GautAA 1,1 = GautSt I
vedo dharmamūlam |
tadvidāṃ ca smṛtiśīle |
dṛṣṭo dharmavyatikramaḥ sāhasaṃ ca mahatāṃ |
VAR_St: na tu dṛṣṭārthe
avaradaurbalyāt |
tulyabalavirodhe vikalpaḥ |
upanayanaṃ brāhmaṇasyāṣṭame |
navame pañcame vā kāmyam |
garbhādiḥ saṅkhyā varṣāṇām |
taddvitīyaṃ janma |
tad yasmāt sa ācāryaḥ |
vedānuvacanāc ca |
ekādaśadvādaśayoḥ kṣatriyavaiśyayoḥ |
ā ṣoḍaśād brāhmaṇasyāpatitā sāvitrī |
dvāviṃśate rājanyasya |
dvyadhikāyāvaiśyasya |
mauñjījyāmaurvīsautryo mekhalāḥ krameṇa |
kṛṣṇarurubastājināni |
vāsāṃsi śāṇakṣaumacīrakutapāḥ sarveṣām |
kārpāsaṃ cāvikṛtam |
kāṣāyam apy eke |
vārkṣaṃ brāhmaṇasya |
māñjiṣṭhahāridre itarayoḥ |
bailvapālāśau brāhmaṇadaṇḍau |
āśvatthapailavau śeṣe |
yajñiyo vā sarveṣām |
apīḍitā yūpavakrāḥ saśalkāḥ |
mūrdhalalāṭanāsāgrapramāṇāḥ |
muṇḍajaṭilaśikhājaṭāś ca |
dravyahasta ucchiṣṭo anidhāyācāmet |
dravyaśuddhiḥ parimārjanapradāhatakṣaṇanirṇejanānitaijasamārktikadāravatāntavānām |
taijasavadupalamaṇiśaṅkhamuktānām |
VAR_St: -śuktīnām
dāruvadasthibhūmyoḥ |
āvapanaṃ ca bhūmeḥ |
celavad rajjuvidalacarmaṇām |
utsargo vātyantopahatānām |
prāṅmukha udaṅmukho vā śaucam ārabheta |
śucau deśe āsīno dakṣiṇaṃ bāhuṃ jānvantarākṛtvā yajñopavītyā maṇibandhanāt pāṇī prakṣālya vāgyatohṛdayaspṛśas triś catur vāpa ācāmed |
dviḥ parimṛjyate |
VAR_St: parimṛjyāt
pādau cābhyukṣet |
khāni copaspṛśec śīrṣaṇyāni |
mūrdhani ca dadyāt |
suptvā bhuktvā kṣutvā ca punaḥ |
dantaśliṣṭeṣu dantavad anyatra jihvābhimarśanāt |
prākcyuter ity eke |
cyuteśu āsrāvavad vidyān nigirann eva tac śuciḥ |
na mukhyā vipruṣa ucchiṣṭaṃ kurvanti na ced aṅgenipatanti |
lepagandhāpakarṣaṇe śaucam amedhyasya |
tad adbhiḥ pūrvaṃ mṛdā ca |
mūtrapurīṣasnehavisraṃsanābhyavahārasaṃyogeṣu ca |
VAR_St: -snehu-
yatra cāmnāyo vidadhyāt |
pāṇinā savyam upasaṅgṛhya anaṅguṣṭham adhīhi bho ity āmantrayed guruṃ |
VAR_St: āmantrayeta
tatracakṣurmanaḥprāṇopasparśanaṃ darbhaiḥ |
VAR_St: tatracakṣurmanāḥ
prāṇopasparśanaṃ darbhaiḥ |
prāṇāyāmās trayaḥ pañcadaśamātrāḥ |
prākkūleṣu āsanaṃ ca |
VAR_St: -tūleṣu
oṃ pūrvā vyāhṛtayaḥ pañca satyāntāḥ |
guroḥ pādopasaṃgrahaṇaṃ prātaḥ |
brahmānuvacane cādyantayoḥ |
anujñāta upaviśet prāṅmukho dakṣiṇataḥ śiṣya udaṅmukhovā |
sāvitrī cānuvacanam |
ādito brahmaṇa ādāne |
oṃkāro anyatrāpi |
antara gamane punar upasadanam |
VAR_St: antarāgamane
śvanakulasarpamaṇḍūkamārjārāṇāṃ try aham upavāsovipravāsaś ca |
prāṇāyāmā ghṛtaprāśanaṃ cetareṣām |
śmaśānābhyadhyayane caivam |
VAR_St: śmaśānābhyadhyayanecaivam
GautAA 1,2 = GautSt II
prāg upanayanāt kāmacāraḥ kāmavādaḥ kāmabhakṣaḥ |
VAR_St: kāmacāravādabhakṣo
ahutāt |
brahmacārī |
yathopapāditamūtrapurīṣo bhavati |
VAR_St: -upapāda
nāsyācamanakalpo vidyate |
anyatrāpamārjanapradhāvanāvokṣaṇebhyaḥ |
na tadupasparśanād āśaucam |
na tv evainam agnihavanabaliharaṇayor niyuñjyāt |
na brahmābhivyāhārayed anyatra svadhāninayanāt |
upanayanādir niyamaḥ |
uktaṃ brahmacaryam |
agnīndhanabhaikṣacaraṇe |
satyavacanam |
apām upasparśanam |
eke godānādi |
bahiḥsaṃdhyatvaṃ ca |
tiṣṭhet pūrvām āsītottarāṃ sajyotiṣyā jyotiṣodarśanād vāgyataḥ |
nādityam īkṣeta |
varjayenmadhumāṃsagandhamālyadivāsvapnābhyañjanayānopānacchatrakāmakrodhalobhamohavādavādanasnānadantadhāvanaharṣanṛtyagītaparivādabhayāni |
VAR_St: nṛtta
gurudarśanekaṇṭhaprāvṛtāvasakthikāpāśrayaṇapādaprasāraṇāni |
niṣṭhīvitahasitaviṣkambhitāvasphotanāni |
VAR_St: vijṛmbhitā-
strīprekṣaṇālambhane maithunaśaṅkāyām |
dyūtaṃ hīnasevām adattādānaṃ hiṃsām |
ācāryatatputrastrīdīkṣitanāmāni |
śuklavāco |
VAR_St: śuktā vācaḥ
madyaṃ nityaṃbrāhmaṇaḥ |
adhaḥśayyāsanī pūrvotthāyī jaghanyasaṃveśī |
vāgbāhūdarasaṃyataḥ |
nāmagotre guroḥ samānato nirdiśet |
arcite śreyasi caivam |
śayyāsanasthānāni vihāya pratiśravaṇam |
abhikramaṇaṃ vacanād adṛṣṭena |
adhaḥsthānāsanas tiryagvātasevāyāṃ gurudarśanecottiṣṭhet |
VAR_St: -āsanatiryag-
gacchantam anuvrajet |
karma vijñāpyākhyāya |
āhuto 'dhyāyī |
VAR_St: āhūtādhyāyī
yuktaḥ priyahitayoḥ |
tadbhāryāputreṣu caivam |
nocchiṣṭāśanasnāpanaprasādhanapādaprakṣālanonmardanopasaṅgrahaṇāni |
viproṣyopasaṅgrahaṇaṃ gurubhāryāṇām |
naike yuvatīnāṃ vyavahāraprāptena |
sārvavarṇikabhaikṣyacaraṇam abhiśastapatitavarjam |
VAR_St: bhaikṣa-
ādimadhyānteṣu bhavacchabdaḥ prayojyo varṇānukrameṇa |
ācāryajñātiguruṣv alābhe 'nyatra |
VAR_St: gurusveṣu
teṣāṃ pūrvaṃ pūrvaṃ pariharet |
nivedya gurave 'nujñāto bhuñjīta |
asaṃnidhautadbhāryāputrasabrahmacāribhyaḥ |
VAR_St: -brahmacārisadbhaḥ
vāgyatas tṛpyannalolupyamānaḥ saṃnidhāyodakam |
śiṣyaśiṣṭir avadhena |
aśaktau rajjuveṇuvidalābhyāṃ tanubhyām |
VAR_St: rajjuveṇuvadalā-
anyena ghnan(han) rājñā śāsyaḥ |
dvādaśa varṣāṇy ekavede brahmacaryaṃ caret |
pratidvādaśa vā sarveṣu |
grahaṇāntaṃ vā |
vidyānte gurur arthena nimantryaḥ |
kṛtvānujñātasya vā snānam |
ācāryaḥ śreṣṭho gurūṇāṃ |
mātety eke |
VAR_St: matety eke
GautAA 1,3 = GautSt III
tasyāśramavikalpam eke bruvate |
brahmacārī gṛhastho bhikṣur vaikhānasaḥ |
teṣāṃ gṛhastho yonir aprajanatvād itereṣām |
tatroktaṃ brahmacāriṇaḥ |
ācāryādhīnatvam āntam |
guroḥ karmaśeṣeṇa japet |
gurvabhāve tadapatyavṛttis |
VAR_St: -apatye vṛttiḥ
tadabhāve vṛddhe sabrahmacāriṇy agnau vā |
evaṃvṛtto brahmalokam āpnoti jitendriyaḥ |
VAR_St: avāpnoti
uttareṣāṃ caitadavirodhi |
VAR_St: itareṣāṃ
anicayo bhikṣuḥ |
ūrdhvaretāḥ |
dhruvaśīlo varṣāsu |
bhikṣārthī grāmam iyāt |
jaghanyam anivṛttaṃ caret |
nivṛttāśīḥ |
vākcakṣuḥkarmasaṃyataḥ |
kaupīnācchādanārthe vāso bibhṛyāt |
VAR_St: -arthaṃ
prahīṇam eke nirṇijya |
nāviprayuktam oṣadhivanaspatīnām aṅgam upādadīta |
na dvitīyām apartu rātriṃ grāme vaset |
muṇḍaḥ śikhī vā |
varjeyed bījavadham |
samo bhūteṣu hiṃsānugrahayoḥ |
anārambhī |
vaikhānaso vane mūlaphalāśī tapaḥśīlaḥ |
śrāvaṇakenāgnim ādhāya |
VAR_St: śrāmaṇakena
agrāmyabhojī |
devapitṛmanuṣyabhūtarṣipūjakaḥ |
sarvātithiḥ pratiṣiddhavarjam |
vaiṣkam apy upayuñjīta |
VAR_St: baiṣkam
na phālakṛṣṭam adhitiṣṭhet |
grāmaṃ ca na praviśet |
jaṭilaś cīrājinavāsāḥ |
nātisaṃvatsaraṃ bhuñjīta |
VAR_St: atisāṃvatsaraṃ
ekāśramyaṃ tv ācāryāḥ pratyakṣavidhānādgārhasthasya gārhasthasya |
VAR_St: gārhasthyasya gārhasthyasya
GautAA 1,4 = GautSt IV
gṛhasthaḥ sadṛśīṃ bhāryāṃ vindetānanyapūrvāṃyavīyasīm |
asamānapravarair vivāhaḥ |
ūrdhvaṃ saptamāt pitṛbandhubhyo |
bījinaś ca |
mātṛbandhubhyaḥ pañcamāt |
brāhmo vidyācāritrabandhuśīlasaṃpannāya dadyādācchādyālaṃkṛtām |
saṃyogamantraḥ prājāpatye saha dharmaś caryatām iti |
ārṣe gomithunaṃ kanyāvate dadyāt |
antarvedyṛtvije dānaṃ daivo 'laṃkṛtya |
icchantyāḥ svayaṃ saṃyogo gāndharvaḥ |
VAR_St: icchantyā
vittenānatiḥ strīmatām āsuraḥ |
prasahyādānād rākṣasaḥ |
asaṃvijñātopasaṃgamāt paiśācaḥ |
VAR_St: -saṃgamanāt
catvāro dharmyāḥ prathamāḥ |
ṣaḍ ity eke |
anulomānantaraikāntaradvyantarāsu jñātāḥsavarṇāmbaṣṭhograniṣādadauṣmantapāraśavāḥ |
VAR_St: anulomāananta-;-dauṣyanta-
pratilomās tu sūtamāgadhāyogavakṛtavaidehakacaṇḍālāḥ |
VAR_St: pratilomāḥsūta-;āyogavakṣattṛ-
brāhmaṇy ajījanat putrān varṇebhya ānupūrvyādbrāhmaṇasūtamāgadhacaṇḍālān |
tebhya eva kṣatriyāmūrdhāvasikthakṣatriyadhīvarapulkasāṃs |
tebhya eva vaiśyābhṛjjakaṇṭhamāhiṣyavaiśyavaidehān |
pāraśavayavanakaraṇaśūdrāñ śūdrety eke |
VAR_St: bhṛjya
varṇāntaragamanam utkarṣāpakarṣābhyāṃsaptame
pañcame vācāryāḥ |
VAR_St: saptamena;pañcamenācāryāḥ
sṛṣṭyantarajātānāṃ ca |
VAR_St: antarajānāṃ
pratilomās tu dharmahīnāḥ |
śūdrāyāṃ ca |
asamānāyāṃ tu śūdrāt patitavṛttiḥ |
VAR_St: -yāṃ ca
antyaḥ pāpiṣṭhaḥ |
punanti sādhavaḥ putrāḥ |
tripuruṣam ārṣāt |
daśa daivād |
daśaiva prājāpatyāt |
daśa pūrvān daśa parān ātmānaṃ cabrāhmīputro brāhmīputraḥ |
VAR_St: daśāparān
GautAA 1,5 = GautSt V
ṛtāv(ṛtu) upeyāt |
sarvatra vā pratiṣiddhavarjam |
devapitṛmanuṣyabhūtarṣipūjakaḥ |
nityasvādhyāyaḥ |
pitṛbhyaś codakadānaṃ |
yathotsāham anyat |
bhāryādir agnir dāyādir vā |
tasmin gṛhyāṇi karmāṇi |
VAR_St: omitt: karmāṇi
devapitṛmanuṣyayajñāḥ svādhyāyaś ca balikarma |
agnāv agnir dhanvantarir viśve devāḥ prajāpatiḥsviṣṭakṛd iti homaḥ |
VAR_St: homāḥ
digdevatābhyaś ca yathāsvam |
dvārṣu mahadbhyaḥ |
VAR_St: marudbhyaḥ
gṛhadevatābhyaḥ praviśya |
brahmaṇe madhye |
adbhya udakumbhe |
ākāśāyety antarikṣe
balir utkṣepyaḥ |
naktaṃcarebhyaś ca sāyam |
svastivācya bhikṣādānam appūrvam |
dadātiṣu caivaṃ dharmyeṣu |
samadviguṇasāhasrānantyāni phalānyabrāhmaṇabrāhmaṇaśrotriyavedapāragebhyaḥ |
gurvarthaniveśauṣadhārthavṛttikṣīṇayakṣyamāṇādhyayanādhvasaṃyogavaiśvajiteṣu dravyasaṃvibhāgo bahirvedi |
bhikṣamāṇeṣu kṛtānnam itareṣu |
pratiśrutyāpy adharmasaṃyuktāya na dadyāt |
VAR_St: -yuktena
kruddhahṛṣṭabhītārtalubdhabālasthaviramūḍhamattonmattavākyānyanṛtānyapātakāni |
bhojayet pūrvamatithikumāravyādhitagarbhiṇīsvavāsinīsthavirāñ jaghanyāṃś |
ācāryapitṛsakhīnāṃ ca nivedya pacanakriyā |
ṛtvigācāryaśvaśurapitṛvyamātulānām upasthānemadhuparkaḥ |
samvatsare punaḥ |
yajñavivāhayor arvāk |
rājñaś ca śrotriyasya |
aśrotriyasyāsanodake |
śrotriyasya tu pādyam arghyam annaviśeṣāṃś caprakārayet |
nityaṃ vā saṃskāraviśiṣṭam |
madhyato 'nnadānam avaidye sādhuvṛtte |
viparīteṣutṛṇodakabhūmi |
VAR_St: viparīte tu
svāgatam antataḥ |
pūjānatyāśaś ca |
śayyāsanāvasathānuvrajyopāsanāni sadṛkśreyasoḥsamānāni |
VAR_St: samāni
alpaśo 'pi hīne |
asamānagrāmo 'tithiraikarātriko 'dhivṛkṣasūryopasthāyī |
kuśalānāmayārogyāṇām anupraśnaḥ |
antyaṃ śūdrasya |
brāhmaṇasyānatithir abrāhmaṇaḥ |
yajñe saṃvṛtaś cet |
VAR_St: ayajñe saṃvṛttaś
bhojanaṃ tu kṣatriyasyordhvaṃ brāhmanebhyaḥ |
anyān bhṛtyaiḥ sahānṛśaṃsyārtham ānṛśaṃsyārtham |
VAR_St: -ānṛśaṃsārtham ānṛśaṃsārtham
GautAA 1,6 = GautSt VI
pādopasamgrahaṇaṃ samavāye 'nvaham |
abhigamya tu viproṣya |
mātṛpitṛtadbandhūnāṃ pūrvajānāṃ vidyāgurūṇāṃtadgurūṇāṃ ca |
saṃnipāte parasya |
svanāma procyāhamayam ity abhivādojñasamavāye |
VAR_St: ajñasamavāye
strīpuṃyoge 'bhivādato 'niyamam eke |
nāviproṣya strīṇām amātṛpitṛvyabhāryābhaginīnām |
nopasaṃgrahaṇaṃ bhrātṛbhāryāṇāṃ svasṛṛṇām |
VAR_St: śvaśurāśca?
ṛtvikchvaśurapitṛvyamātulānāṃ tu yavīyasāṃpratyutthānam abhivādyāḥ |
VAR_St: na
tathānyaḥ pūrvaḥ pauro 'śītikāvaraḥśūdro 'py apatyasamena |
avaro 'py āryaḥ śūdreṇa |
nāma vāsya varjayet |
VAR_St: cāsya
rājñaś cājapaḥ preṣyaḥ |
bho bhavann iti vayasyaḥ samāne 'hani jātaḥ |
daśavarśavṛddhaḥ pauraḥ |
pañcabhiḥkalābharaḥ |
śrotriyaś cāraṇas tribhiḥ |
rājanyavaiśyakarmā vidyāhīnāḥ |
dīkṣitaś ca prāk krayāt |
vittabandhukarmajātividyāvayāṃsi mānyāniparabalīyāṃsi |
śrutaṃ tu sarvebhyo garīyaḥ |
tanmūlatvād dharmasya
śruteś ca |
cakridaśamīsthānugrāhyavadhūsnātakarājabhyaḥ pathodānam |
rājñā tu śrotriyāya śrotriyāya |
GautAA 1,7 = GautSt VII
āpatkalpo brāhmanasyābrāhmaṇād vidyopayogaḥ |
anugamanaṃ śuśrūṣā |
samāpte brāhmaṇo guruḥ |
yājanādhyāpanapratigrahāḥ sarveṣām |
pūrvaḥ pūrvo guruḥ |
tadalābhe kṣatravṛttiḥ |
VAR_St: kṣatriya-
tadalābhe vaiśyavṛttiḥ |
tasyāpaṇyam |
gandharasakṛtānnatilaśānakṣaumājināni |
raktanirṇikte vāsasī |
VAR_St: -nikte
kṣīraṃ savikāram |
mūlaphalapuṣpauṣadhamadhumāṃsatṛṇodakāpathyāni |
paśavaś ca hiṃsāsaṃyoge |
puruśavaśākumārīvehataś ca nityam |
bhūmivrīhiyavājāvyaśvaṛṣabhadhenvanaḍuhaś caike |
niyamas tu |
rasānāṃ rasaiḥ |
paśūnāṃ ca |
na lavaṇakṛtānnayoḥ |
tilānāṃ ca |
samenāmena tu pakvasya saṃpratyarthe |
sarvathā vṛttir aśaktāv aśaudreṇa |
VAR_St: -thā tu
tad apy eke prāṇasaṃśaye |
tadvarṇasaṃkarābhakṣyaniyamas tu |
prāṇasaṃśaye brāhmaṇo 'pi śastram ādadīta |
rājanyo vaiśyakarma |
VAR_St: -karma vaiśyakarma
GautAA 1,8 = GautSt VIII
dvau loke dhṛtavratau rājā brāhmaṇaś ca bahuśrutaḥ |
tayoś caturvidhasya manuṣyajātasyāntaḥsaṃjñānāmcalanapatanasarpaṇānām āyattaṃ jīvanam |
VAR_St: -sarpāṇām
prasūtirakṣaṇam asaṃkaro dharmaḥ |
sa eva bahuśruto bhavati |
VAR_St: eṣa
lokavedavedāṅgavit |
vākovākyetihāsapurāṇakuśalaḥ |
tadapekṣas tadvṛttiḥ |
catvāriṃśat saṃskāraiḥ saṃskṛtaḥ |
VAR_St: -riṃśatā
triṣu karmasv abhirataḥ |
ṣaṭsu vā |
sāmayācārikeṣv abhivinītaḥ |
ṣaḍbhiḥ parihāryo rājñā |
avadhyaś cābandhyaś cādaṇḍyaś cābahiṣkāryaścāparivādyaś cāparihāryaś ceti |
garbhādhānapuṃsavanasīmantonnayanajātakarmanāmakaraṇānnaprāśanacaulopanayanam |
catvāri vedavratāni |
snānaṃ sahadharmacāriṇīsaṃyogaḥ |
pañcānāṃ yajñānām anuṣṭhānaṃdevapitṛmanuṣyabhūtabrāhmaṇām |
eteṣāṃ ca |
aṣṭakā pārvaṇaḥ śrāddham śrāvaṇyāgrahāyaṇīcaitryāśvayujīti sapta pākayajñasamsthāḥ |
agnyādheyam agnihotraṃ darśapūrṇamāsāvāgrayaṇaṃ cāturmāsyāni nirūḍhapaśubandhaḥ sautrāmaṇīti saptahaviryajñasamsthāḥ |
VAR_St: -paurṇa-
agniṣṭomo 'tyagniṣṭoma ukthyaḥ ṣoḍaśīvājapeyo 'tirātro 'ptoryāma iti sapta somasaṃsthāḥ |
ity ete catvāriṃśatsaṃskārāḥ |
athāṣṭāv ātmaguṇāḥ |
dayā sarvabhūteṣu kṣāntir anasūyā śaucam anāyāsomaṅgalam akārpaṇyam aspṛheti |
yasyaite catvāriṃśatsaṃskārā na cāṣṭāv ātmaguṇāna sa brahmaṇaḥ sāyujyaṃ sālokyaṃ gacchati |
yasya tu khalu saṃskārāṇām ekadeśo 'py aṣṭāv ātmaguṇā atha sa brahmaṇaḥ sāyujyaṃ sālokyaṃ cagacchati |
VAR_St: catvāriṃśatsaṃs- ... gacchati gachati
GautAA 1,9 = GautSt IX
sa vidhipūrvakaṃ snātvā bhāryām adhigamyayathoktān gṛhasthadharmān prayuñjāna imāni vratāny anukarṣet |
VAR_St: -pūrvaṃ
snātakaḥ |
nityaṃ śuciḥ sugandhiḥ snānaśīlaḥ |
VAR_St: -gandhaḥ
sati vibhave na jīrṇamalavadvāsāḥ syāt |
na raktam ulbaṇam anyadhṛtaṃ vāso bibhṛyāt |
na sragupānahau |
nirṇiktam aśaktau |
na rūḍhaśmaśrur akasmāt |
nāgnim apaś ca yugapad dhārayet |
nāñjalinā pibet |
na tiṣṭhann uddhṛtodakenācamet |
na śūdrāśucyekapāṇyāvarjitena |
na vāyvagniviprādityāpo devatā gāś ca pratipaśyan vā mūtrapurīṣāmedhyān vyudasyet |
VAR_St: -āni
naitā devatāḥ prati pādau prasārayet |
na parṇaloṣṭāśmabhir mūtrapurīṣāpakarṣaṇaṃ kuryāt |
na bhasmakeśanakhatuṣakapālamedhyāny adhitiṣṭhet |
VAR_St: -keśatuṣakapālāmedhyāny
na mlecchāśucyadhārmikaiḥ saha saṃbhāṣeta |
saṃbhāṣya puṇyakṛto manasā dhyāyet |
brāhmaṇena vā saha saṃbhāṣeta |
adhenuṃ dhenubhavyeti brūyāt |
abhadraṃ bhadram iti |
kapālaṃ bhagālam iti |
maṇidhanur itīndradhanuḥ |
gāṃ dhayantīṃ parasmai nācakṣīta |
na cainām vārayet |
na mithunī bhūtvā śaucaṃ prati vilambeta |
na ca tasmin śayane svādhyāyam adhīyīta |
na cāpararātram adhītya punaḥ pratisaṃviśet |
nākalpāṃ nārīm abhiramayet |
VAR_St: nākalyāṃ
na rajasvalām |
na caināṃ śliṣyen |
na kanyām |
agnimukhopadhamanavigṛhyavādabahirgandhamālyadhāraṇapāpīyasāvalekhanabhāryāsahabhojanāñjantyavekṣaṇakudvārapraveśanapādapādadhāvanāsandīsthabhojananadībāhutaraṇavṛkṣaviṣamārohaṇāvarohaṇaprāṇavyāyacchanāni varjayet |
VAR_St: ca
na sandigdhāṃ nāvam adhirohet |
sarvata evātmānaṃ gopāyet |
na prāvṛtya śiro 'hani paryaṭet |
prāvṛtya rātrau |
VAR_St: -tya tu
mūtroccāre ca |
na bhūmāv anantardhāya |
nārāc cāvasathāt |
na bhasmakarīṣakṛṣṭacchāyāpathikāmyeṣu |
ubhe mūtrapurīṣe tu divā kuryād udaṅmukhaḥ |
VAR_St: omitt: tu
saṃdhyayoś ca |
rātrau dakṣiṇāmukhaḥ |
VAR_St: -trau tu
pālāśam āsanaṃ pāduke dantadhāvanam iti ca varjayet |
sopānatkaraścāsanābhivādananamaskārān varjayet |
VAR_St: sopānatkaścāśanāsanābhi-
na pūrvāhṇamadhyaṃdināparāhṇān aphalān kuryādyathāśakti dharmārthakāmebhyaḥ |
teṣu tu dharmottarah syāt |
na nagnāṃ parayoṣitam īkṣeta |
na padāsanam ākarṣet |
na śiśnodarapāṇipādavākcakṣuścāpalāni kuryāt |
chedanabhedanavilekhanavimardanāvasphoṭanāninākasmāt kuryāt |
nopari vatsatantīṃ gacchet |
na kulaṃkulaḥ syāt |
na yajñam avṛto gacchet |
darśanāya tu kāmam |
na bhakṣān utsaṅge bhakṣayet |
VAR_St: bhakṣyān
na rātrau preṣyāhṛtam |
uddhṛtasnehavilapanapiṇyākamathitaprabhṛtīnicāttavīryāṇi nāśnīyāt |
VAR_St: -vilayana-
sāyaṃprātas tv annam abhipūjitam anindan bhuñjīta |
na kadācid rātrau nagnaḥ svapet |
snāyād vā |
yac cātmavanto vṛddhāḥ samyagvinītādambhalobhamohaviyuktā vedavida ācakṣate tat samācaret |
yogakṣemārtham īśvaram adhigacchet |
nānyam anyatra devagurudhārmikebhyaḥ |
prabhūtaidhodakayavasakuśamālyopaniṣkramaṇamāryajana bhūyiṣṭham analasasamṛddhaṃ dhārmikādhiṣṭhitaṃ niketanamāvasituṃ yateta |
praśastamaṅgalyadevatāyatanacatuṣpadam pradakṣiṇam āvarteta |
VAR_St: -catuṣpathādīn
manasā vā tatsamagram ācāram anupālayed āpatkalpaḥ |
VAR_St: omitt: tat
satyadharmā |
āryavṛttiḥ |
śiṣṭādhyāpakaḥ |
śaucaśiṣṭaḥ |
śrutinirataḥ syāt |
nityam ahiṃsro mṛdur dṛḍhakārī damadānaśīlaḥ |
evam ācāro mātāpitarau pūrvāparāṃś ca sambandhānduritebhyo mokṣayiṣyan snātakaḥ śaśvadbrahmalokān na cyavate na cyavate |
VAR_St: pūrvāparān sambandhān
GautAA 2,1 = GautSt X
dvijātīnām adhyayanam ijyā dānam |
brāhmanasyādhikāḥ pravacanayājanapratigrahāḥ |
pūrveṣu niyamas tu |
ācāryajñātipriyagurudhanavidyāniyameṣu brahmaṇaḥsaṃpradānam anyatra yathoktāt |
kṛṣivāṇijye vāsvayaṃkṛte |
VAR_St: ca-
kusīdaṃ ca |
rājño 'dhikaṃ rakṣaṇaṃ sarvabhūtānām |
nyāyyadaṇḍatvam |
bibhṛyād brāhmaṇāñ śrotriyān |
nirutsāhāṃś ca brāhmaṇān |
VAR_St: cābrāhma-
akarāṃś ca |
upakurvāṇāṃś ca |
yogaś ca vijaye |
bhaye viśeṣeṇa |
caryā ca rathadhanurbhyām |
saṅgrāme saṃsthānam anivṛttiś ca |
na doṣo hiṃsāyām āhave |
anyatravyaśvasārathyāyudhakṛtāñjaliprakīrṇakeśaparāṅmukhopaviṣṭasthalavṛkṣādhirūḍhadūtagobrāhmaṇavādibhyaḥ |
VAR_St: -vṛkṣārūḍha-
kṣatriyaś ced anyas tam upajīvet tadvṛttyā |
jetā labheta sāṃgrāmikaṃ vittam |
vāhanaṃ tu rājñaḥ |
uddhāraś cāpṛthagjaye |
VAR_St: ca pṛthagjaye
anyat tu yathārhaṃ bhājayed rājā |
rājño balidānaṃ karṣakairdaśamam aṣṭamaṃ ṣaṣṭhaṃ vā |
VAR_St: rājñe balir dānaṃ
paśuhiraṇyayor apy eke pañcāśadbhāgaḥ |
viṃśatibhāgaḥ śulkaḥ paṇye |
mūlaphalapuṣpauṣadhamadhumāṃsatṛnendhanānāṃṣaṣṭhaḥ |
VAR_St: ṣaṣṭhyaḥ
tadrakṣaṇadharmitvāt |
teṣu tu nityayuktaḥ syāt |
adhikena vṛttiḥ |
śilpino māsi māsy ekaikaṃ karma kuryuḥ |
etenātmanopajīvino vyākhyātāḥ |
VAR_St: -ātmanopajīvino
naucakrīvantaś ca |
bhaktaṃ tebhyo dadyāt |
paṇyaṃ vaṇigbhir arthāpacayena deyam |
VAR_St: arghāpa-
pranaṣṭam asvāmikam adhigamya rājñe prabrūyuḥ |
vikhyāpya saṃvatsaraṃ rājñā rakṣyam |
ūrdhvam adhigantuś caturthaṃ rājñaḥ śeṣaḥ |
svāmī rikthakrayasaṃvibhāgaparigrahādhigameṣu |
brāhmaṇasyādhikaṃ labdham |
kṣatriyasya vijitam |
nirviṣṭaṃ vaiśyaśūdrayoḥ |
nidhyadhigamo rājadhanam |
brāhmaṇasyābhirūpasya |
VAR_St: na brā-
abrāhmaṇo 'py ākhyātā ṣaṣṭhaṃ labhetety eke |
caurahṛtam apajitya yathāsthānam gamayet |
VAR_St: avajitya
kośād vā dadyāt |
rakṣyaṃ bāladhanam ā vyavahāraprāpaṇāt |
samāvṛtter vā |
vaiśyasyādhikaṃ kṛṣivaṇikpāśupālyakusīdam |
śūdraś caturtho varṇa ekajātiḥ |
tasyāpi satyam akrodhaḥ śaucam |
ācamanārthe pāṇipādaprakṣālanam evaike |
VAR_St: ity eke
śrāddhakarma |
bhṛtyabharaṇam |
svadāravṛttiḥ |
paricaryā cottareṣām |
tebhyo vṛttiṃ lipseta |
GautSt 10.58 see GautAA 2,1.60
tatra pūrvaṃ pūrvaṃ paricaret |
jīrṇāny upānacchatravāsaḥkūrcādīni |
VAR_St: -kūrcāni
ucchiṣṭāśanam |
śilpavṛttiś ca |
yaṃ cāryam āśrayed bhartavyas tena kṣīṇo 'pi |
VAR_St: āśrayīta
tena cottaraḥ |
tadartho 'sya nicayaḥ syāt |
anujñāto 'sya namaskāro mantraḥ |
pākayajñaiḥ svayaṃ yajetety eke |
sarve cottarottaraṃ paricareyuḥ |
āryānāryayor vyatikṣepe karmaṇaḥ sāmyaṃ |
VAR_St: sāmyam
GautAA 2,2 = GautSt XI
rājā sarvasyeṣṭe brāhmanavarjam |
sādhukārī sādhuvādī |
VAR_St: -rī syāt sā-
trayyām ānvīkṣikyā vābhivinītaḥ |
VAR_St: -kṣikyāṃ cā-
śucir jitendriyo guṇavatsahāyopāyasaṃpannaḥ |
samaḥ prajāsu syāt |
hitam āsāṃ kurvīta |
VAR_St: hitaṃ cāsāṃ
tam uparyāsīnam adhastād upāsīrann anyebrāhmaṇebhyaḥ |
te 'py enaṃ manyeran |
varṇān āśramāṃś ca nyāyato 'bhirakṣet |
calataś caitān svadharme sthāpayet |
VAR_St: enān
dharmasya hy aṃśabhāg bhavatīti |
VAR_St: vijñāyate
brāhmanaṃ ca purodadhītavidyābhijanavāgrūpavayaḥśīlasaṃpannaṃ nyāyavṛttaṃ tapasvinam |
VAR_St: purodadhīta}(purohita
tatprasūtaḥ karmāṇi kurvīta |
brahmaprasūtaṃ hi kṣattram ṛdhyate na vyathata iti cavijñāyate |
VAR_St: iti vijñāyate
yāni ca daivotpātacintakāḥ prabrūyus tānyādriyeta |
tadadhīnam api hy eke yogakṣemaṃ pratijānate |
śāntipuṇyāhasvastyayanāyuṣmanmaṅgalasaṃyuktānyābhyudayikāni vidveṣaṇasaṃvananābhicāradviṣadvyṛddhiyuktāni caśālāgnau kuryāt |
VAR_St: āyuṣyamaṅgala-
yathoktam ṛtvijo 'nyāni |
tasya ca vyavahāro vedo dharmaśāstrāṇy aṅgānyupavedāḥ purāṇam |
VAR_St: omitt: ca; upavedāḥ
deśajātikuladharmāś cāmnāyair aviruddhāḥ pramāṇam |
karṣakavaṇikpaśupālakusīdikāravaḥ sve sve varge |
tebhyo yathādhikāram arthān pratyavahṛtyadharmavyavasthā |
nyāyādhigame tarko 'bhyupāyaḥ |
tenābhyūhya yathāsthānaṃ gamayet |
vipratipattau traividyavṛddhebhyaḥ pratyavahṛtyaniṣṭhāṃ gamayet |
tathā hy asya niḥśreyasaṃ bhavati |
brahma kṣattreṇa saṃpṛktaṃ devapitṛmanuṣyāndhārayatīti vijñāyate |
VAR_St: pṛktaṃ
daṇḍo damanād ity āhus tenādāntān damayet |
varṇāśramāḥ svasvadharmaniṣṭhāḥ pretya karmaphalamanubhūya tataḥ śeṣena viśiṣṭadeśajātikularūpāyuḥśrutacitravittasukhamedhaso |
VAR_St: varṇā āśramāś ca svadharma-;-śrutavṛtta-
janma pratipadyante |
VAR_St: prapadyante
viṣvañco viparītā naśyanti |
tān ācāryopadeśo daṇḍaś ca pālayate |
tasmād rājācāryāv anindyāv anindyau |
GautAA 2,3 = GautSt XII
śūdro dvijātīn abhisaṃdhāyābhihatya cavāgdaṇḍapāruṣyābhyām aṅgamocyo yenopahanyāt |
VAR_St: atisaṃdhāyābhihatya vāg-;aṅgaṃ mocyo
āryastryabhigamane liṅgoddhāraḥ svaharaṇaṃ ca |
VAR_St: sarvasvaharaṇaṃ ca
goptā ced vadho 'dhikaḥ |
atha hāsya vedam upaśṛṇvatas trapujatubhyāṃśrotrapratipūraṇam |
udāharaṇe jihvācchedo |
dhāraṇeśarīrabhedaḥ |
āsanaśayanavākpathiṣu samaprepsur daṇḍyaḥ |
śataṃ kṣatriyo brāhmaṇākrośe |
daṇḍapāruṣye dviguṇam |
adhyardhaṃ vaiśyaḥ |
brāhmaṇas tu kṣatriye pañcāśat |
tadardhaṃ vaiśye |
na śūdre kiṃcit |
brāhmaṇarājanyavat kṣatriyavaiśyau |
aṣṭāpādyaṃ steyakilbiṣaṃ śūdrasya |
dviguṇottarāṇītareṣāṃ prativarṇam |
viduṣo 'tikrame daṇḍabhūyastvam |
phalaharitadhānyaśākādāne pañcakṛṣṇalam alpam |
VAR_St: alpe
paśupīḍite svāmidoṣaḥ |
pālasaṃyukte tu tasmin |
pathi kṣetre 'nāvṛte pālakṣetrikayoḥ |
pañca māṣā gavi |
ṣaḍ uṣṭrakhare |
aśvamahiṣyor daśa |
VAR_St: mahiṣayor
ajāviṣu dvau dvau |
sarvavināśe śadaḥ |
śiṣṭākaraṇe pratiṣiddhasevāyāṃ ca nityaṃcailapiṇḍād ūrdhvaṃ svaharaṇam |
VAR_St: cela
go'gnyarthe tṛṇamedhān vīrudvanaspatīnāṃ capuṣpāṇi svavad ādadīta phalāni cāparivṛtānām |
kusīdavṛddhir dharmyā viṃśatiḥ pañcamāṣikī māsam |
nātisāṃvatsarīm eke |
cirasthāne dvaiguṇyaṃ prayogasya |
bhuktādhir na vardhate |
ditsato 'varuddhasya ca |
cakrakālavṛddhiḥ |
kāritākāyikāśikhādhibhogāś ca |
kusīdaṃ paśūpajalomakṣetraśadavāhyeṣu nātipañcaguṇam |
ajaḍāpaugaṇḍadhanaṃ daśavarṣabhuktaṃ paraiḥ saṃnidhaubhoktuḥ |
VAR_St: -pogaṇḍa-
na śrotriyapravrajitarājapurṣaiḥ |
VAR_St: -rājanya-
paśubhūmistrīṇām anatibhogaḥ |
rikthabhāja ṛṇaṃ pratikuryuḥ |
prātibhāvyavaṇikśulkamadyadyūtadaṇḍāḥ putrānnābhyābhaveyuḥ |
VAR_St: -daṇḍā na putrān adhyābhaveyuḥ
nidhyanvādhiyācitāvakrītādhayo naṣṭāh sarvānaninditān puruṣāparādhena |
VAR_St: aninditānapuruṣa-
stenaḥ prakīrṇakeṣo musalī rājānam iyātkarmācakṣānaḥ |
pūto vadhamokṣābhyām |
aghnann enasvī rājā |
na śārīro brāhmaṇadaṇḍaḥ |
karmaviyogavikhyāpanavivāsanāṅkakaraṇāni |
apravṛttau prāyaścittī saḥ |
VAR_St: avṛttau
corasamaḥ sacivo matipūrve |
pratigrahītāpy adharmasaṃyukte |
puruṣaśaktyaparādhānubandhavijñānād daṇḍaniyogaḥ |
anujñānaṃ vā vedavitsamavāyavacanādvedavitsamavāyavacanāt |
GautAA 2,4 = GautSt XIII
vipratipattau sākṣinimittā satyavyavasthā |
bahavaḥ syur aninditāḥ svakarmasu prātyayikā rājñāṃniṣprītyanabhitāpāś cānyatarasmin |
VAR_St: rājñā niṣ-
api śūdrāḥ |
brāhmaṇas tv abrāhmaṇavacanād anavarodhyo 'nibaddhaścet |
nāsamavetāpṛṣṭāḥ prabrūyuḥ |
VAR_St: -tā apṛṣṭāḥ
avacane 'nyathāvacane ca doṣiṇaḥ(doṣa-) syuḥ |
VAR_St: avacaneca doṣiṇaḥ
svargaḥ satyavacane viparyaye narakaḥ |
anibaddhair api vaktavyam |
na pīḍākṛte nibandhaḥ |
pramattokte ca |
VAR_St: pramāda-
sākṣisabhyarājakartṛṣu doṣo dharmatantrapīḍāyām |
śapathenaike satyakarma |
taddevarājabrāhmaṇasaṃsadi syād abrāhmaṇānām |
kṣudrapaśvanṛte sākṣī daśa hanti |
gośvapuruṣabhūmiṣu daśaguṇottarān |
VAR_St: go 'śva-
sarvaṃ vā bhūmau |
haraṇe narakaḥ |
bhūmivad apsu |
maithunasaṃyoge ca |
paśuvan madhusarpiṣoḥ |
govad vastrahiraṇyadhānyabrahmasu |
yāneṣu aśvavat |
mithyāvacane yāpyo daṇḍyaś ca sākṣī |
nānṛtavacane doṣo jīvanaṃ cet tadadhīnam |
na tu pāpīyaso jīvanam |
rājā prāḍvivāko brāhmaṇo vā śāstravit |
prāḍvivākam adhyābhavet |
saṃvatsaraṃ pratīkṣetāpratibhāyām |
dhenvanaḍutstrīprajananasaṃyuṃkte caśīghram |
ātyayike ca |
sarvadharmebhyo garīyaḥ prāḍvivāke satyavacanaṃsatyavacanam |
GautAA 2,5 = GautSt XIV
śāvam āśaucaṃ daśarātram anṛtvig(ṛtvij)dīkṣitabrahmacāriṇāṃ sapiṇḍānām |
ekādaśarātraṃ kṣatriyasya |
dvādaśarātraṃ vaiśyasya |
ardhamāsam eke |
māsam śūdrasya |
tac ced antaḥ punar āpatec cheṣeṇa śudhyeran |
rātriśeṣe dvābhyām |
prabhāte tisṛbhiḥ |
gobrāhmaṇahatānām anvakṣam |
rājakrodhāc ca |
yuddhe |
prāyānāśakaśastrāgniviṣodakodbandhanaprapatanaiś cecchatām |
piṇḍanivṛttiḥ saptame pañcame vā |
janane 'py evam |
mātāpitros(pitṛ) tat |
mātur vā |
garbhamāsasamārātrīḥ sraṃsane garbhasya |
tryahaṃ vā |
śrutvā cordhvaṃ daśamyāḥ pakṣiṇīm |
asapiṇḍe yonisaṃbandhe sahādhyāyini ca |
sabrahmacāriṇy ekāham |
śrotriye copasaṃpanne |
pretopasparśane daśarātram āśaucam abhisaṃdhāya cet |
uktaṃ vaiśyaśūdrayoḥ |
ārtavīr vā |
pūrvayoś ca |
tryahaṃ vā |
ācāryatatputrastrīyājyaśiṣyeṣu caivam |
avaraś ced varṇaḥ pūrvavarṇam upaspṛśet pūrvovāvaraṃ tatra śavoktam āśaucam |
VAR_St: pūrvaṃ varṇam
patitacaṇḍālasūtikodakyāśavaspṛṣṭitatspṛṣṭyupasparśanesacailodakopasparśanāc chudhyet |
VAR_St: sacela-
śavānugamane ca |
śunaś ca |
yad upahanyād ity eke |
udakadānaṃ sapiṇḍaiḥ kṛtacūḍasya |
VAR_St: kṛtajaṭasya
tatstrīṇāṃ ca |
eke prattānām |
adhaḥśayyāsanino brahmacāriṇaḥ sarve |
na mārjayīran |
na māṃsaṃ bhakṣayeyur ā pradānāt |
prathamatṛtīyasaptamanavameṣūdakakriyā |
VAR_St: tṛtīyapañcama-
vāsasāṃ ca tyāgaḥ |
ante tv antyānām |
VAR_St: antye
dantajanmādi mātāpitṛbhyām |
bāladeśāntaritapravrajitāsapiṇḍānāṃ sadyaḥ śaucam |
rājñāṃ ca kāryavirodhāt |
brāhmaṇasya ca svādhyāyanivṛttyarthamsvādhyāyanivṛttyartham |
VAR_St: svādhyāyānivṛtty-
GautAA 2,6 = GautSt XV
atha śrāddham |
amāvāsyāyāṃ pitṛbhyo dadyāt |
pañcamīprabhṛtiṣu vāparapakṣasya |
VAR_St: -prabhṛti vā-
yathāśraddhaṃ sarvasmin vā |
dravyadeśabrāhmaṇasaṃnidhāne vā kālaniyamaḥ |
VAR_St: vākālaniyamaḥ
śaktitaḥ prakarṣed guṇasaṃskāravidhir annasya |
VAR_St: -vidhinānnasya
navāvarān bhojayed ayujaḥ |
yathotsāhaṃ vā |
śrotriyān vāgrūpavayaḥśīlasaṃpannān |
yuvabhyo dānaṃ prathamam |
eke pitṛvat |
na ca tena mitrakarma kuryāt |
putrābhāve sapiṇḍā mātṛsapiṇḍāḥ śiṣyāś ca dadyuḥ |
tadabhāva ṛtvigācāryau |
tilamāṣavrīhiyavodakadānair māsaṃ pitaraḥprīṇanti | matsyahariṇaruruśaśakūrmavarāhameṣamāṃsaiḥsaṃvatsarāṇi|gavyapayaḥpāyasair dvādaśa varṣāṇi|vārdhrīṇasenamāṃsena kālaśākacchāgalohakhaḍgamāṃsair madhumiśraiś cānantyam |
na bhojayet stenaklībapatitanāstikatadvṛttivīrahāgredidhiṣupatistrīgrāmayājakājāpālotsṛṣṭāgnimadyapakucarakūṭasākṣiprātihārikān |
VAR_St: -didhiṣūdidhiṣūpati-;-ajapāla-
upapatiḥ |
yasya ca saḥ |
VAR_St: yasya ca
kuṇḍāśisomavikrayyagāradāhigaradāvakīrṇigaṇapreṣyāgamyāgāmihiṃsraparivittiparivettṛparyāhitaparyādhātṛtyaktātmadurbālakunakhiśyāvadantaśvitripaunarbhavakitavājaparājapreṣyaprātirūpikaśūdrāpatinirākṛtikilāsikusīdivaṇikśilpopajīvijyāvāditratālanṛtyagītaśīlān |
VAR_St: -parivitta-;śyāvadat-;nṛtta-
pitrā(pitṛ) vākāmena vibhaktān |
VAR_St: cākāmena
śiṣyāṃś caike sagotrāṃś ca |
bhojayed ūrdhvaṃ tribhyaḥ |
guṇavantam |
sadyaḥ śrāddhī śūdrātalpagas tatpurīṣe māsaṃnayati pitṛṛn |
tasmāt tadaham brahmacārī ca syāt |
VAR_St: -aharbrahmacārī syāt
śvacāṇḍālapatitāvekṣaṇe duṣṭam |
VAR_St: caṇdāla
tasmāt pariśrite dadyāt |
tilair vā vikiret |
paṅktipāvano vā śamayet |
paṅktipāvanaḥ ṣaḍaṅgavij jyeṣṭhasāmikas triṇāciketastrimadhus trisuparṇaḥ pañcāgniḥ snātako mantrabrāhmaṇavid dharmajñobrahmadeyānusaṃtāna iti |
VAR_St: jyeṣṭhasāmagas
haviḥṣu caivam |
durbālādīn śrāddha ekaike |
VAR_St: -eke śrāddha evaike
akṛtānnaśrāddhe caivaṃ caivam |
GautAA 2,7 = GautSt XVI
śrāvaṇādi vārṣikaṃ proṣṭhapadīṃvopākṛtyādhīyīta cchandāṃsi |
VAR_St: śravaṇādi
ardhapañcamān māsān pañca dakṣiṇāyanaṃ vā |
brahmacāry utsṛṣṭalomā na māṃsaṃ bhuñjīta |
dvaimāsyo vā niyamaḥ |
nādhīyīta vāyau divā pāṃsuhare |
karṇaśrāviṇi naktam |
vāṇabherīmṛdaṅgagartārtaśabdeṣu |
śvaśṛgālagardabhasaṃhrāde |
rohitendradhanurnīhāreṣu |
VAR_St: lohita-
abhradarśane cāpartau(ṛtu) |
mūtrita uccārite |
niśāyāṃ saṃdhyodakeṣu |
VAR_St: niśāsaṃdhyā-
varṣati ca |
eke valīkasaṃtānām |
ācāryapariveṣaṇe |
jyotiṣoś ca |
bhīto yānasthaḥ śayānaḥ prauḍhapādaḥ |
śmaśānagrāmāntamahāpathāśauceṣu |
pūtigandhāntaḥśavadivākīrtya(cāṇḍāla)śūdrasaṃnidhāne |
bhuktake codgāre |
ṛgyajuṣaṃ ca sāmaśabdo yāvat |
ākālikā nirghātabhūmikamparāhudarśanolkāḥ |
stanayitnuvarṣavidyutaś ca prāduṣkṛtāgniṣu |
ahar ṛtau(ṛtu) |
VAR_St: apartau
vidyuti naktaṃ cāpararātrāt |
tribhāgādipravṛttau sarvam |
ulkā vidyutsamety ekeṣām |
stanayitnur aparāhṇe |
api pradoṣe |
sarvaṃ naktam ārdharātrāt |
ahaś cet sajyotiḥ |
viṣayasthe ca rājñi(rājan) prete |
viproṣya cānyonyena saha |
saṃkulopāhitavedasamāpticchardiśrāddhamanuṣyayajñabhojaneṣvahorātram |
amāvāsyāyāṃ ca |
dvyahaṃ vā |
kārtikī phālgunīyṣāḍhī paurṇamāsī |
tisro 'ṣṭakās trirātram |
antyām eke |
abhito vārṣikam |
sarve varṣāvidyutstanayitnusaṃnipāte |
VAR_St: varṣa-
prasyandini |
ūrdhvaṃ bhojanād utsave |
prādhītasya ca niśāyāṃ caturmuhūrtam |
nityam eke nagare |
mānasam apy aśuciḥ |
śrāddhinām(śrāddha) ākālikam |
akṛtānnaśrāddhikasaṃyoge 'pi |
VAR_St: -yoge ca
pratividyaṃ ca yān smaranti |
VAR_St: yān smaranti
GautAA 2,8 = GautSt XVII
praśastānāṃ svakarmasu dvijātīnāṃ brāhmaṇo bhuñjīta |
pratigṛhṇīyāc ca |
edhodakayavasamūlaphalamadhvabhayābhyudyataśayyāsanāvasathayānapayodadhidhānāśapharīpriyaṅgusragmārgaśākāny apraṇodyāni sarveṣām |
pitṛdevagurubhṛtyabharaṇe 'py anyat |
VAR_St: -ṇe cānyat
vṛttiś cen nāntareṇa śūdrāt |
paśupālakṣetrakarṣakakulasaṃgatakārayitṛparicārakāḥbhojyānnāḥ |
vaṇik cāśilpī |
nityam abhojyam |
keśakīṭāvapannam |
rajasvalākṛṣṇaśakunipadopahatam |
bhrūṇaghnāvekṣitam |
VAR_St: bhrūṇaghnā prekṣitam
GautSt 17.12 see GautAA 2,8.13
bhāvaduṣṭam |
gavopaghrātam |
śuktaṃ kevalam adadhi |
punaḥ siddham |
paryuṣitam aśākabhakṣasnehamāṃsamadhūni |
VAR_St: -bhakṣya-
utsṛṣṭapuṃścalyabhiśastānapadeśyadaṇḍikatakṣakadaryabandhanikacikitsakamṛgayvaniṣucāryucchiṣṭabhojigaṇavidviṣāṇānām |
apaṅktyānāṃ prāgdurvālāt |
VAR_St: apāṅkty-
vṛthānnācamanotthānavyapetāni |
samāsamābhyāṃ viṣamasame pūjātaḥ |
anarcitaṃ ca |
goś ca kṣīram anirdaśāyāḥ sūtake |
ajāmahiṣyoś ca |
nityam āvikam apeyam auṣṭram aikaśaphaṃ ca |
syandinīyamasūsaṃdhinīnāṃ ca |
vivatsāyāś ca |
pañcanakhāś cāśalyakaśaśaśvāvidgodhākhaḍgakacchapāḥ |
ubhayatodatkeśyalomaikaśaphakalaviṅkaplavacakravākahaṃsāḥ |
kākakaṅkagṛdhraśyenā jalajā raktapādatuṇḍāgrāmyakukkuṭasūkarāḥ |
VAR_St: -sūkarau
dhenvanaḍuhau ca |
apannadannavasannavṛthāmāṃsāni |
VAR_St: apannadāvasanna-
kisalayakyākulaśunaniryāsāḥ |
VAR_AA: kimpāku for kyāku
lohitā vraścanāḥ |
VAR_St: -canāś ca
nicudārubakabalākāśukamadguṭiṭṭibhamāndhālanaktacarāabhakṣyāḥ |
VAR_St: balākaśuka-;-māndhālā naktaṃcarā
bhakṣyāḥ pratudaviṣkirajālapādāḥ |
VAR_St: -viṣkirājāla-
matsyāś cāvikṛtāḥ |
vadhyāś ca dharmārthe |
vyālahatādṛṣṭadoṣavākpraśastānabhyukṣyopayuñjītopayuñjīta |
VAR_St: -praśastāny
GautAA 2,9 = GautSt XVIII
asvatantrā dharme strī |
nāticared bhartāram(bhartṛ) |
vākcakṣuḥkarmasaṃyatā |
apatir apatyalipsur devarāt |
guruprasūtā nartum(ṛtu) atīyāt |
piṇḍagotrarṣisaṃbandhebhyo yonimātrād vā |
nādevarād ity eke |
nātidvitīyam |
janayitur apatyam |
samayād anyasya |
VAR_St: anyatra
jīvataś ca kṣetre |
parasmāt tasya |
dvayor vā |
rakṣaṇāt tu bhartur(bhartṛ) eva |
śrūyamāṇe 'bhigamanam |
VAR_St: naṣṭe bhartari ṣaḍvārṣikaṃkṣapaṇaṃ śrūyamāṇe
pravrajite tu nivṛttiḥ prasaṅgāt |
dvādaśa varṣāṇi brāhmaṇasya vidyāsaṃbandhe |
bhrātari(bhrātṛ) caivam jyāyasi yavīyānkanyāgnyupayameṣu |
ṣaḍ ity eke |
trīn kumāry ṛtūn atītya svayaṃyujyetāninditenotsṛjya pitryān alaṃkārān |
VAR_St: yuñjītā-
pradānaṃ prāg ṛtoḥ(ṛtu) |
aprayacchan doṣī |
prāg vāsasaḥ pratipatter ity eke |
VAR_St: vāsaḥ
dravyādānaṃ vivāhasiddhyarthaṃ dharmatantrasaṃyogeca śūdrāt |
anyatrāpi śūdrād bahupaśor hīnakarmaṇaḥ |
śatagor anāhitāgneḥ |
sahasragoś cāsomapāt |
saptamīṃ cābhuktvāanicayāya |
apy ahīnakarmabhyaḥ |
ācakṣīta rājñā pṛṣṭaḥ |
tena hi bhartavyaḥ śrutaśīlasaṃpannaś cet |
dharmatantrapīḍāyām tasyākaraṇe doṣo |
VAR_St: akaranedoṣaḥ; doṣo doṣaḥ
GautAA 3,1 = GautSt XIX
ukto varṇadharmaś cāśramadharmaś ca |
VAR_St: -dharma āśrama-
atha khalv ayaṃ puruṣo yāpyena karmaṇā lipyate yathaitad ayājyayājanam abhakṣyabhakṣaṇam avadyavadanaṃśiṣṭasyākriyā pratiṣiddhasevanam iti |
tatra prāyaścittaṃ kuryāt na kuryād iti mīmāṃsante |
na kuryād ity āhuḥ |
na hi karma kṣīyata iti |
kuryād ity aparam |
punaḥstomeneṣṭvā punaḥ savanam āyāntīti vijñāyate |
vrātyastomaiś ceṣṭvā |
tarati sarvaṃ pāpmānaṃ tarati brahmahatyāṃyo,aśvamedhena yajate |
VAR_St: yajata iti ca
agniṣṭutābhiśasyamānaṃ yājayed iti ca |
tasya niṣkrayaṇāni japas tapo homa upavāso dānam |
upaniṣado vedāntaḥ sarvacchandaḥsu saṃhitā madhūnyaghamarṣaṇam atharvaśiro rudrāḥ puruṣasūktaṃ rājatarauhine sāmanībṛhadrathantare puruṣagatir mahānāmnyo mahāvairājaṃ mahādivākīrtyaṃjyeṣṭhasāmnām anyatamad bahiṣpavamānaṃ kūṣmāṇḍāni pāvamānyaḥsāvitrī ceti pāvamānāni |
VAR_St: rājanarauhiṇe;iti pāvanāni
payovratatā śākabhakṣatā phalabhakṣatāprasṛtayāvako hiraṇyaprāśanaṃ ghṛtaprāśanaṃ somapānam itimedhyāni |
VAR_St: prasṛtiyāvako
sarve śiloccayāḥ sarvāḥ sravantyaḥ puṇyā hradāstīrthāny ṛṣinivāsā goṣṭhapariskandhā iti deśāḥ |
VAR_St: ṛṣinivāsagoṣṭha-
brahmacaryaṃ satyavacanaṃ savaneṣūdakopasparśanamārdravastratādhaḥśāyitānāśaka iti tapāṃsi(tapas) |
hiraṇyaṃ gaur vāso 'śvo bhūmis tilā ghṛtam annam itideyānīti |
VAR_St: iti deyāni
saṃvatsaraḥ ṣaṇmāsāś catvāras trayo vā dvauvaikaś caturviṃśatyaho dvādaśāhaḥ ṣaḍahas tryaho 'horātra itikālāḥ |
VAR_St: trayo dvāv ekaś
etāny evānādeśe vikalpena kriyeran |
enaḥsu(enas) guruṣu gurūṇi laghuṣu laghūni |
kṛcchrātikṛcchrau cāndrāyaṇam iti sarvaprāyaścittaṃ |
VAR_St: sarvaprāyaścittam
GautAA 3,2 = GautSt XX
tyajet pitaraṃ(pitṛ) rājaghātakaṃ śūdrayājakaṃśūdrārthayājakaṃ vedaviplāvakaṃ bhrūṇahanaṃ yaś cāntyāvasāyibhiḥsaha saṃvased antyāvasāyinyāṃ ca |
VAR_St: -antāvasāyibhiḥ;saṃvasedantāvasāyinyām
tasya vidyāgurūn yonisaṃbandhāṃś ca saṃnipātyasarvāṇy udakādīni pretakāryāṇi kuryuḥ |
VAR_St: pretakarmāṇi
pātraṃ cāsya viparyasyeyuḥ |
dāsaḥ karmakaro vāvakarād amedhyapātram ānīyadāsīghaṭāt pūrayitvā dakṣiṇāmukho yadā viparyasyed amukam anudakaṃkaromi iti nāmagrāham |
VAR_St: dakṣiṇāmukhaḥ padā;viparyasyed amum
taṃ sarve 'nvālabheran prācīnāvītino muktaśikhāḥ |
vidyāguravo(guru) yonisaṃbandhāś ca vīkṣeran |
apa upaspṛśya grāmaṃ praviśanti |
ata uttaraṃ tena saṃbhāṣya tiṣṭhed ekarātraṃ japansāvitrīm ajñānapūrvam |
VAR_St: ata ūrdhvaṃ
jñānapūrvaṃ ca trirātram |
VAR_St: -pūrvaṃ cet
yas tu prāyaścittena śudhyet tasmiñ śuddheśātakumbhamayaṃ pātraṃ puṇyatamād dhradāt pūrayitvā sravantībhyovā tata enam apa upasparśayeyuḥ |
athāsmai tatpātram dadyus tatapratigṛhya japecśāntā dyauḥ śāntā pṛthivī śāntaṃ śivam antarikṣaṃ yo rocanastābhamam gṛhṇāmiiti |
VAR_St: rocanas tam iha gṛh-
etair yajurbhiḥ pāvamānībhis taratsamandībhiḥkūṣmāṇḍaiś cājyaṃ juhuyād |
hiraṇyaṃ brāhmaṇāyadadyāt |
gāṃ vā |
ācāryāya ca |
yasya tu prāṇāntikaṃ prāyaścittaṃ sa mṛtaḥśudhyet |
VAR_St: prāyaścittaṃ mṛtaḥ
sarvāṇy eva tasminn udakādīni pretakarmāṇi kuryuḥ |
etad eva śāntyudakaṃ sarveṣūpapātakeṣusarveṣūpapātakeṣu |
VAR_St: upapātakeṣu upapātakeṣu
GautAA 3,3 = GautSt XXI
brahmahasurāpagurutalpagamātṛpitṛyonisaṃbandhāgastenanāstikaninditakarmābhyāsipatitātyāgyapatitatyāginaḥ patitāḥ |
VAR_St: brahmahāsurāpa--saṃbandhaga-
pātakasaṃyojakāś ca |
taiś cābdaṃ samācaran |
dvijātikarmabhyo hāniḥ patanam |
tathā paratra cāsiddhiḥ |
VAR_St: omitt: tathā
tam eke narakam |
trīṇi prathamāny anirdeśyāny anu |
VAR_St: anirdeśyāni manuḥ
na strīṣv agurutalpaṃ patatīty eke |
VAR_St: agurutalpaḥ
bhrūṇahani hīnavarṇasevāyāṃ ca strīpatati |
VAR_St: hīnaśevāyāṃ
kauṭasākṣyaṃ rājagāmi paiśunam guroranṛtābhiśaṃsanaṃ mahāpātakasamāni |
VAR_St: -śaṃsanaṃ pātakasamāni
apaṅktyānāṃ prāgdurbālādgohantṛbrahmaghnatanmātrakṛdavakīrṇipatitasāvitrīkeṣūpapātakam |
VAR_St: apāṅkty-;-brahmojbhaktanmantra-
ajñānād andhyāpanād ṛtvigācāryaupatanīyasevāyāṃ ca heyau |
VAR_St: ajñānādhyāpanād
anyatra hānāt patati |
tasya ca pratigrahītety eke |
na karhicin mātāpitror(mātṛpitṛ) avṛttiḥ |
dāyaṃ tu na bhajeran |
brāhmanābhiśaṃsane doṣas tāvān |
dvir anenasi |
durbalahiṃsāyāṃ ca vimocane śaktaś cet |
VAR_St: cāvimocane
abhikruddhāvagoraṇaṃ brāhmaṇasya varṣaśatamasvargyam |
VAR_St: -avagoraṇe
nighāte sahasram |
lohitadarśane yāvatas tatpraskandya pāṃsūnsaṃgṛhṇīyāt |
VAR_St: saṃgṛhṇīyāt
GautAA 3,4 = GautSt XXII
prāyaścittam |
agnau saktir brahmaghnas trir avacchātasya |
lakṣyaṃ vā syāt janye śastrabhṛtām |
khaṭvāṅgakapālapāṇir vā dvādaśa saṃvatsarānbrahmacārī bhaikṣāya grāmaṃ praviśet karmācakṣāṇaḥ |
patho 'pakrāmet saṃdarśanād āryasya |
sthānāsanābhyāṃ viharan savaneṣūdakopasparśīśudhyet |
prāṇalābhe vā tannimitte brāhmaṇasya |
dravyāpacaye tryavaraṃ pratirāddhaḥ |
VAR_St: -caye vā
aśvamedhāvabhṛthe vā |
anyayajñe 'py agniṣṭudantaś cet |
sṛṣṭaś ced brāhmaṇavadhe 'hatvāpi |
ātreyyāś caivam |
VAR_St: ātreyīṃ
garbhe cāvijñāte |
VAR_St: brāhmaṇasya
rājanyavadhe ṣaḍvārṣikaṃ prākṛtaṃ brahmacaryamṛṣabhaikasahasrāś ca gā dadyāt |
vaiśye tu traivārṣikam ṛṣabhaikaśatāś ca gādadyād |
VAR_St: omitt: tu
śūdre saṃvatsaram ṛṣabhaikādaśāś ca gā dadyāt |
anātreyyāṃ caivam |
gāṃ ca vaiśyavat |
maṇḍūkanakulakākabimbadaharamūṣakaśvahiṃsāsuca |
VAR_St: -mūṣika-
asthanvatām sahasraṃ hatvā |
anasthimatām anaḍudbhāre(anaḍuh) ca |
api vāsthanvatām ekaikasmin kiṃcid dadyāt |
ṣaṇḍhe palālabhāraḥ sīsamāṣaś ca |
varāhe ghṛtadhaṭaḥ |
VAR_St: ghṛtaghaṭaḥ
sarpe lohadaṇḍaḥ |
brahmabandhvāṃ calanāyāṃ nīlaḥ |
VAR_St: jīlaḥ
vaiśikena kiṃcit |
talpānnadhanalābhavadheṣu pṛthagvarṣāṇi |
dve paradāre |
trīṇi śrotriyasya |
dravyalābhe cotsargaḥ |
yathāsthānaṃ vā gamayet |
pratiṣiddhamantrayoge sahasravākaś cet |
agnyutsādinirākṛtyupapātakeṣu caivam |
strī yāticāriṇī guptā piṇḍaṃ tu labheta |
VAR_St: strīcāticāriṇī
amānuṣīṣu govarjaṃ strīkṛte kūṣmāṇḍair ghṛtahomoghṛtahomaḥ |
GautAA 3,5 = GautSt XXIII
surāpasya brāhmaṇasyoṣṇām āsiñceyuḥ surām āsyemṛtaḥ śudhyet |
amatyā pāne payo ghṛtam udakaṃ vāyuṃ pratitryahaṃtaptāni sa kṛcchras tato 'sya saṃskāraḥ |
mūtrapurīṣaretasāṃ ca prāśane |
śvāpadoṣṭrakharāṇāṃ cāṅgasya |
grāmyakukkuṭasūkarayoś ca |
gandhāghrāṇe surāpasya prāṇāyāmā ghṛtaprāśanaṃ ca |
pūrvaiś ca daṣṭasya |
tapte lohaśayane gurutalpagaḥ śayīta |
sūrmīṃ vā śliṣyejjvalantīm |
VAR_St: vāśliṣyet
liṅgaṃ vā savṛṣaṇam utkṛtya añjalāv ādhāyadakṣiṇāpratīcīṃ vrajed ajihmam ā śarīranipātāt |
VAR_St: vā utpāṭya
mṛtaḥ śudhyet |
sakhīsayonisagotrāśiṣyabhāryāsu sunuṣāyāṃ gavi cagurutalpasamaḥ |
VAR_St: sakhi- ... gavi ca talpasamaḥ
avakara ity eke |
śvabhir ādayed rājā nihīnavarṇagamane striyaṃprakāśam |
VAR_St: śvabhiḥ khādayed
pumāṃsaṃ ghātayet(han) |
VAR_St: khādayet
yathoktaṃ vā |
gardabhenāvakīrṇī nirṛtiṃ catuṣpathe yajet |
VAR_St: yajeta
tasyājinam ūrdhvabālaṃ paridhāya lohitapatraḥ saptagṛhān bhakṣaṃ caretkarmācakṣāṇaḥ |
VAR_St: ūrdhvavālaṃ....lohitapātraḥ..bhaikṣaṃ
saṃvatsareṇa śudhyet |
retaḥskandane bhaye roge svapne 'gnīndhanabhaikṣacaraṇāni saptarātram akṛtvājyahomaḥ samidho vāretasyābhyām |
VAR_St: samidhor
sūryābhyudito brahmacārī tiṣṭhed(sthā) aharabhuñjāno 'bhyastamitaś ca rātriṃ japan sāvitrīm |
aśuciṃ dṛṣṭvā ādityam īkṣeta prāṇāyāmaṃ kṛtvā |
abhojyabhojane 'medhyaprāśane vā niṣpurīṣībhāvaḥ |
trirātrāvaram abhojanam |
saptarātraṃ vā svayaṃśīrṇāny upabhuñjānaḥphalāny anatikrāman |
VAR_St: upayuñjānaḥ
prākpañcanakhebhyaś chardanaṃ ghṛtaprāśanaṃ ca |
ākrośānṛtahiṃsāsu trirātraṃ paramaṃ tapaḥ |
satyavākye vāruṇīmānavībhir homaḥ |
VAR_St: vāruṇībhirmāna-
vivāhamaithunanarmārtasaṃyogeṣv adoṣam eke 'nṛtam |
na tu khalu gurvartheṣu |
sapta puruṣānitaś ca parataś ca hanti manasāpiguror(guru) anṛtaṃ vadann alpeṣv apy artheṣu |
VAR_St: yasmāt sapta
antyāvasāyinīgamane kṛcchrābdaḥ |
VAR_St: antāvasāyinī-
amatyā dvādaśarātraḥ |
udakyāgamane trirātras |
VAR_St: trirātraḥ
GautAA 3,6 = GautSt XXIV
rahasyaṃ prāyaścittam avikhyātadoṣasya |
caturṛcaṃ taratsamandīty apsu japed apratigrāhyaṃpratijighṛkṣan pratigṛhya vā |
abhojyaṃ bubhukṣamāṇaḥ pṛthivīm āvapet |
ṛtvantarāramaṇa udakopasparśanāc chuddhim eke |
strīṣu |
VAR_St: eke strī-
payovrato vā daśarātraṃ ghṛtena dvitīyam adbhistṛtīyaṃ divādiṣv ekabhaktiko jalaklinnavāsā lomāni nakhāni tvacammāṃsaṃ śoṇitaṃ snāyvasthi majjānam iti homā ātmano mukhe mṛtyor āsyejuhomīty antataḥ sarveṣāṃ prāyaścittaṃ bhrūṇahatyāyāḥ |
VAR_St: iti homātmamukhe ...ity antaḥ
athānyat |
ukto niyamaḥ |
agne tvaṃ pārayeti (RV 1,189.2) mahāvyāhṛtibhirjuhuyāt kūṣmāṇḍaiś cājyam |
tadvrata eva vā brahmahatyāsurāpānasteyagurutalpeṣuprāṇāyāmais tānto 'ghamarṣaṇaṃ japan samam aśvamedhāvabhṛthenedaṃca prāyaścittam |
VAR_St: japet; omitt: idaṃ ca prāyaścittam
sāvitrīṃ vā sahasrakṛtva āvartayan punītehaivātmānam |
antarjale vāghamarṣaṇaṃ trir āvartayansarvapāpebhyo vimucyate |
VAR_St: mucyate mucyate
GautAA 3,7 = GautSt XXV
tad āhuḥ katidhāvakīrṇī praviśatīti |
marutaḥ prāṇenendre balena bṛhaspatiṃbrahmavarcasenāgnim evetareṇa sarveṇeti |
VAR_St: prāṇair indraṃ
so 'māvāsyāyāṃ niśy agnim upasamādhāyaprāyaścittājyāhutīr juhoti |
VAR_St: -āhutī juhoti
kāmāvakīrṇo 'smy avakīrṇo 'smi kāmakāmāyasvāhā | kāmābhidugdho 'smi abhidugdho 'smi kāmakāmāya svāhetisamidham ādhāya anuparyukṣya yajñavāstu kṛtvopotthāyasamāsiñcatu ity etayā trir upatiṣṭheta |
VAR_St: saṃ mā siñcantu ... upatiṣṭhet
traya ime lokā eṣāṃ lokānām abhijityā abhikrāntyāiti |
VAR_St: abhijityā eṣāṃ lokānām
etad evaikeṣām karmādhikṛtya yo 'prayata iva syāt saitthaṃ juhuyād ittham anumantrayeta varo dakṣiṇeti prāyaścittamaviśeṣāt |
VAR_St: yo 'pūta;ittham abhimantrayeta
anārjavapaiśunapratiṣiddhācārānādyaprāśaneṣu śūdrāyāṃ ca retaḥ siktvā(sic) ayonau(yoni) ca doṣavati ca karmaṇy apisaṃdhipūrve 'bliṅgābhir apa upaspṛśed vāruṇībhir anyair vāpavitraiḥ |
VAR_St: doṣavati karmaṇy abhisandhipūrve 'pi
pratiṣiddhavāṅmanasāpacāre vyāhṛtayaḥ pañcasatyāntāḥ |
VAR_St: omitt: satyāntāḥ
sarvāsv apo vācāmed ahaś ca mādityāś ca punātuiti prātā rātriś ca mā varuṇaś ca punātv iti sāyam |
aṣṭo vā samidha ādadhyād devakṛtasyeti hutvāeva sarvasmād enaso mucyate |
VAR_St: mucyate
VAR_St: aṣṭau
GautAA 3,8 = GautSt XXVI
athātaḥ kṛcchrān vyākhyāsyāmaḥ |
VAR_St: athātas trīnkṛcchrān
haviṣyān prātar āśān bhuktvā tisro rātrīrnāśnīyāt |
athāparaṃ try ahaṃ naktaṃ bhuñjīta |
athāparaṃ try ahaṃ na kaṃcana yāceta |
athāparaṃ try aham upavaset |
tiṣṭhed(sthā) ahani rātrāv āsīta kṣiprakāmaḥ |
satyaṃ vadet |
anāryair na saṃbhāṣeta |
rauravayaudhājape nityaṃ prayuñjīta(prayuj) |
VAR_St: -dhājaye
anusavanam udakopasparśanam āpo hi ṣṭhetitisṛbhiḥ pavitravatībhir mārjayīta(mṛj) hiraṇyavarṇāḥ śucayaḥ(śuci)pāvakā ity aṣṭābhiḥ |
VAR_St: hiraṇyavarṇā ity aṣṭābhiḥ
athodakatarpaṇam |
namo 'hamāya mohamāya maṃhamāya dhanvate tāpasāyapunarvasave namaḥ | namo mauñjyāyorvyāya vasuvindāya sārvavindāyanamaḥ | namaḥ pārāya supārāya mahāpārāya vārayiṣṇave namaḥ | namorudrāya paśupataye mahate devāya tryambakāyaikacarāyādhipatayeharāya(hari) śarvāyeśānāyogrāya vajriṇe ghṛṇine kapardine namaḥ | namaḥ sūryāyādityāya namaḥ | namo nīlagrīvāya śitikaṇṭhāya namaḥ | namaḥ kṛṣṇāya piṅgalāya namaḥ | namo jyeṣṭhāya vṛddhāyendrāyaharikeśāyordhvaretase namaḥ | namaḥ satyāya pāvakāya pāvakavarṇāyakāmāya kāmarūpiṇe namaḥ | namo dīptāya dīptarūpiṇe namaḥ | namastīkṣṇāya tīkṣṇarūpiṇe namaḥ | namaḥ sobhyāya supuruṣāyamahāpuruṣāya madhyamapuruṣāyottamapuruṣāya brahmacāriṇe namaḥ | namaścandralalāṭāya kṛttivāsase namaḥ |
VAR_St: namohamāya;dhūnvate;urmyāya;sarvavindāya;pārayiṣṇave;haraye;jyeṣṭhāyaśreṣṭhāya vṛddhāya;-vāsase nama iti
etad evādityopasthānam |
etā evājyāhutayaḥ |
dvādaśarātrasyānte caruṃ śrapayitvā(śrā) etābhyodevatābhyo juhuyāt |
agnaye(agni) svāhā somāya svāhāgniṣomābhyāmindrāgnibhyām indrāya viśvebhyo devebhyo brahmaṇe prajāpataye 'gnayesviṣṭakṛta iti |
tato brāhmaṇatarpaṇam |
etenaivātikṛcchro vyākhyātaḥ |
yāvat sakṛd ādadīta(ādā) tāvad aśnīyāt |
abbhakṣas tṛtīyaḥ sa kṛcchrātikṛcchraḥ |
prathamaṃ caritvā śuciḥ pūtaḥ karmaṇyo bhavati |
dvitīyaṃ caritvā yatkiṃcid anyan mahāpātakebhyaḥpāpaṃ kurute tasmāt pramucyate |
tṛtīyaṃ caritvā sarvasmād enaso mucyate |
VAR_St: sarvameno vyapohati
athaitāṃs trīn kṛcchrāṃś caritvā sarveṣu vedeṣusnāto bhavati sarvair devair jñāto bhavati |
yaś caivaṃ veda |
VAR_St: yaś caivaṃ veda
GautAA 3,9 = GautSt XXVII
athātaś cāndrāyaṇam |
tasyokto vidhiḥ kṛcchre |
vapanaṃ vrataṃ caret |
VAR_St: vrataṃ cet
śvobhūtāṃ paurṇamāsīm upavaset |
āpyāyasva (RV 1,91.17) saṃ te payāṃsi (RV 1,91.18) navonava (RV 10,85.19) iti caitābhis tarpaṇam ājyahomo haviṣaś cānumantraṇamupasthānaṃ candramasaḥ |
yad devā devaheḍanam iti catasṛbhirjuhuyāt |
VAR_St: catasṛbhir ājyaṃ
devakṛtasyeti cānte samidbhiḥ |
oṃ bhūr bhuvaḥ svas tapaḥ satyaṃ yaśaḥ śrīr ūrgiḍaujas tejo varcaḥ puruṣo dharmaḥ śiva ity etair grāsānumantraṇaṃpratimantraṃ manasā |
VAR_St: tejaḥ puruṣo
namaḥ svāheti vā sarvān |
grāsapramāṇam āsyāvikāreṇa |
carubhaikṣasaktukaṇayāvakaśākapayodadhighṛtamūlaphalodakānihavīṃsyuttarottaraṃ praśastāni |
paurṇamāsyāṃ pañcadaśa grāsān bhuktvāekāpacayenāparapakṣam aśnīyāt |
amāvāsyāyām upoṣyaikopacayenapūrvapakṣam |
VAR_St: ekoccayena
viparītam ekeṣām |
evaṃ cāndrāyaṇo māsaḥ |
VAR_St: eṣa
evam āptvā vipāpo vipāpmā sarvam eno(enas)hanti |
VAR_St: etam
dvitīyam āptvā daśa pūrvān daśa parān ātmānaṃcaikaviṃśaṃ paṅktiṃ ca punāti |
VAR_St: daśāparān
saṃvatsaraṃ cāptvā candramasaḥ salokatām āpnotisalokatām āpnoti |
VAR_St: āpnoty āpnoti
GautAA 3,10 = GautSt XXVIII
ūrdhavaṃ pituḥ(pitṛ) putrā rikthaṃ bhajeran |
nivṛtte rajasi mātur(mātṛ) jīvaticecchati |
VAR_St: vecchati
sarvaṃ vā pūrvajasyetarān bibhṛyāt pitṛvat |
vibhāge tu dharmavṛddhiḥ |
viṃśatibhāgo jyeṣṭhasya mithunam ubhayatodadyukto rathogovṛṣaḥ |
kāṇakhorakūṭavaṇetā madhyamasyānekāścet |
VAR_St: -kūṭavaṇṭā;anekaś cet
avir dhānyāyasī gṛhamano yuktaṃ catuṣpādaṃcaikaikaṃ yavīyasaḥ |
VAR_St: catuṣpadāṃ
samadhā cetaratsarvam |
VAR_St: samadhetarat-
dvyaṃśī vā pūrvajasya |
ekaikam itareṣām |
ekaikaṃ vā dhanarūpaṃ kāmyaṃ pūrvaḥ pūrvolabhate |
VAR_St: labheta
daśakaṃ paśūnām |
VAR_St: daśataṃ
naikaśaphadvipadām |
ṛṣabho 'dhiko jyeṣṭhasya |
ṛṣabhaṣoḍaśā jyaiṣṭhineyasya |
samadhā vājyaiṣṭhineyena yavīyasām |
pratimātṛ vā svasvavarge bhāgaviśeṣaḥ |
VAR_St: svavarge
pitotsṛjet putrikāṃ anapatyo 'gniṃprajāpatiṃ ceṣṭvāsmadartham apatyam iti saṃvādya |
VAR_St: pitrut-
abhisaṃdhimātrāt putrikety ekeṣām |
tatsaṃśayān nopayacched abhrātṛkām |
piṇḍagotrarṣisaṃbandhā rikthaṃ bhajeran strīvānapatyasya |
VAR_St: cānapatyasya
bījaṃ vā lipseta |
devaravatyām anyajātam abhāgam |
strīdhanaṃ duhitṛṛṇām aprattānām apratiṣṭhitāṇāṃ ca |
bhaginīśulkaḥ sodaryāṇām ūrdhvaṃ mātuḥ(mātṛ) |
pūrvaṃ caike |
asaṃsṛṣṭivibhāgaḥ pretānāṃ jyeṣṭhasya |
saṃsṛṣṭini prete saṃsṛṣṭī rikthabhāk |
vibhaktajaḥ pitryam eva |
svayam arjitam avaidyebhyo vaidyaḥ kāmaṃ na dadyāt |
avaidyāḥ samaṃ vibhajeran |
putrāaurasakṣetrajadattakṛtrimagūḍhotpannāpaviddhā rikthabhājaḥ |
kānīnasahoḍhapaunarbhavaputrikāputrasvayaṃdattakrītā gotrabhājaḥ |
caturthāṃśina aurasādyabhāve |
brāhmaṇasya rājanyāputro jyeṣṭho guṇasaṃpannastulyabhāk |
jyeṣṭhāṃśahīnam anyat |
rājanyāvaiśyāputrasamavāye yathā sabrāhmaṇīputreṇa |
kṣatriyāc cet |
śūdrāputro 'py anapatyasya śuśrūṣuś cel labhatevṛttimūlam antevāsividhinā |
VAR_St: labheta
savarṇāputro 'py anyāyyavṛtto na labhetaikeṣām |
śrotriyā brāhmaṇasyānapatyasya rikthaṃ bhajeran |
rājetareṣām |
jaḍaklībau bhartavyau |
apatyaṃ jaḍasya bhāgārham |
śūdrāputravat pratilomāsu |
udakayogakṣemakṛtānneṣv avibhāgaḥ |
strīṣu ca saṃyuktāṣu |
anājñāte daśāvaraiḥ śiṣṭair ūhavidbhir alubdhaiḥ praśastaṃ kāryam |
VAR_St: ūhavadbhir
catvāraś caturṇāṃ pāragā vedānāṃ prāg uttamāttraya āśramiṇaḥ pṛthag dharmavidas traya etān daśāvarān pariṣad ity ācakṣate |
VAR_St: traya ity etān
asambhave tv eteṣāṃ śrotriyo vedavicchiṣṭovipratipattau yad āha |
yato 'yam aprabhavo bhūtānāṃ hiṃsānugrahayogeṣu |
dharmiṇāṃ viśeṣeṇa svargaṃ lokaṃ dharmavid āpnotijñānābhiniveśābhyām |
iti dharmo dharmaḥ |