vibhajāmi uttānīkaromi pakāsemī ti, gedhaṃ brūmi mahogho ti.
Ācamaṃ brūmi jappanan ti. Ācamā vuccati tanhā; yo rāgo sārāgo . . . pe . . . abhijjhā lobho akusalamūlaṃ.
Jappanā pi vuccati taṇhā, yo rāgo sārāgo . . . pe . . . abhijjhā lobho akusalamūlaṃ. Ācamaṃ brūmi jappanan ti ācamaṃ jappanā ti brūmi ācikkhāmi desemi paññāpemi paṭṭhapemi vivarāmi vibhajāmi uttānīkaromi pakāsemī ti, ācamaṃ brūmi jappanaṃ.
Ārammaṇaṃ pakappanan ti. Ārammaṇā vuccati taṇhā; yo rāgo sārāgo . . . pe . . . abhijjhā lobho akusalamūlaṃ.
Pakappanā pi vuccati taṇhā; yo rāgo sārāgo . . . pe . . . abhijjhā lobho akusalamūlan ti. Ārammaṇaṃ pakappanaṃ kāmapaṅko duraccayo ti. Kāmapaṅko kāmakaddamo kāmakileso kāmapalipo kāmapalibodho duraccayo durativatto duttaro duppataro dussamatikkamo dubbītivatto ti, kāmapaṅko duraccayo. Ten'; āha Bhagavā:
[page 430]
430 Aṭṭhakavaggo. [S.N. 945
Gedhaṃ brūmi mahogho ti, ācamaṃ brūmi jappanaṃ,
ārammaṇaṃ pakappanaṃ, kāmapaṅko duraccayo ti.
_________________________________
Sn_IV,15.12(=946): Saccā avokkamma muni thale tiṭṭhati brāhmaṇo,
sabbaṃ so paṭinissajja sa ve santo ti vuccati. || Nidd_I.15:12 ||
Saccā avokkamma munī ti saccavācāya avokkamanto, sammādiṭṭhiyā avokkamanto, ariyā aṭṭhaṅgikā maggā avokkamanto. Munī ti monaṃ vuccati ñāṇaṃ; yā paññā pajānanā . . . pe . . . saṅgajālam aticca so munī ti, saccā avokkamma muni.
Thale tiṭṭhati brāhmaṇo ti. Thalaṃ vuccati amataṃ nibbānaṃ; yo so sabbasaṃkhārasamatho sabbūpadhipaṭinissaggo taṇhakkhayo virāgo nirodho nibbānaṃ. Brāhmaṇo ti sattannaṃ dhammānaṃ vāhitattā brāhmaṇo . . . pe . . . anissito tādi pavuccate brahmā. Thale tiṭṭhati brāhmaṇo ti brāhmaṇo thale tiṭṭhati, dīpe tiṭṭhati, tāṇe tiṭṭhati, leṇe tiṭṭhati, saraṇe tiṭṭhati, abhaye tiṭṭhati, accute tiṭṭhati, amate tiṭṭhati, nibbāne tiṭṭhatī ti, thale tiṭṭhati brāhmaṇo.
Sabbaṃ so patinissajjā ti. Sabbaṃ vuccati dvādasāyatanāni: cakkhuñ c'; eva rūpā ca . . . pe . . . mano c'; eva dhammā ca. Yato ajjhattikabāhiresu āyatanesu chandarāgo pahīno hoti ucchinnamūlo tālāvatthukato anabhāvaṃ gato āyatiṃ anuppādadhammo; ettāvatā pi sabbaṃ cattaṃ hoti vantaṃ muttaṃ pahīnaṃ paṭinissaṭṭhaṃ. Yato taṇhā ca diṭṭhi ca māno ca pahīnā honti ucchinnamūlā tālāvatthukatā abhāvaṃgatā āyatiṃ anuppādadhammā, ettāvatā pi sabbaṃ cattaṃ hoti vantaṃ muttaṃ pahīnaṃ paṭinissaṭṭhaṃ. Yato puññābhisaṃkhāro ca apuññābhisaṃkhāro ca āneñjābhisaṃkhāro ca pahīnā honti ucchinnamūlā tālāvatthukatā {anabhāvaṅgatā} āyatiṃ anuppādadhammā;
[page 431]
S.N. 947] Attadaṇḍasuttaniddeso. 431
[... content straddling page break has been moved to the page above ...] ettāvatā pi sabbaṃ cattaṃ hoti vantaṃ pahīnaṃ patinissaṭṭhan ti, sabbaṃ so paṭinissajja.
Sa ve santo ti vuccatī ti so santo upasanto vūpasanto nibbuto paṭipassaddho ti vuccati kathiyati bhaṇiyati dīpiyati vohariyatī ti, sa ve santo ti vuccati. Ten'; āha Bhagavā:
Saccā avokkamma muni thale tiṭṭhati brāhmaṇo,
sabbaṃ so paṭinissajja sa ve santo ti vuccatī ti.
_________________________________
Sn_IV,15.13(=947): Sa ve vidvā, sa vedagū, ñatvā dhammaṃ anissito
sammā so loke iriyāno na-ppihetīdha kassaci. || Nidd_I.15:13 ||
Sa ve vidvā sa vedagū ti. Vidvā ti vidvā vijjāgato ñāṇī buddhimā vibhāvī medhāvī; vedagū ti vedā vuccati catūsu maggesu ñāṇaṃ . . . pe . . . sabbavedanāsu vītarāgo sabbavedam aticca vedagū so ti, sa ve vidvā sa vedagū.
Ñatvā dhammaṃ anissito ti ñatvā jānitvā tulayitvā tīrayitvā vibhāvayitvā vibhūtaṃ katvā. Sabba saṃkhārā aniccā ti ñatvā jānitvā tulayitvā tīrayitvā vibhāvayitvā vibhūtaṃ katvā. Sabbe saṃkhārā dukkhā ti . . . pe . . . yaṃ kiñci samudayadhammaṃ sabban taṃ nirodhadhamman ti ñatvā jānitvā tulayitvā tīrayitvā vibhāvayitvā vibhūtaṃ katvā. Anissito ti dve nissayā, taṇhānissayo ca diṭṭhinissayo ca . . . pe . . . ayaṃ taṇhānissayo . . . pe . . . ayaṃ diṭṭhinissayo. Tanhānissayaṃ pahāya diṭṭhinissayaṃ paṭinissajjitvā cakkhuṃ anissito, sotaṃ anissito, ghānaṃ anissito . . . pe . . . diṭṭhasutamutaviññātabbe dhamme anissito anallīno anupagato anajjhosito anadhimutto nikkhanto nissaṭṭho vippamutto vimariyādikatena cetasā viharatī ti, ñatvā dhammaṃ anissito.
Sammā so loke iriyāno ti yato ajjhattikabāhiresu āyatanesu chandarāgo pahīno hoti ucchinnamūlo tālāvatthukato anabhāvaṃ gato āyatiṃ anuppādadhammo; ettāvatā pi sammā so loke carati viharati iriyati vattati pāleti yapeti yāpeti.
[page 432]
432 Aṭṭhakavaggo. [S.N. 947
[... content straddling page break has been moved to the page above ...] Yato puññābhisaṃkhāro ca apuññābhisaṃkhāro ca āneñjābhisaṃkhāro ca pahīnā honti ucchinnamūlā tālāvatthukatā anabhāvaṃ gatā āyatiṃ anuppādadhammā; ettāvatā pi sammā so loke carati viharati iriyati vattati pāleti yapeti yāpetī ti, sammā so loke iriyāno.
Na-ppihetīdha kassacī ti pihā vuccati taṇhā; yo rāgo sārāgo . . . pe . . . abhijjhā lobho akusalamūlaṃ. Yass'; esā pihā taṇhā pahīnā samucchinnā vūpasantā paṭipassaddhā abhabbuppattikā ñāṇagginā daḍḍhā; so kassaci na-ppiheti khattiyassa vā brāhmaṇassa vā vessassa vā suddassa vā gahaṭṭhassa vā pabbajitassa vā devassa vā manussassa vā ti, na-ppihetīdha kassaci. Ten'; āha Bhagavā:
Sa ve vidvā, sa vedagū, ñatvā dhammaṃ anissito
sammā so loke iriyāno na-ppihetīdha kassacī ti.
_________________________________
Sn_IV,15.14(=948): Yo ca kāme accatari saṅgaṃ loke duraccayaṃ,
na so socati nājjheti chinnasoto abandhano. || Nidd_I.15:14 ||
Yo ca kāme accatari saṅgaṃ loke duraccayan ti. Yo ti yo yādiso yathāyutto yathāvihito yathāpakāro yaṃṭhānappatto yaṃdhammasamannāgato khattiyo vā brāhmaṇo vā vesso vā suddo vā gahaṭṭho vā pabbajito vā devo vā manusso vā. Kāmā ti uddānato dve kāmā, vatthukāmā ca kilesakāmā ca . . . pe . . . ime vuccanti vatthukāmā . . . pe . . . ime vuccanti kilesakāmā. Saṅgā ti sattā saṅgā, rāgasaṅgo dosasaṅgo mohasaṅgo mānasaṅgo diṭṭhisaṅgo kilesasaṅgo duccaritasaṅgo. Loke ti apāyaloke manussaloke devaloke khandhaloke dhātuloke āyatanaloke.
Duraccayan ti yo kāme ca saṅge ca loke duraccaye durativatte duttare duppatare dussamatikkame dubbītivatte attari uttari pattari samatikkami vītivattayī ti, yo ca kāme accatari saṅgaṃ loke duraccayaṃ.
[page 433]
S.N. 949] Attadaṇḍasuttaniddeso. 433
Na so socati nājjhetī ti vipariṇataṃ vā vatthuṃ na socati, pariṇatasmiṃ vā vatthusmiṃ na socati, cakkhu me vipariṇatan ti na socati, sotaṃ me, ghānaṃ me, jivhā me, kāyo me, rūpā me, saddā me, gandhā me, rasā me, phoṭṭhabbā me, kulaṃ me, gaṇo me, āvāso me, lābho me, yaso me, pasaṃsā me, sukhaṃ me, cīvaraṃ me, piṇḍapāto me, senāsanaṃ me, gilānapaccayabhesajjaparikkhārā me, mātā me, pitā me, bhātā me, bhaginī me, putto me, dhītā me, mittā me, amaccā me, ñātisālohitā me vipariṇatā ti na socati na kilamati na paridevati na urattāḷiṃ kandati na sammohaṃ āpajjatī ti, na socati. Nājjhetī ti nājjheti na ajjheti na upanijjhāyati na nijjhāyāti na pajjhāyati; athavā na jāyati na jīyati na mīyati na cavati na upapajjatī ti, na so socati nājjheti.
Chinnasoto abandhano ti. Sotā vuccati taṇhā, yo rāgo sārāgo . . . pe . . . abhijjhā lobho akusalamūlaṃ. Yass'; esā sotā taṇhā pahīnā samucchinnā vūpasantā paṭipassaddhā abhabbuppattikā ñāṇagginā daḍḍhā, so vuccati chinnasoto. Abandhano ti satta bandhanā ti, rāgabandhanaṃ dosabandhanaṃ mohabandhanaṃ mānabandhanaṃ diṭṭhibandhanaṃ kilesabandhanaṃ duccaritabandhanaṃ. Yass'; etāni bandhanāni pahīnāni samucchinnāni vūpasantāni paṭipassaddhāni abhabbuppattikāni ñāṇagginā daḍḍhāni, so vuccati abandhano ti, chinnasoto abandhano. Ten'; āha Bhagavā:
Yo ca kāme accatari saṅgaṃ loke duraccayaṃ,
na so socati nājjheti chinnasoto abandhano ti.
_________________________________
Sn_IV,15.15(=949): Yaṃ pubbe, taṃ visosehi, pacchā te māhu kiñcanaṃ,
majjhe ce no gahessasi, upasanto carissasi. || Nidd_I.15:15 ||
[page 434]
434 Aṭṭhakavaggo. [S.N. 949
Yaṃ pubbe taṃ visosehī ti. Atīte saṃkhāre ārabbha ye kilesā uppajjeyyuṃ, te kilese sosehi visosehi sukkhāpehi pajahehi vinodehi byantīkarohi anabhāvaṃ gamehī ti, evam pi yaṃ pubbe taṃ visosehi. Athavā ye atītā kammābhisaṃkhārā avipakkavipākā, te kammābhisaṃkhāre sosehi visosehi sukkhāpehi abījaṃ karohi pajahi vinodehi byantīkarohi anabhāvaṃ gamehī ti, evam pi yaṃ pubbe taṃ visosehi.
Pacchā te māhu kiñcanan ti pacchā vuccati anāgataṃ.
Anāgate saṃkhāre ārabbha yāni uppajjeyyuṃ rāgakiñcanaṃ dosakiñcanaṃ mohakiñcanaṃ mānakiñcanaṃ diṭṭhikiñcanaṃ kilesakiñcanaṃ duccaritakiñcanaṃ, imāni kiñcanāni tuyhaṃ mā ahu mā pātum akāsi mā janesi mā sañjanesi mā nibbattesi mā abhinibbattesi pajahi vinodehi byantīkarohi anabhāvaṃ gamehī ti, pacchā te māhu kiñcanaṃ.
Majjhe ce no gahessasī ti majjhaṃ vuccanti paccuppannā rūpā vedanā saññā saṃkhārā viññāṇaṃ, paccuppanne saṃkhāre taṇhāvasena diṭṭhivasena na gahessasi na uggahessasi na gaṇhissasi na parāmasissasi nābhinandissasi nābhivadissasi na ajjhosissasi; abhinandanaṃ abhivadanaṃ ajjhosānaṃ gāhaṃ parāmāsaṃ abhinivesaṃ pajahissasi vinodissasi byantīkarissasi anabhāvaṃ gamissasī ti, majjhe ce no gahessasi.
Upasanto carissasī ti rāgassa santattā santo, dosassa santattā santo . . . pe . . . sabbākusalābhisaṃkhārānaṃ santattā samitattā vūpasamitattā vijjhātattā nibbutattā vigatattā patipassaddhattā santo upasanto vūpasanto nibbuto paṭipassaddho carissasi viharissasi iriyissasi vattissasi pālissasi yapissasi yāpissasī ti,
[page 435]
S.N. 950] Attadaṇḍasuttaniddeso. 435
[... content straddling page break has been moved to the page above ...] upasanto carissasi. Ten'; āha Bhagavā:
Yaṃ pubbe, taṃ visosehi, pacchā te māhu kiñcanaṃ,
majjhe ce no gahessasi, upasanto carissasī ti.
_________________________________
Sn_IV,15.16(=950): Sabbaso nāmarūpasmiṃ yassa n'; atthi mamāyitaṃ,
asatā ca na socati, sa ve loke na jiyyati. || Nidd_I.15:16 ||
Sabbaso nāmarūpasmiṃ yassa n'; atthi mamāyitan ti. Sabbaso ti sabbena sabbaṃ sabbathā sabbaṃ asesaṃ nissesaṃ pariyādāyavacanam etaṃ sabbaso ti. Nāman ti cattāro arūpino khandhā. Rūpan ti cattāro ca mahābhūtā catunnañ ca mahābhūtānaṃ upādāyarūpaṃ. Yassā ti arahato khīṇāsavassa. Mamattan ti dve mamattā, taṇhāmamattañ ca diṭṭhimamattañ ca . . . pe . . . idaṃ taṇhāmamattaṃ . . . pe . . . idaṃ diṭṭhimamattaṃ. Sabbaso nāmarūpasmiṃ yassa n'; atthi mamāyitan ti sabbaso nāmarūpasmiṃ mamattā yassa n'; atthi na saṃvijjanti n'; upalabbhanti pahīnā samucchinnā vūpasantā paṭipassaddhā abhabbuppattikā ñāṇagginā daḍḍhā ti, sabbaso nāmarūpasmiṃ yassa n'; atthi mamāyitaṃ.
Asatā ca na socatī ti vipariṇataṃ vā vatthuṃ na socati, vipariṇatasmiṃ vā vatthusmiṃ na socati: cakkhu me vipariṇatan ti na socati, sotaṃ me, ghānaṃ me, jivhā me, kāyo me, rūpā me, saddā me, gandhā me, rasā me, phoṭṭhabbā me, kulaṃ me, gaṇo me, āvāso me, lābho me . . . pe . . . ñātisālohitā me vipariṇatā ti na socati na kilamati na paridevati na urattāḷiṃ kandati na sammohaṃ āpajjatī ti, evam pi asatā ca na socati. Athavā asātāya dukkhāya vedanāya phuṭṭho pareto samohito samannāgato na socati na kilamati na paridevati na urattāḷiṃ kandati na sammohaṃ āpajjatī ti, evam pi asatā ca na socati. Athavā cakkhurogena phuṭṭho pareto . . . pe . . . ḍaṃsamakasavātātapasiriṃsappasamphassena phuṭṭho pareto samohito samannāgato na socati na kilamati na paridevati na urattāḷiṃ kandati na sammohaṃ āpajjatī ti,
[page 436]
436 Aṭṭhakavaggo. [S.N. 950
[... content straddling page break has been moved to the page above ...] evam pi asatā ca na socati. Athavā asante asaṃvijjamāne anupalabbhiyamāne ahu vata me, taṃ vata me n'; atthi, siyā vata me, taṃ vatāhaṃ na labhāmī ti na socati na kilamati na paridevati na urattāḷiṃ kandati na sammohaṃ āpajjatī ti, evam pi asatā ca na socati.
Sa ve loke na jiyyatī ti yassa mayhaṃ vā idaṃ, paresaṃ vā idan ti kiñci rūpagataṃ vedanāgataṃ saññāgataṃ saṃkhāragataṃ viññāṇagataṃ gahitaṃ parāmaṭṭhaṃ abhiniviṭṭhaṃ ajjhositaṃ adhimuttaṃ atthi, tassa jāni atthi.
Bhāsitam pi h'; etaṃ:
*Jinno rathassamaṇikuṇḍale ca
putte ca dāre ca tath'; eva jinno
sabbesu bhogesu asevitesu
kasmā na santappasi sokakāle?
Pubb'; eva maccaṃ vijahanti bhogā,
macco va ne pubbataraṃ jahāti,
asassatā bhogino kāmakāmī,
tasmā na socām'; ahaṃ sokakāle.
Udeti āpūrati veti cando,
atthaṃ gametvāna paleti suriyo,
viditā mayā sattuka lokadhammā,
tasmā na socām'; ahaṃ sokakāle ti.
Yassa mayhaṃ vā idaṃ, paresaṃ vā idan ti kiñci rūpagataṃ vedanāgataṃ saññāgataṃ saṃkhāragataṃ viññāṇagataṃ gahitaṃ parāmaṭṭhaṃ abhiniviṭṭhaṃ ajjhositaṃ adhimuttaṃ n'; atthi, tassa jāni n'; atthi. Bhāsitam pi h'; etaṃ: ** Nandasi samaṇā ti, kiṃ laddhā āvuso ti? Tena hi samaṇa socasī ti, kiṃ jiyittha āvuso ti? Tena hi samaṇa n'; eva nandasi na socasī ti, evam āvuso ti.
[page 437]
S.N. 951] Attadaṇḍasuttaniddeso. 437
*Cirassaṃ vata passāma brāhmaṇaṃ parinibbutaṃ
anandiṃ anighaṃ {bhikkhuṃ} tiṇṇaṃ loke visattikan ti; sa ve loke na jiyyati. Ten'; āha Bhagavā:
Sabbaso nāmarūpasmiṃ yassa n'; atthi mamāyitaṃ,
asatā ca na socati, sa ve loke na jiyyatī ti.
_________________________________
Sn_IV,15.17(=951): Yassa n'; atthi idaṃ me ti paresaṃ vā pi kiñcanaṃ,
mamattaṃ so asaṃvindaṃ n'; atthi me ti na socati. || Nidd_I.15:17 ||
Yassa n'; atthi idaṃ me ti paresaṃ vā pi kiñcanan ti.
Yassā ti arahato khīṇāsavassa. Yassa mayhaṃ vā idaṃ paresaṃ vā idan ti kiñci rūpagataṃ vedanāgataṃ saññāgataṃ saṃkhāragataṃ viññāṇagataṃ gahitaṃ parāmaṭṭhaṃ abhiniviṭṭhaṃ ajjhositaṃ adhimuttaṃ n'; atthi na saṃvijjati n'; upalabbhati, pahīnaṃ samucchinnaṃ vūpasantaṃ paṭipassaddhaṃ abhabbuppattikaṃ ñāṇagginā daḍḍhan ti, evam pi yassa n'; atthi idaṃ me ti paresaṃ vā pi kiñcanaṃ.
Vuttaṃ h'; etaṃ Bhagavatā: ** Nāyaṃ bhikkhave kāyo tumhākaṃ, na pi aññesaṃ. Purāṇam idaṃ bhikkhave kammaṃ abhisaṃkhataṃ abhisañcetayitaṃ vedaniyaṃ daṭṭhabbaṃ. Tatra bhikkhave sutavā ariyasāvako paṭiccasamuppādaṃ yeva sādhukaṃ yoniso manasikaroti. Iti imasmiṃ sati idaṃ hoti, imass'; uppādā idaṃ uppajjati, imasmiṃ asati idaṃ na hoti, imassa nirodhā idaṃ nirujjhati; yadidaṃ avijjāpaccayā saṃkhārā saṃkhārapaccayā viññānaṃ . . . pe . . . evam etassa kevalassa dukkhakkhandhassa samudayo hoti. Avijjāya tv eva asesavirāganirodhā saṃkhāranirodho . . . pe . . . evam etassa kevalassa dukkhakkhandhassa nirodho hoti, evam pi yassa n'; atthi idaṃ me ti paresaṃ vā pi kiñcanaṃ. Vuttaṃ h'; etaṃ Bhagavatā:
[page 438]
438 Aṭṭhakavaggo. [S.N. 951
*Suññato lokaṃ avekkhassu Mogharāja sadā sato,
attānudiṭṭhiṃ ūhacca evaṃ maccutaro siyā:
evaṃ lokaṃ avekkhantaṃ maccurājā na passatī ti, evam pi yassa n'; atthi idaṃ me ti paresaṃ vā pi kiñcanaṃ.
Vuttaṃ h'; etaṃ Bhagavatā: ** Yaṃ bhikkhave na tumhākaṃ, taṃ pajahatha; taṃ vo pahīnaṃ dīgharattaṃ hitāya sukhāya bhavissatī ti. Kiñ ca bhikkhave na tumhākaṃ?
Rūpaṃ bhikkhave na tumhākaṃ, taṃ pajahatha; taṃ vo pahīnaṃ dīgharattaṃ hitāya sukhāya bhavissati. Vedanā saññā saṃkhārā viññāṇaṃ na tumhākaṃ, taṃ pajahatha; taṃ pahīnaṃ dīgharattaṃ hitāya sukhāya bhavissati.
Taṃ kiṃ maññatha bhikkhave yaṃ imasmiṃ Jetavane tiṇakaṭṭhasākhāpalāsaṃ, taṃ jano hareyya vā ḍaheyya vā yathāpaccayaṃ vā kareyya, api nu tumhākaṃ evam assa:
amhe jano harati vā ḍahati vā yathāpaccayaṃ vā karotī ti?
No h'; etaṃ bhante. Taṃ kissa hetu? Na hi no etaṃ bhante attā vā attaniyaṃ vā ti. Evaṃ eva kho bhikkhave yaṃ na tumhākaṃ, taṃ pajahatha; taṃ vo pahīnaṃ dīgharattaṃ hitāya sukhāya bhavissatī ti. Kiñ ca bhikkhave na tumhākaṃ? Rūpaṃ bhikkhave na tumhākaṃ, taṃ pajahatha; taṃ vo pahīnaṃ dīgharattaṃ hitāya sukhāya bhavissati. Vedanā saññā saṃkhārā viññāṇaṃ na tumhākaṃ, taṃ pajahatha; taṃ vo pahīnaṃ dīgharattaṃ hitāya sukhāya bhavissatī ti, evam pi yassa n'; atthi idaṃ me ti paresaṃ vā pi kiñcanaṃ. Bhāsitam pi h'; etaṃ:
{dblcross} Suddhagamasamuppādaṃ suddhasaṃkhārasantatiṃ
passantassa yathābhūtaṃ na bhayaṃ hoti, Gāmaṇi.
Tiṇakaṭṭhasamaṃ lokaṃ, yadā paññāya passati,
nāññaṃ patthayate kiñci aññatra appaṭisandhiyā.
[page 439]
S.N. 951] Attadaṇḍasuttaniddeso. 439
Vajirā bhikkhunī Māraṃ pāpimantaṃ etad avoca:
*Kan nu satto ti paccesi māra diṭṭhigataṃ nu te,
suddhasaṃkhārapuñjo 'yaṃ na-y-idha sattūpalabbhati.
Yathā pi aṅgasambhārā hoti sabbo ratho iti;
evaṃ khandhesu santesu hoti satto ti sammuti.
Dukkham eva hi sambhoti, dukkhaṃ tiṭṭhati veti ca,
nāññatra dukkhā sambhoti, nāññaṃ dukkhā nirujjhatī ti, evam pi yassa n'; atthi idaṃ me ti paresaṃ vā pi kiñcanaṃ.
** Evaṃ eva kho bhikkhave bhikkhu rūpaṃ sammannesati, yāvatā rūpassa gati. Vedanaṃ saññaṃ saṃkhāre viññāṇaṃ sammannesati, yāvatā viññāṇassa gati. Tassa rūpaṃ sammannesato yāvatā rūpasa gati, vedanaṃ saññaṃ saṃkhāre viññāṇaṃ sammannesato yāvatā viññāṇassa gati, yam pi yassa hoti, ahan ti vā maman ti vā asmī ti vā; tam pi tassa na hotī ti, evam pi yassa n'; atthi idaṃ me ti paresaṃ vā pi kiñcanaṃ.
{dblcross} Āyasmā Ānando Bhagavantam etad avoca: Suñño loko suñño loko ti bhante vuccati. Kittāvatā nu kho bhante suñño loko ti vuccatī ti? Yasmā kho Ānanda suññaṃ attena vā attaniyena vā, tasmā suñño loko ti vuccatī ti. Kiñ c'; Ānanda suññaṃ attena vā attaniyena vā? Cakkhu kho Ānanda suññaṃ attena vā attaniyena vā, rūpā suññā, cakkhuviññāṇaṃ suññaṃ, cakkhusamphasso suñño, yadidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkha-m-asukhaṃ vā, tam pi suññaṃ. Sotaṃ suññaṃ, saddaṃ suññaṃ, ghānaṃ suññaṃ, gandhaṃ suññaṃ, jivhā suññā, rasā suññā, kāyo suñño, phoṭṭhabbā suññā, mano suñño, dhammo suñño, manoviññāṇaṃ suññaṃ, manosamphasso suñño, yadidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkha-m-asukhaṃ vā,
[page 440]
440 Aṭṭhakavaggo. [S.N. 951
[... content straddling page break has been moved to the page above ...] tam pi suññaṃ attena vā attaniyena vā; yasmā kho Ānanda suññaṃ attena vā attaniyena vā, tasmā suñño loko ti vuccatī ti, evam pi yassa n'; atthi idaṃ me ti paresaṃ vā pi kiñcanaṃ.
Mamattaṃ so asaṃvindan ti. Mamattā ti dve mamattā, taṇhāmamattañ ca diṭṭhimamattañ ca . . . pe . . . idaṃ taṇhāmamattaṃ . . . pe . . . idaṃ diṭṭhimamattaṃ. Taṇhāmamattaṃ pahāya diṭṭhimamattaṃ patiṇissajjitvā mamattaṃ avindanto asaṃvindanto anadhigacchanto appaṭilabhanto ti, mamattaṃ so asaṃvindaṃ.
N'; atthi me ti na socatī ti vipariṇataṃ vā vatthuṃ na socati, vipariṇatasmiṃ vā vatthusmiṃ na socati, cakkhu me vipariṇatan ti na socati. Sotaṃ me . . . pe . . . sālohitā me vipariṇatā ti, na socati na kilamati na paridevati na urattāḷiṃ kandati na sammohaṃ āpajjatī ti, n'; atthi me ti na socati. Ten'; āha Bhagavā:
Yassa n'; atthi idaṃ me ti paresaṃ vā pi kiñcanaṃ,
mamattaṃ so asaṃvindaṃ n'; atthi me ti na socatī ti.
_________________________________
Sn_IV,15.18(=952): Aniṭṭhurī anānugiddho anejo sabbadhī samo,
tam ānisaṃsaṃ pabrūmi pucchito avikampinaṃ. || Nidd_I.15:18 ||
Aniṭṭhurī anānugiddho anejo sabbadhī samo ti. Katamaṃ niṭṭhuriyaṃ? Idh'; ekacco niṭṭhurī hoti paralābhasakkāragarukāramānanavandanapūjanāsu issati upasuyyati issaṃ bandhati; yaṃ evarūpaṃ niṭṭhuriyaṃ, niṭṭhuriyakammaṃ issā issāyanā issayitattaṃ ussuyā ussuyanā ussuyitattaṃ; idaṃ vuccati niṭṭhuriyaṃ. Yass'; etaṃ niṭṭhuriyaṃ pahīnaṃ samucchinnaṃ vūpasantaṃ paṭipassaddhaṃ abhabbuppattikaṃ ñāṇagginā daḍḍhaṃ; so vuccati aniṭṭhurī ti, aniṭṭhurī. Anānugiddho ti gedho vuccati taṇhā; yo rāgo sārāgo . . . pe . . . abhijjhā lobho akusalamūlaṃ.
[page 441]
S.N. 952] Attadaṇḍasuttaniddeso. 441
Yass'; eso gedho pahīno samucchinno vūpasanto paṭipassaddho abhabbuppattiko ñāṇagginā daḍḍho; so vuccati anānugiddho. So rūpe agiddho . . . pe . . . diṭṭhasutamutaviññātabbesu dhammesu agiddho agadhito amucchito anajjhopanno vītagedho vigatagedho cattagedho vantagedho muttagedho pahīnagedho paṭinissaṭṭhagedho vītarāgo vigatarāgo cattarago vantarāgo muttarāgo pahīnarāgo paṭinissaṭṭharāgo nicchāto nibbuto sītibhūto sukhappaṭisaṃvedī brahmabhūtena attanā viharatī ti, aniṭṭhurī anānugiddho.
Anejo sabbadhī samo ti. Ejā vuccati tanhā, yo rāgo sārāgo . . . pe . . . abhijjhā lobho akusalamūlaṃ. Yass'; esā ejā taṇhā pahīnā samucchinnā vūpasantā paṭipassaddhā abhabbuppattikā ñāṇagginā daḍḍhā, so vuccati anejo.
Ejāya pahīnattā anejo so lābhe pi na iñjati, alābhe pi na iñjati, yase pi na iñjati, ayase pi na iñjati, pasaṃsāya pi na iñjati, nindāya pi na iñjati, sukhe pi na iñjati, dukkhe pi na iñjati na calati na vedhati na-ppavedhati na sampavedhatī ti, anejo. Sabbadhī samo ti. Sabbaṃ vuccati dvādasāyatanāni; cakkhu c'; eva rūpā ca . . . pe . . . mano c'; eva dhammā ca. Yato ajjhattikabāhiresu āyatanesu chandarāgo pahīno hoti ucchinnamūlo tālāvatthukato anabhāvaṅgato āyatiṃ anuppādadhammo, so vuccati sabbattha samo sabbattha tādi sabbattha majjhatto sabbattha upekkhako ti, anejo sabbadhī samo.
Tam ānisaṃsaṃ pabrūmi pucchito avikampinan ti avikampinaṃ puggalānaṃ phuṭṭho pucchito yācito ajjhesito pasādito ime cattāro ānisaṃse pabrūmi. Yo so aniṭṭhurī anānugiddho anejo sabbadhī samo ti brūmi ācikkhāmi pakāsemī ti, tam ānisaṃsaṃ pabrūmi pucchito avikampinaṃ. Ten'; āha Bhagavā:
Aniṭṭhurī anānugiddho anejo sabbadhī samo,
tam ānisaṃsaṃ pabrūmi pucchito avikampinan ti.
_________________________________
[page 442]
442 Aṭṭhakavaggo. [S.N. 953
Sn_IV,15.19(=953): Anejassa vijānato n'; atthi kāci nisaṃkhiti,
virato so viyārambhā khemaṃ passati sabbadhi. || Nidd_I.15:19 ||
Anejassa vijānato ti. Ejā vuccati taṇhā, yo rāgo sārāgo . . . pe . . . abhijjhā lobho akusalamūlaṃ. Yass'; esā ejā taṇhā pahīnā samucchinnā vūpasantā paṭipassaddhā abhabbuppattikā ñāṇagginā daḍḍhā, so vuccati anejo. Ejāya pahīnattā anejo, so lābhe pi na iñjati, alābhe pi na iñjati, yase pi na iñjati, ayase pi na iñjati, nindāya pi na iñjati, pasaṃsāya pi na iñjati, sukhe pi na iñjati, dukkhe pi na iñjati na calati na vedhati na-ppavedhati na sampavedhati, anejassa. Vijānato ti jānato ājānato vijānato paṭivijānato paṭivijjhato sabbe saṃkhārā aniccā ti jānato ājānato vijānato paṭivijānato paṭivijjhato, sabbe saṃkhārā dukkhā ti . . . pe . . . yaṃkiñci samudayadhammaṃ sabban taṃ nirodhadhamman ti jānato ājānato vijānato paṭivijānato paṭivijjhato ti, anejassa vijānato.
N'; atthi kāci nisaṃkhitī ti nisaṃkhitiyo vuccanti puññābhisaṃkhāro, apuññābhisaṃkhāro, āneñjābhisaṃkhāro. Yato puññābhisaṃkhāro ca apuññābhisaṃkhāro ca āneñjābhisaṃkhāro ca pahīnā honti ucchinnamūlā tālāvatthukatā anabhāvaṅgatā āyatiṃ anuppādadhammā; ettāvatā nisaṃkhitiyo n'; atthi na saṃvijjanti n'; upalabbhanti, pahīnā samucchinnā vūpasantā patipassaddhā abhabbuppattikā ñāṇagginā daḍḍhā ti, n'; atthi kāci nisaṃkhiti.
Virato so viyārambhā ti viyārambhā vuccati puññābhisaṃkhāro apuññābhisaṃkhāro āneñjābhisaṃkhāro. Yato puññābhisaṃkhāro ca apuññābhisaṃkhāro ca āneñjābhisaṃkhāro ca pahīnā honti ucchinnamūlā tālāvatthukatā {anabhāvaṃgatā} āyatiṃ anuppādadhammā;
[page 443]
S.N. 954] Attadaṇḍasuttaniddeso. 443
[... content straddling page break has been moved to the page above ...] ettāvatā viyārambhā ārato assa virato paṭivirato nikkhito nissaṭṭho vippamutto visaṃyutto vimariyādikatena cetasā vihareyyā ti, virato so viyārambhā.
Khemaṃ passati sabbadhī ti bhayakaro rāgo, bhayakaro doso, bhayakaro moho . . . pe . . . bhayakarā kilesā. Bhayakarassa rāgassa pahīnattā . . . pe . . .bhayakarānaṃ kilesānaṃ pahīnattā sabbattha khemaṃ passati, sabbattha abhayaṃ passati, sabbattha anītikaṃ passati, sabbattha anupaddavaṃ passati, sabbattha anupasaggaṃ passati, sabbattha passaddhaṃ passatī ti, khemaṃ passati sabbadhi. Ten'; āha Bhagavā:
Anejassa vijānato n'; atthi kāci nisaṃkhiti,
virato so viyārambhā khemaṃ passati sabbadhī ti.
_________________________________
Sn_IV,15.20(=954): Na samesu na omesu na ussesu vadate muni,
santo so vītamaccharo nādeti na nirassatī ti Bhagavā. || Nidd_I.15:20 ||
Na samesu na omesu na ussesu vadate munī ti. Monaṃ vuccati ñāṇaṃ; yā paññā pajānanā . . . pe . . . saṅgajālam aticca so munī ti, muni. Seyyo 'ham asmī ti vā sadiso 'ham asmī ti vā hīno 'ham asmī ti vā na vadati na katheti na bhaṇati na dīpayati na voharatī ti, na samesu na omesu na ussesu vadate muni.
Santo so vītamaccharo ti. Santo ti rāgassa santattā santo, dosassa mohassa . . . pe . . . sabbākusalābhisaṃkhārānaṃ santattā samitattā vūpasamitattā vijjhātattā nibbutattā vigatattā paṭipassaddhattā santo upasanto vūpasanto nibbuto paṭipassaddho ti,
[page 444]
444 Aṭṭhakavaggo. [S.N. 954
[... content straddling page break has been moved to the page above ...] santo so. Vītamaccharo ti pañca macchariyāni, āvāsamacchariyaṃ . . . pe . . . gāho vuccati macchariyaṃ. Yass'; etaṃ macchariyaṃ pahīnaṃ samucchinnaṃ vūpasantaṃ paṭipassaddhaṃ abhabbuppattikaṃ ñāṇagginā daḍḍhaṃ, so vuccati vītamaccharo vigatamaccharo cattamaccharo vantamaccharo muttamaccharo pahīnamaccharo paṭinissaṭṭhamaccharo ti, santo so vītamaccharo.
Nādeti na nirassatī ti, Bhagavā ti. Nādetī ti rūpaṃ nādeti nādiyati na upādiyati na gaṇhāti na parāmasati nābhinivisati, vedanaṃ saññaṃ saṃkhāre viññāṇaṃ gatiṃ upapattiṃ paṭisandhiṃ bhavaṃ saṃsāraṃ vaṭṭaṃ nādeti nādiyati na upādiyati na gaṇhāti na parāmasati nābhinivisatī ti, nādeti. Na nirassatī ti rūpaṃ na pajahati na vinodeti na byantīkaroti na anabhāvaṃ gameti; vedanaṃ saññaṃ saṃkhāre viññāṇaṃ gatiṃ upapattiṃ paṭisandhiṃ bhavaṃ saṃsāraṃ vaṭṭaṃ na pajahati na vinodeti na byantīkaroti na anabhāvaṃ gameti, na nirassati. Bhagavā ti gāravādhivacanaṃ . . . pe . . . sacchikā paññatti yadidaṃ Bhagavā ti. Ten'; āha Bhagavā:
Na samesu na omesu na ussesu vadate muni,
santo so vītamaccharo nādeti na nirassatī ti Bhagavā.
PAṆṆARASAMO ATTADAṆḌASUTTANIDDESO NIṬṬHITO.
[page 445]
445
SOḶASAMO SĀRIPUTTASUTTANIDDESO.
Sn_IV,16.1(=955): Na me diṭṭho ito pubbe
icc-āyasmā Sāriputto na suto uda kassaci
evaṃ vagguvado satthā tusitā gaṇim-āgato. || Nidd_I.16:1 ||
Na me diṭṭho ito pubbe ti ito pubbe na mayā diṭṭhapubbo so Bhagavā iminā cakkhunā iminā attabhāvena. Yadā Bhagavā tāvatiṃsabhavane pāricchattakamūle paṇḍukambalasilāyaṃ vassaṃ vuṭṭho devagaṇaparivuto majjhe maṇimayena sopāṇena Saṅkassanagaraṃ otiṇṇo imaṃ dassanaṃ pubbe na diṭṭho ti, na me diṭṭho ito pubbe.
Icc-āyasmā Sāriputto ti. Iccā ti padasandhi padasaṃsaggo padapāripūri akkharasamavāyo byañjanasiliṭṭhatā padānupubbatā-m-etaṃ, iccā ti. Āyasmā ti piyavacanaṃ guruvacanaṃ sagāravasappaṭissavacanam etaṃ, āyasmā ti. Sāriputto ti tassa therassa nāmaṃ saṃkhā samaññāpaññatti vohāro nāmaṃ nāmakammaṃ nāmadheyyaṃ nirutti byañjanaṃ abhilāpo ti, icc-āyasmā Sāriputto.
Na suto uda kassacī ti. Nā ti paṭikkhepo. Udā ti padasandhi padasaṃsaggo padapāripūri akkharasamavāyo byañjanasiliṭṭhatā padānupubbatā-m-etaṃ, udā ti. Kassacī ti kassaci khattiyassa vā brāhmaṇassa vā vessassa vā suddassa vā gahaṭṭhassa vā pabbajitassa vā devassa vā manussassa vā ti, na suto uda kassaci.
[page 446]
446 Aṭṭhakavaggo. [S.N. 955
Evaṃ vagguvado satthā ti evaṃ vagguvado madhuravado pemaniyavado hadayaṅgamavado karavikarudamañjussaro. Aṭṭhaṅgasamannāgato kho pana tassa Bhagavato mukhato ghoso niccharati, visaṭṭho ca suviññeyyo ca mañju ca savanīyo ca bindhu ca avisārī ca gambhīro ca ninnādī ca. Yadā parisaṃ kho pana so Bhagavā sarena viññāpeti; na tassa bahiddhā parisāya ghoso niccharati.
Brahmassaro kho pana so Bhagavā karavikabhāṇī ti, evaṃ vagguvado. Satthā ti satthā Bhagavā satthavāho. Yathā satthavāho satthe kantāraṃ tāreti, corakantāraṃ tāreti, vāḷakantāraṃ tāreti, dubbhikkhakantāraṃ tāreti, nirudakantāraṃ tāreti uttāreti nitthāreti patāreti khemantabhūmiṃ sampāpeti; evam eva Bhagavā satthavāho satte kantāraṃ tāreti; jātikantāraṃ tāreti, jarākantāraṃ tāreti, byādhikantāraṃ tāreti . . . pe . . . maraṇasokaparidevadukkhadomanassupāyāsakantāraṃ tāreti, rāgakantāraṃ tāreti, dosamohamānadiṭṭhikilesaduccaritakantāraṃ tāreti, rāgagahaṇaṃ tāreti, dosamohamānadiṭṭhigahaṇaṃ tāreti, kilesagahaṇaṃ tāreti uttāreti nitthāreti patāreti khemantaṃ amataṃ nibbānaṃ sampāpetī ti, evam pi Bhagavā satthavāho. Athavā Bhagavā netā vinetā anunetā saññāpetā nijjhāpetā pekkhatā pasādetā ti, evam pi Bhagavā satthavāho.
Athavā Bhagavā anuppannassa maggassa uppādetā, asañjātassa maggassa sañjānetā, anakkhātassa maggassa akkhātā, maggaññū maggavidū maggakovido. Maggānugā ca pana etarahi sāvakā viharanti pacchāsamannāgatā ti, evam pi Bhagavā satthavāho ti, evaṃ vagguvado satthā.
Tusitā gaṇi-m-āgato ti Bhagavā tusitā kāyā cavitvā sato sampajāno mātukucchiṃ okkanto ti, evam pi tusitā gaṇim-āgato.
[page 447]
S.N. 956] Sāriputtasuttaniddeso. 447
Athavā tusitā vuccanti devā. Te tuṭṭhā santuṭṭhā attamanā pamuditā pītisomanassajātā, tusitadevalokato gaṇi-m-āgato ti, evam pi tusitā gaṇi-m-āgato.
Athavā tusitā vuccanti arahanto. Te tuṭṭhā santuṭṭhā attamanā paripuṇṇasaṃkappā arahantānaṃ gaṇi-m-āgato ti, evam pi tusitā gaṇi-m-āgato.
Gaṇī ti gaṇī, Bhagavā gaṇācariyo ti gaṇī, gaṇassa satthā ti gaṇī, gaṇaṃ pariharatī ti gaṇī, gaṇaṃ ovadatī ti gaṇī, gaṇam anusāsatī ti gaṇī, visārado gaṇaṃ upasaṅkamatī ti gaṇī, gaṇassa sussati, sotaṃ odahati, aññācittaṃ upaṭṭhapetī ti gaṇi, gaṇaṃ akusalā vuṭṭhāpetvā kusale patiṭṭhāpetī ti gaṇī, bhikkhugaṇassa gaṇī, bhikkhunīgaṇassa gaṇī, upāsakagaṇassa gaṇī, upāsikāgaṇassa ganī, rājagaṇassa gaṇī, khattiyagaṇassa brāhmaṇagaṇassa vessagaṇassa suddagaṇassa devagaṇassa gaṇī, brahmagaṇassa gaṇī saṅghī gaṇī gaṇācariyo. Āgato upagato samupagato sampatto Saṅkassanagaran ti, tusitā gaṇi-m-āgato. Ten'; āha Sāriputtatthero:
Na me diṭṭho ito pubbe icc-āyasmā Sāriputto na suto uda kassaci
evaṃ vagguvado satthā tusitā gaṇi-m-āgato ti.
_________________________________
Sn_IV,16.2(=956): Sadevakassa lokassa, yathā dissati cakkhumā:
sabbaṃ tamaṃ vinodetvā eko ca ratim ajjhagā. || Nidd_I.16:2 ||
Sadevakassa lokassā ti sadevakassa lokassa samārakassa sabrahmakassa sassamaṇabrāhmaṇiyā pajāya sadevamanussāyā ti, sadevakassa lokassa.
Yathā dissati cakkhumā ti yathā Bhagavantaṃ tāvatiṃsabhavane pāricchattakamūle paṇḍukambalasilāyaṃ nisinnaṃ dhammaṃ desentaṃ devatā passanti, tathā manussā passanti.
[page 448]
448 Aṭṭhakavaggo. [S.N. 956
[... content straddling page break has been moved to the page above ...] Yathā manussā passanti, tathā devatā passanti.
Yathā devānaṃ dissati, tathā manussānaṃ dissati. Yathā manussānaṃ dissati, tathā devānaṃ dissatī ti, evam pi yathā dissati cakkhumā. Yathā vā pan'; ete bhonto samaṇabrāhmaṇā adantā dantavaṇṇena dissanti, asantā santavaṇṇena dissanti, anupasantā upasantavaṇṇena dissanti, anibbutā nibbutavaṇṇena dissanti; patirūpako mattikākuṇḍalo va lohamāso va suvaṇṇacchanno caranti loke parivāracchannā anto asuddhā bahi sobhamānā ti, na Bhagavā evam pi dissati. Bhagavā bhūtena tacchena tathena yāthāvena aviparittena sabhāvena danto dantavaṇṇena dissati, santo santavaṇṇena dissati, upasanto upasantavaṇṇena dissati, nibbuto nibbutavaṇṇena dissati, akampita-iriyāpathā ca buddhā bhagavanto paṇidhisampannā ti, evam pi yathā dissati cakkhumā. Athavā Bhagavā visuddhasaddo bhaṭakittisaddasiloko nāgabhavane ca supaṇṇabhavane ca yakkhabhavane ca asurabhavane ca gandhabbabhavane ca mahārājabhavane ca indabhavane ca brahmabhavane ca etādiso ca tādiso ca tato ca bhiyyo ti, evam pi yathā dissati cakkhumā. Athavā Bhagavā dasabalehi samannāgato catūhi vesārajjehi catūhi paṭisambhidāhi chahi abhiññāhi chahi buddhadhammehi tejena ca balena ca guṇena ca viriyena ca paññāya ca dissati ñāyati paññāyati.
*Dūre santo pakāsenti himavanto va pabbato
asant'; ettha na dissanti rattiṃ khittā yathā sarā ti; evam pi yathā dissati cakkhumā.
Cakkhumā ti. Bhagavā pañcahi cakkhūhi cakkhumā; maṃsacakkhunā pi cakkhumā, dibbena cakkhunā pi cakkhumā, paññācakkhunā pi cakkhumā, buddhacakkhunā pi cakkhumā, samantacakkhunā pi cakkhumā.
[page 449]
S.N. 956] Sāriputtasuttaniddeso. 449
Kathaṃ Bhagavā maṃsacakkhunā pi cakkhumā? Maṃsacakkhumhi Bhagavato pañca vaṇṇā saṃvijjanti: nīlo ca vaṇṇo, pītako ca vaṇṇo, lohitako ca vaṇṇo, kaṇho ca vaṇṇo, odāto ca vaṇṇo; yattha ca Bhagavato akkhilomāni patiṭṭhitāni, taṃ nīlaṃ hoti sunīlaṃ pāsādikaṃ dassaneyyaṃ ummārapupphasamānaṃ. Tassa parato pītakaṃ hoti supītakaṃ suvaṇṇavaṇṇaṃ pāsādikaṃ dassaneyyaṃ kaṇṇikārapupphasamānaṃ. Ubhato ca akkhikuṭāni Bhagavato lohitakāni honti sulohitakāni pāsādikāni dassaneyyāni indagopakasamāni. Majjhe kaṇhaṃ hoti sukaṇhaṃ alūkhaṃ siniddhaṃ pāsādikaṃ dassaneyyaṃ aḷārikaṭṭhakasamānaṃ. Tassa parato odātaṃ hoti su-odātaṃ setaṃ paṇḍaraṃ pāsādikaṃ dassaneyyaṃ osadhitārakasamānaṃ.
Tena Bhagavā pākatikena maṃsacakkhunā attabhāvapariyāpannena purimasucaritakammābhinibbattena samantā yojanaṃ passati divā c'; eva rattiñ ca. Yadā pi caturaṅgasamannāgato andhakāro hoti, suriyo ca atthaṅgamito hoti, kālapakkho ca uposatho hoti, tibbo ca vanasaṇḍo hoti, mahā ca akālamegho abbhuṭṭhito hoti; evarūpe pi caturaṅgasamannāgate andhakāre samantā yojanaṃ passati. N'; atthi so kūṭo vā kavāṭaṃ vā pākāro vā pabbato vā gaccho vā latā vā āvaraṇaṃ rūpānaṃ dassanāya. Ekañ ce tilaphalaṃ nimittaṃ katvā tilavāhe pakkhipeyya, tañ ñeva tilaphalaṃ uddhareyya, evaṃ parisuddhaṃ Bhagavato pākatikaṃ maṃsacakkhu; evaṃ Bhagavā maṃsacakkhunā pi cakkhumā.
Kathaṃ Bhagavā dibbena cakkhunā pi cakkhumā?
Bhagavā dibbena cakkhunā visuddhena atikkantamānusakena satte passati cavamāne upapajjamāne, hīne paṇīte suvaṇṇe dubbaṇṇe sugate duggate yathākammūpage satte pajānāti:
[page 450]
450 Aṭṭhakavaggo. [S.N. 956
[... content straddling page break has been moved to the page above ...] ime vata bhonto sattā kāyaduccaritena samannāgatā vacīduccaritena samannāgatā manoduccaritena samannāgatā ariyānaṃ upavādakā micchādiṭṭhikā micchādiṭṭhikammasamādānā, te kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapannā; ime vā pana bhonto sattā kāyasucaritena samannāgatā vacīsucaritena samannāgatā manosucaritena samannāgatā ariyānaṃ anupavādakā sammādiṭṭhikā sammādiṭṭhikammasamādānā, te kāyassa bhedā paraṃ maraṇā sugatiṃ saggaṃ lokaṃ upapannā ti; iti dibbena cakkhunā visuddhena atikkantamānusakena satte passati cavamāne upapajjamāne, hīne paṇīte suvaṇṇe dubbaṇṇe sugate duggate yathākammūpage satte pajānāti. Ākaṃkhamāno ca Bhagavā ekam pi lokadhātuṃ passeyya, dve pi lokadhātuyo passeyya, tisso pi lokadhātuyo passeyya, catusso pi lokadhātuyo passeyya, pañca pi lokadhātuyo passeyyo, dasa pi lokadhātuyo passeyya, vīsam pi lokadhātuyo passeyya, tiṃsam pi lokadhātuyo passeyya, cattāḷīsam pi lokadhātuyo passeyya, paññāsaṃ pi lokadhātuyo passeyya, sahassim pi cūḷanikaṃ lokadhātuṃ passeyya, dvisahassim pi majjhimikaṃ lokadhātuṃ passeyya, tisahassim pi mahāsahassim pi lokadhātuṃ passeyya. So yāvatakaṃ ākaṅkheyya, tāvatakaṃ passeyya; evaṃ parisuddhaṃ Bhagavato dibbacakkhu; evaṃ Bhagavā dibbena cakkhunā pi cakkhumā.
Kathaṃ Bhagavā paññācakkhunā pi cakkhumā? Bhagavā mahāpañño puthupañño hāsapañño javanapañño tikkhapañño nibbedhikapañño paññappabhedakusalo pabhinnañāṇo adhigatapaṭisambhido catuvesārajjappatto dasabaladhārī purisāsabho purisasīho purisanāgo purisājañño purisadhoreyho anantañāṇo anantatejo anantayaso aḍḍho mahaddhano dhanavā netā vinetā anunetā saññāpetā nijjhāpetā pekkhatā pasādetā.
[page 451]
S.N. 956] Sāriputtasuttaniddeso. 451
[... content straddling page break has been moved to the page above ...] So hi Bhagavā anuppannassa maggassa uppādetā, asañjātassa maggassa sañjānetā, anakkhātassa maggassa akkhātā, maggaññū maggavidū maggakovido. Maggānugā ca pana etarahi sāvakā viharanti pacchā samannāgatā. So hi Bhagavā jānaṃ jānāti passaṃ passati, cakkhubhūto ñāṇabhūto dhammabhūto brahmabhūto vattā pavattā atthassa ninnetā amatassa dātā dhammasāmi tathāgato. N'; atthi tassa Bhagavato añātaṃ adiṭṭhaṃ aviditaṃ asacchikataṃ aphusitaṃ paññāya. Atītānāgatapaccuppannaṃ upādāya sabbe dhammā sabbākārena Buddhassa Bhagavato ñāṇamukhe āpāthaṃ āgacchanti. Yan kiñci neyyaṃ nāma atthi jānitabbaṃ attattho vā, parattho vā, ubhayattho vā, diṭṭhidhammiko vā attho, samparāyiko vā attho, uttāno vā attho, gambhīro vā attho, gūḷho vā attho, paṭicchanno vā attho, neyyo vā attho, nīto vā attho, anavajjo vā attho, nikkileso vā attho, vodāno vā attho, paramattho vā, sabban taṃ antobuddhañāṇe parivattati. Atīte Buddhassa Bhagavato appaṭihataṃ ñāṇaṃ, anāgate appaṭihataṃ ñāṇaṃ, paccuppanne appaṭihaṭaṃ ñāṇaṃ. Sabbaṃ kāyakammaṃ Buddhassa Bhagavato ñāṇānuparivatti. Sabbaṃ vacīkammaṃ sabbaṃ manokammaṃ Buddhassa Bhagavato ñāṇānuparivatti.
Yāvatakaṃ neyyaṃ, tāvatakaṃ ñānaṃ; yāvatakaṃ ñāṇaṃ, tāvatakaṃ neyyaṃ; neyyapariyantikaṃ ñāṇaṃ, ñāṇapariyantikaṃ neyyaṃ; neyyaṃ atikkamitvā ñāṇaṃ na-ppavattati, ñāṇaṃ atikkamitvā neyyapatho n'; atthi; aññamaññapariyantaṭṭhāyino te dhammā. Yathā dvinnaṃ samuggapaṭalānaṃ sammāphusitānaṃ heṭṭhimaṃ samuggapaṭalaṃ uparimaṃ nātivattati, uparimaṃ samuggapaṭalaṃ heṭṭhimaṃ nātivattati; aññamaññapariyantaṭṭhāyino honti; evam eva Buddhassa Bhagavato neyyañ ca ñāṇañ ca aññamaññapariyantaṭṭhāyino.
[page 452]
452 Aṭṭhakavaggo. [S.N. 956
[... content straddling page break has been moved to the page above ...] Yāvatakaṃ neyyaṃ, tāvatakaṃ ñāṇaṃ; yāvatakaṃ ñāṇaṃ, tāvatakaṃ neyyaṃ; neyyapariyantikaṃ ñāṇaṃ, ñānapariyantikaṃ neyyaṃ, neyyaṃ atikkamitvā ñāṇaṃ na-ppavattati. Ñāṇaṃ atikkamitvā neyyapatho n'; atthi; aññamaññapariyantaṭṭhāyino te dhammā.
Sabbadhammesu Buddhassa Bhagavato ñāṇaṃ parivattati. Sabbe dhammā Buddhassa Bhagavato āvajjanapaṭibaddhā ākaṅkhapaṭibaddhā manasikārapaṭibaddhā cittuppādapaṭibaddhā. Sabbasattesu Buddhassa Bhagavato ñāṇaṃ parivattati. Sabbesaṃ sattānaṃ Bhagavā āsayaṃ jānāti, anusayaṃ jānāti, caritaṃ jānāti, adhimuttiṃ jānāti, apparajakkhe mahārajakkhe tikkhindriye mudindriye svākāre dvākāre suviññāpaye duviññāpaye bhabbābhabbe satte pajānāti. Sadevako loko samārako sabrahmako sassamaṇabrāhmaṇī pajā sadevamanussā antobuddhañāṇe parivattati. Yathā ye keci macchakacchapā antamaso timitimiṅgalaṃ upādāya antomahāsamudde parivattanti, evam eva sadevako loko samārako sabrahmako sassamaṇabrāhmaṇī pajā sadevamanussā antobuddhañāṇe parivattati. Yathā ye keci pakkhī antamaso garuḷaṃ venateyyaṃ upādāya ākāsassa padese parivattanti, evam eva ye pi te Sāriputtasamā paññāya, te pi buddhañāṇassa padese parivattanti. Buddhañāṇaṃ devamanussānaṃ paññaṃ pharitvā abhibhavitvā tiṭṭhati. Ye pi te khattiyapaṇḍitā brāhmaṇapaṇḍitā gahapatipaṇḍitā samaṇapaṇḍitā nipuṇā kataparappavādā vālavedhirūpā vobhinantā maññe caranti paññāgatena diṭṭhigatāni, te pañhaṃ abhisaṅkharitvā abhisaṅkharitvā tathāgataṃ upasaṅkamitvā pucchanti. Kathitā ca visajjitā ca te pañhā Bhagavatā honti niddiṭṭhakāraṇā upakkhittakā ca. Te Bhagavato sampajjanti. Atha kho Bhagavā tattha atirocati,
[page 453]
S.N. 956] Sāriputtasuttaniddeso. 453
[... content straddling page break has been moved to the page above ...] yadidaṃ paññāyā ti; evaṃ Bhagavā paññācakkhunā pi cakkhumā.
Kathaṃ Bhagavā buddhacakkhunā pi cakkhumā? Bhagavā buddhacakkhunā lokaṃ volokento addasa satte apparajakkhe mahārajakkhe tikkhindriye mudindriye svākāre dvākāre suviññāpaye duviññāpaye app'; ekacce paralokavajjabhayadassāvino viharante. Seyyathā pi nāma uppaliniyaṃ vā paduminiyaṃ vā puṇḍarīkiniyaṃ vā app'; ekaccāni uppalāni vā padumāni vā puṇḍarīkāni vā udake jātāni udake saṃvaddhāni udakānuggatāni antonimuggapositāni. App'; ekaccāni uppalāni vā padumāni vā puṇḍarīkāni vā udake jātāni udake saṃvaddhāni samodakaṭṭhitāni. App'; ekaccāni uppalāni vā padumāni vā puṇḍarīkāni vā udake jātāni udake saṃvaddhāni udakā accuggamma tiṭṭhanti anupalittāni udakena; evam eva Bhagavā buddhacakkhunā lokaṃ volokento addasa satte apparajakkhe mahārajakkhe tikkhindriye mudindriye svākāre dvākāre suviññāpaye duviññāpaye app'; ekacce paralokavajjabhayadassāvino viharante.
Jānāti Bhagavā: ayaṃ puggalo rāgacarito, ayaṃ dosacarito, ayaṃ mohacarito, ayaṃ vitakkacarito, ayaṃ saddhācarito, ayaṃ ñāṇacarito ti. Rāgacaritassa Bhagavā puggalassa asubhakathaṃ katheti. Dosacaritassa Bhagavā puggalassa mettābhāvanaṃ ācikkhati. Mohacaritaṃ Bhagavā puggalaṃ uddesaparipucchāya kālena dhammasavane kālena dhammasākacchāya garusaṃvāse niveseti. Vitakkacaritassa Bhagavā puggalassa ānāpānasatiṃ ācikkhati. Saddhācaritassa Bhagavā puggalassa pāsādanīyaṃ nimittaṃ ācikkhati buddhasubodhiṃ dhammasudhammataṃ saṅghasupaṭipattiṃ sīlāni ca attano. Ñāṇacaritassa Bhagavā puggalassa vipassanānimittaṃ ācikkhati aniccākāraṃ dukkhākāraṃ anattākāraṃ.
*Sele yathā pabbatamuddhaniṭṭhito
yathā pi passe janataṃ samantato,
tathūpamaṃ dhammamayaṃ Sumedha
[page 454]
454 Aṭṭhakavaggo. [S.N. 956
pāsādam āruyha samantacakkhu,
sokāvatiṇṇaṃ janatam-m-apetasoko
avekkhassu jātijarābhibhūtan ti; evaṃ Bhagavā buddhacakkhunā pi cakkhumā.
Kathaṃ Bhagavā samantacakkhunā pi cakkhumā? Samantacakkhu vuccati sabbaññutañāṇaṃ. Bhagavā sabbaññutañāṇena upeto samupeto upagato samupagato upapanno samupapanno samannāgato. Na tassa adiṭṭham idh'; atthi kiñci atho aviññātaṃ ajānitabbaṃ, sabbaṃ abhiññāsi, yad atthi neyyaṃ; tathāgato tena samantacakkhū ti; evaṃ Bhagavā samantacakkhunā pi cakkhumā ti, yathā dissati cakkhumā.
Sabbaṃ tamaṃ vinodetvā ti sabbaṃ rāgatamaṃ dosatamaṃ mohatamaṃ mānatamaṃ diṭṭhitamaṃ kilesatamaṃ duccaritatamaṃ andhakaraṇaṃ acakkhukaraṇaṃ aññāṇakaraṇaṃ paññānirodhikaṃ vighātapakkhikaṃ anibbānasaṃvattanikaṃ nuditvā panuditvā pajahitvā vinoditvā byantīkaritvā anabhāvaṃ gametvā ti, sabbaṃ tamaṃ vinodetvā.
Eko ca ratim ajjhagā ti. Eko Bhagavā pabbajjāsaṅkhātena eko, adutiyatthena eko, taṇhāya pahānaṭṭhena eko, ekantavītarāgo ti eko, ekantavītadoso ti eko, ekantavītamoho ti eko, ekantanikkileso ti eko, ekāyanamaggaṃ gato ti eko, anuttaraṃ sammāsambodhiṃ abhisambuddho ti eko.
Kathaṃ Bhagavā pabbajjāsaṅkhātena eko? Bhagavā daharo va samāno susu kāḷakeso bhaddena yobbaññena samannāgato paṭhamena vayasā akāmakānaṃ mātāpitūnaṃ assumukhānaṃ rudantānaṃ vilapantānaṃ, ñātisaṅghaṃ pahāya, sabbaṃ yasapalibodhaṃ chinditvā, puttadārapalibodhaṃ chinditvā, ñātipalibodhaṃ chinditvā, mittāmaccapalibodhaṃ chinditvā, sannidhipalibodhaṃ chinditvā, kesamassuṃ ohāretvā, kāsāyāni vatthāni acchādetvā, agārasmā anagāriyaṃ pabbajitvā, ākiñcanabhāvaṃ upagantvā eko carati viharati iriyati vattati pāleti yapeti yāpeti;
[page 455]
S.N. 956] Sāriputtasuttaniddeso. 455
[... content straddling page break has been moved to the page above ...] evaṃ Bhagavā pabbajjāsaṅkhātena eko.
Kathaṃ Bhagavā adutiyatthena eko? So evaṃ pabbajito samāno eko araññavanapatthāni pantāni senāsanāni paṭisevati appasaddāni appanigghosāni vijanavātāni manussarāhasseyyakāni paṭisallānasārūpāni. So eko carati eko gacchati, eko tiṭṭhati, eko nisīdati, eko seyyaṃ kappeti, eko gāmaṃ piṇḍāya pavisati, eko paṭikkamati, eko raho nisīdati, eko caṅkamaṃ adhiṭṭhāti, eko carati, eko viharati iriyati vattati pāleti yapeti yāpeti; evaṃ Bhagavā adutiyatthena eko.
Kathaṃ Bhagavā taṇhāya pahānatthena eko? So evaṃ eko adutiyo appamatto ātāpī pahitatto viharanto najjā Nerañjarāya tīre bodhirukkhamūle mahāpadhānaṃ padahanto Māraṃ sasenaṃ Namuciṃ pamattabandhuṃ vidhamitvā taṇhaṃ jāliniṃ saritaṃ visattikaṃ pajahati vinodeti byantīkaroti, anabhāvaṃ gameti.
*Taṇhādutiyo puriso dīgham addhāna saṃsaraṃ
itthabhāvaññathābhāvaṃ saṃsāraṃ nātivattati.
Etam ādīnavaṃ ñatvā taṇhaṃ dukkhassa sambhavaṃ
vītataṇho anādāno sato bhikkhu paribbaje ti.
Evaṃ Bhagavā taṇhāya pahānatthena eko.
Kathaṃ Bhagavā ekantavītarāgo ti eko? Rāgassa pahīnattā ekantavītarago ti eko, dosassa pahīnattā ekantavītadoso ti eko, mohassa pahīnattā ekantavītamoho ti eko, kilesānaṃ pahīnattā ekantanikkileso ti eko.
Kathaṃ Bhagavā ekāyanamaggaṃ gato ti eko? Ekāyanamaggo vuccati cattāro satipaṭṭhānā cattāro sammappadhānā cattāro iddhippādā pañc'; indriyāni pañca balāni satta bojjhaṅgā ariyo {aṭṭhaṅgiko} maggo.
[page 456]
456 Aṭṭhakavaggo. [S.N. 956
[... content straddling page break has been moved to the page above ...]
*Ekāyanaṃ jātikhayantadassī
maggaṃ pajānāti hitānukampī;
etena maggena atariṃsu pubbe
tarissanti yeva taranti oghan ti.
Evaṃ Bhagavā ekāyanamaggaṃ gato ti eko.
Kathaṃ Bhagavā eko anuttaraṃ sammāsambodhiṃ abhisambuddho ti eko? Bodhi vuccati catūsu maggesu ñāṇaṃ paññā paññindriyaṃ paññābalaṃ dhammavicayasambojjhaṅgo vīmaṃsā vipassanā sammādiṭṭhi. Bhagavā tena bodhiñāṇena sabbe saṃkhārā aniccā ti bujjhi, sabbe saṃkhārā dukkhā ti bujjhi, sabbe dhammā anattā ti bujjhi, avijjāpaccayā saṃkhārā ti bujjhi . . . pe . . . jātipaccayā jarāmaraṇan ti bujjhi, avijjānirodhā saṃkhāranirodho ti bujjhi . . . pe . . . jātinirodhā jarāmaraṇanirodho ti bujjhi, idaṃ dukkhan ti bujjhi, ayaṃ dukkhasamudayo ti bujjhi, ayaṃ dukkhanirodho ti bujjhi, ayaṃ dukkhanirodhagāminī paṭipadā ti bujjhi, ime āsavā ti bujjhi, ayaṃ āsavasamudayo ti bujjhi, ayaṃ āsavanirodho ti bujjhi, ayaṃ āsavanirodhagāminī paṭipadā ti bujjhi, ime dhammā abhiññeyyā ti bujjhi, ime dhammā pariññeyyā ti bujjhi, ime dhammā pahātabbā ti bujjhi, ime dhammā bhāvetabbā ti bujjhi, ime dhammā sacchikātabbā ti bujjhi, channaṃ phassāyatanānaṃ samudayañ ca atthaṅgamañ ca assādañ ca ādīnavañ ca nissaraṇañ ca bujjhi, pañcannaṃ upādānakkhandhānaṃ samudayañ ca atthaṅgamañ ca assādañ ca ādīnavañ ca nissaraṇañ ca bujjhi, catunnaṃ mahābhūtānañ ca samudayañ ca atthaṅgamañ ca assādañ ca ādīnavañ ca nissaraṇañ ca bujjhi, yaṃ kiñci samudayadhammaṃ sabban taṃ nirodhadhamman ti bujjhi. Athavā yaṃ kiñci bujjhitabbaṃ paṭibujjhitabbaṃ sambujjhitabbaṃ adhigantabbaṃ phusitabbaṃ sacchikātabbaṃ,
[page 457]
S.N. 957] Sāriputtasuttaniddeso. 457
[... content straddling page break has been moved to the page above ...] sabban taṃ tena bodhiñāṇena bujjhi anubujjhi paṭibujjhi saṃbujjhi sammābujjhi adhigacchi paṭilabhi phusesi sacchikāsi; evaṃ Bhagavā eko anuttaraṃ sammāsambodhiṃ abhisambuddho ti eko.
Ratim ajjhagā ti. Ratin ti nekkhammaratiṃ pavivekaratiṃ upasamaratiṃ sambodhiratiṃ ajjhagā samajjhagā adhigacchi phusesi sacchikāsī ti, eko ca ratim ajjhagā.
Ten'; āha Sāriputtatthero:
Sadevakassa lokassa, yathā dissati cakkhumā:
sabbaṃ tamaṃ vinodetvā eko ca ratim ajjhagā ti.
_________________________________
Sn_IV,16.3(=957): Taṃ Buddhaṃ asitaṃ tādiṃ akuhaṃ gaṇim āgataṃ
bahunnam idha baddhānaṃ atthi pañhena āgamaṃ. || Nidd_I.16:3 ||
Taṃ Buddhaṃ asitaṃ tādin ti. Buddho ti yo so Bhagavā sayambhū anācariyako pubbe ananussutesu dhammesu sāmaṃ saccāni abhisambujjhi, tattha ca sabbaññutaṃ patto, balesu ca vasībhāvaṃ patto. Buddho ti ken'; atthena Buddho? Bujjhitā saccānī ti Buddho. Bodhetā pajāyā ti Buddho. Sabbaññutāya Buddho. Sabbadassāvitāya Buddho. Anaññeyyatāya Buddho. Vikasitāya Buddho. Khīṇāsavasaṅkhātena Buddho. Nirupakkilesasaṅkhātena Buddho. Ekantavītarāgo ti Buddho. Ekantavītadoso ti Buddho. Ekantavītamoho ti Buddho. Ekantanikkileso ti Buddho. Ekāyanamaggam gato ti Buddho. Eko anuttaraṃ sammāsambodhiṃ abhisambuddho ti Buddho ti;
[page 458]
458 Aṭṭhakavaggo. [S.N. 957
abuddhivihatattā buddhipaṭilābhattā Buddho. Buddho ti n'; etaṃ nāmaṃ mātarā kataṃ, na pitarā kataṃ, na bhātarā kataṃ, na bhaginiyā kataṃ, na mittāmaccehi kataṃ, na ñātisālohitehi kataṃ, na samaṇabrāhmaṇehi kataṃ, na devatāhi kataṃ; vimokkhantikam etaṃ Buddhānaṃ Bhagavantānaṃ bodhiyā mūle saha sabbaññutañāṇassa paṭilābhā sacchikā paññatti yadidaṃ Buddho ti, taṃ Buddhaṃ.
Asitan ti dve nissayā, taṇhānissayo ca diṭṭhinissayo ca.
Katamo taṇhānissayo? Yāvatā taṇhāsaṃkhātena sīmakataṃ odhikataṃ pariyantīkataṃ pariggahitaṃ mamāyitaṃ idaṃ mamaṃ, etaṃ mamaṃ, ettakaṃ mamaṃ, ettāvatā mama rūpā saddā gandhā rasā phoṭṭhabbā attharaṇā pāpuraṇā dāsīdāsā ajeḷakā kukkuṭasūkarā hatthigavāssavaḷavā khettaṃ vatthu hiraññaṃ suvaṇṇaṃ gāmanigamarājadhāniyo raṭṭhañ ca janapado ca koso ca koṭṭhāgārañ ca kevalam pi mahāpaṭhaviṃ taṇhāvasena mamāyati, yāvatā aṭṭhasatataṇhāviparittaṃ; ayaṃ taṇhānissayo.
Katamo diṭṭhinissayo? Vīsativatthukā sakkāyadiṭṭhi, dasavatthukā micchādiṭṭhi, dasavatthukā antaggāhikā diṭṭhi; yā evarūpā diṭṭhi diṭṭhigataṃ diṭṭhigahaṇaṃ diṭṭhikantāro diṭṭhivisūkāyikaṃ diṭṭhivipphanditaṃ diṭṭhisaṃyojanaṃ gāho paṭigāho abhiniveso parāmāso kummaggo micchāpatho micchattaṃ titthāyatanaṃ vipariyesagāho viparittagāho vippallāsagāho micchāgāho ayāthāvakasmiṃ yāthāvakan ti gāho, yāvatā dvāsaṭṭhi diṭṭhigatāni; ayaṃ diṭṭhinissayo. Buddhassa Bhagavato taṇhānissayo pahīno, diṭṭhinissayo paṭinissaṭṭho; taṇhānissayassa pahīnattā diṭṭhinissayassa paṭinissaṭṭhattā Bhagavā cakkhuṃ anissito, sotaṃ ghānaṃ jivhaṃ kāyaṃ manaṃ anissito, rūpe sadde gandhe rase phoṭṭhabbe kulaṃ gaṇaṃ āvāsaṃ lābhaṃ yasaṃ pasaṃsaṃ sukhaṃ cīvaraṃ piṇḍapātaṃ senāsanaṃ gilānapaccayabhesajjaparikkhāraṃ kāmadhātuṃ rūpadhātuṃ arūpadhātuṃ kāmabhavaṃ rūpabhavaṃ arūpabhavaṃ saññābhavaṃ asaññābhavaṃ nevasaññānāsaññābhavaṃ ekavokārabhavaṃ catuvokārabhavaṃ pañcavokārabhavaṃ atītaṃ anāgataṃ paccuppannaṃ diṭṭhasutamutaviññātabbe dhamme asito anissito anallīno anupagato anajjhosito anadhimutto nikkhanto nissaṭṭho vippamutto visaṃyutto vimariyādikatena cetasā viharatī ti,
[page 459]
S.N. 957] Sāriputtasuttaniddeso. 459
[... content straddling page break has been moved to the page above ...] taṃ Buddhaṃ asitaṃ.
Tādin ti Bhagavā pañcah'; ākārehi tādi: iṭṭhāniṭṭhe tādi, cattāvī ti tādi, tiṇṇāvī ti tādi, muttāvī ti tādi, taṃniddesā tādi.
Kathaṃ Bhagavā iṭṭhāniṭṭhe tādi? Bhagavā lābhe pi tādi, alābhe pi tādi, yase pi tādi, ayase pi tādi, pasaṃsāya pi tādi, nindāya pi tādi, sukhe pi tādi, dukkhe pi tādi, ekañ ce bāhaṃ gandhena limpeyyuṃ, ekañ ce bāhaṃ vāsiyā taccheyyuṃ, amukasmiṃ n'; atthi rāgo, amukasmiṃ n'; atthi paṭighaṃ, anunayapaṭighavippahīno ugghātinigghātivītivatto anurodhavirodhasamatikkanto; evaṃ Bhagavā iṭṭhāniṭṭhe tādi.
Kathaṃ Bhagavā cattāvī ti tādi? Bhagavā cattāvī ti tādi Bhagavato rāgo catto vanto mutto pahīno paṭinissaṭṭho, doso moho kodho upanāho makkho paḷāso issā macchariyaṃ māyā sāṭheyyaṃ thambho sārambho māno atimāno mado pamādo sabbe kilesā sabbe duccaritā sabbe darathā sabbe pariḷāhā sabbe santāpā sabbākusalābhisaṃkhārā cattā vantā muttā pahīnā paṭinissaṭṭhā; evaṃ Bhagavā cattāvī ti tādi.
Kathaṃ Bhagavā tiṇṇāvī ti tādi? Bhagavā kāmoghaṃ tiṇṇo, bhavoghaṃ tiṇṇo, diṭṭhoghaṃ tiṇṇo, avijjoghaṃ tiṇṇo, sabbasaṃsārapathaṃ tiṇṇo nitiṇṇo atikkanto samatikkanto vītivatto; so vuṭṭhavāso ciṇṇacaraṇo gataddho gatadiso gatakoṭiko pālitabrahmacariyo uttamadiṭṭhippatto bhāvitamaggo pahīnakileso paṭividdhākuppo sacchikatanirodho. Dukkhaṃ tassa pariññātaṃ, samudayo pahīno, maggo bhāvito, nirodho sacchikato, abhiññeyyaṃ abhiññātaṃ,
[page 460]
460 Aṭṭhakavaggo. [S.N. 957
[... content straddling page break has been moved to the page above ...] pariññeyyaṃ pariññātaṃ, pahātabbaṃ pahīnaṃ, bhāvetabbaṃ bhāvitaṃ, sacchikātabbaṃ sacchikataṃ; so ukkhittapaligho saṅkiṇṇaparikkho abbūḷhesiko niraggaḷo ariyo pannaddhajo pannabhāro visaṃyutto pañcaṅgavippahīno chaḷaṅgasamannāgato ekārakkho caturāpasseno panuṇṇapaccekasacco samavayasaṭṭhesano anāvilasaṅkappo passaddhakāyasaṃkhāro suvimuttacitto suvimuttapañño kevalī vusitavā uttamapuriso paramapuriso paramapattipatto. So n'; eva ācināti, na apacināti, apacinitvā ṭhito; n'; eva pajahati, na upādiyati, pajahitvā ṭhito; n'; eva visineti, na ussineti, visinetvā ṭhito; n'; eva vidhupeti, na sandhupeti, vidhupetvā ṭhito; asekkhena sīlakkhandhena samannāgatattā thito, asekkhena samādhikkhandhena samannāgatattā ṭhito, asekkhena paññākhandhena {samannāgatattā} ṭhito, asekkhena vimuttikkhandhena samannāgatattā ṭhito, asekkhena vimuttiñāṇadassanakkhandhena samannāgatattā ṭhito, saccaṃ paṭipādayitvā ṭhito; evaṃ samatikkamitvā ṭhito, kilesaggiṃ pariyādayitvā ṭhito, aparigamanatāya ṭhito, kaṭaṃ samādāya ṭhito, muttipaṭisevanatāya ṭhito, mettāya pārisuddhiyā ṭhito, karuṇāya pārisuddhiyā ṭhito, muditāya pārisuddhiyā ṭhito, upekkhāya pārisuddhiyā ṭhito, accantapārisuddhiyā ṭhito, akammaññatāya pārisuddhiyā ṭhito, vimuttattā ṭhito, santusitattā ṭhito, khandhapariyante ṭhito, dhātupariyante ṭhito, āyatanapariyante ṭhito, gatipariyante ṭhito, upapattipariyante ṭhito, paṭisandhipariyante ṭhito, bhavapariyante ṭhito, saṃsārapariyante ṭhito, vaṭṭapariyante ṭhito, antimabhave ṭhito, antimasamussaye ṭhito, antimadehadharo Bhagavā.
*Tassāyaṃ pacchimako bhavo carimo 'yaṃ samussayo
jātimaraṇasaṃsāro n'; atthi tassa punabbhavo ti; evaṃ Bhagavā tiṇṇāvī ti tādi.
[page 461]
S.N. 957] Sāriputtasuttaniddeso. 461
Kathaṃ Bhagavā muttāvī ti tādi? Bhagavato rāgā cittaṃ muttaṃ vimuttaṃ suvimuttaṃ, dosā cittaṃ muttaṃ vimuttaṃ suvimuttaṃ, mohā cittaṃ muttaṃ vimuttaṃ suvimuttaṃ, kodhā upanāhā makkhā paḷāsā issā macchariyā māyāya sāṭheyyā thambhā sārambhā mānā atimānā madā pamādā sabbakilesehi sabbaduccaritehi sabbadarathehi sabbapariḷāhehi sabbasantāpehi sabbākusalābhisaṅkhārehi cittaṃ muttaṃ vimuttaṃ suvimuttam; evaṃ Bhagavā muttāvī ti tādi.
Kathaṃ Bhagavā taṃniddesā tādi? Bhagavā sīle sati, sīlavā ti taṃniddesā tādi. Saddhāya sati, saddho ti taṃniddesā tādi. Viriye sati, viriyavā ti taṃniddesā tādi. Satiyā sati, satimā ti taṃniddesā tādi. Samādhismiṃ sati, samāhito ti taṃ niddesā tādi. Paññāya sati, paññavā ti taṃniddesā tādi. Vijjāya sati, tevijjo ti taṃniddesā tādi. Abhiññāya sati, chaḷabhiñño ti taṃniddesā tādi. Bale sati, dasabalo ti taṃniddesā tādi; evaṃ Bhagavā taṃniddesā tādī ti, taṃ Buddhaṃ asitaṃ tādiṃ.
Akuhaṃ gaṇim āgatan ti. Akuho ti tīṇi kuhanavatthūni:
paccayapaṭisevanasaṃkhātaṃ kuhanavatthu, iriyāpathasaṅkhātaṃ kuhanavatthu, sāmantajappanasaṃkhātaṃ kuhanavatthu.
Katamaṃ paccayapaṭisevanasaṃkhātaṃ kuhanavatthu?
Idha gahapatikā bhikkhuṃ nimantenti cīvarapiṇḍapātasenāsanagilānapaccayabhesajjaparikkhārehi pāpiccho icchāpakato atthiko cīvarapiṇḍapātasenāsanagilānapaccayabhesajjaparikkhārānaṃ bhiyyo kamyataṃ upādāya cīvaraṃ paccakkhāti, piṇḍapātaṃ paccakkhāti, senāsanaṃ paccakkhāti, gilānapaccayabhesajjaparikkhāraṃ paccakkhāti. So evam āha: kiṃ samaṇassa mahagghena cīvarena? Etaṃ sāruppaṃ yaṃ samaṇo susānā vā saṅkārakūṭā vā pāpaṇikā vā nantakāni uccinitvā saṅghāṭiṃ karitvā dhāreyya. Kiṃ samaṇassa mahagghena piṇḍapātena? Etaṃ sāruppaṃ, yaṃ samaṇo uñchācariyāya piṇḍiyālopena jīvitaṃ kappeyya.
[page 462]
462 Aṭṭhakavaggo. [S.N. 957
[... content straddling page break has been moved to the page above ...] Kiṃ samaṇassa mahagghena senāsanena? Etaṃ sāruppaṃ yaṃ samaṇo rukkhamūliko vā abbhokāsiko vā.
Kiṃ samaṇassa mahagghena gilānapaccayabhesajjaparikkhārena? Etaṃ sāruppaṃ, yaṃ samaṇo pūtimuttena hariṭakīkhaṇḍena osadhaṃ kareyyā ti tadupādāya lūkhaṃ cīvaraṃ dhāreti, lūkhaṃ piṇḍapātaṃ bhuñjati, lūkhaṃ senāsanaṃ paṭisevati, lūkhaṃ gilānapaccayabhesajjaparikkhāraṃ paṭisevati. Tam enaṃ gahapatikā evaṃ jānanti:
ayaṃ samaṇo appiccho santuṭṭho pavivitto asaṃsaṭṭho āraddhaviriyo dhūtavādo ti, bhiyyo nimantenti cīvarapiṇḍapātasenāsanagilānapaccayabhesajjaparikkhārehi. So evam āha: tiṇṇaṃ sammukhībhāvā saddho kulaputto bahuṃ puññaṃ pasavati; saddhāya sammukhībhāvā saddho kulaputto bahuṃ puññaṃ pasavati; deyyadhammassa sammukhībhāvā saddho kulaputto bahuṃ puññaṃ pasavati, dakkhiṇeyyānaṃ sammukhībhāvā saddho kulaputto bahuṃ puññaṃ pasavati. Tumhākañ c'; evāyaṃ saddhā atthi, deyyadhammo ca saṃvijjati, ahañ ca paṭiggāhako.
Sacāhaṃ na paṭiggahessāmi, evaṃ tumhe puññena paribāhirā bhavissatha. Na mayhaṃ iminā attho, api ca tumhākaṃ yeva anukampāya paṭiggaṇhāmī ti, tadupādāya bahum pi cīvaraṃ paṭigaṇhāti, bahum pi piṇḍapātaṃ paṭigaṇhāti, bahum pi senāsanaṃ paṭigaṇhāti, bahum pi gilānapaccayabhesajjaparikkhāraṃ paṭigaṇhāti; yā evarūpā bhākuṭikā bhākuṭiyaṃ kuhanā kuhāyanā kuhitattaṃ; idaṃ vuccati paccayapaṭisevanasaṃkhātaṃ kuhanavatthun ti.
Katamaṃ iriyāpathasaṃkhātaṃ kuhanavatthu? Idh'; ekacco pāpiccho icchāpakato sambhāvanādhippāyo: evaṃ maṃ jano sambhāvessatī ti gamanaṃ saṇṭhapeti, ṭhānaṃ saṇṭhapeti, nisajjaṃ saṇṭhapeti, seyyaṃ saṇṭhapeti, paṇidhāya gacchati, paṇidhāya tiṭṭhati, paṇidhāya nisīdati, paṇidhāya seyyaṃ kappeti, samāhito viya gacchati, samāhito viya tiṭṭhati,
[page 463]
S.N. 957] Sāriputtasuttaniddeso. 463
[... content straddling page break has been moved to the page above ...] samāhito viya nisīdati, samāhito viya seyyaṃ kappeti, āpāthakajjhāyī va hoti. Evarūpā iriyāpathassa āṭhapanā ṭhapanā saṇṭhapanā bhākuṭikā bhākuṭiyaṃ kuhana kuhāyanā kuhitattaṃ; idaṃ vuccati iriyāpathasaṃkhātaṃ kuhanavatthu.
Katamaṃ sāmantajappanasaṃkhātaṃ kuhanavatthu?
Idh'; ekacco pāpiccho icchāpakato sambhāvanādhippāyo:
evaṃ maṃ jano sambhāvessatī ti; ariyadhammasannissitaṃ vācaṃ bhāsati: yo evarūpaṃ cīvaraṃ dhāreti, so samaṇo mahesakkho ti bhaṇati. Yo evarūpaṃ pattaṃ dhāreti, lohathālakaṃ dhāreti, dhammakarakaṃ dhāreti, parisāvanaṃ dhāreti, kuñcikaṃ dhāreti, upāhanaṃ dhāreti, kāyabandhanaṃ dhāreti, āyogaṃ dhāreti, so samaṇo mahesakkho ti bhaṇati. Yassa evarūpo upajjhāyo, so samaṇo mahesakkho ti bhaṇati. Yassa evarūpo ācariyo samānupajjhāyakā samānācariyakā mittā sandiṭṭhā sambhattā sahāyā, so samaṇo mahesakkho ti bhaṇati. Yo evarūpe vihāre vasati, so samaṇo mahesakkho ti bhaṇati. Yo evarūpe aḍḍhayoge vasati, pāsāde vasati, hammiye vasati, guhāyaṃ vasati, leṇe vasati, kuṭiyā vasati, kuṭāgāre vasati, aṭṭe vasati, māḷe vasati, uṭṭaṇḍe vasati, upaṭṭhānasālāyaṃ vasati, maṇḍape vasati, rukkhamūle vasati, so samaṇo mahesakkho ti bhaṇati. Athavā korajikakorajiko bhākuṭikabhākuṭiko kuhakuho lapalapo mukhasambhāvito, ayaṃ samaṇo imāsaṃ evarūpānaṃ santānaṃ vihārasamāpattīnaṃ lābhī ti, tādisaṃ gambhīraṃ gūḷhaṃ nipuṇṇaṃ paṭicchannaṃ lokuttarasuññatāpaṭisaṃyuttaṃ kathaṃ kathesi; yā evarupā bhākuṭikā bhākuṭiyaṃ kuhanā kuhāyanā kuhitattaṃ; idaṃ vuccati sāmantajappanasaṃkhātaṃ kuhanavatthu.
Buddhassa Bhagavato imāni tīṇi kuhanavatthūni pahīnāni samucchinnāni vūpasantāni paṭipassaddhāni abhabbuppattikāni ñāṇagginā daḍḍhāni;
[page 464]
464 Aṭṭhakavaggo. [S.N. 957
[... content straddling page break has been moved to the page above ...] tasmā Buddho akuho ti, akuhaṃ.
Gaṇim āgatan ti. Gaṇī ti gaṇī, Bhagavā gaṇācariyo ti gaṇī, gaṇassa satthā ti gaṇī, gaṇaṃ pariharatī ti gaṇī, gaṇaṃ ovadatī ti gaṇī, gaṇaṃ anusāsatī ti gaṇī, visārado gaṇaṃ upasaṅkamatī ti gaṇī, gaṇassa sussusati sotaṃ odahati aññācittaṃ upaṭṭhapetī ti gaṇī, gaṇaṃ akusalā vuṭṭhāpetvā kusale patiṭṭhapetī ti gaṇī, bhikkhugaṇassa gaṇī, bhikkhunīgaṇassa gaṇī, upāsakagaṇassa gaṇī, upāsikāgaṇassa gaṇī, rājagaṇassa gaṇī, khattiyagaṇassa gaṇī, brāhmaṇagaṇassa gaṇī, vessagaṇassa gaṇī, suddagaṇassa gaṇī, brahmagaṇassa gaṇī, devagaṇassa gaṇī, saṅghī gaṇī, gaṇācariyo agato upāgato samupāgato sampatto Saṅkassanagaran ti, akuhaṃ gaṇim āgataṃ.
Bahunnam idha baddhānan ti. Bahunnan ti bahunnaṃ khattiyānaṃ brāhmaṇānaṃ vessānaṃ suddānaṃ gahaṭṭhānaṃ deyānaṃ manussānaṃ. Baddhānan ti baddhānaṃ baddhacarānaṃ paricārikānaṃ sissānan ti, bahunnam idha baddhānaṃ.
Atthi pañhena āgaman ti pañhena atthiko āgato 'mhi, pañhaṃ pucchitukāmo āgato 'mhi, pañhaṃ sotukāmo āgāto 'mhī ti, evam pi atthi pañhena āgāmaṃ. Athavā pañhatthikānaṃ pañhapucchikānaṃ pañhaṃ sotukāmānaṃ āgamanaṃ abhikkamanaṃ upasaṅkamanaṃ payirupāsanā siyā ti evam pi atthi pañhena āgamaṃ. Athavā pañhāgamo tuyhaṃ atthi, tvaṃ asi alamatto mayā pucchitaṃ kathetuṃ vissajjetuṃ vattuss'; etaṃ bhāran ti, evam pi atthi pañhena āgamaṃ. Ten'; āha Sāriputtatthero:
[page 465]
S.N. 958] Sāriputtasuttaniddeso. 465
Taṃ Buddhaṃ asitaṃ tādiṃ akuhaṃ gaṇim āgataṃ
bahunnam idha baddhānaṃ atthi pañhena āgaman ti.
_________________________________
Sn_IV,16.4(=958): Bhikkhuno vijigucchato bhajato rittam āsanaṃ
rukkhamūlaṃ susānaṃ vā, pabbatānaṃ guhāsu vā. || Nidd_I.16:4 ||
Bhikkhuno vijigucchato ti. Bhikkhuno ti kalyāṇaputhujanassa vā bhikkhuno sekkhassa vā ti, bhikkhuno. Vijigucchato ti jātiyā vijigucchato jarāya byādhinā maraṇena sokehi paridevehi dukkhehi domanassehi upāyāsehi vijigucchato, nerayikena dukkhena tiracchānayonikena dukkhena pittivisayikena dukkhena mānusakena dukkhena gabbhokkantimūlakena dukkhena gabbhe ṭhitimūlakena dukkhena jātass'; upanibandhakena dukkhena jātassa parādheyyakena dukkhena attūpakkamena dukkhena parūpakkamena dukkhena dukkhadukkhena saṅkhāradukkhena vipariṇāmadukkhena cakkhurogena dukkhena sotarogena dukkhena ghānarogena dukkhena jivhārogena dukkhena kāyarogena dukkhena sīsarogena dukkhena kaṇṇarogena dukkhena mukharogena dukkhena dantarogena dukkhena kāsena sāsena pināsena ḍāhena jarena kucchirogena mucchāya pakkhandikāya sūlāya visūcikāya kuṭṭhena gaṇḍena kilāsena sosena apamārena dadduyā kaṇḍuyā kacchuyā rakhasāya vitacchikāya lohitena pittena madhumehena aṃsāya piḷakāya bhagandalāya pittasamuṭṭhānehi ābādhehi semhasamuṭṭhānehi ābādhehi vātasamuṭṭhānehi ābādhehi sannipātikehi ābādhehi utupariṇāmajehi ābādhehi visamaparihārajehi ābādhehi opakkamikehi ābādhehi kammavipākajehi ābādhehi sītena uṇhena jighacchāya pipāsāya uccārena passāvena ḍaṃsamakasavātāpasiriṃsapasamphassehi dukkhehi mātumaraṇena dukkhena pitumaraṇena dukkhena bhātumaraṇena dukkhena bhaginīmaraṇena dukkhena puttamaraṇena dukkhena dhītumaraṇena dukkhena ñātibyasanena bhogabyasanena rogabyasanena sīlabyasanena diṭṭhibyasanena dukkhena vijigucchato aṭṭiyato harāyato jigucchato ti,
[page 466]
466 Aṭṭhakavaggo. [S.N. 958
[... content straddling page break has been moved to the page above ...] bhikkhuno vijigucchato.
Bhajato rittam āsanan ti āsanaṃ vuccati yattha nisīdati, mañco pīṭhaṃ bhisi bibbohanaṃ taṭṭikā cammakhandho tiṇasantharo paṇṇasantharo palālasantharo. Taṃ āsanaṃ asappāyarūpadassanena rittaṃ vivittaṃ pavivittaṃ, asappāyasaddasavanena rittaṃ vivittaṃ pavivittaṃ, asappāyehi pañcahi kāmaguṇehi rittaṃ vivittaṃ pavivittaṃ.
Āsanaṃ bhajato sambhajato sevato nisevato saṃsevato paṭisevato ti, bhajato rittam āsanaṃ.
Rukkhamūlaṃ susānaṃ vā ti rukkhamūlaṃ yeva rukkhamūlaṃ, susānaṃ yeva susānan ti, rukkhamūlaṃ susānaṃ vā.
Pabbatānaṃ guhāsu vā ti pabbatā yeva pabbatā kandarā yeva kandarā giriguhā yeva giriguhā pabbatantarikāyo vuccanti pabbatagabbharā pabbatānan ti, pabbatānaṃ guhāsu vā. Ten'; āha Sāriputtatthero:
Bhikkhuno vijigucchato bhajato rittam āsanaṃ
rukkhamūlaṃ susānaṃ vā, pabbatānaṃ guhāsu vā ti.
_________________________________
Sn_IV,16.5(=959): Uccāvacesu sayanesu, gīvanto tattha bheravā,
yehi bhikkhu na vedheyya nigghose sayanāsane. || Nidd_I.16:5 ||
[page 467]
S.N. 960] Sāriputtasuttaniddeso. 467
Uccāvacesu sayanesū ti. Uccāvacesu ti uccāvacesu hīnapaṇītesu chekapāpakesu. Sayanesū ti. Sayanaṃ vuccati senāsanaṃ vihāro aḍḍhayogo pāsādo hammiyaṃ guhā ti, uccāvacesu sayanesu.
Gīvanto tattha bheravā ti. Gīvanto ti gīvanto kujjanto nadanto saddaṃ karonto. Athavā kīvanto katī kittakā kivatakā kivabahukā. Te bheravā ti sīhā byagghā dīpi acchataracchā kokā gomahisā hatthī ahi vicchikā satapadī corā vā assu māṇavā katakammā vā akatakammā vā ti, gīvanto tattha bheravā.
Yehi bhikkhu na vedheyyā ti. Yehī ti yehi bheravehi bherave passitvā vā {suṇitvā} vā na vedheyya na-ppavedheyya na sampavedheyya na taseyya na uttaseyya na parittaseyya na bhāyeyya na santāsaṃ āpajjeyya; abhīrū assa achambhī anutrāsī apalāyī, pahīnabhayabheravo vigatalomahaṃso vihareyyā ti, yehi bhikkhu na vedheyya.
Nigghose sayanāsane ti appasadde appanigghose vijanavāte manussarāhaseyyake paṭisallānasārūppe senāsane ti, nigghose sayanāsane. Ten'; āha Sāriputtatthero:
Uccāvacesu sayanesu, gīvanto tattha bheravā,
yehi bhikkhu na vedheyya nigghose sayanāsane ti.
_________________________________
Sn_IV,16.6(=960): Katī parissayā loke gacchato agataṃ disaṃ,
ye bhikkhu abhisambhave pantamhi sayanāsane. || Nidd_I.16:6 ||
Katī parissayā loke ti. Katī ti katī kittakā kivattakā kivabahukā. Parissayā ti dve parissayā, pākaṭaparissayā ca paṭicchannaparissayā ca. Katame pākaṭaparissayā?
Sīhā byagghā dīpi acchataracchā kokā gomahisā hatthī ahi vicchikā satapadī corā vā assu māṇavā katakammā vā akatakammā vā cakkhurogo sotarogo ghānarogo jivhārogo kāyarogo sīsarogo kaṇṇarogo mukharogo dantarogo kāso sāso pināso ḍāho jaro kucchirogo mucchā pakkhandikā sūlā visūcikā kuṭṭhaṃ gaṇḍo kilāso soso apamāro daddu kaṇḍu kacchu rakhasā vitacchikā lohitapittaṃ madhumeho aṃsā piḷakā bhagaṇḍalā pittasamuṭṭhānā ābādhā semhasamuṭṭhānā ābādhā vātasamuṭṭhānā ābādhā sannipātikā ābādhā utupariṇāmajā ābādhā visamaparihārajā ābādhā,
[page 468]
468 Aṭṭhakavaggo. [S.N. 960
[... content straddling page break has been moved to the page above ...] opakkamikā ābādhā kammavipākajā ābādhā sītaṃ uṇhaṃ jighacchā pipāsā uccāro passāvo ḍaṃsamakasavātātapasiriṃsapasamphasso iti vā; ime vuccanti pākaṭaparissayā.
Katame paṭicchannaparissayā? Kāyaduccaritaṃ vacīduccaritaṃ manoduccaritaṃ kāmachandanīvaraṇaṃ byāpādanīvaraṇaṃ thīnamiddhanīvaraṇaṃ uddhaccakukkuccanīvaraṇaṃ vicikicchānīvaraṇaṃ rāgo doso moho kodho upanāho makkho paḷāso issā macchariyaṃ māyā sāṭheyyaṃ thambho sārambho māno atimāno mado pamādo sabbe kilesā sabbe duccaritā sabbe darathā sabbe pariḷāhā sabbe santāpā sabbākusalābhisaṃkhārā; ime vuccanti paṭicchannaparissayā.
Parissayā ti. Kenatthena parissayā? Parisahantī ti parissayā, parihānāya saṃvattantī ti parissayā, tatr'; āsayā ti, parissayā.
{Kathaṃ} parisahantī ti parissayā? Te parissayā taṃ puggalaṃ sahanti parisahanti abhibhavanti ajjhottharanti pariyādiyanti maddanti; evaṃ parisahantī ti parissayā.
Kathaṃ parihānāya saṃvattantī ti parissayā? Te parissayā kusalānaṃ dhammānaṃ antarāyāya parihānāya saṃvattanti. Katamesaṃ kusalānaṃ dhammānaṃ? Sammāpaṭipadāya anulomapaṭipadāya apaccanīkapaṭipadāya anvatthapaṭipadāya dhammānudhammapaṭipaḍāya sīlesu paripūrakāritāya indriyesu guttadvāratāya bhojane mattaññutāya jāgariyānuyogassa satisampajaññassa catunnaṃ satipaṭṭhānānaṃ bhāvanānuyogassa catunnaṃ sammappadhānānaṃ catunnaṃ iddhippādānaṃ pañcannaṃ indriyānaṃ pañcannaṃ balānaṃ sattannaṃ bojjhaṅgānaṃ ariyassa aṭṭhaṅgikassa maggassa bhāvanānuyogassa imesaṃ kusalānaṃ dhammānaṃ antarāyāya parihānāya saṃvattanti;
[page 469]
S.N. 960] Sāriputtasuttaniddeso. 469
[... content straddling page break has been moved to the page above ...] evaṃ parihānāya saṃvattantī ti parissayā.
Kathaṃ tatr'; āsayā ti parissayā? Tatth'; ete pāpakā akusalā dhammā uppajjanti attabhāvasannissayā. Yathā bile bilāsayā pāṇā sayanti, dake dakāsayā pāṇā sayanti, vane vanāsayā pāṇā sayanti, rukkhe rukkhāsayā pāṇā sayanti, evam eva tatth'; ete pāpakā akusalā dhammā uppajjanti attabhāvasannissayā ti, evam pi tatr'; āsayā ti parissayā.
Vuttaṃ h'; etaṃ Bhagavatā: *Sāntevāsiko bhikkhave bhikkhu sācariyako dukkhaṃ na phāsu viharati. Kathañ ca bhikkhave bhikkhu sāntevāsiko sācariyako dukkhaṃ na phāsu viharati? Idha bhikkhave bhikkhuno cakkhunā rūpaṃ disvā uppajjanti pāpakā akusalā dhammā sarasaṃkappā saṃyojanīyā, ty assa anto vasanti anvāvasanti pāpakā akusalā dhammā ti, tasmā sāntevāsiko ti vuccati; te naṃ samudācaranti samudācaranti naṃ pāpakā akusalā dhammā ti, tasmā sācariyako ti vuccati.
Puna c'; aparaṃ bhikkhave bhikkhuno sotena saddaṃ sutvā, ghānena gandhaṃ ghāyitvā, jivhāya rasaṃ sāyitvā, kāyena phoṭṭhabbaṃ phusitvā, manasā dhammaṃ viññāya uppajjanti pāpakā akusalā dhammā sarasaṃkappā saṃyojanīyā, ty assa anto vasanti anvāvasanti pāpakā akusalā dhammā ti; tasmā sāntevāsiko ti vuccati; te naṃ samudācaranti samudācaranti naṃ pāpakā akusalā dhammā ti, tasmā sācariyako ti vuccati; evaṃ kho bhikkhave bhikkhu sāntevāsiko sācariyako dukkhaṃ na phāsu viharatī ti, evam pi tatr'; āsayā ti parissayā.
Vuttaṃ h'; etaṃ Bhagavatā: ** Tayo me bhikkhave antarāmalā antarā-amittā antarāsapattā antarāvadhakā antarāpaccatthikā.
[page 470]
470 Aṭṭhakavaggo. [S.N. 960
[... content straddling page break has been moved to the page above ...] Katame tayo? Lobho bhikkhave antarāmalaṃ antarā-amitto antarāsapatto antarāvadhako antarāpaccatthiko. Doso bhikkhave antarāmalaṃ antarā-amitto antarāsapatto antarāvadhako antarāpaccatthiko. Moho bhikkhave antarāmalaṃ antarā-amitto antarāsapatto antarāvadhako antarāpaccatthiko. Ime kho bhikkhave tayo antarāmalā antarā-amittā antarāsapattā antarāvadhakā antarāpaccatthikā.
Anatthajanano lobho, lobho cittappakopano,
bhayam antarato jātaṃ taṃ jano nāvabujjhati.
Luddho atthaṃ na jānāti, luddho dhammaṃ na passati;
andhaṃ tamaṃ tadā hoti, yaṃ lobho sahate naraṃ.
Anatthajanano doso, doso cittappakopano,
bhayam antarato jātaṃ taṃ jano nāvabujjhati.
Kuddho atthaṃ na jānāti, kuddho dhammaṃ na passati;
andhaṃ tamaṃ tadā hoti, yaṃ kodho sahate naraṃ.
Anatthajanano moho, moho cittappakopano,
bhayam antarato jātaṃ taṃ jano nāvabujjhati.
Mūḷho atthaṃ na jānāti, mūḷho dhammaṃ na passati;
Andhaṃ tamaṃ tadā hoti, yaṃ moho sahate naran ti; evam pi tatr'; āsayā ti parissayā.
Vuttaṃ h'; etaṃ Bhagavatā: *Tayo kho mahārāja purisassa dhammā ajjhattaṃ uppajjamānā uppajjanti ahitāya dukkhāya aphāsuvihārāya. Katame tayo? Lobho kho mahārāja purisassa dhammo ajjhattaṃ uppajjamāno uppajjati ahitāya dukkhāya aphāsuvihārāya. Doso kho mahārāja purisassa dhammo ajjhattaṃ uppajjamāno uppajjati ahitāya dukkhāya aphāsuvihārāya. Moho kho mahārāja purisassa dhammo ajjhattaṃ uppajjamāno uppajjati ahitāya dukkhāya aphāsuvihārāya.
[page 471]
S.N. 960] Sāriputtasuttaniddeso. 471
[... content straddling page break has been moved to the page above ...] Ime kho mahārāja tayo purisassa dhammā ajjhattaṃ uppajjamānā uppajjanti ahitāya dukkhāya aphāsuvihārāyā ti.
Lobho doso ca moho ca purisaṃ pāpacetasaṃ
hiṃsanti attasambhūtā tacasāraṃ va samphalan ti; evam pi tatr'; āsayā ti parissayā.
Vuttaṃ h'; etaṃ Bhagavatā:
*Rāgo ca doso ca itonidānā
aratī ratī lomahaṃso ito jāto
ito samuṭṭhāya manovitakkā
kumārakā dhaṃkam iv'; ossajjantī ti;
evam pi tatr'; āsayā ti parissayā.
Loke ti manussaloke ti, katī parissayā loke.
Gacchato agataṃ disan ti agatadisā vuccati amatanibbānaṃ; yo so sabbasaṃkhārasamatho sabbūpadhipaṭinissaggo taṇhakkhayo virāgo nirodho nibbānaṃ. Agatapubbā na disā gatapubbā iminā dīghena addhunā. Samatittikaṃ anavasesaṃ telapattaṃ yathā parihareyya; evaṃ sacittam anurakkheyya patthayamāno disaṃ agatapubbaṃ.
Agatapubbaṃ disaṃ vajato gacchato abhikkamato ti, gacchato agataṃ disaṃ.
Ye bhikkhu abhisambhave ti. Ye ti ye parissaye abhisambhaveyya abhibhaveyya ajjhotthareyya pariyādiyeyya maddeyyā ti, ye bhikkhu abhisambhave.
Pantamhi sayanāsane ti ante pante pariyante selante vā vanante vā udakante vā nadante vā, yattha na kasiyati, na vapiyati janantaṃ atikkamitvā manussānaṃ anupacāre senāsane ti, pantamhi sayanāsane. Ten'; āha Sāriputtatthero:
[page 472]
472 Aṭṭhakavaggo. [S.N. 960
Katī parissayā loke gacchato agataṃ disaṃ,
ye bhikkhu abhisambhave pantamhi sayanāsane ti.
_________________________________
Sn_IV,16.7(=961): Kyāssa byappathayo assu, kyāss'; assu idha gocarā,
kāni sīlabbatān'; assu pahitattassa bhikkhuno. || Nidd_I.16:7 ||
Kyāssa byappathayo assū ti kīdisena byappathena samannāgato assa kiṃsaṇṭhitena kiṃpakārena kiṃpaṭibhāgenā ti vacīpārisuddhiṃ pucchati.
Katamā vacīpārisuddhi? Idha bhikkhu musāvādaṃ pahāya musāvādā paṭivirato hoti saccavādī saccasandho theto paccayiko avisaṃvādako lokassa; pisuṇaṃ vācaṃ pahāya pisuṇāya vācāya paṭivirato hoti; ito sutvā na amutra akkhātā imesaṃ bhedāya, amutra vā sutvā na imesaṃ akkhātā amusaṃ bhedāya; iti bhinnānaṃ vā sandhātā sahitānaṃ vā anuppadātā samaggārāmo samaggarato samagganandī samaggakaraṇiṃ vācaṃ bhāsitā hoti; pharusaṃ vācaṃ pahāya pharusāya vācāya paṭivirato hoti; yā sā vācā nelā kaṇṇasukhā pemanīyā hadayaṅgamā porī bahujanakantā bahujanamanāpā, tathārūpiṃ vācaṃ bhāsitā hoti; samphappalāpaṃ pahāya samphappalāpā paṭivirato hoti, kālavādī bhūtavādī atthavādī dhammavādī vinayavādī, nidhānavatiṃ vācaṃ bhāsitā hoti kālena sāpadesaṃ pariyantavatiṃ atthasaṃhitaṃ, catūhi vacīsucaritehi samannāgato catudosāpagataṃ vācaṃ bhāsati. Battiṃsāya tiracchānakathāya ārato assa virato paṭivirato nikkhanto nissaṭṭho vippamutto visaṃyutto vimariyādikatena cetasā vihareyya.
Dasa kathāvatthūni katheti, seyyathīdaṃ appicchakathaṃ santuṭṭhikathaṃ pavivekakathaṃ asaṃsaggakathaṃ viriyārambhakathaṃ sīlakathaṃ samādhikathaṃ paññākathaṃ vimuttikathaṃ vimuttiñāṇadassanakathaṃ satipaṭṭhānakathaṃ sammappadhānakathaṃ iddhippādakathaṃ indriyakathaṃ balakathaṃ bojjhaṅgakathaṃ maggakathaṃ phalakathaṃ nibbānakathaṃ katheti.
[page 473]
S.N. 961] Sāriputtasuttaniddeso. 473
[... content straddling page break has been moved to the page above ...] Vācāya yato yatto paṭiyatto gutto gopito rakkhito saṃvuto; ayaṃ vacīpārisuddhi.
Edisāya vacīpārisuddhiyā samannāgato assā ti, kyāssa byappathayo assu.
Kyāss'; assu idha gocarā ti kīdisena gocarena samannāgato assa kiṃsaṇṭhitena kiṃpakārena kiṃpaṭibhāgenā ti. Gocarā ti gocaraṃ vuccati; atthi agocaro, atthi gocaro.
Katamo agocaro? Idh'; ekacco vesiyagocaro vā hoti, vidhavagocaro vā hoti, thūlakumārigocaro vā hoti, paṇḍakagocaro vā hoti, bhikkhunigocaro vā hoti, pānāgāragocaro vā hoti, saṃsaṭṭho viharati rājūhi rājamahāmattehi titthiyehi titthiyasāvakehi ananulomikena gihisaṃsaggena; yāni vā pana tāni kulāni asaddhāni appasannāni anopānabhūtāni akkosakaparibhāsakāni anatthakāmāni ahitakāmāni aphāsukāmāni ayogakkhemakāmāni bhikkhūnaṃ bhikkhunīnaṃ upāsakānaṃ upāsikānaṃ, tathārūpāni kulāni sevati bhajati payirupāsati; ayaṃ vuccati agocaro. Athavā antaragharaṃ paviṭṭho vīthiṃ paṭipanno asaṃvuto gacchati, hatthiṃ olokento assaṃ olokento rathaṃ olokento pattiṃ olokento itthiyo olokento purise olokento kumārake olokento kumārikāyo olokento antarāpaṇaṃ olokento gharamukhāni olokento uddhaṃ olokento adho olokento disāvidisaṃ pekkhamāno gacchati; ayam pi vuccati agocaro.
Athavā cakkhunā rūpaṃ disvā nimittaggāhī hoti anubyañjanaggāhī; yatvādhikaraṇam evaṃ . . . pe . . . manindriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ; tassa na saṃvarāya paṭipajjati, na rakkhati manindriyaṃ, manindriye na saṃvaraṃ āpajjati; ayam pi vuccati agocaro. Yathā vā pan'; eke bhonto samaṇabrāhmaṇā saddhādeyyāni bhojanāni bhuñjitvā, te evarūpaṃ visūkadassanaṃ anuyuttā viharanti seyyathīdaṃ naccaṃ gītaṃ vāditaṃ pekkhaṃ akkhānaṃ pāṇissaraṃ vetāḷaṃ kumbhathūnaṃ sobhanagarakaṃ caṇḍālaṃ vaṃsaṃ dhovanaṃ hatthiyuddhaṃ assayuddhaṃ mahisayuddaṃ saṃyuddhaṃ usabhayuddhaṃ ajayuddhaṃ meṇḍayuddhaṃ kukkuṭayuddhaṃ vaṭṭakayuddhaṃ daṇḍayuddhaṃ muṭṭhiyuddhaṃ nibbuddhaṃ uyyodhikaṃ balaggaṃ senābyūhaṃ anīkadassanaṃ iti vā;
[page 474]
474 Aṭṭhakavaggo. [S.N. 961
[... content straddling page break has been moved to the page above ...] iti evarūpaṃ visūkadassanaṃ, anuyuttā honti; ayam pi vuccati agocaro. Pañca pi kāmaguṇā agocaro.
Vuttaṃ h'; etaṃ Bhagavatā: *Mā bhikkhave agocare caratha paravisaye. Agocare bhikkhave carataṃ paravisaye, lacchati Māro otāraṃ, lacchati Māro ārammaṇaṃ. Ko ca bhikkhave bhikkhuno agocaro paravisayo? Yadidaṃ pañca kāmaguṇā. Katame pañca? Cakkhuviññeyyā rūpā iṭṭhā kantā manāpā piyarūpā kāmupasaṃhitā rajanīyā, sotaviññeyyā saddā, ghānaviññeyyā gandhā, jivhāviññeyyā rasā, kāyaviññeyyā phoṭṭhabbā iṭṭhā kantā manāpā piyarūpā kāmupasaṃhitā rajanīyā; ayaṃ vuccati bhikkhave bhikkhuno agocaro paravisayo; ayam pi vuccati agocaro.
Katamo gocaro? Idha bhikkhu na vesiyagocaro hoti, na vidhavagocaro hoti, na thūlakumārigocaro hoti, na paṇḍakagocaro hoti, na bhikkhunigocaro hoti, na pānāgāragocaro hoti, asaṃsaṭṭho viharati rājūhi rājamahāmattehi titthiyehi titthiyasāvakehi ananulomikena gihisaṃsaggena; yāni vā pana tāni kulāni saddhāni pasannāni opānabhūtāni kāsāvapajjotāni isivātapaṭivātāni atthakāmāni hitakāmāni phāsukāmāni yogakkhemakāmāni bhikkhūnaṃ bhikkhunīnaṃ upāsakānaṃ upāsikānaṃ, tathārūpāni kulāni sevati bhajati payirupāsati; ayaṃ vuccati gocaro. Athavā bhikkhu antaragharaṃ paviṭṭho vīthiṃ paṭipanno saṃvuto gacchati, na hatthiṃ olokento na assaṃ olokento na rathaṃ olokento na pattiṃ olokento . . . pe . . . na disāvidisaṃ pekkhamāno gacchati; ayam pi vuccati gocaro. Athavā cakkhunā rūpaṃ disvā na nimittaggāhī hoti
[page 475]
S.N. 961] Sāriputtasuttaniddeso. 475
[... content straddling page break has been moved to the page above ...] . . . pe . . . manindriye saṃvaraṃ āpajjati; ayam pi vuccati gocaro. Yathā vā pan'; eke bhonto samaṇabrāhmaṇā saddhādeyyāni bhojanāni bhuñjitvā, te evarūpaṃ visūkadassanaṃ anuyuttā viharanti, seyyathīdaṃ naccaṃ gītaṃ vāditaṃ . . . pe . . . anīkadassanaṃ iti vā; iti evarūpāya visūkadassanānuyogā paṭivirato hoti; ayam pi vuccati gocaro. Cattāro pi satipaṭṭhānā gocaro. Vuttaṃ h'; etaṃ Bhagavatā: *Gocare bhikkhave caratha sake pittike visaye. Gocare bhikkhave carataṃ sake pittike visaye, na lacchati Māro otāraṃ, na lacchati Māro ārammaṇaṃ. Ko ca bhikkhave bhikkhuno gocaro sako pittiko visayo? Yad idaṃ cattāro satipaṭṭhānā. Katame cattāro? Idha bhikkhave bhikkhu kāye kāyānupassī viharati ātāpī sampajāno satimā vineyya loke abhijjhādomanassaṃ, vedanāsu citte dhammesu dhammānupassī viharati ātāpi sampajāno satimā vineyya loke abhijjhādomanassaṃ; ayaṃ vuccati bhikkhave bhikkhuno gocaro sako pittiko visayo: ayaṃ pi vuccati gocaro, edisena gocarena samannāgato assā ti, kyāss'; assu idha gocarā.
Kāni sīlabbatān'; assū ti kīdisena sīlabbatena samannāgato assa kiṃsaṇṭhitena kiṃpakārena kiṃpaṭibhāgenā? ti sīlabbatapārisuddhiṃ pucchati.
Katamā pārisuddhi? Atthi sīlañ c'; eva vattañ ca, atthi vattaṃ na sīlaṃ. Katamaṃ sīlañ c'; eva vattañ ca?
Idha bhikkhu sīlavā hoti, pātimokkhasaṃvarasaṃvuto viharati ācāragocarasampanno. Aṇumattesu vajjesu bhayadassāvī samādāya sikkhati sikkhāpadesu; yo tattha saṃyamo saṃvaro avitikkamo, idaṃ sīlaṃ; yaṃ samādānaṃ, taṃ vattaṃ;
[page 476]
476 Aṭṭhakavaggo. [S.N. 961
[... content straddling page break has been moved to the page above ...] saṃvaratthena sīlaṃ, samādānatthena vattaṃ; idaṃ vuccati sīlañ c'; eva vattañ ca.
Katamaṃ vattaṃ na sīlaṃ? Aṭṭha dhutaṅgāni; āraññikaṅgaṃ piṇḍapātikaṅgaṃ, paṃsukūlikaṅgaṃ, tecīvarikaṅgaṃ sapadānacārikaṅgaṃ, khalupacchābhattikaṅgaṃ, nesajjikaṅgaṃ, yathāsanthatikaṅgaṃ, idaṃ vuccati vattaṃ na sīlaṃ. Viriyasamādānam pi vuccati vattaṃ na sīlaṃ.
Kāmaṃ taco ca nhārū ca aṭṭhī ca avassussatu, sarīre upasussatu maṃsalohitaṃ yan taṃ purisathāmena purisabalena purisaviriyena purisaparakkamena pattabbaṃ, na taṃ apāpuṇitvā viriyassa saṇṭhānaṃ bhavissatī ti cittaṃ paggaṇhāti padahati; evarūpam pi viriyasamādānaṃ vuccati vattaṃ na sīlaṃ.
*Nāsissaṃ na pivissāmi vihārato na nikkhamiṃ,
na pi passaṃ nipātessaṃ taṇhāsalle anūhate ti.
Cittaṃ paggaṇhāti padahati; evarūpam pi viriyasamādānaṃ vuccati vattaṃ na sīlaṃ. Na tāvāhaṃ imaṃ pallaṅkaṃ bhindissāmi; yāva me na anupādāya āsavehi cittaṃ vimuccissatī ti cittaṃ paggaṇhāti padahati; evarūpam pi viriyasamādānaṃ vuccati vattaṃ na sīlaṃ. Na tāvāhaṃ imamhā āsanā vuṭṭhahissāmi, caṅkamā orohissāmi, vihārā nikkhamissāmi, aḍḍhayogā nikkhamissāmi, pāsādā nikkhamissāmi, hammiyā nikkhamissāmi, guhāya nikkhamissāmi, leṇā nikkhamissāmi, kuṭiyā nikkhamissāmi, kūṭāgārā nikkhamissāmi, aṭṭā nikkhamissāmi, māḷā nikkhamissāmi, uṭṭaṇḍā nikkhamissāmi, upaṭṭhānasālāya nikkhamissāmi, maṇḍapā nikkhamissāmi, rukkhamūlā nikkhamissāmi, yāva me na anupādāya āsavehi cittaṃ vimuccissatī ti cittaṃ paggaṇhāti padahati; evarūpam pi viriyasamādānaṃ vuccati vattaṃ na sīlaṃ. Imasmiñ ñeva pubbaṇhasamayaṃ ariyadhammaṃ āharissāmi samāharissāmi adhigacchissāmi phusayissāmi sacchikarissāmī ti cittaṃ paggaṇhāti padahati;
[page 477]
S.N. 961] Sāriputtasuttaniddeso. 477
[... content straddling page break has been moved to the page above ...] evarūpam pi viriyasamādānaṃ vuccati vattaṃ na sīlaṃ. Imasmiñ ñeva majjhantikasamayaṃ sāyaṇhasamayaṃ purebhattaṃ pacchābhattaṃ purimayāmaṃ majjhimayāmaṃ pacchimayāmaṃ kāle juṇhe vasse hemante gimhe purime vayokhandhe majjhime vayokhandhe pacchime vayokhandhe ariyadhammaṃ āharissāmi samāharissāmi adhigacchissāmi phusayissāmi sacchikarissāmī ti cittaṃ paggaṇhāti padahatī ti; evarūpam pi viriyasamādānaṃ vuccati vattaṃ na sīlaṃ; ayaṃ sīlabbatapārisuddhi; īdisāya sīlabbattapārisuddhiyā samannāgato assā ti, kāni sīlabbatān'; assu.
Pahitattassa bhikkhuno ti. Pahitattassā ti āraddhaviriyassa thāmavato daḷhaparakkamassa anikkhittachandassa anikkhittadhurassa kusalesu dhammesu. Athavā pesitattassa yass'; attā pesito attatthe ca ñāye ca lakkhaṇe ca kāraṇe ca ṭhānāṭhāne ca: sabbe saṃkhārā aniccā ti pesitattassa; sabbe saṃkhārā dukkhā ti pesitattassa; sabbe dhammā anattā ti pesitattassa; avijjāpaccayā saṃkhārā ti pesitattassa . . . pe . . . jātipaccayā jarāmaraṇan ti, pesitattassa; avijjānirodhā saṃkhāranirodho ti, pesitattassa . . . pe . . . jātinirodhā jarāmaraṇanirodho ti pesitattassa; idaṃ dukkhan ti pesitattassa . . . pe . . . ayaṃ dukkhanirodhagāminī paṭipadā ti pesitattassa; ime āsavā ti pesitattassa . . . pe . . . ayaṃ āsavanirodhagāminī paṭipadā ti pesitattassa; ime dhammā abhiññeyyā ti pesitattassa; ime dhammā sacchikātabbā ti pesitattassa; channaṃ phassāyatanānaṃ samudayañ ca atthaṅgamañ ca assādañ ca ādīnavañ ca nissaraṇañ ca pesitattassa; pañcannaṃ upādānakkhandhānaṃ catunnaṃ mahābhūtānaṃ samudayañ ca atthaṅgamañ ca assādañ ca ādīnāvañ ca nissaraṇañ ca pesitattassa; yaṃ kiñci samudayadhammaṃ, sabban taṃ nirodhadhamman ti pesitattassa.
[page 478]
478 Aṭṭhakavaggo. [S.N. 961
[... content straddling page break has been moved to the page above ...] Bhikkhuno ti kalyāṇaputhujjanassa vā bhikkhuno sekkhassa vā bhikkhuno ti, pahitattassa bhikkhuno. Ten'; āha Sariputtatthero:
Kyāssa byappathayo assu, kyāss'; assu idha gocarā,
kāni sīlabbatān'; assu pahitattassa bhikkhuno ti.
_________________________________
Sn_IV,16.8(=962): Kaṃ so sikkhaṃ samādāya ekodi nipako sato
kammāro rajatasseva niddhame malam attano. || Nidd_I.16:8 ||
Kaṃ so sikkhaṃ samādāyā ti: kaṃ so sikkhaṃ ādāya samādāya ādiyitvā gaṇhitvā parāmasitvā abhinivisitvā ti, kaṃ so sikkhaṃ samādāya.
Ekodi nipako sato ti. Ekodī ti ekaggacitto avikkhittacitto avisāhaṭamānaso ti, ekodi. Nipako ti nipako paṇḍito paññavā buddhimā ñāṇī vibhāvī medhāvī. Sato ti catūhi kāraṇehi sato, kāye kāyānupassanāsatipaṭṭhānaṃ bhāvento sato, vedanāsu citte dhammesu dhammānupassanāsatipaṭṭhānaṃ bhāvento, sato; so vuccati sato ti, sato. Kaṃ so sikkhaṃ samādāyā ti adhisīlasikkhaṃ pucchati. Ekodī ti adhicittasikkhaṃ pucchati. Nipako ti adhipaññaṃ pucchati. Sato ti satipārisuddhiṃ pucchatī ti, kaṃ so sikkhaṃ samādāya ekodi nipako sato.
Kammāro rajatasseva niddhame malam attano ti kammāro vuccati suvaṇṇakāro; rajataṃ vuccati jātarūpaṃ. Yathā suvaṇṇakāro jātarūpassa oḷarikam pi malaṃ dhamati sandhamati niddhamati, majjhimakam pi malaṃ dhamati sandhamati niddhamati, sukhumakam pi malaṃ dhamati sandhamati niddhamati, evam eva bhikkhu attano oḷārike pi kilese dhamati sandhamati niddhamati pajahati vinodeti byantīkaroti anabhāvaṅgameti, majjhimake pi kilese dhamati sandhamati niddhamati pajahati vinodeti byantīkaroti anabhāvaṅgameti,
[page 479]
S.N. 963] Sāriputtasuttaniddeso. 479
[... content straddling page break has been moved to the page above ...] sukhumake pi kilese dhamati sandhamati niddhamati pajahati vinodeti byantīkaroti anabhāvaṅgameti. Athavā bhikkhu attano rāgamalaṃ dosamalaṃ mohamalaṃ mānamalaṃ diṭṭhimalaṃ kilesamalaṃ duccaritamalaṃ andhakaraṇaṃ acakkhukaraṇaṃ aññāṇakaraṇaṃ paññānirodhikaṃ vighātapakkhikaṃ anibbānasaṃvattanikaṃ dhamati sandhamati niddhamati pajahati vinodeti byantīkaroti anabhāvaṅgameti. Athavā sammādiṭṭhiyā micchādiṭṭhiṃ dhamati sandhamati niddhamati pajahati vinodeti byantīkaroti anabhāvaṅgameti, sammāsaṅkappena micchāsaṅkappaṃ, sammāvācāya micchāvācaṃ, sammākammantena micchākammantaṃ, sammā-ājīvena micchā-ājīvaṃ sammāvāyāmena micchāvāyāmaṃ, sammāsatiyā micchāsatiṃ, sammāsamādhinā micchāsamādhiṃ, sammāñāṇena micchāñāṇaṃ, sammāvimuttiyā micchāvimuttiṃ dhamati sandhamati niddhamati pajahati vinodeti byantīkaroti anabhāvaṅgameti. Athavā ariyena aṭṭhaṅgikena maggena sabbe kilese sabbe duccarite sabbe darathe sabbe pariḷāhe sabbe santāpe sabbākusalābhisaṅkhāre dhamati sandhamati niddhamati pajahati vinodeti byantīkaroti, anabhāvaṅgametī ti, kammāro rajatasseva niddhame malam attano. Ten'; āha Sāriputtatthero:
Kaṃ so sikkhaṃ samādāya ekodi nipako sato
kammāro rajatasseva niddhame malam attano ti.
_________________________________
Sn_IV,16.9(=963): Vijigucchamānassa yad idaṃ phāsu,
Sāriputtā ti Bhagavā
rittāsanaṃ sayanaṃ sevato ce
sambodhikāmassa, yathānudhammaṃ
tan te pavakkhāmi yathā pajānaṃ. || Nidd_I.16:9 ||
Vijigucchamānassa yad idaṃ phāsū ti. Vijigucchamānassā ti jātiyā vijigucchamānassa jarāya byādhinā maraṇena sokehi paridevehi dukkhehi domanassehi upāyāsehi
[page 480]
480 Aṭṭhakavaggo. [S.N. 963
[... content straddling page break has been moved to the page above ...] . . . pe . . . diṭṭhibyasanena dukkhena vijigucchamānassa aṭṭiyamānassa harāyamānassā ti, vijigucchamānassa. Yadidaṃ phāsū ti yaṃ phāsu phāsuvihāraṃ taṃ kathessāmi.
Katamo phāsuvihāro? Sammāpaṭipadā anulomapaṭipadā apaccanīkapaṭipadā anvatthapaṭipadā dhammānudhammapaṭipadā sīlesu paripūrakāritā indriyesu guttadvāratā bhojanesu mattaññutā jāgariyānuyogo satisampajaññaṃ cattāro satipaṭṭhānā cāttaro sammappadhānā cattāro iddhippādā pañc'; indriyāni pañca balāni satta bojjhaṅgā ariyo aṭṭhaṅgiko maggo nibbānañ ca nibbānagāminī ca paṭipadā; ayaṃ phāsuvihāro ti, vijigucchamānassa yadidaṃ phāsu.
Sāriputtā ti Bhagavā ti taṃ theraṃ nāmen'; ālapati. Bhagavā ti gāravādhivacanaṃ. Api ca bhaggarāgo ti Bhagavā, bhaggadoso ti Bhagavā, bhaggamoho ti Bhagavā, bhaggamāno ti Bhagavā, bhaggadiṭṭhī ti Bhagavā, bhaggakaṇṭako ti Bhagavā, bhaggakileso ti Bhagavā; bhaji vibhaji paṭivibhaji dhammaratanan ti Bhagavā, bhavānaṃ antakaro ti Bhagavā, bhāvitakāyo ti Bhagavā, bhāvitasīlo ti, bhāvitacitto ti, bhāvitapañño ti Bhagavā. Bhaji vā Bhagavā araññavanapatthāni pantāni senāsanāni appasaddāni appanigghosāni vijanavātāni manussarāhaseyyakāni paṭisallānasāruppānī ti Bhagavā. Bhāgī vā Bhagavā cīvarapiṇḍapātasenāsanagilānapaccayabhesajjaparikkhārānan ti Bhagavā. Bhāgī vā Bhagavā attharasassa dhammarasassa vimuttirasassa adhisīlassa adhicittassa adhipaññāyā ti Bhagavā.
Bhāgī vā Bhagavā catunnaṃ jhānānaṃ catunnaṃ appamaññānaṃ catunnaṃ arūpasamāpattīnan ti Bhagavā. Bhāgī vā Bhagavā aṭṭhannaṃ vimokkhānaṃ aṭṭhannaṃ abhibhāyatanānaṃ navannaṃ anupubbavihārasamāpattīnan ti Bhagavā. Bhāgī vā Bhagavā dasannaṃ saññābhāvanānaṃ dasannaṃ kasiṇasamāpattīnaṃ ānāpānasatisamādhissa asubhasamāpattiyā ti Bhagavā.
[page 481]
S.N. 963] Sāriputtasuttaniddeso. 481
[... content straddling page break has been moved to the page above ...] Bhāgī vā Bhagavā catunnaṃ satipaṭṭhānānaṃ catunnaṃ sammappadhānānaṃ catunnaṃ iddhippādānaṃ pañcannaṃ indriyānaṃ pañcannaṃ balānaṃ sattannaṃ bojjhaṅgānaṃ ariyassa atthaṅgikassa maggassā ti Bhagavā. Bhāgī vā Bhagavā dasannaṃ tathāgatabalānaṃ catunnaṃ vesārajjānaṃ catunnaṃ paṭisambhidānaṃ channaṃ abhiññānaṃ channaṃ buddhadhammānan ti Bhagavā. Bhagavā ti n'; etaṃ nāmaṃ mātarā kataṃ, na pitarā kataṃ, na bhātarā kataṃ, na bhaginiyā kataṃ, na mittāmaccehi kataṃ, na ñātisālohitehi kataṃ, na samaṇabrāhmaṇehi kataṃ, na devatāhi kataṃ, vimokkhantikam etaṃ buddhānaṃ bhagavantānaṃ bodhiyā mūle saha sabbaññutañāṇassa paṭilābhā sacchikā paññatti yadidaṃ Bhagavā ti, Sāriputtā ti Bhagavā.
Rittāsanaṃ sayanaṃ sevato ce ti āsanaṃ vuccati yattha nisīdati, mañco pīṭhaṃ bhisi taṭṭikā cammakhandho tiṇasantharo paṇṇasantharo palālasantharo. Sayanaṃ vuccati senāsanaṃ vihāro aḍḍhayogo pāsādo hammiyaṃ guhā.
Sayanāsanaṃ asappāyarūpadassanena rittaṃ vivittaṃ pavivittaṃ asappāyasaddasavanena . . . pe . . . asappāyehi pañcahi kāmaguṇehi rittaṃ vivittaṃ pavivittaṃ. Rittaṃ sayanāsanaṃ sevato nisevato saṃsevato paṭisevato ti, rittāsanaṃ sayanaṃ sevato ce.
Sambodhikāmassa yathānudhamman ti sambodhi vuccati catūsu maggesu ñāṇaṃ paññā paññindriyaṃ paññābalaṃ . . . pe . . . dhammavicayasambojjhaṅgo vīmaṃsā vipassanā sammādiṭṭhi. Taṃ bodhiṃ bujjhitukāmassa anubujjhitukāmassa paṭibujjhitukāmassa sambujjhitukāmassa adhigantukāmassa phassetukāmassa sacchikātukāmassā ti, sambodhikāmassa.
Yathānudhamman ti katame bodhiyā anudhammā? Sammāpaṭipadā anulomapaṭipadā apaccanīkapaṭipadā anvatthapaṭipadā dhammānudhammapaṭipadā sīlesu paripūrakāritā indriyesu guttadvāratā bhojanesu mattaññutā jāgariyānuyogo satisampajaññaṃ;
[page 482]
482 Aṭṭhakavaggo. [S.N. 963
[... content straddling page break has been moved to the page above ...] ime vuccanti bodhiyā anudhammā. Athavā catunnaṃ maggānaṃ pubbabhāge vipassanā; ime vuccanti bodhiyā anudhammā ti, sambodhikāmassa yathānudhammaṃ.
Tan te pavakkhāmi yathā pajānan ti. Tan ti bodhiyā anudhammaṃ. Pavakkhāmī ti vakkhāmi pavakkhāmi ācikkhissāmi desissāmi paññāpessāmi paṭṭhapessāmi vivarissāmi vibhajissāmi uttānīkarissāmi pakāsissāmi. Yathā pajānan ti yathā pajānaṃ yathā pajānanto ājānanto vijānanto paṭivijānanto paṭivijjhanto na itihitihaṃ na itikirāya na paramparāya na piṭakasampadāya na takkahetu na nayahetu na ākāraparivitakkena na diṭṭhinijjhānakhantiyā sāmaṃ sayam abhiññā attapaccakkhaṃ dhammaṃ taṃ kathayissāmī ti, tan te pavakkhāmi yathā pajānaṃ.
Ten'; āha Bhagavā:
Vijigucchamānassa yad idaṃ phāsu, Sāriputtā ti Bhagavā
rittāsanaṃ sayanaṃ sevato ce
sambodhikāmassa, yathānudhammaṃ
tan te pavakkhāmi yathā pajānan ti.
_________________________________
Sn_IV,16.10(=964): Pañcanna dhīro bhayānaṃ na bhāye
bhikkhu sato sa pariyantacārī:
ḍaṃsādhipātānaṃ siriṃsapānaṃ
manussaphassānaṃ catuppadānaṃ. || Nidd_I.16:10 ||
Pañcanna dhīro bhayānaṃ na bhāye ti. Dhīro ti dhīro paṇḍito paññavā buddhimā ñāṇī vibhāvī medhāvī, dhīro.
Pañcannaṃ bhayānaṃ na bhāyeyya na taseyya na uttaseyya na parittaseyya na bhāyeyya na santāsaṃ āpajjeyya;
[page 483]
S.N. 964] Sāriputtasuttaniddeso. 483
[... content straddling page break has been moved to the page above ...] abhīrū achambhī anutrāsī apalāyī pahīnabhayabheravo vigatalomahaṃso vihareyyā ti, pañcanna dhīro bhayānaṃ na bhāye.
Bhikkhu sato sa pariyantacārī ti. Bhikkhū ti kalyāṇaputhujjano vā bhikkhu sekkho vā bhikkhu. Sato ti catūhi kāraṇehi sato: kāye kāyānupassanāsatipaṭṭhānaṃ bhāvento sato, vedanāsu citte dhammesu dhammānupassanāsatipaṭṭhānaṃ bhāvento sato, so vuccati sato. Sa pariyantacārī ti cattāro pariyantā: sīlasaṃvarapariyanto, indriyasaṃvarapariyanto, bhojane mattaññutāpariyanto, jāgariyānuyogapariyanto.
Katamo sīlasaṃvarapariyanto? Idha bhikkhu sīlavā hoti, pātimokkhasaṃvarasaṃvuto viharati, ācāragocarasampanno, aṇumattesu vajjesu bhayadassāvī, samādāya sikkhati sikkhāpadesu; anto pūtibhāvaṃ paccavekkhamāno anto sīlasaṃvarapariyante carati, mariyādaṃ na bhindati; ayaṃ sīlasaṃvarapariyanto.
Katamo indriyasaṃvarapariyanto? Idha bhikkhu cakkhunā rūpaṃ disvā na nimittaggāhī hoti nānubyañjanaggāhī; yatvādhikaraṇam enaṃ cakkhundriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ, tassa saṃvarāya paṭipajjati, rakkhati cakkhundriyaṃ, cakkhundriye saṃvaraṃ āpajjati. Sotena saddaṃ sutvā, ghānena gandhaṃ ghāyitvā, jivhāya rasaṃ sāyitvā, kāyena phoṭṭhabbaṃ phusitvā, manasā dhammaṃ viññāya, na nimittaggāhī hoti nānubyañjanaggāhī; yatvādhikaraṇam enaṃ manindriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ, tassa saṃvarāya paṭipajjati, rakkhati manindriyaṃ, manindriye saṃvaraṃ āpajjati; Ādittapariyāyaṃ paccavekkhamāno anto-indriyasaṃvarapariyante carati, mariyādaṃ na bhindati; ayaṃ indriyasaṃvarapariyanto.
Katamo bhojane mattaññutāpariyanto? Idha bhikkhu paṭisaṃkhā yoniso āhāraṃ āhāreti n'; eva davāya na madāya na maṇḍanāya na vibhūsanāya;
[page 484]
484 Aṭṭhakavaggo. [S.N. 964
[... content straddling page break has been moved to the page above ...] yāvad eva imassa kāyassa ṭhitiyā yāpanāya vihiṃsuparatiyā brahmacariyānuggahāya, iti purāṇañ ca vedanaṃ paṭihaṃkhāmi, navañ ca vedanaṃ na uppādessāmi, yātrā ca me bhavissati anavajjatā ca phāsuvihāro cā ti; akkhabbhañjanavaṇapaṭicchādanaputtamaṃsūpamaṃ paccavekkhamāno anto bhojane mattaññutāpariyante carati, mariyādaṃ na bhindati; ayaṃ bhojane mattaññutāpariyanto.
Katamo jāgariyānuyogapariyanto? Idha bhikkhu divā caṅkamena nisajjāya āvaraṇīyehi dhammehi cittaṃ parisodheti; rattiyā paṭhamaṃ yāmaṃ caṅkamena nisajjāya āvaraṇīyehi dhammehi cittaṃ parisodheti; rattiyā majjhimaṃ yāmaṃ dakkhiṇena passena sīhaseyyaṃ kappeti pāde pādaṃ accādhāya sato sampajāno uṭṭhānasaññaṃ manasikaritvā; rattiyā pacchimaṃ yāmaṃ paccuṭṭhāya caṅkamena nisajjāya āvaraṇīyehi dhammehi cittaṃ parisodheti; bhaddekarattavihāraṃ paccavekkhamāno anto jāgariyānuyogapariyante carati, mariyādaṃ na bhindati; ayaṃ jāgariyānuyogapariyanto ti, bhikkhu sato sa pariyantacārī.
Ḍaṃsādhipātānaṃ siriṃsapānan ti ḍaṃsā vuccanti piṅgalamakkhikā; adhipātikā vuccanti sabbā pi makkhikāyo.
Kiṃ kāraṇā adhipātikā vuccanti sabbā pi makkhikāyo?
Tā uppaṭitvā uppatitvā khādanti, taṃkāraṇā adhipātikā vuccanti sabbā pi makkhikāyo. Siriṃsapā vuccanti ahī ti, ḍaṃsādhipātānaṃ siriṃsapānaṃ.
Manussaphassānaṃ catuppadānan ti manussaphassā vuccati corā vā assu māṇavā vā katakammā vā akatakammā vā. Te bhikkhū pañhaṃ vā puccheyyuṃ, vādaṃ vā āropeyyuṃ akkoseyyuṃ paribhāseyyuṃ roseyyuṃ viroseyyuṃ hiṃseyyuṃ vihiṃseyyuṃ hetheyyuṃ viheṭheyyuṃ ghāteyyuṃ upaghāteyyuṃ upaghātaṃ vā kareyyuṃ, yo koci manussato upaghāto manussaphasso. Catuppadānan ti sīhā byagghā dīpi acchataracchā kokā gomahisā hatthī.
[page 485]
S.N. 965] Sāriputtasuttaniddeso. 485
[... content straddling page break has been moved to the page above ...] Te bhikkhuṃ maddeyyuṃ khādeyyuṃ hiṃseyyuṃ vihiṃseyyuṃ heṭheyyuṃ viheṭheyyuṃ ghāteyyuṃ upaghāteyyuṃ upaghātaṃ vā kareyyuṃ, catuppadato upaghāto, yaṃ kiñci catuppadabhayan ti, manussaphassānaṃ catuppadānaṃ. Ten'; āha Bhagavā:
Pañcanna dhīro bhayānaṃ na bhāye
bhikkhu sato sa pariyantacārī:
ḍaṃsādhipātānaṃ siriṃsapānaṃ
manussaphassānaṃ catuppadānan ti.
_________________________________
Sn_IV,16.11(=965): Paradhammikānaṃ pi na santaseyya
disvā pi tesaṃ bahubheravāni,
athāparāni abhisambhaveyyuṃ
parissayāni kusalānu-esī. || Nidd_I.16:11 ||
Paradhammikānaṃ pi na santaseyya disvā pi tesaṃ bahubheravānī ti paradhammikā vuccanti satta sahadhammike ṭhapetvā ye keci Buddhe appasannā, dhamme appasannā, saṅghe appasannā. Te bhikkhū pañhaṃ vā puccheyyuṃ vādaṃ vā āropeyyuṃ taṃ akkoseyyuṃ paribhāseyyuṃ roseyyuṃ viroseyyuṃ hiṃseyyuṃ vihiṃseyyuṃ heṭheyyuṃ viheṭheyyuṃ ghāteyyuṃ upaghāteyyuṃ upaghātaṃ vā kareyyuṃ, tesaṃ bahū bherave passitvā vā {suṇitvā} vā na vedheyya na-ppavedheyya na sampavedheyya na taseyya na santaseyya na uttaseyya na parittaseyya na bhāyeyya na santāsaṃ āpajjeyya; abhīrū achambhī anutrāsī apalāyī, pahīnabhayabheravo vigatalomahaṃso vihareyyā ti, paradhammikānaṃ pi na santaseyya disvā pi tesaṃ bahu bheravāni.
Athāparāni abhisambhaveyyuṃ parissayāni kusalānu-esī ti athāparāni pi atthi abhisambhotabbāni adhibhavitabbāni ajjhottharitabbāni pariyādiyitabbāni madditabbāni. Parissayā ti dve parissayā,
[page 486]
486 Aṭṭhakavaggo. [S.N. 965
[... content straddling page break has been moved to the page above ...] pākaṭaparissayā ca paṭicchannaparissayā ca . . . pe . . . evam pi tatr'; āsayā ti, parissayā. Kusalānu-esī ti sammāpaṭipadaṃ anulomapaṭipadaṃ apaccanīkapaṭipadaṃ anvatthapaṭipadaṃ . . . pe . . . ariyaṃ aṭṭhaṅgikaṃ maggaṃ nibbānañ ca nibbānagāminiñ ca paṭipadaṃ esantena gavesantena pariyesantena parissayā abhisambhotabbā abhibhavitabbā ajjhottharitabbā pariyādiyitabbā madditabbā ti, athāparāni abhisambhaveyyuṃ parissayāni kusalānu-esī. Ten'; āhā Bhagavā:
Paradhammikānaṃ pi na santaseyya
disvā pi tesaṃ bahubheravāni,
athāparāni abhisambhaveyyuṃ
parissayāni kusalānu-esī ti.
_________________________________
Sn_IV,16.12(=966): Ātaṅkaphassena khudāya phuṭṭho
sītaṃ accuṇhaṃ adhivāsayeyya,
so tehi phuṭṭho bahudhā anoko
viriyaṃ parakkamaṃ dalhaṃ kareyya. || Nidd_I.16:12 ||
Ataṅkaphassena khudāya phuṭṭho ti ātaṅkaphasso vuccati rogaphasso; rogaphassena phuṭṭho pareto samohito samannāgato assa; cakkhurogena phuṭṭho pareto samohito samannāgato assa; sotarogena ghānarogena jivhārogena kāyarogena . . . pe . . . ḍaṃsamakasavātāpasiriṃsapasamphassena phuṭṭho pareto samohito samannāgato assa. Khudā vuccati chātako; chātakena phuṭṭho pareto samohito samannāgato assā ti, ātaṅkaphassena khudāya phuṭṭho.
Sītaṃ accuṇhaṃ adhivāsayeyyā ti. Sītan ti dvīhi kāraṇehi sītaṃ hoti: abbhantaradhātusaṅkopavasena vā sītaṃ hoti, bahiddhā utuvasena vā sītaṃ hoti. Uṇhan ti dvīhi kāraṇehi uṇhaṃ hoti: abbhantaradhātusaṅkopavasena vā uṇhaṃ hoti, bahiddhā utuvasena vā uṇhaṃ hoti. Sītaṃ accuṇhaṃ adhivāsayeyyā ti khamo assa sītassa uṇhassa jighacchāya pipāsāya ḍaṃsamakasavātātapasiriṃsapasamphassānaṃ duruttānaṃ durāgatānaṃ vacanapathānaṃ uppannānaṃ sārīrikānaṃ vedanānaṃ dukkhānaṃ tippānaṃ kharānaṃ kaṭukānaṃ asātānaṃ amanāpānaṃ pāṇaharānaṃ adhivāsikajātiko assā ti,
[page 487]
S.N. 967] Sāriputtasuttaniddeso. 487
[... content straddling page break has been moved to the page above ...] sītaṃ accuṇhaṃ adhivāsayeyya.
So tehi phuṭṭho bahudhā anoko ti. So tehī ti ātaṅkaphassena ca khudāya ca sītena ca uṇhena ca phuṭṭho pareto samohito samannāgato assā ti, so tehi phuṭṭho. Bahudhā ti anekavidhehi ākārehi phuṭṭho pareto samohito samannāgato assā ti, so tehi phuṭṭho bahudhā. Anoko ti abhisaṅkhārasahagataviññāṇassa okāsaṃ na karotī ti pi anoko.
Athavā kāyaduccaritassa vacīduccaritassa manoduccaritassa okāsaṃ na karotī ti pi anoko ti, so tehi phuṭṭho bahudhā anoko.
Viriyaṃ parakkamaṃ daḷhaṃ kareyyā ti viriyaparakkamo vuccati yo cetasiko viriyārambho nikkamo parakkamo uyyāmo vāyāmo ussāho ussoḷhi appaṭivānī thāmo dhiti asithilaṃ parakkamatā anikkhittachandatā anikkhittadhuratā dhurasampaggāho viriyaṃ viriyindriyaṃ viriyabalaṃ sammāvāyāmo, viriyaṃ parakkamaṃ daḷhaṃ kareyya daḷhasamādāno assa avatthitasamādāno ti, viriyaṃ parakkamaṃ daḷhaṃ kareyya. Ten'; āha Bhagavā:
Ātaṅkaphassena khudāya phuṭṭho
sītaṃ accuṇhaṃ adhivāseyya,
so tehi phuṭṭho bahudhā anoko
viriyaṃ parakkamaṃ daḷhaṃ kareyyā ti.
_________________________________
Sn_IV,16.13(=967): Theyyaṃ na kareyya, na musā bhaṇeyya,
mettāya phasse tasathāvarāni,
yadāvilattaṃ manaso vijaññā,
kaṇhassa pakkho ti vinodayeyya. || Nidd_I.16:13 ||
[page 488]
488 Aṭṭhakavaggo. [S.N. 967
Theyyaṃ na kareyya na musā bhaṇeyyā ti. Theyyaṃ na kareyyā ti idha bhikkhu adinnaṃ pahāya adinnādānā paṭivirato assa, dinnādāyī dinnapāṭikaṃkhī athenena sucibhūtena attanā vihareyyā ti, theyyaṃ na kareyya. Na musā bhaṇeyyā ti idha bhikkhu musāvādaṃ pahāya musāvādā paṭivirato assa, saccavādī saccasandho theto paccayiko avisaṃvādako lokassā ti, theyyaṃ na kareyya na musā bhaṇeyya.
Mettāya phasse tasathāvarānī ti. Mettā ti yā sattesu metti mettāyanā mettāyitattaṃ anudā anudāyanā anudāyitattaṃ hitesitā anukampā abyāpādo abyāpajjho adoso kusalamūlaṃ. Tasā ti yesaṃ tasiṇā taṇhā appahīnā, yesañ ca bhayabheravā appahīnā. Kiṃkāraṇā vuccanti tasā appahīnā? Te tasanti uttasanti paritasanti bhāyanti santāsaṃ āpajjanti. Taṃkāraṇā vuccanti tasā. Thāvarā ti yesaṃ tasiṇā taṇhā pahīnā, yesañ ca bhayabheravā pahīnā.
Kiṃkāraṇā vuccanti thāvarā? Te na tasanti na uttasanti na paritasanti na bhāyanti na santāsaṃ āpajjanti, taṃkāraṇā vuccanti thāvarā. Mettāya phasse tasathāvarānī ti tase ca thāvare ca mettāya phasseyya phareyya mettāsahagatena cetasā vipullena mahaggatena appamāṇena averena abyāpajjena pharitvā vihareyyā ti, mettāya phasse tasathāvarāni.
Yadā vilattaṃ manaso vijaññā ti. Yadā ti yadā. Manaso ti yaṃ cittaṃ mano mānasaṃ hadayaṃ paṇḍaraṃ mano manāyatanaṃ manindriyaṃ viññāṇaṃ viññāṇakkhandho tajjā manoviññāṇadhātu. Kāyaduccaritena cittaṃ āvilaṃ hoti luḷitaṃ eritaṃ ghaṭṭitaṃ calitaṃ bhantaṃ avūpasantaṃ vacīduccaritena manoduccaritena rāgena dosena mohena kodhena upanāhena makkhena paḷāsena issāya macchariyena māyāya sāṭheyyena thambhena sārambhena mānena atimānena madena pamādena sabbakilesehi sabbaduccaritehi sabbadarathehi sabbapariḷāhehi sabbasantāpehi sabbākusalābhisaṃkhārehi cittaṃ āvilaṃ hoti luḷitaṃ eritaṃ ghaṭṭitaṃ calitaṃ bhantaṃ avūpasantaṃ.
[page 489]
S.N. 968] Sāriputtasuttaniddeso. 489
[... content straddling page break has been moved to the page above ...] Yadāvilattaṃ manaso vijaññā ti cittassa āvilabhāvaṃ jāneyya ājāneyya vijāneyya paṭivijāneyya paṭivijjheyyā ti, yadāvilattaṃ manaso vijaññā.
Kaṇhassa pakkho ti vinodayeyyā ti. Kaṇho ti yo so Māro, kaṇho, adhipati, antagū Namuci, pamattabandhu. Kaṇhassa pakkho ti vinodayeyyā ti kaṇhapakkho mārapakkho mārapāso mārabaḷisaṃ mārāmisaṃ māravisayo mārantatapo māragocaro mārabandhanan ti pajaheyya vinodeyya byantīkareyya anabhāvaṃ gameyyā ti, evam pi kaṇhassa pakkho ti vinodayeyya. Athavā kaṇhapakkho mārapakkho akusalapakkho dukkhudayo dukkhavipāko nirayasaṃvattaniko tiracchānayonisaṃvattaniko pittivisayasaṃvattaniko ti pajaheyya vinodeyya byantīkareyya anabhāvaṃ gameyyā ti, evam pi kaṇhassa pakkho ti vinodayeyya. Ten'; āha Bhagavā:
Theyyaṃ na kareyya, na musā bhaṇeyya,
mettāya phasse tasathāvarāni,
yadāvilattaṃ manaso vijaññā,
kaṇhassa pakkho ti vinodayeyyā ti.
_________________________________
Sn_IV,16.14(=968): Kodhātimānassa vasaṃ na gacche,
mūlam pi tesaṃ palikhañña tiṭṭhe,
atha-ppiyaṃ vā pana appiyaṃ vā
addhā bhavanto abhisambhaveyya. || Nidd_I.16:14 ||
Kodhātimānassa vasaṃ na gacche ti. Kodho ti yo cittassa āghāto vighāto paṭighāto . . . pe . . . caṇḍikkaṃ assuropo anattamanatā cittassa. Atimāno ti idh'; ekacco paraṃ atimaññati jātiyā vā gottena vā . . . pe . . . aññataraññatarena vā vatthunā. Kodhātimānassa vasaṃ na gacche ti kodhassa ca atimānassa ca vasaṃ na gaccheyya, kodhañ ca atimānañ ca pajaheyya vinodeyya byantīkareyya anabhāvaṃ gameyyā ti, kodhātimānassa vasaṃ na gacche.
[page 490]
490 Aṭṭhakavaggo. [S.N. 968
Mūlam pi tesaṃ palikhañña tiṭṭhe ti. Katamaṃ kodhassa mūlaṃ? Avijjā mūlaṃ, ayonisomanasikāro mūlaṃ, asmimāno mūlaṃ, ahirikaṃ mūlaṃ, anottappaṃ mūlaṃ, uddhaccaṃ mūlaṃ; idaṃ kodhassa mūlaṃ.
Katamaṃ atimānassa mūlaṃ? Avijjā mūlaṃ, ayonisomanasikāro mūlaṃ, asmimāno mūlaṃ, ahirikaṃ mūlaṃ, anottappaṃ mūlaṃ, uddhaccaṃ mūlaṃ; idaṃ atimānassa mūlaṃ. Mūlaṃ pi tesaṃ palikhañña tiṭṭhe ti kodhassa ca atimānassa ca mūlaṃ palikhāṇitvā uddharitvā samuddharitvā uppādayitvā samuppādayitvā pajahitvā vinoditvā byantīkaritvā anabhāvaṅgametvā tiṭṭheyya santiṭṭheyyā ti, mūlam pi tesaṃ palikhañña tiṭṭhe.
Atha-ppiyaṃ vā pana appiyaṃ vā addhā bhavanto abhisambhaveyyā ti. Athā ti padasandhi padasaṃsaggo padapāripūri akkharasamavāyo byañjanasiliṭṭhatā padānupubbatā-m-etaṃ, athā ti.
Piyā ti dve piyā: sattā vā saṃkhārā vā.
Katame sattā piyā? Idha yassa te honti atthakāmā hitakāmā phāsukāmā yogakkhemakāmā mātā vā pitā vā bhātā vā bhaginī vā puttā vā dhītā vā mittā vā amaccā vā ñātī vā sālohivā vā; ime sattā piyā.
Katame saṃkhārā piyā? Manāpikā rūpā manāpikā saddā manāpikā gandhā manāpikā rasā manāpikā phoṭṭhabbā; ime saṃkhārā piyā.
Appiyā ti dve appiyā: sattā vā saṃkhārā vā.
Katame sattā appiyā? Idha yassa te honti anatthakāmā ahitakāmā aphāsukāmā ayogakkhemakāmā jīvitā voropetukāmā; ime sattā appiyā.
Katame saṃkhārā appiyā? Amanāpikā rūpā amanāpikā saddā gandhā rasā phoṭṭhabbā; ime saṃkhārā appiyā. Addhā ti ekaṃsavacanaṃ nissaṃsayavacanaṃ nikkaṃkhavacanaṃ advejjhavacanaṃ adveḷhakavacanaṃ niyogavacanaṃ apaṇṇakavacanaṃ avatthāpanavacanam etaṃ addhā ti, atha-ppiyaṃ vā pana appiyaṃ.
Addhā bhavanto abhisambhaveyyā ti piyāpiyaṃ sātāsātaṃ sukhadukkhaṃ somanassadomanassaṃ iṭṭhāniṭṭhaṃ abhisambhavanto vā abhibhaveyya abhibhavanto vā abhisambhaveyyā ti,
[page 491]
S.N. 969] Sāriputtasuttaniddeso. 491
[... content straddling page break has been moved to the page above ...] atha-ppiyaṃ vā pana appiyaṃ va addhā bhavanto abhisambhaveyya. Ten'; āha Bhagavā:
Kodhātimānassa vasaṃ na gacche,
mūlam pi tesaṃ palikhañña tiṭṭhe,
atha-ppiyaṃ vā pana appiyaṃ vā
addhā bhavanto abhisambhaveyyā ti.
_________________________________
Sn_IV,16.15(=969): Paññaṃ purakkhatvā kalyāṇapīti
vikkhambhaye tāni parissayāni,
aratiṃ sahetha sayanamhi pante,
caturo sahetha paridevadhamme. || Nidd_I.16:15 ||
Paññaṃ purakkhatvā kalyāṇapītī ti. Paññā ti yā paññā pajānanā vicayo pavicayo dhammavicayo . . . pe . . . amoho dhammavicayo sammādiṭṭhi. Paññaṃ purakkhatvā ti idh'; ekacco paññaṃ purato katvā carati paññādhajo paññāketu paññādhipateyyo vicayabahulo pavicayabahulo okkhāyanabahulo samokkhāyanabahulo vibhūtavihāritaccariko tabbahulo taggaruko tanninno tappoṇo tappabbhāro tadadhimutto tadādhipateyyo ti, evam pi paññaṃ purakkhatvā.
Athavā gacchanto vā gacchāmī ti pajānāti; ṭhito vā ṭhito 'mhī ti pajānāti; nisinno vā nisinno 'mhī ti pajānāti; sayāno vā sayāno 'mhī ti pajānāti. Yathā yathā vā pan'; assa kāyo paṇihito hoti, tathā tathā naṃ pajānātī ti, evam pi paññaṃ purakkhatvā. Athavā abhikkante paṭikkante sampajānakārī hoti; ālokite vilokite sampajānakārī hoti; sammiñjite pasārite sampajānakārī hoti; saṅghāṭipattacīvaradhāraṇe sampajānakārī hoti; asite pīte khāyite sāyite sampajānakārī hoti; uccārapassāvakamme sampajānakārī hoti; gate ṭhite nisinne sutte jāgarite bhāsite tuṇhībhāve sampajānakārī hotī ti, evam pi paññaṃ purakkhatvā.
Kalyāṇapītī ti buddhānussativasena uppajjati pīti pāmujjaṃ, kalyāṇapīti. Dhammānussativasena saṅghānussativasena sīlānussativasena cāgānussativasena devatānussativasena ānāpānasativasena maraṇānussativasena kāyagatāsativasena upasamānussativasena uppajjati pīti pāmujjaṃ,
[page 492]
492 Aṭṭhakavaggo. [S.N. 969
[... content straddling page break has been moved to the page above ...] kalyāṇapītī ti, paññaṃ purakkhatvā kalyāṇapīti.
Vikkhambhaye tāni parissayānī ti. Parissayā ti dve parissayā; pākaṭaparissayā ca paṭicchannaparissayā ca . . . pe . . . ime vuccanti pākaṭaparissayā . . . pe . . . ime vuccanti paṭicchannaparissayā . . . pe . . . evam pi tatr'; āsayā ti parissayā. Vikkhambhaye tāni parissayānī ti tāni parissayāni vikkhambheyya abhibhaveyya ajjhotthareyya pariyādiyeyya maddeyyā ti, vikkhambhaye tāni parissayāni.
Aratiṃ sahetha sayanamhi pante ti. Aratī ti yā arati aratikā anabhirati anabhiramanā ukkaṇṭhikā parittasikā. Sayanamhi pante ti pantesu vā senāsanesu aññataraññataresu vā adhikusalesu dhammesu aratiṃ saheyya abhibhaveyya ajjhotthareyya pariyādiyeyya maddeyyā ti, aratiṃ sahetha sayanamhi pante.
Caturo sahetha paridevadhamme ti cattāro paridevaniye dhamme saheyya abhibhaveyya ajjhotthareyya pariyādiyeyya maddeyyā ti, caturo sahetha paridevadhamme ten'; āha Bhagavā:
Paññaṃ purakkhatvā kalyāṇapīti
vikkhambhaye tāni parissayāni,
aratiṃ sahetha sayanamhi pante,
caturo sahetha paridevadhamme ti.
_________________________________
Sn_IV,16.16(=970): Kiṃ sū asissāmi kuvaṃ vā asissaṃ
dukkhaṃ vata settha, kuv'; ajja sessaṃ?
ete vitakke paridevaneyye
vinayetha sekkho aniketasārī. || Nidd_I.16:16 ||
[page 493]
S.N. 970] Sāriputtasuttaniddeso. 493
Kiṃ sū asissāmi kuvaṃ vā asissan ti. Kiṃ sū asissāmī ti kiṃ bhuñjissāmi odanaṃ vā kummāsaṃ vā sattuṃ vā macchaṃ vā maṃsaṃ vā ti, kiṃ sū asissāmi?
Kuvaṃ vā asissan ti kattha bhuñjissāmi khattiyakule vā brāhmaṇakule vā vessakule vā suddakule vā ti, kiṃ sū asissāmi kuvaṃ vā asissaṃ?
Dukkhaṃ vata settha kuv'; ajja sessan ti imaṃ rattiṃ dukkhaṃ sayiṃ saphalake vā taṭṭikāya vā cammakhaṇḍe vā tiṇasanthare vā paṇṇasanthare vā palālasanthare vā āgamanarattiṃ kattha sukhaṃ sayissāmi mañce vā pīṭhe vā bhisiyā vā bibbohaṇe vā vihāre vā aḍḍhayoge vā pāsāde vā hammiyaṃ vā guhāya vā ti, dukkhaṃ vata settha kuv'; ajja sessaṃ?
Ete vitakke paridevaneyye ti. Ete vitakke ti dve piṇḍapātapaṭisaṃyutte vitakke dve senāsanapaṭisaṃyutte vitakke paridevaneyye ādevaneyya paridevaneyyā ti, ete vitakke paridevaneyye.
Vinayetha sekkho aniketasārī ti. Sekkho ti kiṃkāraṇā vuccati sekkho? Sikkhatī ti sekkho. Kiñci sikkhati?
Adhisīlam pi sikkhati, adhicittam pi sikkhati, adhipaññam pi sikkhati.
Katamā adhisīlasikkhā . . . pe . . . ayaṃ adhipaññāsikkhā. Imā tisso sikkhā āvajjanto sikkhati, jānanto sikkhati, passanto sikkhati, paccavekkhanto sikkhati, cittaṃ adhiṭṭhahanto sikkhati, saddhāya adhimuccanto sikkhati, viriyaṃ paggaṇhanto sikkhati, satiṃ upaṭṭhahanto sikkhati, cittaṃ samādahanto sikkhati, paññāya pajānanto sikkhati,
[page 494]
494 Aṭṭhakavaggo. [S.N. 970
[... content straddling page break has been moved to the page above ...] abhiññeyyaṃ abhijānanto sikkhati, pariññeyyaṃ parijānanto sikkhati, pahātabbaṃ pajahanto sikkhati, sacchikātabbaṃ sacchikaronto sikkhati, bhāvetabbaṃ bhāvento sikkhati ācarati samācarati samādāya sikkhati. Taṃkāraṇā vuccati sekkho. Sekkho vinayāya paṭivinayāya pahānāya vūpasamāya paṭinissaggāya paṭipassaddhiyā adhisīlam pi sikkheyya, adhicittam pi sikkheyya, adhipaññam pi sikkheyya. Imā tisso sikkhā āvajjanto sikkheyya jānanto . . . pe . . . sacchikātabbaṃ sacchikaronto sikkheyya ācareyya samācareyya samādāya vatteyyā ti, vinayetha sekkho.
Aniketasārī ti. Kathaṃ niketasārī hoti? Idh'; ekacco kulapalibodhena samannāgato hoti, gaṇapalibodhena āvāsapalibodhena cīvarapalibodhena piṇḍapātapalibodhena senāsanapalibodhena gilānapaccayabhesajjaparikkhārapalibodhena samannāgato hoti; evaṃ niketasārī hoti.
Kathaṃ aniketasārī hoti? Idha na kulapalibodhena samannāgato hoti, na gaṇa-āvāsacīvarapiṇḍapātasenāsanagilānapaccayabhesajjaparikkhārapalibodhena samannāgato hoti; evaṃ aniketasārī hoti.
*Magadhaṃ gatā Kosalaṃ gatā
ekacciyā Vajjibhūmiyā
Māgadhā visaṅghacārino
aniketā viharanti bhikkhavo.
Sādhu caritaṃ sādhu sucaritaṃ
sādhu sadā aniketavihāro,
atthapucchanaṃ dakkhakammaṃ
etaṃ sāmaññaṃ ākiñcanassā ti;
[page 495]
S.N. 971] Sāriputtasuttaniddeso. 495
vinayetha sekkho aniketasārī.
Ten'; āha Bhagavā:
Kiṃ sū asissāmi, kuvaṃ vā asissaṃ
dukkhaṃ vata settha, kuv'; ajja sessaṃ?
ete vitakke paridevaneyye
vinayetha sekkho aniketasārī ti.
_________________________________
Sn_IV,16.17(=971): Annañ ca laddhā vasanañ ca kāle
mattaṃ so jaññā idha tosanatthaṃ,
so tesu gutto yatacāri gāme
rusito pi vācaṃ pharusaṃ na vajjā. || Nidd_I.16:17 ||
Annañ ca laddhā vasanañ ca kāle ti. Annan ti odano kummāso sattu maccho maṃsaṃ. Vasanan ti cha cīvarāni:
khomaṃ kappāsikaṃ koseyyaṃ kambalaṃ sāṇaṃ bhaṅgaṃ.
Annañ ca laddhā vasanañ ca kāle ti cīvaraṃ labhitvā piṇḍapātaṃ labhitvā na kuhanāya na lapanāya na nemittikatāya na nippesikatāya na lābhena lābhaṃ nijigiṃsanatāya na dārudānena na veḷudānena na pattadānena na pupphadānena na phaladānena na sinānadānena na cuṇṇadānena na mattikadānena na dantakaṭṭhadānena na mukhodakadānena na pātukamyatāya na muggasūpatāya na pāribhaṭyatāya na piṭṭhamaddikatāya na vatthuvijjāya na tiracchānavijjāya na aṅgavijjāya na nakkhattavijjāya na dūtagamanena na pahīnagamanena na jaṅghapesanena na vejjakammena na piṇḍakena na dānānuppadānena dhammena samena laddhā labhitvā abhivanditvā paṭilabhitvā ti,
[page 496]
496 Aṭṭhakavaggo. [S.N. 971
[... content straddling page break has been moved to the page above ...] annañ ca laddhā vasanañ ca kāle.
Mattaṃ so jaññā idha tosanatthan ti. Mattaṃ so jaññā ti dvīhi kāraṇehi mattaṃ jānāti paṭiggahaṇato vā paribhogato vā.
Kathaṃ paṭiggahanato mattaṃ jānāti? Thoke pi diyamāne, kulānuddayāya kulānurakkhāya kulānukampāya paṭigaṇhāti. Bahuke pi diyamāne, kāyaparihārikaṃ cīvaraṃ paṭigaṇhāti, kucchiparihārikaṃ piṇḍapātaṃ paṭigaṇhāti; evaṃ patiggahaṇato mattaṃ jānāti.
*Kathaṃ paribhogato mattaṃ jānāti? Paṭisaṃkhā yoniso cīvaraṃ paṭisevati yāvad eva sītassa paṭighātāya uṇhassa paṭighātāya ḍaṃsamakasavātātapasiriṃsapasamphassānaṃ paṭighātāya, yāvad eva hirikopinapaṭicchādanatthaṃ. Paṭisaṃkhā yoniso piṇḍapātaṃ paṭisevati n'; eva davāya na madāya na maṇḍanāya na vibhūsanāya, yāvad eva imassa kāyassa ṭhitiyā yāpanāya vihiṃsuparatiyā brahmacariyānuggahāya, iti purāṇañ ca vedanaṃ paṭihaṃkhāmi, navañ ca vedanaṃ na uppādessāmi, yātrā ca me bhavissati anavajjatā ca phāsuvihāro cā ti. Patisaṃkhā yoniso senāsanaṃ paṭisevati, yāvad eva sītassa paṭighātāya uṇhassa paṭighātāya ḍaṃsamakasavātātapasiriṃsapasamphassānaṃ paṭighātāya, yāvad eva utuparissayavinodanaṃ paṭisallānārāmatthaṃ. Paṭisaṃkhā yoniso gilānapaccayabhesajjaparikkhāraṃ paṭisevati, yāvad eva uppannānaṃ veyyābādhikānaṃ vedanānaṃ paṭighātāya abyāpajjaparamatāya; evaṃ paribhogato mattaṃ jānāti. Mattaṃ so jaññā ti imehi dvīhi kāraṇehi mattaṃ jāneyya vijāneyya paṭivijāneyya paṭivijjheyyā ti, mattaṃ so jaññā. Idha tosanatthan ti idha bhikkhave santuṭṭho hoti itarītarena cīvarena itarītaracīvarasantuṭṭhiyā ca vaṇṇavādī. Na ca cīvarahetu anesanaṃ appatirūpaṃ āpajjati, aladdhā ca cīvaraṃ na paritassati,
[page 497]
S.N. 971] Sāriputtasuttaniddeso. 497
laddhā ca cīvaraṃ agadhito amucchito anajjhopanno ādīnavadassāvī nissaraṇapañño paribhuñjati; tāya ca pana itarītaracīvarasantuṭṭhiyā n'; ev'; attānukkaṃseti na paraṃ vambheti; yo hi tattha dakkho analaso sampajāno patissuto; ayaṃ vuccati bhikkhu porāṇe aggaññe ariyavaṃse ṭhito.
Puna c'; aparaṃ bhikkhu santuṭṭho hoti itarītarena piṇḍapātena itarītarapiṇḍapātasantuṭṭhiyā ca vaṇṇavādī, na ca piṇḍapātahetu anesanaṃ appatirūpaṃ āpajjati, aladdhā ca piṇḍapātaṃ na paritassati, laddhā ca piṇḍapātaṃ agadhito amucchito anajjhopanno ādīnavadassāvī nissaraṇapañño paribhuñjati. Tāya ca pana itarītarapiṇḍapātasantuṭṭhiyā n'; ev'; attānukkaṃseti, na paraṃ vambheti; yo hi tattha dakkho analaso sampajāno patissuto, ayaṃ vuccati bhikkhu porāṇe aggaññe ariyavaṃse ṭhito. Puna c'; aparaṃ bhikkhu santuṭṭho hoti itarītarena senāsanena itarītarasenāsanasantuṭṭhiyā ca vaṇṇavādī, na ca senāsanahetu anesanaṃ appatirūpaṃ āpajjati, aladdhā ca senāsanaṃ na paritassati, laddhā ca senāsanaṃ agadhito amucchito anajjhopanno ādīnavadassāvī nissaraṇapañño paribhuñjati. Tāya ca pana itarītarasenāsanasantuṭṭhiyā n'; ev'; attānukkaṃseti, na paraṃ vambheti; yo hi tattha dakkho analaso sampajāno patissuto, ayaṃ vuccati bhikkhu porāne aggaññe ariyavaṃse ṭhito. Puna c'; aparaṃ bhikkhu santuṭṭho hoti itarītarena gilānapaccayabhesajjaparikkhārena itarītaragilānapaccayabhesajjaparikkhārasantuṭṭhiyā ca vaṇṇavādī, na ca gilānapaccayabhesajjaparikkhārahetu anesanaṃ appatirūpaṃ āpajjati, aladdhā ca gilānapaccayabhesajjaparikkhāraṃ na paritassati, laddhā ca gilānapaccayabhesajjaparikkhāraṃ agadhito amucchito anajjhopanno ādīnavadassāvī nissaraṇapañño paribhuñjati. Tāya ca pana itarītaragilānapaccayabhesajjaparikkhārasantuṭṭhiyā nevattānukkaṃseti, na paraṃ vambheti; yo hi tattha dukkho analaso sampajāno patissuto, ayaṃ vuccati bhikkhu porāṇe aggaññe ariyavaṃse ṭhito ti, mattaṃ so jaññā idha tosanatthaṃ.
[page 498]
498 Aṭṭhakavaggo. [S.N. 971
So tesu gutto yatacāri gāme ti. So tesu gutto ti cīvare piṇḍapāte senāsane gilānapaccayabhesajjaparikkhāre gutto gopito rakkhito saṃvuto ti, evam pi so tesu gutto. Athavā āyatanesu gutto gopito rakkhito saṃvuto ti, evam pi so tesu gutto. Yatacāri gāme ti. Gāme yato yatto paṭiyatto gutto gopito rakkhito saṃvuto ti, so tesu gutto yatacāri gāme. Rusito pi vācaṃ pharusaṃ na vajjā ti rusito khuṃsito vambhito ghaṭṭito garahito upavādito pharusena kakkhaḷena paṭibhaṇantaṃ na-ppaṭibhaṇeyya, akkosantaṃ na paccakkoseyya, rosantaṃ na-ppaṭiroseyya, bhaṇḍantaṃ nappaṭibhaṇḍeyya, na kalahaṃ kareyya, na bhaṇḍanaṃ kareyya, na viggahaṃ kareyya, na vivādaṃ kareyya, na medhagaṃ kareyya, kalahabhaṇḍanaviggahavivādamedhagaṃ pajaheyya vinodeyya byantīkareyya anabhāvaṃ gameyya; kalahabhaṇḍanaviggahavivādamedhagā ārato assa virato paṭivirato nikkhanto nissaṭṭho vippamutto visaṃyutto vimariyādikatena cetasā vihareyyā ti, rusito pi vācaṃ pharusaṃ na vajjā. Ten'; āha Bhagavā:
Annañ ca laddhā vasanañ ca kāle
mattaṃ so jaññā idha tosanatthaṃ,
so tesu gutto yatacāri gāme
rusito pi vācaṃ pharusaṃ na vajjā ti.
_________________________________
Sn_IV,16.18(=972): Okkhittacakkhu na ca pādalolo
jhānānuyutto bahujāgar'; assa,
upekkham ārabbha samāhitatto
takkāsayaṃ kukkucciy'; ūpacchinde. || Nidd_I.16:18 ||
Okkhittacakkhu na ca pādalolo ti. Kathaṃ khittacakkhu hoti? Idh'; ekacco bhikkhu cakkhulolo cakkhuloliyena samannāgato hoti: adiṭṭhaṃ dakkhitabbaṃ, diṭṭhaṃ samatikkamitabban ti ārāmena ārāmaṃ uyyānena uyyānaṃ gāmena gāmaṃ nigamena nigamaṃ nagarena nagaraṃ raṭṭhena raṭṭhaṃ janapadena janapadaṃ dīghacārikaṃ anvatthitacārikaṃ anuyutto hoti rūpadassanāya;
[page 499]
S.N. 972] Sāriputtasuttaniddeso. 499
[... content straddling page break has been moved to the page above ...] evam pi khittacakkhu hoti. Athavā antaragharaṃ paviṭṭho vīthiṃ paṭipanno asaṃvuto gacchati hatthiṃ olokento assaṃ olokento rathaṃ olokento pattiṃ olokento itthiyo olokento purise olokento kumārake olokento kumārikāyo olokento antarāpaṇaṃ olokento gharamukhāni olokento uddhaṃ olokento adho olokento disāvidisaṃ pekkhamāno gacchati; evam pi khittacakkhu hoti. Athavā cakkhunā rūpaṃ disvā nimittaggāhī hoti anubyañjanaggāhī; yatvādhikaraṇam evaṃ cakkhundriyaṃ asaṃvutaṃ viharantaṃ, abhijjhā domanassā pāpakā akusalā dhammā anvāvaseyyuṃ; tassa saṃvarāya na paṭipajjati, na rakkhati cakkhundriyaṃ, cakkhundriye na saṃvaraṃ āpajjati; evam pi khittacakkhu hoti. Yathā vā pan'; eke bhonto samaṇabrāhmaṇā saddhādeyyāni bhojanāni bhuñjitvā, te evarūpaṃ visūkadassanaṃ anuyuttā viharanti, seyyathīdaṃ naccaṃ gītaṃ vāditaṃ pekkhaṃ akkhānaṃ pāṇissaraṃ vetāḷaṃ kumbhathūnaṃ sobhanagarakaṃ caṇḍālaṃ vaṃsaṃ dhovanaṃ hatthiyuddhaṃ assayuddhaṃ mahisayuddhaṃ usabhayuddhaṃ ajayuddhaṃ meṇḍayuddhaṃ kukkuṭayuddhaṃ vaṭṭakayuddhaṃ daṇḍayuddhaṃ muṭṭhiyuddhaṃ nibbuddhaṃ uyyodhikaṃ balaggaṃ senābyūhaṃ anīkadassanaṃ iti vā; evam pi khittacakkhu hoti.
Kathaṃ na khittacakkhu hoti? Idh'; ekacco bhikkhu na cakkhulolo cakkhuloliyena samannāgato hoti: adiṭṭhaṃ dakkhitabbaṃ, diṭṭhaṃ samatikkamitabban ti ārāmena ārāmaṃ uyyānena uyyānaṃ gāmena gāmaṃ nigamena nigamaṃ nagarena nagaraṃ raṭṭhena raṭṭhaṃ janapadena janapadaṃ dīghacārikaṃ anvatthitacārikaṃ ananuyutto hoti rūpadassanāya;
[page 500]
500 Aṭṭhakavaggo. [S.N. 972
[... content straddling page break has been moved to the page above ...] evam pi na khittacakkhu hoti. Athavā bhikkhu antaragharaṃ paviṭṭho vīthiṃ paṭipanno saṃvuto gacchati, na hatthiṃ olokento . . . pe . . . na disāvidisaṃ pekkhamāno gacchati; evam pi na khittacakkhu hoti. Athavā cakkhunā rūpaṃ disvā na nimittaggāhī hoti . . . pe . . . cakkhundriye saṃvaraṃ āpajjati evam pi na khittacakkhu hoti. Yathā vā pan'; eke bhonto samaṇabrāhmaṇā saddhādeyyāni bhojanāni bhuñjitvā . . . pe . . . anīkadassanaṃ iti vā; evarūpā visūkadassanānuyogā paṭivirato hoti; evam pi na khittacakkhu hotī ti, okkhittacakkhu na ca pādaloloti.
Kathaṃ pādalolo hoti? Idh'; ekacco bhikkhu pādalolo pādaloliyena samannāgato hoti ārāmena ārāmaṃ . . . pe . . . dīghacārikaṃ anvatthitacārikaṃ anuyutto hoti; rūpadassanāya; evam pi pādalolo hoti. Athavā bhikkhu antosaṅghārāme pādalolo pādaloliyena samannāgato hoti.
Na attahetu na kāraṇahetu uddhato avūpasantacitto pariveṇato pariveṇaṃ gacchati . . . pe . . . itibhavābhavakathaṃ kathesi; evam pi pādalolo hoti. Na ca pādalolo ti pādaloliyaṃ pajaheyya vinodeyya byantīkareyya anabhāvaṃ gameyya; pādaloliyā ārato assa virato paṭivirato nikkhanto nissaṭṭho vippamutto visaṃyutto vimariyādikatena cetasā vihareyya; paṭisallānārāmo assa paṭisallānarato ajjhattaṃ cetosamatham anuyutto anirākatajjhāno vipassanāya samannāgato brūhetā suññāgāraṃ jhāyī jhānarato ekattam anuyutto sadatthagaruko ti, okkhittacakkhu na ca pādalolo.
Jhānānuyutto bahujāgar'; assā ti. Jhānānuyutto ti dvīhi kāraṇehi jhānānuyutto: anuppannassa vā paṭhamassa jhānassa uppādāya yutto payutto āyutto samāyutto anuppannassa vā dutiyassa jhānassa tatiyassa jhānassa catutthassa jhānassa uppādāya yutto payutto āyutto samāyutto ti, evam pi jhānānuyutto. Athavā uppannaṃ vā paṭhamaṃ jhānaṃ āsevati bhāveti bahulīkaroti uppannaṃ vā dutiyaṃ jhānaṃ tatiyaṃ jhānaṃ catutthaṃ jhānaṃ āsevati bhāveti bahulīkarotī ti,
[page 501]
S.N. 972] Sāriputtasuttaniddeso. 501
[... content straddling page break has been moved to the page above ...] evam pi jhānānuyutto. Bahujāgar'; assā ti idha bhikkhu divasaṃ caṅkamena nisajjāya āvaraṇīyehi dhammehi cittaṃ parisodheti. Rattiyā paṭhamaṃ yāmaṃ caṅkamena nisajjāya āvaraṇīyehi dhammehi cittaṃ parisodheti. Rattiyā majjhimaṃ yāmaṃ dakkhiṇena passena sīhaseyyaṃ kappeti pāde pādaṃ accādhāya sato sampajāno uṭṭhānasaññaṃ manasikaritvā. Rattiyā pacchimaṃ yāmaṃ paccuṭṭhāya caṅkamena nisajjāya āvaraṇīyehi dhammehi cittaṃ parisodhetī ti jhānānuyutto bahujāgar'; assa. Upekkham ārabbha samāhitatto ti. Upekkhā ti yā catutthe jhāne upekkhā upekkhanā ajjhupekkhanā cittasamatā cittapassaddhatā majjhattatā cittassa. Samāhitatto ti yā cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṃ samādhibalaṃ sammāsamādhī ti, upekkham ārabbha samāhitatto ti catutthe jhāne upekkham ārabbha ekaggacitto avikkhittacitto avisāhaṭamānaso ti, upekkham ārabbha samāhitatto.
Takkāsayaṃ kukkucciy'; ūpacchinde ti. Takkā ti nava vitakkā: kāmavitakko byāpādavitakko vihiṃsāvitakko ñātivitakko janapadavitakko amaravitakko parānuddayatāpaṭisaṃyutto vitakko lābhasakkārasilokapaṭisaṃyutto vitakko anavaññattipaṭisaṃyutto vitakko; ime vuccanti nava vitakkā. Kāmavitakkānaṃ kāmasaññāsayo, byāpādavitakkānaṃ byāpādasaññāsayo, vihiṃsāvitakkānaṃ vihiṃsāsaññāsayo. Athavā takkānaṃ saṅkappānaṃ avijjāsayo, ayoniso manasikāro āsayo, asmimāno āsayo, anottappaṃ āsayo, uddhaccaṃ āsayo. Kukkuccan ti hatthakukkuccam pi kukkuccaṃ, pādakukkuccam pi kukkuccaṃ, hatthapādakukkuccam pi kukkuccaṃ, akappiye kappiyasaññitā, kappiye akappiyasaññitā, avajje vajjasaññitā, vajje avajjasaññitā; yaṃ evarūpaṃ kukkuccaṃ, kukkuccāyanā, kukkuccāyitattaṃ,
[page 502]
502 Aṭṭhakavaggo. [S.N. 972
[... content straddling page break has been moved to the page above ...] cetaso vippaṭisāro, manovilekho; idaṃ vuccati kukkuccaṃ. Api ca dvīhi kāraṇehi uppajjati kukkuccaṃ cetaso vippaṭisāro manovilekho katattā ca akatattā ca.
Kathaṃ katattā ca akattatā ca uppajjati kukkuccaṃ cetaso vippaṭisāro maṇovilekho? Kataṃ me kāyaduccaritaṃ, akataṃ me kāyasucaritan ti uppajjati kukkuccaṃ cetaso vippaṭisāro manovilekho; kataṃ me vacīduccaritaṃ, kaṭaṃ me manoduccaritaṃ, kato me pāṇātipāto, akatā me pāṇātipātā veramaṇī ti; uppajjati kukkuccaṃ cetaso vippaṭisāro manovilekho; kataṃ me adinnādānaṃ, kato me kāmesu micchācāro, kato me musāvādo, katā me pisuṇā vācā, katā me pharusā vācā, kato me samphappalāpo, katā me abhijjhā, kato me byāpādo, katā me micchādiṭṭhi, akatā me sammādiṭṭhī ti uppajjati kukkuccaṃ cetaso vippaṭisāro manovilekho; evaṃ katattā ca akatattā ca uppajjati kukkuccaṃ cetaso vippaṭisāro manovilekho. Athavā sīlesu 'mhi na paripūrakārī ti uppajjati kukkuccaṃ cetaso vippaṭisāro manovilekho. Indriyesu 'mhi aguttadvāro ti, bhojane amattaññu 'mhī ti, jāgariyaṃ ananuyutto 'mhī ti, na satisampajaññena samannāgato 'mhī ti, abhāvitā me cattāro satipaṭṭhānā ti, abhāvitā me cattāro sammappadhānā ti, abhāvitā me cattāro iddhippādā ti, abhāvitāni me pañc'; indriyānī ti, abhāvitāni me pañca balānī ti, abhāvitā me satta bojjhaṅgā ti, abhāvito me ariyo aṭṭhaṅgiko maggo ti, dukkhaṃ me apariññātan ti, dukkhasamudayo me appahīno ti, maggo me abhāvito ti, nirodho me asacchikato ti uppajjati kukkuccaṃ cetaso vippaṭisāro manovilekho. Takkāsayaṃ kukkucciy'; ūpacchinde ti takkañ ca takkāsayañ ca kukkuccañ ca upacchindeyya samucchindeyya pajaheyya vinodeyya byantīkareyya anabhāvaṃ gameyyā ti, takkāsayaṃ kukkucciy'; ūpacchinde. Ten'; āha Bhagavā:
Okkhittacakkhu na ca pādalolo
jhānānuyutto bahujāgar'; assa,
upekkham ārabbha samāhitatto
takkāsayaṃ kukkucciy'; ūpacchinde ti.
_________________________________
[page 503]
S.N. 973] Sāriputtasuttaniddeso. 503
Sn_IV,16.19(=973): Cudito vacībhi satimābhinande,
sabrahmacārīsu khilaṃ pabhinde,
vācaṃ pamuñce kusalaṃ nātivelaṃ,
janavādadhammāya na cetayeyya. || Nidd_I.16:19 ||
Cudito vacīhi satimābhinande ti. Cudito ti upajjhāyā vā ācariyā vā samānupajjhāyakā vā samānācariyakā vā mittā vā sandiṭṭhā vā sambhattā vā sahāyā va codenti: idan te āvuso ayuttaṃ, idan te appattaṃ, idan te asāruppaṃ, idan te asiliṭṭhan ti; satiṃ upaṭṭhāpetvā taṃ codanaṃ nandeyya abhinandeyya modeyya anumodeyya iccheyya sādiyeyya pattheyya pihayeyya abhijappeyya. Yathā itthī vā puriso vā daharo yuvā maṇḍanakajātiko sīsanhāto uppalamālaṃ vassikamālaṃ vā vā adhimuttakamālaṃ vā labhitvā ubhohi hatthehi paṭiggahetvā uttamaṅge sirasmiṃ patiṭṭhāpetvā nandeyya abhinandeyya modeyya anumodeyya iccheyya sādiyeyya pattheyya pihayeyya abhijappeyya; evam eva satiṃ upaṭṭhapetvā taṃ codanaṃ nandeyya abhinandeyya modeyya anumodeyya iccheyya sādiyeyya pattheyya pihayeyya abhijappeyya.
*Nidhīnaṃ va pavattāraṃ yaṃ passe vajjadassinaṃ,
niggayhavādiṃ medhāviṃ tādisaṃ paṇḍitaṃ bhaje.
Tādisaṃ bhajamānassa, seyyo hoti na pāpiyo.
Ovādeyyānusāseyya. Asabbhā ca nivāraye,
sataṃ hi so piyo hoti, asataṃ hoti appiyo ti;
cudito vacībhi satimābhinande.
Sabrahmacārīsu khilaṃ pabhinde ti. Sabrahmacārī ti ekakammaṃ ekuddeso samasikkhātā; sabrahmacārīsu khilaṃ pabhindeti; sabrahmacārīsu āhatacittataṃ khilajātataṃ pabhindeyya pañcacetokhilaṃ pabhindeyya tayo pi cetokhile pabhindeyya rāgakhilaṃ dosakhilaṃ mohakhilaṃ bhindeyya pabhindeyya sambhindeyyā ti,
[page 504]
504 Aṭṭhakavaggo. [S.N. 973
[... content straddling page break has been moved to the page above ...] sabrahmacārīsu khilaṃ pabhinde.
Vācaṃ pamuñce kusalaṃ nātivelan ti ñāṇamuṭṭhitaṃ vācaṃ muñceyya, atthupasaṃhitaṃ dhammūpasaṃhitaṃ kālena sāpadesaṃ pariyantavatiṃ atthasaṃhitaṃ vācaṃ muñceyya pamuñceyya sampamuñceyyā ti, vācaṃ pamuñce kusalaṃ.
Nātivelan ti. Velā ti dve velā, kālavelā ca sīlavelā ca.
Katamā kālavelā? Kālātikkantaṃ vācaṃ na bhāseyya, velātikkantaṃ vācaṃ na bhāseyya, kālaṃ asampattaṃ vācaṃ na bhāseyya, velaṃ asampattaṃ vācaṃ na bhāseyya, kālavelaṃ asampattaṃ vācaṃ na bhāseyya.
*Yo ve kāle asampatte ativelaṃ pabhāsati,
evaṃ so nihato seti Kokiliyā va atrajo ti;
ayaṃ kālavelā.
Katamā sīlavelā? Ratto vācaṃ na bhāseyya, duṭṭho vācaṃ na bhāseyya, mūḷho vācaṃ na bhāseyya, musāvādaṃ na bhāseyya, pisuṇavācaṃ na bhāseyya, pharusavācaṃ na bhāseyya, samphappalāpaṃ na bhāseyya na katheyya na bhaṇeyya na dīpeyya na vohareyya; ayaṃ sīlavelā ti, vācaṃ pamuñce kusalaṃ nātivelaṃ.
Janavādadhammāya na cetayeyyā ti. Janā ti khattiyā ca brāhmaṇā ca vessā ca suddā ca gahaṭṭhā ca pabbajitā ca devā ca manussā ca.
[page 505]
S.N. 974] Sāriputtasuttaniddeso. 505
[... content straddling page break has been moved to the page above ...] Janassa vādāya upavādāya nindāya garahāya akittiyā avaṇṇahārikāya sīlavipattiyā vā ācāravipattiyā vā diṭṭhivipattiyā vā ājīvavipattiyā vā na cetayeyya, cetanaṃ na uppādeyya cittasaṅkappaṃ na uppādeyya manasikāraṃ na uppādeyyā ti, janavādadhammāya na cetayeyya. Ten'; āha Bhagavā:
Cudito vacībhi satimābhinande,
sabrahmacārīsu khilaṃ pabhinde,
vācaṃ pamuñce kusalaṃ nātivelaṃ,
janavādadhammāya na cetayeyyā ti.
_________________________________
Sn_IV,16.20(=974): Athāparaṃ pañca rajāni loke
yesaṃ satimā vinayāya sikkhe:
rūpesu saddesu atho rasesu
gandhesu phassesu sahetha rāgaṃ. || Nidd_I.16:20 ||
Athāparaṃ pañca rajāni loke ti. Athā ti padasandhi padasaṃsaggo padapāripūri akkharasamavāyo byañjanasiliṭṭhatā padānupubbatā-m-etaṃ, athā ti. Pañca rajānī ti rūparāgo saddarāgo gandharāgo rasarāgo phoṭṭhabbarāgo Athavā
Rāgo rajo na ca pana reṇū vuccati,
rāgass'; etaṃ adhivacanaṃ rajo ti,
etaṃ rajaṃ vippajahitvā paṇḍitā,
viharanti te vigatarajassa sāsane.
Doso rajo na ca pana reṇū vuccati,
dosass'; etaṃ adhivacanaṃ rajo ti,
etaṃ rajaṃ vippajahitvā paṇḍitā,
viharanti te vigatarajassa sāsane.
Moho rajo na ca pana reṇū vuccati,
mohass'; etaṃ adhivacanaṃ rajo ti,
etaṃ rajaṃ vippajahitvā paṇḍitā,
viharanti te vigatarajassa sāsane.
[page 506]
506 Aṭṭhakavaggo. [S.N. 974
Loke ti apāyaloke manussaloke devaloke khandhaloke dhātuloke āyatanaloke ti, athāparaṃ pañca rajāni loke.
Yesaṃ satīmā vinayāya sikkhe ti. Yesan ti rūparāgassa saddarāgassa gandharāgassa rasarāgassa phoṭṭhabbarāgassa.
Satīmā ti yā sati anussati patissati sati saraṇatā dhāraṇatā apilāpanatā assammussanatā sati satindriyaṃ satibalaṃ sammāsati satisambojjhaṅgo ekāyanamaggo; ayaṃ vuccati sati. Imāya satiyā upeto samupeto upagato samupagato upapanno samupapanno samannāgato so vuccati satimā.
Sikkhe ti tisso sikkhā: adhisīlasikkhā adhicittasikkhā adhipaññāsikkhā.
Katamā adhisīlasikkhā? . . . pe . . . ayaṃ adhipaññāsikkhā.
Yesaṃ satīmā vinayāya sikkhe ti satīmā puggalo yesaṃ rūparāgassa saddarāgassa gandharāgassa rasarāgassa phoṭṭhabbarāgassa vinayāya paṭivinayāya pahānāya vūpasamāya paṭinissaggāya paṭippassaddhiyā adhisīlam pi sikkheyya, adhicittam pi sikkheyya, adhipaññam pi sikkheyya. Imā tisso sikkhā āvajjanto sikkheyya, jānanto sikkheyya . . . pe . . . sacchikātabbaṃ sacchikaronto sikkheyya ācareyya samācareyya samādāya vatteyyā ti, yesaṃ satīmā vinayāya sikkhe.
Rūpesu saddesu atho rasesu gandhesu phassesu sahetha rāgan ti rūpesu saddesu gandhesu rasesu phoṭṭhabbesu rāgaṃ saheyya parisaheyya abhibhaveyya ajjhotthareyya pariyādiyeyya maddeyyā ti, rūpesu saddesu atho rasesu gandhesu phassesu sahetha rāgaṃ. Ten'; āha Bhagavā:
Athāparaṃ pañca rajāni loke
yesaṃ satīmā vinayāya sikkhe:
rūpesu saddesu atho rasesu
gandhesu phassesu sahetha rāgan ti.
_________________________________
Sn_IV,16.21(=975): Etesu dhammesu vineyya chandaṃ
bhikkhu satīmā suvimuttacitto
[page 507]
S.N. 975] Sāriputtasuttaniddeso. 507
kālena so sammā dhammaṃ parivīmaṃsamāno
ekodibhūto vihane tamaṃ so ti Bhagavā. || Nidd_I.16:21 ||
Etesu dhammesu vineyya chandan ti. Etesū ti rūpesu saddesu gandhesu rasesu phoṭṭhabbesu. Chando ti yo kāmesu kāmachando kāmarāgo kāmanandi kāmataṇhā kāmasineho kāmapariḷāho kāmamucchā kāmajjhosānaṃ kāmogho kāmayogo kāmupādānaṃ . . . pe . . . kāmachandanīvaraṇaṃ. Etesu dhammesu vineyya chandan ti etesu dhammesu chandaṃ vineyya paṭivineyya pajaheyya vinodeyya byantīkareyya anabhāvaṃ gameyyā ti, etesu dhammesu vineyya chandaṃ.
Bhikkhu satīmā suvimuttacitto ti. Bhikkhū ti kalyāṇaputhujjano vā bhikkhu sekkho vā bhikkhu. Satīmā ti yā sati anussati . . . pe . . . sammāsati satisambojjhaṅgo ekāyanamaggo; ayaṃ vuccati sati. Imāya satiyā upeto . . . pe . . . so vuccati satīmā ti bhikkhu satīmā.
Suvimuttacitto ti paṭhamaṃ jhānaṃ samāpannassa nīvaraṇehi cittaṃ muttaṃ vimuttaṃ suvimuttaṃ; dutiyaṃ jhānaṃ samāpannassa vitakkavicārehi cittaṃ muttaṃ vimuttaṃ suvimuttaṃ; tatiyaṃ jhānaṃ samāpannassa pītiyā cittaṃ muttaṃ vimuttaṃ suvimuttaṃ; catutthaṃ jhānaṃ samāpannassa sukhadukkhehi cittaṃ muttaṃ vimuttaṃ suvimuttaṃ; ākāsānañcāyatanaṃ samāpannassa rūpasaññāya paṭighasaññāya nānattasaññāya cittaṃ muttaṃ vimuttaṃ suvimuttaṃ; viññāṇañcāyatanaṃ samāpannassa ākāsānañcāyatanasaññāya cittaṃ; ākiñcaññāyatanaṃ samāpannassa viññāṇañcāyatanasaññāya cittaṃ; nevasaññānāsaññāyatanaṃ samāpannassa ākiñcaññāyatanasaññāya cittaṃ muttaṃ vimuttaṃ suvimuttaṃ; sotāpannassa sakkāyadiṭṭhiyā vicikicchāya sīlabbataparāmāsā diṭṭhānusayā vicikicchānusayā tadekaṭṭhehi ca kilesehi cittaṃ muttaṃ vimuttaṃ suvimuttaṃ; sakadāgāmissa oḷārikā kāmarāgānusayā paṭighānusayā tadekaṭṭhehi ca kilesehi cittaṃ muttaṃ vimuttaṃ suvimuttaṃ;
[page 508]
508 Aṭṭhakavaggo. [S.N. 975
[... content straddling page break has been moved to the page above ...] anāgāmissa aṇusahagatā kāmarāgā saṃyojanā paṭighasaṃyojanā aṇusahagatā kāmarāgānusayā paṭighānusayā tadekaṭṭhehi ca kilesehi cittaṃ muttaṃ vimuttaṃ suvimuttaṃ; arahato rūparāgā arūparāgā mānā uddhaccā avijjāya mānānusayā bhavarāgānusayā avijjānusayā tadekaṭṭhehi ca kilesehi bahiddhā ca sabbanimittehi cittaṃ muttaṃ vimuttaṃ suvimuttan ti, bhikkhu satīmā suvimuttacitto kālena so sammā dhammaṃ parivīmaṃsamāno ti kālenā ti uddhate citte samathassa kālo, samāhite citte vipassanāya kālo.
*Kāle paggaṇhati cittaṃ, niggaṇhāti athāpare,
sampahaṃsati kālena, kāle cittaṃ samādahati.
Ajjhopekkhati kālena so yogī kālakovido,
kimhi kālamhi paggāho kimhi kāle viniggaho?
Kimhi pahaṃsanākālo samathakālo ca kīdiso,
upekkhākālaṃ cittassa kathaṃ dasseti yogino?
Līne cittamhi paggāho uddhatasmiṃ viniggaho,
nirassādagataṃ cittaṃ sampahaṃseyya tāvade.
Sampahaṭṭhaṃ yadā cittaṃ alīnaṃ bhavati 'nuddhataṃ,
samathassa ca kālo, ajjhattaṃ ramaye mano.
Etena yeva pāyena yadā hoti samāhitaṃ,
samāhitacittapaññāya ajjhupekkheyya tāvade.
Evaṃ kālavidū dhīro, kālaññū kālakovido,
kālena kālaṃ cittassa nimittam upalakkhiye ti; kālena so.
Sammā dhammaṃ parivīmaṃsamāno ti sabbe saṃkhārā aniccā ti sammā dhammaṃ parivīmaṃsamāno. Sabbe saṃkhārā dukkhā ti,
[page 509]
S.N. 975] Sāriputtasuttaniddeso. 509
[... content straddling page break has been moved to the page above ...] sammā dhammaṃ parivīmaṃsamāno.
Sabbe dhammā anattā ti, sammā dhammaṃ parivīmaṃsamāno . . . pe . . . yaṃ kiñci samudayadhammaṃ sabban taṃ nirodhadhamman ti, sammā dhammaṃ parivīmaṃsamāno.
Ekodibhūto vihane tamaṃ so ti Bhagavā ti. Ekodī ti ekaggacitto avikkhittacitto avihatamānaso ti, ekodibhūto.
Vihane tamaṃ so ti rāgatamaṃ dosatamaṃ mohatamaṃ mānatamaṃ diṭṭhitamaṃ kilesatamaṃ duccaritatamaṃ andhakaraṇaṃ acakkhukaraṇaṃ añāṇakaraṇaṃ paññānirodhikaṃ vighātapakkhikaṃ anibbānasaṃvattanikaṃ haneyya vihaneyya pajaheyya vinodeyya byantīkareyya anabhāvaṃ gameyya. Bhagavā ti gāravādhivacanaṃ. Api ca bhaggarāgo ti Bhagavā, bhaggadoso ti Bhagavā, bhaggamoho ti Bhagavā, bhaggamāno ti Bhagavā, bhaggadiṭṭhī ti Bhagavā, bhaggakaṇṭako ti Bhagavā, bhaggakileso ti Bhagavā; bhaji vibhaji paṭivibhaji dhammaratanan ti Bhagavā, bhavānaṃ antakaro ti Bhagavā, bhāvitakāyo ti Bhagavā, bhāvitasīlo ti, bhāvitacitto ti, bhāvitapañño ti Bhagavā.
Bhaji vā Bhagavā, araññavanapatthāni pantāni senāsanāni appasaddāni appanigghosāni vijanavātāni manussarāhaseyyakāni paṭisallānasārūppānī ti Bhagavā. Bhāgī vā Bhagavā, cīvarapiṇḍapātasenāsanagilānapaccayabhesajjaparikkhārānan ti Bhagavā. Bhāgī vā Bhagavā attharasassa dhammarasassa vimuttirasassa adhisīlassa adhicittassa adhipaññāyā ti Bhagavā. Bhāgī vā Bhagavā catunnaṃ jhānānaṃ catunnaṃ appamaññānaṃ catunnaṃ arūpasamāpattīnan ti Bhagavā. Bhāgī vā Bhagavā aṭṭhannaṃ vimokkhānaṃ aṭṭhannaṃ abhibhāyatanānaṃ navannaṃ anupubbavihārasamāpattīnan ti Bhagavā. Bhāgī vā Bhagavā dasannaṃ saññābhāvanānaṃ dasannaṃ kasiṇasamāpattīnaṃ ānāpānasatisamādhissa arūpasamāpattiyā ti Bhagavā. Bhāgī vā Bhagavā catunnaṃ satipaṭṭhānānaṃ catunnaṃ sammappadhānānaṃ catunnaṃ iddhippādānaṃ pañcannaṃ indriyānaṃ pañcannaṃ balānaṃ sattannaṃ bojjhaṅgānaṃ ariyassa aṭṭhaṅgikassa maggassā ti Bhagavā.
[page 510]
510 Aṭṭhakavaggo. [S.N. 975
[... content straddling page break has been moved to the page above ...] Bhāgī vā Bhagavā dasannaṃ tathāgatabalānaṃ catunnaṃ vesārajjānaṃ catunnaṃ paṭisambhidānaṃ channaṃ abhiññānaṃ channaṃ buddhadhammānan ti Bhagavā. Bhagavā ti n'; etaṃ nāmaṃ mātarā kataṃ, na pitarā kataṃ,na bhātarā kataṃ, na bhaginiyā kataṃ, na mittāmaccehi kataṃ, na ñātisālohitehi kataṃ, na samaṇabrāhmaṇehi kataṃ, na devatāhi kataṃ; vimokkhantikam etaṃ buddhānaṃ bhagavantānaṃ bodhiyā mūle saha sabbaññutañāṇassa paṭilābhā sacchikā paññatti yadidaṃ Bhagavā ti, ekodibhūto vihane tamaṃ so ti Bhagavā. Ten'; āha Bhagavā:
Etesu dhammesu vineyya chandaṃ
bhikkhu satīmā suvimutta-citto
kālena so sammā dhammaṃ parivīmaṃsamāno
ekodibhūto vihane tamaṃ so ti Bhagavā ti.
SOḶASAMO SĀRIPUTTASUTTANIDDESO.
AṬṬHAKAVAGGIKAMHI SOḶASO SUTTANIDDESĀ SAMATTĀ.