Ludwig Thoma
Ausgewählte Gedichte
Schnadahüpfl
Ja de sell, de i möcht,
Waar ma heut no ganz g'recht,
Aba dös sell is a Frag,
Ob i 's moring, ja moring no mag.
Muaßt a 's fleißi oschaug'n,
Kunnt da leicht was net taug'n,
Kunnt di leicht was schiniern – – –
Drum muaß ma 's Diandl, ja 's Diandl probiern.
Ja a so muaß ma lebn!
An jed'n Deckel aufhebn,
A jede Schüssel neigspecht,
Ja wann ma 's allabest-allabest möcht.