ādīśvarāya praṇanāmi tasmai $
yenopadiṣṭā haṭhayogavidyā &
virājate pronnatarājayogam %
āroḍhum icchor adhirohiṇīva //
ādi-īśvarāya praṇanāmi tasmai $
yena upadiṣṭā haṭha-yoga-vidyā &
virājate pronnata-rāja-yogam %
āroḍhum icchor adhirohiṇi īva //
ekadā caṇḍakāpālir
gatvā gheraṇḍakuṭṭiram
praṇamya vinayād bhaktyā
gheraṇḍaṃ paripṛcchhati
//
ekadā caṇḍakāpālir
gatvā gheraṇḍa-kuṭṭiram
praṇamya vinayād bhaktyā
gheraṇḍaṃ paripṛcchhati
//
ghaṭasthayogaṃ yogeśa
tattvajñānasya kāraṇam
idānīṃ śrotum icchāmi
yogeśvara vada prabho
//
ghaṭa-stha-yogaṃ yoga-īśa
tattva-jñānasya kāraṇam
idānīṃ śrotum icchāmi
yoga-īśvara vada prabho
//
sādhu sādhu mahābāho
yan māṃ tvaṃ paripṛcchasi
kathayāmi hi te tattvaṃ
sāvadhāno 'vadhāraya
//
sādhu sādhu mahā-bāho
yan māṃ tvaṃ paripṛcchasi
kathayāmi hi te tattvaṃ
sa-avadhāno 'vadhāraya
//
nāsti māyāsamaḥ pāśo
nāsti yogāt paraṃ balam
na hi jñānāt paro bandhur
nāhaṃkārāt paro ripuḥ
//
na asti māyā-samaḥ pāśo
na asti yogāt paraṃ balam
na hi jñānāt paro bandhur
na ahaṃ-kārāt paro ripuḥ
//
abhyāsāt kādivarṇāder
yathā śāstrāṇi bodhayet
tathā yogaṃ samāsādya
tattvajñānaṃ ca labhyate
//
abhyāsāt ka-ādi-varṇa-āder
yathā śāstrāṇi bodhayet
tathā yogaṃ samāsādya
tattva-jñānaṃ ca labhyate
//
sukṛtair duṣkṛtaiḥ kāryair
jāyate prāṇināṃ ghaṭaḥ
ghaṭād utpadyate karma
ghaṭayantraṃ yathā bhramet
//
sukṛtair duṣ-kṛtaiḥ kāryair
jāyate prāṇināṃ ghaṭaḥ
ghaṭād utpadyate karma
ghaṭa-yantraṃ yathā bhramet
//
ūrdhvādho bhramate yadvad
ghaṭayantraṃ gavāṃ vaśāt
tadvat karmavaśāj jīvo
bhramate janmamṛtyunā
//
ūrdhva-adho bhramate yadvad
ghaṭa-yantraṃ gavāṃ vaśāt
tadvat karma-vaśāj jīvo
bhramate janma-mṛtyunā
//
āmakumbha ivāmbhaḥstho
jīryamāṇaḥ sadā ghaṭaḥ
yogānalena saṃdahya
ghaṭaśuddhiṃ samācaret
//
āma-kumbha iva ambhaḥ-stho
jīryamāṇaḥ sadā ghaṭaḥ
yoga-analena saṃdahya
ghaṭa-śuddhiṃ samācaret
//
śodhanaṃ dṛḍhatā caiva
sthairyaṃ dhairyaṃ ca lāghavam
pratyakṣaṃ ca nirliptaṃ ca
ghatasthaṃ saptasādhanam
//
śodhanaṃ dṛḍhatā ca eva
sthairyaṃ dhairyaṃ ca lāghavam
praty-akṣaṃ ca nirliptaṃ ca
ghata-sthaṃ sapta-sādhanam
//
ṣaṭkarmaṇā śodhanaṃ ca
āsanena bhaved dṛḍham
mudrayā sthiratā caiva
pratyāhāreṇa dhairyatā
//
ṣaṭ-karmaṇā śodhanaṃ ca
āsanena bhaved dṛḍham
mudrayā sthiratā ca eva
pratyāhāreṇa dhairyatā
//
prāṇāyāmāl lāghavaṃ ca
dhyānāt pratyakṣam ātmani
samādhinā nirliptaṃ ca
muktir eva na saṃśayaḥ
//
prāṇa-āyāmāl lāghavaṃ ca
dhyānāt praty-akṣam ātmani
samādhinā nirliptaṃ ca
muktir eva na saṃśayaḥ
//
dhautir vastis tathā netir
laulikī trāṭakaṃ tathā
kapālabhātiś caitāni
ṣaṭkarmāṇi samācaret
//
dhautir vastis tathā netir
laulikī trāṭakaṃ tathā
kapālabhātiś ca etāni
ṣaṭ-karmāṇi samācaret
//
antardhautir dantadhautir
hṛddhautir mūlaśodhanam
dhautyaś caturvidhā proktā
ghaṭaṃ kurvanti nirmalam
//
antar-dhautir danta-dhautir
hṛd-dhautir mūla-śodhanam
dhautyaś catur-vidhā proktā
ghaṭaṃ kurvanti nir-malam
//
vātasāraṃ vārisāraṃ
vahnisāraṃ bahiṣkṛtam
ghaṭasya nirmalārthāya hy
antardhautiś caturvidhā
//
vāta-sāraṃ vāri-sāraṃ
vahni-sāraṃ bahiṣ-kṛtam
ghaṭasya nir-mala-arthāya hy
antar-dhautiś catur-vidhā
//
kākacañcūvad āsyena
pibed vāyuṃ śanaiḥ śanaiḥ
cālayed udaraṃ paścād
vartmanā recayec chanaiḥ
//
kāka-cañcūvad āsyena
pibed vāyuṃ śanaiḥ śanaiḥ
cālayed udaraṃ paścād
vartmanā recayec chanaiḥ
//
vātasāraṃ paraṃ gopyaṃ
dehanirmalakārakam
sarvarogakṣayakaraṃ
dehānalavivardhakam
//
vāta-sāraṃ paraṃ gopyaṃ
deha-nir-mala-kārakam
sarva-roga-kṣaya-karaṃ
deha-anala-vivardhakam
//
ākaṇṭhaṃ pūrayed vāri
vaktreṇa ca pibec chanaiḥ
cālayed udareṇaiva
codarād recayed adhaḥ
//
ā-kaṇṭhaṃ pūrayed vāri
vaktreṇa ca pibec chanaiḥ
cālayed udareṇa eva
ca udarād recayed adhaḥ
//
vārisāraṃ paraṃ gopyaṃ
dehanirmalakārakam
sādhayed yaḥ prayatnena
devadehaṃ prapadyate
//
vāri-sāraṃ paraṃ gopyaṃ
deha-nir-mala-kārakam
sādhayed yaḥ prayatnena
deva-dehaṃ prapadyate
//
vārisāraṃ parāṃ dhautiṃ
sādhayed yaḥ prayatnataḥ
maladehaṃ śodhayitvā
devadehaṃ prapadyate
//
vāri-sāraṃ parāṃ dhautiṃ
sādhayed yaḥ prayatnataḥ
mala-dehaṃ śodhayitvā
deva-dehaṃ prapadyate
//
nābhigranthiṃ merupṛṣṭhe
śatavāraṃ ca kārayet
udarāmayajaṃ tyaktvā
jāṭharāgniṃ vivardhayet
vahnisāram iyaṃ dhautir
yogināṃ yogasiddhidā
//
nābhi-granthiṃ meru-pṛṣṭhe
śata-vāraṃ ca kārayet
udara-āmaya-jaṃ tyaktvā
jāṭhara-agniṃ vivardhayet
vahni-sāram iyaṃ dhautir
yogināṃ yoga-siddhi-dā
//
eṣā dhautiḥ parā gopyā
na prakāśyā kadācana
kevalaṃ dhautimātreṇa
devadeho bhaved dhruvam
//
eṣā dhautiḥ parā gopyā
na prakāśyā kadā-cana
kevalaṃ dhauti-mātreṇa
deva-deho bhaved dhruvam
//
kākīmudrāṃ sādhayitvā
pūrayed udaraṃ mahat
dhārayed ardhayāmaṃ tu
cālayed adhavartmanā
eṣā dhautiḥ parā gopyā
na prakāśyā kadācana
//
kākī-mudrāṃ sādhayitvā
pūrayed udaraṃ mahat
dhārayed ardhayāmaṃ tu
cālayed adha-vartmanā
eṣā dhautiḥ parā gopyā
na prakāśyā kadā-cana
//
nābhimagnajale sthitvā
śaktināḍīṃ vimarjayet
kārābhyāṃ kṣālayen nāḍīṃ
yāvan malavisarjanam
//
nābhi-magna-jale sthitvā
śakti-nāḍīṃ vimarjayet
kārābhyāṃ kṣālayen nāḍīṃ
yāvan mala-visarjanam
//
tāvat prakṣālya nāḍīṃ ca
udare veśayet punaḥ
idaṃ prakṣālanaṃ gopyaṃ
devānām api durlabham
kevalaṃ dhautimātreṇa
devadeho bhaved dhruvam
//
tāvat prakṣālya nāḍīṃ ca
udare veśayet punaḥ
idaṃ prakṣālanaṃ gopyaṃ
devānām api dur-labham
kevalaṃ dhauti-mātreṇa
deva-deho bhaved dhruvam
//
yām ārdhadhāraṇāśaktiṃ
yāvan na sādhayen naraḥ
bahiṣkṛtaṃ mahādhautī
tāvan naiva tu jāyate
//
yām ārdha-dhāraṇā-śaktiṃ
yāvan na sādhayen naraḥ
bahiṣ-kṛtaṃ mahā-dhautī
tāvan na eva tu jāyate
//
dantamūlaṃ jihvāmūlaṃ
randhraṃ ca karṇayugmayoḥ
kapālarandhraṃ pañceti
dantadhautirvidhīyate
//
danta-mūlaṃ jihvā-mūlaṃ
randhraṃ ca karṇa-yugmayoḥ
kapāla-randhraṃ pañca iti
dantadhautirvidhīyate
//
khadireṇa rasenātha
mṛttikayā ca śuddhayā
mārjayed dantamūlaṃ ca
yāvat kilbiṣam āharet
//
khadireṇa rasena atha
mṛttikayā ca śuddhayā
mārjayed danta-mūlaṃ ca
yāvat kilbiṣam āharet
//
dantamūlaṃ parā dhautir
yogināṃ yogasādhane
nityaṃ kuryāt prabhāte ca
dantarakṣāya yogavit
dantamūlaṃ dhāraṇādi
kāryeṣu yogināṃ yataḥ
//
danta-mūlaṃ parā dhautir
yogināṃ yoga-sādhane
nityaṃ kuryāt prabhāte ca
danta-rakṣāya yoga-vit
danta-mūlaṃ dhāraṇā-ādi
-kāryeṣu yogināṃ yataḥ
//
athātaḥ saṃpravakṣyāmi
jihvāśodhanakāraṇam
jarāmaraṇarogādīn
nāśayed dīrghalambikā
//
atha ataḥ saṃpravakṣyāmi
jihvā-śodhana-kāraṇam
jarā-maraṇa-roga-ādīn
nāśayed dīrgha-lambikā
//
tarjanīmadhyamānāmā
aṅgulitrayayogataḥ
veśayed galamadhye tu
mārjayel lambikāmalam
śanaiḥ śanair mārjayitvā
kaphadoṣaṃ nivārayet
//
tarjanī-madhyamā-nāmā
aṅguli-traya-yogataḥ
veśayed gala-madhye tu
mārjayel lambikā-malam
śanaiḥ śanair mārjayitvā
kapha-doṣaṃ nivārayet
//
mārjayen navanītena
dohayec ca punaḥ punaḥ
tadagraṃ lauhayantreṇa
karṣayitvā punaḥ punaḥ
//
mārjayen navanītena
dohayec ca punaḥ punaḥ
tad-agraṃ lauha-yantreṇa
karṣayitvā punaḥ punaḥ
//
nityaṃ kuryāt prayatnena
raver udayake 'stake
evaṃ kṛte tu nitye ca
lambikā dīrghatāṃ gatā
//
nityaṃ kuryāt prayatnena
raver udayake 'stake
evaṃ kṛte tu nitye ca
lambikā dīrghatāṃ gatā
//
tarjanyaṅgulyagrayogān
mārjayet karṇarandhrayoḥ
nityam abhyāsayogena
nādāntaraṃ prakāśanam
//
tarjany--aṅguly-agra-yogān
mārjayet karṇa-randhrayoḥ
nityam abhyāsa-yogena
nāda-antaraṃ prakāśanam
//
vṛddhāṅguṣṭhena dakṣeṇa
mardayed bhālarandhrakam
evam abhyāsayogena
kaphadoṣaṃ nivārayet
//
vṛddha-aṅguṣṭhena dakṣeṇa
mardayed bhāla-randhrakam
evam abhyāsa-yogena
kapha-doṣaṃ nivārayet
//
nāḍī nirmalatāṃ yāti
divyadṛṣṭiḥ prajāyate
nidrānte bhojanānte ca
divānte ca dine dine
//
nāḍī nir-malatāṃ yāti
divya-dṛṣṭiḥ prajāyate
nidrā-ante bhojana-ante ca
diva-ante ca dine dine
//
hṛddhautiṃ trividhāṃ kuryād
daṇḍavamanavāsasā
//
hṛd-dhautiṃ tri-vidhāṃ kuryād
daṇḍa-vamana-vāsasā
//
rambhādaṇḍaṃ hariddaṇḍaṃ
vetradaṇḍaṃ tathaiva ca
hṛnmadhye cālayitvā tu
punaḥ pratyāharec chanaiḥ
//
rambhā-daṇḍaṃ harid-daṇḍaṃ
vetra-daṇḍaṃ tatha aiva ca
hṛn-madhye cālayitvā tu
punaḥ pratyāharec chanaiḥ
//
kaphapittaṃ tathā kledaṃ
recayed ūrdhvavartmanā
daṇḍadhautividhānena
hṛdrogaṃ nāśayed dhruvam
//
kapha-pittaṃ tathā kledaṃ
recayed ūrdhva-vartmanā
daṇḍa-dhauti-vidhānena
hṛd-rogaṃ nāśayed dhruvam
//
bhojanānte pibed vāri
ākarṇapūritaṃ sudhīḥ
ūrdhvadṛṣṭiṃ kṣaṇaṃ kṛtvā
taj jalaṃ vamayet punaḥ
nityam abhyāsayogena
kaphapittaṃ nivārayet
//
bhojana-ante pibed vāri
ā-karṇa-pūritaṃ su-dhīḥ
ūrdhva-dṛṣṭiṃ kṣaṇaṃ kṛtvā
taj jalaṃ vamayet punaḥ
nityam abhyāsa-yogena
kapha-pittaṃ nivārayet
//
ekonaviṃśatiḥ hastaḥ
pañcaviṃśati vai tathā
caturaṅgulavistāraṃ
sūkṣmavastraṃ śanair graset
punaḥ pratyāhared etat
procyate dhautikarmakam
//
eka-ūna-viṃśatiḥ hastaḥ
pañca-viṃśati vai tathā
catur-aṅgula-vistāraṃ
sūkṣma-vastraṃ śanair graset
punaḥ pratyāhared etat
procyate dhauti-karmakam
//
gulmajvaraplīhākuṣṭha
kaphapittaṃ vinaśyati
ārogyaṃ balapuṣṭiś ca
bhavet tasya dine dine
//
gulma-jvara-plīhā-kuṣṭha
-kapha-pittaṃ vinaśyati
ārogyaṃ bala-puṣṭiś ca
bhavet tasya dine dine
//
apānakrūratā tāvad
yāvanmūlaṃ na śodhayet
tasmāt sarvaprayatnena
mūlaśodhanam ācaret
//
apāna-krūratā tāvad
yāvan-mūlaṃ na śodhayet
tasmāt sarva-prayatnena
mūla-śodhanam ācaret
//
pītamūlasya daṇḍena
madhyamāṅgulināpi vā
yatnena kṣālayed guhyaṃ
vāriṇā ca punaḥ punaḥ
//
pīta-mūlasya daṇḍena
madhyama-aṅgulina āpi vā
yatnena kṣālayed guhyaṃ
vāriṇā ca punaḥ punaḥ
//
vārayet koṣṭhakāṭhinyam
āmājīrṇaṃ nivārayet
kāraṇaṃ kāntipuṣṭyoś ca
dīpanaṃ vahnimaṇḍalam
//
vārayet koṣṭha-kāṭhinyam
āmā-jīrṇaṃ nivārayet
kāraṇaṃ kānti-puṣṭyoś ca
dīpanaṃ vahni-maṇḍalam
//
jalavastiḥ śuṣkavastir
vastī ca dvividhau smṛtau
jalavastiṃ jale kuryāc
chuṣkavastiṃ kṣitau sadā
//
jala-vastiḥ śuṣka-vastir
vastī ca dvi-vidhau smṛtau
jala-vastiṃ jale kuryāc
chuṣka-vastiṃ kṣitau sadā
//
nābhimagnajale pāyu
nyastanālotkaṭāsanaḥ
ākuñcanaṃ prakāśaṃ ca
jalavastiṃ samācaret
//
nābhi-magna-jale pāyu
-nyasta-nāla-utkaṭa-āsanaḥ
ākuñcanaṃ prakāśaṃ ca
jala-vastiṃ samācaret
//
pramehaṃ ca gudāvartaṃ
krūravāyuṃ nivārayet
bhavet svacchandadehaś ca
kāmadevasamo bhavet
//
pramehaṃ ca guda-āvartaṃ
krūra-vāyuṃ nivārayet
bhavet sva-cchanda-dehaś ca
kāma-deva-samo bhavet
//
vastiṃ paścimatānena
cālayitvā śanaiḥ śanaiḥ
aśvinīmudrayā pāyum
ākuñcayet prakāśayet
//
vastiṃ paścima-tānena
cālayitvā śanaiḥ śanaiḥ
aśvinī-mudrayā pāyum
ākuñcayet prakāśayet
//
evam abhyāsayogena
koṣṭhadoṣo na vidyate
vivardhayej jāṭharāgnim
āmavātaṃ vināśayet
//
evam abhyāsa-yogena
koṣṭha-doṣo na vidyate
vivardhayej jāṭhara-agnim
āma-vātaṃ vināśayet
//
vitastimānaṃ sūkṣmasūtraṃ
nāsānāle praveśayet
mukhān nirgamayet paścāt
procyate netikarmakam
//
vitastimānaṃ sūkṣma-sūtraṃ
nāsā-nāle praveśayet
mukhān nirgamayet paścāt
procyate neti-karmakam
//
sādhanān netikarmāpi
khecarīsiddhim āpnuyāt
kaphadoṣā vinaśyanti
divyadṛṣṭiḥ prajāyate
//
sādhanān neti-karma api
khecarī-siddhim āpnuyāt
kapha-doṣā vinaśyanti
divya-dṛṣṭiḥ prajāyate
//
amandavegaṃ tundaṃ ca
bhrāmayed ubhapārśvayoḥ
sarvarogān nihantīha
dehānalavivardhanam
//
a-manda-vegaṃ tundaṃ ca
bhrāmayed ubha-pārśvayoḥ
sarva-rogān nihanti iha
deha-anala-vivardhanam
//
nimeṣonmeṣakaṃ tyaktvā
sūkṣmalakṣyaṃ nirīkṣayet
yāvad aśrū nipatate
trāṭakaṃ procyate budhaiḥ
//
nimeṣa-unmeṣakaṃ tyaktvā
sūkṣma-lakṣyaṃ nirīkṣayet
yāvad aśrū nipatate
trāṭakaṃ procyate budhaiḥ
//
evam abhyāsayogena
śāṃbhavī jāyate dhruvam
na jāyate netrarogaḥ
divyadṛṣṭipradāyakam
//
evam abhyāsa-yogena
śāṃbhavī jāyate dhruvam
na jāyate netra-rogaḥ
divya-dṛṣṭi-pradāyakam
//
vāmakrameṇa vyutkrameṇa
śītkrameṇa viśeṣataḥ
bhālabhātiṃ tridhā kuryāt
kaphadoṣaṃ nivārayet
//
vāma-krameṇa vyutkrameṇa
śīt-krameṇa viśeṣataḥ
bhāla-bhātiṃ tridhā kuryāt
kapha-doṣaṃ nivārayet
//
iḍayā pūrayed vāyuṃ
recayet piṅgalā punaḥ
piṅgalayā pūrayitvā
punaś candreṇa recayet
//
iḍayā pūrayed vāyuṃ
recayet piṅgalā punaḥ
piṅgalayā pūrayitvā
punaś candreṇa recayet
//
pūrakaṃ recakaṃ kṛtvā
vegena na tu cālayet
evam abhyāsayogena
kaphadoṣaṃ nivārayet
//
pūrakaṃ recakaṃ kṛtvā
vegena na tu cālayet
evam abhyāsa-yogena
kapha-doṣaṃ nivārayet
//
nāsābhyāṃ jalam ākṛṣya
punar vaktreṇa recayet
pāyaṃ pāyaṃ prakurvaṃś cec
chleṣmadoṣaṃ nivārayet
//
nāsābhyāṃ jalam ākṛṣya
punar vaktreṇa recayet
pāyaṃ pāyaṃ prakurvaṃś cec
chleṣma-doṣaṃ nivārayet
//
śītkṛtya pītvā vaktreṇa
nāsānalair virecayet
evam abhyāsayogena
kāmadevasamo bhavet
//
śīt-kṛtya pītvā vaktreṇa
nāsā-nalair virecayet
evam abhyāsa-yogena
kāma-deva-samo bhavet
//
na jāyate vārddhakaṃ ca
jvaro naiva prajāyate
bhavet svacchandadehaś ca
kaphadoṣaṃ nivārayet
//
na jāyate vārddhakaṃ ca
jvaro na eva prajāyate
bhavet sva-cchanda-dehaś ca
kapha-doṣaṃ nivārayet
//
[[iti śrī-gheraṇḍa-saṃhitāyāṃ gheraṇḍa-caṇḍa-saṃvāde ghaṭa-stha-yoge ṣaṭ-karma-sādhanaṃ nāma prathamo1padeśaḥ //1// ]]
āsanāni samastāni
yāvanto jīvajantavaḥ
caturaśīti lakṣāṇi
śivena kathitaṃ purā
//
āsanāni samastāni
yāvanto jīva-jantavaḥ
catur-aśīti lakṣāṇi
śivena kathitaṃ purā
//
teṣāṃ madhye viśiṣṭāni
ṣoḍaśonaṃ śataṃ kṛtam
teṣāṃ madhye martyaloke
dvātriṃśad āsanaṃ śubham
//
teṣāṃ madhye viśiṣṭāni
ṣo-ḍaśa-ūnaṃ śataṃ kṛtam
teṣāṃ madhye martya-loke
dvā-triṃśad āsanaṃ śubham
//
siddhaṃ padmaṃ tathā bhadraṃ
muktaṃ vajraṃ ca svastikam
siṃhaṃ ca gomukhaṃ vīraṃ
dhanurāsanam eva ca
//
siddhaṃ padmaṃ tathā bhadraṃ
muktaṃ vajraṃ ca svastikam
siṃhaṃ ca go-mukhaṃ vīraṃ
dhanur-āsanam eva ca
//
mṛtaṃ guptaṃ tathā mātsyaṃ
matsyendrāsanam eva ca
gorakṣaṃ paścimottānam
utkaṭaṃ saṃkaṭaṃ tathā
//
mṛtaṃ guptaṃ tathā mātsyaṃ
matsya-indra-āsanam eva ca
go-rakṣaṃ paścima-uttānam
ut-kaṭaṃ saṃ-kaṭaṃ tathā
//
mayūraṃ kukkuṭaṃ kūrmaṃ
tathā uttānakūrmakam
uttānamaṇḍukaṃ vṛkṣaṃ
maṇḍūkaṃ garuḍaṃ vṛṣam
//
mayūraṃ kukkuṭaṃ kūrmaṃ
tathā uttāna-kūrmakam
uttāna-maṇḍukaṃ vṛkṣaṃ
maṇḍūkaṃ garuḍaṃ vṛṣam
//
śalabhaṃ makaraṃ coṣṭraṃ
bhujaṃgaṃ ca yogāsanam
dvātriṃśad āsanāny eva
martyaloke ca siddhidā
//
śalabhaṃ makaraṃ ca uṣṭraṃ
bhujaṃ-gaṃ ca yoga-āsanam
dvā-triṃśad āsanāny eva
martya-loke ca siddhi-dā
//
yonisthānakam aṅghrimūlaghaṭitaṃ saṃpīḍya gulphetaraṃ $
meḍhropary atha saṃnidhāya cibukaṃ kṛtvā hṛdi sthāpitam &
sthāṇuḥ saṃyamitendriyo 'caladṛśā paśyan bhruvor antare %
etan mokṣakapāṭabhedanakaraṃ siddhāsanaṃ procyate //
yoni-sthānakam aṅghri-mūla-ghaṭitaṃ saṃpīḍya gulpha-itaraṃ $
meḍhra-upary atha saṃnidhāya cibukaṃ kṛtvā hṛdi sthāpitam &
sthāṇuḥ saṃyamita-indriyo '-cala-dṛśā paśyan bhruvor antare %
etan mokṣa-kapāṭa-bhedana-karaṃ siddha-āsanaṃ procyate //
vāmor ūpari dakṣiṇaṃ hi caraṇaṃ saṃsthāpya vāmaṃ tathā $
dakṣor ūpari paścimena vidhinā kṛtvā karābhyāṃ dṛḍham &
aṅguṣṭhau hṛdaye nidhāya cibukaṃ nāsāgram ālokayed %
etad vyādhivikāranāśanakaraṃ padmāsanaṃ procyate //
vāmor ūpari dakṣiṇaṃ hi caraṇaṃ saṃsthāpya vāmaṃ tathā $
dakṣor ūpari paścimena vidhinā kṛtvā karābhyāṃ dṛḍham &
aṅguṣṭhau hṛdaye nidhāya cibukaṃ nāsā-agram ālokayed %
etad vyādhi-vikāra-nāśana-karaṃ padma-āsanaṃ procyate //
gulphau ca vṛṣaṇasyādho
vyutkrameṇa samāhitau
pādāṅguṣṭhau karābhyāṃ ca
dhṛtvā ca pṛṣṭhadeśataḥ
//
gulphau ca vṛṣaṇasya adho
vyutkrameṇa samāhitau
pāda-aṅguṣṭhau karābhyāṃ ca
dhṛtvā ca pṛṣṭha-deśataḥ
//
jālaṃdharaṃ samāsādya
nāsāgram avalokayet
bhadrāsanaṃ bhaved etat
sarvavyādhivināśakam
//
jālaṃ-dharaṃ samāsādya
nāsā-agram avalokayet
bhadra-āsanaṃ bhaved etat
sarva-vyādhi-vināśakam
//
pāyumūle vāmagulphaṃ
dakṣagulphaṃ tathopari
śirogrīvāsame kāye
muktāsanaṃ tu siddhidam
//
pāyu-mūle vāma-gulphaṃ
dakṣa-gulphaṃ tatha ūpari
śiro-grīva-āsame kāye
mukta-āsanaṃ tu siddhi-dam
//
jaṅghayor vajravat kṛtvā
gudapārśve padāv ubhau
vajrāsanaṃ bhaved etad
yogināṃ siddhidāyakam
//
jaṅghayor vajravat kṛtvā
guda-pārśve padāv ubhau
vajra-āsanaṃ bhaved etad
yogināṃ siddhi-dāyakam
//
jānūrvor antare kṛtvā
yogī pādatale ubhe
ṛjukāyaḥ samāsīnaḥ
svastikaṃ tat pracakṣate
//
jānu-urvor antare kṛtvā
yogī pāda-tale ubhe
ṛju-kāyaḥ samāsīnaḥ
svastikaṃ tat pracakṣate
//
gulphau ca vṛṣaṇasyādho
vyutkrameṇordhvatāṃ gatau
citimūlau bhūmisaṃsthau
karau ca jānunopari
//
gulphau ca vṛṣaṇasya adho
vyutkrameṇā urdhvatāṃ gatau
citi-mūlau bhūmi-saṃsthau
karau ca jānuna ūpari
//
vyāttavaktro jalaṃdhreṇa
nāsāgram avalokayet
siṃhāsanaṃ bhaved etat
sarvavyādhivināśakam
//
vyātta-vaktro jalaṃ-dhreṇa
nāsā-agram avalokayet
siṃha-āsanaṃ bhaved etat
sarva-vyādhi-vināśakam
//
pādau bhūmau ca saṃsthāpya
pṛṣṭhapārśve niveśayet
sthirakāyaṃ samāsādya
gomukhaṃ gomukhākṛti
//
pādau bhūmau ca saṃsthāpya
pṛṣṭha-pārśve niveśayet
sthira-kāyaṃ samāsādya
go-mukhaṃ go-mukha-ākṛti
//
ekapādam athaikasmin
vinyased ūrusaṃsthitam
itarasmiṃs tathā paścād
vīrāsanam itīritam
//
eka-pādam atha ekasmin
vinyased ūru-saṃsthitam
itarasmiṃs tathā paścād
vīra-āsanam itī iritam
//
prasārya pādau bhuvi daṇḍarūpau $
karau ca pṛṣṭhaṃ dhṛtapādayugmam &
kṛtvā dhanustulyavivartitāṅgaṃ %
nigadyate vai dhanurāsanaṃ tat //
prasārya pādau bhuvi daṇḍa-rūpau $
karau ca pṛṣṭhaṃ dhṛta-pāda-yugmam &
kṛtvā dhanus-tulya-vivartita-aṅgaṃ %
nigadyate vai dhanur-āsanaṃ tat //
uttānaṃ śavavad bhūmau
śayānaṃ tu śavāsanam
śavāsanaṃ śramaharaṃ
cittaviśrāntikāraṇam
//
uttānaṃ śavavad bhūmau
śayānaṃ tu śava-āsanam
śava-āsanaṃ śrama-haraṃ
citta-viśrānti-kāraṇam
//
jānūrvor antare pādau
kṛtvā pādau ca gopayet
pādaupari ca saṃsthāpya
gudaṃ guptāsanaṃ viduḥ
//
jānu-ūrvor antare pādau
kṛtvā pādau ca gopayet
pādaupari ca saṃsthāpya
gudaṃ gupta-āsanaṃ viduḥ
//
muktapadmāsanaṃ kṛtvā
uttānaśayanaṃ caret
kūrparābhyāṃ śiro veṣṭya
matsyāsanaṃ tu rogahā
//
mukta-padma-āsanaṃ kṛtvā
uttāna-śayanaṃ caret
kūrparābhyāṃ śiro veṣṭya
matsya-āsanaṃ tu roga-hā
//
udare paścimaṃ tānaṃ
kṛtvā tiṣṭhati yatnataḥ
namrāṅgaṃ vāmapadaṃ hi
dakṣajānūpari nyaset
//
udare paścimaṃ tānaṃ
kṛtvā tiṣṭhati yatnataḥ
namra-aṅgaṃ vāma-padaṃ hi
dakṣa-jānu-ūpari nyaset
//
tatra yāmyaṃ kūrparaṃ ca
yāmyakare ca vaktrakam
bhruvor madhye gatā dṛṣṭiḥ
pīṭhaṃ matsyendram ucyate
//
tatra yāmyaṃ kūrparaṃ ca
yāmya-kare ca vaktrakam
bhruvor madhye gatā dṛṣṭiḥ
pīṭhaṃ matsya-indram ucyate
//
jānūrvor antare pādau
uttānau vyaktasaṃsthitau
gulphau cācchādya hastābhyām
uttānābhyaṃ prayatnataḥ
//
jānu-ūrvor antare pādau
uttānau vyakta-saṃsthitau
gulphau cā acchādya hastābhyām
uttānābhyaṃ prayatnataḥ
//
kaṇṭhasaṃkocanaṃ kṛtvā
nāsāgram avalokayet
gorakṣāsanam ity āhur
yogināṃ siddhikāraṇam
//
kaṇṭha-saṃkocanaṃ kṛtvā
nāsa-agram avalokayet
go-rakṣa-āsanam ity āhur
yogināṃ siddhi-kāraṇam
//
prasārya pādau bhuvi daṇḍarūpau $
saṃnyastabhālaṃ citiyugmamadhye &
yatnena pādau ca dhṛtau karābhyāṃ %
yogendrapīṭhaṃ paścimatānam āhuḥ //
prasārya pādau bhuvi daṇḍa-rūpau $
saṃnyasta-bhālaṃ citi-yugma-madhye &
yatnena pādau ca dhṛtau karābhyāṃ %
yoga-indra-pīṭhaṃ paścima-tānam āhuḥ //
aṅguṣṭhābhyām avaṣṭabhya
dharāṃ gulphau ca khe gatau
tatropari gudaṃ nyased
vijñeyam utkaṭāsanam
//
aṅguṣṭhābhyām avaṣṭabhya
dharāṃ gulphau ca khe gatau
tatra upari gudaṃ nyased
vijñeyam utkaṭa-āsanam
//
vāmapādaciter mūlaṃ
saṃnyasya dharaṇītale
pādadaṇḍena yāmyena
veṣṭayed vāmapādakam
jānuyugme karayugmam
etat saṃkaṭam āsanam
//
vāma-pāda-citer mūlaṃ
saṃnyasya dharaṇī-tale
pāda-daṇḍena yāmyena
veṣṭayed vāma-pādakam
jānu-yugme kara-yugmam
etat saṃkaṭam āsanam
//
dharām avaṣṭabhya karadvayābhyāṃ $
tat kūrpare sthāpitanābhipārśvam &
uccāsane daṇḍavad utthitaḥ khe %
mayūram etat pravadanti pīṭham //
dharām avaṣṭabhya kara-dvayābhyāṃ $
tat kūrpare sthāpita-nābhi-pārśvam &
ucca-āsane daṇḍavad utthitaḥ khe %
mayūram etat pravadanti pīṭham //
bahukadaśanabhuktaṃ bhasma kuryād aśeṣaṃ $
janayati jaṭharāgniṃ jārayet kālakūṭam &
harati sakalarogān āśu gulmajvarādīn %
bhavati vigatadoṣaṃ hy āsanaṃ śrīmayūram //
bahu-kad-aśana-bhuktaṃ bhasma kuryād a-śeṣaṃ $
janayati jaṭhara-agniṃ jārayet kāla-kūṭam &
harati sa-kala-rogān āśu gulma-jvara-ādīn %
bhavati vigata-doṣaṃ hy āsanaṃ śrī-mayūram //
padmāsanaṃ samāsādya
jānūrvor antare karau
kūrparābhyāṃ samāsīno
mañcasthaḥ kukkuṭāsanam
//
padma-āsanaṃ samāsādya
jānu-ūrvor antare karau
kūrparābhyāṃ samāsīno
mañca-sthaḥ kukkuṭa-āsanam
//
gulphau ca vṛṣaṇasyādho
vyutkrameṇa samāhitau
ṛjukāyaśirogrīvaṃ
kūrmāsanam itīritam
//
gulphau ca vṛṣaṇasya adho
vyutkrameṇa samāhitau
ṛju-kāya-śiro-grīvaṃ
kūrma-āsanam itī iritam
//
kukkuṭāsanabandhasthaṃ
karābhyāṃ dhṛtakandharam
khagakūrmavad uttānam
etad uttānakūrmakam
//
kukkuṭa-āsana-bandha-sthaṃ
karābhyāṃ dhṛta-kandharam
kha-ga-kūrmavad uttānam
etad uttāna-kūrmakam
//
pādatalau pṛṣṭhadeśe
aṅguṣṭhau dvau ca saṃspṛśet
jānuyugmaṃ puraskṛtya
sādhayen maṇḍukāsanam
//
pāda-talau pṛṣṭha-deśe
aṅguṣṭhau dvau ca saṃspṛśet
jānu-yugmaṃ puraskṛtya
sādhayen maṇḍuka-āsanam
//
maṇḍūkāsanabandhasthaṃ
kūrparābhyāṃ dhṛtaṃ śiraḥ
etad bhekavad uttānam
etad uttānamaṇḍukam
//
maṇḍūka-āsana-bandha-sthaṃ
kūrparābhyāṃ dhṛtaṃ śiraḥ
etad bhekavad uttānam
etad uttāna-maṇḍukam
//
vāmorumūladeśe ca
yāmyaṃ pādaṃ nidhāya tu
tiṣṭhati vṛkṣavad bhūmau
vṛkṣāsanam idaṃ viduḥ
//
vāma-ūru-mūla-deśe ca
yāmyaṃ pādaṃ nidhāya tu
tiṣṭhati vṛkṣavad bhūmau
vṛkṣa-āsanam idaṃ viduḥ
//
jaṅghorubhyāṃ dharāṃ pīḍya
sthirakāyo dvijānunā
jānūpari karayugmaṃ
garuḍāsanam ucyate
//
jaṅgha-urubhyāṃ dharāṃ pīḍya
sthira-kāyo dvi-jānunā
jānu-ūpari kara-yugmaṃ
garuḍa-āsanam ucyate
//
yāmyagulphe pāyumūlaṃ
vāmabhāge padetaram
viparītaṃ spṛśed bhūmiṃ
vṛṣāsanam idaṃ bhavet
//
yāmya-gulphe pāyu-mūlaṃ
vāma-bhāge pada-itaram
viparītaṃ spṛśed bhūmiṃ
vṛṣa-āsanam idaṃ bhavet
//
adhyāsya śete padayugmavakṣe $
bhūmim avaṣṭabhya karadvayābhyām &
pādau ca śūnye ca vitasti cordhvaṃ %
vadanti pīṭhaṃ śalabhaṃ munīndrāḥ //
adhyāsya śete pada-yugma-vakṣe $
bhūmim avaṣṭabhya kara-dvayābhyām &
pādau ca śūnye ca vitasti cā urdhvaṃ %
vadanti pīṭhaṃ śalabhaṃ muni-indrāḥ //
adhyāsya śete hṛdayaṃ nidhāya $
bhūmau ca pādau pravisāryamāṇau &
śiraś ca dhṛtvā karadaṇḍayugme %
dehāgnikāraṃ makarāsanaṃ tat //
adhyāsya śete hṛdayaṃ nidhāya $
bhūmau ca pādau pravisāryamāṇau &
śiraś ca dhṛtvā kara-daṇḍa-yugme %
deha-agni-kāraṃ makara-āsanaṃ tat //
adhyāsya śete padayugmam astaṃ $
pṛṣṭhe nidhāyāpi dhṛtaṃ karābhyām &
ākuñcya samyag ghy udarāsyagaṇḍam %
uṣṭraṃ ca pīṭhaṃ yatayo vadanti //
adhyāsya śete pada-yugmam astaṃ $
pṛṣṭhe nidhāya api dhṛtaṃ karābhyām &
ākuñcya samyag ghy udara-āsya-gaṇḍam %
uṣṭraṃ ca pīṭhaṃ yatayo vadanti //
aṅguṣṭhanābhiparyantam
adho bhūmau ca vinyaset
karatalābhyāṃ dharāṃ dhṛtvā
ūrdhvaṃ śīrṣaṃ phaṇīva hi
//
aṅguṣṭha-nābhi-pary-antam
adho bhūmau ca vinyaset
kara-talābhyāṃ dharāṃ dhṛtvā
ūrdhvaṃ śīrṣaṃ phaṇi īva hi
//
dehāgnir vardhate nityaṃ
sarvarogavināśanam
jāgarti bhujagī devī
sādhanād bhujaṃgāsanam
//
deha-agnir vardhate nityaṃ
sarva-roga-vināśanam
jāgarti bhuja-gī devī
sādhanād bhujaṃ-ga-āsanam
//
uttānau caraṇau kṛtvā
saṃsthāpya jānunopari
āsanopari saṃsthāpya
uttānaṃ karayugmakam
//
uttānau caraṇau kṛtvā
saṃsthāpya jānuna ūpari
āsana upari saṃsthāpya
uttānaṃ kara-yugmakam
//
pūrakair vāyum ākṛṣya
nāsāgram avalokayet
yogāsanaṃ bhaved etad
yogināṃ yogasādhane
//
pūrakair vāyum ākṛṣya
nāsa-agram avalokayet
yoga-āsanaṃ bhaved etad
yogināṃ yoga-sādhane
//
[[iti śrī-gheraṇḍa-saṃhitāyāṃ gheraṇḍa-caṇḍa-saṃvāde ghata-stha-yogae āsana-prayogo nāma dvitīyo1padeśaḥ //2// ]]
mahāmudrā nabhomudrā
uḍḍīyānaṃ jalaṃdharam
mūlabandhaṃ mahābandhaṃ
mahāvedhaś ca khecarī
//
mahā-mudrā nabho-mudrā
uḍḍīyānaṃ jalaṃ-dharam
mūla-bandhaṃ mahā-bandhaṃ
mahā-vedhaś ca khe-carī
//
viparītakaraṇī yonir
vajrolī śakticālanī
taḍāgī māṇḍukī mudrā
śāṃbhavī pañcadhāraṇā
//
viparīta-karaṇī yonir
vajrolī śakti-cālanī
taḍāgī māṇḍukī mudrā
śāṃbhavī pañca-dhāraṇā
//
aśvinī pāśinī kākī
mātaṅgī ca bhujaṃginī
pañcaviṃśatimudrāś ca
siddhidā iha yoginām
//
aśvinī pāśinī kākī
mātaṅgī ca bhujaṃ-ginī
pañca-viṃśati-mudrāś ca
siddhi-dā iha yoginām
//
mudrāṇāṃ paṭalaṃ devi
kathitaṃ tava saṃnidhau
yena vijñātamātreṇa
sarvasiddhiḥ prajāyate
//
mudrāṇāṃ paṭalaṃ devi
kathitaṃ tava saṃnidhau
yena vijñāta-mātreṇa
sarva-siddhiḥ prajāyate
//
gopanīyaṃ prayatnena
na deyaṃ yasya kasyacit
prītidaṃ yogināṃ caiva
durlabhaṃ marutām api
//
gopanīyaṃ prayatnena
na deyaṃ yasya kasya-cit
prīti-daṃ yogināṃ ca eva
durl-abhaṃ marutām api
//
pāyumūlaṃ vāmagulphe
saṃpīḍya dṛḍhayatnataḥ
yāmyapādaṃ prasāryātha
karābhyāṃ dhṛtapadāṅguliḥ
//
pāyu-mūlaṃ vāma-gulphe
saṃpīḍya dṛḍha-yatnataḥ
yāmya-pādaṃ prasārya atha
karābhyāṃ dhṛta-pada-aṅguliḥ
//
kaṇṭhasaṃkocanaṃ kṛtvā
bhruvor madhye nirīkṣayet
pūrakair vāyuṃ saṃpūrya
mahāmudrā nigadyate
//
kaṇṭha-saṃkocanaṃ kṛtvā
bhruvor madhye nirīkṣayet
pūrakair vāyuṃ saṃpūrya
mahā-mudrā nigadyate
//
valitaṃ palitaṃ caiva
jarāṃ mṛtyuṃ nivārayet
kṣayakāsaṃ gudāvartaṃ
plīhājīrṇaṃ jvaraṃ tathā
nāśayet sarvarogāṃś ca
mahāmudrābhisevanāt
//
valitaṃ palitaṃ ca eva
jarāṃ mṛtyuṃ nivārayet
kṣaya-kāsaṃ guda-āvartaṃ
plīhā-jīrṇaṃ jvaraṃ tathā
nāśayet sarva-rogāṃś ca
mahā-mudrā-abhisevanāt
//
yatra yatra sthito yogī
sarvakāryeṣu sarvadā
ūrdhvajihvaḥ sthiro bhūtvā
dhārayet pavanaṃ sadā
nabhomudrā bhaved eṣā
yogināṃ roganāśinī
//
yatra yatra sthito yogī
sarva-kāryeṣu sarvadā
ūrdhva-jihvaḥ sthiro bhūtvā
dhārayet pavanaṃ sadā
nabho-mudrā bhaved eṣā
yogināṃ roga-nāśinī
//
udare paścimaṃ tānaṃ
nābher ūrdhvaṃ tu kārayet
uḍḍīnaṃ kurute yasmād
aviśrāntaṃ mahākhagaḥ
uḍḍīyānaṃ tv asau bandho
mṛtyumātaṃgakesarī
//
udare paścimaṃ tānaṃ
nābher ūrdhvaṃ tu kārayet
uḍḍīnaṃ kurute yasmād
a-viśrāntaṃ mahā-kha-gaḥ
uḍḍīyānaṃ tv asau bandho
mṛtyu-mātaṃga-kesarī
//
samagrād bandhanād dhy etad
uḍḍīyānaṃ viśiṣyate
uḍḍīyāne samabhyaste
muktiḥ svābhāvikī bhavet
//
samagrād bandhanād dhy etad
uḍḍīyānaṃ viśiṣyate
uḍḍīyāne samabhyaste
muktiḥ svābhāvikī bhavet
//
kaṇṭhasaṃkocanaṃ kṛtvā
cibukaṃ hṛdaye nyaset
jālaṃdhare kṛte bandhe
ṣoḍaśādhārabandhanam
jālaṃdharamahāmudrā
mṛtyoś ca kṣayakāriṇī
//
kaṇṭha-saṃkocanaṃ kṛtvā
cibukaṃ hṛdaye nyaset
jālaṃ-dhare kṛte bandhe
ṣo-ḍaśa-ādhāra-bandhanam
jālaṃ-dhara-mahā-mudrā
mṛtyoś ca kṣaya-kāriṇī
//
siddhaṃ jālaṃdharaṃ bandhaṃ
yogināṃ siddhidāyakam
ṣaṇmāsam abhyased yo hi
sa siddho nātra saṃśayaḥ
//
siddhaṃ jālaṃ-dharaṃ bandhaṃ
yogināṃ siddhi-dāyakam
ṣaṇ-māsam abhyased yo hi
sa siddho na atra saṃśayaḥ
//
pārṣṇinā vāmapādasya
yonim ākuñcayet tataḥ
nābhigranthiṃ merudaṇḍe
saṃpīḍya yatnataḥ sudhīḥ
//
pārṣṇinā vāma-pādasya
yonim ākuñcayet tataḥ
nābhi-granthiṃ meru-daṇḍe
saṃpīḍya yatnataḥ su-dhīḥ
//
meḍhraṃ dakṣiṇagulphena
dṛḍhabandhaṃ samācaret
nābher ūrdhvam adhaś cāpi
tānaṃ kuryāt prayatnataḥ
jarāvināśinī mudrā
mūlabandho nigadyate
//
meḍhraṃ dakṣiṇa-gulphena
dṛḍha-bandhaṃ samācaret
nābher ūrdhvam adhaś ca api
tānaṃ kuryāt prayatnataḥ
jarā-vināśinī mudrā
mūla-bandho nigadyate
//
saṃsārasāgaraṃ tartum
abhilaṣati yaḥ pumān
virale sugupto bhūtvā
mudrām etāṃ samabhyaset
//
saṃsāra-sāgaraṃ tartum
abhilaṣati yaḥ pumān
virale su-gupto bhūtvā
mudrām etāṃ samabhyaset
//
abhyāsād bandhanasyāsya
marutsiddhir bhaved dhruvam
sādhayed yatnatas tarhi
maunī tu vijitālasaḥ
//
abhyāsād bandhanasya asya
marut-siddhir bhaved dhruvam
sādhayed yatnatas tarhi
maunī tu vijita-ālasaḥ
//
vāmapādasya gulphena
pāyumūlaṃ nirodhayet
dakṣapādena tad gulphaṃ
saṃpīḍya yatnataḥ sudhīḥ
//
vāma-pādasya gulphena
pāyu-mūlaṃ nirodhayet
dakṣa-pādena tad gulphaṃ
saṃpīḍya yatnataḥ su-dhīḥ
//
śanaiḥ śanaiś cālayet pārṣṇiṃ
yonim ākuñcayec chanaiḥ
jālaṃdhare dhārayet prāṇaṃ
mahābandho nigadyate
//
śanaiḥ śanaiś cālayet pārṣṇiṃ
yonim ākuñcayec chanaiḥ
jālaṃ-dhare dhārayet prāṇaṃ
mahā-bandho nigadyate
//
mahābandhaḥ paro bandho
jarāmaraṇanāśanaḥ
prasādād asya bandhasya
sādhayet sarvavāñchitam
//
mahā-bandhaḥ paro bandho
jarā-maraṇa-nāśanaḥ
prasādād asya bandhasya
sādhayet sarva-vāñchitam
//
rūpayauvanalāvaṇyaṃ
nārīṇāṃ puruṣaṃ vinā
mūlabandhamahābandhau
mahāvedhaṃ vinā tathā
//
rūpa-yauvana-lāvaṇyaṃ
nārīṇāṃ puruṣaṃ vinā
mūla-bandha-mahā-bandhau
mahā-vedhaṃ vinā tathā
//
mahābandhaṃ samāsādya
uḍḍānakumbhakaṃ caret
mahāvedhaḥ samākhyāto
yogināṃ siddhidāyakaḥ
//
mahā-bandhaṃ samāsādya
uḍḍāna-kumbhakaṃ caret
mahā-vedhaḥ samākhyāto
yogināṃ siddhi-dāyakaḥ
//
mahābandhamūlabandhau
mahāvedhasamanvitau
pratyahaṃ kurute yas tu
sa yogī yogavittamaḥ
//
mahā-bandha-mūla-bandhau
mahā-vedha-samanvitau
praty-ahaṃ kurute yas tu
sa yogī yoga-vittamaḥ
//
na mṛtyuto bhayaṃ tasya
na jarā tasya vidyate
gopanīyaḥ prayatnena
vedho yaṃ yogipuṃgavaiḥ
//
na mṛtyuto bhayaṃ tasya
na jarā tasya vidyate
gopanīyaḥ prayatnena
vedho yaṃ yogi-puṃ-gavaiḥ
//
jihvādho nāḍīṃ saṃchitya
rasanāṃ cālayet sadā
dohayen navanītena
lauhayantreṇa karṣayet
//
jihva ādho nāḍīṃ saṃchitya
rasanāṃ cālayet sadā
dohayen nava-nītena
lauha-yantreṇa karṣayet
//
evaṃ nityaṃ samabhyāsāl
lambikā dīrghatāṃ vrajet
yāvad gacched bhruvor madhye
tadā sidhyati khecarī
//
evaṃ nityaṃ samabhyāsāl
lambikā dīrghatāṃ vrajet
yāvad gacched bhruvor madhye
tadā sidhyati khecarī
//
rasanāṃ tālumadhye tu
śanaiḥ śanaiḥ praveśayet
kapālakuhare jihvā
praviṣṭā viparītagā
bhruvor madhye gatā dṛṣṭir
mudrā bhavati khecarī
//
rasanāṃ tālu-madhye tu
śanaiḥ śanaiḥ praveśayet
kapāla-kuhare jihvā
praviṣṭā viparīta-gā
bhruvor madhye gatā dṛṣṭir
mudrā bhavati khe-carī
//
na ca mūrcchā kṣudhā tṛṣṇā
naivālasyaṃ prajāyate
na ca rogo jarā mṛtyur
devadehaṃ prapadyate
//
na ca mūrcchā kṣudhā tṛṣṇā
na evā alasyaṃ prajāyate
na ca rogo jarā mṛtyur
deva-dehaṃ prapadyate
//
na cāgnir dahate gātraṃ
na śoṣayati mārutaḥ
na dehaṃ kledayanty āpo
daṃśayen na bhujaṃgamaḥ
//
na ca agnir dahate gātraṃ
na śoṣayati mārutaḥ
na dehaṃ kledayanty āpo
daṃśayen na bhujaṃ-gamaḥ
//
lāvaṇyaṃ ca bhaved gātre
samādhir jāyate dhruvam
kapālavaktrasaṃyoge
rasanā rasam āpnuyāt
//
lāvaṇyaṃ ca bhaved gātre
samādhir jāyate dhruvam
kapāla-vaktra-saṃyoge
rasanā rasam āpnuyāt
//
nānāvidhisamudbhūtam
ānandaṃ ca dine dine
ādau lavaṇakṣāraṃ ca
tatas tiktakaṣāyakam
//
nānā-vidhi-samudbhūtam
ānandaṃ ca dine dine
ādau lavaṇa-kṣāraṃ ca
tatas tikta-kaṣāyakam
//
navanītaṃ ghṛtaṃ kṣīraṃ
dadhitakramadhūni ca
drākṣārasaṃ ca pīyūṣaṃ
jāyate rasanodakam
//
nava-nītaṃ ghṛtaṃ kṣīraṃ
dadhi-takra-madhūni ca
drākṣā-rasaṃ ca pīyūṣaṃ
jāyate rasanā-udakam
//
nābhimūle vaset sūryas
tālumūle ca candramāḥ
amṛtaṃ grasate sūryas
tato mṛtyuvaśo naraḥ
//
nābhi-mūle vaset sūryas
tālu-mūle ca candramāḥ
a-mṛtaṃ grasate sūryas
tato mṛtyu-vaśo naraḥ
//
ūrdhvaṃ ca yojayet sūryaṃ
candraṃ ca adha ānayet
viparītakarī mudrā
sarvatantreṣu gopitā
//
ūrdhvaṃ ca yojayet sūryaṃ
candraṃ ca adha ānayet
viparīta-karī mudrā
sarva-tantreṣu gopitā
//
bhūmau śiraś ca saṃsthāpya
karayugmaṃ samāhitaḥ
ūrdhvapādaḥ sthiro bhūtvā
viparītakarī matā
//
bhūmau śiraś ca saṃsthāpya
kara-yugmaṃ samāhitaḥ
ūrdhva-pādaḥ sthiro bhūtvā
viparīta-karī matā
//
mudreyaṃ sādhayen nityaṃ
jarāṃ mṛtyuṃ ca nāśayet
sa siddhaḥ sarvalokeṣu
pralaye 'pi na sīdati
//
mudra īyaṃ sādhayen nityaṃ
jarāṃ mṛtyuṃ ca nāśayet
sa siddhaḥ sarva-lokeṣu
pralaye 'pi na sīdati
//
siddhāsanaṃ samāsādya
karṇākṣināsikāmukham
aṅguṣṭhatarjanīmadhyā
nāmādibhiś ca dhārayet
//
siddha-āsanaṃ samāsādya
karṇa-akṣi-nāsikā-mukham
aṅguṣṭha-tarjanī-madhya-a
-nāmā-ādibhiś ca dhārayet
//
kākībhiḥ prāṇaṃ saṃkṛṣya
apāne yojayet tataḥ
ṣaṭ cakrāṇi kramād dhṛtvā
huṃhaṃsamanunā sudhīḥ
//
kākībhiḥ prāṇaṃ saṃkṛṣya
apāne yojayet tataḥ
ṣaṭ cakrāṇi kramād dhṛtvā
huṃ-haṃ-sa-manunā su-dhīḥ
//
caitanyam ānayed devīṃ
nidritā yā bhujaṃginī
jīvena sahitāṃ śaktiṃ
samutthāpya parāmbuje
//
caitanyam ānayed devīṃ
nidritā yā bhujaṃ-ginī
jīvena sahitāṃ śaktiṃ
samutthāpya para-ambu-je
//
śaktimayaṃ svayaṃ bhūtvā
paraṃ śivena saṃgamam
nānāsukhaṃ vihāraṃ ca
cintayet paramaṃ sukham
//
śaktimayaṃ svayaṃ bhūtvā
paraṃ śivena saṃgamam
nānā-sukhaṃ vihāraṃ ca
cintayet paramaṃ sukham
//
śivaśaktisamāyogād
ekāntaṃ bhuvi bhāvayet
ānandamānaso bhūtvā
ahaṃ brahmeti saṃbhavet
//
śiva-śakti-samāyogād
eka-antaṃ bhuvi bhāvayet
ānanda-mānaso bhūtvā
ahaṃ brahma iti saṃbhavet
//
yonimudrā parā gopyā
devānām api durlabhā
sakṛttadbhāvasaṃsiddhaḥ
samādhisthaḥ sa eva hi
//
yoni-mudrā parā gopyā
devānām api dur-labhā
sakṛt-tad-bhāva-saṃsiddhaḥ
samādhi-sthaḥ sa eva hi
//
brahmahā bhrūṇahā caiva
surāpo gurutalpagaḥ
etaiḥ pāpair na lipyate
yonimudrānibandhanāt
//
brahma-hā bhrūṇa-hā ca eva
surā-po guru-talpa-gaḥ
etaiḥ pāpair na lipyate
yoni-mudrā-nibandhanāt
//
yāni pāpāni ghorāṇi
upapāpāni yāni ca
tāni sarvāṇi naśyanti
yonimudrānibandhanāt
tasmād abhyasanaṃ kuryād
yadi muktiṃ samicchati
//
yāni pāpāni ghorāṇi
upa-pāpāni yāni ca
tāni sarvāṇi naśyanti
yoni-mudrā-nibandhanāt
tasmād abhyasanaṃ kuryād
yadi muktiṃ samicchati
//
dharām avaṣṭabhya karadvayābhyām $
ūrdhvaṃ kṣipet pādayugaṃ śiraḥ khe &
śaktiprabodhāya cirajīvanāya %
vajrolimudrāṃ munayo vadanti //
dharām avaṣṭabhya kara-dvayābhyām $
ūrdhvaṃ kṣipet pāda-yugaṃ śiraḥ khe &
śakti-prabodhāya cira-jīvanāya %
vajroli-mudrāṃ munayo vadanti //
ayaṃ yogo yogaśreṣṭho
yogināṃ muktikāraṇam
ayaṃ hitaprado yogo
yogināṃ siddhidāyakaḥ
//
ayaṃ yogo yoga-śreṣṭho
yogināṃ mukti-kāraṇam
ayaṃ hita-prado yogo
yogināṃ siddhi-dāyakaḥ
//
etad yogaprasādena
bindusiddhir bhaved dhruvam
siddhe bindau mahāyatne
kiṃ na sidhyati bhūtale
//
etad yoga-prasādena
bindu-siddhir bhaved dhruvam
siddhe bindau mahā-yatne
kiṃ na sidhyati bhū-tale
//
bhogena mahatā yukto
yadi mudrāṃ samācaret
tathāpi sakalā siddhis
tasya bhavati niścitam
//
bhogena mahatā yukto
yadi mudrāṃ samācaret
tatha āpi sa-kalā siddhis
tasya bhavati niścitam
//
mūlādhāre ātmaśaktiḥ
kuṇḍalī paradevatā
śayitā bhujagākārā
sārdhatrivalayānvitā
//
mūla-ādhāre ātma-śaktiḥ
kuṇḍalī para-devatā
śayitā bhuja-ga-ākārā
sa-ardha-tri-valaya-anvitā
//
yāvat sā nidritā dehe
tāvaj jīvaḥ paśur yathā
jñānaṃ na jāyate tāvat
koṭiyogaṃ samabhyaset
//
yāvat sā nidritā dehe
tāvaj jīvaḥ paśur yathā
jñānaṃ na jāyate tāvat
koṭi-yogaṃ samabhyaset
//
udghāṭayet kavāṭaṃ ca
yathā kuñcikayā haṭhāt
kuṇḍalinyāḥ prabodhena
brahmadvāraṃ vibhedayet
//
udghāṭayet kavāṭaṃ ca
yathā kuñcikayā haṭhāt
kuṇḍalinyāḥ prabodhena
brahma-dvāraṃ vibhedayet
//
nābhiṃ bṛhadveṣṭanaṃ ca
na ca nagnaṃ bahiḥ sthitam
gopanīyagṛhe sthitvā
śakticālanam abhyaset
//
nābhiṃ bṛhad-veṣṭanaṃ ca
na ca nagnaṃ bahiḥ sthitam
gopanīya-gṛhe sthitvā
śakti-cālanam abhyaset
//
vitastipramitaṃ dīrghaṃ
vistāre caturaṅgulam
mṛdulaṃ dhavalaṃ sūkṣma
veṣṭanāmbaralakṣaṇam
evam ambaram uktaṃ ca
kaṭisūtreṇa yojayet
//
vitasti-pramitaṃ dīrghaṃ
vistāre catur-aṅgulam
mṛdulaṃ dhavalaṃ sūkṣma
-veṣṭana-ambara-lakṣaṇam
evam ambaram uktaṃ ca
kaṭi-sūtreṇa yojayet
//
bhāsmanā gātrasaṃliptaṃ
siddhāsanaṃ samācaret
nāsābhyāṃ prāṇam ākṛṣya
apāne yojayed balāt
//
bhāsmanā gātra-saṃliptaṃ
siddha-āsanaṃ samācaret
nāsābhyāṃ prāṇam ākṛṣya
apāne yojayed balāt
//
tāvad ākuñcayed guhyaṃ
śanair aśvinimudrayā
yāvad gacchet suṣumṇāyāṃ
vāyuḥ prakāśayed dhaṭhāt
//
tāvad ākuñcayed guhyaṃ
śanair aśvini-mudrayā
yāvad gacchet suṣumṇāyāṃ
vāyuḥ prakāśayed dhaṭhāt
//
tāvad vāyuprabhedena
kumbhikā ca bhujaṃginī
baddhaśvāsas tato bhūtvā
ca ūrdhvamātraṃ prapadyate
śabdadvayaṃ phalaikaṃ tu
yonimudrāṃ ca cālayet
//
tāvad vāyu-prabhedena
kumbhikā ca bhujaṃ-ginī
baddha-śvāsas tato bhūtvā
ca ūrdhva-mātraṃ prapadyate
śabda-dvayaṃ phala-ekaṃ tu
yoni-mudrāṃ ca cālayet
//
vinā śakticālanena
yonimudrā na sidhyati
ādau cālanam abhyasya
yonimudrāṃ samabhyaset
//
vinā śakti-cālanena
yoni-mudrā na sidhyati
ādau cālanam abhyasya
yoni-mudrāṃ samabhyaset
//
iti te kathitaṃ caṇḍa
prakāraṃ śakticālanam
gopanīyaṃ prayatnena
dine dine samabhyaset
//
iti te kathitaṃ caṇḍa
prakāraṃ śakti-cālanam
gopanīyaṃ prayatnena
dine dine samabhyaset
//
mudreyaṃ paramā gopyā
jarāmaraṇanāśinī
tasmād abhyasanaṃ kāryaṃ
yogibhiḥ siddhikāṅkṣibhiḥ
//
mudra īyaṃ paramā gopyā
jarā-maraṇa-nāśinī
tasmād abhyasanaṃ kāryaṃ
yogibhiḥ siddhi-kāṅkṣibhiḥ
//
nityaṃ yo 'bhyasate yogī
siddhis tasya kare sthitā
tasya vigrahasiddhiḥ syād
rogāṇāṃ saṃkṣayo bhavet
//
nityaṃ yo 'bhyasate yogī
siddhis tasya kare sthitā
tasya vigraha-siddhiḥ syād
rogāṇāṃ saṃkṣayo bhavet
//
udare paścimaṃ tānaṃ
kṛtvā ca taḍāgākṛti
taḍāgī sā parā mudrā
jarāmṛtyuvināśinī
//
udare paścimaṃ tānaṃ
kṛtvā ca taḍāga-ākṛti
taḍāgī sā parā mudrā
jarā-mṛtyu-vināśinī
//
mukhaṃ saṃmudritaṃ kṛtvā
jihvāmūlaṃ pracālayet
śanair grased amṛtaṃ tan
māṇḍukīṃ mudrikāṃ viduḥ
//
mukhaṃ saṃmudritaṃ kṛtvā
jihvā-mūlaṃ pracālayet
śanair grased a-mṛtaṃ tan
māṇḍukīṃ mudrikāṃ viduḥ
//
valitaṃ palitaṃ naiva
jāyate nityayauvanam
na keśe jāyate pāko
yaḥ kuryān nitya māṇḍukīm
//
valitaṃ palitaṃ na eva
jāyate nitya-yauvanam
na keśe jāyate pāko
yaḥ kuryān nitya māṇḍukīm
//
netrāñjanaṃ samālokya
ātmārāmaṃ nirīkṣayet
sā bhavec chāṃbhavī mudrā
sarvatantreṣu gopitā
//
netra-añjanaṃ samālokya
ātma-ārāmaṃ nirīkṣayet
sā bhavec chāṃbhavī mudrā
sarva-tantreṣu gopitā
//
vedaśāstrapurāṇāni
sāmānyagaṇikā iva
iyaṃ tu śāṃbhavī mudrā
guptā kulavadhūr iva
//
veda-śāstra-purāṇāni
sāmānya-gaṇikā iva
iyaṃ tu śāṃbhavī mudrā
guptā kula-vadhūr iva
//
sa eva ādināthaś ca
sa ca nārāyaṇaḥ svayam
sa ca brahmā sṛṣṭikārī
yo mudrāṃ vetti śāṃbhavīm
//
sa eva ādi-nāthaś ca
sa ca nārāyaṇaḥ svayam
sa ca brahmā sṛṣṭi-kārī
yo mudrāṃ vetti śāṃbhavīm
//
satyaṃ satyaṃ punaḥ satyaṃ
satyam uktaṃ maheśvara
śāṃbhavīṃ yo vijānīyāt
sa ca brahma na cānyathā
//
satyaṃ satyaṃ punaḥ satyaṃ
satyam uktaṃ mahā-īśvara
śāṃbhavīṃ yo vijānīyāt
sa ca brahma na ca anyathā
//
kathitā śāṃbhavī mudrā
śṛṇuṣva pañcadhāraṇām
dhāraṇāni samāsādya
kiṃ na sidhyati bhūtale
//
kathitā śāṃbhavī mudrā
śṛṇuṣva pañca-dhāraṇām
dhāraṇāni samāsādya
kiṃ na sidhyati bhū-tale
//
anena naradehena
svargeṣu gamanāgamam
manogatir bhavet tasya
khecaratvaṃ na cānyathā
//
anena nara-dehena
svargeṣu gamana-āgamam
mano-gatir bhavet tasya
khe-caratvaṃ na ca anyathā
//
yat tattvaṃ haritāladeśaracitaṃ bhaumaṃ lakārānvitaṃ $
vedāsraṃ kamalāsanena sahitaṃ kṛtvā hṛdi sthāyinam &
prāṇaṃ tatra vinīya pañcaghaṭikāś cittānvitaṃ dhārayed %
eṣā stambhakarī sadā kṣitijayaṃ kuryād adhodhāraṇā //
yat tattvaṃ hari-tāla-deśa-racitaṃ bhaumaṃ la-kāra-anvitaṃ $
veda-āsraṃ kamala-āsanena sahitaṃ kṛtvā hṛdi sthāyinam &
prāṇaṃ tatra vinīya pañca-ghaṭikāś citta-anvitaṃ dhārayed %
eṣā stambha-karī sadā kṣiti-jayaṃ kuryād adho-dhāraṇā //
pārthivīdhāraṇāmudrāṃ
yaḥ karoti ca nityaśaḥ
mṛtyuṃjayaḥ svayaṃ so 'pi
sa siddho vicared bhuvi
//
pārthivī-dhāraṇā-mudrāṃ
yaḥ karoti ca nityaśaḥ
mṛtyuṃ-jayaḥ svayaṃ so 'pi
sa siddho vicared bhuvi
//
śaṅkhendupratimaṃ ca kundadhavalaṃ tattvaṃ kilālaṃ śubhaṃ $
tat pīyūṣavakārabījasahitaṃ yuktaṃ sadā viṣṇunā &
prāṇaṃ tatra vinīya pañcaghaṭikāś cittānvitaṃ dhārayed %
eṣā duḥsahatāpapāpahariṇī syād āmbhasī dhāraṇā //
śaṅkha-indu-pratimaṃ ca kunda-dhavalaṃ tattvaṃ kilālaṃ śubhaṃ $
tat pīyūṣa-va-kāra-bīja-sahitaṃ yuktaṃ sadā viṣṇunā &
prāṇaṃ tatra vinīya pañca-ghaṭikāś citta-anvitaṃ dhārayed %
eṣā duḥ-saha-tāpa-pāpa-hariṇī syād āmbhasī dhāraṇā //
āmbhasīṃ paramāṃ mudrāṃ
yo jānāti sa yogavit
jale ca gabhīre ghore
maraṇaṃ tasya no bhavet
//
āmbhasīṃ paramāṃ mudrāṃ
yo jānāti sa yoga-vit
jale ca gabhīre ghore
maraṇaṃ tasya na u bhavet
//
iyaṃ tu paramā mudrā
gopanīyā prayatnataḥ
prakāśāt siddhihāniḥ syāt
satyaṃ vacmi ca tattvataḥ
//
iyaṃ tu paramā mudrā
gopanīyā prayatnataḥ
prakāśāt siddhi-hāniḥ syāt
satyaṃ vacmi ca tattvataḥ
//
yan nābhisthitam indra=gopasadṛśaṃ bījatrikoṇānvitaṃ $
tattvaṃ tejamayaṃ pradīptam aruṇaṃ rudreṇa yat siddhidam &
prāṇaṃ tatra vinīya pañcaghaṭikāś cittānvitaṃ dhārayed %
eṣā kālagabhīrabhītiharaṇī vaiśvānarī dhāraṇā //
yan nābhi-sthitam indra=gopa-sa-dṛśaṃ bīja-tri-koṇa-anvitaṃ $
tattvaṃ tejamayaṃ pradīptam aruṇaṃ rudreṇa yat siddhi-dam &
prāṇaṃ tatra vinīya pañca-ghaṭikāś citta-anvitaṃ dhārayed %
eṣā kāla-gabhīra-bhīti-haraṇī vaiśvānarī dhāraṇā //
pradīpte jvalite vahnau
yadi patati sādhakaḥ
etanmudrāprasādena
sa jīvati na mṛtyubhāk
//
pradīpte jvalite vahnau
yadi patati sādhakaḥ
etan-mudrā-prasādena
sa jīvati na mṛtyu-bhāk
//
yad bhinnāñjanapuñjasaṃnibham idaṃ dhūmrāvabhāsaṃ paraṃ $
tattvaṃ sattvamayaṃ yakārasahitaṃ yatreśvaro devatā &
prāṇaṃ tatra vinīya pañcaghaṭikāś cittānvitaṃ dhārayed %
eṣā khe gamanaṃ karoti yamināṃ syād vāyavī dhāraṇā //
yad bhinna-añjana-puñja-saṃnibham idaṃ dhūmra-avabhāsaṃ paraṃ $
tattvaṃ sattvamayaṃ ya-kāra-sahitaṃ yatrā iśvaro devatā &
prāṇaṃ tatra vinīya pañca-ghaṭikāś citta-anvitaṃ dhārayed %
eṣā khe gamanaṃ karoti yamināṃ syād vāyavī dhāraṇā //
iyaṃ tu paramā mudrā
jarāmṛtyuvināśinī
vāyunā mriyate nāpi
khe ca gatipradāyinī
//
iyaṃ tu paramā mudrā
jarā-mṛtyu-vināśinī
vāyunā mriyate na api
khe ca gati-pradāyinī
//
śaṭhāya bhaktihīnāya
na deyā yasya kasyacit
datte ca siddhihāniḥ syāt
satyaṃ vacmi ca caṇḍa te
//
śaṭhāya bhakti-hīnāya
na deyā yasya kasya-cit
datte ca siddhi-hāniḥ syāt
satyaṃ vacmi ca caṇḍa te
//
yat sindhau varaśuddhavārisadṛśaṃ vyomaṃ paraṃ bhāsitaṃ $
tattvaṃ devasadāśivena sahitaṃ bījaṃ hakārānvitam &
prāṇaṃ tatra vinīya pañcaghaṭikāś cittānvitaṃ dhārayed %
eṣā mokṣakavāṭabhedanakarī tu syān nabhodhāraṇā //
yat sindhau vara-śuddha-vāri-sa-dṛśaṃ vyomaṃ paraṃ bhāsitaṃ $
tattvaṃ deva-sadā-śivena sahitaṃ bījaṃ ha-kāra-anvitam &
prāṇaṃ tatra vinīya pañca-ghaṭikāś citta-anvitaṃ dhārayed %
eṣā mokṣa-kavāṭa-bhedana-karī tu syān nabho-dhāraṇā //
ākāśīdhāraṇāṃ mudrāṃ
yo vetti sa ca yogavit
na mṛtyur jāyate tasya
pralaye nāvasīdati
//
ākāśī-dhāraṇāṃ mudrāṃ
yo vetti sa ca yoga-vit
na mṛtyur jāyate tasya
pralaye na avasīdati
//
ākuñcayed gudadvāraṃ
prakāśayet punaḥ punaḥ
sā bhaved aśvinī mudrā
śaktiprabodhakāriṇī
//
ākuñcayed guda-dvāraṃ
prakāśayet punaḥ punaḥ
sā bhaved aśvinī mudrā
śakti-prabodha-kāriṇī
//
aśvinī paramā mudrā
guhyarogavināśinī
balapuṣṭikarī caiva
akālamaraṇaṃ haret
//
aśvinī paramā mudrā
guhya-roga-vināśinī
bala-puṣṭi-karī ca eva
a-kāla-maraṇaṃ haret
//
kaṇṭhapṛṣṭe kṣipet pādau
pāśavad dṛḍhabandhanam
sā eva pāśinī mudrā
śaktiprabodhakāriṇī
//
kaṇṭha-pṛṣṭe kṣipet pādau
pāśavad dṛḍha-bandhanam
sā eva pāśinī mudrā
śakti-prabodha-kāriṇī
//
pāśinī mahatī mudrā
balapuṣṭividhāyinī
sādhanīyā prayatnena
sādhakaiḥ siddhikāṅkṣibhiḥ
//
pāśinī mahatī mudrā
bala-puṣṭi-vidhāyinī
sādhanīyā prayatnena
sādhakaiḥ siddhi-kāṅkṣibhiḥ
//
kākacañcuvad āsyena
pibed vāyuṃ śanaiḥ śanaiḥ
kākī mudrā bhaved eṣā
sarvarogavināśinī
//
kāka-cañcuvad āsyena
pibed vāyuṃ śanaiḥ śanaiḥ
kākī mudrā bhaved eṣā
sarva-roga-vināśinī
//
kākīmudrā parā mudrā
sarvatantreṣu gopitā
asyāḥ prasādamātreṇa
na rogī kākavad bhavet
//
kākī-mudrā parā mudrā
sarva-tantreṣu gopitā
asyāḥ prasāda-mātreṇa
na rogī kākavad bhavet
//
kaṇṭhamagnajale sthitvā
nāsābhyāṃ jalam āharet
mukhān nirgamayet paścāt
punar vaktreṇa cāharet
//
kaṇṭha-magna-jale sthitvā
nāsābhyāṃ jalam āharet
mukhān nirgamayet paścāt
punar vaktreṇa cā aharet
//
nāsābhyāṃ recayet paścāt
kuryād evaṃ punaḥ punaḥ
mātaṅginī parā mudrā
jarāmṛtyuvināśinī
//
nāsābhyāṃ recayet paścāt
kuryād evaṃ punaḥ punaḥ
mātaṅginī parā mudrā
jarā-mṛtyu-vināśinī
//
virale nirjane deśe
sthitvā caikāgramānasaḥ
kuryān mātaṅginīṃ mudrāṃ
mātaṅga iva jāyate
//
virale nir-jane deśe
sthitvā ca eka-agra-mānasaḥ
kuryān mātaṅginīṃ mudrāṃ
mātaṅga iva jāyate
//
yatra yatra sthito yogī
sukham atyantam aśnute
tasmāt sarvaprayatnena
sādhayen mudrikāṃ parām
//
yatra yatra sthito yogī
sukham aty-antam aśnute
tasmāt sarva-prayatnena
sādhayen mudrikāṃ parām
//
vaktraṃ kiṃcitsuprasārya
cālinaṃ galayā pibet
sā bhaved bhujagī mudrā
jarāmṛtyuvināśinī
//
vaktraṃ kiṃ-cit-su-prasārya
cālinaṃ galayā pibet
sā bhaved bhuja-gī mudrā
jarā-mṛtyu-vināśinī
//
yāvac ca udare rogam
ajīrṇādi viśeṣataḥ
tat sarvaṃ nāśayed āśu
yatra mudrā bhujaṃginī
//
yāvac ca udare rogam
a-jīrṇa-ādi viśeṣataḥ
tat sarvaṃ nāśayed āśu
yatra mudrā bhujaṃ-ginī
//
idaṃ tu mudrāpaṭalaṃ
kathitaṃ caṇḍa te śubham
vallabhaṃ sarvasiddhānāṃ
jarāmaraṇanāśanam
//
idaṃ tu mudrā-paṭalaṃ
kathitaṃ caṇḍa te śubham
vallabhaṃ sarva-siddhānāṃ
jarā-maraṇa-nāśanam
//
śaṭhāya bhaktihīnāya
na deyaṃ yasya kasyacit
gopanīyaṃ prayatnena
durlabhaṃ marutām api
//
śaṭhāya bhakti-hīnāya
na deyaṃ yasya kasya-cit
gopanīyaṃ prayatnena
dur-labhaṃ marutām api
//
ṛjave śāntacittāya
gurubhaktiparāya ca
kulīnāya pradātavyaṃ
bhogamuktipradāyakam
//
ṛjave śānta-cittāya
guru-bhakti-parāya ca
kulīnāya pradātavyaṃ
bhoga-mukti-pradāyakam
//
mudrāṇāṃ paṭalaṃ hy etat
sarvavyādhivināśanam
nityam abhyāsaśīlasya
jaṭharāgnivivardhanam
//
mudrāṇāṃ paṭalaṃ hy etat
sarva-vyādhi-vināśanam
nityam abhyāsa-śīlasya
jaṭhara-agni-vivardhanam
//
na tasya jāyate mṛtyur
nāsya jarādikaṃ tathā
nāgnijalabhayaṃ tasya
vāyor api kuto bhayam
//
na tasya jāyate mṛtyur
na asya jarā-ādikaṃ tathā
na agni-jala-bhayaṃ tasya
vāyor api kuto bhayam
//
kāsaḥ śvāsaḥ plīhā kuṣṭhaṃ
śleṣmarogāś ca viṃśatiḥ
mudrāṇāṃ sādhanāc caiva
vinaśyanti na saṃśayaḥ
//
kāsaḥ śvāsaḥ plīhā kuṣṭhaṃ
śleṣma-rogāś ca viṃśatiḥ
mudrāṇāṃ sādhanāc ca eva
vinaśyanti na saṃśayaḥ
//
bahunā kim ihoktena
sāraṃ vacmi ca caṇḍa te
nāsti mudrāsamaṃ kiṃcit
siddhidaṃ kṣitimaṇḍale
//
bahunā kim iha uktena
sāraṃ vacmi ca caṇḍa te
na asti mudrā-samaṃ kiṃ-cit
siddhi-daṃ kṣiti-maṇḍale
//
[[iti śrī-gheraṇḍa-saṃhitāyāṃ gheraṇḍa-caṇḍa-saṃvāde ghaṭa-stha-yoga-prakaraṇe mudrā-prayogo nāma tṛtīyo1padeśaḥ //3// ]]
athātaḥ saṃpravakṣyāmi
pratyāhārakam uttamam
yasya vijñānamātreṇa
kāmādiripunāśanam
//
atha ataḥ saṃpravakṣyāmi
pratyāhārakam uttamam
yasya vijñāna-mātreṇa
kāma-ādi-ripu-nāśanam
//
yato yato niścarati
manaś cañcalam asthiram
tatas tato niyamyaitad
ātmany eva vaśaṃ nayet
//
yato yato niścarati
manaś cañcalam a-sthiram
tatas tato niyamya etad
ātmany eva vaśaṃ nayet
//
yatra yatra gatā dṛṣṭir
manas tatra pragacchati
tataḥ pratyāhared etad
ātmany eva vaśaṃ nayet
//
yatra yatra gatā dṛṣṭir
manas tatra pragacchati
tataḥ pratyāhared etad
ātmany eva vaśaṃ nayet
//
puraskāraṃ tiraskāraṃ
suśrāvyaṃ vā bhayānakam
manas tasmān niyamyaitad
ātmany eva vaśaṃ nayet
//
puras-kāraṃ tiras-kāraṃ
su-śrāvyaṃ vā bhayānakam
manas tasmān niyamya etad
ātmany eva vaśaṃ nayet
//
śītaṃ vāpi tathā coṣṇaṃ
yan manaḥsparśayogataḥ
tasmāt pratyāhared etad
ātmany eva vaśaṃ nayet
//
śītaṃ va āpi tathā ca uṣṇaṃ
yan manaḥ-sparśa-yogataḥ
tasmāt pratyāhared etad
ātmany eva vaśaṃ nayet
//
sugandhe vāpi durgandhe
ghrāṇeṣu jāyate manaḥ
tasmāt pratyāhared etad
ātmany eva vaśaṃ nayet
//
su-gandhe va āpi dur-gandhe
ghrāṇeṣu jāyate manaḥ
tasmāt pratyāhared etad
ātmany eva vaśaṃ nayet
//
madhurāmlakatiktādi
rasaṃ gataṃ yadā manaḥ
tasmāt pratyāhared etad
ātmany eva vaśaṃ nayet
//
madhura-āmlaka-tikta-ādi
-rasaṃ gataṃ yadā manaḥ
tasmāt pratyāhared etad
ātmany eva vaśaṃ nayet
//
śabdādiṣv anuraktāni
nigṛhyākṣāṇi yogavit
kuryāc cittānucārīṇi
pratyāhāraparāyaṇaḥ
//
śabda-ādiṣv anuraktāni
nigṛhya akṣāṇi yoga-vit
kuryāc citta-anucārīṇi
pratyāhāra-parāyaṇaḥ
//
vaśyatā paramā tena
jāyate 'ticalātmanām
indriyāṇām avaśyais tair
na yogī yogasādhakaḥ
//
vaśyatā paramā tena
jāyate 'ti-cala-ātmanām
indriyāṇām a-vaśyais tair
na yogī yoga-sādhakaḥ
//
prāṇāyāmair dahed doṣān
dhāraṇābhiś ca kilbiṣam
pratyāhāreṇa viṣayān
dhyānenānīśvarān guṇān
//
prāṇa-āyāmair dahed doṣān
dhāraṇābhiś ca kilbiṣam
pratyāhāreṇa viṣayān
dhyānena an-īśvarān guṇān
//
yathā parvatadhātūnāṃ
doṣā dahyanti dhāmyatām
tathendriyakṛtā doṣā
dahyante prāṇanigrahāt
//
yathā parvata-dhātūnāṃ
doṣā dahyanti dhāmyatām
tatha īndriya-kṛtā doṣā
dahyante prāṇa-nigrahāt
//
samaḥ samāsano bhūtvā
saṃhṛtya caraṇāv ubhau
saṃvṛtāsyas tathaivorū
samyag viṣṭabhya cāgrataḥ
//
samaḥ sama-āsano bhūtvā
saṃhṛtya caraṇāv ubhau
saṃvṛta-āsyas tatha aiva urū
samyag viṣṭabhya ca agrataḥ
//
pārṣṇibhyāṃ liṅgavṛṣaṇāv
aspṛśan prayataḥ sthitaḥ
kiṃcidunnāmitaśirā
dantair dantān na saṃspṛśet
saṃpaśyan nāsikāgraṃ svaṃ
diśaś cānavalokayan
//
pārṣṇibhyāṃ liṅga-vṛṣaṇāv
a-spṛśan prayataḥ sthitaḥ
kiṃ-cid-unnāmita-śirā
dantair dantān na saṃspṛśet
saṃpaśyan nāsika-agraṃ svaṃ
diśaś ca an-avalokayan
//
rajasā tamaso vṛttiṃ
sattvena rajasas tathā
saṃchādya nirmale sattve
sthito yuñjīta yogavit
//
rajasā tamaso vṛttiṃ
sattvena rajasas tathā
saṃchādya nir-male sattve
sthito yuñjīta yoga-vit
//
indriyāṇīndriyārthebhyaḥ
prāṇādīn mana eva ca
nigṛhya samavāyena
pratyāhāram upakramet
//
indriyāṇi indriya-arthebhyaḥ
prāṇa-ādīn mana eva ca
nigṛhya samavāyena
pratyāhāram upakramet
//
yas tu pratyāharet kāmān
sarvāṅgān īva kacchapaḥ
sadātmaratir ekasthaḥ
paśyaty ātmānam ātmani
//
yas tu pratyāharet kāmān
sarva-aṅgān īva kacchapaḥ
sadā ātma-ratir eka-sthaḥ
paśyaty ātmānam ātmani
//
sa bāhyābhyantaraṃ śaucaṃ
niṣpādyākaṇṭhanābhitaḥ
pūrayitvā budho dehaṃ
pratyāhāram upakramet
//
sa bāhya-abhy-antaraṃ śaucaṃ
niṣpādyā a-kaṇṭha-nābhitaḥ
pūrayitvā budho dehaṃ
pratyāhāram upakramet
//
tathā vai yogayuktasya
yogino niyatātmanaḥ
(sarve doṣāḥ praṇaśyanti
svasthaś caivopajāyate)
//
tathā vai yoga-yuktasya
yogino niyata-ātmanaḥ
(sarve doṣāḥ praṇaśyanti
sva-sthaś ca eva upajāyate)
//
[[iti śrī-gheraṇḍa-saṃhitāyāṃ gheraṇḍa-caṇḍa-saṃvāde ghaṭa-stha-yoge pratyāhāra-prayogo nāma caturtho1padeśaḥ //4// ]]
athātaḥ saṃpravakṣyāmi
prāṇāyāmasya yadvidhim
yasya sādhanamātreṇa
devatulyo bhaven naraḥ
//
atha ataḥ saṃpravakṣyāmi
prāṇa-āyāmasya yad-vidhim
yasya sādhana-mātreṇa
deva-tulyo bhaven naraḥ
//
ādau sthānaṃ tathā kālaṃ
mitāhāraṃ tathāparam
nāḍīśuddhiṃ tataḥ paścāt
prāṇāyāmaṃ ca sādhayet
//
ādau sthānaṃ tathā kālaṃ
mita-āhāraṃ tathā-aparam
nāḍī-śuddhiṃ tataḥ paścāt
prāṇa-āyāmaṃ ca sādhayet
//
dūradeśe tathāraṇye
rājadhānyāṃ janāntike
yogārambhaṃ na kurvīta
kṛtaś cet siddhihā bhavet
//
dūra-deśe tatha āraṇye
rāja-dhānyāṃ jana-antike
yoga-ārambhaṃ na kurvīta
kṛtaś cet siddhi-hā bhavet
//
aviśvāsaṃ dūradeśe
araṇye bhakṣavarjitam
lokāraṇye prakāśaś ca
tasmāt trīṇi vivarjayet
//
a-viśvāsaṃ dūra-deśe
araṇye bhakṣa-varjitam
loka-āraṇye prakāśaś ca
tasmāt trīṇi vivarjayet
//
sudeśe dhārmike rājye
subhikṣe nirupadrave
tatraikaṃ kuṭiraṃ kṛtvā
prācīraiḥ pariveṣṭayet
//
su-deśe dhārmike rājye
su-bhikṣe nir-upadrave
tatra ekaṃ kuṭiraṃ kṛtvā
prācīraiḥ pariveṣṭayet
//
vāpīkūpataḍāgaṃ ca
prācīramadhyavarti ca
nātyuccaṃ nātinīcaṃ vā
kuṭiraṃ kīṭavarjitam
//
vāpī-kūpa-taḍāgaṃ ca
prācīra-madhya-varti ca
na aty-uccaṃ na ati-nīcaṃ vā
kuṭiraṃ kīṭa-varjitam
//
samyaggomayaliptaṃ ca
kuṭiraṃ randhravarjitam
evaṃ sthāne hi gupte ca
prāṇāyāmaṃ samabhyaset
//
samyag-gomaya-liptaṃ ca
kuṭiraṃ randhra-varjitam
evaṃ sthāne hi gupte ca
prāṇa-āyāmaṃ samabhyaset
//
hemante śiśire grīṣme
varṣāyāṃ ca ṛtau tathā
yogārambhaṃ na kurvīta
kṛte yogo hi rogadaḥ
//
hemante śiśire grīṣme
varṣāyāṃ ca ṛtau tathā
yoga-ārambhaṃ na kurvīta
kṛte yogo hi roga-daḥ
//
vasante śaradi proktaṃ
yogārambhaṃ samācaret
tadā yogo bhavet siddho
rogān mukto bhaved dhruvam
//
vasante śaradi proktaṃ
yoga-ārambhaṃ samācaret
tadā yogo bhavet siddho
rogān mukto bhaved dhruvam
//
caitrādiphālgunānte ca
māghādiphālgunāntike
dvau dvau māsau ṛtubhāgau
anubhāvaś catuś catuḥ
//
caitra-ādi-phālguna-ante ca
māgha-ādi-phālguna-antike
dvau dvau māsau ṛtu-bhāgau
anubhāvaś catuś catuḥ
//
vasantaś caitravaiśākhau
jyeṣṭhāṣāḍhau ca grīṣmakau
varṣā śrāvaṇabhādrābhyāṃ
śarad āśvinakārtikau
mārgapauṣau ca hemantaḥ
śiśiro māghaphālgunau
//
vasantaś caitra-vaiśākhau
jyeṣṭha-āṣāḍhau ca grīṣmakau
varṣā śrāvaṇa-bhādrābhyāṃ
śarad āśvina-kārtikau
mārga-pauṣau ca hemantaḥ
śiśiro māgha-phālgunau
//
anubhāvaṃ pravakṣyāmi
ṛtūnāṃ ca yathoditam
māghādimādhavānte hi
vasantānubhavaś catuḥ
//
anubhāvaṃ pravakṣyāmi
ṛtūnāṃ ca yathā-uditam
māgha-ādi-mādhava-ante hi
vasanta-anubhavaś catuḥ
//
caitrādi cāṣāḍhāntaṃ ca
grīṣmaś cānubhavaś catuḥ
āṣāḍhādi cāśvināntaṃ
varṣā cānubhavaś catuḥ
//
caitra-ādi cā aṣāḍha-antaṃ ca
grīṣmaś ca anubhavaś catuḥ
āṣāḍha-ādi ca aśvina-antaṃ
varṣā ca anubhavaś catuḥ
//
bhādrādi mārgaśīrṣāntaṃ
śarado 'nubhavaś catuḥ
kārtikādimāghamāsāntaṃ
hemantānubhavaś catuḥ
mārgādīṃś caturo māsāñ
śiśirānubhavaṃ viduḥ
//
bhādra-ādi mārgaśīrṣa-antaṃ
śarado 'nubhavaś catuḥ
kārtika-ādi-māgha-māsa-antaṃ
hemanta-anubhavaś catuḥ
mārga-ādīṃś caturo māsāñ
śiśira-anubhavaṃ viduḥ
//
vasante vāpi śaradi
yogārambhaṃ tu samācaret
tadā yogo bhavet siddho
vināyāsena kathyate
//
vasante va āpi śaradi
yoga-ārambhaṃ tu samācaret
tadā yogo bhavet siddho
vinā āyāsena kathyate
//
mitāhāraṃ vinā yas tu
yogārambhaṃ tu kārayet
nānārogo bhavet tasya
kiṃcid yogo na sidhyati
//
mita-āhāraṃ vinā yas tu
yoga-ārambhaṃ tu kārayet
nānā-rogo bhavet tasya
kiṃ-cid yogo na sidhyati
//
śālyannaṃ yavapiṇḍaṃ vā
godhūmapiṇḍakaṃ tathā
mudgaṃ māṣacaṇakādi
śubhraṃ ca tuṣavarjitam
//
śāly-annaṃ yava-piṇḍaṃ vā
godhūma-piṇḍakaṃ tathā
mudgaṃ māṣa-caṇaka-ādi
śubhraṃ ca tuṣa-varjitam
//
paṭolaṃ panasaṃ mānaṃ
kakkolaṃ ca śukāśakam
drāḍhikāṃ karkaṭīṃ rambhāṃ
ḍumbarīṃ kaṇṭakaṇṭakam
//
paṭolaṃ panasaṃ mānaṃ
kakkolaṃ ca śuka-āśakam
drāḍhikāṃ karkaṭīṃ rambhāṃ
ḍumbarīṃ kaṇṭa-kaṇṭakam
//
āmarambhāṃ bālarambhāṃ
rambhādaṇḍaṃ ca mūlakam
vārtākīṃ mūlakam ṛddhiṃ
yogī bhakṣaṇam ācaret
//
āma-rambhāṃ bāla-rambhāṃ
rambhā-daṇḍaṃ ca mūlakam
vārtākīṃ mūlakam ṛddhiṃ
yogī bhakṣaṇam ācaret
//
bālaśākaṃ kāla śākaṃ
tathā paṭolapatrakam
pañcaśākaṃ praśaṃsīyād
vāstūkaṃ hilamocikāṃ
//
bāla-śākaṃ kāla śākaṃ
tathā paṭola-patrakam
pañca-śākaṃ praśaṃsīyād
vāstūkaṃ hila-mocikāṃ
//
śuddhaṃ sumadhuraṃ snigdham
udarārdhavivarjitam
bhujyate surasaṃprītyā [surasaṃ prityā]
mitāhāram imaṃ viduḥ
//
śuddhaṃ su-madhuraṃ snigdham
udara-ardha-vivarjitam
bhujyate sura-saṃprītyā [su-rasaṃ prityā]
mita-āhāram imaṃ viduḥ
//
annena pūrayed ardhaṃ
toyena tu tṛtīyakam
udarasya turīyāṃśaṃ
saṃrakṣed vāyucāraṇe
//
annena pūrayed ardhaṃ
toyena tu tṛtīyakam
udarasya turīya-aṃśaṃ
saṃrakṣed vāyu-cāraṇe
//
kaṭv amlaṃ lavaṇaṃ tiktaṃ
bhṛṣṭaṃ ca dadhi takrakam
śākotkaṭaṃ tathā madyaṃ
tālaṃ ca panasaṃ tathā
//
kaṭv amlaṃ lavaṇaṃ tiktaṃ
bhṛṣṭaṃ ca dadhi takrakam
śāka-utkaṭaṃ tathā madyaṃ
tālaṃ ca panasaṃ tathā
//
kulatthaṃ masūraṃ pāṇḍuṃ
kūṣmāṇḍaṃ śākadaṇḍakam
tumbīkolakapitthaṃ ca
kaṇṭabilvaṃ palāśakam
//
kulatthaṃ masūraṃ pāṇḍuṃ
kūṣmāṇḍaṃ śāka-daṇḍakam
tumbī-kola-kapitthaṃ ca
kaṇṭa-bilvaṃ palāśakam
//
kadambaṃ jambīraṃ bimbaṃ
lakucaṃ laśunaṃ viṣam
kāmaraṅgaṃ piyālaṃ ca
hiṅguśālmalikemukam
//
kadambaṃ jambīraṃ bimbaṃ
lakucaṃ laśunaṃ viṣam
kāma-raṅgaṃ piyālaṃ ca
hiṅgu-śālmali-kemukam
//
yogārambhe varjayec ca
pathastrīvahnisevanam
//
yoga-ārambhe varjayec ca
patha-strī-vahni-sevanam
//
navanītaṃ ghṛtaṃ kṣīraṃ
guḍaṃ śarkarādi cekṣavaṃ
pakvarambhāṃ nārikelaṃ
dāḍimbam aśivāsavam
drākṣāṃ tu lavalīṃ dhātrīṃ
rasam amlavivarjitam
//
nava-nītaṃ ghṛtaṃ kṣīraṃ
guḍaṃ śarkara-ādi cā ikṣavaṃ
pakva-rambhāṃ nārikelaṃ
dāḍimbam a-śiva-āsavam
drākṣāṃ tu lavalīṃ dhātrīṃ
rasam amla-vivarjitam
//
elājātilavaṅgaṃ ca
pauruṣaṃ jambujāmbalam
harītakīṃ kharjūraṃ ca
yogī bhakṣaṇam ācaret
//
elā-jāti-lavaṅgaṃ ca
pauruṣaṃ jambu-jāmbalam
harītakīṃ kharjūraṃ ca
yogī bhakṣaṇam ācaret
//
laghupākaṃ priyaṃ snigdhaṃ
tathā dhātuprapoṣaṇam
manoabhilaṣitaṃ yogyaṃ
yogī bhojanam ācaret
//
laghu-pākaṃ priyaṃ snigdhaṃ
tathā dhātu-prapoṣaṇam
mano-abhilaṣitaṃ yogyaṃ
yogī bhojanam ācaret
//
kāṭhinyaṃ duritaṃ pūtim
uṣṇaṃ paryuṣitaṃ tathā
atiśītaṃ cāti coṣṇaṃ
bhakṣyaṃ yogī vivarjayet
//
kāṭhinyaṃ duritaṃ pūtim
uṣṇaṃ paryuṣitaṃ tathā
ati-śītaṃ ca ati ca uṣṇaṃ
bhakṣyaṃ yogī vivarjayet
//
prātaḥsnānopavāsādi
kāyakleśavidhiṃ tathā
ekāhāraṃ nirāhāraṃ
yāmānte ca na kārayet
//
prātaḥ-snāna-upavāsa-ādi
-kāya-kleśa-vidhiṃ tathā
eka-āhāraṃ nir-āhāraṃ
yāma-ante ca na kārayet
//
evaṃvidhividhānena
prāṇāyāmaṃ samācaret
ārambhe prathame kuryāt
kṣīrādyaṃ nityabhojanam
madhyāhne caiva sāyāhne
bhojanadvayam ācaret
//
evaṃ-vidhi-vidhānena
prāṇa-āyāmaṃ samācaret
ārambhe prathame kuryāt
kṣīra-ādyaṃ nitya-bhojanam
madhya-ahne ca eva sāya-ahne
bhojana-dvayam ācaret
//
kuśāsane mṛgājine
vyāghrājine ca kambale
sthūlāsane samāsīnaḥ
prāṅmukho vāpyudaṅmukhaḥ
nāḍīśuddhiṃ samāsādya
prāṇāyāmaṃ samabhyaset
//
kuśa-āsane mṛga-ajine
vyāghra-ajine ca kambale
sthūla-āsane samāsīnaḥ
prāṅmukho va āpyudaṅ-mukhaḥ
nāḍī-śuddhiṃ samāsādya
prāṇa-āyāmaṃ samabhyaset
//
nāḍīśuddhiṃ kathaṃ kuryān
nāḍīśuddhis tu kīdṛśī
tat sarvaṃ śrotum icchāmi
tad vadasva dayānidhe
//
nāḍī-śuddhiṃ kathaṃ kuryān
nāḍī-śuddhis tu kī-dṛśī
tat sarvaṃ śrotum icchāmi
tad vadasva dayā-nidhe
//
malākulāsu nāḍīṣu
māruto naiva gacchati
prāṇāyāmaḥ kathaṃ sidhyet
tattvajñānaṃ kathaṃ bhavet
tasmād ādau naḍīśuddhiṃ
prāṇāyāmaṃ tato 'bhyaset
//
mala-ākulāsu nāḍīṣu
māruto na eva gacchati
prāṇa-āyāmaḥ kathaṃ sidhyet
tattva-jñānaṃ kathaṃ bhavet
tasmād ādau naḍī-śuddhiṃ
prāṇa-āyāmaṃ tato 'bhyaset
//
nāḍīśuddhir dvidhā proktā
samanur nirmanus tathā
bījena samanuṃ kuryān
nirmanuṃ dhautikarmaṇi
//
nāḍī-śuddhir dvidhā proktā
sa-manur nir-manus tathā
bījena sa-manuṃ kuryān
nir-manuṃ dhauti-karmaṇi
//
dhautikarma purā proktaṃ
ṣaṭkarmasādhane yathā
śṛṇuṣva samanuṃ caṇḍa
nāḍīśuddhir yathā bhavet
//
dhauti-karma purā proktaṃ
ṣaṭ-karma-sādhane yathā
śṛṇuṣva sa-manuṃ caṇḍa
nāḍī-śuddhir yathā bhavet
//
upaviśyāsane yogī
padmāsanaṃ samācaret
gurvādinyāsanaṃ kṛtvā
yathaiva gurubhāṣitam
nāḍīśuddhiṃ prakurvīta
prāṇāyāmaviśuddhaye
//
upaviśyā asane yogī
padma-āsanaṃ samācaret
gurv-ādi-nyāsanaṃ kṛtvā
yatha aiva guru-bhāṣitam
nāḍī-śuddhiṃ prakurvīta
prāṇa-āyāma-viśuddhaye
//
vāyubījaṃ tato dhyātvā
dhūmravarṇaṃ satejasam
candreṇa pūrayed vāyuṃ
bījaṃ ṣoḍaśakaiḥ sudhīḥ
//
vāyu-bījaṃ tato dhyātvā
dhūmra-varṇaṃ sa-tejasam
candreṇa pūrayed vāyuṃ
bījaṃ ṣo-ḍaśakaiḥ su-dhīḥ
//
catuḥṣaṣṭyā mātrayā ca
kumbhakenaiva dhārayet
dvātriṃśanmātrayā vāyuṃ
sūryanāḍyā ca recayet
//
catuḥ-ṣaṣṭyā mātrayā ca
kumbhakena eva dhārayet
dvā-triṃśan-mātrayā vāyuṃ
sūrya-nāḍyā ca recayet
//
nābhimūlād vahnim utthāpya
dhyāyet tejo vanīyutam
vahnibījaṃ ṣoḍaśena
sūryanāḍyā ca pūrayet
//
nābhi-mūlād vahnim utthāpya
dhyāyet tejo vanī-yutam
vahni-bījaṃ ṣo-ḍaśena
sūrya-nāḍyā ca pūrayet
//
catuḥṣaṣṭyā mātrayā ca
kumbhakenaiva dhārayet
dvātriṃśanmātrayā vāyuṃ
śaśināḍyā ca recayet
//
catuḥ-ṣaṣṭyā mātrayā ca
kumbhakena eva dhārayet
dvā-triṃśan-mātrayā vāyuṃ
śaśi-nāḍyā ca recayet
//
nāsāgre śaśadhṛg bimbaṃ
dhyātvā jyotsnāsamanvitam
ṭhaṃ bījaṃ ṣoḍaśenaiva
iḍayā pūrayen marut
//
nāsa-agre śaśa-dhṛg bimbaṃ
dhyātvā jyotsnā-samanvitam
ṭhaṃ bījaṃ ṣo-ḍaśena eva
iḍayā pūrayen marut
//
catuḥṣaṣṭyā mātrayā ca
[kumbhakenaiva] dhārayet
amṛtaplāvitaṃ dhyātvā
prāṇāyāmaṃ samabhyaset
//
catuḥ-ṣaṣṭyā mātrayā ca
[kumbhakena eva] dhārayet
a-mṛta-plāvitaṃ dhyātvā
prāṇa-āyāmaṃ samabhyaset
//
[vaṃ bījaṃ śoḍaśenaiva
sūryanāḍyā ca pūrayet]
dvātriṃśena lakāreṇa
dṛḍhaṃ bhāvyaṃ virecayet
//
[vaṃ bījaṃ śo-ḍaśena eva
sūrya-nāḍyā ca pūrayet]
dvā-triṃśena la-kāreṇa
dṛḍhaṃ bhāvyaṃ virecayet
//
evaṃvidhāṃ nāḍīśuddhiṃ
kṛtvā nāḍīṃ viśodhayet
dṛḍho bhūtvāsanaṃ kṛtvā
prāṇāyāmaṃ samācaret
//
evaṃ-vidhāṃ nāḍī-śuddhiṃ
kṛtvā nāḍīṃ viśodhayet
dṛḍho bhūtvā āsanaṃ kṛtvā
prāṇa-āyāmaṃ samācaret
//
sahitaḥ sūryabhedaś ca
ujjāyī śītalī tathā
bhastrikā bhrāmarī mūrcchā
kevalī cāṣṭa kumbhikāḥ
//
sahitaḥ sūrya-bhedaś ca
ujjāyī śītalī tathā
bhastrikā bhrāmarī mūrcchā
kevalī ca aṣṭa kumbhikāḥ
//
sahitau dvividhau proktau
prāṇāyāmaṃ samācaret
sagarbho bījam uccārya
nirgarbho bījavarjitaḥ
prāṇāyāmaṃ sagarbhaṃ ca
prathamaṃ kathayāmi te
//
sahitau dvi-vidhau proktau
prāṇa-āyāmaṃ samācaret
sa-garbho bījam uccārya
nir-garbho bīja-varjitaḥ
prāṇa-āyāmaṃ sa-garbhaṃ ca
prathamaṃ kathayāmi te
//
sukhāsane copaviśya
prāṅmukho vāpy udaṅmukhaḥ
dhyāyed vidhiṃ rajoguṇaṃ
raktavarṇam avarṇakam
//
sukha-āsane ca upaviśya
prāṅ-mukho va āpy udaṅ-mukhaḥ
dhyāyed vidhiṃ rajo-guṇaṃ
rakta-varṇam a-varṇakam
//
iḍayā pūrayed vāyuṃ
mātrayā ṣoḍaśaiḥ sudhīḥ
pūrakānte kumbhakādye
kartavyas tūḍḍiyānakaḥ
//
iḍayā pūrayed vāyuṃ
mātrayā ṣo-ḍaśaiḥ su-dhīḥ
pūraka-ante kumbhaka-ādye
kartavyas tu uḍḍiyānakaḥ
//
sattvamayaṃ hariṃ dhyātvā
ukāraiḥ śuklavarṇakaiḥ
catuḥṣaṣṭyā ca mātrayā
anilaṃ kumbhakaṃ caret
kumbhakānte recakādye
kartavyaṃ ca jālaṃdharam
//
sattvamayaṃ hariṃ dhyātvā
u-kāraiḥ śukla-varṇakaiḥ
catuḥ-ṣaṣṭyā ca mātrayā
anilaṃ kumbhakaṃ caret
kumbhaka-ante recaka-ādye
kartavyaṃ ca jālaṃ-dharam
//
rudraṃ tamoguṇaṃ dhyātvā
makāraiḥ kṛṣṇavarṇakaiḥ
dvātriṃśanmātrayā caiva
recayed vidhinā punaḥ
//
rudraṃ tamo-guṇaṃ dhyātvā
ma-kāraiḥ kṛṣṇa-varṇakaiḥ
dvā-triṃśan-mātrayā ca eva
recayed vidhinā punaḥ
//
punaḥ piṅgalayāpūrya
kumbhakenaiva dhārayet
iḍayā recayet paścāt
tadbījena krameṇa tu
//
punaḥ piṅgalayā āpūrya
kumbhakena eva dhārayet
iḍayā recayet paścāt
tad-bījena krameṇa tu
//
anulomavilomena
vāraṃ vāraṃ ca sādhayet
pūrakānte kumbhakādye
dhṛtaṃ nāsāpuṭadvayam
kaniṣṭhānāmikāṅguṣṭhais
tarjanīmadhyame vinā
//
anu-loma-vi-lomena
vāraṃ vāraṃ ca sādhayet
pūraka-ante kumbhaka-ādye
dhṛtaṃ nāsā-puṭa-dvayam
kaniṣṭhā-a-nāmikā-aṅguṣṭhais
tarjanī-madhyame vinā
//
prāṇāyāmaṃ nigarbhaṃ tu
vinā bījena jāyate
vāmajānūpari nyasta
vāmapāṇitalaṃ bhramet
mātrādiśataparyantaṃ
pūrakumbhakarecanam
//
prāṇa-āyāmaṃ ni-garbhaṃ tu
vinā bījena jāyate
vāma-jānu-upari nyasta
-vāma-pāṇi-talaṃ bhramet
mātrā-ādi-śata-pary-antaṃ
pūra-kumbhaka-recanam
//
uttamā viṃśatir mātrā
madhyamā ṣoḍaśī smṛtā
adhamā dvādaśī mātrā
prāṇāyāmās tridhā smṛtāḥ
//
uttamā viṃśatir mātrā
madhyamā ṣo-ḍaśī smṛtā
adhamā dvā-daśī mātrā
prāṇa-āyāmās tridhā smṛtāḥ
//
adhamāj jāyate gharmo
merukampaś ca madhyamāt
uttamāc ca bhūmityāgas
trividhaṃ siddhilakṣaṇam
//
adhamāj jāyate gharmo
meru-kampaś ca madhyamāt
uttamāc ca bhūmi-tyāgas
tri-vidhaṃ siddhi-lakṣaṇam
//
prāṇāyāmāt khecaratvaṃ
prāṇāyāmād roganāśanam
prāṇāyāmād bodhayec chaktiṃ
prāṇāyāmān manonmanī
ānando jāyate citte
prāṇāyāmī sukhī bhavet
//
prāṇa-āyāmāt khe-caratvaṃ
prāṇa-āyāmād roga-nāśanam
prāṇa-āyāmād bodhayec chaktiṃ
prāṇa-āyāmān mana-unmanī
ānando jāyate citte
prāṇa-āyāmī sukhī bhavet
//
kathitaṃ sahitaṃ kumbhaṃ
sūryabhedanakaṃ śṛṇu
pūrayet sūryanāḍyā ca
yathāśakti bahirmarut
//
kathitaṃ sahitaṃ kumbhaṃ
sūrya-bhedanakaṃ śṛṇu
pūrayet sūrya-nāḍyā ca
yathā-śakti bahir-marut
//
dhārayed bahuyatnena
kumbhakena jalaṃdharaiḥ
yāvat svedaṃ nakhakeśābhyāṃ
tāvat kurvantu kumbhakam
//
dhārayed bahu-yatnena
kumbhakena jalaṃ-dharaiḥ
yāvat svedaṃ nakha-keśābhyāṃ
tāvat kurvantu kumbhakam
//
prāṇo 'pānaḥ samānaś ca
udānavyānau ca vāyavaḥ
nāgaḥ kūrmaś ca kṛkaro
devadatto dhanaṃjayaḥ
//
prāṇo 'pānaḥ samānaś ca
udāna-vyānau ca vāyavaḥ
nāgaḥ kūrmaś ca kṛkaro
deva-datto dhanaṃ-jayaḥ
//
hṛdi prāṇo vahen nityam
apāno gudamaṇḍale
samāno nābhideśe tu
udānaḥ kaṇṭhamadhyagaḥ
vyāno vyāpya śarīre tu
pradhānāḥ pañca vāyavaḥ
//
hṛdi prāṇo vahen nityam
apāno guda-maṇḍale
samāno nābhi-deśe tu
udānaḥ kaṇṭha-madhya-gaḥ
vyāno vyāpya śarīre tu
pradhānāḥ pañca vāyavaḥ
//
prāṇādyāḥ pañca vikhyātā
nāgādyāḥ pañca vāyavaḥ
teṣām api ca pañcānāṃ
sthānāni ca vadāmy aham
//
prāṇa-ādyāḥ pañca vikhyātā
nāga-ādyāḥ pañca vāyavaḥ
teṣām api ca pañcānāṃ
sthānāni ca vadāmy aham
//
udgāre nāga ākhyātaḥ
kūrmas tūnmīlane smṛtaḥ
kṛkaraḥ kṣuttṛṣe jñeyo
devadatto vijṛmbhaṇe
na jahāti mṛte kvāpi
sarvavyāpī dhanaṃjayaḥ
//
udgāre nāga ākhyātaḥ
kūrmas tu unmīlane smṛtaḥ
kṛkaraḥ kṣut-tṛṣe jñeyo
deva-datto vijṛmbhaṇe
na jahāti mṛte kva api
sarva-vyāpī dhanaṃ-jayaḥ
//
nāgo gṛhṇāti caitanyaṃ
kūrmaś caiva nimeṣaṇam
kṣuttṛṣaṃ kṛkaraś caiva
jṛmbhaṇaṃ caturthena tu
bhaved dhanaṃjayāc chabdaṃ
kṣaṇamātraṃ na niḥsaret
//
nāgo gṛhṇāti caitanyaṃ
kūrmaś ca eva nimeṣaṇam
kṣut-tṛṣaṃ kṛkaraś ca eva
jṛmbhaṇaṃ caturthena tu
bhaved dhanaṃ-jayāc chabdaṃ
kṣaṇa-mātraṃ na niḥsaret
//
sarvaṃ ca sūryakaṃ bhitvā
nābhimūlāt samuddharet
//
sarvaṃ ca sūryakaṃ bhitvā
nābhi-mūlāt samuddharet
//
iḍayā recayet paścād
dhairyeṇākhaṇḍavegataḥ
punaḥ sūryeṇa cākṛṣya
kumbhayitvā yathāvidhi
//
iḍayā recayet paścād
dhairyeṇa a-khaṇḍa-vegataḥ
punaḥ sūryeṇa cā akṛṣya
kumbhayitvā yathā-vidhi
//
recayitvā sādhayet tu
krameṇa ca punaḥ punaḥ
kumbhakaḥ sūryabhedas tu
jarāmṛtyuvināśakaḥ
//
recayitvā sādhayet tu
krameṇa ca punaḥ punaḥ
kumbhakaḥ sūrya-bhedas tu
jarā-mṛtyu-vināśakaḥ
//
bodhayet kuṇḍalīṃ śaktiṃ
dehānalavivardhanam
iti te kathitaṃ caṇḍa
sūryabhedanam uttamam
//
bodhayet kuṇḍalīṃ śaktiṃ
deha-anala-vivardhanam
iti te kathitaṃ caṇḍa
sūrya-bhedanam uttamam
//
nāsābhyāṃ vāyum ākṛṣya
mukhamadhye ca dhārayet
hṛdgalābhyāṃ samākṛṣya
vāyuṃ vaktreṇa dhārayet
//
nāsābhyāṃ vāyum ākṛṣya
mukha-madhye ca dhārayet
hṛd-galābhyāṃ samākṛṣya
vāyuṃ vaktreṇa dhārayet
//
mukhaṃ praphullaṃ saṃrakṣya
kuryāj jālaṃdharaṃ tataḥ
āśakti kumbhakaṃ kṛtvā
dhārayed avirodhataḥ
//
mukhaṃ praphullaṃ saṃrakṣya
kuryāj jālaṃ-dharaṃ tataḥ
ā-śakti kumbhakaṃ kṛtvā
dhārayed a-virodhataḥ
//
ujjāyīkumbhakaṃ kṛtvā
sarvakāryāṇi sādhayet
na bhavet kapharogaś ca
krūravāyur ajīrṇakam
//
ujjāyī-kumbhakaṃ kṛtvā
sarva-kāryāṇi sādhayet
na bhavet kapha-rogaś ca
krūra-vāyur a-jīrṇakam
//
āmavātaḥ kṣayaḥ kāso
jvaraplīhā na jāyate
jarāmṛtyuvināśāya
cojjāyīṃ sādhayen naraḥ
//
āma-vātaḥ kṣayaḥ kāso
jvara-plīhā na jāyate
jarā-mṛtyu-vināśāya
ca ujjāyīṃ sādhayen naraḥ
//
jihvayā vāyum ākṛṣya
udare pūrayec chanaiḥ
kṣaṇaṃ ca kumbhakaṃ kṛtvā
nāsābhyāṃ recayet punaḥ
//
jihvayā vāyum ākṛṣya
udare pūrayec chanaiḥ
kṣaṇaṃ ca kumbhakaṃ kṛtvā
nāsābhyāṃ recayet punaḥ
//
sarvadā sādhayed yogī
śītalīkumbhakaṃ śubham
ajīrṇaṃ kaphapittaṃ ca
naiva tasya prajāyate
//
sarvadā sādhayed yogī
śītalī-kumbhakaṃ śubham
a-jīrṇaṃ kapha-pittaṃ ca
na eva tasya prajāyate
//
bhastreva lohakārāṇāṃ
yathākrameṇa saṃbhramet
tato vāyuṃ ca nāsābhyām
ubhābhyāṃ cālayec chanaiḥ
//
bhastra īva loha-kārāṇāṃ
yathā-krameṇa saṃbhramet
tato vāyuṃ ca nāsābhyām
ubhābhyāṃ cālayec chanaiḥ
//
evaṃ viṃśativāraṃ ca
kṛtvā kuryāc ca kumbhakam
tadante cālayed vāyuṃ
pūrvoktaṃ ca yathāvidhi
//
evaṃ viṃśati-vāraṃ ca
kṛtvā kuryāc ca kumbhakam
tad-ante cālayed vāyuṃ
pūrva-uktaṃ ca yathā-vidhi
//
trivāraṃ sādhayed enaṃ
bhastrikākumbhakaṃ sudhīḥ
na ca rogo na ca kleśa
ārogyaṃ ca dine dine
//
tri-vāraṃ sādhayed enaṃ
bhastrikā-kumbhakaṃ su-dhīḥ
na ca rogo na ca kleśa
ārogyaṃ ca dine dine
//
ardharātre gate yogī
jantūnāṃ śabdavarjite
karṇau nidhāya hastābhyāṃ
kuryāt pūrakam uttamam
//
ardha-rātre gate yogī
jantūnāṃ śabda-varjite
karṇau nidhāya hastābhyāṃ
kuryāt pūrakam uttamam
//
śṛṇuyād dakṣiṇe karṇe
nādam antargataṃ sudhīḥ
prathamaṃ jhiṃjhīnādaṃ ca
vaṃśīnādaṃ tataḥ param
meghaghargharabhrāmarī ca
ghaṇṭākāṃsyaṃ tataḥ param
//
śṛṇuyād dakṣiṇe karṇe
nādam antar-gataṃ su-dhīḥ
prathamaṃ jhiṃjhī-nādaṃ ca
vaṃśī-nādaṃ tataḥ param
megha-gharghara-bhrāmarī ca
ghaṇṭā-kāṃsyaṃ tataḥ param
//
turībherīmṛdaṅgādi
vīṇānādakadundubhiḥ
evaṃ nānāvidho nādo
jāyate nityam abhyasāt
//
turī-bherī-mṛd-aṅga-ādi
-vīṇā-nādaka-dundubhiḥ
evaṃ nānā-vidho nādo
jāyate nityam abhyasāt
//
anāhatasya śabdasya
tasya śabdasya yo dhvaniḥ
dhvaner antargataṃ jyotir
jyotir antargataṃ manaḥ
//
an-āhatasya śabdasya
tasya śabdasya yo dhvaniḥ
dhvaner antar-gataṃ jyotir
jyotir antar-gataṃ manaḥ
//
tasmiṃs tu vilayaṃ yāti
tad viṣṇoḥ paramaṃ padam
evaṃ bhrāmarīsaṃsiddhiḥ
samādhisiddhim āpnuyāt
//
tasmiṃs tu vilayaṃ yāti
tad viṣṇoḥ paramaṃ padam
evaṃ bhrāmarī-saṃsiddhiḥ
samādhi-siddhim āpnuyāt
//
mukhe ca kumbhakaṃ kṛtvā
bhruvor antargataṃ manaḥ
saṃtyajya viṣayān sarvān
manomūrcchā sukhapradā
//
mukhe ca kumbhakaṃ kṛtvā
bhruvor antar-gataṃ manaḥ
saṃtyajya viṣayān sarvān
mano-mūrcchā sukha-pradā
//
ātmani manasaṃyogād
ānandaṃ jāyate dhruvam
evaṃ nānāvidhānando
jāyate nityam abhyasāt
evam abhyāsayogena
samādhisiddhim āpnuyāt
//
ātmani mana-saṃyogād
ānandaṃ jāyate dhruvam
evaṃ nānā-vidhā-ānando
jāyate nityam abhyasāt
evam abhyāsa-yogena
samādhi-siddhim āpnuyāt
//
bhujaṃginyāḥ śvāsavaśād
ajapā jāyate nanu
haṃkāreṇa bahir yāti
saḥkāreṇa viśet punaḥ
//
bhujaṃ-ginyāḥ śvāsa-vaśād
a-japā jāyate nanu
haṃ-kāreṇa bahir yāti
saḥ-kāreṇa viśet punaḥ
//
ṣaṭ śatāni divārātrau
sahasrāṇy ekaviṃśatiḥ
ajapāṃ nāma gāyatrīṃ
jīvo japati sarvadā
//
ṣaṭ śatāni divā-rātrau
sahasrāṇy eka-viṃśatiḥ
a-japāṃ nāma gāyatrīṃ
jīvo japati sarvadā
//
mūlādhāre yathā haṃsas
tathā hi hṛdi paṅkaje
tathā nāsāpuṭadvandve
triveṇīsaṃgamāgamam
//
mūla-ādhāre yathā haṃsas
tathā hi hṛdi paṅka-je
tathā nāsā-puṭa-dvandve
tri-veṇī-saṃgama-āgamam
//
ṣaṇṇavatyaṅgulīmānaṃ
śarīraṃ karmarūpakam
dehād bahirgato vāyuḥ
svabhāvād dvādaśāṅguliḥ
//
ṣaṇ-ṇavaty-aṅgulī-mānaṃ
śarīraṃ karma-rūpakam
dehād bahir-gato vāyuḥ
sva-bhāvād dvā-daśa-aṅguliḥ
//
śayane ṣoḍaśāṅgulyo
bhojane viṃśatis tathā
caturviṃśāṅguliḥ panthe
nidrāyāṃ triṃśadaṅguliḥ
maithune ṣaṭtriṃśad uktaṃ
vyāyāme ca tato 'dhikam
//
śayane ṣo-ḍaśa-aṅgulyo
bhojane viṃśatis tathā
catur-viṃśa-aṅguliḥ panthe
nidrāyāṃ triṃśad-aṅguliḥ
maithune ṣaṭ-triṃśad uktaṃ
vyāyāme ca tato 'dhikam
//
svabhāve 'sya gater nyūne
param āyuḥ pravardhate
āyuḥkṣayo 'dhike prokto
mārute cāntarād gate
//
sva-bhāve 'sya gater nyūne
param āyuḥ pravardhate
āyuḥ-kṣayo 'dhike prokto
mārute ca antarād gate
//
tasmāt prāṇe sthite dehe
maraṇaṃ naiva jāyate
vāyunā ghaṭasaṃbandhe
bhavet kevalakumbhakaḥ
//
tasmāt prāṇe sthite dehe
maraṇaṃ na eva jāyate
vāyunā ghaṭa-saṃbandhe
bhavet kevala-kumbhakaḥ
//
yāvajjīvaṃ japen mantram
ajapāsaṃkhyakevalam
adyāvadhi dhṛtaṃ saṃkhyā
vibhramaṃ kevalīkṛte
//
yāvaj-jīvaṃ japen mantram
a-japā-saṃkhya-kevalam
adya-avadhi dhṛtaṃ saṃkhyā
-vibhramaṃ kevalī-kṛte
//
ata eva hi kartavyaḥ
kevalīkumbhako naraiḥ
kevalī cājapāsaṃkhyā
dviguṇā ca manonmanī
//
ata eva hi kartavyaḥ
kevalī-kumbhako naraiḥ
kevalī ca a-japā-saṃkhyā
dvi-guṇā ca mana-unmanī
//
nāsābhyāṃ vāyum ākṛṣya
kevalaṃ kumbhakaṃ caret
ekādikacatuḥṣaṣṭiṃ
dhārayet prathame dine
//
nāsābhyāṃ vāyum ākṛṣya
kevalaṃ kumbhakaṃ caret
eka-ādika-catuḥ-ṣaṣṭiṃ
dhārayet prathame dine
//
kevalīm aṣṭadhā kuryād
yāme yāme dine dine
atha vā pañcadhā kuryād
yathā tat kathayāmi te
//
kevalīm aṣṭadhā kuryād
yāme yāme dine dine
atha vā pañcadhā kuryād
yathā tat kathayāmi te
//
prātar madhyāhnasāyāhne
madhyarātre caturthake
trisaṃdhyam atha vā kuryāt
samamāne dine dine
//
prātar madhya-ahna-sāya-ahne
madhya-rātre caturthake
tri-saṃdhyam atha vā kuryāt
sama-māne dine dine
//
pañcavāraṃ dine vṛddhir
vāraikaṃ ca dine tathā
ajapāparimāṇe ca
yāvat siddhiḥ prajāyate
//
pañca-vāraṃ dine vṛddhir
vāra-ekaṃ ca dine tathā
a-japā-parimāṇe ca
yāvat siddhiḥ prajāyate
//
prāṇāyāmaṃ kevalīṃ nāma
tadā vadati yogavit
kumbhake kevale siddhe
kiṃ na sidhyati bhūtale
//
prāṇa-āyāmaṃ kevalīṃ nāma
tadā vadati yoga-vit
kumbhake kevale siddhe
kiṃ na sidhyati bhū-tale
//
[[iti śrī-gheraṇḍa-saṃhitāyāṃ gheraṇḍa-caṇḍa-saṃvāde ghata-stha-yoga-prakaraṇe prāṇā3yāma-prayogo nāma pañcamo1padeśaḥ //5// ]]
sthūlaṃ jyotis tathā sūkṣmaṃ
dhyānasya trividhaṃ viduḥ
sthūlaṃ mūrtimayaṃ proktaṃ
jyotis tejomayaṃ tathā
sūkṣmaṃ bindumayaṃ brahma
kuṇḍalī paradevatā
//
sthūlaṃ jyotis tathā sūkṣmaṃ
dhyānasya tri-vidhaṃ viduḥ
sthūlaṃ mūrtimayaṃ proktaṃ
jyotis tejomayaṃ tathā
sūkṣmaṃ bindumayaṃ brahma
kuṇḍalī para-devatā
//
svakīyahṛdaye dhyāyet
sudhāsāgaram uttamam
tanmadhye ratnadvīpaṃ tu
suratnavālukāmayam
//
svakīya-hṛdaye dhyāyet
sudhā-sāgaram uttamam
tan-madhye ratna-dvīpaṃ tu
su-ratna-vālukāmayam
//
caturdikṣu nīpataruṃ
bahupuṣpasamanvitam
nīpopavanasaṃkulair
veṣṭitaṃ paritā iva
//
catur-dikṣu nīpa-taruṃ
bahu-puṣpa-samanvitam
nīpa-upa-vana-saṃkulair
veṣṭitaṃ paritā iva
//
mālatīmallikājātī$kesaraiś campakais tathā &
pārijātaiḥ sthalapadmair
gandhāmoditadiṅmukhaiḥ
//
mālatī-mallikā-jātī-$-kesaraiś campakais tathā &
pārijātaiḥ sthala-padmair
gandhā-modita-diṅ-mukhaiḥ
//
tanmadhye saṃsmared yogī
kalpavṛkṣaṃ manoramam
catuḥśākhācaturvedaṃ
nityapuṣpaphalānvitam
//
tan-madhye saṃsmared yogī
kalpa-vṛkṣaṃ mano-ramam
catuḥ-śākhā-catur-vedaṃ
nitya-puṣpa-phala-anvitam
//
bhramarāḥ kokilās tatra
guñjanti nigadanti ca
dhyāyettatra sthiro bhūtvā
mahāmāṇikyamaṇḍapam
//
bhramarāḥ kokilās tatra
guñjanti nigadanti ca
dhyāyet-tatra sthiro bhūtvā
mahā-māṇikya-maṇḍapam
//
tanmadhye tu smared yogī
paryaṅkaṃ sumanoharam
tatreṣṭadevatāṃ dhyāyed
yaddhyānaṃ gurubhāṣitam
//
tan-madhye tu smared yogī
paryaṅkaṃ su-mano-haram
tatra iṣṭa-devatāṃ dhyāyed
yad-dhyānaṃ guru-bhāṣitam
//
yasya devasya yad rūpaṃ
yathā bhūṣaṇavāhanam
tad rūpaṃ dhyāyate nityaṃ
sthūladhyānam idaṃ viduḥ
//
yasya devasya yad rūpaṃ
yathā bhūṣaṇa-vāhanam
tad rūpaṃ dhyāyate nityaṃ
sthūla-dhyānam idaṃ viduḥ
//
sahasrāramahāpadme
karṇikāyāṃ vicintayet
vilagnasahitaṃ padmaṃ
dvādaśair dalasaṃyutam
//
sahasra-ara-mahāpadme
karṇikāyāṃ vicintayet
vilagna-sahitaṃ padmaṃ
dvā-daśair dala-saṃyutam
//
śubhravarṇaṃ mahātejo
dvādaśair bījabhāṣitam
sahakṣamavalariyuṃ
haṃsaśaktiṃ yathākramam
//
śubhra-varṇaṃ mahā-tejo
dvā-daśair bīja-bhāṣitam
sa-ha-kṣa-ma-va-la-ri-yuṃ
haṃ-sa-śa-ktiṃ yathā-kramam
//
tanmadhye karṇikāyāṃ tu
akathādirekhātrayam
halakṣakoṇasaṃyuktaṃ
praṇavaṃ tatra vartate
//
tan-madhye karṇikāyāṃ tu
a-ka-tha-ādi-rekhā-trayam
ha-la-kṣa-koṇa-saṃyuktaṃ
praṇavaṃ tatra vartate
//
nādabindumayaṃ pīṭhaṃ
dhyāyet tatra manoharam
tatropari haṃsayugmaṃ
pādukā tatra vartate
//
nāda-bindumayaṃ pīṭhaṃ
dhyāyet tatra mano-haram
tatra-upari haṃ-sa-yugmaṃ
pādukā tatra vartate
//
dhyāyettatra guruṃ devaṃ
vibhujaṃ ca trilocanam
śvetāmbaradharaṃ devaṃ
śuklagandhānulepanam
//
dhyāyettatra guruṃ devaṃ
vi-bhujaṃ ca tri-locanam
śveta-ambara-dharaṃ devaṃ
śukla-gandha-anulepanam
//
śuklapuṣpamayaṃ mālyaṃ
raktaśaktisamanvitam
evaṃvidhagurudhyānāt
sthūladhyānaṃ prasidhyati
//
śukla-puṣpamayaṃ mālyaṃ
rakta-śakti-samanvitam
evaṃ-vidha-guru-dhyānāt
sthūla-dhyānaṃ prasidhyati
//
kathitaṃ sthūladhyānaṃ tu
tejodhyānaṃ śṛṇuṣva me
yaddhyānena yogasiddhir
ātmapratyakṣam eva ca
mūlādhāre kuṇḍalinī
bhujagākārarūpiṇī
//
kathitaṃ sthūla-dhyānaṃ tu
tejo-dhyānaṃ śṛṇuṣva me
yad-dhyānena yoga-siddhir
ātma-praty-akṣam eva ca
mūla-ādhāre kuṇḍalinī
bhuja-ga-ākāra-rūpiṇī
//
jīvātmā tiṣṭhati tatra
pradīpakalikākṛtiḥ
dhyāyet tejomayaṃ brahma
tejodhyānaṃ tad eva hi
//
jīva-ātmā tiṣṭhati tatra
pradīpa-kalikā-ākṛtiḥ
dhyāyet tejomayaṃ brahma
tejo-dhyānaṃ tad eva hi
//
nābhimūle sthitaṃ sūrya
maṇḍalaṃ vahnisaṃyutam
dhyāyet tejo mahad vyāptaṃ
tejodhyānaṃ tad eva hi
//
nābhi-mūle sthitaṃ sūrya
-maṇḍalaṃ vahni-saṃyutam
dhyāyet tejo mahad vyāptaṃ
tejo-dhyānaṃ tad eva hi
//
bhruvor madhye manordhve ca
yat tejaḥ praṇavātmakam
dhyāyej jvālāvalīyuktaṃ
tejodhyānaṃ tad eva hi
//
bhruvor madhye mana-ūrdhve ca
yat tejaḥ praṇava-ātmakam
dhyāyej jvāla-avalī-yuktaṃ
tejo-dhyānaṃ tad eva hi
//
tejodhyānaṃ śrutaṃ caṇḍa
sūkṣmadhyānaṃ vadāmy aham
bahubhāgyavaśād yasya
kuṇḍalī jāgratī bhavet
//
tejo-dhyānaṃ śrutaṃ caṇḍa
sūkṣma-dhyānaṃ vadāmy aham
bahu-bhāgya-vaśād yasya
kuṇḍalī jāgratī bhavet
//
ātmanā saha yogena
netrarandhrād vinirgatā
vihared rājamārge ca
cañcalatvān na dṛśyate
//
ātmanā saha yogena
netra-randhrād vinirgatā
vihared rāja-mārge ca
cañcalatvān na dṛśyate
//
śāṃbhavīmudrayā yogī
dhyānayogena sidhyati
sūkṣmadhyānam idaṃ gopyaṃ
devānām api durlabham
//
śāṃbhavī-mudrayā yogī
dhyāna-yogena sidhyati
sūkṣma-dhyānam idaṃ gopyaṃ
devānām api dur-labham
//
sthūladhyānāc chataguṇaṃ
tejodhyānaṃ pracakṣate
tejodhyānāl lakṣaguṇaṃ
sūkṣmadhyānaṃ parātparam
//
sthūla-dhyānāc chata-guṇaṃ
tejo-dhyānaṃ pracakṣate
tejo-dhyānāl lakṣa-guṇaṃ
sūkṣma-dhyānaṃ parāt-param
//
iti te kathitaṃ caṇḍa
dhyānayogaṃ sudurlabham
ātmā sākṣād bhaved yasmāt
tasmād dhyānaṃ viśiṣyate
//
iti te kathitaṃ caṇḍa
dhyāna-yogaṃ su-dur-labham
ātmā sa-akṣād bhaved yasmāt
tasmād dhyānaṃ viśiṣyate
//
[[iti śrī-gheraṇḍa-saṃhitāyāṃ gheraṇḍa-caṇḍa-saṃvāde ghata-stha-yoge sapta-sādhane dhyāna-yogo nāma ṣaṣṭho1padeśaḥ //6// ]]
samādhiś ca paraṃ tattvaṃ
bahubhāgyena labhyate
guroḥ kṛpāprasādena
prāpyate gurubhaktitaḥ
//
samādhiś ca paraṃ tattvaṃ
bahu-bhāgyena labhyate
guroḥ kṛpā-prasādena
prāpyate guru-bhaktitaḥ
//
vidyāpratītiḥ svagurupratītir $
ātmapratītir manasaḥ prabodhaḥ &
dine dine yasya bhavet sa yogī %
suśobhanābhyāsam upaiti sadyaḥ //
vidyā-pratītiḥ sva-guru-pratītir $
ātma-pratītir manasaḥ prabodhaḥ &
dine dine yasya bhavet sa yogī %
su-śobhana-abhyāsam upaiti sadyaḥ //
ghaṭād bhinnaṃ manaḥ kṛtvā
aikyaṃ kuryāt parātmani
samādhiṃ taṃ vijānīyān
muktasaṃjño daśādibhiḥ
//
ghaṭād bhinnaṃ manaḥ kṛtvā
aikyaṃ kuryāt para-ātmani
samādhiṃ taṃ vijānīyān
mukta-saṃjño daśā-ādibhiḥ
//
ahaṃ brahma na cānyo 'smi
brahmaivāhaṃ na śokabhāk
saccidānandarūpo 'haṃ
nityamuktaḥ svabhāvavān
//
ahaṃ brahma na ca anyo 'smi
brahma eva ahaṃ na śoka-bhāk
sac-cid-ānanda-rūpo 'haṃ
nitya-muktaḥ sva-bhāvavān
//
śāṃbhavyā caiva khecaryā
bhrāmaryā yonimudrayā
dhyānaṃ nādaṃ rasānandaṃ
layasiddhiś caturvidhā
//
śāṃbhavyā ca eva khe-caryā
bhrāmaryā yoni-mudrayā
dhyānaṃ nādaṃ rasa-ānandaṃ
laya-siddhiś catur-vidhā
//
pañcadhā bhaktiyogena
manomūrcchā ca ṣaḍvidhā
ṣaḍvidho 'yaṃ rājayogaḥ
pratyekam avadhārayet
//
pañcadhā bhakti-yogena
mano-mūrcchā ca ṣaḍ-vidhā
ṣaḍ-vidho 'yaṃ rāja-yogaḥ
praty-ekam avadhārayet
//
śāṃbhavīṃ mudrikāṃ kṛtvā
ātmapratyakṣam ānayet
bindu brahmamayaṃ dṛṣṭvā
manas tatra niyojayet
//
śāṃbhavīṃ mudrikāṃ kṛtvā
ātma-praty-akṣam ānayet
bindu brahmamayaṃ dṛṣṭvā
manas tatra niyojayet
//
khamadhye kuru cātmānam
ātmamadhye ca khaṃ kuru
ātmānaṃ khamayaṃ dṛṣṭvā
na kiṃcid api bādhyate
sadānandamayo bhūtvā
samādhistho bhaven naraḥ
//
kha-madhye kuru cā atmānam
ātma-madhye ca khaṃ kuru
ātmānaṃ khamayaṃ dṛṣṭvā
na kiṃ-cid api bādhyate
sad-ānandamayo bhūtvā
samādhi-stho bhaven naraḥ
//
khecarīmudrāsādhanād
rasanā ūrdhvagatā yadā
tadā samādhisiddhiḥ syād
dhitvā sādhāraṇakriyām
//
khe-carī-mudrā-sādhanād
rasanā ūrdhva-gatā yadā
tadā samādhi-siddhiḥ syād
dhitvā sādhāraṇa-kriyām
//
anilaṃ mandavegena
bhrāmarīkumbhakaṃ caret
mandaṃ mandaṃ recayed vāyuṃ
bhṛṅganādaṃ tato bhavet
//
anilaṃ manda-vegena
bhrāmarī-kumbhakaṃ caret
mandaṃ mandaṃ recayed vāyuṃ
bhṛṅga-nādaṃ tato bhavet
//
antaḥsthaṃ bhramarīnādaṃ
śrutvā tatra mano nayet
samādhir jāyate tatra
ānandaḥ so 'ham ity ataḥ
//
antaḥ-sthaṃ bhramarī-nādaṃ
śrutvā tatra mano nayet
samādhir jāyate tatra
ānandaḥ so 'ham ity ataḥ
//
yonimudrāṃ samāsādya
svayaṃ śaktimayo bhavet
suśṛṅgārarasenaiva
viharet paramātmani
//
yoni-mudrāṃ samāsādya
svayaṃ śaktimayo bhavet
su-śṛṅgāra-rasena eva
viharet parama-ātmani
//
ānandamayaḥ saṃbhūtvā
aikyaṃ brahmaṇi saṃbhavet
ahaṃ brahmeti cādvaitaṃ
samādhis tena jāyate
//
ānandamayaḥ saṃbhūtvā
aikyaṃ brahmaṇi saṃbhavet
ahaṃ brahmeti ca a-dvaitaṃ
samādhis tena jāyate
//
svakīyahṛdaye dhyāyed
iṣṭadevasvarūpakam
cintayed bhaktiyogena
paramāhlādapūrvakam
//
svakīya-hṛdaye dhyāyed
iṣṭa-deva-sva-rūpakam
cintayed bhakti-yogena
parama-āhlāda-pūrvakam
//
ānandāśrupulakena
daśābhāvaḥ prajāyate
samādhiḥ saṃbhavet tena
saṃbhavec ca manonmanī
//
ānanda-aśru-pulakena
daśā-a-bhāvaḥ prajāyate
samādhiḥ saṃbhavet tena
saṃbhavec ca mana-unmanī
//
manomūrcchāṃ samāsādya
mana ātmani yojayet
parātmanaḥ samāyogāt
samādhiṃ samavāpnuyāt
//
mano-mūrcchāṃ samāsādya
mana ātmani yojayet
para-ātmanaḥ samāyogāt
samādhiṃ samavāpnuyāt
//
iti te kathitaṃ caṇḍa
samādhir muktilakṣaṇam
rājayogaḥ samādhiḥ syād
ekātmany eva sādhanam
unmanī sahajāvasthā
sarve caikātmavācakāḥ
//
iti te kathitaṃ caṇḍa
samādhir mukti-lakṣaṇam
rāja-yogaḥ samādhiḥ syād
eka-ātmany eva sādhanam
unmanī saha-ja-avasthā
sarve ca eka-ātma-vācakāḥ
//
jale viṣṇuḥ sthale viṣṇur
viṣṇuḥ parvatamastake
jvālāmālākule viṣṇuḥ
sarvaṃ viṣṇumayaṃ jagat
//
jale viṣṇuḥ sthale viṣṇur
viṣṇuḥ parvata-mastake
jvālā-māla-ākule viṣṇuḥ
sarvaṃ viṣṇumayaṃ jagat
//
bhūcarāḥ khecarāś cāmī
yāvanto jīvajantavaḥ
vṛkṣagulmalatāvallī
tṛṇādyā vāri parvatāḥ
sarvaṃ brahma vijānīyāt
sarvaṃ paśyati cātmani
//
bhū-carāḥ khe-carāś ca amī
yāvanto jīva-jantavaḥ
vṛkṣa-gulma-latā-vallī
-tṛṇa-ādyā vāri parvatāḥ
sarvaṃ brahma vijānīyāt
sarvaṃ paśyati cā atmani
//
ātmā ghatasthacaitanyam
advaitaṃ śāśvataṃ param
ghaṭād bhinnataraṃ jñānaṃ
vītarāgaṃ vivāsanam
//
ātmā ghata-stha-caitanyam
a-dvaitaṃ śāśvataṃ param
ghaṭād bhinnataraṃ jñānaṃ
vīta-rāgaṃ vi-vāsanam
//
evaṃvidhiḥ samādhiḥ syāt
sarvasaṃkalpavarjitaḥ
svadehe putradārādi
bāndhaveṣu dhanādiṣu
sarveṣu nirmamo bhūtvā
samādhiṃ samavāpnuyāt
//
evaṃ-vidhiḥ samādhiḥ syāt
sarva-saṃkalpa-varjitaḥ
sva-dehe putra-dāra-ādi
-bāndhaveṣu dhana-ādiṣu
sarveṣu nir-mamo bhūtvā
samādhiṃ samavāpnuyāt
//
layāmṛtaṃ paraṃ tattvaṃ
śivoktaṃ vividhāni ca
teṣāṃ saṃkṣepam ādāya
kathitaṃ muktilakṣaṇam
//
laya-a-mṛtaṃ paraṃ tattvaṃ
śiva-uktaṃ vi-vidhāni ca
teṣāṃ saṃkṣepam ādāya
kathitaṃ mukti-lakṣaṇam
//
iti te kathitaś caṇḍa
samādhir durlabhaḥ paraḥ
yaṃ jñātvā na punarjanma
jāyate bhūmimaṇḍale
//
iti te kathitaś caṇḍa
samādhir dur-labhaḥ paraḥ
yaṃ jñātvā na punar-janma
jāyate bhūmi-maṇḍale
//
[[iti śrī-gheraṇḍa-saṃhitāyāṃ gheraṇḍa-caṇḍa-saṃvāde ghata-stha-yoga-sādhane yogasya sapta-sāre samādhi-yogo nāma saptamo1padeśaḥ samāptaḥ //7// ]]