Ein anders:
So viel im Jahre tag'/ im tage seyn der stunden/
In stunden augenblick/ so manche tieffe wunden
Empfäht ein liebes hertz' aus süsser liebespein/
Noch gleichwol muss es jhm noch hold vnnd gönstig seyn!
Das macht ein schwinder plitz/ (der 's augenliecht verseeret/)
Ein fressend donner-fewr (das ertz vnd stahl verzeeret/
Vnd thut der scheiden nichts damit es ist bedeckt)
In liebes äugelein gantz hinderlistig steckt.
Ohn welch' ewr junges hertz' in frewden nicht wird seyn/
Jhr thut es nicht vmbsonst. Wie seyd jhr dazu kommen
Daß jhr paßbrieffe schreibt? wer hat euch angenommen.
Ins musterschreiber amt: was soll solch reden seyn?
Ich schweer'/ jhr müsst dafür in Amors krieg' hinnein.