Man soll den bogen nit überspannen / noch den Esel übergürten.
Man sagt: Zuuil ist vngesundt / ein ding soll man beweren / doch jhm nicht zuuil thůn / daß es durch die prob nicht zerspringe. Freund soll man prüfen / doch daß sie nit darunder vergehn. Der teufel versůcht dz er verderbe / Gott daß er bewer das gold. Rechte maß halt mit dem glaß / es macht sonst naß vnn zerbricht. Klopff ann hafen / so kennestu jhn / doch nit zuhart /er gewinnet sonst ein schart. Durch zuharte proben /werden die töpff zerkloben. Schlecht ist eben recht.