c.
Eine Frau in Klippkanne erzählt: Wo nu Gerdes wahnt, dar hett fröher 'n olen Lootsen wahnt, Ernst Deharr. De is eenmal upstahn nachts Klocke twelw, do is de ole Fischersche oewer de Brügge kamen un hett verkährt uppen Kalf säten un den Stärt in de Hand hadd un is so in'n Klabaster de Drifft nupp räen. 'n annern Morgen is he in är Hus gahn, do hett se noch uppen Bedde lägen und oewer Koppkäld klagt. Do hett de ole Deharr seggt: »Myn Därn, uppen anner Mal lat du de Näs' vant Kalf aff.« Dat hett he nich eenmal, dat hett he woll fief und säbentig mal vertellt.