[I. dānapāramitā]
śikṣā-samuccayaḥ |
dāna-pāramitā nāma prathamaḥ paricchedaḥ ||
namaḥ sarva-buddha-bodhi-satvebhyaḥ ||
yasya + a-śraveṇa naraka-ādi mahā-prapāta-dāha-ādi-duṣkham anubhūtam abhūd bhavadbhiḥ | tīvraṃ punaḥ punar an-antam a-śānta-cittais tac * chrotum ādaram udārataraṃ bhajadhvam ||
śrutvā ... pāpaṃ an-uddhata-ātmā pūrva-arjitaṃ ca vipulaṃ kṣapayaty a-śeṣam | a-prāpta-pūrvam api saukhyam avāpnuvanti hāniṃ sukhāc ca na kadā-cid api prayānti ||
sambodhi-satva-sukham uttamam a-kṣaya ... apy a-sama-saṃpadam āpnuvanti | tad dharma-ratnam ati-dur-labham apy a-labdhaṃ labdha-kṣaṇāḥ śṛṇvata sa-ādaram ucyamānam ||
āyāntu ca tri-bhuvana-eka-hitasya vākyaṃ śrotuṃ prasanna-manasaḥ sura-nāga-satvāḥ | gandharva-yakṣa-garuḍa-asura-kinnara-indrāḥ preta-ādayaḥ śravaṇa-jāta-tṛṣaḥ sa-harṣāḥ ||
su-gatān sa-sutān sa-dharma-kāyān praṇipatya + ādarato * akhilāṃś ca vandyān | su-gata-ātma-ja-samvara-avatāraṃ kathayiṣyāmi samuccita-artha-vākyaiḥ ||
na ca kiñ-cid a-pūrvam atra vācyaṃ na ca saṃgranthana-kauśalaṃ mama + asti | ata eva na me para-artha-yatnaḥ sva-mano bhāvayituṃ mama + idam iṣṭam ||
mama tāvad anena yāti vṛddhiṃ kuśalaṃ bhāvayituṃ prasāda-vegaḥ | yadi mat-sama-dhātur eva paśyed a-paro * apy enam ato * api sa-arthako * ayam ||
kṣaṇa-sampad iyaṃ su-dur-labhā pratilabdhā puruṣa-artha-sādhanī | yadi na + atra vicintyate hitaṃ punar apy eṣa samāgamaḥ kutaḥ ||
yathā + uktam ārya-gaṇḍa-vyūha-sūtre | ārya-jaya-uṣma-āyatana-vimokṣe ||
dur-labhā + aṣṭā-kṣaṇa-nirvṛttir dur-labho manuṣya-pratilambho dur-labhā kṣaṇa-saṃpat-viśuddhir dur-labho buddha-utpādo | dur-labhā + a-vikala-indriyatā | dur-labho buddha-dharma-śravo | dur-labhaṃ sat-puruṣa-samavadhānaṃ | dur-labhāni bhūta-kalyāṇa-mitrāṇi | dur-labho bhūta-naya-anuśāsany upasaṃhāraḥ | dur-labhaṃ samyag-jīvitaṃ | dur-labhaḥ sad-dharme tad-anukūlaḥ prayatno manuṣyalokae iti ||
tad evaṃ-vidhaṃ samāgamam āsādya saṃvṛti-parama-arthataḥ su-vidita-saṃsāra-duṣkhasya + upaśamana-sukha-abhilāṣiṇo buddha-gotra-anubhāvāt tu yasya mahāsatvasya + evaṃ pratyavekṣā + utpadyate ||
yadā mama pareṣāṃ ca bhayaṃ duṣkhaṃ ca na priyaṃ | tadā + ātmanaḥ ko viśeṣo yat taṃ rakṣāmi na + itaram | iti tena + ātmanaḥ satva-dhātoś ca ||
duṣkha-antaṃ karttu-kāmena sukha-antaṃ gantum icchatā | śraddhā-mūlaṃ dṛḍhī-kṛtya bodhau kāryā matir dṛḍhā ||
uktaṃ hi ratna-ulkā-dhāraṇyām ||
śraddhayamānu jinān jinadharmmān śraddhayate cari buddha-sutānām | bodhi anuttara śraddhayamāno jāyati cittaṃ mahā-puruṣāṇām ||
śraddha puro-gata-mātṛ-janetrī pālika-varddhika sarva-guṇānām | kāṃkṣa-vinodani ogha-pratāraṇi | śraddha-nidarśani kṣema-purasya ||
śraddha an-āvila-citta-prasādo māna-vivarjita-gaurava-mūlā | śraddha nidhāna-dhanaṃ caraṇa-agraṃ pāṇi yathā śubha-saṃgraha-mūlam ||
śraddha pramoda-karī parityāge | śraddha praharṣa-karī jina-dharmme | śraddha viśeṣa-karī guṇa-jñāne | daiśika prāpaṇi buddha-gatī ye ||
indriya-tīkṣṇa-prabhāsvaratāyai | śraddha-balaṃ a-vimardanatāyai | niśraya-kleśa-adharṣikatāyai | aiṣikā śraddha svayaṃ-bhu-guṇānām ||
śraddha a-saṅgata-saṅga-sukheṣu a-kṣaṇa-varjita eka-kṣaṇa-agram | śraddha atikramu māra-pathasya | darśika uttama-mokṣa-pathasya ||
vījam a-pūtiku hetu-guṇānāṃ | śraddha virohaṇi bodhi-drumasya | varddhani jñāna-viśeṣa-sukhānāṃ | śraddha nidarśika sarva-jinānāṃ ||
ye sada śraddha sa-gaurava-buddhe | te tu na śīla na śikṣa tyajanti | ye tu na śīla na śikṣa tyajantī | te guṇavāṃ stutaye
[doubtful]
guṇavantaḥ ||
ye sada śraddha sa-gaurava-dharmme | te jina-dharmma a-tṛpta-śṛṇontī
[doubtful]
||
ye jina-dharmm a-tṛpta-śṛṇontī | teṣv adhimukti a-cintiya-dharmme ||
ye sada śraddha sa-gaurava-saṃghe | te a-vivarttika saṃgha-prasannāḥ ||
ye a-vivarttika saṃgha-prasannās te a-vivarttika śraddha-balātaḥ | ye a-vivarttika śraddha-balāto | indriya-tīkṣṇa-prabhāsvara teṣām ||
indriya-tīkṣṇa-prabhāsvara yeṣām tehi vivarjita pāpaka-mitrāḥ | yehi vivarjita pāpaka-mitrāḥ dhārmmika-mitra-parigraha teṣām ||
dhārmika-mitra-parigraha yeṣām | te vipulaṃ kuśala + upacinvanti | ye vipulaṃ kuśala + upacinontī hetu-bala-upagatāya mahā-ātmā ||
hetu-bala-upagatāya mahā-ātmā | teṣa udāra-dhimukti-viśeṣāḥ | yeṣa udāra-dhimukti-viśeṣās te sadā + adhiṣṭhita sarva-jinebhiḥ ||
ye sadā + adhiṣṭhita sarva-jinebhis teṣu + upapadyati bodhayi cittam | yeṣu + upapadyati bodhayi cittaṃ te abhiyukta maha-rṣi-guṇeṣu ||
ye abhiyukta maha-rṣi-guṇeṣu jātaya-buddha-kule anujātāḥ | jātaya buddha-kule anujātās te samayoga a-yoga-vimuktāḥ ||
ye samayoga a-yoga-vimuktāḥ | āśaya teṣa prasāda-viśuddhaḥ ||
āśayu yeṣa prasāda-viśuddhaḥ teṣa adhyāśayu uttama-śreṣṭhaḥ | yeṣa adhyāśayu uttama-śreṣṭhas te sada pāramitāsu caranti ||
ye sada pāramitāsu carantī te pratipanna iho maha-yāne | ye pratipanna iho maha-yāne te pratipattitu pūjayi buddhān ||
ye pratipattitu pūjayi buddhān teṣu anusmṛti buddha a-bhedyā | yeṣu anusmṛti buddha a-bhedyā | te sada paśyiya cintiya buddhān ||
ye sada paśyiya cintiya buddhān | teṣa na jātu na tiṣṭhati buddhaḥ ||
yeṣa na jātu na tiṣṭhati buddhaḥ teṣa na jātu rahāyati dharmmaḥ | yeṣa na jātu rahāyati dharmaḥ te sada dhiṣṭhita sarva-jinebhir | ity-ādi-śraddhā-mūlo guṇa-vistaro * an-antas tatra + uktaḥ | tat parisamāpya saṃkṣepataḥ punar āha | dur-llabha-satva-pṛthag-jana-kāyā | ye imi śraddadhi īdṛśi dharmmān | ye tu śubha-upacitāḥ kṛta-puṇyās te imi śraddadhi hetu-balena ||
yo daśa-kṣetra-raja-upama-satvān kalpam upasthihi sarva-sukhena | na + uta tu tādṛśu puṇya-viśeṣo yādṛśa śraddadhato imi dharmmān ||
iti | tathā + ārya-daśa-dharma-sūtre * api deśitaṃ ||
śraddhā hi paramaṃ yānaṃ yena niryānti nāyakāḥ | tasmād buddha-anuśāritvaṃ bhajeta matimān naraḥ ||
a-śrāddhasya manuṣyasya śuklo dharmo na rohati | vījānām agni-dagdhānām aṅkuro harito yathā ||
iti | ata eva + ārya-lalita-vistara-sūtre prativeditaṃ | śraddhāyām ānanda yogaḥ karaṇīya idaṃ tathā-gato vijñapayati + iti ||
tathā siṃha-paripṛcchāyāṃ | śraddhayā | kṣaṇam a-kṣaṇaṃ varjayati ity uktam ||
tad evaṃ | śraddhā-mūlaṃ dṛḍhī-kṛtya bodhi-cittaṃ dṛḍhaṃ kartavyaṃ sarva-puṇya-saṃgrahatvāt tad yathā + ārya-siṃha-paripṛcchāyāṃ | siṃhena rāja-kumāreṇa bhagavān pṛṣtaḥ ||
saṃgrahaḥ sarva-dharmāṇāṃ | karmaṇā kena jāyate | priyaś ca bhoti satvānāṃ yatra yatra + upapadyate ||
bhagavān āha | sarva-satva-pramokṣāya cittaṃ bodhāya nāmayet | eṣa saṃgraha dharmāṇāṃ bhavate tena ca priyaḥ ||
iti | tathā + ārya-gaṇḍa-vyūha-sūtre * api varṇitaṃ | bodhi-cittaṃ hi kula-putra vīja-bhūtaṃ sarva-buddha-dharmāṇāṃ | kṣetra-bhūtaṃ sarva-jagac-chukla-dharma-virohaṇatayā | dharaṇi-bhūtaṃ sarva-loka-pratiśaraṇatayā yāvat pitṛ-bhūtaṃ sarva-bodhi-satva-ārakṣaṇatayā ||
peyālaṃ ||
vaiśravaṇa-bhūtaṃ sarva-dāridrya-saṃchedanatayā | cintā-maṇi-rāja-bhūtaṃ sarva-artha-saṃsādhanatayā | bhadra-ghaṭa-bhūtaṃ sarva-abhiprāya-paripūraṇatayā | śakti-bhūtaṃ kleśa-śatru-vijayāya | dharma-bhūtaṃ yoniśo manas-kāra-saṃchedanatayā | khaḍga-bhūtaṃ kleśa-śiraḥ-prapātanatayā | kuṭhāra-bhūtaṃ duṣkha-vṛkṣa-saṃchedanatayā | praharaṇa-bhūtaṃ sarva-upadrava-paritrāṇatayā | vaḍisa-bhūtaṃ saṃsāra-jala-cara-abhyuddharaṇatayā | vāta-maṇḍalī-bhūtaṃ sarva-āvaraṇa-nivaraṇa-tṛna-vikiraṇatayā | uddāna-bhūtaṃ sarva-bodhi-satva-caryā-praṇidhāna-saṃgrahaṇatayā | caitya-bhūtaṃ sa-deva-mānuṣa-asurasya lokasya | iti hi kula-putra bodhi-cittam ebhiś ca + anyaiś ca + a-pramāṇair guṇa-viśeṣaiḥ samanvāgatam iti ||
kathaṃ punar jñāyate | pṛthag-janasya + api bodhi-cittam utpadyate | na vāṅ-mātram etad iti | an-eka-sūtra-anta-darśanāt ||
yathā tāvad ārya-vimalakīrtti-nirdeśe nirdiṣṭaṃ | sumeru-samāṃ sat-kāya-dṛṣṭim utpādya bodhi-cittam utpadyate | tataś ca buddha-dharmā virohanti + iti ||
ratna-karaṇḍa-sūtrāc ca pṛthag-jano * api bodhi-satva iti jñāyate ||
yathā + uktaṃ | tad yathā + api nāma mañjuśrīḥ aṇḍa-koṣa-prakṣipto * api kalaviṅka-poto | a-saṃbhinna-aṇḍa a-niśkrāntaḥ koṣāt kalaviṅka-rutam eva muñcati ||
evam eva mañjuśrīḥ a-vidyā-aṇḍa-koṣa-prakṣipto * api bodhi-satvo | a-saṃbhinna-ātma-dṛṣṭir a-niṣkrāntas traidhātukād buddha-rutam eva muñcati | yad idaṃ śūnyatā-nimitta-a-praṇihita-rutam eva ||
sarva-dharma-pravṛtti-nirdeśe * api kathitaṃ | jayamateś ca bodhi-satvasya pṛthivī vidāram adāt | sa kāla-gato mahā-nirayaṃ prāpatad iti | sa hi śūnyatāṃ na + adhimuktavān śūnyatā-vādini ca pratighaṃ kṛtavān ||
niyata-a-niyata-avatāra-mudrā-sūtre * apy ākhyātaṃ ||
katamaḥ paśu-ratha-gatiko bodhi-satvaḥ | tad yathā | kaś-cit puruṣaḥ pañca-buddha-kṣetra-parama-aṇu-rajaḥ-samān loka-dhātūn abhikramitu-kāmaḥ syāt | sa paśu-ratham abhiruhya mārgaṃ pratipadyate sa cireṇa dīrgheṇa + adhvanā yojana-śataṃ gacchet | sa tatra mahatyā vāta-maṇḍalyā paścāt khalu punar aśītiṃ yojana-sahasrāṇi pratyākṛṣya pratyudāvartya + iti | tat kiṃ śaknuyāt sa puruṣas tān loka-dhātūn paśu-rathena + atikramitum | yāvad an-abhilāpya-an-abhilāpyair api kalpair ekam api loka-dhātum atikramitum | āha | na + u hi + idaṃ bhagavan | bhagavān āha | evam eva mañjuśrīḥ yaḥ kaś-cid bodhi-cittam utpādya mahā-yānaṃ | na dhārayati | na paṭhati | śrāvaka-yānīyān sevate | taiś ca sārddhaṃ saṃstavaṃ karoti | śrāvaka-yānaṃ ca paṭhati sva-adhyāyati mīmāṃsate paribudhyate * arthāṃś ca pāṭhayati yāvad bodhayati | sa tena dhanva-prajño bhavati so * an-uttara-jñāna-mārgāt pratyākṛṣyate pratyudāvarttyate | yad api tasya bodhi-satvasya bodhi-bhāvanā + ataḥ prajñā-indriyaṃ prajñā-cakṣuḥ tad api tasya dhanvī-kriyate pratihanyate | śrayaṃ paśu-ratha-gatiko bodhi-satva iti ||
tad evam eṣā śūnyatā-an-adhimuktir mahā-yāna-an-abhiratiś ca + a-saṃpūrṇa-adhimukti-citta-caryasya + api prāyo na saṃdṛśyate | prāg eva + adhimātra-adhimukti-caryasya bodhi-satvasya | sa hi ratna-meghe | sarva-bāla-carita-vipatti-samatikrāntaḥ paṭhyate a-saṃkhyeya-samādhi-dhāraṇī-vimokṣa-abhijñā-vidyā-vikrīdito | an-anta-dharma-ārāma-rati-nir-āmiṣa-a-para-anta-kalpa-koṭy-an-ābhoga-nir-vikalpa-prīti-vega-āloka-pratilabdhaś ca + a-prameya-kalpa-koṭī-niyuta-śata-sahasra-parama-mahā-yāna-prasthāna-vicitra-bhāvanā-saṃpūrṇa para-artha-pratipatti-niryāṇa puṇya-jñāna-saṃbhāra-abhinihāra-abhinirvṛttiḥ pūrva-yoga-śata-sahasra-samṛddhaś ca paṭhyate | atha + etan neya-arthaṃ | kasmād anye bodhi-citta-utpādakā asyāṃ bhūmau na + iṣyante | na ca + atra + icchayā kiñ-cid viśeṣa-cihnaṃ nīta-arthaṃ karttuṃ labhyate | adhimātra-adhimukti-caryā + a-dharmatā vacanāc ca gamyate | yathā madhya-mṛdu-prakārā + apy adhimukti-caryā + asty eva + iti ||
asya punas tathā-gata-guhya-sūtrasya ko * abhiprāyo | yad uktaṃ | kasya bhagavan bodhi-citta-utpādaḥ | āha | yasya mahā-rāja + adhyāśayo * a-vikopitaḥ | āha | kasya bhagavann adhyāśayo * a-vikopitaḥ | āha | yasya mahā-rāja mahā-karuṇā-utpādaḥ | āha | kasya bhagavan mahā-karuṇā-utpādaḥ | āha | yasya mahā-rāja sarva-satva-a-parityāgaḥ | āha | kathaṃ bhagavan satvā a-parityaktā bhavanti | āha | yadā mahā-rāja + ātma-saukhyaṃ parityaktaṃ bhavati + iti | bodhi-citta-mātra-a-santuṣṭānāṃ karuṇā-abhilāṣa-saṃjana-artham idam uktaṃ | yathā na te tathā-gata-śāsane pravrajitā yeṣāṃ na + asti tyāga iti | evam iha + anya-bodhi-citta-nindā draṣṭavyā na tu bodhi-cittam anyathā na + utpadyatae eva ||
yathā daśa-dharmaka-sūtre deśitaṃ | iha kula-putra bodhi-satvo gotra-sthaḥ sann an-utpādita-bodhi-cittaḥ tathā-gatena vā tathā-gata-śrāvakeṇa vā saṃcodyamānaḥ saṃvedyamānaḥ samādāpyamāno * an-uttarāyāṃ samyak-sambodhau bodhi-cittam utpādayati + idaṃ prathamaṃ kāraṇaṃ bodhi-citta-utpādāya | saṃbodher vā bodhi-cittasya vā varṇaṃ bhāṣyamāṇaṃ śrutvā + an-uttarāyāṃ samyak-saṃbodhau cittam utpādayati + idaṃ dvitīyaṃ kāraṇaṃ | sa satvā ... n-a-śaraṇān a-dvīpān dṛṣṭvā kāruṇya-cittam upasthāpya yāvad an-uttarāyāṃ samyak-sambodhau cittam utpādayati + idaṃ tṛtīyaṃ kāraṇaṃ bodhi-citta-utpādāya | sa tathā-gatasya sarva-ākāra-paripūrṇatāṃ dṛṣṭvā prītim utpādya an-uttarāyāṃ samyak-saṃbodhau cittam utpādayati + idaṃ caturthaṃ kāraṇam iti | tac ca bodhi-cittaṃ dvi-vidhaṃ bodhi-praṇidhi-cittaṃ ca bodhi-prasthāna cittaṃ ca | yathā + ārya-gaṇḍa-vyūha-sūtre bhāṣitaṃ | dur-labhāḥ kula-putra te satvāḥ sarva-loke ye * an-uttarasyāṃ samyak-saṃbodhau cittaṃ praṇidadhati | tato * api dur-labhatamās te satvā ye * an-uttarāṃ samyak-saṃbodhim abhisaṃprasthitā iti | tatra bodhi-praṇidhi-cittaṃ | mayā buddhena bhavitavyam iti cittaṃ praṇidhānād utpannaṃ bhavati | śūraṅgama-sūtre * api | śāṭhya-utpāditasya + api bodhi-cittasya buddhatva-hetutva-abhidhānāt | kaḥ punar vādaḥ kiñ-cid eva kuśalaṃ kṛtvā | yathā + uktaṃ bhadra-kalpika-sūtre | ghoṣadatto nāma tathā-gato yatra nakṣatrarājena tathā-gatena prathamaṃ bodhi-cittam utpāditaṃ tāmbūla-patraṃ dattvā gopālaka-bhūtena | evaṃ vidyutpradīpo nāma tathāgato yatra yaśasā tathāgatena prathamaṃ bodhi-cittam utpāditaṃ daśikāṃ dattvā tantra-vāya-bhūtena | evam anantaprabho nāma tathā-gato yatra + arciṣmatā tathā-gatena prathamaṃ bodhi-cittam utpāditaṃ tṛṇa-pradīpaṃ dattvā nagara-avalambaka-bhūtena | evaṃ dṛḍhavikramo nāma tathā-gato yatra duṣpradharṣeṇa tathā-gatena prathamaṃ bodhicittam utpāditaṃ datta-kāṣṭhaṃ dattvā kāṣṭha-hāraka-bhūtena + ity ādi ||
caryā-a-vikale * api ca bodhi-citte na + avamanyatā karttavyā | tasya + apy an-anta-saṃsāra-sukha-prasavanatvāt | yathā + ārya-maitreya-vimokṣe varṇitaṃ | tad yathā + api nāma kula-putra cittam api vajra-ratnaṃ sarva-prativiśiṣṭaṃ suvarṇa-alaṃ-kāram abhibhavati | vajra-ratna-nāma ca na vijahāti | sarva-dāridryaṃ vinivarttayati | evam eva kula-putra + āśaya-pratipatti-bhinnam api sarva-jñatā-citta-utpāda-vajra-ratnaṃ sarva-śrāvaka-praty-eka-buddha-guṇa-suvarṇa-alaṃ-kāram abhibhavati bodhi-sattva-nāma ca na vijahāti | sarva-saṃsāra-dāridryaṃ vinivarttayati + iti | itaś ca vinā + api caryayā bodhi-cittam upakārakam iti jñātavyaṃ | yena + a-para-rāja-avavādaka-sūtre kathitaṃ | yasmāc ca tvaṃ mahā-rāja bahu-kṛtyo bahu-karaṇīyaḥ | a-sahaḥ sarveṇa sarvaḥ sarvathā sarvaṃ sarvadā dāna-pāramitāyāṃ śikṣituṃ | evaṃ yāvat prajñā-pāramitāyāṃ śikṣituṃ | tasmāt tarhi tvaṃ mahā-rāja evam eva samyak-sambodhi-chandaṃ śraddhāṃ tra ... praṇidhiṃ ca gacchann api tiṣṭhann api niṣaṇṇo * api śayāno * api jāgrad api bhuñjāno * api | pivann api | satata-samitam anusmara | manasi-kuru bhāvaya | sarva-buddha-bodhi-satva-praty-eka-buddha-ārya-śrāvaka-pṛthag-j anānām ātmanaś ca + atīta-an-āgata-pratyutpannāni sarva-kuśala-mūlāny abhisaṃkṣipya tulayitvā piṇḍayitvā + anumodasva + agrayā anumodanayā yāvad ākāśa-samatayā nirvāṇa-samatayā + anumodasva + anumodya ca sarva-buddha-bodhi-satva-praty-eka-buddha-ārya-śrāvakāṇāṃ pūjā-karmaṇe niryātaya | niryātya ca sarva-satva-sādhāraṇāni kuru | tataḥ sarva-satvānāṃ yāvat sarva-jñāta-pratilambhāya sarva-buddha-dharma-paripūraṇāya dine dine traikālyam an-uttarāyāṃ samyak-saṃbodhau pariṇāmaya evaṃ khalu tvaṃ mahā-rāja pratipannaḥ san rājyaṃ kārayiṣyasi rājya-kṛtyāni ca na hāyayiṣyasi bodhi-saṃbhārāṃś ca pari-pūrayiṣyasi + iti ||
atra + eva ca + asya vipāka uktaḥ | sa khalu punas tvaṃ mahā-rāja tasya samyak-saṃbodhi-citta-kuśala-mūla-karmaṇo vipākena + an-eka-śata-kṛtvo deveṣu + upapanno * abhūḥ | an-eka-śata-kṛtvo manuṣyeṣu + upapanno * abhūḥ | sarvāsu ca deva-manuṣya-upapattiṣv ādhipatyam eva kārayasi | na ca tāvat tava mahā-rāja tasya samyak-saṃbodhi-cittasya kuśala-karmaṇa ūnatvaṃ vā + a-pūrṇatvaṃ vā prajñāyate | api ca mahā-rāja ekam api samyak-saṃbodhi-cittaṃ sarva-sattva-uttāraṇa-ārambaṇatvāt sarva-satva-āmocana-ārambaṇatvāt sarva-satva-samāśvāsana-ārambaṇatvāt sarva-satva-parinirvāṇa-ārambaṇatvād a-prameya-a-saṃkhyeya-kuśala-upacayam | kaḥ punar vādo ya evaṃ bahulī-karoti + iti ||
etac ca bodhi-cittaṃ rūpa-kāya-darśana-utpannaṃ | tatra pūrva-avadāne paṭhyate | evaṃ tāvat praṇidhi-bodhi-cittaṃ veditavyaṃ | idaṃ tu vaktavyaṃ kim a-bhūmi-praviṣṭhasya + api bodhi-satva-samvara-adhikāro * asti na vā + iti | asti + iti veditavyaṃ ākāśa-garbha-sūtre lābha-sat-kāra-arthaṃ mūla-āpatti-śravaṇāt | daśa-bhūmika-sūtre tu prathamāyāṃ bhūmau darśitaṃ | na ca kañ-cit sat-kārāṃ kasya-cit sakāśāt pratikāṃkṣaty anyatra mayā + eva + eṣāṃ sarva-satvānāṃ sarva-upakaraṇa-bāhulyam upanāmayitavyam iti | tathā ca + āha | pramuditāyāṃ bodhi-satva-bhūmau su-vyavasthito bhavaty a-calana-yoge ... ti | punaś ca + uktaṃ | tathā-gata-vaṃśa-niyato bhavati saṃbodhi-parāyaṇa iti | ākāśa-garbha-sūtre tv āha | śrāvaka-yānam eva + asya na bhavati prāg eva mahā-yānam iti | tathā + ārya-ugra-paripṛcchāyāṃ mātsarya-paryavanaddhasya + api śikṣā-padāni prajñaptāni | pramuditāyāṃ tu paṭhyate | ātma-saṃjñā-apagamāc ca + asya + ātma-sneho na bhavati | kutaḥ | punaḥ sarva-upakaraṇa-sneha iti | tathā mastaka-ādi-dānam apy atra + asya + uktaṃ ||
evam ādi sūtreṣu bhūmi-praviṣṭasya + api śikṣā-prajñaptir dṛśyate | yatra vā + a-sāmānyena bodhi-satvam adhikṛtya + upadeśas tatra + abhyāsa-yogyatayā pratiṣedha-vākyena vā + ādi-karmika-bodhi-satvena na śikṣitavyaṃ bhaved etat | ubhaya-a-saṃbhave tu sarvatra śikṣitavyaṃ | tatra + apy ekasyāṃ śikṣāyāṃ śikṣaṇāyām a-śaktasya + itara-śikṣā-an-abhyāsādana-āpattiḥ ||
ārya-akṣayamati-sūtre * apy evam avocat | dāna-kāle śīla-upasaṃhārasya + apekṣā + iti vistaraḥ | na ca + atra śithilena bhavitavyaṃ na ca śeṣāsu na samudāgacchati | yathā-balaṃ yathā-bhajamānam iti daśa-bhūmika-sūtre vacanāt | ayaṃ ca saṃvaraḥ strīṇām api mṛdu-kleśānāṃ bodhy-abhilāṣa-cittānāṃ labhyate | uktaṃ hi bodhi-satva-prātimokṣe | caturbhiḥ śāriputra dharmaiḥ samanvāgatāḥ bodhi-satvāḥ satya-vādino bhavanti + ity ārabhya + āha | iha śāriputra kula-putro vā kula-duhitā vā + an-uttarāyāṃ samyak-saṃbodhau cittam utpādya + ārabdha-vīryo viharati kuśala-dharma-paryeṣaṇāya + ity ārabhya sarva upadeśaḥ ||
saṃvara-grahaṇaṃ ca bodhi-satva-śikṣā-pada-abhyāsa-paramasya sāṃvarikasya + antikāt kartavyaṃ | evaṃ hy asya śikṣā-atikrame tīvram apatrāpyaṃ guru-visaṃvādana-bhayaṃ ca + utpadyate | tatra ca + an-ābhogataḥ prema-gaurava-siddhir ity eṣa sāmānya-saṃvara-dharmaḥ | ata eva bodhi-satvāḥ tathā-gatānāṃ purataḥ śikṣāṇām anyatama-śikṣā-niṣpatti-kāmāḥ samādānaṃ kurvanti | tasya ca kalyāṇa-mitrasya + a-bhāve daśa-dig-avasthita-buddha-bodhi-satva-abhimukhī-bhāva-bhāvanayā saṃvaro grāhyaḥ saṃvaram ātma-balaṃ ca tulayitvā | anyathā tu sarva-buddha-bodhi-satvāḥ sa-devakaś ca loko visaṃvāditaḥ syāt | sad-dharma-smṛty-upasthāna-sūtre hi kiñ-cin mātraṃ cintayitvā + apy a-dadataḥ preta-gatir uktā pratijñātaṃ ca + a-dadato naraka-gatiḥ | kiṃ punar an-uttaram artham a-khilasya jagataḥ pratijñāya + a-saṃpādayataḥ | ata eva + uktaṃ dharma-saṃgīti-sūtre | satya-gurukeṇa kula-putra bodhi-satvena bhavitavyaṃ | satya-saṃgītiḥ kula-putra dharma-saṃgītiḥ | tatra kula-putra katamat satyaṃ yad bodhi-satvo * an-uttarāyāṃ samyak-saṃbodhau cittam utpādya tac cittaṃ jīvita-hetor api na parityajati na satveṣu vipratipadyate | idaṃ bodhi-satvasya satyaṃ ||
yat punar bodhi-satvo * an-uttarāyāṃ samyak-saṃbodhau cittam utpādya paścāt tac cittaṃ parityajati satveṣu vipratipadyate * ayaṃ bodhi-satvasya pratikṛṣṭo mṛṣā-vāda iti | ārya-sāgaramati-sūtre * api deśitaṃ | syād yathā + api nāma sāgaramate rājā vā rāja-mātro vā sarvaṃ nāgarakaṃ janaṃ śvo bhaktena + upanimantrya + upekṣako bhaven na + anna-pānaṃ samudānayet satyaṃ sarva-jana-kāyaṃ visaṃvādayet | tatra te * anna-pāna-bhojanam a-labhamānā uccagghantaḥ prakrāmeyuḥ | evam eva sāgaramate yo bodhi-satvaḥ sarva-satvān āśvāsya + a-tīrṇa-tāraṇāya + a-mukta-mocanāya + an-āśvasta-āśvāsanāya yāvan na bāhuśrutye * abhiyogaṃ karoti na + api tato * anyeṣu bodhi-pakṣya-kuśala-mūleṣu dharmeṣu | ayaṃ bodhi-satvo visaṃvādayati sa-devakaṃ lokaṃ | evaṃ ca taṃ pūrva-buddha-darśinyo devatā uccagghanti vivādayanti | dur-labhās te yajña-svāmino ye mahā-yajñaṃ pratijñāya + uttārayanti | tasmāt tarhi sāgaramate na sā bodhi-satvena vāg bhāṣitavyā yayā sa-deva-mānuṣa-asuraṃ lokaṃ visaṃvādayet ||
punar a-paraṃ sāgaramate bodhi-satvaḥ kena-cid eva + adhīṣṭo bhavati dharmeṣv artha-karaṇīyeṣu | tatra bodhi-satvena vāg bhāṣitā bhavati yāvad ātma-parityāgo * api bodhi-satvena kartavyo bhavet tatra na punaḥ sa satvo visaṃvādayitavya iti | tasmāt sva-bala-anurūpeṇa + ekam api kuśala-mūlaṃ samādāya rakṣitavyaṃ | yathā + uktam ārya-kṣitigarbha-sūtre | ebhir daśabhiḥ kuśalaiḥ karma-pathair buddhatvaṃ | na punar yo * antaśa ekam api yāvaj-jīvaṃ kuśalaṃ karma-pathaṃ na rakṣati atha ca punar evaṃ vadati | ahaṃ mahā-yāniko * ahaṃ ca + an-uttarāṃ samyak-saṃbodhiṃ paryeṣāmi + iti | sa pudgalaḥ parama-kuhako mahā-mṛṣā-vādikaḥ sarveṣāṃ buddhānāṃ bhagavatāṃ purato visaṃvādako lokasya + uccheda-vādī sa mūḍhaḥ kālaṃ kurute vinipāta-gāmī bhavati + iti | yāvat kālaṃ ca śaknoti tāvat kālaṃ kuśalaṃ samādāya vartitavyaṃ ||
etac ca bhaiṣajya-guru-vaiḍūrya-prabha-sūtre draṣṭavyaṃ | yas tu mahā-satva evaṃ śrutvā + api bodhi-satva-caryā-duṣ-karatām api prajñayā + avagāhya + utsahatae eva sakala-duṣkhita-jana-paritrāṇa-dhuram avavoḍhuṃ tena vandana-pūjana-pāpa-deśana-puṇya-anumodana-buddha-adhyeṣaṇa-yācana-bodhi-pariṇāmanaṃ kṛtvā kalyāṇa-mitram abhyetya tad-ukta-anuvādena svayaṃ vā vaktavyaṃ | samanvāhara + ācārya + aham evaṃ nāma + ity uktvā | yathā + ārya-mañjuśrī-buddha-kṣetra-guṇa-vyūha-alaṅ-kāra-sūtre bhagavatā mañjuśriyā pūrva-janma-avadāne caryā-upetaṃ bodhi-cittam utpāditaṃ tathā + utpādayitavyaṃ | evaṃ hi tena + uktaṃ ||
yāvatī prathamā koṭiḥ saṃsārasya + anta-varjitā | tāvat satva-hita-arthāya cariṣyāmy a-mitāṃ carim ||
utpādayāma saṃbodhau cittaṃ nāthasya saṃmukham | nimantraye jagat sarvaṃ dāridryān mocitā + asmi tat ||
vyāpāda-khila-cittaṃ vā īrṣyā-mātsaryam eva vā | adya + agre na kariṣyāmi bodhiṃ prāpsyāmi yāvatā | brahma-caryaṃ cariṣyāmi kāmāṃs tyakṣyāmi pāpakān ||
buddhānām anuśikṣiṣye śīla-saṃvara-saṃyame | na + ahaṃ tvarita-rūpeṇa bodhiṃ prāptum iha + utsahe ||
para-anta-koṭiṃ sthāsyāmi satvasya + ekasya kāraṇāt | kṣetraṃ viśodhayiṣyāmi a-prameyam a-cintiyam ||
nāma-dheyaṃ kariṣyāmi daśa dikṣu ca viśrutaṃ | kāya-vāk-karmaṇī ca + ahaṃ śodhayiṣyāmi sarvaśaḥ ||
śodhayiṣye manas-karma karma karttā + asmi na + a-śubham | iti ||
na ca + atra sārvakālikāt saṃvara-grahaṇāj janma-antara-āpatti-śaṅkā kartavyā + atra + eva sūtre * a-kṣobhya-praṇidhāna-anujñānād evaṃ hy uktaṃ | yathā tena + a-kṣobhyeṇa tathā-gatena pūrvaṃ bodhi-satva-bhūtena + evaṃ vāg bhāṣitā | visaṃvāditā me buddhā bhagavanto bhaveyur yadi sarvasyāṃ jātau na pravrajeyam iti | ekā jātiḥ prayatnena saṃśodhyā vibudha-ātmanā | anyās tu jātīr ā-bodheḥ sa + eva saṃśodhayiṣyati + ity ukteḥ ||
evaṃ śāriputra bodhi-satvena a-kṣobhyasya tathā-gatasya anuśikṣitavyaṃ | evaṃ śikṣamāṇaḥ śāriputra bodhi-satvo mahā-satvaḥ sarvasyāṃ jātau pravrajaty utpādād vā tathā-gatānām an-utpādād vā + a-vaśyaṃ gṛha-āvāsān niṣkrāmati | tat kasya hetoḥ | paramo hy ayaṃ śāriputra lābho yad uta gṛha-āvāsān niṣkramaṇam iti | yāvat | bhāryā-putra-duhitṛ-tṛṣṇā ca + asya na bhavati + iti | yathā janma-antareṣv ayaṃ doṣo na bhavati tathā + atra + eva vakṣyamāṇam ity āstāṃ tāvad etat ||
tad evaṃ samātta-saṃvarasya sāmānyam āpatti-lakṣaṇam ucyate | yena + āpatti-lakṣaṇena yuktaṃ vastu svayam apy utprekṣya pariharen na ca + āpatti-pratirūpakeṣv an-āpatti-pratirūpakeṣu ca saṃmuhyeta | bodhi-satvaḥ sarva-satvānāṃ varttamāna-an-āgata-sarva-duṣkha-daurmanasya + upaśamāya varttamāna-an-āgata-sukha-saumanasya + utpādāya ca niḥ-śāṭhyataḥ kāya-vāṅ-manaḥ-parākramaiḥ prayatnaṃ karoti | yadi tu tat-pratyaya-sāmagrīṃ na + anveṣate tad-an-antarāya pratikārāya na ghaṭate alpa-duṣkha-daurmanasyaṃ bahu-duṣkha-daurmanasya-pratikāra-bhūtaṃ na + utpādayati | mahā-artha-siddhy-arthaṃ ca + alpa-artha-hāniṃ na karoti kṣaṇam apy upekṣate | sa-āpattiko bhavati | saṃkṣepato * an-āpattiḥ sva-śakty-a-viśayeṣu kāryeṣu tatra niṣ-phalatayā śikṣyā-prajñapty-a-bhāvāt | prakṛti-sa-avadyatayā tv anyad gṛhyatae eva | yatra sva-śaktya-gocare * api tyāga-sāmarthyād āpattiḥ syāt tan na cintyaṃ | sāmānya-pāpa-deśanā na ... vāt tu tato muktiḥ ||
etat samāsato bodhi-satva-śikṣā-śarīraṃ | vistaratas tv a-pramāṇa-kalpa-a-paryavasāna-nirdeśaṃ | atha-vā saṃkṣepato dve bodhi-satvasya + āpattī | yathā śakti-yukta-a-yuktam a-samīkṣya + ārabhate | nivṛttaḥ samīkṣate sa-āpattiko bhavati | nirūpya yathā-arham atikrāmaty antaśaś caṇḍāla-dāsena + api coditaḥ sa-āpattiko bhavati | kutaḥ ||
etad adhyāśaya-saṃcodana-sūtre vacanāt | api tu maitreya caturbhiḥ kāraṇaiḥ pratibhānaṃ sarva-buddha-bhāṣi ... bhiḥ | iha maitreya pratibhānaṃ satya-upasaṃhitaṃ bhavati | na + a-satya-upasaṃhitaṃ dharma-upasaṃhitaṃ bhavati na a-dharma-upasaṃhitaṃ | kleśa-hāyakaṃ bhavati na kleśa-vivarddhakaṃ | nirvāṇa-guṇa-anuśaṃsa-sandarśakaṃ bhavati na saṃsāra-guṇa-anuśaṃsa-sandarśakaṃ | ebhiś caturbhiḥ peyālaṃ | yasya kasya-cin maitreya ebhiś caturbhiḥ kāraṇaiḥ pratibhānaṃ pratibhāti pratibhāsyati vā | tatra śrāddhaiḥ kula-putraiḥ kula-duhitṛbhir vā buddha-saṃjñā + utpādayitavyā śāstṛ-saṃjñāṃ kṛtvā | sa dharmaḥ śrotavyaḥ | tat kasya hetoḥ | yat kiñ-cin maitreya su-bhāṣitaṃ sarvaṃ tad buddha-bhāṣitaṃ | tatra maitreya ya imāni pratibhānāni pratikṣipen na + etāni buddha-bhāṣitāni + iti | teṣu ca + a-gauravam utpādayet pudgala-vidveṣeṇa tena sarva-buddha-bhāṣitaṃ pratibhānaṃ pratikṣiptaṃ bhavati | dharmaṃ pratikṣipya dharma-vyasana-saṃvartanīyena karmaṇā + apāya-gāmī bhavati ||
yaḥ punar etad abhyāsa-arthaṃ vyutpāditam icchati | tena + atra śikṣā-samuccaye tāvac caryā-mukha-mātra-śikṣaṇa-artham abhiyogaḥ karaṇīyaḥ śikṣā-ārambhasya + eva mahā-phalatvāt | yathā + uktaṃ praśānta-viniścaya-pratihārya-sūtre | yaś ca mañjuśrīr bodhi-satvo gaṅgā-nadī-vālikā-samebhyo buddhebhyaḥ praty-ekaṃ sarvebhyo gaṃgā-nadī-vālikā-samāni buddha-kṣetrāṇi vaśi-rāja-mahā-maṇi-ratna-pratipūrṇāni kṛtvā dahyād evaṃ dadaṅ gaṅgā-nadī-vālikā-samān kalpān dānaṃ dadyād | yo vā + anyo mañjuśrīr bodhisatva imān evaṃ-rūpān dharmān śrutvā eka-antena gatvā cittena + abhinirūpayed imeṣv evaṃ-rūpeṣu dharmeṣu śikṣiṣyāmi + iti | so * a-śikṣito * api mañjuśrīr bodhisatvo * asyāṃ śikṣyāyāṃ chandiko vatataraṃ puṇyaṃ prasavati | na tv eva tad dānam ayaṃ puṇya-kriyā-vastv iti | tasmād evam anuśaṃsa-darśinā bodhi-satvena na kathaṃ-cin nivarttitavyaṃ | yathā + atra + eva + āha | tatra mañjuśrīr ye tri-sāhasra-mahā-sāhasra-loka-dhātu-parama-aṇu-rajaḥ-samāḥ satva-s teṣām eka-ekaḥ satvo rājā bhavej jambū-dvīpa-adhipatis te sarvae evaṃ ghoṣayeyuḥ | yo mahā-yānam udgrahiṣyati dhārayiṣyati vācayiṣyati paryavāpsyati pravarttayiṣyati tasya nakha-chedena māsaṃ pañca-palikena divasena + avatārayiṣyāmaḥ taṃ ca + etena + apakrameṇa jīvitād vyaparopayiṣyāma iti | sacen mañjuśrīr bodhi-satva evam ucyamāno na + u trasyati na saṃtrāsam āpsyate * antaśa eka-citta-utpādena + api na bibheti na viṣīdati na vicikitsate | uttari ca sad-dharmma-parigraha-artham abhiyujyate pāṭha-sva-adhyāya-abhimukto viharati | ayaṃ mañjuśrīr bodhi-satvaś citta-śūro dāna-śūraḥ śīla-śūraḥ kṣānti-śūraḥ vīrya-śūraḥ dhyāna-śūraḥ prajñā-śūraḥ samādhi-śūraḥ iti vaktavyaḥ ||
sacen mañjuśrīr bodhi-satvaḥ teṣāṃ vadhaka-puruṣāṇāṃ na kupyati na ruṣyati na khila doṣa-cittam utpādayati | sa mañjuśrīr bodhi-satvo brahma-sama indra-samo * a-kampya iti ||
itaś ca + agrya-kāle śikṣā-ādaro mahā-phala-vipākaḥ | tathā hi candra-pradīpa-sūtre | buddhāna koṭīn a-yutān upasthihe | dattena pānena prasanna-cittaḥ | chatraiḥ patākābhi ca dīpa-mālaiḥ | kalpāna koṭyo yatha gaṅga-vālikāḥ ||
yaś ca + eva sad-dharme pralujyamāne | nirudhyamāne su-gatasya śāsane | rātriṃ divaṃ eka careya śikṣām | idan tataḥ puṇya-viśiṣṭa bhoti ||
tasmāt kartavyo * atra + ādaraḥ ||
uktāni ca sūtra-anteṣu bodhi-satva-śikṣā-padāni | yathā + uktam ārya-ratna-meghe | kathaṃ ca kula-putra bodhi-satvā bodhi-satva-śikṣā-saṃvara-saṃvṛtā bhavanti | iha bodhi-satvaḥ evaṃ vicārayati | na prātimokṣa-saṃvara-mātrakeṇa mayā śakyam an-uttarāṃ samyak-saṃbodhim abhisaṃboddhuṃ | kiṃ tarhi yāni + imāni tathā-gatena teṣu teṣu sūtra-anteṣu bodhi-satva-samudācārā | bodhi-satva-śikṣā-padāni prajñaptāni teṣu teṣu mayā śikṣitavyam iti vistaraḥ | tasmād asmad-vidhena manda-buddhinā dur-vijñeyo vistara-uktatvād bodhi-satvasya saṃvaraḥ | tataḥ kiṃ yuktaṃ ||
marma-sthānāny ato vidyād yena + an-āpattiko bhavet ||
katamāni ca tāni marma-sthānāni yāni hi sūtra-anteṣu mahā-yāna-abhiratānām arthāya + uktāni | yad uta | ātma-bhāvasya bhogānāṃ try-adhva-vṛtteḥ śubhasya ca | utsargaḥ sarva-satvebhyas tad-rakṣā śuddhi-vardhanam ||
eṣa bodhi-satva-saṃvara-saṃgrahaḥ | yatra bodhi-satvānām abhyāsa-viśrāme * apy āpattayo vyavasthāpyante ||
yathā + uktaṃ bodhi-satva-prātimokṣe | yo bodhi-satvena mārgaḥ parigṛhītaḥ sarva-satvānāṃ kṛtena duṣkham upagāmī | saced bodhi-satvasya taṃ mārgaṃ parigṛhya + avasthitasya + api kalpa-koṭer atyayena + ekaṃ sukha-cittam utpadyeta + antaśo niṣadya cittam api | tatra bodhi-satvena + evaṃ cittam utpādayitavyaṃ sarva-satvānām ātyayikaṃ parigṛhya + etad api me varjayan niṣīdāmi + iti | parigṛhyet tam
[doubtful]
| api mañjuśrīr āha ||
pañca + imāni deva-putra + ānantaryāṇi yair ānantaryaiḥ samanvāgatā bodhi-satvāḥ kṣipram an-uttarā-samyak-saṃbodhim abhisaṃbudhyate | katamāni pañca | yadā deva-putra bodhi-satvo * adhyāśayaty an-uttarāyāṃ samyak-saṃbodhau cittam utpādya na + antarā śravaka-praty-eka-buddha-bhūmau cittam utpādayati + idaṃ deva-putra prathamam ānantaryaṃ | sarvasva-parityāgitāyāṃ cittam utpādya na + antarā mātsarya-cittena sārddhaṃ sa nyasati + idaṃ deva-putra dvitīyam ānantaryam | sarva-satvā mayā trātavyā ity evaṃ cittam utpādya na + antarā sīdati + idaṃ deva-putra tṛtīyam ānantaryam | an-utpanna-a-niruddhān sarva-dharmān avabhotsyae ity evaṃ cittam utpādya na + antarā dṛṣṭi-gateṣu prapatati + idaṃ deva-putra caturtham ānantaryam | eka-kṣaṇa-samāyuktayā prajñayā sarva-dharmān avabhotsyae ity evaṃ cittam utpādya na + antarā tiṣṭhati na viṣṭhīvati a-prāptāyāṃ sarva-jñatāyām idaṃ deva-putra pañcamam ānantaryam iti ||
tasmād evam ātma-bhāva-bhoga-puṇyānām a-viratam utsarga-rakṣā-śuddhi-vṛddhayo yathā-yogaṃ bhāvanīyāḥ ||
tatra tāvad utsarga-arthaṃ parigraha-doṣa-bhāvanā-dvāreṇa vairāgyam utpādayet tyāga-anuśaṃsāṃś ca bhāvayet | yathā tāvac candra-pradīpa-sūtre | adhyavasitā ye bālāḥ kāye * asmin pūtike samyag | jīvite cañcale * a-vaśye māyā-svapna-nibhā-upame ||
ati-raudrāṇi karmāṇi kṛtvā moha-vaśa-anugāḥ | te yānti narakān ghorān mṛtyu-yāna-gata-a-budhā | iti ||
tathā + an-anta-mukha-nirhāra-dhāraṇyām uktaṃ ||
ye ke-cit satvā na bhavanti vigrahāḥ parigrahas tatra nidāna-mūlam | tasmāt tyajed yatra bhavet tṛṣṇā | utsṛṣṭa-tṛṣṇasya hi dhāraṇī bhavet ||
bodhi-satva-prātimokṣe kathitaṃ | punar a-paraṃ śāriputra bodhi-satvaḥ sarva-dharmeṣu parakīya-saṃjñām utpādayati | na kañ-cid bhāvam upādatte | tat kasya hetoḥ | upādānaṃ hi bhayam iti ||
ārya-ugradatta-paripṛcchāyām apy āha | yad dattaṃ tan na bhūyo rakṣitavyaṃ | yad gṛhe tad rakṣitavyaṃ | yad dattaṃ tat tṛṣnā-kṣayāya | yad gṛhe tat tṛṣṇā-varddhanaṃ | yad dattaṃ tad a-parigrahaṃ yad gṛhe tat sa-parigrahaṃ | yad dattaṃ tad a-bhayaṃ yad gṛhe tat sa-bhayam | yad dattaṃ tad bodhi-mārga-upastambhāya | yad gṛhe tan māra-upastambhāya | yad dattaṃ tad a-kṣayam | yad gṛhe tat kṣayi | yad dattaṃ tataḥ sukham yad gṛhe tad-ārabhya duṣkhaṃ | yad dattaṃ tat kleśa-utsargāya | yad gṛhe tat kleśa-varddhanam | yad dattaṃ tan mahā-bhogatāyai | yad gṛhe na tan mahā-bhogatāyai | yad dattaṃ tat sat-puruṣa-karma | yad gṛhe tat kā-puruṣa-karma | yad dattaṃ tat sat-puruṣa-citta-grahaṇāya | yad gṛhe tat kā-puruṣa-citta-grahaṇāya | yad dattaṃ tat sarva-buddha-praśastaṃ | yad gṛhe tad bāla-jana-praśastam ||
yāvat sacet punar asya putre * atiriktataraṃ prema + utpadyate tathā + anyeṣu satveṣu tena tisṛbhiḥ paribhāṣaṇābhiḥ sva-cittaṃ paribhāṣitavyaṃ | katamābhis tisṛbhiḥ | samyak-prayuktasya sama-cittasya bodhi-satvasya bodhir na viṣama-cittasya bodhir na mithyā-prayuktasya | a-nānātva-cāriṇo bodhi-satvasya bodhir na nānātva-cāriṇaḥ | ābhis tisṛbhiḥ paribhāṣaṇābhiḥ sva-cittaṃ paribhāṣya + anyatre * a-mitra-saṃjñā + utpādayitavyā + a-mitraṃ hy etan mama | na maitraṃ | yo * aham asya + arthāya buddha-prajñaptā-śikṣāyā uddhuratād gatvā + asmin putre * atiriktataraṃ prema + utpādayāmi | na tathā + anyeṣu satveṣu | tena tathā tathā cittam utpādayitavyaṃ yathā yathā + asya sarva-satveṣu putra-prema-anugatā maitry utpadyate | ātma-kṣema-anu ... maitry utpadyate | evaṃ ca + anena yoniśaḥ pratyavekṣitavyaṃ | anyata eṣa āgata | anyato * ahaṃ | sarva-satvā api mama putrā abhūvan | ahaṃ ca sarva-satvānāṃ putro * abhūvam | na + iha saṃvidyate kaś-cit kasya-cit ... paro vā | yāvad evaṃ hi gṛha-pate | gṛhiṇā bodhi-satvena na kasmiṃś-cid vastuni mamatvaṃ parigraho vā kartavyaḥ | na + adhyavasānaṃ | na niyatiḥ na tṛṣṇā-anuśayaḥ kartavyaḥ | sacet punar gṛha-pate gṛhiṇaṃ bodhi-satvaṃ yācanaka upasaṃkramya kiñ-cid eva vastu yāceta | saced asya vastv a-parityaktaṃ bhavet | na + evaṃ cittaṃ nidhyāpayitavyaṃ | yady aham etad vastu parityajeyaṃ yadi vā na parityajeyam a-vaśyaṃ mama + etena vastunā vinā-bhāvo bhaviṣyati | a-kāmakena maraṇam upagantavyaṃ bhaviṣyati | etac ca vastu māṃ tyakṣyati ahaṃ ca + enaṃ tyakṣyāmi | etac ca vastu parityajya + ahaṃ ātta-sāraḥ kālaṃ kariṣyāmi etac ca parityaktaṃ na me maraṇa-kāle cittaṃ paryādāya sthāsyati | etac ca me maraṇa-kāle prītiṃ prāmodyam a-vipratisāritāṃ ca janayiṣyati | sacet punar evam api samanvāharan śaknuyāt tad vastu parityaktum | tena sa yācanakaś catasṛbhiḥ saṃjñaptibhiḥ saṃjñapayitavyaḥ | katamābhiś catasṛbhiḥ | dur-balas tāvad asmy a-paripakva-kuśala-mūlaḥ | ādi-karmiko mahā-yāne | na cittasya vaśī parityāgāya | sa-upādāna-dṛṣṭiko * asmi | ahaṃ-kāra-mama-kāra-sthitaḥ | kṣamasva sat-puruṣa | mā paritāpsīs tathā + ahaṃ kariṣyāmi tathā pratipatsye | tathā vīryam ārapsye | yathā + enaṃ ca tava + abhiprāyaṃ paripūrayiṣyāmi sarva-satvānāṃ ca + iti | evaṃ khalu gṛha-pate | tena yācanakaḥ saṃjñapayitavyaḥ | etac ca saṃjñapanam upari doṣa-parihārāya + uktaṃ | mā bhūd bodhi-satvasya tatra a-prasādo bodhi-satve vā yācanakasya + iti | na tu mātsaryam evaṃ an-avadyaṃ bhavati kutsitaṃ ca + idaṃ bhagavatā bodhi-satvānāṃ ||
yathā + āha bodhi-satva-prātimokṣe | catvāra ime śāriputra dharmā bodhi-satvānāṃ na saṃvidyante | katame catvāraḥ | śāṭhyaṃ bodhi-satvānāṃ na saṃvidyate | mātsaryaṃ bodhi-satvānāṃ na saṃvidyate | īrṣyā-paiśunyaṃ bodhi-satvānāṃ na saṃvidyate | na + ahaṃ śakto * an-uttarāṃ samyak-saṃbodhim abhisaṃboddhum iti | līnaṃ cittaṃ bodhi-satvānāṃ na saṃvidyate | yasya + ime śāriputra catvāro dharmāḥ saṃvidyante sa paṇḍita.ir jñātavyaḥ | kuhako vata + ayaṃ | lapako vata + ayaṃ | naṣṭa-dharmo vata + ayaṃ | saṃkleśa-dharmo vata + ayaṃ loka-āmiṣa-guruko vata + ayaṃ bhakta-coḍaka-paramo vata + ayam iti | tathā citta-śūrāḥ khalu punaḥ śāriputra bodhi-satvā bhavanti | yāvat sva-hasta-parityāgī bhavati pāda-parityāgī | nāsā-parityāgī | śīrṣa-parityāgī | aṅga-praty-aṅga-parityāgī | putra-parityāgī | duhitṛ-parityāgī | bhāryā-parityāgī | rati-parityāgī | parivāra-parityāgī | citta-parityāgī | sukha-parityāgī | gṛha-parityāgī | vastu-parityāgī | deśa-parityāgī ratna-parityāgī | sarvasva-parityāgī + iti ||
evaṃ nārāyaṇa-paripṛcchāyām apy uktaṃ | na tad vastu + upādātavyaṃ yasmin vastuni na + asya tyāga-cittam utpadyate | na tyāga-buddhiḥ krameta | na sa parigrahaḥ parigrahītavyo yasmin parigrahe na + utsarjana-cittam utpādayen na sa parivāra upādātavyo yasmin yācanakair yācyamānasya parigraha-buddhir utpadyate | na tad rājyam upādātavyaṃ na te bhogā na tad ratnam upādātavyaṃ yāvan na tat kiñ-cid vastu + upādātavyaṃ | yasmin vastuni bodhi-satvasya + a-parityāga-buddhir utpadyate ||
api tu khalu punaḥ kula-putra bodhi-satvena mahā-satvena + evaṃ cittam utpādayitavyaṃ | ayaṃ mama + ātma-bhāvaḥ sarva-satvebhyaḥ parityaktaḥ utsṛṣṭaḥ | prāg eva bāhyāni vastūni yasya yasya satvasya yena yena yad yat kāryaṃ bhaviṣyati tasmai tasmai tad dāsyāmi sat-saṃvidyamānaṃ hastaṃ hasta-arthikebhyo dāsyāmi pādaṃ pāda-arthikebhyo netraṃ netra-arthikebhyo dāsyāmi | māṃsaṃ māṃsa-arthikebhyaḥ śoṇitaṃ śoṇita-arthikebhyo majjānaṃ majjā-arthikebhyo * aṅga-praty-aṅgāny aṅga-praty-aṅga-arthikebhyaḥ śiraḥ śiro-rthikebhyaḥ parityakṣyāmi | kaḥ punar vādo bāhyeṣu vastuṣu yad uta dhana-dhānya-jāta-rūpa-rajata-ratna-ābharaṇa-haya-gaja-ratha-vāhana-grāma-nagara-nigama-jana-pada-rāṣṭra-rāja-dhānī-pattana-dāsī-dāsa-karma-kara-pauruṣeya-putra-duhitṛ-parivāreṣu | api tu khalu punar yasya yasya yena yena yad yat kāryaṃ bhaviṣyati tasmai tasmai satvāya tat tad deyaṃ saṃvidyamānaṃ dāsyāmi | a-śocann a-vipratisārī a-vipāka-pratikāṅkṣī parityakṣyāmi | an-apekṣo dāsyāmi satva-anugrahāya satva-kāruṇyena satva-anukampayā teṣām eva satvānāṃ saṃgrahāya | yathā me * amī satvāḥ saṃgṛhītā bodhi-prāptasya dharma-jānakāḥ syur iti | peyālaṃ ||
tad yathā + api nāma kula-putra bhaiṣajya-vṛkṣasya mūlato vā hriyamāṇasya gaṇḍataḥ śākhātaḥ tvaktaḥ patrato vā hriyamāṇasya puṣpataḥ phalataḥ sārato vā hriyamāṇasya na + evaṃ bhavati vikalpo | mūlato me hriyate yāvat sārato me hriyatae iti ||
api tu khalu punar a-vikalpa eva hīna-madhya-utkṛṣṭānāṃ satvānāṃ vyādhīn apanayati | evam eva kula-putra bodhi-satvena mahā-satvena + asmiṃś cāturmahābhautike ātma-bhāve bhaiṣajya-saṃjñā + utpādayitavyā yeṣāṃ yeṣāṃ satvānāṃ yena yena + arthaḥ tat tad eva me harantu hastaṃ hasta-arthinaḥ pādaṃ pāda-arthina iti pūrva-vat ||
ārya-akṣayamati-sūtre * api deśitaṃ | ayam eva mayā kāyaḥ sarva-satvānāṃ kiṃ-karaṇīyeṣu kṣapayitavyaḥ | tad yathā + api nāma + imāni bāhyāni catvāri mahā-bhūtāni pṛthivī-dhātur ab-dhātus tejo-dhātur vāyu-dhātuś ca nānā-sukhair nānā-paryāyair nānā-ārambaṇair nānā-upakaraṇair nānā-paribhogaiḥ satvānāṃ nānā-upabhogaṃ gacchanti | evam eva + aham imaṃ kāyaṃ catur-mahā-bhūta-samucchrayaṃ nānā-sukhair nānā-paryāyair nānā-ārambaṇair nānā-upakaraṇair nānā-paribhogair vistareṇa sarva-satvānām upabhogyaṃ kariṣyāmi + iti | sa imam artha-vaśaṃ saṃpaśyan kāya-duṣkhatāṃ ca pratyavekṣate kāya-duṣkhatayā ca na parikhidyate satva-avekṣayā + iti ||
ārya-vajra-dhvaja-sūtre * apy āha ||
iti hi bodhi-satva ātmānaṃ sarva-satveṣu niryātayan sarva-kuśala-mūla-upakāritvena sarva-satvānāṃ kuśala-mūlaiḥ samanvāharan pradīpa-samam ātmānaṃ sarva-satveṣu + upanayan sukha-samam ātmānaṃ sarva-satveṣv adhitiṣṭhan | dharma-kukṣi-samam ātmānaṃ sarva-jagati saṃdhārayan āloka-samam ātmānaṃ sarva-satveṣv anugacchan jagat-pratiṣṭhāpana-samam ātmānaṃ saṃpaśyan | kuśala-mūla-pratyaya-bhūtam ātmānaṃ sarva-jagaty anugacchan | mitra-samam ātmānaṃ sarva-satveṣu niyojayamāno * an-uttara-sukha-mārga-samam ātmānaṃ sarva-satveṣu saṃdarśayamānaḥ an-uttara-sukha-upadhāna-samam ātmānaṃ sarva-satveṣu pariśodhamānaḥ sūrya-samam ātmānaṃ sarva-jagati samī-kurvāṇaḥ | evaṃ-dharma-upetam ātmānaṃ sarva-satveṣu prayacchan | yathā-kāma-karaṇīya-vaśyam ātmānaṃ sarva-loke saṃpaśyann agra-caityā bhaviṣyāmaḥ ... sarva-jagat-sthity-ātmānaṃ saṃpaśyan | sama-cittatāṃ sarva-jagati niṣpādayan | sarva-upakaraṇa-tīrtham ātmānaṃ saṃpaśyan | sarva-loka-sukha-dātāram ātmānaṃ pratyavekṣamāṇaḥ | sarva-jagato dāna-patim ātmānam adhimucyamānaḥ sarva-loka-jñāna-samam ātmānaṃ kurvāṇaḥ bodhi-satva-caryā-prayuktam ātmānaṃ saṃjanayamānaḥ | yathā-vādi-tathā-kāritvena + ātmānaṃ niyojayamānaḥ | sarva-jñatā-sannāha-sannadham ātmānaṃ pratyavekṣamāṇaḥ | pūrva-nimantritaṃ cittam anupālayamānaḥ | pratipattau ca + ātmānaṃ sthāpayamāno bodhi-satva-tyāga-cittatāṃ manasi kurvāṇa udyāna-bhūtam ātmānaṃ sarva-satveṣu saṃpaśyan | dharma-rati-bhūtam ātmānaṃ sarva-lokeṣv ādarśayamānaḥ saumanasya-dātāram ātmānaṃ sarva-satvānām adhitiṣṭhan | an-anta-prīti-saṃjananam ātmānaṃ sarva-jagato niryātayamānaḥ sarva-śukla-dharmāya dvāra-bhūtam ātmānaṃ sarva-loke saṃdhārayamānaḥ | buddha-bodhi-dātāram ātmānaṃ sarva-satvānāṃ praṇidadhat | pitṛ-samam ātmānaṃ sarva-prajāyāṃ niyojayamānaḥ | sarva-upakaraṇa-a-vaikalya-adhikaraṇam ātmānaṃ sarva-satva-dhātau pratiṣṭhāpayamānaḥ ||
iti hi bodhi-satva ātmānam upasthāyakatvāya dadānaḥ yācanakeṣu nīca-manasi-kāra-citto bhūmya-āstaraṇa-adhiṣṭhāna-cetā dharaṇi-sama-sarva-duṣkha-sahana-manasi-kāra-pravṛttaḥ sarva-satva-upasthāna-a-klānta-mānasa-prayukto bāla-jana-duṣ-kṛta-sthiraḥ sthāvara-adhivāsana-jātyaḥ asthitaḥ kuśala-mūla-abhiyuktaḥ a-prayukta-sarva-loka-dhātu-upasthānaḥ karṇo nāsā saṃparityajan yācanakebhya upasaṃkrāntebhyo bodhi-satva-caryā-upātta-tathā-gata-kula-kulīna-saṃbhūta-cittaḥ sarva-bodhi-satva-anusmaraṇa-vihāra-prasṛto * a-sārāt sarva-trailokyāt sa ... tyavekṣamāṇaḥ sva-śarīra-an-adhyavasita-santānaḥ a-niketa-sarva-buddha-dharma-anusmṛti-vihāry a-sārāc * charīrāt sāra-ādāna-abhiprāya iti hi bodhi-satvo jihvāṃ yācitaḥ samāno ma ... vātā premaṇīyayā maitryā-upacāra-vitatayā bhadre siṃha-āsane rāja-arhe niṣādya taṃ yācanakam abhibhāṣate dṛṣṭaḥ | a-riṣṭa-citto bhūtvā + a-kṣata-citto * an-upahata-citto mahā-ātman salā ... citto buddha-vaṃśa-saṃbhūta-citto * a-lulita-santāna-citto mahā-sthāma-bala-ādhāno * an-adhyavasita-śarīra-citto * an-abhiniviṣṭa-vacana-citto jānu-maṇḍala-praṣṭhita-kāyo bhūtvā svakān mukhāj jihvā ... yācanakasya sarva-śarīram a-dhīnaṃ kṛtvā vācaṃ pramuñcan snigdhāṃ mṛdvīṃ premaṇīyāṃ maitryā-upacārāṃ | gṛhāṇa tvaṃ mama jihvāṃ yathā kāma-karaṇīyāṃ kuru | tathā kuru yathā tvaṃ prīto bhavasi prīta-mānasa ātmanā pramudito hṛṣṭaḥ prīti-saumanasya-jāta iti sa śiraḥ parityajan sarva-dharma-agra-śiraḥ parama-jñānam avataran sarva-satva-paritrāṇa-śiro-bodhi ... gacchan sarva-jagad-agrya-śiraḥ an-upama-jñānam abhilaṣan sarva-dik-chiraḥ prāptuṃ jñāna-rājam adhimucyamāno * an-uttara-sarva-dharma-aiśvarya-śīrṣatāṃ paripūrayitu-kāmo * an-anta-yācanaka-prīti-parisphuṭa-cetā | iti hi bodhi-satvo hasta-pādān parityajan yācanakebhyaḥ śraddhā-hasta-prayuktena + anugraha-cāritreṇa bodhi-satva-siṃha-vikrama-tyāga-pratata-pāṇinā vyavasarga-abhiratena hasta-pāda-parityāgena mahā-pratiṣṭhāna-krama-tala-vyatihāreṇa bodhi-satva-caryā-adhyavasāyena vedanā-an-upahatatayā dāna-prasāda-śaktyā vi-mala-citta-utpāda-saṃvaro niṣ-paryavasthāna-jñāna-dharma-śarīra-a-chinna-a-bhinna-a-lupta-kāya-saṃjñaḥ a-nīca-cittaḥ sarva-māra-karma-a-kalyāṇa-mitra-upastabdha-vṛṃhita-cetāḥ sarva-bodhi-satva-saṃvarṇita-eka-tyāga-niryāṇa iti hi bodhi-satvaḥ sva-śarīram ākṣipya rudhiram anuprayacchan yācanakebhyaḥ praharṣita-bodhi-citto | bodhi-satva-caryā-abhilaṣita-citto * a-paryātta-vedita-cittaḥ sarva-yācanaka-abhilaṣita-cittaḥ sarva-pratigrāhaka-a-vidviṣṭa-cittaḥ sarva-bodhi-satva-tyāga-pratipat-pratipanno * a-nivarttyayā prīti-prasrabdhyā sva-śarīra-an-apekṣa-cittaḥ sva-śarīrād rudhiram anuprayacchan jñāna-āyatana-mahā-yāna-prasṛta-cetā mahā-yāna-a-vinaṣṭa-manā iṣṭa-manās tuṣṭa-manāḥ prīta-manāḥ mudita-manā maitry--manāḥ sukha-manāḥ prasanna-manāḥ pramudita-prīti-saumanasya-jāto majjā-māṃsaṃ sva-śarīrāt parityajan yācanakebhyaḥ kalyāṇa-tyāgayā | yācaka-abhilaṣitayā vācā tān yācakān abhilapan | gṛhṇantu bhavanto mama śarīrān majjā-māṃsaṃ yathā kāma-karuṇāyā tulya-prīti-vivarddhanena tyāga-cittena | bodhi-satva-vijña-gaṇa-niṣevitena mahā-kuśala-mūlena loka-mala-apakarṣitena pravareṇa + adhyāśayena | sarva-bodhi-satva-samatā-upāttair mahā-dāna-ārambhair manasā + ākāṅkṣitaiḥ sarva-yācakair an-anutāpya-cittair dāna-vastubhiḥ a-pratyavekṣitena karma-vipāka-pratyayena sarva-loka-dhātv-a-vimukhayā sarva-buddha-kṣetra-alaṃ-kāra-vyūha-pūjayā sarva-jagad-abhimukhayā karuṇā-paritrāṇatayā | sarva-buddha-bodhy-abhimukhayā | daśa-bala ... cāraṇayā + atīta-an-āgata-pratyutpanna-sarva-bodhi-satva-abhimukhayā eka-kuśala-mūla-paricaryayā sarva-vaiśāradya-abhimukhena + ārṣabha-siṃha-nāda-nadanena try-adhva-abhimukhena | sarva-adhva-samatā-jñānena ... loka-abhimukhena + a-para-anta-koṭī-gata-kalpa-vyavasāyena bodhi-satva-praṇidhānena + a-paritrasyana-abhimukhena + a-kheda-citta-utpādena bodhi-satvaḥ sva-hṛdayaṃ parityajan yācanakebhyo dāna-vaśa-śikṣita-cittaḥ pāramitā-niṣpādana-cittaḥ sarva-bodhi-satva-dāna-an-uddhata-su-pratiṣṭhita-cittaḥ | adhiṣṭhāna-sarva-yācanaka-pratimānana-cittaḥ | adhyāśayaṃ pariśodhayamānaḥ | sarva-jagat-paripācana-nidānaṃ mahā-praṇidhānaṃ pratipadyamāno bodhi-satva-caryāyāṃ saṃvasamānaḥ sarva-jñatā-saṃbhāraṃ saṃbharamāṇaḥ praṇidhim a-riñcan so * atra yakṛt-bukkā-phupphuṣaṃ yācakebhyaḥ parityajan yācanaka-abhiprasannayā dṛṣṭyā prasanna-prīty-ākārair netrair bodhi-satva-niryātena premṇā + a-vyutthita-manasi-kāreṇa tyāgena + a-sārāt kāyāt su-pratyavekṣitena sāra-ādāna-cittena śmaśāna-paryantena kāya-anusmṛti-manasi-kāreṇa vṛka-śṛgāla-śva-bhakṣyaṃ śarīraṃ pratyavekṣamāṇaḥ para-bhakti-manasi-kṛtayā | śarīra-a-nityatayā + apaviddha-śarīreṇa para-bhakta-cetanena evaṃ dharma-manasi-kāra-prayukto bodhi-satvas tān yācanakān a-nimiṣaṃ prekṣamāṇa evaṃ cittam utpādayati | yadi ca + aham etad-yācanakasya etac-charīrād antraṃ yakṛt-bukkā-phuṣphuṣaṃ dadyāṃ | yadi vā na dadyāṃ | āyuḥ-kṣaya-paryante na + eṣo nityaḥ śmaśāna-paryavasāna iti | sa evaṃ manasi-kāra-saṃtoṣitena santānena + evaṃ dharma-jñānena + āśayena kalyāṇa-mitra-saṃjñā-adhiṣṭhitena yācanaka-darśanena + a-sārāt kāyāt sāram ādātu-kāmo dharma-kāmatayā sva-māṃsān nakhaṃ parityajann eva tat-kuśala-mūlaṃ pariṇāmayati + ity ātma-bhāva-utsargaṃ kṛtvā ||
bhoga-puṇya-utsargo * apy atra + eva + ukteḥ | iti hi bodhi-satvo nānā-dakṣiṇīya-pratigrāhakeṣv anya-anya-pudgala-dig-āgateṣv a-prameya-kṛpaṇa-vanīpakeṣu bodhi-satva-śrava-āgateṣu bodhi-satva-śabdaṃ śrutvā + āgateṣu bodhi-satva-pratyaya-avakāśa-gateṣu bodhi-satva-dāna-pūrvaṃ praṇidhāna-śruteṣu | bodhi-satva-praṇidhāna-citta-nimantriteṣu | sarva-tyāga-manasa-abhilaṣiteṣu tṛpta-yācanaka-pratimānanā-cetana āgata-yācanaka-kṣamā-paṇa-cetano | mayā + eva tatra diśaṃ gatvā yūyaṃ pratimānayitavyā abhaviṣyata yena yuṣmākam āgamana-klamo na syāt | evaṃ samṛddha-praṇipātena kṣamayati sarva-yācanakān kṣamayitvā snāpayitvā viśrāmita-śarīrān kṛtvā tebhyo yad-ṛcchayā + upakaraṇaṃ pratipādayati | yad idaṃ maṇi-rathān jambu-dvīpa-kalyāṇa-kanyā-ratna-paripūrṇān yad idaṃ suvarṇa-rathān jana-pada-viśuddha-kanyā-ratna-paripūrṇān | yad idaṃ vaiḍūrya-rathān vā + anukula-gīta-vādya-saṃpravādita-paripūrṇān | evaṃ sphaṭika-rathān su-mukha-su-veśa-dhāri-sv-alaṃ-kṛta-rūpān a-pratikūla-darśana-catura-kanyā-ratna-paripūrṇān iti | tathā + atra + eva deśitaṃ maṇi-rathān vā dadānaḥ sarva-ratna-jāla-saṃchannān ājāneya-hasty-upetān | sa-vāhanān | candana-rathān dadāno ratna-cakra-rathya-prayuktān ratna-siṃha-āsana-pratiṣṭhitān yāvan nānā-ratna-chatra-saṃchanna-vyūhān ratna-vitāna-vitata-saṃchannān dhvaja-patāka-alaṃ-kṛta-catur-dikkān nānā-gandha-vidhūpita ... sāra-gandha-anulepa-anuliptān | sarva-puṣpa-vyūha-avakīrṇān kanyā-śata-sahasra-ratna-sūtra-prakarṣitān a-bhrānta-gamanān abhra-anta-sama-vāhana-prayuktān | yāvad a-pratikūla-mano-jña-pravāta-gandhān su-duhitṛ-putra-vacana-upacāra-prayuktān | vividha-gandha-cūrṇa-sambhṛta-kṛta-upacārān iti ||
punar atra + eva + āha | ātmānaṃ ca sarva-satvānāṃ niryātayann upasthānaṃ vā sarva-buddhānām upādadāno rājyaṃ vā parityajan paṭa-bhedakaṃ vā nagara-rāja-dhānīṃ sarva-alaṃ-kāra-bhūṣitāṃ yathā-arhaṃ vā yācanakeṣu sarva-parivāraṃ parityajan putra-duhitṛ-bhāryāṃ vā dadāno yācanakebhyaḥ sarva-gṛhaṃ vā + apasṛjan | yāvat sarva-upabhoga-paribhogān vā dadānaḥ | evaṃ pāna-dānaṃ rasa-dānam api bodhi-satvo dadāno vividhān kalyāṇān udārān viśuddhān a-vikalāṃs tiktāṃl lavaṇān kaṭakān kaṣāyān nānā-rasa-agra-upetān su-snigdhān vividha-rasa-vidhinā + upetān dhātu-kṣobhaṇa-samatā-sthāpanān citta-śarīra-bala-upastambhanān prīti-prasāda-prāmodya-kalpatā-jananān | yāvat sarva-para-upakrama-pratiṣedhakān sarva-vyādhi-samana-ārogya-saṃjananān | evaṃ vastra-dānaṃ puṣpa-dānaṃ gandha-dānaṃ vilepana-dānaṃ mālya-dānaṃ | śayana-dānam āvāsa-dānam apāśraya-dānaṃ pradīpa-dānaṃ ca | glāna-pratyaya-bhaiṣajya-pariṣkārān bodhi-satvo * anuprayacchan yāvan nānā-bhājanāni vividha-saṃbhārāṇy an-eka-kāṃsya-pātrīr a-prameya-saṃbhāra-upacitā hiraṇya-suvarṇa-rūpya-cūrṇa-paripūrṇās tāni buddhebhyo bhagavadbhyo dadāno * a-cintya-dakṣiṇīya-adhimukta-cetā bodhi-satva-ratnebhyo vā dadānaḥ | kalyāṇa-mitra-su-dur-labha-citta-utpādena ārya-saṃghāya vā dadānaḥ | buddha-śāsana-upastambhāya pudgalāya vā dadānaḥ | śrāvaka-praty-eka-buddhebhyo vā + ārya-guṇa-su-prasanna-cittatayā mātā-pitṛbhyāṃ dadāno | guru-śuśrūṣa-upasthāna-cittatayā ācārya-guru-dakṣiṇīyebhyo vā dadānas tatra tatra guru-saṃbhāra-avavāda-śikṣaṇa-prayuktaḥ | aśana-vasanaṃ vā kṛpaṇa-vanīpaka-yācanakebhyo dadānaḥ | sarva-satva-a-pratihata-cakṣur maitrī-paribhāvita-cittatayā | peyālaṃ ||
iti hi bodhi-satvo hasty-ājāneyān dadānaḥ sapta-aṅga-su-pratiṣṭhitān | ṣaṣṭi-hāyanān ṣaḍ-gantra-upetān padma-varṇān mukha-viśuddhān suvarṇa-alaṃ-kārān hema-jāla-praticchanna-śarīrān nānā-ratna-vicitra-alaṃ-kāra-jāla-śuṇḍa-prakṣipta-vyūhān suvarṇa-kalyāṇān kalyāṇa-cāru-darśanān | a-klānta-yojana-sahasra-gamana-upacārān aśva-ājāneyān vā dadānaḥ | sukha-vāhana-sukha-śarīra-upetān anujava-saṃpannāṃś catur-dig-gamana-āhāra-java-upetān āroha-saṃpannān divya-kalyāṇa-cāru-sadṛśa-sarva-vibhūṣaṇa-upetān | sa tān dadānaḥ parityajan gauraveṇa guru-janebhyaḥ kalyāṇa-mitra-mātā-pitṛbhyaḥ kṛpaṇa-vanīpaka-yācanakebhyaḥ sarva-jagat-pratigrāhakabhyo mukta-cittayā dadāno | na + āgṛhīta-cittatayā + avasṛjan mahā-karuṇā-parisphuṭena santānena mahā-tyāga-parimāṇa-bodhi-satva-guneṣu pratipadyamāno * abhijāta-bodhi-satva-adhyāśayān pariśodhayamāno yāvad iti hi bodhi-satva āsana-dānaṃ dadānaḥ parityajan rāja-bhadra-āsanāni vaiḍūrya-pādakāni siṃha-pratiṣṭhitāni suvarṇa-sūtra-ratna-jāla-vitānāny an-eka-cīvara-sparśa-upeta-prajñaptāni sarva-sāra-gandha-vāsita-upacārāṇi vicitra-maṇi-rāja-samucchrita-dhvajāny an-eka-ratna-koṭī-niyuta-śata-sahasra-alaṃ-kāra-vyūhāni hema-jāla-vitāna-vitatāni suvarṇa-kiṅkiṇī-jāla-saṃghaṭita-mano-jña-nāda-nirghoṣa-śabdāni mahāntya-āsanāny abhyudgato dviddha-cakṣur-daśanāny eka-chatra-mahā-pṛthivy--anuśāsana-niṣadana-abhiṣiktāni | sarva-rājya-aiśvarya-adhipateya-niyata-niṣadya-a-pratihata-cakra-śāsana-anuśāsana-sarva-rāja-adhipateye pravarttate | evaṃ yāvad iti hi bodhi-satvaś chatrāṇi dadānaḥ parityajan mahā-ratna-vyūha-pratimaṇḍitāni ratna-daṇḍāni kiṅkiṇī-jāla-saṃchannāni | ratna-sūtra-karṇa-kaṇṭha-āvalī-vināmita-vaiḍūrya-maṇi-hāra-abhipralambitāni nandī-ghoṣa-mano-jña-śabda-upacārāṇi hema-jāla-abhyantara-viśuddha-chadanāni ratna-śalāka-alaṃ-kāra-śata-sahasra-vitatāni ratna-koṣa-sandhāritāny a-guru-candanāny eka-sāra-vara-gandha-koṭī-niyuta-śata-sahasra-vidhūpita-vāsita-upacārāṇi jāmbu-nada-prabhāsvara-śuddhāni | tādṛśānāṃ chatrāṇām an-eka-koṭī-niyuta-śata-sahasra-alaṃ-kārāṇāṃ tad-atiriktāni ca + a-saṃkhyeya-koṭī-niyuta-śata-sahasra-alaṃ-kārāṇy an-apekṣa-citto dadānaḥ parityajann avasṛjann anuprayacchan saṃmukhī-bhūtebhyo vā satva-sārebhyo nirvṛtānāṃ vā tathā-gatānāṃ caitya-alaṃ-kārāya | dharma-paryeṣṭaye bodhi-satva-kalyāṇa-mitrebhyo vā + abhijāta-bodhi-satva-dharma-bhāṇakebhyo vā mātā-pitṛbhyāṃ vā saṃgha-ratne vā sarva-buddha-śāsane vā yāvat sarva-pratigrāhakebhyaḥ sa evaṃ tat-kuśala-mūlaṃ pariṇāmayati ||
yathā tāvat prathamāyām eva pariṇāmanāyāṃ sarva-kuśala-mūla-prastāveṣu + upadiṣṭaṃ | evaṃ praṇidhānam utpādayati | katham etāni kuśala-mūlāni sarva-jagad-upajīvyāny upakāri-bhūtāni bhaveyur viśuddha-dharma-paryavasānāni yena sarva-satvānām etaiḥ kuśala-mūlair naraka-apāya-pratiprasrabdhir bhavati | tairyagyonika-yāmalaukikād duṣkha-skandhān nivarttayeyuḥ | sa tāni kuśala-mūlāni pariṇāmayann evaṃ tat-kuśala-mūlaṃ pariṇāmayati | anena + ahaṃ kuśala-mūlena sarva-satvānāṃ nayanaṃ bhaveyaṃ sarva-duṣkha-skandha-vinivarttanāya | sarva-satvānāṃ trāṇaṃ bhaveyaṃ sarva-kleśa-parimocanatayā | sarva-satvānāṃ śaraṇaṃ bhaveyaṃ sarva-bhaya-ārakṣaṇatayā | sarva-satvānāṃ gatir bhaveyaṃ sarva-bhūmy-anugamanatayā | sarva-satvānāṃ parāyaṇaṃ bhaveyam atyanta-yoga-kṣema-pratilambhatayā | sarva-satvānāṃ āloko bhaveyaṃ vitimira-jñāna-saṃdarśanatayā | sarva-satvānāṃ ulkā bhaveyam a-vidyā-tamo-andha-kāra-vinivarttanatayā | sarva-satvānāṃ pradyoto bhaveyam atyanta-viśuddhi-pratiṣṭhāpanatayā | sarva-satvānāṃ nāyako bhaveyam a-cintya-dharma-naya-avatāraṇatayā | sarva-satvānāṃ pariṇāyako bhaveyam an-āvaraṇa-jñāna-skandha-upanayanatayā | peyālaṃ ||
tac ca + adhyāśayataḥ pariṇāmayati na vacana-mātreṇa | tac ca + udagra-cittaḥ pariṇāmayati | hṛṣṭa-cittaḥ pariṇāmayati | prasanna-cittaḥ pariṇāmayati | pramudita-cittaḥ snigdha-cittaḥ pariṇāmayati | maitra-cittaḥ prema-cittaḥ anugraha-citto hita-cittaḥ sukha-cittaḥ pariṇāmayati | tac ca + evaṃ pariṇāmayati | idaṃ mama kuśala-mūlaṃ sarva-satvānāṃ gati-viśuddhaye saṃvarteta | upapatti-viśuddhaye saṃvartteta | puṇya-māhātmya-viśuddhaye saṃvartteta | an-abhibhūtatāyāṃ saṃvartteta | a-paryādānatāyāṃ saṃvartteta | dur-āsada-cittatāyāṃ saṃvartteta | smṛty-a-pramoṣatāyāṃ saṃvartteta | gati-mati-viniścayatāyāṃ saṃvartteta | buddhy-a-pramāṇatāyāṃ saṃvartteta | kāya-karma-manas-karma-sarva-guṇa-alaṃ-kāra-paripūryāṃ saṃvartteta ||
anena me kuśala-mūlena te sarva-satvāḥ sarva-buddhān ārāgayeyur ārāgayitvā ca mā virāgayeyuḥ | teṣu ca buddheṣu bhagavatsu prasādam a-bhedyaṃ pratilabheran | teṣāṃ ca tathā-gatānām arhatāṃ samyak-saṃbuddhānām antike dharma-deśanāṃ śṛṇuyuḥ | śrutvā ca sarvā vi-matīr vinivarttayeyuḥ | yathā-śrutaṃ ca saṃdhārayeyuḥ | sandhārayantaś ca pratipattyā saṃpādayeyuḥ | tāṃś ca tathāgatān ārādhayeyuḥ | citta-karmaṇyatāṃ ca pratilabheran | an-avadyāni karmāṇi samudānayeyuḥ | mahatsu ca kuśala-mūleṣv ātmānaṃ pratiṣṭhāpayeyur atyantaṃ ca dāridryaṃ vinivarttayeyuḥ sapta dhana-pratilambhāṃś ca paripūrayeyuḥ sarva-buddhānāṃ ca + anuśikṣayeyuḥ kalyāṇa-indriya-pratilambhaṃ ca + adhigaccheyuḥ | udāra-adhimukti-samatāṃ ca pariniṣpādayeyuḥ | sarva-jña-jñāne ca + avakāśaṃ pratilabheran | a-pratihata-cakṣuṣmattāṃ ca sarva-jagaty utpādayeyuḥ | lakṣaṇa-alaṃ-kṛtatāṃ ca kāya-pratipūriṃ pratilabheran | sarva-guṇa-alaṅ-kāraṃ ca vākya-viśuddhiṃ parigṛhṇīyuḥ | saṃvṛta-indriyatāṃ daśa-bala-prayuktāṃ citta-kalyatāṃ samudānayeyuḥ | a-niścita-vihāratāṃ ca paripūrayeyuḥ | yena ca sukha-upadhānena sarva-buddhāḥ samanvāgatās tat-sukha-upadhāna-pratilabdhāḥ sarva-satvā bhaveyur iti ||
yathā ṣaṣṭhī pariṇāmanā + uktena vidhinā pariṇāmayati | sarva-satvā | jñāna-āhārād bhavantu a-saṅga-prayukta-cetasaḥ | āhāra-prajñā-ātāpino * an-adhyavasita-āhārāḥ prīti-bhakṣā-nir-āmiṣa-āhārā yāvat kāma-tṛṣṇā-vinivarttakāḥ | sarva-satvāḥ dharma-rasa-megha-pravarṣakā bhavantu | an-uttara-dharma-rati-prīṇita-santānāḥ | sarva-satvāḥ sarva-rasa-agra-jihvā bhavantu rasa-nimittā grahītāraḥ sarva-buddha-dharma-cittana-prayuktāḥ a-vipanna-yānā agra-yānā uttama-yānāḥ śīghra-yānā mahā-yānāḥ | sarva-satvā a-tṛpta-darśanā bhavantu buddha-prīti-pratilabdhāḥ | sarva-satvāḥ sarva-kalyāṇa-mitra-darśana-an-upahata-santānā bhavantu | sarva-satvā agada-bhaiṣajya-rāja-upadarśanā bhavantu | sarva-satvāḥ kleśa-viṣa-vinivarttakāḥ | sarva-satvā āditya-maṇḍala-udgata-darśanā bhavantu sarva-satva-tamas-timira-paṭala-vidhamanatvāt ||
evam ātmānam upanidhāya sva-bhāvana-anukūlyena paṭhitavyaṃ | sarva-satvānām abhirucira-darśanatāyāṃ pariṇāmayāmi | saumanasya-darśanatāyāṃ kalyāṇa-darśanatāyāṃ pariṇāmayāmi | abhilaṣita-darśanatāyāṃ praharṣita-darśanatāyāṃ daurmanasya-a-darśanatāyāṃ buddha-darśana-upetāyāṃ pariṇāmayāmi ||
sarva-satvāḥ śīla-gandha-upetā bhavantv an-ācchedya-śīlā bodhi-satva-pāramitā-śīlāḥ ||
sarva-satvā dāna-vāsitā bhavantu sarva-tyāga-parityāginaḥ | sarva-satvāḥ kśānti-vāsitā bhavantu a-kṣobhya-cetanā-pratilabdhāḥ | sarva-satvā vīrya-vāsitā bhavantu mahā-vīrya-yāna-sannaddhāḥ | sarva-satvā dhyāna-vāsitā bhavantu pratyutpanna-buddha-saṃmukhī-bhāva-sthitāḥ samādhi-pratilabdhāḥ | sarva-satvā bodhi-satva-pariṇāmanā-vāsitā bhavantu sarva-satvāḥ sarva-śukla-dharma-vāsitā bhavantu sarva-a-kuśala-dharma-prahīṇāḥ | sarva-satvā divya-śayana-pratilabdhā bhavantu mahā-jñāna-adhigamāya | sarva-satvā ārya-śayana-pratilabdhā bhavantu | niḥ-pṛthag-jana-bodhi-citta-āvāsanatvāt sarva-satvāḥ sukha-śayana-pratilabdhā bhavantu | sarva-saṃsāra-avacara-duḥkha-parivarjanatvāt sarva-satvāḥ kṣema-śayana-pratilabdhā bhavantu dharma-kāma-sparśa-upetāḥ | sarva-satvāḥ pariśuddha-buddha-kṣetra-avabhāsā bhavantu guṇa-vāsa-su-prayuktā ārya-āvāsa-niketa-uccalitāḥ | an-uttara-sarva-buddha-āvāsa-a-virahitāḥ | sarva-satvā buddha-upaniścaya-vihāriṇo bhavantu | sarva-satvā an-anta-ālokā bhavantu sarva-buddha-dharmeṣu sarva-satvā a-pratihata-avabhāsā bhavantu sarva-dharma-dhātv-eka-spharaṇāḥ | sarva-satvā ārogya-śarīrā bhavantu tathā-gata-kāya-pratilabdhāḥ | sarva-satvā bhaiṣajya-rāja-upamā bhavantu atyanta-ākalpana-dharmāṇaḥ | sarva-satvā a-pratihata-bhaiṣajya-stambha-upamā bhavantu jagac-cikitsā-pratipannāḥ | sarva-satvā roga-śalya-niruddhā bhavantu sarva-jña-ārogya-pratilabdhāḥ | sarva-satvāḥ sarav-jagad-bhaiṣajya-kuśalā bhavantu yathā-āśaya-bhaiṣajya-prayoga-saṃprayoktāraḥ ||
sarva-sattveṣu sarva-roga-vinivarttanāya pariṇāmayāmi | sarva-sattveṣv a-paryanta-sthāma-bala-śarīratāyāṃ pariṇāmayāmi | sarva-satvānāṃ cakra-vāḍa-parvata-an-avamardya-kāya-bala-upapattaye pariṇāmayāmi | sarva-satvānāṃ sarva-bala-upastambhana-a-tṛptāyāṃ pariṇāmayāmi ||
sarva-satvā a-pramāṇa-bhājanā bhavantv ākāśa-dhātu-vipulāḥ smṛti-indriya-upetāḥ sarva-laukika-loka-uttara-bhāṣa-saṃgrahaṇād grahaṇa-smṛty-a-saṃpramūḍhāḥ | sarva-satvāḥ kalyāṇa-viśuddhi-bhāvanā bhavantu | atīta-an-āgata-pratyutpanna-sarva-buddha-bodhy-a-bheda-prasāda-grāhiṇaḥ | sarva-satvā kāmaṅ-gamā bhavantu sarvatra-gāminī-buddha-bhūmi-pratilabdhāḥ | sarva-satvāḥ sarva-sattveṣv a-pratihata-cittā bhavantu | sarva-satvā an-ābhoga-sarva-buddha-kṣetra-parisphuṭa-gamanā bhavantu | eka-citta-kṣaṇa-sarva-dharma-vikramāḥ | sarva-satvāḥ śrānta-āklānta-sarva-loka-dhātu-gamanā bhavantu | a-viśrāmyamāna-mano-maya-kāya-pratilabdhāḥ | sarva-satvāḥ sukha-gamana-muktā bhavantu sarva-bodhi-satva-caryā-anupraveśinaḥ | anena kuśala-mūlena sarva-satvāḥ kalyāṇa-mitra-a-tyāga-citta-an-utsṛṣṭā bhavantu kṛta-jñāḥ kṛta-anupālanatayā | sarva-satvāḥ kalyāṇa-mitraiḥ saha-eka-arthā bhavantu sa-bhāga-kuśala-mūla-saṃgrahaṇatayā | sarva-satvāḥ kalyāṇa-āśayā bhavantu kalyāṇa-mitra-saṃvasana-saṃpada-vihāra-anudhanvanatayā | sarva-satvāḥ kalyāṇa-mitra-kuśala-mūla-karma-vipāka-viśuddhā bhavantv eka-praṇidhānāḥ | sarva-satvā mahā-yāna-abhiraktāḥ saṃprasthitā bhavantv a-viṣkambhita-yāna-sarva-jñatā-paryavasānāḥ | sarva-satvāḥ pracchādita-kuśala-mūlā bhavantu sarva-buddha-avasthā-gopana-pratilabdhāḥ | sarva-satvā guṇa-jñāna-abhicchāditā bhavantu sarva-loka-upakleśa-vyapavṛttāḥ | sarva-satvā a-cchinna-a-vikṣipta-śukla-dharmāṇo bhavantv a-vipanna-buddha-dharma-pravāhāḥ | sarva-satvāś chatra-bhūtā bhavantu daśa-bala-vitāna-anvitāḥ | sarva-satvā atyanta-bodhy-āsana-pratilabdhā bhavantu | sarva-satvā buddha-vikrānti-siṃha-āsana-pratilabdhā bhavantu sarva-jagad-avalokanīyā iti ||
ārya-gagana-gañja-sūtre * apy āha | mā bhūt tan mama kuśala-mūlaṃ dharma-jñāna-kauśalyaṃ vā yan na sarva-sattva-upajīvyaṃ syād iti ||
atīta-an-āgata-śubha-utsargas tv ārya-akṣayamati-sūtre * abhihitaḥ | kuśalānāṃ ca citta-caitasikānānām anusmṛtir anusmṛtya ca bodhi-pariṇāmanā | idam atīta-kauśalyaṃ | yo * an-āgatānāṃ kuśala-mūlānāṃ nidhyapti-bodher āmukhī-karma-samanvāhāraḥ | ye me utpatsyante kuśalāś citta-utpādās tān an-uttarāyāṃ samyak-saṃbodhau pariṇāmiṣyāmi + iti idam an-āgata-kauśalyaṃ ||
tad evaṃ caitasikena + ābhyāsena sarva-tyāga-adhimuktiṃ paripūrye tyāga-citta-vega-āpannena kāya-prayogeṇa + utsṛṣṭa-sarva-parigrahaḥ | sarva-parigraha-mūlād bhava-duṣkhād vimukto mukta ity ucyate | an-uttarāṃś ca + a-prameya-a-saṃkhyeyān kalpān nānā-ākāra-an-antān laukika-loka-uttarān sukha-saṃpat-pravarṣān anubhavati | tena ca + ātma-bhāva-ādinā
[doubtful]
vaḍiṣa-āmiṣena + iva svayam an-abhigata-upabhogena + apy ākṛṣya parān api tārayati ||
ata eva + uktaṃ ratna-meghe | dānaṃ hi bodhi-satvasya bodhir iti ||
śikṣā-samuccaye dāna-pāramitā prathamaḥ paricchedaḥ ||
[II. saddharmaparigrahaḥ]
śīla-pāramitāyāṃ sad-dharma-parigraho nāma dvitīyaḥ paricchedaḥ ||
evam eṣām ātma-bhāva-ādīnām utsṛṣṭānām api rakṣā kāryā | kuto | yasmāt ||
paribhogāya satvā nāma + ātma-bhāva-ādi dīyate | a-rakṣite kuto bhogaḥ | kiṃ dattaṃ yan na bhujyate ||
tasmāt satva-upabhoga-artham ātma-bhāva-ādi pālayet ||
uktaṃ hi bodhi-satva-prātimokṣe | paraṃ śāriputra rakṣiṣyāmi + ity ātmā rakṣitavyaḥ | evaṃ-rūpayā śāriputra hita-aiṣikatayā samanvāgato bodhi-satvo jīvita-hetor api pāpaṃ karma na karoti + iti ||
vīradatta-paripṛcchāyām apy āha | śakaṭam iva bhāra-udvahana-arthaṃ kevalaṃ dharma-buddhinā vāḍhavyam iti | tathā + akṣayamati-sūtre * api | kāya-duṣkhatayā ca na parikhidyate satva-avekṣatayā + iti ||
tac ca + ātma-bhāva-ādikaṃ kathaṃ pālayet | kalyāṇa-mitra-an-utsarjanāt | yathā + uktam ārya-gaṇḍa-vyūhe ārya-śrī-saṃbhavena ||
kalyāṇa-mitra-sandhāritāḥ kula-putra bodhi-satvā na patanti dur-gatiṣu | kalyāṇa-mitra-samanvāhṛtā
[doubtful]
na + atikrāmanti bodhi-satva-śikṣāṃ | kalyāṇa-mitra-praticchannā abhyudgatā bhavanti lokāt kalyāṇa-mitra-paryupāsitā bodhi-satvā a-saṃpramoṣa-cāriṇo bhavanti sarva-bodhi-satva-caryāsu | kalyāṇa-mitra-parigṛhītāḥ bodhi-satvā dur-ddharṣā bhavanti karma-kleśaiḥ | sambodhakāḥ kalyāṇa-mitrā a-karaṇīyānāṃ sannivārakāḥ pramāda-sthānāt | niṣ-kāsayitāraḥ saṃsāra-purāt | tasmāt tarhi kula-putra evaṃ manasi-kārāt pratipraśrabdhena kalyāṇa-mitrāṇy upasaṃkramitavyāni | pṛthivī-sama-cittena sarva-bhāra-vahana-a-pariṇamanatayā vajra-sama-cittena a-bhedya-āśayatayā | cakra-vāḍa-sama-cittena sarva-duṣkha-a-saṃpravedhanatayā | loka-dāsa-sama-cittena sarva-karma-samādāna-a-jugupsanatayā | rajo-haraṇa-sama-cittena māna-atimāna-vivarjanatayā | yāna-sama-cittena guru-bhāra-nirvahanatayā | śva-sama-cittena + a-krudhyanatayā | nau-sama-cittena gamana-āgamana-a-paritrasyanatayā | su-putra-sadṛśena kalyāṇa-mitra-mukha-vīkṣaṇatayā | ātmani ca te kula-putra + ātura-saṃjñā + utpādayitavyā | kalyāṇa-mitreṣu ca vaidya-saṃjñā | anuśāsanīṣu bhaiṣajya-saṃjñā | pratipattiṣu vyādhi-nirghātana-saṃjñā | ātmani ca te kula-putra bhīru-saṃjñā + utpādayitavyā | kalyāṇa-mitreṣu śūra-saṃjñā | anuśāsanīṣu praharaṇa-samjñā | pratipattiṣu śatru-nirghātana-saṃjñā ||
atra + eva vācanā-upāsikā-vimokṣe varṇitaṃ | kalyāṇa-mitra-anuśāsanī-pratipannasya kula-putra bodhi-satvasya buddhā bhagavanto * abhirāddha-cittā bhavanti | kalyāṇa-mitra-vacana-a-viloma-sthāyino bodhi-satvasya sarva-jñatā + asannī-bhavati | kalyāṇa-mitra-vacana-a-vicikitsakasya + asannī-bhavanti kalyāṇa-mitrāṇi | kalyāṇa-mitra-manasi-kāra-a-virahitasya sarva-arthā abhimukhā bhavanti + iti | ata eva + ārya-sudhanaḥ sāradhvajasya bhikṣoḥ pādau śirasā + abhivandya + an-eka-śata-sahasra-kṛtvaḥ pradakṣiṇī-krṭya sāradhvajaṃ bhikṣum avalokya praṇipatya punaḥ punar avalokayan niyataṃ praṇipatan namasyann avanaman manasi kurvan cintayan bhāvayan paribhāvayann udānam udānayan hāk-kāraṃ kurvan | guṇān abhimukhī-kurvan nigamayann atra sann anusmaran dṛḍhī-kurvann a-vijahan manasā + āgamayann upanibadhnan praṇidhiṃ samavasaran darśanam abhilaṣan svara-nimittam udgṛhṇan yāvat tasya + antikāt prakrāntaḥ | tathā kalyāṇa-mitra-āgataṃ sarva-jñatāṃ saṃpaśyann aśru-mukho rudan yāvan meghasya dramitasya + antikāt prakrāntaḥ ||
bodhi-satva-pratimokṣe * apy uktaṃ | iha śāriputra bodhi-satvo dharma-kāmatayā na + asti tal loke ratnaṃ yan na parityajati | na + asti tat kāya-upasthānaṃ yan na karoti | na + asti taj jaṅghā-preṣaṇaṃ yan na + utsahate | na + asti tad vāk-karma yan na + utsahate ācārya-upādhyāya-gauravatayā ||
peyālaṃ ||
tat kasya hetoḥ | bandha-cchedāya + eṣa dharmaḥ saṃvartate | jāti-jarā-vyādhi-maraṇa-śoka-parideva-duṣkha-daurmanasya-cchedāya + eṣa dharmaḥ saṃvartatae iti ratna-cittam utpādya bhaiṣajya-cittam utpādya | sarva-satvānāṃ glānya-vyupaśamāya + eṣa dharmaḥ saṃvartatae iti | eṣṭavyaś ca + asmābhiḥ sarva-satvānāṃ glānya-vyupaśamāya + evaṃ-rūpo dharma iti ||
ugradatta-paripṛcchāyām apy uktaṃ | sacet punar gṛha-pate pāṭha-sva-adhyāya-arthiko bodhi-satvaḥ kasya-cid antikāc catuṣ-pādikāṃ gāthāṃ śṛṇuyād uddiśed vā udgṛhṇīyād dāna-śīla-kṣānti-vīrya-dhyāna-prajñā-saṃprayuktāṃ bodhi-satva-saṃbhāra-upacayaṃ vā tena tasminn ācārye dharma-gauravaṃ karaṇīyaṃ yāvadbhir nāma-pada-vyañjana ... gāthā + uddiṣṭā | yadi tāvata evaṃ kalpāṃs tasya + ācāryasya + upasthāna-paricaryāṃ kuryād a-śaṭhatayā sarva-lābha-sat-kāra-pūjayā | adya + api gṛha-pate na pratipūritam ācāryasya + ācārya-gauravaṃ bhavati | kaḥ punar vādo dharma-gauravaṃ ||
prajñā-pāramitāyām aṣṭa-sahasrikāyām apy uktaṃ | kalyāṇa-mitreṣu ca tvayā kula-putra tīvraṃ gauravam utpādayitavyaṃ | prema ca karaṇīyaṃ | atha khalu sadāprarudito bodhi-satvo mahā-satva evaṃ-rūpair guṇair gaurava-manasi-kārair gacchann anupūrveṇa + anyatama-nagaram anuprāptas | tatra tasya + antarāyaṇa-madhya-gatasya + etad abhūt | yan nv aham imam ātma-bhāvaṃ vikrīya + anena mūlyena dharmodgatasya bodhi-satvasya mahā-satvasya sat-kāraṃ kuryāṃ | dīrgha-rātraṃ hi mama + ātma-bhāva-sahasrāṇi bhagnāni kṣīṇāni vikrītāni punar a-parimāṇe saṃsāre * a-parimāṇāni yāni mayā kāma-hetoḥ kāma-nidānam anubhūtāni na punar evaṃ-rūpāṇāṃ dharmāṇāṃ kṛtaśa evaṃ-rūpāṇāṃ vā satvānāṃ sat-kārāya ||
atha khalu sadāprarudito bodhi-satvo mahā-satvo * antarāyaṇa-madhya-gataḥ śabdam udīrayām āsa ghoṣam anuśrāvayām āsa | kaḥ puruṣeṇa + arthikaḥ kaḥ puruṣeṇa + arthika iti peyālaṃ | atha khalu māraḥ pāpīyān brāhmaṇa-gṛha-patikāṃs tathā samupasthāpayām āsa yathā taṃ ghoṣaṃ na + aśrauṣuḥ | yadā + ātmanaḥ krāyakaṃ na labhate tadā + eka-antaṃ gatvā prārodīd aśrūṇi ca prāvarttayad evaṃ ca + avadad | aho vata + asmākaṃ dur-labhā lābhā ye vayam ātma-bhāvasya + api kretāraṃ na labhāmahe | atha khalu śakro devānām indro māṇavaka-rūpeṇa yāvat sadāpraruditaṃ bodhi-satvaṃ mahā-satvam etad avocat | kiṃ tvaṃ kula-putra dīna-manā utkaṇṭhita-mānaso * aśrūṇi pravarttayamānaḥ sthitaḥ ||
sadāprarudita evam āha | ahaṃ māṇavaka dharma-kāmatayā imam ātma-bhāvaṃ vikrīya dharma-pūjāṃ karttu-kāmaḥ so * aham asya krāyakaṃ na labhe | peyālaṃ ||
atha khalu sa māṇavakaḥ sadāpraruditaṃ bodhi-satvaṃ mahā-satvam etad avocat | na mama kula-putra puruṣeṇa kṛtyam api tu khalu punaḥ pitur me yajño yaṣṭavyaḥ | tatra me puruṣasya hṛdayena kṛtyaṃ lohitena ca asthi-majjayā ca | tad dāsyasi tvaṃ krayeṇa ||
atha khalu sadāpraruditasya + etad abhūt | lābhā me su-labdhāḥ pariniṣpannaṃ ca + ātmānaṃ jāne prajñā-pāramitā + upāya-kauśalyeṣu | yan mayā + ātmanaḥ krāyako labdho hṛdaysya rudhirasya ca + asthi-majjāyāś ca ||
sa hṛṣṭa-cittaḥ kalya-cittaḥ pramudita-cittas taṃ māṇavakam etad avocat | dāsyāmi māṇavaka yena te ita ātma-bhāvād arthaḥ | yāvat sadāprarudito bodhi-satvo mahā-satvas tīkṣṇaṃ śastraṃ gṛhītvā dakṣiṇaṃ bāhuṃ viddhvā lohitaṃ nisrāvayati sma dakṣiṇaṃ ca + ūruṃ viddhvā nir-māṃsaṃ ca kṛtvā + asthi bhettuṃ kuḍya-mūlam upasaṃkrāmati ||
atha khalv anyatarā śreṣṭhi-dārikā + upari-prāsāda-tala-gatā + adrākṣīt sadāpraruditaṃ bodhi-satvaṃ yāvat sā śreṣṭhi-dārikā yena sadāprarudito bodhi-satvas tena + upasaṃkramya + etad avocat | kiṃ nu khalu tvaṃ kula-putra + evaṃ-rūpām ātmanaḥ kāraṇāṃ kārayāsi + iti | yāvat sā dārikā pūjā-prayojanaṃ śrutvā punar āha | kā punas te kula-putra tato guṇa-jātir niṣpatsyate | sa tām etad avocat | sa dārike kula-putro mama prajñā-pāramitām upāya-kauśalyaṃ ca + upadekṣayti | tatra vayaṃ śikṣiṣyāmas tatra vayaṃ śikṣamāṇāḥ sarva-satvānāṃ pratiśaraṇaṃ bhaviṣyāmaḥ | peyālaṃ ||
atha khalu sā śreṣṭhi-dārikā sadāpraruditaṃ bodhi-satvam etad avocat | āścaryaṃ kula-putra | yāvad udārāḥ praṇītāś ca + amī tvayā dharmāḥ parikīrttitāḥ | eka-ekasya + api kula-putra + evaṃ-rūpasya dharmasya + arthāya gaṅgā-nadī-vālikā-upamān api kalpān evam ātma-bhāvāḥ parityaktavyā bhaveyuḥ | tathā + udārāḥ praṇītāś ca + amī tvayā dharmāḥ parikīrttitāḥ | api tu khalu kula-putra yena yena kṛtyaṃ tat te dāsyāmi suvarṇaṃ vā maṇiṃ vā muktāṃ vā vaiḍūryaṃ vā yāvad yena tvaṃ taṃ dharmodgataṃ bodhi-satvaṃ sat-kariṣyasi | yāvad vistareṇa tayā dārikayā pañca-śata-parivārayā sārddhaṃ tasya dharmodgatasya saṃkramaṇaṃ kartavyaṃ ||
atha khalu dharmodgato bodhi-satvo mahā-satvaḥ utthāya + āsanāt svakaṃ gṛhaṃ prāvikṣat | yāvat sapta varṣāṇy eka-samādhi-samāpanna eva + abhūt | sadāprarudito bodhi-satvo mahā-satvaḥ sapta varṣāṇi na kāma-vitarkam utpādayām āsa | na vyāpāda-vitarkaṃ na vihiṃsā-vitarkam utpādayām āsa | na rasa-gṛddhim utpādayām āsa + anyatra | kadā nāma dharmodgato bodhi-satvo mahā-satvo vyutthāsyati | yad vayaṃ dharmodgatasya bodhi-satvasya mahā-satvasya dharma-āsanaṃ prajñāpayiṣyāmo yatra + asau kula-putro niṣadya dharmaṃ deśayiṣyati taṃ ca pṛthivī-pradeśaṃ siktaṃ saṃmṛṣṭaṃ ca kariṣyāmo nānā-puṣpa-abhikīrṇaṃ iti cintayām āsa ||
tāny api śreṣṭhi-dārikā pramukhāṇi pañca-dārikā-śatāni sadāpraruditasya bodhi-satvasya + anuśikṣamāṇāni dvābhyām eva + īryā-pathābhyāṃ kālam atināmayām āsuḥ ||
atha khalu sadāprarudito bodhi-satvo mahā-satvo divyaṃ nirghoṣam aśrauṣīd itaḥ saptame divase dharmodgato bodhi-satvo mahā-satvo * asmāt samādher vyutthāya madhye nagarasya niṣadya dharmaṃ deśayiṣyati + iti | atha khalu sadāprarudito bodhi-satvo mahā-satvas taṃ nirghoṣaṃ śrutvā ātta-manāḥ pramuditaḥ prīti-saumanasya-jātas taṃ pṛthivī-pradeśaṃ śodhayām āsa sārddhaṃ śreṣṭhi-dārikā-pramukhaiḥ pañcabhir dārikā-śatair dharma-āsanaṃ prajñapayām āsa sapta-ratna-mayaṃ | atha khalu sadāprarudito bodhi-satvo mahā-satvas taṃ pṛthivī-pradeśaṃ sektu-kāmaś ca | na ca + udakaṃ samantāt paryeṣamāṇo * api labhate yena taṃ pṛthivī-pradeśaṃ siñced | yathā + api nāma māreṇa pāpīyasā tat sarvam udakam antar-dhāpitaṃ apy eva nāma + asya + udakam a-labhamānasya cittaṃ duṣkhitaṃ syād daurmanasyaṃ ca bhavec cittasya vā + anyathātvaṃ bhaved yena + asya kuśala-mūla-antar-dhānaṃ bhaven na vā bhrājeran kuśala-mūlāni | atha khalu sadāpraruditasya bodhi-satvasya mahā-satvasya + etad abhūt | yan nv aham ātmanaḥ kāyaṃ viddhvā imaṃ pradeśaṃ rudhireṇa siñceyaṃ | tat kasya hetoḥ | ayaṃ hi pṛthivī-pradeśae uddhata-rajasko | mā rajo-dhātur ito dharmodgatasya bodhi-satvasya mahā-satvasya kāye nipatatu | kim aham anena + ātma-bhāvena + a-vaśyaṃ-bhedana-dharmiṇā kuryāṃ | varaṃ khalu punar mama + ayaṃ kāya evaṃ-rūpayā kriyayā vinaśyatu na ca niḥ-sāmarthya-kriyayā | kāma-hetoḥ kāma-nidānaṃ bahūni me ātma-bhāva-sahasrāṇi punaḥ punar a-parimāṇe saṃsāre saṃsarato bhinnāni | yadi punar bhidyante kāmam evaṃ-rūpeṣv iva dharma-sthāneṣu bhidyantāṃ ||
atha khalu sadāprarudito bodhi-satvo mahā-satva iti pratisaṃkhyāya tīkṣṇaṃ śastraṃ gṛhītvā sva-kāyaṃ samantato viddhvā taṃ pṛthivī-pradeśaṃ sva-rudhireṇa sarvam asiñcat | evaṃ tābhir api dārikābhiḥ kṛtaṃ | na ca sadāprarudito bodhi-satvasya mahā-satvasya tāsāṃ vā sarvāsāṃ dārikāṇāṃ cittasya + anyathātvam abhūt | yatra māraḥ pāpīyān avatāraṃ labheta + iti ||
ata evaṃ catur-dharmaka-sūtre * apy uktaṃ | kalyāṇa-mitraṃ bhikṣavo bodhi-satvena mahā-satvena yāvaj-jīvaṃ na parityaktavyam api jīvita-hetor iti ||
tad evaṃ kalyāṇa-mitra-an-utsargād ātma-bhāva-ādīnāṃ rakṣā-ādikaṃ kāryaṃ ||
sūtrāṇāṃ ca sadā + īkṣaṇād bodhi-satva-śikṣā-padāni hi prāyaḥ sūtreṣv eva dṛśyante | teṣu teṣu sūtra-anteṣu bodhi-satva-samudācārā bodhi-satva-śikṣā-padāni prajñaptāni + iti vacanāt | tasmāt tad-an-īkṣaṇe mā bhūd āpattim āpannasya + apy a-jñānād a-viratir iti sadā sūtra-darśanāya + ādaraḥ kāryaḥ | tad anena kalyāṇa-mitra-an-utsargeṇa sūtra-anta-darśanena ca sarvaḥ sad-dharma-parigraha ukto bhavati ||
yathā + uktam ārya-sāgaramati-sūtre | yābhir akṣara-niruktibhiḥ so * an-abhilāpyo dharmaḥ sūcyate tāsām akṣara-niruktīnāṃ yadā dhāraṇaṃ deśanā yāvad | ayam ucyate sad-dharma-parigrahaḥ | punar a-paraṃ kula-putra ye te dharma-bhāṇakā eṣām evaṃ-rūpāṇāṃ sūtra-antānāṃ deśayitāraḥ pratipatti-sārāś ca teṣām api dharma-bhāṇakānāṃ yat sevanaṃ bhajanaṃ paryupāsanam utthānam upasthānaṃ gauravaṃ citrī-kāraḥ śuśrūṣā ārakṣā parigrahaś cīvara-piṇḍa-pātra-śayana-āsana-glāna-pratyaya-bhaiṣajya-pariṣkāra-dānaṃ sādhu-kāra-dānaṃ svāmy--ārakṣā kuśala-pakṣa-rakṣā varṇa-bhāṣaṇam a-varṇa-praticchādanatā | ayam api sad-dharma-parigrahaḥ | peyālaṃ ||
punar a-paraṃ kula-putra yā a-vivāda-paramatā | a-dharme dharma-vādināṃ ca pudgalānāṃ saha dharmeṇa nigrahaḥ | ayam api sad-dharma-parigrahaḥ | punar a-paraṃ kula-putra + a-pratihata-santānasya sarva-satva-pramokṣa-buddher nir-āmiṣa-cittasya parebhyo dharma-dānam ayam api sad-dharma-parigrahaḥ | punar a-paraṃ kula-putra yo dharma-śravaṇa-hetuko vā dharma-deśanā-hetuko vā + antaśa eka-krama-vyatihāro * antaśa eka-ucchvāsa-praśvāso vā | ayam api sad-dharma-parigrahaḥ | peyālaṃ ||
prahrutaṃ vata + idaṃ kula-putra cittaṃ viṣayeṣu | tasya yā nivāraṇā parirakṣā eka-agrī-bhāvo damaḥ śama upaśamo vinayo * ayam ucyate sad-dharma-parigrahaḥ | peyālaṃ ||
punar a-paraṃ kula-putra yena dharmeṇa yo * a-dharmaḥ pravartate tasya dharmasya + a-parigraho * an-upādānam ayam api sad-dharma-parigraha ity ādi ||
tatr dharma-bhāṇaka-sevā-ādinā kalyāṇa-mitra-an-utsarga uktaḥ | kalyāṇa-mitra-lakṣaṇaṃ ca | tad etena sad-dharma-parigraheṇa vinā | na rakṣā | na śuddhir na vṛddhis
[doubtful]
tataś ca so * api na bodhi-satva ity a-vaśya-kāryaḥ sad-dharma-parigrahaḥ ||
uktaṃ hi śrī-mālā-siṃha-nāda-sūtre | yāny api + imāni bhagavan gaṅgā-nadī-vālikā-samāni bodhi-satva-praṇidhānāni tāny ekasmin mahā-praṇidhāne upanikṣiptāny antar-gatāny anupratiṣṭhāni yad uta sad-dharma-parigrahe | evaṃ mahā-viṣayo bhagavan sad-dharma-parigraha iti ||
punar atra + eva + āha | syād yathā + api nāma devi mahā-balavato * api puruṣasya + alpo * api marmaṇi prahāro | vedhanīyo bhavati vādhā-karaś ca | evam eva devi mārasya pāpīyasaḥ parītto * api sad-dharma-parigraho vedhanīyo bhavati śoka-āvahaḥ parideva-karaś ca bhavati | na + ahaṃ devi anyam ekam api dharmaṃ kuśalaṃ samanupaśyāmi mārasya pāpīyasa evaṃ vedhanīyaṃ śoka-āvahaṃ parideva-karaṃ ca | yathā + ayam alpo * api sad-dharma-parigraha iti ||
punar āha | syād yathā + api nāma devi sumeruḥ parvata-rājaḥ sarvān kula-parvatān abhibhavann abhirocate ca samabhirocate ca + uccatvena vipulatvena ca | evam eva devi mahā-yānikasya kāya-jīvita-nir-apekṣasya na ca gṛhīta-cittasya sad-dharma-parigraho nava-yāna-saṃprasthitānām api kāya-jīvita-sa-apekṣāṇāṃ mahā-yānikānāṃ sarvān kuśalān dharmān abhibhavati + ity ādi ||
tathā + ārya-sāgaramati-sūtre * apy āha | parigṛhīto bhavatī jinebhir devebhi nāgebhi ca kinnarebhiḥ | puṇyena jñānena parigṛhītaḥ sad-dharma-dhāritva tathā-gatānām ||
peyālaṃ ||
sa śūnya-kṣetreṣu na jātu jāyate sarvatra jātau ca jinaṃ sa paśyati | dṛṣṭvā ca tasmiṃl labhate prasādaṃ sad-dharma-dhāritva tathā-gatānām ||
jāti-smaro bhavati mahā-ātma-dharmā pravrajya-lābhī bhavate punaḥ punaḥ | pariśuddha-cārī pratipatti-sāraḥ sad-dharma-dhāritva tathā-gatānām ||
peyālaṃ ||
lābhī ca bhotī vidu-dhāraṇīye na naśyate kalpa-śatebhi yac-chubham | pratibhānavanto bhavate a-saktaḥ sad-dharma-dhāritva tathā-gatānāṃ ||
śakro * atha brahmā tatha loka-pāl-o manuṣya-rājā bhuvi cakra-varttī | sukhena saukhyena sa bodhi budhyate sad-dharma-dhāritva tathā-gatānām ||
dvātriṃśa kāye * asya bhavanti lakṣaṇāḥ a-nindita-aṅgo bhavate vi-cakṣaṇaḥ | na tasya tṛptiṃ labhi prekṣamāṇāḥ sad-dharma-dhāritva tathā-gatānām ||
na tasya saṃmuhyati bodhi cittaṃ na ca + uddhuraḥ pāramitā carīṣu | a-saṃgṛhītaḥ kuśalaḥ śatebhiḥ sad-dharma-dhāritva tathā-gatānām iti ||
śīla-pāramitāyāṃ sad-dharma-parigraho nāma dvitīyaḥ paricchedaḥ ||
[III. dharmabhāṇakādirakṣā]
dharma-bhāṇaka-ādi-rakṣā tṛtīyaḥ paricchedaḥ ||
uktas trayāṇām api sāmānyena rakṣā-ādy-upāyaḥ | rakṣā-ādayas tu vācyāḥ | tatra + ātma-bhāve kā rakṣā yad an-artha-vivarjanaṃ ||
tatra + iti sad-dharma-parigrahe varttamānasya + ātma-bhāva-rakṣā cintyate yathā parān na nāśayet | idaṃ ca an-artha-vivarjanam ārya-gagana-gañja-sūtre sad-dharma-dhāraṇa-udyatair bodhi-satvair bhāṣitaṃ ||
vayam utsahāmo bhagavan nirvṛte dvi-pada-uttame | sad-dharmaṃ dhārayiṣyāmaḥ tyaktvā kāyaṃ sva-jīvitam ||
lābha-sat-kāram utsṛṣṭvā sarvaṃ ca + utsṛjya saṃstavaṃ | an-utsṛṣṭvā imaṃ dharmaṃ buddha-jñāna-nidarśakam ||
ākrośa-paribhāṣāṃś ca dur-ukta-vacanāni ca | kṣāntyā tān marṣayiṣyāmaḥ sad-dharma-pratisaṃgrahāt ||
uccagghanāṃ tarjanāṃ ca a-varṇam a-yaśāṃsi ca | sarvāṃs tān marṣayiṣyāmo dhārayanta imaṃ nayam || pe ||
evaṃ-vidhe mahā-ghore bhikṣu-rājāna-kṣobhaṇe | vilopa-kāle satvānāṃ sad-dharmaṃ dhārayāmahe ||
gambhīrā ye ca sūtra-antā vimukti-phala-saṃhitāḥ | pratīcchakā na bhesyanti | citrā mṛkṣyanti te kathās || pe ||
maitrīṃ teṣu kariṣyāmo ye dharmeṣv a-pratiṣṭhitāḥ | kāruṇyaṃ ca kariṣyāmo dhārayanta imaṃ nayam ||
dṛṣṭvā duḥ-śīla-satvāṃś ca icchā-lobha-pratiṣṭhitān | aśru-pātaṃ kariṣyāmo gatiḥ kāndhasya bhāvitā ||
sahasā + eva ca taṃ dṛṣṭvā sad-dharma-pratibādhakaṃ | dūrato maitram eṣyāmo mā no ruṣyeta eva hi ||
rakṣiṣyāmo yathā-śaktyā vācā-karmasu saṃvṛtāḥ | sahasā + enān na vakṣyāmaḥ sva-pāpe * asmin pratiṣṭhitān ||
dānais tathā + api sat-kāraiḥ paripācya + iha tān narān | paścā + enāṃś codayiṣyāmo bhūtam āpāya-go-carān ||
gṛhi-saṃbhava-saṃtyaktāḥ prānta-araṇya-su-go-carāḥ | mṛga-bhūtā bhaviṣyāmo * alpa-arthā alpa-kṛtyakāḥ || pe ||
dāntāḥ śāntāś ca muktāś ca grāme * asminn avatīrya ca | deśayiṣyāmahe dharmaṃ satvā ye dharmata-arthikā ||
su-dūram api yāsyāmo dharma-kāmān niśamya ca | dharma-ārāma-rati-prāptā arthaṃ karttā + asma dehinām ||
saṃmukhaṃ tatra saṃdṛśya satvānāṃ skhalitaṃ pṛthu | ātma-prekṣā bhaviṣyāmo dharma-sauratya-saṃsthitāḥ ||
a-sat-kṛtāḥ sat-kṛtā vā meru-kalpāḥ prabhūya ca | an-upaliptā lokena bhesyāmo loka-nāyakāḥ ||
bhikṣūṇāṃ bhinna-vṛttānāṃ parivādaṃ niśamya ca | karma-svakā bhavisyāmo mā + eṣāṃ karma vipacyatām ||
badhakān yojayiṣyanti dharmeṣv eṣu hi vartatāṃ | ete dharmā na ca + asmākaṃ saṃvidyante kathañ-cana ||
asmākaṃ śramaṇānāṃ hi na ca śrāmaṇakā guṇāḥ | bhūtāṃ codana saṃśrutya idaṃ sūtraṃ pratikṣipan ||
saṃchinna-karṇa-nāsānām ādarśā + eṣāṃ kutaḥ priyaḥ | codanāṃ bhūtataḥ śrutvā sad-dharmaṃ te kṣipanti tam ||
ye bhikṣavo bhaviṣyanti sad-dharma-pratigrāhakāḥ | ceṣṭiṣyante tathā teṣāṃ kaś-cid dharmam imaṃ śṛṇot ||
rājāno grāhayiṣyanti bhesyanti ca mahā-janaḥ | buddha-adhiṣṭhānataḥ satvā dharmaṃ śroṣyanti + imaṃ
[doubtful]
tadā ||
tasmin kāle vayaṃ kaṣṭe tyaktvā kāyaṃ sa-jīvitaṃ | sad-dharmaṃ dhārayiṣyāmaḥ satvānāṃ hita-kāraṇād | iti ||
ārya-sad-dharma-puṇḍarīke * apy uktaṃ ||
ācāra-go-cara-rakṣī a-saṃsṛṣṭaḥ śucir bhavet | varjayet saṃstavaṃ nityaṃ rāja-putrebhi rājabhiḥ ||
ye ca + api rājñāṃ puruṣāḥ kuryāt te hi na saṃstavaṃ | caṇḍāla-muṣṭikaiḥ śauṇḍais tīrthikaiś ca + api sarvaśaḥ ||
adhimānīn na seveta
[doubtful]
vinayec ca + āgame sthitān | arhanta-saṃmatān bhikṣūn duḥ-śīlāṃś ca + eva varjayet ||
bhikṣuṇīṃ varjayen nityaṃ hāsya-saṃlāpa-go-carāṃ | upāsikāś ca varjeyā prakaṭam an-avasthitāḥ ||
strī-paṇḍakāś ca ye satvāḥ saṃstavaṃ tair vivarjayet | kuleṣu ca + api vadhukāḥ kumāryaś ca vivarjayet ||
na tāḥ saṃmodayej jātu kauśalyaṃ sādhu pṛcchitṛṃ
[doubtful]
| saṃstavaṃ ca vivarjeyā saukara-aurabhrikaiḥ saha ||
strī-poṣakāś ca ye satvā varjayet tehi saṃstavaṃ | naṭair jhallaka-mallebhir ye ca + anye tādṛśā janāḥ ||
vāra-mukhyān na seveta ye ca + anye bhoga-vṛttinaḥ | pratisaṃmodanaṃ tebhiḥ sarvaśaḥ parivarjayet ||
yadā ca dharmaṃ deśeyā mātṛ-grāmasya paṇḍito | na ca + ekaḥ praviśet tatra na + api hāsya-sthito bhaved iti ||
ayaṃ ca + a-paro * an-artho bhaved yad idaṃ māra-karma + uktaṃ prajñā-pāramitāyāṃ | māraḥ pāpīyāṃs tasya bodhi-satvasya + a-ciraṃ yāna-saṃprasthitasya + antike balavattaram udyogam āpatsyate | atra + eva + āha | punar a-param ānanda yasmin samaye bodhi-satvo mahā-satvaḥ prajñā-pāramitāyāṃ yogam āpadyate tasmin samaye mārāḥ pāpīyāṃso bodhi-satvasya viheṭhanam upasaṃharanti bhayaṃ saṃjanayanti | ulkā-pātān diśi dig-vahān utsṛjanti saṃdarśayanti | apy eva nāma + ayaṃ bodhi-satvo mahā-satvo * avanīyeta vā roma-harṣo vā + asya bhaved iti | yena + asya + eka-citta-utpādo * api kṣīyeta + an-uttarāyāḥ samyak-saṃbodher iti | punar a-param anya-vijñāna-saṃjñino likhiṣyanti yāvat paryavāpsyanti | na vayam atra + āsvādaṃ labhāmahe ity utthāya + āsanāt prakramiṣyanti | evaṃ vijṛmbhamāṇā uccagghanto yāvat paryavāpsyanti + iti māra-karma | evam utpatsyante jana-pada-grāma-ādi-vitarkāḥ | evam ācārya-upādhyāya-mātā-pitṛ-mitra-amātya-jñāti-sālohita-manasi-kārāḥ | evaṃ cora-manasi-kārāḥ | evaṃ cīvara-ādi-manasi-kārāḥ | punar a-paraṃ dharma-bhāṇakaś chandiko bhaviṣyati imāṃ gambhīrāṃ prajñā-pāramitāṃ lekhayituṃ yāvad vācayitu.ṃ dharma-śravaṇikaś ca kilāsī bhaviṣyati | evaṃ viparyayāt | dharma-bhāṇakaś ca deśa-antaraṃ gantu-kāmo bhaviṣyati dhārma-śravaṇikāś ca na + iti neyaṃ | evaṃ dharma-bhāṇako mahā-iccho bhaviṣyati dhārma-śravaṇiko * alpa-iccha iti neyaṃ | saṃkṣepād dharma-bhāṇaka-dhārma-śravaṇikayor yā kā-cid vidhuratā sarvaṃ tan māra-karma + ity uktaṃ ||
ārya-gagana-gañja-sūtre * apy uktaṃ | iti hi yāvad a-kuśala-dharma-anuvarttanatā | kuśala-dharma-utsargaś ca sarvaṃ tan māra-karma + iti ||
ārya-sāgaramati-sūtre * apy āha | punar a-paraṃ bhagavan bodhi-satva āraṇyako bhavati prānta-śayyā-āsana-abhirato * alpa-icchuḥ saṃtuṣṭaḥ pravivikto * a-saṃsṛṣṭo gṛha-stha-pravrajitaiḥ | so * alpa-arthatayā + alpa-kṛtyatayā ca sukhaṃ viharati na ca bāhaśrutya-paryeṣṭāv abhiyukto bhavati na satva-paripākāya na ca dharma-śravaṇe vā dharma-sāṃkathhye vā + artha-viniścaya-kathāyāṃ vā vartamānāyāṃ saṃkramitavyaṃ manyate | na paripṛcchana-jātīyo bhavati | na kiṃ-kuśala-abhiyukto bhavati | tasya + araṇya-vāsena ca + eka-ārāma-ratitayā ca kleśā na samudācaranti | sa paryutthāna-viṣkambhaṇa-mātreṇa tuṣṭiṃ vindati | na ca + anuśaya-samudyātāya mārgaṃ bhāvayati | sa tatra na + ātma-arthāya pratipanno bhavati na para-arthāya | ayaṃ bhagavan bodhi-satvasya + araṇya-vāsa-pratisaṃyuktaḥ saptamo māra-aṅkuśa iti || pe ||
punar a-paraṃ bhagavan bodhi-satvaḥ kalyāṇa-mitra-prati-rūpakāṇi pāpa-mitrāṇi sevate bhajate paryupāste | ye hy enaṃ saṃgraha-vastubhyo vicchandya puṇya-saṃbhārāt sad-dharma-parigrahād vicchandya praviveke niyojayanti | alpa-arthāya + alpa-kṛtyatāyāṃ niyojayanti | śrāvaka-praty-eka-buddha-pratisaṃyuktāś ca + asmai kathā abhīkṣṇaṃ deśayanti ||
yasmiṃś ca samaye bodhi-satvo viveka-vāsena mahā-yāne * abhyudgacchet tasmin samaye taṃ bodhi-satvaṃ vaiyāvṛtya-palibodhe niyojayanti vaiyāvṛtyaṃ bodhi-satvena + a-vaśyaṃ karaṇīyaṃ ||
yasmiṃś ca samaye bodhi-satvo vaiyāvṛtye saṃniyojayitavyas tasmin samaye viveke niyojayanti | evaṃ ca + enaṃ vadanti | ārabdha-vīryasya bodhi-satvasya bodhir na ku-sīdasya | sacet tvam aṣṭābhir navabhir vā kalpair an-uttarāṃ samyak-saṃbodhiṃ na + abhisaṃbhotsyase | na bhūyaḥ śakyasy an-uttarāṃ samyak-saṃbodhim abhisaṃboddhum | tatra bhagavan | bodhi-satvo * aty-ārabdhena vīryeṇa sthānaṃ khalu punar etad vidyate yan nirvāṇa-phalaṃ prāpnuyād | ayaṃ bhagavan | bodhi-satvasya kalyāṇa-mitra-prati-rūpakeṇa daśamo māra-aṅkuśaḥ ||
ye * api tato * anye bodhi-satva-yānīyāḥ pudgalā māra-aṅkuśa-āviddhāḥ pratyaveteṣu dharmeṣu caranti taiḥ sārddhaṃ ratiṃ vindati | tathā hi tad-anuvarttakā bhavanti sa hīna-sevī viśeṣam an-adhigato hīna-gatiṃ gacchati yad uta dhanva-gatiṃ jaḍa-eḍa-mūka-gatiṃ yāvad ekādaśo māra-aṅkuśa iti ||
yena ca + evaṃ saṃtaty-ārabdha-vīryasya nir-vedāt sarvathā bodhi-satva-bhāva eva bhavaty ata eva ratna-meghe * abhihitaṃ | iha bodhi-satvaḥ sarva-īryā-patheṣu vīryam ārabhate | tathā ca + ārabhate yathā na kāya-khedaṃ saṃjanayati | na citta-khed.am | idam ucyate bodhi-satvasya sāṃtatya-vīryam iti | kīdṛśaṃ tad vīryaṃ | yena khedo bhavati | yad idam alpa-balasya guru-karma-ārambho * ati-velāyāṃ vā + a-paripakva-adhimukter vā duṣkara-karma-ārambhas tad yathā sva-māṃsa-dāna-ādiḥ | dattaś ca + anena + ātma-bhāvaḥ | kintv a-kāla-paribhogād vārayati | anyathā hi teṣām eva satvānāṃ bodhi-satva-khedena bodhi-citta-vīja-nāśān mahataḥ phala-rāśer nāśaḥ syāt ||
ataś ca gagana-gañja-sūtre * abhihitaṃ | a-kāla-pratikāṅkṣaṇatā māra-karma + iti | na + apy a-kāla ity ātma-bhāva-tyāga-cittam eva na + utpādya + abhyāsa-an-ārambhād * dhi na kadā-cid dadyāt | tasmād evaṃ smṛtim upāsthāpya bodhi-citta-paripācana-virodhibhyo mohāt sva-artha-ghātibhyaḥ piśita-aśanebhyaḥ karma-kāribhyaś ca + ātma-bhāvo rakṣitavyaḥ ||
bhaiṣajya-vṛkṣasya su-darśanasya mūla-ādi-bhogyasya yathā + eva vījaṃ | dattvā + api saṃrakṣyam a-kāla-bhogāt saṃbuddha-bhaiṣajya-taros tathā + eva ||
ayaṃ samāsato māra-karma + an-arthaḥ ||
asya visarjanaṃ ratna-megha-sūtre kathitaṃ | kathaṃ ca kula-putra + atra bodhi-satvo māra-karma-parihāra-upāya-kuśalo bhavati | iha bodhi-satvo * a-kalyāṇa-mitraṃ sarveṇa sarvaṃ parivarjayati | a-prati-rūpa-deśa-vāsaṃ lokāyata-mantra-sevana-bhāvanāṃ lābha-sat-kāra-pūjā-upasthāna-bahu-mānaṃ sarveṇa sarvaṃ parivarjayati | ye ca + anye upakleśā bodhi-pakṣya-mārga-antarāyikās tān sarveṇa sarvaṃ parivarjayati | teṣāṃ ca prati-pakṣaṃ bhajate ||
atra + eva ca + a-kalyāṇa-mitra-lakṣaṇam uktaṃ | śīla-vipanna-pudgala-vivarjanatayā pāpa-mitra-parivarjanā veditavyā | evaṃ dṛṣṭi-vipanna-ācāra-vipanna-ājīva-vipanna-pudgala-vivarjanatayā | saṅgaṇikā-ārāma-pudgala-vivarjanatayā | kuśīda-pudgala-vivarjanatayā | saṃsāra-abhirata-pudgala-vivarjanatayā | bodhi-parāṅ-mukha-pudgala-parivarjanatayā | gṛhi-saṃsarga-vivarjanatayā pāpa-mitra-parivarjanā veditavyā | tena ca kula-putra + etāni sthānāni parivarjayatā na teṣāṃ pudgalānām antike duṣṭa-cittam utpādayitavyaṃ na pratigha-cittaṃ na + avamanyanā-cittam utpādayitavyam | evaṃ ca anena cittam upasthāpayitavyam | uktaṃ hi bhagavatā dhātuśaḥ satvāḥ kāma-ādi-dhātuṃ āsravanti jāyante saṃsyandante saṃsargāc ca vinaśyanti | tasmād ahaṃ saṃsargaṃ varjayiṣyāmi + iti ||
bodhi-citta-saṃpramoṣo * apy an-arthaḥ tasya ca hetur ukto ratna-kūṭe | caturbhiḥ kāśyapa dharmaiḥ samanvāgatasya bodhi-satvasya bodhi-cittaṃ muhyati | katamaiś caturbhiḥ | ācārya-guru-dakṣiṇīya-visaṃvādanatayā pareṣām a-kaukṛtye kaukṛtya-upasaṃharaṇatayā | mahā-yāna-saṃprasthitānāṃ ca satvānām a-varṇa-a-yaśo * a-kīrty-a-loka-niścāraṇatayā māyā-śāṭhyena ca param upacarati na + adhyāya-āśayena + iti asya vivarjanam atra + uktaṃ | caturbhiḥ kāśyapa dharmaiḥ samanvāgatasya bodhi-satvasya sarvāsu jātiṣu jāta-mātrasya bodhi-cittam āmukhī-bhavati | na ca + antarā muhyati yāvad bodhi-maṇḍa-niṣadanāt | katamaiś caturbhiḥ | yad uta jīvita-hetor api saṃprajānan mṛṣā-vādaṃ na prabhāṣate | antaśo hāsya-prekṣikayā + api | adhyāśayena ca sarva-satvānām antike tiṣṭhaty apagata-māyā-śāṭhyatayā sarva-bodhi-satveṣu ca śāstṛ-saṃjñām utpādayati | catur-diśaṃ ca teṣāṃ varṇaṃ niścārayati | yāṃś ca satvān paripācayati tān sarvān an-uttarāyāṃ samyak-saṃbodhau samādāpayati | prādeśika-yāna-a-spṛhaṇatayā | ebhiḥ kāśyapa caturbhir iti ||
siṃha-paripṛcchāyām apy āha | na jātu dharma-dānasya antarāyaṃ karoti yaḥ | tena + asau labhate kṣipraṃ loka-nāthehi saṅgamam ||
tathā jāti-smarād dharma-dānāj jānīṣva + evaṃ kumāraka + iti ||
tathā + atra + eva | bodhi-cittaṃ na riñcati tena sarvāsu jātiṣu | svapna-antare * api tac-cittaṃ kiṃ punar yadi jāgrataḥ ||
āha | yeṣu virati-sthāneṣu grāmeṣu nagareṣu vā | samādāya + iti bodhāya tena cittaṃ na riñcati ||
ārya-mañjuśrī-buddha-kṣetra-guṇa-vyūha-alaṃ-kāra-sūtre * apy āha | caturbhir dharmaiḥ samanvāgato bodhi-satvaḥ praṇidhānān na calati || pe ||
nihatamānaś ca bhavati + īrṣya-mātsarya-parivarjakaś ca bhavati para-saṃpadaṃ ca dṛṣṭvā ātta-manā bhavati + iti | idam eva pātra-bodhi-cittasya sphuṭataram a-saṃpramoṣa-kāraṇaṃ yat tatra + eva ratna-kūṭe * abhihitam | sarva-īryā-patheṣu bodhi-citta-parikarmaṇatayā | bodhi-citta-pūrvaṅ-gamatayā ca + iti ||
tathā hi candra-pradīpa-sūtre pāṭhaḥ | ārocayāmi prativedayāmi vo yathā yathā bahulu vitarkayen naraḥ tathā tathā bhavati tan-nimna-cittaḥ tehī vitarkehi tan-niśritehi + iti ||
avasādo * apy an-artha etad-varjanaṃ ca ratna-meghe dṛṣṭaṃ | iha bodhi-satvo na + evaṃ cittam utpādayati | duṣ-prāpā bodhir manuṣya-bhūtena satā | idaṃ ca me vīryaṃ parīttaṃ ca ku-sīdo * ahaṃ bodhiś ca + ādīpta-śiraś-caila-upamena bahūn kalpān | bahūni kalpa-śatāni bahūni kalpa-sahasrāṇi samudānetavyā | tan na + aham utsahae īdṛśaṃ bhāram udvoḍhuṃ ||
kiṃ tarhi bodhi-satvena + evaṃ cittam utpādayitavyaṃ | ye * api te * abhisaṃbuddhās tathā-gatā arhantaḥ samyak-saṃbuddhā ye ca + abhisaṃbuddhyante ye vā + abhisaṃbhotsyante * api + īdṛśena + eva nayena īdṛśyā pratipadā | īdṛśena + eva vīryeṇa + abhisaṃuddhā abhisaṃbudhyante * abhisaṃbhotsyante ca | yāvan na te tathā-gata-bhūtā eva + abhisaṃbuddhāḥ | aham api tathā tathā ghaṭiṣye tathā tathā vyāyaṃsye sarva-satva-sādhāraṇena vīryeṇa sarva-satva-ārambaṇena vīryeṇa yathā + aham an-uttarāṃ samyak-saṃbodhim abhisaṃbhotsyae iti ||
punar a-paro * an-artho ratna-kūṭe dṛṣṭaḥ | a-paripāciteṣu satveṣu viśvāso bodhi-satvasya skhalitaṃ a-bhājanī-bhūteṣu satveṣu + udāra-buddha-dharma-saṃprakāśanāt bodhi-satvasya skhalitaṃ ||
udāra-adhimuktikeṣu satveṣu hīna-yāna-saṃprakāśanād bodhi-satvasya skhalitam iti | samyak-smṛty-upasthiteṣu śīlavatsu kalyāṇa-dharmeṣu prati-vimānanā duḥ-śīla-pāpa-dharma-saṃgrahā bodhi-satvasya skhalitam iti ||
an-adhimuktir apy an-arthaḥ | yathā + uktaṃ rāṣṭrapāla-sūtre | yasya adhimukti na vidyati buddha-dharma-gaṇe ca na tasya dhimuktiḥ | śikṣa-vrateṣu na tasya dhimuktiḥ pāpamates tira-pāya-mukhasya ||
sa itaś cyuto manu-jeṣu karma-vaśād a-budho hi vimūḍhaḥ | narakeṣv atha tirya-gatīṣu preta-gatīṣu ca vindati duṣkham ||
iti asya visarjanaṃ ratna-kūṭe * abhihitaṃ dṛṣṭaṃ | yeṣu ca + asya gambhīreṣu buddhinā + avagāhate | tatra tathā-gata eva sākṣī + iti kṛtvā na pratikṣipati | tathā-gata eva janīte | na + ahaṃ jāne | an-antā buddha-bodhir nānā-adhimuktikatayā tathā-gatānāṃ satveṣu dharma-deśanā pravarttatae iti ||
vaiyāvṛtya-vartamānena + an-artha-vivarjana-kuśalena bhavitavyaṃ | bodhi-satva-prātimokṣe hi saha-dhārmike dharma-śravaṇe | tathā-gata-pūjāyāṃ ca vaiyāvṛtyam upadiṣṭaṃ tatra yā vṛttiḥ sā ratna-rāśi-sūtrād āgatā | tatra vaiyāvṛtya-kareṇa bhikṣuṇā sarva-bhikṣu-saṃghasya cittam abhirādhayitavyaṃ | tatra ye bhikṣava āraṇyakāḥ prānta-śayyā-āsanikās teṣāṃ | vaiyāvṛtya-kareṇa bhikṣuṇā sarveṇa sarvaṃ na karma-samutthānaṃ dātavyaṃ | yadi punar āraṇyakasya bhikṣoḥ saṃgha-paryāpannaṃ śaikṣakaṃ karma prāpnuyāt | etena vaiyāvṛtya-kareṇa bhikṣuṇā + ātmanā + eva tat kartavyaṃ | anyataro vā bhikṣur adhyeṣyo na punaḥ sa āraṇyako bhikṣur utpīḍayitavyas tatra yo bhikṣuḥ piṇḍa-cāriko bhavati tasya tena vaiyāvṛtya-kareṇa bhikṣuṇā praṇīta-bhojaneṣu saṃvibhāgaḥ kartavyaḥ | tatra kāśyapa yo bhikṣur yoga-ācārī bhavati | tasya tena vaiyāvṛtya-kareṇa bhikṣuṇā + anulomikāny upakaraṇāny upasaṃhartavyāni glāna-pratyaya-bhaiṣajya-pariṣkārāś ca | yasmiṃś ca pradeśe sa yoga-ācārī bhikṣuḥ prativasati tasmin pradeśe na ucca-śabdaḥ kartavyaḥ | rakṣitavyo vaiyāvṛtya-kareṇa bhikṣuṇā yoga-ācārī bhikṣuḥ | śayyā-āsana-upastambhanā + asya kartavyā | praṇītāni ca saṃpriyāṇi yoga-ācāra-bhūmy-anukūlāni khādanīya-bhojanīyāny upanāmayitavyāni || pe ||
ye bhikṣavo bāhuśrutye * abhiyuktā bhavanti teṣām utsāho dātavyaḥ | yāvat te * api parirakṣitavyāḥ | ye dhārma-kathikā bhikṣavo bhaviṣyanti | teṣāṃ pratīhāra-dharmatā kartavyā | yāvad dhārma-śravaṇikāś ca + udyojayitavyāḥ parṣan-maṇḍalaṃ parisaṃsthāpayitavyaṃ | sāṃkathya-maṇḍalaṃ viśodhayitavyaṃ yāvat sādhu-kāra-bahulena ca + asya bhavitavyaṃ || pe ||
na kva-cid vastuni aiścarya-saṃjñā + utpādayitavyā | kiyat parīttam api kāryaṃ saṃgha-matena kartavyaṃ | na sva-matena yāvan na sāṃghikaś cāturdiśa-sāṃghikena saṃsṛṣṭaḥ kartavyaḥ | evaṃ viparyayād evaṃ staupikena saha + anyo-nya-saṃsarga-pratiṣedhaḥ | yadi cāturdiśe saṃghe vaikalyaṃ bhavet sāṃghikaś ca lābha utsado bhavet tena vaiyāvṛtya-kareṇa bhikṣuṇā bhikṣu-saṃgham eka-mānasaṃ kṛtvā | sāṃghika-lābhāc cāturdiśa-sāṃghika-kāryaṃ kartavyaṃ | evaṃ stūpe * api pralugne * ayam eva vidhir dāyakān dāna-patīn vā samādāpya pratisaṃskartavya ity ājñā | yadi punaḥ kāśyapa kiyad bahur api staupiko lābho bhavet | sa vaiyākṛtya-kareṇa na saṃghena cāturdiśa-saṃghe upanāmayitavyaḥ | tat kasmād * dhetoḥ | yā staupikā antaśa ekadaśā + api śrāddhaiḥ prasāda-bahulair niryātitā bhavati | sā sa-devakasya lokasya caityaṃ | kaḥ punar vādo ratnaṃ vā ratna-saṃmataṃ vā yac ca stūpe cīvaraṃ niryātitaṃ bhavati | tat tatra + eva tathā-gata-caitye vāta-ātapa-vṛṣṭibhiḥ parikṣayaṃ gacchatu | na punaḥ staupikaṃ cīvaraṃ hiraṇya-mūlyena parivartayitavyaṃ | na hi staupikasya kaś-cid argho na + api stūpasya kena-cid vaikalyaṃ yo hi kaś-cit kāśyapa vaiyāvṛtya-karo bhikṣū ruṣṭa-cittaḥ śīlavatāṃ dakṣiṇīyānām
[doubtful]
aiśvaryād ājñaptiṃ dadāti sa tena + a-kuśalena karmaṇā naraka-gāmī bhavati + iti | yadi manuṣya-lokam āgacchati dāso bhavati para-karma-karo lābhī ca bhavati khaṭa-capeṭa-pracaṇḍa-prahārāṇāṃ | pe | daṇḍa-karma-bhaya-tarjitaṃ bhikṣuṃ karoty a-kāla-preṣaṇam a-kāla-jñaptiṃ dadāti | sa tena + a-kuśalena karmaṇā bahuśaṅkur nāma praty-eka-narakas tatra + asya + upapattir bhavati | yāvat sahasra-viddhaḥ kāyo bhavati | ādīptaḥ | pradīptaḥ saṃprajvalitaḥ | pe | yojana-śata-vistāra-pramāṇā jihvā bhavati | tasya tatra jihvā-indriye bahūni śaṅku-śata-sahasrāṇi ādīptāni ayas-mayāni nikhātāni bhavanti | yo hi kaś-cit kāśyapa vaiyavṛtya-karo bhikṣur āgata-āgataṃ sāṃghikaṃ lābhaṃ sannidhiṃ karoti na kāla-anukālaṃ dadāti | udvaśyāpayitavyā viheṭhayitvā dadāti | keṣāñ-cin na dadāti | sa tena + a-kuśala-mūlena jaṅghā nāma gūtha-mṛtikā-preta-yonis tatra + asya + upapattir bhavati | tatra + asya + anye pretā bhojanaṃ gṛhītvā + apadarśayanti | sa udvaśyamānas tad-bhojanam a-nimiṣābhyāṃ netrābhyāṃ paśyamānaḥ kṣut-pipāsā-parigato duṣkhāṃ | vedanāṃ vetti na ca varṣa-sahasreṇa + api tasya bhojanasya lābhī bhavati | yad api kadā-cit karhi-cid bhojanaṃ labdhaṃ bhavati tad uccāraṃ bhavati pūya-śoṇitaṃ vā + iti ||
saṃgharakṣita-avadāne * apy an-artha uktaḥ | yāṃs tvaṃ saṃgharakṣita satvān adrākṣīḥ kuḍya-ākārāṃs te bhikṣava āsan | taiḥ sāṃghikaṃ kuḍyaṃ śleṣmaṇā nāśitaṃ | tasya karmaṇo vipākena kuḍya-ākārāḥ saṃvṛttāḥ | yāṃs tvaṃ saṃgharakṣita satvān adrākṣīḥ stambha-ākārāṃs te bhikṣava āsan | taiḥ sāṃghika-staṃbhaḥ siṃhāṇakena nāśitaḥ | tena stambha-ākārāḥ saṃvṛttāḥ | yāṃs tvaṃ satvān adrākṣīr vṛkṣa-ākārān patra-ākārān phala-ākārān te * api bhikṣava āsan | tair api sāṃghikāni vṛkṣa-patra-pus.pa-phalāni paudgalika-paribhogena paribhuktāni tena te vṛkṣa-patra-puṣpa-phala-ākārāḥ saṃvṛttāḥ | yāṃs tvaṃ satvān adrākṣī rajjv-ākārān saṃmārjany--ākārāṃs te bhikṣava āsan | taiḥ sāṃghikā rajju-sammārjanyaḥ paudgalika-paribhogena paribhuktās tena rajjv-ākārāḥ sammārjany--ākārāś ca saṃvṛttāḥ | yaṃ tvaṃ satvam adrākṣīs taṭṭa-ākāraṃ sa śrāmaṇeraka āsīt | sa taṭṭukaṃ nirmādayati | āgantukāś ca bhikṣavo * abhyāgatāḥ | tair asau dṛṣṭaś ca pṛṣṭaś ca śrāmaṇeraka kim ayaṃ saṃghasya pānakaṃ bhaviṣyati | sa mātsarya-upahata-cittaḥ kathayati | kiṃ na paśyatha taṭṭukaṃ nirmāditaṃ pītaṃ pānakam iti | te vṛttā velā + iti nairāśyam āpannā hīna-dīna-vadanāḥ prakrāntāḥ | sa tasya karmaṇo vipākena taṭṭuka-ākāraḥ saṃvṛttāḥ ||
yaṃ tvam satvam adrākṣīr udūkhala-ākāraṃ so * api bhikṣur āsīt | tasya pātra-karma pratyupasthitaṃ | tatra ca + ekaḥ śrāmaṇerako * arhan mudrā-vāre niyuktaḥ | sa tena + uktaḥ śrāmaṇeraka dadasva me khalistākaṃ kuṭṭayitvā + iti | sa kathayati | sthavira tiṣṭha tāvan muhūrtaṃ vyagro * asmi paścāt kuṭṭayitvā dāsyāmi + iti | sa saṃjāta-āmarṣaḥ kathayati | śrāmaṇeraka yadi mama kalpate udūkhalaṃ spraṣṭuṃ tvām eva + aham udūkhale prakṣipya kuṭṭayeyaṃ | prāg eva khalistokam iti | sa śrāmaṇeraḥ saṃlakṣayati | tīvra-paryavasthāna-paryavasthito * ayaṃ | yady aham asmai prativacanaṃ dāsyāmi bhūyasyā mātrayā prakopam āpatsyati + iti tūṣṇīm avasthitaḥ | yadā + asya paryavasthānaṃ vigataṃ tadā + upasaṃkramya kathayati | sthavira jānīṣe tvaṃ ko * aham iti | sa kathayati | jāne tvāṃ kāśyapasya samyak-saṃbuddhasya pravrajitaṃ śrāmaṇerakaṃ | aham api bhikṣuḥ sthaviraḥ | śrāmaṇerakaḥ kathayati | yady apy evaṃ tathā + api tu yan mayā pravrajitena karaṇīyaṃ tat kṛtaṃ | kiṃ kṛtaṃ kleśa-prahāṇaṃ chinna-sakala-bandhano * ahaṃ sarva-bandhana-vinirmuktaḥ | kharaṃ te vāk-karma niścāritaṃ | atyayam atyayato deśaya | apy eva nāma etat karma-parikṣayaṃ tanutvaṃ paryādānaṃ gacched iti | tena + atyayam atyayato na deśitaṃ tena karmaṇā + udūkhala-ākāraḥ saṃvṛttaḥ ||
yāṃs tvaṃ satvān adrākṣīḥ sthālya-ākārān | te kalpi-kārakā āsan bhikṣūṇām upasthāyakāḥ | te bhaiṣajyāni kvāthayanto bhikṣubhir a-priyam uktāḥ taiś cittaṃ pradūṣya sthālyo bhinnāḥ tena sthālya-ākārāḥ saṃvṛttāḥ | yaṃ tvaṃ satvam adrākṣīr madhye chinnaṃ tantunā dhāryamāṇaṃ so * api bhikṣur āsīl lābhī grāhikaḥ tena mātsarya-abhibhūtena lābhaḥ saṃparivartitaḥ | yo vārṣikaḥ sa haimantikaḥ pariṇāmitaḥ | yas tu haimantikaḥ sa vārṣikaḥ pariṇāmitaḥ | tasya karmaṇo vipākena madhye chinnas tantunā dhāryamāṇo gacchati ||
śikṣā-samuccaye dharma-bhāṇaka-ādi-rakṣā-paricchedas tṛtīyaḥ ||
[IV. (caturthaḥ paricchedaḥ)]
a-pare * api mahanto * an-arthāḥ sūtra-anteṣu + uktāḥ | yathā tāvad ākāśa-garbha-sūtre | pañca + imāḥ kula-putra kṣatriyasya mūrddha-abhiṣiktasya mūla-āpattayaḥ | yābhir mūla-āpattibhiḥ kṣatriyo mūrddha-abhiṣiktaḥ sarvāṇi pūrva-avaropitāni kuśala-mūlāni jhāṣayati | vastu-patitaḥ pārājikaḥ sarva-deva-manuṣya-mukhebhyo * apāya-gāmī bhavati | katamāḥ pañca | yaḥ kula-putra mūrddha-abhiṣiktaṃ staupikaṃ vastv apaharati sāṃghikaṃ vā cāturdiśa-sāṃghikaṃ vā niryātitaṃ vā | svayaṃ vā + apaharati hārayati vā | iyaṃ prathamā mūla-āpattiḥ ||
yaḥ punar dharmaṃ pratikṣipati śrāvaka-niryāṇa-bhāṣitaṃ vā praty-eka-buddha-niryāṇa-bhāṣitaṃ vā mahā-yāna-niryāṇa-bhāṣitaṃ vā pratikṣipati pratiṣedhayati + iyaṃ dvitīyā mūla-āpattiḥ ||
yaḥ punar mām uddiśya śiras-tuṇḍa-muṇḍa-kāṣāya-vastra-prāvṛtaḥ śikṣā-dhārī vā śikṣā-a-dhārī vā tasya duḥ-śīlasya vā śīlavato vā kāṣāyāṇi vastrāṇy apaharati apaharāyati | gṛha-sthaṃ vā karoti kāye daṇḍaiḥ praharati cārake vā prakṣipati jīvitena vā viyojayati + iyaṃ tṛtīyā mūla-āpattiḥ ||
yaḥ punaḥ kṣatriyaḥ saṃcintya mātaraṃ jīvitād vyaparopayati pitaram arhantaṃ bhagavac-chrāvakaṃ vā jīvitād vyaparopayati samagraṃ vā saṃghaṃ bhinatti tathā-gatasya + arhataḥ samyak-saṃbuddhasya saṃcintya duṣṭa-citto rudhiram utpādayati ||
ebhiḥ pañcabhir ānantaryair karmabhir anyatara-anyataraṃ karma + utpādayati + iyaṃ caturthī mūla-āpattiḥ ||
yaḥ punaḥ kṣatriyo * a-hetu-vādī bhavati para-loka-upekṣakaḥ | daśa + a-kuśalān karma-pathān samādāya vartate * anyāṃś ca bahūn satvān daśasv a-kuśaleṣu karma-patheṣu samādāpayati vinayati niveśayati pratiṣṭhāpayati + iyaṃ pañcamī mūla-āpattiḥ || pe ||
yaḥ punar grāma-bhedaṃ jana-pada-bhedaṃ nagara-bhedaṃ rāṣṭra-bhedaṃ karoti + iyaṃ mūla-āpattiḥ || pe ||
ādi-karmiṇāṃ mahā-yāna-saṃprasthitānāṃ kula-putrāṇāṃ kula-duhitṝṇāṃ vā + aṣṭau mūla-āpattayo | yābhir mūla-āpattibhiḥ skhalitā ādi-karmikā mahā-yāna-saṃprasthitāḥ sarvāṇi pūrva-avaropitāni kuśala-mūlāni jhāṣayanti | vastu-patitāḥ parājitā deva-manuṣya-mahā-yāna-mukhād apāya-gāmino bhavanti ciraṃ ca saṃsāre sīdanti kalyāṇa-mitra-virahitāḥ | katamā aṣṭau | ye satvāḥ pūrva-duś-carita-hetunā + asmin kliṣṭe pañca-kaṣāye loke upapannās tae itvara-kuśala-mūlāḥ kalyāṇa-mitraṃ saṃniḥśritya + idaṃ paramaṃ gambhīraṃ mahā-yānaṃ śṛṇvanti | te ca parītta-buddhayo * api kula-putrā an-uttarāyāṃ samyak-saṃbodhau cittam utpādayanti | teṣāṃ ādi-karmikā ye ca bodhi-satvā idaṃ parama-gambhīraṃ śūnyatā-pratisaṃyuktaṃ sūtra-antaṃ śṛṇvanti uddiśanti paṭhanti | te yathā-śrutaṃ yathā-paryavāptaṃ pareṣāṃ pūrva-buddhi-sadṛśānāṃ sv-arthaṃ su-vyañjanaṃ vistareṇa + agrataḥ smārayanti prakāśayanti | te hy a-kṛta-śamā bālāḥ pṛthag-janāḥ śṛṇvanta uttrasyanti saṃtrasyanti saṃtrāsam āpadyante | te saṃtrāsena vivarttayanty an-uttarāyāḥ samyak-saṃbodheś cittaṃ śrāvaka-yāne cittaṃ praṇidadhati | eṣā ādi-karmika-bodhi-satvasya mūla-āpattiḥ prathamā ||
yayā mūla-āpattyā sa kula-putraḥ sarvaṃ pūrva-avaropitaṃ kuśala-mūlaṃ jhāṣayati | vastu-patitaḥ parājitaḥ svarga-apavarga-sukhāt | visaṃvāditaṃ ca + asya bodhi-cittam apāya-gāmi bhavati | tasmād bodhi-satvena mahā-satvena para-pudgalānām āśaya-anuśayaṃ prathamaṃ jñātvā yathā-āśayānāṃ satvānām anupūrveṇa dharma-deśanā kartavyā | tad yathā mahā-samudre * anupūrveṇa + avatārayati || pe ||
punar a-param ādi-karmiko bodhi-satvaḥ kasya-cid eva vakṣyati ||
na tvaṃ śakyasi ṣaṭ-pāramitāsu caryāṃ cartuṃ | na tvaṃ śakyasy an-uttarāṃ samyak-saṃbodhim abhisaṃboddhuṃ | śīghraṃ tvaṃ śrāvaka-yāne praty-eka-buddha-yāne vā cittam utpādaya | tena tvaṃ saṃsārān niryāsyasi | yāvad yathā-pūrva-uktam iyam ādi-karmikasya bodhi-satvasya dvit-yā mūla-āpattiḥ ||
punar a-param ādi-karmiko bodhi-satvaḥ kasya-cid evaṃ vakṣyati | kiṃ bhoḥ prātimokṣa-vinayena | śīlena su-rakṣitena śīghraṃ tvam an-uttarāyāṃ samyak-saṃbodhau cittam utpādayasva | mahā-yānaṃ paṭha | yat te kiñ-cit kāya-vāṅ-manobhiḥ kleśa-pratyayād a-kuśalaṃ karma samudānītaṃ tena pāṭhena śuddhir bhavaty a-vipākaṃ | yāvad yathā-pūrva-uktam ayam ādi-karmikasya bodhi-satvasya tṛtīyā mūla-āpattiḥ ||
punar a-paraṃ kula-putra keṣāñ-cid ādi-karmiko bodhi-satva evaṃ vakṣyati | varjayata yūyaṃ kula-putrāḥ śrāvaka-yāna-kathāṃ | mā śṛṇuta mā paṭhata mā pareṣām upadiśata | gopayata śrāvaka-yāna-kathāṃ | na yūyaṃ tasmāt mahat phalaṃ prāpsyatha | na yūyaṃ tato nidānāc * chaktāḥ kleśa-antaṃ kartuṃ | śraddadhata mahā-yāna-kathāṃ | śṛṇuta mahā-yānaṃ paṭhata mahā-yānaṃ pareṣāṃ ca + upadiśata | tato yūyaṃ sarva-dur-gaty-apāya-pathān śamayiṣyatha | kṣipraṃ ca + an-uttarāṃ samyak-saṃbodhim abhisaṃbhotsyatha ||
yadi te tasya vacana-kāriṇo bhavanti + īdṛśaṃ dṛṣṭi-gatam upagṛhṇīyuḥ | ubhayor api mūla-āpatir bhavati + iyam ādi-karmikasya bodhi-satvasya caturthī mūla-āpattiḥ ||
punar a-param ādi-karmikā bodhi-satvā dvi-jihvikā bhavanti anyathā nidarśayanti | idaṃ ca mahā-yānaṃ kīrti-śabda-śloka-arthaṃ lābha-sat-kāra-hetoḥ paṭhanti sva-adhyāyanti dhārayanti vācayanti deśayanti pareṣāṃ ca śruta-mātram upadiśanti | evaṃ ca vakṣyanti | vayaṃ mahā-yānikā na + anye | te pareṣām īrṣyāyanti lābha-sat-kāra-hetor yatas te labhante upabhoga-paribhogān parebhyas tat-pratyayāt te prakupyanti teṣāṃ ca + a-varṇaṃ niścārayanti kutsanti paṃsayanti vijugupsanti | ātmānaṃ ca + utkarṣayanti na tān | atas te īrṣya-hetunā ca + uttari-manuṣya-dharmair ātmānaṃ vijñapayanti | tatas te tena vastunā patitāḥ parājitā mahā-yāna-sukhād etāṃ mahā-gurukām āpattim āpadyante yayā + apāya-gāmino bhavanti | yathā kaś-cit puruṣo ratna-dvīpaṃ gacched gantuṃ nāvā samudram avatarate sa mahā-samudre svayam eva tāṃ nāvaṃ bhindyāt tatra + eva maraṇaṃ nigacched | evam eva ye ādi-karmikā bodhi-satvā mahā-guṇa-sāgaram avatartu-kāmā īrṣyā-hetos tad vadanti | tat-pratyayāt te śraddhā-nāvaṃ bhittvā prajñā-jīvitena viyogaṃ prāpnuvanti | evaṃ te bālā ādi-karmikā bodhi-satvā īrṣyā-hetor an-ṛta-pratyayā mahā-gurukām āpattim āpadyante | iyaṃ pañcamī mūla-āpattir ādi-karmikasya bodhi-satvasya ||
punar a-paraṃ kula-putra bhaviṣyanty an-āgate * adhvani gṛha-stha-pravrajitā ādi-karmikā bodhi-satvā ye te gambhīrāḥ śūnyatā-pratisaṃyuktāḥ sūtra-anta-ādhāraṇī-kṣānti-samādhi-bhūmi-sv-alaṃ-kṛta-mahā-vidvat-puruṣāṇāṃ kṛta-śramāṇāṃ bodhi-satvānāṃ go-carās tān mahā-yāna-sūtra-antān dhārayanti paṭhanti sva-adhyāyanti pareṣāṃ ca vistareṇa vācayitvā prakāśayanti | ahaṃ ca + imān dharmān sva-buddhyā buddhvā + evaṃ ca punar ahaṃ kāruṇya-hetos tava + upadiśāmi | tvayā vā punas tathā bhāvayitavyaṃ yathā tvam atra gambhīreṣu dharmeṣu pratyakṣo bhaviṣyasi | evaṃ te jñāna-darśanaṃ bhaviṣyati yathā mama | etarhi na punar eva dadāti paṭhita-mātreṇa + aham imān evaṃ-rūpān dharmān gambhīra-gambhīrān upadiśāmi na sākṣāt-kriyayā ||
la-bha-sat-kāra-hetor ātmānaṃ vikrīṇāti | tat-pratyayāt sarva-try-adhva-gatānām arhatāṃ samyak-saṃbuddhānāṃ bodhi-satvānām ārya-pudgalānāṃ ca purataḥ sa-aparādhiko bhavati | mahā-gurukam āpattim āpadyate | visaṃvādayati deva-manuṣyān mahā-yānena | śrāvaka-yānam eva + asya na bhavati | prāg eva mahā-yānasya + avatāra-viśeṣa-adhigamaḥ | prāg eva + an-uttarā samyak-saṃbodhiḥ ||
tad yathā kaś-cit puruṣo mahā-aṭavīṃ prasthitaḥ kṣut-tarṣa-prapīḍitaḥ sa tatra mahā-phala-vṛkṣe pratiṣṭhitaḥ | āhāra-arthaṃ sa udāra-phala-vṛkṣam apahāya gandha-saṃpannaṃ rasa-saṃpannam an-āsvādya viṣa-vṛkṣam abhiruhya viṣa-phalāni bhuñjīta bhuktvā ca kālaṃ kuryāt | tad-upamāṃs tān pudgalān vadāmi | ye dur-labhaṃ manuṣya-lābhaṃ labdhvā kalyāṇa-mitraṃ sanniśritya mahā-yānam avatartu-kāmā lābha-sat-kāra-yaśo-hetor ātmānam upadarśayanti parān paṃsayanti evaṃ-rūpāṃ mahā-gurukām āpattim āpadyante yayā gurukayā + āpattyā sarva-vijñānāṃ parama-jugupsitā bhavanti | apāya-gāminas tathā-rūpāś ca pudgalā na sevanīyāḥ sarva-kṣatriya-brāhmaṇa-viṭ-śūdrāṇāṃ | yaś ca tān sevate sa sa-atisāro bhavati sarva-vijñānāṃ | iyaṃ kula-putra bodhi-satvasya ṣaṣṭhī mūla-āpattiḥ ||
punar a-paraṃ kula-putra bhaviṣyanty an-āgate * adhvani kṣatriyāṇāṃ purohita-caṇḍālā amātya-caṇḍālā bhaṭa-caṇḍālā mūrkhāḥ paṇḍita-mānino mahā-dhanā mahā-bhogāḥ | bahu-vidheṣu dāna-maya-puṇya-kriyā-vastuṣu saṃdṛśyante te tyāga-mada-mattā māna-mada-darpeṇa kṣatriyaṃ vibhedayanti | śramaṇān kṣatriyaiḥ | te kṣatriyān niśritya śramaṇān daṇḍāpayanti | arthaṃ daṇḍena muṣanti | tena + upadraveṇa te bhikṣavaḥ paudgalikaṃ vā sāṃghikaṃ vā cāturdiśa-sāṃghikaṃ vā staupikaṃ vā śramaṇair apahṛtya teṣāṃ prāhṛtaṃ pradāpyante | te punaś caṇḍālāḥ kṣatriyasya + upanāmayiṣyanti | te ubhayato * api mūla-āpattim āpadyante | ye kṣatriya-caṇḍālāḥ śramaṇaiḥ sārddhaṃ praduṣyanti tathā-rūpaṃ ca te dharmaṃ prajñapayiṣyanti | a-dharmaṃ vā dharmam apahāya | sūtra-vinaya-śikṣā an-apekṣya kāla-upadeśa-mahā-pradeśān apahāya | mahā-karuṇā-netrī-prajñā-pāramita-śikṣā-upāya-kauśalya-śikṣāḥ yāś ca + a-pareṣu sūtreṣu śikṣā upadiṣṭās tā apahāya | tathā-rūpāṃ dharma-yuktiṃ bhikṣūṇāṃ viheṭhana-artha-pūrvakaṃ kriyā-ākāraṃ prajñapayanti | yaiḥ kriyā-ākārair bhikṣūṇāṃ viheṭhanā bhavati | rañcati śamatha-vipaśyana-anuyoga-manas-kāraṃ | te * avadhyāyanto vyāpāda-bahulā bhavanti | tena ca hetunā bhikṣūṇām apy upaśāntāḥ kleśā na + upaśamyanti na tanū-bhavanti | tat-kāle punas te bhikṣava āśaya-vipannā bhavanti śīla-vipannāś ca bhavanti | ācāra-vipannā bhavanti dṛṣṭi-vipannā bhavanti tad-dhetoḥ śaithilikā bhavanti | bāhulikā bhavanti | a-śramaṇāḥ śramaṇa-pratijñāḥ | a-brahma-cāriṇo brahma-cāri-pratijñāḥ śaṅkha-svara-samācārāḥ praṣṭavya-dharma-deśakāḥ | te bhūyasyā mātrayā sa-paricārasya kṣatriyasya sat-kṛtā bhavanti mānitāḥ pūjitā bhavanti | te ca prahāṇa-abhiyuktānāṃ bhikṣūṇāṃ gṛha-stheṣv a-varṇaṃ niścārayanti | sa ca kṣatriyaḥ sa-parivāraḥ prahāṇa-abhiyuktānāṃ bhikṣūṇām antike praduṣyati avadhyāyati | yas tatra prahāṇikānāṃ bhikṣūṇām upabhoga-paribhogas taṃ sva-adhyāya-abhiratānāṃ bhikṣūṇāṃ niryātayanti | te ubhayato mūla-āpattim āpadyante | tat kasya hetoḥ ||
dhyāyī bhikṣuḥ su-kṣetraṃ | na + adhyayana-vaiyāvṛtya-āśritā na + adhyayana-abhiyuktāḥ ||
sam-dhi-dhāraṇī-kṣānti-bhūmiṣu bhājanī-bhūtā dakṣiṇīyāḥ pātra-bhūtāḥ | āloka-kara-ālokasya mārga-upadeśakāḥ | karma-kṣetra-kleśa-kṣetrān satvān uttārayanti | nirvāṇa-gamane ca mārge pratiṣṭhāpayanti | imāḥ kula-putra + aṣṭau mūla-āpattaya iti ||
āsāṃ niḥsaraṇam iha + eva sūtre * abhihitaṃ | yadi te bodhi-satvā ākāśagarbhasya bodhi-satvasya nāma śrutvā darśanam asya + ākāṅkṣeran | apāya-prapatana-bhayāt mūla-āpattīr daśayitu-kāmā | yadi te ākāśagarbhaṃ bodhi-satvaṃ namas-kuryuḥ nāma ca + asya parikīrttayeyus teṣāṃ sa kula-putro yathā bhāgyatayā sva-rūpeṇa + agratas tiṣṭhati brāhmaṇa-rūpeṇa yāvad dārikā-rūpeṇa purataḥ sthāsyati | tasya + ādi-karmikasya bodhi-satvasya yathā samutthitās tā āpattīḥ pratideśayati | gambhīraṃ ca + asya + upāya-kauśalyaṃ mahā-yāne caryām upadarśayati | yāvad a-vaivarttika-bhūmau ca pratiṣṭhāpayati || pe ||
yadi teṣāṃ saṃmukhaṃ darśanaṃ na dadāti | yas tam abhiyācati | tena + ādi-karmikeṇa bodhi-satvena sa-aparādhena paścime yāme utthāya + āsanāt prāṅ-mukhena sthitvā dhūpaṃ dhūpayitavyaṃ | aruṇo deva-putra āyācitavyaḥ | evaṃ ca vaktavyaṃ | aruṇa aruṇa mahā-kṛpa mahā-bhāga mahā-uditas tvaṃ jambu-dvīpe māṃ karuṇayā + āchādayasva | śīghram ākāśagarbhaṃ mahā-kāruṇikaṃ mama vacanena bodhaya | mama svapna-antare tam upāyam upadarśaya yena + aham upāyena + āpattiṃ pratideśayāmi | ārye mahā-yāne upāya-prajñāṃ pratilapsyāmi + iti ||
tena tat-kālaṃ śayyāyāṃ nidrāpayitavyaṃ saha + udgate * aruṇe iha jambu-dvīpe ākāśagarbhasya bodhi-satvasya + iha samāgamo bhavati sva-rūpeṇa ca | tasya + ādi-karmikasya bodhi-satvasya svapna-antare purataḥ sthitvā tāṃ mūla-āpattiṃ deśayati mahā-yāna-upāyena | tathā-rūpaṃ ca tasya + upāya-jñānaṃ saṃdarśayati | yena + upāya-kauśalyena sa ādi-karmiko bodhi-satvas tatra + eva bodhi-citta-a-saṃpramoṣaṃ nāma samādhiṃ pratilabhate su-dṛḍha-vyavasthitaś ca bhavati mahā-yānae ity ādi ||
atha vā yo * atra sūtre * adhyeṣaṇa-mantraḥ pūrvam uktaḥ | tena + ayaṃ vidhiḥ kāryaḥ | evaṃ syāt | araṇye upavane * abhyavakāśe vāgaraṃ vā tagaraṃ vā kāla-anusāri vā dhūpayitavyaṃ | prāñjalinā ca bhūtvā samantato dig-vidikṣu ca pañca-maṇḍalakena vanditvā ime mantra-padāḥ pravartayitavyāḥ | tad yathā | su-mṛśa
[doubtful]
| kāruṇika | caratu
[doubtful]
| vicara | sañcara | kāruṇika | murara | murara vega-dhāri namucame bhujayata kāruṇika cintā-maṇi pūraya kāruṇika sarva-āśāṃ me sthāpaya | ājñā-dhārī sphugu | rati-viveka gu | dṛṣṭi-viveka gu | pūraya kāruṇika pūrayantu mama + āśāṃ | sarvathā ca + a-śoka-gati svāhā ||
vidhiḥ pūrva-vat | sarva-vyādhi-duḥkha-sarva-bhaya-sarva-upakaraṇa-vighāta-pratighāte sarva-abhīṣṭa-siddhaye ca kāryaḥ ||
yadi kṣatriya-ādayo * api bodhi-satvāḥ katham eṣām āpatti-niyamo * anyeṣāṃ ca + ādhikyaṃ | atha tena sāmvarikāḥ | katham eṣām āpatti-vyavasthā | kathaṃ vā tad-doṣāt sāmvarikā api gṛhyante | na + eṣa doṣaḥ | yeṣāṃ yatra bahulaṃ saṃbhavaḥ te tatra + ā-koṭitāḥ sva-nāma-grahaṇa-darśanād bhaya-utpādana-arthaṃ | paras-paratas tu sarvaiḥ sarvā āpattayaḥ parihartavyāḥ ||
yena vā prakṛti-mahā-sa-āvadyatayā + a-samādāno * apy a-bhavyo bhavaty ucchinna-kuśala-mūlaś ca sutarāṃ tena sāmvarikā ity alam anayā cintayā ||
upāya-kauśalya-sūtre * api mūla-āpattir uktā | kiṃ vā + api kula-putra bodhi-satvaḥ prātimokṣa-śikṣāyāṃ śikṣamāṇāḥ kalpa-śata-sahasram api mūla-phala-bhakṣaḥ syāt | sarva-satvānāṃ ca su-ukta-dur-uktāni kṣamet | śrāvaka-praty-eka-buddha-bhūmi-pratisaṃyuktaiś ca manasi-kārair vihared iyaṃ bodhi-satvasya gurukā mūla-āpattiḥ | tad yathā kula-putra śrāvaka-yānīyo mūla-āpattim āpannaḥ so * a-bhavyas tair eva skandhaiḥ parinirvātum | evam eva kula-putro * a-pratideśya + etām āpattim a-niḥsṛjya tān śrāvaka-praty-eka-buddha-manasi-kārān a-bhavyo buddha-bhūmau parinirvātum iti ||
āsāṃ ca mūla-āpattīnāṃ sukha-grahaṇa-dhāraṇa-artham ekīya-matānāṃ ca saṃgraha-kārikā ucyante ||
ratna-traya-sva-haraṇād āpat-pārājikā matā | sad-dharmasya pratikṣepād dūtīyā muninā + uditā ||
duḥ-śīlasya + api vā bhikṣoḥ kāṣāya-stainya-tāḍanāt | cārake vā vinikṣepād apapravrājanena ca ||
pañca + ānantarya-karaṇān mithyā-dṛṣṭi-graheṇa vā | grāma-ādi-bhedanād vā + api mūla-āpattir jina-uditā ||
śūnyatāyāś ca kathanāt satveṣu kṛta-buddhiṣu | buddhatva-prasthitānāṃ vā saṃbodher vinivarttanāt ||
prātimokṣaṃ parityājya mahā-yāne niyojanāt | śiṣya-yānaṃ na rāga-ādi-prahāṇāya + iti vā grahāt ||
pareṣāṃ grahaṇād vā + api punaḥ sva-guṇa-kāśanāt | para-paṃsanato lābha-sat-kāra-śloka-hetunā ||
gambhīra-kṣāntiko * asmi + iti mithyā + eva kathanāt punaḥ | daṇḍāpayed vā śramaṇān dadyād vā śaraṇa-trayāt ||
gṛhṇīyād dīyamānaṃ vā śamathe tyājanāt punaḥ | pratisaṃlīna-bhogaṃ ca sva-adhyāyiṣu nivedanāt ||
mūlā āpattayo hy etā mahā-naraka-hetavaḥ | āryasya + ākāśagarbhasya svapne deśyāḥ puraḥ-sthitaiḥ ||
bodhi-citta-parityāgād yācakāya + a-pradānataḥ | tīvra-mātsarya-lobhābhyāṃ krodhād vā satva-tāḍanāt ||
prasādyamāno yatnena satveṣu na titikṣate | ślokāt para-anuvṛttyā vā sad-dharma-ābhāsa-varṇanād | iti ||
ārya-kṣitigarbha-sūtre * apy uktaṃ | yo mahā-brahman mama + uddiśya pravrajito duḥ-śīla-pāpa-samācāro bhikṣur anubhūtaḥ kaśambaka-jāto * a-śramaṇaḥ śramaṇa-pratijñaḥ a-brahma-cārī brahma-cāri-pratijñaḥ | dhvastaḥ patitaḥ parājito vividhaiḥ kleśaiḥ | atha ca punaḥ sa duḥ-śīla-pāpa-samācāro bhikṣur adya + api sarva-devānāṃ yāvat sarva-manuṣyāṇāṃ yāvat puṇya-nidhīnāṃ darśayitā bhavati kalyāṇa-mitraṃ | kiṃ ca + api sa a-pātrī-bhūtaḥ tena ca punaḥ śiras-tuṇḍa-muṇḍena kāṣāya-vastra-prāvaraṇa-īryā-pathena darśana-hetunā + api bahūnāṃ satvānāṃ vividha-kuśala-mūla-upastambhana-karaḥ su-gati-mārga-darśako bhavati | tasmād yo mama + uddiśya pravrajitaḥ śīlavān duḥ-śīlo vā tasya na + anujānāmi cakra-varttir ājñām api yan mama + uddiśya pravrajitasya saha-dharmeṇa + api kāye daṇḍa-prahāraṃ vā dātuṃ cārake vā prakṣeptuṃ | aṅgam aṅgaṃ vikarttanaṃ vā kartuṃ jīvitād vā vyaparopaṇaṃ kartuṃ | kiṃ punar a-dharmeṇa ||
kiṃ ca + api mṛtaḥ kathyate * asmin dharma-vinaye | atha ca punaḥ sa pudgalo go-rocana-kastūrikā-sadṛśa iti | atra + eva + āha | ye mama + uddiśya pravrajitān yāna-bhūtān pātra-bhūtān vā viheṭhayiṣyanti te sarveṣāṃ try-adhva-gatānāṃ buddhānām atīva sa-aparādhā bhavanti | samucchinna-kuśala-mūlā dagdha-santānā avīci-parāyaṇā bhavanti + iti | atra + eva + āha | sarva-buddhair adhiṣṭhito * ayaṃ mokṣa-dhvajo yad uta rakta-kāṣāya-vastram iti | asminn eva ca + uktaṃ | tena khalu punaḥ samayena bahūni śrāvaka-niyuta-śata-sahasrāṇi bahūni ca bodhi-satva-niyuta-śata-sahasrāṇi bhagavato * antike evaṃ-rūpaṃ pūrva-kṛtaṃ karma-āvaraṇaṃ pratideśayanti | vayam api bhadanta bhagavan bahūnāṃ pūrvakāṇāṃ tathā-gatānāṃ pravacane pātra-bhūtān pātra-bhūtāṃś ca buddhānāṃ bhagavatāṃ śrāvaka-yānīyān pudgalāñ jugupsitavantaḥ paṃsitavanto roṣitavanto * a-varṇa-a-yaśaḥ-kathāś ca niścāritavantaḥ | tena vayaṃ karma-āvaraṇena triṣv apāyeṣu vividhāṃ tīvrāṃ pracaṇḍāṃ duḥkhāṃ vedanāṃ pratyanubhūtavantaḥ ||
peyālaṃ ||
vayaṃ tat-karma-āvaraṇa-śeṣam etarhi bhagavato * antike pratideśayiṣyāmaḥ | ke-cid vadanti | vayaṃ bhagavataḥ śrāvakān vacanais tarjitavantaḥ paribhāṣitavantaḥ | ke-cid vadanti | vayaṃ bhagavataḥ śrāvakān a-pātra-bhūtān patra-a-bhūtāṃś ca praharitavantaḥ | ke-cid vadanti | vayaṃ cīvarān hṛtavantaḥ | ke-cid vadanti | vayaṃ bhagavataḥ śrāvakāṇām upabhoga-paribhogān ācchinnavantaḥ | ke-cid vadanti | vayaṃ bhagavantam uddiśya pravrajitān gṛha-sthān kāritavantaḥ tata a-sthānaṃ sāditāḥ | ke-cid vadanti | asmābhir bhagavan buddhānāṃ bhagavatāṃ śrāvakā a-patra-bhūtāḥ pātra-bhūtāś ca sa-aparādhikāś cārake prakṣiptās tena vayaṃ karma-āvaraṇena bahūn kalpāṃs tṛṣv apāyeṣu vividhāṃ tīvrāṃ pracaṇḍāṃ duṣkhāṃ vedanāṃ pratyanubhūtavantaḥ || pe ||
tad vayam etarhi karma-āvaraṇa-śeṣāṃ bhagavato * antike pratideśayāmaḥ | āyatyāṃ saṃvaram āpadyema | pratigahṇātu bhagavān asmākam anukampām upādāya | uddharatu bhagavān asmān an-anta-pāpebhya iti vistaraḥ ||
pravrajyā-antarāya-sūtre * apy an-artha uktaḥ | caturbhir mahānāman dharmaiḥ samanvāgato gṛhī a-kṣaṇa-prāpto bhavati | jāty-andhaś ca jaḍaś ca + a-jihvakaś ca caṇḍālaś ca jātu sukhito bhavaty abhyākhyāna-bahulaś ca ṣaṇḍakaś ca paṇḍakaś ca nitya-dāsaś ca | strī ca bhavati śvā ca śūkaraś ca gardabhaś ca + uṣṭraś ca āśīviṣaś ca bhavati tatra tatra jātau ||
katamaiś caturbhiḥ | iha mahānāman gṛhī pūrva-jina-krṭa-adhikārāṇāṃ satvānāṃ naiṣkramya-cittasya pravrajyā-cittasya + ārya-mārga-cittasya + antarāyaṃ karoti | anena prathamena ||
punar a-paraṃ gṛhī dhana-laulyena putra-laulyena karma-vipākam a-śraddadhat putrasya vā duhitur vā bhāryāyā vā jñāti-saṃghasya + aiśvarya-sthāne vartamāne pravrajyā-antarāyaṃ karoti | anena dvitīyena + iti ||
anya-dvayaṃ | sad-dharma-pratikṣepaḥ śramaṇa-brāhmaṇeṣu ca pratighaḥ ||
daśa ca + a-kuśalāḥ karma-pathāḥ an-arthāḥ | sad-dharma-smṛty-upasthānād vipāka-kaṭukā draṣṭavyāḥ | tataḥ kiñ-cin-mātraṃ sūtraṃ sūcyate | prāṇa-atipāta-vipāka-lavas tāvad | yathā + āha | tad yathā + agni-śikhā-carā nāma pakṣiṇo ye * agni-śikṣā-madhya-gatā na dahyante saṃhṛṣṭatarāś ca nārakeyāṇāṃ kapālaṃ bhittvā rudhiraṃ pibanti | kapāla-antara-carā nāma pakṣiṇo ye mastakaṃ bhittvā jvalita-mastaka-luṅgān pibanti | jihvā-āmiṣa-bhujo nāma pakṣiṇo ye jihvāṃ vidārya + abhito * abhitaḥ prabhakṣayanti | sā + api jihvā bhuktā punar api saṃjāyate padma-dala-komalatarā | evam artha-anurūpa-saṃjñā danta-utpāṭakā nāma kaṇṭha-nāḍy-apakarṣakā nāma | kloma-kāśinaḥ | āmāśaya-adāḥ | plīha-saṃvartakā | antra-vivara-khādinaḥ | pṛṣṭha-vaṃśa-carā nāma | marma-guhyakā nāma pakṣiṇo ye sarvāṇi marma-vivarāṇi bhittvā marmāṇi kṛntayitvā vivarāṇi praviśya majjā-maṇḍaṃ pibanti krandamānānāṃ | sūcī-chidrā nāma pakṣiṇo ye sūcī-sadṛśa-tuṇḍā raktaṃ pibanti | evam asthi-vivara-aśinaḥ ṣaṭ-tvag-bhakṣiṇaḥ | nakha-nikṛntakā medo-dāḥ snāyu-viśeṣakāḥ | keśa-uṇḍukā nāma pakṣiṇo ye keśa-mūlāny utpāṭayanti ||
sa evam avīci-pradeśas trīṇi yojana-śata-sahasrāṇi pakṣi-bhairava-pakṣo nāma | tatra tair anyair nārakeyaiḥ saha + an-ekāni varṣa-śata-sahasrāṇi bhakṣyate saṃbhavati ca | sa kathañ-cid api tasmān muktaḥ sarvasmād duṣkha-jāla-parivṛtaḥ | śvabhra-prapāto nāma dvitīyaḥ pradeśas tatra gacchati | trāṇa-anveṣī śaraṇa-anveṣī paritrāṇa-anveṣī samantata ekādaśabhir arci-skandhair āvṛto niḥ-sahāyaḥ karma-pāśa-bandhana-baddhaḥ samantataḥ śatrubhir āvṛtaḥ kāntāram anuprapannaḥ sarvasmān naraka-puñjād adhikataraṃ vyasanam abhiprapannas taṃ śvabhra-prapātaṃ nāma pradeśam anudhāvati | patite * atīva pādaḥ pravilīyate | utkṣiptaḥ punar api saṃbhavati | su-kumārataraḥ ślakṣṇataraḥ kharābhis tīvrābhir vedanābhir abhibhūtaḥ | tasya + evaṃ bhaya-viklava-vadanasya kara-caraṇa-sarva-aṅga-praty-aṅga-pravilīyamānasya sa pradeśaḥ śvabhra-prapāto nāma prādur-bhavati | sa tasmin deśe nipatati patitaḥ śvabhre prapatati trīṇi yojana-sahasrāṇi | punar api karma-kṛtena vāyunā + utkṣipyate | sa prapatamānaḥ kaṃka-vāyasa-grdhra-ulūkair bhakṣyate | yāvat tasya + evam utkṣipyamānasya ca prapatataś ca + an-ekāni varṣa-śata-sahasrāṇi gacchanti | kathañ-cid api tasmān muktaḥ paribhrāmitaś cakra-aṅkaṃ vivaraṃ nāma pradeśam anudhāvati | tasmiṃś ca pradeśe sahasra-arāṇi cakrāṇi prādur-bhavanti vajra-nābhīni tīkṣṇa-jvālāni śīghra-bhramāṇi tasya saha-gamanād eva tāni cakrāṇi śarīraṃ prāpya bhramanti | pe ||
praty-ekaṃ sarva-aṅgāni pramathnanto dahanti pāda-tale ca + asya śaṅkubhir bhidyete | evaṃ makkoṭaka-parvate | mākkoṭakaiḥ prāṇi-jātibhiḥ sa-antar-vahiḥ-parama-aṇuśaḥ prabhakṣyate | bhukto bhuktaḥ punar api saṃjāyate su-kumārataraḥ | su-kumāratayā bhūyo * apy ādhikatarāṃ vedanām anubhavati | bhukta-bhuktasya prabhūtataram eva + asya tvaṅ-māṃsaṃ prādur-bhavati | tasya prāṇa-atipāta-kṛta-upacitasya tat-phalaṃ bhavati ||
a-datta-ādāna-vipākam āha | sa eṣa duṣkṛta-karma-anta-cārī ālāta-cakra-nirmāṇa-gandharva-nagara-mṛga-tṛṣṇikā-sadṛśaṃ mahad artha-jātaṃ paśyati ratna-vastra-dhana-dhānya-nikara-bhūtaṃ | tasya + evaṃ lobha-abhibhūtasya karmaṇā mohitasya + evaṃ bhavati | mama + idam iti | sa evaṃ mohitaḥ pāpa-kārī prajvalita-aṅgāra-karṣūr laṅghayitvā tad-draviṇam anudhāvati | sa karma-kṛtair yama-puruṣair gṛhyate śastra-jāla-madhya-gataḥ sarva-aṅga-praty-aṅgaśaḥ pāṭyate viśasyate dahyate * asthy-avaśeṣaḥ kriyate | na ca + asya + an-ādi-kāla-pravṛttaḥ sa lobhas tām apy avasthāṃ gatasya parihīyatae iti ||
kāma-mithyā-ācāram adhikṛtya + āha | eṣa sa pāpa-kartā tasmāc * chastra-saṅkaṭān muktaḥ katham-apy aṅgāra-karṣūr laṅghayitvā karmaṇā bhrāmitaḥ pradeśam anyaṃ prapadyate | vitatha-darśanaṃ nāma tatra karma-kṛtāṃ striyaṃ paśyati yā tena pūrvaṃ naṣṭa-smṛtinā dṛṣṭā | dṛṣṭvā ca + an-ādi-kāla-abhyasto rāga-agnir utpadyate | sa tena dhāvati yena tā striyaḥ | tāś ca + ayo-mayyo nāryaḥ karma-kṛtāḥ | tābhir asau gṛhyate | gṛhītvā ca + oṣṭhāt prabhṛti tathā bhujyate yathā + asya sarṣapa-phala-mātra-pramāṇam api na + avaśiṣṭaṃ | tasmiñ śarīre bhavati | punar api saṃbhavati | punar api bhujyate | sa kaṭukāṃ kharāṃ vedanām anubhavaṃs tasmād rāga-agner na nivartate | yena tā striyas tena bhūyaḥ saḥ saṃdhāvati | na ca + asya tat-pīḍā tathā bādhate yathā rāga-agniḥ | atha tā striyo bhūyo vajra-maya-ayo-maya-prajvalita-gātrās taṃ manuṣyam ādāya jvālā-mālā-ākula-sarva-śarīrās taṃ nārakeyaṃ siktā-muṣṭi-vad bhindanti | punar api saṃbhavati + iti pūrva-vat || pe ||
striyo mūlam apāyasya dhana-nāśasya sarvathā | strī-vidheyā narā ye tu kutas teṣāṃ bhavet sukham || pe ||
yāvat | strī vināśo vināśānām iha loke paratra ca | tasmāt striyo vivarjyāḥ syur yadi + icchet sukham ātmana iti ||
mṛṣā-vādam adhikatya + āha | sa tair yama-puruṣair gṛhyate gṛhītvā ca tan-mukhaṃ vidārayanti tasmāj jihvām apakarṣayanti | sā ca jihvā karma-vaśāt pañca-yojana-śata-pramāṇā bhavati | tasya mṛṣā-vādasya balena tasyāś ca saha-nirgamana-kāle te yama-puruṣā bhūmāv ānāhayanti pradīpta-ayo-mayyāṃ | karma-kṛtaṃ ca hala-sahasraṃ prādur-bhavati pradīpta-agra-saṃyuktaṃ balavadbhir balīvardais tad asya + antar-gataṃ jihvāyāṃ vahati | tatra pūya-rudhira-kṛmi-śrāviṇyo nadyaḥ pravahanti || pe ||
sā ca jihvā tathā su-kumārā yathā devānām akṣi ||
yāvat sa vedanātas tanati krandati vikrośati na ca + asya tad-duḥkhaṃ kaś-cid apanayati + iti vistaraḥ | tasya + evaṃ pracaṇḍām vedanām anubhavato * an-ekāni varṣa-śata-sahasrāṇi sā ca jihvā kṛṣyate | sā kathañ-cit tasya nārakasya mukhe praviśati | sa bhaya-vihvala-vadano yena vā tena vā niḥpalāyate * aṅgāra-karṣūṣu dahyamāno nimajjan | tasya + evaṃ duḥkha-ārttasya + a-śaraṇasya + a-parāyaṇasya punar api yama-puruṣāḥ prādur-bhavanti mudgara-asi-pāṇayaḥ | te taṃ puruṣaṃ mastakāt prabhṛti yāvat pādau cūrṇayanti + ity ādi ||
paiśunya-vipākas tu yathā + eva mṛṣā-vādasya trīṇi yojana-śatāni jihvā + iti viśeṣas tu | tāṃ yama-puruṣā nistriṃśān ādāya pradīpta-dhārān jihvāṃ nikṛntanti | jambukaiś ca + anysamin pradeśe bhakṣyate | parama-kaṭukāṃ vedanāṃ prativedayate sa krandati vikrośaty a-vyakta-akṣaraṃ jihvā-virahita ity ādi ||
pāruṣya-vipākam āha | te tāṃ jihvām āsyaṃ vidārya gṛhṇanti | gṛhītvā niśita-dhāraiḥ śastraiś chittvā tasya bhūya eva khādanīya-arthena mukhe prakṣipanti | sa ca jighansā-arditaḥ kṣut-kṣāma-vadanaḥ sva-rudhira-lālā-parisrutāṃ tām eva sva-jihvāṃ bhakṣayati | sā ca jihvā chinnā punar api saṃjāyate karma-vaśāt | atha sa bhūmau vedanā-ārttaḥ parivartate viceṣṭate krandate | tasya + evaṃ vedanā-ārttasya parivṛtta-nayana-tārakasya duṣkha-ārttasya dīnasya + a-sahāyasya + ekākinaḥ sva-kṛtam upabhuñjānasya yama-puruṣā anuśāsanī-gāthāṃ bhāṣante ||
jihvā-dhanor vinirmuktas tīkṣṇo vāg viśikhas tvayā | pāruṣyam iti yad dṛṣṭaṃ tasya + etat phalam āgatam ||
iti vistaraḥ ||
saṃbhinna-pralāpa-vipākam āha ||
tasya tat prajvalitaṃ tāmra-drava-lohitaṃ jihvāṃ dahati | jihvāṃ dagdhvā kaṇṭhaṃ dahati | kaṇṭhaṃ dagdhvā hṛdayaṃ dahati hṛdayaṃ dagdhvā + antrāṇi dahati | tāny api dagdhvā pakva-āśayaṃ dahati | pakva-āśayam api dagdhvā + adho-bhāgena nirgacchati ||
yama-puruṣā gāthām āhuḥ | pūrva-uttara-a-baddha-padaṃ nir-arthakam a-saṃgatam | a-baddhaṃ yat tvayā proktaṃ tasya + etat phalam āgataṃ ||
yā na
[doubtful]
satyavatī nityaṃ na ca + adhyayana-tat-parā | na sā jihvā budhair dṛṣṭā kevalaṃ māṃsa-khaṇḍikā | iti vistaraḥ ||
abhidhyā-vipākam āha | atha paśyati riktaṃ tuccham a-sārakaṃ karma-kṛtaṃ bahu-draviṇaṃ para-parigṛhītaṃ tasya karma-codita-vyāmohitasya + evaṃ bhavati | mama + idaṃ syād iti | tataḥ sa nārakas tena + eva dhāvati yena tad dravyaṃ | tasya + abhidhyā-ākhya-mānasasya + a-kuśalasya + āsevita-bhāvita-bahulī-kṛtasya tat-phalaṃ yad asau narake viparītaṃ paśyati | tasya + evaṃ paśyato * abhidhyā-bahulasya haste śastraṃ prādur-bhavati sa tena dhāvati | teṣām apy anyeṣāṃ nārakāṇāṃ haste śastrāṇi prādur-bhavanti | sa taiḥ saha śastreṇa yudhyate yāvat tathā kartyate yathā sarṣapa-phala-mātram api na bhavati māṃsam asya śarīre tathā + asthi-kaṅkāla-avaśeṣaḥ kriyate || pe ||
pareṣāṃ sampa ... mama syād iti cintitaṃ | tasya + abhidhyā-samutthasya viṣasya phalam āgatam iti ||
vyāpāda-phalam āha | karma-mayāḥ siṃha-vyāghra-sarpāḥ krodha-abhibhūtāḥ puratas tiṣṭhante | etebhyo bhaya-bhīto yena vā tena vā niḥpalāyate | sa kathaṃ śaknoti palāyitum a-śubhasya karmaṇaḥ | sa tair gṛhyate | gṛhītvā ca pūrvaṃ tāvan mastakād bhujyate yāvat pārśvataḥ sarpair viṣa-daṃṣṭraiḥ saṃdaśya saṃdaśya bhakṣyate | vyāghrair api pṛṣṭhato bhakṣyate | pādāv api vahninā dāhyete sa yama-puruṣair dūrād iṣubhir vidhyatae iti vistaraḥ ||
mithyā-dṛṣṭi-phalaṃ punar a-parimitaṃ | pāṭhas tu saṃkṣipyate | śastra-varṣa-tomara-vajra-varṣa-aśani-pāṣāṇa-varṣe hanyate | ekādaśabhir arcci-skandhaiḥ kṣut-pipāsa-agninā ca sukha-nirgatena nir-antaraṃ dahyatae iti ||
kāma-mūlāś ca sarva-an-arthā iti tebhya eva + udvejitavyaṃ | yathā + atra + eva + āha | asty agni-kuṇḍo nāma narakaḥ | tatra katareṇa karmaṇā satvā upapadyante | yena a-śramaṇena śramaṇa-pratijñena mātṛ-grāmasya nṛtta-gītasya + ābharaṇānāṃ vā śabdaṃ śrutvā + a-yoniśena manas-kāreṇa + ākṣipta-buddhinā tac * chrutvā hasita-laḍita-krīḍitāny a-śucim uktaṃ || pe ||
tatra te nārakā ayo-varṣeṇa sarva-aṅga-praty-aṅgaśaś cūrṇyante * aṅgāra-varṣeṇa ca pacyante dahyantae ity ādi | evaṃ paurāṇa-kāma-āsvādana-smaraṇāt padumo nāma narakaḥ paṭhyate svapna-anta-bhūta-smaraṇāc ca | tatra te nārakāḥ kumbhiṣu pacyante | te droṇiṣv ayo-mayair muṣalair hanyantae iti vistaraḥ ||
evam apsarasaḥ prārthanayā brahma-carya-pariṇāmanān mahā-padumo nāma naraka uktaḥ | tatra kṣāra-nadī-taraṅginī nāma pravahati | tasyāṃ nadyāṃ yāny asthīni te pāṣāṇāḥ | yac * chevālaṃ te keśāḥ | yaḥ paṅkas tan māṃsaṃ | yā āpaḥ tat kathitaṃ tāmraṃ | ye matsyās te nārakā ity ādi ||
evaṃ puruṣasya puruṣeṇa saha maithuna-vipratipatteḥ a-prameyā a-kāraṇā viśeṣāḥ paṭhyante | evaṃ śiśubhiḥ saha vipratipatteḥ kṣāra-nadyām uhyamānān dārakān paśyati | te taṃ vilapanti | sa tāṃ nadīm avagāhate | teṣu bālakeṣu tīvra-sneha-pratibandha-śoka-duṣkha-vegāt | evaṃ go-vaḍava-aja-eḍaka-ādiṣu prakṛti-sa-āvadyaḥ kāma-mithyā-ācāraḥ kharatara-vipākaḥ paṭhyate | tāsām eva go-vaḍava-ādīnāṃ tapta-ayo-mayīnāṃ a-kuśala-nirmitānāṃ yoni-mārgeṇa sa tiryak-kāma-sevī praviśati | sa tāsām udare pradīpta-aṅgāra-nikara-paripūrṇe svidyate pacyate bahūni varṣa-śata-sahasrāṇi + iti vistareṇa draṣṭavyaṃ ||
evam anya-nāśitāsv api bhikṣuṇīṣu vipratipannānāṃ mahā-naraka-pātanāḥ paṭhyante | evaṃ sva-strīṣv apy a-yoni-mārgeṇa gacchataḥ | evaṃ prasahya + ānītāsv api para-strīṣu labdhāsu ca kanyāsu | evam upavāsa-sthāsu evaṃ gurūṇāṃ patnīṣu jñāti-śabda-mānitāsu ca vipratipatteḥ tīvrāś ca + a-parimāṇāś ca mahā-naraka-pātanāḥ paṭhyante ||
sapta-maithuna-saṃyukta-sūtre * apy āha | iha brāhmaṇa ekatyo brahma-cāriṇam ātmānaṃ pratijāṇīte | sa na + iha + eva mātṛ-grāmeṇa sārddhaṃ dvayaṃ samāpadyate * api tu mātṛ-grāmaṃ cakṣuṣā rūpaṃ nidhyāyan paśyati | sa tadā svādayati adhyavasyati adhyavasāya tiṣṭhati | ayam ucyate brāhmaṇa brahma-cārī saṃyukto maithunena dharmeṇa na visaṃyuktaḥ | a-pariśuddhaṃ brahma-caryaṃ carati ||
evaṃ mātṛ-grāmeṇa sārddhaṃ saṃkrīḍataḥ saṃkilikilāyamānasya āsvādayataḥ a-pariśuddhaṃ brahma-caryam uktaṃ | evaṃ mātṛ-grāma-apasthānam āsvādayataḥ | evaṃ tiraḥ-kuḍya-gatasya tiro-duṣya-gatasya vā mātṛ-grāmasya nṛtta-gīta-ādi-śabdam āsvādayato maithuna-saṃyogam ity uktam | evaṃ pañca-kāma-guṇa-samarpitaṃ param avalokya + āsvādayataḥ ||
evaṃ deva-ādi-sthāneṣu brahma-carya-pariṇāmanāt saṃyukto maithunena dharmeṇa na visaṃyukta iti ||
yataś ca + ete kāmā evaṃ smaraṇa-prārthanā-viṣayam api gatā evam an-artha-karās tena + eva kāma-apavādaka-sūtre * abhihitam | nivāraya bhikṣo cittaṃ kāmebhyaḥ | sa-bhayaś ca + eṣa mārgaḥ sa-pratibhayaḥ sa-kaṇṭakaḥ sa-gahanaḥ unmārgaḥ ku-mārgo vedanā-pathaḥ | a-sat-puruṣa-saṃsevitaḥ | na + eṣa mārgaḥ sat-puruṣa-saṃsevitaḥ | na tvam evaṃ cintayasi | kasmāt alpa-āsvādāḥ kāmā uktā bhagavatā | bahu-duṣkha-bahu-upadravā bahu-upāyāsā | ādīnavo * atra bhūyān | rogo bhikṣavaḥ kāmā gaṇḍaḥ śalya-madya-madya-mūlam āmiṣa-vaḍisaṃ mṛtyur a-nityāḥ kāmās tucchāḥ mṛṣā-moṣa-dharmiṇaḥ svapna-upamāḥ kāmāḥ | kim apy ete bāla-ullāpanāḥ || pe ||
yathā mṛgāṇāṃ bandhanāya kūṭaṃ dvi-jānāṃ bandhanāya jālaṃ | matsyānāṃ bandhanāya kupinaṃ | markaṭānāṃ bandhanāya lepaḥ pataṅ-gānāṃ bandhanāya + agni-skandhaḥ | evaṃ kāmāḥ || pe ||
kāma-paryeṣaṇāṃ carato dīrgha-rātraṃ siṃhānāṃ mukhe parivartitasya + anto na prajñāyate | yāvad go-ghātakānāṃ gava-āsanānāṃ mukhe parivartitasya + anto na prajñāyate | yāvan maṇḍūkānāṃ satāṃ sarpāṇāṃ mukhe parivartitasya + anto na prajñāyate | dīrgha-rātraṃ kāmān pratisevamānānāṃ corā iti kṛtvā gṛhītānāṃ śiraś-chinnānām anto na prajñāyate | pāradārikāḥ pāripanthikā grāma-ghātakā jana-pada-ghātakā yāvad granthi-mocakā iti kṛtvā gṛhītānāṃ śiraś-chinnānām anto na prajñāyate | duṣkhaṃ tīvraṃ kharaṃ kaṭukam anubhūtaṃ rudhiraṃ prasyanditaṃ pragharitaṃ yac caturṣu mahā-samudreṣu + udakāt prabhūtataraṃ || pe ||
kāyo hy ayaṃ bahv-ādīnavaḥ | asthi-saṃghātaḥ snāyu-saṃbaddho māṃsena + anuliptaḥ carmaṇā paryavanaddhaḥ chavyā praticchannaḥ chidra-vicchidraḥ kṛmi-saṃgha-niṣevitaḥ satvānām an-arthakaḥ kleśa-karmaṇāṃ vastu ||
asmin kāye vividhā ābādhā utpadyante | tad yathā cakṣū-rogaḥ śrotra-rogo yāvad arśāṃsi piṭako bhagan-daraḥ || pe ||
kāyikāḥ santāpāḥ kāyikaṃ duṣkhaṃ | kāyasya jīrṇatā bhagnatā kubjatā | khālityaṃ pālityaṃ vali-pracuratā | indriyāṇāṃ pāripākaḥ paribhedaḥ saṃskārāṇāṃ purāṇī-bhāvo jarjarī-bhāvaḥ | yāvan na + arhasy evam udgharantaṃ pragharantaṃ jugupsanīyaṃ kāyaṃ pratiṣevituṃ || pe ||
kā tava bhikṣo kāma-a-śāntiḥ | kaś ca tvāṃ pralobhayati | kathaṃ ca tvaṃ prāhito mūrchito * adhyavasito * adhyavasānam āpannaḥ | yadā + ahaṃ parinirvṛto bhavāmi | sad-dharmaś ca + antar-hito bhavati | tvaṃ ca kāmān pratisevya vinipāta-gato bhaviṣyasi | kadā jarā-maraṇād ātmānaṃ parimocayiṣyasi ||
alaṃ bhikṣo nivāraya cittaṃ kāmebhyaḥ | a-kālaḥ kāma-paryeṣaṇāyāḥ | kālo * ayaṃ dharma-paryeṣaṇāyā iti ||
ugradatta-paripṛcchāyām apy āha | tena kāma-mithyā-ācārāt prativiratena bhavitavyaṃ sva-dāra-saṃtuṣṭena para-dāra-an-abhilāṣiṇā + ārakta-netra-prekṣiṇā nirviṇṇa-manasā | eka-anta-duṣkhāḥ kāmā | ity abhīkṣṇaṃ manasi-kāra-prayuktena | yadā + apy asya sva-dāreṣu kāma-vitarka utpadyeta | tadā + api tena sva-dāreṣv a-śubha-anudarśinā uttrasta-manasā | kleśa-vaśatayā kāmāḥ pratisevitavyāḥ | na tv adhyavasāna-vinibaddhena nityam a-nitya-an-ātma-a-śuci-saṃjñinā | evaṃ ca + anena smṛtir upasthāpyā | tathā + ahaṃ kariṣyāmi yathā saṃkalpair api kāmān na paribhokṣye | kaḥ punar vādo dvi-indriya-samāpattyā vā + anaṅga-vijñaptyā vā + iti ||
punar atra + eva + āha | bodhi-satvena sva-bhāryāyā antike tisraḥ saṃjñā utpādayitavyāḥ | katamās tisraḥ | rati-krīḍā-sahāyikā + eṣā na + eṣā para-loka-sahāyikā | anna-pāna-sahāyikā + eṣā na + eṣā karma-vipāka-anubhavana-sahāyikā | sukha-sahāyikā + eṣā na + eṣā duṣkha-sahāyikā ||
yāvad a-parās tisraḥ | śīla-antarāya-saṃjñā dhyāna-antarāya-saṃjñā prajñā-antarāya-saṃjñā ||
a-parās tisraḥ | cora-saṃjñā badhaka-saṃjñā naraka-pāla-saṃjñā iti ||
candrottarā-dārikā-paripṛcchāyām apy uktaṃ | atha candrottarā-dārikā samanantaraṃ pradhāvantaṃ taṃ mahāntaṃ jana-kāyaṃ dṛṣṭvā tasyāṃ velāyāṃ vihāyasa-antarīkṣe tāla-mātram abhyudgamya sthitvā ca taṃ mahāntaṃ jana-kāyaṃ gāthābhir adhyabhāṣata ||
kāyaṃ mama + īkṣadhvam imaṃ mano-jñaṃ suvarṇa-varṇaṃ jvalana-prakāśam | na rakta-cittasya hi mānuṣasya prajñāyate śobhanakaṃ śarīram ||
ye etv agni-karṣū-upama-saṃpradīptān tyajanti kāmān viṣayeṣv a-gṛddhāḥ | ṣaḍ-indriyaiḥ saṃvara-saṃvṛtāś ca ye brahma-caryaṃ ca caranti śubham ||
dṛṣṭvā ca dārān hi parasya ye vai kurvanti mātā-bhaginī + iti saṃjñāṃ | prāsādikās te hi su-darśanīyā bhavanti nityaṃ paramaṃ mano-jñāḥ ||
sphuṭām imāṃ vettha purīṃ samantād yo roma-kūpān mama ca + ati-gandhaḥ | na rāga-cittena mayā + arjito * ayam phalaṃ tu dānasya damasya ca + idam ||
na me samutpadyati rāga-cittaṃ mā vīta-rāgāsu janīṣva rāgaṃ | sākṣī mama + ayaṃ purato muni-indraḥ satyaṃ yathā vedmi na jātu mithyā ||
yūyaṃ ca pūrvaṃ pitaro mama + āsa | ahaṃ ca yuṣmākam abhūj janitrī | bhrātā svasā ca + api pitā babhūva ko rāga-cittaṃ janayej jananyāṃ ||
praghātitāḥ prāk ca mama + atha sarve | ahaṃ viśastā ca purā bhavadbhiḥ | sarve a-mitrā vadhakāḥ parasya | kathaṃ tu vā jāyati rāga-cittam ||
na rūpavanto hi bhavanti rāgāt | na rakta-cittāḥ su-gatiṃ vrajanti | na nirvṛtiṃ yānti ca rakta-cittā rāgo hi tasmāt parivarjanīyaḥ ||
kāmasya hetor nirayaṃ patanti | pretās tiraśco * atha bhavanti rāgāt | kumbha-aṇḍa-yakṣā asurāḥ piśācā bhavanti ye rāga-parītta-cittāḥ ||
kāṇāś ca khañjāś ca vi-jihvakāś ca | vi-rūpakāś ca + eva bhavanti rāgāt | bhavanti nānā-vidha-doṣa-bhājāś caranti ye kāma-carīṃ jaghanyām ||
yac cakra-vartitvam avāpnuvanti | bhavanti śakrās tri-daśa-īśvarāś ca | brahmāṇa īśā
[doubtful]
vaśa-varttinaś ca tad brahma-caryaṃ vipulaṃ caritvā ||
jāty-andha-bhāvā vadhirā vi-saṃjñā | śva-śūkara-uṣṭrāḥ khara-vānarāś ca | hasty-aśva-go-vyāghra-pataṅ-ga-makṣāḥ bhavanti nityaṃ khalu kāma-lolāḥ ||
kṣiti-īśvarāś ca + eva bhavanty udagrāḥ su-śreṣṭhino vai gṛha-paty-amātyāḥ | sukha-saumanasyena ca yānti vṛddhiṃ ye brahma-caryaṃ vipulaṃ caranti ||
kabhalli-tāpān atha dhūma-gārān bandhāṃs tathā tāḍana-tarjjanāṃś ca | chedaṃ śiraḥ karṇa-kara-akṣi-nāsāḥ | pādasya ca + arcchanti hi kāma-dāsā | iti ||
udayana-vatsa-rāja-paripṛcchāyāṃ ca vivarṇitāḥ kāmāḥ ||
dṛṣṭvā vraṇaṃ dhāvati makṣikā yathā | dṛṣṭvā + a-śuciṃ dhāvati gardabho yathā | śvānaś ca śūnā iva māṃsa-kāraṇāt | tathā + eva dhāvanty a-budhāḥ striye ratāḥ ||
a-vidyā-pidhitā bālās tamaḥ-skandhane āvṛtāḥ | strīṣu saktās tathā mūḍhā a-medhya iva vāyasāḥ ||
mārasya go-caro hy eṣa prasthitā yena dur-gatiḥ | āsvāda-saṃjñino gṛddhā mīṭa-sthāne yathā krimiḥ ||
kīṭa-kumbho yathā citro yatra yatra + eva dṛśyate | pūrṇo mūtra-purīṣeṇa dṛtir vā vāta-pūritā ||
siṅghāṇaka-kapha-alālāḥ
[doubtful]
śleṣmaṇi klinna-mastakāḥ | daurgandhyaṃ sravate kāyād bālānāṃ tad yathā madhu ||
asthi-pūrṇaṃ mukha-dvāraṃ māṃsa-carma-ādibhiś citaṃ | gaṇḍa-bhūto hy ayaṃ kāyaḥ kutsito hy āma-gandhikaḥ ||
nānā-prāṇibhiḥ saṃpūrṇo mukha-gaṇḍo yathā bhavet | evam eva hy ayaṃ kāyo viṣṭhā-ādy-a-śuci-bhājanam ||
antya-antra-ākulaṃ hy udaraṃ sa-yakṛt-phupphuṣa-ākulam | vṛkkau vilohitaṃ pittaṃ masta-luṅga-asthi-majjakam ||
aśītiṃ krimi-kula-sahasrāṇi yāni tiṣṭhanti antare | aha bālā na paśyanti moha-jālena āvṛtāḥ ||
nava-vraṇa-mukhaiḥ prasravanty a-śuciṃ pūti-gandhikam | bālā nimittaṃ gṛhṇanti vacane darśane * api ca ||
uktāḥ paścān na jānanti yo deśaḥ sarva-kutsitaḥ | uccāra-go-carā bālāḥ kheṭa-siṅghāṇa-bhojinaḥ ||
jugupsanīye rajyante vraṇaṃ dṛṣṭvā + iva makṣikāḥ | kakṣāsv āgharate svedo gandho vāyati kutsitaḥ ||
kurvanti duṣ-kṛtaṃ karma yena gacchanti dur-gatim | hīnān kāmān niṣevanto hīnān dharmān niṣevya ca ||
gatvā avīciṃ duṣ-prajñāḥ duṣkhāṃ vindanti vedanāṃ | uccāra iva dur-gandhāḥ striyo buddhaiḥ prakīrtitāḥ ||
tasmād * dhīnasya hīnābhiḥ strībhir bhavati saṅgatiḥ | uccāra-bhastrāṃ yo gṛhya-bāla-āvāsaṃ nigacchati ||
yādṛśaṃ kurute karma tādṛśaṃ labhate phalam ||
tathā + atra + eva + āha | tad evaṃ-rūpair duṣkha-paryeṣitair bhogaiḥ sva-jīvika-artham upasaṃhṛtair na prabhavanti śramaṇa-brāhmaṇebhyo dānaṃ dātuṃ kṛpaṇa-vanīpaka-yācakebhyo * a-vaśī-kṛtāḥ strībhiḥ strī-nirjitāḥ strī-nigṛhītāḥ strī-dāsāḥ | tena + eva strī-premṇā tasyā eva poṣaṇāya na śaknuvanti dānaṃ dātuṃ śīlaṃ ca samādātuṃ | sa tatra raktaḥ samānaḥ strī-paribhāṣitāni sahate tarjana-avalokana-nirbhartsanām api sahate | sa mātṛ-grāmeṇa tarjitaḥ puruṣaḥ saṃsīdati viṣīdati sukhaṃ ca + asyā avalokayati | kāma-hetoḥ kāma-nidānaṃ ca vaśa-gatā bhavati | ayaṃ mahā-rāja kāma-lolupasya puruṣasya + uccāra-sukha-paramasya + a-śucau ratasya + a-saṃprajanya-ācāriṇo doṣaḥ || pe ||
śrutvā + īdṛśaṃ tu saṃvegaṃ na teṣāṃ bhavati nirvṛtiḥ | bhūyaḥ kurvanti saṃsargaṃ strībhiḥ sārddhaṃ pramoditāḥ ||
duṣkha-kāmān niṣevante bhāṣante ca jugupsitāḥ ||
dharmaṃ śrutvā + artha-saṃmūḍhāḥ bhāṣante ca su-bhāṣitaṃ | strī-gataṃ ca + asya tac cittaṃ viḍālasya + iva mūṣike ||
muhūrtaṃ bhavati saṃvegaḥ śrutvā + atha jina-bhāṣitaṃ | punaḥ kupyati rāgo * asya viṣa-hālāhalaṃ yathā ||
sūkarasya + iva uttrāso muhūrtam anuvarttate | dṛṣṭvā vai atha uccāraṃ gṛddhatāṃ janayaty asau ||
evaṃ sukha-arthino bālāḥ prahāya jina-śāsanaṃ | hīnān kāmān niṣevante yena gacchanti dur-gatiṃ ||
raktāḥ pramattāḥ kāmeṣu kṛtvā karma su-pāpakam | śīlavattāṃ visaṃvādya paścād gacchanti dur-gatim ||
yasya + īdṛśaṃ dharma-nayaṃ viditvā | strīṣu prasādaḥ puruṣasya na + u bhavet | viśodhitaḥ svarga-patho * asya nityam | na dur-labhā tasya vara-agra-bodhiḥ ||
labdhvā kṣaṇaṃ hi sa prajño dharmaṃ śrutvā ca īdṛśam | sarvān kāmān vivarjya + iha pravrajyāṃ niṣkramed budha | iti ||
praśānta-viniścaya-prātihārya-sūtre * apy a-paro * an-artha uktaḥ ||
yaḥ kaś-cin mañjuśrīḥ kula-putro vā kula-duhitā vā jāmbū-dvīpakān sarva-satvāñ jīvitād vyaparopya sarvasvaṃ haret | yo vā + anyo mañjuśrīḥ kula-putro vā kula-duhitā bodhi-satvasya + eka-kuśala-cittasya + antarāyaṃ kuryād antaśas tiryag-yoni-gatasya + apy eka-ālopa-dāna-saha-gatasya kuśala-mūlasya + antarāyaṃ kuryād ayaṃ tato * a-saṃkhyeyataraṃ pāpaṃ prasavati | tat kasya hetoḥ | buddha-utpāda-saṃjanakānāṃ sa-kuśala-mūlānām antarāyaḥ sthito bhavati | yaḥ kaś-cin mañjuśrīḥ para-kuleṣu bodhi-satvasya + īrṣyā-mātsaryaṃ kuryāt tasya tasmin samaye tato nidānaṃ
[doubtful]
trīṇi bhayāni pratikāṅkṣitavyāni | katamāni trīṇi | naraka-upapatti-bhayaṃ jāty-andha-bhayaṃ pratyanta-janma-upapatti-bhayaṃ ca + iti ||
punar āha ||
yas tasya kuryāt puruṣo * a-priyaṃ vā bhūtaṃ hy a-bhūtaṃ ca vaded a-varṇaṃ | paruṣaṃ vadet kruddha-manā + api yas taṃ kṣobhaṃ ca kuryāt punar asya yo * api ||
ātma-bhāvena mahatā narakeṣu sa dur-matiḥ | utpadyate vipanna-ātmā duṣkhāṃ sa vetti vedanāṃ ||
yojanānāṃ śataṃ pañca jāyate * asya samucchrayaḥ | koṭī-parivṛtaḥ śaśvad bhakṣyate ca śunā bhṛśam ||
pañca-mūrddha-sahasrāṇi bhavanty asya + apavādinaḥ | jihvānāṃ ca śatāḥ pañca bhavanty eka-eka-mūrddhani ||
eka-ekasyāṃ ca jihvāyāṃ śatāḥ pañca jvalan-mukhāḥ | lāṅgalānāṃ ca vahanty asya vācaṃ bhāṣitva pāpikām ||
pratāpane ca pacyante tīvra-duṣkha-anala-ākule | utpīḍāṃ bodhi-satvānāṃ ye kurvanti a-saṅgatāḥ ||
tiryag-yoniḥ sa-narakā na teṣāṃ bhoti dur-labhā | kalpa-koṭi-sahasrāṇi śatāni niyutāni ca ||
tataḥ cyutā ghora-viṣā bhonti sarpāḥ su-dāruṇāḥ | kṣut-pipāsa-abhibhūtāś ca kurvate karma dāruṇam ||
labdhvā + api bhojana-pānaṃ tṛptiṃ na + eva + adhigacchati | tataś cyuto manuṣyeṣu sa ... yady upapadyate ||
jāty-andho bhoti dur-medhā duṣṭa-cetā a-saṃvṛtaḥ | āryānāra-adhikāṃ
[doubtful]
vācam uktvā dur-bhāṣitaṃ naraḥ ||
manuṣyebhyaś cyutaś ca + api punar gacchati dur-gatim | kalpa-koṭi-sahasreṣu jāta-buddhaṃ na paśyati ||
punar atra + eva + āha | yāvanti mañjuśrīr bodhi-satvo bodhi-satvasya + antike pratigha-cittāny utpādayaty avamanyanā-cittāni vā | tāvataḥ kalpān sannāhaḥ sannaddhavyo vastavyaṃ mayā mahā-narakeṣv iti | na mañjuśrīr bodhi-satvo * anyena karmaṇā śakyo vinipātayitum anyatra bodhi-satva-apavādād eva | tad yathā mañjuśrīr vajra-maṇi-ratnaṃ na + anyena kāṣṭhena loṣṭhena vā śakyaṃ bhettum anyatra vajrād | evam eva mañjuśrīr bodhi-satvo * anyena karmaṇā na śakyo vinipātayitum anyatra bodhi-satva-apavādād eva + iti ||
||
ārya-śraddhā-bala-ādhāna-avatāra-mudrā-sūtre * apy āha ||
yaḥ kaś-cin mañjuśrīḥ kula-putro vā kula-duhitā vā daśasu dikṣu sarva-loka-dhātuṣu sarva-satva-andha-kāreṣu bandhane kruddhaḥ praveśayet | yaś ca + anyaḥ kula-putro vā kula-duhitā vā bodhi-satve kruddhaḥ parāṅ-mukhaṃ tiṣṭhet | na + enaṃ dur-ātmānaṃ paśyāmi + ity ayaṃ tato * a-saṃkhyeyataraṃ pāpaṃ pravasati ||
atra + eva + uktaṃ | yaḥ kaś-cin mañjuśrīḥ sarva-jāmbū-dvīpakānāṃ satvānāṃ sarvasvaṃ hared yaś ca + anyo yādṛśaṃ tādṛśaṃ bodhi-satvaṃ garhed tato * a-saṃkhyeyataraṃ pāpaṃ prasavati ||
atra + eva + uktaṃ | yaḥ kaś-cin mañjuśrīḥ kula-putro vā kula-duhitā vā gaṅgā-nadī-vālikā-samān stūpān vinipātayed daheta vā | yaś ca + anyaḥ kula-putro vā kula-duhitā vā mahā-yāna-adhimuktasya bodhi-satvasya vyāpāda-khila-krodha-cittam utpādya krośayet paribhāṣayed ayaṃ tato * a-saṃkhyeyataraṃ pāpaṃ prasavati | tat kasmād * dhetoḥ | bodhi-satva-niryātā hi buddhā bhagavanto buddha-niryātāś ca stūpāḥ sarva-sukha-upadhānāni ca sarva-deva-nikāyāś ca | bodhi-satvam a-sat-kṛtya sarva-buddhā a-sat-kṛtā bhavanti | bodhi-satvaṃ sat-kṛtya sarva-buddhāḥ sat-kṛtā bhavanti | sarva-buddhān an-uttarayā pūjayā pūjayitu-kāmena bodhi-satvāḥ pūjayitavyāḥ ||
etat pūjā-vipākaś ca praśānta-viniścaya-prātihārya-sūtre * abhihitaḥ ||
yas tv eṣāṃ kurute rakṣāṃ dhārmikīṃ dharma-vādināṃ | hitvā su-dur-gatīḥ sarvāḥ śakro bhavati deva-rāṭ ||
brahmā + api yāmas tuṣito vaśa-varttī punaḥ punaḥ | manuṣyeṣu + upapannaś ca cakra-varttī sa jāyate ||
śreṣṭhī gṛha-patiś ca + api bhavaty āḍhyo mahā-dhanaḥ | prajñā-smṛtibhyāṃ saṃyuktaḥ sukhito nir-upadrava | iti ||
atha katamaṃ bodhi-satvam adhikṛtya + iyaṃ kāra-apakāra-cintā | pṛthag-janam eva ||
yathā + uktaṃ śraddhā-bala-ādhāna-avatāra-mudrā-sūtre | yaḥ kaś-cin mañjuśrīḥ kula-putro vā kula-duhitā vā sarva-loka-dhātu-rajo-upamānāṃ satvānāṃ divase divase divyaṃ śata-rasam āhāraṃ dadyād divyāni ca vastrāṇy evaṃ dadaṅ gaṅgā-nadī-vālikā-samān kalpa-samudrān dānaṃ dadyāt | yaś ca + anyaḥ kula-putro vā kula-duhitā vā ekasya + upāsakasya + an-anya-śāstur daśa-kuśala-karma-patha-samanvāgatasya + eka-divasam ekam āhāraṃ dadyād buddhasya + ayaṃ bhagavataḥ śikṣāyāṃ śikṣita iti samāropaṃ kṛtvā | ayaṃ tato * a-saṃkhyeyataraṃ puṇyaṃ prasavati ||
yaḥ kaś-cin mañjuśrīḥ kula-putro vā kula-duhitā vā sarva-loka-dhātu-rajo-upamānāṃ daśa-kuśala-karma-patha-samanvāgatānāṃ upāsakānāṃ divase divase divyaṃ śata-rasam āhāraṃ dadyād divyāni ca vastrāṇy evaṃ dadaṅ gaṅgā-nadī-vālikā-samān kalpān dadyāt | yaś ca + anyaḥ kula-putro vā kula-duhitā vā ekasya bhikṣor eka-divasam āhāraṃ dadyād | ayaṃ tato * a-saṃkhyeyataraṃ puṇyaṃ prasavati + iti ||
niyata-a-niyata-avatāra-mudrā-sūtre * apy āha | sacen mañjuśrīr daśasu dikṣu sarva-loka-dhātuṣu sarva-satvā utpāṭita-akṣā bhaveyuḥ parikalpam upādāya | atha kaś-cid eva kula-putro vā kula-duhitā vā teṣāṃ sarva-satvānāṃ maitra-cittas tāny akṣīṇi janayet parikalpam upādāya | yo vā + anyo mañjuśrīḥ kula-putro vā kula-duhitā vā mahā-yāna-adhimuktaṃ bodhi-satvaṃ prasanna-cittaḥ paśyed | ayaṃ tato * a-saṃkhyeyataraṃ puṇyaṃ prasavati ||
yaḥ kaś-cin mañjuśrīḥ kula-putro vā kula-duhitā vā daśasu dikṣu sarva-satvān bandhana-āgāra-praviviṣṭān bandhana-āgārān mocayitvā cakra-varti-sukhe sthāpayed brahmatva-sukhe vā | yo vā + anyo mañjuśrīḥ kula-putro vā kula-duhitā vā mahā-yāna-adhimuktasya prasanna-citto darśana-abhilāṣī bhaved varṇaṃ ca + asya + udāhared | ayaṃ tato * a-saṃkhyeyataraṃ puṇyaṃ prasavati + iti ||
tathā kṣitigarbha-sūtre * apy āha | yaḥ punar bhadanta bhagavan kṣatriya-kalyāṇo vā + amātya-kalyāṇo vā bhaṭṭa-kalyāṇo vā śramaṇa-kalyāṇo vā brāhmaṇa-kalyāṇo vā paraṃ rakṣaty ātmānaṃ rakṣati para-lokaṃ rakṣati | bhagavac-chāsane pātra-bhūtam a-pātra-bhūtaṃ vā yāvan muṇḍaṃ kāṣāya-khaṇḍa-prāvṛtaṃ parirakṣati śroṣyati pūjayiṣyati śrāvaka-kathāṃ evaṃ praty-eka-buddha-kathāṃ śroṣyati pūjayiṣyati | mahā-yāna-kathāṃ ca mahā-yāna-saṃprasthitān pudgalān śīlavato guṇa-āḍhyān yukta-mukta-pratibhānān taiḥ sārddhaṃ ramati krīḍati paripṛcchati paripraśnayati teṣāṃ śrotavyaṃ kartavyaṃ manyate || pe ||
kiyantaṃ bhagavan pāpaṃ kṣapayiṣyati ||
bhagavān āha ||
tad yathā + api nāma kula-putra kaś-cit puruṣa utpadyate | yaḥ sarvaṃ jambū-dvīpaṃ sapta-ratna-paripūrṇaṃ kṛtvā tiṣṭhatāṃ buddhānāṃ bhagavatāṃ dānaṃ dadyāt tathā + eva madhya-ahna-samaye tathā + eva sāya-ahna-samaye dānaṃ dadyād anena paryāyeṇa varṣa-śata-sahasram evaṃ-rūpaṃ dānaṃ dadyāt | tat kiṃ manyase kula-putra + api nu sa puruṣo bahu puṇyaṃ prasavet ||
āha ||
bahu bhadanta bhagavan sa puruṣaḥ puṇya-skandhaṃ prasaved a-prameyam a-saṃkhyeyaṃ | na tasya puṇya-skandhasya kena-cic * chakyaṃ pramāṇam udgrahītuṃ anyatra tathā-gatena ||
bhagavān āha ||
yas tu kula-putra kṣatriya-kalyāṇo vā yāvad yathā pūrva + uktaṃ | pe | sa bahutaraṃ puṇyaṃ prasavati | yāvad vipulataram a-pramāṇataram a-saṃkhyeyataraṃ puṇya-skandhaṃ prasavati | yo mama paścimāyāṃ pañca-śatyāṃ vartamānāyāṃ sad-dharma-netrī rakṣati sa rakṣaty ātmānaṃ | rakṣati parāṃś ca rakṣati para-lokaṃ rakṣati mama śāsanaṃ śrāvakān pātra-bhūtān a-pātra-bhūtān vā yāvan muṇḍān kāṣāya-vastra-prāvṛtān api rakṣati | na viheṭhayati | yāvat svakaṃ rāṣṭraṃ para-rāṣṭraṃ ca vardhayati | apāyān kṣapayati | sura-ālayaṃ ca prāpayati ciraṃ ca + āyuḥ pālayati | sva-kleśāṃś ca para-kleśāṃś ca jhāṣayati | saṃbodhi-mārgaṃ ṣaṭ-pāramitāś ca + upastambhayati | sarva-apāyāñ jahāti | na ciraṃ saṃsāre saṃsarati | nityaṃ kalyāṇa-mitrair buddhaiś ca bhagavadbhir bodhi-satvaiś ca mahā-satvaiś ca sārddhaṃ samavadhāna-gato bhavati | satataṃ kalyāṇa-mitra-a-virahito na cireṇa yathā-abhiprāyeṣu buddha-kṣetreṣv an-uttarāṃ samyak-saṃbodhim abhisaṃbhotsyate ||
atha tāvad eva sarva-deva-indrāḥ sa-parivārā | yāvat piśāca-indrāḥ sa-parivārā utthāya + āsanād yena bhagavān tena + añjaliṃ praṇamya + evam āhuḥ | ye te bhadanta bhagavan etarhy an-āgate * adhvani yāvat paścimāyāṃ pañca-śatyāṃ kṣatriya-kalyāṇā bhavanti yāvad gaha-pati-kalyāṇāḥ | pe | evaṃ sad-dharma-rakṣakā evaṃ tri-ratna-vaṃśa-jvālayitāraḥ | pe | vayam api sarve sa-parivārās taṃ kṣatriya-kalyāṇaṃ yāvad gaha-pati-kalyāṇaṃ daśabhir ākārai rakṣiṣyāmaḥ paripālayiṣyāmo vardhayiṣyāmaḥ ||
katamair daśabhiḥ | āyuś ca + asya vardhayiṣyāmaḥ āyur-antarāyaṃ ca dharmeṇa nivārayiṣyāmaḥ | ārogyaṃ ca parivāraṃ ca dhana-skandhaṃ ca upabhoga-paribhogaṃ ca + aiśvaryaṃ ca yaśaḥ kalyāṇa-mitrāṇi prajñā-sampadaṃ ca vardhāpayiṣyāmaḥ | ebhir daśabhir iti vistaraḥ ||
evam a-bhūmi-praviṣṭeṣv eva + ayaṃ vipāka-vistaro draṣṭavyaḥ ||
avalokanā-sūtre * api | saṃbodhau cittam utpādya hita-arthaṃ sarva-prāṇināṃ | yaḥ stūpaṃ loka-nāthasya karoti + iha pradakṣiṇaṃ ||
ity ādy anuśaṃsa-vistaram uktvā + āha | yas tv eṣāṃ buddha-putrāṇāṃ naraḥ kurvīta a-priyaṃ | devān manuṣyān varjitvā narakaṃ tasya go-caraṃ ||
iti vistaraḥ pūrva-vat ||
na ca + atra viśeṣa-hetuḥ kaś-cid upadarśayituṃ śakyatae ity alaṃ vikalpena ||
karma-āvaraṇa-viśuddhi-sūtre * apy āvaraṇa-śabdena + an-artha uktaḥ | āvaraṇaṃ mañjuśrīr ucyate rāga āvaraṇaṃ dveṣa āvaraṇaṃ moha āvaraṇaṃ dānam āvaraṇaṃ śīla-kṣānti-vīrya-dhyāna-prajñā āvaraṇaṃ | pe | tat kasya hetoḥ bāla-pṛthag-janā mañjuśrīr dānaṃ dadānā matsariṇām antike * a-prasādaṃ kurvanti | te tena + a-prasādena pratigha-cittam utpādayanti | pratigha-khila-doṣeṇa mahā-narakeṣu + upapadyante | śīlaṃ rakṣanto duḥ-śīlān kutsayanti paribhāṣanti | te teṣām a-varṇaṃ ca bhāṣanti | te teṣāṃ doṣaṃ śrutvā bahu-janasya + a-prasādaṃ kurvanti | te tena + a-prasādena dur-gati-gāmino bhavanti | te kṣāntiṃ bhāvayantaḥ kṣānti-madena + ātmānam utkarṣayanti pramādyanti | vayaṃ kṣānti-vādinaḥ | ime punar anye vyāpanna-cittāḥ | teṣāṃ kṣānti-madana-mattānāṃ pramāda-mūlakāni duḥkhāny utpadyante | te vīryam ārabhamāṇā ātmānam utkarṣayanti parān paṃsayanti | kusīdā ime bhikṣavo viharanty an-abhiyuktāḥ śraddhā-deyaṃ paribhuñjānāḥ | na + ete * arhanti pānīya-sthālakam api | te tena vīrya-ārambheṇa + ātmānam utkarṣayanti paraṃ ca paṃsayanti | tān ahaṃ bālān iti vadāmi | te dhyānaṃ samāpadyamānās tatra dhyāna-samāpattau spṛhām utpādayanti | teṣām evaṃ bhavati | vayaṃ samādhi-vihāriṇa | ime * anye bhikṣavo vikṣipta-cittā viharanti | kutas te buddhā bhaviṣyanti + iti vistaraḥ ||
sarva-dharma-a-pravṛtti-nirdeśe * apy āha | bodhi-satva āpattyā codayati | dūrī-bhavati bodhiḥ | karma-āvaraṇaṃ ca parigṛhṇāti | īryayā codayati | dūrī-bhavati bodhiḥ | īryā-pathena codayati dūrī-bhavati bodhiḥ | saced bodhi-satvasya + antike hīna-saṃjñām utpādayati ātmani ca + udāra-saṃjñāṃ kṣiṇoty ātmānaṃ karma-āvaraṇaṃ ca gṛhṇāti | iha bodhi-satvena bodhi-satvam avavadatā + anuśāsatā vā śāstṛ-saṃjñām upasthāpya + avavaditavyo * anuśāsitavyaḥ | bodhi-satvena bodhi-satvasya + antike na paribhava-cittam utpādayitavyaṃ | saced asya + a-parityaktā bodhiḥ | na deva-putra bodhi-satvaḥ kva-cid eva kuśala-mūlāni samucchinatti | yathā + a-dvitīya-bodhi-satvam āgamya + iti | an-utpādita-bodhi-citte * api tāvad bodhir bhavye satve * avamanyanā pratiṣiddhā | kiṃ punar udita-bodhi-citte ||
yathā + uktaṃ śūraṅgama-samādhi-sūtre | tatra dṛḍhamate katamad an-utpādita-bodhi-citta-vyākaraṇaṃ ||
iha dṛḍhamate sa pudgalaḥ pāñcagatike saṃsāre upapanno bhavati | yadi vā nirayeṣu yadi vā tiryag-yonau yadi vā yama-loke yadi vā deveṣu yadi vā manuṣyeṣu | sa ca pudgalas tīkṣṇa-indriyo bhavati | udāra-adhimuktikaḥ | tam enaṃ tathā-gataḥ prajānāti | ayaṃ puruṣa-pudgalo yāvad iyadbhiḥ kalpa-koṭī-niyuta-śata-sahasrair an-uttarāyāṃ samyak-saṃbodhau cittam utpādayiṣyati || pe ||
iyadbhiś ca a-saṃkhyeya-kalpa-śata-sahasrair bodhim abhisaṃbhotsyate || pe ||
idaṃ dṛḍhamate ucyate | bodhi-satvasya + an-utpādita-bodhi-citta-vyākaraṇaṃ | atha khalv āyuṣmān mahā-kāśyapo bhagavantam etad avocat | adya + agreṇa + asmābhir bhagavan sarva-satvānām antike śāstṛ-saṃjñā + utpādayitavyā | tat kasya hetoḥ | na hy asmākam etaj jñānaṃ pravarttate | katamasya bodhi-satvasya bodhi-paripācakāni + indriyāṇi saṃvidyante | katamasya na saṃvidyante | tato vayaṃ bhagavann a-jānānās tathā-rūpeṣu hīna-saṃjñām utpādayema | tena vayaṃ kṣaṇyema ||
bhagavān āha | sādhu sādhu kāśyapa su-bhāṣitā te iyaṃ vāk | idaṃ ca mayā kāśyapa + artha-vaśaṃ sampaśyamānena yuṣmākam evaṃ dharmo deśito | mā bhikṣavaḥ pudgalena pudgalaṃ pravicetavyaṃ | yac * chīghraṃ kṣaṇyati hi bhikṣavaḥ pudgalaḥ pudgalaṃ pravicinvan | ahaṃ vā pudgalaṃ pramiṇuyāṃ yo vā syān mādṛśaḥ | etena kāśyapa nirdeśena bodhi-satvena vā śrāvakeṇa vā sarva-satvānām antike śāstṛ-saṃjñā + utpādayitavyā | mā + atra kaś-cid bodhi-satva-yānikaḥ pudgalo bhavet tena tatra + ātmā rakṣitavya iti | yasya tu niyatam eva bodhi-prāpti-cihnam asti tatra sutarām avamanyanā rakṣitavyā ||
yathā + uktam ārya-sad-dharma-puṇḍarīka-sūtre | iṣṭā-mayān mṛttika-saṃcitān vā prītāś ca kurvanti jinasya stūpān | uddiśya vā pāṃśu-kara-āśayo * api aṭavīṣu dur-geṣu ca kārayanti ||
siktā-mayā vā puna kūṭa kṛtvā ye ke-cid uddiśya jināna stūpān | kumārakāḥ krīḍiṣu tatra tatra | te sarvi bodhāya abhūṣi lābhinaḥ ||
yāvat ||
ye citra-bhittīṣu karonti vigrahaṃ | paripūrṇa-gātrāṃś * chata-puṇya-lakṣaṇān ||
likhet svayaṃ ca + api likhāpayed vā | te sarvi bodhāya abhūṣi lābhinaḥ ||
ye ca + api ke-cit tarhi śikṣamāṇāḥ | krīḍā-ratiṃ ca + api vinodayantaḥ ||
nakhena kāṣṭhena kṛtāsi vigrahān | bhittīṣu puruṣā + atha kumārakā vā ||
sarve ca te bodhi abhūṣi lābhinaḥ || pe ||
vādāpitā jhallariyo * api ye hī | jala-maṇḍakā vā + apy atha maṇḍakā vā | su-gatānam uddiśyatha pūjanā-arthaṃ gītaṃ ca gītaṃ madhuraṃ mano-jñaṃ | sarve ca te buddha abhūṣi loke ||
kṛtvā ca yāṃ bahu-vidha-dhātu-pūjāṃ | kim alpa-kampī su-gatāna dhātuṣu | ekaṃ pi vādāyiya vādya-bhāṇḍam | puṣpeṇa ca + ekena hi pūjayitvā | anupūrva drakṣyanti hi buddha-koṭyaḥ | yaiś ca + añjalis tatra kṛtā + api stūpe | paripūrṇa ekā-tala-śaktikā vā | onāmitaṃ śīrṣa bhaven muhūrttaṃ | onāmitaṃ kāya tathā + eka-vāraṃ | namo * astu buddhāya kṛta-eka-vāraṃ | ye hī tadā dhātu-dhāreṣu teṣu | vikṣipta-cittair api yathā + eka-vāraṃ | te sarvi prāptā imam agra-bodhim | su-gatāna teṣāṃ tada tasmi kāle | parinirvṛtānām atha tiṣṭhatāṃ vā | ye dharma-nāma + api śṛṇūṣu satvās | te sarvi bodhāya abhūṣi lābhina | iti ||
mahā-karuṇā-sūtre * apy uktaṃ ||
tad yathā vāḍiśikena mahaty udaka-sarasi matsya-ākarṣaṇa-arthaṃ sa-āmiṣaṃ vaḍiśaṃ prakṣiptaṃ bhavet samanantara-prakṣiptaṃ ca matsyena nigīrṇaṃ bhavet | kiṃ ca + api sa matsya udaka-sarasi bhramaty atha ca punar vaddha eva sa vaktavyo dṛḍhena sūtreṇa sthala-gata-daṇḍa-su-nibaddhena | yat sa vāḍiśika āgatya tena sūtra-lāghavena jānāti | gṛhīto matsya iti | tam enaṃ sūtrād gṛhītvā sthala-gataṃ karoti yathā-kāma-karaṇāya paribhogāya | evam eva ye satvā buddheṣu bhagavatsu cittaṃ prasādya kuśala-mūlam avaropayanti | antaśa eka-citta-prasādam api | kiṃ ca + api te satvā duṣ-kṛtena karma-āvaraṇena + a-kṣaṇeṣu + upapannā bhavanty atha ca buddhā bhagavantas tān satvān bauddhena jñānena saṃgraha-vastu-sūtreṇa gṛhītvā saṃsāra-udaka-sarasa uddhṛtya nirvāṇa-sthale sthāpayanti + iti ||
tasmād eṣu śāstṛ-saṃjñā kāryā | vandamānāś ca manasā vanditavyāḥ | bhavati hi navako * api bodhi-citta-balād vandyo | yathā meghena dramiḍena mahā-bodhi-satvena + api satā navaka ārya-sudhanaḥ sarva-śarīreṇa praṇipatya vanditaḥ | niyata-arthaṃ ca + idaṃ | yathā + adhyāśaya-saṃcodana-ādiṣu sarva-bodhi-satva-yānika-pudgala-namas-kāro * anujñātavyaḥ | sarva-śabdena + ātmano * api grahaṇāt | katham ekatra vandya vandakatvaṃ na virudhyate | paras-paraṃ vandyatvena + eva + ālambanāt | ata eva + an-āsvādanād a-puṇya-bhāvaḥ | kiṃ ca buddhānām apy evam iṣyate | mā bhūd an-avasthā | ekasya ca + a-nyūnatā + iti ||
ārya-sarva-dharma-vaipulya-saṃgraha-sūtre * apy an-artha uktaḥ | sūkṣmaṃ hi mañjuśrīḥ sad-dharma-pratikṣepa-karma-āvāraṇaṃ | yo hi kaś-cin mañjuśrīs tathā-gata-bhāṣita-dharme kasmiṃś-cic * chobhana-saṃjñāṃ karoti | kva-cid a-śobhana-saṃjñāṃ sa sad-dharmaṃ pratikṣipati | tena sad-dharmaṃ pratikṣipatā tathā-gato * abhyākhyāto bhavati | dharmaḥ pratikṣipto bhavati | saṃgho * apavādito bhavati | ya evaṃ vadati + idaṃ yuktam idam a-yuktam iti sa sad-dharmaṃ pratikṣipati | na mayā pṛthak kaś-cid dharmaḥ śrāvaka-yāna-saṃprayuktaḥ praty-eka-buddha-yāna-saṃprayukto mahā-yāna-saṃprayukto deśitaḥ | tat te moha-puruṣā imaṃ mama dharmaṃ nānā-kariṣyanti | idaṃ śrāvakāṇāṃ deśitam idaṃ praty-eka-buddhānām idaṃ bodhi-satvānām iti | sa nānātva-saṃjñayā sad-dharmaṃ pratikṣipati | iyaṃ bodhi-satvasya śikṣā | iyaṃ bodhi-satvasya + a-śikṣā + iti sad-dharmaṃ pratikṣipati | dharma-bhāṇakasya + asti pratibhānaṃ na + asti pratibhānam iti sad-dharmaṃ pratikṣipati | dharmaṃ dharmatayā kathayati sad-dharmaṃ pratikṣipati | apagate buddha-utpāde na + asti dhāraṇī-pratilambha iti dharmaṃ pratikṣipati | na + asti dharma-bhāṇakasya dhāraṇī-pratilambha iti dharmaṃ pratikṣipati | dharma-bhāṇakasya caryāṃ dūṣayati dharmaṃ pratikṣipati | dharma-bhāṇako na pratipatti-saṃpanna iti dharmaṃ pratikṣipati | pramādena + enaṃ codayati sad-dharmaṃ pratikṣipati | īryā-pathena codayati sad-dharmaṃ pratikṣipati | akṣara-caryayā śīla-vipattyā codayati dharmaṃ pratikṣipati | pratibhānena saṃpādayati + iti dharmaṃ pratikṣipati | āloko * asya dharmāṇāṃ na su-vidita iti dharmaṃ pratikṣipati | mantreṇa mantram a-budhyamānaḥ prativadati + iti dharmaṃ pratikṣipati | akṣara-saṃjñyā tathā-gata-śāsanaṃ na + avagāhata iti dharmaṃ pratikṣipati | sūtreṇa sūtraṃ virodhayati + iti dharmaṃ pratikṣipati | gāthayā gāthāṃ virodhayati + iti dharmaṃ pratikṣipati | akṣara-saṃjñayā kañ-cid adhimuktaṃ karoti kañ-cin na karoti + iti dharmaṃ pratikṣipati | dharma-bhaṇakasya + arthāny a-kathām abhināmayati + iti dharmaṃ pratikṣipati | vi-cakṣuḥ karma + asya karoti dharmaṃ pratikṣipati | saṃlāpayan vadati + iti dharmaṃ pratikṣipati | iha + asya + asti caryā iha + asya na + asti caryā + iti dharmaṃ pratikṣipati | idaṃ su-uktam idam a-su-uktam iti dharmaṃ pratikṣipati | anena na + asti caryā + iti dharmaṃ pratikṣipati | anena buddha-vacana-samaya ukto na + anena buddha-vacana-samaya ukta iti dharmaṃ pratikṣipati iti hi mañjuśrīr yāvat kiñ-cid vilopayati tāvad dharmaṃ pratikṣipati | dharma-bhāṇakasya + idaṃ rūpam iti cintayati vadati bhikṣur vā bhikṣuṇī vā upāsako vā upāsikā vā | sarvaḥ sa sad-dharmaṃ pratikṣipati + ity ādi ||
atra + eva ca + uktaṃ | yasya kasya-cit kula-putra tathā-gatasya parinirvṛtasya dharmaḥ pratibhāti yathā + adhimuktānāṃ satvānāṃ deśayituṃ | tasyāṃ ca parṣadi yady eka-satvasya + api eka-roma-harṣo bhaved eka-aśru-pāto vā sarvaḥ sa tathā-gata-anubhāvena | tatra moha-puruṣā a-bodhi-satvā bodhi-satva-pratijñā bodhi-satva-dūṣakā dharma-stainya-kuhakā evaṃ vakṣyanti dharma-upadeśakebhyaḥ | kim ete | na budhyantae iti || pe ||
ye bodhi-satveṣv avamanyanāṃ kurvanti | na + ahaṃ teṣāṃ paryanta-kṛtaṃ nirayaṃ saṃvadāmi | tat kasya hetoḥ | yo bodhi-satvo dharma-bhāṇakam apavādati buddhaṃ sa vigarhati dharmaṃ sa pratikṣipati saṃghaṃ sa jugupsati | buddhe so * a-gauravo yo dharma-bhāṇake * a-gauravaḥ | buddhaṃ sa na draṣṭu-kāmo yo dharma-bhāṇakam a-draṣṭu-kāmaḥ | buddhasya so * a-varṇaṃ bhāṣate yo dharma-bhāṇakasya + a-varṇaṃ bhāṣate | buddhas tena parityakto bhavati yaḥ prathama-citta-utpādike * api bodhi-satve pratigha-cittaṃ karoti + iti || pe ||
yo * apy ayaṃ maitreya ṣaṭ-pāramitā-samudāgamo bodhi-satvānāṃ saṃbodhāya taṃ te moha-puruṣā evaṃ vakṣyanti | prajñā-pāramitāyām eva bodhi-satvena śikṣitavyaṃ | kiṃ śeṣābhiḥ pāramitābhiḥ | te * anyāṃ pāramitāṃ dūṣayitavyāṃ manyante | tat kiṃ manyase * ajita duṣ-prajñaḥ sa kāśi-rājā + abhūd yena kapota-arthaṃ śyenāya sva-māṃsāni dattāni | maitreya āha | na + u hi + idaṃ bhagavan | bhagavān āha | yāni mayā maitreya bodhi-satva-caryāṃ caratā ṣaṭ-pāramitā-pratisaṃyuktāni kuśala-mūlāny upacitāni apakṛtaṃ nu taiḥ kuśala-mūlaiḥ ||
maitreya āha | na + u hi + idaṃ bhagavan ||
bhagavān āha | tvaṃ tāvad ajita ṣaṣṭiṃ kalpān dāna-pāramitāyāṃ ṣaṣṭiṃ kalpān śīla-pāramitāyāṃ ṣaṣṭiṃ kalpān kṣānti-pāramitāyāṃ ṣaṣṭiṃ kalpān vīrya-pāramitāyāṃ ṣaṣṭiṃ kalpān dhyāna-pāramitāyāṃ ṣaṣṭiṃ kalpān prajñā-pāramitāyāṃ samudāgataḥ | tat te moha-puruṣā evaṃ vakṣyanti | eka-nayena + eva bodhir yad uta śūnyatā-nayena + iti | te caryāsu pariśuddhā bhaviṣyanti + ity ādi ||
iti śikṣā-samuccaye caturthaḥ paricchedaḥ ||
[V. anarthavivarjana]
śīla-pāramitāyām an-artha-varjanaṃ pañcamaḥ paricchedaḥ ||
uktaḥ saṃkṣepato * an-arthaḥ | tasya vivarjanaṃ yathā + adhyaśaya-saṃcodana-sūtre | evaṃ-vidha-an-artha-śravaṇa-bhaya-bhīrukaiḥ ādi-karmika-bodhi-satvaiḥ samādānāni yathā gṛhītāni tathā kāryaṃ | evaṃ hi tair uktaṃ | ete vayaṃ bhagavann adya + agreṇa tathā-gatasya purataḥ | evaṃ samādānaṃ kurmaḥ | saced vayaṃ bhagavann adya + agreṇa bodhi-satva-yānikaṃ pudgalaṃ gṛhiṇaṃ vā pravrajitaṃ vā + āpattyā codayiṣyāmo bhūtena vā + a-bhūtena vā visaṃvādito * asmābhis tathā-gato * arhan samyak-saṃbuddho bhavet | saced vayaṃ bhagavann adya + agreṇa bodhi-satva-yānikaṃ pudgalam avamanyema + a-varṇaṃ ca + asya bhāṣema visaṃvādito * asmābhis tathā-gato bhaved arhan samyak-saṃbuddhaḥ | saced vayaṃ bhagavann adya + agreṇa bodhi-satva-yānikaṃ pudgalaṃ gṛhiṇaṃ vā pravrajitaṃ vā pañcabhiḥ kāma-guṇaiḥ krīḍantaṃ paricārayantaṃ daṣṭvā + a-prasādaṃ kuryāma vilekhaṃ vā cittasya + utpādayema + a-gauravaṃ vā + utpādayema na ca tatra śāstṛ-saṃjñām utpādayema | visaṃvādito * asmābhis tathā-gato bhavet | saced vayaṃ bhagavann adya + agreṇa mitra-kula-bhikṣād a-kula-nidānaṃ bodhi-satva-yānikānāṃ pudgalānāṃ kāya-pīḍāṃ citta-pīḍāṃ vā kuryāma visaṃvādito * asmābhis tathā-gato bhavet | saced vayaṃ bhagavann adya + agreṇa bodhi-satva-yānikaṃ pudgalaṃ dṛṣṭvā ekena + apy a-mano-jña-vacanena + ābhāṣema visaṃvādito * asmābhis tathā-gato bhavet | saced vayaṃ bhagavann adya + agreṇa tris-kṛtvo rātreḥ tris-kṛtvo divasya bodhi-satva-yānikaṃ pudgalaṃ na namasyema visaṃvādito * asmābhis tathā-gato bhavet | saced vayaṃ bhagavann adya + agreṇa + asya vrata-samādānasya kṛtaśo rājya-pratilambhaṃ vā dhana-pratilambhaṃ vā kāya-jīvitaṃ vā na parityajema visaṃvādito * asmābhis tathā-gato bhavet | saced vayaṃ bhagavann adya + agreṇa śrāvaka-yānikaṃ vā praty-eka-buddha-yānikaṃ vā pudgalam avamanyema | vayaṃ viśiṣṭatarā na + ete iti visaṃvādito * asmābhis tathā-gato bhavet |saced vayaṃ bhagavan nīca-cittāś caṇḍāla-sadṛśa-cittā na viharema visaṃvādito * asmābhis tathā-gato bhavet | saced vayaṃ bhagavann adya + agreṇa + ātmānam utkarṣayema paraṃ vā paṃsayema visaṃvādito * asmābhis tathā-gato bhavet | saced vayaṃ bhagavann adya + agreṇa vyāpāda-vigraha-bhayād yojanaṃ vā yojana-śataṃ vā na palāyema īritāḥ samānā visaṃvādito * asmābhis tathā-gato bhavet | saced vayaṃ bhagavann adya + agreṇa śīlavantam ātmānaṃ pratijānīma bahu-śrutaṃ vā dhuta-guṇinaṃ vā + anyatara-anyatareṇa vā guṇena + ātmānam udbhāvayema visaṃvādito * asmābhis tathā-gato bhavet | saced vayaṃ bhagavann adya + agreṇa praticchanna-kalyāṇā vivṛta-pāpā na viharema visaṃvādito * asmābhis tathā-gato bhaved arhan samyak-saṃbuddhaḥ || pe ||
tatra bhagavān maitreyaṃ bodhi-satvaṃ mahā-satvam āmantrayate sma | karma-āvaraṇaṃ maitreya kṣapayitu-kāmena kula-putreṇa vā kula-duhitrā vā evaṃ samādānaṃ kartavyaṃ yathā ebhiḥ kula-putraiḥ kṛtam iti ||
sarva-dharma-a-pravṛtti-nirdeśe * apy āha ||
tṛṣ-kṛtva rātriṃ divasaṃ tathā + eva | sa bodhi-satvān praṇameta mūrdhnā | teṣāṃ na kiñ-cit skhalitaṃ gaveṣet | careta caryāṃ hi sadā yathā-iṣṭam ||
paśyed yadā kāma-guṇai ramantaṃ | na tasya kiñ-cit skhalitaṃ gaveṣet | guṇair an-antāṃ vara bodhi-caryāṃ | eṣo * api kālena hitāṃ spṛśeta ||
yuktyā + anupūrvyā kriyayā + anupūrvyā | bhavej jino na + eva hi eka-vācā | bahu-kalpa-koṭyo niyutāni ca + eṣa | sannāha-saṃprasthitanāny a-bhāvī ||
atra + eva + āha | ye kula-putra + evaṃ-rūpeṇa karma-āvaraṇena + an-arthikāḥ | tair na dvitīyasya bodhi-satvasya sarva-caryāsu vipratipattavyaṃ | sarvāḥ kriyās tasya vimoktavyāḥ | evaṃ cittam utpādayitavyaṃ | na + ahaṃ para-cittaṃ jāne dur-vijñeyā satva-caryā | idaṃ ca khalu kula-putra + artha-vaśaṃ saṃpaśyaṃs tathā-gata evaṃ dharmaṃ deśayati | na pudgalena pudgalaḥ pramātavyaḥ ||
ahaṃ vā pudgalaṃ pramiṇuyāṃ yo vā syān mādṛśaḥ ||
yaḥ kula-putra + ātmānaṃ rakṣitu-kāmas tena na kasya-cic caryā vivecayitavyā | na pareṣāṃ vikuṭṭanā kartavyā | ayam īdṛśo * ayam īdṛśa iti | buddha-dharma-abhiyuktena bhavitavyaṃ rātriṃ divaṃ dharma-paliguddha-mānasena + iti ||
tathā kṣitigarbha-sūtre * api kathitaṃ | atha tāvad eva bahūni śata-sahasrāṇi vidvāṃsaḥ satvā utthāya + āsanād yena bhagavāṃs tena + añjaliṃ praṇamya + evam āhuḥ | vayaṃ bhadanta bhagavataḥ purata evaṃ praṇidhānaṃ kurmaḥ yāvac ciraṃ vayaṃ bhadanta bhagavan saṃsāre saṃsarema tāvan mātra pratilabdha-kṣānti-kāmā rāja-sthānaṃ pratilabhema | mā + amātya-sthānaṃ | mā nagara-jyeṣṭha-sthānaṃ | mā grāma-jyeṣṭha-sthānaṃ | mā nigama-jyeṣṭha-sthānaṃ | mā purohita-jyeṣṭha-sthānaṃ mā bhaṭṭa-jyeṣṭha-sthānaṃ | yāvan mā sa-artha-vāha-jyeṣṭha-sthānaṃ | mā + upādhyāya-jyeṣṭha-sthānaṃ | mā śramaṇa-jyeṣṭha-sthānaṃ | mā gṛha-pati-jyeṣṭha-sthānaṃ | mā kuṭumbi-jyeṣṭha-sthānaṃ yāvat sarvaśo vayaṃ mā satvānām adhipati-sthānaṃ pratilabhema yāvan na kṣānti-pratilabdhāḥ syāma | yato nidānaṃ vayam evaṃ-rūpam ati-gāḍhaṃ karma buddhānāṃ śāsanam ākṣipema | iti vistaraḥ ||
candra-pradīpa-sūtre * apy an-artha-vivarjanam uktam | na + asti pāpam a-kartavyaṃ kumārā teṣu bheṣyati | mā tehi saṃstavaṃ sārddhaṃ kuryāḥ tvaṃ kāli paścime ||
ālape saṃlapeyyāsi kuryāsī teṣv a-gauravaṃ | ānālīnaḥ sat-kareyyāsy agra-bodhayi kāraṇāt ||
varṣa-agraṃ paripṛcchitvā yas te vṛddhataro bhavet | kuryāsi gauravaṃ tatra śirasā pāda-vandanaiḥ ||
na teṣāṃ skhalitaṃ paśyed bodhi-maṇḍaṃ vipaśyatāṃ | pratighātaṃ na janayet maitra-cittaḥ sadā bhavet ||
yady eṣāṃ skhalitaṃ paśyed doṣāṃs teṣāṃ na kīrtayet | yādṛśaṃ kāhiti karma tādṛśaṃ lapsyate phalaṃ ||
smitena mukha-candreṇa vṛddheṣu navakeṣu ca | pūrva-ābhāṣī bhaven nityaṃ hata-mānaś ca sarvataḥ ||
cīvaraiḥ piṇḍa-pātaiś ca kuryāt teṣām anugrahaṃ | evaṃ cittaṃ pradadhyās tvaṃ sarve bheṣyanti nāyakā | iti ||
yasya ca bodhi-citta-utpādike gauravaṃ prasādaś ca na + utpadyete | tena sva-dur-gati-prapāta-bhaya-rakṣā-arthaṃ dṛṣṭa-a-dṛṣṭa-prāmodya-anubhavana-arthaṃ sva-citta-kaluṣa-prasādana-arthaṃ citta-kalyatā-citta-karmaṇyatā-pratilābha-arthaṃ ca yathā + ārya-gaṇḍa-vyūhe bodhi-citta-utpādika-guṇā bhagavad-ārya-maitreyeṇa + ācārya-sudhanam adhikṛtya + udbhāvitās tathā bhāvayitavyāḥ ||
eṣa dṛṣṭva jara-vyādhi-pīḍitān prāṇino duṣkha-śatair upadrutān | janma-mṛtyu-bhaya-śoka-tāpitān teṣa arthi carate krpā-āśayaḥ ||
duṣkha-yantra-paripīḍitaṃ jagat dṛṣṭva pañca-gati-cakra-maṇḍale | jñāna-vajra-mayam eṣa te dṛḍhaṃ duṣkha-yantra-gati-cakra-bhedanaṃ ||
rāga-doṣa-tṛṇa-khāṇu-kaṇṭakaṃ dṛṣṭi-saṃga-bahu-kakṣa-saṃkulam | satva-kṣetra-pariśodhana-arthikaḥ prajña-lāṅgala-dṛḍhaṃ gaveṣate ||
moha-vidya-gahana-āśayaṃ jagat prajña-cakṣu-hata-naṣṭa-daiśikaṃ | tasya kṣema diśa-daiśikaḥ prabhuḥ sa-artha-vāha jagato bhaviṣyati ||
kṣānti-dharma-tri-vimokṣa-vāhano jñāna-khaḍga-ripu-kleśa-dharṣakaḥ | śūra-sūta a-bhayasya dāyako daiśako hi jagato bhaviṣyati ||
dharma-nāva samudānayaty ayaṃ jñāna-sāgara-pathe su-śikṣitaḥ | śānti-ratna-vara-dvīpa-nāyakaḥ karṇa-dhāra tri-bhava-arṇave ayam ||
jñāna-raśmi-praṇidhāna-maṇḍalaḥ sarva-satva-bhavana-avabhāsakaḥ | dharma-dhātu-gagane samudgato buddha-sūrya samudeśyate ayam ||
maitri-candana-samādhi-śītalaḥ sarva-satva-sama-citta-su-prabhaḥ | śukla-dharma-paripūrṇa-maṇḍalo buddha-candra samudeśyate ayam ||
āśaye dṛḍha-tale pratiṣṭhito bodhi-carya anupūrva udgataḥ | sarva-dharma-ratana-ākaro hy ayaṃ jñāna-sāra-varo bhaviṣyati ||
bodhi-citta-bhuja-ga-indra-saṃbhavo dharma-dhātu-gagane samudgataḥ | dharma-megha-yugapat-pravarṣaṇaḥ sarva-śukla-phala-śasya-vardhanaḥ ||
śuddhi vartti tri-mala-ttamo * apy ahaṃ maitri-sneha-smṛti-bhājanaṃ dṛḍham | bodhi-citta-vi-mala-agni-su-prabham dharma-dīpa samujjvālayiṣyati ||
bodhi-citta-kalalaḥ kṛpā-arbudo maitra-peśir a-cala-āśayo ghanaḥ | bodhi aṅgam anupūrva-saṃbhavo buddha-garbha ayu saṃpravardhate ||
puṇya-garbham abhivarddhayiṣyati prajña-garbham abhiśodhayiṣyati | jñāna-garbha samudeśyate ayaṃ yādṛśaḥ praṇidhi-garbha-saṃbhavaḥ ||
īdṛśāḥ karuṇa-maitra-dharmitāḥ satva-mocana matī hita-āśayāṃ | dur-labhā jagi s-deva-mānuṣe yādṛśo * ayu viśuddha-mānasaḥ ||
īdṛśa-āśaya-su-mūla-saṃsthito īdṛśo dṛḍha-prayoga-varddhitaḥ | īdṛśas tri-bhava-chādana-prabho jñāna-vṛkṣa-phala-daḥ su-dur-labhaḥ ||
eṣa sarva-guṇa-saṃbhava-arthikaḥ sarva-dharma-paripṛcchana-arthikaḥ | sarva-saṃśaya-vidāraṇa-arthikaḥ sarva-mitra bhajate a-tandritaḥ ||
eṣa māra-kali-kleśa-sūdano eṣa dṛṣṭi-mala-kleśa-śodhanaḥ | eṣa sarva-jaga-mokṣaṇa-udyato eṣa te sada viśeṣa paṇḍitaḥ ||
eṣa dur-gati viśodhayiṣyati svarga-mārgam upadarśayiṣyati | mokṣa-mārgam upaneṣyate jagad yādṛśe guṇa-pathe pratiṣṭhitaḥ ||
eṣa sarvata-duṣkha-mocako | eṣa sarva-gati-saukhya-dāyakaḥ | eṣa sarva-bhaya-pāśa-chedako | bheṣyate bhagavatī-nisūdana | iti ||
evam anayā bhāvanayā + an-artha-vivarjanaṃ su-karaṃ bhavati | tathā + adhyāśaya-sañcodana-sūtre * apy an-artha-vivarjanam uktaṃ | caturbhir maitreya dharmaiḥ samanvāgato bodhi-satva-yānikaḥ pudgalaḥ paścimāyāṃ pañcaśatyāṃ sad-dharma-vipralope vartamāne * a-kṣato * an-upahataḥ svastinā parimokṣyate ||
katamaiś caturbhiḥ | ātma-skhalita-pratyavekṣaṇatayā | pareṣāṃ bodhi-satva-yānikānāṃ pudgalānām āpattya-codanatayā | mitra-kula-bhikṣād a-kula-an-avalokanatayā | a-manaska-vacana-prativiramaṇatayā | ebhir maitreya caturbhir iti pūrva-vat ||
a-paraiś caturbhiḥ | katamaiḥ | alpa-śruta-satva-parivarjanatayā | parṣad-an-upādānatayā | prānta-śayyā-āsana-niṣevaṇatayā ca | ātma-dama-śamatha-yogam anuyuktatayā ca | ebhiś caturbhir iti vistaraḥ ||
punar atra + eva + āha | ādi-karmikeṇa maitreya bodhi-satvena prajñā-bala-ādhāna-prāptena lābha-sat-kāra-parivarjitena lābha-sat-kāra-doṣa-darśinā bhavitavyaṃ || pe ||
saṃgaṇikā-ārāma-parivarjitena saṃgaṇikā-ārāma-doṣa-darśinā bhavitavyaṃ | bhāṣya-ārāma-parivarjitena bhāṣya-ārāma-doṣa-darśinā bhavitavyaṃ | nidrā-ārāma-varjitena nidrā-ārāma-doṣa-darśinā bhavitavyaṃ | karma-ārāma-varjitena karma-ārāma-doṣa-darśinā bhavitavyaṃ | prapañca-ārāma-varjitena prapañca-ārāma-doṣa-darśinā bhavitavyaṃ || pe ||
iha maitreya bodhi-satvena mahā-satvena rāga-saṃjanano lābha-sat-kāraḥ pratyavekṣitavyaḥ | smṛti-vidhvaṃsana-karo lābha-sat-kāraḥ pratyavekṣitavyaḥ | lābha-a-lābhatayā unnāma-avanāma-karo lābha-sat-kāraḥ pratyavekṣitavyaḥ | moha-utpādano lābha-sat-kāraḥ pratyavekṣitavyaḥ | kula-mātsarya-adhyavasāno lābha-sat-kāraḥ pratyavekṣitavyaḥ | ātma-artha-niṣpādanatayā śāṭhya-utpādano lābha-sat-kāraḥ pratyavekṣitavyaḥ | catur-ārya-vaṃśa-parivarjanatayā āhrīkya-an-apatrāpya-saṃjanano lābha-sat-kāraḥ pratyavekṣitavyaḥ | evaṃ sarva-buddha-an-anujñāno lābha-sat-kāraḥ pratyavekṣitavyaḥ | māna-mada-utpādano lābha-sat-kāraḥ pratyavekṣitavyaḥ | gurūṇām avamānano lābha-sat-kāraḥ | māra-pakṣo lābha-sat-kāraḥ | eka-anta-pramāda-mūlaḥ kuśala-mūla-apaharaṇo lābha-sat-kāraḥ | vidyuc-cakra-aśani-sadṛśo lābha-sat-kāraḥ | bahu-paligodha-paliguddho mitra-kula-bhikṣād a-kula-avalokano daurmanasya-saṃjananaḥ | buddhi-vibhrāmaṇo lābha-sat-kāraḥ priya-vastu-pariṇāmanatayā śoka-bhājano lābha-sat-kāraḥ |catuḥ-smṛty-upasthāna-saṃmoṣaṇaḥ śukla-dharma-dur-balī-karaṇaḥ catuḥ-samyak-prahāṇa-parihāṇa-karaṇo lābha-sat-kāraḥ | ṛddhy-abhijñā-parihāṇa-karaṇaḥ | pūrvaṃ sat-kāra-paścād a-sat-kāra-karaṇaḥ | a-mitra-sat-karaṇa-mitra-prahāṇo lābha-sat-kāraḥ | para-abhisaṃdhānatayā gaṇikā-sadṛśaḥ | dhyana-a-pramāṇa-parivarjanaḥ | naraka-tiryag-yoni-yama-loka-prapātano lābha-sat-kāraḥ | devadatta-udraka-samācāro lābha-sat-kāraḥ pratyavekṣitavyaḥ ||
ime evaṃ-rūpā maitreya lābha-sat-kāre ādīnavā ye bodhi-satvena pratyavekṣitavyāḥ | pratyavekṣya ca + alpa-icchatāyāṃ rantavyaṃ na paritaptavyaṃ | tat kasya hetoḥ | alpa-icchasya hi maitreya imae evaṃ-rūpā doṣā na bhavanti na ca + asya + antarāyā bhavanti buddha-dharmāṇāṃ | a-nirviṇṇaś ca bhavati gṛhi-pravrajitebhyaḥ | anurakṣaṇīyaś ca bhavati deva-manuṣyāṇāṃ pariśuddha-āśaya-sthitaḥ | a-saṃtrastaś ca bhavati sarva-dur-gati-nipātebhyaḥ | an-abhibhūtaś ca bhavati tarjanā-vigataḥ | a-saṃhāryaś ca bhavati māra-viṣaya-vimuktaḥ | a-dharṣaṇīyaś ca bhavati sarva-vyasanaiḥ | abhilaṣaṇīyaś ca bhavati deva-manuṣyāṇāṃ dhyāna-abhyāsa-avasthitaḥ
[doubtful]
| spaṣṭaś ca bhavati māyā-śāṭhya-prahīṇo * a-pramattaś ca bhavati pañca-kāma-guṇa-doṣa-darśī yathā-vādī tathā-kārī bhavaty ārya-vaṃśe sthitaḥ | abhilaṣitaś ca bhavati vidvadbhiḥ sa-brahma-cāribhiḥ | imāṃ maitreya evaṃ-rūpām anuśaṃsāṃ viditvā paṇḍitena bodhi-satvena + adhyāśayena + alpa-icchatāyāṃ rantavyaṃ | alpa-icchatā āsevitavyā sarva-lābha-sat-kara-prahāṇāya + iti ||
saṃgaṇikām adhikṛtya + āha | vijahya rāgaṃ vijahya doṣaṃ na tiṣṭhate saṃgaṇikāsu yogī | bhavaty asau tat-pravaṇas tan-nimnaḥ | etena doṣeṇa ratiṃ na kuryāt | auddhatya hāsyaṃ ca tathā vitarkā | bhavanty amī saṃgaṇikāsu sarve ||
saṃkīrṇa-cārī hi bhavaty a-saṃvṛtaḥ | karoti yaḥ saṃgaṇikām a-sārām ||
lokasya mantreṣu ramanti bālā | hīyanti ca + iha + agra-kathāsu bālāḥ | pradoṣa vardhenti vitarka utsadā | etena doṣeṇa na tatra rājate ||
na vardhate ca + api śrutena bhikṣuḥ | a-yukta-mantreṣu ratiṃ janitvā | tasmāt parityajya a-yukta-mantrān | dharme ratiṃ vindatha nitya-kālam ||
sahasraśo * aṣṭhāni mayā svakāni | tyaktāni bodhiṃ pratikāṅkṣa tarhi | na ca + asmi tṛptaḥ śṛṇumāna dharmaṃ | te khedam eṣyanti śṛṇonta dharmam ||
sarveṇa sarvaṃ parivarjanīyā | a-yukta-mantrāś ca a-śiṣṭa-mantrāḥ | dharme vare tatra ratiṃ janetha | yo dur-labhaḥ kalpa-śatair an-ekaiḥ ||
vane vasantena guṇa-arthikena | parasya doṣā na hi vīkṣitavyāḥ | ahaṃ viśiṣṭo * aham eva śreṣṭho | na eva cittaṃ samupādanīyam ||
mado * ayaṃ sarva-pramāda-mūlo | na hīna-bhikṣū avamanyitavyāḥ | anupūrva eṣo iha śāsanasya | na + ekena janmena labhate bodhim ||
atra + iva bhāṣya-ārāmam adhikṛtya + āha | a-gauravo bhoti śrutena matto | vivāda-mantreṣu niviṣṭa bhoti | muṣita-śrutiś ca + api a-saṃprajanyo | bhāṣye ramantasya ime hi doṣāḥ ||
adhyātma-cintā + atta
[doubtful]
su-dūra bhotī | cittaṃ na kāyaś ca prasanna bhoti | unnāma-nāmāni bahūni gacchatī | bhāṣye ramantasya ime hi doṣāḥ ||
sad-dharma-cittāt tu praṇaṣṭu bālāḥ | su-karkaśo bhoti a-snigdha-cittaḥ | vipaśyanāyāḥ śamathāc ca dūre | bhāṣye ramantasya ime hi doṣāḥ ||
a-gauravo bhoti sadā gurūṇāṃ | paligodha-mantreṣu ratiṃ janitvā | a-sāra-sthāyī parihīṇa-prajño | bhāṣye ramantasya ime hi doṣāḥ ||
a-mānito deva-guṇaiḥ sa bhoti | na + apy asya tasmin spṛha saṃjananti | pratisaṃvidāto bhavatī vihīno | bhāṣye ramantasya ime hi doṣāḥ ||
paribhāṣyate ca + api sa paṇḍitebhiḥ | ye ka-cid astī pṛthakāya-sākṣī
[doubtful]
| nir-arthakaṃ jīvitu tasya bhotī | bhāṣye ramantasya ime hi doṣāḥ ||
sa śocate kālu karotu bālaḥ | pratipatti hīno * asmi kim adya kuryāṃ | su-duṣkhito bhoti a-labdha-gādho | bhāṣye ramantasya ime hi doṣāḥ ||
cala-a-calo bhoti tṛṇaṃ yathā + īritaṃ | vicikitsate evam asau na saṃśayaḥ | na tasya jātū dṛḍha buddhi bhotī | bhāṣye ramantasya ime hi doṣāḥ ||
naṭā yathā tiṣṭhati raṅga-madhye | anyāna śūrāṇa guṇān prabhāṣate | svayaṃ ca bhotī pratipatti-hīno | bhāṣye ramantasya ime hi doṣāḥ ||
śaṭhaś ca so bhoti laghu-nir-āśaḥ | punaḥ punaś ca + ārabhate vivādam | so dūrato ārya-dharmasya bhotī | bhāṣye ramantasya ime hi doṣāḥ ||
saṃhṛṣyate sat-krṭa alpa-sthāmaḥ | prakampate viprakṛto * ajānī | kapir yathā cañcala-citta bhotī | bhāṣye ramantasya ime hi doṣāḥ || pe ||
ramitva bhāṣyasmi ciraṃ pi kālaṃ | na vindate prītim iha + ātma-saukhyaṃ | varaṃ hi ekasya padasya cintanā | prītiṃ pade yatra labhed an-antam ||
na + ikṣu-tvace sāram iha + asti kiñ-cin | madhye * asti tat-sāra su-premaṇīyaḥ | bhuktvā tvacaṃ na + iha punaḥ saśakyaṃ | labdhuṃ nareṇa + ikṣu-rasaṃ pradhānam ||
yathā tvacaṃ tad-vad avaihi bhāṣyaṃ | yathā rasas tad-vad iha + artha-cintā
[doubtful]
| tasmād * dhi bhāṣye tu ratiṃ vihāya | cintetha arthaṃ sada a-pramattāḥ ||
nidrā-ārāmam adhikṛtya + āha | mahac ca so vardhati moha-jālaṃ | vicikitsako bhoti sa dṛṣṭi-prāptaḥ ||
dṛṣṭī-kṛtāny asya bahūni bhontī | yasmāna middhe * abhiratiṃ prayāti ||
prajñā ca teṣāṃ bhavatī su-dur-balā | parihīyate buddhi na tasya bhoti | jñānāc ca so hīyati nitya-kālaṃ | yasmāna middhe * abhiratiṃ prayāti ||
kusīda a-jño * a-laso * a-prajño * a-manuṣya avatāra labhenti tasya | viheṭhayante ca vane vasantaṃ yasmāna middhe * abhiratiṃ prayāti ||
kuśalena cittena sadā an-arthiko | dharme ca chando na hi bhoti tasya | a-dharma-kāyaś ca sa bhoti bhūyo yasmāna middhe * abhiratiṃ prayāti ||
sad-dharma-chandena vihīna-mūḍhaḥ parihoyate sarva-guṇehi bālaḥ | śuklaṃ ca ghāteti tamo * adhigacchatī | yasmāna middhe * abhiratiṃ prayāti ||
a-viśārado bhoti pralīna-cittaḥ | prāmodya tasya + u bhavatī na nityaṃ | nidrayā + apagrastaḥ śithila-aṅga bhotī | yasmāna middhe * abhiratiṃ prayāti ||
ātmā tu jñātvā ca kusīda-prāptaḥ īrṣyāyate vīrya-balair upetān | vīrya-anvitānāṃ ca a-varṇa bhāṣate yasmāna middhe * abhiratiṃ prayāti || pe ||
yat sarva-duṣkhasya tamasya nāśanaṃ | apāya-parivarjanatayā mūlaṃ | sarvehi buddhair hi sadā praśastaṃ | taṃ vīryam āryaṃ satataṃ bhajasva ||
karma-ārāmam adhikṛtya + āha ||
su-dur-vaco bhoti gurūbhi coditaḥ | pradakṣiṇaṃ gṛhṇati na + anuśāsanaṃ | vipanna-śīlaś ca sa bhoti kṣipraṃ | doṣā amī karma-rate bhavanti ||
utkaṇṭhito bhoti sa nitya-kālaṃ | gṛha-stha-karmāṇi sadā vicintayan | dhyāna-prahāṇaiś ca na tasya kṛtyaṃ | doṣā amī karma-rate bhavati ||
tīvraś ca saṃjāyati tasya rāgo | rasa-a-raseṣu grasitaḥ sa mūrcchitaḥ | na tuṣyate * asāv itara-itareṇa | doṣā amī karma-rate bhavanti ||
mahatyā ca bhotī pariṣāya tuṣṭho | sa duṣkhito bhoti tayā vihīnaḥ | saṃkīrṇa bhotī sayathā + iha gardabho | doṣā amī karma-rate bhavanti || pe ||
divā ca rātrau ca an-anya-citto | bhakte ca coḍe ca bhavaty abhīkṣṇaṃ | sv-an-arthiko bhoti guṇaiḥ sa sarvadā | doṣā amī karma-rate bhavanti ||
kṛtyāny asau pṛcchati laukikāni | a-yukta-mantraiś ca ratiṃ prayāti | yuktaiś ca mantraiḥ sa na vindate ratiṃ | doṣā amī karma-rate bhavanti || pe ||
atha khalu maitreyo bodhi-satvo mahā-satvo bhagavantam etad avocat | su-parītta-prajñās te bhagavan bodhi-satvā bhaviṣyanti vihīna-prajñā ye * agra-dharmān varjayitvā hīnāni karmāṇy ārapsyante ||
evam ukte bhagavān maitreyaṃ bodhi-satvaṃ mahā-satvam etad avocat | evam etan maitreya | evam etad yathā vadasi su-parītta-prajñās te bodhi-satvā bhaviṣyanti ye * agra-dharmān parivarjayitvā hīnāni karmāṇy ārapsyante | api tv ārocayāmi te maitreya prativedayāmi te | na te bodhi-satvās tathāgata-śāsane pravrajitā yeṣāṃ na + asti yogo na + asti dhyānaṃ na + asti prahāṇaṃ na + asty adhyayanaṃ na + asti bāhuśrutya-paryeṣṭiḥ | api tu maitreya dhyāna-prahāṇa-prabhāvitaṃ tathā-gata-śāsanaṃ jñāna-saṃskṛtaṃ jñāna-samāhitaṃ abhiyoga-prabhāvitaṃ | na gṛhi-karma-anta-vaiyāpṛtya-prabhāvitaṃ | a-yukta-yogānām etat karma saṃsāra-abhiratānāṃ yad uta vaiyāpṛtyaṃ laukika-kṛtya-paligodhaḥ | na tatra bodhi-satvena spṛhā + utpādayitavyā | sacen maitreya vaiyāpṛtya-abhirato bodhi-satvaḥ sapta-ratna-mayaiḥ stūpair imaṃ tri-sāhasra-mahā-sāhasraṃ loka-dhātuṃ pūrayet | na + ahaṃ tena + ārādhito bhaveyaṃ na mānito na + api sat-kṛtaḥ ||
pe | tatra jambū-dvīpaḥ pūritaḥ syād vaiyāpṛtya-karair bodhi-satvaiḥ | sarvais tair ekasya + uddeśa-sva-adhyāya-abhiyuktasya bodhi-satvasya + upasthāna-paricaryā karaṇīyā | jambū-dvīpa-pramāṇaiś ca + uddeśa-sva-adhyāya-abhiyuktair bodhi-satvair ekasya pratisaṃlayana-abhiyuktasya bodhi-satvasya + upasthāna-paricaryā kartavyā || pe ||
tat kasya hetoḥ | duṣ-karam etat karma yad uta prajñā-karma | uttaraṃ nir-uttaraṃ sarva-trailokya-prativiśiṣṭam abhyudgataṃ tasmāt tarhi maitreya bodhi-satvena yoga-arthikena vīryam ārabdhu-kāmena prajñāyām abhiyoktavyam iti ||
prapañca-ārāmam adhikṛtya + āha | aṣṭa-a-kṣaṇā tasya na bhonti dūre | kṣaṇa-saṃpadā tasya na bhoti śreṣṭhā | ete an-arthā sya bhavanti nityaṃ | doṣā amī tasya prapañca-cāriṇaḥ || pe ||
doṣān imān samyag avetya paṇḍitaḥ sarvān prapañcān parivarjīta | su-labhā an-arthā hi prapañca-cāriṇaḥ | tasmāt prapañcena na saṃvaseta ||
yāyāc * chataṃ yojanakaṃ paraṃ varaṃ | yatra prapañco stiya vigraho vā | na tatra vāsaṃ na niketu kuryān muhūrtta-mātraṃ stiya yatra kleśaḥ ||
na + artha-arthikāḥ pravrajitā guṇa-arthikā | mā vigraha kurvatha dusta-cittāḥ | na vo * asti kṣetraṃ na kṛṣir vaṇijyā | syur yasya arthāya prapañca ete ||
na putra dhītā na ca vo * asti bhāryā | na ca + asya mitraṃ na ca bandhu-vargaḥ | dāsyo na dāsā na ca īśvaratvaṃ | mā vigrahaṃ kurvatha pravrajitvā ||
kāṣāya-vastrāṇi gṛhītva śraddhayā | śānta-praśāntair hi niṣevitāni | śānta-praśāntā upaśānta bhotha | prapañca varjitva janetha kṣāntim ||
āśī-viṣān rakṣatha raudra-cittān | narakāś ca tiryag viṣayo yamasya | prapañca-cārasya na bhonti dūre | tasmād * dhi kṣāntau janayeta vīryam || pe ||
imena yogena labheta śuddhiṃ | kṣapayitva karma-āvaraṇaṃ a-śeṣaṃ | dharṣeti māraṃ sa-calaṃ sa-vāhanaṃ yo dhīru tasya + eva janeti kṣāntim | iti ||
saṃkṣepatas tatra + an-artha-vivarjanam uktaṃ | tasmāt tarhi maitreya bodhi-satva-yānikena kula-putreṇa vā kula-duhitrā vā paścimāyāṃ pañca-śatyāṃ sad-dharma-pralope vartamāne * a-kṣatana-an-upahatena svastinā parimoktu-kāmena sarva-karma-āvaraṇāni kṣapayitu-kāmena + a-saṃsarga-abhiratena bhavitavyam araṇya-vana-prānta-vāsinā + an-abhiyukta-satva-parivarjitena + ātma-skhalita-gaveṣiṇā para-skhalita-a-gaveṣiṇā tuṣṇī-bhāva-abhiratena prajñā-pāramitā-vihāra-abhiratena + iti ||
ārya-ratna-meghe * apy an-artha-varjanam uktaṃ | tāvat piṇḍāya carati yāvad asya kāryasya prāptir bhavati | anyatra yeṣu sthāneṣu caṇḍā vā kukkurās taruṇa-vatsā vā gāvaḥ prakṛti-duḥ-śīlā vā tiryag-yoni-gatā | viheṭhana-abhiprāyā vā strī-puruṣa-dāraka-dārikā jugupsitāni vā sthānāni | tāni sarveṇa sarvaṃ varjayati + iti ||
anena + etad darśitaṃ bhavati yad dṛṣṭe * api bādhā-kara evaṃ-vidhe | tad a-varjayata āpattir bhavati + iti ||
atha yad evam-ādy an-artha-varjanam uktaṃ kena + etal labhyate sarva-niṣ-phala-syanda-varjanāt | phalam atra para-arthaṃ | tad-arthaṃ yaḥ syando na saṃvartate | sa niṣ-phalatvād varjayitavyaḥ ||
yathā candra-pradīpa-sūtre kāya-saṃvara-madhye paṭhyate | na hasta-lolupo bhavati na pāda-lolupaḥ hasta-pāda-saṃyata iti ||
tathā daśa-dharmaka-sūtre * api deśitaṃ hasta-vikṣepaḥ pāda-vikṣepo * a-dhāvanaṃ paridhāvanaṃ laṅghanaṃ plavanam idam ucyate kāya-dauṣṭhulyam iti ||
ārya-dharma-saṃgīti-sūtre tu yathā bodhi-satvānāṃ para-arthād anyat karma na kalpate | tathā spaṣṭam eva paridīpitaṃ yat kiñ-cid bhagavan bodhi-satvānāṃ kāya-karma yat kiñ-cid vāk-karma yat kiñ-cin manas-karma tat sarvaṃ satva-avekṣitaṃ pravartate mahā-karuṇā-adhipateyaṃ satva-hita-adhiṣṭhāna-nimittaṃ sarva-satva-hita-sukha-adhyāśaya-pravṛttaṃ | sa evaṃ hita-āśayaḥ evaṃ saṃjñī-bhavati | sa mayā pratipattiḥ pratipattavyayā sarva-satvānāṃ hita-āvahā sukha-āvahā ca || pe ||
āyataneṣu śūnya-grāma-vat pratyavekṣaṇā pratipattiḥ | na ca + āyatana-parityāgaṃ spṛhayati + iti ||
ārya-gagana-gañja-sūtre * apy uktaṃ | tad yathā + api nāma chidrān mārutaḥ praviśati | evam eva yato yata eva cittasya chidraṃ bhavati tatas tata eva māro * avatāraṃ labhate | tasmāt sadā + a-chidra-cittena bodhi-satvena bhavitavyaṃ |tatra + iyam a-chidra-cittatā yad idaṃ sarva-ākāra-jñatāyāḥ śūnyatāyāḥ paripūrir iti ||
kā punar iyaṃ sarva-ākāra-vara-upetā śūnyatā | yā + iyaṃ bodhi-satva-caryāyā a-parityāgena + abhyasyamānā | abhyastā vā | sarva-bhāva-śūnyatā | eṣā ca ratna-cūḍa-sūtre vistareṇa + ākhyātā ||
tathā + akṣayamati-sūtre * api darśitaṃ | pāpakānām a-kuśalānāṃ dharmāṇāṃ prahāṇāya chandaṃ janayati + ity atra prastāve yāni ca + anyāni punaḥ kāni-cid anyāny api citta-vikṣepa-karāṇi yāni samādhi-skandhasya vipakṣāya saṃvartante | ayam ucyate samādhi-vipakṣaḥ | yāvad ime ucyante pāpakā a-kuśalā dharmā iti ||
śikṣā-samuccaye śīla-pāramitāyām an-artha-vivarjanaṃ pañcamaḥ paricchedaḥ ||
[VI. ātmabhāvarakṣā]
ātma-bhāva-rakṣā ṣaṣṭhaḥ paricchedaḥ | uktaṃ niṣ-phala-syanda-varjanaṃ | katham etat sidhyed ity āha | etat sidhyet sadā smṛtyā + iti ||
dvādaśa + imāḥ smṛtayo niṣ-phala-syanda-varjanayā saṃvartante | yad uta | tathā-gata-ājñā-an-atikrama-anupālana-vipāka-gaurava-smṛtiḥ | sarva-kāyasya niś-cala-sva-bhāvatā-pratiṣṭhitatā-anusmṛtiḥ | sati satva-arthe yad aṅgam an-upayogi tad dṛḍhatara-smṛty-apekṣā-niś-cala-mādhya-chanda-para-āpattī-kṛtaṃ sarva-dhīra-ceṣṭā-smṛtiḥ | na ca + asya bhaya-utsava-ādi-saṃbandha-saṃbhrame * aṅga-mukta-smṛtiḥ | īryā-patha-catuṣka-ākṣepa-nirūpaṇa-smṛtiḥ | antara-antarā ca + īryā-patha-vikopa-ārakṣaṇa-artham īryā-patha-saṃpad-avalokana-smṛtiḥ | bhāṣaṇa-kāle ca + ati-prasāda-auddhatya-saṃrambha-pakṣa-pāta-ādi-vaśād ati-mātra-a-prāsādika-hasta-pāda-śiro-mukha-vikāra-niyamana-smṛtiḥ | yaḥ śrotā vaktavyaḥ sa yāvan-mātreṇa dhvaninā + arthaṃ jānāti | tad-an-atirekeṇa svareṇa bhāṣaṇa-smṛtir anyatra para-āśaṅkā-doṣa-saṃbhavāt | a-śikṣita-jana-samāgama-saṅkaṭe sva-citta-tac-citta-prasādana-ādi-tātparya-smṛtiḥ | citta-matta-dvi-pasya śamatha-stambhe nitya-baddha-smṛtiḥ | muhur muhuś ca citta-avasthā-pratyavekṣaṇā-smṛtiḥ | mahā-jana-saṃpātaṃ prāyo * anya-kārya-tyāgena + api yathā-ukta-smṛti-rakṣā-tātparya-smṛtir iti ||
evam etābhiḥ smṛtibhir niṣ-phala-syandana-varjanaṃ sidhyati | sā ca smṛtis tīvra-ādarād bhavet | tatra + ādaraḥ kāryeṣu sarva-bhāvena + abhimukhyam | avajñā-prati-pakṣaḥ | ayaṃ ca + ādaraḥ śamatha-māhātmyaṃ jñātvā tātparyeṇa jāyate | kas tāvad ayaṃ śamo nāma | ya ārya-akṣayamati-sūtre śamatha uktaḥ ||
tatra katamā śamatha-a-kṣayatā | yā cittasya śāntir upaśāntir a-vikṣepa-kendriya-saṃyamaḥ | an-uddhatatā | an-unnahanatā a-capalatā a-cañcalatā saumyatā guptatā karmaṇyatā ājāneyatā eka-agratā eka-ārāmatā saṃgaṇikā-varjanatā viveka-ratiḥ kāya-vivekaś citta-a-vibhramo * araṇya-mukha-manasi-kāratā + alpa-icchatā | yāvad īryā-patha-guptiḥ kāla-jñatā samaya-jñatā mātra-jñatā mukti-jñatā | su-bharatā su-poṣatā + ity-ādi ||
kiṃ punar asya śamasya māhātmyaṃ yathā-bhūta-jñāna-janana-śaktiḥ | yasmāt samāhito yathā-bhūtaṃ prajānāti + ity avadan muniḥ ||
yathā + uktaṃ dharma-saṃgītau | samāhita-manaso yathā-bhūta-darśanaṃ bhavati | yathā-bhūta-darśino bodhi-satvasya satveṣu mahā-karuṇā pravartate | evaṃ ca + asya bhavati | idaṃ mayā samādhi-mukhaṃ sarva-dharma-yathā-bhūta-darśanaṃ ca sarva-satvānāṃ niṣpādayitavyaṃ | sa tayā mahā-karuṇayā saṃcodyamāno * adhi-śīlam adhi-cittam adhi-prajñaṃ ca śikṣāṃ paripūryāṃ caturāṃ samyak-saṃbodhim abhisaṃbudhyate | tasmān mayā śīla-su-sthitana-a-prakampena + a-śithilena bhavitavyam iti | idaṃ śamatha-māhātmyam ātmanaḥ pareṣāṃ ca + an-anta-apāya-ādi-duḥkha-samatikrama-an-anta-laukika-loka-uttara-sukha-saṃpat-prakarṣa-pāra-prāpty-ātmakam avagamya tad-abhilāṣeṇa + ātāpo bhāvayitavyaḥ | ādīpta-gṛha-anta-gatena + iva śītala-jala-abhilāṣiṇā | tena tīvra ādaro bhavati śikṣāsu | tena + api smṛtir upatiṣṭhati | upasthita-smṛtir niṣ-phalaṃ varjayati | yaś ca niṣ-phalaṃ varjayati tasya + an-arthā na saṃbhavanti | tasmād ātma-bhāvaṃ rakṣitu-kāmena smṛti-mūlam anviṣya nityam upasthita-smṛtinā bhavitavyaṃ ||
ata eva + ugra-paripṛcchāyāṃ gṛhiṇaṃ bodhi-satvam adhikṛtya + uktaṃ | surā-maireya-madya-pramāda-sthānāt prativiratena bhavitavyam a-mattena + an-unmattena + a-capalena + a-cañcalena + a-saṃbhrāntena + a-mukhareṇa + an-unnaḍena + an-uddhatena + upasthiti-smṛti-saṃprajanyena + iti ||
atra + eva ca pravrajita-bodhi-satvam adhikṛtya + uktaṃ smṛti-saṃprajanyasya + a-vikṣepa iti ||
tatra smṛtiḥ ārya-ratna-cūḍa-sūtre * abhihitā | yayā smṛtyā sarva-kleśānāṃ prādur-bhāvo na bhavati | yayā smṛtyā sarva-māra-karmaṇām avatāraṃ na dadāti | yayā smṛtyā utpathe vā ku-mārge vā na patati | yayā smṛtyā dauvārika-bhūtayā sarveṣām a-kuśalānāṃ citta-caitasikānāṃ dharmāṇām avakāśaṃ dadāti + iyam ucyate samyak-smṛtir iti ||
saṃprajanyaṃ tu prajñā-pāramitāyām uktaṃ | caraṃś carāmi + iti prajān-ti | sthitaḥ sthito * asmi + iti prajānāti | śayanaḥ śayita iti prajānāti | niṣaṇṇo niṣaṇṇo * asmi + iti prajānāti | yathā yathā ca + asyaḥ
[doubtful]
kāyaḥ sthito bhavati tathā tathā + eva prajānāti ||
pe||
so * atikrāman vā pratikrāman vā saṃprajānaṃś cārī bhavati | ālokite vilokite saṃmiñjite prasārite saṃghāṭī-paṭṭa-pātra-cīvara-dhāraṇe | aśite pīte khādite nidrā-klama-prativinodane āgate gate sthite niṣaṇṇe supte jāgarite bhāṣite tuṣṇī-bhāve pratisaṃlayane saṃprajānaṃś cārī bhavati + iti ||
śīlaṃ hi samādhi-saṃvartanīyaṃ ||
yathā + uktaṃ candra-pradīpa-sūtre | kṣipraṃ samādhiṃ labhate nir-aṅgaṇaṃ | viśuddha-śīle * asminn ānuśaṃsa iti ||
ato * avagamyate ye ke-cit samādhi-hetavaḥ prayogās te śīla-antar-gatā iti | tasmāt samādhy-arthinā smṛti-saṃprajanya-śīlena bhavitavyaṃ | tathā śīla-arthinā + api samādhau yatnaḥ kāryaḥ tatra + eva sūtre vacanāt | dhyāna-anuśaṃseṣu hi paṭhyate | na + asau bhoti an-ācāro ācāro su-pratiṣṭhitaḥ | go-care carate yogī vivarjeti a-gocaraṃ ||
niṣ-paridāha-vihārī gupta indriya-saṃvṛta | iti ||
etābhyāṃ ca śīla-samādhibhyām anyo-nya-saṃvardhana-karābhyāṃ citta-karma-pariniṣpattiḥ etāvatī ca + iyaṃ bodhi-satva-śikṣā yad uta citta-parikarma | etan-mūlatvāt sarva-satva-arthānāṃ ||
uktaṃ hy ārya-ratna-meghe | citta-pūrvaṅ-gamāś ca sarva-dharmāḥ | citte parijñāte sarva-dharmāḥ parijñātā bhavanti | api tu cittena nīyate lokaḥ cittaṃ cittaṃ na paśyati | cittena cīyate karma śubhaṃ vā yadi vā + a-śubham ||
cittaṃ bhramate * alāta-vat | cittaṃ bhramate turaṅ-ga-vat | cittaṃ dahate deva-agni-vat | cittaṃ harate mahā-ambu-vat ||
sa evaṃ vyupaparīkṣamāṇaś citte su-upasthita-smṛtir viharati na cittasya vaśaṃ gacchati | ap tu cittam eva + asya vaśaṃ gacchati | cittena + asya vaśī-bhūtena sarva-dharmā vaśī-bhavanti + iti ||
tathā + ārya-dharma-saṅgīti-sūtre * apy uktaṃ | mati-vikramo bodhi-satva āha | yo * ayaṃ dharmo dharma ity ucyate na + ayaṃ dharmo deśa-stho na pradeśa-stho * anyatra sva-citta-adhīno dharmaḥ tasmān mayā sva-cittaṃ sv-ārādhitaṃ sv-adhiṣṭhitaṃ su-samārabdhaṃ su-nigṛhītaṃ kartavyaṃ | tat kasya hetoḥ | yatra cittaṃ tatra guṇa-doṣāḥ | na + asti niś-cittatāyāṃ guṇa-doṣaḥ | tatra bodhi-satvo doṣebhyaś cittaṃ nivārya guṇeṣu pravartayati ||
tad ucyate | citta-adhīno dharmo dharma-adhīnā bodhir iti ||
ayaṃ bhagavan dharmaṃ samādānaḥ sukha-abhisaṃbodhāya saṃvartatae iti ||
ārya-gaṇḍa-vyūha-sūtre * api varṇitaṃ | sva-citta-adhiṣṭhānaṃ sarva-bodhi-satva-caryā sva-citta-adhiṣṭhānaṃ sarva-satva-paripāka-vinayaḥ || pe ||
tasya mama kula-putra + evaṃ bhavati | sva-cittam eva + upastambhayitavyaṃ sarva-kuśala-mūlaiḥ | sva-cittam eva + abhiṣyandayitavyaṃ dharma-meghaiḥ | sva-cittam eva pariśodhayitavyam āvaraṇāya dharmebhyaḥ | sva-cittam eva dṛḍhī-kartavyaṃ vīryeṇa + ity ādi ||
tathā + atra + eva māyā-devy--a-darśana-ākulī-bhūte ārya-sudhane ratna-netrāyā nagara-devatāyās tad-darśana-artham iyam anuśāsanī | citta-nagara-paripālana-kuśalena te kula-putra bhavitavyaṃ sarva-saṃsāra-viṣaya-raty-a-saṃvasanatayā | citta-nagara-alaṃ-kāra-prayuktena te kula-putra bhavitavyaṃ daśa-tathā-gata-bala-adhyālambanatayā | citta-nagara-pariśodhana-prayuktena te kula-putra bhavitavyam īrṣyā-mātsarya-śāṭhya-apanayanatayā | citta-nagara-vivardhana-abhiyuktena te kula-putra bhavitavyaṃ sarva-jñatā-saṃbhāra-mahā-vīrya-vega-vivardhanatayā | citta-nagara-dur-yodhana-dur-āsadatā-abhinirhāra-prayuktena te kula-putra bhavitavyaṃ sarva-kleśa-māra-kāyika-pāpa-mitra-māra-cakra-an-avamardanatayā | citta-nagara-pravistaraṇa-prayuktena te kula-putra bhavitavyaṃ mahā-maitrī-sarva-jagat-sphuraṇatayā | citta-nagara-praticchādana-prayuktena te kula-putra bhavitavyaṃ vipula-dharma-cchatra-sarva-a-kuśala-dharma-pratipakṣa-abhinirharaṇatayā | citta-nagara-vivaraṇa-prayuktena te kula-putra bhavitavyaṃ ādhyātmika-bāhya-vastu sarva-jagat-saṃprāpaṇatayā | citta-nagara-dṛḍha-sthāma-abhinirhara-prayuktena te kula-putra bhavitavyaṃ sarva-a-kuśala-dharma-sva-santaty-a-vasanatayā | yāvad evaṃ citta-nagara-viśuddhy-abhiyuktena kula-putra bodhi-satvena śakyaṃ sarva-kuśala-mūla-samārjanam anuprāptuṃ | tat kasya hetoḥ | tathā hi tasya bodhi-satvasya + evaṃ citta-nagara-pariśuddhaysa sarva-āvaraṇāni purato na saṃtiṣṭhante | buddha-darśana-āvaraṇaṃ vā dharma-śravaṇa-āvaraṇaṃ vā + ity ādi | tasmād vyavasthitam evaṃ | citta-parikarma + eva bodhi-satva-śikṣā + iti | tac ca + a-capala-cetasaḥ ||
śamāc ca na calec cittaṃ bāhya-ceṣṭā-nivartanāt ||
a-saṃprajanya-para-tantrasya muṣita-smṛteś ca cittaṃ calati samīhitād ālambanād anyatra nīyamānatvāt | yadā tu smṛti-saṃprajanyena bāhyāś ceṣṭā nivartitā bhavanti tadā tad-vaśatvād ekasminn ālambane nibaddhaṃ yāvad iṣyate tāvat tiṣṭhati | tataś ca pūrva-vad anuśaṃsa-vistaraḥ | adyatve * api ca satva-artha-kṣamo bhavaty eva prasāda-karatvāt | kathaṃ ||
sarvatra + a-capala-manda-mita-snigdha-abhibhāṣaṇāt | āvarjayej janaṃ bhavyam ādeyaś ca + api jāyate ||
etad eva ca bodhi-satvasya kṛtyam yad uta satva-a-varjanaṃ | yathā + ārya-dharma-saṃgīti-sūtre | ārya-priyadarśena bodhi-satvena paridīpitaṃ | tathā tathā bhagavan bodhi-satvena pratipattavyaṃ yat saha-darśanena + eva satvāḥ prasīdeyuḥ | tat kasmād * dhetoḥ | na bhagavan bodhi-satvasya + anyat karaṇīyam asty anyatra satva-a-varjanāt | satva-paripāka eva + iyaṃ bhagavan bodhi-satvasya dharma-saṃgītir iti ||
evaṃ punar a-kriyamāṇe ko doṣa ity āha | an-ādeyaṃ tu taṃ lokaḥ paribhūya jina-aṅkuraṃ | bhasma-channo yathā vahniḥ pacyeta naraka-ādiṣu ||
yathā prāg upadarśitaṃ ||
yena ca + asya paribhava evam an-artho ratna-meghe jinena + uktas tena saṃkṣepa-saṃvaraḥ |yena + a-prasādaḥ satvānāṃ tad yatnena vivarjayed iti ||
yathā + āha | katame ca te bodhi-satva-samudācārāḥ | yāvad iha bodhi-satvo na + a-sthāne viharati na + a-kāle | na + a-kāla-bhāṇī bhavati na + a-kāla-jño bhavati na + a-deśa-jño bhavati | yato nidānam asya + antike satvā a-prasādaṃ prativedayeyuḥ | sa sarva-satva-anurakṣayā | ātmanaś ca bodhi-saṃbhāra-paripūraṇa-arthaṃ saṃpanna-īryā-patho bhavati mṛdu-bhāṇī manda-bhāṇī | a-saṃsarga-bahulaḥ | praviveka-abhimukhaḥ | su-prasanna-mukha iti ||
ata eva dharma-saṃgīti-sūtre deśitaṃ | yaḥ satvān rakṣati sa śīlaṃ rakṣati + iti | anayā kanīyena mātṛ-grāmeṇa saha raho-avasthā-ādiṣu loka-rakṣā ca kṛtā syāt | evaṃ bhogyeṣu jala-sthaleṣu mūtra-purīṣa-śleṣma-pūya-ādīnāṃ kutsitānāṃ rahasy a-rahasi ca + utsargaṃ na kuryād deva-manuṣya-citta-rakṣā-arthaṃ ||
sad-dharma-smṛty-upasthāne ca raha utsiṣṭaṃ kṛtvā + an-utsiṣṭa-āhāreṣv a-dadataḥ preta-gatiḥ paṭhyate ||
tathā bodhi-satva-prātimokṣe * apy a-prasāda-parihāra uktaḥ | na purato danta-kāṣṭhaṃ khāditavyaṃ na purataḥ kheṭe nikṣiptavya iti | eṣa ca gaurava-lajjā-vidhiḥ sarva-draṣṭavyo na brahma-cāriṣv eva | atra tu sūtre brahma-cāry--adhikāraḥ teṣu gurutara-āpatti-bhaya-saṃdarśana-arthaṃ ||
yathā + atra + eva + āha | na + uccair-bhāṣiṇā bhavitavyam iti ||
na ca + ayaṃ vidhiḥ prādeśikaḥ | tathā brahma-paripṛcchāyām apy uktaṃ na ca vadha-sadṛśena bodhi-satvena bhavitavyam iti | tathā prātimokṣād api loka-a-prasāda-karam anveṣya varjanīyaṃ | tan na tāvad ||
mukha-pūraṃ na bhuñjīta sa-śabdaṃ prasṛta-ānanaḥ | pralamba-pādaṃ na + āsīta na bāhuṃ mardayet samam ||
evaṃ svayam apy utprekṣya dṛṣṭvā śrutvā ca loka-a-prasādaṃ rakṣeta | a-prasāda-kara-vacana-varjanaṃ tu na su-karam iti smaraṇa-bodhana-artham upadarśyate | ārya-sāgaramati-sūtre deśitaṃ | na + avalīna-vacano bhavati | na vyavakīrṇa-vacanaḥ | na + avasyandana-vacanaḥ | na + ujjvālana-vacanaḥ | na rāga-anunīta-vacanaḥ | na prākṛta-vacanaḥ | na + a-saṃrakṣita-vacanaḥ | na vyāpāda-saṃdhukṣaṇa-vacanaḥ | na cañcala-vacanaḥ | na capala-vacanaḥ | na raṭa-raṅga-vacanaḥ | na mukha-sākṣy--avaropaṇa-vacano bhavati + iti ||
ārya-tathā-gata-guhya-sūtre * apy āha | na khalu punaḥ kula-putra bodhi-satvasya vāg raktā vā duṣṭā vā mūḍhā vā kliṣṭā vā | kṣuṇṇa-vyākaraṇā vā sva-pakṣa-utkarṣaṇa-vacanā vā | para-pakṣa-nigraha-vacanā vā | ātma-varṇa-anunaya-vacanā vā | para-varṇa-pratigha-vacanā vā | pratijñā-uttāraṇa-vacanā vā | ābhimānika-vyākaraṇa-vacanā vā + iti ||
ārya-daśa-bhūmaka-sūtre * apy uktaṃ | yā + iyaṃ vāga-mano-jñā sva-santāna-para-santāna-vināśanī tathā-rūpāṃ vācaṃ prahāya | yā + iyaṃ vāk snigdhā mṛdvī mano-jñā madhurā priya-karaṇī mana-apakaraṇī
[doubtful]
hita-karaṇī karṇa-sukhā hṛdayaṃ-gamā premaṇī varṇa-viṣpaṣṭā vijñeyā śravaṇīyā a-niśritā bahu-jana-kāntā bahu-jana-priyā bahu-jana-mana-āpā
[doubtful]
vijña-praśastā sarva-satva-hita-sukha-āvahā mana-utplāva-karī manaḥ-prahlādana-karī sva-para-santāna-pramodana-karī rāga-dveṣa-moha-sarva-kleśa-āpraśāmanī tathā-rūpāṃ vācaṃ niścārayati | yāvad itihāsa-pūrvakam api vacanaṃ parihārya pariharati + iti ||
ārya-gagana-gañja-sūtre tu + uktaṃ | guru-vacana-an-avamardanatayā | para-vacana-an-ācchindanatayā ca + ādeya-grāhya-vacano bhavati + iti ||
dharma-saṃgīti-sūtre * apy uktaṃ | gaganagañjo bodhi-satva āha | na bodhi-satvena + eṣā vāg bhāṣitavyā yayā + a-paro vyāpadyeta | na sā vāg bhāṣitavyā yayā + a-paraṃ tāpayet | na bodhi-satvena sā vāg bhāṣitavyā yat paro jānīyāt | na sā vāg bhāṣitavyā yayā + arthā nir-arthā | na bodhi-satvena sā vāg bhāṣitavyā yayā na vidyām utpādayet | na sā vāg bhāṣitavyā yā satvānāṃ na hṛdayaṃ-gamā na paurī na karṇa-sukhā na sā vāg bhāṣitavyā + iti ||
saṃkṣepatas tu para-a-prasāda-rakṣā ārya-sāgaramati-sūtre deśitā | a-para eka dharmo mahā-yāna-saṃgrahāya saṃvartate sva-skhalita-pratyavekṣaṇatayā sarva-satva-anurakṣā + iti ||
eṣā rakṣā + ātma-bhāvasya | yathā + a-parair na nāśyeta | yathā na parān na nāśayet | asya tu grantha-vistarasya + ayaṃ piṇḍa-artho bodhi-satvena manasā nityaṃ dhārayitavyaḥ ||
su-niś-calaṃ su-prasannaṃ dhīraṃ sa-ādara-gauravaṃ | sa-lajjaṃ sa-bhayaṃ śāntaṃ para-ārādhana-tat-param ||
ātma-satva-vaśaṃ nityam an-avadyeṣu vastuṣu | nirmāṇam iva nir-mānaṃ dhārayāmy eṣa mānasam | iti ||
kim etāvatī ātma-bhāva-rakṣā | na hi | kiṃ tarhi bhaiṣajya-vasana-ādibhiḥ saha | tatra dvi-vidhaṃ bhaiṣajyaṃ | satata-bhaiṣajyaṃ glāna-pratyaya-bhaiṣajyaṃ ca | tatra satata-bhaiṣajyam adhikṛtya + ārya-ratna-meghe * abhihitaṃ | tasmāt piṇḍa-pātrād ekaṃ praty-aṃśaṃ sa-brahma-cāriṇāṃ sthāpayati | dvitīyaṃ duṣkhitānāṃ tṛtīyaṃ vinipatitānāṃ caturtham ātmanā paribhuṅkte | paribhuñjāno na raktaḥ paribhuṅkte a-sakto * a-gṛddho * an-adhyavasitaḥ | anyatra yāvad eva kāyasya sthitaye | yāpanāyai | tathā paribhuṅkte yathā na + ati-saṃlikhito bhavati | na + ati-guru-kāyaḥ | tat kasya hetoḥ | ati-saṃlikhito hi kuśala-pakṣa-parāṅ-mukho bhavati | ati-guru-kāyo middha-avaṣṭabdho bhavati | tena taṃ piṇḍa-pātaṃ paribhujya kuśala-pakṣa-abhimukhena bhavitavyam ity ādi ||
ārya-ratna-rāśāv apy uktaṃ | tena grāmaṃ vā nagaraṃ vā nigamaṃ vā piṇḍāya caratā dharma-saṃnāhaṃ saṃnahya piṇḍāya cartavyaṃ | tatra katamo dharma-saṃnāhaḥ | a-mana-āpāni
[doubtful]
rūpāṇi dṛṣṭvā na pratihantavyaṃ | mana-āpāni
[doubtful]
dṛṣṭvā na + anunetavyaṃ | evaṃ mana-āpa-a-mana-āpeṣu
[doubtful]
śabda-gandha-rasa-spraṣṭavyeṣu vijñapteṣu na + anunetavyaṃ na pratihantavyaṃ | indriya-su-saṃvṛtena + an-utkṣipta-cakṣuṣā yuga-mātra-prekṣiṇā | dānta-ājāneya-cittena pūrva-dharma-manasi-kāram an-utsṛjatā na + āmiṣa-prakṣiptayā santatyā piṇḍāya cartavyaṃ sa-avadāna-cāriṇā ca bhavitavyaṃ | yataś ca piṇḍa-pāto labhyate tatra + anunayo na kartavyaḥ yataś ca na labhyate tatra pratighāto na + utpādayitavyaḥ | daśa-kula-praveśe na ca + ekādaśāt kulād bhikṣā na labhyate | tathā + api na paritaptavyaṃ evaṃ ca cittam utpādayitavyam | evaṃ bahu-kṛtyā hy ete śramaṇa-brāhmaṇa-gṛha-patayo na tair a-vaśyaṃ mama dātavyaṃ | idaṃ tāvad āścaryaṃ yan mām ete samanvāharanti | kaḥ punar vādo yad bhikṣāṃ dāsyanti | tena + evam a-paritapatā piṇḍāya cartavyaṃ ||
ye ca + asya satvāś cakṣuṣu ābhāsam āgacchanti strī-puruṣa-dāraka-dārikāḥ | antaśas tiryag-yoni-gatās tatra maitrī-karuṇā-cittam utpādayitavyaṃ | tathā + ahaṃ kariṣyāmi yathā ye me satvāś cakṣuṣā ābhāsam āgacchanti piṇḍa-pātaṃ vā dāsyanti tān su-gati-gāminaḥ kariṣyāmi | tādṛśaṃ yogam āpatsye | tena lūhaṃ vā praṇītaṃ vā piṇḍa-pāta saṃgṛhya samantāc catur-diśaṃ vyavalokayitavyaṃ | ka iha grāma-nagara-nigame daridraḥ satvaḥ | yasya + asmāt piṇḍa-pātāt saṃvibhāgaṃ kariṣyāmi | yadi daridraṃ satvaṃ paśyati tena tat-piṇḍa-pātāt saṃvibhāgaḥ kartavyaḥ | atha na kañ-cit satvaṃ daridraṃ paśyati | tena + evaṃ cittam utpādayitavyaṃ | santy an-ābhāsa-gatāḥ satvā ye mama cakṣuṣu ābhāsaṃ na + āgacchanti | teṣām itaḥ piṇḍa-pātād agraṃ praty-aṃśaṃ niryātayāmi | datta-ādānāḥ paribhuñjatāṃ | tena tat piṇḍa-pātaṃ gṛhītvā tad araṇya-āyatanam abhiruhya dhauta-pāṇinā śobhana-samācāreṇa śramaṇa-cāritra-kalpa-samatva-āgatena + adhiṣṭhāna-adhiṣṭhitena paryaṅkaṃ baddhvā sa-piṇḍa-pātaḥ paribhoktavyaḥ || pe ||
paribhuñjatā ca + evaṃ manasi-kāra utpādayitavyaḥ | santy asmin kāye * aśītiḥ krimi-kula-sahasrāṇi | tāny anena + eva + ojasā sukhaṃ phāsuṃ viharantu | idānīṃ ca + eṣām āmiṣeṇa saṃgrahaṃ kariṣyāmi | bodhi-prāptaś ca punar dharmeṇa saṃgrahaṃ kariṣyāmi | yadi punar asya lūhaṃ piṇḍa-pātaṃ bhavati tena + evaṃ cittam utpādayitavyaṃ | lūha-āhāratayā me laghuḥ kāyo bhaviṣyati prahāṇa-kṣama uccāra-prasrāva-niṣyandanaś ca me parītto bhaviṣyati | śraddhā-deyaṃ ca parīttaṃ bhaviṣyati | kāya-laghutā citta-laghutā ca me bhaviṣyati | alpa-mlāna-middhaś ca me bhaviṣyati | yadā punar asya prabhūtaḥ piṇḍa-pāto bhavati tatra + api mātra-ābhojinā bhavitavyaṃ utsarjana-dharmiṇā ca | tataḥ piṇḍa-pātād anyatarāyāṃ śilāyām avatīrya + evaṃ cittam utpādayitavyaṃ | ye ke-cin mṛga-pakṣi-saṃgā āmiṣa-bhojanena + arthikās te datta-ādānāḥ paribhuñjatām iti ||
punar āha | tena sarveṇa rasa-saṃjñā na + utpādayitavyā || pe ||
caṇḍāla-kumāra-sadṛśena mayā bhavitavyaṃ | citta-kāya-caukṣeṇa | na bhojana-caukṣeṇa | tat kasmād * dhetoḥ | kiyat-praṇītam api bhojanaṃ bhuktaṃ | sarvaṃ tat pūti-niṣyanda-paryavasānaṃ dur-gandha-paryavasānaṃ pratikūla-paryavasānaṃ | tasmān mayā na praṇīta-bhojana-ākāṅkṣiṇā bhavitavyaṃ | tena na + evaṃ cittam utpādayitavyaṃ |puruṣo me piṇḍa-pātaṃ dad-ti na strīḥ | strī me piṇḍa-pātaṃ dadāti na puruṣaḥ | dārako me piṇḍa-pātaṃ dadāti na dārikā | dārikā me piṇḍa-pātaṃ dadāti na dārakaḥ | praṇītaṃ labhe * ahaṃ na lūhaṃ | sat-kṛtya labhe * ahaṃ na + a-sat-kṛtya | capalaṃ labhe * ahaṃ na kṛcchreṇa praviṣṭa-mātraṃ ca māṃ samanvāhareyuḥ | na me kaś-cid vikṣepo bhavet | su-nihitāṃl labhe * ahaṃ praṇītān nānā-rasāṃl labhe * aham | na hīna-daridra-bhojanaṃ labhe * ahaṃ pratyudgaccheyur māṃ strī-puruṣa-dāraka-dārikāḥ | ime te sarve * a-kuśalā manasi-kārā na + utpādayitavyaḥ || pe ||
prāyeṇa hi satvā rasa-gṛddhā bhojana-hetoḥ pāpāni karmāṇi kṛtvā narakeṣu + upapadyante | ye ye punaḥ saṃtuṣṭā a-gṛddhā a-lulopā rasa-pratiprasrabdhā jihva-indriya-saṃtuṣṭāḥ kiyal-lūhena + api bhojanena jñāpayanti | teṣāṃ cyutānāṃ kāla-gatānāṃ svarga-upapattir bhavati | su-gati-gamanaṃ bhavati deva-manuṣyeṣu | te deva-upapannāḥ sudhāṃ paribhuñjate | evaṃ kāśyapa piṇḍa-cārikeṇa bhikṣuṇā rasa-tṛṣṇāṃ vinivartayitvā nidhyapta-cittena su-paripakvān kulmāṣān paribhuñjatā na paritaptavyam | tat kasmād * dhetoḥ | kāya-saṃdhāraṇa-arthaṃ mārga-saṃdhāraṇa-arthaṃ mayā bhojanaṃ paribhoktavyaṃ || pe ||
yadi punaḥ kāśyapa piṇḍa-cāriko bhikṣur megha-ākula-vṛṣṭi-kāla-samaye vartamāne na śaknuyāt piṇḍāya + avatartuṃ | tena maitryā + āhāra-saṃnaddhena dharma-cintā-manasi-kāra-pratiṣṭhitena dvi-rātraṃ tri-rātraṃ vā bhakta-cchada-cchinnena evaṃ saṃjñā + utpādayitavyā | santi yāma-laukikāḥ pretā duṣ-kara-karma-kāriṇo ye varṣa-śatena kheṭa-piṇḍam apy āhāraṃ na pratilabhante | tan mayā dharma-yoniśaś cintā-pratiṣṭhitena kāya-daurbalyaṃ vā citta-daurbalyaṃ vā na + utpādayitavyaṃ | adhivāsayiṣyāmi kṣut-pipāsāṃ | na punar ārya-mārga-bhāvanāyāṃ vīryaṃ sraṃsayiṣyāmi || pe ||
yatra kule piṇḍa-pātaṃ śuciṃ kārayet tatra kule āsane niṣadya dhārmī kathā kartavyā | yāvan na sa piṇḍa-pātaḥ śucī-krṭo bhavet tena piṇḍa-pātaṃ gṛhītvā utthāya + āsanāt prakramitavyaṃ | piṇḍa-cārikeṇa kāśyapa bhikṣuṇā na + avabhāsa-kareṇa bhavitavyaṃ na lapanā na kuhanā kartavyā ||
tatra katamo * avabhāsaḥ | yat pareṣām evaṃ vācaṃ bhāṣate | lūho me piṇḍa-pāto rukṣo me piṇḍa-pāta āsīn na ca me yāvad-arthaṃ bhuktaṃ | bahu-jana-sādhāraṇaś ca me piṇḍa-pātaḥ kṛtaḥ | alpaṃ me bhuktaṃ jighatsito * asmi + iti | yat kiñ-cid evaṃ-rūpam avabhāsa-nimittaṃ | iyam ucyate citta-kuhanā | sarvam etat piṇḍa-cārikeṇa bhikṣuṇā na kartavyaṃ | upekṣaka-bhūtena | yat pātre patitaṃ lūhaṃ vā praṇītaṃ vā śubhaṃ vā + a-śubhaṃ vā tat paribhoktavyam a-paritapyamānena + āśaya-śuddhena dharma-nidhyapti-bahulena | kāya-jāpana-artham ārya-mārgasya + upastambha-arthaṃ sa piṇḍa-pātaḥ paribhoktavya iti ||
tathā + ārya-ugra-paripṛcchāyām apy uktaṃ | yasyāś ca + antike piṇḍa-pātaṃ paribhujya na śaknoty ātmanaḥ parasya ca + arthaṃ paripūrayitum anujānāmy ahaṃ tasya piṇḍa-cārikasya bodhi-satvasya nimantraṇam iti ||
evaṃ tāvat satata-bhaiṣajyena + ātma-bhāva-rakṣā kāryā | tatra + api na matsya-māṃsena laṅkā-avatāra-sūtre pratiṣiddhatvāt ||
tathā hy uktaṃ | māṃsaṃ sarvam a-bhakṣyaṃ kṛpa-ātmāno bodhi-satvasya + iti vadāmi || pe ||
svājanyād vyabhicārāc ca śukra-śoṇita-saṃbhavāt | udvejanīyaṃ bhūtānāṃ yogī māṃsaṃ vivarjayet ||
māṃsāni ca palāṇḍūṃś ca madyāni vividhāni ca | gṛñjanaṃ laśunaṃ ca + eva yogī nityaṃ vivarjayet ||
mrakṣaṇaṃ varjayet tailaṃ śalya-viddheṣu na svapet | chidra-a-chidreṣu satvānāṃ yac ca sthānaṃ mahā-bhayam || pe ||
lābha-arthaṃ hanyate prāṇī māṃsa-arthaṃ dīyate dhanaṃ | ubhau tau pāpa-karmāṇau pacyete raurava-ādiṣu ||
yāvat ||
yo * atikramya muner vākyaṃ māṃsaṃ bhakṣeta dur-matiḥ | loka-dvaya-vināśa-arthaṃ dīkṣitaḥ śākya-śāsane ||
te yānti paramaṃ ghoraṃ narakaṃ pāpa-kaṝiṇaḥ | raurava-ādiṣu raudreṣu pacyante māṃsa-khādakāḥ ||
tri-koṭi-kṣuddhaṃ māṃsaṃ vai a-kalpitam a-yācitaṃ | a-coditaṃ ca na + eva + asti tasmān māṃsaṃ na bhakṣyayet ||
māṃsaṃ na bhakṣyayed yogī mayā buddhaiś ca garhitaṃ | anyo-nya-bhakṣaṇāḥ satvāḥ kravya-ada-kula-saṃbhavāḥ ||
yāvat ||
dur-gandhaḥ kutsanīyaś ca utmattaś ca + api jāyate | caṇḍāla-pukkasa-kule ḍombeṣu ca punaḥ punaḥ ||
ḍākinī-jāti-yonau ca māṃsa-ade jāyate kule | ṛkṣa-mārjara-yonau ca jāyate * asau nara-adhamaḥ ||
hasti-kakṣye mahā-meghe nirvāṇa-aṅgulimālike | laṅkā-avatāra-sūtre ca mayā māṃsaṃ vigarhitaṃ ||
buddhaiś ca bodhi-satvaiś ca śrāvakaiś ca vigarhitaṃ | khādate yadi nir-lajja unmatto jāyate sadā ||
brāhmaṇeṣu ca jāyante atha vā yogināṃ kule | prajñāvān dhanavāṃś ca + eva māṃsa-adyānāṃ vivarjanāt ||
dṛṣṭa-śruta-viśaṅkābhiḥ sarvaṃ māṃsaṃ vivarjayet | tārkikā na + avabudhyante kravya-ada-kula-saṃbhavāḥ ||
yathā + eṣa rāgo mokṣasya antarāya-karo bhavet | tathā + eva māṃsa-madya-ādi antarāya-karaṃ bhavet ||
vakṣanty an-āgate kāle māṃsa-adā moha-vādinaḥ | kalpikaṃ nir-avadyaṃ ca māṃsaṃ buddha-anuvarṇitaṃ ||
bheṣajyam iva āhāraṃ putra-māṃsa-upamaṃ punaḥ | mātrayā pratikūlaṃ ca yogī piṇḍaṃ samācaret ||
maitrī-vihāriṇā nityaṃ sarvathā garhitaṃ mayā | siṃha-vyāghra-mṛga-ādyaiś ca saha ekatra saṃbhavet ||
tasmān na bhakṣayen māṃsam udveja-janakaṃ nṛṇāṃ | mokṣa-dharma-niruddhatvād āryāṇām eṣa vai dhvajaḥ ||
yat tu jñānavatī-parivarte māṃsa-bhakṣaṇaṃ paṭhyate tan mahā-artha-sādhakatvān nir-doṣam ||
evaṃ hi tathā + uktaṃ | eṣo * akariṣyad yadi bhikṣu kālaṃ | samādhi-śabdo * api hi jambu-dvīpe | niruddhu satvāna sadā + abhaviṣyad | cikitsite asmi samādhi labdhaḥ ||
na ca mahā-karuṇā-abhiyuktam | tena asmin na maitrī śaṅkā + api na + asti + ity a-doṣaḥ ||
yady apy ārya-ratna-meghe * abhihitaṃ | śmāśānikena nir-āmiṣeṇa bhavitavyam iti ||
tad anyatra + evaṃ jātīya-satva-artha-saṃdarśana-arthaṃ | vinaye * api yad anujñātaṃ tat tu tri-koṭi-pariśuddha-bhakṣaṇe na prahāṇa-antarāya iti | tat parityāgena śuddha-dṛṣṭīnām abhimāna-nirāsa-arthaṃ | tad vṛddhatayā ca bhavyānāṃ śāsana-an-avatāra-parihāra-arthaṃ ||
tathā hy uktaṃ laṅkā-avatāra-sūtre | tatra tatra deśanā pāṭhe śikṣā-padānām ānupūrvīṃ bandhan niśreṇī-pada-vinyāsa-yogena | tri-koṭiṃ baddhvā | tatra uddiṣya krṭāni pratiṣiddhāni tato * antaśaḥ prakṛti-mṛtāny api pratiṣiddhāni + iti ||
uktaṃ satata-bhaiṣajyaṃ | glāna-pratyaya-bhaiṣajyaṃ tat sevyam eva ||
śrāvaka-vinaye * api tāvad ātma-arthaṃ brahma-carya-vāsa-arthaṃ pātra-cīvaram api vikrīya | kāya-saṃdhāraṇam uktaṃ | kiṃ punar a-parimita-jana-paritrāṇa-hetor bodhi-satva-śarīrasya dur-labhā ca + īdṛśī kṣaṇa-pratilābha-utsava-sampad | iti tat-pradarśana-arthaṃ ca bhagavatā tatra svayaṃ bhaiṣajya-upayogaḥ pradarśitaḥ ||
uktaṃ ca + ārya-ratna-megha-sūtre | tair yadā pracāritaṃ bhavati tadā satyāṃ velāyām a-satyāṃ vā teṣām imāny evaṃ-rūpāṇi kāya-upastambhanāny upakaraṇāni na labhyante * abhyavahartuṃ | yad uta sarpir vā tailaṃ vā mūla-raso vā gaṇḍa-raso vā phala-raso vā | na ca + anyān abhyavaharato dṛṣṭvā pratigha-cittam utpādayati | yadi punaḥ khalu paścād-bhaktiko bodhi-satvo vā glāno bhavati | yathā-rūpeṇa + asya glānyena jīvita-antarāyo bhavati kuśala-pakṣa-antarāyo vā tena niṣ-kaukṛtyena bhūtvā nir-vicikitsakena bhaiṣajya-cittam upasthāpya pratinisevyāni + iti ||
vasana-upabhoga-prayojanam ugra-paripṛcchā-sūtre * abhihitaṃ | hrīr-apatrāpya-kāpair niḥ-...
[doubtful]
pracchādana-arthaṃ tu śramaṇa-liṅga-saṃdarśana-artham imāni ca kāṣāyāṇi deva-mānuṣa-asurasya lokasya caityam iti | caitya-arthaṃ samyag-dhāritavyāni | nirvṛti-virāga-raktāni
[doubtful]
etāni | na rāga-raktāni | upaśama-anukūlāny etāni | na saṃkleśa-saṃdhukṣaṇa-anukūlāni | ebhiś ca kāṣāyair vivṛta-pāpā bhaviṣyāmaḥ | su-kṛta-karma-kāriṇo na cīvara-maṇḍana-anuyogam anuyuktāḥ | etāni ca kāṣāyāṇy ārya-mārga-saṃbhāra-anukūlāni + iti kṛtvā tathā kariṣyāmo yathā na + eka-kṣaṇam api sa-kaṣāyāḥ kāye kāṣāyāṇi dhārayiṣyāma iti ||
atra ca kāraṇaṃ ratna-rāśi-sūtre * abhihitaṃ | ye punas te kāśyapa vaidaryā a-saṃyatā itaḥ śramaṇa-guṇa-dharmād uddhurāḥ kāye kāṣāyāṇi vastrāṇi dhārayanti | na ca + eteṣu gauravam utpādayanti | tatra kāśyapa śramaṇa-varṇa-prati-rūpakaṃ nāma praty-eka-narakaṃ | tatra kāśyapa praty-eka-narake śramaṇa-rūpa-prati-rūpeṇa tāḥ kāraṇāḥ kāryante ādīpta-cailā ādīpta-śīrṣā ādīpta-pātrā ādīpta-āsanā ādīpta-śayanāḥ | yaḥ kaś-cit tatra teṣām upabhoga-paribhogaḥ sa sarva ādīptaḥ saṃprajvalita eka-jvālī-bhūtaḥ | tatra taiḥ śramaṇa-varṇa-rūpeṇa duṣkhāṃ vedanām anubhavanti + iti ||
ārya-ratna-meghe * apy uktaṃ | yadi bhaved abhyavakāśiko bodhi-satvo glāna-kāyo * a-prati-bala-kāyas tena vihāra-kṣitena + evaṃ cittam utpādayitavyaṃ | kleśa-prati-pakṣa-arthaṃ tathā-gatena dhuta-guṇāḥ prajñaptāḥ | tathā + ahaṃ kariṣyāmi yathā vihārasya eva kleśānāṃ prahāṇāya ghaṭiṣyāmi | tatra ca vihāre na gṛddhim utpādayāmi na + adhyavasānaṃ | evaṃ ca + asya bhavati | kartavyo dāna-patīnām anugraho na + asmābhir ātmambharibhir bhavitavyam iti ||
punar atra + eva + āha | te śayyāṃ kalpayanto dakṣiṇena pārśvena śayyāṃ kalpayanti | pādasya + upari pādam ādhāya cīvaraiḥ a-saṃvṛta-kāyāḥ smṛtāḥ | saṃprajānānā utthāna-saṃjñina āloka-saṃjñinaḥ śayyāṃ kalpayanti | na ca nidrā-sukham āsvādayanti | na pārśva-sukham anytra yāvad eva + eṣāṃ mahā-bhūtānāṃ sthitaye jāpanāyai | ity anayā diśā sarva-paribhogāḥ satva-artham adhiṣṭhātavyāḥ | ātma-tṛṣṇā-upabhogāt tu kliṣṭa-āpattiḥ prajāyate ||
yathā + uktaṃ candra-pradīpa-sūtre | te bhojanaṃ svādu-rasaṃ praṇītaṃ | labdhvā ca bhuñjanti a-yukta-yogāḥ | teṣāṃ sa āhāru badhāya bhotī | yatha hasti-potāna viṣā a-dhautā ||
iti ||
ārya-ratna-rāśi-sūtre * api bhagavatā śraddhā-deya-paribhoge parikīrtite | atha tasyām eva parṣadi yoga-ācārāṇāṃ bhikṣūṇāṃ dve śate imaṃ dharma-paryāyaṃ śrutvā prarudite | evaṃ ca vācam abhāṣanta | kālaṃ vayaṃ bhagavan kariṣyāmo | na punar a-prāpta-phalā eka-piṇḍa-pātam api śraddhā-deyasya paribhokṣyāmaḥ ||
bhagavān āha | sādhu sādhu kula-putrā evaṃ-rūpair lajjābhiḥ kaukṛtya-saṃpannaiḥ para-loka-a-vadya-bhaya-darśibhir idaṃ pravacanaṃ śobhate ||
api tu ||
dvayor ahaṃ kāśyapa śraddhā-deyam anujānāmi | katamayor dvayoḥ | yuktasya muktasya ca | yadi bhikṣavo bhikṣur yukto yoga-ācāro mama śikṣāyāṃ pratipannaḥ sarva-saṃskāreṣv a-nitya-darśī | sarva-saṃskāra-duḥkha-viditaḥ sarva-dharmeṣv an-ātma-adhimuktiḥ śānta-nirvāṇa-abhikāṅkṣī sumeru-mātrair ālopaiḥ śraddhā-deyaṃ bhuñjīta | atyanta-pariśuddhā + eva tasya sā dakṣiṇā bhavati | yeṣāṃ ca dāyakānāṃ dāna-patīnāṃ sakāśāc * chraddhā-deyaṃ paribhuktaṃ tatas teṣāṃ dāyaka-dāna-patīnāṃ maha-rddhikaḥ puṇya-vipāko bhavati | mahā-dyutikaḥ | tat kasmād * dhetoḥ | agram idam aupadhikānāṃ puṇya-kriyā-vastūnāṃ yā + iyaṃ maitra-citta-samāpattiḥ | tatra kāśyapa yo bhikṣur dāyakasya dāna-pater antikāc cīvara-piṇḍa-pātaṃ paribhujya-a-pramāṇaṃ cetaḥ-samādhiṃ samāpadyate * a-pramāṇas tasya dāyakasya dāna-pateḥ puṇya-kriyā-vipākaḥ pratikāṅkṣitavyaḥ | syāt kāśyapa tri-sāhasra-mahā-sāhasrāyāṃ loka-dhātau mahā-samudrāṇāṃ kṣayo na tv eva tasya puṇya-niṣyandanasya kaś-cit kṣaya iti ||
tad evaṃ piṇḍa-pāta-gamanaārambhe bhojana-ārambhe vā triṣu sthāneṣu smṛtir upasthāpyā dāyaka-anugrahe | kāya-krimi-saṃgrahe | sarva-satva-artha-sādhake ca sad-dharma-parigrahe ||
tathā-gata-ājñā-saṃpādane tu sarva-kāryeṣu smṛtiḥ kāryā | ādi-śabdān mantrair api rakṣā kāryā ||
tatra + api tāvad imāṃ tri-samaya-rāja-uktāṃ vidyāṃ maṇḍala-samaya-artham uccārayet | namaḥ sarva-buddha-bodhi-satvānāṃ oṃ viraji mahā-cakra-viraji | sata sārata trapi vidhamani | sabhajani | saṃbhajani | taramati | siddha agre tvaṃ svāhā ||
anena sarva-maṇḍala-praviṣṭo bhavati ||
atha-vā tathā-gata-hṛdayam aṣṭa-sahastraṃ japet sa-laukika-loka-uttara-maṇḍala-praviṣṭo bhavati | katamac ca tat ||
namas traiyabdhikānāṃ tathā-gatānāṃ | sarvatra-a-pratihata-avāpti-dharmatā-balināṃ | āṃ a-sama-sama samantato * an-antana-avāpti-śāsani | hara smara smaraṇa vigata-rāga-buddha-dharmate | sara sama-balā | hasa | traya | gagana mahā-a-cala-rakṣaṇa | jvala jvalana sāgare svāhā ||
ayaṃ sarva-tathā-gatānām ātma-bhāvaḥ | atra + an-uttaraṃ gauravaṃ bhāvayitavyaṃ | anena + ādi-karmikā api satveṣv anantaṃ buddha-kṛtyaṃ kurvanti | ayam eva paramāṃ rakṣāṃ māra-ādibhyaḥ sarva-duṣṭebhyaḥ karoti | hasta-tāḍena bhasmanā sarṣapair udakena dṛṣṭyā manasā vā sīmā-bandhaṃ karoti ||
vyādhiṣu bhaiṣajyam udakaṃ ca + abhimantrya + upayojyaṃ ||
vana-kusumāni vā caitye pratimāyāṃ sad-dharma-pustake vā samāhito nivedayet ||
pakṣa-prayogān mahā vyādhibhir abhimucyate | buddha-bodhi-satva-ālambanena sarva-satva-artha-abhilāṣiṇā ca cittena bhadra-cari-vidhi-pūrvakaṃ ca japtavyaḥ | ayaṃ vidhir asya kalpasya + avasāne draṣṭavyaḥ | tri-samaya-jāpinaś ca + āmnāyato na doṣaḥ | utsiṣṭasya + apy a-śucer na doṣaḥ | mudrā-ākārā na bhakṣaṇīyā na laṅghanīyā | na mañca-ārohaḥ kartavyaḥ | na madyaṃ pātavyaṃ | adhimukti-caryā śikṣā-padeṣv a-calasya nir-vicikitsasya duḥ-śīla-pūrvasya + api sidhyati | paṇḍitasya + a-paṇḍitasya vā niyataṃ sidhyati ||
tathā ca + atra + eva + uktaṃ | bodhi-cittaṃ dṛḍhaṃ yasya niḥ-saṃgā ca matir bhavet | vicikitsā na + eva kartavyā tasya + idaṃ sidhyati dhruvam | iti ||
bodhi-citta-dṛḍhatā ca + atra pṛthag-jana-cala-cittatāyā niyama-artham uktā na tu bhūmi-praviṣṭam adhikṛtya ||
yasmād atra + uktaṃ | pratyuddhāratām avabhāsatāṃ ca pratilabdhu-kāmena |mahā-andha-kārād ālokaṃ praveṣṭu-kāmena | yad bhūyasā vinipatitena sādhyaṃ | tathā kuto mama + alpa-puṇyasya siddhir iti nīca-citta-pratiṣedhaḥ | na ca + atikrānta-dur-gater utsāha-ūrmi-bahulasya + upacita-a-prameya-puṇya-skandhasya bhūmi-praviṣṭasya + ayaṃ pūrva-ukto doṣaḥ saṃbhavati | atra ca mantrāṇām a-jñānān na + adhika-akṣara-pāṭhe doṣo * asti | na + api nyūnatā-doṣaḥ | na + api vidhi-bhraṃsa-doṣaḥ | kiṃ-tu śraddhā-vegaṃ bodhi-citta-vegaṃ sarva-utsarga-vegaṃ ca pramāṇī-kṛtya + a-vicārataḥ pravartitavyam a-vaśyaṃ buddha-bodhi-satvam iha + eva yathā-iṣṭa-siddhiś ca bhavati ||
atha-vā + anena sarva-vajra-dhara-mantreṇa rakṣāṃ kuryāt | namas traiyabdhikānāṃ tathā-gatānāṃ sarva-vajra-dharāṇāṃ caṇḍāla | cala | vajra | śāntana | phalana | cara | māraṇa | vajra-ḍāla-phaṭa | lalita-śikhara samanta-vajriṇi | jvala | namo * astu te agra-ugra-śāsānānāṃ raṇa haṃ phula sphāṭa vajra-uttame svāhā ||
anena paṭhita-mātreṇa sarva-vighna-vināyakā na + upasaṃkrāmanti | deva-nāga-ādayo na prasahante | bhojana-pāna-śayana-āsana-vasana-pūjā-upakaraṇāni ca + abhimantritena jalena dṛṣṭyā manasā vā rakṣeta | a-cala-hṛdayena vā sarvam etat kuryāt ||
idaṃ ca tat ||
namaḥ samanta-vajrāṇāṃ trāṭa | a-mogha caṇḍa-mahā-roṣaṇa sphāṭaya hūṃ | bhrāmaya hūṃ | trāṭa hūṃ | māṃ | oṃ balaṃ dade tejo-mālini svāhā ||
anena prathamaṃ piṇḍam aṣṭa-abhimantritaṃ bhuñjīta bhaiṣajya-rājatāṃ buddha-bodhi-satvānām anusmṛtya ||
viṣa-pratīkāras tu ||
tad yathā | ilimitte | tilimitte | ilitilimitte | dumbe | duḥse | duḥsālīye | dumbālīye | takke | tarkkaraṇe | marmme | marmaraṇe | kaśmīre | kaśmīra-mukte | aghane | aghanaghane | ilimilīye | akhāpye | apāpye śvete | śveta-tuṇḍe | anānurakṣe svāhā ||
ya imāṃ vidyāṃ sakṛc * chṛṇoti sa sapta varṣāṇy ahinā na daśyate | na ca + asya kāye viṣaṃ krāmati | yaś ca + enaṃ ahir daśati saptadhā + asya sphuṭen mūrddhā arjakasya + iva mañjarī ||
ya imāṃ vidyāṃ dhārayati sa yāvaj-jīvam ahinā na daśyate | na ca + asya kāye viṣaṃ krāmati | imāni ca mantra-padāni sarpasya purato na vaktavyāni yat-kāraṇaṃ sarpo mriyate ||
tad yathā | illā | cillā | cakko | bakko | koḍā koḍeti | nikuruḍā nikuruḍeti | poḍā poḍeti | moḍā | moḍeti | puruḍā puruḍeti | phaṭa rahe | phuṭṭaṇḍa rahe | nāga rahe | nāgaṭṭaṇḍarahe | sarpa rahe | sarpaṭṭaṇḍarahe | acche | chala viṣaśāte | śītavattāle | halale | halale | taṇḍi | taḍa | tāḍi | mala | sphuṭa | phuṭu | svāhā ||
iti hi bhikṣavo jāṅgulyāṃ vidyāyāṃ udāhṛtāyāṃ sarva-bhūta-samāgate sarvaṃ tathā-a-vitathā-an-anyathā-bhūtaṃ satyam a-viparītam a-viparyastaṃ | idaṃ viṣam a-viṣaṃ bhavatu | dātāraṃ gacchatu | daṃṣṭrāraṃ gacchatu | agniṃ gacchatu | jalaṃ gacchatu | sthalaṃ gacchatu | stambhaṃ gacchatu | kuḍyaṃ gacchatu | bhūmiṃ saṃkrāmatu | śāntiṃ gacchatu svāhā ||
cora-ādi-pratīkāre mārīcīṃ japet ||
tad yathā | parākramasi | udayam asi | vairam asi arkam asi | markam asi | vanam asi | antar-ddhānam asi | pathe me rakṣa | utpathe me rakṣa | janato me rakṣa | caurato me rakṣa | rājato me rakṣa | siṃhato me rakṣa | vyāghrato me rakṣa | nāgato me rakṣa | sarpato me rakṣa | sarvato me rakṣa | rakṣa māṃ sarva-satvāṃś ca sarva-bhayebhyaḥ sarva-upāye sa-upasargebhyaḥ svāhā ||
uṃvaḍili sarva-duṣṭānāṃ granthiṃ vandāmi svāhā ||
namo ratna-trayāya | namo mārīcyai devatāyai | mārīcyā devatāyā hṛdayam āvartayiṣyāmi ||
ta yathā | battāli | badāli | badāli | barāli | varāha-mukhi | sarva-duṣṭānāṃ nivāraya | bandha mukhaṃ svāhā ||
imām api vidyām an-anta-jāti-smara-hetuṃ mahā-prabhāvāṃ sapta-pañcāśad-akṣarāṃ vidyā-dhara-piṭaka-upanibaddhāṃ sarva-bhaya-rakṣā-arthaṃ prayuñjīta ||
tad yathā | aṭṭe | baṭṭe | naṭṭe | kunaṭṭe | ṭake | ṭhake | ṭharake | urumati | rurumati | turu | hili mili | sarva-jña-udupadagga
[doubtful]
| namo sabba-samma-saṃbuddhāṇaṃ sijjhantu me manta-padāḥ svāhā ||
eṣā rakṣā + ātma-bhāvasya bhaiṣajya-vasana-ādibhiḥ | satva-artha-smṛti-pūrvakam eva vaktavyā ||
ātma-tṛṣṇā-upabhogāt tu kliṣṭa-āpattiḥ prajāyate ||
sarvaṃ hi bodhi-satvena + utsṛṣṭaṃ sarva-satvebhyaḥ ||
tatra yadi vismṛtya para-dravyam ātma-bharaṇa-tṛṣṇayā paribhuṅkte kliṣṭa-āpattim āpadyate | atha vi-tṛṣṇo * a-nyāsakto vā satva-kāryam anusmṛtya bhuṅkte na kliṣṭām āpattim āpadyate | para-dravya-saṃjñī sva-arthena bhuṅkte steya-āpattim āpadyate | pūra-argheṇa prātimokṣe pārājiko bhavati | satva-svāmikais tu bhogaiḥ satva-svāmika eva + ātma-bhāvaḥ saṃrakṣata ity a-doṣaḥ | na hi dāsasya nityaṃ svāmi-karma-vyāpṛtasya sva-dravyam asti yena varteta ||
uktaṃ ca dharma-saṅgīti-sūtre | dāsa-upamena bodhi-satvena bhavitavyaṃ sarva-satva-kiṅ-karaṇīya-prāpaṇatayā + iti ||
na ca + eka-anta-svāmy-artha-parasya dāsasya vyādhy-ādi-viklava-mateḥ svāminam an-anujñāpya + api bhuñjānasya kaś-cid doṣaḥ | na + apy evaṃ kurvāṇasya bodhi-satvasya + antike kasya-cid vidita-vṛttā-antasya + apy a-prasādo yujyate mātsarya-tyāga-citta-a-parijñānāt ||
na ca + atra nyāye kaś-cit saṃdeho yuktaḥ | sarva-utsargo hi pūrvam eva bhagavat-kaṇṭha-uktyā pratipāditaḥ | tathā ca + ātma-bhāva-rakṣā satva-artham eva + uktā | tasya spaṣṭa-avabodha-artham ayaṃ nyāyo * abhiyukto na tu sva-artha-apekṣayā + iti ||
iti śikṣā-samuccaye ātma-bhāva-rakṣā ṣaṣṭhaḥ paricchedaḥ ||
[VII. bhoga-puṇya-rakṣā]
bhoga-puṇya-rakṣā saptamaḥ paricchedaḥ evaṃ tāvad ātma-bhāva-rakṣā veditavyā | bhoga-rakṣā tu vaktavyā | tatra su-kṛta-ārambhiṇā bhāvyaṃ mātra-jñena ca sarvata iti śikṣā-padād asya bhoga-rakṣā na duṣ-karā ||
ugra-paripṛcchāyāṃ hi śikṣā-padam uktaṃ | su-samīkṣita-karma-kāritā su-kṛta-karma-kāritā ca | tena bhogānāṃ dur-nyāsā pretyavekṣā | avajñā-pratiṣedhaḥ siddho bhavati | śamatha-prastāvena ca mātra-jñatā yukti-jñatā ca + uktā ||
tena + idaṃ siddhaṃ bhavati | yad idaṃ | alpa-adhama-bhogena + api kārya-siddhau satyāṃ svayam anyair vā bahūttama-bhoga-nāśana-upekṣā na kāryā + iti ||
ata eva + ugra-paripṛcchāyām uktaṃ | putra-bhāryā-dāsī-dāsa-karma-kara-pauruṣeyāṇāṃ samyak-paribhogena + iti | tathā sva-para-bodhi-pakṣa-śruta-ādy-antarāya-karau tyāga-a-tyāgau na kāryau | adhika-satva-artha-śaktes tulya-śakter vā bodhi-satvasya + adhika-tulya-kuśala-antarāya-karau tyāga-a-tyāgau na kāryāv iti siddhaṃ bhavati + iti ||
idaṃ ca saṃdhāya bodhi-satva-prātimokṣe * abhihitaṃ | yas tu khalu punaḥ śāriputra + abhiniṣkrānta-gṛha-āvāso bodhi-satvo bodhy-aṅgair abhiyuktas tena kathaṃ dānaṃ dātavyaṃ | kataraṃ dānaṃ dātavyaṃ | kiyad-rūpaṃ dānaṃ dātavyaṃ || pe ||
dharma-dāyakena bhavitavyaṃ dharma-dāna-patinā | yaś ca śāriputra gṛhī bodhi-satvo gaṅgā-nadī-vālikā-samāni buddha-kṣetrāṇi sapta-ratna-pratipūrṇāni kṛtvā tathā-gatebhyo * arhadbhyaḥ samyak-saṃbuddhebhyo dānaṃ dadyād | yaś ca śāriputra pravrajyā-paryāpanno bodhi-satva ekāṃ catuṣ-padikāṃ gāthāṃ prakāśayed ayam eva tato bahutaraṃ puṇyaṃ prasavati | na śāriputra tathā-gatena pravrajitasya + āmiṣa-dānam anujñātaṃ || pe ||
yasya khalu punaḥ śāriputra pātra-āgataḥ pātra-paryāpanno lābho bhaved dhārmiko dharma-labdhaḥ | tena sādhāraṇa-bhojinā bhavitavyaṃ sārddhaṃ sa-brahma-cāribhiḥ | sacet punaḥ kaś-cid eva + āgatya pātraṃ vā cīvaraṃ vā yāceta | tasya + atiriktaṃ bhaved buddha-anujñātāt tri-cīvarād | yathā parityaktaṃ dātavyaṃ | sacet punas tasya + ūnaṃ cīvaraṃ bhaved yan niśritya brahma-carya-vāsaḥ | tan na parityaktavyaṃ | tat kasya hetoḥ | a-visarjanīyaṃ tri-cīvaram uktaṃ tathā-gatena | sacet punaḥ śāriputra bodhi-satvaḥ tri-cīvaraṃ parityajya yācanaka-guruko bhaven na tena + alpa-icchatā āsevitā bhavet | yas tu khalu punaḥ śāriputra + abhiniṣkrānta-gṛha-āvāso bodhi-satvas tena dharma āsevitavyaḥ | tan na tena + abhiyuktena bhavitavyam iti ||
anyathā hy eka-saṃgraha-arthaṃ mahataḥ satva-rāśes tasya ca satvasya bodhi-satva-āśaya-parikarma-antarāyān mahato * arthasya hāniḥ kṛtā syād | ata eva + udāra-kuśala-pakṣa-vivarjanatā + apakṣāla ity ucyate | evaṃ tāvat tyāga-pratiṣedhaḥ | a-tyāga-pratiṣedho * api ||
yathā + ārya-sāgaramati-sūtre mahā-yāna-antarāyeṣu bahu-lābhatā paṭhyate | yo * ayaṃ vidhir ātmany uktaḥ so * anyasminn api bodhi-satve pratipādya iti kuto gamyate | ārya-ugra-paripṛcchāyāṃ deśitatvāt | para-kṛtya-kāritaḥ sva-kārya-parityāga iti ||
tathā + ārya-vimalakīrti-nirdeśe * apy uktaṃ | saṃsāra-bhaya-bhītena kiṃ pratisartavyam | āha | saṃsāra-bhaya-bhītena mañjuśrīr bodhi-satvena buddha-māhātmyaṃ pratisartavyaṃ | āha | buddha-māhātmya-sthātu-kāmena kutra sthātavyaṃ | āha | buddha-māhātmye sthātu-kāmena sarva-satva-samatāyāṃ sthātavyaṃ | āha | sarva-satva-samatāyāṃ sthātu-kāmena kutra sthātavyaṃ | āha |sarva-satva-samatāyāṃ sthātu-kāmena sarva-satva-pramokṣāya sthātavyam iti ||
tathā ca dharma-saṅgītau sārthavāho bodhi-satva āha | yo bhagavan bodhi-satvaḥ sarva-satvānāṃ prathamataraṃ bodhim icchati na + ātmanaḥ | yāvad iyaṃ bhagavan dharma-saṅgītir iti ||
utsargād eva ca + asya sva-artha-a-bhāvaḥ siddhaḥ | kiṃ tu satva-artha-hāni-bhayād a-yogye satve su-bharaṃ na + āropayati | yatra tu satva-artha-hāniṃ na paśyati tatra svayaṃ kṛtam anyena vā jagad * dhitam ācaritam iti ko viśeṣo | yad ayam a-para-bodhi-satva-kuśala-siddhaye na sva-kuśalam utsṛjati | atha sva-dur-gati-duṣkha-d bibheti | dvitīyasya + api tad eva duṣkhaṃ | atha tad-duṣkhena me bādhā na + asti + ity upekṣate | yathā + uktaiḥ sūtraiḥ sa-āpattiko bhavati ||
yathā ca ratna-kūṭa-sūtre | catvāra ime kāśyapa bodhi-satva-prati-rūpakā ity ārabhya + uktaṃ | ātma-sukha-arthiko bhavati na sarva-satva-duṣkha-apanayana-arthika iti ||
tasmād ugra-paripṛcchā-vidhinā pūrva-vad ātmā garhaṇīyaḥ eṣā tu bodhi-satva-śikṣā yathā + ārya-nir-ārambheṇa dharma-saṅgīti-sūtre nirdiṣṭā | kathaṃ kula-putrāḥ pratipatti-sthīta veditavyāḥ | āha | yadā satveṣu na vipratipadyante | āha | kathaṃ satveṣu na vipratipadyante | āha | yan maitrīṃ ca mahā-karuṇāṃ ca na tyajanti | subhūtir āha | katamā bodhi-satvānāṃ mahā-maitrī | āha | yat kāya-jīvitaṃ ca sarva-kuśala-mūlaṃ ca sarva-satvānāṃ niryātayanti na ca pratikāraṃ kāṅkṣanti | āha | katamā bodhi-satvānāṃ mahā-karuṇā | yat pūrvataraṃ satvānāṃ bodhim icchanti na + ātmana iti ||
atra + eva ca + āha | mahā-karuṇā-mūlāḥ sarva-bodhi-satva-śikṣā iti | a-vaśyaṃ ca bhagavatā + idaṃ na nivāraṇīyaṃ | anyatara-bodhi-satva-arthe na + arthitvād a-vaśyaṃ tu + upadiśati + iti niścīyate | yena dātur mahā-dakṣiṇīye mahā-artha-dānān mahā-puṇya-sāgara-vistaro dṛśyate | anyathā tu kevalam eva vighātino maraṇaṃ syāt ||
yat tu praśānta-viniścaya-prātihārya-sūtre deśitam | ya eṣa te mahā-rāja varṣa-śata-sahasreṇa parivyayo * atra praviṣṭaḥ sa sarvaḥ piṇḍī-kṛtya + ekasya bhikṣor yātrā bhaved evaṃ praty-ekaṃ sarva-bhikṣūṇāṃ | yaś ca + uddeśa-sva-adhyāya-abhiyukto bodhi-satvaḥ sa-gauravo dharma-ka-maḥ śraddhā-deyam āhāraṃ parigṛhya + evaṃ cittam utpādayet | anena + ahaṃ dharma-paryeṣṭim āpatsyae iti | asya kuśalasya + eṣa deya-dharma-parityāgaḥ śatatamīm api kalāṃ na + upaiti + iti ||
tad gṛha-sukha-paliśuddham adhikṛtya + uktaṃ | na tu pūrva-ukta-vidhinā kaś-cid doṣaḥ ||
ukto samāsatā bhoga-rakṣā | puṇya-rakṣā vācyā | tatra sva-artha-vipāka-vaitṛṣṇyāc * chubhaṃ saṃrakṣitaṃ bhavet ||
yathā + uktaṃ nārāyaṇa-paripṛcchāyāṃ | sa na + ātma-hetoḥ śīlaṃ rakṣati | na svarga-hetoḥ | na śakratva-hetoḥ | na bhoga-hetoḥ | na + aiśvarya-hetoḥ | na rūpa-hetor na varṇa-hetor na yaśo-hetoḥ | pe ||
na niraya-bhaya-bhi-taḥ śīlaṃ rakṣati | pe ||
evaṃ na tiryag-yoni-bhaya-bhītaḥ śīlaṃ rakṣati | anyatra buddha-netrī-pratiṣṭhāpanāya śīlaṃ rakṣati | yāvat sarva-satva-hita-sukha-yoga-kṣema-arthikaḥ śīlaṃ rakṣati ||
sa evaṃ-rūpeṇa śīla-skandhena samanvāgato bodhi-satvo daśabhir dharmair na hīyate | katamair daśabhiḥ | yad uta na cakra-varti-rājyāt parihīyate | tatra ca bhavaty a-pramatto bodhi-pratikāṅkṣī buddha-darśanam abhikāṅkṣate | evaṃ brahmatvād buddha-darśana-a-bhedya-pratilambhād dharma-śravaṇān na parihīyate | yāvad yathā-śruta-pratipatti-saṃpādanāya bodhi-satva-saṃvara-samādānān na parihīyate | an-āchedya-pratibhānāt sarva-kuśala-dharma-prārthana-dhyānān na parihīyate ||
evaṃ śīla-skandha-pratiṣṭhito bodhi-satvo mahā-satvaḥ sadā namas-kṛto bhavati devaiḥ | sadā praśaṃsito bhavati nāgaiḥ | sadā namas-kṛto bhavati yakṣaiḥ | sadā pūjito bhavati gandharvaiḥ sadā + apacāyitaś ca bhavati nāga-indra-asura-indraiḥ | sadā su-mānitaś ca bhavati brāhmaṇa-kṣatriya-śreṣṭhi-gṛha-patibhiḥ | sadā + abhigamanīyaś ca bhavati paṇḍitaiḥ | sadā samanvāhṛtaś ca bhavati buddhaiḥ | śāstṛ-saṃmataś ca bhavati sa-devakasya lokasya + anukampakaś ca bhavati sarva-satvānāṃ || pe ||
catasro gatīr na gacchati | katamāś catasro | yad uta + a-kṣaṇa-gatiṃ na gacchaty anyatra satva-paripākāt | buddha-śūnya-buddha-kṣetraṃ na gacchati | mithyā-dṛṣṭi-kula-upapattiṃ na gacchati | sarva-dur-gati-gatiṃ na gacchati ||
evaṃ pūrva-utsṛṣṭasya + api puṇyasya kleśa-vaśāt punar upādīyamānasya rakṣā kāryā | puṇya-dānād api yat puṇyaṃ tato * api na vipākaḥ prārthanīyo * anyatra para-arthāt | kiṃ ca puṇyaṃ rakṣitu-kāmaḥ | paścāt tāpaṃ na kurvīta ||
yathā + uktam ugra-paripṛcchāyāṃ | dattvā ca na vipratisāra-cittam utpādayitavyam iti ||
pṛṣṭha-daurbalyād daurbalyaṃ | vipratisārāt pāpa-vat puṇyasya + api kṣayaḥ syād ity abhiprāyaḥ | na ca kṛtvā prakāśayed | an-eka-paryāyeṇa hi bhagavatā prachanna-kalyāṇatā | vivṛta-pāpatā varṇitā | tatra vivṛtasay kṣayo gamyate | pāpasya daurmanasyena + eva puṇyasya saumanasyena + āpattiḥ satva-arthaṃ nir-āmiṣa-cittasya prakāśayataḥ ||
yathā ratna-meghe vaidya-dṛṣṭa-antena ātma-utkarṣo nir-doṣa uktaḥ | punaḥ puṇya-rakṣā kāmo lābha-sat-kāra-bhītaḥ syād unnatiṃ varjayet sadā | bodhi-satvo prasannaḥ syād dharme vimatim utsṛjet ||
idaṃ ca ratna-kūṭe * abhihitaṃ | caturbhiḥ kāśyapa dharmaiḥ samanvāgatasya bodhi-satvasya + utpanna-utpannāḥ kuśalā dharmāḥ parihīyante | yaiḥ caturbhir muktāḥ na vardhante kuśala-dharmaiḥ | katamaiś caturbhiḥ | yad uta + abhimānikasya loka-āyata-mantra-paryeṣṭyā | lābha-sat-kāra-adhyavasitasya kula-pratyavalokanena | bodhi-satva-vidveṣa-abhyākhyānena | a-śrutānām a-nirdiṣṭānāṃ ca sūtra-antānāṃ pratikṣepeṇa + iti ||
ārya-sarva-asti-vādānāṃ ca paṭhyate | paśyadhvaṃ bhikṣava etaṃ bhikṣuṃ keśa-nakha-stūpe sarva-aṅgena praṇipatya cittam abhiprasādayantam |evaṃ bhadanta | anena bhikṣavo bhikṣuṇā yāvatī bhūmir ākrāntā + adhara-śīti-yojana-sahasrāṇi yāvat kāñcana-cakraṃ | atra + antare yāvantyā vālikās tāvanty anena bhikṣuṇā cakra-varti-rājya-sahasrāṇi paribhoktavyāni | yāvad atha + āyuṣmān upālir yena bhagavān tena + añjaliṃ praṇamya bhagavantam idam avocat | yad uktaṃ bhagavatā + asya bhikṣor evaṃ mahānti kuśala-mūlāni | kutra + imāni bhagavan kuśala-mūlāni tanutvaṃ parikṣayaṃ paryādānaṃ gacchanti | na + aham upāle evaṃ kṣatiṃ ca + upahatiṃ ca samanupaśyāmi | yathā sa-brahma-cārī sa-brahma-cāriṇo * antike duṣṭa-cittam utpādayati | atra + upāle imāni mahānti kuśala-mūlāni tanutvaṃ parikṣayaṃ paryādānaṃ gacchanti | tasmāt tarhy upāle evaṃ śikṣitavyaṃ yad dagdha-sthūṇāyām api cittaṃ na pradūṣayiṣyāmaḥ | prāg eva sa-vijñānake kāya iti ||
ārya-mañjuśrī-vikrīḍita-sūtre * apy āha | pratighaḥ pratigha iti kalpa-śata-upacitaṃ kuśala-mūlaṃ pratihanti tena + ucyate pratigha iti ||
ārya-gaṇḍa-vyūha-sūtre ca samanta-satva-paritrāṇy ojasaḥ striyā rātri-devatayā pūrva-avadānaṃ kathayantyā + abhihitaṃ | te tena + anyo-nya-avamanyana-a-samuditena + a-kuśala-mūlena + āyuḥ-pramāṇād api parihīyante sma | varṇād api balād api parihīyante sma + iti | atra ca na kadā-cid unnatiḥ kāryā + iti pradarśana-arthaṃ sadā + ity ucyate ||
lābha-sat-kāras tu kadā-cid abhyupagamyate * api | yathā + uktaṃ ārya-ratna-meghe | iha kula-putra bodhi-satvaḥ sumeru-mātram api ratna-rāśiṃ labhamānaḥ pratigṛhṇāti | pratyavaram api vastu pratilabhamānaḥ | tat kasya hetoḥ | tasya + evaṃ bhavati | ete satvā matsariṇo lubdhā lobha-abhibhūtāḥ | tad-dhetoḥ tat-pratyayaṃ tan-nidānaṃ mahā-vāri-skandha-avaṣṭabdā iva saṃsāra-sāgare unmajja-nimajjanaṃ kurvanti | tad eṣāṃ bhaviṣyati dīrgha-rātram arthāya hitāya sukhāya | sarvaṃ pratigṛhya na svī-karoti | na lobha-cittam utpādayati | anyatra sarva-satva-sādhāraṇāṃ buddha-dharma-saṃgheṣu kārāṃ karoti | yathā duṣkhitānāṃ ca sarva-satvānām upajīvyaṃ karoti |taṃ ca dāna-patiṃ samuttejayati saṃpraharṣayati + iti ||
tathā + atra + eva + uktaṃ | tena ca dānena na + unnato bhavati + iti ||
punar atra + eva + āha | yadi punar asya tad-dhetos tat-pratyayaṃ tan-nidānaṃ kīrti-śabda-śloko bhavati tatra na + unnāma-jāto bhavati na māna-jāto na mada-jātaḥ | evaṃ ca + asya bhavati | na cireṇa kālena yasya ca + ayaṃ kīrti-śloka-śabdaḥ samutthito yaiś ca samutthāpito yaś ca kīrti-śabda-ślokas trayam apy etat sarveṇa sarvaṃ na bhaviṣyati | tatra kaḥ paṇḍita-jātīyo * a-nityeṣu na ca sthiteṣu dharmeṣv a-dhruveṣv an-āśvāsikeṣv anunaya-cittam utpādayed unnato bhaven māna-darpito vā | evaṃ hi bodhi-satvo lābha-sat-kāra-kīrti-śabda-ślokeṣu su-upasthita-smṛtir viharati + iti ||
punar āha | caṇḍāla-kumāra-upamāś ca loke viharanti nīca-nīcena manasā | māna-mada-darpa-adhigatāś ca bhavanti paiśunya-saṃjñāyāḥ satata-samitaṃ pratyupasthitatvād iti ||
punar apy uktaṃ | iha kula-putra + abhiniṣkrānta-gṛha-vāsaḥ pravrajito bodhi-satvo mṛtaka-sadṛśo * ahaṃ mitra-amātya-jñāti-sālohitānām iti nihatamāno bhavati | vairūpyaṃ me * abhyudgataṃ vi-varṇāni ca me vāsāṃsi prāvṛtāny anyaś ca me ākalpaḥ saṃvṛtta iti nihatamāno bhavati | muṇḍaḥ pātra-pāṇiḥ kulāt kulam upasaṃkramāmi bhikṣā-hetor bhikṣā-nidānam iti nihatamāno bhavati | nīca-nīcena cittena caṇḍāla-kumāra-sadṛśena piṇḍāya carāmi + iti nihatamāno bhavati | paiṇḍiliko * asmi saṃvṛtaḥ | para-pratibaddhā ca me jīvikā + iti nihatamāno bhavati | avadhūtam avajñātaṃ pratigṛhṇāmi + iti nihatamāno bhavati | ārādhanīyā me ācārya-guru-dakṣiṇīyā iti nihatamāno bhavati | saṃtoṣaṇīyā me sa-brahma-cāriṇo | yad uta tena tena + ācāra-go-cara-samudācāreṇa + iti nihatamāno bhavati | a-pratilabdha-anubaddha-dharmān pratipatsyae iti nihatamāno bhavati | kruddhānāṃ vyāpanna-cittānāṃ satvānāṃ madhye kṣānti-bahulo vihariṣyāmi + iti nihatamāno bhavati + iti ||
ārya-sāgaramati-sūtre * apy uktaṃ | sat-kāya-pariśuddhaś ca bhavati | lakṣaṇa-samalaṃ-kṛta-gātra-mṛdu-taruṇa-hasta-pādaḥ sva-vibhakta-puṇya-niṣyanda-gātro * a-hīna-indriyaḥ sarva-aṅga-praty-aṅga-paripūrṇaḥ | na ca rūpa-mada-matto bhavati | na kāya-maṇḍana-yoga-anuyuktaḥ | sa kiyad * dhīnānām api satvānāṃ rūpa-vikalānām apy avanamati praṇamati dharma-grāhyatām upādāya + iti ||
punar atra + eva + uktaṃ | syād yathā + api nāma bhagavan yadā mahā-sāgaraḥ pratisaṃtiṣṭhate tadā nimne pṛthivī-pradeśe saṃtiṣṭhate | tasya nimnatvād alpa-kṛcchreṇa sarva-nadyaś ca sarva-praśravaṇāni ca prapatanti | evam eva bhagavan nir-mānasya guru-dakṣiṇīya-gauravasya bodhi-satvasya + alpa-kṛcchreṇa tāni gambhīrāṇi dharma-sukhāni śrota-indriyasya + ābhāsam āgacchanti | smṛtau ca + avatiṣṭhante | tasmāt tarhi bhagavan yo bodhi-satvo māna-unnato bhavati māna-stabdhaḥ na ca guru-dakṣiṇīyebhyo * avanamati na praṇamati veditavyaṃ bhagavan māra-aṅkuśa-āviddho vata + ayaṃ bodhi-satva iti ||
ārya-loka-uttara-parivarte ca + uktaṃ | daśa + imāni bho jina-putra bodhi-satvānāṃ māra-karmāṇi | katamāni daśa | yad idaṃ guru-dakṣiṇīya-ācārya-mātā-pitṛ-śramaṇa-brāhmaṇa-samyag-gata-samyak-pratipanneṣv a-gauravatā māra-karma | dharma-bhāṇakānāṃ viśiṣṭa-dharma-adhigatānām udāra-dharma-deśakānāṃ mahā-yāna-samārūḍhānāṃ nirvāṇa-patha-vidhi-jñānāṃ dhāraṇī-sūtra-anta-rāja-pratilabdhānāṃ na + avanamati | garvita-stabdhaś ca bhavati | dharma-bhāṇake na gauravam utpādayati | na śuśrūṣāṃ na citrī-kāraṃ karoti | māra-karma dharma-śravaṇa-sāṃkathye ca niṣaṇṇae udāra-dharma-vege samutpanne dharma-bhāṇakasya sādhu-kāraṃ na prayacchati mā kaś-cid asmin praśaṃsati + iti māra-karma ||
abhimānaṃ ca + utpādya + ātmānaṃ pratigṛhṇāti | parāṃś ca na gṛhṇāti | ātma-jñatāṃ ca na + avatarati | citta-nidhyaptiṃ na + utpādayati | māra-karma ||
adhimānaṃ ca + utpādya + a-jānann a-budhyamāno varṇa-arhāṇāṃ pudgalānāṃ varṇaṃ praticchādayati | a-varṇaṃ bhāṣate | na ca parasya guṇa-varṇena + ātta-manā bhavati | māra-karma ||
jānāti ca | ayaṃ dharmo * ayaṃ vinayo bhūtam idaṃ buddha-vacanam iti | pudgala-vidveṣeṇa dharma-vidveṣaṃ karoti | sad-dharmaṃ pratikṣipati | anyāṃś ca vigrāhayati | māra-karma ||
ucca-mānasaṃ prārthayate parihāra-dharmaṃ na mārgayati | para-upasthānaṃ so * abhiyāti | abhinandati | vṛddha-sthavirāṇāṃ cira-carita-brahma-caryāṇāṃ na pratyupatiṣṭhate na ca pratyudgacchati | māra-karma ||
bhṛkuṭī-mukhaḥ khalu punar bhavati | na smita-mukhaḥ | na khila madhura-vacanaḥ | sadā kaṭhina-cittaś chidra-anveṣī ||
avatāra-prekṣī | māra-karma ||
abhimānaṃ ca patitvā paṇḍitān na + upasaṃkrāmati | na sevate | na bhajate | na paryupāste | na paripraśnayati | na paripṛcchati | kiṃ kuśalaṃ kim a-kuśalaṃ kiṃ karaṇīyaṃ kiṃ kṛtaṃ dīrgha-rātram arthāya hitāya sukhāya bhavati | kiṃ vā + a-kṛtaṃ dīrgha-rātram an-arthāya + a-hitāya + a-sukhāya bhavati + iti | sajaḍaḥ sajaḍataro bhavati | moha-vyūho māna-grāhī | a-niḥsaraṇa-darśī | māra-karma ||
saa māna-abhibhūto buddha-utpādaṃ virāgayati | pūrva-kuśala-mūlaṃ kṣapayati | navaṃ na + utthāpayati | a-nirdeśaṃ nirdiśati | vigraham ārabhate vivāda-bahulaś ca bhavati | sa evaṃ dharma-vihārī sthānam etad vidyate yasmin mithyā mahā-prapātaṃ patet | atha ca punar bodhi-citta-bala-adhīnād aiśvaryaṃ pratilabhate | sa kalpa-śata-sahasreṣu buddha-utpādaṃ na + āsādayati | kutaḥ punar dharma-śravaṇam | idaṃ daśamaṃ māra-karma ||
imāni bho jina-putra daśa māra-karmāṇi | yāni parivarjya bodhi-satvā daśa jñāna-karmāṇi pratilabhante | atra + eva ca jñāna-karmasu pacyate | nir-mānatā sarva-satveṣv iti ||
ārya-rāṣṭrapāla-sūtre * apy uktaṃ | apāya-bhūmiṃ | gatim a-kṣaṇeṣu | daridratāṃ | nīca-kula-upapattim | jāty-andhya-daurbalyam atha + alpa-sthāmatāṃ | gṛhṇanti te māna-vaśena mūḍhāḥ ||
iti ||
dharma-saṃgīti-sūtre * apy uktaṃ | satva-kṣetraṃ bodhi-satvasya buddha-kṣetraṃ yataś ca buddha-kṣetrād buddha-dharmāṇāṃ lābha-āgamo bhavati | na + arhāmi tasmin vipratipattum | evaṃ ca + asya bhavati | sarvaṃ su-caritaṃ duś-caritaṃ ca satvān niśritya pravartate | duś-carita-āśramāc ca + apāyāḥ pravartante | su-carita-āśrayād deva-manuṣyā iti ||
ata eva ratna-ulkā-dhāraṇyām apy uktaṃ | iha bho jina-putrāḥ prathama-citta-utpādiko bodhi-satvaḥ ādita eva sarva-satvānām antike daśa-prakāraṃ cittam utpādayati | katamad daśa-prakāraṃ | tad yathā | hita-cittatāṃ sukha-cittatāṃ dāyā-cittatāṃ snigdha-cittatāṃ priya-cittatāṃ anugraha-cittatāṃ ārakṣā-cittatāṃ sama-cittatāṃ ācārya-cittatāṃ śāstṛ-cittatāṃ | idaṃ daśa-prakāraṃ cittam utpādayati + iti ||
śraddhā-bala-ādhāna-avatāra-mudrā-sūtre * apy uktaṃ | sarva-satvānāṃ śiṣyatva-abhyupagame sthito * asmi | parāṃś ca sarva-satva-śiṣyatva-abhyupagame pratiṣṭhāpayiṣyāmi + ity āśvāsaṃ pratilabhate ||
peyālaṃ ||
sarva-satveṣv avanama-praṇamanatāyāṃ pratiṣṭhito * asmi + iti pūrva-vat ||
tatra + avanamana-praṇamanatāyāṃ sarva-satveṣu nir-mānatā ||
tathā + ārya-vimalakīrti-nirdeśe | pariśuddha-buddha-kṣetra-upapattaye sarva-satveṣu śāstṛ-prema + uktaṃ | loka-prasāda-anurakṣā-arthaṃ tv āsana-pāda-prakhyālana-karma kurvatā + api cetasā strīṣu vā + a-kṣaṇa-prāpteṣu vā vinipatiteṣu bodhi-satvena prema-gaurava-abhyāsaḥ kāryaḥ ||
uktaṃ hi gaṇḍa-vyūhe tasya samanantara-niṣaṇṇasya tasmin mahā-siṃha-āsane sarvaḥ sa jana-kāyo * abhimukhaḥ prāñjali-sthito * abhūt | tam eva rājānaṃ namasyamānaḥ || pe ||
sa khalu sarva-dharma-nirnāda-cchatra-maṇḍala-nirghoṣo rājā teṣāṃ yācanakānāṃ saha darśanena + ātta-manaskataro rājñā + anena ca tri-sāhasra-cakra-varti-rājya-pratilābhena + a-sīma-āprāpta-kalpa-paryavasānena | yāvat śuddha-āvāsa-deva-śānti-vimokṣa-mukha-vihāreṇa + a-paryanta-kalpa-āvasānena | tad yathā kula-putra puruṣasya + eka-anta-tṛṣṇā-caritasya mātā-pitṛ-bhrātṛ-bhaginī-mitra-amātya-jñāti-sālohita-putra-duhitṛ-bhāryā-cira-kāla-viyuktasya + aṭavī-kāntāra-vipraṇaṣṭasya tad-darśana-kāmasya | teṣāṃ samavadhānena mahatī prītir adhyavasānam utpatet tad-darśana-a-vitṛptatayā | evam eva kula-putra rājñaḥ sarva-dharma-nirnāda-cchatra-maṇḍala-nirghoṣasya teṣāṃ yācanakānāṃ saha darśanena mahā-prīti-vegāḥ saṃjātāḥ | citta-tuṣṭi-sukham avakrāntaṃ mahāṃś citta-udagratā-vegaḥ prādur-bhūto yāvat teṣu sarva-yācanakeṣu eka-putraka-saṃjñā mātā-pitṛ-saṃjñā dakṣiṇīya-saṃjñā kalyāṇa-mitra-saṃjñā varṇa-saṃjñā dur-labha-saṃjñā duṣ-kara-kāraka-saṃjñā bahu-kara-saṃjñā parama-upakāri-saṃjñā bodhi-mārga-upastambha-saṃjñā ācārya-śāstṛ-saṃjñā + utpadyeta + iti ||
evam anya-gata-bhāve satvānām agrato-gamana-upasthāna-ādi-prasaṅge sarva-utsargaṃ smaret | eṣām eva + ayam ātmīyaḥ kāyaḥ | yathā-iṣṭam atra vartantām | pṛthivī-śodhana-upalepana-ādiṣv iva sva-sukha-artham iti | atha-vā svāmy--a-prasāda-bhītena + iva tat-prasāda-arthinā + iva tad-ājñā-saṃpādanā manasi kartavyā | bhagavato * apy upasthānaṃ kurvato * anya-gaty-a-bhāvāt | bhikṣuṇā glānena + aṅgī-kṛtaṃ ||
yathā + uktaṃ bhikṣu-prakīrṇake | bhagavān āha | mā bhāya bhikṣu mā bhāya bhikṣu | ahaṃ te bhikṣu + upasthāsyaṃ | āhara bhikṣu cīvarāṇi yāvat te dhopāmi | evam ukte āyuṣmān ānando bhagavantam etad avocat | mā bhagavān etasya glānasya + a-śuci-mraks.itāni cīvarāṇi dhovatu | ahaṃ bhagavan dhoviṣyaṃ | bhagavān āha | tena hy ānanda tvam etasya bhikṣusya cīvarāṇi dhova | tathā-gato udakam āsiñciṣyati | atha khalv āyuṣmān ānando tasya glānasya bhikṣusya cīvarāṇi dhovati | bhagavān udakam āsiñcati || pe ||
atha khalv āyuṣmān ānandas taṃ glānaṃ bhikṣuṃ sādhu ca suṣṭhu ca + anuparigṛhya bahir-dhā haritvā snāpayet | bhagavān udakam āsiñcati + iti | āha ca| yān ārādhya mahat tvaṃ virādhya kaṣṭāṃ vipattim āpnoti | prāṇa-parityāgair api teṣāṃ nanu toṣaṇaṃ nyāyyaṃ ||
ete te vai satvāḥ prasādya yān siddham āgatā bahavaḥ | siddhi-kṣetraṃ na + anyat satvebhyo vidyate jagati ||
ete cintā-maṇayo bhadra-ghaṭā dhenavaś ca kāma-dughāḥ | guru-vac ca devatā + iva ca tasmād ārādhanīyās te ||
kiṃ ca niś-chadma-bandhūnām a-prameya-upakāriṇām | satva-ārādhanam utsṛjya niṣ-kṛtiḥ kā parā bhavet ||
śirasā dhārayām āsa purā nātho yathā-īpsitam | jaṭā-sv-adhyuṣitān satvān bhūtvā yatnena niś-calaḥ ||
bhindanti dehaṃ praviśanty avīcīm yeṣāṃ kṛte tatra kṛte kṛtaṃ syāt ||
mahā-apakāriṣv api tena sarvaṃ kalyāṇam eva + ācaraṇīyam eṣu ||
svayaṃ mama svāmina eva tāvad yad artham ātmany api nir-vyapekṣāḥ | ahaṃ kathaṃ svāmiṣu teṣu teṣu karomi mānaṃ na tu dāsa-bhāvam ||
yeṣāṃ sukhe yānti mudaṃ muni-indrāḥ yeṣāṃ vyathāyāṃ praviśanti manyum | tat-toṣaṇāt sarva-muni-indra-tuṣṭis tatra + apakāre * apakṛtaṃ munīnāṃ ||
ādīpta-kāyasya yathā samantān | na sarva-kāmair api saumanasyam | satva-vyathāyām api tad-vad eva na prīty-upāyo * asti mahā-kṛpāṇām ||
tasmān mayā yaj-jana-duṣkhanena | duṣkhaṃ kṛtaṃ sarva-mahā-dayānāṃ | tad adya pāpaṃ pratideśayāmi yat-kheditās te munayaḥ kṣamantām ||
ārādhanāya + adya tathā-gatānāṃ sarva-ātmanā dāsyam upaimi loke | kurvantu me mūrdhni padaṃ jana-oghāḥ nighnantu vā tuṣyatu loka-nāthāḥ ||
ātmī-kṛtaṃ sarvam idaṃ jagat taiḥ kṛpā-ātmabhir na + eva hi saṃśayo * atra | dṛśyantae ete nanu satva-rūpās | tae eva nāthāḥ kim an-ādaro * atra ||
tathā-gata-ārādhanam etad eva sva-arthasya saṃsādhanam etad eva | lokasya duṣkha-apaham etad eva tasmān mama + astu vratam etad eva ||
yathā + eko rāja-puruṣaḥ pramathnāti mahā-janaṃ | vikaroti na śaknoti dīrgha-darśī mahā-janaḥ ||
yasmān na + eva sa ekākī tasya rāja-balaṃ balaṃ | tathā na dur-balaṃ kaṃ-cid aparāddhaṃ vimānayet ||
yasmān naraka-pālāś ca kṛpāvantaś ca tad-balaṃ | tasmād ārādhayet satvān bhṛtyaś caṇḍa-nṛ-paṃ yathā ||
kupitaḥ kiṃ nṛ-paḥ kuryād yena syān naraka-vyathā | yat-satva-daurmanasyena kṛtena hy anubhūyate ||
tuṣṭaḥ kiṃ nṛ-patir dadyād yad buddhatva-samaṃ bhavet | yat satva-saumanasyena kṛtena hy anubhūyate ||
āstāṃ bhaviṣyad-buddhatvaṃ satva-ārādhana-saṃbhavaṃ | iha + eva saubhāgya-yaśaḥ sausthityaṃ kiṃ na paśyasi ||
prāsādikatvam ārogyam prāmodyaṃ cira-jīvitaṃ | cakra-varti-sukhaṃ sphītaṃ kṣamī prāpnoti saṃsaran ||
maitrā-āśayaś ca yat pūjyaḥ satva-māhātmyam eva tat | buddha-prasādād yat puṇyaṃ buddha-māhātmyam eva tat ||
ata eva hi candra-pradīpa-sūtre maitrī-bhāva-phalam udbhāvitam | yāvanti pūjāṃ bahu-vidha a-prameyāḥ | kṣetraṃ śateṣu niyuta ca bimbareṣū | tāṃ pūja kṛtvā a-tuliya-nāyakānāṃ | saṃkhyā-kalāpī
[doubtful]
na bhavati maitra-citte ||
tasmād evaṃ-vidheṣu mahā-dakṣiṇīyeṣu + unnatiṃ varjayet sadā | eṣā ca + unnatir a-yoniśo-manas-kārāt saṃbhavati + iti ||
tasya + an-avatāre yatnaḥ kāryaḥ | yathā + uktaṃ ratna-meghe | kathaṃ ca kula-putra bodhi-satvo * a-yoniśo-manas-kāra-apagato bhavati | iha bodhi-satva ekākī raho-gataḥ praviveka-sthito na + evaṃ cittam utpādayati | ahaṃ a-saṃkīrṇa-vihārī | ahaṃ praviveka-sthitaḥ | ahaṃ pratipannas tāthāgate dharma-vinaye | ye tv anye śramaṇā vā brāhmaṇā vā sarve te saṃkīrṇa-vihāriṇaḥ | saṃsarga-bahulā uddhurās tāthāgatād dharma-vinayāt ||
evaṃ hi bodhi-satvo * a-yoniśo-manas-kāra-apagato bhavati ||
punar atra + eva + uktam | iha bodhi-satvo vīryam ārabhamāṇo na tan mahad vīryam āsvādayati | na ca tena vīryeṇa + ātmānam utkarṣayati | na parān paṃsayati | tasya + evaṃ bhavati | ko hi nāma sa-prajña-jātīyaḥ sva-karma-abhiyuktaḥ parāṃś codayet ||
evaṃ hi bodhi-satvo * an-unnata-vīryo bhavati ||
eṣa tu puṇya-rakṣāyāḥ saṃkṣepo yad bodhi-pariṇāmanā ||
tathā hy uktam ārya-akṣayamati-sūtre | na hi bodhi-pariṇāmitasya kuśala-mūlasya + antarā kaś-cit parikṣayo yāvad bodhi-maṇḍa-niṣadanāt | tad yathā + api nāma bhadanta śāradvatīputra mahā-samudra-patitasya + udaka-bindor na + antarā + asti kṣayo yāvan na kalpa-paryavasāna | iti ||
iti śikṣā-samuccaye bhoga-puṇya-rakṣā saptamaḥ paricchedaḥ ||
[VIII. pāpaśodhana]
pāpa-śodhanaṃ aṣṭamaḥ paricchedaḥ | uktā trayāṇām apy ātma-bhāva-ādīnāṃ rakṣā | śuddhir adhunā vaktavyā | kim artham | śodhitasya + ātma-bhāvasya bhogaḥ pathyo bhaviṣyati | samyak-siddhasya bhaktasya niṣ-kaṇasya + iva dehinām ||
yathā + uktam ārya-tathā-gata-guhya-sūtre | yāni ca tāni mahā-nagareṣu mahā-śmaśānāni bhavanty an-eka-prāṇi-śata-sahasra-ākīrṇāni | tatra + api sa bodhi-satvo mahā-satvo mahāntam ātma-bhāvaṃ mṛtaṃ kāla-gatam upadarśayati | tatra te tiryag-yoni-gatāḥ satvā yāvad arthaṃ māṃsaṃ paribhujya + āyuḥ-paryante mṛtāḥ kāla-gatāḥ su-gatau svarga-loke deveṣu + upapadyante | sa ca + eva teṣāṃ hetur bhavati yāvat parinirvāṇāya | yad idaṃ | tasya + eva bodhi-satvasya pūrva-praṇidhāna-pariśuddhyā | yena dīrgha-rātram evaṃ praṇidhānaṃ kṛtaṃ | ye me mṛtasya kāla-gatasya māṃsaṃ paribhuñjīran | sa eva teṣāṃ hetur bhavet svarga-utpattaye yāvat parinirvāṇāya tasya śīlavataḥ | ṛdhyati cetanā | ṛdhyati prārthanā | ṛdhyati praṇidhānam iti ||
punar atra + eva + uktaṃ | sa dharma-kāya-prabhāvito darśanena + api satvānām arthaṃ karoti | śravaṇena + api sparśanena + api satvānām arthaṃ karoti | tad yathā + api nāma śāntamate jīvakena vaidya-rājena sarva-bhaiṣajyāni samudānīya bhaiṣajya-taru-saṃhātam ayaṃ dārikā-rūpaṃ kṛtaṃ prāsādikaṃ darśanīyaṃ su-kṛtaṃ su-niṣṭhitaṃ su-parikarma-kṛtaṃ | sā + āgacchati gacchati tiṣṭhati niṣīdati śayyāṃ ca kalpayati | tatra ye āgacchanty āturā mahā-ātmāno rājāno vā rāja-mātrā vā śreṣṭhi-gṛha-paty-amātya-koṭṭa-rājāno vā | tān sa jīvako vaidya-rājas tayā bhaiṣajya-dārikayā sārddhaṃ saṃyojayati | teṣāṃ samanantara-saṃyogam āpannānāṃ sarva-vyādhayaḥ prasrabhyante * a-rāgāś ca bhavanti sukhino nir-vikārāḥ | paśya śāntamate jīvakasya vaidya-rājasya laukika-vyādhi-cikitsā-jñānaṃ yady anyeṣāṃ vaidyānāṃ saṃvidyate | evam eva śāntamate tasya dharma-kāya-prabhāvitasya bodhi-satvasya yāvantaḥ satvāḥ strī-puruṣa-dāraka-dārikā rāga-doṣa-moha-saṃtaptāḥ kāyaṃ spṛśanti | teṣāṃ saṃspṛṣṭa-mātrāṇāṃ sarva-kleśāḥ prasrabhyante vigata-saṃtāpaṃ ca kāyaṃ saṃjānanti ||
yad idaṃ tasya + eva bodhi-satvasya pūrva-praṇidhāna-su-pariśuddhatvāt | etad-artham ātma-bhāvaḥ śodhyaḥ ||
kiṃ ca a-śodhane doṣam āha |tṛṇa-channaṃ yathā śasyaṃ rogaiḥ sīdati na + edhate | buddha-aṅkuras tathā vṛddhiṃ kleśa-channo na gacchati ||
prati-pakṣa-nirāsena vṛddhy-arthaṃ ca + ity abhiprāyaḥ ||
ātma-bhāvasya kā śuddhiḥ | pāpa-kleśa-viśodhanaṃ | saṃbuddha-ukty-artha-sāreṇa | yatna-a-bhāve tv apāya-gaḥ ||
tatra pāpa-śodhanaṃ catur-dharmaka-sūtre deśitaṃ | caturbhir maitreya dharmaiḥ samanvāgato bodhi-satvo mahā-satvaḥ kṛta-upacitaṃ pāpam abhibhavati | katamaiś caturbhiḥ | yad uta | vidūṣaṇa-a-samudācāreṇa prati-pakṣa-samudācāreṇa | praty-āpatti-balena | āśraya-balena ca ||
tatra vidūṣaṇa-a-samudācāro * a-kuśalaṃ karma + adhyacārati tatra tatra + eva ca vipratisāra-bahulī bhavati ||
tatra prati-pakṣa-samudācāraḥ kṛtvā + apy a-kuśalaṃ karma kuśale karmaṇy aty-artha-abhiyogaṃ gataḥ ||
praty-āpatti-balaṃ saṃvara-samādānād a-karaṇa-saṃvara-lābhaḥ ||
tatra + āśraya-balaṃ buddha-dharma-saṃgha-śaraṇa-gamanam an-utsṛṣṭa-bodhi-cittatā ca | su-balavat-saṃniśrayeṇa na śakyate pāpena + abhibhavituṃ | ebhir maitreya caturbhir dharmaiḥ samanvāgato bodhi-satvo mahā-satvaḥ kṛta-upacitaṃ pāpam abhibhavati + iti ||
tatra kathaṃ vidūṣaṇa-a-samudācāro bhāvayitavyaḥ | yathā suvarṇa-prabhāsa-uttama-sūtre * abhihitaṃ ||
samanvāharantu māṃ buddhāḥ kṛpā-kāruṇya-cetasaḥ | ye ca daśa-diśi loke tiṣṭhanti dvi-pada-uttamāḥ ||
yac ca me pāpakaṃ karma kṛtaṃ pūrvaṃ su-dāruṇaṃ | tat sarvaṃ deśayiṣyāmi sthito daśa-bala-agrataḥ ||
mātā-pitṝn a-jānatā buddhānām a-prajānatā | kuśalaṃ ca + a-prajānatā yat tu pāpaṃ kṛtaṃ mayā ||
aiśvarya-mada-mattena kula-bhoga-madena ca | tāruṇya-mada-mattena yat tu pāpaṃ kṛtaṃ mayā ||
duś-cintitaṃ dur-uktaṃ ca duṣ-kṛtena + api karmaṇā | an-ādīnava-darśinā yat tu pāpaṃ kṛtaṃ mayā ||
bāla-buddhi-pracāreṇa a-jñāna-āvṛta-cetasā | pāpa-mitra-vaśāc ca + eva kleśa-vyākula-cetasā ||
krīḍā-rati-vaśāc ca + eva śoka-roga-vaśena vā | a-tṛpta-dhana-doṣeṇa yat tu pāpaṃ kṛtaṃ mayā ||
an-ārya-jana-saṃsargair īrṣyā-mātsarya-hetunā | śāṭhya-dāridrya-doṣeṇa yat tu pāpaṃ kṛtaṃ mayā ||
vyasana-āgama-kāle * asmin kāmānāṃ bhaya-hetunā | an-aiśvarya-gatena + api yat tu pāpaṃ kṛtaṃ mayā ||
cala-citta-vaśena + eva kāma-krodha-vaśena vā | kṣut-pipāsa-ārditena + api yat tu pāpaṃ kṛtaṃ mayā ||
pāna-arthaṃ bhojana-arthaṃ ca vastra-arthaṃ strīṣu hetunā | vicitraiḥ kleśa-saṃtāpair yat tu pāpaṃ kṛtaṃ mayā ||
kāya-vāṅ-manasāṃ pāpaṃ tridhā duś-caritaṃ cittaṃ | yat kṛtam īdṛśai rūpais tat sarvaṃ deśayāmy aham ||
yat tu buddheṣu dharmeṣu śrāvakeṣu tathā + eva ca | a-gauravaṃ kṛtaṃ syād * dhi tat sarvaṃ deśayāmy aham ||
yat tu praty-eka-buddheṣu bodhi-satveṣu vā punaḥ |a-gauravaṃ kṛtaṃ syād * dhi tat srvaṃ deśayāmy aham ||
sad-dharma-bhāṇakeṣv eva anyeṣu guṇavatsu vā | a-gauravaṃ kṛtaṃ syād * dhi tat sarvaṃ deśayāmy aham ||
sad-dharmaḥ pratikṣiptaḥ syād a-jñānaṃ tena me sadā | mātā-pitṛṣv a-gauravaṃ tat sarvaṃ deśayāmy aham ||
mūrkhatvena bālatvena māna-darpa-āvṛtena ca | rāga-dveṣeṇa mohena tat sarvaṃ deśayāmy aham ||
vyavalokayantu māṃ buddhāḥ samanvāhṛta-cetasaḥ | atyayaṃ pratigṛhṇantu kāruṇya-arpita-cetasaḥ ||
yat tu pāpaṃ kṛtaṃ pūrvaṃ mayā kalpa-śateṣu ca | tasya + arthaṃ śoka-citto * ahaṃ krpaṇīyo bhaya-ārditaḥ ||
bhavāmi pāpa-karmāṇāṃ satataṃ dīna-mānasaḥ | yatra yatra cariṣyāmi na ca + asti me balaṃ kva-cit ||
sarve kāruṇikā buddhāḥ sarve bhaya-harā jage | atyayaṃ pratigṛhṇantu mocayantu ca māṃ bhayāt ||
kleśa-karma-phalaṃ mahyaṃ pravāhayantu tathā-gatāḥ | snāpayantu ca māṃ buddhāḥ kāruṇya-sarita-udakaiḥ ||
sarvaṃ pāpaṃ deśayāmi yat tu pūrvaṃ kṛtaṃ mayā | yac ca etarhi me pāpaṃ tat sarvaṃ deśayāmy aham ||
āyatyāṃ saṃvaram āpadye sarva-duṣ-kṛta-karmaṇām | na chādayāmi tat pāpaṃ yad bhaven mama duṣ-kṛtam ||
tri-vidhaṃ kāyikaṃ karma vacasā ca catur-vidham | manasā tri-prakāreṇa tat sarvaṃ deśayāmy aham ||
kāya-kṛtaṃ vāca-kṛtaṃ manasā ca vicintitaṃ | kṛtaṃ daśa-vidhaṃ karma tat sarvaṃ deśayāmy aham ||
yac ca me pāpakaṃ karma an-iṣṭa-phala-dāyakaṃ | tat sarvaṃ deśayiṣyāmi buddhānāṃ purataḥ sthitaḥ ||
bhava-gati-saṃkaṭe bāla-buddhinā pāpaṃ yan me kṛtaṃ su-dāruṇam | daśa-balam agrataḥ sthitaḥ tat sarvaṃ pāpaṃ pratideśayāmi | deśayāmi ca tat pāpaṃ yan mayā saṃcitaṃ janma-saṃkaṭe vividhaiḥ kāya-pracāra-saṃkaṭair bhava-saṃkaṭa-loka-saṃkaṭe cāpala-cala-citta-saṃkaṭe mūrkha-bāla-kṛta-kleśa-saṃkaṭe | pāpa-mitra-āgama-saṃkaṭe ca | bhaya-saṃkaṭa-rāga-saṃkaṭe doṣa-moha-tama-saṃkaṭair api kṣaṇa-saṃkaṭe kāla-saṃkaṭe puṇya-upārjana-saṃkaṭair api | jina-saṃkaṭa-saṃmukha-sthitaḥ | tat sarva-pāpaṃ pratideśayāmi ||
viśeṣatas tu bodhi-satva-āpattīnāṃ gurvīṇāṃ laghvīnāṃ deśanā + ārya-upāli-paripṛcchāyām uktā | kā punar gurvī mūla-āpattiḥ ||
sāmānyatas tu tatra + uktaṃ | saced upāle mahā-yāna-saṃprasthito bodhi-satvo mahā-satvo gaṅgā-nadī-vālika-upamā rāga-pratisaṃyuktā āpattīr āpadyeta | yāṃ ca + ekato dveṣa-saṃprayuktām āpattim āpadyeta bodhi-satva-yānaṃ pramāṇī-kṛtya || pe ||
iyaṃ tābhyo gurutarā āpattir yā + iyaṃ dveṣa-saṃyuktā | tat kasya hetoḥ | yo * ayaṃ dveṣa upāle satva-parityāgāya saṃvartate | rāgaḥ satva-saṃgrahāya saṃvartate | tatra + upāle yaḥ kleśaḥ satva-saṃgrahāya saṃvartate | na tatra bodhi-satvasya chalaṃ na bhayaṃ || pe ||
tasmāt tarhi tvām upāle yāḥ kāś-cana rāga-pratisaṃyuktā āpattayaḥ sarva-s tā an-āpattaya iti vadāmi | ko * atra + abhiprāyaḥ | satva-saṃgrahasya + eva pūrvam eva viśeṣitatvād | adhyāśaya-kṛpāvato hy ayam upadeśaḥ ||
yasmād an-antaram āha | tatra + upāle ye * an-upāya-kuśalā bodhi-satvās te rāga-pratisaṃyuktābhya āpattibhyo bibhyati | ye punar upāya-kuśalā bodhi-satvās te dveṣa-saṃprayuktābhya āpattibhyo bibhyati na rāga-pratisaṃyuktābhya iti ||
ke punar upāya-kuśalāḥ | ye prajñā-kṛpābhyāṃ satva-tyāgān nivāryante | ubhayathā hi satva-tyāgo bhavati | kevala-prajñayā duṣkha-śūnyatā-avabodhāt | kevalayā ca kṛpayā kleśa-balād a-cireṇa kṛpā-hāniḥ ||
yad uktam upāya-kauśalya-sūtre | tad yathā kula-putra maṃtra-vidyā-dharaḥ puruṣo rājñā pañca-pāśakena bandhanena baddhaḥ syāt | sa yadā kāṅkṣeta prakramaṇāya tadā + eka-mantra-vidyā-balena sarva-bandhanāni chittvā prakramet | evam eva kula-putra + upāya-kuśalo bodhi-satvaḥ pañcabhiḥ kāma-guṇai ratiṃ vindati taiś ca + ākīrṇo viharati | yadā ca punar ākāṅkṣate tadā prajñā-bala-adhīnena ekena ca sarva-jñatā-cittena sarva-kāma-guṇān prabhujya cyuto brahma-lokae upapadyatae iti ||
dveṣe * api kiṃ na + evam iṣyate | prakṛti-mahā-sa-avadyatvāt | kṛpā-vaikalye ca + upāyasya + eva + a-saṃbhavāt ||
para-artha-siddhiṃ vā sva-arthād gurutarām adhimucyamānaḥ kopa-paravattayā + api param anuśāsya-anutāpa-pūrvakam āyatyāṃ saṃvaram utpadyate | a-hita-nivārake krodhe ko doṣaḥ | avakāśa-dānena tad-vāsanā-doṣāt kṛpā-hāni-doṣaḥ | tac-chedena mūla-ccheda-doṣa iti paścād darśayiṣyāmaḥ | yady api tasya satvasya tad-dhitaṃ tathā + api bodhi-satva-kṛpā-hānyā mahataḥ satva-artha-anubandhasya hāniḥ syāt ||
ārya-satyake parivartte * api putra-dṛṣṭa-antaḥ karuṇā-adhiṣṭhita eva veditavyaḥ | yaś ca tatra + api kṛpā-pratiṣedhaḥ sa loka-artha-pāṇḍityena loka-āvarjana-arthaṃ | nivāryamāṇaś ca yadi hita-kāme bodhi-satve pratighaṃ labheta sa bodhi-satvaḥ syād ubhayor an-arthaḥ ||
rāge * api tarhi doṣaḥ paṭhyate | kāma-anuṣevaṇi bhoti andha manu-jo | mātā-pitṛ-ghātayī | kāmān sevatu śīlavantu vadhayī | tasmād vivarjet sadā iti ||
sva-saukhya-saṃgena ca para-duṣkha-upekṣā dṛṣṭā ||
satyaṃ dṛṣṭā | yena para-duṣkhaṃ sva-duṣkhatayā na + abhyastaṃ | yena tv abhyastaṃ | tasya + ubhaya-doṣa-a-saṃbhavaḥ ||
yathā + uktaṃ candra-pradīpa-sūtre | tad yathā + api nāma + ānanda kaś-cid eva puruṣo * adhastāt pāda-talam ādāya yāvan murddhany ādīpto bhavet | saṃprajvalita eka-jvalī-bhu-tas taṃ kaś-cid eva puruṣa upasaṃkramya evaṃ vaded | ehi tvāṃ bhoḥ puruṣa nirvāpitena + ātma-bhāvena pañcabhiḥ kāma-guṇaiḥ samarpitaḥ samanvaṅgī-bhūtaḥ krīḍasva ramasva paricārayasva + iti | tat kiṃ manyase ānanda | api tu sa puruṣo * a-nirvāpitena + ātma-bhāvena pañcabhiḥ kāma-guṇaiḥ krīḍeta ramet paricaret ||
ānanda āha ||
na + u hi + idaṃ bhagavan ||
g
bhagavān āha | krīḍeta + ānanda sa puruṣo ramet paricaret parikalpam upādāya + a-parinirvāpitena + ātma-bhāvena pañcabhiḥ kāma-guṇaiḥ samarpitaḥ samanvaṅgī-bhūto | na tv evaṃ tathā-gatasya pūrvaṃ bodhi-satva-caryāṃ caramāṇasya satvān tribhir apāyair duṣkhitān dṛṣṭvā daridrān abhūt saumanasyaṃ vā citta-prasādo vā + iti vistaraḥ ||
loke * api putre śūlam āropyamāṇe | paśyator mātā-pitror na sva-saukhya-saṃgo dṛṣṭaḥ sva-anurūpa-kṛpā-vaśāt | pracchannas tarhi sa-svāmikāsu ni-svāmikāsu bāhula-dharma-dhvaja-rakṣitāsu kāma-mithyā-ācāro na syāt | sati satva-arthe satva-an-upaghāte ca + anubandhaṃ nirūpya + a-doṣaḥ ||
samyag-brahma-cāriṇīṣu kṛta-arthatvād dūrāt parihāraḥ | pūjyā ca mātṛ-bhaginy--ādi-vat | evaṃ tarhi bhikṣor apy evam āpannaṃ | na tasya + a-pareṇa brahma-carya-prakāreṇa satva-artha-sādhanāt ||
tathā hy uktam ārya-akṣayamati-sūtre | kāla-a-kāle punar anena + upekṣā karaṇīyā + iti ||
atha tato * apy adhikaṃ satva-arthaṃ paśyet | śikṣāṃ nikṣipet ||
upāya-kauśalya-sūtre jyotir-māṇavakaṃ dvācatvāriṃśad-varṣa-sahasra-brahma-cāriṇam adhikṛtya saptame pade sthitasya kāruṇyam utpadyeta | kiṃ ca + apy aham idaṃ vrataṃ khaṇḍayitvā niraya-parāyaṇaḥ syāṃ | tathā + apy utsahe * ahaṃ nairayikaṃ duṣkhaṃ prativedayitum atha ca + iyaṃ strī sukhitā bhavatu | mā kālaṃ karotu | iti hi kula-putra jyotir-māṇavakaḥ paścān-mukho nivartya tāṃ striyaṃ dakṣiṇena pāṇinā gṛhītvā + evam āha | uttiṣṭha bhagini yathā-kāma-karaṇīyas te bhavāmi + iti || pe ||
so * ahaṃ kula-putra mahā-kāruṇya-citta-utpādena + itvareṇa kāma-upasaṃhitena daśa-kalpa-sahasrāṇi paścān-mukham akārṣam | paśya kula-putra yad anyeṣāṃ niraya-saṃvartanīyaṃ karma | tad upāya-kuśalasya bodhi-satvasya brahma-loka-upapatti-saṃvartanīyam iti ||
punar atra + eva + āha | yadi bodhi-satva ekasya satvasya kuśala-mūlaṃ saṃjanayet tathā-rūpāṃ ca + āpattim āpadyeta yathā-rūpayā + āpattyā + āpannayā kalpa-śata-sahasraṃ niraye pacyeta | utsoḍhavyam eva bhagavan bodhi-satvena + āpattim āpattuṃ tac ca nairayikaṃ duṣkhaṃ | na tv eva tasya + ekasay satvasya kuśalaṃ parityaktum iti ||
punar atra + eva + āha | iha kula-putra + upāya-kuśalo bodhi-satvo yadā kadā-cit kasmiṃś-cit pāpa-mitra-vaśena + āpattim āpadyeta | sa itaḥ pratisaṃśikṣate | na mayā + ebhiḥ skandhaiḥ parinirvāpayitavyaṃ | mayā punar evaṃ saṃnāhaḥ saṃnaddhavyaḥ | a-para-anta-koṭiḥ saṃsaritavyā satvānāṃ paripācana-hetor iti | na mayā citta-dāhaḥ karaṇīyo | yathā yathā saṃsariṣyāmi tathā tathā satvān paripācayiṣyāmi | api tv etāṃ ca + āpattiṃ yathā-dharmaṃ pratikariṣyāmi | āyatyāṃ saṃvaram āpatsye | sacet kula-putra pravrajito bodhi-satvaḥ parikalpam ādāya sarvāś catasro mūla-āpattīr atikramed anena ca + upāya-kauśalyena vinodayed | an-āpattiṃ bodhi-satvasya vadāmi + iti ||
sphuṭaṃ ca + ārya-ratna-meghe ānantarya-cikīrṣu-puruṣa-māraṇa-anujñānāt ||
śrāvaka-vinaye * api mūla-āpatti-sthānae eva kāruṇyān mṛga-ādi-mokṣaṇe * an-āpattir uktā + eva ||
ayaṃ ca rāge guṇo yad bodhi-satve rāgam utpādya su-gatir labhyate | na tu krodhena ||
yathā + uktam upāya-kauśalya-sūtre | priyaṃkare bodhi-satve raktā ... dhavyottarāṃ dārikām adhikṛtya | priyaṃkarasya praṇidheḥ punaḥ punar yā istri prekṣeta sa-rāga-cittā | sā istri-bhāvaṃ parivarjayitvā puruṣo bhavet yādṛg udāra-satvaḥ ||
paśyasva ānanda guṇā + asya īdṛśāḥ | yena + anya-satvā nirayam vrajanti | tena + eva śūreṣu janitva rāgaṃ gacchanti svargaṃ puruṣatvam eva ca || pe ||
bhaiṣajya-rājeṣu mahā-yaśeṣu | ko bodhi-satveṣu janayeta dveṣam | yesāṃ kileśo * api sukhasya dāyakaḥ | kiṃ vā punar yaḥ tān sat-kareyā | iti ||
evam anyasmin satva-artha-upāye sati rāga-ja-āpattir an-āpattir uktā ||
upāya-kauśalya-sūtre ca gaṇikā-vat kṛta-artho bodhi-satvo nir-apekṣas taṃ satvaṃ tyajati + iti vistareṇa + uktam ||
a-labdha-bhūmeś ca ṣaṭ-pāramitāsu caritavata iyaṃ cintā | na + itarasya + ity āstāṃ prāsaṅgikam ||
tasmād dveṣasya + avakāśo na deya | uktaṃ hy upāli-paripṛcchāyāṃ | bodhi-satvānāṃ śāriputra dve mahā-sa-avadye āpattī | katame dve | dveṣa-saha-gatā moha-saha-gatā ca + iti | tatra śāriputra prathamā āpattir daśa-varge ṛjukena deśayitavyā | hasta-āpattiḥ pañca varge gurvī deśayitavyā | striyā hasta-grahaṇaṃ cakṣur-darśanaṃ | duṣṭa-citta-āpattir eka-pudgalasya dvayor vā śāriputra tāṃ gurvīṃ daśayet | pañca + ānantarya-samanvāgatā + āpattir bodhi-satvena stry--āpattir dārikā-āpattir hasta-āpattiḥ stūpa-āpattiḥ saṃgha-āpattis tathā + anyāś ca + āpattayo bodhi-satvena na pañcatriṃśatāṃ buddhānāṃ bhagavatām antike rātriṃ-divaṃ ekākinā gurvyo deśayitavyāḥ ||
tatra + iyaṃ deśanā | aham evaṃ-nāmā buddhaṃ śaraṇaṃ gacchāmi | dharmaṃ śaraṇaṃ gacchāmi | saṃghaṃ śaraṇaṃ gacchāmi ||
namaḥ śākya-munaye tathā-gatāya + arhate samyak-saṃbuddhāya | namo vajra-pramardine | namo ratna-arciṣe | namo nāga-īśvara-rājāya | namo vīra-senāya | namo vīra-nandine | namo ratna-śriye | namo ratna-candra-prabhāya | namo * a-mogha-darśine | namo ratna-candrāya | namo nir-malāya | namo vi-malāya | namaḥ śūra-dattāya | namo brahmaṇe | namo brahma-dattāya | namo varuṇāya | namo varuṇa-devāya | namo bhadra-śriye | namaś chandana-śriye | namo * an-anta-ojase | namaḥ prabhāsa-śriye | namo * a-śoka-śriye | namo nārāyaṇāya | namaḥ kusuma-śriye | namo brahma-jyotir-vikrīḍita-abhijñāya tathā-gatāya | namo dhana-śriye | namaḥ smṛti-śriye | namaḥ su-parikīrtita-nāma-dheya-śriye | nama indra-ketu-dhvaja-rājāya | namaḥ su-vikrānta-śriye | namo vicitra-saṃkramāya | namo vikrānta-gāmine | namaḥ samanta-avabhāsa-vyūha-śriye | namo ratna-padma-vikrāmiṇe | namo ratna-padma-su-pratiṣṭhita-śaila-indra-rājāya tathā-gatāya + arhate samyak-saṃbuddhāya ||
evaṃ-pramukhā yāvantaḥ sarva-loka-dhātuṣu tathā-gata-arhantaḥ samyak-saṃbuddhās tiṣṭhanti dhriyante yāpayanti | te māṃ samanvāharantu buddhā bhagavanto yan mayā + asyāṃ jātau anyāsu vā jātiṣv an-avara-agre jāti-saṃsāre saṃsaratā
[doubtful]
pāpakaṃ karma kṛtaṃ syāt kāritaṃ vā kriyamāṇaṃ vā + anumoditaṃ bhavet | staupikaṃ vā sāṅghikaṃ vā dravyam apahṛtaṃ syāt hāritaṃ vā hriyamāṇaṃ vā + anumoditaṃ bhavet | pañca-an-antaryāṇi kṛtāni syuḥ kāritāni vā kriyamāṇāni vā + anumoditāni bhaveyuḥ | daśa-a-kuśalān karma-pathān samādāya vartitaṃ syāt pare vā samādāpitāḥ syur vartamānā vā + anumoditā bhaveyur yena karma-āvaraṇena + āvṛto * ahaṃ nirayaṃ vā gaccheyaṃ tiryag-yoniṃ vā yama-viṣayaṃ vā gaccheyaṃ praty-anta-jana-padeṣu mleccheṣu vā pratyājāyeyaṃ dīrgha-āyuṣkeṣu deveṣu + upapadyeyam indriya-vikalatāṃ vā + adhigaccheyaṃ mithyā-dṛṣṭiṃ vā + upagṛhṇīyāṃ buddha-utpādaṃ vā virāgayeyaṃ | tat sarvaṃ karma-āvaraṇaṃ teṣāṃ buddhānāṃ bhagavatāṃ jñāna-bhūtānāṃ cakṣur-bhūtānāṃ sa-akṣi-bhūtānāṃ pramāṇa-bhūtānāṃ jānatāṃ paśyatām agrataḥ pratideśayāmi āviṣ-karomi na praticchādayāmy āyatyāṃ saṃvaram āpadye | samanvāharantu māṃ te buddhā bhagavanto yan mayā + asyāṃ jātāv anyāsu vā jātiṣv an-avara-agre vā jāti-saṃsāre saṃsaratā dānaṃ dattaṃ bhaved antaśas tiryag-yoni-gatāya + apy ālopaḥ śīlaṃ vā rakṣitaṃ bhaved yac ca me brahma-carya-vāsa-kuśala-mūlaṃ yac ca me satva-paripāka-kuśala-mūlaṃ yac ca me bodhi-citta-kuśala-mūlaṃ yac ca me * an-uttara-jñāna-kuśala-mūlaṃ tat sarvam aikadhyaṃ piṇḍayitvā tulayitvā + abhisaṃkṣipya + an-utt arāyāṃ samyak-saṃbodhau uttara-uttarayā pariṇāmanayā yathā pariṇāmitam atītair buddhair bhagavadbhir yathā pariṇāmayiṣyanty an-āgatā buddhā bhagavanto yathā pariṇamanty etarhi daśasu dikṣu praty-utpannā buddhā bhagavantaḥ | tathā + aham api pariṇāmayāmi | sarvaṃ puṇyam anumodayāmi | sarvān buddhān adhyeṣayāmi | bhavatu me jñānam an-uttaram | ye ca + abhyatītās tathā + api ca ye an-āgatā ye ca + api tiṣṭhanti nara-uttamā jināḥ | an-anta-varṇān guṇa-sāgara-upamān upaimi sarvān śaraṇaṃ kṛta-añjaliḥ | ye bodhi-satvāḥ karuṇa-balair upetā vicarati loke satva-hitāya śūrāḥ trāyantu te māṃ sada-pāpa-kāriṇaṃ
[doubtful]
| śaraṇaṃ yāmi tān buddha-bodhi-satvān ||
iti hi śāriputra bodhi-satvena + imān pañcatriṃśato buddhān pramukhān kṛtvā sarva-tathā-gata-anugatair manasi-kāraiḥ pāpa-śuddhiḥ kāryā | tasya + evaṃ sarva-pāpa-viśuddhasya tatra ca buddhā bhagavanto mukhāny upadarśayanti satva-vimokṣa-artham eva | nānā-vyañjana-ākāram upadarśayanti vibhrānta-bāla-pṛthag-janānāṃ paripācanā-hetoḥ || pe ||
na śakyaṃ sarva-śrāvaka-praty-eka-buddha-nikāyair āpatti-kaukṛtya-sthānaṃ viśodhayituṃ yad bodhi-satvas teṣāṃ buddhānāṃ bhagavatāṃ nāma-dheya-dhāraṇa-parikīrtanena rātriṃ-divaṃ tri-skandhaka-dharma-paryāya-pravartanena + āpatti-kaukṛtyān niḥsarati samādhiṃ ca pratilabhate ||
ukto vidūṣaṇa-a-samudācāraḥ | prati-pakṣa-samudācāra ucyate | tatra gambhīra-sūtra-anta-paricayāt pāpa-kṣayo bhavati ||
yathā vajra-cchedikāyām uktaṃ | ye te subhūte kula-putrā vā kula-duhitaro vā imān evaṃ-rūpān sūtra-antān udgrahīṣyanti yāvat paryavāpsyanti | te paribhūtā bhaviṣyanti su-paribhūtāḥ | tat kasya hetoḥ | yāni teṣāṃ satvānāṃ paurva-janmikāni karmāṇi kṛtāny apāya-saṃvartanīyāni | tāni tayā paribhūtatayā dṛṣṭae eva dharme kṣapayiṣyanti buddha-bodhiṃ ca prāpsyanti + iti ||
śūnyatā-adhimuktyā + api pāpa-śuddhir bhavati tathā-gata-koṣa-sūtre vacanāt | yaḥ kāśyapa pitā ca syāt praty-eka-buddhaś ca taṃ jīvitād vyaparopayed idam agraṃ prāṇa-atipātānāṃ | idam agram a-datta-ādānānāṃ yad uta tri-ratna-dravya-apaharaṇatā | idam agraṃ kāma-mithyā-ācārāṇāṃ yad uta mātā syād arhantī ca | idam agraṃ mṛṣā-vādānāṃ yad uta tathā-gatasya + abhyākhyānaṃ | idam agraṃ paiśunyānāṃ yad uta + ārya-saṃghasya + a-varṇaḥ | idam agraṃ pāruṣyāṇāṃ yad uta + āryāṇām avasphaṇḍanaṃ | idam agraṃ saṃbhinna-pralāpānāṃ yad uta dharma-kāmānāṃ vikṣepaḥ | idam agraṃ vyāpādānāṃ yad uta + ānantarya-parikarṣaṇam | idam agram abhidhyānāṃ yad uta samyag-gatānāṃ lābha-haraṇa-cittatā | idam agraṃ mithyā-dṛṣṭīnāṃ yad uta gahanatā-dṛṣṭiḥ | ime kāśyapa daśa + a-kuśalāḥ karma-pathā mahā-sa-āvadyāḥ | sacet kāśyapa eka-satva ebhir evaṃ mahā-sa-āvadyair daśabhir a-kuśalaiḥ karma-pathaiḥ samanvāgato bhavet | sa ca tathā-gatasya hetu-pratyaya-saṃyuktāṃ dharma-deśanām avataren | na + atra kaś-cid ātmā vā satvo vā jīvo vā pudgalo vā yaḥ karoti pratisaṃvedayate iti hy a-kṛtām an-abhisaṃskārāṃ māyā-dharmatām a-saṃkleśa-dharmatāṃ prakṛti-prabhāsvaratāṃ sarva-dharmāṇām avataraty ādi-śuddhān sarva-dharmān abhiśraddadhāty adhimucyate | na + ahaṃ tasya satvasya + apāya-gamanaṃ vadāmi + iti ||
karma-āvaraṇa-viśuddhi-sūtre * apy uktaṃ | punar a-paraṃ mañjuśrīr yo bodhi-satva āpattim an-āpattiṃ paśyati | a-vinayaṃ vinayaṃ paśyati | saṃkleśaṃ vyavadānaṃ paśyati | saṃsāra-dhātuṃ nirvāṇa-dhātuṃ paśyati | sa karma-āvaraṇa-viśuddhiṃ pratilabhatae iti ||
tri-samaya-rāje * api pāpa-prati-pakṣa-samudācāra uktaḥ ||
akṣiṇī nimīlya buddha-bodhi-satva-ālambana-cittaḥ śata-akṣaram aṣṭa-sahasraṃ japet | nimīlita-akṣa eva buddha-bodhi-satvān paśyati vigata-pāpo bhavati | atha-vā caityaṃ pradakṣiṇī-kurvann aṣṭa-sahasraṃ japec caitya-pratimāyāḥ sad-dharma-pustakānāṃ ca + ekatamaṃ puras-kṛtya + ayam eva vidhir iti ||
cundā-dhāraṇīṃ vā tāvaj japed yāvat pāpa-kṣaya-nimittāni paśyati svapne | tad yathā krandana-ādi-chardana-dadhi-kṣīra-ādi-bhojanāt tu vigata-pāpo bhavati | vamanād vā candra-sūrya-darśanād ākāśa-gamanāj jvalita-anala-mahiṣa-kṛṣṇa-puruṣa-parājayād bhikṣu-bhikṣuṇī-saṃgha-darśanāt kṣīra-vṛkṣa-gaja-vṛṣa-giri-siṃha-āsana-prāsādana-avarohaṇād dharma-śravaṇāc ca pāpa-kṣayaḥ saṃlakṣayitavyaḥ ||
tathā-gata-bimba-parivarte * api prati-pakṣa-samudācāra uktaḥ | tad yathā puruṣo mīḍha-avaliptaḥ su-dhautu-snānaṃ kṛtvā gandhair vilipyate | tasya tad daurgandhyaṃ vāntaṃ vigataṃ syād evaṃ pañca-ānantarya-kāriṇas tat pāpaṃ vigacchati | yo * api daśa-a-kuśala-karma-patha-samanvāgatas tathā-gate śraddhāṃ pratilabhya tathā-gata-bimbaṃ kārayet tasya + api tat pāpaṃ na prajñāyate viśeṣato bodhi-citta-samanvāgatasya | viśeṣato * abhiniṣkrānta-gṛha-āvāsasya śīlavata iti ||
puṣpa-kūṭa-dhāraṇyām apy uktaṃ | yaś ca khalu punaḥ siṃha-vikrīḍita-tathā-gataṃ saṃmukhaṃ varṣaṃ vā varṣa-sahasraṃ vā varṣa-śata-sahasraṃ vā sarva-sukha-upadhānair upatiṣṭhed | yaś ca parinirvṛtasya tathā-gatasya caitye bodhi-citta-saṃgṛhīta eka-puṣpam āropayet tathā-gata-pūjāyai jana-añjaliṃ ca + upanāmayej jalena vā siñcayed iṣikā-padaṃ vā dadyān nir-mālyaṃ ca + apanayed upalepana-pradānaṃ vā puṣpa-pradānaṃ vā dīpa-pradānaṃ vā kuryād ātta-manāḥ eka-krama-vyatihāraṃ vā + atikramya vācaṃ bhāṣate | namas tasmai buddhāya bhagavata iti-mātre * atra siṃha-vikrīḍita-kāṅkṣā vā vi-matir vā vicikitsā vā yad asau kalpaṃ vā kalpa-śataṃ vā kalpa-sahasraṃ vā dur-gati-vinipātaṃ gacchen na + idaṃ sthānaṃ vidyatae iti ||
bhaiṣajya-guru-vaidūrya-prabha-rāja-sūtre * apy uktaṃ | ye pañca śikṣā-padāni dhārayanti | ye daśa śikṣā-padāni dhārayanti | ye ca bodhi-satva-saṃvaraṃ caturthaṃ śataṃ śikṣā-padānāṃ dhārayanti | ye punar abhiniṣkrānta-gṛha-āvāsā bhikṣavaḥ pañcāśa-adhike dve śikṣā-pada-śate dhārayanti | yāś ca bhikṣuṇyaḥ pañca-śikṣā-pada-śatāni dhārayanti | ye ca yathā-parigṛhītāc * chikṣā-saṃvarād anyatarāc * chikṣā-padād bhraṣṭā bhavanti | sacet te dur-gati-bhaya-bhītās tasya bhagavato bhaiṣajya-guru-vaiḍūrya-prabha-rājasya tathā-gatasya nāma-dheyaṃ dhārayeyur yathā-vibhavataś ca pūjāṃ kuryuḥ | na bhūyas teṣām apāya-gatiḥ pratikāṅkṣitavyā ||
atha bhagavān āyuṣmantam ānandam āmantrayate sma | śraddadhāsi tvam ānanda | pattīyasi | yad ahaṃ tasya bhagavato bhaiṣajya-guru-vaiḍūrya-prabha-rājasya tathā-gatasya guṇān varṇayāmi | atha te kāṅkṣā vā vi-matir vā vicikitsā vā + atra gambhīre buddha-go-care ||
atha + āyuṣmān ānando bhagavantam etad avocat | na me bhadanta bhagavan kāṅkṣā vā vi-matir vā vicikitsā vā tathā-gata-bhāṣiteṣu sūtra-anteṣu | tat kasya hetoḥ | na + asti tathā-gatānām a-pariśuddha-kāya-vāṅ-manaḥ-samudācāratā | imau bhagavan candra-sūryāv evaṃ maha-rddhikāv evaṃ mahā-anubhāvau pṛthivyāṃ patetāṃ | sumeruḥ parvata-rājā sthānāc calet | na tu buddhānāṃ vacanam anyathā bhavet ||
kiṃ-tu bhadanta bhagavan santi satvāḥ śraddhā-indriya-vikalā ye buddha-go-caraṃ śrutvā na śraddadhati | teṣām evaṃ bhavati | katham idaṃ nāma-dheyaṃ smaraṇa-mātreṇa tasya tathā-gatasya ettakā guṇa-anuśaṃsā bhavati | te na śraddadhati | na pattīyanti | pratikṣipanti | teṣāṃ dīrgha-rātram an-arthāya + a-hitāya + a-sukhāya vinipātāya bhaviṣyati ||
bhagavān āha | a-sthānam ānanda + an-avakāśo yeṣāṃ tasya nāma-dheyaṃ nipatet karṇe teṣāṃ dur-gaty-apāya-gamanaṃ bhaved iti | duḥ-śraddhānīyaś ca + ānanda buddhānāṃ buddha-go-caraḥ |yac ca tvam ānanda śraddadhāsi pattīyasi | tathā-gatasya + eṣo * anubhāvo draṣṭavyaḥ | a-bhūmiś ca + atra śrāvaka-praty-eka-buddhānāṃ sthāpayitvā eka-jāti-pratibaddhān bodhi-satvān mahā-satvān iti ||
atra + eva ca + uktaṃ | ye ca + anye śrāddhāḥ kula-putrā vā kula-duhitaro vā + aṣṭa-aṅga-samanvāgatam upavāsam upavasanti | eka-vārṣikaṃ vā traivārṣikaṃ vā śikṣā-padaṃ dhārayanti | yeṣām evam abhiprāyaḥ evaṃ praṇidhānaṃ | anena vayaṃ kuśala-mūlena paścimāyāṃ diśāyāṃ sukhāvatyāṃ loka-dhātau upapadyema yatra + amitābhas tathāgataḥ | yaiḥ śrutaṃ bhaviṣyati tasya bhagavato bhaiṣajya-guru-vaiḍūrya-prabhava-rājasya tathā-gatasya nāma-dheyaṃ | teṣāṃ maraṇa-kāla-samaye * aṣṭau bodhi-satvā ṛddhyā + āgatya mārgam upadarśayanti | te tatra nānā-raṅgeṣu padmeṣu + upapādukāḥ prādur-bhavanti | ke-cit punar deva-lokae upapadyante | teṣāṃ tatra + upapannānāṃ tat pūrvakaṃ kuśala-mūlaṃ na kṣīyate | dur-gati-vinipāta-bhayaṃ ca na bhaviṣyati | te tataś cyutā iha manuṣya-loke rājāno bhavanti | catur-dvīpa-īśvarāś cakra-vartinaḥ | an-ekāni satva-koṭī-niyuta-śata-sahasrāṇi daśa kuśaleṣu karma-patheṣu pratiṣṭhāpayanti | a-pare punaḥ kṣatriya-mahā-śāla-kuleṣu + upapadyante | brāhmaṇa-mahā-śāla-kuleṣu + upapadyante | gṛha-pati-mahā-śāla-kuleṣu prabhūta-dhana-dhānya-koṣa-koṣṭha-āgāra-kuleṣu + upapadyante | te rūpa-saṃpannā bhavanti | parivāra-sampannā bhavanti ||
tatra + eva + uktaṃ | yena ca punar mātṛ-grāmeṇa tasya bhagavato bhaiṣajya-guru-vaiḍūrya-prabha-rājasya tathā-gatasya nāma-dheyaṃ śrutaṃ bhaviṣyati | udgṛhītaṃ vā | sa tasya paścimo mātṛ-grāma-bhāvaḥ pratikāṅkṣitavya iti ||
mañjuśrī-buddha-kṣetra-guṇa-vyūha-alaṃ-kāra-sūtre * apy uktaṃ | jñāna-uttara-prabhā-ketuṃ praṇidhāna-matiṃ tathā | śānta-indriyaṃ mañju-ghoṣaṃ bhaktitaḥ praṇamāmy aham ||
ya eṣāṃ bodhi-satvānāṃ nāma-dheyaṃ tu dhārayet | etasya mātṛ-grāmasya strī-bhāvo na bhaviṣyati ||
uktaḥ saṃkṣepāt prati-pakṣa-samudācāraḥ ||
praty-āpatti-balam adhunā + ucyate ||
yathā + uktam ārya-kṣitigarbha-sūtre | prāṇa-atipātāt prativirato bhavati bodhi-satvo mahā-satvaḥ sarva-satvānām a-bhayaṃ-dadaḥ | an-uttrāso * an-upāyāso * a-loma-harṣaḥ sa tena kuśala-mūlena karma-vipākena | yat pūrva-anta-koṭi-pañca-gati-cakra-āruḍhena saṃsāra-nady--udyātena prāṇa-atipāta-hetunā kāya-vāṅ-manasā karma-āvaraṇaṃ kleśa-āvaraṇaṃ dharma-āvaraṇaṃ kṛtaṃ vā syāt kāritaṃ vā + anumoditaṃ syāt | tat sarvaṃ tena prāṇa-atipāta-vairamaṇa-cakreṇa sarva-an-arthaṃ mardayati | yāvad a-śeṣam a-vipākaṃ kurute | sa-nikāya-sa-bhāge deva-manuṣyāṇāṃ priyo bhavati nir-ātaṅko dīrgha-āyuṣka iti ||
yāvat punar a-paraṃ kula-putra yo bodhi-satvo yāvaj-jīvam a-datta-ādānāt prativirato bhavati sa sarva-satvānām a-bhayam dadāti anyatra + a-sa-yatnena + a-saṃkṣobheṇa sva-lābhena saṃtuṣṭo viharati | a-dhārmika-bhoga-an-abhilāṣī sa tena kuśala-mūlena yāvad a-datta-ādāna-hetukaṃ karma-āvaraṇaṃ mardayati pramardayati yāvad a-śeṣam a-vipākaṃ kurutae iti || pe ||
evaṃ daśa + api kuśalāḥ karma-pathāḥ sva-vipakṣa-a-kuśala-ghātakās tatra paṭhyante ||
tathā candra-pradīpa-sūtre * api vyāpāda-viratyā sarva-pāpa-kṣayaḥ śrūyate | yathā + āha | sahiṣyāmy atra bālānām a-bhūtāṃ paribhāṣaṇāṃ | ākrośanaṃ tarjanāṃ ca adhivāsiṣya nāyakaḥ ||
kṣapayiṣye pāpakaṃ karma yan mayā purime kṛtam | anyeṣu bodhi-satveṣu vyāpādo janito mayā + iti ||
uktaṃ praty-āpatti-balam ||
āśraya-balaṃ tu vaktavyam ||
atra sūkarika-avadānam udāhāryam | ye buddhaṃ śaraṇaṃ yānti na te gacchanti dur-gatiṃ | prahāya mānuṣān kāyān divyān kāyāṃl labhanti te ||
ity evaṃ dharmaṃ saṃghaṃ ca + adhikṛtya pāpa-kṣayaḥ ||
ārya-maitreya-vimokṣe tu bodhi-cittena pāpa-viśuddhir uktā | kalpa-uddāhā-agni-bhūtaṃ sarva-duṣ-kṛta-nirdahanatayā | pātāla-bhūtaṃ sarva-a-kuśala-dharma-paryādāna-karaṇatayā || pe ||
tad yathā kula-putra hāṭaka-prabhāsaṃ nāma rasa-jātaṃ | tasya + ekaṃ palaṃ loha-pala-sahasraṃ suvarṇī-karoti | na ca tatra tat palaṃ śakyate tena loha-pala-sahasreṇa paryādātuṃ | na lohī-kartuṃ | evam eva + ekaḥ sarva-jñatā-citta-utpāda-rasa-dhātuḥ kuśala-mūla-pariṇāmanā-jñāna-saṃgṛhītaḥ sarva-karma-kleśa-āvaraṇa-lohāni paryādāya sarva-dharmān sarva-jñatā-varṇān karoti | na ca sarva-jñatā-citta-utpāda-rasa-dhātuḥ śakyaḥ sarva-karma-kleśa-lohaiḥ saṃkleśayituṃ paryādātuṃ vā | tad yathā kula-putra + ekaḥ pradīpo yādṛśe gṛhe vā layane vā praveśyate sa saha praveśito varṣa-sahasra-saṃcitam api tamo-ndha-kāraṃ vidhamayati | avabhāsaṃ ca karoti | evam eva + ekaḥ sarva-jñatā-citta-utpāda-pradīpo yādṛśe satva-āśaye gahane * a-vidyā-tamo-ndha-kāra-anugate praveśyate sa saha praveśito * an-abhilāpya-kalpa-śata-sahasra-saṃcitam api karma-kleśa-āvaraṇa-tamo-ndha-kāraṃ vidhamati | jñāna-ālokaṃ ca karoti ||
tad yathā kula-putra cintā-maṇi-rāja-mukuṭānāṃ mahā-nāga-rājñāṃ na + asti para-upakrama-bhayaṃ | evam eva bodhi-citta-mahā-karuṇā-cintā-maṇi-rāja-mukuṭa-avabaddhānāṃ bodhi-satvānāṃ na + asti dur-gaty-apāya-para-upakrama-bhayam iti ||
ārya-upāli-paripṛcchāyām apy uktaṃ | iha + upāle mahā-yānaṃ saṃprasthito bodhi-satvaḥ sacet pūrva-ahṇa-kāla-samaye āpattim āpadyeta | madhya-ahna-kāla-samaye sarva-jñatā-cittena + a-virahito vihared a-paryanta eva bodhi-satvasya śīla-skandhaḥ | sacen madhya-ahna-kāla-samaye āpattim āpadyate sāya-ahna-kāla-samaye sarva-jñatā-cittena + a-virahito bhaved a-paryanta eva bodhi-satvasya śīla-skandhaḥ | evaṃ yāme yāme vidhir uktaḥ | evaṃ hy upāle sa-parihārā śikṣā mahā-yāna-saṃprasthitānāṃ bodhi-satvānāṃ | tatra bodhi-satvena na + ati-kaukṛtya-paryutthānam utpādyaṃ na + ati-vipratisāriṇā bhavitavyaṃ | sacet punaḥ śrāvaka-yānīyaḥ pudgalaḥ punaḥ punar āpattim āpadyeta | naṣṭaḥ śrāvakasya pudgalasya śīla-skandho veditavyaḥ | iti ||
iti śikṣā-samuccaye pāpa-śodhanam aṣṭamaḥ paricchedaḥ ||
[IX. kṣāntipāramitā]
kṣānti-pāramitā navamaḥ paricchedaḥ ||
tad evam a-virata-pravṛttāṃ bahu-sukhāṃ dauḥś-lya-utpattiṃ rakṣann evaṃ ca karma-āvaraṇa-vibandham apanayan kleśa-viśodhane prayateta ||
tatra + adau tāvat kṣameta | a-kṣamasya hi śruta-ādau vīryaṃ pratihanyate * a-kheda-sahatvāt | a-śrutavāṃś ca na samādhy-upāyaṃ jānāti | na + api kleśa-śodhana-upāyam | tasmād a-khinnaḥ śrutam eṣeta | jñānato * api saṃkīrṇa-cāriṇaḥ samādhānaṃ duṣ-karam iti | saṃśrayeta vanaṃ tataḥ | tatra + api vikṣepa-praśamana-an-abhiyuktasya cittaṃ na samādhīyatae iti | samādhānāya yujyeta | samāhitasya ca na kiñ-cit phalam anyatra kleśa-śodhanād iti | bhāvayed a-śubha-ādikaṃ ||
ity etāni tāvat kleśa-śuddher uddeśa-padāni ||
idānīṃ nirdeśa ucyate | tatra kṣāntis tri-vidhā dharma-saṃgīti-sūtre * abhihitā | duṣkha-adhivāsana-kṣāntiḥ | dharma-nidhyāna-kṣāntiḥ | para-apakāra-marṣaṇa-kṣāntiś ca + iti | tatra duṣkha-adhivāsana-kṣānti-vipakṣo * an-iṣṭa-āgama-prāpta-duṣkha-bhīrutā | iṣṭa-vighāta-prāptaś ca sukha-abhiṣvaṅgas tābhyāṃ daurmanasyaṃ | tato dveṣo līnatā ca ||
ata eva + āha candra-pradīpa-sūtre | sukhe * an-abhiṣvaṅgaḥ | duṣkhe * a-vaimukhyam iti ||
ratna-megha-sūtre * apy uktaṃ | yae ime ādhyātmikāḥ śoka-parideva-duṣkha-daurmanasya-upāyāsās tān kṣamate * adhivāsayati + iti ||
ārya-ugradatta-paripṛcchāyām apy uktaṃ | punar a-paraṃ gṛha-pate gṛhiṇā bodhi-satvena + anunaya-pratighā-apagatena bhavitavyam aṣṭa-loka-dharma-an-anuliptena | tena bhoga-lābhena vā bhāryā-putra-lābhena vā dhana-dhānya-vitta-lābhena vā na + unnamitavyaṃ na praharṣitavyaṃ | sarva-vipattiṣu ca + anena na + avanamitavyaṃ | na dur-manasā bhavitavyaṃ evaṃ ca + anena pratyavekṣitavyaṃ | māyā-kṛtaṃ sarva-saṃskṛtaṃ viṭhapana-pratyupasthāna-lakṣaṇaṃ | karma-vipāka-nirvṛttā hy ete | yad idaṃ mātā-pitṛ-putra-bhāryā-dāsī-dāsa-karma-kara-pauruṣeya-mitra-amātya-jñāti-sālohitā | na + ete mama svakāḥ | na + aham eteṣām iti ||
api ca | yady asty eva pratīkāro daurmanasyena tatra kim | pratīkāre * api muhyeta dur-manāḥ krodha-mūrcchitaḥ ||
līnatvād vā hata-utsāho gṛhyate parayā + āpadā | tac-cintayā mudhā yānti hrasvam āyur muhur muhuḥ ||
tena + abhyāsāt tyajed etaṃ nir-arthakam an-artha-vat ||
kathaṃ ca daurmanasya-tyāgo * abhyasyate | laghu-su-kumāra-citta-utsargāt ||
yathā + uktam ugradatta-paripṛcchāyāṃ | apagata-tūla-picu-upamatā-cittasya + iti ||
ārya-gaṇḍa-vyūhe * apy uktaṃ | dur-yodhanaṃ cittaṃ te dārike utpādayitavyaṃ sarva-kleśa-nirghātāya | a-parājita-cittaṃ sarva-abhiniveśa-vinirbhedāya | a-kṣobhya-cittaṃ viṣama-āśayatva-sāgara-āvarta-prayāteṣv iti ||
na ca + abhyāsasya duṣ-karaṃ nāma kiñ-cid asti | tathā hi mūḍhatarāṇām api tāvad bhāra-hāraka-kaivartaka-rṣaka-ādīnāṃ duṣkha-abhyāsāt kṣudratara-phale * api vastuni saṃrūḍha-kiṇa-aṅkitaṃ cittam avasādena na paribhūyate | kiṃ punaḥ sarva-saṃsāra-sukha-sarva-bodhi-satva-sukha-an-uttara-pada-samadhigama-phale karmaṇi | tathā prākṛtā api kiñ-cid apakāriṣv ātma-duṣkṛtena + eva hateṣu svayaṃ mṛtyuṣu prahartuṃ gāḍha-prahāra-vedanā api saṃgrāmayanty eva | ki.ṃ punar drāghiṣṭha-kāla-apakāriṣu duṣkha-upātta-kuśala-dhana-lava-stainyeṣu narakeṣu na + avadhya-ghātakeṣu bhava-cāraka-pālakeṣu niḥ-saraṇa-dvāra-dig-nāśakeṣv ānukūlye * api dṛḍhatara-vādhā-kareṣv an-apakṛta-vairiṣv an-avadhi-kalpa-ābaddha-dṛḍha-vaireṣu kleśa-śatruṣu prahartum utsāho duṣkha-sahanaṃ vā na bhavet | viśeṣatas tri-bhuvana-vijayayā baddha-parikarasya māra-śavara-pratigṛhīta-jagad-bandi-mokṣāya saṃgrāmayataḥ | tatra + ātma-duṣkha-abhyāsa-pūrvakaṃ kaṣṭaṃ kaṣṭatara-abhyāsaḥ sidhyati | yathā ca + abhyāsa-vaśāt satvānāṃ duṣkha-sukha-sa/mjñā | tathā sarva-duṣkha-utpādeṣu sukha-saṃjñā pratyupasthāna-abhyāsāt sukha-saṃjñā + eva pratyupatiṣṭhate | etan niṣyanda-phalaṃ ca sarva-dharma-sukha-ākrāntaṃ nāma samādhiṃ pratilabhate ||
uktaṃ hi pitā-putra-samāgame | asti bhagavan sarva-dharma-sukha-krānto nāma samādhiḥ | yasya samādheḥ pratilambhād bodhi-satvaḥ sarva-ārambaṇa-vastuṣu sukhām eva vedanāṃ vedayate | na + a-duṣkha-a-sukhāṃ | tasya nairayikām api kāraṇāṃ kāryamāṇasya sukha-saṃjñā + eva pratyupasthitā bhavati | mānuṣīm api kāraṇāṃ kāryamāṇasya hasteṣv api chidyamāneṣu pādeṣv api karṇeṣv api nāsāsv api sukha-saṃjñā + eva pratyupasthitā bhavati | vetrair api tāḍyamānasya + arddha-vetrair api kaśābhir api tāḍyamānasya sukha-saṃjñā + eva pravartate bandhana-āgāreṣv api praks.iptasya || pe ||
taila-pācikaṃ vā kriyamāṇasya | ikṣu-kuṭṭitavad vā kuṭṭhyamānasya | naḍa-cippitikaṃ vā cipyamānasya taila-pradyotikaṃ vā + ādīpyamānasya sarpiḥ-pradyotikaṃ vā dadhi-pradyotikaṃ vā + ādīpyamānasya sukha-saṃjñā + eva pratyupasthitā bhavati | ulkā-mukhaṃ vā hriyamāṇasya siṃha-mukhaṃ vā hriyamāṇasya śuṣka-varttikāṃ vā vartyamānasya || pe ||
kārṣāpaṇa-cchedikaṃ vā chidyamānasya piṣṭa-pācanikaṃ vā pācyamānasya hastibhir vā mardyamānasya sukha-saṃjñā + eva pravartate | akṣiṇy--utpāṭhyamāne jīva-śūlikam api kriyamāṇasya sarvaśo vā + a-ghātaṃ nirṇīya śirasi vā prapātyamāne sukha-saṃjñā + eva pravartate | na duṣkha-saṃjñā | na + a-duṣkha-a-sukha-saṃjñā ||
tat kasya hetoḥ | tathā hi bodhi-satvasya mahā-satvasya dīrgha-rātraṃ caryāṃ carata etat praṇidhānam abhūt | ye māṃ bhojayeran | te upaśama-śama-sukhasya lābhino bhaveyuḥ | ye māṃ pālayeyuḥ sat-kuryur guru-kuryur mānayeyuḥ pūjayeyuḥ sarve te upaśama-sukhasya lābhino bhaveyuḥ | ye * api mām ākrośeyur visparśeyus tāḍayeyuḥ śastreṇa + āchindyur yāvat sarvaśo jīvitād vyaparopayeyuḥ sarve te saṃbodhi-sukhasya lābhino bhaveyuḥ | an-uttarāṃ samyak-saṃbodhim abhisaṃbudhyerann iti ||
sa ebhir manas-kāraiḥ samanvāgata etena karmaṇā | ebhiḥ praṇidhibhiḥ samanvāgataḥ sarva-satva-anugatāṃ sukha-saṃjñām āsevate nisevate bhāvayati bahulī-karoti | sa tasya karmaṇo vipākena sarva-dharma-sukha-ākrāntaṃ nāma samādhiṃ pratilabhate | yasmin samaye bodhi-satvena sarva-dharma-sukha-ākrānto nāma samādhiḥ pratilabdho bhavati tasmin samaye a-kṣobhyo bhavaty a-saṃhāryaḥ sarva-māra-karmabhir iti vistaraḥ ||
ayaṃ hi prayogaḥ sarva-parityāga-pūraṇaḥ | sarva-caryā-duṣ-kara-caryā-sādhanaḥ sarva-kṣānti-dṛḍhī-karaṇaḥ sarva-vīrya-āsaṃsādanaḥ | sarva-dhyāna-prajñā-aṅga-saṃbhāraḥ | tasmān nitya-muditaḥ syāt ||
yathā + āha candra-pradīpa-sūtre | sa-gauravaḥ prīta-manāḥ sadā bhavet | saumyāya dṛṣṭīya sadā sthito bhaved | iti ||
uktaṃ ca + akṣayamati-sūtre | tatra katamā muditā | yāvad dharma-anusmaraṇāt prītiḥ prasādaḥ prāmodyaṃ cittasya + an-avalīnatā + an-avamṛdyatā + a-paritarṣaṇā | sarva-kāma-ratīnām apakarṣaṇā sarva-dharma-ratīnāṃ pratiṣṭhānaṃ | cittasya prāmodyaṃ kāyasya + audbilyaṃ buddheḥ saṃpraharṣaṇaṃ manasa utplavaḥ | tathā-gata-kāya-abhinandana-ratir lakṣaṇa-anuvyañjana-vibhūṣaṇa-paryeṣṭi-kauśalyaṃ | kuśala-dharma-śravaṇa-a-parikhedatā | tatva-dharma-pratiśaraṇa-pratipatti-prīti-prasāda-pramodyaṃ muditasya dharma-utplavaḥ | satataṃ satveṣv a-pratihata-buddhitā | tīvra-cchandatā | buddha-dharma-paryeṣṭiṣu tasya ca dharma-cchandasya + an-utsṛjanatā | udāreṣu buddha-dharmeṣv adhimuktiḥ | vimuktiḥ prādeśika-yāna-apakṛṣṭa-citta-utpādaḥ | mātsarya-a-saṃkucitaś citta-utpādaḥ | yācitasya dātu-kāmatā | dadato dattvā ca tri-maṇḍala-pariśodhitaṃ dāna-prāmodyaṃ | śīlavatsu sadā prasādaḥ | duḥ-śīleṣv anugraha-prītiḥ | sva-śīla-pariśuddhyā sarva-dur-gandham atikrama-āśvāsanaṃ | tathā-gata-śīla-pariṇāmanatā | dṛḍha-a-bhedyatā | para-dur-ukta-dur-āgateṣu vacana-patheṣv a-pratihata-cittatā | kṣānti-sauratyaṃ | nir-mānatā | guruṣu gaurava-avanāmaś citrī-kāraḥ | sadā smita-mukhatā bhṛkuṭi-vigatatā | pūrva-abhilāpitā + a-kuhanatā + an-eṣyaiṣikatā śuddha-āśayatā citta-a-karkaśatā + a-kuṭilatā | sarvatra + anuśaṃsa-darśitā ātma-skhalita-pratyavekṣitā | āpattiṣv a-codanatā saṃrañjanīya-dharmeṣv anuvartanatā | śāstṛ-prema bodhi-satveṣu | ātma-prema dharmeṣu | jīvita-prema tathā-gateṣu | mātā-pitṛ-prema guruṣu | putra-prema satveṣu | buddha-prema ācārya-upādhyāyeṣu | uttama-aṅga-śiraḥ-prema pratipattiṣu | hasta-pāda-prema pāramitāsu | sarva-ratna-prema dharma-bhāṇakeṣu | sarva-rati-krīḍā-prema + anuśāsanīṣu | ārogya-prema saṃtuṣṭau | bhaiṣajya-prema dharma-paryeṣṭiṣu | vaidya-prema codaka-smārakeṣu | iti hi yā sarva-indriyeṣv an-avalīna-indriyatā iyam ucyate muditā + ity ādi ||
atra ca śikṣitān bodhi-satvān idaṃ vacanam alaṃ-karoti yad uktam ārya-mahā-meghe | niraya-gati-citta-nitya-samādhāna-śīlāś ca niraya-gati-priyāś ca niraya-gati-pattana-vaṇijaś ca bhavanti | niraya-lolāś ca bhavanti niraya-lobha-matsariṇaś ca niraya-agni-citta-praguṇṇāḥ bhavanti + iti ||
uktā duṣkha-adhivāsanā kṣāntiḥ ||
ārya-sāgaramati-sūtre tu tri-vidhā + api kṣāntir uktā | iha sāgaramate bodhi-satvo mahā-satvaḥ sarva-jñatā-citta-utpāda-ratne | an-āryair duḥ-śīlaiḥ satvair mārair māra-kāyikābhir vā devatābhir māra-adhiṣṭhitair vā māra-dūtair vā viheṭhyamānaḥ samīryamāṇaḥ kṣobhyamānas tarjyamānas tāḍyamāno na bhidyate tato | adhyāśaya-citta-utpādo na bhidyate sarva-satva-pramokṣa-mahā-karuṇā-vīrya-ārambhāt | na bhidyate tri-ratna-vaṃśa-an-upaccheda-parākramāt | na bhidyate sarva-dharma-samudānayana-kuśala-prayogāt | na bhidyate lakṣaṇa-anuvyañjana-pariniṣpatti-gatāt puṇya-saṃbhāra-upacayāt | na bhidyate buddha-kṣetra-pariśuddhy-abhinirhāra-āhṛtād autsukyāt | na bhidyate sarva-dharma-a-parigraha-abhiyuktāt kāya-jīvita-utsargāt | na bhidyate sarva-satva-paripācana-abhiyuktād ātma-saukhya-an-adhyavasānāt | sa evam adhyāśaya-saṃpanna eva samānaḥ sarva-satvānām antikād ucca-ghanāṃ sahate | unmananāṃ kutsanāṃ sahate sarva-satvānām ākrośa-paribhāṣāṃ dur-ukta-dur-āgatān vacana-pathān sahate | sarva-satva-pīḍāṃ sahate | sarva-satva-bhārāṃś ca sahate uttārayati vā na ca khidyate | na ca līyate | na saṃlīyate | na viṣīdati | balam upadarśayati | sthāma saṃjanayati | vīryam ārabhate | parākramaṃ parākramate | utsāhaṃ janayati | unmūḍha-cittaṃ nigṛhṇāti | sa ākruṣṭo na pratyākrośati | tāḍito na pratitāḍayati | roṣito na pratiroṣayati | kruddhāya na pratikrudhyati | evaṃ citta-gaṇanā-saṃnāhaṃ saṃnahyati | ... sacet punar ete satvā yāvanto daśasu dikṣu prabhāvyamānāḥ prabhāvyante te sarve * asi-śakti-tomara-pāli-yogena māṃ pṛṣṭhataḥ pṛṣṭhato * anubadhnīyuḥ | yatra + eṣa pṛthivī-pradeśe sthito vā niṣaṇṇo vā caṅkramyamāṇo vā śayāno vā bodhi-cittam utpādayiṣyati dāna-cittaṃ vā yāvat prajñā-cittaṃ vā śruta-kuśala-mūla-cittaṃ vā + utpādayiṣyati tatra + asya pṛthivī-pradeśe śata-dhā-badarī-pattra-pramāṇaṃ kāyaṃ chetsyāmo vikariṣyāmo vidhvaṃsayiṣyāmas | te cet sarva-satvā mām ākrośayeyuḥ paribhāṣeran kutsayeyuḥ paṃsayeyur a-satyābhir vāgbhiḥ paruṣābhir vāgbhiḥ samuccareyur adhiṣṭhitā an-artha-karmāṇaḥ śata-dhā-badarī-pattra-pramāṇaṃ mama kāyaṃ chindhyur bhindyur vikareyur vidhvaṃsayeyuḥ | evaṃ mayā na kasya-cit satvasya + antike kṣobha-cittam utpādayitavyaṃ | tat kasya hetoḥ | pūrvā koṭiḥ saṃsārasya + a-pramāṇī-kṛtā yatra me * ayam ātma-bhāvo naraka-gatasya + api tiryag-yoni-gatasya + api yama-loka-gatasya + api manuṣya-gatasya + api kāma-āhāra-paliguddhasya dharmān a-śrutavato viṣama-ājīva-go-carasya nir-arthaka-jīvinaḥ aṅga-praty-aṅgasya śata-dhā chinno bhinno nikṛtto vividhābhiś ca kāraṇābhiḥ kārito na ca mayā tato nidānam ātma-arthaṃ kṛto na para-arthaḥ | sacet punar punar mama + ete sarva-satvā a-para-anta-koṭiṃ chindyur bhindyur vikireyur vidhvaṃsayeyus tathā + api mayā + a-parityaktā + eva sarva-jñatā | a-parityaktā eva sarva-satvāḥ | a-parityaktaḥ kuśalo charma-chandaḥ | tat kasya hetoḥ | sarvā hy eṣā kāya-pīḍā kāya-vivartanā | nairayikasya duṣkhasya śatatamīm api kalāṃ na + upaiti yāvad upaniṣadam api na kṣamate | naraka-āvāsam apy aham utsahe | na punar mayā buddha-dharmāḥ parityaktavyā na sarva-satva-ārambaṇā mahā-karuṇā || pe ||
yan nidānaṃ punar vyāpāda utpadyeta | taṃ vayaṃ dharmaṃ prahāsyāmaḥ | katamaś ca sa dharmo | yad uta kāya-prema kāya-niketaḥ kāya-adhyavasānaṃ | utsṛṣṭaś ca kāya utsṛṣṭo vyāpādaḥ | evaṃ dharma-gaṇanā-āviṣṭaḥ sāgaramate bodhi-satvaḥ sarva-satva-pīḍāṃ sahate || pe ||
yaḥ kāyasya + utsargaḥ kāya-parityāgaḥ kāya-an-avekṣā | iyam asya dāna-pāramitā ||
yat kāye chidyamāne sarva-satvān maitryā spharati | vedanābhiś ca na saṃhriyate | iyam asya śīla-pāramitā ||
yat kāye chidyamāne ya eva + asya kāyaṃ chindati teṣām eva pramokṣa-arthaṃ kṣamate | na ca cittena kṣaṇyate kṣānti-balaṃ ca + upadarśayati + iyam asya kṣānti-pāramitā ||
yena vīryeṇa taṃ sarva-jñatā-chandaṃ na + utsṛjati citta-bala-ādhīnaṃ ca pratigṛhṇāti | saṃsāram eva ca + anubadhnāti | kuśala-mūla-ārambham eva ca + ārabhate | iyam asya vīrya-pāramitā ||
yat kāye vikīryamāṇe tat sarva-jñatā-citta-utpāda-ratnaṃ kartuṃ na saṃmuhyati bodhim eva + apekṣate śānta-praśāntam eva pratyavekṣate | iyam asya dhyāna-pāramitā ||
yat kāye chidyamāne kāyasya tṛṇa-kāṣṭha-kuḍyavat-pratibhāsa-upamatāṃ pratyavekṣate māyā-dharmatāṃ ca kāyasya + avatarati | bhūta-a-nityatāṃ ca bhūta-duṣkhatāṃ ca bhūta-an-ātmatāṃ ca bhūta-śāntatāṃ ca kāyasya + upanidhyāyati | iyam asya prajñā-pāramitā + iti vistaraḥ || pe ||
punar a-param asya + evaṃ bhavati | eṣa satvaḥ kusīdaḥ śukla-dharma-rahitaḥ | sa mām ākrośayati paribhāṣate | hanta vayam ārabdha-vīryā bhaviṣyāmaḥ | a-tṛptāḥ kuśala-mūla-paryeṣaṇa-abhiyuktā | eṣa eva tāvan mayā satvaḥ pūrvataraṃ bodhi-maṇḍe niṣādayitavyaḥ | paścān mayā + an-uttarā samyak-saṃbodhir abhisaṃboddhavyā + iti || pe ||
īdṛśānām asmābhiḥ satvānām a-dāntānām a-guptānām an-upaśāntānām arthāya saṃnāhāḥ saṃnaddhavyāḥ || pe ||
hanta vayaṃ dharmatāṃ pratisariṣyāmaḥ | ko * atra + ākrośati vā ākruśyate vā | sa parigaveṣamāṇo na taṃ dharmam upalabhate | ya ākrośati vā ākruśyate vā | sa ātma-para-an-upalabdha-upalambha-dṛṣṭi-vigataḥ kṣamatae iti ||
bhagavatyām apy uktaṃ | evaṃ cittam utpādayati | yena mayā sarva-satvānāṃ vivāda utsārayitavyaḥ | so * ahaṃ svayam eva vivadāmi | lābhā me dur-labdhā yo * ahaṃ jalpite pratijalpāmi | yena mayā sarva-satvānāṃ saṃkrama-bhūtena bhavitavyaṃ so * ahaṃ parasya tvam ity api vācaṃ bhāṣe | paruṣaṃ vā prati-vāco dadāmi | idaṃ mayā na + eva vaktavyaṃ jaḍa-samena | eḍaka-mūka-samena mayā kalaha-vivādeṣu bhavitavyaṃ | parato dur-uktān dur-āgatān dur-bhāṣitān bhāṣyamāṇān vacana-pathān śṛṇvatā cittaṃ na + āghātayitavyaṃ | pareṣām antike na mama + etat sādhu na prati-rūpaṃ yo * ahaṃ parasya doṣa-antaraṃ saṃjanayeyam | etan na mama prati-rūpaṃ yad ahaṃ pareṣāṃ doṣa-antaram api saṃśrotavyaṃ manye | tat kasya hetoḥ | na mayā + āśayo vikopayitavyo yena mayā sarva-satvāḥ sarva-sukha-upadhānena sukhayitavyāḥ parinirvāpayitavyāś ca + an-uttarāṃ samyak-saṃbodhim abhisaṃbudhya tatra nāma + ahaṃ vyāpadye | na ca mayā pareṣāṃ sv-aparāddhānām api vyāpattavyaṃ | sa nāma + ahaṃ mohaṃ kṣobhaṃ gacchāmi | idaṃ tu mayā karaṇīyaṃ | dṛḍha-parākramatayā parākrāntavyaṃ | na mayā jīvita-antarāye * api kriyamāṇe kṣobhaḥ karaṇīyaḥ | na mayā bhṛkuṭī mukhe
[doubtful]
utpādayitavyā + iti ||
bodhi-satva-prātimokṣe * apy uktam | ye kruddhāḥ satvās tān āśvāsayati kṣamāpayati | anulomayati dharmeṇa toṣayati + iti ||
iti śikṣā-samuccaye kṣānti-pāramitā paricchedo navamaḥ ||
[X. vīryapāramitā]
vīrya-pāramitā daśamaḥ paricchedaḥ ||
evaṃ kṣānti-pratisthitaḥ śrute vīryam ārabheta | anyathā śrutam eva + asya vināśāya saṃpadyate ||
yathā + uktaṃ candra-pradīpa-sūtre | kiyad-bahū dharma-paryāyuṇeyā
[doubtful]
śīlaṃ na rakṣeta śrute namanta | na bāhuśrutyena sa śakyu trāyituṃ duḥ-śīlayena vrajamāna dur-gatim ||
śruta-anuśaṃsās tu nārāyaṇa-paripṛcchāyām uktāḥ | tathā hi kula-putrāḥ śrutavataḥ prajñā-āgamo bhavati | prajñāvataḥ kleśa-praśamo bhavati | niḥ-kleśasya māro * avatāraṃ na labhate ||
atra ca maha-rṣer uttarasya jātakaṃ vistareṇa kṛtvā + āha | dharma-kāmānāṃ hi | vi-mala-tejaḥ | bodhi-satvānāṃ mahā-satvānāṃ sa-gauravāṇāṃ sa-pratīśānāṃ anya-loka-dhātu-sthitā api buddhā bhagavanto mukham upadarśayanti dharmaṃ ca + anuśrāvayanti | dharma-kāmānāṃ | vi-mala-tejaḥ | bodhi-satvānāṃ mahā-satvānāṃ parvata-kandara-vṛkṣa-madhyeṣu dharma-nidhānāni nikṣiptāni | dharma-mukhāny an-antāni pustaka-gatāni kara-tala-gatāni bhavanti | dharma-kāmānāṃ vi-mala-tejaḥ bodhi-satvānāṃ pūrva-buddha-darśinyo devatā buddha-pratibhānam upasaṃharanti || pe ||
parikṣīṇa-āyuṣkāṇāṃ buddhā bhagavanto devatāś ca + āyur-balaṃ ca + upasaṃharanti | buddha-adhiṣṭhānena devatā-adhiṣṭhānena ca kāṅkṣāmāṇā varṣa-sahasram avatiṣṭhante || pe ||
yāvat kalpaṃ vā kalpa-avaśeṣaṃ vā yāvad vā ākāṅkṣanti dharma-gaurava-jātānāṃ bodhi-satvānāṃ buddhā bhagavanto jarām apy apanayanti | vyādhīn apanayanti | smṛtim upasaṃharati | gatiṃ matiṃ pratibhānaṃ ca + upasaṃharanti || pe ||
dṛṣṭi-kṛtāni vinodayanti | samyag-dṛṣṭiṃ ca + upasaṃharanti | dharma-gauraveṇa | vi-mala-tejaḥ | bodhi-satvānāṃ mahā-satvānāṃ sarva-upakrama-bhayāni na bhavanti | tasmāt tarhi vi-mala-tejaḥ śruta-saṃbhāra-kauśalya-abhiyuktena bodhi-satvena bhavitavyam iti ||
kim ākāraṃ śrutaṃ bodhi-satva-vinaye praśastaṃ | yathā ārya-akṣayamati-sūtre * abhihitaṃ | aśīty-ākāra-praveśaṃ śrutaṃ | tad yathā | chanda-ākāram āśaya-ākāram adhyāśaya-ākāraṃ prayoga-ākāraṃ nirmāṇa-ākāram a-pramāṇa-ākāraṃ kalyāṇa-mitra-ākāraṃ gaurava-ākāraṃ pradakṣiṇa-ākāraṃ su-vacana-ākāraṃ paryupāsana-ākāram avahita-śrotra-ākāraṃ manas-kāra-ākāram a-vikṣepa-ākāram avasthāna-ākāraṃ ratna-saṃjñā-ākāraṃ bhaiṣajya-saṃjñā-ākāraṃ sarva-vyādhi-śamana-ākāraṃ smṛti-bhajana-ākāraṃ gati-bodhana-ākāraṃ mati-rocana-ākāraṃ buddhi-praveśa-āk āram a-tṛpta-buddha-dharma-śravaṇa-ākāraṃ tyāga-vṛṃhaṇa-ākāraṃ dānta-ājāneya-ākāraṃ bahu-śruta-sevanā-ākāraṃ satya-kṛtya-prīty-anubhavana-ākāraṃ kāya-audbilya-ākāraṃ citta-prahlādana-ākāram a-parikheda-śravaṇa-ākāraṃ dharma-śravaṇa-ākāraṃ pratipatti-śravaṇa-ākāraṃ para-deśanā-śravaṇa-ākāraṃ a-śruta-śravaṇa-ākāraṃ abhijñā-śravaṇa-ākāram anya-yāna-a-spṛhaṇā-śravaṇa-ākāraṃ prajñā-pāramitā-śravaṇa-ākāraṃ bodhi-satva-piṭaka-śravaṇa-ākāraṃ saṃgraha-vastu-śravaṇa-ākāram upāya-kauśalya-śravaṇa-ākāraṃ brahma-vihāra-śravaṇa-ākāraṃ smṛti-saṃprajanya-śravaṇa-ākāraṃ gaurava-ākāraṃ utpāda-kauśalya-śravaṇa-ākāram an-utpāda-kauśalya-śravaṇa-ākāram a-śubha-ākāraṃ maitryāḥ śravaṇa-ākāraṃ pratītya-samutpāda-ākāraṃ a-nitya-ākāraṃ duṣkha-ākāram an-ātmā-ākāraṃ śānta-ākāraṃ śūnyatā-nimitta-a-praṇihita-ākāraṃ an-abhisaṃs kāra-ākāraṃ kuśala-abhisaṃskāra-ākāraṃ satva-adhiṣṭhāna-ākāraṃ a-vipraṇāśa-ākāraṃ sva-adhīna-ākāraṃ sva-citta-ārakṣaṇa-ākāraṃ vīryasya + āśraṃsana-ākāraṃ dharma-nidhyapty-ākāraṃ kleśa-vipakṣa-ākāraṃ sva-pakṣa-parikarṣaṇa-ākāraṃ para-pakṣa-kleśa-nigraha-ākāraṃ sapta-dhana-samavaśaraṇa-ākāraṃ sarva-dāridrya-upacheda-ākāraṃ sarva-vidvat-praśasta-ākāraṃ paṇḍita-abhinandana-ākāraṃ ārya-saṃmata-ākāraṃ an-ārya-prasādana-ākāraṃ satya-darśana-ākāraṃ skandha-doṣa-vivarjana-ākāraṃ saṃskṛta-doṣa-paritulana-ākāram artha-pratiśaraṇa-ākāraṃ dharma-pratiśaraṇa-ākāraṃ sarva-pāpa-a-karaṇa-ākāraṃ ātma-para-hita-ākāraṃ su-kṛta-karma-an-anutapyana-ākāraṃ viśeṣa-gamana-ākāraṃ sarva-buddha-dharma-pratilābha-ākāram iti ||
punar atra + eva + āha | yaś ca dharma-saṃbhāra-yogaḥ sa eva + asya jñāna-saṃbhāro bhavati | tatra katamo dharma-saṃbhāra-yogo yā + iyam alpa-arthatā + alpa-kṛtyatā + alpa-bhāṣatā + alpa-pariṣkāratā pūrva-rātra-a-para-rātraṃ jāgarikā-yogam anuyuktasya śruta-artha-paritulanatā | bhūyo bhūyaḥ paryeṣaṇatā | cittasya + an-āvilatā | nīvaraṇānāṃ viṣkambhanatā | āpattiṣu niḥ-śaraṇa-jñānaṃ | a-kaukṛtyatā | a-paryutthānatā | pratipatti-sāratā | dharma-nimnatā dharma-pravaṇatā dharma-prāg-bhāratā | parākrama-saṃpannatā ādīpta-śiraś-caila-upamatā jñāna-paryeṣṭyā | tan-maya-vihāritā | a-śithila-śīlatā + a-nikṣipta-dhuratā viśeṣa-gāmitā saṃgaṇikā-vivarjanam eka-ārāmatā + araṇya-abhimukha-manas-kāratā ārya-vaṃśa-santuṣṭiḥ dhuta-guṇeṣv a-calanatā dharma-ārāma-rati-ratatā laukika-mantra-a-smaraṇatā loka-uttara-dharma-paryeṣṭitā smṛty-a-pramoṣatā | artha-gaty-anugamatā | matyā mārga-anulomatā | dhṛtyā saṃvara-pratyayair jñāna-anugamaḥ | hrīr-apatrāpya-alaṃ-kāratā | jñāna-anugamana-sāratā | a-jñāna-vidhamanatā | a-vidyā-moha-tamas-timira-paṭala-paryavanaddhasya prajñā-cakṣur-viśuddhiḥ | su-viśuddha-buddhitā | buddhi-vistīrṇatā | a-saṃkucita-buddhitā prabhinna-buddhitā | praty-akṣa-buddhitā | a-para-adhīna-guṇatā | sva-guṇair a-manyanatā | para-guṇa-parikīrtanatā | su-kṛta-karma-kāritā | karma-vipāka-an-uddhuratā | karma-pariśuddhi-jñānam iti ||
kiṃ śrotavyaṃ | uktaṃ bhagavatā jñāna-vaipulya-sūtre | sa-arthakāni śāstrāṇi śikṣitavyāni | apa-arthakāni parivarjayitavyāni | tad yathā | loka-āyata-śāstrāṇi daṇḍa-nīti-śāstrāṇi kārkheda-śāstrāṇi vāda-vidyā-śāstrāṇi kumāra-krīḍā-śāstrāṇi jambhaka-vidyā-śāstrāṇi || pe ||
yāny api tad anyāni kāni-cin mokṣa-prati-kūlāni śāstrāṇi saṃmohāya saṃvartante tāni sarvāṇi bodhi-satva-yāna-saṃprasthitena parivarjayitavyāni + iti ||
evaṃ śrutavatā cittaṃ śodhayitum araṇyam āśrayaṇīyaṃ | kathaṃ punar āśaya-saṃpannasya + apy ugradatta-paripṛcchāyāṃ gṛham anujñātaṃ | yatnavato * apy a-sāmarthyāt | para-dāra-ādiṣv api tarhi na + āpattiḥ syāt | na teṣām a-sāmarthye * api prakṛti-duṣṭatvād gṛha-āvāsasya ca prajñapti-sa-avadyatvād iti ||
iti śikṣā-samuccaye vīrya-pāramitā paricchedo daśamaḥ ||
[XI. araṇyasaṃvarṇanaḥ]
araṇya-saṃvarṇanaṃ nāma + ekādaśaḥ paricchedaḥ ||
tad evam ugradatta-paripṛcchā-vidhinā gṛha-doṣān bhāvayitvā śrutavatā cittaṃ śodhayitum araṇyam āśrayaṇīyam iti sthitaṃ ||
tathā ca + uktaṃ candra-pradīpa-sūtre | na jātu kāmān pratiṣevamāṇaḥ putreṣu dāreṣu janitva tṛṣṇāṃ | gṛhaṃ ca sevitva jugupsanīyam an-uttarāṃ prāpsyati so * agra-bodhim ||
ye kāma varjenti yathā + agni-karṣūṃ putreṣu dāreṣu janitva tṛṣṇāṃ | uttasta gehād abhiniṣkramanti na dur-labhā teṣv iyam agra-bodhiḥ ||
na kaś-ci buddhaḥ purimeṇa āsīd an-āgato bheṣyati yo * avatiṣṭhate | yehi sthitair eva agāra-madhye prāptā iyaṃ uttama agra-bodhiḥ ||
prahāya rājyaṃ yatha kheṭa-piṇḍaṃ vased araṇyeṣu viveka-kāmaḥ | kleśān prahāya vinihatya mānaṃ budhyanti bodhiṃ vi-rajām a-saṃskṛtām || pe ||
annehi pānehi ca cīvarehi puṣpehi gandhehi vilepanehi | na + upasthitā bhonti nara-uttamā jinā yatha pravrajitvā caramāṇa-dharmān ||
yaś ca + eva bodhiṃ pratikāṅkṣamāṇaḥ satva-artha nirviṇṇa ku-saṃskṛtātaḥ | araṇya-abhimukha sapta padāni gacched ayaṃ tataḥ puṇya-viśiṣṭa bhoti ||
yadi punar visabhāga-satva-anunayāt pariṣat-kāmatayā vā lābha-ādi-kāmatayā vā viveka-praveśe vilambeta | tad-artham atra + eva + uktaṃ | na vijña bālehi karonti vigrahaṃ sat-kṛtya bālān parivarjayanti | mama + antike ca + iti praduṣṭa-cittā na bāla-dharmehi karonti saṃstavam ||
na vijña bālāna karoti sevanāṃ viditva bālāna sva-bhāva-saṃtatim | kiyac-ciraṃ bāla-su-sevitā pi puno * api te bhonti a-mitra-sannibhāḥ ||
na vijña bāleṣv iha viśvasanti vijñāya bālāna sva-bhāva-saṃtatim | sva-bhāva-bhinnā prakṛtīya bālāḥ kuto * asti mitraṃ hi pṛthag-janānāṃ ||
saha-dhārmikeno vacanena uktāḥ krodhaṃ ca doṣaṃ ca a-pratyayaṃ ca | prāviṣkaronti imi bāla-dharmā imam artha vijñāya na viśvasanti ||
bālā hi bālehi samaṃ samenti yathā a-medhyena a-medhya sārddham | vijñaḥ punar vijña-janena sārddhaṃ samenti sarpir yatha sarpi-maṇḍe ||
tathā ca punar atra + evam āha | sū-sukhitāḥ sada te nara-loke yeṣu priya-a-priya na + asti kahiṃ-cit | ye ca na kandarake * abhiramante śrāmaṇakaṃ su-sukhaṃ anubhonti ||
yeṣu mama + api tu na + asti kahiṃ-cit | yeṣu parigrahu sarvaśu na + asti | khaḍga-samā vicaranti mu lokaṃ gagane pavana yathā + iva vrajanti ||
syuḥ sukhitā vata te nara-loke yeṣu na sajjati mānasa loke | vāyu-samaṃ sada teṣv iha cittaṃ na + u ca priya-a-priya vidyati saṃgo ||
a-priya ye dukhitehi nivāso ye * api priyā dukhitehi viyogo | anta ubhe api tehi jahitvā te sukhitā naraye rata dharme ||
punar atra + eva + uktam | bhavati satatam alpa-kṛtya-yogī pṛthu guṇa doṣata sarvi varjayitvā | na vivadati kadā-ci yukta-yogī imi guṇa tasya bhavanty araṇya-vāse ||
sada bhavati niviṇṇa saṃskṛte * asau na bhavati tasya pṛhā kahiṃ-ci loke | na ca bhavati vivṛddhir āsravāṇāṃ vana-vasato * asya bhavanti ānuśaṃsāḥ ||
adhikaraṇa na tasya jātu bhotī sada upaśānta-rato viveka-cārī | vacaci manasi kāya saṃvṛta-syo bahu-guṇa tasya bhavanty araṇya-vāse ||
bhavati anukūla tasya mokṣo laghu pratividhyati so * adhimukti śāntām | vani-cari dhimukti sevate * asya imi guṇa bhonty araṇya-vāsi sarve ||
punar āha | vana-ṣaṇḍa sevatha vivikta sadā vijahitva grāma-nagareṣu ratim | a-dvitīya-khaḍga-sama bhotha sadā na cireṇa lapsyatha samādhi-varam | iti ||
ārya-rāṣṭrapāla-sūtre * apy āha | tyaktvā geham an-anta-doṣa-gahanaṃ cintā-an-apekṣāḥ sadā | te * araṇye ratim āpnuvanti guṇinaḥ śānta-indriyāḥ sūratāḥ ||
na strī-saṃbhava na + eva ca + api puruṣais teṣāṃ kva-cid vidyate | ekākī viharanti khaḍga-sadṛśāḥ śuddha-āśayā nir-malāḥ ||
lābhair na + api ca teṣu harṣa sva-mano līyanty a-lābhair na ca | alpa-icchā itara-itarair abhiratā māyā-kuhā-varjitāḥ | ti ||
ugradatta-paripṛcchāyām apy āha | satva-saṃsargo me na kartavyo na hi mayā + eka-satvasya kuśala-mūlāni saṃjanayitavyāni + ity ādi ||
yadi punaḥ śrutavān imāṃ kṣaṇa-saṃpadam āsādya lābha-ādau saktaḥ cittaṃ na śodhayet sa eva + ekaḥ | sa-devake loke vañcitaḥ syād ||
uktaṃ hy ārya-ratna-kūṭe | tad yathā kāśyapa kaś-cid eva puruṣo mahatā udaka-arṇavena + uhyamāna udaka-tṛṣṇayā kālaṃ kuryād | evam eva kāśyapa iha + eke śramaṇa-brāhmaṇā bahūn dharmān udgṛhya paryavāpya na rāga-tṛṣṇāṃ vinodayanti | na dveṣa-tṛṣṇāṃ | na moha-tṛṣṇāṃ vinodayanti | te mahatā dharma-arṇavena + uhyamānāḥ kleśa-tṛṣṇayā kāla-gatā | dur-gati-vinipāta-gāmino bhavanti + iti ||
tasmād a-vaśyam araṇyam āśrayet ||
tādṛśāni ca sthānāni āśrayet | yeṣu ca sthāneṣu na + ati-dūre piṇḍa-pāta-go-caro bhavati na + ati-saṃnikṛṣṭe | yeṣu pānīyāni bhavanty acchāni śucīni nir-malāny alpa-āyāsāni mukha-paribhogāni yāni ca sthānāni vṛkṣa-saṃpannāni bhavanti puṣpa-saṃpannāni phala-saṃpannāni pattra-saṃpannāny apagata-duṣṭa-śvā-padāni guhā-saṃpannāni prāg-bhāra-saṃpannāni sukha-parisarpyakāṇi śāntāny a-dvitīyāni tādṛśāni sthānāny āśrayet | sa teṣu sthāneṣv āśrito yad anena pūrva-paṭhitaṃ bhavati tat tribhī rātrais trir-divasasya sva-adhyāyati na + aty-uccena svareṇa na + ati-nīcena na + uddhatair indriyair na bahir-gatena cittena prasādam upajīvan grantham upadhārayan nimittāny udgṛhṇan middham apakrāman | saced āraṇyakasya bhikṣo rājā vā + upasaṃkrāmati rāja-mātro vā + anye vā brāhmaṇa-kṣatriya-naigama-jānapadāḥ | tena teṣām ādareṇa sv-āgata-kriyā kartavyā | evaṃ ca + anena vaktavyaṃ | niṣīda mahā-rāja yathā prajñaptae āsane | saced upaviśati dvābhyām apy upaveṣṭavyaṃ | sacen na + upaviśati ubhābhyām api na + upaveṣṭavyaṃ | sacec cañcala-indriyo bhavati utkarṣayitavyaṃ | tasya te mahā-rāja lābhāḥ su-labdhā yasya te bhū-pradeśe śīlavanto guṇavanto bahu-śrutāḥ śramaṇa-brāhmaṇāḥ prativasanti | an-upadrutāś caura-bhaṭa-ādibhiḥ ||
sacet sthiro bhavati vinītaḥ praśānta-indriyaḥ bhavyaś ca bhavati dharma-deśanāyāḥ tato * asya vicitrā dharma-deśanā upasaṃhartavyā | saced vicitrāṃ na priyāyate | saṃvega-anukūlā dharma-deśanā upasaṃhartavyā | sacet saṃvega-anukūlāṃ na priyāyate udāra-udārāṇi tathā-gata-māhātmyāni upadeṣṭavyāni | brāhmaṇa-kṣatriya-naigama-jānapadānām apy upasaṃkrāmatāṃ yathā-anurūpāḥ kriyā upasaṃhartavyā | sa evaṃ bahu-śrutaḥ san prati-balo bhavati dhārma-śravaṇikānāṃ cittam ārādhayituṃ | te ca satvās tasya + antike prītiṃ ca prasādaṃ ca prāmodyaṃ ca pratilabhantae iti ||
ugradatta-paripṛcchāyām apy āha | punar a-paraṃ gṛha-pate pravrajitena bodhi-satvena + araṇye prativasatā evam upaparīkṣitavyaṃ | kim artham aham araṇye prativasāmi | na kevalam araṇya-vāsena śramaṇo bhavati | bahavo * apy atra + a-dāntā a-vinītā a-yuktā an-abhiyuktāḥ prativasanti | tad yathā | mṛga-vānara-pakṣi-saṃgha-caura-caṇḍālāḥ prativasanti | na ca te śramaṇa-guṇa-samanvāgatā bhavanti | api tu khalu punar ahaṃ yasya + arthāya + araṇye prativasāmi sa mayā + arthaḥ paripūrayitavyo yad uta śrāmaṇya-arthaḥ || pe ||
punar a-paraṃ gṛha-pate pravrajitena bodhi-satvena + araṇye viharatā evam upaparīkṣitavyaṃ | kim artham aham araṇym āgataḥ | tena + evaṃ mīmāṃsayitavyaṃ | bhaya-bhīto * asmy aham araṇyam āgataḥ | kuto bhaya-bhītaḥ | saṃgaṇikā-bhaya-bhītaḥ | saṃsarga-bhaya-bhīto rāga-dveṣa-moha-bhaya-bhīto māna-mada-mrakṣa-paridāha-bhaya-bhīto lobha-īrṣyā-mātsarya-bhaya-bhītaḥ rūpa-śabda-gandha-rasa-sparṣṭavya-bhaya-bhītaḥ | so * ahaṃ-kāra-mama-kāra-bhaya-bhītaḥ | auddhatya-vicikitsā-bhaya-bhītaḥ | skandha-māra-bhaya-bhītaḥ | kleśa-māra-bhaya-bhīto | mṛtyu-māra-bhaya-bhīto | deva-putra-māra-bhaya-bhītaḥ | a-nitye nitya iti viparyāsa-bhaya-bhīto * an-ātmany ātmā + iti viparyāsa-bhaya-bhīto * a-śucau śucir iti viparyāsa-bhaya-bhīto | duṣkhe sukham iti viparyāsa-bhaya-bhītaḥ | citta-mano-vijñāna-bhaya-bhīto | nivaraṇa-āvaraṇa-paryutthāna-bhaya-bhītaḥ | sat-kāya-dṛṣṭi-bhaya-bhītaḥ pāpa-mitra-bhaya-bhīto | lābha-sat-kāra-bhaya-bhīto * a-kāla-mantra-bhaya-bhīto * a-dṛṣṭe dṛṣṭam iti bhaya-bhīto * a-śrute śrutam iti bhaya-bhīto * a-mate matam iti bhaya-bhīto * a-vijñāte vijñātam iti bhaya-bhīto * a-śramaṇe śramaṇa-mada-bhaya-bhīto * anyo-nya-vidveṣaṇa-bhaya-bhītaḥ kāma-dhātu-rūpa-dhātv-a-rūpya-dhātu-bhaya-bhītaḥ sarva-bhava-gaty-upapatti-bhaya-bhīto niraya-tiryag-yoni-pitṛ-viṣaya-bhaya-bhītaḥ saṃkṣepeṇa sarvebhyo * a-kuśalebhyo manasi-kārebhyo bhaya-bhī ta ebhyo hy aham evaṃ-rūpebhyo bhaya-bhairavebhyo bhīto * araṇya-āvāsam upagataḥ || pe ||
punar a-paraṃ gṛha-pate pravrajitena bodhi-satvena + araṇya-vāsa-sthitena bhītena vā trastena vā evaṃ śikṣitavyaṃ | yāni kāni-cid bhayāny utpadyante sarvāṇi tāny ātma-grāhata utpadyante || pe ||
sacet punar aham araṇye prativasan na + ātma-grāhaṃ parityajeyaṃ na + ātma-abhiniveśaṃ na + ātma-parigrahaṃ na + ātma-nidānaṃ na + ātma-tṛṣṇāṃ na + ātma-saṃjñāṃ na + ātma-vāda-upādānaṃ na + ātma-dṛṣṭiṃ na + ātma-adhiṣṭhānaṃ na + ātma-parikalpanāṃ na + ātma-rakṣāṃ parityajeyaṃ | nir-arthako me * araṇya-vāsaḥ syād | api tu khalu punar gṛha-pate na + asty ātma-saṃjñino * araṇya-vāso | na + asti para-saṃjñinaḥ || pe ||
araṇya-vāso nāma gṛha-pate ucyate sarva-dharmeṣv a-saṃbhava-vāsaḥ sarva-dharmeṣv a-saṃga-vāsaḥ || pe ||
tad yathā gṛha-pate * araṇye tṛṇa-gulma-auṣadhi-vanas-patayaḥ prativasanto na bibhyati na + uttrasyanti na saṃtrasyanti na saṃtrāsam āpadyante | evam eva gṛha-pate pravrajitena bodhi-satvena + araṇye viharatā tṛṇa-gulma-auṣadhi-vanas-pati-kāṣṭha-kuḍya-vad ātma-pratibhāsa-vat saṃjñā kāye utpādayitavyā | māyā-samatā cittasya + utpādayitavyā | ko * atra bibheti | ko * asminn uttrasyati |tena bhaya-bhītena vā trastena vā evaṃ yoniśaḥ kāya upaparīkṣitavyaḥ | na + asty atra kāye ātmā vā satvo vā jīvo vā poṣo vā pudgalo vā manu-jo vā mānavo vā | a-bhūta-parikalpa eṣa yad uta bhayaṃ nāma | sa mayā + a-bhūta-parikalpo na parikalpayitavyaḥ | tena yathā + araṇye tṛṇa-gulma-auṣadhi-vanas-patayaḥ prativasanti a-mamā a-parigrahāḥ | evam eva + a-mamena + a-parigraheṇa + araṇyam eva sarva-dharmā iti jñātvā upasampadya vihartavyaṃ | tat kasya hetoḥ | raṇa-chedo * araṇya-vāso * a-mamo * a-parigrahaḥ || pe ||
punar a-paraṃ gṛha-pate pravrajitena bodhi-satvena buddha-anujñāto * araṇya-vāsa iti jñātvā + araṇye vastavyaṃ | atra hi śukla-dharma-paripūrir bhavati | upastabdha-kuśala-mūlaḥ paścād-grāma-nagara-nigama-rāṣṭra-rāja-dhānīṣv avatīrya dharmaṃ deśayiṣyāmi || pe ||
sacet punar gṛha-pate pravrajito bodhi-satva uddeśa-sva-adhyāya-arthaṃ gaṇam avatarati | tena tatra sa-gauraveṇa bhavitavyaṃ sa-pratīsena + ācārya-upādhyāyeṣu sthavira-madhya-navakeṣu bhikṣuṣu pradakṣiṇa-bhavitavyam an-alasena svayaṃ-kāriṇā + a-para-upatāpinā na ca tena + upasthāna-gurukeṇa bhavitavyaṃ | evaṃ ca + anena + upaparīkṣitavyaṃ | tathā-gato * apy arhan samyak-saṃbuddhaḥ sa-devasya lokasya sa-mārakasya sa-brahmakasya sa-śramaṇa-brāhmaṇikāyāḥ prajāyāḥ pūjito dakṣiṇīyaḥ sarva-satvānāṃ | so * api tāvan na kasya-cit sakāśād upasthānaṃ svī-karoti | kiṃ punar asmābhir a-śikṣitaiḥ śikṣitu-kāmaiḥ | api tu vayam eva sarva-satvānām upasthāyakā bhaviṣyāmaḥ | vayam eva pareṣām upasthāna-paricaryāṃ kariṣyāmo na ca punaḥ kasya-cit sakāśād upasthāna-paricaryāṃ svī-kariṣyāmaḥ | tat kasya hetoḥ | upasthāna-gurukasya hi gṛha-pate bhikṣor guṇa-dharma-anugraho naśyati | yeṣāṃ ca saṃgrahaṃ karoti teṣām evaṃ bhavati | upasthāna-hetor eṣo * asmākaṃ saṃgrahaṃ karoti ||
punar atra + eva + āha | sacet punar gṛha-pate āraṇyako bodhi-satvo dharma-śravaṇa-arthika ācārya-upādhyāya-darśana-arthiko vā glāna-paripṛcchako vā grāma-antikaṃ śayana-āsanam āgacchet tena sā + ayam āgamanāya prakramaṇāya ca cittam utpādayitavyaṃ | sacet punar asya para-pratibaddha uddeśaḥ sva-adhyāyo vā tena vihāre prativasatā + araṇya-pravaṇa-cittena bhavitavyaṃ | eṣa eva tasya + araṇya-vāso yat sarva-vastuṣv araṇya-saṃjñā dharma-paryeṣṭyā ca + ātṛptā + iti ||
ārya-ratna-rāśi-sūtre * apy uktaṃ | yadi punar asya tatra + araṇya-āyatane viharato * a-prāpta-phala-pṛthag-janasya vyāḍa-mṛgā āgaccheyuḥ | tena tatra na bhayaṃ na trāsa utpādayitavyaḥ | evaṃ ca cittam utpādayitavyaṃ | pūrvam eva + aham utsṛṣṭa-kāya-jīvito * araṇya-vāsam upagato | na mayā + atra bhetavyaṃ | na + uttrasitavyaṃ | api tu maitrīm utpādayitvā doṣaṃ vivarjayiṣyāmi bhayam apanayiṣyāmi | yady evam api kṛtvā te vyāḍa-mṛgā māṃ jīvitād vyaparopya bhuñjīran | tena mayā + evaṃ cittam utpādayitavyaṃ | lābhā me su-labdhā yasya me * a-sārāt kāyāt sāram ādattaṃ bhaviṣyati | na punar ime vyāḍa-mṛgāḥ śakyā mayā + āmiṣeṇa toṣayituṃ mama māṃsaṃ bhakṣayitvā sukha-sparśaṃ vihariṣyanti || pe ||
yadi punas tatra + araṇya-āyatane viharato * a-manuṣyā upasaṃkramiṣyanti su-varṇā vā dur-varṇā vā | tena na tatra + anunetavyaṃ na pratihantavyaṃ | yadi pūrva-buddha-darśinyo devatā āraṇyakaṃ bhikṣum upasaṃkramya praśnaṃ paripṛccheyuḥ | tatra tena + āraṇyakena bhikṣuṇā yathā-śakti yathā-balaṃ yathā-dharma + adhigamāya tāsāṃ devatānāṃ dharmo deśayitavyaḥ | yadi punas tāvaṅ gambhīrān praśnān paripṛccheyur yān sa āraṇyako bhikṣur na śaknuyād visarjayituṃ | tena nir-mānena bhūtvā vāg bhāṣitavyā + a-śikṣito na paribhavitavyaḥ | yuñjiṣyāmi ghaṭiṣye buddha-śāsane | bhaviṣyati sa kālaḥ sa samayo yadā + adhigatān dharmān śrutvā sarva-kathāṃ visarjayiṣyāmi | api tu pratibhātu te | vayaṃ dhārma-śravaṇikā iti || pe ||
tena tatra + araṇya-āyatane prativasatā tṛṇa-gulma-auṣadhi-vanas-patīnāṃ nimittaṃ grahītavyaṃ | katham ete bhavanti | yathā + eṣāṃ bhāvanām a-svāmikānām a-mamānām a-parigrahāṇām evaṃ niś-ceṣṭānāṃ nir-vyāpārāṇāṃ bhavaty utpādo bhaṅgaś ca | na ca + eṣāṃ kaś-cid utpādayitā | na nirodhayitā | evam eva + ayaṃ kāyas tṛṇa-kāṣṭha-kuḍya-pratibhāsa-upamo * a-svāmiko * a-mamo * a-parigraho niś-ceṣṭo nir-vyāpāro hetu-pratyaya-yuktyā utpadyate | hetu-pratyaya-vaikalyān nirudhyate | na punar atra kaś-cid dharmaḥ parama-arthata utpadyate vā nirudhyate vā + iti ||
punaś ca + uktaṃ | tena tatra + araṇya-āyatane viharatā evaṃ cittam utpādayitavyaṃ | yady apy aham araṇyam āgata eko * a-dvitīyo | na me kaś-cit sahāyo yo māṃ su-kṛtaṃ duṣ-kṛtaṃ vā codayet | api tu khalu punaḥ santi + ime deva-nāga-yakṣā buddhāś ca bhagavanto ye mama citta-āśayaṃ jānanti | te mama sākṣiṇaḥ | so * aham iha + araṇya-āyatane prativasann a-kuśala-cittasya vaśaṃ gacchāmi | yadi punar aham iyad-dūram āgata eko * a-dvitīyo * a-saṃstabdho * a-mamo * a-parigrahaḥ kāma-vitarkaṃ vā vitarkayeyaṃ | vyāpaādaṃ vihinsā-vitarkaṃ vā vitarkayeyam anyaṃ vā + a-kuśala-vitarkaṃ vitarkayeyaṃ | nir-viśeṣo bhaveyaṃ saṃsarga-saṃgaṇikābhir etaiḥ satvaiḥ | te ca me deva-nāga-yakṣā visaṃvāditāḥ buddhāś ca bhagavanto * an-abhirāddhā bhaviṣyanti + iti ||
iti śikṣā-samuccaye araṇya-saṃvarṇano nāma + ekādaśaḥ paricchedaḥ ||
[XII. cittaparikarma]
citta-parikarma dvādaśaḥ paricchedaḥ ||
tad evam araṇye vasan samādhānāya yujyate ||
uktaṃ hi bhagavatyāṃ | sa teṣām eva satvānām arthāya dhyāna-pāramitāyāṃ carann a-vikṣipta-citto bhavati | tat kasya hetoḥ | tathā hy asya + evaṃ bhavati | laukikī dhyāna-upapattir api tāvad vikṣipta-cittasya dur-labhā | kaḥ punar vādo * an-uttarā samyak-saṃbodhiḥ | tasmān mayā + a-vikṣipta-cittena bhavitavyam | yāvann an-uttarāṃ samyak-saṃbodhim abhisaṃbuddheyam iti ||
punar asyām uktaṃ | punar a-paraṃ subhūte bodhi-satvo mahā-satvaḥ prathama-citta-utpādam upādāya dhyāna-pāramitāyāṃ caran sarva-ākāra-jñatā-pratisaṃyuktair manasi-kārair dhyānaṃ samāpadyate | sa cakṣuṣā rūpāṇi dṛṣṭvā na nimitta-grāhī bhavati na + anuvyañjana-grāhī | yato * adhikaraṇam asya cakṣur-indriyeṇa + a-saṃvara-saṃvṛtasya viharato * abhidhyā-daurmanasye anye vā pāpakā a-kuśalā dharmāś cittam anuprāpnuyuḥ | teṣāṃ saṃvarāya pratipadyate | rakṣati cakṣur-indriyam | evaṃ śrotreṇa śabdān śrutvā | ghrāṇena gandhān ghrātvā | jihvayā rasān āsvādya | kāyena spraṣṭavyāni spṛṣṭvā | manasā dharmān vijñāya na nimitta-grāhī bhavati | na + anuvyañjana-grāhī | yato * adhikaraṇam asya mana indriyeṇa + a-saṃvara-saṃvṛtasya pāpakāś cittam anuprāpnuyuḥ | teṣāṃ saṃvarāya pratipadyate | rakṣati mana indriyaṃ | sa gacchann api tiṣṭhann api niṣaṇṇo * api śayāno * api bhāṣamāṇo * api samāhita-avasthām a-samāhita-avasthāṃ na vijahāti | sa bhavaty a-hasta-lolaḥ | a-pāda-lolo * a-mukha-lolo * a-prakīrṇa-vāk | a-vikṣipta-indriyo * an-uddhato * an-unnato * a-capalo * an-alaso * a-saṃbhrānta-kāyo * a-saṃbhrānta-cittaḥ | śānta-kāyaḥ śānta-vāk śānta-cittaḥ | rahasy a-rahasi vā kalpita-īryā-pathaḥ saṃtuṣṭaḥ || pe ||
su-bharaḥ su-poṣaḥ | su-upāsyaḥ kalyāṇa-ācāra-go-caraḥ | saṃgaṇikayā + api viveka-go-caraḥ | lābhe * a-lābhe ca samo nir-vikāraḥ | an-unnato * an-avanataḥ | evaṃ sukhe duṣkhe | stutau nindāyāṃ | yaśasy a-yaśasi | jīvite maraṇe ca samo nir-vikāro * an-unnato * an-avanataḥ | evaṃ śatrau mitre ca | mana-apavartini ... | āryeṣv an-āryeṣu | śabdeṣu saṃkīrṇeṣv a-saṃkīrṇeṣu | priya-a-priyeṣu ca rūpeṣu samo nir-vikāraḥ | an-unnato * an-avanataḥ | anurodha-virodha-apagataḥ | tat kasya hetoḥ | tathā hi sa sva-lakṣaṇa-śūnyān a-saṃbhūtān a-niṣpannān an-abhinirvṛttān sarva-dharmān paśyati + iti vistaraḥ ||
tatra līne manasi muditā bhāvanayā + uttejanaṃ kuryāt | uddhate tv a-nityatā-manasi-kāraiḥ praśamaḥ ||
ubhaya-prati-pakṣa-arthaṃ ca + ārya-rāṣṭrapāla-uktāṃ gāthāṃ smaret | bahu kalpa-koṭībhi kadā-ci buddho utpadyate loka-hito maha-rṣi | labdho * adhunā sa pravaraḥ kṣaṇo * adya tyajati pramādaṃ yadi moktu-kāma | iti ||
tathā | mayā + upamaṃ vitatham etat svapna-upamaṃ ca saṃskṛtam avekṣya na cirād bhaviṣyati viyogaḥ sarva-priyaiḥ | na nityam iha kaś-cit | udyujya yathā ghaṭata nityaṃ pāramitāsu bhūmiṣu baleṣu | mā jātu sraṃsaya vīryaṃ yāvan na budhyathā pravara-bodhim | iti ||
ārya-lalita-vistare * apy uktaṃ | jvalitaṃ tri-bhuvaṃ jara-vyādhi-dukhair maraṇa-agni-pradīptam a-nātham idam | bhava-niḥ-śaraṇe sada mūḍha jagad bhramati bhramaro yathā kumbha-gataḥ ||
a-dhruvaṃ tri-bhuvaṃ śarad-abhra-nibhaṃ naṭa-raṅga-samā jagi janma-cyutiḥ | giri-nadya-samaṃ laghu-śīghra-javaṃ vrajatāyu jage yatha vidyu nabhe ||
bhuvi deva-pure tri-apāya-pathe bhava-tṛṣṇa-a-vidya-vaśā janatā | parivarttiṣu pañca-gatiṣv a-budhā yatha kumbha-karasya hi cakra bhramī ||
priya-rūpa-varaiḥ sada snigdha-rutaiḥ śubha-gandha-rasair vara-sparśa-sukhaiḥ | pariṣiktam idaṃ kali-pāśa jagat mṛga-lubdhaka-pāśi yathā + eva kapi ||
sa-bhayāḥ sa-raṇāḥ sada vaira-karāḥ bahu-śoka-upadrava kāma-guṇāḥ | asi-dhāra-samā viṣa-pattra-nibhāḥ jahita-ārya-janair yatha mīḍha-ghaṭaḥ ||
smṛti-moṣa-karās tamasī-karaṇā bhaya-hetu-karā dukha-mūla sadā | bhava-tṛṣṇa-latāya vivṛddhi-karāḥ sa-bhayāḥ sa-raṇā sada kāma-guṇāḥ ||
yatha agni-khadāḥ jvalitāḥ sa-bhayāḥ tatha kāma ime viditā + ārya-janaiḥ | maha-paṅka-samā aśi-śūla-samā madhu-digdha iva kṣura-dhāra-samā ||
yatha sarpa-śiro yatha mīḍha-ghaṭaḥ tatha kāma ime viditā viduṣām | tatha śūla-sāmā dvi-ja-peśi-samā yatha śvāna-karaṃ kiśa-vaira tathā + udaka-candra-nibhā imi kāma-guṇāḥ pratibimba ivā giri-ghoṣa yathā | pratibhāsa-samā naṭa-raṅga-nibhā tatha svapna-samā viditā + ārya-janaiḥ ||
kṣaṇikā-vasikā imi kāma-guṇāḥ tatha māya-marīci-samā alika-udaka-budbuda-phena-samā vitathāḥ parikalpa-samutthita buddha budhaiḥ ||
prathame vayase vara-rūpa-dharaḥ priya iṣṭa-mato iya bāla-cārī | jara-vyādhi-dukhair hata-teja-vapuṃ vijahanti mṛgā iva śuṣka-nadīm ||
dhana-dhānya-varo bahu-dravya-balī priya iṣṭa-mato iya bāla-cārī | parihīṇa-dhanaṃ puna kṛcchra-gataṃ vijahanti narā iva śūnya-ṭavīm ||
yatha puṣpa-drumo sa-phalo va drumo naru-dāna-rataḥ tatha prīti-karaḥ | dhana-hīnu jarā-arditu yācanako bhavate tada a-priya-gṛdhra-samaḥ ||
prabhu-dravya-balī vara-rūpa-dharaḥ priya-saṅga-mana-indriya-prīti-karaḥ | jarā-vyādhi-dukha-arditu kṣīṇa-dhano bhavate tada a-priya-mṛtyu-samaḥ ||
jarayā jaritaḥ samatīta-vayo druma vidyu-hato va yathā bhavati | jara-jīrṇa agāra yathā sa-bhayo jara-niḥ-śaraṇaṃ laghu brūhi mune ||
jara śoṣayate nara-nāri-gaṇaṃ yatha mālu-latā ghana śāla-vanam | jara vīrya-parākrama-vega-harī jara paṅka-nimagna yathā puruṣo ||
jara rūpa su-rūpa-vi-rūpa-karī jara teja-harī bala-sthāma-harī | sada saukhya-harī paribhāva-karī jara mṛtyu-karī jara oja-harī ||
bahu-roga-śatair ghana-vyādhi-dukhaiḥ upasṛṣṭu jagaj jvalanā + iva mṛgāḥ | jara vyādhi-gataṃ prasamīkṣya jagat dukha-niḥ-śaraṇaṃ laghu deśaya hī ||
śiśirehi yathā hima-dhātu mahaṃ tṛṇa-gulma-vana-auṣadhi oja-haro | tatha oja-haro * ayu vyādhi jage parihīyati indriya-rūpa-balam ||
dhana-dhānya-mahā-artha-kṣaya-anta-karaḥ paribhāva-karaḥ sad vyādhi jage | pratighāta-karaḥ priya-dveṣa-karaḥ paridāha-karo yatha sūryu nabhe ||
maraṇaṃ cyavanaṃ cyuti kāla-kriyā priya-dravya-janena viyogu sadā | a-puna-āgamanaṃ ca a-saṃgamanaṃ druma-pattra-phalā nadi-śrotu yathā ||
maraṇaṃ vaśitān a-vaśī-kurute maraṇaṃ harate nadi dāru yathā | a-sahāya-naro vrajate * a-dvitīyaḥ svaka-karma-phala-anugato vi-vaśaḥ ||
maraṇaṃ grasate bahu prāṇi-śatān makaro va jala-ākari bhūta-gaṇān | garuḍo ura-gaṃ mṛga-rāja gaja jvalano va tṛṇa-auṣadhi-bhūta-gaṇam | iti ||
rāja-avavādaka-sūtre * apy āha | tad yathā mahā-rāja catasṛbhyo digbhyaś catvāraḥ parvatā āgaccheyur dṛḍhāḥ | sāravanto * a-khaṇḍā a-cchidrā a-suṣirāḥ su-saṃvṛtā eka-ghanā nabhaḥ spṛśantaḥ pṛthivīṃ ca + ullikhantaḥ sarva-tṛṇa-kāṣṭha-śākhā-parṇa-palāśa-ādi sarva-satva-prāṇi-bhūtāni nirmathnantas tebhyo na su-karaṃ javena vā palāyituṃ balena vā dravya-mantra-auṣadhibhir vā nivartayitum | evam eva mahā-rāja catvāri + imāni mahā-bhayāny āgacchanti yeṣāṃ na su-karaṃ javena vā palāyituṃ balena dravya-mantra-auṣadhair vā nivartanaṃ kartum | katamāni catvāri | jarā vyādhir maraṇaṃ vipattiś ca ||
jarā mahā-rāja āgacchati yauvanaṃ pramathamānā | vyādhir mahā-rāja āgacchaty ārogyaṃ pramathamānaḥ | maraṇam āgacchati jīvitaṃ pramathamānaṃ | vipattir mahā-rāja + āgacchati sarvāḥ saṃpattīḥ pramathamānā | tat kasya hetoḥ | tad yathā mahā-rāja siṃho mṛga-rājo rūpa-saṃpanno java-saṃpannaḥ su-jāta-nakha-daṃṣṭrā-karālo mṛga-gaṇam anupraviśya mṛgaṃ gṛhītvā yathā-kāma-karaṇīyaṃ karoti | sa ca mṛgo * ati-balaṃ vyāḍa-mukham āsādya vi-vaśo bhavati | evam eva mahā-rāja viddhasya mṛtyu-śalyena + apagata-madasya + a-parāyaṇasya marmasu chidyamāneṣu mucyamāneṣu sandhiṣu māṃsa-śoṇite pariśuṣyamāṇe paritapta-tṛṣita-vihvala-vadanasya kara-caraṇa-vikṣepa-abhiyuktasya + a-karmaṇyasya + a-samarthasya lālā-siṅghāṇaka-pūya-mūtra-purīṣa-upaliptasya īṣaj-jīvita-avaśeṣasya karma-bhavāt punar bhavam ālambānasya yama-puruṣa-bhaya-bhītasya kāla-rātri-vaśa-gatasya carama-āśvāsa-praśvāseṣu + uparudhyamāneṣu e kākino * a-dvitīyasya + a-sahāyasya + imaṃ lokaṃ jahataḥ para-lokam ākrāmato mahā-pathaṃ vrajato mahā-kāntāraṃ praviśato mahā-gahanaṃ samavagāhamānasya mahā-andha-kāraṃ pratipadyamānasya mahā-arṇavena + urjyamānasya karma-vāyunā + āhriyamāṇasya + a-nimittī-kṛtāṃ diśaṃ gacchato na + anyat trāṇaṃ na + anyac * charaṇaṃ na + anyat parāyaṇam ṛte dharmāt | dharmo hi mahā-rāja tasmin samaye trāṇaṃ layanaṃ śaraṇaṃ parāyaṇaṃ bhavati | tad yathā śīta-ārttasya + agni-pratāpaḥ | agnim apagatasya + a-nirvāpaṇaṃ | uṣṇa-ārttasya śaityaṃ | adhvānaṃ pratipannasya śītalaṃ chāyā-upavanaṃ | pipāsitasya śītala-jalaṃ | bubhukṣitasya vā praṇītam annaṃ | vyādhitasya vaidya-oṣadhi-paricārakāḥ | bhaya-bhītasya balavantaḥ sahāyāḥ | sādhavaḥ prati-śaraṇā bhavanti | evam eva mahā-rāja viddhasya mṛtyu-śalyena + apagata-madasya + a-trāṇasya + a-śaraṇasya + a-parāyaṇasya na + anyat trāṇaṃ na + anyat parāyaṇam anyatra dharmāt | tasmāt tarhi te mahā-rāja + a-nityatā-anudarśinā bhavitavyaṃ kṣaya-vyaya-anudarśinā bhavitavyaṃ maraṇa-bhaya-bhītena | dharmeṇa + eva te mahā-rāja rājyaṃ kārayitavyaṃ na + a-dharmeṇa | tat kasya hetoḥ | asya + api te mahā-rāja + ātma-bhāvasya + evaṃ su-ciram api parirakṣitasya su-ciram api śucinā praṇītena khādanīya-bhojanīya-āsvādanīyena saṃtarpitasya saṃpravāritasya | kṣuta-pipāsā-parigatasya kāla-kriyā bhaviṣyati | evaṃ kāśi-kauśeya-dūkūla-pattra-ūrṇā-kṣauma-ādibhir vastra-viśeṣair ācchāditasya carama-śayana-avasthitasya vividha-sveda-ambu-klinna-malina-vasana-āvṛtasya kāla-kriyā bhaviṣyati | evam api te mahā-rāja snāna-anulepana-vāsa-dhūpa-puṣpa-surabhi-gandhasya + ātma-bhāvasya na cireṇa dur-gandhatā bhaviṣyati | evaṃ stry--āgāra-madhya-gatasya + api te strī-gaṇa-parivṛtasya nānā-vādya-gīta-tūrya-nādyair upagīyamānasya su-manasaḥ krīḍato ramamāṇasya paricārayato maraṇa-bhaya-bhītasya + atīva duṣkha-daurmanasyābhyāṃ kāla-kriyā bhaviṣyati | evam api te mahā-rāja gṛheṣu + upalepana-upalipteṣu su-sthāpita-argaleṣu su-pihita-vāta-āyaneṣu bahu-gandha-dhūpa-puṣpa-taila-varti-prajvāliteṣv āsakta-paṭṭa-dāma-kalāpeṣu mukta-kusuma-avakīrṇeṣu gandha-ghaṭikā-nirdhūpiteṣu a-nyasta-pāda-pīṭha-paṭikā-āstaraṇa-goṇikā-āstaraṇa-kāca-lindika-prāvaraṇa-sa-antara-uchada-paṭikā-ubhaya-kṛta-upadhāneṣu paryaṅkeṣu śayitvā | punaś ca śṛgāla-kāka-gṛdhra-mṛtaka-ḍevara-māṃsa-asthi-keśa-rudhira-vaśa-ākule parama-bībhatse śmaśāne gata-ceṣṭasya + ātma-bhāvaḥ pṛthivyām a-vaśaḥ śeṣyate | evam api te mahā-rāja gaja-skandha-aśva-pṛṣṭha-ratha-abhirūḍhasya śaṅkha-paṭaheṣv āhanyamāneṣu chatreṇa dhāryamāṇena bāla-vyajanena vījayamānasya + an-eka-hasty-aśva-ratha-padātibhir anuyātasya + añjali-śata-sahasrair namas-kriyamāṇasya | nirgamanam anubhūya na cirān niś-ceṣṭasya mṛta-śayana-abhirūḍhasya caturbhiḥ puruṣair utkṣiptasya dakṣiṇena nagara-dvāreṇa nirṇītasya mātā-pitṛ-bhrātṛ-bhaginī-bhāryā-putra-duhitṛ-vayasya-dāsī-dāsa-karma-kara-pauruṣeyaiḥ śoka-gata-hṛdayair vikṣipta-keśair utkṣipta-bhujaiḥ sa-uras-tāḍaṃ parama-karuṇaṃ | hā putra hā nātha hā tāta hā svāminn ity ākrandamānaiḥ paura-jānapadaiḥ sa-paribhāva-dṛśyamānasya śmaśānaṃ nītasya punaḥ kāka-gṛdhra-śva-śṛgāla-ādibhir bhakṣitasya tāny asthīny agninā vā dagdhāni pṛthivyāṃ vā nikhānitāni adbhir vā klinnāni vāta-ātāpa-varṣair vā cūrṇī-kṛtāni dig-vi-dikṣu prakṣiptāni tatra + eva pūta-bhavam āyāsyanti | evam a-nityāḥ sarva-saṃskārā evam a-dhruvā iti vistaraḥ ||
tatra kleśāḥ prādhānyena rāga-dveṣa-mohā yasya + eṣām ekatarasya tāvat prati-pakṣam ādau bhāvayet tan-nidānaṃ ca varjayet ||
tatra + ārya-ratna-meghe tāvad āha | sa rāgasya prati-pakṣaṃ bhajate | rāga-utpatti-pratyayāṃś ca varjayati | katamaś ca sa rāgasya prati-pakṣaḥ | katame ca te rāga-utpatti-pratyayāḥ | a-śubhā-bhāvanā + a-rāgasya prati-pakṣaḥ | jana-pada-kalyāṇī-rāga-utpatti-pratyayaḥ | katamā ca sā + a-śubhā-bhāvanā | yad uta santy asmin kāye keśā romāṇi nakhā dantā rajo malaṃ tvak māṃsa-asthi snāyuḥ śirā vṛkkā hṛdayaṃ plīhakaḥ klomakaḥ | antrāṇy antra-guṇa āma-āśayaḥ pakva-āśayaḥ | audaryakaṃ yakṛt purīṣam aśru svedaḥ kheṭaḥ siṅghāṇakaṃ vasā lasikā majjā medaḥ pittaṃ śleśmā pūyaṃ śoṇitaṃ mastakaṃ mastaka-luṅgaṃ prasrāvaḥ | eṣu ca vastuṣu bodhi-satva upaparīkṣaṇa-jātīyo bhavati | tasya + evam upaparīkṣamāṇasya + evaṃ bhavati | yo * api tāvat syād bālo mūḍhaḥ a-bhavyo * a-kuśalaḥ so * api tāvad etāni vastūni jñātvā rāga-cittaṃ na + utpādayet | prāg eva sa-prajña-jātīyaḥ | evaṃ hi bodhi-satvo * a-śubhā-bhāvanā-bahulo bhavati + iti ||
bhagavatyām apy uktaṃ | punar a-paraṃ subhūte bodhi-satvo mahā-satvaḥ prajñā-pāramitāyāṃ carann imam evaṃ kāyaṃ yathā-bhūtaṃ prajānāti | tad yathā + api nāma subhūte go-ghātako vā go-ghātaka-ante-vāsī vā gāṃ hatvā tīkṣṇena śastreṇa catvāri phalakāni kṛtvā pratyavekṣate sthito * atha-vā niṣaṇṇaḥ | evam eva subhūte bodhi-satvaḥ prajñā-pāramitāyāṃ carann imam eva kāyaṃ dhātuśo yathā-bhūtaṃ prajānāti | asty asmin kāye pṛthivī-dhātur ab-dhātur api tejo-dhātur api vāyu-dhātur api + iti | pe ||
punar apy āha | tad yathā + api subhūte karṣakasya mūtoḍī pūrṇā nānā-dhānyānāṃ śālīnāṃ vrīhīṇāṃ tilānāṃ taṇḍulānāṃ mudrānāṃ māṣāṇāṃ yavānāṃ go-dhūmānāṃ maśūrāṇāṃ sarṣapāṇāṃ |tān etān cakṣuṣmān puruṣaḥ pratyavekṣamāṇaḥ | evaṃ-jātīyād ayaṃ śālir ayaṃ vrīhir amī tilā amī taṇḍulā amī mudrā amī māṣā yavā amī go-dhūmā amī maśūrā amī sarṣapā iti ||
evam eva bodhi-satvo mahā-satvaḥ prajñā-pāramitāyāṃ carann imam eva kāyam ūrddhvaṃ pāda-talād adhaḥ keśa-mastaka-nakha-roma-tvak roma-paryantaṃ pūrṇaṃ nānā-prakārasya + a-śucer yathā-bhūtaṃ pratyavekṣate | santy asmin kāye keśā romāṇi nakhā yāvan mastakaṃ mastaka-luṅgam akṣi-gūthaṃ karṇa-gūtham iti || pe ||
punar a-paraṃ subhūte bodhi-satvaḥ śmaśāna-gataḥ paśyati nānā-rūpāṇi mṛta-śarīrāṇi śmaśāne * apaviddhāni śava-śayane ujjhitāni eka-aha-mṛtāni vā dvy-aha-mṛtāni vā try-aha-mṛtāni vā catur-aha-mṛtāni vā pañca-aha-mṛtāni vā vyādhmātakāni vinīlakāni vipūyakāni vipaṭhyakāni | sa imam eva kāyaṃ tatra + upasaṃharati | ayam api kāya evaṃ-dharmā evaṃ-sva-bhāvaḥ | etāṃ dharmatām a-vyativṛttae iti ||
evaṃ hi subhūte bodhi-satvo mahā-satvaḥ prajñā-pāramitāyāṃ caran bahir-dhā kāye kāya-anudarśī viharati || pe ||
punar a-paraṃ yadā mṛta-śarīrāṇi śmaśāne utsṛṣṭāni paśyati | ṣaḍ-rātra-mṛtāni kākair vā khādyamānāni kurarair vā gṛdhrair vā śvabhir vā śṛgālair vā tato * anyair vā nānā-vidhaiḥ prāṇaka-jātaiḥ khādyamānāni sa imam eva kāyaṃ tatra + upasaṃharati | ayam api kāya evaṃ-dharmā evaṃ-sva-bhāvaḥ | etāṃ dharmatāṃ na vyativṛttae iti ||
punar a-paraṃ yadā mṛta-śarīrāṇi paśyati śmaśāne utsṛṣṭāni vikhāditāny a-śucīni dur-gandhāni | sa imam eva kāyaṃ tatra + upasaṃharati + iti pūrva-vat || pe ||
punar a-paraṃ yadā paśyati mṛta-śarīrāṇi śiva-pathikāyām asthi-saṃkalikāṃ māṃsa-śoṇita-mrakṣitāṃ snāyu-vinibaddhāṃ |sa tatra + imam eva kāyam iti pūrva-vat ||
punar a-paraṃ yadā mṛta-śarīrāṇi paśyati śiva-pathikāyām asthi-saṃkalī-bhūtāni apagata-māṃsa-śoṇita-snāyu-bandhanāni | sa imam eva kāyam iti pūrva-vat ||
punar a-paraṃ yadā paśyati śiva-pathikāyām asthīni dig-vi-dikṣu kṣiptāni | yad uta + anyena pāda-asthīni | anyena jaṅgha-asthīni | anyena ca + ūrv-asthīni | anyena śroṇi-kaṭāhakaṃ | anyena pṛṣṭha-vaṃśam anyena pārśvaka-asthīni | anyena grīva-asthīni | anyena bāhv-asthīni | sa imam eva kāyam upasaṃharati + iti pūrva-vat || pe ||
punar a-paraṃ yadā paśyati śiva-pathikāyām asthīny an-eka-vārṣikāṇi vāta-anupariśoṣitāni śaṅkha-sannibhāni | imam eva kāyaṃ tatra + upasaṃharati + iti pūrva-vat | ayam api kāya evaṃ-dharmā evaṃ-sva-bhāva etāṃ dharmatāṃ na vyativṛttae iti ||
punar a-paraṃ subhūte bodhi-satvo mahā-satvaḥ prajñā-pāramitāyāṃ caran yadā paśyati śiva-pathikāyām asthīny an-eka-vārṣikāṇi tiro-bhūtāni nīlāni kapota-varṇāni pūtīni cūrṇaka-jātāni pṛthivyāṃ pāṃsunā a-sama-samī-bhūtāni sa imam eva kāyaṃ tatra + upasaṃharati ayam api kāya evaṃ-dharmā evaṃ-sva-bhāvaḥ | etāṃ dharmatāṃ na vyativṛttae iti ||
eṣa tāvat samāsato rāgasya samudācāra-prati-pakṣaḥ | dveṣasya maitrī prati-pakṣaḥ | a-priya-satva-a-darśanaṃ ca | tena vā saha bhojana-ādy-eka-arthatayā + a-prīty-utpādanaṃ tatra para-sukhasya + āśaṃsā prārthanā tṛṣṇā + abhinandanaṃ maitrī | kāma-rāga-praty-upakāra-hetubhyām a-kliṣṭaḥ sneha ity arthaḥ ||
sā tri-vidhā + ārya-akṣayamati-sūtre * abhihitā | satva-ārambaṇā maitrī prathama-citta-utpādikānāṃ bodhi-satvānāṃ | dharma-ārambaṇā caryā-pratipannānāṃ bodhi-satvānāṃ | an-ārambaṇā maitrī an-utpattika-dharma-kṣānti-pratilabdhānāṃ bodhi-satvānām iti ||
punar buddha-ārambaṇā bodhi-satva-ārambaṇā śrāvaka-praty-eka-buddha-ārambaṇā satva-ārambaṇā ca | tatra satva-ārambaṇāyāḥ pūrvaṃ priye satve hita-sukha-upasaṃhārān na dhyānam abhyasya | tat-same maitrīm upasaṃharet | tataḥ pariciteṣu | tata udāsīneṣu | tataḥ samīpa-vāsiṣu | tataḥ sva-grāma-vāsiṣu | evaṃ para-grāme ca | evaṃ yāvad ekāṃ diśam adhimucya spharitvā + upasaṃpadya viharati | evaṃ daśasu dikṣu | buddha-ādy-ārambaṇāyās tv ayaṃ prayāso na + asti ||
sā ca vajra-dhvaja-pariṇāmanāyām uktā | sa bodhi-satva-caryāyāṃ caran yāvanti kāni-cid dṛśyante rūpāṇi mano-jñāni vā prati-kūlāni vā | evaṃ śabdā gandhā rasā spraṣṭavyā dharmā mano-jñā vā prati-kūlā vā | an-avadyā viśuddhāḥ kalyāṇa-udāra-prabhāsvarā vā yena saumanasyaṃ jāyate | sukham avakrāmati | prasādo jāyate | prītiḥ saṃbhavati | prāmodyaṃ saṃtiṣṭhate | harṣaḥ prādur-bhavati | daurmanasyaṃ nivartate | citta-kalyatā prādur-bhavati | cittaṃ karmaṇyaṃ bhavati | āśayo mṛdu-bhavati | indriyāṇi prahlādaṃ gacchanti | satata-sukhaṃ saṃvedayamāna evaṃ pariṇāmayati | sarva-buddhānām etayā pariṇāmanayā bhūyasyā mātrayā te buddhā bhagavanto * a-cintyena buddha-vihāra-sukhena samanvāgatā bhavantv a-tulyena buddha-samādhi-sukhena su-saṃgṛhītā bhavantv an-anta-sukhena bhūyasyā mātrayā + upastabdhā bhavantu | a-pramāṇena buddha-vimokṣa-sukhena samanvāgatā bhavantu | a-prameyeṇa buddha-prātihārya-sukhena su-saṃgṛhītā bhavantu | a-cintyena buddha-a-saṃga-vihāra-sukhena su-parigṛhītā bhavantu | dur-āsadena buddha-vṛṣabhita-sukhena + abhichannā bhavantu | a-prameyeṇa buddha-bala-sukhena + ātyanta-sukhitā bhavantu | sarva-vedita-śāntena + an-utpatti-sukhena + adhikāra-sukhā bhavantu | a-saṃga-vihāra-satata-samāhitena tathā-gata-sukhena + a-dvaya-samudācāreṇa + a-vikopita-sukhā bhavantu ||
evaṃ bodhi-satvas tat-kuśala-mūlaṃ tathā-gateṣu pariṇamayya bodhi-satveṣu pariṇamayati | yad idam a-paripūrṇānām abhiprāyāṇāṃ paripūrṇāya pariṇamayati | a-pariśuddhānāṃ sarva-jñatā-adhyāśayānāṃ pariśuddhaye | a-pariniṣpannānāṃ sarva-pāramitānāṃ pariniṣpattaye | vajra-upamasya bodhi-citta-utpādasya + adhiṣṭhānāya | a-nivartyasya sarva-jñatā-saṃnāhasya + a-pratiprasrabdhaye | bodhi-satvānāṃ kuśala-mūlānāṃ mārgaṇatāyai | sarva-jagat-samatā-sthitasya mahā-praṇidhānasya paripūraye | sarva-bodhi-satva-vihārāṇām adhigamāya | sarva-bodhi-satva-indriyāṇāṃ tīkṣṇa-abhijñatāyai | sarva-bodhi-satva-kuśala-mūlānāṃ sarva-jñatā-sparśanatāyai ||
sa evaṃ tat-kuśala-mūlaṃ bodhi-satvānām arthāya pariṇamayya buddha-śāsana-avacareṣu sarva-śrāvaka-praty-eka-buddheṣu tat-kuśala-mūlam evaṃ pariṇāmayati | te ke-cit satvā eka-acchaṭa-a-saṃhāta-mātram api buddha-śabdaṃ sṛṇvati | dharma-śabdaṃ vā + ārya-saṃgha-paryupāsanaṃ vā kurvanti teṣāṃ tat-kuśala-mūlam an-uttarāyai samyak-saṃbodhaye pariṇāmayati buddha-anusmṛti-paripūryai pariṇāmayati | dharma-anusmṛti-prayogatāyai pariṇāmayati | ārya-saṃgha-gauravāya pariṇāmayati | a-cira-hita-buddha-darśanatāyai pariṇāmayati | citta-pariśuddhaye pariṇāmayati | buddha-dharma-prativedhāya pariṇāmayati | a-prameya-guṇa-pratipattaye pariṇāmayati | sarva-abhijñā-kuśala-pariśuddhaye pariṇāmayati | dharma-vi-mati-vinivartanāya pariṇāmayati | yathā buddha-śāsana-avacareṣu pariṇāmayati | śrāvaka-praty-eka-buddheṣu ca tathā bodhi-satvaḥ sarva-satveṣu tat-kuśala-mūlaṃ pariṇāmayati ||
yad idaṃ nairayika-mārga-vinivartanāya pariṇāmayati | tiryag-yoni-vyavacchedāya pariṇāmayati | yama-loka-upaccheda-sukhāya pariṇāmayati | nir-avaśeṣa-sarva-apāya-gaty-upapatti-vyavacchedāya pariṇāmayati ||
teṣāṃ ca sarva-satvānām an-uttara-bodhi-chanda-vivardhanatāyai pariṇāmayati | adhyāśaya-sarva-jñatā-citta-lābhāya pariṇāmayati | sarva-buddha-dharma-a-pratikṣepāya pariṇāmayati | aty-anta-sukha-sarva-jñatā-bhūmi-saṃvartanāya pariṇāmayati | aty-anta-sarva-satva-viśuddhaye pariṇāmayati | sarva-satvānām an-anta-jñāna-adhigamāya pariṇāmayati | pe ||
tasya yat kiñ-cic cīvara-piṇḍa-pāta-śayana-āsana-glāna-pratyaya-bhaiṣajya-gamana-āgamana-śarīra-upasthāna-niṣadya-ādi-niṣevaṇa-āyatanānāṃ pravartana-karma īryā-patha-adhiṣṭhānam īryā-pathasya + a-vikopanaṃ kāya-karma vāk-karma manas-karma sa-curitaṃ ṣaṇṇām indriyāṇāṃ saṃvaraḥ sva-śarīra-āchādana-mardana-snāna-karma | aśita-pīta-khāditaṃ saṃmiñjita-prasārita-avalokita-vilokita-supta-jāgarita-sva-śarīra-gata-upasthānaṃ sarvam etad bodhi-satvasya sarva-jñatā-ālambana-prayuktasya na kiñ-cid a-pariṇāmitaṃ sarva-jñatāyāṃ sarva-satva-hita-sukha-cittasya || pe ||
sarva-jagat-paritrāṇa-manaso nitya-udyukta-kuśala-mūlasya mada-pramāda-vyativṛttasya || pe ||
sarva-kleśa-parāṅ-mukhasya sarva-bodhi-satva-anuśikṣaṇa-cetasaḥ sarva-jñatā-mārga-a-pratihatasya jñāna-bhūmi-niṣevaṇasya paṇḍita-saṃvāsa-abhiratasya | pe ||
madhu-kara iva kuśala-mūla-saṃbharaṇasya sarva-jagad-uccalita-santānasya + an-abhiniviṣṭa-sarva-saṃskārasya | pe ||
antaśaḥ śvasv api tad anyeṣv api tiryag-yoni-gateṣv eka-odana-unmiñjitam eka-ālopaṃ vā parityajati | su-gatāv upapattiṣu tat sarvaṃ teṣām eva hitāya teṣām eva parimocanāya pariṇāmayati | tasyās tiryag-yones tasmād duṣkha-ārṇavāt tasmād duṣkha-upādānāt tasmād duṣkha-skandhāt tasmād duṣkhā-vedanāyāḥ | tasmād duṣkha-upacayāt tasmād duṣkha-abhisaṃskārāt tasmād duṣkha-nidānāt tato duṣkha-mūlāt tasmād duṣkha-āyatanāt teṣāṃ satvānāṃ vinivartanāya pariṇāmayati tad-ārambaṇena ca sarva-satva-ārambaṇī-karoti manasi-karoti | tatra kuśala-mūle pūrvaṅ-gamī-karoti | yad idaṃ sarva-jñatāyāṃ pariṇāmayati | bodhi-citta-utpādena pratigṛhṇāti | tatra kuśala-mūlam upanayati | saṃsāra-kāntārād vinivartayati | an-āvaraṇena buddha-sukhena + abhimukhī-karoti | saṃsāra-sāgarād unmajjayati | buddha-dharma-prayuktāya maitryā spharati + ity ādi ||
imāś ca suvarṇa-bhāsa-uktā maitrī-karuṇā-garbhā gāthāḥ sarvā ādarataḥ samanvāhṛtya bhāvayitavyā antaśo vacasā + api ||
suvarṇa-bhāsa-uttama-dundubhena śāmyantu duṣkhās tri-sahasra-loke | apāya-duṣkhā yama-loka-duṣkhā dāridrya-duṣkhāś ca iha tri-loke ||
anena ca + u dundubhi-ghoṣa-nādinā śāmyantu sarva-vyasanāni loke | bhavantu satvā hy a-bhaya-āhatā tathā yathā + a-bhayāḥ śānta-bhayāḥ muni-indrāḥ ||
yathā + eva sarva-ārya-guṇa-upapannāḥ saṃsāra-sarva-jña-mahā-samudrāḥ | tathā + eva bhontū guṇa-sāgarāḥ prajāḥ samādhi-bodhy-aṅga-guṇair upetāḥ ||
anena ca + u dundubhi-ghoṣa-nādinā bhavantu brahma-svara sarva-satvāḥ | spṛśantu buddhatva-vara-agra-bodhiṃ pravartayantū śubha-dharma-cakram ||
tiṣṭhantu kalpāni a-cintiyāni deśentu dharmaṃ jagato hitāya | hanantu kleśān vidhamantu duṣkhān samentu rāgaṃ tatha doṣa moham ||
ye satva tiṣṭhanti apāya-bhūmau ādīpta-saṃprajvalita-asthi-gātrāḥ | śṛṇvantu te dundubhi-saṃpravāditaṃ namo * astu buddhāya bhaṇantu vācam ||
jāti-smarāḥ satvā bhavantu sarve jātī-śataṃ jāti-sahasra-koṭyaḥ | anusmarantū satataṃ muni-indrān śṛṇvantu teṣāṃ vacanaṃ hy udāraṃ ||
anena ca + u dundubhi-ghoṣa-nādinā labhantu buddhehi samāgamaṃ sadā | vivarjayantū khalu pāpa-karma carantu kuśalāni śubha-kriyāṇi ||
sarvatra kṣetreṣu ca sarva-prāṇināṃ sarve ca duṣkhāḥ praśamantu loke | ye satva vi-kala-indriya aṅga-hīnāḥ te sarvi sa-kala-indriya bhontu sāṃpratam ||
ye vyādhitā dur-bala-kṣīṇa-gātrā nis-trāṇa-bhūtāḥ śayitā diśāsu | te sarvi mucyantu ca vyādhito laghu labhantu ca + ārogya bala-indriyāṇi ||
ye rāja-caura-bhaṭa tarjita vadhya-prāptā nānā-vidhair bhaya-śatair vyasana-upapannāḥ | te sarvi satva vyasana-āgata-duṣkhitā hi mucyantu tair bhaya-śataiḥ paramaiḥ su-ghoraiḥ ||
ye tāḍitā bandhana-baddha-pīḍitā vividheṣu vyasaneṣu ca saṃsthitāhi | an-eka āyāsa-sahasra ākulā vicitra-bhaya-dāruṇa-śoka-prāptāḥ ||
te sarvi mucyantv iha bandhanebhyaḥ saṃtāḍitā mucyiṣu tāḍanebhyaḥ | vadhyāś ca saṃyujyiṣu jīvitena vyasana-āgatā nir-bhaya bhontu sarve ||
ye satva kṣut-tarṣa-pipāsa-pīḍitā labhantu te bhojana-pāna-citram | andhāś ca paśyantu vicitra-rūpāṃ badhirāś ca śṛṇvantu mano-jña-ghoṣān ||
nagnāś ca vastrāṇi labhantu citrāṃ daridra-satvāś ca nidhiṃ labhantu | prabhūta-dhana-dhānya-vicitra-ratnaiḥ sarve ca satvāḥ sukhino bhavantu ||
mā kasya-cid bhāvatu duṣkha-vedanāḥ saukhya-anvitāḥ satva bhavantu sarve | abhirūpa-prāsādika-saumya-rūpā an-eka sukha saṃcita nitya bhontu ||
manasa-anna-pānāḥ su-samṛddha-puṇyāḥ saha citta-mātreṇa bhavantu teṣāṃ | vīṇā mṛdaṅgāḥ paṇavāḥ su-ghoṣakāḥ utsā sarāḥ puṣkariṇī taḍāgāḥ ||
suvarṇa-padma-utpala-padminīś ca saha citta-mātreṇa bhavantu teṣām | gandhaṃ ca mālyaṃ ca vilepanaṃ ca vāsaś ca cūrṇaṃ kusumaṃ vicitram ||
triṣ-kāla-vṛkṣebhi pravarṣayantu gṛhṇantu te satva bhavantu hṛṣṭāḥ | kurvantu pūjāṃ daśasū diśāsu a-cintiyāṃ sarva-tathā-gatānām ||
sa bodhi-satvān atha śrāvakāṇāṃ dharmasya bodhi pratisṛṣṭi tasya | nīcāṃ gatiṃ satva vivarjayantu bhavantu aṣṭa-akṣaṇa-vīti-vṛttāḥ ||
āsādayantū jina-rājam uttamaṃ labhantu buddhehi samāgamaṃ sadā | sarvā striyo nitya narā bhavantu śūrāś ca vīrā vidu-paṇḍitāś ca ||
te sarvi bodhāya carantu nityaṃ carantu te pāramitāsu ṣaṭsu | paśyantu buddhān daśasū diśāsu ratna-druma-indreṣu sukha-upaviṣṭān | vaiḍūrya-ratna-āsana-saṃniṣaṇṇān dharmāṃś ca śṛṇvantu prakāśyamānān | iti ||
eṣā saṃkṣepato maitrī ||
dveṣa-samudācāra-prati-pakṣaḥ ||
moha-anuśayasya pratītya-samutpāda-darśanaṃ prati-pakṣaḥ ||
tatra pratītya-samutpādaḥ śāli-stamba-sūtre * abhihitaḥ | tatra + ādhyātmikasya pratītya-samutpādasya hetu-upanibandhaḥ katamaḥ | yad idam a-vidyā-pratyayāḥ saṃskārā yāvaj jāti-pratyayaṃ jarā-maraṇam iti | a-vidyā cen na + abhaviṣyan na + eva saṃskārāḥ prājñāsyanta | evaṃ yāvad yadi jātir na + abhaviṣyan na jarā-maraṇaṃ prājñāsyata | atha satyām a-vidyāyāṃ saṃskārāṇām abhinirvṛttir bhavati | evaṃ yāvaj jātyāṃ satyāṃ jarā-maraṇasya + abhinirvṛttir bhavati | tatra + a-vidyāyā na + evaṃ bhavati | ahaṃ saṃskārān abhinirvartayāmi + iti | saṃskārāṇām apy evaṃ na bhavati | vayam a-vidyayā + abhinirvṛttā iti | evaṃ yāvaj jātyā na + evaṃ bhavati | ahaṃ jarā-maraṇam abhinirvartayāmi + iti | jarā-maraṇasya + api na + evaṃ bhavati | ahaṃ jātyā nirvṛtta iti |atha ca satyām a-vidyāyāṃ saṃskārāṇām abhinirvṛttir bhavati prādur-bhāvaḥ | evaṃ yāvaj jātyāṃ satyāṃ jarā-maraṇasya + abhinirvṛttir bhavati prādur-bhāvaḥ ||
evam ādhyātmikasya pratītya-samutpādasya hetu-upanibandho draṣṭavyaḥ ||
katham ādhyātmikasya pratītya-samutpādasya pratyaya-upanibandho draṣṭavya iti | ṣaṇṇāṃ dhātūnāṃ samavāyāt | katam eṣāṃ ṣaṇṇāṃ dhātūnāṃ samavāyāt | yad idaṃ pṛthivy--ap-tejo-vāyv-ākāśa-vijñāna-dhātūnāṃ samavāyād ādhyātmikasya pratītya-samutpādasya pratyaya-upanibandho draṣṭavyaḥ ||
tatra + ādhyātmikasya pratītya-samutpādasya pṛthivī-dhātuḥ katama iti | yo * ayaṃ kāyasya saṃśleṣataḥ kaṭhina-bhāvam abhinirvartayaty ayam ucyate pṛthivī-dhātuḥ | yaḥ kāyasya + anuparigrahaṃ kṛtyaṃ karoti ayam ucyate * ab-dhātuḥ | yaḥ kāyasya + aśita-pīta-bhakṣitaṃ paripācayati ayam ucyate tejo-dhātuḥ | yaḥ kāyasya + āśvāsa-praśvāsa-kṛtyaṃ karoty ayam ucyate vāyu-dhātuḥ | yaḥ kāyasya + antaḥ-sauṣirya-bhāvam abhinirvartayaty ayam ucyate ākāśa-dhātuḥ | yo nāma-rūpam abhinirvartayati naḍa-kalāpa-yogena pañca-vijñāna-kāya-saṃprayuktaṃ sa-āsravaṃ ca mano-vijñānam ayam ucyate vijñāna-dhātuḥ ||
a-satsu pratyayeṣu kāyasya + utpattir na bhavati | yadā + ādhyātmikaḥ pṛthivī-dhātur a-vikalo bhavaty evam ap-tejo-vāyv-ākāśa-vijñāna-dhātavaś ca + a-vikalā bhavanti | tataḥ sarveṣāṃ samavāyāt kāyasya + utpattir bhavati ||
tatra pṛthivī-dhātor na + evaṃ bhavati | ahaṃ kāyasya kaṭhina-bhāvam abhinirvartayāmi + iti | ab-dhātor na + evaṃ bhavati | ahaṃ kāyasya + anuparigraha-kṛtyaṃ karomi + iti | tejo-dhātor na + evaṃ bhavati | ahaṃ kāyasya + aśita-pīta-khāditaṃ paripācayāmi + iti | vāyu-dhātor na + evaṃ bhavati | ahaṃ kāyasya + āśvāsa-praśvāsa-kṛtyaṃ karomi + iti | ākāśa-dhātor na + evaṃ bhavati | ahaṃ kāyasya + antaḥ saurṣiryaṃ karomi + iti | vijñāna-dhātor na + evaṃ bhavati | aham ebhiḥ pratyayair janita iti | atha ca satsv eṣu pratyayeṣu kāyasya + utpattir bhavati | tatra pṛthivī-dhātur na + ātmā na satvo na jīvo na jantur na manu-jo na mānavo na strī na pumān na na-puṃsakaṃ | na ca + ahaṃ | na mama | na ca apy anyasya kasya-cit | evam ab-dhātus tejo-dhātur vāyu-dhātur ākāśa-dhātur vijñāna-dhātur na satvo na jīvo na jantur na manu-jo na mānavo na strī na pumān na na-puṃsakaṃ na ca + ahaṃ na mama na ca + apy anyasya kasya-cit ||
tatra + a-vidyā katamā | yā eṣv eva ṣaṭsu dhātuṣv eka-saṃjñā piṇḍa-saṃjñā nitya-saṃjñā dhruva-saṃjñā śāśvata-saṃjñā sukha-saṃjñā ātma-saṃjñā satva-jīva-manu-ja-mānava-saṃjñā | ahaṃ-kāra-mama-kāra-saṃjñā | evam-ādi vividham a-jñānam iyam ucyate * a-vidyā + iti | evam a-vidyāyāṃ satyāṃ viṣayeṣu rāga-dveṣa-mohāḥ pravartante | tatra ye rāga-dveṣa-mohā viṣayeṣv amī ucyante saṃskārā iti | vastu-prati-vijñaptir vijñānaṃ | vijñāna-saha-jāś catvāro * a-rūpiṇa upādāna-skandhās tan nāma-rūpaṃ | catvāri ca mahā-bhūtāni ca + upādāya upādāya r ūpam aikadhyam abhisaṃkṣipya tan nāma-rūpaṃ | nāma-rūpa-saṃniśritāni + indriyāṇi ṣaḍ-āyatanaṃ | trayāṇāṃ dharmāṇāṃ saṃnipātaḥ sparśaḥ | sparśa-anubhavanā vedanā | vedanā-adhyavasānaṃ tṛṣṇā | tṛṣṇā vaipulyam upādānaṃ | upādāna-nirjātaṃ punar-bhava-janakaṃ karma | bhavaḥ | tad-dhetuka-skandha-prādur-bhāvo jātiḥ | skandha-paripāko jarā vināśo maraṇaṃ | mriyamāṇasya mūḍhasya sva-abhiṣvaṅgasya + antar-dāhaḥ śokaḥ | lālapyanaṃ paridevaḥ | pañca-vijñāna-kāya-saṃprayuktam a-śāta-anubhavanaṃ duṣkhaṃ | manasi-kāra-saṃprayuktaṃ mānasaṃ duṣkhaṃ daurmanasyam | ye ca + anyae evam-ādaya upakleśās tae upāyāsāḥ || pe ||
punar a-paraṃ tatve * a-pratipattiḥ mithyā pratipattiḥ a-jñānam a-vidyā | evam a-vidyāyāṃ satyāṃ tri-vidhāḥ saṃskārāḥ abhinirvartante | puṇya-upagā a-puṇya-upagā āniñjya-upagāś ca + imae ucyante * a-vidyā-pratyayāḥ saṃskārā iti | puṇya-upagānāṃ saṃskārāṇāṃ puṇya-upagam eva vijñānaṃ bhavati | a-puṇya-upagānāṃ saṃskārāṇām a-puṇya-upagam eva vijñānaṃ bhavati | āniñjya-upagānāṃ saṃskārāṇām āniñjya-upagam eva vijñānaṃ bhavati | idam ucyate saṃskāra-pratyayaṃ vijñānam iti | evaṃ nāma-rūpaṃ | nāma-rūpa-vivṛddhyā ṣaḍbhir āyatana-dvāraiḥ kṛtya-kriyāḥ pravartante | tan nāma-rūpa-pratyayaṃ ṣaḍ-āyatanam ity ucyate | ṣaḍbhya āyatanebhyaḥ ṣaṭ sparśa-kāyāḥ pravartante * ayaṃ ṣaḍ-āyatana-pratyayaḥ sparśa ity ucyate | yaj-jātīyaḥ sparśo bhavati taj-jātīyā vedanā pravartate | iyaṃ sparśa-pratyayā vedanā + ity ucyate | yas tāṃ vedayati viśeṣeṇa + āsvādayati | abhinandaty adhyavasyaty atyadhitiṣṭhati | sā vedanā-pratyayā tṛṣṇā + ity ucyate | āsvādana-abhinandana-adhyavasānaṃ | mā me priya-rūpa-śāta-rūpair viyogo bhavatv iti | a-parityāgo bhūyo bhūyaś ca prārthanā | idaṃ tṛṣṇā-pratyayam upādānam ity ucyate | evaṃ prārthayamānaḥ punar-bhava-janakaṃ karma samutthāpayati kāyena vācā manasā | ayam upādāna-pratyayo bhava ity ucyate | yā karma-nirjātānāṃ skandhānām abhinirvṛttiḥ sā bhava-pratyayā jātir ity ucyate | yo jāty-abhinirvṛttānāṃ skandhānām upacaya-paripākād vināśo bhavati | tad idaṃ jāti-pratyayaṃ jarā-maraṇam ucyate || pe ||
evam ayaṃ dvādaśa-aṅgaḥ pratītya-samutpādo * anyo-nya-hetuko * anyo-nya-pratyayato | na + eva + a-nityo na nityo | na saṃskṛto na + a-saṃskṛto | na vedayitā | na kṣaya-dharmo na nirodha-dharmo | na vi-rāga-dharmo | an-ādi-kāra-pravṛtto * an-udbhinno * anupravartate nadī-srota-vat ||
atha ca + imāny asya dvādaśa-aṅgasya pratītya-samutpādasya catvāri aṅgāni saṃghāta-kriyāyai hetutvena pravartante | katamāni catvāri | yad uta | a-vidyā tṛṣṇā karma vijñānaṃ ca | tatra vijñānaṃ bīja-sva-bhāvatvena hetuḥ | karma kṣetra-sva-bhāvatvena hetuḥ | a-vidyā tṛṣṇā ca kleśa-sva-bhāvatvena hetuḥ | karma-kleśā vijñāna-bījaṃ saṃjanayanti | tatra karma vijñāna-bījasya kṣetra-kāryaṃ karoti | tṛṣṇā vijñāna-bījaṃ snehayati | a-vidyā vijñāna-bījam avakirati | a-satāṃ yeṣāṃ pratyayānāṃ bījasya + abhinirvṛttir na bhavati ||
tatra karmaṇo na + evaṃ bhavati | ahaṃ vijñāna-bījasya kṣetra-kāryaṃ karomi + iti | tṛṣṇāyā api na + evaṃ bhavati |ahaṃ vijñāna-bījaṃ snehayāmi + iti | a-vidyāyā api na + evaṃ bhavati | ahaṃ vijñāna-bījam avakirāmi + iti | vijñāna-bījasya + api na + evaṃ bhavaty aham ebhiḥ pratyayair janita iti | api tu vijñāna-bīje karma-kṣetra-pratiṣṭhite tṛṣṇā-sneha-abhiṣyandite * a-vidyā-avakīrṇe tatra tatra + utpatty-āyatana-sandhau mātuḥ kukṣau virohati | nāma-rūpa-aṅkurasya + abhinirvṛttir bhavati | sa ca nāma-rūpa-aṅkuro na svayaṃ-kṛto na para-kṛto na + ubhaya-kṛto na + īśvara-ādi-nirmito na kāla-pariṇāmito na ca + eka-kāraṇa-adhīno na + apy a-hetu-samutpannaḥ | atha ca mātā-pitṛ-saṃyogād ṛtu-samavāyād anyeṣāṃ ca pratyayānāṃ samavāyād āsvāda-anupraviddhaṃ vijñāna-bījaṃ mātuḥ kukṣau nāma-rūpa-aṅkura-bījam abhinirvartayati | a-svāmikeṣu dharmeṣv a-mameṣv a-parigraheṣv a-praty-arthikeṣv ākāśa-sameṣu māyā-lakṣaṇa-sva-bhāveṣu hetu-pratyayānām a-vaikalyāt ||
tad yathā pañcabhiḥ kāraṇaiś cakṣur-vijñānam utpadyate | katamaiḥ pañcabhiḥ ||
cakṣuś ca pratītya rūpaṃ ca + ālokaṃ ca + ākāśaṃ taj-jaṃ ca manasi-kāraṃ ca pratītya + utpadyate cakṣur-vijñānaṃ ||
tatra cakṣur-vijñānasya cakṣur-āśraya-kṛtyaṃ karoti | rūpam ārambaṇa-kṛtyaṃ karoti | āloko * avabhāsa-kṛtyaṃ karoti | ākāśam an-āvaraṇa-kṛtyaṃ karoti | taj-ja-manasi-kāraḥ samanvāhāra-kṛtyaṃ karoti | asatsv eṣu pratyayeṣu cakṣur-vijñānaṃ na + utpadyate ||
yadā cakṣur ādhyātmikam āyatanam a-vikalaṃ bhavati | evaṃ rūpa-āloka-ākāśa-taj-ja-manasi-kārāś ca + a-vikalā bhavanti | tataḥ sarva-samavāyāc cakṣur-vijñānasya + utpattir bhavati ||
tatra cakṣuṣo na + evaṃ bhavati | ahaṃ cakṣur-vijñānasya + āśraya-kṛtyaṃ karomi + iti | rūpasya + api na + evaṃ bhavati | ahaṃ cakṣur-vijñānasya + ārambaṇa-kṛtyaṃ karomi + iti | ālokasya + api na + evaṃ bhavati | aham avabhāsa-kṛtyaṃ karomi + iti | ākāśasya + api na + evaṃ bhavati | ahaṃ cakṣur-vijñānasya + an-āvaraṇa-kṛtyaṃ karomi + iti | taj-ja-manasi-kārasya + api na evaṃ bhavati | ahaṃ cakṣur-vijñānasya samanvāhāra-kṛtyaṃ karomi + iti | cakṣur-vijñānasya + api na + evaṃ bhavati | aham ebhiḥ pratyayair janita iti | atha ca punaḥ satsv eṣu pratyayeṣu cakṣur-vijñānasya + utpattir bhavati prādur-bhāvaḥ | evaṃ śeṣāṇām indriyāṇāṃ yathā-āyogaṃ kartavyaṃ ||
tatra na kaś-cid dharmo * asmāl lokāt paraṃ lokaṃ saṃkrāmati | asti ca karma-phala-prativijñaptiḥ | hetu-pratyayānām a-vaikalyāt | yathā + agnir upādāna-vaikalyān na jvalati | evam eva karma-kleśa-janitaṃ vijñāna-bījaṃ tatra tatra + utpatty-āyatana-prati-sandhau mātuḥ kukṣau nāma-rūpa-aṅkuram abhinirvartayati | a-svāmikeṣu dharmeṣv a-mameṣv a-parigraheṣv a-praty-arthikeṣv ākāśa-sameṣu māyā-lakṣaṇa-sva-bhāveṣu hetu-pratyayānām a-vaikalyāt ||
tan na + ādhyātmikaḥ pratītya-samutpādaḥ pañcabhiḥ kāraṇair draṣṭavyaḥ ||
katamaiḥ pañcabhiḥ | na śāśvatato na + ucchedato na saṃkrāntitaḥ | parītta-hetuno vipula-phala-abhinirvṛttitas tat-sadṛśa-anuprabandhataś ca + iti ||
kathaṃ na śāśvatataḥ | yasmād anye māraṇa-antikāḥ skandhā anyae aupapatty-aṃśikāḥ | na tu yae eva māraṇa-antikāḥ skandhās tae eva + aupapatty-aṃśikāḥ skandhā | api tu māraṇa-antikāś ca skandhā nirudhyamānā aupapatty-aṃśikāḥ skandhāś ca prādur-bhavanti | ato na śāśvatataḥ ||
kathaṃ na + ucchedataḥ | na ca niruddheṣu skandheṣu aupapatty-aṃśikāḥ skandhāḥ prādur-bhavanti na + apy a-niruddheṣu | api tu māraṇa-antikāś ca skandhā nirudhyante aupapatty-aṃśikāś ca prādur-bhavanti | tulā-daṇḍa-unnāma-avanāma-vat | ato na + ucchedataḥ ||
kathaṃ na saṃtrāntitaḥ | vi-sadṛśāt satva-nikāyād * dhi sa-bhāgāḥ skandhā jāty-antare * abhinirvartante | ato na saṃkrāntitaḥ ||
kathaṃ parītta-hetuto vipula-phala-abhinirvṛttitaḥ parīttaṃ karma kriyate | vipulaḥ phala-vipāko * anubhūyate | ataḥ parītta-hetuto vipula-phala-abhinivṛttiḥ ||
kathaṃ tat-sādṛśa-anuprabandhataḥ | yathā vedanīyaṃ karma kriyate | tathā vedanīyo vipāko * anubhūyate | atas tat-sadṛśa-anuprabandhataś ca + iti ||
yaḥ kaś-cid bhadanta śāriputra + imaṃ pratītya-samutpādaṃ bhagavatā samyak-praṇītam evaṃ yathā-bhūtaṃ samyak-prajñayā satata-samitam a-jīvaṃ nir-jīvaṃ yathā-vad a-viparītam a-jātam a-bhūtam a-kṛtam a-saṃskṛtam a-pratigham an-āvaraṇaṃ śivam a-bhayam a-hāryam a-vyayam a-vyupaśamam a-sva-bhāvaṃ paśyati | a-satyatas tucchata ṛktato * a-sārato * aghato * a-nityato duṣkhataḥ śūnyato * an-ātmanaś ca samanupaśyati | sa na pūrva-antaṃ pratisarati | kim aham abhūvam atīte * adhvany āho svin na + abhūvam atīte * adhvani | ko nv aham abhūvam atīte * adhvani ||
a-para-antaṃ vā punar na pratisarati | kiṃ nu bhaviṣyāmy an-āgate * adhvany āho svin na bhaviṣyāmy an-āgate * adhvani | ko nu bhaviṣyāmi + iti | praty-utpannaṃ vā punar na pratisarati | kiṃ svid idaṃ kathaṃ svid idaṃ | ke santaḥ ke bhaviṣyāma iti ||
ārya-daśa-bhūmake * apy uktaṃ | tatra + a-vidyā-tṛṣṇā-upādānaṃ ca kleśa-vartmano * a-vyavacchedaḥ | saṃskārā bhavaś ca karma-vartmano * a-vyavacchedaḥ | pariśeṣaṃ duṣkha-vartmano * a-vyavacchedaḥ | api tu khalu punar yad ucyate * avidyā-pratyayāḥ saṃskārā iti | eṣā pūrva-antiky apekṣā ||
vijñānaṃ yāvad vedanā + iti | eṣā pratyutpannā + apekṣā | tṛṣṇā yāvad bhava iti | eṣā + a-para-antiky apekṣā + ata ūrddhvam asy pravṛttir iti || pe ||
tasya + evaṃ bhavati | saṃyogāt saṃskṛtaṃ pravartate | vi-saṃyogān na pravartate | sāmagryāḥ saṃskṛtaṃ pravartate | vi-sāmagryā na pravartate | hanta vayam evaṃ bahu-doṣa-duṣṭaṃ saṃskṛtaṃ viditvā + asya saṃyogasya + asyāś ca sāmagryā vyavacchedaṃ kariṣyāmo | na ca + atyanta-upaśamaṃ sarva-saṃskārāṇām adhigamiṣyāmaḥ satva-paripācanatāyai | iti ||
idaṃ saṃkṣepān moha-śodhanaṃ ||
iti śikṣā-samuccaye citta-parikarma paricchedo dvādaśamaḥ ||
[XIII. smṛtyupasthānapariccheda]
smṛty-upasthāna-paricchedaḥ trayodaśaḥ | evaṃ karmaṇya-cittaḥ smṛty-upasthānāny avataret ||
tatra + a-śubha-prastāvena kāya-smṛty-upasthānam uktam ||
tad eva ca bheda-leśena dharma-saṃgīti-sūtre * abhihitaṃ | punar a-paraṃ kula-putra bodhi-satva evaṃ kāye smṛtim upasthāpayati | ayaṃ kāyaḥ pāda-pāda-aṅguli-jaṅgha-ūru-trika-udara-nābhi-pṛṣṭha-vaṃśa-hṛdaya-pārśva-pārśvakā-hasta-kalācī-bāhv-aṃśa-grīvā-hanu-lalāṭa-śiraḥ-kapāla-mātra-samūhaḥ karma-bhava-kāraka-upacito nānā-kleśa-saṃkalpa-vikalpa-śata-sahasrāṇām āvāsa-bhūto | bahūni ca + atra dravyāṇi samavahitāni | yad uta | keśa-roma-nakha-danta-asthi-carma-piśita-vapā-snāyu-medo-vaśā-lasīkā-yakṛn-mūtra-purīṣa-āma-āśaya-rudhira-kheṭa-pitta-pūya-siṅghāṇaka-mastaka-luṅgāni | evam bahu-dravya-samūhaḥ | tat ko * atra kāyaḥ | tasya pratyavekṣamāṇasya + evaṃ bhavati | ākāśa-samo * ayaṃ kāyaḥ | sa ākāśa-vat kāye smṛtim upasthāpayati | sarvam etad ākāśam iti paśyati | tasya kāya-parijñāna-hetor na bhūyaḥ kva-cit smṛtiḥ prasarati | na visarati | na pratisarati + iti ||
punar uktaṃ | ayaṃ kāyo na pūrva-antād āgato | na para-ante saṃkrānto na pūrva-anta-a-para-anta-avasthito * anyatra + a-sad-viparyāsa-saṃbhūtaḥ kāraka-vedaka-rahito na + ādy-anta-madhye pratiṣṭhita-mūlaḥ | a-svāmikaḥ | a-mamaḥ | a-parigrahaḥ | āgantukair vyavahārair vyavahriyate kāya iti deha iti bhoga iti āśraya iti śarīram iti kuṇapa iti āyatanam iti | a-sārako * ayaṃ kāyo mātā-pitṛ-śoṇita-śukra-saṃbhūto * a-śuci-pūti-dur-gandha-sva-bhāvo rāga-dveṣa-moha-bhaya-viṣāda-taskara-ākulo nityaṃ śatana-patana-bhedana-vikiraṇa-vidhvansana-dharmā | nānā-vyādhi-śata-sahasra-nīta iti ||
ārya-ratna-cūḍe * apy āha | a-nityo vata + ayaṃ kāyo * a-cira-sthitiko maraṇa-paryavasāna iti jñātvā na kāya-hetor viṣamayā jīvati | sāraṃ ca + eva + ādatte | sa trīṇi sārāṇy ādatte |katamāni trīṇi | kāya-sāraṃ bhoga-sāraṃ jīvita-sāraṃ ca | so * a-nityaḥ kāya iti sarva-satvānāṃ dāsatva-śiṣyatvam abhyupagamya kiṅ-karaṇīyatāyai utsuko bhavati | a-nityaḥ kāya iti sarva-kāya doṣa-vaṅka-śāṭhya-kuhanāṃ na karoti | a-nityaḥ kāya iti jīvitena + āśvāsa-prāpto jīvita-hetor api pāpaṃ karma na karoti | a-nityaḥ kāya iti bhogeṣu tṛṣṇā-adhyavasānaṃ na karoti | sarvasva-parityāgī + iva bhavati + iti ||
punar a-paraṃ kula-putra bodhi-satvaḥ kāye kāya-anudarśana-smṛty-upasthānaṃ bhāvayan sarva-satva-kāyāṃs tatra sva-kāyae upanibadhnāti | evaṃ ca + asya bhavati | sarva-satva-kāyā mayā buddha-kāya-pratiṣṭhāna-pratiṣṭhitāḥ kartavyāḥ | yathā ca tathā-gata-kāye na + āśravas tathā sva-kāya-dharmatāṃ pratyavekṣate | so na + āśrava-dharmatā-kuśalaḥ sarva-satva-kāyān api tal-lakṣaṇān eva prajānāti + ity ādi ||
vīradatta-paripṛcchāyām apy uktam | yad uta + ayaṃ kāyo * anupūrva-samudāgato * anupūrva-vināśo parama-aṇu-saṃcayaḥ śuṣira unnāma-avanāmau nava-vraṇa-mukha-roma-kūpa-srāvī valmī-kava-dāsī-viṣa-nivāsaḥ
[doubtful]
| a-jāta-śatruḥ | markaṭa-van mitra-drohī | ku-mitra-vad vi-saṃvādana-ātmakaḥ | phena-piṇḍa-vat prakṛti-dur-balaḥ | udaka-budbuda-vad utpanna-bhagna-vilīnaḥ | marīci-vad vipralambha-ātmakaḥ | kadalī-van nibhujyamānā-sārakaḥ | māyā-vad vañcana-ātmakaḥ | rāja-vad ājñā-bahulaḥ | śatru-vad avatāra-prekṣī | cora-vad a-viśvasanīyaḥ | vadhya-ghātaka-vad an-anuvītaḥ | a-mitra-vad a-hita-eṣī | vadhaka-vat prajñā-jīvita-antarāya-karaḥ | śūnya-grāma-vad ātma-virahitaḥ | kulāla-bhāṇḍa-vad bhedana-paryantaḥ | mūtoḍī-van nānā-a-śuci-paripūrṇaḥ | medaka-sthālī-vad a-śuci-srāvī || pe ||
vraṇa-vad ghaṭṭana-a-sahiṣṇuḥ | śalya-vat tudana-ātmakaḥ | jīrṇa-gṛha-vat prati-saṃskāra-dhāryaḥ | jīrṇa-yāna-pātra-vat prati-saṃskāra-vāhyaḥ | āma-kumbha-vad yatna-anupālyaḥ || pe ||
nadī-taṭa-vṛkṣa-vac cala-a-calaḥ | mahā-nadī-sroto-van maraṇa-samudra-paryavasānaḥ | āgantuka-āgāra-vat sarva-duṣkha-nivāsaḥ | a-nātha-śālā-vad a-parigṛhītaḥ | cāraka-pāla-vad utkoca-sādhyaḥ || pe ||
bāla-dāraka-vat satata-paripālyaḥ ||
punar āha | evaṃ-vidhaṃ kāyam a-caukṣa-rāśiṃ | rūpa-abhimānī bahu manyate yaḥ | prajñāyamānaḥ sa hi bāla-buddhiḥ viṣṭhā-ghaṭaṃ yāti vahan vi-cetāḥ ||
pūya-prakāraṃ vahate * asya nāsā | vaktraṃ ku-gandhaṃ vahate sadā ca | cikkās tathā + akṣṇoḥ krimi-vac ca jantoḥ | kas tatra rāgo bahu-mānatā vā ||
aṅgāram ādāya yathā hi bālo | ghṛṣyed ayaṃ yāsyati śukla-bhāvam | yāti kṣayaṃ na + eva tu śukla-bhāvaṃ bālasya buddhir vitathā + abhimānā ||
evaṃ hi yaḥ caukṣa-matir manuṣyaḥ caukṣaṃ kariṣye * aham idaṃ śarīram | su-udvartitaṃ tīrtha-śata-abhiṣiktaṃ yāti kṣayaṃ mṛtyu-vaśād a-caukṣam ||
tathā prabhaṅguraḥ | prasravan bodhi-satvena kāyaḥ pratyavekṣitavyo nava vraṇa-mukhair yāvat | āvāso bodhi-satvena kāyaḥ pratyavekṣitavyaḥ | aśīti-krimi-kula-sahasrāṇām || pe ||
para-bhojano bodhi-satvena kāyaḥ pratyavekṣitavyaḥ | vṛka-śṛgāla-śva-piśita-aśināṃ | yantra-upamo bodhi-satvena kāyaḥ pratyavekṣitavyaḥ | asthi-snāyu-yantra-saṃghāta-vinibaddhaḥ | a-sva-adhīno bodhi-satvena kāyaḥ pratyavekṣitavyaḥ anna-pāna-saṃbhūta iti vistaraḥ ||
tatra + eva jñeyaṃ | vedanā smṛty-upasthānaṃ tu yathā tāvad ārya-ratna-cūḍa-sūtre | iha kula-putra bodhi-satvo vedanāsu vedanā-anupaśyanā-smṛty-upasthānaṃ bhāvayan vedita-sukha-āśriteṣu satveṣu mahā-karuṇāṃ pratilabhate | evaṃ ca pratisaṃśikṣate | tat sukhaṃ yatra veditaṃ na + asti sa sarva-satva-vedita-prahāṇāya vedanāsu vedanā-smṛty-upasthānaṃ bhāvayati | vedita-nirodhāya ca satvānāṃ saṃnāhaṃ saṃnahyati | ātmanā ca vedita-nirodhaṃ na + arpayati | sa yāṃ kāṃ-cid vedanāṃ vedayate tāṃ sarvāṃ mahā-karuṇā-parigṛhītāṃ vedayate | sa yadā sukhāṃ vedanāṃ vedayate tadā rāga-cariteṣu satveṣu mahā-karuṇāṃ pratilabhate ātmanaś ca rāga-anuśayaṃ pratijahāti | yadā duṣkhāṃ vedanāṃ vedayate tadā dveṣa-cariteṣu satveṣu mahā-karuṇāṃ pratilabhate ātmanaś ca doṣa-anuśayaṃ prajahāti | yadā + a-duṣkha-a-sukhāṃ vedanāṃ moha-cariteṣu satyeṣu mahā-karuṇāṃ pratilabhate | ātmanaś ca moha-anuśayaṃ prajahāti | sa sukhāyāṃ vedanāyāṃ na + anunīyate | anunaya-samudghātaṃ ca + arjayati | duṣkhāyāṃ vedanāyāṃ na pratihanyate pratigha-samudghātaṃ ca + arjayati | a-duṣkha-a-sukhāyāṃ vedanāyāṃ na + a-vidyā-gato bhavati | a-vidyā-samudghātaṃ ca + arjayati | sa yāṃ kāñ-cid vedanāṃ vetti sarvāṃ tām a-nitya-veditāṃ vetti | sarvāṃ tāṃ duṣkha-veditāṃ vetti | an-ātma-veditāṃ vetti | sa sukhāyāṃ vedanāyām a-nitya-vedito bhavati | duṣkhāyāṃ vedanāyāṃ śalya-vedito bhavati | a-duṣkha-a-sukhāyāṃ vedanāyāṃ śānti-vedito bhavati | iti hi yat sukhaṃ tad a-nityaṃ yad duṣkhaṃ sukham eva tat | yad a-duṣkha-a-sukhaṃ tad an-ātmakam ity ādi ||
ārya-akṣayamati-sūtre * apy uktaṃ | duṣkhayā vedanayā spṛṣṭaḥ sarva-pāpa-a-kṣaṇa-upapanneṣu satveṣu mahā-karuṇām utpādayati || pe ||
api tu khalu punar abhiniveśo vedanā parigraho vedanā + upādānaṃ vedanā + upalambho vedanā viparyāso vedanā vikalpo vedanā + ity ādi ||
dharma-saṃgīti-sūtre * apy uktaṃ ||
vedanā-anubhavaḥ proktaḥ | kena + asāv anubhūyate | vedako vedanād anyaḥ pṛthag-bhūto na vidyate ||
evaṃ smṛtir upastheyā vedanāyāṃ vicakṣaṇaiḥ | yathā bodhis tathā hy eṣā śāntā śuddhā prabhāsvarā ||
etat samāsato vedanā-smṛty-upasthānam ||
citta-smṛty-upasthānaṃ tu yathā + ārya-ratna-kūṭe | sa evaṃ cittaṃ parigaveṣate | katarat tu cittaṃ | rajyati vā duṣyati vā muhyati vā | kim atītam an-āgataṃ praty-utpannaṃ vā + iti | tatra yad atītaṃ tat kṣīṇaṃ | yad an-āgataṃ tad a-saṃprāptaṃ | pratyutpannasya sthitir na + asti | cittaṃ hi kāśyapa na + adhyātmaṃ na bahir-dhā na + ubhayam antareṇa + upalabhyate | cittaṃ hi kāśyapa + a-rūpam a-nidarśanam a-pratigham a-vijñaptikam a-pratiṣṭham a-niketaṃ | cittaṃ hi kāśyapa sarva-buddhair na dṛṣṭaṃ | na paśyanti na drakṣyanti yat sarva-buddhair na dṛṣṭaṃ |na paśyanti na drakṣyanti | kīdṛśas tasya pracāro draṣṭavyaḥ | anyatra vitatha-patitayā saṃjñayā dharmāḥ pravartante | cittaṃ hi kāśyapa māyā-sadṛśam a-bhūta-parikalpanayā vividhām upapattiṃ parigṛhṇāti || pe ||
cittaṃ hi kāśyapa nadī-srotaḥ-sadṛśam an-avasthitam utpanna-bhagna-vilīnaṃ | cittaṃ hi kāśyapa dīpa-arcciḥ-sadṛśaṃ hetu-pratyayatayā pravartate | cittaṃ hi kāśyapa vidyut-sadṛśaṃ kṣaṇa-bhaṅga-an-avasthitam | cittaṃ hi kāśyapa + ākāśa-sadṛśam āgantukaiḥ kleśair upakliśyate | pe ||
cittaṃ hi kāśyapa pāpa-mitra-sadṛśaṃ sarva-duṣkha-saṃjananatayā | pe | cittaṃ hi kāśyapa matsya-baḍiśa-sadṛśaṃ duṣkhe sukha-saṃjñayā | tathā nīla-makṣikā-sadṛśam a-śucau śuci-saṃjñayā | cittaṃ hi kāśyapa praty-arthika-sadṛśaṃ vividha-kāraṇa-ākaraṇatayā | cittaṃ hi ojo-hāra-yakṣa-sadṛśaṃ sadā vivara-gaveṣaṇatayā | evaṃ cora-sadṛśaṃ sarva-kuśala-mūla-muṣaṇatayā | cittaṃ hi kāśyapa rūpa-ārāmaṃ pataṅ-ga-netra-sadṛśaṃ | cittaṃ hi kāśyapa śabda-ārāmaṃ saṃgrāma-bherī-sadṛśaṃ | cittaṃ hi kāśyapa gandha-ārāmaṃ varāha iva + a-śuci-madhye | cittaṃ hi kāśyapa rasa-ārāmaṃ ratha-avaśeṣa-bhoktṛ-ceṭī-sadṛśaṃ | cittaṃ hi kāśyapa sparśa-ārāmaṃ makṣikā + iva taila-pātre | cittaṃ hi kāśyapa parigaveṣyamāṇaṃ na labhyate | yan na labhyate tan na + upalabhyate | yan na + upalabhyate tan na + eva + atītaṃ na + an-āgataṃ na praty-utpannaṃ | yan na + eva + atītaṃ na + an-āgataṃ na praty-utpannaṃ tat try-adhva-samatikrāntaṃ | yat try-adhva-samatikrāntaṃ tan na + iva + asti na na + asti + ity ādi ||
ārya-ratna-cūḍa-sūtre * apy āha | sa cittaṃ parigaveṣamāṇo na + ādhyātmaṃ cittaṃ samanupaśyati | na bahir-dhā cittaṃ samanupaśyati |na skandheṣu cittaṃ samanupaśyati | na dhātuṣu cittaṃ samanupaśyati | na + āyataneṣu cittaṃ samanupaśyati | sa cittam a-samanupaśyaṃś citta-dhārāṃ paryeṣate | kutaḥ cittasya + utpattir iti | tasya + evaṃ bhavati ālambane sati cittam utpadyate | tat kim anyad ālambanam | atha yad eva + ālambanaṃ tad eva cittaṃ | yadi tāvad anyad ālambanam anyac cittaṃ | tad dvi-cittatā bhaviṣyati | atha yad eva + ālambanaṃ tad eva cittaṃ | tat kathaṃ cittaṃ cittaṃ samanupaśyati | na hi cittaṃ cittaṃ samanupaśyati | tad yathā na tayā + eva + asi-dhārayā sā + eva + asi-dhārā śakyate chettum | na tena + eva + aṅguly--agreṇa tad eva + aṅguly--agraṃ spraṣṭuṃ śakyate | na + eva cittena tad eva cittaṃ śakyate draṣṭum || pe ||
punar a-paraṃ kula-putra yad upadruta-pradruta-an-avasthita-pracārasya vānara-māruta-sadṛśasya | pe | dūraṃ-gama-cāriṇo * a-śarīrasya laghu-parivartino viṣaya-lolasya ṣaḍ-āyatana-go-carasya + a-para-a-para-saṃprayuktasya cittasya + avasthānām eka-agratā + a-śaraṇam a-viśaraṇaṃ śamathā + eka-agratā + a-vikṣepa ity ucyate cittasya smṛtir iti ||
ārya-akṣayamati-sūtre * apy uktaṃ |viṭhapanāyāṃ mayā yogaḥ karaṇīyaḥ | iyaṃ ca citta-dharmatā na vihātavyā | tatra katamā citta-dharmatā | katamā viṭhapanā | māyā-upamaṃ cittam iyam ucyate citta-dharmatā | yat punaḥ sarvasvaṃ parityajya sarva-buddha-kṣetra-pariśuddhaye pariṇāmayati + iti + iyam ucyate viṭhapanā + ity ādi ||
dharma-smṛty-upasthānaṃ tu ||
yathā tāvad atra + āha | dharme dharma-anudarśī viharan bodhi-satvo na kañ-cid dharmaṃ samanupaśyati | yato na buddha-dharmā yato na bodhiḥ | yato na mārgo yato na niḥ-saraṇaṃ | sa sarva-dharma-a-niḥ-saraṇam iti viditvā + an-āvaraṇaṃ nāma mahā-karuṇā-samādhiṃ samāpadyate | sa sarva-dharmeṣu sarva-kleśeṣu ca kṛtrima-saṃjñāṃ pratilabhate | niḥ-kleśā ete dharmā | na + ete sa-kleśāḥ | tat kasya hetoḥ | tathā hy ete nīta-arthe samavasaranti | na + asti kleśānāṃ saṃcayo | na rāśī-bhāvaḥ | na rāga-bhāvo na dveṣa-bhāvo na moha-bhāva | eṣām eva kleśānām avabodhād bodhiḥ | yat sva-bhāvāś ca kleśās tat sva-bhāvā bodhir ity evaṃ smṛtim upasthāpayati + iti ||
ārya-ratna-cūḍe * apy uktam | iha kula-putra bodhi-satvasya dharme dharma-anupaśyanā smṛty-upasthānena viharata evaṃ bhavati | dharmā eva + utpadyamānā utpadyante | dharmā eva nirudhymānā nirudhyante ||
na punar atra kaś-cid ātma-bhāve satvo vā jīvo vā jantur vā poṣo vā puruṣo vā pudgalo vā manu-jo vā yo jāyate vā jīryate vā cyavate vā + utpadyate vā | eṣā dharmāṇāṃ dharmatā | yadi samudānīyante | samudāgacchanti | atha na samudānīyante na samudāgacchanti | yādṛśāḥ samudānīyante tādṛśāḥ samudāgacchanti kuśalā vā + a-kuśalā vā aniñjyā vā | na + asti dharmāṇāṃ samudānetā | na ca + a-hetukānāṃ dharmāṇāṃ kā-cid utpattir ity ādi ||
tatra + eva + āha | sa kiyad-gambhīrān api dharmān pratyavekṣamāṇas tāṃ sarva-jñatā-bodhi-citta-anusmṛtiṃ na vijahāti ||
ārya-lalita-vistara-sūtre * apy uktam | saṃskāra a-nitya a-dhruvā āma-kumbha-upama-bhedana-ātmakāḥ | para-kelika-yācita-upamāḥ pāṃśu-nagara-upamatā ca kālikā ||
saṃskāra pralopa dharmime varṣa-kāli calitaṃ vilepanaṃ | nadi-kūla iva sa-vālukaṃ pratyaya-adhīna sva-bhāva-dur-balāḥ ||
saṃskāra pradīpa arci-vat kṣipra-utpatti nirodha-dharmakāḥ | an-avasthita-māruta-upamāḥ phena-piṇḍā-vad a-sāra-dur-balāḥ ||
saṃskāra nir-īha śūnyakāḥ kadalī-skandha-samā nirīkṣataḥ | māyā-upama citta-mohanā bāla-ullāpana-rikta-muṣṭi-vat ||
hetūbhi ca pratyayebhi vā sarva saṃskāra-gataṃ pravartate | anyo-nya-pratītya-hetutaḥ tad idaṃ bāla-jano na budhyate ||
yathā muñja pratītya balba-jaṃ rajju vyāyāma-balena vartitā | ghaṭi-yantra sa-cakra vartate teṣv eka-ekaśu na + asti vartanā ||
tatha sarva-bhava-aṅga-vartanī anyo-nya-upacayena niḥśritā | eka-ekaśu teṣu vartanī pūrva-a-para-antato na + upalabhyate ||
bījasya sato yathā + aṅkuro na ca yo bīja sa ca + eva aṅkuro | na ca anya tato na ca + eva tat | evam an-uccheda a-śāśvata dharmatā ||
saṃskāra a-vidya-pratyayāḥ te ca saṃskāra na santi tatvataḥ | saṃskāra a-vidya ca + eva hi śūnya ete prakṛtī nir-īhakāḥ ||
mudrāt prati-mudra dṛśyate mudra-saṃkrānti na ca + upalabhyate | na ca tatra na ca + eva sānyato evaṃ saṃskār-an-uccheda-śāśvatāḥ ||
cakṣuś ca pratītya rūpataḥ cakṣu vijñānam iha + upajāyate | na ca cakṣuṣi rūpa-niśritaṃ rūpa-saṃkrānti na ca + eva cakṣuṣi ||
nairātmya-śubhāś ca dharmime te punar ātmā + iti śubhāś ca kalpitāḥ | viparītam a-sad-vikalpitaṃ cakṣu-vijñāna tato upajāyate ||
vijñāna nirodha-saṃbhavaṃ vijña utpāda-vyayaṃ vipaśyati | a-kahiñ-ci gatam an-āgataṃ śūnya māyā-upama yogi paśyati ||
araṇiṃ yatha ca + uttara-araṇiṃ hasta-vyāyāma-trayebhi saṃgatiṃ | iti pratyayato * agni jāyate jātu kṛtu-kāryu laghū nirudhyate ||
atha paṇḍitu kaś-ci mārgate kuta yam āgatu kutra yāti vā | vidiśo diśi sarva mārgato na gatir na + apy a-gatiś ca labhyate ||
skandha-āyatanāni dhātavaḥ tṛṣṇa a-vidyā iti karma-pratyayāḥ | sāmagri tu satva-sūcanā sā ca parama-arthatu na + upalabhyate ||
kaṇṭha-oṣṭha pratītya tālukaṃ jihva parivartir avarti akṣarā | na ca kaṇṭha-gatā na tālukaiḥ akṣara-eka-eka tu na + upalabhyate ||
sāmagri-pratītyaś ca sā vācam anubudhi-vaśena niścarī | mana-vāca a-dṛśya-rūpiṇī bāhyato * abhyantari na + upalabhyate ||
utpāda-vyayaṃ vipaśyato vāca-ruta-ghoṣa-svarasya paṇḍitāḥ | kṣaṇikāṃ vaśikāṃ tad īdṛśīṃ sarva-vācaḥ pratiśrutaka-upamāḥ ||
yatha tantri pratītya dāru ca hasta-vyāyāma-trayebhi saṃgatim | tuṇa-vīṇa-su-ghoṣaka-ādibhiḥ śabdo niścarate tad-udbhavaḥ ||
atha paṇḍitu kaś-ci mārgate kuto * ayam āgatu kutra yāti vā | vidiśo diśa sarva-mārgataḥ śabdam an-āgamanaṃ na labhyate ||
tatha hetubhi pratyayebhi ca sarva-saṃskāra-gataṃ pravartate | yogī puna bhūta-darśanāt śūnya saṃskāra nir-īha paśyati ||
skandha-āyatanāni dhātavaḥ śūnya-adhyātmika śūnya-bāhyakāḥ | satva-ātma-viviktana-ālayāḥ dharma-ākāśa-sva-bhāva-lakṣaṇāḥ ||
loka-nātha-vyākaraṇe * apy uktam ||
śūnyā a-nāmakā dharmāḥ nāma kiṃ paripṛcchasi | śūnyatā na kva-cid devā na nāgā na + api rākṣasāḥ ||
manuṣyā vā + a-manuṣyā vā sarve tu eṣa vidyate | nāmnā hi nāmatā śūnyā nāmni nāma na vidyate ||
a-nāmakāḥ sarve dharmāḥ nāmnā tu paridīpitāḥ ||
yo hi sva-bhāvo nāmno vai na sa dṛṣṭo na ca śrutaḥ | na ca + utpanno niruddho vā kasya nāma + iha pṛcchasi ||
vyavahāra-kṛtaṃ nāma prajñaptir nāma-darśitā | ratna-citro hy ayaṃ nāmnā ratna-uttama-para iti ||
iti śikṣā-samuccaye smṛty-upasthāna-paricchedas trayodaśaḥ ||
[XIV. ātmabhāvapariśuddhi]
ātma-bhāva-pariśuddhiḥ paricchedaś caturdaśaḥ ||
uktāni smṛty-upasthānāni | evaṃ yogya-citto daśasu dikṣu śeṣasya jagato duṣkha-sāgara-uddharaṇa-abhisaṃbodhy-upāyo vyoma-paryanta-traikālya-sarva-dharma-vaśa-vartitvāya + eva tu punaḥ sarva-dharma-śūnyatām avataret | evaṃ hi pudgala-śūnyatā siddhā bhavati | tataś ca chinna-mūlatvāt kleśā na samudācaranti ||
yathā + uktam ārya-tathā-gata-guhya-sūtre | tad yathā + api nāma śāntamate vṛkṣasya mūla-chinnasya sarva-śākhā patra-palāśāḥ śuṣyanti | evam eva śāntamate sat-kāya-dṛṣṭy-upaśamāt sarva-kleśā upaśāmyanti + iti ||
śūnyatā-bhāvanā-anuśaṃsās tv a-paryantāḥ ||
yathā tāvac candra-pradīpa-sūtre | so * asau śikṣa na jātu traśatī su-gatānāṃ | so * asau śūru na jātu istriṇāṃ vaśam etī | so * asau sāsani prīti vindate su-gatānāṃ | yo * asau dharma-sva-bhāva jānatī su-praśāntaṃ ||
so * asau na + iha cireṇa bheṣyate dvi-pada-indraḥ | so * asau vaidya-bhiṣak bheṣyate sukha-dātā | so * asau uddhari śalya sarvaśo dukhitānāṃ |yo * asau dharma-sva-bhāva jānatī su-praśāntaṃ ||
so * asau kṣānti-balena udgato nara-candraḥ | so * asau loṣṭaka-daṇḍa tāḍito na ca kupyī | so * asau chidyati aṅgam aṅgaśo na ca kṣubhyo | yo * asau dharma-sva-bhāva jānatī su-praśāntaṃ ||
na + asau durgatiṣū patiṣyatī anuvyañjana | nityaṃ lakṣaṇa-dhāri bheṣyatī abhirūpaḥ | pañcyo tasya abhijña bhāvitā ima nityaṃ | purataḥ so su-gatāna sthāsyatī sa ca śūra | ity ādi ||
bhagavatyām apy uktaṃ | punar a-paraṃ śāriputra bodhi-satvena mahā-satvena buddha-kāyaṃ niṣpādayitu-kāmena dvātriṃśan-mahā-puruṣa-lakṣaṇāny aśītiṃ ca + anuvyañjanāni pratilabdhu-kāmena sarvatra jātau jāti-smaratāṃ bodhi-citta-a-vipraṇāśatāṃ bodhi-satva-caryā + a-saṃpramoṣatāṃ pratilabdhu-kāmena sarva-pāpa-mitra-pāpa-sahāyān vivarjayitu-kāmena sarva-buddha-bodhi-satva-kalyāṇa-mitrāṇy ārāgayitu-kāmena sarva-māra-māra-kāyika-devatā-nirjetu-kāmena sarva-āvaraṇī yāni śodhayitu-kāmena sarva-dharma-an-āvaraṇatāṃ pratilabdhu-kāmena prajñā-pāramitāyāṃ śikṣitavyaṃ | punar a-paraṃ śāriputra bodhi-satvena mahā-satvena ye daśasu dikṣu buddhā bhagavantas tiṣṭhanti te me varṇaṃ bhāṣerann iti prajñā-pāramitāyāṃ śikṣitavyaṃ | punar a-paraṃ śāriputra bodhi-satvena mahā-satvena + eka-citta-utpādena pūrvasyāṃ diśi gaṅgā-nadī-vālukā-upamān loka-dhātūn samatikramitu-kāmena | pe | evaṃ sarva-dikṣu prajñā-pāramitāyāṃ śikṣitavyam ity ādy iti
[doubtful]
vistaraḥ ||
tatra yathā nir-ātmānaś ca sarva-dharmāḥ | karma-phala-saṃbandha-a-virodhaś ca niḥ-sva-bhāvatā ca yathā-dṛṣṭa-sarva-dharma-a-virodhaś ca | tathā pitṛ-putra-samāgame darśitam | ṣaḍ-dhātur ayaṃ mahā-rāja puruṣaḥ ṣaṭ-sparśa-āyatanaḥ | aṣṭādaśa-mana-upavicāraḥ | ṣaḍ-dhātur ayaṃ mahā-rāja puruṣa iti | na khalu punar etad yuktaṃ | kiṃ vā + etad pratītya + uktaṃ ṣaḍ ime mahā-rāja dhātavaḥ | katame ṣaṭ | tad yathā pṛthivī-dhātur ab-dhātus tejo-dhātur vāyu-dhātur ākāśa-dhātur vijñāna-dhātuś ca | ime mahā-rāja ṣaḍ dhātavaḥ ||
yāvat ṣaḍ imāni mahā-rāja sparśa-āyatanāni | katamāni ṣaṭ | cakṣuḥ sparśa-āyatanaṃ rūpāṇāṃ darśanāya | śrotraṃ sparśa-āyatanaṃ śabdānāṃ śravaṇāya | ghrāṇaṃ sparśa-āyatanaṃ gandha-ārāma-āghrāṇāya | jihvā sparśa-āyatanaṃ rasānām āsvādanāya | kāya-sparśa-āyatanaṃ spraṣṭavyānāṃ sparśanāya | manaḥ-sparśa-āyatanaṃ dharmāṇāṃ vijñānāya | imāni ca mahā-rāja ṣaṭ sparśa-āyatanāni || pe ||
aṣṭādaśa + ime mahā-rāja mana-upavicārāḥ | katame * aṣṭādaśa | iha puruṣaś cakṣuṣā rūpāṇi dṛṣṭvā | saumanasya-daurmanasya-upekṣā-sthānīyāny upavicarati | evaṃ śrotra-ādiṣu vācyaṃ | tena praty-ekam indriya-ṣaṭkena saumanasya-ādi-trayāṇāṃ bhedād aṣṭādaśa mana-upavicārā bhavanti | pe | katamaś ca mahā-rāja + ādhyātmikaḥ pṛthivī-dhātuḥ | yat kiñ-cid asmin kāye * adhyātmaṃ kakkhaṭatvaṃ khara-gatam upāttaṃ | tat punaḥ katamat | tad yathā | keśā romāṇi nakhā dantā ity ādi | ayam ucyate + ādhyātmikaḥ pṛthivī-dhātuḥ ||
katamaś ca mahā-rāja bāhyaḥ pṛthivī-dhātuḥ | yat kiñ-cid bāhyaṃ kakkhaṭvaṃ khara-gatam anupāttam ayam ucyate bāhyaḥ pṛthivī-dhātuḥ | tatra mahā-rāja + ādhyātmikaḥ pṛthivī-dhātur utpadyamāno na kutaś-cid āgacchati nirudhyamāno na kva-cit saṃnicayaṃ gacchati | bhavati mahā-rāja sa samayo yat strī adhyātmam ahaṃ strī + iti kalpayati | sā + adhyātmam ahaṃ strī + iti kalpayitvā bahir-dhā puruṣaṃ puruṣa iti kalpayati | sā bahir-dhā puruṣaṃ puruṣa iti kalpayitvā saṃraktā satī bahir-dhā puruṣeṇa sārdhaṃ saṃyogam ākāṅkṣate | puruṣo * adhyātmaṃ puruṣo * asmi + iti kalpayati + iti pūrva-vat | tayoḥ saṃyoga-ākāṅkṣayā saṃyogo bhavati | saṃyoga-pratyayāt kalalaṃ jāyate | tatra mahā-rāja yaś ca saṃkalpo yaś ca saṃkalpayitā | ubhayam etan na saṃvidyate | striyāṃ strī na saṃvidyate | puruṣe puruṣo na saṃvidyate | iti hy a-sann a-sad-bhūtaḥ saṃkalpo jātaḥ | so * api saṃkalpā-sva-bhāvena na saṃvidyate | yathā saṃkalpas tathā saṃyogo * api kalalam api sva-bhāvena na saṃvidyate | yaś ca sva-bhāvato na saṃvidyate tat kathaṃ kakkhaṭatvaṃ janayiṣyati | iti hi mahā-rāja saṃkalpaṃ jñātvā kakkhaṭatvaṃ veditavyaṃ yathā kakkhaṭatvam utpadyamānaṃ na kutaś-cid āgacchati | nirudhyamānaṃ na kva-cit saṃnicayaṃ gacchati + iti | bhavati mahā-rāja samayo yad ayaṃ kāyaḥ śmaśāna-paryavasāno bhavati | tasya tat kakkhaṭatvaṃ saṃklidyamānaṃ nirudhyamānaṃ na pūrvāṃ diśaṃ gacchati | na dakṣiṇāṃ | na paścimāṃ | na + uttarāṃ | na + ūrdhvaṃ | na + adho | na tu vi-diśaṃ gacchati | evaṃ mahā-rāja + ādhyātmikaḥ pṛthivī-dhātur draṣṭavyaḥ | bhavati mahā-rāja sa samayo yadā + ākāśī-bhūte loka-saṃniveśe brāhmaṃ vimānaṃ saṃtiṣṭhate mahā-ratna-mayaṃ | tan mahā-rāja kakkhaṭatvam utpadyamānaṃ na kutaś-cid āgacchati | cakra-vāḍa-mahā-cakra-vāḍāḥ saṃtiṣṭhante dṛḍhāḥ sārā eka-ghanā vajra-mayās teṣām api kakkhaṭatvam utpadyamānaṃ na kutaś-cid āgacchati | sumeravaḥ parvata-rājāno yugaṃ-dharā nimiṃ-dharā īśā-dharā yāvat kāla-parvatāḥ saṃtiṣṭhante | sarvaś ca tri-sāhasra-mahā-sāhasro loka-dhātuḥ saṃtiṣṭhate | catur-aśītir yojana-sahasrāṇy udvedhena | madhye ca + aṣṭaṣaṣṭiṃ yojana-śata-sahasraṃ mahā-pṛthivī saṃtiṣṭhate | tad api mahā-rāja kakkhaṭatvaṃ samudāgacchat kutaś-cid āgacchati | bhavati mahā-rāja sa samayo yadā + ayaṃ lokaḥ saṃvartate | tadā + iyaṃ mahā-pṛthivī agninā vā dahyate * adbhir vā klidyate vāyunā vā vikīryate | tasyā agninā dahyamānāyā maṣir api na prajāyate tad yathā + api nāma sarpiṣo vā tailasya vā + agninā dahyamānasya na maṣir na chāyikā prajñāyate evam eva + asyās tri-sāhasra-mahā-sāhasrāyā loka-dhātor agninā dahyamānāyā na + eva maṣir na chāyikā + avaśiṣṭā prajñāyate | evam adbhir lavaṇa-vilaya-vad vāyunā vairambha-vāta-abhihata-śakunta-vat pṛthivyāṃ na kiñ-cid avaśiṣṭaṃ prajñāyatae iti paṭhyate | tatra mahā-rāja pṛthivī-dhātor utpādo * api śūnyaḥ vyayo * api śūnya utpanno * api pṛthivī-dhātuḥ sva-bhāva-śūnya | iti hi mahā-rāja pṛthivī-dhātuḥ pṛthivī-dhātutvena na + upalabhyate * anyatra vyavahārāt | so * api vyavahāro na strī na puruṣaḥ | evam eva + etan mahā-rāja yathā-bhūtaṃ samyak-prajñayā draṣṭavyaṃ | tatra katamo * ab-dhātuḥ | yad idam asmin kāye * adhyātmaṃ praty-ātmam āpaḥ | ab-gataṃ | aptvaṃ snehaḥ | sneha-gataṃ snehatvaṃ dravatvam upagatam upāttaṃ ||
tat punaḥ katamat | tad yathā | aśru svedaḥ kheṭaḥ siṅghāṇakaṃ vaśā lasikā majjā medaḥ pittaṃ śleṣmā pūyaḥ śoṇitaṃ kṣīraṃ prasrāva ity ādir ayam ucyante ādhyātmiko * ab-dhātuḥ | pe ||
bhavati mahā-rāja sa samayo yat priyaṃ dṛṣṭvā + aśru pravartate | duṣkhena ca + abhyāhatasya dharma-saṃvegena vā + aśru pravartate | vātena vā + akṣi prasyandate | yāvat sa mahā-rāja + ab-dhātur na kutaś-cid āgacchati | bhavati mahā-rāja sa samayo yadā + ādhyātmiko * ab-dhātuḥ pariśuṣyati | sa pariśuṣyan nirudhyamāno na kva-cid gacchati | pe | vivartamāne khalu punar loke samantād dvātriṃśat paṭalā abhra-ghanāḥ saṃtiṣṭhante saṃsthāya sarvāvantaḥ | tri-sāhasra-mahā-sāhasraṃ loka-dhātuṃ chādayanti | yataḥ pañca-antara-kalpān īṣādhāro devo varṣati | evaṃ pañca gaja-prameho devo varṣati | pañca-ācchinna-dhāraḥ |pañca sthūla-bindukaḥ | tata iyaṃ mahā-pṛthivī yāvad brahma-lokād udakena sphuṭā bhavati | sa mahā-rāja tāvan mahān ab-dhātur utpadyamāno na kutaś-cid āgacchati | bhavati mahā-rāja sa samayo yad ayaṃ lokaḥ saṃvartate | saṃvartamāne khalu punar loke dvitīyasya sūryasya prādur-bhāvo bhavati | dvitīyasya sūryasa loke prādur-bhāvād utsāḥ sarāṃsi kunadyaś ca śuṣyanti | evaṃ tṛtīyasya mahā-utsā mahā-nadyaḥ | caturthasya + an-avataptaṃ mahā-saraḥ sarveṇa sarvam ucchuṣyati | caturthasya sūryasya prādur-bhāvān mahā-samudrasya yojanikam apy udakaṃ parikṣayaṃ paryādānaṃ gacchati | dvi-yojanikam api tri-catuḥ-pañca-daśa-viṃśati-triṃśac-catvāriṃśat-pañcāśad-yojanikam api yāvac catvāriṃśad-yojana-sahasram udakam avaśiṣṭaṃ bhavati | yāvad dvi-tāla-mātraṃ |yāvat kaṇṭha-mātraṃ | yāvad goṣpada-mātram udakam avaśiṣṭaṃ bhavati | bhavati mahā-rāja sa samayo yan mahā-samudre pṛthita-pṛthitāny avaśiṣṭāni bhavanti | pe ||
bhavati mahā-rāja sa samayo yan mahā-samudre * aṅguli-sneha-mātram apy udakaṃ na + avaśiṣṭaṃ bhavati | sa mahā-rāja tāvān ab-dhātur nirudhyamāno na kva-cid gacchati | pe | tasya khalu punar mahā-rāja + ab-dhātor utpādo * api śūnyaḥ | vyayo * api śūnyaḥ tiṣṭhann api so * ab-dhātuḥ sva-bhāva-śūnya iti hi mahā-rāja + ab-dhātur ab-dhātutvena + upalabhyate * anyatra vyavahāra-mātrāt | so * api vyavahāro na strī na puruṣaḥ pūrva-vat ||
ādhyātmikas tejo-dhātuḥ katamaḥ ||
yat kiñ-cid asmin kāye tejas tejo-gatam ūṣma-gatam upagatam upāttaṃ | tat punaḥ katamat | yena + ayaṃ kāya ātapyate saṃtapyate | yena vā + asya + asita-pīta-khāditāni samyak-sukhena paripākaṃ gacchati | yasya ca + utsadatvāj jvarito jvarita iti saṃkhyāṃ gacchati || pe ||
bāhyas tejo-dhātuḥ katamaḥ | yad bāhyaṃ tejas tejo-gatam ūṣma-gatam upagatam upāttaṃ | tat punaḥ katamat | yan manuṣyā araṇī-sahagatebhyo garbhala-sahagatebhyo vā go-maya-cūrṇena vā kārpāsa-picunā + āvāsam anveṣante yad utpannaṃ grāmam api dahati grāma-pradeśam api dahati yāvad dvīpaṃ vā kakṣaṃ tṛṇānāṃ vā dāvaṃ vā kāṣṭhaṃ vā yāvad dahan paraiti + ity ādi |tatra mahā-rāja + ādhyātmikas tejo-dhātur utpadyate na kutaś-cid āgacchati nirudhyamāno na kva-cit saṃnicayaṃ gacchati | iti hy a-bhūtvā bhavati bhūtvā ca prativigacchati sva-bhāva-rahitatvāt ||
evaṃ yat kiñ-cid asmin kāye vāyur vāyu-gataṃ laghutvaṃ samudīraṇatvaṃ | tat punaḥ katamat | tad yathā ūrdhva-gamā vāyavo * adho-gamāḥ pārśva-āśrayāḥ pṛṣṭha-āśrayāḥ kukṣi-gamāḥ śastrakāḥ kṣurakāḥ sūcakāḥ pippalakā vāta-aṣṭhīlā vāta-gulmā āśvāsa-praśvāsā aṅga-anusāriṇo vāyava ity ādi | santi bahir-dhā pūrve vāyavo dakṣiṇāḥ paścimā uttarā vāyavaḥ sa-rajasaḥ a-rajasaḥ parīttā mahad-gatā vāyava iti | bhavati mahā-rāja sa samayo yan mahā-vāyu-skandhaḥ samudāgataḥ | vṛkṣa-agrān api pātayati | kuḍyān api parvata-agrān api pātayati | pātayitvā nir-upādāno vigacchati | yaṃ satvāś cīvara-karṇikena vā vidhamanakena vāta-anuvṛttena vā paryeṣyante | yāvad ayam ucyate bāhyo vāyu-dhātuḥ | tasya + apy utpattiḥ pūrva-vat ||
ādhyātmika ākāśa-dhātuḥ katamaḥ | yat kiñ-cid asmin kāye * adhyātmaṃ praty-ātmam upagatam upāttam ākāśa-gatam iha + abhyantara-saṃkhyā-bhūtaṃ | a-sphuṭam a-spharaṇīyaṃ tvaṅ-mānsa-śoṇitena | tat punaḥ katamat | yad asmin kāye cakṣuḥ suṣiram iti vā yāvan mukhaṃ vā mukha-dvāraṃ vā kaṇṭhaṃ vā kaṇṭha-nāḍyā vā yena ca + abhyavaharati yatra ca + avatiṣṭhate | yena ca + asya + aśita-pīta-khādita-āsvāditam adhastāt pragharati | ayam ucyatae ādhyātmika ākāśa-dhātuḥ | evaṃ bāhye * api yad a-sphuṭam a-spharaṇīyaṃ rūpa-gatena + a-paliguddhaṃ suṣira-bhāvaś chidraṃ | ayam ucyate bāhyaḥ ākāśa-dhātuḥ ||
bhavati mahā-rāja sa samayo yat karma-pratyayād āyatanāni prādur-bhavanti tāny ākāśa-dhātuṃ paricārayanti | tatra saṃkhyā bhavaty ādhyātmika ākāśa-dhātur iti | sa na kutaś-cid āgacchati | bhavati samayo yad rūpaṃ bibharti sarvam ākāśī-bhavati | tat kasya hetoḥ | a-kṣayo hy ākāśa-dhātuḥ sthiro * a-calaḥ | tad yathā mahā-rāja + a-saṃskṛto nirvāṇa-dhātuḥ | evam eva + ākāśa-dhātuḥ sarvatra + anugato draṣṭavyaḥ | tad yathā + api nāma mahā-rāja puruṣa utthale deśe uda-pānaṃ vā kuṭakaṃ vā kūpaṃ vā puṣkariṇīṃ vā khānayet | tat kiṃ manyase mahā-rāja yat tatra + ākāśaḥ kutas tad āgatam iti | āha | na kutaś-cid bhagavan | bhagavān āha | tad yathā + api nāma mahā-rāja sa puruṣaḥ punar eva tad uda-pānaṃ vā yāvat puṣkariṇīṃ vā pūrayet | tat kiṃ manyase mahā-rāja yat tad ākāśaṃ kva-cid gatam iti | āha | na kva-cid gataṃ bhagavan | tat kasya hetoḥ | na hy ākāśa-dhātur gamane vā āgamane vā pratyupasthitaḥ | na strī-bhāvena na puruṣa-bhāvena pratyupasthitaḥ | bhagavān āha | iti hi mahā-rāja bāhya-ākāśa-dhātur a-calaḥ |a-vikāraḥ |tat kasya hetoḥ | śūnyo hy ākāśa-dhātur ākāśa-dhātutvena | virahita ākāśa-dhātur ākāśa-dhātutvena | na puruṣa-bhāvena na strī-bhāvena pratyupasthitaḥ | evam eva yathā-bhūtaṃ samyak-prajñayā draṣṭavyaṃ ||
tatra katamo vijñāna-dhātur yā cakṣur-indriya-adhipateyā | rūpa-ārambaṇa-prativijñaptiḥ | yāvad iti hi mahā-rāja yā kā-cid varṇa-saṃsthāna-prativijñaptir ayam ucyate cakṣur-vijñāna-dhātuḥ | pe | iti hi yā ṣaḍ-indriya-adhipateyā ṣaḍ-viṣaya-ārambaṇā viṣaya-vijñaptir ayam ucyate vijñāna-dhātuḥ | sa khalu punar ayaṃ mahā-rāja vijñāna-dhātur na + indriya-niśrito na viṣayebhya āgato na madhye * antara-sthāyī sa na + adhyātma bahir-dhā na + ubhayam antareṇa | sa khalu punar ayaṃ mahā-rāja vijñāna-dhātur vastu prativijñapya niruddhaḥ | sa utpadyamāno na kutaś-cid āgacchati nirudhyamāno na kva-cid gacchati | tasya khalu punar vijñāna-dhātor utpādo * api śūnyaḥ | vyayo * api śūnyaḥ | utpanno * api vijñāna-dhātuḥ sva-bhāva-śūnyaḥ | iti mahā-rāja vijñāna-dhātur vijñāna-dhātutvena śūnyo na + upalabhyate * anyatra vyavahārāt | so * api vyavahāro na strī na puruṣaḥ | evam etad yathā-bhūtaṃ samyak-prajñayā draṣṭavyaṃ ||
tatra mahā-rāja katamac cakṣur-āyatanaṃ | yac caturṇāṃ mahā-bhūtānāṃ prasādaḥ | tad yathā pṛthivī-dhātor ab-dhātos tejo-dhātor vāyu-dhātor yāvat | tatra pṛthivī-dhātu-prasādaś cakṣur-āyatanaṃ na + ab-dhātu-prasādo na tejo-dhātu-prasādo na vāyu-dhātu-prasādaś cakṣur-āyatanaṃ | tat kasya hetoḥ | na hi pṛthivī-dhātu-prasādaḥ kasya-cid dharma-āyatanaṃ vā āyatana-pratilambhena vā pratyupasthitaḥ | evaṃ yāvan na vāyu-dhātu-prasādaḥ kasya-cid dharmasya + āyatanaṃ vā āyatana-pratilambhena vā pratyupasthitaḥ | tat kasya hetoḥ | niś-ceṣṭā hy ete dharmā niṣṭhāpārā nirvāṇa-samā | iti hi mahā-rāja eka-ekato dharmān mṛgyamāṇān cakṣur-āyatanaṃ na + upalabhate * anyatra vyavahārāt | tat kasya hetoḥ | śūnyo hi pṛthivī-dhātu-prasādaḥ pṛthivī-dhātu-prasādena | yāvac * chūnyo vāyu-dhātu-prasādo vāyu-dhātu-prasādena | ye ca dharmāḥ sva-bhāvena śūnyāḥ kas teṣāṃ prasādo vā kṣobho vā | yeṣāṃ na prasādo na kṣobha upalabhyate | kathaṃ te rūpaṃ drakṣyanti | iti hy atyantatayā cakṣur-āyatanaṃ śūnyaṃ cakṣur-āyatana-sva-bhāvena tat pūrva-antato na + upalabhyate ||
a-para-antato * api na + upalabhyate | an-āgamanatāṃ gamanatāṃ ca + upādāya sthānam apy asya na + upalabhyate sva-bhāva-virahitatvāt | yac ca sva-bhāvena na saṃvidyate | na tat strī na puruṣaḥ | tena kā manyanā | manyanā ca nāma mahā-rāja māra-go-caraḥ | a-manyanā buddha-go-caraḥ | tat kasya hetoḥ | manyanā + apagatā hi sarva-dharmāḥ | pe | tatra mahā-rāja katamac * chrotra-āyatanaṃ | yac caturṇāṃ mahā-bhūtānāṃ prasādo | yāvad iti hi mahā-rāja sarva-dharmā vimokṣa-abhimukhā dharma-dhātu-niyatā ākāśa-dhātu-paryavasānā a-prāptikā a-vyavahārā an-abhilāpyā an-abhilapanīyāḥ | yatra mahā-rāja indriyāṇi pratihanyante te viṣayā ity ucyante | cakṣur hi rūpe pratihanyate tasmād rūpāṇi cakṣur-viṣayā ity ucyante | evaṃ śrotraṃ śabdeṣv ity ādi | tatra cakṣū rūpe pratihanyata iti nipātaḥ | pratihanyanā teṣāṃ nirdiṣṭā | tathā hi cakṣū rūpeṣu tri-vidhaṃ nipatati + iti | anu-kūleṣu śubha-saṃjñayā | prati-kūleṣu pratigha-saṃjñayā | na + eva + anu-kūleṣu na prati-kūleṣu + upekṣayā | evaṃ mano dharmeṣv ity ādi | tae ime viṣayā mano-go-carā ity ucyante | atra hi manaś carati | upavicarati | tasmān mano-go-carā ity ucyante | yad etan mahā-rāja mano * a-prati-kūleṣu rūpeṣv anunītaṃ carati | tena + asya rāga utpadyate | prati-kūleṣu rūpeṣu pratihataṃ carati tena + asya dveṣa utpadyate | na + eva + anu-kūleṣu na prati-kūleṣu saṃmūḍhaṃ carati | tena + asya moha utpadyate | evaṃ śabda-ādiṣv api tri-vidham ārambaṇam anubhavati pūrva-vat ||
tatra mahā-rāja māyā-upamāni + indriyāṇi | svapna-upamā viṣayāḥ | tad yathā + api nāma mahā-rāja puruṣaḥ suptaḥ svapna-antare jana-pada-kalyāṇyā striyā sārdhaṃ paricaret | sa śayita-vibuddho jana-pada-kalyāṇīṃ striyam anusmaret | tat kiṃ manyase mahā-rāja saṃvidyate svapna-antare jana-pada-kalyāṇī strī | āha | na + u hi + idaṃ bhagavan | bhagavān āha | tat kiṃ manyase mahā-rāja + api nu sa puruṣaḥ paṇḍita-jātīyo bhavet | yaḥ svapna-antare jana-pada-kalyāṇīṃ striyam anusmaret | tayā vā sārdhaṃ krīḍitam abhiniveśet | āha | na + u hi + idaṃ bhagavan | tat kasya hetoḥ | aty-antatayā hi bhagavan svapna-antare jana-pada-kalyāṇī na saṃvidyate na + upalabhyate | kutaḥ punar anayā sārdhaṃ paricaraṇā | anyatra yāvad eva sa puruṣo vighātasya klamathasya bhāgī syāt | yas tām abhiniviśet ||
bhagavān āha | evam eva mahā-rāja bālo * a-śrutavān pṛthag-janaś cakṣuṣā rūpāṇi dṛṣṭvā saumanasya-sthānīyāny abhiniviśet | so * abhiniviṣṭaḥ sann anunīyate * anunītaḥ saṃrajyate | saṃrakto rāga-jaṃ karma + abhisaṃskaroti | tri-vidhaṃ kāyena catur-vidhaṃ vācā tri-vidhaṃ manasā | tac ca karma + abhisaṃskṛtam ādita eva kṣīṇaṃ niruddhaṃ vigataṃ vipariṇataṃ na pūrvāṃ diśaṃ niśritya tiṣṭhati | na dakṣiṇāṃ na paścimāṃ na + uttarāṃ na + ūrdhvaṃ na + adho na + anuvidiśaṃ | na + iha na tiryak | na ubhayam antarā | tat punaḥ kāla-antareṇa maraṇa-kāla-samaye pratyupasthite | jīvita-indriya-nirodhe āyuṣaḥ parikṣayāt tat-sa-bhāgasya karmaṇaḥ kṣīṇatvāc carama-vijñānasya nirudhyamānasya manasa ārambaṇī-bhavati | tad yathā + api nāma śayita-vibuddhasya jana-pada-kalyāṇī + iti manasa ārambaṇaṃ bhavati | iti hi mahā-rāja carama-vijñānena + adhipatinā tena ca karmaṇā ārambaṇena + aupapatty-aṃśika-dvaya-pratyayaṃ prathama-vijñānam utpadyate | yadi vā narakeṣu yadi vā tiryag-yonau yadi vā yama-loke yadi vā āsure kāye yadi vā manuṣyeṣu yadi vā deveṣu | tasya ca prathama-vijñānasya aupapatty-aṃśikasya samanantara-niruddhasya + an-antara-sa-bhāgā citta-saṃtatiḥ pravartate | yatra vipākasya pratisaṃvedanā prajñāyate | tatra yaś carama-vijñānasya nirodhas tatra cyutir iti saṃkhyāṃ gacchati | yaḥ prathama-vijñānasya prādur-bhāvas tatra + upapattiḥ | iti hi mahā-rāja na kaś-cid dharmo * asmāl lokāt paraṃ lokaṃ gacchati | cyuty-upapattī ca prajāyete | tatra mahā-rāja carama-vijñānam utpadyamānaṃ na kutaś-cid āgacchati ||
nirudhyamānaṃ na kva-cid gacchati | karma + apy utpadyamānaṃ na kutaś-cid āgacchati | nirudhyamānaṃ na kva-cid gacchati | prathama-vijñānam apy utpadyamānaṃ na kutaś-cid āgacchati | nirudhyamānaṃ ca na kva-cid gacchati | tat kasya hetoḥ | sva-bhāva-virahitatvāt | carama-vijñānaṃ carama-vijñānena śūnyaṃ | karma karmaṇā śūnyaṃ | prathama-vijñānaṃ prathama-vijñānena śūnyaṃ | cyutiś cyutyā śūnyā | upapattir upapattyā śūnyā | karmaṇāṃ ca + a-bandhyatā prajāyate vipākasya ca pratisaṃvedanā na ca + atra kaś-cit kartā na bhoktā + anyatra nāma-saṃketāt | tad yathā + api nāma mahā-rāja puruṣaḥ suptaḥ svapna-antare śatruṇā sārdhaṃ saṃgrāmayet | sa śayita-vibuddhaḥ | tam eva + anusmaret | tat kiṃ manyase mahā-rāja saṃvidyate svapna-antare śatruḥ | śatruṇā vā sārdhaṃ saṃgrāma iti | āha | na + u hi + idaṃ bhagavan | bhagavān āha | tat kiṃ manyase mahā-rāja + api nu sa puruṣaḥ paṇḍita-jātīyo bhavet | yo * asau svapna-antare śatrum abhiniviśet | śatruṇā vā sārdhaṃ saṃgrāmaṃ | āha | na + u hi + idaṃ bhagavan | tat kasya hetoḥ | aty-antatayā hi bhagavan svapne śatrur na saṃvidyate kutaḥ punas tena sārdhaṃ saṃgrāmaḥ | anyatra yāvad eva sa puruṣo vighātasya klamathasya ca bhāgī syāt yas tam abhiniviśet | bhagavān āha | evam eva mahā-rāja bālo * a-śrutavān pṛthag-janaś cakṣuṣā rūpāṇi dṛṣṭvā daurmanasyā-sthānīyāny abhiniviśate * abhiniviṣṭaḥ san pratihanyate | pratihataḥ saṃtuṣyati | duṣṭo doṣa-jaṃ karma + abhisaṃskaroti + iti pūrva-vat | tad yathā + api nāma mahā-rāja puruṣah suptaḥ svapna-antare piśācena paripātyamāno bhītaḥ saṃoham āpadyate | sa śayita-vibuddhas taṃ piśācaṃ taṃ ca saṃmoham anusmaret | tat kiṃ manyase mahā-rāja saṃvidyante svapne piśācaḥ saṃmoho vā | yāvad evam eva mahā-rāja bālo * a-śrutavān pṛthag-janaś cakṣuṣā rūpāṇi dṛṣṭvā upekṣā-sthānīyāny abhiniviśate * abhiniviṣṭaḥ san muhyati mūḍho moha-jaṃ karma + abhisaṃskaroti + iti pūrva-vat | tad yathā + api nāma mahā-rāja puruṣaḥ suptaḥ svapna-antare jana-pada-kalyāṇyā gāyantyā madhuraṃ gīta-svaraṃ madhuraṃ ca tantrī-svaraṃ ca śṛṇuyāt | sā tena gīta-vāditena paricārayet | sa śayita-vibuddhas tad eva gīta-vāditam anusmaret | tat kiṃ manyase mahā-rāja + api nu sa puruṣaḥ paṇḍita-jātīyaḥ svapna-antare jana-pada-kalyāṇyā gīta-vāditam abhiniviśet | āha | na + u hi + idaṃ bhagavan | bhagavān āha | tat kasya hetoḥ | aty-antatayā hi bhagavan svapna-antare jana-pada-kalyāṇī strī na saṃvidyate na + upalabhyate | kutaḥ punar asyā gīta-vāditaṃ | anyatra yāvad eva sa puruṣo vighātasya klamathasya ca bhāgī syāt | yas tad abhiniviśet | bhagavān āha | evam eva mahā-rāja bālo * a-śrutavān pṛthag-janaḥ śrotreṇa śabdān śrutvā saumanasya-sthānīyāny abhiniviśate | iti pūrva-vat | evaṃ gandha-ādiṣu tri-dhā tri-dhā veditavyam || pe ||
atra mahā-rāja mānasaṃ niveśayitavyaṃ | kim ity ahaṃ sa-devakasya lokasya cakṣur bhaveyaṃ | ulkā pradīpa āloka-bhūtaḥ | kūlaṃ naus tīrthaṃ | nāyakaḥ pariṇāyakaḥ daiśikaḥ sa-artha-vāhaḥ | puro javeyaṃ | mukto mocayeyam āśvasta āśvāsayeyaṃ parinirvṛttaḥ parinirvāpayeyam iti | pūrvā hi koṭir mahā-rāja na prajñāyate aiśvarya-ādhipatyānām anubhūya mānānāṃ | iti hi mahā-rāja māyā-upamāni + indriyāṇy a-tṛptāny a-tarṣaṇīyāni | svapna-upamā viṣayā a-tarṣakā a-tṛpti-karāḥ ||
atra + an-anta-yaśaś-cakravartinaḥ kathā svargāc ca patite tasmin sa-rājakaiḥ pauraiḥ parivṛta evaṃ paṭhyate | tad yathā + api nāma mahā-rāja sarpir-maṇḍo vā nava-nīta-maṇḍo vā taptāyāṃ vālukāyām upanikṣipto * avasīdati | na saṃtiṣṭhate | evam eva mahā-rāja + an-anta-yaśā avasīdati na saṃtiṣṭhate | atha rājā priyaṃkaro rājānam an-anta-yaśasaṃ tathā + avasīdantaṃ | upasaṃkramya + etad avocat | kiṃ vayaṃ mahā-rāja lokasya vyākuryāmaḥ | kiṃ rājño * an-anta-yaśasaḥ su-bhāṣitam iti | sa āha | vaktavyaṃ | mahā-rāja-an-anta-yaśāś catur-dvīpeṣu rājya-aiśvaryaṃ kārayitvā + a-bandhya-mano-rathatām anubhūya sarva-druma-a-kāla-phalatāṃ sarva-upadrava-prasrabdhi-sarva-satva-a-bandhya-mano-rathatāṃ gandha-udaka-varṣaṃ hiraṇya-varṣaṃ suvarṇa-varṣaṃ sarva-upakaraṇa-varṣaṃ ca + anubhūya caturo mahā-dvīpān adhyāvasitvā śakrasya + ardha-āsanam ākramyāti + icchayā na mukto * a-tṛpta eva kāmaiḥ kāla-gata iti | evaṃ tvaṃ mahā-rāja vyākuryā ity evam uktvā ca rājā + an-anta-yaśāḥ kālam akārṣīt | pe ||
tasmāt tarhi te mahā-rāja marīcikāyām udaka-sva-bhāvo na + abhūn na bhaviṣyati na ca + etarhi vidyate | evam eva mahā-rāja rūpa-vedanā-saṃjñā saṃskāra-vijñanāṃ sva-bhāvo na + abhūn na bhaviṣyati na ca + etarhi vidyatae ity ādi ||
punar apy uktaṃ | etāvac ca + etat jñeyam | yad uta saṃvṛtiḥ parama-arthaś ca | tac ca bhagavatā śūnyataḥ su-dṛṣṭaṃ su-viditaṃ su-sākṣāt-kṛtaṃ | tena sa sarva-jña ity ucyate | tatra saṃvṛtir loka-pracāratas tathā-gatena dṛṣṭā | yaḥ punaḥ parama-arthaḥ so * an-abhilāpyaḥ | an-ājñeyo * a-vijñeyo * a-deśito * a-prakāśito yāvad a-kriyo yāvan na lābho na + a-lābho na sukhaṃ na duṣkhaṃ na yaśo na + a-yaśaḥ | na rūpaṃ na + a-rūpam ity ādi ||
tatra jinena jagasya kṛtena saṃvṛti deśita loka-hitāya | yena jagat su-gatasya sakāśe saṃjanayīha prasāda-sukha-arthe ||
saṃvṛti prajña-mayī nara-siṃhaḥ ṣaḍ-gatayo bhaṇi satva-gaṇānāṃ | naraka-tiraś ca tathā + eva ca pretān āsura-kāya narāṃś ca marūṃś ca ||
nīca-kulāṃs tatha ucca-kulāṃś ca āḍhya-kulāṃś ca daridra-kulāṃś ca + ity ādi ||
punaś ca + uktaṃ | katama eṣa dharmo yo bhagavatā vyākṛto * an-uttarāyāṃ samyak-saṃbodhau | kiṃ rūpam uta vedanā āho śvit saṃjñā uta-āho saṃskārā atha vijñānaṃ bhagavatā vyākṛtam an-uttarāyāṃ samyak-saṃbodhāv iti | teṣām etad abhūt | na rūpaṃ yāvan na vijñānaṃ bhagavatā vyākṛtam an-uttarāyāṃ samyak-saṃbodhau | tat kasya hetoḥ | an-utpādo hi rūpam an-utpādo bodhiḥ | tat katham an-utpādo * an-utpādam abhisaṃbudhyate | evaṃ yāvad vijñānam || pe ||
tad evam an-upalabhyamāneṣu sarva-dharmeṣu katamo * atra buddhaḥ | katamā bodhiḥ | katamo bodhi-satvaḥ | katamad vyākaraṇam | śūnyaṃ hi rūpaṃ rūpeṇa yāvad vijñānaṃ || pe ||
yāvad eva vyavahāra-mātram etat | nāma-dhey-mātraṃ saṃketa-mātraṃ saṃvṛti-mātraṃ prajñapti-mātraṃ | na + alam atra paṇḍitair abhiniveśa utpādayitavya iti ||
tathā + atra + eva + āhuḥ | nirmāṇa-ratayo devā yathā vayaṃ bhagavan | bhagavato bhāṣitasya + artham ājānīmaḥ | sarva-dharmā bhūta-koṭir an-anta-koṭir an-āvaraṇa-koṭir a-pratiṣṭhita-koṭir ity ādi ||
sarva-dharmā bhagavan bodhiḥ | sva-bhāva-virahitā boddhavyāḥ | antaśa ānantaryāṇy api bodhiḥ | tat kasya hetoḥ | a-prakṛtikā hi bhagavan bodhir a-prakṛtikāni ca * pañca + ānantaryāṇi | tena + ucyate ānantaryāṇi bodhir iti | tathā vihasyante bhagavan ye ke-cit parinirvātu-kāmāḥ | tat kasya hetoḥ | yadi kaś-cit saṃsāra-pratipanno bhavet | sa nirvāṇaṃ paryeṣatae iti ||
punar uktaṃ | bhūta-koṭir iti bhagavan yad uktaṃ nirmāṇa-ratibhir devais tatra vayaṃ bhūtam api na + upalabhāmahe | kiṃ punar asya koṭim | tat kasya hetoḥ | yo hi kaś-cid bhagavan bhūtam upalabhate | koṭim api sa tasya + upalabhate dvaye ca + asau carati + iti ||
tathā + atra + eva sahāṃpati-brahmaṇā śāstā stutaḥ ||
supiti yatha naraḥ kṣudhā + abhibhūtaḥ śata-rasa-bhojana-bhuñjino ca tṛptaḥ | na pi ca kṣudha na bhojanaṃ na satvaḥ supina yathā + eva nidṛṣṭa sarva-dharmāḥ ||
bhaṇi naru paṭhane mano-jña-vācaṃ priyu bhavatī na ca saṃkramo * asti vācaṃ | na ca vacana ca + asya rakta vācām upalabhase na ca tatra saṃśayo * asti ||
śruṇati yatha mano-jña vīṇa-śabdaṃ madhura na ca + asti sva-bhāvataḥ sa śabdaḥ | tatha imi vidu skandha prekṣamāṇo na labhati bhāvu sva-bhāvataḥ su-medhāḥ || pe ||
yatha naru iha śaṅkha-śabda śrutvā vimṛśati vidva kuto ya prādu-bhūtaḥ | na ca labhati sva-bhāva śūnya-bhāvaṃ tatha tv aya dṛṣṭa nara-indra sarva-dharmāḥ ||
yatha naru iha bhojanaṃ praṇītaṃ vimṛśati aṅgaśu siddham a-svabhāvam | yatha rasu tatha te * aṅga tat-sva-bhāvās tatha tv aya dṛṣṭa maha-rṣi sarva-dharmāḥ ||
yatha naru iha indra-yaṣṭi dṛṣṭvā vimṛśati aṅgaśu niḥ-sva-bhāva śūnyam | vimṛśatu yatha yaṣṭi te * aṅga śūnyās tatha tv aya dṛṣṭa maha-rṣi sarva-dharmāḥ ||
pura-vara yatha aṅgaśo vibhajya nagaru sva-bhāvatu nāmato na labdham | yatha nagara tatha + aṅga sarva-śūnyās tatha tv aya dṛṣṭa nara-indra sarva-dharmāḥ ||
mudita yatha narāga mukta bherī harṣa janeti sva-bhāva-śūnya-śabdā | svaru yatha tatha te * aṅga tat-svabhāvaṃ tatha tv aya dṛṣṭa maha-rṣi sarva-dharmāḥ ||
... ... hanatu yatha narasya tāṃ hi bherīṃ pratighu na vidyati na + api sneha-dhātuḥ | vimṛśatu bherī + iva te * aṅga tat-sva-bhāvās tatha tv aya dṛṣṭa nara-indra sarva-dharmāḥ ||
hanatu yatha narasya tāṃ hi bherīṃ svaru na sa manyati rāmayāmi lokam | svaru yatha tatha te * aṅga tat-sva-bhāvāḥ tatha tv aya dṛṣṭa nara-indra sarva-dharmāḥ ||
hanatu yatha narasya tasya bheryāṃ na pi svaru aṅgaśu na + api sa sva-tantraḥ | svaru yatha tatha te * aṅga tat-sva-bhāvās tatha tv aya dṛṣṭa maha-rṣi sarva-dharmāḥ ||
punaś ca + uktaṃ | satva-ārambaṇa-nāyakena kathitā maitrī śubhā-bhāvanā | satvaś ca + asya vibhāvitaḥ su-viditaṃ niḥ-satva sarvaṃ jagat | tatra + evaṃ dvi-pada-uttamo * a-kaluṣo niḥ-saṃśayā mānasaḥ | tena tvā su-gataṃ vibhāvita-matiṃ pūjema pūjā-ariham ||
duṣkhaṃ cā * su-gatā
[doubtful]
daśa-ddiśi-gataṃ na + evaṃ parīdṛśyate | satveṣū karuṇā ca nāma bhaṇitā deva-ati-deva tvayā | evaṃ bho jina-puṅ-gavā jina-mataṃ ajñāta yathāvataḥ | tena tvāṃ dvi-pada-uttamā nara-varāḥ pūjema pūjā-ariham ||
satvāna + eva na duṣkhaṃ śākya-muninā yasya + apanītaṃ dukhaṃ | jātās te muditāś ca hṛṣṭa-manaso * a-ratīś ca tair na + uditāḥ ||
evaṃ buddha-nayaṃ a-cintiya-nayaṃ yāthāvato jānato | tasmāt pūjiya tvāṃ narāṇa pravaraṃ prāyema prāptaṃ phalaṃ ||
kāyaḥ kāya-vivarjitena muninā na + āsādito mārgatāṃ | na + evaṃ te smṛti-nāyakā na bhaṇitā na + eva pramuṣṭā smṛtiḥ ||
uktaṃ ca + u su-gatena bhāva-pathimāḥ kāyaṃ gatā bhāvanāḥ | evaṃ buddha-nayaṃ viditva su-gatā pūjā kṛtā tāyinaḥ ||
bhāvethaḥ śamathaṃ vipaśyanam ayaṃ mārgaṃ dukhā śāntaye | śāntās te bhagavan sa-vāsana-malā yehī jagat kliṣyate ||
śamathaś ca + atha vipaśyanā na ca malā sarve * ati śūnyā mune | asmin deva-gaṇā na kāṅkṣa kva-canā pūjentu tvāṃ nāyakaṃ | ity ādi ||
punar uktaṃ | śūnyaṃ hi cakṣuś cakṣuḥ-sva-bhāvena | yasya ca dharmasya sva-bhāvo na vidyate so * a-vastukaḥ | yo * a-vastukaḥ so * a-pariniṣpannaḥ yo * a-pariniṣpannaḥ sa na + utpadyate na nirudhyate | pe ||
yat triṣv apy adhvasu na + upalabhyate na tac cakṣur na + indriyaṃ kathaṃ tasya vyavahāro jñeyaḥ | tad yathā + api nāma rikta-muṣṭir a-līkaḥ | yāvad eva nāma-mātraṃ na + u tu khalu parama-arthato riktam upalabhyate na muṣṭiḥ | evaṃ cakṣuś ca + indriyaṃ ca rikte muṣṭi-sadṛśam a-līkam a-sad-bhūtaṃ tucchaṃ mṛṣā-moṣa-dharme bāla-upalāpanaṃ mūrkha-saṃmohanam yāvad eva nāma-mātram ||
punar atra + eva + āha | svapna-antare mahā-vṛṣṭir āsravāṇāṃ pravartanā | darśitā te mahā-vīra āsrava-utpatti-paṇḍitāḥ ||
svapne yathā śiraś-chedo dṛṣṭas te āsrava-kṣayaḥ | darśitaḥ sarva-vijñānāṃ sarva-darśin namo * astu te ||
atra + eva ca drumeṇa kinnara-rājena bhagavān pṛṣṭaḥ pratyāha | yad vadasi śūnyatāṃ ca vyākaraṇaṃ | ca + apy ahaṃ na jānāmi | syād yadi kiṃ-cid a-śūnyaṃ na bhavej jinena + asya vyākaraṇam ||
kiṃ-kāraṇaṃ | tathā hi | sthitaṃ bhavet tat svake bhave | kūṭa-stha-nir-vikāraṃ | na tasya vṛddhir na parihāṇiḥ | na kriyā na ca kāraṇaṃ | yat sva-bhāva-śūnyam ādarśa-maṇḍale su-pariśuddhe saṃdṛśyate pratibimbam | tathā + eva druma jānīhi + imān dharmān | a-vi-kāraṃ dharma-dhātum imāṃ ca pūjāṃ druma + aṅgaśo vicārayasi | aṅgaśo nirīkṣya pūjāṃ | katame * a-vi-kāriṇo * aṅgāḥ ||
yad api ca nir-īhakatvaṃ kriyāṃ ca na jānase mayā proktaṃ | śakaṭa-aṅga saṃnipātaṃ nirīkṣva śakaṭasya ca + eva kriyāṃ ||
karma ca me ākhyātaṃ kartā na vidyate daśasu dikṣu | vāta-īritād iva taror yathā hi nivartate vahniḥ ||
na ca māruto na ca taruś cetayati huta-aśanaṃ ca yajane | na nivartate vahnis tathā + eva karmasya kartāraḥ ||
yad api vadase na ca saṃcaya puṇyasya hi vidyate | su-caritasya samudāgamaś ca | bodhis tasya + api śṛṇu kramanta tvaṃ | yathā bhaṇasi manuṣyāṇām āyuḥ-parimāṇaṃ varṣa-śataṃ jīvin | na ca + asti varṣa-puñjī | ayam api samudāgamas tad-vad iti ||
bhagavatyām apy uktaṃ | kiṃ punar āyuṣman subhūte utpanno dharma utpadyate uta + an-utpannaḥ | subhūtir āha | na + aham āyuṣman śāriputra utpannasya dharmasya + utpattim icchāmi na ca + an-utpannasya + iti ||
dharma-saṃgītyām apy uktaṃ | tathatā tathatā + iti kula-putra śūnyatāyā etad adhivacanaṃ | sā ca śūnyatā na + utpadyate na nirudhyate | āha | yady evaṃ dharmāḥ śūnyā uktā bhagavatā tasmāt sarva-dharmā na + utpatsyante na nirotsyante | nir-ārambho bodhi-satvaḥ | āha | evam eva kula-putra tathā yathā + abhisaṃbudhyase sarva-dharmā na + utpadyante na nirudhyante | āha | yad etad uktaṃ bhagavatā | saṃskṛtā dharmā utpadyante nirudhyante ca + ity asya tathā-gata-bhāṣitasya ko * abhiprāyaḥ | āha | utpāda-nirodha-abhiniviṣṭaḥ kula-putra loka-saṃniveśaḥ | tatra tathā-gato mahā-kāruṇiko lokasya + uttrāsa-pada-parihāra-arthaṃ vyavahāra-vaśād uktavān utpadyante nirudhyante ca + iti | na ca + atra kasya-cid dharmasya + utpādo na nirodha iti ||
punar atra + eva + uktaṃ | tatra bhagavaṃś cakṣū-rūpeṣu na raṇati śrotraṃ | śabdeṣu | yāvan mano-dharmeṣu na raṇati | sa dharmaḥ | tatra kathaṃ cakṣū-rūpeṣu na raṇati | saṃsarga-a-bhāvāt | na hi cakṣū-rūpeṇa saṃsṛjyate | yāvan na mano-dharmeṇa saṃsṛjyate | yan na saṃsṛjyate tan na raṇati | a-dvitīyasya bhagavan dharmasya raṇaṃ na + asti | a-dvitīyāś ca bhagavan sarva-dharmāḥ paras-paraṃ na jānanti na vijānanti | na kalpayanti na vikalpayanti | na saṃbhavanti na visaṃbhavanti | na hīyante na varddhante | na rajyanti | na virajyanti | na saṃsaranti na parinirvānti na + ete kasya-cit | na + eṣāṃ kaś-cit | na + ete bhagavan dharmā udvijante na saṃkliśyante na vyavadāyante | evam ahaṃ bhagavan jānāmy evam avabudhye | yad apy ahaṃ | bhagavann evaṃ vadāmi | evam ahaṃ jānāmy evam ahaṃ budhyāmi + iti | āyatanānām eṣa vi-kāraḥ | na ca bhagavann āyatanānām evaṃ bhavati | asmākam eṣa vi-kāra iti | yo hy evaṃ jānāti sa na kena-cit sārddhaṃ vivadati | yan na vivadati tac * chramaṇa-dharmam anusarati + iti | tathā dharma-darśanaṃ buddha-darśanaṃ sarva-satva-darśanaṃ sarva-satva-hetu-pratyaya-darśanaṃ śūnyatā-darśanaṃ śūnyatā-darśanam a-darśanaṃ | a-darśanaṃ bhagavan sarva-dharmāṇāṃ darśanaṃ samyag-darśanam iti ||
katham an-adhiṣṭhānā saṃvṛtir yuktā | kathaṃ punar a-yuktā | yathā + a-sati sthāṇau puruṣa-bhrāntiḥ | kasya punaḥ śūnyatā-vādinaḥ parama-arthataḥ sthāṇuḥ siddho yad-āśrayāt puruṣa-bhrāntiḥ syād | a-mūlā eva ca sarva-dharmās tatvato mūla-an-upapatteḥ ||
tathā ca + uktam ārya-vimalakīrti-nirdeśe | a-bhūta-parikalpasya kiṃ mūlaṃ | āha | viparyastā saṃjñā mūlaṃ | āha | viparyastāyāḥ saṃjñāyāḥ kiṃ mūlaṃ | a-pratiṣṭhānaṃ mūlaṃ | āha | a-pratiṣṭhāyāḥ kiṃ mūlaṃ | āha | yan mañjuśrīr a-pratiṣṭhānaṃ na tasya kiñ-cin mūlam iti hy a-pratiṣṭhāna-mūla-pratiṣṭhitāḥ sarva-dharmā iti ||
iyaṃ samāsataḥ prajñā-pāramitā citta-śuddhy-arthinā bhāvayitavyā | bhāvayitvā ca kleśa-ripu-raṇa-kuśalena bhavitavyaṃ | na sva-gṛha-śūreṇa ||
yathā + uktam ārya-dharma-saṃgīti-sūtre | na śūnyatā-vādī loka-dharmaiḥ saṃhriyate * a-niśritatvāt | na sa lābhena saṃhṛṣyāti | a-lābhena na vi-manā bhavati | yaśasā na vismayate * a-yaśasā na saṃkucati | nindayā na + avalīyate | praśaṃsayā na + anunīyate | sukhena na rajyate duṣkhena na virajyate | yo hy evaṃ loka-dharmair na saṃhriyate sa śūnyatāṃ jānītae iti ||
tathā śūnyatā-vādino na kva-cid anurāgo na vi-rāgaḥ | yasmin rajyeta tac * chūnyam eva jānīte | śūnyam eva paśyati | na + asau śūnyatāṃ jānīte yaḥ kva-cid dharme rajyate vā virajyate vā tathā na + asau śūnyatāṃ jānīte yaḥ kena-cit sārddhaṃ vi-grahaṃ vi-vādaṃ vā kuryāc * chūnyam eva jānīte tac * chūnyam eva paśyati + ity ādi ||
etat saṃkṣepāc citta-śodhanam ||
atha + evam api parama-viśuddhir dharma-darśane sati | iha pañca-kaṣāya-saṃkliṣṭasya kalyāṇa-mitra-avasāditasya vā saṃkṣepeṇa tāvat kutra yatnaṃ kṛtvā śīghraṃ citta-śuddhir bhavati | ātma-bahu-māna-para-avajñā-tyāge * anayor mūlam ātma-satva-dṛṣṭiḥ | sā ca + etad-abhyāsāt su-karaṃ prahīyatae iti para-gauravam ātma-avajñā ca + evaṃ bhāvanīyā ||
yadi satvo yadi skandhāḥ kṣamatā sarvathā sthitā | ekasya hi para-ātmatvaṃ viruddhaṃ saṃbhavet kathaṃ ||
vinā + ālambanam apy etad ācaranty eva dehinaḥ | an-ādi-kalyāna-abhyāsāt kim abhyāsasya duṣ-karam ||
evam abhyāsa-vaśyatve tulye kasmāt sukha-udayam | para-gauravam utsṛjya sva-sukhāyān yad iṣyate ||
cintā-maṇir yathā + uktāś ca santi gaurava-hetavaḥ | na tu me gauravāt saukhyam iha + api jana-dur-bhagāt ||
tasmāt satva-antare yad-vad rūkṣa-matsara-māninaḥ | ātma-snehavato vṛttir bhāvayet tad-viparyayam ||
ātmano bahu-māno * ayaṃ stuti-nindā-ādi-sekataḥ | vardhate nāraka-vaśāt sekān naraka-vahni-vat ||
śabdas tāvad a-cittatvān māṃ stauti + iti na saṃbhavaḥ | paraḥ kila mayi prīta ity ayaṃ me mati-bhramaḥ ||
tat-tuṣṭyā + eva mama prītiḥ sāmānye na sadā + astu sā | tat-sukhena na cet kāryaṃ tena tuṣṭena kiṃ mama ||
anyatra mayi vā prītyā kiṃ hi me parakīyayā | na me pareṇa tuṣṭena kāye saukhyam iha + aṇv api ||
evaṃ jñātvā prahātavyā kalpanā nir-vibandhanā | a-kīrti-nindā sat-kārā evaṃ jñeyāś ca niṣ-phalāḥ ||
na dharmo na + āyur ārogyaṃ na balaṃ vandanā-ādibhiḥ | yad-vad utprāsyamānasya vikārair anya-kāyikaiḥ ||
hṛṣṭasya + atha viṣaṇṇasya lābha-a-lābhau sama-udayau | vivarjya niṣ-phalaṃ tasmād bhaveyaṃ śaila-mānasaḥ ||
saṃstava-tyāgāc ca śīghraṃ citta-viśuddhir bhavati | iti ||
tatra + api cintyate | nimitta-udgraha-saṃbhūtā praty-abhijñā punaḥ punaḥ | utpādayaty anu-nayaṃ jāyate pratigho * apy ataḥ ||
pratigha-anunayau yasya tasya pāpam a-vāritam | abhyākhyānāni citrāṇi mātsaryaṃ ca + īrṣyayā saha ||
lābha-ādi-kāmatā nāma ity ādy āvartate bahu | tasmāt sarva-prayatnena saṃstavaṃ praharen muniḥ ||
sādṛśyād anyad apy etad vāri-sroto-vad īkṣyate | tad eva + idam iti bhrāntyā tatve tiṣṭhāmy ato balāt ||
a-vastu ca + etat sādṛśyaṃ duṣkhaṃ ca janayiṣyati | ahaṃ ca + etac ca sarvaṃ ca na cirān na bhaviṣyati | iti ||
ātma-bhāva-pariśuddhiś caturdaśaḥ paricchedaḥ ||
[XV. bhogapuṇyaśuddhi]
bhoga-puṇya-śuddhiḥ pañcadaśaḥ paricchedaḥ ||
śikṣā-samuccayasya + ātma-śuddhy-an-antaraṃ bhoga-śuddhiḥ saṃcaya-a-bhāvāt | pṛthag iha lekhitā | bhoga-śuddhiṃ ca jānīyāt samyag-ājīva-śodhanāt ||
yathā + uktam ārya-ugra-paripṛcchāyām | iha gṛha-pate gṛhī bodhi-satvo dharmeṇa bhogān paryeṣate na + a-dharmeṇa | samena na vi-ṣameṇa | samyag-ājīvo bhavati na vi-ṣama-ājīva iti ||
ārya-ratna-meghe * apy uktaṃ | na bodhi-satvo dāyakaṃ dāna-patiṃ dṛṣṭvā + īryā-patham āracayati | kathaṃ na + īryā-patham āracayati | na śanair mandaṃ mandaṃ kramān utkṣipati na nikṣipati yuga-mātra-prekṣikayā sa-viśvasta-prekṣikayā + an-ābhoga-prekṣikayā | evaṃ kāya-kuhanāṃ na karoti | kathaṃ vāk-kuhanāṃ na karoti | na bodhi-satvo lābha-hetor lābha-nidānaṃ manda-bhāṇī mṛdu-bhāṇī na priya-bhāṇī bhavati | na + anuvartana-vacanāni niścārayati | pe ||
kathaṃ na citta-kuhanāṃ kuroti | bodhi-satvo dāyakena dāna-patinā vā lābhena pravāryamāṇo vā ca + alpa-icchatāṃ darśayati | citte na spṛhām utpādayati | antar-dāha eṣa kula-putra yad vāca-alpa-icchatā cittena lābha-kāmatā | evaṃ hi kula-putra bodhi-satvaḥ kuhana-lapana-lābha-apagato bhavati | pe | na bodhi-satvo dāna-patiṃ vā dṛṣṭvā nimittaṃ karoti | vighāto me cīvareṇa | vighāto me pātreṇa | vighāto me glāna-bhaiṣajyena | na ca taṃ dāyakaṃ dāna-patiṃ vā kiṃ-cit prārthayate | na vācaṃ niścārayati | evaṃ hi bodhi-satvo nimitta-lābha-apagato bhavati | yāvan na bodhi-satvo dāyakaṃ dāna-patiṃ dṛṣṭvā evaṃ vācaṃ niścārayati | amukena + amukena vā me dāna-patinā + amukaṃ vastu pratipāditaṃ tasya ca mayā + amuka upakāraḥ kṛtaḥ | tena me śīlavān ayam iti kṛtvā idaṃ ca + idaṃ ca dattaṃ bahu-śruta iti | alpa-iccha iti kṛtvā | mayā ca tasya kāruṇya-cittam upasthāpya parigṛhītaṃ | pe ||
tatra kāya-kṣatir yad uta lābha-hetor lābha-nidānam ādhāvana-paridhāvanaṃ dauḥśīlya-samudācaraṇaṃ ca | citta-kṣatir yad uta prārthanā | lābhināṃ ca brahma-cāriṇām antike vyāpāda-bahulatā | evaṃ hi bodhi-satvo viṣama-paryeṣṭi-lābha-apagato bhavati | pe ||
iha bodhi-satvo na tulā-kūṭena na māna-kūṭena na visraṃbha-ghātikayā na dhūrtatayā lābham upārjayati | evaṃ hi bodhi-satvo * a-dharma-lābha-apagato bhavati | pe | ye te lābhā staupika-saṃsṛṣṭā vā dhārmika-saṃsṛṣṭā vā sāṃghika-saṃsṛṣṭā vā + a-dattā vā + an-anujñātā vā | tān na pratīcchati na svī-karoti | evaṃ hi bodhi-satvo * a-pariśuddha-lābha-apagato bhavati | yāval labdhā lābhaṃ na mamāyate | na dhanāyate | na saṃnidhiṃ karoti | kāla-anukālaṃ ca śramaṇa-brāhmaṇebhyo dadāti | mātā-pitṛ-mitra-amātya-jñāti-sālohitebhyaḥ kāla-anukālam ātmanā paribhuṅkte paribhuñjānaś ca + a-raktaḥ paribhuṅkte | sv-anadhyavasito na ca + ālabhyamāne lābhe kheda-cittam utpādayati | na paritapyati na ca dāyaka-dāna-patīnām antike * a-prasāda-cittam utpādayati + ity ādi ||
tatra + eṣa + apy asya bodhi-satvasya bhoga-śuddhir ātma-bhāva-śuddhi-vat para-hitāya bhavet ||
yathā + uktam ārya-vimalakīrti-nirdeśe | punar a-paraṃ bhadanta śāriputra ye praviśanti + idaṃ gṛhaṃ teṣāṃ samanantara-praviṣṭānāṃ sarva-kleśā na bādhante * ayaṃ dvitīya āścarya-adbhuto dharmaḥ ||
punar atra + eva + uktaṃ | atha tato bhojanāt sarvāvatī sā parṣat tṛptā bhūtā | na ca tat bhojanaṃ kṣīyate | yaiś ca bodhi-satvaiḥ śrāvakaiś ca śakra-brahma-loka-pālais tad anyaiś ca satvais tad bhojanaṃ bhuktaṃ teṣāṃ tādṛśaṃ sukhaṃ kāye * avakrāntaṃ yādṛśaṃ sarva-sukha-maṇḍitāyāṃ loka-dhātau bodhi-satvānāṃ sukhaṃ | sarva-roma-kūpebhyaś ca teṣāṃ tādṛśo gandhaḥ pravāti | tad yathā + api nāma tasyām eva sarva-gandha-su-gandhāyāṃ loka-dhātau vṛkṣāṇāṃ gandhaḥ ||
punaś ca + uktaṃ | yaiś ca bhadanta + ānanda bhikṣubhir an-avakrānta-niyāmair etad bhojanaṃ bhuktaṃ teṣām eva + avakrānta-niyamānāṃ pariṇaṃsyati | pe | yair an-utpādita-bodhi-cittaiḥ satvaiḥ paribhuktaṃ teṣām utpādita-bodhi-cittānāṃ pariṇaṃsyati | yair utpādita-bodhi-cittair bhuktaṃ teṣāṃ na + a-pratilabdha-kṣāntikānāṃ pariṇaṃsyati + iti vistaraḥ ||
śūnyatā-karuṇā garbha-ceṣṭitāt puṇya-śodhanam ||
uktaṃ hy ārya-gagana-gañja-sūtre | yad uta + ahaṃ-kāra-viśuddhaṃ tad dānaṃ dadāti | mama-kāra-viśuddhaṃ tad dānaṃ dadāti | hetu-viśuddhaṃ tad dānaṃ dadāti | dṛṣṭi-viśuddhaṃ tad dānaṃ dadāti | nimitta-viśuddhaṃ tad dānaṃ dadāti | nānātva-viśuddhaṃ tad dānaṃ dadāti | vipāka-pratikāṅkṣaṇā-viśuddhaṃ tad dānaṃ dadāti | yathā gaganaṃ sama-viśuddhaṃ tad dānaṃ dadāti ||
pe | yathā gaganam a-paryantam evam a-paryantī-kṛtena cittena tad dānaṃ dadāti | yathā gaganaṃ vistīrṇam an-āvaraṇam evaṃ bodhi-pariṇāmitaṃ tad dānaṃ dadāti | yathā gaganam a-rūpi evaṃ sarva-rūpa-a-niśritaṃ tad dānaṃ dadāti | yathā gaganam a-vedayitṛ | evaṃ sarva-vedita-pratiprasrabdhaṃ dānaṃ dadāti | evam a-saṃjñi a-saṃskṛtam a-vijñapti-lakṣaṇam evam a-pratijñānaṃ tad dānaṃ dadāti | yathā gaganaṃ sarva-buddha-kṣetra-spharaṇam evaṃ sarva-satva-maitrī-spharaṇaṃ tad dānaṃ dadāti | pe | yathā gaganaṃ sadā-prakāśam evaṃ citta-prakṛti-viśuddhaṃ tad dānaṃ dada-ti | yathā gaganaṃ sarva-satva-avakāśaṃ evaṃ sarva-satva-upajīvyaṃ tad dānaṃ dadāti | yāvad yathā nirmito nirmitāya dadāti nir-vikalpo * an-ābhogaḥ | citta-mano-vijñāna-vigataḥ sarva-dharma-niḥ-pratikāṅkṣī | evaṃ dvaya-vigamatayā māyā-lakṣaṇa-sva-bhāva-viśuddhaṃ bodhi-satvas tad dānaṃ dadāti | yasya + īdṛśo dāna-parityāgaḥ prajñā-jñānena ca sarva-satva-kleśa-parityāgaḥ | upāya-jñānena ca satva-a-parityāgaḥ | evaṃ tyāga-cittaḥ kula-putra bodhi-satvo gagana-sama-dāno bhavati ||
ārya-akṣayamati-sūtre * apy uktaṃ | na + asti satva-utpīḍanā-dānam | yāvan na + asti yathā-ukte ūna-dānaṃ | yāvan na + asti sarva-satveṣu dakṣiṇīyā-avamanyanā-dānaṃ | pe | na + asti nikranda-dānaṃ yāvan na + asti yācanakeṣu + upatapta-dānaṃ na + asty uccagghana ullāpana-dānaṃ na + asti parāṅ-mukha-dānaṃ na + asty apaviddha-dānaṃ na + asty a-sva-hasta-dānaṃ | pe | na + asty a-kalpika-dānaṃ | na + asty a-kāla-dānaṃ na + asti viṣa-śastra-dānaṃ na + asti satva-viheṭhanā-dānam iti ||
yat tarhy ugra-paripṛcchāyām uktaṃ | dāna-pāramitā-kālo * ayaṃ yasya yena + arthas tasya tat-pradāna-kālaḥ | api tu tathā + ahaṃ kariṣyāmi | madya-pebhya eva madya-pānaṃ dāsyāmi | tāṃs tān smṛti-saṃprajanye samādāpayiṣyāmi + iti ||
madya-pānād api nairāśya-kṛte bodhi-satve pratigho garīyān | satva-saṃgraha-hāniś ca + ato * anya-prasādana-upāya-a-saṃbhave madyaṃ deyam ity abhiprāyaḥ | śastra-ādiṣv api yady anubadha-gurula-ādy-avavicārād dānam āpadyeta | na + eva + āpattir ity ata eva gamyate | sūtreṣu tu sāmānyena pratiṣedha | ity uktā dāna-viśuddhi-dik ||
śīla-viśuddhir ārya-gagana-gañja-sūtre eva + abhihitā | a-virahita-bodhi-cittatā citta-viśuddhyai apagata-śrāvaka-praty-eka-buddha-cittatā prāmāṇika-viśuddhyai ity ādi ||
punar a-parā śīla-viśuddhiḥ | śuddhaṃ gaganaṃ śuddhaṃ tac-chīlaṃ |vi-malaṃ gaganaṃ vi-malaṃ tac-chīlaṃ | śāntaṃ gaganaṃ śāntaṃ tac-chīlaṃ | an-unnataṃ gaganam an-unnataṃ tac-chīlaṃ | anunītaṃ gaganam anunītaṃ tac-chīlam | yāvad a-chedya-a-bhedyaṃ gaganam a-chedya-a-bhedyaṃ tac-chīlam ity ādi ||
a-pratihataṃ gaganaṃ sarva-satva-a-pratigha-cittasya kṣānti-pariśuddhiḥ | sama-prayogaṃ gaganaṃ sarva-satva-sama-cittasya kṣānti-pariśuddhir ity ādi ||
tad yathā + api syān mahā-śāla-vanaṃ | tasmin kaś-cid eva + āgatya śālaṃ chindyāt | tatra teṣām avaśiṣṭānāṃ na + evaṃ bhavati | eṣa chinno vayam a-cchinnā iti | na teṣām anunayo na pratighaḥ | na kalpo na vikalpo na parikalpaḥ ||
yā + evaṃ kṣāntir iyaṃ bodhi-satvasya paramā gagana-samā kṣāntir | iti ||
ārya-ratna-cūḍa-sūtre vistaram uktvā āha | idam ucyate vīryaṃ | tasya kāya-pariśuddhiḥ | yat kāyasya pratibhāsa-pratibimba-jñānaṃ vāco * an-abhilāpya-jñānaṃ | cittasya + aty-anta-upaśama-jñānaṃ | tathā maitrī-saṃnāha-saṃnaddho mahā-karuṇā-adhiṣṭhāna-pratiṣṭhitaḥ | sarva-ākāra-vara-upetaṃ śūnyatā-ākāra-abhinirhṛtaṃ dhyānaṃ dhyāyati | tatra katamā sarva-ākāra-vara-upetā śūnyatā | yā na dāna-vi-kalā | yāvan na + upāya-vi-kalā | na mahā-maitrī-muditā-upekṣā-vi-kalā | na satya-jñāna-avatāra-vi-kalā | na bodhi-citta-satva-apekṣā-vi-kalā | na + āśaya-adhyāśaya-prayoga-vi-kalā | na dāna-priya-vadyatā + artha-kriyā samāna-arthatā-vi-kalā | na smṛti-saṃprajanya-vi-kalā | na smṛty-upasthāna-samyak-prahāṇa-rddhi-pāda-indriya-bala-bodhy-aṅga-aṣṭa-aṅga-mārga-vi-kalā na śamatha-vipaśyanā-vi-kalā | pe | upaśāntā ca sva-bhāvena | an-upaśāntā ca karma-kleśeṣu | upekṣikā ca sarva-dharmāṇāṃ | avekṣikā ca buddha-dharmāṇāṃ | jahā ca sva-lakṣaṇena | vikrāntā ca + adhiṣṭhāna-kāryatayā | a-vyāpṛtā ca sva-rasena | sadā vyāpṛtā ca buddha-kāryeṣu | śītī-bhūtā ca + upaśamena | sadā + ujjvalitā ca satva-paripāke | iyam ucyate sarva-ākāra-vara-upetā śūnyatā ||
yāvad iyaṃ kula-putra dhyāna-pāramitā caryā-pariśuddhir iti ||
etena prajñā-pariśuddhir veditavyā | evaṃ sarva-puṇyeṣv iti ||
tathā + ārya-vimalakīrti-nirdeśe * apy uktaṃ |sad-dharma-cakra-pravartana-mahā-parinirvāṇa-saṃdarśana-go-caraś ca bodhi-satva-caryā + a-tyajana-go-caraś ca + ayam api bodhi-satvasya go-cara | iti ||
bhoga-puṇya-śuddhiḥ pañcadaśaḥ paricchedaḥ ||
[XVI. bhadracaryāvidhiḥ]
bhadra-caryā-vidhiḥ ṣoḍaśaḥ paricchedaḥ ||
idānīṃ trayāṇām api vṛddhir vācyā ||
kim arthaṃ | grahītāraḥ su-bahavaḥ sv-alpaṃ ca + idam anena kiṃ | na ca + ati-tṛpti-janakaṃ vardhanīyam idaṃ tataḥ ||
ati-tṛpti buddhatvaṃ | tan na śrāvaka-sādhāraṇena śuddhi-mātreṇa satvānāṃ janyatae ity arthaḥ | ātma-bhāvasya kā vṛddhir bala-an-ālasya vardhanaṃ ||
tatra + ārya-ratna-meghe balam uktaṃ |na sa satvaḥ satva-nikāye saṃvidyate yo bodhi-satvasya balena balaṃ mardayed ity ādi ||
tasya kathaṃ vardhanam | yad uktam ārya-tathā-gata-guhya-sūtre ārya-vajrapāṇer bala-darśana-vismita-ajātaśatru-pṛṣṭena bhagavatā | daśabhir mahā-rāja dharmaiḥ samanvāgato bodhi-satva evaṃ-rūpāṃ balavattāṃ pratilabhate |katamair daśabhiḥ | iha mahā-rāja bodhi-satvaḥ kāyaṃ jīvitaṃ ca parityajati | na ca punaḥ sad-dharmaṃ parityajati | sarva-satvānāṃ ca + avanamati na ca punar mānaṃ bṛṃhayati | dur-balānāṃ ca satvānāṃ kṣamate | na pratighaṃ karoti | jighatsitānāṃ ca satvānām agraṃ vara-bhojanaṃ dadāti | bhītānāṃ ca satvānām a-bhayaṃ dadāti | glānānāṃ ca satvānāṃ bhūta-cikitsāyai utsuko bhavati | daridrāṃś ca satvān bhogaiḥ saṃtarpayati | tathā-gata-caitye ca su-dhā-piṇḍa-lepanaṃ karoti | ānanda-vacanaṃ satvānāṃ śrāvayati | daridra-duṣkhitānāṃ ca satvānāṃ bhoga-saṃvibhāgaṃ karoti | śrānta-klāntānāṃ ca satvānāṃ bhāraṃ vahati | ebhir mahā-rāja daśabhir iti ||
an-ālasya-vardhanaṃ katamat | yad vīrya-vardhanaṃ | yathā + uktaṃ sāgaramati-sūtre | ārabdha-vīryeṇa sāgaramate bodhi-satvena bhavitavyaṃ sadā dṛḍha-parākrameṇa | tīvra-cchandena bodhi-satvena bhavitavyam a-nikṣipta-dhureṇa | ārabdha-vīryāṇāṃ hi sāgaramate bodhi-satvānāṃ na dur-labhā bhavaty an-uttarā samyak-saṃbodhiḥ | tat kasya hetoḥ | yatra sāgaramate vīryaṃ tatra bodhiḥ | kusīdānāṃ punaḥ su-dūra-vidūre bodhiḥ | na + asti kusīdasya dānaṃ yāvan na + asti prajñā na + asti kusīdasya para-artha iti ||
candra-pradīpa-sūtre * apy āha | utpalaṃ vāri-madhye vā so * anupūrveṇa vardhatae |ity ādi ||
iyaṃ saṃkṣepād ātma-bhāva-vṛddhiḥ ||
śūnyatā karuṇā-garbhād dānād bhogasya vardhanaṃ ||
yathā + uktaṃ vajra-cchedikāyāṃ | yo bodhi-satvo * a-pratiṣṭhito dānaṃ dadāti | tasya puṇya-skandhasya na su-karaṃ pramāṇam udgrahītum iti ||
mahatyām api prajñā-pāramitāyām uktaṃ | punar a-paraṃ śāriputra bodhi-satvena mahā-satvena + alpam api dānaṃ dadatā sarva-satveṣu sarva-ākāra-jñatāyām upāya-kauśalya-pariṇāmanatāyām a-prameyam a-saṃkhyeyaṃ kartu-kāmena prajñā-pāramitāyāṃ śikṣitavyam | tathā sarva-satvānāṃ mano-rathān paripūrayitu-kāmena | yāvaj jāta-rūpa-rajata-udyāna-rājya-ādibhir upakaraṇaiḥ prajñā-pāramitāyāṃ śikṣitavyam iti ||
vinā ca karuṇayā na bodhi-satvānāṃ kiṃ-cic ceṣṭitam iti vakṣyāmaḥ | iti saṃkṣepād bhoga-vṛddhiḥ ||
puṇya-vṛddhiḥ sarva-vṛddhīnāṃ mūlam iti tad-arthaṃ parikara-bandha ucyate ||
kṛtvā + ādāv eva yatnena vyavasāya-āśāyau dṛḍhau | karuṇāṃ ca puras-kṛtya yateta śubha-vṛddhaye ||
citta-śuddhi-kāla-bhāvitānāṃ vyavasāya-ādīnāṃ prayoga-ārambhe punar āmukhī-karaṇena dṛḍhatā + a-pādana-arthaḥ ślokaḥ | kṛtvā + ity ādi-pūrvaka eva ||
āsanna-yuddha-kālānāṃ astra-kauśalya-ādara-vat prayoga-sama-kālaṃ dṛḍhī-kariṣyāmi + iti śaithilya-nivāraṇa-artham ādi-grahaṇam | tatra kathaṃ vyavasāyaṃ dṛḍhī-karoti ||
yathā + ārya-sudhana ārya-maitreyam upasaṃprakrāntaḥ samyak-caryā-niḥ-samarthaḥ | pūrva-anta-koṭī-gata-kāya-praṇāmaḥ kāya-samanvāhāreṇa kāya-balaṃ dṛḍhī-kurvāṇaḥ | pūrva-anta-koṭī-gata-kāya citta-pariśuddhi-niṣ-kāraṇa-sāṃsārika-citta-pracāra-samanvāhāreṇa citta-manasi-kāraṃ nigṛhṇan | pūrva-anta-koṭy--a-sat-karma-laukika-kārya-prayukta-niṣ-prayojana-parisyanda-samanvāhāreṇa praty-utpanna-prayojana-mahā-sāmarthyaṃ vicintayan | pūrva-anta-a-bhūta-parikalpa-samutthita-vitatha-saṃkalpa-saṃdarśita-manasi-kāra-samanvāhāreṇa sarva-bodhi-satva-caryā-samyak-saṃkalpa-abhisaṃskāra-balaṃ samutthāpayan | atīta-ātma-bhāva-artha-prayoga-ārambha-viṣamatā-samanvāhāreṇa sarva-satva-ārambha-vaiśeṣikatayā + adhyāśaya-balaṃ dṛḍhī-kurvāṇaḥ | atīta-kāya-samudācāra-nir-āsvādatā-samanvāhāreṇa | sarva-buddha-dharma-pratilābha-prayoga-mahā-āśvāsa-pratilābha-indriya-vegān vivardhayamāno * atīta-adhva-viparyāsa-prayukta-mithyā-āśaya-prayoga-samanvāhṝeṇa | praty-utpanna-adhva-samyag-darśana-a-viparyāsa-saṃprayuktena bodhi-satva-praṇidhāna-samādānena saṃtatiṃ pariśodhayan | pūrva-anta-gata-āyoga-vīrya-ārambha-kārya-a-pariniṣpanna-ārya-samādāna-samanvāhāreṇa
[doubtful]
| praty-utpanna-buddha-dharma-samudāgama-pratyupasthānena mahā-vīrya-ārambha-vikrameṇa kāya-citta-saṃpragrahaṃ saṃjanayamānaḥ | pūrva-anta-koṭī-pañca-gaty-apāya-nikṣipta-ātma-para-nir-upakaraṇa-ākhya-nir-upajīvya-samucchraya-parigraha-samanvāhāreṇa | sarva-buddha-dharma-utthāpaka-sarva-jagad-upajīvya-sarva-kalyāṇa-mitra-ārāgaṇa-samarthya-ātma-bhāva-parigrahaṇatayā vipula-prīti-prāmodya-vegān vivardhayamānaḥ praty-utpanna-janma-abhinirvṛttaṃ jarā-vyādhi-maraṇa-śoka-ākara-bhūtaṃ saṃyoga-viyoga-nidhāna-bhūtaṃ samucchrayaṃ | apara-anta-kalpa-koṭī-gata-bodhi-satva-caryā-ācaraṇa-prayuktasya satva-paripācana-buddha-dharma-parigraha-prayuktasya tathā-gata-saṃdarśana-sarva-buddha-kṣetra-anucaraṇa-sarva-dharma-bhāṇaka-upasthāna-sarva-tathā-gata-śāsana-samanvāharaṇa-prayuktasya sarva-dharma-paryeṣṭi-sahāya-bhūtasya sarva-kalyāṇa-mitra-darśana-sarva-buddha-dharma-samudānayana-prayuktasya bodhi-satva-praṇidhi-jñāna-śarīrasya hetu-pratyaya-bhūtam avalokya-a-cintya-kuśala-mūla-indriya-vegān viva rdhayamāna iti | ārya-akṣayamati-nirdeśe mahā-yāna-sūtre * apy uktaṃ | eko bodhi-satvo * a-dvitīyo * a-sahāyo * an-uttarāyāṃ samyak-saṃbodhau saṃnāhaṃ saṃnahyati | sa vīrya-bala-parigṛhītena + adhyāśayena + a-para-avakāśa-a-svayaṃ-kārī | sva-bala-bala-udgataḥ | sa evaṃ dṛḍha-saṃnāhaḥ saṃnaddho | yat kiñ-cit sarva-satvānāṃ pariprāpayitavyaṃ bhaviṣyati tad ahaṃ pariprāpayiṣyāmi | yat sarva-āryāḥ sarva-nava-yāna-saṃprasthitā bodhi-satvā na pariprāpayiṣyanti tad ahaṃ pariprāpayiṣyāmi | na mama dānaṃ sahāyakaṃ |ahaṃ punar dānasya sahāyaḥ | na mama śīla-kṣānti-vīrya-dhyāna-prajñāḥ sahāyikāḥ | ahaṃ punaḥ śīla-kṣānti-vīrya-dhyāna-prajñānāṃ sahāyo | na + ahaṃ pāramitābhir upasthātavyo mayā punaḥ pāramitā upasthātavyāḥ | evaṃ saṃgraha-vastuṣu sarva-kuśala-mūleṣu caleyam | yāvad ekākinā mayā + a-dvitīyena + a-sahāyena vajra-maye mahī-maṇḍale sthitena sa-balaṃ sa-vāhanaṃ māraṃ dharṣayitvā eka-citta-kṣaṇa-sama-āyuktayā prajñayā + an-uttarā samyak-saṃbodhir abhisaṃboddhavyā + iti ||
ārya-vajra-dhvaja-sūtre * apy āha | tad yathā + api nāma sūryo deva-putra udayamāno na tiṣṭhati | jāty-andha-doṣeṇa | na tiṣṭhati gandharva-nagara-doṣeṇa | na tiṣṭhati catur-dvīpa-loka-dhātu-bhūmi-rajo-doṣeṇa | na tiṣṭhati rāhv-asura-indra-doṣeṇa | na tiṣṭhati dhūma-maṇḍala-doṣeṇa | na tiṣṭhati jambū-dvīpa-kleśa-doṣeṇa | na tiṣṭhati nānā-chāyā-doṣeṇa | na tiṣṭhati vi-ṣama-parvata-doṣeṇa | evam eva bodhi-satvo mahā-satvaḥ smṛti-saṃprajanya-vipula-gambhīra-cetā a-dīna-satvo guṇa-caryā-jñāna-caryā-avasānaṃ yāvan na vivartate satva-drauhilya-doṣaiḥ | na vipravasati kuśala-mūla-pariṇāmaiḥ | satva-dṛṣṭi-kāluṣya-doṣair na vivartate | satva-kṣobha-cetobhir na dūrī-bhavati | satva-vinaṣṭa-saṃtatyā bodhi-saṃnāhaṃ na viṣkambhayati | sarva-jagat-paritrāṇa-praṇidhānasya satva-kali-kaluṣair na sraṃsanāṃ karoti yāvad bāla-jana-samavadhānena | na nirvidyate para-satva-doṣaiś ca | tat kasya hetoḥ | an-āvaraṇa-maṇḍalam etad udayati | yad uta sarva-jagad-viśuddhi-vinayāya | pe ||
yaś ca teṣāṃ sarva-satvānāṃ duṣkha-skandho vividhaṃ ca + āvaraṇīyaṃ karma samutthitaṃ yena te āvaraṇīyena karmaṇā buddhān na paśyanti | dharmaṃ na śṛṇvanti | saṃghaṃ na jānanti | tad ahaṃ teṣāṃ tri-vidham āvaraṇīyaṃ karma + upacitaṃ duṣkha-skandhena svakena śarīreṇa + upādadāmi tāsu tāsu naraka-upapattiṣv apāya-bhūmiṣu saṃvāseṣu ca | te ca sarva-satvās tataś cyavantāṃ | ahaṃ ca duṣkha-upādānam upādadāmi vyavasyāmy utsahe | na nivarte na palāyāmi na + uttrasyāmi na saṃtrasyāmi na bibhemi na pratyudāvarte na viṣīdāmi | tat kasya hetoḥ | a-vaśyaṃ nirvāhayitavyo mayā sarva-satvānāṃ bhāro | na + eṣa mama kāma-kāraḥ | sarva-satva-uttāraṇa-praṇidhānaṃ mama | mayā sarva-satvāḥ parimocayitavyā | mayā sarva-jagat samuttārayitavyaṃ | jāti-kāntārāj jarā-kāntārād vyādhi-kāntārāc cyuty-upapati-kāntārāt sarva-āpatti-kāntārāt sarva-apāya-kāntārāt sarva-saṃsāra-kāntārāt sarva-dṛṣṭi-gahana-kāntārāt kuśala-dharma-praṇāśa-kāntārād a-jñāna-samutthita-kāntārāt tad ete mayā sarva-satvāḥ sarva-kāntārebhyaḥ parimocayitavyāḥ | tṛṣṇā-jāla-saktā a-vidyā-nivaraṇa-āvṛtā bhava-tṛṣṇā-saṃprayuktāḥ praṇāśa-paryavasānā duṣkha-pañjara-prakṣiptāś cāraka-saṃniśritā | a-budhāḥ pratijñā-viruddhāḥ saṃśaya-bhūtāḥ sadā vi-matayo * a-kṣema-darśinaḥ | a-niḥ-śaraṇa-kuśalā bhava-arṇave āvarta-maṇḍala-eka-caraṇāḥ | pe ||
sarva-satvānām an-uttara-jñāna-rājya-pratiṣṭhāpana-artham ahaṃ carāmi | na + ahaṃ kevalam ātma-parimocana-abhiyuktaḥ | sarva-satvā hy ete mayā sarva-jñatā-citta-plavena saṃsāra-dur-gād * dhartavyā | mahā-prapātād abhyutkṣeptavyāḥ | sarva-upadravebhyaḥ parimocayitavyāḥ | saṃsāra-srotasaḥ pratārayitavyā ātmanā mayā sarva-satva-duṣkha-skandho * adhyavasitaḥ | yāvad utsahe * ahaṃ sarva-apāyeṣu sarva-loka-dhātu-paryāpanneṣu sarva-duṣkha-vāsam anubhavitum | na ca mayā sarva-satvāḥ kuśala-mūlair vañcitavyāḥ | vyavasyāmy aham eka-ekasminn apāye * apara-anta-koṭī-gatān kalpān saṃvasayituṃ | yathā ca eka-apāye tathā sarva-apāya-nir-avaśeṣa-sarva-loka-dhātu-paryāpanneṣu sarva-satva-parimocana-nidānaṃ |tat kasya hetoḥ | varaṃ khalu punar aham eko duṣkhitaḥ syāṃ na ca + ime sarva-satvāḥ apāya-bhūmi-prapatitāḥ | mayā tatra + ātmā bandhako dātavyaḥ | sarva-jagac ca niḥ-kretavyaṃ naraka-tiryag-yoni-yama-loka-kāntārād ahaṃ ca sarva-satvānām arthāya sarva-duṣkha-vedanā-skandham anena svakena śarīreṇa + anubhaveyam | sarva-satva-nidānam ahaṃ ca sarva-satvānāṃ prātibhāvyam utsahe satya-vādī pratyayito * a-visaṃvādakaḥ | na ca mayā sarva-satvāḥ parityaktāḥ | tat kasya hetoḥ | sarva-satva-ārambaṇo mama sarva-jñatā-citta-utpāda utpanno yad uta sarva-jagat-parimocanāya | na ca + ahaṃ rati-kāmatayā + an-uttarāyāṃ samyak-saṃbodhau saṃprasthito na + api pañca-kāma-guṇa-raty-anubhavanāya na + api kāma-viṣaya-niṣevaṇāya | na ca + aham anyo-nya-kāma-dhātu-paryāpanna-rati-vyūha-samudānayanāya carāmi bodhi-satva-caryāṃ | tat kasya hetoḥ | a-ratayo hy eṣā sarva-loka-ratayaḥ |māra-viṣaya eṣa yad uta kāma-viṣaya-niṣevaṇaṃ | dur-buddhi-sevito hy eṣa mārgaḥ |sarva-buddhi-vivarṇito hy ayam upadeśaḥ yad uta kāma-niṣevaṇaṃ |ataś ca + eṣa sarva-duṣkha-skandhasya + utpāda eva niṣevaṇaṃ ata eva ca naraka-tiryag-yoni-yama-lokānām utpādaḥ | kalaha-bhaṇḍana-vivāda-kṣobhāś ca satvānām ata eva prādur-bhavanti | ete ca satvāḥ kāmān niṣevamāṇāḥ buddhānāṃ bhagavatāṃ sakāśād dūrī-bhavanti | svarga-upapatter apy ete kāmā antarāyāya saṃvartante | kiṃ punar an-uttarasya jñāna-rājasya sarva-satva-yoga-kṣemasya | so * aham evam a-pramāṇa-doṣān kāmānāṃ paśyan parīttān ādīptāṃs tasmād aham etan nidānam a-caraṇatāyāṃ pratipatsye || pe ||
tathā tathā + eva mayā kuśala-mūlaṃ pariṇāmayitavyaṃ yathā yathā + eva sarva-satvā aty-anta-sukham a-vedita-sukhaṃ yāvat sarva-jñatā-sukhaṃ pratilabheran | mayā sārathinā mayā pariṇāyakena mayā + ulkā-dhāriṇā mayā kṣema-gati-darśakena mayā kṣaṇa-gati-pratilabdhena mayā + upāya-jñena mayā + artha-viduṣā mayā saṃsāra-sāgare sarva-jña-jñāna-yāna-pātra-mahā-deśa-sthitena mayā pariṇāmana-kuśalena mayā pāra-darśakena || pe ||
na khalu punar asmiṃś cāturmahā-dvīpake loka-dhātau yāvantaḥ satvās tāvanta eva sūryā udāgacchanti cāturdvīpaka-loka-dhātv-avabhāsanāya | atha ca punar eka eva + eṣāṃ sūrya udāgacchati catur-dvīpa-avabhāsanāya | na ca teṣāṃ satvānāṃ catur-dvīpa-upapannānāṃ svaka-svakaiḥ śarīrair avabhāsaḥ prādur-bhavati | yena te divasa-saṃkhyāṃ jānīyuḥ | sva-kāryaṃ vā pariprāpayeyuḥ | sasyāni vā paripācayeyuḥ | ahar ahar vā udyāna-nagareṣu rati-krīḍā-paribhogam anubhaveyuḥ | diśo vā paśyeyuḥ | gamana-āgamanaṃ vā grāma-nagara-nigama-rāṣṭra-rāja-dhānīṣu kuryuḥ | vyavahāra-kāryeṣu prayujyeran |pe | atha ca punaḥ sūryasya deva-putrasya + udayata ekasya sūrya-maṇḍalasya + a-dvitīyasya cāturdvīpake loka-dhātau sarva-satvānām avabhāsaḥ prādur-bhavati | evam eva bodhi-satvasya mahā-satvasya kuśala-mūlāny upārpayamānasya kuśala-mūlaṃ pariṇāmayamānasya + evaṃ cittam utpadyate | na + eteṣāṃ satvānāṃ tat kuśala-mūlaṃ vidyate yena te ātmānaṃ paritrāyeran | kaḥ punar vādaḥ param | ahaṃ punaḥ sarva-satvānāṃ kṛtaśaḥ kuśala-mūlāni samudānayāmi kuśala-mūlaṃ pariṇāmayāmi | yad uta sarva-satva-mocanāya | sarva-satvānām avabhāsanāya sarva-satvānāṃ jñāpanāya sarav-satvānām avatāraṇāya sarva-satvānāṃ parigrahaṇāya sarva-satvānāṃ pariniṣpādanāya sarva-satvānāṃ prasādanāya sarva-satvānāṃ prahlādanāya sarva-satvānāṃ saṃśaya-cchedanāya āditya-maṇḍala-kalpair asmābhir bhavitavyaṃ | na paraḥ pratikāṅkṣitavyaḥ | na parasya + avakāśam utpādya satveṣu saṃnāha utsraṣṭavyaḥ | na ca sarva-satvānām antikāt sarva-satva-trāṇa-vyavaśāyo nivartayitavyaḥ | na pariṇāmanāyāḥ sarva-duṣkha-hatyā vinivartitavyaṃ | na parīttāni kuśala-mūlāni parigrahītavyāni | na parīttayā pariṇāmanayā tuṣṭir mantavyā ity ādi ||
ārya-akṣayamati-sūtre * apy āha | sa na kalpa-gaṇanayā bodhiṃ paryeṣate | iyataḥ kalpān saṃnatsyāmi | iyataḥ kalpān saṃnatsyāmi + iti | api tu khalv a-cintyam eva saṃnāhaṃ saṃnahyati | yāvatī pūrvā-koṭiḥ saṃsārasya yady etāvad ekaṃ rātriṃ-divaṃ bhavet | evaṃ-rūpai rātriṃ-divaiḥ pañcadaśa-daivasikena pakṣeṇa triṃśad-daivasikena māsena dvādaśa-māsikena saṃvatsareṇa anayā varṣa-gaṇanayā yāvad varṣa-śata-sahasreṇa + ekaṃ bodhi-cittam utpādayeyam ekaṃ ca tathā-gatam arhantaṃ samyak-saṃbuddhaṃ paśyeyaṃ | anena praveśena + anayā gaṇanayā gaṅgā-nadī-vālukā-samaiś citta-utpādais tathā-gata-darśanaiś ca eka-ekasya + api satvasya citta-caritaṃ jānīyāṃ | anena + eva praveśena + anayā gaṇanayā sarva-satvānāṃ tāvadbhiś citta-utpādais tathā-gata-darśanaiḥ sva-citta-caritāni prajanīyām ity an-avalīnaḥ | saṃnāho * ayaṃ bodhi-satvasya + a-kṣayaḥ saṃnāhaḥ |evaṃ dāna-ādiṣu bodhi-pākṣika-mahā-puruṣa-lakṣaṇeṣu ca nayaḥ ||
ārya-ratna-meghe * apy uktaṃ ||
na bodhi-satvaḥ satva-khaṭuṅkatāṃ satva-dur-dāntatāṃ jñātvā | alam ebhiḥ satvair evaṃ khaṭuṅkair evaṃ dur-dāntair iti | tato nidānaṃ parikhinnaḥ parā-pṛṣṭhī-bhūtaḥ | pariśuddhāyāṃ loka-dhātau praṇidhānaṃ karoti | yatra + īdṛśānāṃ satvānāṃ nāma + api na śṛṇuyāt | na ca satva-artha-vaimukhyasya bodhi-satva-pariśuddhāyāṃ loka-dhātāv upapattir bhavati | tatra prājño bodhi-satva evaṃ cittam utpādayati | tasmāt satva-dhātor ye satvāḥ syuḥ pratyavarā dhajaḍa-eḍa-mūka-jātīyāḥ | a-parinirvāṇa-dharmakāḥ kṛtsnā satva-dhātau na cikitsitāḥ sarva-buddhaiḥ sarva-bodhi-satvaiś ca pratyākhyātāḥ | teṣāṃ madīye buddha-kṣetre saṃnipātaḥ syāt | tān ahaṃ sarvān bodhi-maṇḍe niṣīdya + an-uttarāṃ samyak-saṃbodhim abhisaṃbodhayeyaṃ ||
evaṃ hi bodhi-satvasya cintayataś citta-utpāde citta-utpāde sarva-māra-bhavanāni prakampante | sarva-buddhāś ca + asya varṇa-vādino bhavanti + iti ||
evaṃ tāvat puṇya-vṛddhi-kāmena āśayo dṛḍhī-kartavyaḥ | āśaya-dṛḍhī-karaṇa-artham adhunā + ucyate | kiṃ punar anena dṛḍhī-kṛtena + iti | vimarṣa-nirāsāya dharma-saṃgīti-sūtre gaditaṃ |āśaye samyag bhagavan buddha-dharmāṇāṃ mūlaṃ | yasya punar āśayo na + asti sarve buddha-dharmās tasya dūre ||
āśaya-saṃpannasya punar bhagavan yadi buddhā na bhavanti gagana-talād dharma-śabdo niścarati kuḍma-vṛkṣebhyaś ca | āśaya-śuddhasya bodhi-satvasya sva-mano-jalpād eva sarva-avavāda-anuśāsanyo niścaranti | tasmāt tarhi bhagavan bodhi-satvena + āśaya-saṃpannena bhavitavyaṃ ||
tad yathā bhagavan yasya pādau tasya gamanaṃ evaṃ bhagavan yasya + āśayas tasya buddha-dharmāḥ |tad yathā bhagavan yasya + uttama-aṅgaṃ tasya jīvitaṃ evam eva bhagavan yasya + āśayas tasya buddha-bodhiḥ | tad yathā bhagavan yasya jīvitaṃ tasya lābhaḥ | evam eva bhagavan yasya + āśayas tasya buddhatva-lābhaḥ | tad yathā bhagavan satītvena + agnir jvalati | a-satītvena na jvalati | evam eva bhagavann āśaye sati bodhi-satvasya sarva-buddha-dharmā jvalanti | a-saty āśaye na jvalanti | tad yathā bhagavan satsv abhra-megheṣu varṣaṃ varṣaty a-satsu na varṣati | evam eva bhagavann āśaye sati buddha-dharmāḥ pravartante | tad yathā bhagavan yasya vṛkṣasya mūlaṃ vipannaṃ tasya puṣpa-phalāni na bhūyaḥ prarohanti | evam eva bhagavan yasya + āśayo vipannas tasya sarve kuśalā dharmā na bhūyaḥ saṃbhavanti | tasmāt tarhi bhagavan bodhi-satvena buddha-bodhy-arthikena sva-āśayaḥ su-udgṛhītaḥ sv-ārakṣitaḥ su-śodhitaḥ sv-adhiṣṭhitaḥ kartavya iti ||
ko * ayam āśayo nāma | ārya-akṣayamati-sūtre * abhihitaḥ | sa khalu punar āśayo * a-kṛtrimaḥ a-kṛtakatvāt | a-kṛtako niḥ-sādhyatvāt | niḥ-sādhyaḥ su-viditatvāt | su-vidito nir-māyatvāt | nir-māyaḥ śuddhatvāt | śuddhaḥ ṛjukatvāt | ṛjukaḥ a-kuṭilatvāt | a-kuṭilaḥ spaṣṭatvāt | spaṣṭo * a-vi-ṣamatvāt | a-vi-ṣamaḥ sāratvāt | sāro * a-bhedyatvāt | a-bhedyo dṛḍhatvāt | dṛḍho * a-calitatvāt | a-calita a-niśritatvād ity ādi | ayam eva ca + adhika-adhika-guṇa-adhigama-pravṛtto * adhyāśaya ity ucyate ||
yathā + atra + eva + uktaṃ | uttaraṇa-adhyāśayo viśeṣa-gamanatayā ity ādi ||
api ca + adhyāśaya ucyate | saumyatā bhūteṣu | maitratā satveṣu | hita-cittatā āryeṣu | kāruṇyam an-āryeṣu | gauravaṃ guruṣu | trāṇatā a-trāṇeṣu | śaraṇatā a-śaraṇeṣu | dvīpatā + a-dvīpeṣu | parāyaṇatā a-parāyaṇeṣu | sahāyatā a-sahāyeṣu | ṛjutā kuṭileṣu | spaṣṭatā khaṭuṅkeṣu | a-śaṭhatā śaṭheṣu | a-māyā āgahana-cariteṣu | kṛta-jñatā a-kṛta-jñeṣu | kṛta-veditā drohiṣu | upakāritā an-upakāriṣu | satyatā a-bhūta-gateṣu | nir-mānatā śrabdheṣu | a-ninditā su a-nindanā kṛteṣu
[doubtful]
| an-ārocanatā para-skhaliteṣu | ārakṣaṇatā vipratipanneṣu | a-doṣa-darśanatā sarva-upāya-kauśalya-caryāsu | śuśrūṣaṇatā sarva-dakṣiṇīyeṣu | pradakṣiṇa-grāhitā + anuśāsanīṣv ity ādi ||
tad evaṃ vyavasāya-āśayau dṛḍhī-kṛtya kāruṇyaṃ puras-kṛtya yate śubha-vṛddhaye ||
yathā + uktam ārya-dharma-saṃgīti-sūtre | atha khalv avalokiteśvaro bodhi-satvo mahā-satvo bhagavantam etad avocat | na bhagavan bodhi-satvena + ati-bahuṣu dharmeṣu śikṣitavyaṃ | eko dharmo bhagavan bodhi-satvena sv-ārādhitaḥ su-pratividdhaḥ kartavyaḥ | tasya sarva-buddha-dharmāḥ kara-tala-gatā bhavanti | katama eka-dharmo | yad uta mahā-karuṇā | mahā-karuṇayā bhagavan bodhi-satvānāṃ sarva-buddha-dharmāḥ kara-tala-gatā bhavanti | tad yathā bhagavan yena rājñaś cakra-vartinaś cakra-ratnaṃ gacchati | tena sarvo bala-kāyo gacchati | evam eva bhagavan yena bodhi-satvasya mahā-karuṇā gacchati | tena sarve buddha-dharmā gacchanti | tad yathā bhagavann āditye udite satvāḥ karma-kriyāsu pracurā bhavanti | evam eva bhagavan mahā-karuṇā yatra + uditā bhavati tatra + anya-bodhi-karā dharmāḥ kriyāsu pracurā bhavanti | tad yathā bhagavan sarveṣām indriyāṇāṃ manasā + adhiṣṭhitānāṃ sva-sva-viṣaye grahaṇa-prācuryaṃ bhavati | evam eva bhagavan mahā-karuṇā-adhiṣṭhitānām anyeṣāṃ bodhi-karāṇāṃ dharmāṇāṃ svasmin svasmin karaṇīye prācuryaṃ bhavati | tad yathā bhagavan jīvita-indriye saty anyeṣām indriyāṇāṃ pravṛttir bhavati | evam eva bhagavan mahā-karuṇāyāṃ satyām anyeṣāṃ bodhi-karāṇāṃ dharmāṇāṃ pravṛttir bhavati + iti ||
ārya-akṣayamati-sūtre * apy āha ||
tad yathā + api nāma bhadanta sāradvatīputra puruṣasya jīvita-indriyasya + āśvāsāḥ praśvāsāḥ pūrvaṃ-gamāḥ | evam eva bhadanta sāradvatīputra bodhi-satvasya mahā-yāna-samudāgatasya mahā-karuṇā pūrvaṃ-gamāḥ || pe ||
syād yathā + api nāma śreṣṭhino vā gṛha-pater vā eka-putrake guṇavati majjā-gataṃ prema | evam eva mahā-karuṇā-pratilabdhasya bodhi-satvasya sarva-satveṣu majjā-gataṃ prema + iti ||
katham eṣā bhāvayitavyā | svakam an-eka-vidhaṃ pūrva-anubhūtam anubhūyamānaṃ vā duṣkhaṃ bhayaṃ ca sva-ātmany aty-antam an-iṣṭaṃ bhāvayitvā | priya-ādiṣu maitrī maitrīvatā bhāvayitavyā praty-utpanna-duṣkha-vyādhiṣu mahā-duṣkha-sāgara-an-avadhi-dīrgha-saṃsāra-vyasana-anunīteṣu vā ||
yathā + uktam ārya-daśa-bhūmaka-sūtre | tasya + evaṃ bhavaty āścaryaṃ yāvad a-jñāna-saṃmūḍhā vata + ime bāla-pṛthag-janāḥ | yeṣām a-saṃkhyeyā ātma-bhāvā niruddhā nirudhyante nirotsyante ca | evaṃ ca kṣīyamāṇā kāye na nir-vedam utpādayanti | bhūyasyā mātrayā duṣkha-yantraṃ vivardhayanti | saṃsāra-śrotasaś ca mahā-bhayān na nivartante | skandha-ālayaṃ ca na + utsṛjanti | dhātu-ura-gebhyaś ca na nirvidyante | nandī-rāga-andhāś ca na + avabudhyante | ṣaḍ-āyatana-śūnya-grāmaṃ ca na vyavalokayanti | ahaṃ-kāra-mama-kāra-abhiniveśa-anuśayaṃ ca na prajahanti | māna-dṛṣṭi-śalyaṃ ca na + uddharanti | rāga-dveṣa-moha-jālaṃ ca na praśamayanti | a-vidyā-moha-andha-kāraṃ ca na vidhamayanti | tṛṣṇā-arṇavaṃ ca na + ucchoṣayanti | daśa-bala-sa-artha-vāhaṃ ca na paryeṣante | māra-āśaya-gahana-anugatāś ca saṃsāra-sāgare vividha-a-kuśala-vitarka-grāha-ākule pariplavante | a-prati-śaraṇāḥ tathā saṃvegam āpadyante bahūni duṣkhāni pratyanubhavantaḥ | yad idaṃ jāti-jarā-vyādhi-maraṇa-śoka-parideva-duṣkha-daurmanasya-upāyāsān | hanta + aham eṣāṃ satvānāṃ duṣkha-ārtānām a-nāthānām a-trāṇānām a-śaraṇānām a-layanānām a-a-parāyaṇānām andhānām a-vidyā-aṇḍa-koṣa-paṭala-paryavanaddhānāṃ tamo-abhibhūtānām arthāya + eko * a-dvitīyo bhūtvā tathā-rūpa-puṇya-jñāna-saṃbhāra-upacayaṃ bibharmi | yathā-rūpeṇa puṇya-jñāna-saṃbhāra-upacayena saṃbhṛtena ime sarva-satvā abhyanta-viśuddhim anuprāpnuyur iti ||
tathā + atra + eva + āha | saṃsāra-aṭavī-kāntāra-mārga-prapannā vata + ime satvā niraya-tiryag-yoni-yama-loka-prapāta-abhimukhāḥ ku-dṛṣṭi-vi-ṣama-jāla-anuprāptāḥ moha-gahana-saṃchannā mithyā-mārga-vitatha-prayātā | andhī-bhūtāḥ pariṇāyaka-vi-kalāḥ || pe ||
saṃsāra-śrota-anuvāhinaḥ tṛṣṇā-nadī-prapannāḥ | mahā-vega-grastā | avalokanā-a-samarthāḥ
[doubtful]
kāma-vyāpāda-vicikitsā-vihiṃsā-vitarka-prapāta-anucaritāḥ | sva-kāya-dṛṣṭy-udaka-rākṣasa-gṛhītāḥ | kāma-gahana-āvartta-anupraviṣṭāḥ nandī-rāga-madhya-saṃsaktāḥ | asmi-māna-sthala-ucchannāḥ | a-parāyaṇāḥ | āyatana-grāma-an-ucchalitāḥ | kuśala-saṃbhāraka-virahitāḥ | te * asmābhir mahā-kuśala-mūla-balena + uddhṛtya nir-upadrave a-rajasi śiva-sarva-jñatā-ratna-dvīpe pratiṣṭhāpayitavyā | ruddhā vata + ime satvā bahu-duṣkha-daurmanasya-upāyāsa-bahula-anunaya-pratigha-priya-a-priya-vinibandhane sa-śoka-parideva-anucarite tṛṣṇā-nigaḍa-bandhane māyā-śāṭhya-a-vidyā-gahana-saṃchanne traidhātuka-cārake | te asmābhiḥ sarva-traidhātuka-viveke a-bhaya-pure sarva-duṣkha-upaśame
[doubtful]
an-āvaraṇa-nirvāṇe pratiṣṭhāpayitavyā ity ādi ||
evam ebhiḥ paras-para-dṛḍhī-kṛtyair vyavasāya-āśaya-kāruṇyaiḥ puṇya-vṛddhim ārabhet | tatra tāvad bhadra-ācāryā-vidhiḥ kāryā vandanā-ādiḥ sad-ādarāt ||
ārya-ugradatta-paripṛcchāyāṃ hi tri-rātre trir divasasya ca śuceḥ śuci-vastra-prāvṛtasya ca tri-skandhaka-pravartanam uktaṃ ||
tatra trayaḥ skandhāḥ pāpa-deśanā-puṇya-anumodanā-buddha-adhyeṣaṇa-ākhyāḥ puṇya-rāśitvāt | tatra vandanā pāpa-deśanāyām antar-bhavati | buddhān namas-kṛtya + upāli-paripṛcchāyāṃ deśanā + iti kṛtvā | yācanam adhyeṣaṇāyāṃ eka-arthatvāt | pūjā tu vibhava-a-bhāvād a-nityā + iti na + uktā | mānasī vācasī ca sūtra-antara-prasiddhatvān na + uktāḥ | trayāṇāṃ tu vacanāt prādhānyaṃ gamyate | tatra vandanā | sarva-buddhān namasyāmi + iti ||
ārya-akṣayamati-sūtre tv ātma-para-pāpa-deśanā puṇya-saṃbhāre paṭhyate ||
gāthā-catuṣṭayena ca yathā-gītaiś ca stotraiḥ | ārya-bhadra-caryā-ādi-gāthābhir vā pūjanā ca ||
ārya-ratna-meghe yathā + uktaṃ | iha bodhi-satvo yāni + imāni bhavanti puṣpa-jātāni vā phala-jātāni vā a-mamāny a-parigrahāṇi | tāni triṣ-kṛtvā rātrau triṣ-kṛtvā divase buddha-bodhisatvebhyo niryātayati || pe ||
sayathi + ime
[doubtful]
dhūpa-vṛkṣā vā gandha-vṛkṣā vā ratna-vṛkṣā vā kalpa-vṛkṣā vā a-mamā a-parigrahās tān api triṣ-kṛtvā rātrau triṣ-kṛtvā divase buddha-bodhisatvebhyo niryātayati + iti ||
ārya-tri-samaya-rāje * api sthala-jā ratna-parvatāḥ | jala-jā ratna-parvatā sthala-jala-jāni ratnāni daśa-dig-avasthitāni | a-mamāny a-parigrahāṇi deyāni + ity uktaṃ ||
anayā ca diśā sarva-bhaiṣajyāni sarva-rasāyanāni sarva-salilāni an-avadyāni ap-maṇḍalāni | sarva-kāñcana-maṇḍalāni | vivṛtteṣu vā loka-dhātuṣu ye parama-rasa-sparśa-saṃpannā bhū-parpaṭakāḥ | a-mṛta-latā | a-kṛṣṭa-uptā vā śālayaḥ | sarva-uttara-kuru-dvīpeṣu | pariśuddheṣu ca loka-dhātuṣu ye ramaṇīyatarāḥ paribhogāḥ ||
yathā ca + ārya-ratna-meghe eva + āha | sa yāni + imāni sūtra-anteṣu + udāra-udārāṇi tathā-gata-pūjā-upasthānāni śṛṇoti | tāny āśayatas tīvreṇa + adhyāśayena buddha-bodhisatvebhyaḥ pariṇāmayati + iti | tathā | sa vividhāni pūjā-upasthānāni anuvicintayati + iti ||
deśanā pūrva-uktā + iva | ārya-akṣayamati-sūtre tv ātma-para-pāpa-deśanā puṇya-saṃbhāre paṭhyate | anumodanā bhadra-caryā-gāthayā | candra-pradīpa-anumodanā-parivartena vā | adhyeṣaṇā bhadra-caryayā + eva | pariṇāmanā tu sakala-samāptā + ārya-bhadra-caryayā + eva | vajra-dhvaja-pariṇāmanāṃ vā paśyet ||
atha-vā daśa-bhūmaka-uktāni mahā-praṇidhānāni | yathā + āha | yad uta + a-śeṣa-niḥ-śeṣa-an-avaśeṣa-sarva-buddha-pūjā-upasthāpanāya | sarva-ākāra-vara-upetam udāra-adhimukti-viśuddhaṃ dharma-dhātu-vipulam ākāśa-dhātu-paryavasānam a-para-anta-koṭī-niṣṭhaṃ sarva-kalpa-saṃkhyā-buddha-utpāda-saṃkhyā-pratiprasrabdhaṃ | mahā-pūjā-upasthānāya | prathamaṃ mahā-praṇidhānam abhinirharati ||
yad uta sarva-tathā-gata-bhāṣita-dharma-netrī-saṃdhāraṇāya sarva-buddha-bodhi-satva-parigrahāya | sarva-samyak-saṃbuddha-śāsana-parirakṣaṇāya | dharma-dhātu-vipulam ākāśa-dhātu-paryavasānam a-para-anta-koṭī-niṣṭhaṃ | sarva-saṃkalpa-saṃkhyā-buddha-utpāda-saṃkhyā-pratiprasrabdhaṃ | sad-dharma-parigrahāya | dvitīyaṃ mahā-praṇidhānam abhinirharati ||
yad uta sarva-buddha-utpāda-nir-avaśeṣa-sarva-loka-dhātu-prasareṣu | tuṣita-bhavana-vāsam ādiṃ kṛtvā cyavana-ācaṅkramaṇa-garbha-sthiti-janma-kumāra-krīḍā-antaḥ-pura-vāsa-abhiniṣkramaṇa-duṣ-kara-caryā-bodhi-maṇḍa-upasaṃkramaṇa-māra-dharṣaṇa-abhisaṃbodhy-adhyeṣaṇa-mahā-dharma-cakra-pravartana-mahā-parinirvāṇa-upasaṃkramaṇāya | pūjā-dharma-saṃgraha-prayoga-pūrvaṃ-gamaṃ kṛtvā sarva-traikāla-vivartanāya | dharma-dhātu-vipulam ākāśa-dhātu-paryavasānam a-para-anta-koṭī-niṣṭhaṃ sarva-kalpa-saṃkhyā-buddha-utpāda-saṃkhyā-pratiprasrabdhaṃ yāvan mahā-parinirvāṇa-upasaṃkramaṇāya | tṛtīyaṃ mahā-praṇidhānam abhinirharati ||
yad uta sarva-bodhi-satva-caryā-vipula-mahad-gata-a-pramāṇa-a-saṃbhinna-sarva-pāramitā-su-saṃgrahītaḥ | sarva-bhūmi-pariśodhanaṃ sa-aṅga-upāṅga-nirhāraṃ yāvat sa-lakṣaṇa-vi-lakṣaṇa-saṃvarta-vivarta-sarva-bodhi-satva-caryā-bhūta-yathā-vad bhūmi-patha-upadeśa-pāramitā-parikarma-avavāda-anuśāsany--anupradāna-upastambha-citta-utpāda-abhinirhārāya | dharma-dha-tu-vipulam ākāśa-dhātu-paryavasānam a-para-anta-koṭī-niṣṭhaṃ sarva-kalpa-saṃkhyā-caryā-saṃkhyā-pratiprasrabdhaṃ citta-utpāda-abhinirhārāya | caturthaṃ mahā-praṇidhānam abhinirharati ||
yad uta nir-avaśeṣa-sarva-satva-dhātu-rūpy-a-rūpi-saṃjñā-saṃjñi na + eva saṃjñi na + a-saṃjñy aṇḍa-ja-jarāyu-ja-saṃsveda-ja-aupapāduka-traidhātuka-paryāpanna-ṣaḍ-gati-samavasṛta-sarva-upapatti-paryāpanna-nāma-rūpa-saṃgṛhīta-a-śeṣa-sarva-satva-dhātu-paripācanāya | sarva-buddha-dharma-avatāraṇāya | sarva-gati-saṃkhyā-vyavacchedanāya | sarva-jña-jñāna-pratiṣṭhāpanāya | dharma-dhātu-vipulam ākāśa-dhātu-paryavasānam a-para-anta-koṭī-niṣṭhaṃ sarva-kalpa-saṃkhyā-satva-dhātu-saṃkhyā-pratiprasrabdhaṃ |sarva-satva-dhātu-paripācanāya | pañcamaṃ mahā-praṇidhānam abhinirharati ||
yad uta nir-avaśeṣa-sarva-loka-dhātu-vipula-saṃkṣipta-mahad-gata-a-pramāṇa-sūkṣma-audārika-vyatyasta-avamūrddha-sama-tala-praveśa-samavasaraṇa-anugata-indra-jāla-vibhāga-daśa-dig-a-śeṣa-vaimātrya-praveśa-vibhāga-jñāna-anugama-pratyakṣatāyai | dharma-dhātu-vipulam ākāśa-dhātu-paryavasānam a-para-anta-koṭī-niṣṭhaṃ sarva-kalpa-saṃkhyā-loka-dhātu-saṃkhyā-pratiprasrabdhaṃ loka-dhātu-vaimātrya-avatāraṇāya | ṣaṣṭhaṃ mahā-praṇidhānam abhinirharati ||
yad uta sarva-kṣetra-eka-kṣetra eka-kṣetra sarva-kṣetrai-samavaśaraṇa-pariśodhanaṃ
[doubtful]
| a-pramāṇa-buddha-kṣetra prabhā-vyūha-alaṃ-kāra-pratimaṇḍitaṃ | sarva-kleśa-apanayana-pariśuddhi-patha-upetaṃ | a-pramāṇa-jñāna-ākāra-satva-paripūrṇam udāra-buddha-viṣaya-samavasaraṇaṃ | yathā-āśaya-sarva-satva-saṃdarśana-saṃtoṣaṇāya | dharma-dhātu-vipulam ākāśa-dhātu-paryavasānam a-para-anta-koṭī-niṣṭhaṃ |sarva-kalpa-saṃkhyā-buddha-kṣetra-saṃkhyā-pratiprasrabdhaṃ |sarva-buddha-kṣetra-pariśodhanāya |saptamaṃ mahā-praṇidhānam abhinirharati ||
yad uta sarva-bodhi-satva-eka-āśaya-prayogatāyai | niḥ-sapatna-kuśala-mūla-upacayāya | eka-ārambaṇa-sarva-bodhi-satva-samatāyai | a-virahita-satata-samita-buddha-bodhi-satva-samavadhānāya | yathā-iṣṭa-buddha-utpāda-saṃdarśanāya | sva-citta-utpāda-tathā-gata-prabhāva-jñāna-anugamāya | a-cyuta-anugāminy--abhijñā-pratilambhāya | sarva-loka-dhātv-anuvicaraṇāya sarva-parṣan-maṇḍala-pratibhāsa-prāptaye | sarva-upapatti-sva-śarīra-anugamāya | a-cintya-mahā-yāna-upetatāyai | bodhi-satva-caryā-caraṇa-a-vyavacchedāya | dharma-dhātu-vipulam ākāśa-dhātu-paryavasānam a-para-anta-koṭī-niṣṭhaṃ | sarva-kalpa-saṃkhyā-caryā-saṃkhyā-pratiprasrabdhaṃ | mahā-yāna-avatāraṇāya | aṣṭamaṃ mahā-praṇidhānam abhinirharati ||
yad uta + a-vivartya-cakra-samārūḍha-bodhi-satva-caryā-caraṇāya | a-mogha-kāya-vāṅ-manas-kareṇa | saha-darśana-niyata-sarva-buddha-dharma-pratilambhāya | saha-ghoṣa-udāhāra-jñāna-anugamāya | saha-prasāda-kleśa-vivartanāya | mahā-bhaiṣajya-rāja-upama-āśraya-pratilambhāya | cintā-maṇi-vat kāya-pratilambhāya | sarva-bodhi-satva-caryā-caraṇāya | dharma-dhātu-vipulam ākāśa-dhātu-paryavasānam a-para-anta-koṭī-niṣṭhaṃ | sarva-kalpa-saṃkhyā-caryā-saṃkhyā-pratiprasrabdhaṃ |amogha-ghoṣatāyai | navamaṃ mahā-praṇidhānam abhinirharati ||
yad uta sarva-loka-dhātuṣv an-uttara-samyak-saṃbodhy-abhisaṃbodhanāya | eka-vāla-patha-a-vyativṛtta-sarva-bāla-pṛthag-jana-janma-upapatty-abhiniṣkramaṇa-vikurvaṇa-bodhi-maṇḍa-dharma-cakra-pravartana-mahā-parinirvāṇa-upadarśanāya | mahā-buddha-viṣaya-prabhāva-jñāna-anugamāya | sarva-satva-dhātu-yathā-āśaya-buddha-utpāda-kṣaṇa-kṣaṇa-avabodha-praśama-prāpaṇa-saṃdarśanāya | eka-abhisaṃbodhi-sarva-dharma-dhātu-nirmāṇa-spharaṇāya | eka-ghoṣa-udāhāra-sarva-satva-citta-āśaya-saṃtoṣaṇāya | mahā-parinirvāṇa-upadarśana-caryā-bala-a-vyupacchedāya | mahā-jñāna-bhūmi-sarva-dharma-vyutthāpana-saṃdarśanāya | dharma-jñāna-ṛddhi-māyā-abhijñā-sarva-loka-dhātu-spharaṇāya | dharma-dhātu-vipulam ākāśa-dhātu-paryavasānam a-para-anta-koṭī-niṣṭhaṃ | sarva-kalpa-saṃkhyā-abhisaṃbodhi-saṃkhyā-pratiprasrabdhaṃ | mahā-yāna-abhinirhārāya | daśamaṃ mahā-praṇidhānam abhinirharati + iti ||
etac ca bhāvayan sarvatra pariṇāmayāmi + iti yojyaṃ ||
ārya-avalokiteśvara-vimokṣe ca yad uktaṃ tad apy evaṃ yojyaṃ | etat kuśala-mūlaṃ sarva-satva-prapāta-bhaya-vigamāya pariṇāmayāmi | sarva-satvān sāntānika-bhaya-praśamanāya | sarva-satva-saṃmoha-bhaya-vinivartanāya pariṇāmayāmi | sarva-satva-bandhana-bhaya-samucchedāya | sarva-satva-jīvita-uparodha-upakrama-bhaya-vyāvartanāya | sarva-satva-upakaraṇa-vaikalya-bhaya-apanayanāya | sarva-satva-ājīvikā-bhaya-vyupaśamanāya | sarva-satva-a-śloka-bhaya-samatikramaṇāya pariṇāmayāmi | sarva-satva-sāṃsārika-bhaya-upaśamanāya | sarva-satva-parṣac-chāradya-bhaya-vigamāya | sarva-satva-maraṇa-bhaya-vyatikramāya | sarva-satva-dur-gati-bhaya-vinivartanāya | sarva-satva-tamo-andha-kāra-vi-ṣama-gaty-a-pratyudāvartana-avabhāsa-karaṇāya pariṇāmayāmi | sarva-satvānāṃ vi-sabhāga-samavadhāna-bhaya-abhyanta-vigamāya | sarva-satva-priya-vi-prayoga-bhaya-nirodhāya | sarva-satva-a-priya-saṃvāsa-bhaya-apanayanāya | sarva-satva-kāya-paripīḍā-bhaya-visaṃyogāya | sarva-satva-citta-paripīḍana-bhaya-nirmokṣaṇāya | sarva-satva-duṣkha-daurmanasya-upāyāsa-samatikramaṇāya pariṇāmayāmi + iti ||
saṃkṣepataḥ punar iyam an-uttarā pariṇāmanā yā + iyam ārya-bhadra-caryā-gāthāyāṃ | mañjuśirī yatha jānati śūraḥ so ca samantata bhadra tatha + eva | teṣu ahaṃ anuśikṣayamāṇo nāmayamī kuśalaṃ imu sarvaṃ ||
sarva-triy-adhva gatebhi jinebhir yā pariṇāmana varṇita agrā | tāya ahaṃ kuśalaṃ imu sarvaṃ nāmayamī vara-bhadra-carīye | iti ||
iti śikṣā-samuccaye bhadra-caryā-vidhiḥ ṣoḍaśamaḥ paricchedaḥ samāptaḥ ||
[XVII. vandanādyanuśaṃsā]
vandanā-anuśaṃsāḥ saptadaśaḥ paricchedaḥ ||
ukto vandanā-ādi-vidhiḥ | tena puṇya-vṛddhir bhavati + iti kuto gamyate ||
ārya-avalokana-sūtrāt | evaṃ hi tatra + uktaṃ | varjayaty a-kṣaṇāny aṣṭau yae ime deśitā mayā | kṣaṇaṃ ca + ārāgayaty ekaṃ buddha-utpādaṃ su-śobhanaṃ ||
varṇavān rūpa-saṃpanno lakṣaṇaiḥ samalaṃ-kṛtaḥ sthāmnā balena ca + upeto na + asau kausīdyam ṛcchati
[doubtful]
||
āḍhyo mahā-dhanaś ca + asau a-dhṛṣyaḥ puṇyavān api | ārāgya loka-pradyotaṃ sat-karoti punaḥ punaḥ ||
śreṣṭhī-kuleṣu sphīteṣu sa āḍhyeṣu + upapadyate | bhaved dāna-patiḥ śūro mukta-tyāgo hy a-matsarī ||
rājā bhaved dhārmiko * asau catur-dvīpa-īśvaraḥ prabhuḥ | praśāsayen mahīṃ kṛtsnāṃ samudra-giri-kuṇḍalām ||
maha-rddhikaś cakra-vartī sapta-ratna-samanvitaḥ | rājye pratiṣṭhito buddhān sat-karoti punaḥ punaḥ ||
ścyuta/ ca + asmād gataḥ svargaṃ prasanno jina-śāsane | śakro bhavati deva-indraḥ īśvaro maru-mūrddhani ||
na śakyaṃ bhāṣatā varṇaṃ kṣapayituṃ kalpa-koṭibhiḥ | ya stūpaṃ loka-nāthasya naraḥ kuryāt pradakṣiṇam ||
na jātu so * andhaḥ khañjo vā kalpānām api koṭibhiḥ | utpādya bodhi-cittaṃ yaḥ śāstu stūpaṃ hi vandate ||
dṛḍha-vīryo dṛḍha-sthāmo vīraś ca dṛḍha-vikramaḥ | kauśalyaṃ gacchati kṣipraṃ kṛtvā stūpa-pradakṣiṇam ||
yo buddha-koṭi-niyuta-śata-sahasrān kalpān koṭī ca tuliya sat-karayā | yaś ca + iha kalpe caramaka ghora-kāle vandeya stūpaṃ bahutara tasya puṇyam ||
agro hi buddho * a-tuliya dakṣiṇīyo * agrāṃ caritvā cariya-viśeṣa prāptaḥ | tasya + iha pūjāṃ karia nara-riṣabhasya vipāka śreṣṭho bhavati a-tulya-rūpaḥ ||
itaś cyutvā manuṣyebhyas trāyastriṃśeṣu gacchati | vimānaṃ labhate tatra vicitraṃ ratanām ayam ||
kūṭa-āgāraṃ svayaṃ datvā apsaro-gaṇa-sevitaḥ | mālāṃ stūpe saṃpradāya trāyastriṃśeṣu jāyate ||
aṣṭa-aṅga-jala-saṃpūrṇāṃ suvarṇa-sikata-āstritām | vaiḍūrya-sphaṭikaiś ca + eva divyāṃ puṣkariṇīṃ labhet ||
bhuktvā ca tāṃ ratiṃ divyāṃ āyuḥ saṃpūrya paṇḍitaḥ | cyutvā ca deva-lokāt sa manuṣyo bhavati bhogavān ||
jāti-koṭi-sahasraṇi śatāni niyutāni ca | sat-kṛtaḥ syāc ca sarvatra caitye mālāṃ pradāya ca ||
cakra-vartī ca rājā + asau śakraś ca bhavati + īśvaraḥ | brahmā ca brahma-lokasmin caitye mālāṃ pradāya ca ||
paṭṭa-pradāna datvā tu loka-nāthasya tāyinaḥ | sarve * asya + arthāḥ samṛdhyanti ye divyā ye ca mānuṣāḥ ||
tyajed * dhīnān a-kuśalān na sa tatra + upapadyate | mālā-vihāraṃ kṛtvā ca loka-nāthasya dhātuṣu | a-bhedya-parivāreṇa rājā bhūyān maha-rddhikaḥ ||
priyaḥ sadayitaś ca + asau sat-kṛtaś ca praśaṃsitaḥ | davānām atha nāgānāṃ ye lokesmiṃś ca paṇḍitāḥ ||
yatra + asau jāyate vīraḥ puṇya-tejaḥ-su-dīpitaḥ | te kulāḥ sat-kṛtā bhonti rāṣṭrāṇi nagarāṇi ca ||
yaḥ sarṣapāt sūkṣmataraṃ gṛhītvā dhūpeya dhūpaṃ bhagavati caityakeṣu | tasya + anuśaṃsān śṛṇuta prabhāṣato me prasanna-cittā jahiya khilāṃ malāṃś ca ||
sa puṇyavāṃś carati diśaḥ samantād ārogya-prāpto dṛḍha-matir a-pramattaḥ | vineti śokaṃ vicarati cārikāyāṃ priyo manāpo bhavati mahā-janasya ||
rājyaṃ ca labdhvā jina varu sat-karotī mahā-anubhāvo vidu cakra-vartī | suvarṇa-varṇo vicitra-lakṣaṇaiḥ sa mano-jña-gandhān labhi sarva-loke ||
jāta-mātro labhate śreṣṭha-vastrān divya-viśiṣṭa-su-rucira-kauśikāṃś ca | bhotī sukha-su-kāyaḥ saṃveṣṭya-stūpaṃ nāthasya cīvaraiḥ | yaś cīvareṇa caityeṣu kuryāt pūjām a-tulāṃ nāyakānāṃ | tasya + iha bhotī a-sadṛśu ātma-bhāvo dvātriṃśatībhiḥ kavacita lakṣaṇebhiḥ | pāṇī-taleṣu su-ruciru mukta-hārāḥ prādur-bhavantī vividha an-anta-kalpāḥ | siṃha-latāḥ su-rucira-varṇa-sūtrā veṭhitva stūpaṃ bhagavata cīvarebhiḥ ||
datvā patākāṃ bhagavata cetikeṣū chandaṃ janitvā tatha siya buddha-loke | sa pūjanīyo bhavati mahā-janasya carantu śreṣṭho jina-cārikāye ||
suvarṇa-varṇo bhavati si ātma-bhāvo lābhī sa bhotī su-rucira-cīvarāṇāṃ | karpāsikānāṃ su-sahita kambalānāṃ du-kūlakānāṃ tatha vara-kauśakānāṃ ||
dhvajaṃ daditvā hata-raji satva-sāre dhanaṃ prabhūtaṃ pratilabhi na cireṇa | prabhūta-koṣo bhavati an-anta-prajño paricāru tasya bhavaty a-dīna-cittaḥ | na citta-śūlaṃ janayati so parasya prasāda-cittaḥ sada a-pramattaḥ | na tasya agniḥ kramati viṣanna-śastraṃ udvīkṣaṇīyo bhavati mahā-janasya ||
adho upādāya ca vibhava-agru yāvat jāmbūnadaṃ tena bhavati buddha-kṣetraṃ | śakyaṃ kṣayetuṃ āyu-śriya eva-rūpā na buddha-stūpe dharayata eka dīpam ||
na tasya kāyo bhavati a-varṇita-aṅgo dṛḍha-asu bhotī parigha-bhujo * a-chambhī | āloka-prāpto
[doubtful]
vicarati sarva-loke daditva dīpaṃ bhagavata cetikeṣu ||
yadi buddha-kṣetrā niyuta-śatā sahasrā bhaveyu pūrṇā śikha-gata-sarṣapebhiḥ | śakyaṃ gaṇetuṃ tulayitu bhāṣituṃ vā na tathā-gateṣū dharayitu eka-dīpam ||
alaṅ-karitvā su-rucira-darśanīyaṃ yo deti chatraṃ bhagavata cetikeṣu | tasya + iha bhoty a-sadṛśa ātma-bhāvo dvātriṃśatībhiḥ kavacita lakṣaṇebhiḥ ||
yebhir jinasya pratapata ātma-bhāvo rūpaṃ viśiṣṭaṃ yatha-r-iva
[doubtful]
kāñcanasya | jāmbūnado vā su-rucira-darśanīyā abhikīrṇa ... kusumita lakṣaṇebhiḥ ||
abhijña-prāpto bhavati mahā-yaśa-ākhyaḥ carati śreṣṭha-āvara-cārikāyāṃ | na bhoga-hānir bhavati kadā-cid asya devāna bhoti guru-kṛta pūjitaś ca ||
na kāma-bhogau ramati kadā-ci dhīro viśuddha-śīlaḥ sa-kuśala-brahma-caryaḥ |samādayitvā van-upavane uṣitvā + abhiyukti-dhyāno bhavati viśeṣa-prāptaḥ ||
na jñāna-hānir bhavati kadā-cid asya na bodhi-cittaṃ vijahati so kathañ-cit | maitrī-vihārī bhavati a-dīna-citto datvā + iha chattraṃ bhagavata-cetikeṣu ||
vādyena pūjāṃ nara-vṛṣabhasya kṛtvā na śoka śalya-vaśa jātu bhoti | mano-jña-ghoṣo bhavati manuṣya-loke svara-aṅgu tasya + a-vi-kala viśuddha bhoti ||
viśuddha-cakṣur bhavati sa saṃprajanyo viśuddha-śrotro bhavati udagra-cittaḥ | ghraṇa-indriyaṃ parama uttapta bhoti vāditva vādyaṃ bhagavata cetikeṣu ||
jihvā + asya bhoti su-rucira darśanīyā su-sūkṣma mṛdvī rucira mano-jña ghoṣā | raktā pravālā yatha-r-iva
[doubtful]
devatānāṃ svara-aṅga koṭī-vara sṛjate * a-prameyāṃ ||
na jātu bhotī ura-gu a-jihvako vā na khañja-kubjo na + api ca nāmita-aṅgaḥ | viśiṣṭa bhotī su-rucira ātma-bhāvo vāditva vādyaṃ bhagavata cetikeṣu ||
na jātu kaś-cij janaye prasādaṃ devo ca nāgo manu-ja mahā-ura-go vā | āśvāsa-prāpto vicarati sarva-loke vāditva vādyaṃ bhagavata cetikeṣu ||
kalpāna koṭī-niyuta-śatā sahasraṃ viśiṣṭa-kāyo bhavati a-nindita-aṅgaḥ | prāsādiko * asau kavacita lakṣaṇebhiḥ saṃśodhya stūpaṃ bhagavata nirvṛtasya ||
vimāna-śreṣṭhaṃ labhati mano-jña-gandhaṃ divyaṃ viśiṣṭaṃ su-rucira-candanasya | na jātu tṛṣṇāṃ janayati so kadā-cit saṃśodhya stūpaṃ bhagavata nirvṛtasya ||
pralopa-kāle jina-vara-śāsanasmin na jātu bhotī upagata jambu-dvīpe | svarge sa bhoti pratiṣṭhita tasmi kāle gandha-anulepaṃ dadiya jinasya stūpe ||
dur-gandhi-kāmān a-śuci-jugupsanīyān varjeti nityaṃ pratiṣṭhita śīla-skandhe | carī sa nityam imu vara brahma-caryaṃ gandha-anulepaṃ kariya jinasya stūpe ||
itaś cyuto * asau maru-pati svarga-loke arthaṃ sahasrā tulayati na + u cireṇa | karoti ca + arthaṃ su-vipula-devatānāṃ gandha-anulepaṃ kariya jinasya stūpe ||
viśiṣṭa-vākyo bhavati mano-jña-ghoṣaḥ priyo manāpo bahu-jana-sat-kṛtaś ca | sukhaṃ ca tasya bhavati sadā prasannaṃ gandha-anulepaṃ kariya jinasya stūpe ||
apāya-bhūmiṃ ... vijahāty a-śeṣāṃ āsannako bhavati tathā-gatānāṃ | prasāda-labdhaḥ sada sukhi premaṇīyo gandha-anulepaṃ kariya jinasya stūpe ||
so * a-kṣaṇaṃ vai vijahāti sarvaṃ aṣṭa kṣaṇāś ca + asya viśiṣṭa bhonti | buddhāna pūjām a-tuliya so karoti choritva jālaṃ bhagavata cetikeṣu ||
śūraś ca bhoti dṛḍha-matir a-pramatto na kāma-bhoge * abhiratiṃ janeti | naiṣkramya-prāptau ca a-dīna-cittaḥ choritva jālaṃ bhagavata cetikeṣu ||
na bodhi-cittaṃ pramuṣyati tasya jātu a-khaṇḍa-śīlo * asti su-saṃvṛtaś ca | dharmaṃ vi-rāgaṃ labhate viśuddhaṃ upanīya jālaṃ bhagavata cetikeṣu ||
dur-vācatāṃ vijahati sarva-kālaṃ prajñā-a-bhāvaṃ ca jahāty a-śeṣam |viśāla-prajño viharati cārikāyāṃ upanīya jālaṃ bhagavata cetikeṣu ||
lābhī ca bhotī śuci-bhojanānāṃ vastrān viśiṣṭān labhate suvarṇān | sparśa-abhyupetān ruci-darśanīyān upanīya jālaṃ jina-cetikebhyaḥ ||
abhyutkṣipitvā jina-cetikebhyaḥ nir-mālya-śuṣkaṃ pramudita-vega-jātaḥ | vrajeta kāmān duḥkha-da-vaira-ghorān ārāgayed daśa-bala-sa-artha-vāhān ||
prāsādiko bhoti viśuddha-kāyaḥ udvīkṣaṇīyo bahu-jana-pūjanīyaḥ | na tasya rājā + api praduṣṭa-cittaḥ yo jīrṇa-puṣpān apaneya caitye ||
ku-mārga sarvaṃ pithita apāya-bhūmiḥ sa śīla-skandhe sthita bodhi-satvaḥ | avatārayitvā jina-cetikebhyaḥ puṣpaṃ ca prāg anya-naraiḥ pradattaṃ ||
śokāṃś ca doṣān vijahāty a-matto rogān a-śeṣān vijahāty an-ekān | āśvāsa-prāptaś ca an-anta-kalpān yo jīrṇa-puṣpān apaneti caitye ||
buddhaś ca bhoty a-sadṛśa-dakṣiṇīyo * a-tulya-prāpto nara-maru-pūjanīyaḥ | alaṃ-kṛto bhavati viśuddha-kāyaḥ yo jīrṇa-puṣpān apaneti caitye ||
dadyāc ca yaḥ su-rucira-divya puṣpaṃ māndāravān apy atha pāṭalaṃ vā | nir-mālyakaṃ yo * apanayeta caitye vipāka śreṣṭho * asya bhaved a-tulyaḥ ||
yaḥ prāñjaliḥ praṇamati nātha-stūpaṃ chandaṃ janitvā ca sa-buddha-loke | so bhoti loke guru-kṛtu sat-kṛtaś ca prāsādiko bhavati su-darśanīyaḥ ||
tasya + iha rājyaṃ nipatati sarva-loko deva-asurā nāga-manuṣyakāś ca | sarvāḥ sahasrāḥ kusumita loka-dhātuḥ praśāsti rājño vaśa īśvarāṃś ca ||
ye tasya rājye sthita bhonti satvāḥ sthāpeya sarvān a-kaluṣa-buddha-jñāne | apāya-bhūmyas tyaktā bhavanti karoti ca + eṣāṃ parama-su-śreṣṭham artham ||
paricāro * asya bhavati mano-jña-ghoṣaḥ puṇyair upetaḥ smṛti-mati-pūjanīyaḥ | āśvāsa-prāpto vicarati jīva-loke sadā + abhiprāyaṃ janayati śreṣṭha-prītiṃ ||
paricāra bhoty asya svara-aṅga śuddhaḥ jñāyeta satvair madhura-praśānta-vākyo | na tasya kaś-cij janayati ca + īśvaratvaṃ vilokanīyo bhavati mahā-janasya | dāna-pramodaṃ priyatā-artha-caryāṃ samāna-arthatāṃ janayati mahā-janasya | ākruṣṭaḥ san na + ājanayeta roṣaṃ yaḥ prāñjaliḥ praṇamati buddha-stūpaṃ ||
deva-indra bhoty upagata-svarga-loke manuṣyako bhavati narasya rājā | na pārihāṇir bhavati kadā-cid asya yo * añjalībhir namati + iha stūpaṃ ||
na + asāv apāye prapateta jātu hīnāṃś ca varjeta sa kāma loke | āḍhyo dhanī bhoti prabhūta-koṣo yo * añjalībhir namati buddha-stūpam ||
sūtra-anta-caryā na kadā-cid asya na + a-sthāna-kopaṃ kurute nṛ-loke | satvāś ca tṛptā muditā + asya bhonti yaḥ saṃpramuñcī guṇavati eka-vācaṃ ||
yaḥ puṣpa-muṣṭiṃ gṛhītvā + udagra-cittaḥ prasādato * avakirati loka-nāthe | sa puṇyavān bhavati manuṣya-loke rākṣe ca sthitvā jina sat-karoti ||
śokā na doṣāḥ khila-mala na + asya bhonti a-tulyatā-āptaś ca su-saṃsthita-aṅgaḥ | ālokanīyaś ca mahā-janasya vrajeta kāmāna bhaya-kara-vaira-ghorān | iti ||
ārya-mahā-karuṇā-puṇḍarīka-sūtre * apy uktaṃ |tiṣṭhatu tāvad ānanda yo māṃ saṃmukhaṃ sat-kuryāt | tiṣṭhatu me śarīrasya pūjā sarṣapa-phala-ma-treṣu dhātuṣu | tiṣṭhatu mām uddiśya kṛteṣu stūpeṣu sat-kāraḥ | ye ke-cid ānanda buddham ālambya + antaśa eka-puṣpam apy ākāśe kṣepsyanti | tasya puṇya-skandhasya yo vipākaḥ saced yāvān an-ādiḥ saṃsāro yasya pūrvā koṭir na prajñāyate | tāvataḥ kalpān saṃsaratāṃ teṣāṃ śakratvaṃ brahmatvaṃ cakra-vartitvaṃ | na śakyas tat-paryanto * adhigantum | tiṣṭhatu buddha-ālambatā + antaśa ākāśe * apy eka-puṣpa-nikṣepaḥ | saced antaśaḥ svapna-antara-gatā api satvā buddham ālambya + ākāśe eka-puṣpam api kṣepsyanti tad apy ahaṃ kuśala-mūlaṃ nirvāṇa-paryavasānaṃ vadāmi + iti ||
uktaṃ ca + ārya-bṛhatsāgara-nāga-rāja-paripṛcchāyāṃ | aṣṭābhir bhuja-ga-adhipate dharmaiḥ samanvāgatā bodhi-satvāḥ satata-samitaṃ buddha-samavadhānaṃ pratilabhante | katamair aṣṭābhiḥ | buddha-bimba-darśana-satva-samādāpanatayā | tathā-gatasya + upasthāna-karaṇatayā | tathā-gatasya + abhīkṣṇaṃ varṇa-bhāṣaṇatayā | tathā-gata-pratimā-karaṇatayā | tathā-gata-darśana-sarva-satva-samādāpanatayā | yatra ca buddha-kṣetre tathā-gata-śravaṃ śṛṇvanti tatra praṇidhānam utpādayanti | na ca + avalīna-saṃtatayo bhavanti | udāra-saṃtatikāś ca buddha-jñānam abhilaṣantae iti ||
kiṃ punaḥ puṇya-vṛddhy-arthino buddha-samavadhānena prayojana-bhūtaṃ | yasya guṇa-paryantam a-sarva-jño na + adhigacchet ||
yathā + ārya-gaṇḍa-vyūhe saṃvarṇitaṃ | su-dur-labho buddha-śabdaḥ kalpa-koṭi-śatair api | kiṃ punar darśanaṃ sarva-kāṅkṣā-cchedanam uttamam ||
su-dṛṣṭo loka-pradyotaḥ sarva-dharma-gatiṃ gataḥ | puṇya-tīrthaṃ trailokasya sarva-satva-viśodhanam ||
mahat puṇyam ayaṃ kṣetraṃ muditaṃ jñāna-maṇḍalaṃ | bhāsayaty abhitaṃ lokaṃ puṇya-skandha-vivarddhanam ||
chedano duṣkha-jālasya jñāna-skandha-viśodhanaḥ | na dur-gati-bhayaṃ teṣāṃ yair iha + ārāgito jinaḥ ||
vipulaṃ jāyate cittaṃ paśyatāṃ dvi-pada-uttamaṃ | prajñā-balam a-saṃkhyeyaṃ jāyate ca prabhāsvaraṃ ||
punar atra + eva + āha | arthāya sarva-satvānām utpadyante tathā-gatāḥ | mahā-kāruṇikā vīrā dharma-cakra-pravartakāḥ ||
pratikartuṃ kathaṃ śakyaṃ buddhānāṃ sarve-dehibhiḥ | satva-artheṣv abhiyuktānāṃ kalpa-koṭi-śatair api ||
kalpa-koṭiṃ varaṃ paktuṃ try-apāye bhṛśa-dāruṇe | na tv eva + a-darśanaṃ śāstuḥ sarva-sarga-nivartinaḥ ||
yāvantaḥ sarva-lokasminn apāya-gatayaḥ pṛthak | varaṃ tatra ciraṃ vāso buddhānām a-śrutir na ca ||
kiṃ kāraṇam apāyeṣu nivāsaś ciram iṣyate | yat-kāraṇaṃ jina-indrasya darśanaṃ jñāna-vardhanam ||
chidyante sarva-duṣkhāṇi dṛṣṭvā loka-īśvaraṃ jinaṃ | saṃbhavaty avatāraś ca jñāne saṃbuddha-go-care ||
kṣapayaty āvṛtīḥ sarvā dṛṣṭvā buddhaṃ nara-uttamam | vardhayaty a-mitaṃ puṇyaṃ yena bodhir avāpyatae | iti ||
tad evam asti puṇya-vṛddhau buddha-samavadhānena prayojanaṃ |api ca pratimā-mātra-darśanam api tāvad a-parimita-phalaṃ tathā-gatānāṃ | kiṃ punaḥ sva-rūpeṇa ||
uktaṃ hy ārya-śraddhā-bala-ādhāna-avatāra-mudrā-sūtre | yaḥ kaś-cin mañjuśrīḥ kula-putraḥ kula-duhitā vā sarva-loka-dhātu-raja-upamānāṃ praty-eka-buddhānāṃ dine dine śata-rasam āhāraṃ dadyāt divyāni ca vastrāṇi | evaṃ dadad gaṅgā-nadī-vālukā-upamān kalpān dadyāt | yaś ca + anyo mañjuśrīḥ kula-putraḥ kula-duhitā vā citra-karma-likhitaṃ vā pustaka-karma-kṛtaṃ vā buddhaṃ paśyed | ayaṃ tato * a-saṃkhyeyataraṃ puṇyaṃ prasavati | kaḥ punar vādo yo * añjali-pragrahaṃ vā kuryāt puṣpaṃ vā dadyāt dhūpaṃ vā gandhaṃ vā dīpaṃ vā dadyād | ayam eva tato * a-saṃkhyeyataraṃ puṇyaṃ prasavati + iti ||
ārya-bodhi-satva-piṭake * api puṇya-vṛddhy-upāya uktaḥ | yas tathā-gata-caityaṃ śodhayati sa catasro * agrāḥ praṇidhāna-viśuddhīr anuprāpnoti | katamāś catasraḥ | agrāṃ rūpa-praṇidhāna-viśuddhiṃ | agrāṃ dṛḍha-samādāna-praṇidhāna-viśuddhiṃ | agrāṃ tathā-gata-darśana-praṇidhāna-viśuddhiṃ |agrāṃ lakṣaṇa-saṃpat-praṇidhāna-viśuddhim iti ||
punar atra + eva + ākhyātaṃ | tathā-gata-caityeṣu puṣpa-avaropaṇaṃ gandha-anulepanaṃ kṛtvā + aṣṭāv a-vi-kalatā anuprāpnoti | katamā aṣṭau | na rūpa-vi-kalo bhavati | na bhoga-vi-kalaḥ | na parivāra-vi-kalaḥ | na śīla-vi-kalaḥ | na samādhi-vi-kalaḥ | na śruta-vi-kalo na prajñā-vi-kalo na praṇidhāna-vi-kala iti ||
uktaṃ ca + ārya-ratna-rāśi-sūtre | ye tri-bhava-paryāpannāḥ satvās te sarve praty-ekaṃ tathā-gata-stūpān kārayeyur evaṃ-rūpān uccaistvena | tad yathā sumeruḥ parvata-rājaḥ | tāṃś ca gaṅgā-nadī-vālikā-samān kalpān praty-ekaṃ sarva-sat-kāraiḥ sat-kuryuḥ | yaś ca bodhi-satvo * a-virahita-sarva-jñatā-cittena + eka-puṣpam apy āropayet | ayaṃ tasmāt pūrvakāt puṇya-skandhād bahutaraṃ puṇyaṃ prasavet ||
atra + eva + uktaṃ | ye khalu punas tri-sāhasra-mahā-sāhasre loka-dhātau satvās te sarve mahā-yāna-saṃprasthitā bhaveyuḥ | sarve ca cakra-varti-rājya-samanvāgatā bhaveyur eka-ekaś ca rājā cakra-vartī mahā-samudra-pramāṇa-dīpa-sthālīṃ kṛtvā | sumeru-mātrāṃ vartīm ādīpya praty-ekam evaṃ-rūpāṃ dīpa-pūjāṃ tathā-gata-caityeṣu pravartayet | yaś ca + abhiniṣkrānta-gṛha-āvāso bodhi-satvas taila-prakṣiptāṃ vartīṃ kṛtvā + ādīpya tathā-gata-caitye dhārayet | asyās taila-prakṣiptāyā varter etat pūrvakaṃ pradīpa-dānaṃ śatatamīm api kalāṃ na + upaiti | yāvad upaniṣadam api na kṣamatae iti | peyālaṃ ||
ye ca khalu punas te rājānaś cakra-vartino buddha-pramukhaṃ bhikṣu-saṃghaṃ sarva-sukha-upadhānaiḥ sat-kuryuḥ yaś ca + abhiniṣkrānta-gṛha-āvāso bodhi-satvaḥ piṇḍa-pātraṃ caritvā pātra-paryāpannaṃ pareṣāṃ saṃvibhajya paribhuñjīta | idaṃ tato bahutaraṃ ca mahā-arghataraṃ ca | yac ca te rājānaś cakra-vartinaḥ sumeru-mātraṃ cīvara-rāśiṃ buddha-pramukhāya bhikṣu-saṃghāya dadyuḥ | yac ca + abhiniṣkrānta-gṛha-āvāso bodhi-satvas tri-cīvaraṃ bahir-dhā mahā-yāna-saṃprasthitāya buddha-pramukhāya bhikṣu-saṃghāya vā tathā-gata-caitye vā dadyād | idaṃ bhikṣoś cīvara-dānam etat pūrvaka-cīvara-rāśim abhibhavati | yac ca te rājānaḥ praty-ekaṃ sarvaṃ jambū-dvīpaṃ puṣpa-saṃstṛtaṃ kṛtvā tathā-gata-caitye niryātayet | yac ca + abhiniṣkrānta-gṛha-āvāso bodhi-satvaḥ antaśa eka-puṣpam api tathā-gata-caitye āropayet | asya dānasya + etat pūrvakaṃ dānaṃ śatatamīm api kalāṃ na + upaiti | yāvad upaniṣadam api na + upaiti + iti ||
ārya-anupūrva-samudgata-parivarte * api deśitaṃ | catura imān bhadra-anuśaṃsān paśyan bodhi-satvas tathā-gata-pūjāyām utsuko bhavati | katamāṃś caturaḥ | agraś ca me dakṣiṇīyaḥ pūjito bhaviṣyati māṃ ca dṛṣṭvā + anye * api tathā śikṣiṣyanti | tathā-gataṃ ca pūjayitvā bodhi-cittaṃ dṛḍhaṃ bhaviṣyati | dvātriṃśatāṃ ca mahā-puruṣa-lakṣaṇānāṃ saṃmukha-darśanena kuśala-mūlam upacitaṃ bhaviṣyati | imāś catvāraḥ iti ||
idaṃ ca nir-uttaraṃ tathā-gata-pūjā-upasthānaṃ |yathā + udāhṛtam ārya-sāgaramati-paripṛcchā-sūtre | trīṇi + imāni sāgaramate tathā-gatasya nir-uttarāṇi pūjā-upasthānāni | katamāni trīṇi | yac ca bodhi-cittam utpādayati | yac ca sad-dharmaṃ parigṛhṇāti | yac ca satveṣu mahā-karuṇā-cittam utpādayati + iti ||
nirdiṣṭam apy ārya-ratna-meghe | daśabhiḥ kula-putra dharmaiḥ samanvāgatā bodhi-satvā an-anuliptā garbha-malena jāyante | katamair daśabhiḥ | yad uta | tathā-gata-pratimā-karaṇatayā | jīrṇa-caitya-saṃskaraṇatayā | tathā-gata-caityeṣu gandha-vilepana-anupradānena | tathā-gata-pratimāsu gandha-udaka-snāna-anupradānena | tathā-gata-caityeṣu saṃmārjana-upalepana-anupradānena | mātā-pitṝṇāṃ kāya-paricaryā-ācaraṇena ācārya-upādhyāyānāṃ kāya-paricaryā-ācaraṇena | sa-brahma-cāriṇāṃ kāya-paricaryā-ācaraṇena | tac ca nir-āmiṣeṇa cittena na sa-āmiṣeṇa | tac ca kuśalam evaṃ pariṇāmayanti | anena kuśala-mūlena sarva-satvā nir-upaliptā garbha-malena jāyantām iti | tac ca tīvreṇa + āśayena cintayanti | ebhiḥ kula-putra daśabhir dharmair iti ||
anumodana-anuśaṃsās tv ārya-prajñā-pāramitāyām uktāḥ | yaḥ prathama-yāna-saṃprasthitānāṃ bodhi-satvānāṃ mahā-satvānāṃ tāṃś citta-utpādān anumodate |caratām api bodhi-satva-caryāṃ tāṃś citta-utpādān anumodate | a-vinivartanīyām api a-vinivartanīya-dharmatām anumodate bodhi-satvānāṃ mahā-satvānāṃ | kiyantaṃ sa bhagavan kula-putro vā kula-duhitā vā bahutaraṃ puṇya-skandhaṃ prasavati ||
evam ukte bhagavān śakraṃ devānām indram etad avocat | pe | syāt khalu punaḥ kauśika tri-sāhasra-mahā-sāhasrasya loka-dhātoḥ pala-agreṇa tulyamānasasya pramāṇam udgrahītuṃ | na tv eva kauśika bodhi-satvasya mahā-satvasya teṣām anumodanā-saha-gatānāṃ citta-utpādānāṃ puṇya-pramāṇaṃ grahītuṃ ||
evam ukte śakro devānām indro bhagavantam etad avocat | māra-adhiṣṭhitās te bhagavan satvā veditavyā | ye bodhi-satvānāṃ mahā-satvānāṃ prathama-citta-utpādam upādāya yāvad an-uttarāṃ samyak-saṃbodhim abhisaṃbuddhānām evam a-prameyam anumodanā-saha-gataṃ puṇyam iti na śṛṇvanti na jānanti | tām anumodanāṃ na samanvāharanti | māra-pakṣikās te bhagavan satvā bhaviṣyanti ||
bhagavān āha | pe | yaiḥ kauśika kula-putraiḥ kula-duhitṛbhiś ca + ime citta-utpādā anumoditā bodhi-satva-yānikair vā praty-eka-buddha-yānikair vā śrāvaka-yānikair vā | te kṣipraṃ tathā-gatān arhataḥ samyak-saṃbuddhān ārāgayiṣyanti ||
bhagavān āha ||
evaṃ tair anumodanā-saha-gataiś citta-utpāda-kuśala-mūlair yatra yatra + upapatsyante tatra tatra sat-kṛtāś ca bhaviṣyanti guru-kṛtāś ca mānitāś ca pūjitāś ca arcitāś ca apacāyitāś ca bhaviṣyanti | na ca te * a-mana-āpāni rūpāṇi drakṣyanti | na ca te * a-mana-āpān śabdān śroṣyanti | evaṃ na gandhān na rasān na spraṣṭavyān sprakṣyanti na ca teṣām apāyeṣu + upapattiḥ pratikāṅkṣitavyā svarga-upapattis teṣāṃ pratikāṅkṣitavyā | tat kasya hetoḥ | tathā hi taiḥ satvaiḥ sarva-satva-sukha-āvahanāni a-saṃkhyeyānāṃ satvānāṃ kuśala-mūlāny anumoditāni yāvad an-uttarāṃ samyak-saṃbodhim abhisaṃbuddhya + a-prameya-a-saṃkhyeyān satvān parinirvāpayiṣyanti + iti ||
punar atra + eva + āha | ye subhūte gaṅgā-nadī-vālikā-upameṣu tri-sāhasra-mahā-sāhasreṣu loka-dhātuṣu sarva-satvās te sarve * an-uttarāṃ samyak-saṃbodhiṃ pratitiṣṭheyur an-uttarāṃ samyak-saṃbodhiṃ pratiṣṭhāya gaṅgā-nadī-vālikā-samān kalpān upalambha-saṃjñinaś catvāri dhyānāni samāpadyeran | yaś ca bodhi-satvo mahā-satvo * anayā prajñā-pāramitayā upāya-kauśalyena ca parigṛhītā + atīta-an-āgata-praty-utpannānāṃ buddhānāṃ bhagavatāṃ śīla-samādhi-prajñā-vimukti-vimukti-jñāna-darśana-skandhaṃ | śrāvakānāṃ praty-eka-buddhānām api śīla-samādhi-prajñā-vimukti-vimukti-jñāna-darśana-skandhaṃ sarvam ekato * abhisaṃkṣipya piṇḍayitvā tulayitvā nir-avaśeṣam anumodeta + agrayā + anumodanayā jyeṣṭhayā śreṣṭhayā varayā pravarayā praṇītayā uttarayā nir-uttarayā uttara-uttarayā a-samayā + a-sama-samayā + a-prati-samayā + anumodanayā + anumodya + anumodanā-saha-gataṃ
[doubtful]
puṇya-kriyā-vastv an-uttarāyai samyak-saṃbodhaye pariṇāmayati | asya subhūte * anumodanā-saha-gatasya puṇya-kriyā-vastuno * asau pūrvaka aupalambhikānāṃ bodhi-satvānāṃ catur-dhyāna-mayaḥ puṇya-abhisaṃskāraḥ śatatamīm api kalāṃ na + upaiti yāvad upaniṣadam api na kṣamatae iti ||
ayam eva nayaḥ pariṇāmanāyām uktaḥ | atha-vā + agra-pariṇāmanayā pariṇāmitatvāt sarva-puṇyānām asya buddhatvāya sat-kṛta-praṇidhi-buddhatvam eva syāt | ataḥ kā parā puṇya-vṛddhiḥ | tad * dhy a-śeṣa-satva-mokṣa-kṛta-puṇya-jñāna-upetaṃ nir-vikalpaṃ ca ||
adhyeṣaṇāyās tv anuśaṃsā ārya-ugra-paripṛcchāyām uktā dharma-grāhyatām upādāya + a-prameya-a-saṃkhyeyeṣu buddha-kṣetreṣv āyuḥ parirakṣaṇāya + iti ||
ārya-śikṣā-samuccaye vandanā-ādy-anuśaṃsā saptadaśa-paricchedaḥ samāptaḥ ||
[XVIII ratnatrayānusmṛti]
ratna-traya-anusmṛtir nāma + aṣṭādaśaḥ paricchedaḥ ||
uktā bhadra-caryā-vidhinā puṇya-vṛddhiḥ | asyāś ca + ayam a-paro hetuḥ | yo * ayaṃ śraddhā-ādīnāṃ sadā + abhyāsaḥ ||
yathā + uktam ārya-tathā-gata-guhya-sūtre | catvāra ime mahā-rāja dharmā mahā-yāna-saṃprasthitānāṃ viśeṣa-gāmitāyai saṃvartante * a-parihāṇāya ca | katame catvāraḥ | śraddhā mahā-rāja viśeṣa-gāmitāyai saṃvartate * a-parihāṇāya | tatra katamā śraddhā | yayā śraddhayā āryān upasaṃkrāmati | a-karaṇīyaṃ ca na karoti ||
gauravaṃ mahā-rāja viśeṣa-gāmitāyai saṃvartate | yena gauraveṇa su-bhāṣitaṃ śṛṇoti śuśrūṣate * a-virahita-śrotraś ca dharmaṃ śṛṇoti ||
nir-mānatā mahā-rāja viśeṣa-gāmitāyai saṃvartate | yayā nir-mānatayā āryāṇām abhinamati praṇamati namasyati ||
vīryaṃ mahā-rāja viśeṣa-gāmitāyai saṃvartate * a-parihāṇāya | yena vīryeṇa kāya-laghutāṃ citta-laghutāṃ ca pratilabhate sarva-kāryāṇi ca + uttārayati ||
ime mahā-rāja catvāra iti ||
eṣāṃ śraddhā-ādīnāṃ sadā + abhyāsaḥ kāryaḥ | atha-vā + anyeṣāṃ śraddhā-ādīnāṃ ||
yathā + āha ārya-akṣayamati-sūtre pañca + imāni + indriyāṇi | katamāni pañca | śraddhā-indriyaṃ vīrya-indriyaṃ smṛti-indriyaṃ samādhi-indriyaṃ prajñā-indriyam iti ||
tatra katamā śraddhā | yathā śraddhāyāś caturo dharmān abhiśraddadhāti | katamāṃś caturaḥ | saṃsāra-avacarīṃ laukikīṃ samyag-dṛṣṭiṃ śraddadhāti | sa karma-vipāka-prati-śaraṇo bhavati | yad yat karma kariṣyāmi tasya tasya karmaṇaḥ phala-vipākaṃ pratyanubhaviṣyāmi + iti | sa jīvita-hetor api pāpaṃ karma na karoti | bodhi-satva-cārikām abhiśraddadhāti | tac-caryā-pratipannaś ca + anyatra yāne spṛhāṃ na + utpādayati | parama-artha-nīta-arthaṃ gambhīra-pratītya-samutpāda-nairātmya-niḥ-satva-nir-jīva-niḥ-pudgala-vyavahāra-śūnyatā-nimitta-a-praṇihita-lakṣaṇān sarva-dharmān śrutvā śraddadhāti | sarva-dṛṣṭi-kṛtāni ca na + anuśete sarva-buddha-dharmān bala-vaiśāradya-prabhṛtīṃś ca śraddadhāti | śraddhāya ca vigata-kathaṃ-kathas tān buddha-dharmān samudānayati | idam ucyate śraddhā-indriyam ||
tatra katamad vīrya-indriyaṃ | yān dharmān śraddhā-indriyeṇa śraddadhāti tān dharmān vīrya-indriyeṇa samudānayati + idam ucyate vīrya-indriyaṃ ||
tatra katamat smṛti-indriyaṃ | yān dharmān vīrya-indriyeṇa samudānayati tān dharmān smṛti-indriyeṇa na vipraṇāśayati | idam ucyate smṛti-indriyam ||
tatra katamat samādhi-indriyaṃ | yān dharmān smṛti-indriyeṇa na vipraṇāśayati tān samādhi-indriyeṇa + eka-agrī-karoti + idam ucyate samādhi-indriyaṃ ||
tatra katamat prajñā-indriyam |yān dharmān samādhi-indriyeṇa + eka-agrī-karoti tān prajñā-indriyeṇa pratyavekṣate pratividhyati | yad eteṣu dharmeṣu praty-ātma-jñānam a-para-pratyaya-jñānam idam ucyate prajñā-indriyaṃ ||
evam imāni pañca-indriyāṇi sahitāny anuprabaddhāni sarva-buddha-dharmān paripūrayanti | vyākaraṇa-bhūmiṃ ca + āpyayanti iti ||
śraddhā-ādīnāṃ balānāṃ sadā + abhyāsaḥ kāryaḥ | yathā + uktam ārya-ratna-cūḍa-sūtre | tatra katamat kula-putra bodhi-satvasya bala-caryā-pariśuddhiḥ | yad ebhir eva + indriyair upastabdho * an-avamardyo bhavati sarva-māraiḥ | a-saṃhāryo bhavati śrāvaka-praty-eka-buddha-yānābhyāṃ | a-vinivartyo bhavati mahā-yānāt | dur-dharṣo bhavati sarva-kleśaiḥ | dṛḍho bhavati pūrva-pratijñāsu | tṛpto bhavati cittena | balavān bhavati kāyena | gupto bhavati + indriyaiḥ | duḥ-parājayo bhavati tīrthi-karaiḥ | ity ādi ||
evaṃ tāvac * chraddhā-ādīnāṃ sadā + abhyāsaḥ puṇya-vṛddhaye ||
kā maitrī ||
yathā + āha candra-pradīpa-sūtre | yāvanti pūjā bahu-vidha a-prameyā yā kṣetra-koṭīn a-yuta-bimbareṣu | tāṃ pūja-kṛtvā puruṣa-vareṣu nityaṃ saṃkhyā-kalāpo na bhavati maitra-citta | iti ||
kā buddha-ādy-anusmṛtiḥ ||
tatra rāṣṭrapāla-sūtre saṃvarṇitā | vandāmi te kanaka-varṇa-nibhā vara-lakṣaṇā vi-mala-candra-mukhā | vandāmi te a-sama-jñāna-parā sadṛśo na te * asti tri-bhave vi-rajā ||
mṛdu cāru snigdha śubha keśa nakhā giri-rāja-tulya tava ca + uṣṇir iha | na + uṣnīṣam īkṣitu tava + asti samo vibhrājate bhruvi tava + ūrṇa mune ||
kunda-indu-śaṅkha-hima-śubhra-nibhā nīla-utpala-abha-śubha-netra-varā | kṛpayā + īkṣase jagad idaṃ hi yayā vandāmi te vi-mala-netra jina ||
jihvā prabhūta tanu tāmra-nibhā vadanaṃ ca chādayasi yena svakaṃ | dharmaṃ vadan vinayase ca jagat vandāmi te madhura-snigdha-girā ||
daśanāḥ śubhāḥ su-dṛḍha vajra-nibhāḥ triṃśad-daśa + apy a-viralāḥ sahitāḥ | kurvan smitaṃ vinayase ca jagat vandāmi te madhura-satya-kathā ||
rūpeṇa ca + a-prati-samo * asi jinaḥ prabhayā ca bhāsayasi kṣetra-śatān | brahma-indra-pāla-jagato bhagavan jihmī-bhavanti tava te prabhayā ||
eṇeya jaṅgha bhagavann a-samā gaja-rāja-barhi-mṛga-rāja-gato | īkṣan vrajasy api yugaṃ bhagavan saṃkampayan dharaṇi-śaila-taṭān ||
kāyaś ca lakṣaṇa-cito bhagavan sūkṣma chavī kanaka-varṇa-nibhā | na + īkṣañ jagad vrajati tṛptim idaṃ rūpaṃ tava + a-pratima-rūpa-dhara ||
tvaṃ pūrva-kalpa-śata-cīrṇa-tapāḥ tvaṃ sarva-tyāga-dama-dāna-rataḥ | tvaṃ sarva-satva-kṛpa-maitra-manāḥ vandāmi te parama-kāruṇikam ||
tvaṃ dāna-śīla-nirataḥ satataṃ tvaṃ kṣānti-vīrya-nirataḥ su-dṛḍhaḥ | tvaṃ dhyāna-prajña-prabha-teja-dharo vandāmi te a-sama-jñāna-dhara ||
tvaṃ vādi-sūra ku-gaṇa-pramathī tvaṃ siṃha-van nadasi parṣadi ca | tvaṃ vaidya-rāja tri-mala-anta-karo vandāmi te parama-prīti-kara ||
vāk-kāya-mānasa-viśuddha mune tri-bhaveṣv a-lipta-jala-padmam iva | tvaṃ brahma-ghoṣa-kalaviṅka-ruto vandāmi te traibhava-pāra-gatam ||
māyā-upamaṃ jagad imaṃ bhavatā naṭa-raṅga-svapna-sadṛśaṃ viditaṃ | na + ātmā na satva na ca jīva-gatī dharmā marīci-daka-candra-samāḥ ||
śūnyāś ca śānta an-utpāda-nayaṃ a-vijānad eva jagad udbhramati | teṣām upāya-naya-yukti-śataiḥ avatārayasy ati-kṛpālutayā ||
rāga-ādibhiś ca bahu-rāga-śataiḥ saṃbhrāmitaṃ satata vīkṣya jagat | vaidya-upamo vicarase * a-pratimo parimocayan su-gata satva-śatān ||
jātī-jarā-maraṇa-śoka-hataṃ priya-vi-prayoga-parideva-śataiḥ | satata-āturaṃ jagad avekṣya mune parimocayan vicarase kṛpayā ||
ratha-cakra-vad bhramati sarva-jagat tiryakṣu preta-niraye su-gatau | mūḍhā a-deśika a-nātha-gatāḥ tasya pradarśayasi mārga-varaṃ ||
ye te babhūvu purimāś ca jināḥ dharma-īśvarā jagati ca + artha-karāḥ | ayam eva taiḥ prakathita-ārya-patho yad deśayasy api vibho * a-pratimaḥ ||
snigdhaṃ hy a-karkaśa mano-jña varaṃ brahma-adhikaṃ parama-prīti-karaṃ | gandharva-kinnara-vara-apsarasām abhibhūya tāṃ giram udāharase ||
satya-ārjava-a-kṣayam upāya-nayaiḥ pariśodhitāṃ giram an-anta-guṇāṃ | śrutvā hi yāṃ niyuta-satva-śatāḥ yāna-trayeṇa janayanti śamam ||
tava pūjayā sukham an-eka-vidham divyaṃ labhanti manu-jeṣu tathā | āḍhyo mahā-dhana mahā-vibhavo bhavate jagad-dhita-karo nṛ-patiḥ ||
bala-cakra-varty api ca dvīpa-patiḥ jagad āvṛṇoti daśabhiḥ kuśalaiḥ | ratnāni sapta labhate su-śubhā tvayi saṃprasāda-janako * a-pratimaḥ ||
brahmā + api śakra api loka-patiḥ bhavate ca saṃtuṣiṭa deva-patiḥ | para-nirmito * api ca sa yāma-patiḥ tvat-pūjayā bhavati ca + api jinaḥ ||
evaṃ hy a-mogha tava pūjā kṛtā saṃdarśanaṃ śravaṇam apy a-samaṃ | bhavate jagad vividha-duḥkha-haraṃ spṛśate padaṃ ca paramaṃ vi-rajaṃ ||
mārga-jña mārga-kuśalā bhagavan ku-pathān nivārayasi lokam imaṃ | kṣeme śive vi-raji ārya-pathe pratiṣṭhāpayasi jagad bhagavan ||
puṇya-arthikasya tava puṇya-nidhe satata-a-kṣayā bhavati puṇya-kriyā | bahu-kalpa-koṭiṣu na yāti kṣayaṃ yāvad * dhi na spṛśati bodhi varāṃ ||
pariśuddha-kṣetra labhate ruciraṃ parinirmita-abha sada prīti-karaṃ | śuddhāś ca kāya-vacasā manasā satvā bhavanty api ca kṣetra-vare ||
ity evam ādi-guṇa na + eka-vidhān labhate jina-arcana-kṛtān manu-jaḥ | svarga-apavarga manu-jeṣu sukhaṃ labhate ca puṇya-nidhi sarva-jage ||
kīrti-yaśaś ca prasṛtaṃ vipulaṃ tava sarva-dikṣu bahu-kṣetra-śatān | saṃkīrtayanti su-gatāḥ satataṃ tava varṇa-māla pariṣatsu jināḥ ||
vigata-jvarā jagati mokṣa-karāḥ priya-darśanā a-sama-kāruṇikāḥ | śānta-indriyā śama-ratā bhagavan vandāmi te nara-vara-pravara ||
labdhā abhijña jina pañca mayā gagane sthitena te niśamya giram | bhavitā + asmi vīra su-gata-pratimo vibhajiṣya dharmam a-malaṃ jagataḥ ||
stutvā + adya sarva-guṇa-pāra-gataṃ nara-deva-nāga-mahitaṃ su-gataṃ | puṇyaṃ yad arjitam idaṃ vipulaṃ jagad āpnuyād api ca buddha-padam |iti ||
atha-vā yathā + ārya-dharma-saṃgīti-sūtre kathitaṃ | punar a-paraṃ buddhā bhagavanto mahā-puṇya-jñāna-saṃbhārā mahā-maitrī-mahā-karuṇā-go-carā mahā-satva-rāśeḥ trāṇa-bhūtā mahā-bhaiṣajya-śalya-hartāraḥ sarva-satva-sama-citta-a-nitya-samādhi-go-carāḥ saṃsāra-nirvāṇa-vimuktā yāvat satvānāṃ mātā-pitṛ-kalpāḥ samāna-maitra-cittāḥ | pe ||
sarva-loka-an-abhibhūtāḥ sarva-lokasya + āloka-bhūtā mahā-yoga-yogino mahā-ātmāno mahā-jana-parivārā viśiṣṭa-jana-parivārā a-nivārita-darśana-śravaṇa-paryupāsanāḥ sva-sukha-nir-apekṣāḥ para-duṣkha-praśamana-priyā dharma-priyā dharma-dharā dharma-āhārā dharma-bhiṣajo dharma-īśvarā dharma-svāmino dharma-dāna-patayo nitya-tyāga-abhiratā nitya-a-pramattā nitya-viveka-abhiratāḥ sarvatra tīrtha-setu-bhūtā mahā-rāja-mārga-prakhyā yāvad * a-secanaka-darśanā buddhā bhagavanta | evaṃ tān anusmarati | evaṃ ca tān anusmṛtya tad-guṇa-pariniṣpatty-arthaṃ smṛtim upasthāpayati + iti ||
tad ucyate buddha-anusmṛtir iti ||
atra + eva dharma-anusmṛtim āha | iha bodhi-satvasya + evaṃ bhavati | yae ete buddhā bhagavanto * an-anta-a-paryanta-guṇā ete dharma-jā dharma-padā dharma-nirmitā dharma-adhipateyā dharma-prabhā dharma-go-carā dharma-prati-śaraṇā dharma-niṣpannāḥ | peyālaṃ ||
yāny api laukikāni loka-uttarāṇi ca sukhāni santi | tāny api dharma-jāni dharma-niṣpannāni | tasmān mayā bodhy-arthikena dharma-gurukeṇa bhavitavyaṃ | dharma-gauraveṇa dharma-prati-śaraṇena dharma-parāyaṇena dharma-sāreṇa dharma-anva ... dharma-pratipannena | iti + iyam ucyate bodhi-satvasya dharma-anusmṛtiḥ ||
punar a-paraṃ bodhi-satvasya + evaṃ bhavati | samo hi dharmaḥ samaḥ satveṣu pravartate | dharmo hīna-madhya-viśiṣṭa-an-apekṣyaḥ pravartate | tathā mayā dharma-sadṛśa-cittena bhavitavyaṃ | na dharmo sukha-prekṣikayā pravartate | a-pakṣa-patito hi dharmaḥ | tathā mayā dharma-sadṛśa-cittena bhavitavyaṃ |na dharmaḥ kālam apekṣya pravartate |ākāliko hi dharmaḥ | aihipaśyikaḥ | praty-ātma-vedanīyaḥ |tathā mayā dharma-sadṛśa-cittena bhavitavyaṃ |na dharma udāre pravartate hīneṣu na pravartate | an-unnāma-avanāmo hi dharmaḥ |tathā mayā dharma-sadṛśa-cittena bhavitavyaṃ |na dharmaḥ śuddheṣu pravartate kṣateṣu na pravartate | utkarṣa-apakarṣa-apagato hi dharmas tathā mayā dharma-sadṛśa-cittena bhavitavyaṃ |na dharma āryeṣu pravartate pṛthag-janeṣu na pravartate | kṣetra-dṛṣṭi-vigato hi dharmaḥ | tathā mayā dharma-sadṛśa-cittena bhavitavyaṃ | na dharmo divā pravartate rātrau na pravartate | rātryāṃ vā pravartate divā na pravartate | sadā + adhiṣṭhito hi dharmaḥ | tathā mayā dharma-sadṛśa-cittena bhavitavyam | na dharmo vinaya-velām atikrāmati | na dharmasya kva-cid vilambaḥ | tathā mayā dharma-sadṛśa-cittena bhavitavyam | na dharmasya + ūnatvaṃ na pūrṇatvam a-prameya-a-saṃkhyeyo hi dharma ākāśa-van na kṣīyate na vardhate | tathā mayā dharma-sadṛśa-cittena bhavitavyaṃ | na dharmaḥ satvai rakṣyate | dharmaḥ satvān rakṣati | tathā mayā dharma-sadṛśa-cittena bhavitavyaṃ |na dharmaḥ śaraṇaṃ paryeṣate |dharmaḥ sarva-lokasya śaraṇaṃ |tathā mayā dharma-sadṛśa-cittena bhavitavyaṃ |na dharmasya kva-cit pratighāto | a-prati-hata-lakṣaṇo hi dharmaḥ |tathā mayā dharma-sadṛśa-cittena bhavitavyaṃ |na dharmo * anuśayaṃ vahati | nir-anuśayo hi dharmaḥ |tathā mayā dharma-sadṛśa-cittena bhavitavyam | na dharmaḥ saṃsāra-bhaya-bhīto na nirvāṇa-anunītaḥ | sadā nir-vikalpo hi dharmaḥ |tathā mayā dharma-sadṛśa-cittena bhavitavyam |evaṃ bodhi-satvo dharma-vad dharme smṛtim upasthāpayati | tad ucyate dharma-anusmṛtir iti ||
atra + eva + āha | saṃgho hi dharma-vādī dharma-caraṇo dharma-cintako dharma-kṣetraṃ dharma-dharo dharma-prati-śaraṇo dharma-pūjako dharma-kṛtya-kārī dharma-go-caro dharma-cāritra-saṃpannaḥ | sva-bhāva-ṛjukaḥ sva-bhāva-śuddhaḥ sa-anukrośo dharma-anukāruṇikaḥ sadā viveka-go-caraḥ | sadā dharma-parāyaṇaḥ sadā śukla-kārī + ity ādi ||
tatra bodhi-satvasya saṃgham anusmarataḥ evaṃ bhavati | yae ete saṃghasya bhūtā guṇā ete mayā + ātmanaḥ sarva-satvānāṃ ca niṣpādayitavyā iti ||
yathā + ārya-vimalakīrti-nirdeśe bodhi-satva-guṇā uktās tathā saṃgha-anusmṛtir bhāvyā | sarva-satvāna ye rūpā ruta-ghoṣāś ca īritāḥ | eka-kṣaṇena darśenti bodhi-satvā viśāradāḥ ||
te jīrṇa-vyādhitā bhonti bodhi-satvā mṛtam ātmāna darśayī |satvānāṃ paripākāya māyā-dharma vikrīḍitāḥ ||
kalpa-uddāhaṃ ca darśenti uddahitvā vasuṃ-dharām | nitya-saṃjñina satvānām a-nityam iti darśayī ||
satvaiḥ śata-sahasrebhir eka-rāṣṭre nimantritāḥ | sarveṣāṃ gṛha bhuñjanti sarvān nāmanti bodhaye ||
ye ke-cin mantra-vidyā vā śilpa-sthānā bahu-vidhāḥ | sarvatra pārami-prāptāḥ sarva-satva-sukha-āvahāḥ ||
yāvanto loka pāṣaṇḍāḥ sarvatra pravrajanti te | nānā-dṛṣṭi-gataṃ prāptāṃs te satvān paripācati ||
candrā vā bhonti sūryā vā śakra-brahma-praja-īśvarāḥ | bhavanti āpas tejaś ca pṛthivī mārutas tathā ||
roga antara-kalpeṣu bhaiṣajyaṃ bhonti uttamāḥ | yena te satva mucyante sukhī bhonti an-āmayāḥ ||
dur-bhikṣā-antara-kalpeṣu bhavantī pāna-bhojanam |kṣudhā-pipāsām apanīya dharmaṃ deśenti prāṇinām ||
śastra antara-kalpeṣu maitrī-dhyāyī bhavanti te | a-vyāpāde niyojenti satva-koṭi-śatān bahūn ||
mahā-saṃgrāma-madhye ca sama-pakṣā bhavanti te | sandhi-sāmagri rocenti bodhi-satvā mahā-balāḥ ||
ye ca + api nirayāḥ ke-cid buddha-kṣetreṣv a-cintiṣu | saṃcintya tatra gacchanti satvānāṃ hita-kāraṇāt ||
yāvantyā gatayaḥ kāś-cit tiryag-yonau prakāśitāḥ | sarvatra dharmaṃ deśenti tena ucyanti nāyakāḥ ||
kāma-bhogāṃś ca darśenti dhyānaṃ ca dhyāyināṃ tathā | vidhvasta māraṃ kurvanti avatāraṃ na denti te ||
agni-madhye yathā padmam a-bhūtaṃ taṃ vinirdiśet | evaṃ kāmāṃś ca dhyānaṃ ca a-bhūtaṃ te vidarśayī ||
saṃcintya gaṇikāṃ bhonti puṃsām ākarṣaṇāya te | rāga-aṅku saṃlobhya buddha-jñāne sthāpayanti te ||
grāmikāś ca sadā bhonti sa-artha-vāhāḥ puro-hitāḥ | agra-amātya + atha ca + amātyaḥ
[doubtful]
satvānāṃ hita-kāraṇāt ||
daridrāṇāṃ ca satvānāṃ nidhānā bhonti a-kṣayāḥ | teṣāṃ dānāni datvā ca bodhi-cittaṃ janenti te ||
māna-stabdheṣu satveṣu mahā-nagnā bhavanti te | sarva-mānasam udghātaṃ bodhiṃ prārthenti uttamām ||
bhaya-arditānāṃ satvānāṃ saṃtiṣṭhante * agrataḥ sadā | a-bhayaṃ teṣu datvā ca paripācenti bodhaye ||
pañca-abhijñāś ca te bhūtvā ṛṣayo brahma-cāriṇaḥ | śīle satvān niyojenti kṣānti-sauratya-saṃyame ||
upasthāna-gurūn satvān paśyanti + iha viśāradāḥ | ceṭā bhavanti dāsā vā śiṣyatvam upayānti ca ||
yena yena + eva ca + aṅgena satvo dharma-rato bhavet | darśenti hi kriyāḥ sarvā mahā-upāya-su-śikṣitāḥ ||
yeṣām an-antā śikṣā hi an-antaś ca + api go-caraḥ | an-anta-jñāna-saṃpannā an-anta-prāṇi-mocakāḥ ||
na teṣāṃ kalpa-koṭībhiḥ kalpa-koṭi-śatair api | buddhair api vadadbhis tu guṇa-antaḥ su-vaco bhaved | iti ||
yathā + ārya-ratna-ulkā-dhāraṇyāṃ bodhi-satva-guṇā uktās tathā bhāvayitavyāḥ | raśmi pramuñciya mālya-viyūhā mālya-vataṃsaka mālya vitānāḥ | mālya-vicinna-vikīrṇa-samantāḥ te jina-pūja karonti mahā-ātmā ||
raśmi pramuñciya cūrṇa-viyūhā cūrṇa-vataṃsaka cūrṇa-vitānāḥ | cūrṇa-vicitra-vikīrṇa samantān te jina-pūja karonti maha--ātmā ||
raśmi pramuñciya padma-viyūhā padma-vataṃsaka padma-vitānā | padma-vicitra-vikīrṇa-samantān te jina-pūja karonti mahā-ātmā ||
raśmi pramuñciya hāra-viyūhā hāra-vataṃsaka hāra-vitānā | hāra-vicitra-vikīrṇa-samantān te jina-pūja karonti mahā-ātmā ||
raśmi pramuñciya dhvaja-agra-viyūhā te dhvaja pāṇḍura-lohita-pītāḥ | nīlam an-eka patāka vicitrā ||
dhvaja samalaṃ-karite jina-kṣetrāḥ te maṇi-jāla-vicitra-viyūhā | paṭṭa patāka pralambita dāmā kiṅkiṇi-jāla jina-svara-ghoṣān ||
chatra dharenti tathā-gata-mūrdhne te yatha eka-jinasya karonti | pāṇi-talāt tu a-cintiya-pūjāṃ evam a-śeṣata-sarva-jinānāṃ ||
eṣa samādhi vikurva ṛṣīṇāṃ te jaga-saṃgraha-jñāna-vikurvā | agra-samādhy-abhinirharamāṇāḥ sarva-kriyā upacāra sukhebhiḥ ||
satva vinenti upāya-sahasraiḥ ke-ci tathā-gata-pūja-mukhena | dāna a-cinti a-tyāga-mukhena sarva-dhutaṃ-guṇa-śīla-mukhena ||
a-kṣaya-kṣānti a-kṣobhya-mukhena ke-ci vrataṃ tapa-vīrya-mukhena | dhyāna praśānti vihāra-mukhena sv-artha-viniścaya-prajña-mukhena ||
sarva upāya sahasra-mukhena brahma-vihāra abhijña-mukhena | saṃgraha-vastu hita-eṣi-mukhena puṇya-samuccaya jñāna-mukhena ||
satya-pratītya vimokṣa-mukhena ke-ci bala-indriya-mārga-mukhena | śrāvaka-yāna-vimukti-mukhena pratyaya-yāna-viśuddhi-mukhena ||
uttama-yāna-vikurva-mukhena ke-cid a-nityata-duṣkha-mukhena | ke-ci nir-ātma-ni-jīva-mukhena a-śubhata saṃjñi-virāga-mukhena ||
śānta-nirodha-samādhi-mukhena yātuka carya-mukhā jagatī ye |yātuka dharma-mukhāḥ pratiyantaḥ te tu samanta-vimokṣa-mukhena ||
satva vinenti yathā-āśaya loke ye tu samanta-vimokṣa-mukhena | satva vinenti yathā-āśaya loke teṣa nimitta na śakya grahītuṃ ||
kena-cid eṣa samādhi-vikurvāḥ tena ti-vyūhata
[doubtful]
agra-samādhiḥ | sarva-jagat-paripāca-nulomā sarva-ratī mukha-prīti-praharṣāḥ ||
cintiya darśayi sarva vinenti yatra dur-bhikṣa su-dur-labha sarvaṃ | ye pariṣkāra sukha-āvaha loke tatra ca sarva-bhiprāya-kriyābhiḥ ||
dātu dadanti karonti jaga-arthaṃ te vara-bhojana-pāna-rasa-agraiḥ |vastra-nibandhana-ratna-vicitraiḥ rājya-dhana-ātma-priyaiḥ parityāgaiḥ ||
dāna-dhimukti jagad vinayanti te vara-lakṣaṇa-citrita-gātrā | uttama ābharaṇā vara-dhīrāḥ mālya-vibhūṣita-gandha-nuliptā ||
rūpa vidarśiya satva vinenti darśana prīti-praharṣa-ratānāṃ | te vara-rūpa-su-rūpa-su-medhāḥ uttama-rūpa nidarśayamānāḥ ||
rūpa-dhimukti jagad vinayanti te madhuraiḥ kalaviṅka-rutebhī | kokila-haṃsa-kuṇāla-raveṇa dundubhi-kinnara-brahma-rutena deśayi sarva-dhimuktiṣu dharmam ||
ye catur eva aśīti sahasrā yebhi jinā jagato * artha karonti | tebhita dharma-prabheda-mukhebhiḥ satva vinenti yathā-āśaya loke ||
te sukha-duṣkha-sahāya karonti artha-an-artha-sahāyaka bhontī | sarva-kriyāsu sahāya bhavitvā satva vinenti sahāya-mukhena ||
duṣkha-upadrava-sat-kṛta-doṣān te tu sahanti sahāya-nidānās | tebhi sahāya sahantiya pīḍāṃ sarva-jagasya hitāya sukhāya ||
yatra na niṣkramaṇaṃ na ca dharmo jñāyati raṇya-gato na ca mokṣaḥ | tatra tu rājya-samṛddhi-sahāya niṣkrama-śānta-manā a-niketāḥ ||
te gṛha-bandhana-tṛṣṇa-niketāt sarva-jagat-parimocana-hetoḥ | sarvata kāma-ratī a-niketā niṣkrama-moks.a prabhāvayamānāḥ ||
te daśa carya prabhāvayamānā ācari dharma mahā-puruṣāṇāṃ | sarvam a-śeṣata carya ṛṣīṇāṃ bhāvayamāna karonti jaga-arthaṃ ||
yatr amita-āyuṣa satva bhavantī saukhya-samarpita-manda-kileśāḥ | tatra jarā-ardita vyādhina-pṛṣṭā darśayi mṛtyu-vaśaṃ a-vaśa-ātmā ||
rāga-pradīpitu doṣa-pradīptaṃ moha-mahā-agni-pradīpitu lokam | prajvalitaṃ jara-vyādhita-mṛtyu loka nidarśayi satva vinenti ||
daśa-balaiś catur-vaiśāradyair aṣṭadaśair api dharma-viśeṣaiḥ | buddha-mahā-ātma tu sūcayamānāḥ buddha-guṇebhi karonti jaga-artham ||
te ca adeśa ṛddhy-anuśāstī rūpa-dhiṣṭhāna-balena samantāt | darśayamāna tathā-gata ṛddhī ṛddhi-vikurvita satva vinenti ||
te vividhehi upāya-nayehi loka-vicāri karonti jaga-arthaṃ | loki a-lipta jale yatha padmaṃ prīti-prasāda-karā vicaranti ||
kāvya-karāḥ kavi-rāja bhavantī te naṭa-nartaka jhallaka-mallāḥ | utkuṭa-śobhika-hāraka-nṛtyā māya-karāḥ pṛthu rūpa-nidarśī ||
grāmika nāyaka sārathi bhontī sa-arthika śreṣṭhika gṛha-pati bhonti | rāja amātya puro-hita-dūtā vaidya-viśārada-śāstra-vidhi-jñāḥ ||
te aṭavīṣu mahā-druma bhontī auṣadha a-kṣaya-ratna-nidhānāḥ | cinta-maṇi druma kāma-dadāś ca deśika utpatha-mārga-gatānāṃ ||
arcciya santu tu loka viditvā karma-vidhīṣu a-jānaka satvāḥ | te kṛṣi-karma-prayoga-vaṇijyā śilpi-vicitra prabhāvayi loke ||
ye a-viheṭha a-hiṃsa-prayogaḥ sarva-sukha-āvaha-vijña-praśastāḥ | vidya-bala-auṣadhi śāstra-vicitrāḥ sarva prabhāvita tebhi ṛṣībhiḥ ||
ye ṛṣiṇāṃ caraṇāḥ parama-agrā yatra + adhimukta sa-devaku lokaḥ | ye vrata-duṣ-kara ye tapa-śreṣṭhāḥ sarvi prabhāvita tebhi vidūbhiḥ ||
te carakāḥ parivrājaka tīrthyāḥ tāpasa-gotama-mona-carāṇām | nagna acela-guru-śramaṇānāṃ tīrthika ācaryā hi bhavanti ||
te tu ajīvika dharma-carāṇāṃ uttarikāṇa an-uttarikāṇāṃ | dīrgha-jaṭāna kumāra-vratānāṃ teṣv api ācaryā hi bhavanti ||
sūrya-nuvartaka-pañca-tapānāṃ kukkura-go-vratikā mṛga-caryā | cārika tīrthya daśa tritayānāṃ teṣv api ācaryā hi bhavanti ||
devata-jñāna-praveśa-ratānāṃ tīrth-upadarśana-deśa-carāṇāṃ | mūla-phala-ambu-carā api bhūtvā dharma a-cintiya te parama-agrāḥ ||
utkuṭa-sthāyina eka-carāṇāṃ kaṇṭaka-bhasma-tṛṇa-śśayanānāṃ | ye muṣale-śaya
[doubtful]
yukti-vihārī teṣv api ācaryā hi bhavanti ||
yāvata bāhirakāḥ pṛthu-tīrthyā āśaya teṣv adhimukti samīkṣya | tīkṣṇa-dur-āsada-ugra-tapebhī tīrthika duṣkha-prahāṇa vinenti ||
dṛṣṭi-samākula loke viditvā sarva-ku-dṛṣṭi-samāśrita tīrthyāḥ | sūkṣma-padebhir upāyana yebhī satya-prakāśana teṣu karonti ||
keṣu-ci drāmiḍa-mantra-padebhī deśayi satya su-gupta-padebhiḥ | keṣu uja .. vyakta-padebhiḥ keṣu-cid eva rahasya-padebhiḥ ||
keṣu-ci akṣara-bheda-padebhiḥ artha-viniścaya-vajra-padebhiḥ | vādi-pramardana-jñāna-padebhiḥ śāstra-a-dharmaka-mokṣa-padebhiḥ ||
keṣu-ci mānuṣa-mantra-padebhiḥ sarva-praveśa-nirukti-padeṣu | keṣu-ci deva-nirukti-padebhiḥ nāga-niruktita yakṣa-padebhiḥ ||
rākṣasa-atha-gandharva-padebhiḥ bhūta-kumbhāṇḍa-mahā-ura-gakebhiḥ | kiṃnara-apsara-garuḍa-padebhiḥ satya-prakāśana-mokṣ-upanenti ||
te yatha-satya nirukti-vidhi-jñā evam a-śeṣata ye jina-dharmā | dharmam a-cintiya vākya-patha-jñā deśayi eṣa samādhi-vikurvā ||
te jaga-saukhyata agra-samādhī sarva-jage abhinirharamānā | raśmim a-cintiyam utsṛjamānā raśmi pramuñciya satva vinenti ||
raśmi pramuñciya darśayamānā yāvata satva vijānita raśmi | teṣu su-darśana bhoti a-mogham hetu an-uttari jñāna-varasya ||
darśayi buddha vidarśayi dharmaṃ saṃgha nidarśayi mārga narāṇām | darśayi cetika te jina-bimbā tena su-darśana-raśmi nivṛttā ||
raśmi pramuñci prabhaṃ-kara nāmā yā prabha jihma karoti marūṇāṃ | sarva-rajaṃ ca tamaṃ ca hanitvā so prabha bhāsati loka-hitānāṃ ||
tāya prabhāsaya codita satvās te jina-pūja-pradīpa dharentī | te jina-pūja-pradīpa dharitvā loka-pradīpa-karā jina bhonti ||
taila-pradīpa ghṛtasya pradīpā dāru tṛṇā naḍa-veṇu pradīpān | gandha-rasāyana-ratna-pradīpān datva jineṣu prabhaṃ-kara labdhāḥ ||
raśmi pramuñciya pratāraṇi nāmā tāya prabhāsaya codita satvāḥ | ... nāva-pratāraṇi-nadya-patheṣu | dūṣita saṃskṛta varṇita śāntī tena pratāraṇi raśmi nivṛttā ||
raśmi pipāsa-vinodani nāmā tāya prabhāsaya codita satvāḥ | kāma-guṇeṣu tṛṣāṃ prajahitvā dharma-vimukti-rasa-arthika bhonti ||
kāma-guṇeṣu tṛṣāṃ prajahitvā dharma-vimukti-rasa-arthika bhūtvā | buddha bhavanty a-mṛtaṃ-jala-varṣī tṛṣṇa-pipāsa-vinodana loke ||
puṣkariṇī nadi-kūpa-taḍāgā utsaya kārita bodhi-nidānāḥ | kāma vivarṇita varṇita-dhyānā tṛṣṇa-vinodani tena nivṛttā ||
prīti-karī yada raśmi pramuñcī tāya prabhāsaya codita satvāḥ | prīti-phuṭā vara-bodhi-nidānaṃ cinta janenti bhaviṣya svayaṃ-bhū ||
lakṣaṇa-maṇḍita padma-niṣaṇṇā yat kṛta-vigraha kāruṇikānāṃ | bhāṣita buddha-guṇāḥ sada kālaṃ prīti-karī prabha tena nivṛttā ||
raśmi pramuñci ratiṃ-kara nāmā tāya prabhāsaya bodhita satvā | buddha-ratī-rata dharma-ratī-rata saṃgha-ratī-rata te sada bhonti ||
tritaya-ratī-rata te sada bhūtvā buddha-samāgama-dharma-gaṇa-ārye | labdha-nupattika-kṣānti labhanti codita smārita ye bahu satvā ||
buddha-anusmṛti-dharma-gaṇa-ārye bodhi ya citta-guṇān vivaritvā | tena ratiṃ-kara raśmi nivṛttā ||
puṇya-samuccaya-raśmi pramuñcī tāya prabhāsaya codita satvā | dānu dadanti vicitram an-ekaṃ prārthayamānu an-uttaru bodhiṃ ||
āśaya pūritu yācanakānāṃ yajña nir-argaḍa tair yajamānaiḥ | sarva-bhiprāyata dānu daditvā puṇya-samuccaya raśmi nivṛttā ||
jñānavatī yada raśmi pramuñcī tāya prabhāsaya codita satvāḥ | eka tu dharma mukhātu an-ekā dharma-mukhān avabuddhi kṣaṇena ||
dharma-prabheda ... grāhita satvān artha-viniścaya jñāna vibhaktī | dharma-pada-artha-vibhāṣaṇa kṛtvā jñānavatī prabha tena nivṛttā ||
prajña-pradīpaya osari raśmi tāya prabhāsaya codita satvāḥ | śūnya ni-satva a-jāta-vipannān otari dharma a-bhāva-sva-bhāvān | māya-marīci-samā daka-candra-svapna-samān pratibimba-samān vā | dharma a-svāmika śūnya nir-īhān bhāṣati prajña-pradīpa nivṛttā ||
dharma-vikurvaṇi raśmi pramuñcī tāya prabhāsaya codita satvā | dhāraṇi a-kṣaya-koṣu labhitvā sarva-tathā-gata-koṣu labhenti ||
dharma-dharāṇu parigrahu kṛtvā dhārmika-rakṣa karitva ṛṣīṇāṃ | dharma anugraha kṛtva jagasya dharma-vikurvaṇi raśmi nivṛttā ||
tyāgavatī yada raśmi vimuñcī tāya ya matsara codita satvā | jñātvā a-nitya a-śāśvata-bhogān tyāga-ratī-rata te sada bhonti ||
matsara-dur-dama satva a-dāntā jñātva dhanaṃ supina-abhra-sva-bhāvaṃ | bṛṃhita tyāga prasannam anena tyāgavatī-prabha tena nivṛttā ||
niṣ-paridāha ya osari raśmiḥ tāya duḥ-śīlaya codita satvā | śīla-viśuddhi pratiṣṭhita bhūtvā cinta janenti bhaveya svayaṃ-bhūḥ ||
karma-pathe kuśale pariśuddhe śīla samādayi yad bahu-satvān | bodhayi citta samādayanena raśmi nivṛtta sa niṣ-paridāhaḥ ||
kṣānti-viyūha ya osari raśmi tāya ya a-kṣama codita satvāḥ | krodha-khilaṃ adhimāna jahitvā kṣānti-ratī-rata te sada bhonti ||
duḥ-kṛta kṣānti apāya-matīnāṃ citta a-kṣobhita bodhi-nidānaṃ | varṇita kṣānti-guṇāḥ sada-kālaṃ tena nivṛtta sa kṣānti-viyūhā ||
raśmi uttaptavatī yada muñcī tāya kuśīdaya codita satvāḥ | yukta prayukta triṣū rataneṣu pūja karonti a-khinna-prayogāḥ ||
yukta prayukta triṣū rataneṣu pūja karitva a-khinna-prayogāḥ | te catu māra-pathā atikrāntāḥ kṣipra spṛśanti an-uttara bodhiṃ ||
vīrya samādayi yad bahu-satvān pūja karitva triṣū rataneṣu | dharma dharitva kṣayaṃ-gata kāle tena utaptavatī prabha labdhā ||
śānti-karī yada raśmi pramuñcī tāya vibhrāntaya codita satvāḥ | teṣu na rāgu na dveṣa na mohāḥ bodhita bhonti samāhita cittāḥ ||
pāpa ku-mitra kiliṣṭa carīye saṃgaṇikā-vinivartana kṛtvā |varṇita dhyāna praśānta araṇye śānti-karī prabha tena nivṛttā ||
prajña-viyūha ya osari raśmī tāya duḥ-prajña saṃcodita satvāḥ | satya-pratītya vimokṣanaye asmin nidriya jñāna-gatiṃ gata bhonti ||
indriya-jñāna-gatiṃ gata bhūtvā ... | sūrya-pradīpa-samādhi labhitvā prajña-prabhāsa-karā jina bhonti ||
rājya-dhana-ātma-priyaiḥ parityāgaiḥ dharma ya mārgita bodhi-nidānaṃ | taṃ ca sat-kṛtya prakāśiya dharmaṃ raśmi nivṛtta sa prajña-viyūhāḥ ||
buddhavatī yada raśmi pramuñcī tāya prabhāya saṃcodita satvāḥ | buddha sahasra an-eka a-cintyān paśyiṣu padma-vaneṣu niṣaṇṇān ||
buddha-mahā-ātmata buddha-vimokṣā bhāsita buddha-vikurva an-antā | buddha-bala-avi-prabhāvana kṛtvā buddhavatī prabha tena nivṛttā ||
te * a-bhayaṃ-dada raśmi pramuñcī tāya + a-bhaya-ardita satva sa-spṛṣṭāḥ | bhūta-graha-avadha-tāḍana-bandhe mucyiṣu sarv-upasarga-bhayebhyaḥ ||
ye a-bhayena nimantrita satvāḥ prāṇi-badhāt tu nivārita bhonti | trāyita yac-charaṇa-āgata bhītās tena bhayaṃ-dada raśmi nivṛttā ||
sarva-sukha-āvaha osari raśmī tāya gilānaya ātura spṛṣṭāḥ | sarvata vyādhi-dukhāt pratimuktā dhyāna-samādhi-sukhāni labhanti ||
roga-vinodani mūla phal-oṣadha ratna rasāyana gandh-anulepān | phāṇita kṣīra madhū ghṛta telān bhojana pāna daditvaya labdhā ||
buddha-nidarśani raśmi pramuñcī tāya sa-codita āyu kṣayānte | buddha anusmari paśyiṣu buddham te cyuta gacchi sa-buddha-kkṣetraṃ ||
kāla karonti ca smārita buddhā darśita-prīta-karā jina-bimbān | buddha-gatāḥ śaraṇaṃ maraṇa-ante bhāsiya buddha-nidarśani labdhā ||
dharma-prabhāvani raśmi pramuñcī tāya prabhāya saṃcodita satvā | dharma paṭhanti śṛṇvanti likhantī dharma-ratī rata te sada bhonti ||
|dharma-dur-bhikṣaya dyotitu dharmo dharma-gaveṣiṇa pūrita āśā | chanda janitva prayujyatha dharme bhāṣata dharma-prabhāvani labdhā ||
ghoṣavatī yada raśmi pramuñcī buddha-sutā paricodanatāyāṃ | yātuka śabda-pracāru tri-loke sarva tathā-gata-ghoṣa śṛṇvanti ||
ucca svareṇa stavanti maha-rṣīn tūrya-mahattara-ghaṇṭa-pradānaiḥ | sarva-jage jina-ghoṣa-ruta-arthaṃ niścari ghoṣavatī prabha-labdhā ||
te * a-mṛtaṃ-dada raśmi pramuñcī tāya prabhāsaya codita satvāḥ | sarva pramāda ciraṃ prajahitvā sarva-guṇaiḥ pratipadyati yogaṃ ||
duṣkha an-eka upadrava-pūrṇaṃ bhāṣita saṃskṛta nityam a-kṣemaṃ | śānti-nirodha-sukhaṃ sada kṣemaṃ bhāṣayatā a-mṛtaṃ-dada labdhā ||
raśmi viśeṣavatī yada muñcī tāya prabhāsaya codita satvāḥ | śīla-viśeṣa samādhi-viśeṣaṃ prajña-viśeṣa śṛṇonti jinānāṃ ||
śīlata agra samādhita agro prajñata agra mahā-muni-rājā | ya stuta varṇita bodhi-nidānaṃ tena viśeṣavatī prabha labdhā ||
ratna-viyūha ya osari raśmi tāya prabhāsaya codita satvāḥ | akṣara ratna-nidhāna labhitvā pūjayi ratna-varebhi maha-rṣīn ||
ratna-visarga jine jina-stūpe saṃgrahi kṛtsna-janaṃ ratanebhiḥ | ratna-pradāna karitva jinānāṃ raśmi nivṛtta ya ratna-viyūhāḥ ||
gandha-prabhāsa ya osari raśmī tāya prabhāsaya codita satvāḥ | ghrātvā a-mānuṣa gandha mano-jñān buddha-guṇe niyutāni bhavanti ||
gandh-anulepanu-mānuṣa-divyair
[doubtful]
yat kṛta pūja nara-adhipatīnāṃ | gandha-mayān jina-vigraha-stūpān kṛtva nivṛtta su-gandha-prabhāsaḥ ||
muñcati raśmi vicitra-viyūhān indra-patāka-dhvaja-agra vicitrān | tūrya-ninādita-gandha-pradhūpita śobhi-sura-uttama-puṣpa-vikīrṇaṃ ||
tūrya-pratyudgami pūja-jinānāṃ puṣpa-vilepana-dhūpana-cūrṇaiḥ | chattra-dhvaja-agra-patāka-vitānais tena vicitra-viyūha nivṛttāḥ ||
raśmi prasāda-karī yada muñcī pāṇi-tala-upama saṃsthihi bhūmiḥ | śodhayato ṛṣi āśrama-stūpān tena prasāda-karī prabha labdhā ||
muñcati meghavatī yada raśmiṃ saṃsthihi gandha pravarṣati meghaṃ | stūpa vara-aṅgaṇa-gandha-jalena + āsiñciya meghavatī prabha labdhā ||
bhūṣaṇa-vyūha pramuñcatu raśmīn nagna acela su-bhūṣaṇa bhontī | vastra-nibandhana-hāra-vicitraṃ datva vibhūṣaṇa raśmi nivṛttā ||
raśmi rasa-agravatī yada muñcī bhukṣita bhojya rasa-agra labhantī | bhojana pāna vicitra rasa-agrān datva rasa-agravatī prabha labdhā ||
artha-nidarśani muñcati raśmīn ratna-nidhāna labhanti daridrāḥ | a-kṣaya-ratna-nidhiṃ tribhi ratnair dānata artha-nidarśani labdhā ||
cakṣu-viśodhani muñcati raśmīn andha tadā dṛśi rūpa vicitram | dīpa-pradāna jine jina-stūpe cakṣu-viśodhani raśmi nivṛttā ||
śrotra-viśodhani muñcati raśmīn śrotra-vihīna śruṇī pṛthu-śabdān | vādya-pradāna-jine jina-stūpe śrotra-viśodhani raśmi nivṛttā ||
ghrāṇa-viśodhani muñcati raśmīn ghrāyi a-ghrāyita-pūrva su-gandhān | gandha-pradāna jine jina-stūpe ghrāṇa-viśodhani raśmi nivṛttā ||
jihva-viśodhani muñcati raśmīn snigdha-mano-jña-rutai stuti buddhān | vāca dur-ukta vivarjita rukṣā ślakṣṇa udīrita raśmi nivṛttā ||
kāya-viśodhani muñcati raśmīn indriya-hīna su-indriya bhonti | kāya-praṇāma jine jina-stūpe kurvata kāya-viśodhani labdhvā ||
citta-viśodhani muñcati raśmīn unmatu sarva sa-cita bhavanti | citta samādhi-vaśa-anuga kṛtvā citta-viśodhani raśmi nivṛttā ||
rūpa-viśodhani muñcati raśmīn paśyiya cintiya rūpa-nara-indrān | rūpaka-śodhani citra-samantāt stūpa alaṃ-karatā pratilabdhā ||
śabda-viśodhani muñcati raśmīn śabda a-śabdata śūnya vijānī | pratyaya jāta prati-śruta-tulyaṃ śabda-prakāśana raśmi nivṛttā ||
gandha-viśodhani muñcati raśmīn sarva du-gandha su-gandha bhavantī | gandha-vara-agra janair jina-stūpān snāpana-bodhi-druma prabha eṣā ||
te rasa-śodhani muñcati raśmīn sa-dviṣa nir-viṣa bhonti rasa-agrāḥ | buddha sa-śrāvaka-mātṛ-pitṝṇāṃ sarva-rasa-agra-pradāna prabha + eṣāṃ ||
sparśa-viśodhani muñcati raśmīn kakkhaṭa sparśa mṛdū sukha bhontī | śakti-tri-śūla + asi
[doubtful]
tomara-varṣā mālya mṛdū paduma-utpala bhontī ||
duṣya an-eka mṛdū sukha-sparśā saṃstari mārgi vrajanti jinānāṃ | puṣpa-vilepana-cīvara-sūkṣmā mālya-vitāna pradāna prabhā + iyam ||
dharma-viśodhani muñcati raśmīn sarvata romata cintiya dharmān | niścarataḥ śruṇi loka-hitānāṃ toṣayi sarva-dhimukti-jinānām ||
pratyaya jāta a-jāta sva-bhāvā dharma-śarīra a-jāta-śarīrāḥ | dharmata nitya-sthitā gagana-sthā sūcata dharma-viśodhani labdhā ||
raśmi sukhā-pramukhā iti kṛtvā ekatu roma-mukhāt tu ṛṣīṇāṃ | niścari gaṅga-raja-upama raśmī sarva-pṛthag-vidha-karma-prayogāḥ ||
te yatha ekata roma-mukhāto osari gaṅga-raja-upama raśmī | evam a-śeṣata sarvatu romā deśa samādhi-vikurva ṛṣīṇāṃ ||
yena guṇena ya raśmi nivṛttā tasmi guṇeṣu sahāyaka pūrve | teṣu tam eva pramuñcati raśmiṃ jñāna-vikurvaṇa eṣa ṛṣīṇāṃ ||
teṣa ya puṇya sahāyaka pūrve yair anumodita yācita yebhiḥ | yebhi ca dṛṣṭa śubha-upacitaṃ vā te ima raśmi prajānati teṣāṃ ||
ye ca śubha-upacitāḥ kṛta-puṇyāḥ pūjita yebhi punaḥ punaḥ buddhāḥ | arthika chandika buddha-guṇebhiḥ codana teṣa karotiya raśmiḥ ||
sūrya yathā jāty-andha na paśyī na + u ca sa na + asti udeti sa loke | cakṣu-sameta udāgamu jñātvā sarva prayujya svaka svaka dharme ||
evata raśmi mahā-puruṣāṇāṃ asti ca te itare ca na paśyī | mithya-hatā adhimukti-vihīnāḥ dur-labha te ca udāra-matīnāṃ ||
ābharaṇāni nipāna vimānāḥ ratna rasāyana gandh-anulepāḥ | te pi tu asti mahā-ātma-janasya te ca su-dur-labha kṛcchra-gatānāṃ ||
evata raśmi mahā-puruṣāṇāṃ asti ca te itare ca na paśyī | mithya-hatā adhimukti-vihīnāḥ dur-labha te ca udāra-matīnāṃ ||
yasy imu
[doubtful]
raśmi-prabheda śruṇitvā bheṣyanti śraddadhi-mukti
[doubtful]
prasādaḥ | tena na kāṅkṣa na saṃśaya kāryo na + aṅga na bheṣyi mahā-guṇa-ketuḥ ||
te parivāra-viyūha-vikurvā agra-samādhy-abhinirharamāṇāḥ | sarva-daśa-ddiśi a-pratimānāḥ darśayi buddha-sutāḥ parivāraṃ ||
te tri-sahasra-pramāṇu-vicitraṃ padmam adhiṣṭhihi raśmi-viyūhāḥ | kāya-paryaṅka parisphuṭa-padmaṃ darśayi eṣa samādhi-vikurvā ||
te daśa-kṣetra-raja-upama anye padmam adhiṣṭhihi saṃparivāraṃ | sarva parīvṛta buddha-sutebhī ye ca samādhy-a-samādhi-vihārī ||
ye paripācita tena ṛṣīṇāṃ satva niṣpa-dita buddha-guṇeṣu | te parivāri ataṃ maha-padmaṃ sarva udikṣiṣu prāñjali-bhūtāḥ ||
te ca samāhita bāla-śarīre vyutthihi yauvana-vega-sthitebhyaḥ ||
yauvana-vega-sthiteṣu samāhita vyutthihi jīrṇaka vṛddha śarīrāḥ | jīrṇaka-vṛddha-śarīri samāhita vyutthihi śraddha upāsika-kāyāt ||
śraddha upāsika-kāya-samāhita vyutthihi bhikṣuṇi-kāya-śarīrā | bhikṣuṇi-kāya śarīri samāhita vyutthihi bhikṣu-bahu-śruta-kāyāḥ ||
bhikṣu-bahu-śruta-kāya samāhita vyutthihi śaikṣa a-śaikṣa-śarīrāḥ | śaikṣa a-śaikṣa-śarīri samāhita vyutthihi pratyaya-buddha-śarīrā ||
pratyaya buddha śarīri samāhita vyutthihi buddha-vara-agra-śarīrā | buddha-vara-agra-śarīri samāhita vyutthihi devata-kāya śarīrā ||
devata-kāya-śarīri samāhita vyutthihi nāga-maha-rddhika-kāyāḥ | nāga-maha-rddhika-kāya-samāhita vyutthihi yakṣa-maha-rddhika-kāyāḥ ||
yakṣa-maha-rddhika-kāya-samāhita vyutthihi sarvata-bhūta-śarīrāḥ | sarvata-bhūta-śarīri samāhita vyutthihi ekatu-roma-mukhātaḥ ||
ekatu roma-mukhasmi samāhita vyutthihi sarvata roma-mukheṣu | sarviṣu roma-mukheṣu samāhita vyutthihi ekatu vāla-pathātaḥ ||
ekatu vāla-pathasmi samāhita vyutthihi sarvata vāla-pathebhyaḥ | sarviṣu vāla-patheṣu samāhita vyutthihi te parama-aṇu-rajātaḥ ||
eka-rajasmi samāhita bhūtvā vyutthihi sarva-rajebhya a-śeṣam | sarva-rajeṣu samāhita bhūtvā vyutthihi sāgara-vajra-talātaḥ ||
sāgara-vajra-talasmi samāhita vyutthihi te maṇi-vṛkṣa-phalebhyaḥ | vṛkṣa-phaleṣu samāhita bhūtvā vyutthihi raśmi-mukhebhi jinānāṃ ||
raśmi-mukheṣu jināna samāhita vyutthihi sāgara-toya-nadībhyaḥ | sāgara-toya-nadīṣu samāhita vyutthihi teja-pathātu mahā-ātmā ||
teja-pathasmi samāhita bhūtvā vyutthihi vāyu-patha-anusmṛti + imān | vāyu-pathe tu samāhita bhūtvā vyutthihi bhūmi-talānu mahā-ātmā ||
bhūmi-tale tu samāhita bhūtvā vyutthihi sarvatu deva-vimānāt | sarvi tu deva-balāna samāhita vyutthihi te gagana-anusmṛti + imān ||
eti samādhi vimokṣa a-cintyās teṣa a-cintya-guṇa-upacitānāṃ | kalpa a-cintya prabhāṣiyamāṇāḥ sarva-jinebhi na śakya kṣayītum ||
sarva-jinebhi ca bhāṣita ete karma-vipāku jagasya a-cintyo | nāga-vikurvita buddha-vikurvā dhyāyina dhyāna a-cintya vikurvā ||
te ca vaśe sthita aṣṭa vimokṣāḥ śrāvaka eka bhavī-bahu bhontī | bhūtva bahuḥ puna eka bhavitvā dhyāyati prajvalate gaganasmin ||
te hi mahā-karuṇāya vihīnā bodhi an-arthiku loka upekṣī | darśayi kāya-vikurva a-cintyā kasya na darśayi loka hita-eṣī ||
candra sa sūrya nabhe vicarantau darśayi sarva-diśi pratibhāsaṃ | utsa-saro-hrada-kūpa-taḍāge bhājana-ratna-samudra-nadīṣu ||
evam a-cintiya darśiyi rūpaṃ sarva-daśa-ddiśi te nara-vīrāḥ | sarva-samādhi-vimokṣa-vidhi-jñā yatra tathā-gata sākṣi svayaṃ-bhūḥ ||
sāgara-deva rutāvati-nāmā yāvat satva samudry utpannā | teṣu svara-aṅga-ruteṣu vidhi-jñā toṣayi sarva-rutān sva-rutena ||
sā hi sa-rāga sa-doṣa rutāvati sarva-rute pratighoṣa vidhi-jñā | dhāraṇi-dharma-balaṃ vaśi-prāptā kaḥ sa na toṣi sa-devaka-lokam ||
māya-karo yatha vidya-vidhi-jño darśayi rūpa vicitra an-antān | rātri-diva-eka-muhūrtuku māsān varṣa-śataṃ puna sphīta-pradīptān ||
māya-karo hi sa-rāgu sa-doṣo toṣayi māya-vikurvita lokaṃ | dhyāna abhijña vimokṣa-su-śikṣita kasya na toṣayi carya-vidhi-jñaḥ ||
rāhu yatha-iṣa ya nirmaṇi kāyaṃ kurvati vajra pade tala-bandhaṃ | darśana sāgaru nābhi-pramāṇaṃ bhoti sumeru-tale sama śīrṣaḥ ||
so * api sa-rāgu sa-doṣa sa-moho rāhu nidarśayi īdṛśa ṛddhī | māra-pramardana loka-pradīpa kasya na darśayi ṛddhi an-antā ||
paśya a-cintiya śakra-vikurvā deva-sura-indra-raṇasmi pravṛtte | yātuka bimbar-an-eka-surāṇāṃ tātuka nirmaṇi śakru sva-kāyān ||
sarva-sura-indra-surāś ca vijānī śakrama ... purato gata sva-āyum |eṣa gṛhyeta vajra-dharāṇāṃ saṃbhramu gacchisu sarva-sura-indrāḥ ||
netra sahasra bhayaṅ-kara darśī jvāla-pramuñcana vajra gṛhītaṃ | varmita kāya dur-āsada teja śakram udīkṣya palātv asura-indrāḥ ||
so hita itvara-puṇya-balenā śakra vikurvati deva-jaya-arthī | sarva-jagasya a-śeṣata trāṇāṃ a-kṣaya-puṇya kuto na vikurvī ||
... vāyuta saṃbhuta megha-pravarṣī vāyuta megha punaḥ prasamentī | vāyuta sasya virohati loke vāyu sukha-āvaha sarva-jagasya ||
so hi a-śikṣita pāramitāsu buddha-guṇeṣu a-śikṣita vāyuḥ | darśayi loka-vipāka a-cintyā kasya na darśayi te vara-labdhā ||
iti śikṣā-samuccaye ratna-traya-anusmṛti-nāma + aṣṭādaśaḥ paricchedaḥ samāptaḥ ||
[XIX. (puṇyavṛddhi)]
navadaśaḥ paricchedaḥ ||
anyo * api puṇya-vṛddhaye hetuḥ kāryaḥ | yo * ayaṃ sarva-avasthāsu satva-arthaḥ ||
yathā kathitaṃ ca + ārya-ratna-meghe | sa tathā-gata-caitye vā tathā-gata-vigrahe vā puṣpaṃ vā dhūpaṃ vā gandhaṃ vā dadat sarva-satvānāṃ dauḥśīlya-daurgandhya-mala-apanayanāya tathā-gata-śīla-pratilambhāya ca pariṇāmayati | sa san-mārjana-upalepanaṃ kurvan sarva-satvānām a-prāsādika-īryā-patha-vigamāya | prāsādika-īryā-patha-saṃpade ca pariṇāmayati | sa puṣpa-cchatram āropayan sarva-satvānāṃ sarva-kleśa-paridāha-vigamāya pariṇāmayati | sa vihāraṃ praviśann evaṃ cittam utpādayati | sarva-satvān nirvāṇa-puraṃ praveśayeyaṃ | sa niṣkramann evaṃ cittam utpādayati | sarva-satvān saṃsāra-cārakān niṣkrāmayeyaṃ | sa labhana-dvāram udghāṭayann evaṃ cittam utpādayati | sarva-satvānāṃ loka-uttareṇa jñānena nirvāṇa-su-gati-dvāram udghāṭayeyaṃ | sa pithad evaṃ cittam utpādayati | sarva-satvānāṃ sarva-apāya-dvārāṇi pidadhyāṃ | sa niṣīdann evaṃ cittam utpādayati | sarva-satvān bodhi-maṇḍe niṣādayeyaṃ | sa dakṣiṇena pārśvena śayyāṃ kalpayann evaṃ cittam utpādayati | sarva-satvān eva parinirvāpayeyaṃ | sa tato vyuttiṣṭhann evaṃ cittam utpādayati | sarva-satvān vyutthāpayeyaṃ sarva-kleśa-paryutthānebhyaḥ | sa śarīra-gatyā gacchann evaṃ cittam utpādayati | sarva-satvā mahā-puruṣa-gatyā gacchantu | sa tatra + upaviṣṭae evaṃ cittam utpādayati | sarva-satvā niḥ-śalya-kriyā yad uta rāga-dveṣa-mohebhyaḥ | sa śaucaṃ kurvann evaṃ cittam utpādayati | sarva-satvānāṃ kleśa-malāt prakṣālayeyaṃ |sa hastau prakṣālayann evaṃ cittam utpādayati | sarva-satvānāṃ sarva-kleśa-vāsanām apanayeyaṃ |sa pādau prakṣālayann evaṃ cittam utpādayati sarva-satvānām an-eka-prakārāṇi kleśa-rajāṃsy apanayeyaṃ |mukhaṃ prakṣālayann evaṃ cittam utpādayati | sarva-satvānāṃ sarva-dharma-mukhāni pariśodhayeyaṃ | sa danta-kāṣṭhaṃ bhakṣayann evaṃ cittam utpādayati | sarva-satvānāṃ nānā-vidhān kleśa-malān apanayeyaṃ | sarvāṃ kāya-avasthāṃ sarva-satva-hita-sukhāya pariṇāmayati | tathā-gata-caityaṃ vandamāna evaṃ cittam utpādayati | sarva-satvā vandanīyā bhavantu sa-devakasya lokasya + iti ||
atha-vā yathā + ārya-prajñā-pāramitāyāṃ | punar a-paraṃ śāriputra vyāḍa-kāntāra-madhya-gatena bodhi-satvena mahā-satvena na + uttrasitavyaṃ na saṃtrasitavyam na saṃtrāsam āpattavyam | tat kasmād * dhetoḥ | tathā hi tena sarvaṃ parityaktaṃ sarva-satvānām arthāya | tena + evaṃ cittam utpādayitavyam |sacen māṃ vyāḍā bhakṣayeyus tebhya eva tad dānaṃ dattaṃ bhavatu | mama ca dāna-pāramitā-paripūrir bhaviṣyati | abhyāsannā ca bhaviṣyati | tathā ca kariṣyāmi yathā me * an-uttarāṃ samyak-saṃbodhim abhisambuddhasya satas tatra buddha-kṣetre tiryag-yoni-gatāḥ satvāḥ sarveṇa sarvaṃ na bhaviṣyanti na prajñāsyante ||
cora-kāntāra-madhya-gatena śāriputra bodhi-satvena mahā-satvena na + uttrasitavyaṃ na saṃtrasitavyaṃ na saṃtrāsam āpattavyaṃ |tat kasmād * dhetoḥ | sarvasva-parityāga-kuśalā hi te bodhi-satvā mahā-satvā utsṛṣṭa-kāyena + api ca bodhi-satvena bhavitavyaṃ parityakta-pariṣkāra-upakaraṇena ca | tena + evaṃ cittam utpādayitavyaṃ |te cen me satvāḥ pariṣkāra-upakaraṇāni haranti tebhya eva + etad dānaṃ dattaṃ bhavatu | sacen māṃ ke-cij jīvitād vyaparopayeyuḥ tatra mayā na dveṣo na krodha utpādayitavyaḥ | teṣām api mayā na kāyena na vacasā na manasā + aparāddhavyaṃ | evaṃ ca me tasmin samaye dāna-pāramitā ca śīla-pāramitā ca kṣānti-pāramitā ca paripūriṃ gamiṣyati | an-uttarā ca me samyak-saṃbodhir abhyāsannā bhaviṣyati | tathā ca kariṣyāmi tathā pratipatsye yathā me * an-uttarāṃ samyak-saṃbodhim abhisaṃbuddhasya satas tatra buddha-kṣetre | ete ca + anye ca doṣāḥ sarveṇa sarvaṃ sarvathā sarvaṃ na bhaviṣyanti na prajñāsyante ||
pānīya-kāntāra-madhya-gatena śāriputra bodhi-satvena mahā-satvena na + uttrasitavyaṃ na saṃtrasitavyaṃ na saṃtrāsam āpattavyaṃ |tat kasmād * dhetoḥ | a-saṃtrasta-dharmāṇo hi bodhi-satvā mahā-satvā bhavanti | evaṃ ca + anena cittam utpādayitavyaṃ | sarva-satvānāṃ mayā sarva-tṛṣṇa-cchedāya śikṣitavyaṃ | na bodhi-satvena mahā-satvena saṃtrāsam āpattavyaṃ |saced ahaṃ tṛṣṇayā kālaṃ kariṣyāmi | api tu khalu punaḥ satvānām antike mahā-karuṇā-cittam utpādayiṣyāmi | aho vata + alpa-puṇyā amī satvā yad eteṣāṃ loke evaṃ-rūpāṇi pānīya-kāntārāṇi prajñāyante | tathā punar ahaṃ kariṣyāmi tathā pratipatsye yathā me * an-uttarāṃ samyak-saṃbodhim abhisaṃbuddhasya satas tatra buddha-kṣetre sarveṇa sarvaṃ sarvathā sarvaṃ pānīya-kāntārāṇi na prajñāsyante | tathā ca sarva-satvān puṇyaiḥ saṃyojayiṣyāmi yathā + aṣṭa-aṅga-upeta-pānīya-lābhino bhaviṣyanti | tathā dṛḍhaṃ vīryam ārapsye sarva-satvānāṃ kṛtaśo yathā vīrya-pāramitā tasmin samaye paripūriṃ gamiṣyanti ||
punar a-paraṃ śāriputra bubhukṣā-kāntāra-madhya-gatena bodhi-satvena mahā-satvena na + uttrasitavyaṃ na saṃtrasitavyaṃ na saṃtrāsam āpattavyaṃ | evaṃ ca + anena saṃnāhaḥ saṃnaddhavyaḥ | tathā dṛḍhaṃ vīryam ārapsye tathā ca svaṃ buddha-kṣetraṃ pariśodhayiṣyāmi yathā me * an-uttarāṃ samyak-saṃbodhim abhisaṃbuddhasya satas tatra buddha-kṣetre sarveṇa sarvaṃ sarvathā sarvaṃ evaṃ-rūpāṇi bubhukṣā-kāntārāṇi na bhaviṣyanti na prajñāsyante | sukhitā eva te satvā bhaviṣyanti sukha-samaṅginaḥ | sarva-sukha-samarpitās tathā ca kariṣyāmi yathā teṣāṃ satvānāṃ yo ya eva + abhiprāyo bhaviṣyati yad yad eva + ākāṅkṣiṣyanti manasā tat tad eva prādur-bhaviṣyati | tad yathā + api nāma devānāṃ trāyastriṃśānāṃ manasā sarvaṃ prādur-bhavati manasā sarvam utpadyate | tathā dṛḍhaṃ vīryam ārapsye yathā teṣāṃ satvānāṃ dhārmikā abhiprāyāḥ paripūriṃ gamiṣyanti | a-vaikalyaṃ ca jīvita-pariṣkāraiḥ sarva-satvānāṃ bhaviṣyati sarveṣāṃ sarvataḥ sarvadā + iti ||
evam ayaṃ ... sarva-avasthāsu satva-arthaḥ ... puṇya-vṛrdhi-hetuḥ | vistaratas tv ārya-go-cara-pariśuddhi-sūtre draṣṭavyaḥ ||
kiṃ ca | ... dharma-dānaṃ nir-āmiṣaṃ | puṇya-vṛddhi-nimittaṃ bhavati ||
yathā + uktam ārya-adhyāśaya-saṃcodana-sūtre | viṃśatir ime maitreya + anuśaṃsā nir-āmiṣa-dāne | yo lābha-sat-kāram a-pratikāṅkṣan dharma-dānaṃ dadāmi | katame viṃśatiḥ | yad uta | smṛtimāṃś ca bhavati matimāṃś ca bhavati buddhimāṃś ca bhavati gatimāṃś ca bhavati dhṛtimāṃś ca bhavati prajñāvāṃś ca bhavati | loka-uttarāṃ ca prajñām anuvidhyati | alpa-rāgo bhavati | alpa-dveṣo * alpa-mohaḥ | māraś ca + asya + avatāraṃ na labhate | buddhair bhagavadbhiḥ samanvāhriyate | a-manuṣyāś ca + enaṃ rakṣanti | devāś ca + asya + ojaḥ kāye praks.ipanti | a-mitrāś ca + asya + avatāraṃ na labhante | mitrāṇi ca + asya + a-bhedyāni bhavanti | ādeya-vacanaś ca bhavati | vaiśāradyāṃś ca pratilabhate | saumanasya-bahulaś ca bhavati vidvat-praśastaś ca | anusmaraṇīyaṃ ca + asya tad dharma-dānaṃ bhavati | ime maitreya viṃśatir anuśaṃsā iti ||
ārya-prajñā-pāramitāyāṃ tv āha | sacet tvam ānanda śrāvaka-yānikānāṃ pudgalānāṃ śrāvaka-bhūmau dharmaṃ deśeyaḥ | tasyāṃ ca dharma-deśanāyāṃ ye tri-sāhasra-mahā-sāhasre loka-dhātau satvās te sarve * arhatvaṃ sākṣāt kuryus tad adya + api tvayā me śrāvakeṇa śrāvaka-kṛtyaṃ na kṛtaṃ syāt | sacet punaḥ tvam ānanda bodhi-satvasya mahā-satvasya + ekam api prajñā-pāramitā-pratisaṃyuktaṃ padaṃ deśayeḥ prakāśayer evam ahaṃ tvayā śrāvakeṇa + ārādhitaḥ syāṃ | tayā ca pūrvikayā dharma-deśanayā ye tri-sāhasra-mahā-sāhasre loka-dhātau satvās te sarve * arhatvaṃ prāpnuyus teṣāṃ ca + arhatāṃ yad dāna-mayaṃ puṇya-kriyā-vastu śīla-mayaṃ puṇya-kriyā-vastu bhāvanā-mayaṃ puṇya-kriyā-vastu | tat kiṃ manyase ānanda + api tu sa bahu puṇya-skandhaḥ | āha | bahu bhagavan bahu su-gata | bhagavān āha | ataḥ sa ānanda śrāvaka-yānika-pudgalo bahutaraṃ puṇya-skandhaṃ prasavati yo bodhi-satvānāṃ mahā-satvānāṃ prajñā-pāramitā-pratisaṃyuktaṃ dharmaṃ deśayati | ato * apy ānanda bahutaraṃ puṇya-skandhaṃ prasavati yo bodhi-satvo mahā-satvo * a-parasya bodhi-satvasya prajñā-pāramitā-pratisaṃyuktaṃ dharmaṃ deśayati | antaśa eka-divasam api | tiṣṭhatv ānanda eka-divasaḥ | antaśaḥ prāg-bhaktam api | tiṣṭhatv ānanda prāg-bhaktaṃ | antaśa eka-nālikām api | yāvad antaśa eka-kṣaṇa-saṃnipātam api | peyālaṃ ||
idam ānanda tasya bodhi-satvasya mahā-satvasya dharma-dānaṃ sarva-śrāvaka-yānikānām api sarva-praty-eka-buddha-yānikānāṃ ca pudgalānāṃ kuśala-mūlam abhibhavati | evaṃ kuśala-mūla-samanvāgato bodhi-satvo mahā-satvaḥ | evaṃ kuśala-mūlaṃ samanvāharann a-sthānam ānanda + an-avakāśo yat sa bodhi-satvo mahā-satvo vivarteta + an-uttarāyāḥ samyak-saṃbodheḥ | na + etat sthānaṃ vidyatae iti ||
kathaṃ dharma-dānaṃ dātavyaṃ | yathā + ārya-sad-dharma-puṇḍarīke * abhihitaṃ | kālena ca + u cintayamānu paṇḍitaḥ praviśya layanaṃ tatha ghaṭṭayitvā | vipaśya dharmaṃ imi sarva yoniśo utthāya deśeta a-līna-cittaḥ ||
sukha-sthito bhoti sadā vicakṣaṇo sukhaṃ niṣaṇṇas tatha dharma bhāsate | udāra-prajñapta karitva āsanaṃ caukṣe mano-jñe pṛthivī-pradeśe ||
caukṣaṃ ca so cīvara prāvaritvā su-rakta-raṅgaṃ ca prasanna-raṅgaiḥ | āsevakaṃ kṛṣṇa tathā daditvā mahā-pramāṇaṃ ca nivāsayitvā ||
sa-pāda-pīṭhasmi niṣadya āsane vicitra-duṣyehi su-saṃstṛtasmin | su-dhauta-pādaś ca upāruhitvā snigdhena śīrṣeṇa mukhena ca + api ||
dharma-āsane tatra niṣīdiyānaḥ eka-agra satveṣu samaṃ vipaśyan | upasaṃharec citra-kathā bahūś ca bhikṣūnaś ca + u bhikṣunikās tathā + eva ||
kilāsitāś ca + api vivarjayīta na ca + api utpādayi kheda-saṃjñāṃ | a-ratiṃ ca sarvāṃ vijahīta paṇḍitaḥ maitrī-balaṃ parṣadi bhāvayec ca ||
bhāṣec ca rātriṃ-divam agra-dharmān dṛṣṭa-anta-koṭī-niyutaiḥ sa paṇḍitaḥ | saṃharṣayet tāṃ ca tathā + eva toṣayet na ca + api kiñ-cit tatra jātu prārthayet ||
khādyaṃ ca bhojyaṃ ca tathā + anna-pānaṃ vastrāṇi śayyā-āsana-cīvarāṇi | gilāna-bhaiṣajya na cintayet saḥ na vijñapet parṣadi kiñ-cid anyat ||
anyatra cinteya sadā vicakṣaṇaḥ bhaveya buddho * aham ime ca satvā | etac ca me sarva-sukha-upadhānaṃ yaṃ dharma śrāvemi hitāya loke ||
atra + eva + āha ||
na kasya-cid antaśo dharma-premṇā + apy adhikataram anugrahaṃ karoti ||
ārya-candra-pradīpa-sūtre * apy āha | adhyeṣayeyur yadi tvāṃ te dharma-dānasya kāraṇāt | prathamaṃ vāca bhāṣeyā na + ahaṃ vaitulya-śikṣitaḥ ||
evaṃ tvaṃ vāca bhāṣeyā yuṣme vā vijña-paṇḍitāḥ | kathaṃ mahā-ātmanāṃ śakyaṃ purato bhāṣituṃ mayā ||
sahasā + eṣāṃ na jalpeta tulayitvā tu bhājanaṃ | yadi bhājanaṃ vijānīyāḥ an-adhīṣṭo * api deśayeḥ ||
yadi duḥ-śīlān paśyesi pariṣāyāṃ bahūn sthitān | saṃlekhaṃ mā prabhāṣe tvaṃ varṇaṃ dānasya kīrtayeḥ ||
bhaveyur yadi ca + alpa-icchāḥ śuddhāḥ śīle pratiṣṭhitāḥ | maitraṃ cittaṃ janitvā tvaṃ kuryāḥ saṃlekhikīṃ kathām ||
parīttā yadi pāpa-icchāḥ śīlavanto * atra vistarāḥ | labdha-pakṣas tadā bhūtvā varṇaṃ śīlasya kīrtayeḥ | iti ||
uktaṃ ca + ārya-sāgara-mati-sūtre | tad yathā | same | samavati | śamita-śatru | aṅkure | maṅkure | māra-jite | karāḍe | keyūre | oghavati | ohokayati | viśaṭha-nir-male | mala-apanaye | okhare | kharograse | grasane | he-mukhī | parāṅ-mukhī | ā-mukhī | śamitāni sarva-graha-bandhanāni | nigṛhītāḥ sarva-para-pravādinaḥ | vimuktā māra-pāśāḥ | sthāpitā buddha-mudrāḥ samudghātitāḥ sarva-mārāḥ | a-calita-pada-pariśuddhyā vigacchanti sarva-māra-karmāṇi ||
imāni sāgaramate mantra-padāni dharma-bhāṇakena su-pravṛttāni kṛtvā dharma-āsanakena su-pravṛttāni kṛtvā dharma-āsana-niṣaṇṇena sarvāṃ parṣadaṃ bodhy-ākāra-abhinirhṛtayā maitryā spharitvā | ātmani vaidya-saṃjñām utpādya dharme bhaiṣajya-saṃjñāṃ dharma-śravaṇikeṣv ātura-saṃjñāṃ tathā-gate sat-puruṣa-saṃjñāṃ dharma-netryāṃ cira-sthitika-saṃjñām utpādya + imāni mantra-padāny ā-mukhī-kṛtya dharma-saṃkathā karaṇīyā | tasya samantād yo jana-śate na māro na māra-kāyikā vā devatā upasaṃkramayiṣyanti vi-cakṣuḥ-karaṇe | ye * apy enam upasaṃkramiṣyanti te * apy asya na śakṣyanty antarāyaṃ kartum iti ||
atra + eva + āha | dharma-bhāṇakena caukṣeṇa śuci-samudācāreṇa su-snātena śuci-nivāsitena bhavitavyam iti ||
evaṃ dharma-dānaṃ ||
bodhi-cittaṃ ca puṇyasya vṛddhi-hetuḥ samāsataḥ ||
yathā + uktam ārya-ratna-karaṇḍaka-sūtre | tad yathā + api nāma mañjuśrīr nānā-gandha-vṛkṣāś ca catur-dhātu-saṃgṛhītā vivardhante | evam eva mañjuśrīr nānā-saṃbhāra-upacitaṃ bodhi-satvasya kuśala-mūlaṃ | bodhi-citta-saṃgṛhītaṃ sarva-jñatā-pariṇāmitaṃ vivardhatae | iti ||
eṣā + ādikā ādi-karmikāṇāṃ sahasā bodhi-satva-śikṣā smaraṇa-artham upadarśitā | vistaratas tu buddha-viṣaya eva ||
atra ca + asyā yathā-uktāyāḥ śikṣāyāḥ | siddhiḥ samyak-prahāṇānām a-pramāda-a-viyojanāt | smṛtyā + atha saṃprajanyena yoniśaś cintanena ca ||
tatra + an-utpannānāṃ pāpakānām a-kuśalānāṃ dharmāṇām an-utpādāya + eva chandaṃ janayati vyāyacchati vīryam ārabhate cittaṃ pragṛhṇāti samyak-praṇidadhāti + ity anena rakṣā ||
utpannānāṃ ca prahāṇāya chandaṃ janayati + ity anena śuddhiḥ | an-utpannānāṃ kuśalānāṃ dharmāṇām utpādāya chandaṃ janayati | yāvad utpannānāṃ ca sthitaye bhūyo-bhāvāya chandaṃ janayati + ity ādi | anena vṛddhiḥ | etāni ca nityam a-pramāda-adhiṣṭhitāni kāryāṇi sarva-kuśala-mūlānāṃ tan-mūlatvāt ||
yathā + uktam ārya-candra-pradīpa-sūtre | yāvanta dharmāḥ kuśalāḥ prakīrtitāḥ śīla-śrutaṃ tyāgu tathā + eva kṣāntiḥ | sarveṣu mūlaṃ hy ayam a-pramādo nidhāna-lambhaḥ su-gatena deśita | iti ||
ko * ayam a-pramādo nāma | iṣṭa-vighāta-an-iṣṭa-āgama-śaṅkā-pūrvakaṃ prati-kāra-tātparyaṃ | tad yathā tīvra-kopa-prasādasya rājño bhaiṣajya-taila-paripūrṇa-bhājanaṃ gṛhītvā picchila-saṃkrameṇa bhṛtyasya gacchataḥ ||
uktaṃ hy ārya-tathā-gata-guhya-sūtre |tatra katamo * a-pramādo |yad indriya-saṃvaraḥ | sa cakṣuṣā rūpāṇi dṛṣṭvā na nimitta-grāhī bhavati | na + anuvyañjana-grāhī | evaṃ yāvan manasā dharmān vijñāya na nimitta-grāhī bhavati | na + anuvyañjana-grāhī | sarva-dharmeṣv āsvādaṃ ca + ādīnavaṃ ca niḥ-śaraṇaṃ ca yathā-bhūtaṃ prajānāti | ayam ucyate * a-pramādaḥ ||
punar a-param a-pramādo yat sva-cittasya damanaṃ para-cittasya + ārakṣā kleśa-rater a-parikarmaṇā dharma-rater anuvartanaṃ yāvad * ayam ucyate * a-pramādaḥ | yasya guhyaka-adhipate śraddhā ca + a-pramādaś ca tasya + anulomikena vīryeṇa kāryaṃ | yena tān a-pramāda-kāraṇān śraddhā-kāraṇāṃś ca dharmān samudānayati | yasya guhyaka-adhipate śraddhā ca + a-pramādaś ca vīryaṃ ca tena smṛti-saṃprajanye yogaḥ karaṇīyaḥ | yena smṛti-saṃprajanyena sarvān bodhi-pakṣān dharmān na vipraṇāśayati | yasya guhyaka-adhipate śraddhā ca + a-pramādaś ca vīryaṃ ca smṛti-saṃprajanyaṃ ca tena yoniśaḥ prayoge yogaḥ karaṇīyaḥ | yoniśaḥ prayukto hi guhyaka-adhipate bodhi-satvo yad asti tad asti + iti prajānāti | yan na + asti tan na + asti + iti prajānāti | yāvad asti saṃvṛtyā cakṣur ity ādi ||
tathā + atra + eva + āha | sadā + a-pramādo hy a-mṛtasya mūlaṃ satva-artha-yuktasya ca bodhi-cittaṃ | yad yoniśaś ca + eva viveka-cittam a-parigrahaḥ sarva-sukhasya mūlam iti ||
āha ca | para-ātma-samatā-abhyāsād bodhi-cittaṃ dṛḍhī-bhavet | āpekṣikaṃ para-ātmatvaṃ pāra-avāraṃ yathā-mṛṣā ||
tat-kūlaṃ na svataḥ pāraṃ kim apekṣya + astv a-pāratā | ātmatvaṃ na svataḥ siddhaṃ kim apekṣya paro bhavet ||
tad-duṣkhena na me bādhā + ity ato yadi na rakṣasi | na + āgāmi-kāya-duṣkhāt te bādhā tat kena rakṣasi ||
aham eva tadā + api + iti mithyā + iyaṃ parikalpanā | anya eva mṛto yasmād anyas tatra prajāyate ||
anyaś cej jāyate tatra kiṃ puṇyena prayojanaṃ | yūnaḥ kiṃ vṛddha-kāyasya sukhāya dhana-saṃcayaiḥ ||
mṛte garbha-gate tāvad anyo bālaḥ prajāyate | mṛte bālye kumāratvaṃ tan-nāśāya + āgato yuvā ||
tan-nāśāc ca + āgato vṛddhaḥ | ekaḥ kāyaḥ kathaṃ mataḥ | evaṃ prati-kṣaṇaṃ ca + anyaḥ kāyaḥ keśa-nakha-ādi-vat ||
atha bālyā-parityāgād bālo yāti kumāratāṃ | kāya-sva-bhāvo vaktavyo yo * avasthā-rahitaḥ sthitaḥ | kāyaś cet pratimā-ākāraḥ pesī-bhasmasu na + asti saḥ ||
sūkṣma-bhāvena cet tatra sthaulyaṃ tyaktvā vyavasthitaḥ | a-nirdeśyaḥ svataḥ prāptaḥ | kāya ity ucyate na saḥ ||
tatra cintā + eva me na + asti dṛśya-kāyas tu nāśavān | avasthābhiś ca saṃbandhaḥ saṃvṛtyā ca + eva dṛśyate ||
āgamāc ca tad astitvaṃ yukty-āgama-nivāritam | na guṇa-vyatirekeṇa pradhānaṃ vidyate yataḥ ||
na ca trīṇi pradhānāni tathā sattā guṇā api | praty-ekaṃ try-ātmakās te * api śeṣaṃ na + eka-vidhaṃ jagat ||
a-cetanaṃ ca vastra-ādi tat-sukha-ādy-ātmakaṃ katham | sukha-āder na paṭṭa-utpattiḥ paṭṭa-ādes tu sukha-ādayaḥ | paṭṭa-ādīnām a-hetutvād a-bhāvas tat-sukhaṃ kutaḥ ||
tasmād āgama-yuktibhyāṃ a-nityaṃ sarva-saṃskṛtaṃ |tad * dhetu-phala-saṃbandhaḥ praty-akṣatvān na sādhyate ||
sva-saṃtāne ca dṛṣṭo * asau nityeṣu ca kathaṃ yathā | param aṇus
[doubtful]
tu na + eko * asti dig-bheda-an-upapattitaḥ ||
dīpa-tailaṃ kṣayaṃ yāti kṣīyamānaṃ na lakṣyate | evaṃ bhāvā na lakṣyante kṣīyamānāḥ prati-kṣaṇaṃ ||
saṃtānaḥ samudāyaś ca paṅkti-senā-ādi-van mṛṣā | tatra + abhyāsād ahaṃ-kāraḥ parasmin kiṃ na jāyate ||
tasmād evaṃ jagat jñeyaṃ yathā + āyatana-saṃcayaḥ | a-prāptam eva tad duṣkhaṃ prati-kāryaṃ para-ātmanoḥ ||
a-yuktam api ced etat sva-ātmany asti + itaratra na | yad a-yuktaṃ nivartyaṃ tat svam anyad vā yathā-balaṃ ||
kṛpayā bahu duṣkhaṃ cet kasmād utpādyate balāt | jagad-duṣkhaṃ nirūpya + idaṃ kṛpā-duṣkhaṃ kathaṃ bahu ||
evaṃ bhāvita-saṃtānāḥ para-duṣkha-sama-priyāḥ | avīcīm avagāhante haṃsāḥ padma-vanaṃ yathā ||
satveṣu mucyamāneṣu ye te prāmodya-sāgarāḥ | tair eva nanu paryāptaṃ mokṣeṇa + apy a-rasena kim ||
evaṃ para-arthaṃ kṛtvā + api na mado na ca vismayaḥ | na vipāka-phala-ākāṅkṣā para-artha-eka-anta-tṛṣṇayā
[doubtful]
||
daśa-dik-satva-saṃpattir ātmīyā + asya na saṃśayaḥ | na + asty erṣyā-avakāśo * api para-saukhye sva-saṃjñayā ||
pareṣām ātmano vā + api sāmānyā pāpa-deśanā | puṇya-anumodanā ca + evaṃ buddha-adhyeṣaṇa-yācanaṃ ||
pariṇāmanam apy evaṃ nir-viśeṣaṃ pravartate | puṇyaṃ pravartate tasmād an-antaṃ satva-dhātu-vat ||
ayaṃ sa mārga-pravaraḥ kṣema-an-anta-sukha-utsavaḥ | bodhi-satva-mahā-sa-artha kalila-prīti-vardhanaḥ ||
pālyamānaś ca satataṃ vajra-pāṇy-ātiyāntrikaiḥ | māra-gulmika-saṃtrāsa-jananair buddha-kiṃ-karaiḥ ||
saṃbuddha-rāja-tanayā bodhi-citta-ratha-sthitāḥ | vahante tena mārgeṇa stūyamānāḥ sura-ādibhiḥ ||
tasmād ātmatvam āropya satveṣv abhyāsa-yogataḥ | para-ātma-duṣkha-śānty-artham ātma-ādīn sarvathā + utsṛjet ||
tṛṣṇā parigraho yasya tasya duṣkhaṃ na śāmyati | pariṇāma-vināśitvāt sa duṣkha-janako yataḥ ||
loke duṣkha-agni-tapte ca kā ratiḥ su-sukhe bhavet | samantād dahyamānasya nakha-a-dāhe * api kiṃ sukham ||
ātma-tṛṣṇā ca sarveṣāṃ duṣkhāṇāṃ mūlam uttamaṃ | tasmān nihanmi tām eva satvebhyaḥ sva-artham utsṛjan ||
tad agra-dūtī jñātā-icchā jetavyā sarva-yatnataḥ | ātma-tatva-smṛtiṃ kṛtvā pratītya-utpāda-cintayā ||
yad bhayān na + utsṛjāmy etat tad eva + ādadato bhayaṃ | prati-kṣaṇaṃ hi yāty eva kāyaś cittaṃ ca me yataḥ ||
yadi nityā + apy a-nityena nir-malā mala-vāhinā | bodhiḥ kāyena labhyeta nanu labdhā mayā + eva sā ||
evam ātmānam utsṛjya sarva-satva-artham ācaret | bhaiṣajya-pratimā-kalpo loka-dharmeṣv a-cintakaḥ ||
sarva-satva-artha-mantritve sva-prajñāṃ viniyojayet | yuktyā saṃrakṣya tu dravyaṃ satveṣu vā + upayojayet ||
sva-kāye para-kāye vā yad duṣkhaṃ na + iha duṣkha-kṛt | satvānāṃ bhoga-vighnatvāt kleśāḥ śodhyāḥ prayatnataḥ | loka-upajīvyāt sat-tīrthād
[doubtful]
bhujaṅ-ga-kuṇapā iva ||
puṇya-kṣetram idaṃ śuddhaṃ saṃpat-sasya-mahā-phalaṃ | sukha-dur-bhikṣa-saṃtaptaṃ jagat saṃtarpayiṣyati ||
lābha-sat-kāra-kāya-ādi tyaktaṃ nanu-jane
[doubtful]
mayā | kopaḥ kasya + artham adya + api mṛṣā vā tan mayā + uditam ||
sva-artha-ghneṣu yadi dveṣaḥ kṛpā kutra bhaviṣyati | nir-dayasya + api kaḥ kopaḥ para-artho yadi naśyati ||
ākrośa-ādi-kṣamāḥ satyam ikṣukas tūrika-ādayaḥ | svāmy--asanena dur-nyastā na + upabhogyā bhavanti te ||
cintayati pratīkāraṃ na ca svāmi-hita-icchayā | na + api saṃcodayaty enaṃ bhoga-arthaṃ na + upayāti ca ||
anusmṛtyā + upasmṛtya + etān a-kṛṣṭa-uptā jina-ātma-jāḥ | nānā-viṣaya-dhātūnāṃ sārva-indriya-mahā-gadān ||
vijñapya smārayitvā + etān kruddhān apy upakāriṇaḥ | sva-bhāvā-tyakta-mādhuryāḥ sukhayanty eva duṣkhitān ||
dhātavaḥ pañca bhū-vāri-tejo * anila-kha-saṃjñitāḥ | yāvat satvāḥ sthitās tāvat sarveṣām artha-kāriṇaḥ ||
sarva-duś-caritena + eṣāṃ satva-arthād vinivartanaṃ | evam etān karomy eṣa dhātūn ṣaḍ api nir-vyathān ||
yāvad ākāśa-niṣṭasya niṣṭhā lokasya saṃbhavet | tāvat sthāsyāmi loka-arthaṃ kurvan jñāna-puraḥ-saraḥ ||
ātma-ācāryo * anuśiyaṣyād * dhi sadā + ātmānaṃ su-śiṣya-vat | a-pṛṣṭvā ca + ātmanā + ātmānaṃ balena + a-rakṣita-kriyaḥ ||
ka eva mama duṣkhena duṣkhī syān me bhayād bhayī | tad-doṣa-anuśaya-jño vā yathā + ātma-gurur ātmanaḥ ||
a-virāgy a-palāyī ca karuṇā-viṣayo * api vā | nitya-saṃnihitaś ca + api śiṣya ātma-samaḥ kutaḥ ||
kleśa-unmatto * atha moha-andhaḥ prapāta-bahule pathi | skhalan pade pade śocyaḥ para ātmā ca sarvadā ||
skhalita-anveṣaṇaṃ tasmāt samāna-vyasanāj janāt | na yuktaṃ yujyate tv atra guṇān dṛṣṭvā + adbhutaṃ mahat ||
na + ekena śakyam ādātuṃ mayā doṣa-mahā-udadhiḥ | kṛtyam anyair mama + eva + atra ko * anya-doṣeṣu mā + īkṣaṇaḥ ||
para-codana-dakṣāṇām an-adhīṣṭa-upakāriṇāṃ | vākyaṃ mūrdhnā pratīcchāmi sarva-śiṣyo bhavāmy ahaṃ ||
saṃgrāmo hi mama + ekasya bahubhiḥ kleśa-śatrubhiḥ | tatra + ekena raṇa-āsaktam anye nighnanti māṃ sukham ||
tatra yaḥ pṛṣṭhato bhītiṃ śrāvayed anyato * api vā | pradviṣṭo vā prasanno vā same prāṇa-pradaḥ su-hṛt ||
ali-saṃhāta-nīlena cīra-bhāraṇa-bhāriṇā | vicitra-surabhi-sphīta-puṣpa-śekhara-hāriṇā ||
yugapat sarva-dig-buddha-kṣetra-sāgara-cāriṇā | balinā prati-kāryeṇa sarva-māra-apahāriṇā ||
naraka-preta-saṃtāpa-praśama-unmukta-vāriṇā | saṃsāra-gahana-anta-stha-bhavya-satva-artha-sāriṇā ||
jagan-netra-ucchava-utpādi-bala-alaṅ-kāra-dhāriṇā | viduṣā bāla-vapuṣā loka-vismaya-kāriṇā ||
mañjuśrī saṃjñakaṃ yat tat piṇḍī-bhūtaṃ jagad-dhitaṃ | sarveṇa + eva + ātma-bhāvena namas tasmai punaḥ punaḥ ||
an-eka-duṣkha-saṃtapta-prahlādana-mahā-hradaṃ | trailokya-tṛṣṇā-pātāla-prapūraṇa-mahā-ambu-dam ||
jagad-iṣṭa-phala-sphīta-daśa-dik-kalpa-pāda-paṃ |prārthita-prāpti-saṃhṛṣṭa-jagan-netra-utpala-arcitaṃ ||
vismaya-udgata-romāñcair bodhi-satva-śataiḥ stutam | mañjuśriyaṃ namasyāmi praṇāmair uttara-uttaraiḥ ||
niḥ-śeṣa-duṣkha-vaidyāya sukha-sattra-pradāyine | sarva-ākāra-upajīvyāya mañjughoṣāya te namaḥ ||
iti jina-tanayānāṃ sarvathā + aty-adbhutānāṃ caritam upanibdhya + upārjitaṃ yac * chubhaṃ me | bhavatu sukham an-antaṃ dehināṃ tena yāvat su-gata-padam an-anta-vyoma-sīmā-ādhipatyaṃ ||
puṇya-vṛddhiḥ samāptā ||
samāptaś ca + ayaṃ bodhi-satva-vinayo * an-eka-sūtra-anta-uddhṛtaḥ śikṣā-samuccaya iti ||