chap.1.nakSatrakarmaphala 20
chap.2.dinezaphala 3
chap.3.muhUrtakarmaguNa 8
chap.4.candraphala 3
chap.5.lagnavizuddhi 5
chap.6.lagnabheda 7
chap.7.grahavizuddhiH 16
chap.8.diggrahAnulomyaH 6
chap.9.(non title) 35
.................................
total 103 verses
chap.1.nakṣatrakarmaphala
ghanatimiranāgasiṃhastribhuvanabhavanādhipo jagaccakṣuḥ/
udayāstāca(la)maulir jayati ravir gaganatilakaikaḥ//
mūrdhnā gaṇeśaṃ ca sarasvatīṃ ca salokapālaṃ parameśvaraṃ ca/
padmodbhavaṃ padmadhanaṃ hariṃ ca trailokyadīpaṃ praṇamāmi bhānum//
yātrāvidhir ata ūrdhvaṃ vijigīṣor viditajanmasamayasya/
pratyabdamāsavāsaravibhaktasukhaduḥkhaniṣṭhasya//
vidite horārāśau sthānabalaparigrahe grahāṇāṃ ca/
āyuṣi ca parijñāte śubham aśubhaṃ vā phalaṃ vācyam//
prastutavirodha evaṃ sthitaviṣaye bhavati śāstranirdeśaḥ/
janmasamayaṃ ca kecid vadanti na vadanti bahuvo 'nye//
janmarkṣodayalagne tad api yayor vā yiyāsataḥ praśne/
triṣaḍekādaśaśīrṣodayeṣu mārgeṣu ca jayaḥ syāt//
śatror horārāśis tad adhipatir janmabhaṃ tadīśo vā//
yady aste hibuke vā tathāpi śatrur hato vācyaḥ//
praśne manoramā bhūr maṅgalyadravyadarśanaṃ śastam/
yadi cādareṇa pṛcchati daivajño nirdiśed vijayam//
nandā bhadrā vijayā riktā pūrṇā ca nāmasadṛśaphalāḥ/
nyūnasameṣṭā daśame tithayaḥ śukle kṛṣṇe pratīpās tāḥ//
nakṣatrapuṭākiraṇaṃ paścāt sandhyāgataṃ grahair bhinnam/
krūranipīḍitam utpātadūṣitaṃ cāśubhaṃ sarvam//
citrāsvātiviśākhābharaṇīpitryeṣakṛttikāśleṣāḥ/
nātiśubhadāni yāne śeṣāṇi śubhāni dhiṣṇyāni//
śatruviṣayaṃ didhakṣor anyatrārkodayāc chubhāgneyī/
na viśākhārohiṇyuttareṣu divasasya pūrvāhṇe//
jyeṣṭhāmūlāśleṣāraudreṣu vivarjayec ca madhyāhṇam/
svātyāśvipuṣyahasteṣv aparāhṇe varjayed yātrām//
maitrendavacitrārevatīṣu yāyāt pradoṣam utsṛjya/
pūrveṣu triṣu yāmye pitrye ca vihāya madhyaniśam//
na niśāpaścimabhāge punarvasau triṣu ca vaiṣṇavādyeṣu/
sarve 'pi śubhāḥ kālāḥ śravaṇendravahastapuṣyeṣu//
prācyādi sapta sapta kramena dhiṣṇyāni kṛttikādīni/
anulomāny ekatvaṃ pūrvottaraś roṇitarayoś ca//
analāniladigrekhāṃ parighākhyāṃ yānti ye samutkramya/
ājñām iva kuliśabhṛtaḥ patanti na cireṇa te vyasane//
sarvadvārikasaṃjñaṃ nakṣatracatuṣṭayaṃ samuddiṣṭaṃ/
puṣyo hastāśvinyau nakṣatraṃ mitradevaṃ ca//
jyeṣṭhā prāgbhādrapadā rohiṇy athottarā ca phalgunyā/
śūlāni prācyādiṣu teṣu gato 'tyeti yadi citram//
tārās tu janmasampadvipatkarā kṣemā (?) 'pāyaśubhakaṣṭā/
maitrātimaitrasaṃjñāś caitāḥ saṃjñānurūpaphalāḥ//E20
chap.2.dineśaphala
sūryadine dhananāśaś cāndre śaktikṣayo 'nnahāniś ca/
jvalanāsṛkpittarujāḥ kauje baudhe suhṛtprāptiḥ//
jīve jayadhanalabdhiḥ śaukre strīvastragandhadhanalābhāḥ/
dainyaṃ ca bandharogān prāpnoti dine 'rkaputrasya//
upacayakaragrahadine siddhiḥ krūre 'pi yāyināṃ bhavati/
saumye 'py anupacayasthe na bhavati yātrā śubhā yātuḥ//E3
chap.3.muhūrtakarmaguṇa
garavaṇijā(ja)viṣṭi(pari)varjitāni karaṇāni yātur aniṣṭāni(iṣṭāni)/
garam api kaiś cic chastaṃ vaṇijā(jāṃ) ca vaṇikkriyāsv eva//
śivabhujagamitrapitṛvasujalaviśvaviriñcipaṅkajaprabhavāḥ/
indrāgnīndraniśācaravaruṇāryyamayonayaś cāhni//
rudrājāhirbudhnyāḥ pūṣā dakhāntakāgnidhātāraḥ/
indvaditiguruhariravitvaṣṭranilākhyāḥ kṣaṇā rātrau//
ahnaḥ pañcadaśāṃśo rātreś caivaṃ muhūrta iti saṃjñā/
sa ca vijñeyas tajjñaiś chāyāyantrāmbubhir yuktyā//
nakṣatravat kṣaṇānāṃ parighādi tadīśvaraiḥ samaṃ cintyam/
phalam api tad eva dṛṣṭaṃ gargādyais tatra ca ślokāḥ//
ahorātraṃ ca saṃpūrṇaṃ candranakṣatrayojitam/
tannakṣatramuhūrttāś ca samakarmaguṇāḥ smṛtāḥ//
yaś cāṣṭamo muhūrto viriñcināmābhijit sa nirdiṣṭaḥ/
tasmiṃs trya (lacuna) yāmyām atyantagatasya jayalabdhiḥ//
aṣṭamena divase same śubho yo viriñcivibhusaṃjñitāḥ(taḥ)(add.kṣaṇaḥ)/
tena yānam apahāyi(ya)dakṣiṇāṃ sarvadikṣu a(kṣvabhi)jit(tā)praśasyate//E8
chap.4.candraphala
upacayagṛhasaptamagaḥ śubhaḥ śaśī janmabhe 'pi yātrāyām/
upajayakarayukto vā śubhamadhye śubham upāsajña(?)//
janmatriṣaḍekādaśasaptamago 'pi neṣyate candraḥ/
pañcamanavamantyāṣṭa(ma)caturdvivedhavān iṣṭaphalaḥ//
sitapakṣādau candre śubhe śubhaṃ pakṣam aśubham aśubhe ca/
kṛṣṇe gocaraśubhado na śubhaṃ pakṣa(kṣe) śubham atonyat//E3
chap.5.lagnaviśuddhi
iṣṭaṃ svajanmalagnaṃ na janmarāśyudgamas tayoḥ sthānāt/
tryāyagṛhāni (lacuna) hitāny udaye neṣṭāni śeṣāṇi//
ripunaidhane ripuvadho (ripu)ṣaṣṭa(ṣṭhe) lagnage vadho yātuḥ/
kecij jagus tathādite ku(krū)repāḥ sthāne//
āye janmani rāśiṣu yeṣu śubhā bhāskaradvitīyai//
te lagne śasyante neṣṭāḥ pāpagrahāpyu(lacuna)//
śīrṣodayeṣu vijayo bhaṅgaḥ ṣaṣṭhodayeṣu lagneṣu/
diganuddhāreṣu jayo vidvāraṣv āvaho(have)bhaṅgaḥ//
mīne kuṭilo mārgo bhavati tadasenya(tya)śaśilagne (pi)/
nauyānam āpyalagnakāryaṃ tu tannavāṃśe vā//E5
chap.6.lagnabheda
senduṣyabhe navāṅgau krūrāṇānirgavignasthaḥ?/
yauvanadurlalitair iva vicakṣaṇo 'ntyeṣu divaseṣu//
puṣṭir bhavati yiyāsoḥ śubhagrahāṇāṃ navāṅgalagneṣu/
yauvanakāntāram iva pratītya kuśalena dharmavatām//
saumye navaṅgakalagne ripubalabhogaṃ karoty asāhāryam/
yadyasya phalaṃ divasis tadaśeṣaṃ kālahorāyām//
upacayakarasya vargaṃ kū(krū)rasyāpi praśasyate lagno(gne)/
candre pādadyukte(?) tantrādhipatesya(śca)saumyasya//
ityaṣṭamagāḥ pāpā vivarjā(rja)ye(da)ṣṭamaṃ vilagnaṃ ca/
candra(drop.)candrañca (lacuna) nidhanasthaṃ sarvārambhaḥ(mbha)prayogeṣu//
lagnena rahitā yātrā yosetonmanta(yā saivonmatta?)bhāminī/
durjānaṃ(taṃ)jani(na)māsādya yāty abhāvaḥ(vaṃ)śanaiḥ śanaiḥ//
lagnapradhāna(nā) yā yātrā śīlenaiva kulāṅganā/
bhāvāstamantra(nu)hartante guṇa(ṇā)rūpam ivottamaḥ(māḥ)//E7
chap.7.grahaviśuddhiḥ
lagnopagataiḥ saumyair ārogyaṃ bhavati cittasaukhyañ ca/
arthasthair arthacayo yodhavivṛddhis tṛtīyasthaiḥ//
vāhanasuhṛdāṃ vṛddhiś caturthagaiḥ pañcagaiś ca mantribalam/
ripunāśaḥ ṣaṣṭhasthaiḥ bhṛguvarjaṃ saptameṣu hitāḥ//
rakṣanty āyunni(rni)dhane śaśivarjaṃ navamabheṣu vasusampat/
karmaṇi siddhir lābho balasampātaś ca daśamādyaiḥ//
bhaumārkārkiśaśāṅkair lagne vadhabandhamaraṇasantrāsāḥ/
arthakṣayo dvitīyais tṛtīyasaṃsthair yaśo dyutimat//
vāhanabandhuviyogo mantrakhāvo ripukṣayaś ceti/
hibukādiṣu saptamagaiḥ svaviṣayanāśo bhṛgusute ca//
mṛtyur nidhanopagataiḥ senāvyasanaṃ mahan navamasaṃsthaiḥ/
kujasūryau daśamasthau jayadau bhaṅgapradaḥ sauriḥ//
jayam ekādaśasaṃsthaiḥ krūrair antyopagaiḥ svabalabhedaḥ/
upacayavarjaṃ saumyair yātuḥ pāpair viparyastam//
krūro 'py anukūlasthaḥ śasto lagne śubho 'pi vāniṣṭaḥ/
vakrī na śubhaḥ kendre tadahas tadvargalagnañ ca//
sāmapatī jīvasitau bhedasya tu rāhuketubudhasaurāḥ/
daṇḍasyārkakṣitijābudha(v atha) pradānasya śītāṃśuḥ//
āṭaviko(ka)deśaripumantrimauli(ka)śreṇibhṛtakavīryeśāh/
sūryādibhir anukūlais tad udayavargaiś ca tatsiddhiḥ//
nīcasthā grahavijitā ravyabhibhūtā viraśmayo hrasvāḥ/
bhujagā iva mantrahatā bhavanty akāryakṣamā lagne//
yeṣāṃ game navamapañcamakaṇṭakasthāḥ saumyās trītīyaripulābhagatāś ca pāpāḥ/
āyānti te svabhavanāni punaḥ kṛtārthāḥ dattā dvijātiṣu tathā vidhivad yathārthāḥ//
ekasminn api kendre yadi saumyo na graho 'sti yātrāyām/
janmany atha vā karmaṇi na tac chubhaṃ prāhur ācāryāḥ//
rāhvarkāraśikhisitā yāyina iti śarvarīśa ākrandaḥ/
gurubudhhasaurāḥ paurāḥ pauraḥ sūryo 'pi pūrvāhṇe//
yāyibhir anukūlasthair yānaṃ paurair vigṛhya cāsīnam/
pauretarair api śubhair yāyād ardhena sainyasya//
sarvair apy aśubhakaraiḥ śubhadaivaṃ saṃśrayet pradhānanṛpam/
balasiddhiḥ saumyaphalair balibhiḥ krūrair jayo yuddhe//E16
chap.8.diggrahānulomyaḥ
ayanānukūlagamanaṃ hitam arkendvor dvayor asaṃpattau/
dyuniśaṃ jayāya yāyād viparyaye kleśabhaṅgavadhāḥ//
udito yato yataś ca bhramaṇe yadvārabheṣu cāragate/
tadri?bidhaṃ pratiśukraṃ tyājyas tatrodayo yatnāt//
na pratiśukre siddhiṃ svalpo 'py arthaḥ prayāti yātṛṇām/
kāmaṃ vrajet pratibhṛguṃ jijīviṣur nāstage śukre//
kaluṣi vapuṣi grahahate pratilome nīcage 'stage ca bhṛgau/
balasaṃpanno 'pi nṛpo yātā śatror vaśaṃ yāti//
[[lalāṭo(ṭe) 'gnibhayaṅkaro 'diti(tidi)nakṛt kośakṣayaṃ lohitaḥ
[śatrūṇāṃ vijaya(yaṃ) śaśāṅkatanayaḥ sainyopabhebhaṃ(daṃ) guruḥ/
[mṛtyuṃ bhāskaranandano narapateyo(ryo)dhakṣaya(yaṃ)viprarāṭ
[sarvāṇy ai(ṇye)va surārimantrivṛṣabhaḥ saṃpiṇḍitā bhārgavaḥ//
[nakṣatraṃ tithi(tha)yas tathaiva karaṇaṃ vāras tathā gocaraṃ
[drekā(kkā)ṇaṃ sanavāṃśa(ṅga?)(lacuna)grahadinaṃ lagnaṃ muhūrto 'pi vā/
[ye cānye śakunādayo nigaditāḥ sarve 'pi te śobhanā
[lalāṭo(ṭe?) bhṛgunanda(na)sya na tadā śakuro 'pi jīvenda(ṅga)taḥ//
[suram api vijayec chuḥpṛṣṭhatī(taḥ)kṛtya śukraḥ(karaṃ)
[samaravijayatṛṣṇo yo nṛpaḥ saṃprayāti/
[ripubalarudhiraudais tarpayitvā tu bhūmiṃ
[prathitavipulakīrtidīrghakālaṃ bhunakti//
[naur iva vikarṇadharā vi(lacuna)(dha)veda vadhūr vibhāskareva dyauḥ/
[bhūni(ri)va vipannnasasyā proṣitaśukrābhda(krābha)vati yatrā//
evaṃvidhe 'pi yāyād yadi śukre candrajo 'nukūlasthaḥ/
pratibudhayātasyānye na paritrāṇe grahāḥ śaktāḥ//
yo 'pi patir diśi yasyāṃ tasmin tatsthe na tāṃ diśaṃ yāyāt/
anukūle ca digīśe gatavyaṃ kaṇṭakopagate//E6
chap.9.(non title)
vyatipātaviṣṭivaidhṛtipāpagrahalagnavargadivaseṣu/
cauryāvaskandānṛtasaṃgrāmāsiddhim āyānti//
hutvānalaṃ namaskṛtya devatāḥ svasti vācya viprāṃś ca/
dhyāyan digīśam avilambitaṃ vrajed bhūpatiḥ sumanāḥ//
kāryavaśāt svayam agamaṃ bhūbhartuḥ kecid āhur ācāryāḥ/
chatrāyudhādyam iṣṭaṃ vaijayikaṃ nirgame kuryāt//
nākālavarṣavi(dyu)tstanite ṣṭhiṣṭa(ṣviṣṭaṃ?)kathañcid api mānam/
āsaptāhād divyāntarikṣabhaumais tathotpātaiḥ//
dakṣiṇapārśvaspandanam iṣṭaṃ hṛdayaṃ vihāya pṛṣṭhaṃ ca/
manasaś cāgamaśuddhiḥ ślokaś cāyaṃ munibhir uktaḥ//
śubhāśubhāni sarvāṇi nimittāni syur ekataḥ/
ekataś ca mano yāti tad viśuddhaṃ jayāvaham//
ārohati kṣitipatau vinayopapanno yātrānugo 'nyaturagaṃ pratiheṣitaś ca/
vaktreṇa vā spṛśati dakṣiṇam ātmapārśvaṃ yo 'śvaḥ sa bhartur acirāt pracinoti lakṣmīm//
muhurmuhur mūtraśakṛt karoti na tāḍyamāno 'py anulomayāyī/
akāryabhīto 'śruvilocanaś ca śivaṃ na bhartus turago 'bhidhatte//
skhalitagatir akasmāt trastakarṇo 'tidīnaḥ śvasati mṛdu sudīrghaṃ nyastahastaḥ pṛthivyām/
drutamukulitadṛṣṭiḥ svapnaśīlo vikomo bhayakṛd ahitabhakṣī naikaśo 'sṛkśakṛtkṛt//
valmīkasthāṇugulmatṛṇatarumathanaḥ svecchayā hṛṣṭadṛṣṭir
yāyād yātrānulomaṃ tvaritapadagatir vaktram unnamya coccaiḥ/
kakṣāsannāhakāle janayati sumahacchīkaraṃ vṛhaṃte vā
tatkālaṃ vā madāptau jayakṛd atha radaṃ veṣṭayan dakṣiṇaṃ ca//
siddhārthakādarśapayoñjanāni baddhaikapaśvāmiṣapūrṇakumbhāḥ/
uṣṇīṣabhṛṅgāranṛvarddhamānapuṃyānavīṇātapavāraṇāni//
dadhimadhughṛtarocanākumāryo dhvajakanakāmbujabhadrapīṭhaśaṅkhāḥ/
sitavṛṣakusumāmbarāṇi mīnā dvijagaṇikāptajanāś ca cāruveṣāḥ//
jvalitaśikhiphalākṣatekṣubhakṣā dviradamṛdaṅkuśacāmarāyudhāni/
marakatakuravindapadmarāgasphaṭikamaṇipramukhāś ca ratnabhedāḥ//
svayam atha racitāny ayatnato vā yadi kathitāni bhavanti maṅgalāni/
sa jayati sakalāṃ tato dharitrīṃ grahaṇadṛgālabhanaśrutair upāsya//
karpāsauṣadhakṛṣṇadhānyalavaṇaklīvāsthitailaṃ vasā
paṅkāṅgāraguḍāhicarmaśakṛtaḥ kleśāya savyādhitāḥ/
mattonmattajaḍīkṛtāndhavadhirakṣutkṣāmatakrārayo
muṇḍābhyaktavimuktakeśapatitāḥ kāṣāyinaś cāśubhāḥ//
paṭupaṭahamṛdaṅgaśaṅkhabherīpaṇavaravaṃ sapatākatoraṇāgram/
pracurakusumatoyaśāntareṇuṃ surabhisuveṣajanaṃ bhajec ca mārgam//
yāny atra maṅgalāmaṅgalāni nirgacchatāṃ pradiṣṭāni/
svapneṣv api tāni śubhāśubhāni viḍlepanaṃ dhanyam//
mṛdur anukūlaḥ snigdhapavanaḥ tadvad vīnā(ṇā)ś ca śasyante/
lalāṭaṃ dhanur athendraṃ(nuraindraṃ)na śubhadam anyatra śastaṃ(sta)phalam//
punnāmāna(naḥ)chuchu(cchu)gṛhagodhikapiṃgalā(lāḥ) śivā śyāmā/
kokilaśūkarikā(ka)ralā(lāḥ)prasthāne vāmataḥ śastāḥ//
strīsaṃjñā bhāsabhaṣaka(ka)piñjalāplavakambukiṃtsakā(?)/
śikhiśrīkaṣṭhapayīka(pippīka)ruruśyenāś ca dakṣiṇāṅga(lacuna)//
bhāradvājamayū(ra)cāpanakulāvalokanaṃ dhanyaḥ(nyam)/
godhāhirapa(?)jāhakasaraṭā(ṭa)śaśānām aniṣṭaphalam//
kīrtanam iṣṭaṃ cāṣakaśaśagodhāhisūkara(godhāsūkarāhi)jātīnām/
rutadarśanaṃ tv adhanyaṃ viparītaṃ vānararkṣānāṃ(ṇām)//
mṛgavihagā śasyante pradakṣiṇaṃ viṣamasaṃkhyayā ca mṛgāḥ/
nṛpadarśane gamaṇa(na)vat tadviparītā praveśe tu//
ākṣepaśīlaḥ pu(pa)ruṣāvi(bhi)dhāyī viraktabhṛtyaḥ paradāragāmī/
lubdho 'sahāyo vyasanī kṛtaghnaḥ sthitiprabhettā karaśīrṇarāṣṭraḥ//
visrambhahā krodhavaśe(śo) nṛśaṃse(saḥ) kṣudrā(draḥ) pramādī na bahuśrutā(ta)ś ca/
divyāntarikṣakṣitijau(jai)r vikārair nipīḍito (yaś ca) sa daivahīnaḥ//
ato viparyastaguṇena rājñā tādṛgvidho 'ris tv abhiyuktamātraḥ/
tarur ghuṇair jagdha ivāttakāryo mahān api kṣipram upaiti bhaṅgāḥ(ṅgam)//
tadviṣṭapravaranarapratāpahīnā nī(niḥ)śauryā varavāraṇāśvayodhamukhāḥ(khyāḥ)/
sotpātaprakṛtiviparyā(rya)yāna(nu)yātā śokārttā ripubalam āśuryā(yā)ti senāḥ(nā)//
saṃgrāme va(ya)m amara(dvija)prasādā(t) jyeṣyāmo ripubalam āśv asaṃśayena/
yasye(syai)vaṃ bhavati bale janapravādāḥ(daḥ) svalpo 'pi pravarabalaṃ nihanti rājā//
puraṃ ripor bhūmipatini(rni)hanyāc chatror aniṣṭagrahadiṭi(ṅni)viṣṭiḥ(ṣṭaḥ)/
yuddhasya yātrāsama eva kālaḥ kū(krū)reṣu lagneṣu ca kūṭāyudhaḥ(kūṭayuddhaṃ)//
antarmukhāḥ paurabhayaṃ vihaṅgāḥ pra(prā)kārasaṃsthā vinivedayanti/
āgantunāśāya bahirmukhās te tulyaṃ vihaṅgaiḥ saramātmajau(jā)ś ca//
ketūlkārkajarāhukīlakakujā bimbapraviṣṭā yataḥ
sūryendvoḥ pariveṣakhaṇḍam athavā dṛśyeta yasyāṃ diśi/
kroṣṭuśvātti(hi)pipīlikāśaśamṛgadhākṣa(dhvāṅkṣā)dayo vā pure
sainye vāpi yato viśanti hi tataḥ śatro(troḥ) puraṃ ghātayet//
pātālarkṣe rāhuketvo(tvoḥ) pure 'reto(s to)yocchittiḥ sālapātaś ca kāryaḥ/
jāmitrasthe bhūmijā(je ')syāṃśake vā putreṇendor vīkṣite 'gniḥ pradeyaḥ//
paraviṣayapurāptau sādhudevadvijasvāṃ(jasvaṃ)
kulajanavanitāṃ(tā)ś ca kṣmādhipo noparundhyāt/
vigajatura(ga)śastrānā(nn ā)rtabhītāṃ(tā)ś ca hanyāc
chubhatithidivasarkṣe hṛṣṭasainye(nyo) viśet tu//
digdāhakṣatajarajo 'śmavṛṣṭipātaiḥ nirghātakṣiticalanādivaikṛtaiś ca/(
yuddhānte mṛgaśakunaiś ca dīptanādaiḥ no bhadraṃ bhavati jite pari('pi) pārthivasya//
śubhā mṛgapatatriṇo mṛdusamīraṇo da(drop da)hlādakṛta(t)
grahāḥ sthūṭā(sphuṭa)marīcayo dvi(vi)gatareṇudinda(lacuna)laḥ(diṅmaṇḍalaṃ)/
yad anyam a(da)pi vikṛtai(taṃ) na vijayāvasāne bhavet
tadā sukham akaṇṭakaṃ nṛpatir atti deśe ripuḥ(ripoḥ)//E35
End of Tikanikayatra