Das rechte recht.
Zweyerley recht ist / das rechte recht / vnnd das vnrecht recht. Gottes recht ist ein rechtes recht / das einem jeglichen recht richtig richtet / vnangesehen die person der menschē. Es ist geschehen zu zeiten Hertzog Fridrichs Churfürsten zu Sachsen / des weisen /daß einer witwen jr sach vor den Räthen verkürtzt ist worden / Dieweil sich aber dise witwe hierinn beschweret hat funden / hat sie an hochgedachten Churfürsten suppliciert in sein eygen gandt / vnnd inn der supplication gebeten / Mann wolt jr vmb Gottes willen das rechte recht widerfaren lassen. Der Churfürst hat dise supplication seinen Räthen fürgehalten / vnnd gefraget / ob sie zweyerley recht hetten / es můßte ja nit on sein / die weil dises weib vmb das rechte recht bittet / es můßt zuuor von jnen mit der frawen mit dem vnrechten recht gehandelt sein worden / vnnd hat jnen befolhen / nach dem rechten recht mit jr zuhandeln vnd zu vnheylen.