aṣṭāvakragītā
kathaṃ jñānam avāpto 'ti
kathaṃ muktir bhaviṣyati
vairāgyaṃ ca kathaṃ prāptam
etad brūhi mama prabho
//
kathaṃ jñānam avāpto 'ti
kathaṃ muktir bhaviṣyati
vairāgyaṃ ca kathaṃ prāptam
etad brūhi mama prabho
//
muktim icchasi cet tāta
viṣayān viṣavat tyaja
kṣamārjavadayātoṣa
satyaṃ pīyūṣavad bhaja
//
muktim icchasi cet tāta
viṣayān viṣavat tyaja
kṣamārjavadayātoṣa
satyaṃ pīyūṣavad bhaja
//
na pṛthvī na jalaṃ nāgnir
na vāyur dyaur na vā bhavān
eṣāṃ sākṣiṇam ātmānaṃ
cidrūpaṃ viddhi muktaye
//
na pṛthvī na jalaṃ nāgnir
na vāyur dyaur na vā bhavān
eṣāṃ sākṣiṇam ātmānaṃ
cid-rūpaṃ viddhi muktaye
//
yadi dehaṃ pṛthak kṛtya
citi viśrāmya tiṣṭhasi
adhunaiva sukhī śānto
bandhamukto bhaviṣyasi
//
yadi dehaṃ pṛthak kṛtya
citi viśrāmya tiṣṭhasi
adhunaiva sukhī śānto
bandha-mukto bhaviṣyasi
//
na tvaṃ viprādiko varṇo
nāśramī nākṣagocaraḥ
asaṅgo 'si nirākāro
viśvasākṣī sukhī bhava
//
na tvaṃ viprādiko varṇo
nāśramī nākṣa-gocaraḥ
asaṅgo 'si nirākāro
viśva-sākṣī sukhī bhava
//
dharmādharmau sukhaṃ duḥkhaṃ
mānasāni na te vibho
na kartāsi na bhoktāsi
mukta evāsi sarvadā
//
dharmādharmau sukhaṃ duḥkhaṃ
mānasāni na te vibho
na kartāsi na bhoktāsi
mukta evāsi sarvadā
//
eko draṣṭāsi sarvasya
muktaprāyo 'si sarvadā
ayam eva hi te bandho
draṣṭāraṃ paśyasītaram
//
eko draṣṭāsi sarvasya
mukta-prāyo 'si sarvadā
ayam eva hi te bandho
draṣṭāraṃ paśyasītaram
//
ahaṃ kartety ahaṃmāna
mahākṛṣṇāhidaṃśitaḥ
nāhaṃ karteti viśvāsā
mṛtaṃ pītvā sukhī bhava
//
ahaṃ kartety ahaṃ-māna
mahā-kṛṣṇāhi-daṃśitaḥ
nāhaṃ karteti viśvāsā
-mṛtaṃ pītvā sukhī bhava
//
eko viśuddhabodho 'ham
iti niścayavahninā
prajvālyājñānagahanaṃ
vītasokaḥ sukhī bhava
//
eko viśuddha-bodho 'ham
iti niścaya-vahninā
prajvālyājñāna-gahanaṃ
vīta-sokaḥ sukhī bhava
//
yatra viśvam idaṃ bhāti
kalpitaṃ rajjusarpavat
ānandaparamānandaḥ
sa bodhas tvaṃ sukhaṃ cara
//
yatra viśvam idaṃ bhāti
kalpitaṃ rajju-sarpavat
ānanda-paramānandaḥ
sa bodhas tvaṃ sukhaṃ cara
//
muktābhimānī mukto hi
baddho baddhābhimāny api
kiṃ vadantīha satye 'yaṃ
yā matiḥ sā gatir bhavet
//
muktābhimānī mukto hi
baddho baddhābhimāny api
kiṃ vadantīha satye 'yaṃ
yā matiḥ sā gatir bhavet
//
ātmā sākṣī vibhuḥ pūrṇa
eko muktaś cid akriyaḥ
asaṅgo nispṛhaḥ śānto
bhramāt saṃsāravān iva
//
ātmā sākṣī vibhuḥ pūrṇa
eko muktaś cid akriyaḥ
asaṅgo nispṛhaḥ śānto
bhramāt saṃsāravān iva
//
kūṭasthaṃ bodham advaitam
ātmānaṃ paribhāvaya
ābhāso 'haṃ bhramaṃ muktvā
bhāvaṃ bāhyam athāntaraṃ
//
kūṭasthaṃ bodham advaitam
ātmānaṃ paribhāvaya
ābhāso 'haṃ bhramaṃ muktvā
bhāvaṃ bāhyam athāntaraṃ
//
dehābhimānapāśena
ciraṃ baddho 'si putraka
bodho 'haṃ jñānakhaḍgena
tan niṣkṛtya sukhī bhava
//
dehābhimāna-pāśena
ciraṃ baddho 'si putraka
bodho 'haṃ jñāna-khaḍgena
tan niṣkṛtya sukhī bhava
//
niḥsaṅgo niṣkriyo 'si tvaṃ
svaprakāśo nirañjanaḥ
ayam eva hi te bandhaḥ
samādhim anutiṣṭhasi
//
niḥsaṅgo niṣkriyo 'si tvaṃ
sva-prakāśo nirañjanaḥ
ayam eva hi te bandhaḥ
samādhim anutiṣṭhasi
//
tvayā vyāptam idaṃ viśvaṃ
tvayi protaṃ yathārthataḥ
śudddhabuddhasvarūpas tvaṃ,
mā gamaḥ kṣudracittatām
//
tvayā vyāptam idaṃ viśvaṃ
tvayi protaṃ yathārthataḥ
śudddha-buddha-svarūpas tvaṃ,
mā gamaḥ kṣudra-cittatām
//
nirapekṣo nirvikāro
nirbharaḥ śītalāśayaḥ
agādhabuddhir akṣubdho
bhava cinmātravāsanaḥ
//
nirapekṣo nirvikāro
nirbharaḥ śītalāśayaḥ
agādha-buddhir akṣubdho
bhava cin-mātra-vāsanaḥ
//
sākāram anṛtaṃ viddhi
nirākāraṃ tu niścalam
etattattvopadeśena
na punarbhavasambhavaḥ
//
sākāram anṛtaṃ viddhi
nirākāraṃ tu niścalam
etat-tattvopadeśena
na punar-bhava-sambhavaḥ
//
yathaivādarśam adhyasthe
rūpe 'ntaḥ paritas tu saḥ
tathaivāsmin śarīre 'ntaḥ
paritaḥ parameśvaraḥ
//
yathaivādarśam adhyasthe
rūpe 'ntaḥ paritas tu saḥ
tathaivāsmin śarīre 'ntaḥ
paritaḥ parameśvaraḥ
//
ekaṃ sarvagataṃ vyoma
bahir antar yathā ghaṭe
nityaṃ nirantaraṃ brahma
sarvabhūtagaṇe tathā
//
ekaṃ sarva-gataṃ vyoma
bahir antar yathā ghaṭe
nityaṃ nirantaraṃ brahma
sarva-bhūta-gaṇe tathā
//
aho nirañjanaḥ śānto
bodho 'haṃ prakṛteḥ paraḥ
etāvantam ahaṃ kālaṃ
mohenaiva viḍambitaḥ
//
aho nirañjanaḥ śānto
bodho 'haṃ prakṛteḥ paraḥ
etāvantam ahaṃ kālaṃ
mohenaiva viḍambitaḥ
//
yathā prakāśayāmy eko
deham enaṃ tathā jagat
ato mama jagat sarvam
athavā na ca kiṃcana
//
yathā prakāśayāmy eko
deham enaṃ tathā jagat
ato mama jagat sarvam
athavā na ca kiṃcana
//
saśarīram aho viśvaṃ
parityajya mayādhunā
kutaścit kauśalād eva
paramātmā vilokyate
//
saśarīram aho viśvaṃ
parityajya mayādhunā
kutaścit kauśalād eva
paramātmā vilokyate
//
yathā na toyato bhinnās
taraṅgāḥ phenabudbudāḥ
ātmano na tathā bhinnaṃ
viśvam ātmavinirgatam
//
yathā na toyato bhinnās
taraṅgāḥ phena-budbudāḥ
ātmano na tathā bhinnaṃ
viśvam ātma-vinirgatam
//
tantumātro bhaved eva
paṭo yadvad vicāritaḥ
ātmatanmatram evedaṃ
tadvad viśvaṃ vicāritam
//
tantu-mātro bhaved eva
paṭo yadvad vicāritaḥ
ātma-tanmatram evedaṃ
tadvad viśvaṃ vicāritam
//
yathaivekṣurase kḷptā
tena vyāptaiva śarkarā
tathā viśvaṃ mayi kḷptaṃ
mayā vyāptaṃ nirantaram
//
yathaivekṣu-rase kḷptā
tena vyāptaiva śarkarā
tathā viśvaṃ mayi kḷptaṃ
mayā vyāptaṃ nirantaram
//
ātmājñānāj jagad bhāti
ātmajñānān na bhāsate
rajjvajñānād ahir bhāti
tajjñānād bhāsate na hi
//
ātmājñānāj jagad bhāti
ātma-jñānān na bhāsate
rajjvajñānād ahir bhāti
taj-jñānād bhāsate na hi
//
prakāśo me nijaṃ rūpaṃ
nātirikto 'smy ahaṃ tataḥ
yadā prakāśate viśvaṃ
tadāham bhāsa eva hi
//
prakāśo me nijaṃ rūpaṃ
nātirikto 'smy ahaṃ tataḥ
yadā prakāśate viśvaṃ
tadāham bhāsa eva hi
//
aho vikalpitaṃ viśvam
ajñānān mayi bhāsate
rūpyaṃ śuktau phaṇī rajjau
vāri sūryakare yathā
//
aho vikalpitaṃ viśvam
ajñānān mayi bhāsate
rūpyaṃ śuktau phaṇī rajjau
vāri sūryakare yathā
//
matto vinirgataṃ viśvaṃ
mayy eva layam eṣyati
mṛdi kumbho jale vīciḥ
kanake kaṭakaṃ yathā
//
matto vinirgataṃ viśvaṃ
mayy eva layam eṣyati
mṛdi kumbho jale vīciḥ
kanake kaṭakaṃ yathā
//
aho ahaṃ namo mahyaṃ,
vināśo yasya nāsti me
brahmādistambaparyantaṃ
jagannāśe 'pi tiṣṭhataḥ
//
aho ahaṃ namo mahyaṃ,
vināśo yasya nāsti me
brahmādi-stamba-paryantaṃ
jagannāśe 'pi tiṣṭhataḥ
//
aho ahaṃ namo mahyaṃ
eko 'haṃ dehavān api
kvacin na gantā nāgantā
vyāpya viśvam avasthitaḥ
//
aho ahaṃ namo mahyaṃ
eko 'haṃ dehavān api
kvacin na gantā nāgantā
vyāpya viśvam avasthitaḥ
//
aho ahaṃ namo mahyaṃ
dakṣo nāstīha matsamaḥ
asaṃspṛśya śarīreṇa
yena viśvaṃ ciraṃ dhṛtam
//
aho ahaṃ namo mahyaṃ
dakṣo nāstīha mat-samaḥ
asaṃspṛśya śarīreṇa
yena viśvaṃ ciraṃ dhṛtam
//
aho ahaṃ namo mahyaṃ
yasya me nāsti kiṃcana
athavā yasya me sarvaṃ
yad vāṅmanasagocaram
//
aho ahaṃ namo mahyaṃ
yasya me nāsti kiṃcana
athavā yasya me sarvaṃ
yad vāṅ-manasa-gocaram
//
jñānaṃ jñeyaṃ tathā jñātā
tritayaṃ nāsti vāstavam
ajñānād bhāti yatredaṃ
so 'ham asmi nirañjanaḥ
//
jñānaṃ jñeyaṃ tathā jñātā
tritayaṃ nāsti vāstavam
ajñānād bhāti yatredaṃ
so 'ham asmi nirañjanaḥ
//
dvaitamūlam aho duḥkhaṃ
nānyat tasyāsti bheṣajam
dṛśyam etan mṛṣā sarvaṃ
eko 'haṃ cidraso 'malaḥ
//
dvaita-mūlam aho duḥkhaṃ
nānyat tasyāsti bheṣajam
dṛśyam etan mṛṣā sarvaṃ
eko 'haṃ cid-raso 'malaḥ
//
bodhamātro 'ham ajñānād
upadhiḥ kalpito mayā
evaṃ vimṛśato nityaṃ
nirvikalpe sthitir mama
//
bodha-mātro 'ham ajñānād
upadhiḥ kalpito mayā
evaṃ vimṛśato nityaṃ
nirvikalpe sthitir mama
//
na me bandho 'sti mokṣo vā
bhrāntiḥ śāntā nirāśrayā
aho mayi sthitaṃ viśvaṃ
vastuto na mayi sthitam
//
na me bandho 'sti mokṣo vā
bhrāntiḥ śāntā nirāśrayā
aho mayi sthitaṃ viśvaṃ
vastuto na mayi sthitam
//
saśarīram idaṃ viśvaṃ
na kiṃcid iti niścitam
śuddhacinmātra ātmā ca
tat kasmin kalpanādhunā
//
sa-śarīram idaṃ viśvaṃ
na kiṃcid iti niścitam
śuddha-cin-mātra ātmā ca
tat kasmin kalpanādhunā
//
śarīraṃ svarganarakau
bandhamokṣau bhayaṃ tathā
kalpanāmātram evaitat
kiṃ me kāryaṃ cidātmanaḥ
//
śarīraṃ svarga-narakau
bandha-mokṣau bhayaṃ tathā
kalpanā-mātram evaitat
kiṃ me kāryaṃ cidātmanaḥ
//
aho janasamūhe 'pi
na dvaitaṃ paśyato mama
araṇyam iva saṃvṛttaṃ
kva ratiṃ karavāṇy aham
//
aho jana-samūhe 'pi
na dvaitaṃ paśyato mama
araṇyam iva saṃvṛttaṃ
kva ratiṃ karavāṇy aham
//
nāham deho na me deho
jīvo nāham, ahaṃ hi cit
ayam eva hi me bandha
āsīt yā jīvite spṛhā
//
nāham deho na me deho
jīvo nāham, ahaṃ hi cit
ayam eva hi me bandha
āsīt yā jīvite spṛhā
//
aho bhuvanakallolair
vicitrair drāk samutthitam
mayy anantamahāmbhodhau
cittavāte samudyate
//
aho bhuvana-kallolair
vicitrair drāk samutthitam
mayy ananta-mahāmbhodhau
citta-vāte samudyate
//
mayy anantamahāmbhodhau
cittavāte praśāmyati
abhāgyāj jīvavaṇijo
jagat poto vinaśvaraḥ
//
mayy ananta-mahāmbhodhau
citta-vāte praśāmyati
abhāgyāj jīva-vaṇijo
jagat poto vinaśvaraḥ
//
mayy anantamahāmbhodhav
āścaryaṃ jīvavīcayaḥ
udyanti ghnanti khelanti
praviśanti svabhāvataḥ
//
mayy ananta-mahāmbhodhav
āścaryaṃ jīva-vīcayaḥ
udyanti ghnanti khelanti
praviśanti svabhāvataḥ
//
avināśinam ātmānam
ekaṃ vijñāya tattvataḥ
tavātmajñasya dhīrasya
katham arthārjane ratiḥ
//
avināśinam ātmānam
ekaṃ vijñāya tattvataḥ
tavātma-jñasya dhīrasya
katham arthārjane ratiḥ
//
ātmājñānād aho prītir
viṣayabhramagocare
śukter ajñānato lobho
yathā rajatavibhrame
//
ātmājñānād aho prītir
viṣaya-bhrama-gocare
śukter ajñānato lobho
yathā rajata-vibhrame
//
viśvaṃ sphurati yatredaṃ
taraṅgā iva sāgare
so 'ham asmīti vijñāya,
kiṃ dīna iva dhāvasi
//
viśvaṃ sphurati yatredaṃ
taraṅgā iva sāgare
so 'ham asmīti vijñāya,
kiṃ dīna iva dhāvasi
//
śrutvāpi śuddhacaitanyam
ātmānam atisundaram
upasthetyantasaṃsakto
mālinyam adhigacchati
//
śrutvāpi śuddha-caitanyam
ātmānam atisundaram
upasthetyanta-saṃsakto
mālinyam adhigacchati
//
sarvabhūteṣu cātmānaṃ
sarvabhūtāni cātmani
muner jānata āścaryaṃ
mamatvam anuvartate
//
sarva-bhūteṣu cātmānaṃ
sarva-bhūtāni cātmani
muner jānata āścaryaṃ
mamatvam anuvartate
//
āsthitaḥ paramādvaitaṃ
mokṣārthe 'pi vyavasthitaḥ
āścaryaṃ kāmavaśago
vikalaḥ keliśikṣayā
//
āsthitaḥ paramādvaitaṃ
mokṣārthe 'pi vyavasthitaḥ
āścaryaṃ kāma-vaśago
vikalaḥ keli-śikṣayā
//
udbhūtaṃ jñānadurmitram
avadhāryātidurbalaḥ
āścaryaṃ kāmam ākāṅkṣet
kālam antam anuśritaḥ
//
udbhūtaṃ jñāna-durmitram
avadhāryātidurbalaḥ
āścaryaṃ kāmam ākāṅkṣet
kālam antam anuśritaḥ
//
ihāmutra viraktasya
nityānityavivekinaḥ
āścaryaṃ mokṣakāmasya
mokṣād eva vibhīṣikā
//
ihāmutra viraktasya
nityānitya-vivekinaḥ
āścaryaṃ mokṣa-kāmasya
mokṣād eva vibhīṣikā
//
dhīras tu bhojyamāno 'pi
pīḍyamāno 'pi sarvadā
ātmānaṃ kevalaṃ paśyan
na tuṣyati na kupyati
//
dhīras tu bhojyamāno 'pi
pīḍyamāno 'pi sarvadā
ātmānaṃ kevalaṃ paśyan
na tuṣyati na kupyati
//
ceṣṭamānaṃ śarīraṃ svaṃ
paśyaty anyaśarīravat
saṃstave cāpi nindāyāṃ
kathaṃ kṣubhyet mahāśayaḥ
//
ceṣṭamānaṃ śarīraṃ svaṃ
paśyaty anya-śarīravat
saṃstave cāpi nindāyāṃ
kathaṃ kṣubhyet mahāśayaḥ
//
māyāmātram idaṃ viśvaṃ
paśyan vigatakautukaḥ
api sannihite mṛtyau
kathaṃ trasyati dhīradhīḥ
//
māyā-mātram idaṃ viśvaṃ
paśyan vigata-kautukaḥ
api sannihite mṛtyau
kathaṃ trasyati dhīradhīḥ
//
niḥspṛhaṃ mānasaṃ yasya
nairāśye 'pi mahātmanaḥ
tasyātmajñānatṛptasya
tulanā kena jāyate
//
niḥspṛhaṃ mānasaṃ yasya
nairāśye 'pi mahātmanaḥ
tasyātma-jñāna-tṛptasya
tulanā kena jāyate
//
svabhāvād eva jānāno
dṛśyam etan na kiṃcana
idaṃ grāhyam idaṃ tyājyaṃ
sa kiṃ paśyati dhīradhīḥ
//
svabhāvād eva jānāno
dṛśyam etan na kiṃcana
idaṃ grāhyam idaṃ tyājyaṃ
sa kiṃ paśyati dhīradhīḥ
//
antastyaktakaṣāyasya
nirdvandvasya nirāśiṣaḥ
yadṛcchayāgato bhogo
na duḥkhāya na tuṣṭaye
//
antas-tyakta-kaṣāyasya
nirdvandvasya nirāśiṣaḥ
yad-ṛcchay-āgato bhogo
na duḥkhāya na tuṣṭaye
//
hantātmajñasya dhīrasya
khelato bhogalīlayā
na hi saṃsāravāhīkair
mūḍaiḥ saha samānatā
//
hantātma-jñasya dhīrasya
khelato bhoga-līlayā
na hi saṃsāra-vāhīkair
mūḍaiḥ saha samānatā
//
yat padaṃ prepsavo dīnāḥ
śakrādyāḥ sarvadevatāḥ
aho tatra sthito yogī
na harṣam upagacchati
//
yat padaṃ prepsavo dīnāḥ
śakrādyāḥ sarva-devatāḥ
aho tatra sthito yogī
na harṣam upagacchati
//
tajjñasya puṇyapāpābhyāṃ
sparśo hy antar na jāyate
na hy ākāśasya dhūmena
dṛśyamānāpi saṅgati
//
taj-jñasya puṇya-pāpābhyāṃ
sparśo hy antar na jāyate
na hy ākāśasya dhūmena
dṛśyamānāpi saṅgati
//
ātmaivedaṃ jagat sarvaṃ
jñātaṃ yena mahātmanā
yadṛcchayā varttamānaṃ
taṃ niṣeddhuṃ kṣameta kaḥ
//
ātmaivedaṃ jagat sarvaṃ
jñātaṃ yena mahātmanā
yad-ṛcchayā varttamānaṃ
taṃ niṣeddhuṃ kṣameta kaḥ
//
ābrahmastambaparyante
bhūtagrāme caturvidhe
vijñasyaiva hi sāmarthyam
icchānicchāvivarjane
//
ā-brahma-stamba-paryante
bhūta-grāme catur-vidhe
vijñasyaiva hi sāmarthyam
icchānicchā-vivarjane
//
ātmānam advayaṃ kaścij
jānāti jagad īśvaraṃ
yad vetti tat sa kurute
na bhayaṃ tasya kutracit
//
ātmānam advayaṃ kaścij
jānāti jagad īśvaraṃ
yad vetti tat sa kurute
na bhayaṃ tasya kutracit
//
na te saṅgo 'sti kenāpi
kiṃ śuddhas tyaktum icchasi
saṅghātavilayaṃ kurvann
evam eva layaṃ vraja
//
na te saṅgo 'sti kenāpi
kiṃ śuddhas tyaktum icchasi
saṅghāta-vilayaṃ kurvann
evam eva layaṃ vraja
//
udeti bhavato viśvaṃ
vāridher iva budbudaḥ
iti jñatvaikam ātmānam
evam eva layaṃ vraja
//
udeti bhavato viśvaṃ
vāridher iva budbudaḥ
iti jñatvaikam ātmānam
evam eva layaṃ vraja
//
pratyakṣam apy avastutvād
viśvaṃ nāsty amale tvayi
rajjusarpa iva vyaktam
evam eva layaṃ vraja
//
pratyakṣam apy avastutvād
viśvaṃ nāsty amale tvayi
rajju-sarpa iva vyaktam
evam eva layaṃ vraja
//
samaduḥkhasukhaḥ pūrṇa
āśānairāśyayoḥ samaḥ
samajīvitamṛtyuḥ sann
evam eva layaṃ vraja
//
sama-duḥkha-sukhaḥ pūrṇa
āśā-nairāśyayoḥ samaḥ
sama-jīvita-mṛtyuḥ sann
evam eva layaṃ vraja
//
ākāśavad ananto 'haṃ
ghaṭavat prakṛtaṃ jagat
iti jñānaṃ tathaitasya
na tyāgo na graho layaḥ
//
ākāśavad ananto 'haṃ
ghaṭavat prakṛtaṃ jagat
iti jñānaṃ tathaitasya
na tyāgo na graho layaḥ
//
mahodadhir ivāhaṃ sa
prapañco vīcisaṃnibhaḥ
iti jñānaṃ tathaitasya
na tyāgo na graho layaḥ
//
mahodadhir ivāhaṃ sa
prapañco vīci-saṃnibhaḥ
iti jñānaṃ tathaitasya
na tyāgo na graho layaḥ
//
ahaṃ sa śuktisaṅkāśo
rūpyavad viśvakalpanā
iti jñānaṃ tathaitasya
na tyāgo na graho layaḥ
//
ahaṃ sa śukti-saṅkāśo
rūpyavad viśva-kalpanā
iti jñānaṃ tathaitasya
na tyāgo na graho layaḥ
//
ahaṃ vā sarvabhūteṣu
sarvabhūtāny atho mayi
iti jñānaṃ tathaitasya
na tyāgo na graho layaḥ
//
ahaṃ vā sarva-bhūteṣu
sarva-bhūtāny atho mayi
iti jñānaṃ tathaitasya
na tyāgo na graho layaḥ
//
mayy anantamahāmbhodhau
viśvapota itastataḥ
bhramati svāntavātena
na mamāsty asahiṣṇutā
//
mayy ananta-mahāmbhodhau
viśva-pota itas-tataḥ
bhramati svānta-vātena
na mamāsty asahiṣṇutā
//
mayy anantamahāmbhodhau
jagadvīciḥ svabhāvataḥ
udetu vastam āyātu
na me vṛddhir na ca kṣatiḥ
//
mayy ananta-mahāmbhodhau
jagad-vīciḥ svabhāvataḥ
udetu vastam āyātu
na me vṛddhir na ca kṣatiḥ
//
mayy anantamahāmbhodhau
viśvaṃ nāma vikalpanā
atiśānto nirākāra
etad evāham āsthitaḥ
//
mayy ananta-mahāmbhodhau
viśvaṃ nāma vikalpanā
atiśānto nirākāra
etad evāham āsthitaḥ
//
nātmā bhāveṣu no bhāvas
tatrānante niranjane
ity asakto 'spṛhaḥ śānta
etad evāham āstitaḥ
//
nātmā bhāveṣu no bhāvas
tatrānante niranjane
ity asakto 'spṛhaḥ śānta
etad evāham āstitaḥ
//
aho cinmātram evāham
indrajālopamaṃ jagat
ato mama kathaṃ kutra
heyopādeyakalpanā
//
aho cin-mātram evāham
indra-jālopamaṃ jagat
ato mama kathaṃ kutra
heyopādeya-kalpanā
//
tadā bandho yadā cittaṃ
kiṃcid vāñchati ṣocati
kiṃcin muñcati gṛhṇāti
kiṃcid dhṛṣyati kupyati
//
tadā bandho yadā cittaṃ
kiṃcid vāñchati ṣocati
kiṃcin muñcati gṛhṇāti
kiṃcid dhṛṣyati kupyati
//
tadā muktir yadā cittaṃ
na vāñchati na śocati
na muñcati na gṛhṇāti
na hṛṣyati na kupyati
//
tadā muktir yadā cittaṃ
na vāñchati na śocati
na muñcati na gṛhṇāti
na hṛṣyati na kupyati
//
tadā bandho yadā cittaṃ
saktaṃ kāsv api dṛṣṭiṣu
tadā mokṣo yadā cittam
asaktaṃ sarvadṛṣṭiṣu
//
tadā bandho yadā cittaṃ
saktaṃ kāsv api dṛṣṭiṣu
tadā mokṣo yadā cittam
asaktaṃ sarva-dṛṣṭiṣu
//
yadā nāhaṃ tadā mokṣo
yadāhaṃ bandhanaṃ tadā
matveti helayā kiṃcit
mā gṛhāṇa vimuñca mā
//
yadā nāhaṃ tadā mokṣo
yadāhaṃ bandhanaṃ tadā
matveti helayā kiṃcit
mā gṛhāṇa vimuñca mā
//
kṛtākṛte ca dvandvāni
kadā śāntāni kasya vā
evaṃ jñātveha nirvedād
bhava tyāgaparo 'vratī
//
kṛtākṛte ca dvandvāni
kadā śāntāni kasya vā
evaṃ jñātveha nirvedād
bhava tyāga-paro 'vratī
//
kasyāpi tāta dhanyasya
lokaceṣṭāvalokanāt
jīvitecchā bubhukṣā ca
bubhutsopaśamaḥ gatāḥ
//
kasyāpi tāta dhanyasya
loka-ceṣṭāvalokanāt
jīvitecchā bubhukṣā ca
bubhutsopaśamaḥ gatāḥ
//
anityaṃ sarvam evedaṃ
tāpatritayadūṣitam
asāraṃ ninditaṃ heyam
iti niścitya śāmyati
//
anityaṃ sarvam evedaṃ
tāpa-tritaya-dūṣitam
asāraṃ ninditaṃ heyam
iti niścitya śāmyati
//
ko 'sau kālo vayaḥ kiṃ vā
yatra dvandvāni no nṛṇām
tāny upekṣya yathāprāpta
vartī siddhim avāpnuyāt
//
ko 'sau kālo vayaḥ kiṃ vā
yatra dvandvāni no nṛṇām
tāny upekṣya yathā-prāpta
vartī siddhim avāpnuyāt
//
nānā mataṃ maharṣīṣāṃ
sādhūnāṃ yogināṃ tathā
dṛṣṭvā nirvedam āpannaḥ
ko na śāmyati mānavaḥ
//
nānā mataṃ maharṣīṣāṃ
sādhūnāṃ yogināṃ tathā
dṛṣṭvā nirvedam āpannaḥ
ko na śāmyati mānavaḥ
//
kṛtvā mūrtiparijñānaṃ
caitanyasya na kiṃ guruḥ
nirvedasamatāyuktyā
yas tārayati saṃsṛteḥ
//
kṛtvā mūrti-parijñānaṃ
caitanyasya na kiṃ guruḥ
nirveda-samatāyuktyā
yas tārayati saṃsṛteḥ
//
paśya bhūtavikārāṃs tvaṃ
bhūtamātrān yathārthataḥ
tatkṣaṇād bandhanirmuktaḥ
svarūpastho bhaviṣyasi
//
paśya bhūta-vikārāṃs tvaṃ
bhūta-mātrān yathārthataḥ
tat-kṣaṇād bandha-nirmuktaḥ
sva-rūpa-stho bhaviṣyasi
//
vāsanā eva saṃsāra
iti sarvā vimuñca tāḥ
tattyāgo vāsanātyāgāt
sthitir adya yathā tathā
//
vāsanā eva saṃsāra
iti sarvā vimuñca tāḥ
tat-tyāgo vāsanā-tyāgāt
sthitir adya yathā tathā
//
vihāya vairiṇaṃ kāmam
arthaṃ cānarthasaṅkulam
dharmam apy etayor hetuṃ
sarvatrānādaraṃ kuru
//
vihāya vairiṇaṃ kāmam
arthaṃ cānartha-saṅkulam
dharmam apy etayor hetuṃ
sarvatrānādaraṃ kuru
//
svapnendrajālavat paśya
dināni trīṇi pañca vā
mitrakṣetradhanāgāra
dāradāyādisampadaḥ
//
svapnendra-jālavat paśya
dināni trīṇi pañca vā
mitra-kṣetra-dhanāgāra
dāra-dāyādi-sampadaḥ
//
yatra yatra bhavet tṛṣṇā,
saṃsāraṃ viddhi tatra vai
prauḍhavairāgyam āśritya
vītatṛṣṇaḥ sukhī bhava
//
yatra yatra bhavet tṛṣṇā,
saṃsāraṃ viddhi tatra vai
prauḍha-vairāgyam āśritya
vīta-tṛṣṇaḥ sukhī bhava
//
tṛṣṇāmātrātmako bandhas,
tannāśo mokṣa ucyate
bhavāsaṃsaktimātreṇa
prāptituṣṭir muhurmuhuḥ
//
tṛṣṇā-mātrātmako bandhas,
tan-nāśo mokṣa ucyate
bhavāsaṃsakti-mātreṇa
prāpti-tuṣṭir muhur-muhuḥ
//
tvam ekaś cetanaḥ śuddho
jaḍaṃ viśvam asat tathā
avidyāpi na kiṃcit sā
kā bubhutsā tathāpi te
//
tvam ekaś cetanaḥ śuddho
jaḍaṃ viśvam asat tathā
avidyāpi na kiṃcit sā
kā bubhutsā tathāpi te
//
rājyaṃ sutāḥ kalatrāṇi
śarīrāṇi sukhāni ca
saṃsaktasyāpi naṣṭāni
tava janmani janmani
//
rājyaṃ sutāḥ kalatrāṇi
śarīrāṇi sukhāni ca
saṃsaktasyāpi naṣṭāni
tava janmani janmani
//
alam arthena kāmena
sukṛtenāpi karmaṇā
ebhyaḥ saṃsārakāntāre
na viśrāntam abhūn manaḥ
//
alam arthena kāmena
sukṛtenāpi karmaṇā
ebhyaḥ saṃsāra-kāntāre
na viśrāntam abhūn manaḥ
//
kṛtaṃ na kati janmāni
kāyena manasā girā
duḥkham āyāsadaṃ karma
tad adyāpy uparamyatām
//
kṛtaṃ na kati janmāni
kāyena manasā girā
duḥkham āyāsadaṃ karma
tad adyāpy uparamyatām
//
bhāvābhāvavikāraś ca
svabhāvād iti niścayī
nirvikāro gatakleśaḥ
sukhenaivopaśāmyati
//
bhāvābhāva-vikāraś ca
sva-bhāvād iti niścayī
nirvikāro gata-kleśaḥ
sukhenaivopaśāmyati
//
īśvaraḥ sarvanirmātā
nehānya iti niścayī
antargalitasarvāśaḥ
śāntaḥ kvāpi na sajjate
//
īśvaraḥ sarva-nirmātā
nehānya iti niścayī
antar-galita-sarvāśaḥ
śāntaḥ kvāpi na sajjate
//
āpadaḥ sampadaḥ kāle
daivād eveti niścayī
tṛptaḥ svasthendriyo nityaṃ
na vāñchati na śocati
//
āpadaḥ sampadaḥ kāle
daivād eveti niścayī
tṛptaḥ svasthendriyo nityaṃ
na vāñchati na śocati
//
sukhaduḥkhe janmamṛtyū
daivād eveti niścayī
sādhyādarśī nirāyāsaḥ
kurvann api na lipyate
//
sukha-duḥkhe janma-mṛtyū
daivād eveti niścayī
sādhyādarśī nirāyāsaḥ
kurvann api na lipyate
//
cintayā jāyate duḥkhaṃ
nānyatheheti niścayī
tayā hīnaḥ sukhī śāntaḥ
sarvatra galitaspṛhaḥ
//
cintayā jāyate duḥkhaṃ
nānyatheheti niścayī
tayā hīnaḥ sukhī śāntaḥ
sarvatra galita-spṛhaḥ
//
nāhaṃ deho na me deho
bodho 'ham iti niścayī
kaivalyam iva saṃprāpto
na smaraty akṛtaṃ kṛtam
//
nāhaṃ deho na me deho
bodho 'ham iti niścayī
kaivalyam iva saṃprāpto
na smaraty akṛtaṃ kṛtam
//
ābrahmastambaparyantam
aham eveti niścayī
nirvikalpaḥ śuciḥ śāntaḥ
prāptāprāptavinirvṛtaḥ
//
ā-brahma-stamba-paryantam
aham eveti niścayī
nirvikalpaḥ śuciḥ śāntaḥ
prāptāprāpta-vinirvṛtaḥ
//
nānāścaryam idaṃ viśvaṃ
na kiṃcid iti niścayī
nirvāsanaḥ sphūrtimātro
na kiṃcid iva śāmyati
//
nānāścaryam idaṃ viśvaṃ
na kiṃcid iti niścayī
nirvāsanaḥ sphūrti-mātro
na kiṃcid iva śāmyati
//
kāyakṛtyāsahaḥ pūrvaṃ
tato vāgvistarāsahaḥ
atha cintāsahas tasmād
evam evāham āsthitaḥ
//
kāya-kṛty-āsahaḥ pūrvaṃ
tato vāg-vistarāsahaḥ
atha cintāsahas tasmād
evam evāham āsthitaḥ
//
prītyabhāvena śabdāder
adṛśyatvena cātmanaḥ
vikṣepaikāgrahṛdaya
evam evāhaṃ āsthitaḥ
//
prīty-abhāvena śabdāder
adṛśyatvena cātmanaḥ
vikṣepaikāgra-hṛdaya
evam evāhaṃ āsthitaḥ
//
samādhyāsādivikṣiptau
vyavahāraḥ samādhaye
evaṃ vilokya niyamam
evam evāham āsthitaḥ
//
sam-ādhyās-ādi-vikṣiptau
vyavahāraḥ samādhaye
evaṃ vilokya niyamam
evam evāham āsthitaḥ
//
heyopādeyavirahād
evaṃ harṣaviṣādayoḥ
abhāvād adya he brahmann
evam evāham āsthitaḥ
//
heyopādeya-virahād
evaṃ harṣa-viṣādayoḥ
abhāvād adya he brahmann
evam evāham āsthitaḥ
//
āśramānāśramaṃ dhyānaṃ
cittasvīkṛtavarjanam
vikalpaṃ mama vīkṣyaitair
evam evāham āsthitaḥ
//
āśramānāśramaṃ dhyānaṃ
cittas-vīkṛta-varjanam
vikalpaṃ mama vīkṣyaitair
evam evāham āsthitaḥ
//
karmānuṣṭhānam ajñānād
yathaivoparamas tathā
buddhvā saṃyag idaṃ tattvam
evam evāham āsthitaḥ
//
karmānuṣṭhānam ajñānād
yathaivoparamas tathā
buddhvā saṃyag idaṃ tattvam
evam evāham āsthitaḥ
//
acintyaṃ cintyamāno 'pi
cintārūpaṃ bhajaty asau
tyaktvā tadbhāvanaṃ tasmād
evam evāham āsthitaḥ
//
acintyaṃ cintyamāno 'pi
cintārūpaṃ bhajaty asau
tyaktvā tad-bhāvanaṃ tasmād
evam evāham āsthitaḥ
//
evam eva kṛtaṃ yena
sa kṛtārtho bhaved asau
evam eva svabhāvo yaḥ
sa kṛtārtho bhaved asau
//
evam eva kṛtaṃ yena
sa kṛtārtho bhaved asau
evam eva svabhāvo yaḥ
sa kṛtārtho bhaved asau
//
akiṃcanabhavaṃ svāsthyaṃ
kaupīnatve 'pi durlabham
tyāgādāne vihāyāsmād
aham āse yathāsukham
//
akiṃcana-bhavaṃ svāsthyaṃ
kaupīnatve 'pi durlabham
tyāgādāne vihāyāsmād
aham āse yathā-sukham
//
kutrāpi khedaḥ kāyasya,
jihvā kutrāpi khidyate
manaḥ kutrāpi tat tyaktvā
puruṣārthe sthitaḥ sukham
//
kutrāpi khedaḥ kāyasya,
jihvā kutrāpi khidyate
manaḥ kutrāpi tat tyaktvā
puruṣārthe sthitaḥ sukham
//
kṛtaṃ kim api naiva syād
iti sañcintya tattvataḥ
yadā yat kartum āyāti
tat kṛtvāse yathāsukham
//
kṛtaṃ kim api naiva syād
iti sañcintya tattvataḥ
yadā yat kartum āyāti
tat kṛtvāse yathā-sukham
//
karmanaiṣkarmyanirbandha
bhāvā dehasthayoginaḥ
saṃyogāyogavirahād
aham āse yathāsukham
//
karma-naiṣkarmya-nirbandha
bhāvā deha-stha-yoginaḥ
saṃyogāyoga-virahād
aham āse yathā-sukham
//
arthānarthau na me sthityā
gatyā na śayanena vā
tiṣṭhan gacchan svapan tasmād
aham āse yathāsukham
//
arthānarthau na me sthityā
gatyā na śayanena vā
tiṣṭhan gacchan svapan tasmād
aham āse yathā-sukham
//
svapato nāsti me hāniḥ
siddhir yatnavato na vā
nāśollāsau vihāyāsmād
aham āse yathāsukham
//
svapato nāsti me hāniḥ
siddhir yatnavato na vā
nāśollāsau vihāyāsmād
aham āse yathā-sukham
//
sukhādirūpā niyamaṃ
bhāveṣv ālokya bhūriśaḥ
śubhāśubhe vihāyāsmād
aham āse yathāsukham
//
sukhādi-rūpā niyamaṃ
bhāveṣv ālokya bhūriśaḥ
śubhāśubhe vihāyāsmād
aham āse yathā-sukham
//
prakṛtyā śūnyacitto yaḥ
pramādād bhāvabhāvanaḥ
nidrito bodhita iva
kṣīṇasaṃsmaraṇo hi saḥ
//
prakṛtyā śūnya-citto yaḥ
pramādād bhāva-bhāvanaḥ
nidrito bodhita iva
kṣīṇa-saṃsmaraṇo hi saḥ
//
kva dhanāni kva mitrāṇi
kva me viṣayadasyavaḥ
kva śāstraṃ kva ca vijñānaṃ
yadā me galitā spṛhā
//
kva dhanāni kva mitrāṇi
kva me viṣaya-dasyavaḥ
kva śāstraṃ kva ca vijñānaṃ
yadā me galitā spṛhā
//
vijñāte sākṣipuruṣe
paramātmani ceśvare
nairāśye bandhamokṣe ca
na cintā muktaye mama
//
vijñāte sākṣi-puruṣe
paramātmani ceśvare
nairāśye bandha-mokṣe ca
na cintā muktaye mama
//
antarvikalpaśūnyasya
bahiḥ svacchandacāriṇaḥ
bhrāntasyeva daśās tās tās
tādṛśā eva jānate
//
antar-vikalpa-śūnyasya
bahiḥ sva-cchanda-cāriṇaḥ
bhrāntasyeva daśās tās tās
tādṛśā eva jānate
//
yathātathopadeśena
kṛtārthaḥ sattvabuddhimān
ājīvam api jijñāsuḥ
paras tatra vimuhyati
//
yathā-tathopadeśena
kṛtārthaḥ sattva-buddhimān
ājīvam api jijñāsuḥ
paras tatra vimuhyati
//
mokṣo viṣayavairasyaṃ
bandho vaiṣayiko rasaḥ
etāvad eva vijñānaṃ
yathecchasi tathā kuru
//
mokṣo viṣaya-vairasyaṃ
bandho vaiṣayiko rasaḥ
etāvad eva vijñānaṃ
yathecchasi tathā kuru
//
vāgmiprājñamahodyogaṃ
janaṃ mūkajaḍālasam
karoti tattvabodho 'yam
atas tyakto bubhukṣubhiḥ
//
vāgmi-prājña-mahodyogaṃ
janaṃ mūka-jaḍālasam
karoti tattva-bodho 'yam
atas tyakto bubhukṣubhiḥ
//
na tvaṃ deho na te deho
bhoktā kartā na vā bhavān
cidrūpo 'si sadā sākṣī
nirapekṣaḥ sukhaṃ cara
//
na tvaṃ deho na te deho
bhoktā kartā na vā bhavān
cid-rūpo 'si sadā sākṣī
nirapekṣaḥ sukhaṃ cara
//
rāgadveṣau manodharmau
na manas te kadācana
nirvikalpo 'si bodhātmā
nirvikāraḥ sukhaṃ cara
//
rāga-dveṣau mano-dharmau
na manas te kadācana
nirvikalpo 'si bodhātmā
nirvikāraḥ sukhaṃ cara
//
sarvabhūteṣu cātmānaṃ
sarvabhūtāni cātmani
vijñāya nirahaṃkāro
nirmamas tvaṃ sukhī bhava
//
sarva-bhūteṣu cātmānaṃ
sarva-bhūtāni cātmani
vijñāya nirahaṃ-kāro
nirmamas tvaṃ sukhī bhava
//
viṣvaṃ sphurati yatredaṃ
taraṅgā iva sāgare
tat tvam eva na sandehaś
cinmūrte vijvaro bhava
//
viṣvaṃ sphurati yatredaṃ
taraṅgā iva sāgare
tat tvam eva na sandehaś
cin-mūrte vijvaro bhava
//
śraddhatsva tāta śraddhatsva
nātra mohaṃ kuruṣva bhoḥ
jñānasvarūpo bhagavān
ātmā tvaṃ prakṛteḥ paraḥ
//
śraddhatsva tāta śraddhatsva
nātra mohaṃ kuruṣva bhoḥ
jñāna-svarūpo bhagavān
ātmā tvaṃ prakṛteḥ paraḥ
//
guṇaiḥ saṃveṣṭito dehas
tiṣṭhaty āyāti yāti ca
ātmā na gantā nāgantā
kim enam anuśocasi
//
guṇaiḥ saṃveṣṭito dehas
tiṣṭhaty āyāti yāti ca
ātmā na gantā nāgantā
kim enam anuśocasi
//
dehas tiṣṭhatu kalpāntaṃ
gacchatv adyaiva vā punaḥ
kva vṛddhiḥ kva ca vā hānis
tava cinmātrarūpiṇaḥ
//
dehas tiṣṭhatu kalpāntaṃ
gacchatv adyaiva vā punaḥ
kva vṛddhiḥ kva ca vā hānis
tava cin-mātra-rūpiṇaḥ
//
tvayy anantamahāmbhodhau
viśvavīciḥ svabhāvataḥ
udetu vāstam āyātu
na te vṛddhir na vā kṣatiḥ
//
tvayy ananta-mahāmbhodhau
viśva-vīciḥ sva-bhāvataḥ
udetu vāstam āyātu
na te vṛddhir na vā kṣatiḥ
//
tāta cinmātrarūpo 'si
na te bhinnam idaṃ jagat
ataḥ kasya kathaṃ kutra
heyopādeyakalpanā
//
tāta cin-mātra-rūpo 'si
na te bhinnam idaṃ jagat
ataḥ kasya kathaṃ kutra
heyopādeya-kalpanā
//
ekasminn avyaye śānte
cidākāśe 'male tvayi
kuto janma kutaḥ karma
kuto 'haṃkāra eva ca
//
ekasminn avyaye śānte
cid-ākāśe 'male tvayi
kuto janma kutaḥ karma
kuto 'haṃkāra eva ca
//
yat tvaṃ paśyasi tatraikas
tvam eva pratibhāsase
kiṃ pṛthak bhāsate svarṇāt
kaṭakāṅgadanūpuram
//
yat tvaṃ paśyasi tatraikas
tvam eva pratibhāsase
kiṃ pṛthak bhāsate svarṇāt
kaṭakāṅgada-nūpuram
//
ayaṃ so 'ham ayam nāhaṃ
vibhāgam iti santyaja
sarvam ātmeti niścitya
niḥsaṅkalpaḥ sukhī bhava
//
ayaṃ so 'ham ayam nāhaṃ
vibhāgam iti santyaja
sarvam ātmeti niścitya
niḥsaṅkalpaḥ sukhī bhava
//
tavaivājñānato viśvaṃ
tvam ekaḥ paramārthataḥ
tvatto 'nyo nāsti saṃsārī
nāsaṃsārī ca kaścana
//
tavaivājñānato viśvaṃ
tvam ekaḥ param-ārthataḥ
tvatto 'nyo nāsti saṃsārī
nāsaṃsārī ca kaścana
//
bhrāntimātram idaṃ viśvaṃ
na kiṃcid iti niścayī
nirvāsanaḥ sphūrtimātro
na kiṃcid iva śāmyati
//
bhrānti-mātram idaṃ viśvaṃ
na kiṃcid iti niścayī
nirvāsanaḥ sphūrti-mātro
na kiṃcid iva śāmyati
//
eka eva bhavāmbhodhāv
āsīd asti bhaviṣyati
na te bandho 'sti mokṣo vā
kṛtakṛtyaḥ sukhaṃ cara
//
eka eva bhavāmbhodhāv
āsīd asti bhaviṣyati
na te bandho 'sti mokṣo vā
kṛta-kṛtyaḥ sukhaṃ cara
//
mā saṅkalpavikalpābhyāṃ
cittaṃ kṣobhaya cinmaya
upaśāmya sukhaṃ tiṣṭha
svātmany ānandavigrahe
//
mā saṅkalpa-vikalpābhyāṃ
cittaṃ kṣobhaya cin-maya
upaśāmya sukhaṃ tiṣṭha
svātmany ānanda-vigrahe
//
tyajaiva dhyānaṃ sarvatra
mā kiṃcid dhṛdi dhāraya
ātmā tvaṃ mukta evāsi
kiṃ vimṛśya kariṣyasi
//
tyajaiva dhyānaṃ sarvatra
mā kiṃcid dhṛdi dhāraya
ātmā tvaṃ mukta evāsi
kiṃ vimṛśya kariṣyasi
//
ācakṣva śṛṇu vā tāta
nānāśāstrāṇyanekaśaḥ
tathāpi na tava svāsthyaṃ
sarvavismaraṇād ṛte
//
ācakṣva śṛṇu vā tāta
nānā-śāstrāṇy-anekaśaḥ
tathāpi na tava svāsthyaṃ
sarva-vismaraṇād ṛte
//
bhogaṃ karma samādhiṃ vā
kuru vijña tathāpi te
cittaṃ nirastasarvāśam
atyarthaṃ rocayiṣyati
//
bhogaṃ karma samādhiṃ vā
kuru vijña tathāpi te
cittaṃ nirasta-sarvāśam
atyarthaṃ rocayiṣyati
//
āyāsāt sakalo duḥkhī
nainaṃ jānāti kaścana
anenaivopadeśena
dhanyaḥ prāpnoti nirvṛtim
//
āyāsāt sakalo duḥkhī
nainaṃ jānāti kaścana
anenaivopadeśena
dhanyaḥ prāpnoti nirvṛtim
//
vyāpāre khidyate yas tu
nimeṣonmeṣayor api
tasyālasyadhurīṇasya
sukhaṃ nānyasya kasyacit
//
vyāpāre khidyate yas tu
nimeṣonmeṣayor api
tasyālasyadhurīṇasya
sukhaṃ nānyasya kasyacit
//
idaṃ kṛtam idaṃ neti
dvandvair muktaṃ yadā manaḥ
dharmārthakāmamokṣeṣu
nirapekṣaṃ tadā bhavet
//
idaṃ kṛtam idaṃ neti
dvandvair muktaṃ yadā manaḥ
dharmārtha-kāma-mokṣeṣu
nirapekṣaṃ tadā bhavet
//
virakto viṣayadveṣṭā
rāgī viṣayalolupaḥ
grahamokṣavihīnas tu
na virakto na rāgavān
//
virakto viṣaya-dveṣṭā
rāgī viṣaya-lolupaḥ
graha-mokṣa-vihīnas tu
na virakto na rāgavān
//
heyopādeyatā tāvat
saṃsāraviṭapāṅkuraḥ
spṛhā jīvati yāvad vai
nirvicāradaśāspadam
//
heyopādeyatā tāvat
saṃsāra-viṭapāṅkuraḥ
spṛhā jīvati yāvad vai
nirvicāradaśāspadam
//
pravṛttau jāyate rāgo
nirvṛttau dveṣa eva hi
nirdvandvo bālavad dhīmān
evam eva vyavasthitaḥ
//
pravṛttau jāyate rāgo
nirvṛttau dveṣa eva hi
nirdvandvo bālavad dhīmān
evam eva vyava-sthitaḥ
//
hātum icchati saṃsāraṃ
rāgī duḥkhajihāsayā
vītarāgo hi nirduḥkhas
tasminn api na khidyati
//
hātum icchati saṃsāraṃ
rāgī duḥkha-jihāsayā
vīta-rāgo hi nirduḥkhas
tasminn api na khidyati
//
yasyābhimāno mokṣe 'pi
dehe 'pi mamatā tathā
na ca jñānī na vā yogī
kevalaṃ duḥkhabhāg asau
//
yasyābhimāno mokṣe 'pi
dehe 'pi mamatā tathā
na ca jñānī na vā yogī
kevalaṃ duḥkhabhāg asau
//
haro yady upadeṣṭā te
hariḥ kamalajo 'pi vā
tathāpi na tava svāsthyaṃ
sarvavismaraṇād ṛte
//
haro yady upadeṣṭā te
hariḥ kamala-jo 'pi vā
tathāpi na tava svāsthyaṃ
sarva-vismaraṇād ṛte
//
tena jñānaphalaṃ prāptaṃ
yogābhyāsaphalaṃ tathā
tṛptaḥ svacchendriyo nityam
ekākī ramate tu yaḥ
//
tena jñāna-phalaṃ prāptaṃ
yogābhyāsa-phalaṃ tathā
tṛptaḥ svacchendriyo nityam
ekākī ramate tu yaḥ
//
na kadācij jagaty asmiṃs
tattvajño hanta khidyati
yata ekena tenedaṃ
pūrṇaṃ brahmāṇḍamaṇḍalam
//
na kadācij jagaty asmiṃs
tattva-jño hanta khidyati
yata ekena tenedaṃ
pūrṇaṃ brahmāṇḍa-maṇḍalam
//
na jātu viṣayāḥ ke 'pi
svārāmaṃ harṣayanty amī
sallakīpallavaprītam
ivebhaṃ nimbapallavāḥ
//
na jātu viṣayāḥ ke 'pi
svārāmaṃ harṣayanty amī
sallakī-pallava-prītam
ivebhaṃ nimba-pallavāḥ
//
yas tu bhogeṣu bhukteṣu
na bhavaty adhivāsitaḥ
abhukteṣu nirākāṅkṣī
tādṛśo bhavadurlabhaḥ
//
yas tu bhogeṣu bhukteṣu
na bhavaty adhivāsitaḥ
abhukteṣu nirākāṅkṣī
tādṛśo bhava-durlabhaḥ
//
bubhukṣur iha saṃsāre
mumukṣur api dṛśyate
bhogamokṣanirākāṅkṣī
viralo hi mahāśāyaḥ
//
bubhukṣur iha saṃsāre
mumukṣur api dṛśyate
bhoga-mokṣa-nirākāṅkṣī
viralo hi mahāśāyaḥ
//
dharmārthakāmamokṣeṣu
jīvite maraṇe tathā
kasyāpy udāracittasya
heyopādeyatā na hi
//
dharmārtha-kāma-mokṣeṣu
jīvite maraṇe tathā
kasyāpy udāra-cittasya
heyopādeyatā na hi
//
vāñchā na viśvavilaye
na dveṣas tasya ca sthitau
yathā jīvikayā tasmād
dhanya āste yathā sukhaṃ
//
vāñchā na viśva-vilaye
na dveṣas tasya ca sthitau
yathā jīvikayā tasmād
dhanya āste yathā sukhaṃ
//
kṛtārtho 'nena jñānenety
evaṃ galitadhīḥ kṛtī
paśyan śṛṇvan spṛśan jighrann
aśnann aste yathā sukhaṃ
//
kṛtārtho 'nena jñānenety
evaṃ galita-dhīḥ kṛtī
paśyan śṛṇvan spṛśan jighrann
aśnann aste yathā sukhaṃ
//
śūnyā dṛṣṭir vṛthā ceṣṭā
vikalānīndriyāṇi ca
na spṛhā na viraktir vā
kṣīṇasaṃsārasāgare
//
śūnyā dṛṣṭir vṛthā ceṣṭā
vikalānīndriyāṇi ca
na spṛhā na viraktir vā
kṣīṇa-saṃsāra-sāgare
//
na jagarti na nidrāti
nonmīlati na mīlati
aho paradaśā kvāpi
vartate muktacetasaḥ
//
na jagarti na nidrāti
nonmīlati na mīlati
aho para-daśā kvāpi
vartate mukta-cetasaḥ
//
sarvatra dṛśyate svasthaḥ
sarvatra vimalāśayaḥ
samastavāsanā mukto
muktaḥ sarvatra rājate
//
sarvatra dṛśyate sva-sthaḥ
sarvatra vimalāśayaḥ
samasta-vāsanā mukto
muktaḥ sarvatra rājate
//
paśyan śṛṇvan spṛśan jighrann
aśnan gṛhṇan vadanvrajan
īhitānīhitair mukto
mukta eva mahāśayaḥ
//
paśyan śṛṇvan spṛśan jighrann
aśnan gṛhṇan vadanvrajan
īhitānīhitair mukto
mukta eva mahāśayaḥ
//
na nindati na ca stauti
na hṛṣyati na kupyati
na dadāti na gṛhṇāti
muktaḥ sarvatra nīrasaḥ
//
na nindati na ca stauti
na hṛṣyati na kupyati
na dadāti na gṛhṇāti
muktaḥ sarvatra nīrasaḥ
//
sānurāgāṃ striyaṃ dṛṣṭvā
mṛtyuṃ vā samupasthitam
avihvalamanāḥ svastho
mukta eva mahāśayaḥ
//
sānurāgāṃ striyaṃ dṛṣṭvā
mṛtyuṃ vā samupasthitam
avihvala-manāḥ sva-stho
mukta eva mahāśayaḥ
//
sukhe duḥkhe nare nāryāṃ
saṃpatsu ca vipatsu ca
viśeṣo naiva dhīrasya
sarvatra samadarśinaḥ
//
sukhe duḥkhe nare nāryāṃ
saṃpatsu ca vipatsu ca
viśeṣo naiva dhīrasya
sarvatra sama-darśinaḥ
//
na hiṃsā naiva kāruṇyaṃ
nauddhatyaṃ na ca dīnatā
nāścaryaṃ naiva ca kṣobhaḥ
kṣīṇasaṃsaraṇe nare
//
na hiṃsā naiva kāruṇyaṃ
nauddhatyaṃ na ca dīnatā
nāścaryaṃ naiva ca kṣobhaḥ
kṣīṇa-saṃsaraṇe nare
//
na mukto viṣayadveṣṭā
na vā viṣayalolupaḥ
asaṃsaktamanā nityaṃ
prāptāprāptam upāśnute
//
na mukto viṣaya-dveṣṭā
na vā viṣaya-lolupaḥ
asaṃsakta-manā nityaṃ
prāptāprāptam upāśnute
//
samādhānāsamādhāna
hitāhitavikalpanāḥ
śūnyacitto na jānāti
kaivalyam iva saṃsthitaḥ
//
samādhānāsamādhāna
hitāhita-vikalpanāḥ
śūnya-citto na jānāti
kaivalyam iva saṃsthitaḥ
//
nirmamo nirahaṃkāro
na kiṃcid iti niścitaḥ
antargalitasarvāśaḥ
kurvann api karoti na
//
nirmamo nirahaṃkāro
na kiṃcid iti niścitaḥ
antar-galita-sarvāśaḥ
kurvann api karoti na
//
manaḥprakāśasammoha
svapnajāḍyavivarjitaḥ
daśāṃ kām api saṃprāpto
bhaved galitamānasaḥ
//
manaḥ-prakāśa-sammoha
svapna-jāḍya-vivarjitaḥ
daśāṃ kām api saṃprāpto
bhaved galita-mānasaḥ
//
yasya bodhodaye tāvat
svapnavad bhavati bhramaḥ
tasmai sukhaikarūpāya
namaḥ śāntāya tejase
//
yasya bodhodaye tāvat
svapnavad bhavati bhramaḥ
tasmai sukhaika-rūpāya
namaḥ śāntāya tejase
//
arjayitvākhilān arthān
bhogān āpnoti puṣkalān
na hi sarvaparityāgam
antareṇa sukhī bhavet
//
arjayitvākhilān arthān
bhogān āpnoti puṣkalān
na hi sarva-parityāgam
antareṇa sukhī bhavet
//
kartavyaduḥkhamārtaṇḍa
jvālād agdhāntarātmanaḥ
kutaḥ praśamapīyūṣa
dhārāsāram ṛte sukham
//
kartavya-duḥkha-mārtaṇḍa
jvālād agdhāntarātmanaḥ
kutaḥ praśama-pīyūṣa
dhārāsāram ṛte sukham
//
bhavo 'yaṃ bhāvanāmātro
na kiṃcit paramarthataḥ
nāsty abhāvaḥ svabhāvanāṃ
bhāvābhāvavibhāvinām
//
bhavo 'yaṃ bhāvanā-mātro
na kiṃcit param-arthataḥ
nāsty abhāvaḥ sva-bhāvanāṃ
bhāvābhāva-vibhāvinām
//
na dūraṃ na ca saṅkocāl
labdham evātmanaḥ padam
nirvikalpaṃ nirāyāsaṃ
nirvikāraṃ nirañjanam
//
na dūraṃ na ca saṅkocāl
labdham evātmanaḥ padam
nirvikalpaṃ nirāyāsaṃ
nirvikāraṃ nirañjanam
//
vyāmohamātraviratau
svarūpādānamātrataḥ
vītaśokā virājante
nirāvaraṇadṛṣṭayaḥ
//
vyāmoha-mātra-viratau
svarūpādāna-mātrataḥ
vītaśokā virājante
nirāvaraṇa-dṛṣṭayaḥ
//
samastaṃ kalpanāmātram
ātmā muktaḥ sanātanaḥ
iti vijñāya dhīro hi
kim abhyasyati bālavat
//
samastaṃ kalpanā-mātram
ātmā muktaḥ sanātanaḥ
iti vijñāya dhīro hi
kim abhyasyati bālavat
//
ātmā brahmeti niścitya
bhāvābhāvau ca kalpitau
niṣkāmaḥ kiṃ vijānāti
kiṃ brūte ca karoti kiṃ
//
ātmā brahmeti niścitya
bhāvābhāvau ca kalpitau
niṣkāmaḥ kiṃ vijānāti
kiṃ brūte ca karoti kiṃ
//
ayaṃ so 'ham ayaṃ nāham
iti kṣīṇā vikalpanāḥ
sarvam ātmeti niścitya
tūṣṇībhūtasya yoginaḥ
//
ayaṃ so 'ham ayaṃ nāham
iti kṣīṇā vikalpanāḥ
sarvam ātmeti niścitya
tūṣṇī-bhūtasya yoginaḥ
//
na vikṣepo na caikāgryaṃ
nātibodho na mūḍhatā
na sukhaṃ na ca vā duḥkham
upaśāntasya yoginaḥ
//
na vikṣepo na caikāgryaṃ
nātibodho na mūḍhatā
na sukhaṃ na ca vā duḥkham
upaśāntasya yoginaḥ
//
svārājye bhaikṣavṛttau ca
lābhālābhe jane vane
nirvikalpasvabhāvasya
na viṣeso 'sti yoginaḥ
//
svārājye bhaikṣa-vṛttau ca
lābhālābhe jane vane
nirvikalpa-svabhāvasya
na viṣeso 'sti yoginaḥ
//
kva dharmaḥ kva ca vā kāmaḥ
kva cārthaḥ kva vivekitā
idaṃ kṛtam idaṃ neti
dvandvair muktasya yoginaḥ
//
kva dharmaḥ kva ca vā kāmaḥ
kva cārthaḥ kva vivekitā
idaṃ kṛtam idaṃ neti
dvandvair muktasya yoginaḥ
//
kṛtyaṃ kim api naivāsti
na kāpi hṛdi rañjanā
yathājīvanam eveha
jīvanmuktasya yoginaḥ
//
kṛtyaṃ kim api naivāsti
na kāpi hṛdi rañjanā
yathā-jīvanam eveha
jīvan-muktasya yoginaḥ
//
kva mohaḥ kva ca vā viśvaṃ
kva tad dhyānaṃ kva muktatā
sarvasaṅkalpasīmāyāṃ
viśrāntasya mahātmanaḥ
//
kva mohaḥ kva ca vā viśvaṃ
kva tad dhyānaṃ kva muktatā
sarva-saṅkalpa-sīmāyāṃ
viśrāntasya mahātmanaḥ
//
yena viśvam idaṃ dṛṣṭaṃ
sa nāstīti karotu vai
nirvāsanaḥ kiṃ kurute
paśyann api na paśyati
//
yena viśvam idaṃ dṛṣṭaṃ
sa nāstīti karotu vai
nirvāsanaḥ kiṃ kurute
paśyann api na paśyati
//
yena dṛṣṭaṃ paraṃ brahma
so 'haṃ brahmeti cintayet
kiṃ cintayati niścinto
dvitīyaṃ yo na paśyati
//
yena dṛṣṭaṃ paraṃ brahma
so 'haṃ brahmeti cintayet
kiṃ cintayati niścinto
dvitīyaṃ yo na paśyati
//
dṛṣṭo yenātmavikṣepo
nirodhaṃ kurute tv asau
udāras tu na vikṣiptaḥ
sādhyābhāvāt karoti kim
//
dṛṣṭo yenātma-vikṣepo
nirodhaṃ kurute tv asau
udāras tu na vikṣiptaḥ
sādhyābhāvāt karoti kim
//
dhīro lokaviparyasto
varttamāno 'pi lokavat
na samādhiṃ na vikṣepaṃ
na lepaṃ svasya paśyati
//
dhīro loka-viparyasto
varttamāno 'pi lokavat
na samādhiṃ na vikṣepaṃ
na lepaṃ svasya paśyati
//
bhāvābhāvavihīno yas
tṛpto nirvāsano budhaḥ
naiva kiṃcit kṛtaṃ tena
lokadṛṣṭyā vikurvatā
//
bhāvābhāva-vihīno yas
tṛpto nirvāsano budhaḥ
naiva kiṃcit kṛtaṃ tena
loka-dṛṣṭyā vikurvatā
//
pravṛttau vā nirvṛttau vā
naiva dhīrasya durgrahaḥ
yadā yat kartum āyāti
tatkṛtvā tiṣṭhataḥ sukham
//
pravṛttau vā nirvṛttau vā
naiva dhīrasya durgrahaḥ
yadā yat kartum āyāti
tatkṛtvā tiṣṭhataḥ sukham
//
nirvāsano nirālambaḥ
svacchando muktabandhanaḥ
kṣiptaḥ saṃskāravātena
ceṣṭate śuṣkaparṇavat
//
nirvāsano nirālambaḥ
svacchando mukta-bandhanaḥ
kṣiptaḥ saṃskāra-vātena
ceṣṭate śuṣka-parṇavat
//
asaṃsārasya tu kvāpi
na harṣo na viṣāditā
sa śītalamanā nityaṃ
videha iva rājate
//
asaṃsārasya tu kvāpi
na harṣo na viṣāditā
sa śītala-manā nityaṃ
videha iva rājate
//
kutrāpi na jihāsāsti
nāśo vāpi na kutracit
ātmārāmasya dhīrasya
śītalācchatarātmanaḥ
//
kutrāpi na jihāsāsti
nāśo vāpi na kutracit
ātmārāmasya dhīrasya
śītalācchatarātmanaḥ
//
prakṛtyā śūnyacittasya
kurvato 'sya yadṛcchayā
prākṛtasyeva dhīrasya
na māno nāvamānatā
//
prakṛtyā śūnya-cittasya
kurvato 'sya yad-ṛcchayā
prākṛtasyeva dhīrasya
na māno nāvamānatā
//
kṛtaṃ dehena karmedaṃ
na mayā śuddharūpiṇā
iti cintānurodhī yaḥ
kurvann api karoti na
//
kṛtaṃ dehena karmedaṃ
na mayā śuddha-rūpiṇā
iti cintānurodhī yaḥ
kurvann api karoti na
//
atadvādīva kurute
na bhaved api bāliśaḥ
jīvanmuktaḥ sukhī śrīmān
saṃsarann api śobhate
//
atad-vādīva kurute
na bhaved api bāliśaḥ
jīvan-muktaḥ sukhī śrīmān
saṃsarann api śobhate
//
nānāvicārasuśrānto
dhīro viśrāntim āgataḥ
na kalpate na jānāti
na śṛṇoti na paśyati
//
nānā-vicāra-suśrānto
dhīro viśrāntim āgataḥ
na kalpate na jānāti
na śṛṇoti na paśyati
//
asamādher avikṣepān
na mumukṣur na cetaraḥ
niścitya kalpitaṃ paśyan
brahmaivāste mahāśayaḥ
//
asamādher avikṣepān
na mumukṣur na cetaraḥ
niścitya kalpitaṃ paśyan
brahmaivāste mahāśayaḥ
//
yasyāntaḥ syād ahaṅkāro
na karoti karoti saḥ
nirahaṅkāradhīreṇa
na kiṃcid akṛtaṃ kṛtam
//
yasyāntaḥ syād ahaṅkāro
na karoti karoti saḥ
nirahaṅkāra-dhīreṇa
na kiṃcid akṛtaṃ kṛtam
//
nodvignaṃ na ca santuṣṭam
akartṛ spandavarjitam
nirāśaṃ gatasandehaṃ
cittaṃ muktasya rājate
//
nodvignaṃ na ca santuṣṭam
akartṛ spanda-varjitam
nirāśaṃ gata-sandehaṃ
cittaṃ muktasya rājate
//
nirdhyātuṃ ceṣṭituṃ vāpi
yac cittaṃ na pravarttate
nirnimittam idaṃ kin tu
nirdhyāyati viceṣṭate
//
nirdhyātuṃ ceṣṭituṃ vāpi
yac cittaṃ na pravarttate
nirnimittam idaṃ kin tu
nirdhyāyati viceṣṭate
//
tattvaṃ yathārtham ākarṇya
mandaḥ prāpnoti mūḍhatām
atha vāyāti saṅkocam
amūḍhaḥ ko 'pi mūḍhavat
//
tattvaṃ yathārtham ākarṇya
mandaḥ prāpnoti mūḍhatām
atha vāyāti saṅkocam
amūḍhaḥ ko 'pi mūḍhavat
//
ekāgratā nirodho vā
mūḍhair abhyasyate bhṛśam
dhīrāḥ kṛtyaṃ na paśyanti
suptavat svapade sthitāḥ
//
ekāgratā nirodho vā
mūḍhair abhyasyate bhṛśam
dhīrāḥ kṛtyaṃ na paśyanti
suptavat sva-pade sthitāḥ
//
aprayatnāt prayatnād vā
mūḍho nāpnoti nirvṛtim
tattvaniścayamātreṇa
prājño bhavati nirvṛtaḥ
//
aprayatnāt prayatnād vā
mūḍho nāpnoti nirvṛtim
tattva-niścaya-mātreṇa
prājño bhavati nirvṛtaḥ
//
śuddhaṃ buddhaṃ priyaṃ pūrṇaṃ
niṣprapañcaṃ nirāmayam
ātmānaṃ taṃ na jānanti
tatrābhyāsaparā janāḥ
//
śuddhaṃ buddhaṃ priyaṃ pūrṇaṃ
niṣprapañcaṃ nirāmayam
ātmānaṃ taṃ na jānanti
tatrābhyāsa-parā janāḥ
//
nāpnoti karmaṇā mokṣaṃ
vimūḍho 'bhyāsarūpiṇā
dhanyo vijñānamātreṇa
muktas tiṣṭhaty avikriyaḥ
//
nāpnoti karmaṇā mokṣaṃ
vimūḍho 'bhyāsa-rūpiṇā
dhanyo vijñāna-mātreṇa
muktas tiṣṭhaty avikriyaḥ
//
mūḍho nāpnoti tad brahma
yato bhavitum icchati
anicchann api dhīro hi
parabrahmasvarūpabhāk
//
mūḍho nāpnoti tad brahma
yato bhavitum icchati
anicchann api dhīro hi
para-brahma-svarūpa-bhāk
//
nirādhārā grahavyagrā
mūḍhāḥ saṃsārapoṣakāḥ
etasyānarthamūlasya
mūlacchedaḥ kṛto budhaiḥ
//
nirādhārā grahavya-grā
mūḍhāḥ saṃsāra-poṣakāḥ
etasyānartha-mūlasya
mūla-cchedaḥ kṛto budhaiḥ
//
na śāntiṃ labhate mūḍho
yataḥ śamitum icchati
dhīras tattvaṃ viniścitya
sarvadā śāntamānasaḥ
//
na śāntiṃ labhate mūḍho
yataḥ śamitum icchati
dhīras tattvaṃ viniścitya
sarvadā śānta-mānasaḥ
//
kvātmano darśanaṃ tasya
yad dṛṣṭam avalambate
dhīrās taṃ taṃ na paśyanti
paśyanty ātmānam avyayam
//
kvātmano darśanaṃ tasya
yad dṛṣṭam avalambate
dhīrās taṃ taṃ na paśyanti
paśyanty ātmānam avyayam
//
kva nirodho vimūḍhasya
yo nirbandhaṃ karoti vai
svārāmasyaiva dhīrasya
sarvadāsāv akṛtrimaḥ
//
kva nirodho vimūḍhasya
yo nirbandhaṃ karoti vai
svārāmasyaiva dhīrasya
sarvadāsāv akṛtrimaḥ
//
bhāvasya bhāvakaḥ kaścin
na kiṃcid bhāvako 'paraḥ
ubhayābhāvakaḥ kaścid
evam eva nirākulaḥ
//
bhāvasya bhāvakaḥ kaścin
na kiṃcid bhāvako 'paraḥ
ubhayābhāvakaḥ kaścid
evam eva nirākulaḥ
//
śuddham advayam ātmānaṃ
bhāvayanti kubuddhayaḥ
na tu jānanti saṃmohād
yāvajjīvam anirvṛtāḥ
//
śuddham advayam ātmānaṃ
bhāvayanti ku-buddhayaḥ
na tu jānanti saṃmohād
yāvaj-jīvam anirvṛtāḥ
//
mumukṣor buddhir ālambam
antareṇa na vidyate
nirālambaiva niṣkāmā
buddhir muktasya sarvadā
//
mumukṣor buddhir ālambam
antareṇa na vidyate
nirālambaiva niṣkāmā
buddhir muktasya sarvadā
//
viṣayadvīpino vīkṣya
cakitāḥ śaraṇārthinaḥ
viśanti jhaṭiti kroḍaṃ
nirodhaikāgryasiddhaye
//
viṣaya-dvīpino vīkṣya
cakitāḥ śaraṇārthinaḥ
viśanti jhaṭiti kroḍaṃ
nirodhaikāgrya-siddhaye
//
nirvāsanaṃ hariṃ dṛṣṭvā
tūṣṇīṃ viṣayadantinaḥ
palāyante na śaktās te
sevante kṛtacāṭavaḥ
//
nirvāsanaṃ hariṃ dṛṣṭvā
tūṣṇīṃ viṣaya-dantinaḥ
palāyante na śaktās te
sevante kṛta-cāṭavaḥ
//
na muktikārikāṃ dhatte
niḥśaṅko yuktamānasaḥ
paśyañ chṛṇvan spṛśañ jighrann
aśnann āste yathāsukham
//
na mukti-kārikāṃ dhatte
niḥśaṅko yukta-mānasaḥ
paśyañ chṛṇvan spṛśañ jighrann
aśnann āste yathā-sukham
//
vastuśravaṇamātreṇa
śuddhabuddhir nirākulaḥ
naivācāramanācāram
audāsyaṃ vā prapaśyati
//
vastu-śravaṇa-mātreṇa
śuddha-buddhir nirākulaḥ
naivācāram-anācāram
audāsyaṃ vā prapaśyati
//
yadā yat kartum āyāti
tadā tatkurute ṛjuḥ
śubhaṃ vāpy aśubhaṃ vāpi
tasya ceṣṭā hi bālavat
//
yadā yat kartum āyāti
tadā tat-kurute ṛjuḥ
śubhaṃ vāpy aśubhaṃ vāpi
tasya ceṣṭā hi bālavat
//
svātantryāt sukham āpnoti
svātantryāl labhate param
svātantryān nirvṛtiṃ gacchet
svātantryāt paramaṃ padam
//
svā-tantryāt sukham āpnoti
svā-tantryāl labhate param
svā-tantryān nirvṛtiṃ gacchet
svā-tantryāt paramaṃ padam
//
akartṛtvam abhoktṛtvaṃ
svātmano manyate yadā
tadā kṣīṇā bhavanty eva
samastāś cittavṛttayaḥ
//
akartṛtvam abhoktṛtvaṃ
svātmano manyate yadā
tadā kṣīṇā bhavanty eva
samastāś citta-vṛttayaḥ
//
ucchṛṅkhalāpy akṛtikā
sthitir dhīrasya rājate
na tu saspṛhacittasya
śāntir mūḍhasya kṛtrimā
//
ucchṛṅkhalāpy akṛtikā
sthitir dhīrasya rājate
na tu saspṛha-cittasya
śāntir mūḍhasya kṛtrimā
//
vilasanti mahābhogair
viśanti girigahvarān
nirastakalpanā dhīrā
abaddhā muktabuddhayaḥ
//
vilasanti mahābhogair
viśanti giri-gahvarān
nirasta-kalpanā dhīrā
abaddhā mukta-buddhayaḥ
//
śrotriyaṃ devatāṃ tīrtham
aṅganāṃ bhūpatiṃ priyam
dṛṣṭvā sampūjya dhīrasya
na kāpi hṛdi vāsanā
//
śrotriyaṃ devatāṃ tīrtham
aṅganāṃ bhūpatiṃ priyam
dṛṣṭvā sampūjya dhīrasya
na kāpi hṛdi vāsanā
//
bhṛtyaiḥ putraiḥ kalatraiś ca
dauhitraiś cāpi gotrajaiḥ
vihasya dhikkṛto yogī
na yāti vikṛtiṃ manāk
//
bhṛtyaiḥ putraiḥ kalatraiś ca
dauhitraiś cāpi gotrajaiḥ
vihasya dhik-kṛto yogī
na yāti vikṛtiṃ manāk
//
santuṣṭo 'pi na santuṣṭaḥ
khinno 'pi na ca khidyate
tasyāścaryadaśāṃ tāṃ tāṃ
tādṛśā eva jānate
//
santuṣṭo 'pi na santuṣṭaḥ
khinno 'pi na ca khidyate
tasyāścarya-daśāṃ tāṃ tāṃ
tādṛśā eva jānate
//
kartavyataiva saṃsāro
na tāṃ paśyanti sūrayaḥ
śūnyākārā nirākārā
nirvikārā nirāmayāḥ
//
kartavyataiva saṃsāro
na tāṃ paśyanti sūrayaḥ
śūnyākārā nirākārā
nirvikārā nirāmayāḥ
//
akurvann api saṃkṣobhād
vyagraḥ sarvatra mūḍhadhīḥ
kurvann api tu kṛtyāni
kuśalo hi nirākulaḥ
//
akurvann api saṃkṣobhād
vyagraḥ sarvatra mūḍhadhīḥ
kurvann api tu kṛtyāni
kuśalo hi nirākulaḥ
//
sukham āste sukhaṃ śete
sukham āyāti yāti ca
sukhaṃ vakti sukhaṃ bhuṅkte
vyavahāre 'pi śāntadhīḥ
//
sukham āste sukhaṃ śete
sukham āyāti yāti ca
sukhaṃ vakti sukhaṃ bhuṅkte
vyavahāre 'pi śāntadhīḥ
//
svabhāvād yasya naivārtir
lokavad vyavahāriṇaḥ
mahāhrada ivākṣobhyo
gatakleśaḥ suśobhate
//
svabhāvād yasya naivārtir
lokavad vyavahāriṇaḥ
mahā-hrada ivākṣobhyo
gata-kleśaḥ suśobhate
//
nivṛttir api mūḍhasya
pravṛttir upajāyate
pravṛttir api dhīrasya
nivṛttiphalabhāginī
//
nivṛttir api mūḍhasya
pravṛttir upajāyate
pravṛttir api dhīrasya
nivṛtti-phalabhāginī
//
parigraheṣu vairāgyaṃ
prāyo mūḍhasya dṛśyate
dehe vigalitāśasya
kva rāgaḥ kva virāgatā
//
parigraheṣu vairāgyaṃ
prāyo mūḍhasya dṛśyate
dehe vigalitāśasya
kva rāgaḥ kva virāgatā
//
bhāvanābhāvanāsaktā
dṛṣṭir mūḍhasya sarvadā
bhāvyabhāvanayā sā tu
svasthasyādṛṣṭirūpiṇī
//
bhāvanābhāvanā-saktā
dṛṣṭir mūḍhasya sarvadā
bhāvya-bhāvanayā sā tu
svasthasyādṛṣṭi-rūpiṇī
//
sarvārambheṣu niṣkāmo
yaś cared bālavan muniḥ
na lepas tasya śuddhasya
kriyamāṇe 'pi karmaṇi
//
sarvārambheṣu niṣkāmo
yaś cared bālavan muniḥ
na lepas tasya śuddhasya
kriyamāṇe 'pi karmaṇi
//
sa eva dhanya ātmajñaḥ
sarvabhāveṣu yaḥ samaḥ
paśyan śṛṇvan spṛśan jighrann
aśnan nistarṣamānasaḥ
//
sa eva dhanya ātma-jñaḥ
sarva-bhāveṣu yaḥ samaḥ
paśyan śṛṇvan spṛśan jighrann
aśnan nistarṣa-mānasaḥ
//
kva saṃsāraḥ kva cābhāsaḥ
kva sādhyaṃ kva ca sādhanam
ākāśasyeva dhīrasya
nirvikalpasya sarvadā
//
kva saṃsāraḥ kva cābhāsaḥ
kva sādhyaṃ kva ca sādhanam
ākāśasyeva dhīrasya
nirvikalpasya sarvadā
//
sa jayaty arthasaṃnyāsī
pūrṇasvarasavigrahaḥ
akṛtrimo 'navacchinne
samādhir yasya vartate
//
sa jayaty artha-saṃnyāsī
pūrṇa-svarasa-vigrahaḥ
akṛtrimo 'navacchinne
samādhir yasya vartate
//
bahunātra kim uktena
jñātatattvo mahāśayaḥ
bhogamokṣanirākāṅkṣī
sadā sarvatra nīrasaḥ
//
bahunātra kim uktena
jñāta-tattvo mahāśayaḥ
bhoga-mokṣa-nirākāṅkṣī
sadā sarvatra nīrasaḥ
//
mahadādi jagaddvaitaṃ
nāmamātravijṛmbhitam
vihāya śuddhabodhasya
kiṃ kṛtyam avaśiṣyate
//
mahad-ādi jagad-dvaitaṃ
nāma-mātra-vijṛmbhitam
vihāya śuddha-bodhasya
kiṃ kṛtyam avaśiṣyate
//
bhramabhūtam idaṃ sarvaṃ
kiṃcin nāstīti niścayī
alakṣyasphuraṇaḥ śuddhaḥ
svabhāvenaiva śāmyati
//
bhrama-bhūtam idaṃ sarvaṃ
kiṃcin nāstīti niścayī
alakṣya-sphuraṇaḥ śuddhaḥ
svabhāvenaiva śāmyati
//
śuddhasphuraṇarūpasya
dṛśyabhāvam apaśyataḥ
kva vidhiḥ kva ca vairāgyaṃ
kva tyāgaḥ kva śamo 'pi vā
//
śuddha-sphuraṇa-rūpasya
dṛśya-bhāvam apaśyataḥ
kva vidhiḥ kva ca vairāgyaṃ
kva tyāgaḥ kva śamo 'pi vā
//
sphurato 'nantarūpeṇa
prakṛtiṃ ca na paśyataḥ
kva bandhaḥ kva ca vā mokṣaḥ
kva harṣaḥ kva viṣāditā
//
sphurato 'nanta-rūpeṇa
prakṛtiṃ ca na paśyataḥ
kva bandhaḥ kva ca vā mokṣaḥ
kva harṣaḥ kva viṣāditā
//
buddhiparyantasaṃsāre
māyāmātraṃ vivartate
nirmamo nirahaṅkāro
niṣkāmaḥ śobhate budhaḥ
//
buddhi-paryanta-saṃsāre
māyā-mātraṃ vivartate
nirmamo nirahaṅkāro
niṣkāmaḥ śobhate budhaḥ
//
akṣayaṃ gatasantāpam
ātmānaṃ paśyato muneḥ
kva vidyā ca kva vā viśvaṃ
kva deho 'haṃ mameti vā
//
akṣayaṃ gata-santāpam
ātmānaṃ paśyato muneḥ
kva vidyā ca kva vā viśvaṃ
kva deho 'haṃ mameti vā
//
nirodhādīni karmāṇi
jahāti jaḍadhīr yadi
manorathān pralāpāṃś ca
kartum āpnoty atatkṣaṇāt
//
nirodhādīni karmāṇi
jahāti jaḍadhīr yadi
mano-rathān pralāpāṃś ca
kartum āpnoty atatkṣaṇāt
//
mandaḥ śrutvāpi tadvastu
na jahāti vimūḍhatām
nirvikalpo bahiryatnād
antarviṣayalālasaḥ
//
mandaḥ śrutvāpi tad-vastu
na jahāti vimūḍhatām
nirvikalpo bahir-yatnād
antar-viṣaya-lālasaḥ
//
jñānād galitakarmā yo
lokadṛṣṭyāpi karmakṛt
nāpnoty avasaraṃ kartuṃ
vaktum eva na kiṃcana
//
jñānād galita-karmā yo
loka-dṛṣṭyāpi karma-kṛt
nāpnoty avasaraṃ kartuṃ
vaktum eva na kiṃcana
//
kva tamaḥ kva prakāśo vā
hānaṃ kva ca na kiṃcana
nirvikārasya dhīrasya
nirātaṅkasya sarvadā
//
kva tamaḥ kva prakāśo vā
hānaṃ kva ca na kiṃcana
nirvikārasya dhīrasya
nirātaṅkasya sarvadā
//
kva dhairyaṃ kva vivekitvaṃ
kva nirātaṅkatāpi vā
anirvācyasvabhāvasya
niḥsvabhāvasya yoginaḥ
//
kva dhairyaṃ kva vivekitvaṃ
kva nirātaṅkatāpi vā
anirvācya-svabhāvasya
niḥsvabhāvasya yoginaḥ
//
na svargo naiva narako
jīvanmuktir na caiva hi
bahunātra kim uktena
yogadṛṣṭyā na kiṃcana
//
na svargo naiva narako
jīvan-muktir na caiva hi
bahunātra kim uktena
yoga-dṛṣṭyā na kiṃcana
//
naiva prārthayate lābhaṃ
nālābhenānuśocati
dhīrasya śītalaṃ cittam
amṛtenaiva pūritam
//
naiva prārthayate lābhaṃ
nālābhenānuśocati
dhīrasya śītalaṃ cittam
amṛtenaiva pūritam
//
na śāntaṃ stauti niṣkāmo
na duṣṭam api nindati
samaduḥkhasukhas tṛptaḥ
kiṃcit kṛtyaṃ na paśyati
//
na śāntaṃ stauti niṣkāmo
na duṣṭam api nindati
sama-duḥkha-sukhas tṛptaḥ
kiṃcit kṛtyaṃ na paśyati
//
dhīro na dveṣṭi saṃsāram
ātmānaṃ na didṛkṣati
harṣāmarṣavinirmukto
na mṛto na ca jīvati
//
dhīro na dveṣṭi saṃsāram
ātmānaṃ na didṛkṣati
harṣāmarṣa-vinirmukto
na mṛto na ca jīvati
//
niḥsnehaḥ putradārādau
niṣkāmo viṣayeṣu ca
niścintaḥ svaśarīre 'pi
nirāśaḥ śobhate budhaḥ
//
niḥsnehaḥ putra-dārādau
niṣkāmo viṣayeṣu ca
niścintaḥ svaśarīre 'pi
nirāśaḥ śobhate budhaḥ
//
tuṣṭiḥ sarvatra dhīrasya
yathāpatitavartinaḥ
svacchandaṃ carato deśān
yatrāstamitaśāyinaḥ
//
tuṣṭiḥ sarvatra dhīrasya
yathā-patita-vartinaḥ
svacchandaṃ carato deśān
yatrāstamita-śāyinaḥ
//
patatūdetu vā deho
nāsya cintā mahātmanaḥ
svabhāvabhūmiviśrānti
vismṛtāśeṣasaṃsṛteḥ
//
patatūdetu vā deho
nāsya cintā mahātmanaḥ
svabhāva-bhūmi-viśrānti
vismṛtāśeṣa-saṃsṛteḥ
//
akiṃcanaḥ kāmacāro
nirdvandvaś chinnasaṃśayaḥ
asaktaḥ sarvabhāveṣu
kevalo ramate budhaḥ
//
akiṃcanaḥ kāma-cāro
nirdvandvaś chinna-saṃśayaḥ
asaktaḥ sarva-bhāveṣu
kevalo ramate budhaḥ
//
nirmamaḥ śobhate dhīraḥ
samaloṣṭāśmakāñcanaḥ
subhinnahṛdayagranthir
vinirdhūtarajastamaḥ
//
nirmamaḥ śobhate dhīraḥ
sama-loṣṭāśma-kāñcanaḥ
subhinna-hṛdaya-granthir
vinirdhūta-rajas-tamaḥ
//
sarvatrānavadhānasya
na kiṃcid vāsanā hṛdi
muktātmano vitṛptasya
tulanā kena jāyate
//
sarvatrānavadhānasya
na kiṃcid vāsanā hṛdi
muktātmano vitṛptasya
tulanā kena jāyate
//
jānann api na jānāti
paśyann api na paśyati
bruvann api na ca brūte
ko 'nyo nirvāsanād ṛte
//
jānann api na jānāti
paśyann api na paśyati
bruvann api na ca brūte
ko 'nyo nirvāsanād ṛte
//
bhikṣur vā bhūpatir vāpi
yo niṣkāmaḥ sa śobhate
bhāveṣu galitā yasya
śobhanāśobhanā matiḥ
//
bhikṣur vā bhūpatir vāpi
yo niṣkāmaḥ sa śobhate
bhāveṣu galitā yasya
śobhanāśobhanā matiḥ
//
kva svācchandyaṃ kva saṅkocaḥ
kva vā tattvaviniścayaḥ
nirvyājārjavabhūtasya
caritārthasya yoginaḥ
//
kva svācchandyaṃ kva saṅkocaḥ
kva vā tattva-viniścayaḥ
nirvyājārjava-bhūtasya
caritārthasya yoginaḥ
//
ātmaviśrāntitṛptena
nirāśena gatārtinā
antar yad anubhūyeta
tat kathaṃ kasya kathyate
//
ātma-viśrānti-tṛptena
nirāśena gatārtinā
antar yad anubhūyeta
tat kathaṃ kasya kathyate
//
supto 'pi na suṣuptau ca
svapne 'pi śayito na ca
jāgare 'pi na jāgarti
dhīras tṛptaḥ pade pade
//
supto 'pi na suṣuptau ca
svapne 'pi śayito na ca
jāgare 'pi na jāgarti
dhīras tṛptaḥ pade pade
//
jñaḥ sacinto 'pi niścintaḥ
sendriyo 'pi nirindriyaḥ
sabuddhir api nirbuddhiḥ
sāhaṅkāro 'nahaṃkṛtiḥ
//
jñaḥ sacinto 'pi niścintaḥ
sendriyo 'pi nirindriyaḥ
sabuddhir api nirbuddhiḥ
sāhaṅkāro 'nahaṃkṛtiḥ
//
na sukhī na ca vā duḥkhī
na virakto na saṅgavān
na mumukṣur na vā mukto
na kiṃcin na ca kiṃcana
//
na sukhī na ca vā duḥkhī
na virakto na saṅgavān
na mumukṣur na vā mukto
na kiṃcin na ca kiṃcana
//
vikṣepe 'pi na vikṣiptaḥ
samādhau na samādhimān
jāḍye 'pi na jaḍo dhanyaḥ
pāṇḍitye 'pi na paṇḍitaḥ
//
vikṣepe 'pi na vikṣiptaḥ
samādhau na samādhimān
jāḍye 'pi na jaḍo dhanyaḥ
pāṇḍitye 'pi na paṇḍitaḥ
//
mukto yathāsthitisvasthaḥ
kṛtakartavyanirvṛtaḥ
samaḥ sarvatra vaitṛṣṇyān
na smaraty akṛtaṃ kṛtam
//
mukto yathā-sthiti-svasthaḥ
kṛta-kartavya-nirvṛtaḥ
samaḥ sarvatra vaitṛṣṇyān
na smaraty akṛtaṃ kṛtam
//
na prīyate vandyamāno
nindyamāno na kupyati
naivodvijati maraṇe
jīvane nābhinandati
//
na prīyate vandyamāno
nindyamāno na kupyati
naivodvijati maraṇe
jīvane nābhinandati
//
na dhāvati janākīrṇaṃ
nāraṇyam upaśāntadhīḥ
yathātathā yatratatra
sama evāvatiṣṭhate
//
na dhāvati janākīrṇaṃ
nāraṇyam upaśānta-dhīḥ
yathā-tathā yatra-tatra
sama evāvatiṣṭhate
//
tattvavijñānasandaṃśam
ādāya hṛdayodarāt
nānāvidhaparāmarśa
śalyoddhāraḥ kṛto mayā
//
tattva-vijñāna-sandaṃśam
ādāya hṛdayodarāt
nānā-vidha-parāmarśa
śalyoddhāraḥ kṛto mayā
//
kva dharmaḥ kva ca vā kāmaḥ
kva cārthaḥ kva vivekitā
kva dvaitaṃ kva ca vādvaitaṃ
svamahimni sthitasya me
//
kva dharmaḥ kva ca vā kāmaḥ
kva cārthaḥ kva vivekitā
kva dvaitaṃ kva ca vādvaitaṃ
svamahimni sthitasya me
//
kva bhūtaṃ kva bhaviṣyad vā
vartamānam api kva vā
kva deśaḥ kva ca vā nityaṃ
svamahimni sthitasya me
//
kva bhūtaṃ kva bhaviṣyad vā
vartamānam api kva vā
kva deśaḥ kva ca vā nityaṃ
svamahimni sthitasya me
//
kva cātmā kva ca vānātmā
kva śubhaṃ kvāsubhaṃ yathā
kva cintā kva ca vācintā
svamahimni sthitasya me
//
kva cātmā kva ca vānātmā
kva śubhaṃ kvāsubhaṃ yathā
kva cintā kva ca vācintā
svamahimni sthitasya me
//
kva svapnaḥ kva suṣuptir vā
kva ca jāgaraṇaṃ tathā
kva turiyaṃ bhayaṃ vāpi
svamahimni sthitasya me
//
kva svapnaḥ kva suṣuptir vā
kva ca jāgaraṇaṃ tathā
kva turiyaṃ bhayaṃ vāpi
svamahimni sthitasya me
//
kva dūraṃ kva samīpaṃ vā
bahyaṃ kvābhyantaraṃ kva vā
kva sthūlaṃ kva ca vā sūkṣmaṃ
svamahimni sthitasya me
//
kva dūraṃ kva samīpaṃ vā
bahyaṃ kvābhyantaraṃ kva vā
kva sthūlaṃ kva ca vā sūkṣmaṃ
svamahimni sthitasya me
//
kva mṛtyurjīvitaṃ vā kva
lokāḥ kvāsya kva laukikam
kva layaḥ kva samādhir vā
svamahimni sthitasya me
//
kva mṛtyur-jīvitaṃ vā kva
lokāḥ kvāsya kva laukikam
kva layaḥ kva samādhir vā
svamahimni sthitasya me
//
alaṃ trivargakathayā
yogasya kathayāpy alam
alaṃ vijñānakathayā
viśrāntasya mamātmani
//
alaṃ tri-varga-kathayā
yogasya kathayāpy alam
alaṃ vijñāna-kathayā
viśrāntasya mamātmani
//
kva bhūtāni kva deho vā
kvendriyāṇi kva vā manaḥ
kva śūnyaṃ kva ca nairāśyaṃ
matsvarūpe nirañjane
//
kva bhūtāni kva deho vā
kvendriyāṇi kva vā manaḥ
kva śūnyaṃ kva ca nairāśyaṃ
mat-svarūpe nirañjane
//
kva śāstraṃ kvātmavijñānaṃ
kva vā nirviṣayaṃ manaḥ
kva tṛptiḥ kva vitṛṣṇatvaṃ
gatadvandvasya me sadā
//
kva śāstraṃ kvātma-vijñānaṃ
kva vā nirviṣayaṃ manaḥ
kva tṛptiḥ kva vitṛṣṇatvaṃ
gata-dvandvasya me sadā
//
kva vidyā kva ca vāvidyā
kvāhaṃ kvedaṃ mama kva vā
kva bandhaḥ kva ca vā mokṣaḥ
svarūpasya kva rūpitā
//
kva vidyā kva ca vāvidyā
kvāhaṃ kvedaṃ mama kva vā
kva bandhaḥ kva ca vā mokṣaḥ
svarūpasya kva rūpitā
//
kva prārabdhāni karmāṇi
jīvanmuktir api kva vā
kva tad videhakaivalyaṃ
nirviśeṣasya sarvadā
//
kva prārabdhāni karmāṇi
jīvan-muktir api kva vā
kva tad videha-kaivalyaṃ
nirviśeṣasya sarvadā
//
kva kartā kva ca vā bhoktā
niṣkriyaṃ sphuraṇaṃ kva vā
kvāparokṣaṃ phalaṃ vā kva
niḥsvabhāvasya me sadā
//
kva kartā kva ca vā bhoktā
niṣkriyaṃ sphuraṇaṃ kva vā
kvāparokṣaṃ phalaṃ vā kva
niḥsvabhāvasya me sadā
//
kva lokaḥ kva mumukṣur vā
kva yogī jñānavān kva vā
kva baddhaḥ kva ca vā muktaḥ
svasvarūpe 'ham advaye
//
kva lokaḥ kva mumukṣur vā
kva yogī jñānavān kva vā
kva baddhaḥ kva ca vā muktaḥ
sva-svarūpe 'ham advaye
//
kva sṛṣṭiḥ kva ca saṃhāraḥ
kva sādhyaṃ kva ca sādhanam
kva sādhakaḥ kva siddhir vā
svasvarūpe 'ham advaye
//
kva sṛṣṭiḥ kva ca saṃhāraḥ
kva sādhyaṃ kva ca sādhanam
kva sādhakaḥ kva siddhir vā
svasvarūpe 'ham advaye
//
kva pramātā pramāṇaṃ vā
kva prameyaṃ kva ca pramā
kva kiṃcit kva na kiṃcid vā
sarvadā vimalasya me
//
kva pramātā pramāṇaṃ vā
kva prameyaṃ kva ca pramā
kva kiṃcit kva na kiṃcid vā
sarvadā vimalasya me
//
kva vikṣepaḥ kva caikagryaṃ
kva nirbodhaḥ kva mūḍhatā
kva harṣaḥ kva viṣādo vā
sarvadā niṣkriyasya me
//
kva vikṣepaḥ kva caikagryaṃ
kva nirbodhaḥ kva mūḍhatā
kva harṣaḥ kva viṣādo vā
sarvadā niṣkriyasya me
//
kva caiṣa vyavahāro vā
kva ca sā paramārthatā
kva sukhaṃ kva ca vā dukhaṃ
nirvimarśasya me sadā
//
kva caiṣa vyavahāro vā
kva ca sā paramārthatā
kva sukhaṃ kva ca vā dukhaṃ
nirvimarśasya me sadā
//
kva māyā kva ca saṃsāraḥ
kva prītir viratiḥ kva vā
kva jīvaḥ kva ca tadbrahma
sarvadā vimalasya me
//
kva māyā kva ca saṃsāraḥ
kva prītir viratiḥ kva vā
kva jīvaḥ kva ca tad-brahma
sarvadā vimalasya me
//
kva pravṛttir nirvṛttir vā
kva muktiḥ kva ca bandhanam
kūṭasthanirvibhāgasya
svasthasya mama sarvadā
//
kva pravṛttir nirvṛttir vā
kva muktiḥ kva ca bandhanam
kūṭastha-nirvibhāgasya
svasthasya mama sarvadā
//
kvopadeśaḥ kva vā śāstraṃ
kva śiṣyaḥ kva ca vā guruḥ
kva cāsti puruṣārtho vā
nirupādheḥ śivasya me
//
kvopadeśaḥ kva vā śāstraṃ
kva śiṣyaḥ kva ca vā guruḥ
kva cāsti puruṣārtho vā
nirupādheḥ śivasya me
//
kva cāsti kva ca vā nāsti
kvāsti caikaṃ kva ca dvayam
bahunātra kim uktena
kiṃcin nottiṣṭhate mama
//
kva cāsti kva ca vā nāsti
kvāsti caikaṃ kva ca dvayam
bahunātra kim uktena
kiṃcin nottiṣṭhate mama
//