parameśaṃ namaskṛtya
bharadvājamṛṣiṃ tataḥ
harādindrakramāyātaṃ
jñānaṃ śṛṇuta suvratāḥ
//
nārāyaṇāśrame puṇye
bharadvājādayo dvijāḥ
tepuḥ śivaṃ pratiṣṭhāpya
tadekāhitamānasāḥ
//
atha tānbhāvitānmatvā
kadācittridaśādhipaḥ
tadāśramapadaṃ bheje
svayaṃ tāpasaveṣabhṛt
//
sa taiḥ saṃpūjitaḥ pṛṣṭvā
tāṃśca sarvānanāmayam
provāca codanādharmaḥ
kimarthaṃ nānuvartyate
//
ta ūcurnanvayaṃ dharmaś
codanāvihito mune
devatārādhanopāyas
tapasābhīṣṭasiddhaye
//
vede 'sti saṃhitā raudrī
vācyā rudraśca devatā
sānnidhyakaraṇe 'pyasmin
vihitaḥ kālpiko vidhiḥ
//
ityukte 'pi paraṃ bhāvaṃ
jijñāsuḥ prahasanprabhuḥ
tānāha mithyā jñānaṃ vaḥ
śabdamātraṃ hi devatā
//
śabdetaratve yugapad
bhinnadeśeṣu yaṣṭṛṣu
na sā prayāti sāṃnidhyaṃ
mūrtatvadasmadādivat
//
na ca tatsādhakaṃ kiṃcit
pramāṇaṃ bhātyabādhitam
vākyaṃ tadanyathāsiddhaṃ
lokavādāḥ kva sādhavaḥ
//
ityanīśavacovāri
velānunno 'bdhineva saḥ
śakreṇa na cacālaiṣāṃ
dhīśailaḥ sāragauravāt
//
na jātu devatāmūrtir
asmadādiśarīravat
viśiṣṭaiśvaryasampannā
sāto naitannidarśanam
//
athāstvevaṃ ghaṭe nyāyaḥ
śabdatvādindraśabdavat
nādatte ghaṭaśabdo 'mbhaś
candraśabdo na rājate
//
athānyaviṣayaṃ vākyam
astu śakrādivācakam
karmarūpādiśabdānāṃ
sārthakatvaṃ katham bhavet
//
pravādo 'pyakhilo mithyā
samūlatvānna yuktimat
na cedamūlaṃ bhūtānāṃ
hatāḥ sarvāḥ pravṛttayaḥ
//
upamanyurharaṃ dṛṣṭvā
vimanyurabhavanmuniḥ
kathaṃ tasya vaco mithyā
yasya vaśyaḥ payonidhiḥ
//
kroḍīkṛto 'hipāśena
viṣajvālāvalīmucā
huṅkṛtya mocitaḥ patyā
dṛṣṭaḥ śveto dhanairjanaiḥ
//
iti vādānuṣaṅgeṇa
haraśaṃsāpraharṣitān
sāśrugadgadavācastān
vīkṣya prīto 'bhavaddhariḥ
//
svaṃ rūpaṃ darśayāmāsa
vajrī devaḥ śatakratuḥ
taruṇādityasaṃkāśaṃ
stūyamānaṃ marudgaṇaiḥ
//
te tamṛgbhiryajurbhiśca
sāmabhiścāstuvannatāḥ
so 'bravīducyatāṃ kāmo
jagatsu pravaro 'pi yaḥ
//
te vavrire śivajñānaṃ
śrūyatāmiti so 'bravīt
kiṃtveko 'stu mama praṣṭā
nikhilaśrotṛsammataḥ
//
atha teṣāṃ bharadvājo
bhagavānagraṇīrabhūt
vāgmī pragalbhaḥ papraccha
nyāyataḥ surapūjitam
//
kathaṃ maheśvarādetad
āgataṃ jñānamuttamam
kiṃ ca cetasi saṃsthāpya
nirmame bhagavānidam
//
sṛṣṭikāle maheśānaḥ
puruṣārthaprasiddhaye
vidhatte vimalaṃ jñānaṃ
pañcasroto 'bhilakṣitam
//
tadvartivācakavrāta
vācyānaṣṭau maheśvarān
saptakoṭiprasaṃkhyātān
mantrāṃśca parame 'dhvani
//
aṣṭādaśādhikaṃ cānyac
chrutaṃ māyādhikāriṇām
mantreśvarāṇāmūrdhvādhva
sthiteśopamatejasām
//
teṣu vyaktaḥ sa bhagavān
idaṃ yogyeṣu siddhaye
prakāśayatyato 'nyeṣu
yo 'rthaḥ samupapadyate
//
śivodgīrṇamidaṃ jñānaṃ
mantramantreśvareśvaraiḥ
kāmadatvātkāmiketi
pragītaṃ bahuvistaram
//
tebhyo 'vagatya dṛgjyotir
jvālālīḍhasmaradrumaḥ
dadāvumāpatirmahyaṃ
sahasrairbhavasaṃmitaiḥ
//
tatrāpi vistaraṃ hitvā
sūtraiḥ sārārthavācakaiḥ
vakṣye nirākulaṃ jñānaṃ
taduktaireva bhūyasā
//
athānādimalāpetaḥ
sarvakṛtsarvavicchivaḥ
pūrvavyatyāsitasyāṇoḥ
pāśajālamapohati
//
tripadārthaṃ catuṣpādaṃ
mahātantraṃ jagatpatiḥ
sūtreṇaikena saṃhṛtya
prāha vistaraśaḥ punaḥ
//
jagajjanmasthitidhvaṃsa
tirobhāvavimuktayaḥ
kṛtyaṃ sakārakaphalaṃ
jñeyamasyaitadeva hi
//
tena svabhāvasiddhena
bhavitavyaṃ jagatkṛtā
arvāksiddhe 'navasthā syān
mokṣo nirhetuko 'pi vā
//
caitanyaṃ dṛkkriyārūpaṃ
tadastyātmani sarvadā
sarvataśca yato muktau
śrūyate sarvatomukham
//
sadapyabhāsamānatvāt
tanniruddhaṃ pratīyate
vaśyo 'nāvṛtavīryasya
so 'ta evāvimokṣaṇāt
//
prāvṛtīśabale karma
māyākāryaṃ caturvidham
pāśajālaṃ samāsena
dharmā nāmnaiva kīrtitāḥ
//
iti vastutrayasyāsya
prākpādakṛtasaṃsthiteḥ
caryāyogakriyāpādair
viniyogo 'bhidhāsyate
//
viniyogaphalaṃ muktir
bhuktirapyanuṣaṅgataḥ
parāparavibhāgena
bhidyete te tvanekadhā
//
vedānasāṃkhyasadasat
pādārthikamatādiṣu
sasādhanā muktirasti
ko viśeṣaḥ śivāgame
//
praṇetrasarvadarśitvān
na sphuṭo vastusaṃgrahaḥ
upāyāḥ saphalāstadvac
chaive sarvamidaṃ param
//
vedānteṣveka evātmā
cidacidvyaktilakṣitaḥ
pratijñāmātramevedaṃ
niścayaḥ kiṃnibandhanaḥ
//
atha pramāṇaṃ tatrātmā
prameyatvaṃ prapadyate
yatraitadubhayaṃ tatra
catuṣṭayamapi sthitam
//
advaitahānirevaṃ syān
niṣpramāṇakatānyathā
bhogasāmyāvimokṣau ca
yau neṣṭāvātmavādibhiḥ
//
sāṃkhyajñāne 'pi mithyātvaṃ
kārye kāraṇabuddhitaḥ
akartṛbhāvādbhoktuśca
svātantryādapyacittvataḥ
//
iha sapta padārthāḥ syur
jīvājīvāstravāstrayaḥ
saṃvaro nirjaraścaiva
bandhamokṣāvubhāvapi
//
syādvādalāñchitāścaite
sarve 'naikāntikatvataḥ
tadeva sattadevāsad
iti kena pramīyate
//
sadanyadasadanyacca
tadevaṃ siddhasādhyatā
asajjaghanyaṃ sacchreṣṭham
ityapi bruvate budhāḥ
//
naikatra tadapekṣātaḥ
sthitamevobhayaṃ tataḥ
atha cetsadasadbhāvaḥ
sadāyuktataro mataḥ
//
tatkarmasaṃkarabhayād
avyāpitvaṃ ca te jaguḥ
sāmānyetarasambandha
jñānābhāvādacetasaḥ
//
yaḥ prāgavyāpakaḥ so 'nte
kathamanyādṛśo bhavet
sa vikāsādidharmā cet
tato doṣaparamparā
//
ṣaṭpadārthaparijñānān
mithyājñānaṃ nivartate
rāgadveṣau mamatvaṃ ca
tadviśeṣaguṇāstataḥ
//
kramaśo vinivartante
dehasaṃyogajā yataḥ
sā muktirjaḍatārūpā
tato muktaḥ śavo na kim
//
cidvyañjakasya karmādeḥ
kṣaṇikatvānmuhurmuhuḥ
vyajyate jāyamānaiva
kṣaṇiketi matā paraiḥ
//
tadasatkarmaṇo bhogād
atītānubhavasmṛteḥ
sthitirniranvaye nāśe
na smṛternāpi karmaṇaḥ
//
vināśalakṣaṇo 'paiti
na muktāvapyupaplavaḥ
na cāstyanubhavaḥ kaścid
bhavāvasthā varaṃ tataḥ
//
ityādyajñānamūḍhāṇāṃ
matamāśrityadurdhiyaḥ
apavargamabhīpsanti
khadyotātpāvakārthinaḥ
//
yatkaivalyaṃ puṃsprakṛtyor vivekād
yo vā sarvaṃ brahma matvā virāmaḥ
yā vā kāścinmuktayaḥ pāśajanyās
tāstāḥ sarvā bhedamāyānti sṛṣṭau
//
śaive siddho bhāti mūrdhnītareṣāṃ
muktaḥ sṛṣṭau punarabhyeti nādhaḥ
viśvānarthānsvena viṣṭabhya dhāmnā
sarveśānānīśitaḥ sarvadāste
//
athopalabhya dehādi
vastu kāryatvadharmakam
kartāramasya jānīmo
viśiṣṭamanumānataḥ
//
vaiśiṣṭyaṃ kāryavaiśiṣṭyād
dṛṣṭaṃ lokasthitāvapi
This last half-line appears as part of the commentary (Ked p.104, lines 4--5)
but it probably belongs to the text and is quoted as part of it
in Trilocana's Siddhāntārthasamuccaya (IFP MS T.206, p.62 and T.284, p.133).
yadyathā yādṛśaṃ yāvat
kāryaṃ tatkāraṇaṃ tathā
nityaṃ kālānavacchedād
dvaitatyānna pradeśagam
//
kramākramasamutpatteḥ
kramādyutpattiśaktimat
tasyāsti karaṇaṃ yena
dṛṣṭā nākaraṇā kṛtiḥ
//
anāgāmi ca tajjñeyaṃ
kāryasyānādisaṃsthiteḥ
karaṇaṃ ca na śaktyanyac
chaktirnācetanā citaḥ
//
viṣayāniyamādekaṃ
bodhe kṛtye ca tattathā
kāryaṃ na sthitijanmādi
bījasya prakṛteraṇoḥ
//
pāriśeṣyānmaheśasya
muktasya śiva eva saḥ
sambandhāgrahaṇe bādhā
mānasyābhyeti kasyacit
//
sā parasyāpi dhūmo 'nyo
girau māhānasādyataḥ
loke vapuṣmato dṛṣṭaṃ
kṛtyaṃ so 'pyasmadādivat
//
mūlādyasambhavācchāktaṃ
vapurno tādṛśaṃ prabhoḥ
tadvapuḥ pañcabhirmantraiḥ
pañcakṛtyopayogibhiḥ
//
īśatatpuruṣāghora
vāmājairmastakādikam
īṣṭe yena jagatsarvaṃ
guṇenoparivartinā
//
sa mūrdhasamadeśatvān
mūrdhā nāvayavastanoḥ
tasya tasya tanuryā pūs
tasyāmuṣati yena saḥ
//
tattrāṇādvyañjanāccāpi
sa tatpuruṣavaktrakaḥ
hṛdayaṃ bodhaparyāyaḥ
so 'syāghoraḥ śivo yataḥ
//
parigrahasya ghoratvād
ghoroktirupacārataḥ
vāmastrivargavāmatvād
rahasyaśca svabhāvataḥ
vāmaṃ dhāma paraṃ guhyaṃ
yasyāsau vāmaguhyakaḥ
//
sadyo 'ṇūnāṃ mūrtayaḥ sambhavanti
yasyecchātastena sadyo 'bhidhānaḥ
sadyo mūrtīryogināṃ vā vidhatte
sadyomūrtiḥ kṛtyaśaighryānna mūrteḥ
//
itthaṃ śaktiḥ kurvatī dehakṛtyaṃ
dehābhāvāducyate dehaśabdaiḥ
tasyā bhedā ye 'pi vāmādayaḥ syus
te 'pi proktāḥ kṛtyabhedena sadbhiḥ
//
sa itthaṃvigraho 'nena
karaṇenāhataujasā
karoti sarvadā kṛtyaṃ
yadā yadupapadyate
//
tatrādau kevalāṇūnāṃ
yogyānāṃ kurute 'ṣṭakam
vāmādiśaktibhiryuktaṃ
saptakoṭiparicchadam
//
teṣāmanantaḥ sūkṣmaśca
tathā caiva śivottamaḥ
ekanetraikarudrau ca
trimūrtiścāmitadyutiḥ
//
śrīkaṇṭhaśca śikhaṇḍī ca
rājarājeśvareśvarāḥ
īṣadaprāptayogatvān
niyojyāḥ parameṣṭhinaḥ
//
sarvajñatvādiyoge 'pi
niyojyatvaṃ malāṃśataḥ
parasparaṃ viśiṣyante
mantrāścaivamadhaḥ sthitāḥ
//
te ca mantreśvaravyakta
śivaśaktipracoditāḥ
kurvantyanugrahaṃ puṃsāṃ
yadā yeṣāṃ sa yujyate
//
prayoktṛdehasāpekṣaṃ
tadardhamakhile 'dhvani
kṛtvādhikāraṃ sthityante
śivaṃ viśati seśvaram
//
vinādhikaraṇenānyat
pradhānavikṛteradhaḥ
kṛtvādhikāramīśeṣṭam
apaiti svādhvasaṃhṛtau
//
tato 'nantādyabhivyaktaḥ
patīnāṃ granthitattvataḥ
kalādyārabdhadehānāṃ
karotyaṣṭādaśaṃ śatam
//
tānapyāviśya bhagavān
sāñjanān bhuvanādhipān
yebhyaḥ sarvamidaṃ yeṣāṃ
śaktiḥ karmanibandhanā
//
praṇetṝṇ paśuśāstrāṇāṃ
paśūṃstadanuvartakān
svasādhyakārakopetān
kāladhāmāvadhisthitān
//
sthitau sakārakānetān
samākramya svatejasā
yunakti svārthasiddhyarthaṃ
bhūtairanabhilakṣitaḥ
//
bhogasādhanamākṣipya
kṛtvā kāraṇasaṃśrayam
tacca sātmakamākramya
viśramāyāvatiṣṭhate
//
bhavināṃ bhavakhinnānāṃ
sarvabhūtahito yataḥ
svāpāvasānamāsādya
punaḥ prāgvatpravartate
//
svāpe 'pyāste bodhayanbodhayogyān
rodhyānrundhanpācayan karmikarma
māyāśaktīrvyaktiyogyāḥ prakurvan
paśyansarvaṃ yadyathā vastujātam
//
tamaḥśaktyadhikārasya
nivṛttestatparicyutau
vyanakti dṛkkriyānantyaṃ
jagadbandhuraṇoḥ śivaḥ
//
yānvimocayati svāpe
śivāḥ sadyo bhavanti te
saṃhṛtau vā samudbhūtāv
aṇavaḥ patayo 'thavā
//
rudramantrapatīśāna
padabhājo bhavanti te
sthitau yānanugṛhṇāti
gurumāsthāya cidvataḥ
//
yeṣāṃ śarīriṇāṃ śaktiḥ
patatyapi nivṛttaye
teṣāṃ talliṅgamautsukyaṃ
muktau dveṣo bhavasthitau
//
bhaktiśca śivabhakteṣu
śraddhā tacchāsake vidhau
anenānumitiḥ śiṣṭa
hetoḥ sthūladhiyāmapi
//
paśudṛgyogasiddhānāṃ
karmavyaktidvayaṃ samam
jyeṣṭhādiphalayogyānāṃ
sādhikārāsu muktiṣu
//
upāyādaravaiśiṣṭyān
mṛgyate tattrayaṃ punaḥ
dvayorvyaktikaraḥ kaścic
cyutisiddhivilakṣitaḥ
//
īṣadardhanivṛtte tu
rodhakatve tamaḥpateḥ
bhavantyetāni liṅgāni
kiṃcicchiṣṭe ca dehinām
//
yogyatātrayamapyetat
samatītya maheśvaraḥ
svāpe 'numanugṛhṇāti
sādhikāramidaṃ yataḥ
//
sargamūle tṛtīyāyāṃ
svāpavadbhūtasaṃhṛtau
sa yadvyapāsya kriyate
tadvidho yo 'ṇurucyate
//
tathā bījaṃ śarīrādeḥ
pācayatyāniveśanāt
na yogyatāṅgamabhajat
sadyaḥ syādauṣadhādivat
//
pākārhamapi tatpaktuṃ
neśatyātmānamātmanā
dharmasāmānya evāyaṃ
sarvasya pariṇāminaḥ
//
sarvajñaḥ sarvakartṛtvāt
sādhanāṅgaphalaiḥ saha
yo yajjānāti kurute
sa tadeveti susthitam
//
taccāsyāvṛtiśūnyatvān
na vyañjakamapekṣate
tanna sāṃśayikaṃ tasmād
viparītaṃ na jātucit
//
yāni vyañjakamīkṣante
vṛtatvānmalaśaktibhiḥ
vyañjakasyānurodhena
tāni syurvyāhatānyapi
//
nādhyakṣaṃ nāpi tallaiṅgaṃ
na śābdamapi śāṅkaram
jñānamābhāti vimalaṃ
sarvadā sarvavastuṣu
//
tadekaṃ viṣayānantyād
bhedānantyaṃ prapadyate
kartṛtvaṃ tadabhinnatvāt
tadvadevopacārataḥ
//
sattasvarūpakaraṇārthavidheyadṛgbhir
leśoditābhiriti ye vidurīśatattvam
te mocayanti bhavino bhavapaṅkamagnān
no vistareṇa puruṣāḥ paśupāśarūpam
//
atha viśvanimittasya
prāptaṃ lakṣaṇamātmanaḥ
tadīśoktau gataprāyaṃ
tathāpyuddeśa ucyate
//
kāryaṃ kṣityādi karteśas
tatkarturnopayujyate
na svārthamapyacidbhāvān
nānarthyaṃ kartṛgauravāt
//
pāriśeṣyātparārthaṃ tat
kṣetrajñaḥ sa parastayoḥ
paro dehastadarthatvāt
parārthāḥ kṣmādayo nanu
//
kāyo 'pyacittvādānyārthyaṃ
sutarāṃ pratipadyate
cetanaścenna bhogyatvād
vikāritvācca jātucit
//
bhogyā vikāriṇo dṛṣṭāś
cidvihīnāḥ paṭādayaḥ
yasminsati ca sattvādvā
na satyapi śave citiḥ
//
pariṇāmasay vaiśiṣṭyād
asti cet na smṛtistadā
nāpyevaṃ supratītatvāt
smartā kāyetaro 'styataḥ
//
nāvyāpako na kṣaṇiko
naiko nāpi jaḍātmakaḥ
nākartā bhinnacidyogī
pāśānte śivatāśruteḥ
//
athāvidyādayaḥ pāśāḥ
kathyante leśato 'dhunā
yeṣāmapāye patayo
bhavanti jagato 'ṇavaḥ
//
pāśābhāve pāratantryaṃ
vaktavyaṃ kinnibandhanam
svābhāvikaṃ cenmukteṣu
muktaśabdo nivartate
//
bandhaśūnyasya vaśitā
dṛṣṭā baddhasya vaśyatā
etāvatī te baddhatva
muktatve baddhamuktayoḥ
//
tatpāratantryaṃ baddhatvaṃ
tasminnitye cidādivat
muktisādhanasaṃdoho
vyartho 'lamanayā dhiyā
//
nityavyāpakacicchakti
nidhirapyarthasiddhaye
pāśavaṃ śāmbhavaṃ vāpi
nānviṣyatyanyathā balam
//
tadāvaraṇamasyāṇoḥ
pañcasrotasi śāṅkare
paryāyairbahubhirgītam
adṛṣṭaṃ paśubhiḥ sadā
//
paśutvapaśunīhāra
mṛtyumūrcchāmalāñjanaiḥ
avidyāvṛtirugglāni
pāpamūlakṣapādibhiḥ
//
tadekaṃ sarvabhūtānām
anādi nibiḍaṃ mahat
pratyātmasthasvakālāntā
pāyiśaktisamūhavat
//
tadanādisthamarvāgvā
taddhetustadato 'nyathā
ruṇaddhi muktānevaṃ cen
mokṣe yatnastato mṛṣā
//
tadekaṃ bahusaṃkhyaṃ tu
tādṛgutpattimadyataḥ
kintu tacchaktayo 'nekā
yugapanmuktyadarśanāt
//
tāsāṃ māheśvarī śaktiḥ
sarvānugrāhikā śivā
dharmānuvartanādeva
pāśa ityupacaryate
//
pariṇāmayatyetāśca
rodhāntaṃ kārkacittviṣā
yadonmīlanamādhatte
tadānugrāhikocyate
//
śambhościdādyanugrāhyaṃ
tadvirodhitayā mithaḥ
yugapanna kṣamaṃ śaktiḥ
sarvānugrāhikā katham
//
kathaṃ bhūtopakārārthaṃ
pravṛttasya jagatprabhoḥ
apakārakamāviśya
yujyate tunnatodanam
//
na todanāya kurute
malasyāṇoranugraham
kintu yatkriyate kiñcit
tadupāyena nānyathā
//
na sādhikāre tamasi
muktirbhavati kasyacit
adhikāro 'pi tacchakteḥ
pariṇāmānnivartate
//
so 'pi na svata eva syād
api yogyasya vastunaḥ
sarvathā sarvadā yasmāc
citprayojyamacetanam
//
yathā kṣārādinā vaidyas
tudannapi na rogiṇam
koṭāviṣṭārthadāyitvād
duḥkhahetuḥ pratīyate
//
sarvagatvānmaheśasya
nādhiṣṭhānaṃ vihanyate
na ca yatrāsti kartavyaṃ
tasminnaudāsyameti saḥ
//
dharmiṇo 'nugraho nāma
yattaddharmānuvartanam
na so 'sti kasyacijjātu
yaḥ patyā nānuvartate
//
gatādhikāranīhāra
vīryasya sata edhate
paśoranugraho 'nyasya
tādarthyādasti karmaṇaḥ
//
boddhṛtvapariṇāmitva
dharmayoranuvartanam
malasya sādhikārasya
nivṛttestatparicyutau
//
ityevaṃ yaugapadyena
kramātsughata eva hi
māyāyāḥ sādhikārāyāḥ
karmaṇaścokta eva saḥ
//
athendriyaśarīrārthaiś
cidyogasyānumīyate
nimittamāgāmibhāvād
yato nāgāmyahetumat
//
tasya pradeśavartitvād
vaicitryātkṣaṇikatvataḥ
pratipuṃniyatatvācca
santatatvācca tadguṇam
//
īśāvidyādyapekṣitvāt
sahakāri taducyate
karma vyāpārajanyatvād
adṛṣṭaṃ sūkṣmabhāvataḥ
//
janakaṃ dhārakaṃ bhogyam
adhyātmāditrisādhanam
tatsatyānṛtayonitvād
dharmādharmasvarūpakam
//
svāpe vipākamabhyeti
tatsṛṣṭāvupayujyate
māyāyāṃ vartate cānte
nābhuktaṃ layameti ca
//
iti māyādikālānta
pravartakamanādimat
karma vyañjakamapyetad
rodhi sadyanna muktaye
//
atha sarvajñavākyena
pratipannasya lakṣaṇam
kathyate granthipāśasya
kiñcidyuktyāpi leśataḥ
//
tadekamaśivaṃ bījaṃ
jagataścitraśaktimat
sahakāryadhikārānta
saṃrodhi vyāpyanaśvaram
//
kartānumīyate yena
jagaddharmeṇa hetunā
tenopādānamapyasti
na paṭastantubhirvinā
//
tadacetanameva syāt
kāryasyācittvadarśanāt
prāptaḥ sarvaharo doṣaḥ
kāraṇāniyamo 'nyathā
//
yadyanityamidaṃ kāryaṃ
kasmādutpadyate punaḥ
avyāpi cetkutastatsyāt
sarveṣāṃ sarvatomukham
//
yadanekamacittattu
dṛṣṭamutpattidharmakam
na tadutpattimattasmād
ekamabhyupagamyatām
//
paṭastantugaṇāddṛṣṭaḥ
sarvamekamanekataḥ
tadapyanekamekasmād
eva bījātprajāyate
//
yeṣāṃ ciddharmakāddhetor
acidapyupajāyate
teṣāṃ dhūmena liṅgena
jalaṃ kiṃ nānumīyate
//
bhūtāvadhi jagadyeṣāṃ
kāraṇaṃ paramāṇavaḥ
teṣāṃ pūrvoditāddhetor
jñātaiva jñānasūkṣmatā
//
śarīrādeḥ śarīrādi
yadi tannikhilātyaye
kā vārtā nākhiladhvaṃso
na sarvajño mṛṣā vadet
//
ekadeśe 'pi yo dharmaḥ
pratīto yasya dharmiṇaḥ
sa tasya sarvataḥ kena
jāyamāno nivāryate
//
koṭiśo maraṇaṃ dṛṣṭvā
saṃhatānāṃ śarīriṇām
so 'pi pratīyate kālo
yatrāśeṣajanakṣayaḥ
//
tadādhārāṇi kāryāṇi
śaktirūpāṇi saṃhṛtau
vivṛtau vyaktirūpāṇi
vyāpriyante 'rthasiddhaye
//
tantvādikārakādānaṃ
paṭāsattve paṭārthinaḥ
sattve kārakaśabdo 'pi
vyapaitīti hataṃ jagat
//
sāphalyamasadutpattāv
astu kārakavastunaḥ
utpādayatu sarvasmāt
sarvaḥ sarvamabhīpsitam
//
athāśakyaṃ yataḥ śakyam
atra vaḥ kiṃ niyāmakam
na ca paśyāmi tatkiṃcit
śaktiścetsiddhasādhyatā
//
anyathā kārakavrāta
pravṛttyanupapattitaḥ
śrutirādānamarthaśca
vyapaitītyapi taddhatam
//
athāstyutpādikā śaktir
na kāryaṃ śaktirūpakam
tayorviśeṣaṇaṃ vācyaṃ
naitatpaśyāmi kiñcana
//
tasmānniyāmikā janya
śaktiḥ kāra[ṇa]vastunaḥ
sānvayavyatirekābhyāṃ
rūḍhito vāvasīyate
//
tadvyatkirjananaṃ nāma
tatkārakasamāśrayāt
tena tantugatākāraṃ
paṭākārāvarodhakam
//
vemādināpanīyātha
paṭavyaktiḥ prakāśyate
yathā kaṭādigūḍhasya
paṭādestadvyudāsataḥ
nāsataḥ kriyate vyaktiḥ
kalādergranthitastathā
//
granthijanyaṃ kalākāla
vidyārāganṛmātaraḥ
guṇadhīgarvacittākṣa
mātrābhūtānyanukramāt
//
vidhatte dehasiddhyarthaṃ
yatsākṣādyatpadāntarāt
yathā yunakti yaddhetos
tādṛktadadhunocyate
//
kartṛśaktiraṇornityā
vibhvī ceśvaraśaktivat
tamaścchannatayārtheṣu
nābhāti niranugrahā
//
tadanugrāhakaṃ tattvaṃ
kalākhyaṃ taijasaṃ haraḥ
māyāṃ vikṣobhya kurute
pravṛttyaṅgaṃ paraṃ hi tat
//
tena pradīpakalpena
tadāsvacchaciteraṇoḥ
prakāśayatyekadeśaṃ
vidārya timiraṃ ghanam
//
kala ityeṣa yo dhātuḥ
saṃkhyāne preraṇe ca saḥ
protsāraṇaṃ preraṇaṃ sā
kurvatī tamasaḥ kalā
//
ityetadubhayaṃ vipra
saṃbhūyānanyavatsthitam
bhogakriyāvidhau jantor
nijaguḥ kartṛkārakam
//
evaṃ vyaktakriyāśaktir
didṛkṣurgocaraṃ dṛśaḥ
bhajatyanugrahāpekṣaṃ
svayaṃ draṣṭumaśaknuvat
//
tadarthaṃ kṣobhayitveśaḥ
kalāmeva janikṣamām
tattvaṃ vidyākhyamasṛjat
karaṇaṃ paramātmanaḥ
//
tena prakāśarūpeṇa
jñānaśaktiprarocinā
sarvakārakaniṣpādyam
avaiti viṣayaṃ param
//
tadabhivyaktacicchakti
dṛṣṭārtho 'pyapipāsitaḥ
naiti taṃ janakaṃ rāgaṃ
tasmādevāsṛjatprabhuḥ
//
sa tena rañjito bhogyaṃ
malīmasamapi spṛhan
ādatte na ca bhuñjāno
virāgamadhigacchati
//
iti pravṛttaḥ karaṇaiḥ
kāryarūḍhaiḥ sabhauvanaiḥ
bhogabhūmiṣu nā bhuṅkte
bhogānkālānuvartinaḥ
//
tuṭyādipratyayasyārthaḥ
kālo māyāsamudbhavaḥ
kalayannā samutthānān
niyatyā niyataṃ paśum
//
sasādhanasya bhogasya
karmatantratayā jaguḥ
kecinniyāmakaṃ karma
yadanyadatiricyate
//
bhogo 'rthaḥ sarvatattvānāṃ
so 'pi karmanibandhanaḥ
karmaivāstu śarīrādi
tataḥ sarvamapārthakam
//
atha dehādisāpekṣaṃ
tatpumarthaprasādhakam
tato niyatisāpekṣam
astu karma niyāmakam
//
puṃstattvaṃ tata evābhūt
puṃspratyayanibandhanam
āpūrakaṃ pradhānāder
bhauvanerudrasaṃśrayam
//
tataḥ prādhānikaṃ tattvaṃ
kalātattvādajījanat
saptagranthinidānasya
yattadgauṇasya kāraṇam
//
tato buddhyādyupādānaṃ
gauṇaṃ sattvaṃ rajastamaḥ
tadvṛttayaḥ prakāśādyāḥ
prasiddhā eva bhūyasā
//
trayo guṇāstathāpyekaṃ
tattvaṃ tadaviyogataḥ
ekaikaśrutireteṣāṃ
vṛttyādhikyanibandhanā
//
na tadasti jagatyasmin
vastu kiñcidacetanam
yanna vyāptaṃ guṇairyasminn
eko vāmiśrako guṇaḥ
//
buddhitattvaṃ tato nānā
bhāvapratyayalakṣaṇam
paraṃ tadātmano bhogyaṃ
vakṣyamāṇārthasaṃskṛtam
//
bhāvā buddhiguṇā dharma
jñānavairāgyabhūtayaḥ
sāttvikā vyatyayenaite
rāgamutsṛjya tāmasāḥ
//
pratyayāstadupādānās
te 'ṣṭau nava caturguṇāḥ
sapta pañca ca vikhyātāḥ
siddhyādyā vargaśo mune
//
bhāvāḥ sapratyayāsteṣāṃ
leśāllakṣaṇamucyate
sāṃsiddhikā vainayikāḥ
prākṛtāśca bhavantyaṇoḥ
//
viśiṣṭadharmasaṃskāra
samuddīpitacetasām
guṇaḥ sāṃsiddhiko bhāti
dehābhāve 'pi pūrvavat
//
lokadhīguruśāstrebhyo
bhāti vainayiko guṇaḥ
samarjito vainayiko
manovāktanuceṣṭayā
//
prākṛto dehasaṃyoge
vyaktaḥ svapnādibodhavat
svargo muktiḥ prakṛtitvā- vighātau
yonikrāntirnirayāvāptibandhau
rūpeṣvarthā vainayaprākṛteṣu
sampadyante savighātāḥ krameṇa
//
vaśyākrāntistatparijñānayogo
bhogānicchā vighnasaṃghavyapāyaḥ
bhogāsaktirnyakkṛtirdehalabdhir
vighnaścārthāsteṣu sāṃsiddhikeṣu
//
atha siddhyādivargāṇāṃ
leśātsāmānyalakṣaṇam
kathyate viplavo mā bhūt
samāsokteḥ prabhedaśaḥ
//
puṃsprakṛtyādiviṣayā
buddhiryā siddhiratra sā
tuṣṭirnurakṛtārthasya
kṛtārtho 'smīti yā matiḥ
//
aśaktiḥ kārakāpāye
sadarthāprabhaviṣṇutā
kiñcitsāmānyato 'nyatra
matiranyā viparyayaḥ
//
prakāśakatayā siddhir
vyaktādeḥ sattvabhāvajā
prakāśārthapravṛttatvād
rajoṃśaprabhavapi ca
//
tuṣṭirmithyāsvarūpatvāt
tamoguṇanibandhanā
sukharūpatayā brahman
sāttvikyapyavasīyate
//
aśaktirapravṛttatvāt
tāmasī duḥkhabhāvataḥ
rājasyapi guṇo dṛṣṭaḥ
kārye kāraṇasaṃśrayaḥ
//
viparyayastamoyonir
mithyārūpatayā sa ca
sāmānyamātrakābhāsāt
sattvātmeti viniścitaḥ
//
iti buddhiprakāśo 'yaṃ
bhāvapratyayalakṣaṇaḥ
bodha ityucyate bodha
vyaktibhūmitayā paśoḥ
//
buddhirbodhanimittaṃ ced
vidyā tadvyatiricyate
rāgo 'pi satyavairāgye
kalāyoniḥ karoti kim
//
vyañjakāntarasadbhāve
vyañjakaṃ yadyapārthakam
manodevārthasadbhāve
sati dhīrapyanarthikā
//
athaivaṃ bruvate kecit
karaṇatvavivakṣayā
so 'pi devairmanaḥṣaṣṭhaiḥ
pakṣo 'naikāntikaḥ smṛtaḥ
//
athaikaviniyogitve
satyekamatiricyate
śrotradṛkpāṇipādādi
tato bhinnārthamastu nuḥ
//
na caikaviniyogitvaṃ
vidyābuddhyoḥ kathañcana
viniyogāntaradvārā
na duṣṭānekasādhyatā
//
vidyā vyaktāṇucicchaktir
nunnākṣeśākṣagocarān
svīkṛtya puṃsprayuktasya
karaṇasyaiti karmatām
//
matistenetarā rāgo
na gauṇastadvidharmataḥ
tacca bhogyatvametadvā
vītarāgastato hataḥ
//
rāgo 'rtheṣvabhilāṣo yo
na so 'sti viṣayadvaye
karmāstu vyāpakaṃ kalpyaṃ
kalpite 'pītaratra yat
//
karmaṇaḥ kevalasyoktaṃ
niyatāveva dūṣaṇam
doṣaḥ sahānavasthāno
nāsāmyāddveṣarāgayoḥ
//
sarvasya sarvadā sarvā
pravṛttiḥ sukhabuddhijā
pravṛttasya sukhaṃ duḥkhaṃ
moho vāpyupajāyate
//
pravṛttyanantaraṃ dveṣo
rāgastatpūrvakālataḥ
dveṣānte sa punaryena
vīryavadyogakāraṇam
//
atha vyaktāntarādbuddher
garvo 'bhūtkaraṇaṃ citaḥ
vyāpārādyasya ceṣṭante
śārīrāḥ pañca vāyavaḥ
//
prāṇāpānādayaste tu
bhinnā vṛtterna vastutaḥ
vṛttiṃ leśānnigadato
bharadvāja nibodha me
//
vṛttiḥ praṇayanaṃ nāma
yattajjīvanamucyate
yattadūhaṃ matiḥ puṃsāṃ
bhramatyandheva mārgatī
//
tatkurvannucyate prāṇaḥ
prāṇo vā prāṇayogataḥ
cityātivāhike śaktau
prāṇaśabdaḥ kalāsu ca
//
tathāpanayanaṃ bhukta
pītaviṇmūtraretasām
kurvannapānaśabdena
gīyate tattvadarśibhiḥ
//
samantato 'nnapānasya
samatvena samarpaṇam
kurvansamāna ityukto
vyāno vinamanāttanoḥ
//
vivakṣāyatnapūrveṇa
koṣṭhavyomaguṇadhvaneḥ
vāgindriyasahāyena
kriyate yena varṇatā
//
sa udānaḥ śarīre 'smin
sthānaṃ yadyasya dhāraṇe
jayaḥ phalaṃ vācyaśeṣaṃ
patyā skandhāntareritam
//
atha śeṣārthasiddhyarthaṃ
skandhānasyāta eva saḥ
trīnniścakarṣa sattvādi
bhūyiṣṭhānīśaśaktigaḥ
//
taijaso vaikṛto yo 'nyo
bhūtādiriti saṃsmṛtaḥ
tebhyaḥ samātrakā devā
mātrebhyo bhūtapañcakam
//
śrotraṃ tvakcakṣuṣī jihvā
nāsā ca manasā saha
prakāśānvayataḥ sāttvās
taijasaśca sa sāttvikaḥ
//
vāṇī pāṇī bhagaḥ pāyuḥ
pādau ceti rajobhuvaḥ
karmānvayādrajobhūyān
gaṇo vaikāriko 'tra yaḥ
//
śabdaḥ sparśaśca rūpaṃ ca
raso gandhaśca pañcamaḥ
guṇāviśiṣṭāstanmātrās
tanmātrapadayojitāḥ
//
prakāśakarmakṛdvarga
vailakṣaṇyāttamobhavāḥ
prakāśyatvācca bhūtādir
ahaṅkāreṣu tāmasaḥ
//
devapravartakaṃ śīghra
kāri saṃkalpadharmi ca
manaḥ śabdādiviṣaye
grāhakāḥ śravaṇādayaḥ
//
vacanādānasaṃhlāda
visargavihṛtikriyāḥ
vāgādīnāṃ padānyatvaṃ
pade satyapyatadguṇāḥ
//
ātmendriyārthanaikṛṣṭye
sarvadevāpravṛttitā
pravṛttikārakāstitvaṃ
yuktito 'pyavasīyate
//
tattvāntaroktavṛttibhyo
vailakṣaṇyādvilakṣaṇaḥ
saṃkalpo bījamabhyeti
manastatpāriśeṣyataḥ
//
jñānaṃ tadakṣayogāttat
kramayogitayā kramāt
tathāpyābhāti yugapan
nāśusaṃcaraṇādṛte
//
niyatārthatayākṣāṇi
nānāyonīni kasyacit
gandhādivyañjakatvācca
tadādhārātmakānyapi
//
śabdaikagrāhakaṃ śrotraṃ
sparśaikagrāhiṇī ca tvak
tathāstu yadi nādatte
saguṇaṃ kāraṇāntaram
//
tvagindriyamayuktārtha
grāhi yuktaparāṅmukham
tejovārimahīdravyaṃ
dṛgādatte sarūpakam
//
tatastridravyajā sā syān
na pareṇeṣyate tathā
yenopalabhyate yo 'rthaḥ
sa tasyārthasya kāraṇam
//
na prāptamapi karmādi
seyaṃ vyasanasantatiḥ
karṇarandhraviśiṣṭaṃ khaṃ
śabdavargāvabhāsakam
//
nāsārandhaviśiṣṭaṃ tad
brūta kena nivāryate
tadadṛṣṭāvaruddhaṃ vā
tadapyanyatra kiṃ kṛtam
//
prāptaṃ gṛhṇāti nātodye
śaptaṃ kenāpi dasyunā
yuktyagamye 'pi sadvākyāt
pratītiraupadravā
//
mitārthādamitārthasya
jyāyastvamiti sūrayaḥ
vyomaprabhañjanāgnyambu
bhūmayo bhūtapañcakam
//
śabdādyekottaraguṇam
avakāśādivṛttimat
dhūnanajvalanaplāva
kharatvāvedino guṇāḥ
//
śabdā vāyvādiṣu vyomni
savarṇapratiśabdagāḥ
vyūho 'vakāśadānaṃ ca
paktisaṃgrahadhāraṇāḥ
//
vāyuvyomahutāśāmbu
dharaṇīnāṃ ca vṛttayaḥ
śabdaḥ khaguṇa eveti
tadanyatropalabdhitaḥ
//
bruvate bhagavan kecit
sarvabhūtaguṇaḥ katham
kvānyatra śravaṇākāśe
kathamanyatra tadguṇaḥ
//
pareṣṭādāśrayāttatra
nirṇetānubhavo nṛṇām
kadācitkarṇamūle 'pi
saṃvidityatha manyase
//
śrotravṛttivadasyāpi
pariṇāmo 'stu kā kṣatiḥ
āgamādhyakṣavihatā
hetavo nārthasādhakāḥ
//
kālātyayāpadiṣṭatvād
iti nyāyavido viduḥ
ityapi sthitamevāyaṃ
gandho 'pyastu nabhoguṇaḥ
//
yena ketakapuṣpāder
vaikṛṣṭye 'pyupalabhyate
iti pañcasu śabdo 'yaṃ
sparśo bhūtacatuṣṭaye
//
aśītoṣṇo mahīvāyvoḥ
śītoṣṇau vāritejasoḥ
bhāsvadagnau jale śuklaṃ
kṣitau śuklādyanekadhā
//
rūpaṃ triṣu raso 'mbhaḥsu
madhuraḥ ṣaḍvidhaḥ kṣitau
gandhaḥ kṣitāvasūrabhiḥ
surabhiśca mato budhaiḥ
//
dehe 'sthimāṃsakeśatvaṅ
nakhadanteṣu cāvaniḥ
mūtraraktakaphasveda
śukrādau vāri saṃsthitam
//
hṛdi paktau dṛśoḥ pitte
tejastaddharmadarśanāt
prāṇādivṛttibhedena
nabhasvānukta eva te
//
garvavṛttyanuṣaṅgeṇa
khaṃ samastāsu nāḍiṣu
prayoktryādimahīprāntam
etadaṇvarthasādhanam
//
pratyātmaniyataṃ bhoga
bhedato vyavasīyate
sarvato yugapadvṛtter
anutpādādasarvagam
bhinnajātīyamapyeka
phalaṃ dīpāṅgavastuvat
//
ityātivāhikamidaṃ vapurasya jantoś
citsaṅgacidgahanagarbhavivarti leśāt
naitāvatālamiti bhauvanatattvapaṅktim
ādhāradehaviṣayābhyudayāya vakṣye
//
athoktārthaprasiddhyarthaṃ
bhuvanādi vinirmame
sādhāraṇebhyo yonibhyaḥ
kalādibhyo maheśvaraḥ
//
tāni kālānalādīni
kalāprāntāni maṇḍalam
saṃsāramiti tattvajñā
bhogasthānaṃ pracakṣate
//
māyāyāmapi paṭhyante
gahaneśādayo 'dhipāḥ
tattvaśuddhiśca dīkṣāyāṃ
sarvaṃ tatkṛtimastake
//
nityatvavyāpakatvādi
śravaṇādavasīyate
dṛṣṭaṃ purādi yadbhogyaṃ
mūrtaṃ pralayadharmi ca
//
śuddhādhvanyapi māyāyāḥ
parasyāḥ patayaḥ kṛtau
te tasyāmapi paṭhyante
te 'pi tatkṛtimastake
//
rajo vilokyate tiryag
jālāviṣṭārkarociṣām
tadaṣṭāṣṭaguṇasthāne
tṛtīye syātkacāgrakam
//
likṣā yūkā yavo 'pyevam
aṅgulaṃ tattrisaṃguṇaiḥ
taireva guṇitaṃ pāṇir
dhanustadvedalakṣitam
//
daṇḍo dve dhanuṣī jñeyaḥ
krośastaddvisahasrakam
dvikrośamāhurgavyūtiṃ
dvigavyūtiṃ ca yojanam
//
kapālamarbudaṃ sthaulyād
brahmaṇo 'ṇḍasya yojanaiḥ
tasyāntaḥ kāñcanaṃ dhāma
kālāgnestāvadeva hi
//
yatrāntakālatīkṣṇāṃśu
koṭitejāstathāvidhaiḥ
rudrairāste vṛto devaḥ
kālāgniriti viśrutaḥ
//
sarvādhvavartibhūtānāṃ
yasminnudvṛttatejasi
bhayamutpadyate śaktyā
saṃhartryā codite prabhoḥ
//
tasya svabhāvato jvālāḥ
pravṛttā daśakoṭayaḥ
yojanānāṃ tadardhena
dhūmaḥ sāndraḥ sudāruṇaḥ
//
tataḥ puṭāstrayastriṃśad
daśalakṣonakoṭikāḥ
tadantarāṇi dvātriṃśal
lakṣakāṇi durātmanām
//
sthānāni yātanāhetor
nirmitānyadhvavedhasā
tāni te nāmabhirvakṣye
dvijamukhya nibodha me
//
rauravadhvāntaśītoṣṇa
saṃtāpābjamahāmbujāḥ
kālasūtrāṣṭamā hyete
narakā iti viśrutaḥ
//
sūcyāsyatālakhaḍgākhya
kṣuradhārāmbarīṣakāḥ
kālakhaḍgākhya KSTS
taptāṅgārā mahādāhāḥ
saṃtāpāśceti ye mune
//
bhavantyaṣṭau subībhatsā
mahāśabdapadānugāḥ
lākṣāpralepamāṃsāda
nirucchvāsanasocchvāsāḥ
//
yugmādriśālmalīloha
pradīptakṣutpipāsakāḥ
kṛmīṇāṃ nicayaśceti
rājānaḥ parikīrtitāḥ
//
lohastambho 'tha viṇmūtras
tathā vaitaraṇī nadī
tāmisraścāndhatāmisraḥ
kumbhīpākaḥ sarauravaḥ
//
mahāpadānugo 'vīcī
rājarājeśvareśvarāḥ
eṣāṃ puṭānāṃ narakaiḥ
sārdhaṃ yojanasaṃkhyayā
//
bhavanti koṭayastriṃśad
dve ca lakṣe dvijottama
tatasttriṃśatsahasrāṇi
tyaktvā bhūrnavalākṣikī
//
bhavatyayomayyardhena
pūrveṇārdhena kāñcanī
yo 'pyadhastātpuṭastasyā
mṛdardhaṃ cārdhamāyasam
//
tatra dvātriṃśato 'mīṣāṃ
nirayāṇāṃ patiḥ sthitaḥ
kūṣmāṇḍa iti vikhyātaḥ
pralayārkānaladyutiḥ
//
karālavadanaḥ kruddho
vṛttakoṭaralocanaḥ
taṅkapāṇistathābhūtair
bhūtairbhūyobhirāvṛtaḥ
//
ayorukmapuṭādūrdhvam
aṣṭamīyaṃ vasundharā
sāhasrāḥ ṣaṭ parā madhyā
vyarkalakṣatrikoṭikī
//
vasatyo navasāhasrāḥ
parā daśasahasrikī
tadāsāṃ saptakaṃ sadbhiḥ
khyātaṃ pātālasaptakam
//
tannāmato 'dhipatita
ucyamānaṃ nibodha me
ābhāsaṃ paratālākhyaṃ
tritalaṃ ca gabhastimān
//
mahātalaṃ rasāṅkaṃ ca
pātālaṃ saptamaṃ mune
saptasveteṣu daityendra
bhujaṅgakṣaṇadācarāḥ
//
sapta sapta samākhyātās
tānapyatha nibodha me
daityāḥ śaṅkuśrutiḥ pūrve
prahlādaḥ śiśupālakaḥ
//
karkandhako hiraṇyākṣo
bṛhadgarbho balistathā
kādraveyāḥ kuṭilako
vāsukiḥ kambalastathā
//
kārkoṭako 'tha kālāṅgo
durdarśastakṣakastathā
vikaṭo lohitākṣaśca
yamākṣo vikaṭānanaḥ
//
karālo bhīmanirhrādaḥ
piṅgalaśceti rākṣasāḥ
teṣāmupari niśeṣa
pātālādhipatīśvaraḥ
//
sāhasre kāñcane dhāma
maṇḍale hāṭakaḥ sthitaḥ
yaṃ stuvanti priyaprāptyai
yatā yativibhūṣaṇaiḥ
//
daityayakṣāsurādhīśa
lalanā lalitaiḥ padaiḥ
tataḥ koṭiśataṃ pṛthvī
nānājanasamāśrayā
//
dvīpaśailasaridvāri
nidhimaṇḍalamaṇḍitā
jambūśākakuśakrauñca
śālmagomedhapuṣkarāḥ
//
lakṣādidviguṇā dvīpāḥ
kṣārādyabdhibhirāvṛtāḥ
tato hiraṇmayī bhūmir
lokālokaśca parvataḥ
//
tamaḥ parastādgarbhodaḥ
kaṭāhaśceti bhūtalam
triśailasariddvīpakān
an[al]odadhyalaṃkṛtām
//
pṛthvīṃ bhagavatīṃ śakra
śrotumicchāmi vistarāt
tvayi vaktari deveśa
sarvapratyakṣadarśini
//
niṣṭhājñaptirasākṛṣṭaṃ
śrutau dhāvati me manaḥ
vartayiṣye dvijaśreṣṭha
prastutoktiśarīravat
//
dvīpānnadīvanāntāṃśca
śṛṇuśvaikāgramānasaḥ
jambudvīpaṃ kṣiternābhis
tadvṛttaṃ lakṣayojanam
//
kṣārābdhinā parivṛttaṃ
parivṛttena tāvatā
tasya madhye sthitaḥ śaila
rājarājo hiraṇmayaḥ
//
tiraskṛtāṃśumajjyotir
meruḥ suraniṣevitaḥ
sa ṣoḍaśa sahasrāṇi
kṣitau viṣṭo mahītalāt
//
tadūnamunnato lakṣaṃ
mūle ṣoḍaśa vistṛtaḥ
triṣu pādāntareṣvasya
caturvṛddheṣu parvasu
//
nemayaḥ kaṭakākārā
nirgatā dīptimattarāḥ
ekā daśasahasrā tu
manusāhasrikī parā
//
nemiryā mastakopānte
lokapālasamāśrayā
cakravāṭeti tāmāhuḥ
sarvaratnaprabhāvatīm
//
siddhagandharvamahatāṃ
tadadhaḥ parvasu sthitiḥ
prācyādiṣvindramukhyānāṃ
nāmatastānibodhata
//
nānaratnaprabhājāla
maṇḍalālaṅkṛtā hareḥ
siddhasādhyamarujjuṣṭā
rukmabhūramarāvatī
//
raktapītamaṇiprāya
hemaprākāragopurā
vahnestejovatī vahni
tulyabhūtaniṣevitā
//
mṛtyoḥ saṃyamanī tuṅga
lohaprākāramaṇḍalā
kālapāśapitṛvyādi
pretamāriniṣevitā
//
kṛṣṇā daityapatermṛtyor
dhāmavaddaityasevitā
nīlaratnaprabhājāla
vitānavarabhūṣaṇā
//
śuddhavatyambunāthasya
sphaṭikopalanirmitā
pāṇḍurābhropamairyādaḥ
sevitā bhāti dhāmabhiḥ
//
vāyorgandhavatī tuṅga
śvetapītadhvajākulā
balavadbhūtasaṃjuṣṭā
sarvaratnavinirmitā
//
mahodayā candramasaḥ
śvetā muktādinirmitā
dvijasaṃghastutā bhāti
purairhimagiriprabhaiḥ
//
jvalallalāṭadṛgdagdha
smaramṛtyuyaśobhṛtaḥ
purī yaśovatī sarva
ratnajā rudrasevitā
//
iti sarvartusukhadāś
cakravāṭārdhavistṛtāḥ
puryo 'ṣṭāvaniloddhūta
pārijātarajoruṇāḥ
//
vedhasā nirmitā loka
pālacakrānuvartinām
bhūtaye svarga ityetā
gīyante kavibhiḥ kṣitau
//
caturdaśa sahasrāṇi
yojanānāṃ svayaṃbhuvaḥ
madhye manovatī nāma
purī lokeśavanditā
//
yā cakārāruṇānuccair
vidyunmārgānmahaḥśriyā
sāvitryā spardhamāneva
svargakāmātivartinī
//
tasyāmupāsate devā
munayaśca mahaujasaḥ
mahāyogīśvaraṃ siddhyai
yamādyairbhūtavedhasam
//
tadīśabhāge tasyādreḥ
śṛṅgamādityasannibham
yattajjyotiṣkamityāhuḥ
sadā paśupatipriyam
//
tasya sānuṣu haimeṣu
ratnacitreṣu saṃsthitāḥ
skandanandimahākāla
gaṇeśādigaṇāvarāḥ
//
mūrdhni devādidevasya
sthānaṃ tripuravidviṣaḥ
rudrāyutagaṇairjuṣṭaṃ
brahmādyaiśca surottamaiḥ
//
iti meruradho 'syānte
dikṣu ye bhūdharāḥ sthitāḥ
tacchiṣṭāni navadvīpe
varṣāṇyasminnibodha me
//
niṣadho hemakūṭaśca
himavāṃścācalottamāḥ
merordakṣiṇato nīlaḥ
śvetaḥ śṛṅgīti vāmataḥ
//
sahasradvayaviṣkambhā
daśotsedhā navāntarāḥ
prāgāyataḥ suparvāṇāḥ
sāgarāhitakoṭayaḥ
//
tadardhenāttaviṣkambhau
mālyavadgandhamādanau
yāmyottarau prākpratīcyor
merutastāvadantarau
//
paścānmālyavataḥ prācyāṃ
gandhamādanaśailataḥ
ilāvṛtaṃ nīlagirer
yāmyato niṣadhādudak
//
bhadrāśvaṃ mālyavatprācyāṃ
varṣaṃ bhadrajanākulam
suketanaṃ ketumālaṃ
pratīcyāṃ gandhamādanāt
//
niṣadhāddharivarṣe yad
yāmyato hemakūṭataḥ
nāmnā kiṃpuruṣaṃ khyātaṃ
bhārataṃ himavadgireḥ
//
ramyakākhyamudaṅnīlād
dhiraṇyaṃ śvetaparvatāt
yaduttare śṛṅgavataḥ
kuruvarṣaṃ taducyate
//
niṣkambhaśailāścatvāro
meroḥ sthairyāya vedhasā
lakṣārdhonnataḥ kḷptās [te]
teṣāṃ pūrveṇa mandaraḥ
//
śveto haridrācūrṇābho
yāmyato gandhamādanaḥ
pratīcyāṃ vipulo nīlaḥ
supārśvaḥ saumyato 'ruṇaḥ
//
sahasrayojanacchāyās
teṣu kalpadrumāḥ sthitāḥ
kadambajambvāvaśvattha
nyagrodhau cottarāntikāḥ
//
jambūphalarasodbhūtā
meruṃ paryetya nimnagā
viveśa mūlamevāsya
kanakīkṛtya tāṃ mahīm
//
taṃ pītvā pakṣisarpākhu
mṛgaśākhāmṛgādayaḥ
babhūvuḥ kāñcanā ye ca
sattvāstasyāṃ kṛtāplavāḥ
//
dvīpaketurabhūjjambūḥ
kalpaśākhiṣu satsvapi
prabhāvātiśayātkhyātaṃ
jambūdvīpamidaṃ tataḥ
//
prācyāṃ viṣkambhaśailasya
mūle caitrarathaṃ vanam
saro 'ruṇodakaṃ nāma
tatra hemābjamaṇḍitam
//
yāmyādrimūle gandharva
surasiddhāpsarovṛtam
nandanaṃ mānasaṃ tatra
saro mānasataskaram
//
vaibhrājaṃ vaipule mūle
sitodaśca hradottamaḥ
devairniṣevyate channaḥ
kamalairaṃśumaprabhaiḥ
//
saupārśve dhṛtimannāma
kānanaṃ bhadrako hradaḥ
saugandhikāmbujacchannaḥ
sevyate pitṛbhiḥ sadā
//
trayodaśasahasrāyur
jambūphalarasāśanaḥ
mervālokopalabdhārtho
janaḥ sutvagilāvṛte
//
varṣāyutāyurnīlābja
dyutiḥ panasasārabhuk
ketumāle jano divya
dehabandhaḥ sukhī balī
//
candrabimbadyutirnīlā
-bjāśano bhadravājini
daśavarṣasahasrāyur
duḥkhaśokabhayojjhitaḥ
//
triṃśadabdasahasrāyuḥ
kāmavṛkṣaphalāśanaḥ
yugmaprasūtiḥ kuruṣu
śyāmāpuṣpadyutirjanaḥ
//
bhūtavedasahasrau dvāv
ekadiksaṃdhilakṣitau
somavāyvāśayoḥ siddha
municāraṇasevitau
//
candrabhadrākarau dvīpau
candraraktābjarugjanau
ailāvṛtaṃ tayorāyuḥ
phalaṃ mūlaṃ ca bhojanam
//
antarbhāvaḥ kuruṣvabdhau
sānnidhyātkīrtitau tataḥ
adhyardhāni sahasrāṇi
dvādaśāyurhiraṇvati
//
janasyendutviṣo nityam
aśnato lākucaṃ phalam
nīlanīrajaramyasya
ramyake dvādaśasthitiḥ
//
janasyābdasahasrāṇi
nyagrodhaphalamaśnataḥ
rajatadyutirikṣvādas
tāvadāyurharau janaḥ
//
raukmaḥ kiṃpuruṣe plakṣa
bhojano 'bdāyutasthitiḥ
iti kimpuruṣādīni
varṣāṇyuktāni yāni te
//
na teṣvavasthābhedo 'sti
vivartiṣu kṛtādiṣu
yugānurūpaprajñāyus
tejobaladhanaprajaḥ
//
kṛṣṭākṛṣṭāśano duḥkha
trayārto bhārate janaḥ
guṇa eko yadudyukto
neṣṭaṃ kiṃcinna sādhayet
//
sarvāsāṃ phalabhūmīnāṃ
karmabhūḥ kāraṇaṃ yataḥ
navābdhisrotasi dvīpā
nava cātrārdhakasthale
//
indradvīpaprabhṛtayo
nāmatastānnibodha me
indradvīpaḥ kaśeruśca
tāmraparṇo gabhastimān
//
nāgadvīpaścāndramaso
gāndharvo vāruṇastathā
kumārikākhyo navamo
nānāparvatanimnagāḥ
//
nānājātijanākīrṇā
bhāratākhe prakīrtitāḥ
āgnīdhro nāma nṛpatir
jambūnātho manoḥ kule
//
tajjātanṛpasaṃjñābhiḥ
kathyante bhāratādayaḥ
kṣārakṣīradadhisneha
rasamadhvāmṛtodakaiḥ
//
lakṣādidviguṇā dvīpā
jambūdvīpādayo vṛtāḥ
śāke śākadrumastvaṅgaḥ
śākasaṃjñānibandhanaḥ
//
kuśo 'bhūtkāñcanaḥ kauśe
svayaṃbhuvi yiyakṣati
krauñce krauñco hato daityaḥ
krauñcādrau hemakandare
//
skandena yuddhvā suciraṃ
citramayī sumāyinā
sa śailastasya daityasya
khyātaścitreṇa karmaṇā
//
ketutāmagamattasya
nāmnā krauñcaṃ taducyate
śālmale śālmalīvṛkṣo
haimaḥ sāhasriko 'rkabhāḥ
//
priyo 'marāṇāṃ tatketuḥ
sa tadākhyānibandhanaḥ
gomede gopatirnāma
rājābhūdgosavodyataḥ
//
yājyo 'bhūdvahnikalpānām
autathyānāṃ manoḥ kule
sa teṣu hariyajñāya
pravṛtteṣu bhṛgūn gurūn
//
vavre taṃ gautamaḥ kopā
daśapadagamatkṣayam
yajñavāṭe 'sya tā gāvo
dagdhāḥ kopāgninā muneḥ
//
tanmedasā mahī channā
gomedaḥ sa tato 'bhavat
nadī puṣkariṇī nāma
hemapuṣkaramaṇḍitā
//
tayā sa puṣkaradvīpaḥ
khyāpitaḥ surasevitaḥ
yathā kimpuruṣādyeṣu
kṛtāvāsaḥ sadā janaḥ
//
śākadvīpādiṣu tathā
kṣīrādikṛtabhojanaḥ
himenduhimanīlābja
sasyakasphaṭikadyutiḥ
//
daśavarṣasahasrāyur
naṣṭaduḥkhaikakaṇṭakaḥ
saptamāmudadherarvāk
dve koṭī satrikaṃ dalam
//
pañcāśacca sahasrāṇi
karṇāddhemādrigarbhataḥ
tato hiraṇmayī bhūmir
nānāratnadrumācalā
//
krīḍārthaṃ vedhasā sṛṣṭā
devānāṃ daśakoṭikī
lokāloko bahistasyā
lokālokaniyāmakaḥ
//
yojanāyutaviṣkambhas
tuṅgaśṛṅgaparicchadaḥ
tasya śṛṅgeṣu tīkṣṇāṃśor
bhāsaścandrātapopamāḥ
//
na tāpayati vaikṛṣṭyād
dhāmānyāśābhṛtāṃ mune
tamaḥ parastānnibiḍaṃ
lakṣāṇyekonaviṃśatiḥ
//
catvāriṃśatsahasrāṇi
pañcatriṃśacca koṭayaḥ
saptaviṃśatilakṣāṇi
koṭiścaikā samudrarāt
//
haimaṃ kaṭāhakaṃ koṭir
garbhādeti samantataḥ
tithilakṣo bhuvarloko
dhruvaprānto mahītalāt
//
dhruve prānto KSTS;
but quoted ad Svacchanda 10: 516c--517b with dhruvaprānto, and
dhruvaprānto is supported by Nārayaṇa.
tadūnakoṭisvarlokaḥ
svargivaryasamāśrayaḥ
svarloka KSTS;
but quoted up to the end of this pāda ad Svacchanda 10:516c--517b,
which implies that this word split was made.
mahardvikoṭiryatrāste
marīcyādimunivrajaḥ
//
jano 'ṣṭakoṭyavacchinnaḥ
pitṛjahnujanāśrayaḥ
tapo 'rkakoṭiryatrāste
mahāyogī sanandanaḥ
//
ṛbhuḥ sanatkumāraśca
sanakaśca mahātapāḥ
tataḥ satya[ma]dhiḥsthānaṃ
satyalokaḥ svayambhuvaḥ
//
kāmātiśayasampannaḥ
koṭayo nava sapta ca
sāvitrī mūrtimatyāste
yatra vedāśca sānugāḥ
//
tataścatasraḥ ṣaṭ ceti
madhutripuravidviṣoḥ
sthāne jyotiṣmatīcitre
koṭiraṇḍakaṭāhakaḥ
//
śatakoṭipravistīrṇa
iti brahmāṇḍagolakaḥ
bhūyasā tulya evāyaṃ
sarvasrotaḥsu mānataḥ
//
tasya prācīṃ diśaṃ śakraḥ
pātyagniḥ pūrvadakṣiṇām
dakṣiṇāṃ bhūtasaṃhartā
rākṣaso dakṣaṇāparām
//
paścimāṃ varuṇo devo
nabhasvān paścimottarām
udīcīṃ somayakṣeśāv
īśaḥ prāguttarāṃ diśam
//
ūrdhve brahmā hariradhaḥ
sarvārthāvahitāḥ sadā
eṣāmapi niyantāro
rudrā daśa daśa sthitāḥ
//
bhūmimanto 'pyamī yeṣāṃ
notkrāmanti bhayātpadam
nānārūpairmahāvīryais
taruṇārkasamaprabhaiḥ
//
vṛtā nānāyudhadharair
nāmabhistānnibodha me
budhnavajraśarīrāja
kapālīśapramardanāḥ
//
prāgvibhūtyavyayau śāsta
pinākī tridaśādhipaḥ
bhasmakṣayāntakahara
jvalanāgnihutāśanāḥ
//
piṅgalaḥ khādako babhrur
dahanaścāgnidiggatāḥ
vidhātṛdhātṛkartrīśa
kālamṛtyuviyojakāḥ
//
yāmyadharmeśasaṃyoktṛ
harāśca yamanāyakāḥ
nirṛtirmāraṇakrodha
hantṛdhūmravilohitāḥ
//
ūrdhvaliṅgavirūpākṣa
daṃṣṭribhīmāḥ palādapāḥ
balātibalapāśāṅga
śvetabhūtajalāntakāḥ
//
mahābalamahābāhu
sunādyabdaravāḥ kapāḥ
laghuśīghramahadvega
sūkṣmatīkṣṇakṣayāntakāḥ
//
kapardyabdeśapañcānta
pañcacūḍāśca vāyupāḥ
nidhīśo rūpavān dhanya
saumyaśāntajaṭādharāḥ
//
kāmaprasādalakṣmīśa
prakāśāścenduyakṣapāḥ
vidyeśasarvavijjñāna
vedavijjyeṣṭhavedagāḥ
//
vidyāvidhātṛbhūteśa
balipriyasukhādhipāḥ
śambhurgaṇādhyakṣavibhu
tryakṣacaṇḍāmarastutāḥ
//
vicakṣaṇanabholipsu
saṃvivāhāśca mūrdhani
krodhanānilabhugbhogi
grasanodumbareśvarāḥ
//
vṛṣo viṣadharo 'nanto
vajro daṃṣṭrī ca viṣṇupāḥ
tato 'mbhaḥpramukhā bhoga
bhūmayastāsu saṃsthitāḥ
//
pañcāṣṭakā niyoktṝṇāṃ
kṣetrāvāptaphalaśriyaḥ
bhārabhūtyāṣāḍhiḍiṇḍi
lākulyamarapuṣkarāḥ
//
prabhāsanaimiṣau ceti
guhyāṣṭakamidaṃ jale
śrīśālajalpakedāra
bhairavāmrātakeśvarāḥ
//
hariścandramahākālam
adhyāḥ sātipadā rucau
mahendrabhīmavimala
kurukṣetragayākhalāḥ
//
sanāpadottarāḥ sāṭṭa
hāsāḥ sanākhalāḥ khage
sthāṇusvarṇākṣagokarṇa
bhadrakarṇamahālayāḥ
//
vastrapadāvimukhāhva
rudrakoṭyaḥ khamaṇḍale
pavitrāṣṭakamityāhur
garve mātrendriyagocare
//
sthāṇvaṣṭakaṃ dvijaśreṣṭha
nāmataḥ kathayāmi te
mākoṭamaṇḍaleśāna
dviraṇḍachagalāṇḍakāḥ
//
sthūlasthūleśvarau śaṅku
karṇakālañjarāvapi
sūkṣmāmarapurāṇyaṣṭau
buddhau paiśācamāditaḥ
//
rākṣasaṃ yākṣagāndharvaṃ
māhendraṃ ca maharddhimat
saumyaṃ prājeśvaraṃ brāhmaṃ
dīptaṃ paramayā śriyā
//
gauṇe yogīśadhāmāni
tvakṛtaṃ kṛtaraibhavam
kṛtabhairavam KSTS
brāhmavaiṣṇavakaumāram
aumaṃ śraikaṇṭhamantataḥ
//
vīrabhadrasya rucimad
ddhāma yogivarastutam
svapadādho 'dhikārastha
sarvarudrādhikaśriyaḥ
//
vāmadevabhavānanta
bhīmomāpatyajeśvarāḥ
sarveśāneśvarāveka
vīraikaśivasaṃjñitau
//
ugraḥ pracaṇḍadṛk ceśo
guṇānāṃ mūrdhni saṃsthitāḥ
tapasā guruṇopāsya
krodhādīn gurutāṃ matāḥ
//
svādhikāravidhau tīkṣṇā
rudrāḥ sarvārthadṛkkriyāḥ
tebhyo daśaguṇaśrīkān
pradhānādhipatīñchṛṇu
//
krodheśacaṇḍasaṃvarta
jyotiḥpiṅgalasūragāḥ
pañcāntakaikavīrau ca
śikheda iti te smṛtāḥ
//
sarvendriyaḥ sarvatanuḥ
sarvāntaḥkaraṇāśrayaḥ
puruṣe niyatau yantā
kāle kalanaśaktimān
//
bhuvaneśamahādeva
vāmadevabhavodbhavāḥ
ekapiṅgekṣaṇeśānā
-ṅguṣṭhamātrāśca bhāsvarāḥ
//
parameśopamā rāga
vidyāgarbhe kalāpade
mahāpuracatuḥṣaṣṭi
maṇḍale maṇḍalādhipāḥ
//
anantastrikalo goptā
kṣemīśo brahmaṇaḥ patiḥ
dhruvatejodhiṣau rudrau
gahaneśaśca viśvarāṭ
//
māyādhikāriṇo rudrā
maṇḍalādhipatīśvarāḥ
saṃsāracakrakārūḍha
bhūtagrāmavivartakāḥ
//
etāvatyeva ghoreyaṃ
sarvabhūtabhavāvaniḥ
sīdantyajñānino yasyāṃ
paṅke gāva ivācalāḥ
//
bhṛguṇī brahmavetālī
sthāṇumatyambikā parā
rūpiṇī nandinī jvālā
saptasaptārbudeśvarāḥ
//
vidyārājñyastu kathitā
vidyāyāṃ rudrasaṃstutāḥ
tāsāmupari dīptaśrīr
devo vidyādhipaḥ sthitaḥ
//
mantreśeśacidāviṣṭa
rudravyūhāṣṭakānugaḥ
ucchuṣmāḥ śambarāścaṇḍā
mahāvīryāḥ padadruhaḥ
//
rudrā gaṇāḥ sadikpālāḥ
śāstrāṇi patayastataḥ
te cānantaprabhṛtayo
gaditā eva nāmataḥ
//
svasvarūpāśca te vipra
pūrvaṃ praśnānuṣaṅgataḥ
sādāśive pavitrāṅga
sakalādiparicchadaḥ
//
devaḥ sadāśivo bindau
nivṛttyādikaleśvarāḥ
nāde dhvanipatiḥ śaktau
sarvaśaktimatāṃ varaḥ
//
yonirviśvasya vāgīśāḥ
patayaḥ parataḥ śivaḥ
sadāśivaśivāntādhva
kalpitāṇuvapuḥsthitiḥ
//
sarvātiśayaviśrāmas
tadūrdhvaṃ patayaḥ katham
īśānatītya śāntāntaṃ
tattvaṃ sādāśivaṃ smṛtam
//
bhuvanānyapi nādādi
kalā nānyaḥ patiḥ śivāt
kiṃtu yaḥ patibhedo 'smin
sa śāstre śaktibhedavat
//
kṛtyabhedopacāreṇa
tadbhedasthānabhedajaḥ
karotyunmīlanaṃ yābhiḥ
śaktibhirnaratejasaḥ
//
tā nivṛttyādisaṃjñānāṃ
bhuvanānāmadhīśvarāḥ
nivartayati bhūtāni
yayā sāsya nivartikā
//
nivṛttiriti tatsthānaṃ
tatreśo 'pi nivṛttimān
nivṛttasya gatirbhūyo
yayā prācyāvalakṣaṇā
//
niṣidhyate pratiṣṭhā sā
sthānaṃ tavāṃśca tatpatiḥ
tyaktvāptagamyaviṣayaṃ
yayā jñānaṃ dadātyaṇoḥ
//
sā vidyā sthānamapyasyā
vidyeśaśca tadīśvaraḥ
sarvaduḥkhapraśamanaṃ
yayāsya kurute haraḥ
//
sā śāntistatpadaṃ ceti
tatkurvan so 'pi śāntimān
ūrdhvādhoviṣayāloko
mahānyaśca mahattaraḥ
//
mahattamaśca kriyate
cito yābhirvimucyataḥ
tā indhikādyāstatsthānaṃ
tadvānīśastisṛṣvapi
//
sarvajñatvādiyoge 'pi
niyojyatvaṃ malāṃśataḥ
pramārṣṭi tadyayā sāsya
mocikā tatpadaṃ ca yat
//
mocakastatkriyākṛcca
yayeśānaṃ karoti tam
sordhvagā tatpadaṃ ceti
tadīśaścordhvagāpatiḥ
//
ye 'pi tatpadamāpannāḥ
śaivasādhanayogataḥ
te tatsthityantamāhlādaṃ
prāpya yānti paraṃ padam
//
na ca sṛṣṭyādi kurvanti
svārthaniṣṭhā hi te yataḥ
iti sādāśivaṃ tattvaṃ
vyākhyātaṃ leśatastava
//
śaktāvapyevamityeṣa
sakalaḥ kṛtyayogataḥ
kṛtyaṃ tadādiviṣayaṃ
niṣkalo 'nyatra sarvadā
//
bhūmiprādhānikagranthi
vidyābindukalādiṣu
guṇakārāḥ daśādyāḥ syur
nādakoṭeradho mune
//
ūrdhvaṃ kalāyā vidyādhaḥ
śrūyante gahanādhipāḥ
tadantarālametāvad
iti dhījātra lakṣaṇā
//
dvayorapyadhvanorevaṃ
kramaprasavayoginoḥ
vilayaḥ prātilomyena
śaktitattvadvayāvadhiḥ
//
vyastasyātha samastasya
vilayaḥ sa kathaṃ kiyān
tattvamārgasya bhagavan
brūhi sarvārthadarśyasi
//
mahāsvāpe samastasya
vyastasyāvāntaro layaḥ
sargo 'pyevaṃ sthiteḥ kālaḥ
kathyamāno 'vadhāryatām
//
caturyugasahasrāntam
aharhemāṇḍajanmanaḥ
niśā tāvatyahorātra
mānenābdaparārdhake
//
vilayo vyutkrameṇaiṣa
prakṛtyādi nivāryate
tadā rudraśataṃ vīra
śrīkaṇṭhau ca pradhānapāḥ
//
śaktyākramya jagatsūkṣmaṃ
sūkṣmadehāṃśca cidvataḥ
prakṛtisthāśayān kālaṃ
tatsvāpāntamupāsate
//
śiveṣṭamantrabhṛnnunna
maṇḍalādhipatīritāḥ
kāle jagatsamutpādya
svādhikāraṃ prakurvate
//
karma dharmādikaṃ tacca
guṇatvena matau sthitam
guṇino na guṇo 'paiti
prakṛtāvucyate katham
//
satyaṃ buddhiguṇaḥ karma
nāpaiti guṇino guṇaḥ
dehākṣaphalabhūmīnāṃ
tātsthyāt tatropacaryate
//
ādhāre kāraṇe kārye
samīpe copakārake
dharmādyanukṛtau ceti
lakṣaṇāṃ sūrayo jaguḥ
//
evaṃ guṇādisargāṇāṃ
parārdhe guṇakāraṇam
kalā leḍhi kalāṃ māyā
svādhikāraparāṅmukhī
//
tannivṛttau nivartante
devāstadadhikāriṇaḥ
sargasthityādiko yasmād
adhikārastadāśrayaḥ
//
evaṃ mantreśamukhyeṣu
viśatsvabhimataṃ padam
vidyāmatti sadātattvaṃ
tadbindurbaindavaṃ dhvaniḥ
//
nādamatti parā śaktiḥ
śaktimīṣṭe svayaṃ haraḥ
bhavināṃ viśramāyaivaṃ
māyāyāśca paraḥ śivaḥ
//
ākalayya svadṛkśaktyā
svāpaṃ sṛṣṭyai pravartate
evaṃ tattvāni bhāvāśca
bhuvanāni vapūṃṣi ca
//
śuddhāśuddhādhvanorvipra
vyākhyātāni samāsataḥ
vidyā pañcāṇudehāśca
bindurnādo 'tha kāraṇam
//
pañcaskandhaḥ paro mārgaḥ
kva bhāvāḥ pratyayaḥ sthitāḥ
nādaḥ sūkṣmaḥ kalā kāla
rāgayugme sapūruṣe
//
sthūlaḥ pañcakalo nādaḥ
pañcatattvāśrayo mune
pradhānādicaturgranthi
nidhirbinduścatuṣkalaḥ
//
garve manomukhā devā
buddhau bhāvādayaḥ sthitāḥ
pañcamantratanurdevaḥ
sthitastanmātrapañcake
sūkṣmabhūteṣu mantreśā
mantrāḥ sthūleṣu saṃsthitāḥ
//
iti yadaṇunirodhi dhvāntabījādyadṛṣṭaṃ
paśumatasṛtadṛgbhiḥ pāśajālaṃ subhūyaḥ
tadupaśamanimittaṃ vakṣyamāṇakriyāto
rucadavihataśaktiḥ śāmbhavī mantrasampat
//
samāptaśca vidyāpādaḥ
[samayācāravidhiḥ]
yenāṇūnāmuṣitamamalaṃ dṛkkriyākhyasvarūpaṃ
yatsadbhāvādbhavajalanidhau jantujātasya pātaḥ
durvāraṃ tatkṣapayati tamo yatprasādastamīśaṃ
caryāpāde vivṛtiracanāṃ kurmahe sampraṇamya
//
iha hi śāstropakrame iti vastutrayasyāsya prāppādakṛtasaṃsthiteḥ| caryāyogakriyāpādairviniyogo 'bhidhāsyate||
iti yatprāksūtritaṃ tatrāvagatajñānakriyāyogānāmapi deśikādīnāṃ vihitācaraṇaniṣiddhavarjanarūpāṃ caryāṃ vinā na nirvighnato vāñchitaphalāvāptiriti kramāgataṃ yogapādasamāptāvupakṣiptasamanvayaṃ caryāpādamavatārayitumāha---
This indicates that the \CP\ is the last of the text
athāto deśikādīnāṃ
sāmānyācārasaṃgrahaḥ
paraścāvasaraprāptaḥ
samāsenopadiśyate
//
Vṛtti:
[deśikādīnām] ācāryasādhakaputrakasamayināṃ [sāmānyācārasaṃgrahaḥ] sādhāraṇāsādhāraṇācārasamuccayaḥ [avasaraprāptaḥ] kramāyātaḥ [samāsena] saṃkṣepād idānīm upadiśyate 'bhidhīyata iti|
sādhāraṇāsādhāraṇācāra@ \Brunner; sādhāraṇācāra@ \Bhatt
athaśabdo 'dhikārārthaḥ| ataḥśabdastu yogapādānantaryam|
[śaivabhedāḥ]
deśiko mantravṛttiśca
putrakaḥ samayī ca yaḥ
catvāra ete śaivāḥ syur
vratino 'vratino 'pi vā
//
Vṛtti:
deśika ityācāryaḥ| [mantravṛttiḥ] mantra evānanyaniṣṭhā vṛttiḥ yasya sa sādhakaḥ| śaivānāmeva deśikādīnāmiha lakṣaṇam| śāktādayastu te anyādṛśā eveti vijñāpayituṃ śaivapadopādānam| dvividhāstu te śaivāḥ| vratino [avratino 'pi] vratavarjitāśca|
[vratinaḥ śaivāḥ] atha vratinastāvadāha
vratino jaṭilā muṇḍās
teṣvagryā bhasmapāṇḍarāḥ
tilakaiḥ puṇḍrakaiḥ paṭṭair
bhūṣitā bhūmipādayaḥ
//
Vṛtti:
[vratino jaṭilā muṇḍāḥ] vratināmapi dvau bhedau jaṭitvaṃ muṇḍitā ca|jaṭilo 'pi vakṣyamāṇabhautikanaiṣṭhikabhedād dvividhaḥ| [teṣu] sarveṣu caiteṣu madhyād [agryāḥ] brāhmaṇāḥ [bhasmapāṇḍarāḥ] bhasmoddhūlitasarvāṅgāḥ| [bhūmipādayaḥ tilakaiḥ puṇḍrakaiḥ paṭṭaiḥ bhūṣitāḥ] kṣatriyāstilakālaṃkṛtatanavaḥ| vaiśyāstripuṇḍrakamaṇḍitāḥ| śūdrāstu paṭṭākṛtinā bhasmoddhūlanena bhūṣitāḥ syuriti śeṣaḥ||
[jaṭādhāraṇe 'yogyāḥ]
jaṭā na śūdro vibhṛyān
nājño nāpi pramādavān
na yoṣinna vayontasthā
na rogī vikalo 'pi vā
//
Vṛtti:
śūdramūrkhapramattastrīvṛddhāmayāvivikalāṅgairvā jaṭā na dhāraṇīyāḥ| bahuvacananiṣedhād ekajaṭā ete syuriti kecit|| [jaṭābandhanavidhiḥ] atha tadvidhānam---
kalātattvapavitrāṇu
śaktimantreśasaṃkhyayā
vibhajya keśānsampātya
pratyaṃśaṃ saṃhitāṇubhiḥ
//
vrateśvarasya purato
badhnīyācchivatejasā
mantriṇaḥ sādhyamantreṇa
hṛdā putrakayogyayoḥ
//
Vṛtti:
[kalātattvapavitrāṇuśaktimantreśasaṃkhyayā] kalāḥ `tārā sutārā taraṇiḥ' ityādyā aṣṭatriṃśat| tattvāni ṣaṭtriṃśat| pavitrāṇavaḥ sadyojātādimantrāḥ pañca| śaktayo vāmādyā nava| mantreśā anantādividyeśā aṣṭau| ābhyaḥ saṃkhyābhyo madhyādanyatamayā saṃkhyayā keśān vibhajya [pratyaṃśaṃ] ekaikasminnaṃśe [saṃhitāṇubhiḥ] śivaikādaśikayā saṃhitayā [sampātya] sampātahomaṃ kṛtvābhyarcitasya vrateśvarasya śivasya purataḥ [śivatejasā] tanmūlenācāryasya jaṭāṃ badhnīyāt| [mantriṇaḥ] sādhakasya sādhyamantreṇa [putrayogyayoḥ] putrakasamasthayostu hṛdeti bhedaḥ||
tasya jaṭāvṛddhiviśeṣamāha---
kṛmighnadravyamiśreṇa
bhasmanā traiphalena ca
sāyacūrṇena vā puṣṭiṃ
nayettā bhautikavratī
//
Vṛtti: [kṛmighnadravyamiśreṇa] kaṭutailaviḍaṅgapāradādidravyasaṃyuktena [traiphalena bhasmanā] harītakyāmalakavibhītakabhasmanā [sāyacūrṇena] niśācūrṇamiśreṇa vā bhautikavratī tāḥ puṣṭiṃ [nayet] prāpayet||
niśācūrṇamiśreṇa vā \Brunner; niśācūrṇamiśreṇa \Bhatt
[bhautikavratino naiṣṭhikavratinaśca] bhautikanaiṣṭhikavratidvayalakṣaṇamāha---
bhautikavratinaste syur
yeṣāṃ sāvadhikaṃ vratam
dehapātāntakaṃ yeṣāṃ
te niṣṭhāvratinaḥ smṛtāḥ
//
Vṛtti:
iyatā kālenaitadvrataṃ saṃnyastavyamiti sāvadhikaṃ yeṣāṃ vrataṃ te bhautikavratinaḥ| yeṣāṃ [dehapātāntakaṃ] śarīrapātāntaṃ nirvāhaḥ te [niṣṭhāvratinaḥ] naiṣṭhikāḥ||
atha ke te naiṣṭhikavratina ityāha---
guravaḥ putrakā ye ca
na prāthamikasādhakāḥ
Vṛtti:
[guravaḥ] ācāryāḥ putrakāḥ tathā [na prāthamikasādhakāḥ] dehapātāvadhimantrasādhakāśceti niṣṭhāvratino jñeyāḥ|
[sāntānikaḥ] bhautikavratamokṣāyāha---
pūrṇavratāvadhiḥ samyag
vrateśāyārpitavrataḥ
//
nyastavratāṅgaḥ satpatnī
parigrahavibhūtimān
bhautikaḥ kāmya ityuktaḥ
satsāntānika eva vā
//
Vṛtti:
samyag iti aviplutavratasya sataḥ [pūrṇavratāvadhiḥ] pūrṇo vratāvadhiryasya saḥ| tathā nirvyūḍhayathāmnātavrata ityarthaḥ| tatastu [vrateśāya] vrateśvarāya [arpitavrataḥ] vratasamarpaṇaṃ kṛtvā [nyastavratāṅgaḥ] vratāṅgāni ajinakamaṇḍalvādīni saṃnyasya| yathoktaṃ śrīmatkiraṇe---
tarpayitvā praṇamyeśaṃ vratameṣāṃ samarpayet| jaṭāstadbhasmadaṇḍaṃ ca kaupīnaṃ saṃyamaṃ kramāt|| samarpya brahmaṇe dhyātvā puṣpavāryakṣataistridhā| vrataṃ samarpya mantrāṇāṃ hṛnmantreṇa visarjanam|| jaṭāvataraṇaṃ tasya kāryam iti
Kiraṇa 40:11c--13c (with many deviations from \edD)
evaṃ kṛte sati [sapatnīparigrahavibhūtimān] śobhanadāraparigrahabhūtiyuktaḥ san bhautikaḥ kāmya ityuktaḥ satsāntānika iti vā| yadvā vibhūtiyogino 'syaiva kāmya ityākhyā| tadvirahiṇastu sadā śobhanena sāntānikākhyena bhaikṣeṇa vartanātsāntānikatvam| yaduktaṃ śrīmatpauṣkare---
uttamaṃ dvijabhaikṣaṃ tu grāhyametattvayā sadā| taddhi sāntānikaṃ nāma bhaikṣaṃ hi parikalpitam|| iti|
[avratinaḥ śaivāḥ]
sādhako lokadharmī yaḥ
putrakaḥ snātako gṛhī
samayī prāggṛhasthaśca
śaivāḥ syurvratavarjitāḥ
//
Vṛtti: sādhakasya śivadharmilaukikadharmibhedād dvaividhye sati lokadharmī yaḥ sādhakaḥ, putrakaḥ, tathā [snātako gṛhī] gṛhasthatve sati snātaḥ, samayī, [prāggṛhasthaḥ] pūrvaṃ gṛhasthaścetyete vratavarjitā jñeyāḥ| prāggṛhasthasśca ityuttarakālaṃ gārhasthyatyāgāpekṣayā| yataḥ sambhavanti kecana ājīvanamujjhitagṛhāvasthitayaḥ| tadvailakṣaṇyārthaṃ prāggṛhasthagrahaṇam||
[śaivānāṃ sādhāraṇa ācāraḥ]
teṣāṃ sādhāraṇaṃ karma
sandhyopāsanamarcanam
snānādīni tadaṅgāni
parvasu dviguṇakriyā
//
Vṛtti:
teṣāṃ vratināmidamavratibhiḥ sādhāraṇaṃ karma ityagrasthiteṣu ślokeṣvapi sambandhanīyam| kiṃ tadityāha---[sandhyopāsanamarcanam] sandhyopāsanārcanādi| [tadaṅgāni] tasya karmaṇo yānyaṅgāni snānādīni tānyapi sādhāraṇānyeva| parvasu cāṣṭamīcaturdaśyayanaviṣuvādiṣu [dviguṇakriyā] pūjājapādikriyādvaiguṇyam||
[bhojane varjyāni patrāṇi; bhaikṣyagrahaṇaṃ ca] kiṃ ca---
nyagrodhāśvatthapatreṣu
vātaghnākṣadaleṣu ca
kāṃsye vābhojanaṃ bhaikṣaṃ
cāturvarṇyamakutsitam
//
Vṛtti:
[nyagrodhāśvatthapatreṣu] nyagrodhasya vaṭasya, aśvatthasya cordhvodgatamūlastadviśeṣasya patreṣu, [vātaghnākṣadaleṣu] vātaghnasya cairaṇḍādeḥ akṣasya vibhītakasya sambandhiṣu patreṣu, kāṃsye pātre abhojanaṃ, [cāturvarṇyam akutsitaṃ bhaikṣaṃ] brāhmaṇādivarṇacatuṣṭayādaninditādbhaikṣagrahaṇaṃ ca sarvasādhāraṇam||
[annavarjanam]
sarvāmarapratiṣṭhāsu
setvādīnāṃ niveśane
sīmantonnayanādyeṣu
saṃskāreṣvannavarjanam
//
Vṛtti:
[sarvāmarapratiṣṭhāsu] sarvadevapratiṣṭhāsu [setvādīnāṃ niveśane] setuprapāvihārādipratipādane [sīmantonnayanādyeṣu saṃskāreṣu] sīmantonnayanādiṣu saṃskāreṣu ca annavarjanam annādivarjanaṃ sarveṣāṃ sādhāraṇam||
[parvasvāhāraniyamaḥ] kiṃ ca---
caruṇā phalamūlairvā
haviṣyeṇāpareṇa vā
caturdaśyāmathāṣṭamyāṃ
pañcadaśyāṃ ca vartanam
//
Vṛtti:
[caturdaśyām aṣṭamyāṃ pañcadaśyāṃ ca] caturdaśyaṣṭamīpañcadaśīṣu [caruṇā phalamūlairvā] carvādibhiḥ vartanaṃ prāṇayātrā| haviṣyeṇāpareṇa vā ityanena ājyapayoyavādinā havirarheṇa vastunā phalamūlādivyatiriktena vartanaṃ sādhāraṇamiti prāguktena sambandhaḥ||
[puṇyakāleṣu viśeṣaniyamāḥ] tathā
vyatīpātadinadhvaṃsa
māsavṛddhyayanādiṣu
viśeṣasaṃyamaḥ kāryaḥ
śaivānāṃ ca pratarpaṇam
//
Vṛtti:
vyatīpātaḥ puṇyakālaviśeṣo jyotiḥśāstrāmnāto bṛhadvaidhṛtyādyupalakṣitaḥ| ayane dakṣiṇottare| ādigrahaṇādviṣuvadarkendugrahaṇakālāḥ| eṣu kāleṣu viśeṣasaṃyamaḥ [śaivānāṃ ca pratarpaṇaṃ] śaivajanatarpaṇaṃ ca sarveṣāmeva sādhāraṇam||
[āpadi śaivānāṃ rakṣaṇam]
mārgakṣīṇe ripugraste
rogārte kṣutprapīḍite
sarvātmanā samuddhāraḥ
kartavyaḥ śivayoginaḥ
//
Vṛtti:
[śivayoginaḥ] śivaśāsane yuktasya sarvasyaiva mārgakṣīṇādiviṣaye samuddhāraḥ sarvātmanā [kartavyaḥ] karaṇīyaḥ| [mārgakṣīṇe] mārgasya adhvanaḥ kṣīṇe paricyutau, naṣṭo mārge adhvani yaḥ kṣīṇapātheyaḥ kṣīṇadeho vā tasmin| ripugraste śatrubhirvaśīkṛte| rogārte vyādhyutkrānte| [kṣutprapīḍite] kṣudhā ca prakarṣeṇa pīḍite| [sarvātmanā samuddhāraḥ] sarvaprakāramuddhāraṇaṃ tasmāttasyā āpado mocanamavaśyaṃ kāryam||
[vratināṃ varjyāni] vratino bhautikasya ca naiṣṭhikasya sāmānyavartanalakṣaṇamāha---
māṃsayoṣinmadhutyāgo
vratinaḥ kṣitiśāyitā
mātrārakṣaṇamekasya
kamaṇḍalusahāyatā
//
strīgītanartitālāpa
vilāsānāmupekṣaṇam
striyā raho 'vyavasthānaṃ
sragabhyaṅgādivarjanam
//
Vṛtti:
vratina idamavaśyamanuṣṭheyam| māṃsayoṣinmadhutyāgaḥ māṃsasya yoṣito madhunaśca varjanam| māṃsatyāgastvatra śūdrasyaiva| anyeṣāmavratitve 'pi tanniṣedhāsiddheḥ| kṣitiśāyitā iti sthalaśāyitvam| [mātrārakṣaṇam] ajinākṣasūtradaṇḍakamaṇḍalvādimātrāyāḥ svopayoginaḥ parikarasya rakṣaṇam apramādaḥ| [ekasya kamaṇḍalusahāyatā] ekasyaiva kamaṇḍaludvitīyasyāvasthānam| [strīgītanartitālāpavilāsānāṃ] srīsambandhino gītanṛtyasalāpavilāsādeḥ [upekṣaṇaṃ] pariharaṇam| [striyā raho 'vyavasthānam] striyā ca sahaikānte 'vasthitivarjanamiti sahāvasthitimātrasyeha niṣedhaḥ, pūrvaṃ tu tatsambhogasyeti na paunaruktyam| [sragabhyaṅgādivarjanaṃ] sragvilepanābhyaṅgādivarjanaṃ ca||
[śrāddhakālāḥ] kiṃ ca---
kṛṣṇapakṣe caturdaśyām
aṣṭamyāṃ siddhadarśane
śrāddhaṃ parvasu sarveṣu
viṣuve cāṣṭakādiṣu
//
[pūjyāḥ]
gurutattulyabandhūnāṃ
bhrātṝṇāṃ jyāyasāmapi
pūjanaṃ madhuparkādyaiḥ %
full line: pūjanaṃ madhuparkādyaiḥ svakāle strīniveṣaṇam (MrgT_3.21)
Vṛtti:
[kṛṣṇapakṣe caturdaśyāmaṣṭamyāṃ] kṛṣṇāṣṭamīcaturdaśyoḥ [siddhadarśane] siddhasandarśane [viṣuve] viṣuvaduttarāyaṇārkendugrahaṇādiṣu [sarveṣu parvasu] sarvaparvakāleṣu ca śrāddhaṃ viśeṣataśca aṣṭakādiṣu iti, kanyāgate 'rke māghatryodaśīprabhṛtiṣu ca kuryāt|
aṣṭakādiṣu \Brunner; [aṣṭakādiṣu] \Bhatt
[gurutattulyabandhūnāṃ] guroḥ guruputrādīnāṃ ca tattulyānāmanyeṣāṃ ca vayovidyādharmādivṛddhānāṃ ca [jyāyasāṃ bhrātṝṇāṃ] janmādinā dīkṣādyanugrahataśca jyeṣṭhānāṃ bhrātṝṇāṃ ca [madhuparkādyaiḥ] madhuparkavastrālaṃkārādyaiḥ pūjanaṃ kāryam||
[vratasamāptau bhautikavratina ācāraḥ] satpatnīparigrahavibhūtimattvaṃ bhautikasya yaduktaṃ tadviśeṣayitumāha---
(contd.)
svakāle strīniṣevaṇam //
maṅgalācārayogitvaṃ
gandhamālyādidhāraṇam
Vṛtti:
[svakāle strīniṣevaṇam] vratasamāpterūrdhvaṃ dārasaṃgrahakālaḥ strīṇāṃ svakālaḥ, tasminniṣevaṇam| [maṅgalācārayogitvaṃ gandhamālyādidhāraṇam] maṅgalācaraṇayogaṃ prakaṭaṃ sragādidhāraṇaṃ ca kuryāt||
[śaivānām asādhāraṇa ācāraḥ] idānīṃ `paraścāvasaraprāpta' iti prākprakrānto 'sādhāraṇa ācārasaṃgrahaḥ sūtryate---
paraścāvasaraprāptaḥ = \Mrg\CP\ 1c
pṛthakpṛthaktathaiteṣām
ācāro 'pi vidhīyate
//
Vṛtti:
eteṣāṃ deśikādīnāṃ pṛthakpṛthag vidhiniṣedhātmaka ācāro vidhīyate anuśāsyate|
[deśikācāravidhiḥ] atra deśikasya tāvadāha---
maheśaśaktinunnānāṃ
guruḥ kuryādanugraham
parīkṣābhiḥ parijñāya
vṛddhoktābhiḥ prayatnavān
//
akṛtvā śivabhaktānāṃ
kṛtvā ca vyabhicāriṇām
prāyaścittī bhavedyasmāt
kuryādyatnamataḥ param
//
Vṛtti:
sā śaktirāpatatyādyā puṃso janmanyapaścime|
sā śaktirāpatatyādyā puṃso janmanyapaścime| \Svayam\ 1:16cd
śaktirāpatatyādyā \Brunner\ (with most other sources);
śaktirāpatatyārdrā \Bhatt
iti pārameśvaryānugrahaśaktyāghrātānāmaṇūnāṃ gururanugrahaṃ dīkṣārūpaṃ kuryāt|
@śaktyāghrātānām \Brunner; @śaktyantaritānām \Bhatt
kīdṛśaṃ kiṃ ca kṛtvetyāha--- vṛddhoktābhiḥ parīkṣābhiḥ prayatnavān parijñāya vidyāvṛddhā āgamoktaparīkṣākuśalā atra vṛddhaśabdenoktāḥ| tadabhihitābhiḥ parīkṣābhiḥ saprayatnaḥ san parijñāya saṃsāravaitṛṣṇyamanugrahārthināṃ ca buddhvā| yasmādevaṃvidhāṃ parīkṣāṃ vinā śivabhaktānāṃ kadācidakaraṇaṃ vyabhicāriṇāṃ ca karaṇaṃ syāt| tadānīṃ prāyaścittī gururbhavet| ataḥ [param] prakṛṣṭaṃ yatnaṃ tadāśayaparīkṣaṇe kuryāt||
[saṃjīvanākhyaṃ karma] prasaṅgād vyabhicāriṇi dīkṣite saṃjīvanākhyaṃ karma vaktumāha---
karma saṃjīvanaṃ kuryād
vyabhicāriṇi dīkṣite
sṛṣṭitaḥ saṃhitāhomād
adhaḥ pūrṇāsamanvitam
//
Vṛtti:
kṛtrimasaṃsāravaitṛṣṇyagurudevādibhaktiprakarṣāsṃdarśanādaparipakvve jane vyabhicāriṇi dīkṣite sati [sṛṣṭitaḥ] sṛṣṭikrameṇa pratitattvasaṃhitāhomāt sarvasamāptau [adhaḥ] adhastāt [pūrṇāsamanvitaṃ] pūrṇāhutidānataḥ [saṃjīvanaṃ] saṃjīvanākhyaṃ karma dīkṣāphalapratibandhakaṃ bhavati|
nanu dīkṣāyāṃ karmadāhasya vṛttatvāt punaḥ saṃjīvanam kathamupapadyata ityetadāha---
saṃjīvanaṃ na dagdhasya
karmaṇo 'sti mṛṣā citaḥ
khedanāpāyaśamanaṃ
prāyaścittaṃ hi tadguroḥ
//
Vṛtti:
dīkṣitasya tāvadanarhatvādeva dīkṣāphalaṃ na siddham| ataḥ kiṃ tasya saṃjīvanoktyā| na ca dagdhasya karmaṇaḥ [saṃjīvanamasti] saṃjīvanopapattiḥ| [khedanāpāyaśamanam] api tu asthāne vṛthaiva mantrāḥ kheditāḥ, tataḥ pratyavāyo mā bhūditi tacchāntaye gurostatprāyaścittam||
[matāntarīyāṇāṃ dīkṣā]
darśanāntarasaṃsthābhyaś
cyutānāmanuvartinām
vidhāyaivaṃ svajātyantaṃ
dīkṣāṃ kuryādvilomataḥ
//
Vṛtti:
[darśanāntarasaṃsthābhyaḥ] yāḥ kāpilasaugatādiparadarśanoditāḥ saṃsthā uktayastābhyaḥ cyutānāṃ bhāvanādivaśād bhraṣṭānām [anuvartināṃ] kālāntarataḥ śaktipātamāhātmyād andhatvanivṛttyā śaivamārgānuvartināṃ satāṃ prāyaścittārtham evam iti prāgvatsṛṣṭikramātsāmānyamantrasaṃhitāhomaṃ svajātyantaṃ kuryāt| svajātiśabdena caturdaśavidhabhūtasargamadhyasthabrāhmaṇādijātisamāśrayo bhūloke lakṣyate|
@brāhmaṇādijāti@ \Brunner; @brāhmaṇajāti@ \Bhatt
tadantaṃ yāvat| tatastu vilomataḥ saṃhārakramāt prāguktavat svādhaḥparyantaṃ yāvad [dīkṣāṃ kuryād] dīkṣayā yojanikāṃ kuryāt||
[mantragopanam]
na te mantraprayoktāraḥ
punarbhavatayā matāḥ
mantrasādhanasaṃsiddheḥ
kuryāttānītarāṇyataḥ
//
The text of this verse is awkward if it really means
what \Narayana\ makes of it.
Vṛtti:
te caiva dīkṣitā api punarbhavatayā [mantraprayoktāraḥ na matāḥ] mantraprayogārhā na bhavanti| nānyasyānugrahādivyāpārayogyāḥ| nāpyātmano [mantrasādhanasaṃsiddheḥ] mantrasādhanajanitāyāḥ siddheḥ prayoktāraḥ prayojakāḥ syuḥ| mantrasiddhyarthamāmnātasya kriyākāṇḍasya prayoge teṣāmanarhakatvaṃ bhavatīti yāvat| ataḥ ebhyaḥ sakāśād [itarāṇi kuryād] mantrasādhanānyanyāni sampādayet pṛthak kuryāt| na tveṣāṃ tāni prakaṭayedityarthaḥ||
[mantravyākhyānārhāḥ] na ca sarvatra tadgopanīyam| api tu---
vyākuryācchivabhaktebhyas
tantrārthaṃ gatamatsaraḥ
nyāyato nyāyavartibhyaḥ
pālayan gurusantatim
//
Vṛtti:
[gurusantatiṃ pālayan] gurvāmnāyakramaṃ rakṣan [nyāyavartibhyaḥ] śāstrānuṣṭhānaparebhyaḥ śivabhaktebhyaḥ tantrārthaṃ [gatamatsaraḥ] anviṣṭaḥ san [nyāyataḥ] vakṣyamāṇanyāyena vyākuryāt||
[vyākhyāne varjyāḥ kālāḥ]
nājīrṇāmlarasodgāre
na ca viṇmūtrabādhane
na chardyāṃ nātisāre vā
nāsnātaḥ kṛtamaithunaḥ
//
Vṛtti:
[ajīrṇāmlarasodgāre] ajīrṇatvādāmlāmburasodgāre [viṇmūtrabādhane] mūtrapurīṣottambhane [chardyāṃ] vāntau na vṛttāyāṃ atisāre ca na vyākhyānaṃ kuryāt| [nāsnātaḥ kṛtamaithunaḥ] na cāpyupabhogānantaramakṛtasnānaḥ san||
[vyākhyānavidhiḥ] vyākhyāvidhimāha---
pūte mahītale sthitvā
paśuśravaṇavarjite
paridhyantaḥsthitaṃ ceṣṭvā
śivaṃ praṇavavigraham
//
gaṇādhyakṣaṃ guruṃ caiva
kārakaṃ ca kriyāśrayam
pustakaṃ guptasatsūtraṃ
vidhāyopari kasyacit
//
brūyādaṅga paṭhasveti
kṛtārthaṃ prāgudaṅmukhaḥ
prārabheta gururvyākhyāṃ
sambandhārthoktipūrvikām
//
Vṛtti:
[pūte] upalepanādinā pavitrite [paśuśravaṇavarjite] adīkṣitaśravaṇarakṣite [mahītale] bhūtale [paridhyantaḥsthitaṃ] sūtroccāṭanakṛtamaryādātmakaparidhyantarasthaṃ [śivaṃ praṇavavigrahaṃ] praṇavākāraṃ parameśvaraṃ [gaṇādhyakṣaṃ] gaṇeśvaraṃ guruṃ ca [iṣṭvā] abhyarcya [kriyāśrayaṃ kārakaṃ ca] vyākhyākriyopayogikaraṇīsūtrādikārakamiṣṭvā
@yogikaraṇīsūtrādikārakam \Brunner; @yogiprākaraṇikasūtrādhikārakam \Bhatt
\Bhatt's reading would indeed give what seems a strange gloss here,
making a reference to three of the śāstrasambandhas out of
the word kāraka; but \Brunner's too is not smooth. She suggests
(1985:362, fn.5) that the karaṇīsūtra is used to trace the box
to enclose the praṇava just mentioned in verse 31 and that the
teacher would use it while explaining maṇḍalas.
[guptasatsūtraṃ] saṃrakṣitaśobhanagrathitasūtraṃ pustakaṃ kasyacit pīṭhayantrakādeḥ upari [vidhāya] kṛtvā kṛtārthaṃ śiṣyaṃ aṅga ityāmantrya [paṭhasveti] paṭheti [brūyād] ādiśet| svayaṃ ca [guruḥ prāgudaṅmukhaḥ] prāṅmukha udaṅmukho vā vyākhyāṃ [prārabheta] upakramet} sambandhārthoktipūrvikām iti kīdṛśaḥ sambandhaḥ? paro mahān antarālo divyo divyādivyo 'divya iti ṣaṭprakāraḥ|
six-fold sambandha in tantrāvatāra
arthaḥ prayojanam| uktistātparyakathanam| abhidheyamityarthaḥ| tatpurassaraṃ sambandhābhidheyaprayojanavarṇanaṃ prathamaṃ kuryāditi bhāvaḥ|
kiṃ ca
sroto brūyādanusroto
bhedān saṃkhyānameva ca
pravṛttaye guruṃ svaṃ ca
steyī syāttadakīrtanāt
//
Vṛtti:
[sroto 'nusroto bhedān saṃkhyānameva ca] sroto 'nusrotastadbhedasaṃkhyānaṃ [svaṃ guruṃ ca] sva gurukramaṃ ca [pravṛttaye brūyād] śāstrapravṛttihetuṃ vadet| [tadakīrtanāt steyī bhavet] gurorakīrtanāddhi steyaṃ bhavati|
[srotāṃsi] atha kāni srotāṃsi kānyupasrotāṃsi cetyāha---
srotāṃsi kāmikādyūrdhvam
asitāṅgādi dakṣiṇam
sammohādyuttaraṃ prācyaṃ
trotalādi suvistaram
//
āpyaṃ caṇḍāsidhārādi
caṇḍanāthaparigraham
Vṛtti:
kāmikādi kāmikādīni jñānāni [ūrdhvaṃ srotāṃsi] ūrdhvasrotaḥ| [asitāṅgādi] asitāṅgādīni dakṣiṇam| sammohādi sammohādīni uttaram| trotalādijñānāni [prācyaṃ] prācyāni| [caṇḍāsidhārādi] caṇḍāsidhārādīni [āpyaṃ] paścimam| tacca [caṇḍanāthaparigrahaṃ] caṇḍeśvaraparigrahatayā jñeyamiti pañcasrotaḥkathanam||
[anusrotāṃsi] athānusrotāṃsyucyante---
śaivaṃ māntreśvaraṃ gāṇaṃ
divyamārṣaṃ ca gauhyakam
//
yoginīsiddhakaulaṃ ca
srotāṃsyaṣṭau vidurbudhaḥ
pratisroto 'nuyāyīni
tāni brūyādvibhāgaśaḥ
//
Vṛtti:
śaivādīni aṣṭau srotāṃsi [pratisroto 'nuyāyīni] pratisroto 'nuvidhāyinīti, etānyekaikasminnūrdhvādau srotasyanusrotastvena sthitānītyarthaḥ| [tāni] etāni ca vibhāgaśaḥ [brūyāt] kathayet||
[śaivam] athaitebhyaḥ prathamoddiṣṭaṃ śaivaṃ tāvadvyācaṣṭe---
śaivaṃ prāktantranirmāṇam
ājñāsiddhamasaṃśayam
Vṛtti:
[prāk] prāthamye sargaprārambha eva yacchivabhaṭṭārakāpāditatantranirmāṇam [ājñāsiddham] ājñāmātrasiddham [asaṃśayam] asandehamativīryavat tajjñānaṃ śaivam|
[māntreśvaraṃ, gāṇaṃ, divyaṃ, ārṣaṃ ca] māntreśādicatuṣṭayamāha---
tadīśānairgaṇairdevair
munibhiśca tadicchayā
//
vijñāya sambhṛtaṃ svoktyā
tādākhyaṃ samupāgatam
Vṛtti:
[tat] taccaivaṃ jñānaṃ [īśānaiḥ] mantreśvaraiḥ gaṇaiḥ devaiḥ munibhiśca vijñāya [tadicchayā] śivecchayaiva [svoktyā] svavācā sampraṇītaṃ sat krameṇa [tādākhyaṃ samupāgatam] māntreśvaraṃ gāṇeśvaraṃ divyamārṣaṃ ca saṃjñayā sampannam||
[gauhyakam] gauhyakaṃ vyācaṣṭe---
guhyakā bhujagā yakṣā
dānavāśca śiveritāḥ
//
yadūcurupasaṃhṛtya
tatsroto gauhyakaṃ smṛtam
Vṛtti:
guhyakākhyayā bhujagayakṣadānavā ucyante| [śiveritāḥ yadūcurupasaṃhṛtya] taiḥ śivabhaṭṭārakapreritaiḥ yatsaṃkṣipyoktaṃ tad gauhyakaṃ srotaḥ||
[yoginīkaulam] yoginīkaulamāha---
yoginyo lebhire jñānaṃ
sadyo yogāvabhāsakam
//
yenatadyoginīkaulaṃ
nottīrṇaṃ tābhya eva tat
Vṛtti:
sadyaḥ tatkṣaṇameva [yogāvabhāsakaṃ] yogamavabhāsayati yattathāvidhaṃ jñānaṃ śivabhaṭṭārakād yoginyaḥ [lebhire] prāpuḥ| tacca tābhya eva sakāśād nottīrṇaṃ nānyatra prasṛtam āsveva sampradāyatayā sthitamityarthaḥ||
[siddhakaulam] atha siddhakaulākhyamucyate---
tathānyadapi saṃhāro
yo miśro miśra eva saḥ
//
Vṛtti:
yadanyat siddhakaulākhyaṃ jñānaṃ tat tathā iti yoginīkaulavat| yathā na tad yoginībhya uttīrṇaṃ tathedaṃ siddhebhyasteṣveva pāramparyeṇa sthitamiti yāvat| [yaḥ] yastu [miśraḥ] vyāmiśraḥ saṃhāraḥ saṃgraho yathā māntreśvaramapi munibhiḥ āṛṣaṃ vā guhyakaiḥ saṃkṣipyoktaṃ sa miśra eva saṃkṣepaḥ etatsaṃjñayā yukto jñeyaḥ||
ye caite 'nusrotobhedāḥ---
vādibhedaprabhinnatvāt
teṣāṃ saṃkhyā na vidyate
Cf. \Svayam\ 5:12cd---also \RauS\ 3:25; \Parakhya\ 3:73
\Nisvasa\Guhya\ 7:270; \Mat\VP\ 18:115; \Malini\ 3:25
Vṛtti:
vaktṛbhedabhinnāni asaṃkhyānyevaitāni|| athordhvasrotasi daśāṣṭādaśabhedabhinnatāmāha---
śaivā raudrā mahābhedā
daśāṣṭādaśa cordhvake
//
raudrā rudraiḥ śivāviṣṭair
udgīrṇā na svabuddhitaḥ
Vṛtti:
śaivāḥ kāmikādayo vakṣyamāṇā daśa bhedāḥ| raudrā vijayādayo 'ṣṭādaśa| ete [ūrdhvake] ūrdhvasrotasi [mahābhedāḥ] bhedāḥ| tatra śaivāḥ śivabhaṭṭārakeṇa upadiṣṭāḥ| raudrāstu [śivāviṣṭaiḥ] śivādhiṣṭhai rudraiḥ [udgīrṇāḥ| na svabuddhitaḥ] na svamanīṣikayā||
[aṣṭāviṃśatiḥ śaivāgamāḥ] tāneva bhedān paṭhati---
śaivānāṃ kāmikaṃ pūrvaṃ
yogodbhavamacintyakam
//
kāraṇaṃ jñānamajitaṃ
dīptākhyaṃ sūkṣmakaṃ param
sāhasramaṃśumatsaṃjñaṃ
suprabhiddaśamaṃ viduḥ
//
raudrāṇāṃ vijayaṃ pūrvaṃ
niḥśvāsaṃ pārameśvaram
svāyambhuvaṃ tathāgneyaṃ
vīrabhadraṃ ca rauravam
//
makuṭaṃ vimalākhyaṃ ca
candrajñānākhyameva ca
mukhabimbakamudgītaṃ
lalitaṃ siddhasaṃjñakam
//
santānaṃ caiva śarvoktaṃ
kiraṇaṃ vātulaṃ param
Vṛtti:
spaṣṭam| [vyākhyānārambhavidhiḥ]
tadārabhya ciraṃ nāti
vyākuryātprathame 'hani
//
prārambhe 'pi na sampraśna
pratipraśnātimātrakam
trīṇi mūlāni sūtrāṇi
dve tathaikamathāpi vā
//
vidhāyoparamedūrdhvaṃ
vadanvighnairviruddhyate
Vṛtti:
[tadārabhya] tat śaivaṃ raudraṃ tantramārabhya nāticiraṃ prathame 'hani prathame 'hni [vyākuryād] vyācakṣīta| nāpi śiṣyaḥ prārambhe [sampraśnapratipraśnātimātrakaṃ] sampraśnapratipraśnairatimātraṃ prārambhaṃ kaluṣīkuryādityadhyāhāraḥ| kīdṛśastarhi prārambhaḥ syādityāha---trīṇīti, vakṣyamāṇalakṣaṇāni mūlāni sūtrāṇi mūlasūtrāṇi trīṇi [tathā dve] yadvā dve sūtre, [athāpi vā ekam] yadvā ekameva sūtram| vidhāya iti vyākhyāya [uparamed] viramed| [ūrdhvaṃ vadan vighnaiḥ viruddhyate] tadadhikaṃ vyākurvantaṃ hi vighnā rundhantītyarthaḥ||
[mūlasūtralakṣaṇam] trīṇi mūlāni sūtrāṇītyuktam| tāni darśayati---
yatra bīja ivārūḍho
mahātantrārthapādapaḥ
//
ābhāti mūlasūtraṃ tad
athaśabdādyalaṃkṛtam
Vṛtti:
[yatra] yasmin sūtre [mahātantrārthapādapaḥ bīja iva] sakalatantrārtho bīja iva mahāvṛkṣa ārūḍhaḥ ābhāti śaktyātmanāvasthitaḥ pratibhāti [tad athaśabdādyalaṃkṛtaṃ] tadathaśabdaśivasiddhādimaṅgalyaśabdālaṃkṛtaṃ mūlasūtraṃ mūlaṃ sūtraṃ jñeyam| yathā---`athānādimalāpeta' ityādi||% \quote{athānādimalāpetaḥ ${\rm \Mrg\VP\ 2:1a.}$}
tasyoddeśakamanyatsyāt
saṃkhyāsaṃjñādivācakam
//
tallakṣaṇaṃ svarūpoktis
tadanyo bhāṣyasaṃgrahaḥ
Vṛtti:
tasya mūlasūtropakṣiptasya tantrārthasya [uddeśakam] uddeśaḥ [anyad] dvitīyamūlasūtram [syāt] yat saṃkhyāsaṃjñādivācakaṃ saṃkhyāsaṃjñādikaṃ vakti| yathehaiva---
tripadārthaṃ catuṣpādaṃ mahātantraṃ jagatpatiḥ| sūtreṇaikena saṃgṛhya prāha vistaraśaḥ punaḥ|| iti|% \quote{tripadārthaṃ catuṣpādaṃ \devdot\ prāha vistaraśaḥ punaḥ ${\rm \Mrg\VP\ 2:2.}$}
tṛtīyamapi mūlasūtratvena jñeyaṃ yatra tallakṣaṇaṃ svarūpoktiścāsti| yathā---
jagajjanmasthitidhvaṃsatirobhāvavimuktayaḥ| iti|% \quote{jagajjanmasthitidhvaṃsatirobhāvavimuktayaḥ ${\rm \Mrg\VP\ 2:3ab.}$}
atra hi śivaḥ pāśajālamapohatīti mūlasūtropakṣiptamapohanaṃ lakṣyate| pañcavidhakṛtyātmakamapohanasvarūpamuktam| [tadanyaḥ] tatastvanyāni yāni sūtrāṇi tadvyākhyānāya pravṛttatvād [bhāṣyasaṃgrahaḥ] bhāṣyasaṃgrahatvena jñeyāni| yadvā tallakṣaṇaṃ svarūpoktiriti tairmūlasūtroddeśasūtrādibhiḥ sūtrairyadabhidheyasya lakṣaṇaṃ sā svarūpoktirjñeyā| mūlasūtradvayapramukhasūtrasaṅgrahaḥ svarūpākhyayā boddhavya ityarthaḥ|
@sūtrasaṅgrahaḥ \Brunner; @sūtrasaṃgraha@ \Bhatt
tadanyastu tadvyaktibhedagrantho bhāṣyasaṃgraha iti mantavyaḥ| asmiṃśca pakṣe svarūpagranthasya sarvasyaiva mūlasūtratvam| tena ca `trīṇi mūlāni sūtrāṇi dve tathaikamathāpi vā} vidhāyoparamed' ityaviruddham||
[vyākhyāne phalam]
brūte ya evaṃ yo 'dhīte
tāvubhau hatakalmaṣau
//
loke prāpya yaśo dīptaṃ
viśetāṃ dhāma śāṃkaram
Vṛtti:
[evam] ityuktakrameṇa yo brūte vyākurute| [yaḥ] yaśca adhīte śṛṇoti tau [ubhau] dvāvapi guruśiṣyau [hatakalmaṣau] nirastapāpau [loke] jagati [dīptaṃ] śubhraṃ yaśaḥ prāpya uttarakālaṃ [śāṃkaraṃ dhāma] parameśvaratejo viśetāṃ tatsāyujyaṃ gacchetām||
[anadhyāye vyākhyāne doṣaḥ] anyathā tu--- \newpartvs
anadhyāye svatantrokta
vidhinā śṛṇvate mṛṣā
//
śaivaṃ vadannihālpāyur
mṛtaḥ pretatvamaśnute
Vṛtti:
svatantroktavidhinā [anadhyāye] ye anadhyāyāsteṣu [śṛṇvate] yaḥ śṛṇoti tasya [mṛṣā] vyarthaṃ tacchrutam| atha tathāvidhaṃ mṛṣā vyarthaṃ śṛṇvate śaivaṃ śāstraṃ [vadan] kathayan iha loke tāvad alpāyuḥ bhavati| mṛtaḥ jīvitādūrdhvaṃ [pretatvaṃ] pretabhāvamājñāvilaṅghanataḥ kravyādayonim [aśnute] prāpnoti||
[anadhyāyāḥ] athe ke te anadhyāyā yadvilaṅganādīdṛkphalāvāptirityata āha---
nādhyāpayeccaturdaśyām
aṣṭamyāṃ pakṣayordvayoḥ
//
pratipatpañcadaśyośca
caturthyāmarkasaṃkrame
Vṛtti: arkasaṃkramaḥ saṃkrāntidivasaḥ| spaṣṭamanyat||
nirghātolkāmahīkampa
paścāccāpeṣu vāsaraḥ
//
saṃdhyāstanitadigdāha
pariveṣopaleṣu ca
Vṛtti:
[nirghātolkāmahīkampapaścāccāpeṣu] nirghātaḥ āntarikṣaḥ śabdaḥ| ulkā daṇḍākāratejorūpā| mahīkampaḥ bhūmikampaḥ| paścāccāpaḥ vāruṇyāṃ diśīndradhanuḥ| eteṣu [vāsaraḥ] ekavāsaro 'nadhyāyaḥ| sandhyāstanitadigdāhapariveṣopaleṣu ca] sandhyayormeghagarjitaśrutau, digdāhe, sūryapariveṣadarśane, antarikṣād upalavarṣe caśabdādekāhameva||
nīhāraprāgdhanurvyoma
pureṣveteṣu darśanāt
//
Vṛtti:
[nīhāraprāgdhanurvyomapureṣu] nīhāre himākhyayā prasiddhe| prāgdhanuṣi ca pūrvadiksthendradhanurdarśane| vyomapure gandharvanagare ca dṛṣṭe| [eteṣu darśanāt] taddarśanaṃ yāvadanadhyāyaḥ kāryaḥ||
kīlake ca ravīndusthe
tryahaṃ svarbhānudarśane
Vṛtti:
[ravīndusthe kīlake] candrārkabimbasthakīlakākṛtyutpātadarśane svarbhānudarśane] rāhudṛṣṭau ca tryaham anadhyāyaḥ||
pañcarātraṃ harimakhe
pavitre ca makhadviṣaḥ
//
Vṛtti:
[harimakhe] indrotsave hariprabodhādau vā [makhadviṣaḥ pavitre ca] parameśvarapavitrārohaṇe [pañcarātraṃ] pañcāham||
biḍālavyālabhekeṣu
gateṣvantarato dinam
Vṛtti:
[biḍālavyālabhekeṣu] mārjārasarpamaṇḍūkeṣu [antarato] vyākhyātṛśrotṛmadhye gateṣu [dinam] ekāham||
tryahaṃ triphaṇini vyāle
dṛṣṭe dviphaṇini dvyaham
//
Vṛtti:
triphaṇini vyāle sarpe dṛṣṭe tryaham| dviphaṇini tu dvyaham anadhyāyaḥ||\newverse
antaḥ śavaśrutau dāhe
śavagandhe kharānile
tadvirāmaṃ vinā khyāta
jantumṛtyau ca vāsaram
//
Vṛtti:
[antaḥ] vyākhyānakālamadhye [śavaśrutau] śavapaṭaharodanādiśrutau [dāhe] gṛhadāhādiśravaṇe [śavagandhe] śavanikaṭadhūmāghrāṇe [kharānile] paruṣatare vāyau ca vahati tadvirāmaṃ vinā vyākhyānaṃ na kuryāt| [khyātajantumṛtyau] prakhyāte kasmiṃścijjantau mṛte [vāsaram] naikāhaṃ vyācakṣīta||
gurau māsaṃ śivībhūte
bhrātṛśiṣyādike tryaham
śaive rājani saptāhaṃ
trirātraṃ paśudharmiṇi
//
Vṛtti:
gurau śivībhūte māsam anadhyāyaḥ| [bhrātṛśiṣyādike] bhrātari śiṣye ca śivībhūte tryaham| [saptāhaṃ] saptarātraṃ śaive [rājani] rājñi| paśudharmiṇi rājanyuparate trirātraṃ vyākhyāniṣedhaḥ||
svakalpānvayasiddheṣu
tathānyeṣvapi deśikaḥ
Vṛtti:
atha anyeṣvapi [svakalpānvayasiddheṣu] svakalpopāyena svaśāstrasādhāraṇyenānviṣṭeṣu śivībhūteṣu [deśikaḥ] ācāryaḥ [tathā] tryahamanadhyāyaṃ kuryāt||
[vyākhyānavidhiḥ] vyācakṣāṇastu---
prāgvyākhyānaparāmarśa
samādhāneṣṭikṛdbhavet
//
Vṛtti:
pūrvavyākhyānapratyavamarśanāt tadviruddhaṃ yatkiṃcitsyāttatsamādadhyāat|
pūrvavyākhyānapratyavamarśanāt \Brunner; pūrvavyākhyāne pratyahaṃ vimarśanāt \Bhatt
kvacicca prastutavyākhyāvasarāgatapāścātyavisaṃvāde itthaṃ tatreṣṭavyamiti pūrvavyākhyāne iṣṭim ativyāptyavyāptiparihāraṃ vadet||
samayī putrako vāpi
jñātvā kiṃcidapūrvakam
nivedayedanujñāto
gurave pīṭhavartine
//
Vṛtti:
gurugṛhanivāsinā samayinā putrakeṇa vā [kiṃcidapūrvakaṃ] kimapyapūrvaṃ vastu jñātvā tadanujñātena [gurave pīṭhavartine] pīṭhasthagurave nivedanīyam| gṛhītācāryābhiṣeke kimapyapūrvamanyato 'dhigataṃ putrakasamayinordattānujñayoḥ sakāśāt pīṭhasthena guruṇāvagantavyam||
yadvā
śṛṇuyātsvābhiṣiktādvā
yogapīṭheṣṭaśaṃkaraḥ
bahiḥ sthito bahiḥsaṃsthāt
parasiktādapīṭhagāt
//
Vṛtti: [svābhiṣiktāt] svayamabhiṣiktācāryād yogapīṭhe śrīmatkiraṇādāvāmnātalakṣaṇe viśiṣṭe devaguruśāstrapūjādhāre [iṣṭaśaṃkaraḥ śṛṇuyāt] pūjitaparameśvareṇādhigantavyam| yadi tu bahiḥ sthitaḥ deśāntareṣvaṭan granthānadhigantumicchet tadā bahiḥsaṃsthāt bahiḥsthitāt parasiktād anyābhiṣiktād apīṭhagāt apīṭhasthādapyadhigantavyam||
NOTE reference to yogapīṭhalakṣaṇa in Kiraṇa,
which may be a reference to the description in \Kir\ 31
[ācāryaniyamāḥ]
na yāyādanupānatkaḥ
kvacinnāpyasahāyavān
nātiprāṅnātivelāyāṃ
na rātrau na khārātape
//
Vṛtti:
upānadgrahaṇaṃ pādukādyupalakṣaṇam| [anupānatkaḥ] nagnapādaḥ [asahāyavān] ekākī [nātiprāk] aprabhāte [ativelāyāṃ] sāyaṃ [rātrau] niśāyāṃ [kharātape] tīvrātape vā na gururgacchet||
na nīcaiḥ saṃvasennnāpi
vṛthā yāyādgṛhādgṛham
tathā nopahasetkaṃcin
nānukuryānna pīḍayet
//
Vṛtti:
[na nīcaiḥ saṃvaset] na nikṛṣṭairjanaiḥ sahavāsaṃ kuryāt| vṛthā [gṛhādgṛhamapi gṛhād gṛhāntaraṃ ca [na yāyāt] na paryaṭet| [kaṃcinnopahased nānukuryāt] na ca kasyāpyupahāsamanukaraṇaṃ ca kuryāt| [na kaṃcit pīḍayet] na ca kaṃcinmarmodghāṭanadehatāḍanadhanāpaharaṇairhiṃsyāt||
nāsadācaritaṃ kiṃcid
ācaretsa gururyataḥ
tadāpannamamānyatvaṃ
mantryādiṣu na vāryate
//
mantryādiṣu \Brunner; mantrādiṣu \Bhatt
Brunner has followed the reading of 2 IFP transcripts
Vṛtti:
[asadācaritam] asadbhirācaritaṃ na kiṃcidācaret| [yataḥ sa guruḥ] yasmātsarveṣu sādhakaputrakasamayiṣvasyaiva garīyastvam| [tadāpannam amānyatvam] ācārye 'pūjyatvamāpādyamānaṃ [mantryādiṣu na vāryate] tatsādhakādiṣu durnivāram| tadanugṛhītānāmapyeṣāṃ tattatpadāvāpteḥ||
[putrakasamayinorācāraḥ] itthamācāryasya caryāmabhidhāya putrakasamayinorvaktumāha---
putrakaḥ prātarutthāya
samayī ca kṛtāhnikaḥ
kṛtapraṇāmo 'nujñāto
guruṇā kṛtyamācaret
//
Vṛtti:
putrakaḥ samayī ca [prātaḥ] brāhme muhūrte utthāya kṛtāhnikaḥ kṛtapraṇāmo [guruṇā anujñātaḥ] gurvanujñātaḥ [kṛtyam] karaṇīyam [ācaret] kuryāt||
[śāstraśravaṇavidhiḥ] kiṃ tat karaṇīyamityāha---
adhītya śṛṇuyācchāstraṃ
gurutantro gurau vasan
tyaktvābhimānamātsarya
ḍambhavyasanasantatim
//
Vṛtti:
samayinā putrakeṇa [śāstramadhītya] śāstrapāṭhānantaraṃ [gurau vasan gurutantraḥ] gurugṛhādhivāsinā tatpāratantryeṇa ca [abhimānamātsaryaḍambhasantatim] abhimānam ahaṃkāraṃ mātsaryaṃ dveṣaṃ ḍambhaṃ kṛtrimaṃ vyasanasantatiṃ kleśahelāparamparāṃ tyaktvā vihāya [śṛṇuyāt] tacchravaṇaṃ kāryam||
[gurusannidhau varjyāni]
kaṇṭhaprāvṛtiniṣṭhīva
kāsahāsādi sannidhau
gurorna kuryānno vādaṃ
kaiścinnotkṛṣṭaveṣavān
//
udvartanāṅgasaṃskāra
jṛmbhaṇāsanasaṃsthitīḥ
[corrected on p.328 from @jṛmbhāsanāsaṃsthitī]
samānālāpaparyaṅga
bandhadhyānārcanādikam
//
Vṛtti:
uttarīyaiḥ kaṇṭhaveṣṭanaṃ kaṇṭhaprāvṛtiḥ| niṣṭhīvo mukhapānīyanirasanam| kāsahāsau prasiddhau| ādigrahaṇād aślīlabhāṣaṇakrīḍādi guroḥ sannidhau na kuryāt| [kaiścid no vādaṃ kuryāt] na ca kenacitsaha vivadet| na ca sannihite gurau [utkṛṣṭaveṣavā] utkṛṣṭaveṣaḥ syāt| udvaranādikaṃ na kuryādityabhisambadhyate| tatra udvartanaṃ prasiddham| aṅgasaṃskāraḥ snānodvapanasamālambhanādi| jṛmbhaṇaṃ vidāritāsyagātravinamanam| āsanasaṃsthitiḥ āsane 'vasthānam| samānālāpaḥ sāmyenāpihitavaktrasyānamrasya saṃkathanam| etacca paryaṅgabandhadhyānādi ca na kuryāt| ādigrahaṇād anyasyāpyavinayasya lokaprasiddhasya niṣedhaḥ|| [gurau vartanam]
na bhuñjānaṃ samādhisthaṃ
caṅkramantaṃ kriyodyatam
sthitaṃ gurusamīpe vā
matimānnābhivādayet
//
Vṛtti:
[bhuñjānaṃ samādhisthaṃ caṅkramantaṃ] bhojanasamādhānacaṅkramaṇavyagramācāryaṃ [kriyodyataṃ] kāryeṣvāsaktaṃ [gurusamīpe sthitam] gurusaṃnikarṣasthaṃ ca [matimān] prājño nābhivādayet||
gacchantaṃ pṛṣṭhato yāyād
viśantamanusaṃviśet
tadvaco nānuyuñjīta
śayānaṃ na prabodhayet
//
anujñātaścaredbhaikṣaṃ
prāptamadyānniveditam
śayīta supta ityādi
kuryādvidhyuditaṃ ca yat
//
Vṛtti:
[gacchantaṃ] vrajantaṃ gurum [pṛṣṭhato yāyād] anuvrajet| viśantaṃ [anusaṃviśed] anupraviśet| [tadvaco nānuyuñjīta] tadājñāparyanuyogaṃ na kuryāt| na cainaṃ [śayānaṃ] suptaṃ prabodhayet| [anujñātaḥ] tadājñayā bhaikṣaṃ caret| [prāptam] āhṛtya [niveditaṃ] tasmai nivedya tadājñayaiva adyāt| tasmiṃśca supte [śayīta] supyāt| [yacca] ityevamādyanyadapi [vidhyuditaṃ] sāmānyaśāstravihitaṃ karaṇīyaṃ [kuryād] anutiṣṭhet||
[putrakasamayinorviśeṣācārāḥ] itthaṃ samayinaḥ putrakasya ca sādhāraṇacaryopadeśaḥ kṛtaḥ| iyāṃsu viśeṣaḥ| yaduta---
kāmaṃ caredanujñātaḥ
putrako dhāmni vā vaset
samayī prāggṛhasthaśca
yatnenopacaredgurum
//
Vṛtti:
[putrako dhāmni vased, anujñātaḥ kāmaṃ caredvā] putrakasya gurugṛhanivasanaṃ tadājñayā deśāntarāṭanamiti kāmacāraḥ| [samayī prāggṛhasthaśca yatnena gurumupacaret] samayinaḥ prāguktasya prāggṛhasthasya ca yatnato guruparicaryādyabhijñā||
kuta ityāha---
sādhyakoṭeralabdhatvāt
tallābho 'pi tadāśrayaḥ
na cānyavṛttiniṣṭhasya
tasmāttatsādhako bhavet
//
Vṛtti:
[sādhyakoṭeḥ] sādhyasyābhipretasya koṭeḥ sampatteḥ alabdhatvāt [tallābho 'pi tadāśrayaḥ] tallābhasya ca gurvāśrayatvāt samayinaḥ prāggṛhasthasya ca gurūpasadanamavaśyaṃ kāryam| yasmād anyavṛttiniṣṭhasya sato [na ca] na tallābhaḥ| tasmāt [tatsādhako bhavet] ācāryaparicaryāsādhanaparau syātām||
[sādhakācārāḥ] atha sādhakacaryā---
sādhako gurvanujñātaḥ
puṇyakṣetraṃ samāśritaḥ
sādhyaveṣadharo maunī
haviṣyacaruśākabhuk
//
sahāyavānapramattaḥ
phalamūlabhugeva vā
iṣṭvā śivaṃ yajet sādhyaṃ
japaṃ kuryāttridhoditam
//
hutvā daśāṃśaṃ tadyāga
kumbhasnātaḥ śubhe dine
kṣetrasthaḥ prārabhetkarma
caranvā siddhisaṃśrayam
//
Vṛtti:
vakṣyamāṇavanniyatakṣetraṃ parigṛhya tiṣṭhato vividhasiddhikṣetracāriṇo vā sādhakasya sādhāraṇī ceyaṃ caryā| yad [gurvanujñātaḥ] guroḥ prāptānujñaḥ [puṇyakṣetraṃ samāśritaḥ] pavitrasthānasthitaḥ [sādhyaveṣadharaḥ] sādhyadevatāviśeṣaveṣadhārī [maunī] saṃyatavāg [haviṣyacaruśākabhuk] haviṣyeṇa ghṛtakṣīrayavādinā caruṇā vā mantritena pāyasena śākena vā kṛtavṛttiḥ [phalamūlabhugeva vā] phalamūlāśī vā [sahāyavān] sasahāyaḥ [apramattaḥ] tyaktapramādaḥ [śivamiṣṭvā] śivamabhyarcya [sādhyaṃ yajet] sādhyamantraṃ pūjāprakaraṇoktavadyajet| japaṃ ca---
kṣudrasiddhau japaḥ kāryo bhāṣyo 'nyaśraṇātmakaḥ| upāṃśurmadhyasiddhyādau
iti śrīmatparākhyādāvuktatvādvaśīkaraṇavidveṣādyadhamasiddhyapekṣayā bhāṣyarūpaṃ khaḍgāñjanādi madhyamasiddhyānuguṇyenopāṃśusaṃjñaṃ cakravartitvādyuttamasiddhyapekṣayā ca mānasaṃ kuryāt| yadi vā---
uttamāḥ śivamantrādyā mantreśādyāstu madhyamāḥ| gaṇāśca rudramantrāśca bhaginyo mātarastathā| adhamāḥ kīrtitāḥ mantrāḥ iti|
tathā---
utamānmanasā mantrānmadhyamānapyupāṃśunā| adhamānapi mantrāṃstu bhāṣyeṇeha japedbudhaḥ||
iti śrīmatpauṣkaroktarītyā sādhyamantrasyaiva adhamamadhyamottamatvena bhāṣyopāṃśumānasabhedena [tridhoditaṃ japaṃ kuryād] triprakāratayā japaṃ vidadhyāt|
mānasādivibhāgena japtvānte siddhyapekṣayā|% \quote{mānasādivibhāgena japvānte siddhyapekṣayā ${\rm \Mrg\KP\ 4:5ab.}$}
iti sādhyamantrārcanaprakaraṇe 'bhihitaṃ yataḥ| [daśāṃśaṃ hutvā] japācca daśāṃśena homaṃ kṛtvā [tadyāgakumbhasnātaḥ] tadyāgāvabhṛthasnātaḥ [śubhe dine] śubhe 'hani [kṣetrasthaḥ] niyatakṣetre [siddhisaṃśrayaṃ caranvā] kṣetrāṇi vā caran [karma prārabhet] karmārambhaṃ kuryāt||
sa cobharūpo 'pi---
na kaṃcidanugṛhṇīyān
na niṣeveta bhartsayet
nāsīta ciramanyatra
vinā kṣetraparigrahāt
//
Vṛtti:
bhikṣārthaṃ paryaṭan bhaikṣyalobhāt [na kaṃcidanugṛhṇīyād] āśīrvādaparo na bhavet| [na niṣeveta bhartsayed] nāpi praśaṃsāparo bhaved bhikṣāyā alābhād garhayedvā| [vinā kṣetraparigrahād anyatra] sādhyamantrajapārthaṃ parigṛhītapavitrasthānādanyadeśe [ciraṃ nāsīta] bhikṣāṃ pratīkṣamāṇo bahukālaṃ na caret||
mādhūkarīṃ caredbhikṣāṃ
dinārthe savane gate
sarvamantramukhe puṇye
parameśādhidaivate
//
Vṛtti:
[sarvamantramukhe] sarveṣāṃ mantrāṇāṃ yanmukhamiva mukhaṃ sannidhisthānaṃ tasmin [puṇye] pāvane [parameśādhidaivate] śivadaivate [dinārthe] mādhyāhnikākhe savane [gate] nirvartite mādhūkarīm aniyatāṃ bhikṣāṃ caret| tathoktaṃ śrīmatpauṣkare---
gṛhādgṛhaṃ paryaṭato bhaikṣaṃ mādhūkaraṃ smṛtam|| iti||
tadanirvartya yo 'śnāti
savanaṃ sūrapūjitam
mantrāstaṃ nādhitiṣṭhanti
yogapīṭhavyavasthitāḥ
//
Vṛtti:
tat [sūrapūjitaṃ] sarvāmarārcitaṃ mādhyandinaṃ savanaṃ tadānīṃ mantrajapadevatārcanāgnihavanādi [anirvartya] avidhāya yo [aśnāti] bhuṅkte taṃ [yogapīṭhavyavasthitā mantrāḥ] yogapīṭha āvāhitamantrā nādhitiṣṭhanti nainamīpsitaphalena yojayantīti yāvat| yogapīṭhaṃ nāmārcādhāraḥ saṃhitāntaroktalakṣaṇaḥ| tathā ca pauṣkare---
pīṭhaṃ teṣāṃ tu mantrāṇāṃ kāryaṃ padmāṅkitodaram| śrīparṇikādidārūtthāṃ vṛttaṃ tu śubhalakṣaṇam|| iti||
bhīkṣāṃ tu carato bhikṣāṃ
nādadyānna vigarhitāt
śaivātsvāyambhuvādeśca
kutaścilliṅgino 'pi vā
//
miṣṭānnapracurāṃ bhīkṣāṃ
nādadyānnātisaṃskṛtām
parihāsādicaturā
yatra nāryastato 'pi vā
//
Vṛtti:
bhikṣāṃ [bhikṣāṃ carataḥ] bhikṣācarād [nādadyāt] na gṛhṇīyāt| na ca śaivād vigarhitāt kṣudrācārāt| na ca [svāyambhuvādeḥ] svayaṃbhūpāsanopajīvinaḥ| ādigrahaṇānnānyasmādapi liṅgopajīvinaḥ pūjakādeśca| na ca [liṅginaḥ] mahāvrataśākyādicihnabhṛtaḥ sakāśād bhikṣāmādadīta| [miṣṭānnapracurāṃ] svādvannabhūyiṣṭhām| [atisaṃskṛtām] atisaṃskārapuraḥsarām| parihāsakrīḍālāpapraṇayakuśalāśca yatra [nāryaḥ] yoṣitaḥ tato gṛhād bhikṣāṃ [nādadyād] nādadīteti pūrveṇa sambandhaḥ||
kṛtarakṣaḥ smarannastraṃ
paryaṭenmaunamāsthitaḥ
bhikṣāmalabdhvā no kopaṃ
kuryānno vidhṛtaściram
//
na cādhvasu pradhāvatsu
noktaḥ kenacidapriyam
Vṛtti:
[maunamāsthitaḥ] saṃyatavāk sakalīkaraṇādinā kṛtarakṣaḥ [astraṃ smaran] astramantraṃ japan bhikṣāṃ paryaṭet| tāṃ ca alabdhvā tadarthaṃ vā ciraṃ vidhṛtaḥ san [no kopaṃ kuryāt] na kupyeta| na ca [adhvasu] mārgeṣu [pradhāvatsu] ye pradhāvanto janāḥ satsu teṣvanyeṣu ca| [kenacid apriyam uktaḥ] apriyavādiṣu na kopaṃ kuryāt||
gurvagniśivavidyābhyaḥ
kṣetrapālāya cāṃśakam
//
samuddhṛtya sahāyena
vibhajyādyātkṣitau śuciḥ
Vṛtti:
[gurvagniśivavidhyābhyaḥ kṣetrapālāya ca] gurvādibhyo [aṃśakaṃ samuddhṛtya] bhāgamuddhṛtya [sahāyena] `ātmārthabhāgamavasthāpya śiṣṭaṃ mahyaṃ sthāpayet' ityevamanuśāsitena sadyo vibhajya kṛtatattadvidhiḥ [kṣitau] bhūmau sthāpitapātraḥ [śuciḥ] samāhitaḥ san [adyād] bhuñjīta||
\Ped\ mistakenly prints mahyāṃ for mahyaṃ
samācānto japenmantraṃ
vaiṣṇave samaye tataḥ
//
vyatīte kṣetrapālāya
svāhetyoṃkārapūrvakam
baliṃ ca nairṛte dadyād
gandhadhūpapuraḥsaram
//
Vṛtti:
[samācāntaḥ] samyagācāntaḥ [mantraṃ] sādhyamantraṃ japan vaiṣṇave samaye sāyaṃsamaya āsīta| [tato vyatīte] tasmiṃścātikrānte kṣetrapālāya svāheti [nairṛte] nirṛtidigbhāge baliṃ [gandhadhūpapuraḥsaraṃ] vilepanadhūpasrakpradhānaṃ dadyāt||
tataḥ prasārya saccarma
baddhvāsanamatandritaḥ
dhyāyanmantraṃ japedvidvān
khinnastasmiṃllaghu svapet
//
Vṛtti:
[tataḥ] paścāt [saccarma prasārya] mṛgājinamāstīrya [āsanam] ardhacandrapadmasvastikādyāsanaṃ baddhvā vidvān iti yogapādapradarśitadhyānādividhijño 'nalasaḥ san [mantraṃ dhyāyan japet] tattanmantrajapadhyānaṃ kuryāt| [khinnaḥ] śrāntaśca tasmin tatra śayane [laghu] stokaṃ [svapet] śayīta||
samutthāyārdharātre tu
kuryātpūjājapādikam
Vṛtti:
ardharātre samutthāya iti samyag dakṣiṇapārśvena parameśvarasmaraṇapūrvakaṃ śayanādutthāya [pūjājapādikaṃ] japārcanādi kuryāt||
tataśca savane brāhme
samidādyāharettataḥ
//
śaivānāvasathaprāptān
parayā śraddhayārcayet
sampannaiḥ kārakaistāṃśca
jñātvā liṅgairyathārhataḥ
//
Vṛtti:
[tataḥ] paścād brāhme ca savane prabhāte [samidādi] samitkuśakusumāni āharet| tataśca [āvasathaprāptān] svāvasathaprāptān śaivān [liṅgaiḥ tāṃśca jñātvā] viśiṣṭaiścihnairācāryasādhakādīn brahmacārigṛhasthādīn brāhmaṇakṣatriyādīṃśca buddhvā [yathārhataḥ sampannaiḥ kārakaiḥ] yathocitāmatropakaraṇādisampattyā [parayā śraddhayā] utkṛṣṭayā bhaktyā [arcayet] sammānayet|
Note here that amatra is a water-pot
liṅgāni cātra vratajātyādicihnāni vratiniyatapavitrakalājapamudrāpradarśanādīni śrīmatkāmikapauṣkarakiraṇādyāgamāmnātānīha na pradarśitāni granthavistaramātanvatīti tata eva jñeyāni||
N.B. reference to Kāmika (!), Pauṣkara, and Kiraṇa
Note that Brunner diagnoses the text here to be partly corrupt (she
places a question mark after kalā, for instance); furthermore,
she finds no instructions in the South Indian Kāmika or Pauṣkara, but
for the Kiraṇa she refers to \Kir\ \CP\ 1 (for samayin and putraka),
\Kir\ \CP\ 19 (for sādhaka), \CP\ 8 (for āśrama) and \CP\ 9 (for gocara).
na kaṃcitpraṇamed brūyāt
sādhyamantraṃ na kasyacit
nākṣipedoṣadhīrmantra
gobrāhmaṇatapasvinaḥ
//
vyaktisthānaṃ śivasyaite
śivanindaiva sā yataḥ
Vṛtti:
[na kaṃcitpraṇāmed] guruvanna kaṃcinnamet| sādhyamantraṃ na [kasyacid brūyāt] prakāśayet| [oṣadhīḥ] oṣadhyādīn garhāṃ kurvan nākṣipet| [yataḥ] yasmāt [śivasya] parameśvarasya ete [vyaktisthānaṃ] vyaktisthānāni| eṣu vyaktaḥ śivabhaṭṭārakastattatphalado bhavati| [sā] tannindā śivanindaiva iti garhaṇayā na tānākṣipet|
viśiṣṭenopahāreṇa
yajetparvasu śaṃkaram
//
kṣetrapālaṃ ca sādhyāṇuṃ
caruṃ dadyānna kasyacit
labdhānujño mṛṣā jātu
tiṣṭhennaikamapi kṣaṇam
//
Vṛtti:
parvasu aṣṭamīcaturdaśyādiṣu [viśiṣṭenopahāreṇa] saviśeṣeṇa balyādyupahāreṇa [śaṅkaraṃ] parameśvaraṃ [sādhyāṇuṃ] sādhyamantraṃ kṣetrapālaṃ ca [yajed] arcayet| sādhyamantrasaṃskṛtaniveditaṃ caruṃ na [kasyacid] anyasmai dadyāt| kiṃ ca [labdhānujñaḥ] he bhagavan idamahaṃ karomi, anujānīhi māmiti prārthyājñāṃ labdhvā [mṛṣā] tāṃ tāmakurvan [jātu] yadā kadācit [ekamapi kṣaṇaṃ] kṣaṇamapi [na tiṣṭhet] nāsīta||
[siddhikṣetracāriṇo niyamāḥ] idānīṃ leśataḥ siddhikṣetracāriṇaṃ prati viśeṣamāha---
guptākṣasūtrapūjāṅgaḥ
kriyākālavibhāgavit
kramaśaḥ siddhimāpnoti
siddhikṣetrāṇi saṃcaran
//
Vṛtti:
[guptākṣasūtrapūjāṅgaḥ] aprakāśitākṣasūtrapūjopakaraṇaḥ [kriyākālavibhāgavit] kriyākālavibhāgajñaśca [siddhikṣetrāṇi saṃcaran] siddhikṣetracārī sādhakaḥ [kramaśaḥ] kramāt siddhim [āpnoti] labhate| yadyapi caitatsthāsnorapi sādhāraṇaviśeṣaṇaṃ, tathāpyasya pratyahaṃ deśāntarāṭane sati saviśeṣaṃ kriyākālajñatvam arcāliṅgākṣasūtrādiguptiśca sutarām upayogītyetadadhikaraṇe iyamuktiḥ||
[kṣetraparigrahavidhiḥ] kṣetraparigrahārthamāha---
parigṛhyāthavā kṣetraṃ
salliṅgādhikṛtaṃ vaset
Vṛtti:
[atha vā salliṅgādhikṛtaṃ] dāhabhaṅgasphuṭitādidoṣarahitaśreṣṭhaliṅgāśrayaṃ vā kṣetraṃ parigṛhya vaset||
tathā ca sati
gaṇeśavṛṣabhaskanda
mātṛlokeśakīlitam
//
dakṣiṇottaradigdvāraṃ
śivadhāmānyarakṣitam
mahājanākulaṃ dūra
samitpuṣpakuśodakam
//
sopadravaṃ ca saṃtyajya
parigrahaṇamācaret
Vṛtti: tataśca kṣetre parameśvarapratiṣṭhānāt pūrvakaṃ [gaṇeśavṛṣabhaskandamātṛlokeśakīlitaṃ] gaṇeśādyākrāntaṃ [dakṣiṇottaradigdvāraṃ] yāmyodaggatadvāraṃ śivadhāma [anyarakṣitam] anyasya sādhakasya rakṣitaṃ [mahājanākulaṃ] bahulokākīrṇaṃ [dūrasamitpuṣpakuśodakaṃ] viprakṛṣṭakuśakusumasamijjalaṃ [sopadravaṃ ca] hiṃsraprāṇicorādyupadravayutaṃ ca [saṃtyajya] tyaktvā [parigrahaṇamācared] etaddoṣarahitaṃ gṛhṇīyāt||
bāṇe liṅge svayaṃvyakte
munisiddhaniṣevite
//
svakalpoktena vidhinā
svayaṃ vā parikalpite
śuklapakṣe caturdaśyāṃ
viśeṣeṇottarāyaṇe
//
kuryātparigrahaṃ vidvān
aṣṭamyāṃ vā samāhitaḥ
Vṛtti:
[bāṇe liṅge] tripurīnarmadāpravāhādiparigṛhīte [svayaṃ vyakte] svayaṃbhūsthāne, tathā [munisiddhaniṣevite] munisiddhaparyupāsite [svakalpoktena vidhinā] svaśāstroktakrameṇa [svayaṃ vā parikalpite] svayaṃ vā vakṣyamāṇavatpratiṣṭhāpite|
This vakṣyamāṇavat indicates that there must have been something in the
text about liṅgapratiṣṭhāpana, perhaps attached to the fragment about
liṅgas given as an appendix that Bhatt holds to be from a later part of
the \CP. [Brunner says the same in her note 1985:393, n.3]
liṅga iti lakṣaṇayā rudrāśayasthānoktiḥ| eṣu sthāneṣu śuklapakṣacaturdaśyāmaṣṭamyāmuttarāyaṇakāle samāhitaḥ samāhitamatiḥ san tatkramajñaḥ kṣetraparigrahaṃ kuryāt||
yāgadhāma vidhāyādā
vastraṃ māheśvaraṃ yajet
//
japtvā daśasahasrāṇi
daśāṃśamanuhomayet
Vṛtti:
[ādau] prathamaṃ yāgadhāma [vidhāya] kṛtvā tatra vighopaśamanāya [māheśvaram astraṃ yajet] pārameśvaramastramiṣṭvā [daśasahasrāṇi japtvā] daśasahasrasaṃkhyayā taṃ japan [daśāṃśam anuhomayet] taddaśāṃśena ca homaṃ kuryāt||
bhūrisragbalidhūpādyair
iṣṭaliṅgasthaśaṃkaraḥ
//
nyaseddigīśvarāndikṣu
śakrādīn śaṅkuvigrahān
nāḍībhūtena sūtreṇa
sandhāya bahirālikhet
//
prākāraṃ bhasmanā dīptam
astraṃ māheśvaraṃ japan
tadantarakhilairbījair
varmālabdhaistaduccaran
//
prākāraṃ kavacaṃ kuryāt
svadhāmno 'pyevameva hi
Vṛtti:
[bhūrisragbalidhūpādyaiḥ] prabhūtasraṅnaivedyadhūpagandhādibhiḥ [iṣṭaliṅgasthaśaṃkaraḥ] arcito liṅgāśrayaḥ śivo yasya tathāvidhaḥ sādhakaḥ kṣetraparigrahāya śakrādīn [digīśvarān] indrādidikpatīn [śaṅkuvigrahān] śaṅkuśarīrān [dikṣu] prācyādidikṣu nyaset| tataśca [nāḍībhūtena] nāḍyātmanā sūtreṇa sandhāya digbandhanaṃ kuryāt| [bahiḥ] tadbāhye [dīptaṃ māheśvaramastraṃ] jvalatpārameśvamastraṃ japan [bhasmanā prākāram ālikhed] bhasmaprākāraṃ vilikhet| [tadantaḥ] tasyāntaḥ [akhilaiḥ bījaiḥ] sarvabījaiḥ [varmālabdhaiḥ] kavacādyabhimantritaiḥ [taduccaran] tanmantramuccārayan [kavacaṃ prākāraṃ] kavacaprākāraṃ [kuryād] vidadhyāt| [evameva hi] itthameva nityaṃ [svadhāmno 'pi] svanivāse kurvīta|| [kṣetraparigrāhiṇo dharmāḥ] tataśca
dhāmaśaṅkuṣu lokeśān
pradoṣe prativāsaram
//
dhāmaśaṅkuṣu \Brunner; grāmaśaṅkuṣu \Bhatt
bāhyāvṛtau tadastrāṇi
yajedantarghanacchadam
kṣetrapālaṃ svadigbhāge
parvasu kṣetranemigān
//
Vṛtti:
[dhāmaśaṅkuṣu] nivāsaparicchadahetuṣu dikṣvaṣṭasu niviṣṭeṣu śaṅkuṣu [lokeśān] indrādilokapālān [pradoṣe] rātryārambhe [prativāsaraṃ] pratyahaṃ pūjayet| [bāhyāvṛtau] bāhyaprākāranimittaṃ ca śakrādidigaṣṭake śaṅkuṣu [tadastrāṇi] vajrādyāyudhāni antarghanacchadam iti kavacādyāvaraṇaṃ ca yajet| [svadigbhāge] prāgukte nairṛtasthāne kṣetrapālaṃ yajet| parv asu caturdaśyaṣṭamyādiṣu kṣetranemigān indrādilokapālān yajet| tathā hyuktaṃ prāk---
nyaseddigīśvarāndikṣu śakrādīn śaṅkuvigrahān|| iti||
\Mrg\CP\ 100ab
kṣetre yannasti taddūrāt
sahāyopahṛtaṃ bhajet
Vṛtti:
siddhyarthaṃ parigṛhīte kṣetre yat kuśakusumasamidādi nāsti, taddūrād viprakṛṣṭād [sahāyopahṛtaṃ bhajed] anyataḥ sahāyenānayet|
nanu dūrasamitpuṣpakuśodakasya kṣetrasyāgrahaṇameva prāṅnirūpitam|
\Mrg\CP\ 95cd
iha ca dūrātsahāyena tadānayanokteḥ prāgvyākṛtaparāmarśato virodhaḥ| naiṣa doṣaḥ| kuśakusumasalilasamidvarjitamanyatphalamūlatṛṇendhanamṛdādi dūrāt sahāyenānayeditīha pratipādyate| tanna kaścidvirodhaḥ| yadvā dūrasamitpuṣpakuśodakakṣetraniṣedhasūtre sakalānyaguṇopapannaṃ kṣetraṃ yadi syāttadādnīṃ dūrasamitpuṣpakuśodakasyāpi tasyāpariharaṇamityeṣṭavyameva| tacca `kṣetre yannāsti taddūrātsahāyenopahṛtaṃ bhajed' ityetatsūtrārambhasāmarthyātsiddhyati| tadetaduktam---
prāgvyākhyātaparāmarśasamādhāneṣṭikṛdbhavet|| iti||
\Mrg\CP\ 60cd.
na siddhikṣetramutsṛjya
padamapyanyato vrajet
//
varṇalakṣajapānmantro
homāca daśamāṃśataḥ
svaśāstravihitāṃ vṛttim
āsthitasya prasiddhyati
//
Vṛtti:
[siddhikṣetramutsṛjya] siddhikṣetrāvasthitaḥ sādhakastattyaktvā padamapi na anyato [vrajed] gacchet| [mantro varṇalakṣajapād] mantras ca sādhyasya yāvanto varṇāstāvallakṣajapāt [daśamāṃśato homācca] taddaśāṃśahomāt [svaśāstravihitāṃ vṛttimāsthitasya prasiddhyati] svaśāstrāmnātacaryācaraṇācca siddhiḥ||
[prāyaścittavidhiḥ]
saṃjātavyutkramaḥ kuryāt
prāyaścittaṃ vidhisthitam
akāmātkāmataḥ kuryāt
tadeva triguṇaṃ sudhīḥ
//
Vṛtti:
[akāmād] anicchātaḥ [saṃjātavyutkramaḥ] svaśāstrāmnātavidhyatikrame [vidhisthitaṃ] tacchāstropadiṣṭaṃ prāyaścittaṃ kuryāt| [kāmataḥ] icchātaḥ triguṇam| sudhīriti suṣṭhu śobhanā tadanuṣṭhāne pravaṇā dhīryasya saḥ||
evam---
sādhakāhnikavicchede
sadyojātāyutaṃ japet
śataṃ vā saṃyataprāṇo
vāsaraṃ mārutāśanaḥ
//
Vṛtti:
[sādhakāhnikavicchede] ahnā nirvartyaḥ āhnikaḥ pratyahaṃ kāryo vidhiḥ sādhakasādhyaḥ prāgukto vidhiḥ, tasyecchāto vicchede tallope [sadyojātāyutaṃ] daśasahasrāṇi sadyojātasya japet| yadvā [vāsaraṃ mārutāśanaḥ] ekāhopoṣitaḥ [saṃyataprāṇaḥ] prāṇāyāmaśatena tameva [śataṃ] śataśo japet| atra ca dūrasthādapi yathāyogaṃ prāktanamakāmakṛta ekaguṇatvaṃ kāmakṛte tu traiguṇyamabhisambandhanīyam||
vāmasyānnavyatikare
hiṃsāyāṃ bahurūpiṇaḥ
vaktrasya syandane rātrau
divā taddviguṇaṃ japet
//
Vṛtti:
saṃmyataprāṇo nirāhārī śataṃ [vāmasya] vāmadevasya anicchākṛte [annavyatikare] abhojyānnabhojane japet| evaṃ hiṃsāyāṃ kṛtāyāṃ [bahurūpiṇaḥ] bahurūpaśatam| icchayā tattriguṇam| rātrau [syandane] vīryotsarge [vaktrasya] tatpuruṣamantraṃ śataśo 'bhijapet| divā tu taddviguṇaṃ prāyaścittamācaret| atra cecchākṛtatvaṃ na sambhavatītyanicchaiva mukhyā||
dvijādyucchiṣṭasaṃsarge
vaktrādyanyatamaṃ guṇam
caturdalābjamadhyeṣṭyā
tatsthāne pañcamaṃ yajet
//
tatsthāne \Brunner; kasthāne \Bhatt
Vṛtti:
[dvijādyucchiṣṭasaṃsarge] adīkṣitabrāhmaṇādyucchiṣṭasaṅkare puruṣāghoravāmājā jātīśā brāhmaṇāditaḥ iti% \quote{puruṣāghoravāmājā jātīśā brāhmaṇāditaḥ ${\rm \Kir\ 46:6cd.}$}
Also quoted as Somaśambhupaddhati, prāyaścittavidhi 89ab
śrīkiraṇoktatajjātyadhipatayaḥ kramād [vaktrādyanyatamaṃ guṇaṃ] tatpuruṣabahurūpavāmadevasadyojātamantrāḥ [daturdalābjamadhyeṣṭyā] caturdalapadmamadhyayogena pūjyāḥ| evaṃ jātyanusāreṇa madhye 'rcya tatsthāne [pañcamam] īśānabhaṭṭārakaṃ [yajed] arcayet|
tatsthāne \Brunner; kasthāne \Bhatt
evaṃ ca yadi brāhmaṇasyādīkṣitabrāhmaṇocchiṣṭasaṅkaro jātastadā tatpuruṣamantraṃ madhyadale 'bhyarcya pūrvadale īśānaḥ pūjanīyaḥ| anye tu svashtāneṣveva| tasyaiva kṣatriyavaiśyaśūdrocchiṣṭasparśe bahurūpādimantrā madhye 'bhyarcyāḥ| tadīyasthāne tvīśsanamantraḥ| evaṃ kṣatriyasyādīkṣitakṣatriyavaiśyocchiṣṭasparśe sati bahurūpādayaḥ prāguktakramādeva madhye, tatsthāne punarīśānabhaṭṭārakamantrakramaḥ||
tatsthāne \Brunner; kasthāne \Bhatt
japahomārthamāha---
ṣaḍahopoṣito lakṣaṃ
japedvanyāśano 'pi vā
juhuyādayutaṃ jñāte
dviguṇaṃ śuddhikāraṇāt
//
Vṛtti:
tasminyāge pūrvaṃ [śuddhikāraṇāt] śuddhihetoḥ dvijādyucchiṣṭasparśaśāntyai [ṣaḍahopoṣitaḥ] kramādekāhadvyahatryahaṣaḍahopoṣito [vanyāśano 'pi vā] vanyaiḥ nīvārādibhiḥ kṛtavṛttirvā yaṣṭavyamantraṃ lakṣaṃ japet| yadi vājānataḥ sthito 'pyatikramastadā ayutaṃ juhuyāt| anyathā [dviguṇaṃ] taddviguṇam| japasya cāyameva kramaḥ| yathā homastathā japaḥ iti śruteḥ||
Source unknown of this śruti
japennirmālyasamparke
sarvabrahmāṇi lakṣaśaḥ
samagrasaṃhitālakṣaṃ
japennirmālyabhojane
//
Vṛtti:
[nirmālyasamparke] nirmālyasāṅkarye sati [sarvabrahmāṇi lakṣaśo japed] brahmamantrāḥ pratyekaṃ lakṣaśo japyāḥ| [nirmālyabhojane] sākṣāttu tadbhojane [samagrasaṃhitālakṣaṃ japet] sādhyamantrasaṃhitāyāḥ śivaikādaśinyā ekaikamantralakṣaṃ japet||
vāmādyāḥ patayaḥ śākya
pādārthikakapālinām
ajāto 'dhipatiḥ proktas
trayīnaiṣṭhikaliṅginām
//
tadannabhojane śuddhir
jātisamparkaśuddhivat
kiṃtvaindavavrataprānte
kāpālyannāśane matam
//
Vṛtti:
[śākyapādārthikakapālināṃ] saugatārhatamahāvratānāṃ [vāmādyāḥ] vāmadevāghoratatpuruṣāḥ patayaḥ| [trayīnaiṣṭhikaliṅgināṃ] trayīnaiṣṭhikāḥ saṃnyāsāśramiṇaḥ anye ca liṅgino anyadarśanāmnātavratadhāriṇaḥ, teṣām [ajāto 'dhipatiḥ] sadyojātaḥ patiḥ| tadannabhojane [śuddhiḥ] prāyaścittaṃ [jātisamparkaśuddhivat] tadadhipatiścaturdalābjamadhye tatsthāne ca īśānabhaṭṭārakaḥ|
tatsthāne \Brunner; kasthāne \Bhatt
kiṃ tu [kāpālyannāśane] mahāvratānnabhojane [aindavavrataprānte matam] cāndrāyaṇavratasamāptāvevaṃvidhayāgakaraṇācchuddhiḥ||
yadi tveṣāmannaṃ na bhuktaṃ tadāha---
īśānasya japellakṣaṃ
tatsaṅkaraviśuddhaye
kāpālisaṅkare trīṇi
lakṣāṇi kṛtasaṃyamaḥ
//
@saṅkare \Brunner; @saṃkrame \Bhatt
Vṛtti:
[tatsaṅkaraviśuddhaye] sāṅkaryamātre jāte tu tacchuddhyai lakṣam īśānasya japet| [kāpālikasaṃkrame] kāpālikasaṅkare tu [kṛtasaṃyamaḥ] triṣavaṇasnāto nirāhāraḥ trīṇi lakṣāṇi||
pramādāddhārite liṅge
bhraṣṭe vā sākṣasūtrake
lakṣaṃ japenmaheśasya
punaḥ kuryātparigraham
//
Vṛtti:
[liṅge sākṣasūtrake pramādādddhārite bhraṣṭe vā] daivānmānuṣādvā prabalālliṅgākṣasūtrayorhāritayorbhraṣṭayorvā [maheśasya lakṣaṃ japet] parameśvaramantralakṣajapaṃ kṛtvā [punaḥ parigrahaṃ kuryāt] punarguṇotkṛṣṭayoranyayoḥ saṃgrahaṃ kuryāt||
bhraṃśe vā janite bhaṅge
daśāṃśo vihito mune
`Or if it falls and breaks' [Brunner]
tadanyatrārdhamūlaṃ vā
sahasraṃ sulaghīyasi
//
Vṛtti:
janite bhaṅge bhraṃśe vā prāgukto vidhiḥ| yadi tu [tadanyatra] pūjāvisraṃsananirmālyamadhyapātādyādvā janite bhraṃśe adhaḥpāte liṅgasya akṣasūtrasya vā tadā [daśāṃśaḥ] taddaśāṃśo vihitaḥ| ayutaṃ japedityarthaḥ| tāvanapi vyājo yatra notpātaḥ tathāvidhe bhadrapīṭhād āsanādvā bhraṃśe jāte [ardhamūlaṃ] tato 'pyardhaṃ pañca sahasrāṇi| [sulaghīyasi] suṣṭhu laghīyasi alpe karacalane skhalane bhadrapīṭhe vā āsane vā karādvicyāve sahasraṃ japaḥ||
tadvacca paśunā dṛṣṭe
spṛṣṭe daśaguṇaṃ japet
hāritārdhaṃ guṇacchede
saṃkhyāsūtrasya doṣanut
//
tyāgaśca kaphaviṇmūtra
spṛṣṭasyānyatra taijasāt
Vṛtti:
iṣṭaliṅge akṣasūtre vā [paśunā] adīkṣiteṇa dṛṣṭe sahasraṃ japet| spṛṣṭe tu [daśaguṇaṃ japed] ayutaṃ japyam| saṃkhyāsūtrasya ityakṣasūtrasya akasmād [guṇacchede] sūtrasya cchede hāritārthaṃ lakṣārdhaṃ doṣanut| [kaphaviṇmūtraspṛṣṭasya kaphādispṛṣṭasya tyāgaḥ kāryaḥ| anyatra taijasād iti hemādilohasya duṣṭasya tenaiva dravyeṇa punarghaṭanaṃ na tu tyāga iti| ayaṃ ca liṅgākṣasūtravidhiḥ sādhakādanyatrāpi vijñeyaḥ||
pramādādyoṣitaṃ gatvā
prāṇāyāmāyutaṃ bhajet
//
dvipañcaguṇitaṃ śuddhyai
praṇavoccārasaṃśritam
Vṛtti:
[pramādād yoṣitaṃ gatvā] anicchayā nikhilāni balīvardanyāyena pramādāt pramadayā kṛtapariṣvaṅgasya tadupabhoge [praṇavoccārasaṃśritaṃ] praṇavoccārapuraḥsaraṃ [prāṇāyāmāyutaṃ bhajet] prāṇāmāyadaśasahasraṃ kuryāt|
Brunner (1985:406, n.2) acknowledges that the above appears to be
corrupt and advocates punctuating after balīvardanyāyena. But
does this help?
icchayā tu [dvipañcaguṇitaṃ] taddaśaguṇaṃ japet| lakṣaṃ vidadhyād ityarthaḥ||
mahāpātakasaṃyoge
śivaikādaśikāyutam
//
japeddaśaguṇaṃ prāṇa
saṃyamī phalamūlabhuk
tatsameṣvevameva syāt
kiṃ tu prāṇāyatiṃ vinā
//
Vṛtti:
[mahāpātakasaṃyoge] `brahmahatyā surāpānaṃ steyaṃ gurvaṅganāgamaḥ| tatsamparkaśca' iti mahāpātakāni|
Source unknown; but cf. \Kir\ 43:2
ebhiranicchātaḥ saṃyoge [śivaikādaśikāyutaṃ] śivaikādaśikāyāḥ saṃhitāyā ayutaṃ japet| icchayā tu [prāṇasaṃyamī] saṃyataprāṇaḥ [phalamūlabhuk] phalamūlāśanaḥ tadeva daśaguṇaṃ japet| [tatsameṣu] etatsameṣūpapātakeṣu [prāṇāyatiṃ vinā] prāṇāyāmavarjyam [evameva syād] eṣa eva vidhiḥ||
pātakeṣu tadanyeṣu
kriyāvyatikareṣu ca
japedekādaśājātam
ekaṃ vā brahmamadhyagam
//
Brunner (1985:407) suggests that the sense is
japedekādaśajātam, `he should recite the group of
eleven [brahma and aṅga mantras]', and that the long ā (which
confusingly suggests sadyojāta) is metrically required.
Vṛtti:
[pātakeṣu] tebhyo mahāpātakopapātakebhyo yānyanyāni pātakāni tattaddravyāpaharaṇaniṣiddhānnabhakṣaṇādīni teṣu teṣvapi [tadanyeṣu kriyāvyatikareṣu] anyeṣu ca kriyācchidreṣu [ekādaśa] śivavaktrāṇyaṅgasahitāni japet| yadvā tattadanusāreṇa bahurūpanāthamevāvartayet||
The edition inserts [ajātam ekaṃ] before bahurūpanātham,
as though the text meant `sadyojāta with aghora'; but, as Brunner
points out, what is probably rather intended is that jātam means
group and construes with pāda c; pāda d means then `the one [mantra]
that is in the centre of the brahmamantras [viz. aghora]'.
na grāhyaṃ kārakaṃ kiṃcit
sakhyā jātāṃhasāhṛtam
jātāṃhasā@ \Brunner; jātāṃhaso \Bhatt
ādadāno 'parijñānāt
pūrvoktādardhamācaret
//
Vṛtti:
pūrvoktamahāpātakādiyoginānucareṇa
Thus correction of \Brunner; \Bhatt\ reads: [jātāṃhasaḥ sakhyā] pūrvoktamahāpātakādiyogino 'nucareṇa [hṛtaṃ] [kārakaṃ]
yathoktāmatropakaraṇādi [na kiñcid grāhyaṃ] na kiṃcid gṛhṇīyāt| kiṃcid [aparijñānād] ajñānād [ādadānaḥ] gṛhṇan [pūrvoktād ardham] tattanmahāpātakayoginaḥ prāyaścittaṃ yatpūrvamuktaṃ tadardham ācaret||
bahudaivasike yoge
tulyaṃ sādharmyayogataḥ
jñātvaivaṃ sādhako vidvān
sahāyaṃ sadguṇaṃ bhajet
//
sajātyabhijanopetaṃ
yavīyāṃsaṃ guṇādhikam
putrakaṃ samayasthaṃ vā
susnigdhamaparaṃ tataḥ
//
Vṛtti:
[bahudaivasike yoge] sañjātapātakena sakhyānekāhike samparke sati [tulyaṃ] tatsamameva sādhakasya prāyaścittam|
sakhyānekāhike \Brunner; sakhyādanekāhike \Bhatt
[sādharmyayogataḥ] tatsādharmyaprāpteḥ| evaṃ buddhvā tadvidā sādhakena sadguṇaḥ satkuśalaḥ tadalābhe samānajātiḥ kanīyān guṇajyeṣṭhaḥ putrakaḥ samayī vā tayorabhāve anyaḥ kaścit susnigdhaḥ sahāyo yojanīyaḥ||
sādhakoktaṃ vrataṃ kuryād
gururasvavaśo vratī
dviguṇaṃ svavaśastāva
ccaredasvavaśo vratī
//
N.B. \Mrg\CP\ 125--6 have been adopted into
Trilocana's Prāyaścittasamuccaya as verses 6--7.
Vṛtti:
deśiko mantravṛttiśca putrakaḥ samayī ca yaḥ| catvāra ete śaivāḥ syurvratino 'vratino 'pi vā|| iti pūrvamuktatvāt
QUOTATION of \Mrg\CP\ 2
avratī yo guruḥ asvavaśa ityanicchuḥ kṛtapātakaḥ sa prāguktānāṃ pātakānāṃ nivṛttyai sādhakoktam uditaṃ vrataṃ kuryāt| dviguṇaṃ svavaśa iti, kāmataḥ kṛtapātako guruḥ sādhakoktaṃ vrataṃ dviguṇamācaret| tāvaccaredasvavaśo vratīti, yadi punaranicchākṛtapāpo vratī sa dviguṇamevācaret||
svavaśastriguṇaṃ tryaṃśaṃ
vinā tatputrakaścaret
putrakārdhaṃ tu samayī
pūrvoktānuktapāpmanām
//
Vṛtti:
sa eva guruḥ svavaśa icchākṛtapātakaścet [triguṇaṃ] vratamanutiṣṭhet| itthaṃ sakāmākāmatvena vratitvāvratitvabhedena ca guroścaturdhā prāyaścittamuktam| adhunā putrakaṃ pratyucyate| tryaṃśaṃ vinā tatputrakaścaret| svavaśastadicchāvān putrakaḥ sādhakoktāt tribhāgaṃ prāyaścittaṃ caret| sa evānicchāvān vratī tryaṃśaṃ vineti dvibhāgamevānutiṣṭhet prathamasamayinaḥ| putrakārdhaṃ tu iti, putrakoktād vratādardhaṃ samayī pūrvoktānuktapāpmanāṃ prāguktānāmanuktānāṃ ca pāpānāṃ śāntaye vrataṃ kuryāt||
kṛcchraṃ vā pratiṣaṇmāsaṃ
pratyabdamathavaindavam
parākaṃ taptakṛcchraṃ vā
mantrī sānucaraścaret
//
nirvighnasiddhimanvicchan
muktyarthamitare trayaḥ
Vṛtti:
asaṃviditapātakavicchittyai [nirvighnasiddhimanvicchan] nirvighnasiddhiprepsuḥ [sānucaraḥ] sasahāyaḥ [mantrī] sādhakaḥ [itare trayaḥ] tadanye ca deśikaputrakasamayinastrayaḥ [muktyarthaṃ] vighnavarjitamuktyarthaṃ pratiṣaṇmāsaṃ kṛcchramācareyuḥ| [athavā] yadvā [pratyabdaṃ] prativarṣam [aindavaṃ] cāndrāyaṇaṃ parākaṃ taptakṛcchraṃ vā kuryuḥ| kṛcchracāndrāyaṇādilakṣaṇaṃ tantrāntarājjñeyam| yathoktaṃ śrīmatkiraṇe---
ekabhuktaṃ tryahaṃ kuryāttryahaṃ tu yadayācitam| tryahaṃ syānnaktabhojī tu tryahaṃ syānmārutāśanaḥ|| eṣa kṛcchraḥ samākhyātaḥ prājāpatya iti smṛtaḥ| māsārdhaṃ grāsavṛddhiḥ syācchukle kṛṣṇe tu hrāsayet|| cāndrāyaṇavidhiḥ proktaḥ iti
\Kir\ 44:11--12b, 15c--16a
tathā
dvādaśāhaṃ nirāhāraḥ parāka iti saṃsmṛtaḥ| iti|
\Kir\ 44:15ab
tathā
tryahamuṣṇaṃ pibedvāri tryahaṃ kṣīraṃ tathā pibet| tryahamuṣṇaṃ ghṛtaṃ pītvā tryahaṃ vai kevalaṃ tataḥ|| taptakṛcchro 'yamākhyātaḥ iti
\Kir\ 44:12c--13c
[atha pavitravidhiḥ]
sarvacchidraharaścānyo
vidhireṣāṃ nigadyate
//
sarvacchidraharaścānyo \Bhatt; sarvacchidrāpahaścānyo \Brunner
yaḥ prāptastapasā devair
harātsvavidhipuṣṭaye
Vṛtti:
eṣāṃ sādhakādīnāṃ [sarvacchidrāpahaḥ] samayalopādijasakalacchidrāpahaḥ [anyo] yaḥ pavitrākhyo vidhiḥ prāg devaiḥ [harāt] parameśvarāt tapasā [prāptaḥ] labdhaḥ sa eveṣāmeva [svavidhipuṣṭaye] svavidhipuṣṭyarthaṃ [nigadyate] ucyate||
śrāvaṇe tadupānte vā
nabhasye vocyamānavat
//
śambhoḥ pavitramāpādya
pūrayedvārṣikaṃ vidhim
//
Vṛtti:
śrāvaṇe māsi [tadupānte vā] saḥ śrāvaṇa upānto yasya kālasya sa tadupānaḥ kālaḥ| āṣāḍhapaurṇamāsī vā caturdaśī vā tasmin| yathoktaṃ śrīmanmaye---`āṣāḍhyāścādime 'hani' iti| nabhasye vā iti bhādrapade|
[eteṣvanyatame kāle ucyamānavat vakṣyamāṇarītyā śambhoḥ pavitramāpādya maheśvaramūrdhni pavitrāṇyāropya vārṣikaṃ vidhiṃ pūrayet pratyabdamanuṣṭheyaṃ nityāṅgabhūtaṃ prāyaścittātmakaṃ vidhiṃ samāpayet]
The above bracketed portion is presumably an addition of the editor;
what follows below is a fragment transmitted `au début du Yogapāda'
of a single MS: GOML D5470 (Bhatt's \msC). It appears to be a fragment
of instructions about liṅgapratiṣṭhā, to which a forward reference
was made by \Narayana\ earlier in his commentary on the caryāpāda,
and which therefore probably also belonged to the caryāpāda:
\gap\ tatkathanamathādhikyata iti prakaraṇasambandhaḥ| liṅgaṃ parameśvarapūjādhikaraṇam| amarārcitam iti liṅgārādhanatastatprāptirjanānāmiti jñāpayitum| tathā coktaṃ śrīmanmaye---
ādityā vasavo rudrā ṛṣayaśca mahaujasaḥ| vidhivalliṅgamārādhya padamisṭ.atamaṃ gatāḥ|| iti|
[vyaktaṃ] pratimā| avyaktam anabhivyaktāṅgam| ubhayātmakaṃ vyaktāvyaktaṃ mukhaliṅgamityarthaḥ| \gap\ siddhyarthaṃ sādhaka ātmanaḥ kṛte sthāpayet paraiḥ samayisādhakaputrakādibhiḥ abhyarthito vā guruḥ ācāryaḥ pratiṣṭhāpayet| parairiti viśeṣaṇād guroḥ pare ye sādhakādayastaistadevaṃsiddhaye ātmanaḥ pratiṣṭhā kāryā| ācāryeṇa tu caturṇāmapīti tātparyam||
tadeva liṅga viśinaṣṭi---
taccilālohamṛdratna
dārujaṃ bhaumasādhitam
sarvajñavihitaṃ yāvad
bubhuk.oritarasya vā
//
Vṛtti:
tad liṅgaṃ bubhukṣoḥ bhogecchoḥ [itarasya vā] anyasya vā munerarcane prabhavatīti| yataḥ sarvajñatvamato 'khilakartṛprasaram| tathā bāhulyena śailalohamṛdratnadāruprakṛtijaṃ praśastam| kvaccittu svaśāstrāmnātānyaprakṛtijamapi bhāvyam||
prādhānyātprathamasya ratnajasya mānamāha---
ekāṅgulaṃ dvihastāntaṃ
ratnajaṃ na paraṃ tataḥ
//
Vṛtti:
[ekāṅgulam] ekāṅgulādārabhya [dvihastāntaṃ] caturviṃśatyaṅgulāntaṃ [ratnajaṃ] ratnamayaṃ liṅgaṃ kuryāt| na tu tataḥ param iti| paramityadhikam| ādhikyaviṣaya evāyaṃ niṣedhaḥ| tasmādaṅgulānnyūnasyāpi siddhiḥ|
siddhaye badarādātharvaṇakādvāpi śasyate| saukṃsye 'ṇu ca guṇo yena balīyān sarvadoṣahṛt||
iti śrīmanmayādāvaṅgulonasyāpyāmnātatvāt| yattu śrīmatkiraṇādau--- aṅgulādivitastyantaṃ nordhvaṃ liṅgaṃ tu ratnajam|
\Kir\ 51:49cd; Brunner points out that the line is
also to be found as Uttarakāmika 37:61cd.
iti mānaṃ sādhakāyāvaśyamānasya viṣayam| na ca liṅgaviṣayaṃ jñeyam| lohādīnāṃ mānamucyate---
lohādi pāṇiṣaḍḍhāstaṃ
dārubhistrividhaṃ param
//
The text is evidently incomplete; all the MSS used by \Bhatt\ and
the two extra transcripts consulted by Mme Brunner end in the
middle of the commentary on \CP\ 130. Only some of them add a colophon.
Some quoted fragments not found in the printed editions are gathered
together by Bhatt in an appendix. Not included by Bhatt,
as Brunner observes (1985:412, n.2), is part of the conclusion to the
tantra quoted by \Agh\ in his \MrgVD\ when glossing
\Narayana's opening verses: yadvakṣyatyupasaṃhāre
ityetatkāmikaṃ jñānamavāptaṃ parameśvarāt| iti| tathā---
jñānaṃ caitatparaṃ guhyaṃ yadvispaṣṭaṃ jagattraye|
śroturmṛgendrarūpatvānmṛgendramiti sūribhiḥ|| iti|
athātmavatāṃ matvā [vā]
svādhikāraṃ suduṣkaram
yaterannatmavattāyai
deśikādyā jigīṣavaḥ
//
tadātmavattvaṃ yogitvaṃ
jitākṣasyopapadyate
prāṇāyāmādyanuṣṭhānāj
jitākṣatvaṃ śanaiḥ śanaiḥ
//
prāṇāyāmaḥ pratyāhāro
dhāraṇā dhyānavīkṣaṇe
japaḥ samādhirityaṅgāny
aṅgī yogo 'ṣṭamaḥ svayam
//
prāṇaḥ prāgudito vāyur
āyāmo 'sya prakhedanam
preraṇākṛṣṭisaṃrodha
lakṣaṇaṃ kratudoṣanut
//
tataḥ sukhalavāsvāde
teṣāṃ vṛttasya cetasaḥ
pratyāhāro vidhātavyaḥ
sarvato vinivartanam
//
tenendriyārthasaṃsarga
vinivṛtteścito matiḥ
dhāraṇāyogyatāmeti
pade svecchāprakalpite
//
cintā tadviṣayā dhyānaṃ
taccādiṣṭaṃ muhurmuhuḥ
tadekatānatāmeti
sa samādhirvidhīyate
//
japastadbhāṣaṇaṃ dhyeya
saṃmukhīkaraṇaṃ mune
ūho 'bhivīkṣaṇaṃ vastu
vikalpānantaroditaḥ
//
yadā vetti padaṃ heyam
upādeyaṃ ca tatsthiteḥ
tatpoṣakaṃ vipakṣaṃ ca
yacca tatpoṣakaṃ param
//
eṣu vyastasamasteṣu
kṛtayatnasya yoginaḥ
vibhānti śaktayo viśvaṃ
vyāpya bhānoriva tviṣaḥ
//
na tamīṣṭe naraḥ kaścit
rakṣodānavamānavāḥ
rorucānamatītyaitān
dṛkkriyāprāṇarociṣā
//
nivṛttermanaso hetuḥ
saṃsargātprāṇakhedanam
nivṛttirdhāraṇādīnāṃ
mūlaṃ sarvasya tattataḥ
//
vistareṇa suraśreṣṭha
viprakṛṣṭaṃ ca yatsthitam
yadanyatsādhanaṃ kiṃcid
yogasiddheśca kathyatām
//
na śakyaṃ vistarādvaktuṃ
tatprasaṅgabhayādvidheḥ
praśnasyāvaśyavācyatvāt
tathāpyuddeśa ucyate
//
mūtrādyutsṛjya vidhivad
ekārdhadaśasaptabhiḥ
mṛdbhirliṅgagudāsavya
hastayugmāni śaucayet
//
dvirvratī trirapaḥ pītvā
dvirvimṛjyānanaṃ spṛśet
svabāhunābhihṛtkāni
dvistrirvā śaucitādharaḥ
//
hitajīrṇāśanasvasthas
trikuḍyāveṣṭite gṛhe
bādhāśūnye vanādau vā
svāsanastha udaṅmukhaḥ
//
namaskṛtya maheśānam
umāskandagaṇādhipān
ṛjugrīvāśirovakṣā
nāsāgrāhitadṛgdvayaḥ
//
pārṣṇibhyāṃ vṛṣaṇau rakṣan
dantairdantānasaṃspṛśan
viṣṭabhadeho dantāgre
jihvāmādāya susthitaḥ
//
recayecchaktiparyantaṃ
puṭenaikena mārutam
sa recakastadabhyāsād
vedhavikṣiptakarmasu
//
kramaśaḥ śaktatāmeti
vikṛṣṭaviṣayeṣvapi
bāhyena vāyunā mūrteḥ
śaktisīmaprapūraṇam
//
pūrakaḥ sa tadabhyāsāt
sugurvapi vikarṣayet
tyāgasaṃgrahaṇe hitvā
nirodhaḥ kumbhakaḥ smṛtaḥ
//
rodhaśaktistadabhyāsād
vyaktimetyanivāritā
tathāsya carato vidvān
somasūryeśavartmasu
//
taddharmayogyatāṃ buddhvā
yogī saṃsādhayenmatam
pūrakaṃ kumbhakaṃ vāpi
bhajeccandrapathi sthite
//
puṣṭimṛtyujayādyarthaṃ
svātmano 'nyasya recakam
anagnijvalane vṛkṣa
śoṣaṇe bījanāśane
//
stobhonmādaviṣoddīpti
pramukheṣu tu recakam
dhyānārcanajapādyeṣu
dehatyāge ca śāṅkare
//
kumbhako recakaśceṣṭo
dīkṣāsaṃsthāpaneṣu ca
yavīyān madhyamo jyeṣṭhaḥ
sa tālairdvādaśādibhiḥ
//
tālo dvādaśabhirjānu
pariṇāhaparibhramaiḥ
so 'pi dhyānajapopetaḥ
sagarbho 'nyastadujjhitaḥ
//
yathā sagarbhaḥ sthairyāya
manaso na tathetaraḥ
prātarniśākṛtaṃ pāpaṃ
dinānte ca divākṛtam
//
hantyagarbho 'pi devānāṃ
pracalatvaṃ pradhāvatām
snāto bhavati tīrtheṣu
sarvakratuṣu dīkṣitaḥ
//
potaḥ pitṝṇāṃ yaḥ śaśvat
sagarbhamimamācaret
dhyāyedadhvāntagaṃ devaṃ
japettadvācakaṃ sadā
//
kṣityādīnyatha tattvāni
tadrūpādhikṛtāni vā
yasmānnācetanaṃ tattvaṃ
siddhamapyupakārakam
//
śaivaṃ vapuriti dhyāyed
ato yadyatsamīhitam
siddhaye dhāraṇādīnāṃ
vṛttīnāmanilasya ca
//
sagarbhaṃ kumbhakaṃ vidvān
ātiṣṭhedavikhinnadhīḥ
ayamarkaguṇaṃ kālaṃ
kṛtacittavyavasthitiḥ
//
prāpnoti dhāraṇāśabdaṃ
dhāraṇāsiddhidānataḥ
sthityartho dhāraṇāśabdaḥ
sthānārtho 'pyupacārataḥ
//
sthānaṃ prāthamikasyemān
yavanyādīni netarat
tāni hemahimajyotiḥ
kṛṣṇasvacchāni rūpataḥ
//
vedyardhamaṇḍalatryastra
vṛttapadmākṛtīni tu
sthairyāpyāyanaviploṣa
preraṇāśūnyatāptaye
//
bhavanti vajrakajvālā
binduśūnyānvitāni tu
bādhakānyanuvartīni
madhyasthānyavagatya ca
//
yogī vyastasamastāni
bibhṛyādiṣṭasiddhaye
kva deśe dhāraṇārūpaṃ
cintanīyaṃ vipaścitā
//
kiṃ ca vyastasamastānāṃ
phalaṃ brūhi sureśvara
hṛdi cetasi vikṣipte
dhārayetkṣitimarthavit
//
jalaṃ pipāsitaḥ kaṇṭhe
mande 'gnau jaṭhare 'nalam
prāṇādivṛttisiddhyarthaṃ
hṛtkaṇṭhādiṣu mārutam
//
viṣādyabhibhave vyoma
teṣu yatropayogavat
khaṃ samasteṣu bhūteṣu
vārivāyū śikhikṣitī
//
vāryagnī bhūmipavanau
vārikṣme analānilau
madhyasthārātimitrāṇi
catuṣke yugmayugmaśaḥ
//
parijñāyeti matimān
yojayediṣṭasiddhaye
kāni prāṇādivṛttīnāṃ
sthānānyasmin śarīrake
//
jitāsu tāsu kiṃ ca syād
iti brūhi surottama
tasya hṛnnābhyuraḥkaṇṭha
pṛṣṭhadeśeṣu dhāraṇāt
//
jayaḥ praṇayanādīnāṃ
vṛttīnāṃ yogino bhavet
jitapraṇayano dhatte
svecchayā dehamātmanaḥ
//
jitāpanayano 'śnāti
śakṛdādi jahāti na
vijitonnayano 'bhyeti
vāgvaśitvādikān guṇān
//
samānavṛtīvijayād
bhavettyaktajaro vaśī
vapurvihāravaśitā
bhavedvinamane jite
//
paṅkāmbukaṇṭakāsaṅgo
vīryamakṣayamadbhutam
dhāraṇā dvādaśa dhyānaṃ
divyālokapravṛttidam
//
samādhiraṇimādīnāṃ
dvādaśaitāni kāraṇam
prāṇāyāmaṃ vināpyevaṃ
vaśyātmā cetasi sthitaḥ
//
samabhyasyannavāpnoti
guṇānuktānanantaram
yadyadvastu yathoddiṣṭa
kramayogāt prapadyate
//
tatra tatrāasya cidvyaktis
tadvyāptiviṣayā bhavet
iti bāhye sthite sarvam
ākalayya svacakṣuṣā
//
sarvān padarthān saṃtyajya
śivatattvaṃ samabhyaset
śivagarbhān samātiṣṭhan
prāṇāyāmādikānapi
//
jahāti janturyaḥ prāṇān
sa śivatvaṃ prapadyate
rūpaṃ paraṃ maheśasya
dhyātuṃ śakyaṃ na jātucit
//
vaicitryātkalpitaṃ bhrāntyai
tatrāsthā cetasaḥ katham
pārthivāpye vicitrāṅke
na dhyeye dhāraṇe tadā
//
tathāpyabhyāsataḥ siddhāḥ
śrūyante yoginastayoḥ
bhogaviplutacittasya
kathaṃ syāccittasaṃsthitiḥ
//
nādhikṛtyāviraktāṇūn
prāhedaṃ sādhanaṃ haraḥ
śakyate viṣayīkartuṃ
jagadapyakhilaṃ śanaiḥ
//
kimu citraṃ vapurdāntair
vairāgyābhyāsaśālibhiḥ
keyaṃ vā rūpakeyattā
sarvādhiṣṭhānayoginaḥ
//
sarvadā sarvabhūtānāṃ
sarvākāropakāriṇaḥ
sthānarūpapramāṇāni
parikalpya svacetasā
//
yatroparamate cittaṃ
tattaddhyeyaṃ punaḥ punaḥ
tenāsya cetasaḥ sthairyaṃ
saviśeṣaguṇaḥ śanaiḥ
//
unmīlya yogasaṃskāraṃ
hatavighnasya jāyate
evamātiṣṭhataḥ samyag
vinaivākārakalpanām
//
akiñciccintakasyāsya
rūpamunmīlati svakam
sarvārthadṛkkriyārūpam
ānandamavyayam [..]
//
yatprāpya na punarduḥkha
yogametyaśivāvaham
etatsamastaguhyānāṃ
guhyaṃ siddhāmarastutam
//
sākṣādālocanaṃ śambhor
atyutpāvanamuttamam
nālpakāloṣitāyaitad
deyaṃ nātipramādine
nāmedhine nātapase
yaśca nābhyarcayecchivam
//
asyābhyāsāddivyasiddhyaṃśujālair
iṣṭān lokān rorucāno vihṛtya
kāle hitvāpāsravaṃ dehamāste
svātmanyevāścaryacaryādhivāsaḥ
//