svadharmajñānavairāgyasādhyabhaktyekagocaraḥ |
nārāyaṇaḥ paraṃ brahma gītāśāstre samīritaḥ ||
sva-dharma-jñāna-vairāgya-sādhya-bhakty-eka-gocaraḥ |
nārāyaṇaḥ paraṃ brahma gītā-śāstre samīritaḥ ||
jñānakarmātmike niṣṭhe yogalakṣe susaṃskṛte |
ātmānubhūtisiddhyārthe pūrvaṣaṭkena coditaḥ ||
jñāna-karma-ātmike niṣṭhe yoga-lakṣe su-saṃskṛte |
ātma-anubhūti-siddhya-arthe pūrva-ṣaṭkena coditaḥ ||
madhyame bhagavattattvayāthātmyāvāptisiddhaye |
jñānakarmābhinirvartyo bhaktiyogaḥ prakīrtitaḥ ||
madhyame bhagavat-tattva-yāthātmya-avāpti-siddhaye |
jñāna-karma-abhinirvartyo bhakti-yogaḥ prakīrtitaḥ ||
pradhānapuruṣavyaktasarveśvaravivecanam |
karma dhīr bhaktir ityādipūrvaśeṣo 'ntimoditaḥ ||
pradhāna-puruṣa-vyakta-sarva-īśvara-vivecanam |
karma dhīr bhaktir ity-ādi-pūrva-śeṣo 'ntima-uditaḥ ||
asthānasnehakāruṇyadharmādharmadhiyākulam |
pārthaṃ prapannam uddiśya śāstrāvatraṇaṃ kṛtam ||
asthāna-sneha-kāruṇya-dharma-adharma-dhiyā-kulam |
pārthaṃ prapannam uddiśya śāstra-avatraṇaṃ kṛtam ||
nityātmāsaṅgakarmehagocarā sāṃkhyayogadhīḥ |
dvitīye sthitadhīlakṣyā proktā tanmohaśāntaye ||
nitya-ātma-asaṅga-karma-iha-gocarā sāṃkhya-yoga-dhīḥ |
dvitīye sthita-dhī-lakṣyā proktā tan-moha-śāntaye ||
asaktyā lokarakṣāyai guṇeṣv āropya kartrktām |
sarveśvare vā nyasyoktā tṛtīye karmakāryatā ||
asaktyā loka-rakṣāyai guṇeṣv āropya kartrktām |
sarva-īśvare vā nyasya uktā tṛtīye karma-kāryatā ||
prasaṅgāt svasvabhāvoktiḥ karmaṇo 'karmatāsya ca |
bhedā jñānasya māhātmyam caturthādhyāya ucyate ||
prasaṅgāt sva-svabhāva-uktiḥ karmaṇo 'karmata āsya ca |
bhedā jñānasya māhātmyam caturtha-adhyāya ucyate ||
karmayogasya saukaryaṃ śaighryaṃ kāścana tadvidhāḥ |
brahmajñānprakāraś ca pañcamādhyāya ucyate ||
karma-yogasya saukaryaṃ śaighryaṃ kāścana tad-vidhāḥ |
brahma-jñān-prakāraś ca pañcama-adhyāya ucyate ||
yogābhyāsavidhir yogī caturdhā yogasādhanam |
yogasiddhaḥ svayogasya pāramyaṃ ṣaṣṭha ucyate ||
yoga-abhyāsa-vidhir yogī caturdhā yoga-sādhanam |
yoga-siddhaḥ sva-yogasya pāramyaṃ ṣaṣṭha ucyate ||
svayāthātmyaṃ prakṛtyāsya tirodhiḥ śaraṇāgatiḥ |
bhaktabhedaḥ prabuddhasya śraiṣṭhyaṃ saptama ucyate ||
sva-yāthātmyaṃ prakṛtya āsya tirodhiḥ śaraṇā-gatiḥ |
bhakta-bhedaḥ prabuddhasya śraiṣṭhyaṃ saptama ucyate ||
aiśvaryākṣarayāthātmyaṃ bhagavaccaraṇārthiṇām |
vedyopādeyabhāvānām aṣṭame bhede ucyate ||
aiśvarya-akṣara-yāthātmyaṃ bhagavac-caraṇa-arthiṇām |
vedya-upādeya-bhāvānām aṣṭame bhede ucyate ||
svamāhātmyaṃ manuṣyatve paratvaṃ ca mahātmanām |
viśeṣo navame yogo bhaktirūpaḥ prakīrtitaḥ ||
sva-māhātmyaṃ manuṣyatve paratvaṃ ca mahā-ātmanām |
viśeṣo navame yogo bhakti-rūpaḥ prakīrtitaḥ ||
svakalyāṇaguṇānantyakṛtsnasvādhīnatāmatiḥ |
bhaktyutpattivivṛdhyarthā vistīrṇā daśamoditā ||
sva-kalyāṇa-guṇa-ānantya-kṛtsna-sva-adhīnatā-matiḥ |
bhakty-utpatti-vivṛdhy-arthā vistīrṇā daśama-uditā ||
ekādaśe 'sya yāthātmyasākṣātkārāvalokanam |
dattam uktā vidiprāptyor bhaktyekopāyatā tathā ||
ekādaśe 'sya yāthātmya-sākṣātkāra-avalokanam |
dattam uktā vidi-prāptyor bhakty-eka-upāyatā tathā ||
bhaktiśraiṣṭhyam upāyoktir aśaktasyātmaniṣṭhatā |
tatprakārās tv atiprītir bhakte dvādaśa ucyate ||
bhakti-śraiṣṭhyam upāya-uktir aśaktasyā atma-niṣṭhatā |
tat-prakārās tv atiprītir bhakte dvādaśa ucyate ||
dehasvarūpam ātmāptihetur ātmaviśodhanam |
bandhahetur vivekaś ca trayodaśa udīryate ||
deha-svarūpam ātma-āpti-hetur ātma-viśodhanam |
bandha-hetur vivekaś ca trayo-daśa udīryate ||
guṇabandhavidhau teṣāṃ kartṛtvam tannivartanam |
gatitrayasvamūlatvaṃ caturdaśa udīryate ||
guṇa-bandha-vidhau teṣāṃ kartṛtvam tan-nivartanam |
gati-traya-sva-mūlatvaṃ catur-daśa udīryate ||
acinmiśrād viśuddhāc ca cetanāt puruṣottamaḥ |
vyāpānād bharaṇāt svāmyād anyaḥ pañcadaśoditaḥ ||
acin-miśrād viśuddhāc ca cetanāt puruṣa-uttamaḥ |
vyāpānād bharaṇāt svāmyād anyaḥ pañca-daśa-uditaḥ ||
devāsuravibhāgoktipūrvikā śāstravaśyatā |
tattvānuṣṭhānavijñānasthemne ṣoḍaśa ucyate ||
deva-asura-vibhāga-ukti-pūrvikā śāstra-vaśyatā |
tattva-anuṣṭhāna-vijñāna-sthemne ṣoḍaśa ucyate ||
aśāstram āsuraṃ kṛtsnam śāstrīyaṃ guṇataḥ pṛthak |
lakṣaṇaṃ śāstrasiddhasya tridhā saptadaśoditam ||
aśāstram āsuraṃ kṛtsnam śāstrīyaṃ guṇataḥ pṛthak |
lakṣaṇaṃ śāstra-siddhasya tridhā sapta-daśa-uditam ||
īśvare kartṛtābuddhiḥ sattvopādeyatāntime |
svakarmapariṇāmaś ca śāstrasārārtha ucyate ||
īśvare kartṛtā-buddhiḥ sattva-upādeyatā-antime |
sva-karma-pariṇāmaś ca śāstra-sāra-artha ucyate ||
karmayogas tapastīrthadānayajñādisevanam |
jñānayogo jitasvāntaiḥ pariśuddhātmani sthitiḥ ||
karma-yogas tapas-tīrtha-dāna-yajña-ādi-sevanam |
jñāna-yogo jita-sva-antaiḥ pariśuddha-ātmani sthitiḥ ||
bhaktiyogaḥ parāikāntyaprītyā dhyānādiṣu sthitiḥ |
trayānām api yogānāṃ tribhir anyonyasaṃgamaḥ ||
bhakti-yogaḥ para-aikāntya-prītyā dhyāna-ādiṣu sthitiḥ |
trayānām api yogānāṃ tribhir anyonya-saṃgamaḥ ||
nityanaimittikānāṃ ca parārādhanarūpiṇam |
ātmaṛṣṭes trayo 'py ete yogadvāreṇa sādhakāḥ ||
nitya-naimittikānāṃ ca para-ārādhana-rūpiṇam |
ātma-ṛṣṭes trayo 'py ete yoga-dvāreṇa sādhakāḥ ||
nirastanikhilājñāno dṛṣṭvātmānaṃ parānugam |
pratilabhya parāṃ bhaktiṃ tayaivāvāpnoti tatpadam ||
nirasta-nikhila-ajñāno dṛṣṭvā ātmānaṃ para-anugam |
pratilabhya parāṃ bhaktiṃ taya aiva avāpnoti tat-padam ||
bhaktiyogas tadarthī cet samagrāiśvaryasādhanam |
ātmārthī cet trayo 'py ete tatkaivalyasya sādhakāḥ ||
bhakti-yogas tad-arthī cet samagra-aiśvarya-sādhanam |
ātma-arthī cet trayo 'py ete tat-kaivalyasya sādhakāḥ ||
aikāntyaṃ bhagavaty eṣāṃ samānam adhikāriṇām |
yāvatprāpti parārthī cet tad evātyantam aśunute ||
aikāntyaṃ bhagavaty eṣāṃ samānam adhikāriṇām |
yāvat-prāpti para-arthī cet tad eva atyantam aśunute ||
jñānī tu paramaikāntī tadāyattātmajīvanaḥ |
tatsaṃśleṣaviyogaikasukhaduḥkhas tadekadhīḥ ||
jñānī tu parama-ekāntī tad-āyatta-ātma-jīvanaḥ |
tat-saṃśleṣa-viyoga-eka-sukha-duḥkhas tad-eka-dhīḥ ||
bhagavaddhyānayogoktivandanastutikīrtanaiḥ |
labdhātmā tadgataprāṇamanobuddhīndriyakriyaḥ ||
bhagavad-dhyāna-yoga-ukti-vandana-stuti-kīrtanaiḥ |
labdha-ātmā tad-gata-prāṇa-mano-buddhi-indriya-kriyaḥ ||
nijakarmādibhaktyantaṃ kuryāt prītyaiva kāritaḥ |
upāyatāṃ parityajya nyasyed deve tu tām abhīḥ ||
nija-karma-ādi-bhakty-antaṃ kuryāt prītya aiva kāritaḥ |
upāyatāṃ parityajya nyasyed deve tu tām abhīḥ ||
aikāntyātyantadāsyaikaratis tatpadam āpnuyāt |
tatpradhānam idaṃ śāstram iti gītārthasaṃgrahaṃ ||
aikāntya-atyanta-dāsya-eka-ratis tat-padam āpnuyāt |
tat-pradhānam idaṃ śāstram iti gītārthasaṃgrahaṃ ||