Er hat einn heyssen magen / wie ein Han oder Strauß / er verdawet eisen. Sein mage kocht wol / er hat hauß vnd hofverdawet. Es ist jhm ein steymn hauß durch den bauch gefaren. Der Han hat einn wunder heyssen magen / dz er bald alles was drein kompt / verkocht / So frißt ein Wolff vff ein mal souil vnd geitzig / daß er zur not / acht tag gnůg hat. Ein Strauß verdawvet das eisen / Also verdäwen dise gsellen / hauß / hof / gärten / wisen / äcker. Es ist jm hauß vnnd hof im wein ertruncken / vnd vndergangen. Er hat auffgespunnen / feirabend gemacht. Er hat sein gůt an nasse wahr gelegt / daß jm nit verbrenne.