[3] Personen.
Dank' schön! Dank' schön! Laßt's es jetzt nur gut sein und jub'lt's net z' früh'! Es könnt' leicht sein, daß euch später reu'n thät'.
A bah! Wär's denn schon dag'wes'n, daß a Bauer 'was in' Himm'l g'hob'n, was er später in d' Höll g'worf'n hat.
Ja seid ihr auch da; hab' euch vor lauter Gregori gar net g'seh'n! Na, wie steht's denn mit mei'm Herrgott, Pauli?
Nachher is recht! Wart' an Aug'nblik, i heb' nur mein Feiertagg'wand auf, dann bin i gleich wieder da! Ab nach links.
Hab' mir's heut' wieder 'denkt, wie i in Ettal g'wes'n bin und die Muttergottes so betracht' hab; a solche wenn halt mein Pauli mach'n könnt'!
Laß dir nur Zeit! Unser Herrgott hat ja auch z'erst's Mandl g'macht, dann hat er erst d' Eva g'schnitz'lt.
No – mit deiner dalket'n Lieb', das wird wohl net g'scheidt sein. So a Narretei, die kein' Heimat hat und kein Abseh'n! Wie oft hat dir d' Loni schon 'zeigt, daß dir nix will, und doch gehst all'weil wieder her und schmachst 's Mad'l an, wie a Kuh 's neue Stad'lthor.
Wenn i auch jetzt nix mehr davon versteh', so hab' i doch amal 'was davon verstand'n. Und das wird jetzt [7] noch g'rad so sein, als zu meiner Zeit. Da wird wohl der Teuf'l net auch sein' Fortschritt 'nein 'bracht hab'n.
Ereifer' di net, Mutterl, i weiß ja doch, daß du's gut meinst mit mir; und dein Bet'n wird wohl auch für 'was gut g'wes'n sein.
Das will i hoff'n! Brauchst aber net z'glaub'n, daß i g'rad für di allein 'bet' hab'. Wenn i schon amal nach Ettal geh', so hab' i gar viel am Herz'n! da bet' i für die Armen und Unglücklich'n –
O du Nixnutz, du heilloser! Du hast's notwendig, wo man di so wie so zu nix mehr brauch'n kann als zum Spahnschneid'n.
[8]Schimpf' net über mein G'schäft; denn dein Bua, der Herrgottschnitzer und i, wir hab'n 's gleiche Metier und der einzige Unterschied is nur der, daß er krumm in's Holz 'nein schneid't und i g'rad.
Ja, du! Sixt, d' Schait'n sind akurat wie d' Mensch'n; die einen sind weich und klieb'n sich so leicht, daß blos a Druckerl brauchst, nachher hast es; die andern sind dir aber schon so hart, zäh und pechig, da kannst g'rad druck'n, was du magst und sie geh'n dir doch net von einander – dabei schneid'st di diemal noch in' Finger auch!
I mein' halt, weil du gar so zäh an der Loni hängst! Euch zwei könnt' man auch schwer auseinander bring'n. Bist ja ihr leibhaftiger Schatt'n. Wo 's Deand'l is, bist du auch!
Meinst? No, und wenn's so wär', dann hätt' i ja noch 'was mit dir g'mein. Es ist wahr, i häng' am Mad'l, und 's Mad'l vielleicht auch a bisl an mir. Bei dir aber is das Hängets blos einseitig.
Sixt, Pauli, i verarg' dir's auch gar net, daß du so seufz'n thust und am End' gar eifersüchtig bist auf mi – is ja kein Wunder. Wenn das Deand'l anschaust, wie's ihr Köpferl so aufwirft und so lieblich d'rein schaut mit ihre Haselnußaug'n, da meinst g'rad, 's Hirn wird dir siedet – dabei hat's a seelengut's Herz und is lieb und freundlich mit jedem Menschen. Das Madel kommt mir g'rad vor wie d' Sonn', die scheint auch unverdroß'n auf a Ros'n wie auf a Brenneß'l.
Zu was brauchst jetzt du noch an Herrgott? Den Bürgermeister möcht' i kennen, der sich net selber für an Herrgott hält.
Jetzt das gibt's net! Da setz' di nieder und laß dir a frische Maß einschänk'n; das Andere werd'n wir nachher schon krieg'n. He! Resl! Wo steckt denn das Deand'l wieder?
Der Loni hab' i koch'n helf'n. Wenn der Herr Fritz z' Haus kommt, wird er wohl spür'n, daß er an Mag'n hat.
Gelt der Maler, der Herr Fritz is schon wieder da? Is mir doch g'wes'n, als ob i ihn in Ettal g'seh'n hätt'.
No freilich! Der is für 's Dorf die reinste Fruhjahrsschwalb'n. Kaum daß die erst'n Blatt'ln 'rausschau'n, fliegt er schon 'rein – und so seit a zwanzig Jahr!
Sixt es, daß i recht g'seh'n hab'; das is a braverer Mann als du, der geht bet'n. Hab' ihn in der Kirch' drin' g'seh'n.
Auf'm Mühlberg hab' i heut' a Platz'l g'fund'n, das mal' i heuer. Und demnächst, Pauli, mußt du mi am Sonnenberg führ'n. Das is der einzige Punkt in der Gegend, von wo i noch net 'runterg'schaut hab'.
Von mir aus gleich morg'n! Mein Herrgott hab' i fertig. Jetzt könnt's mi alle Stund' hab'n. Ist an Baumillers Seite getreten und hat in dessen Skizzenbuch geblättert. Wenn i nur auch so zeichnen könnt' wie Sie!
Sünd' und Schad' is, wenn du mir net folgst und mit mir net in d'Stadt gehst, um di ausz'bild'n! Schau' nur einer amal die Stellung der Muttergottes an. Wie schön die Arm' g'macht sind, so ungezwung'n – a wahr's Räts'l, wie du das anstellst.
No mein, a Räts'l is das net! Habt's ja vorhin selber g'sagt, i soll mi fleißig üb'n. I hab' lang g'nug d'ran 'rumprobirt, bis i's so z'samm'bracht hab'.
A Vordild! Du mein, i hab' mir halt d'Loni vorg'stellt, wie's so dasteht und mit den zwei Händ' den Millikübel am Kopf hebt.
So geh' nur g'rad her und paß' auf! Er stellt Loni in die Mitte des Zimmers, läßt sie die Arme erheben in der Art wie die Maria unter dem Kreuze und sieht mit lebhafter Verwunderung vom Schnitzwerk auf das Mädchen und vom Mädchen auf das Schnitzwerk.
Aber – wie kann man denn nur so an Vergleich anstell'n. Das is ja a Sünd'! Läßt die Arme wieder sinken.
[17]Wie magst da noch frag'n? Is denn im gang'n Gebirg einer, der so 'was fertig brächt', wenn net der Pauli?
No, no; 's wird ja wohl kein so groß' Unglück sein. I hab' mir halt 'denkt, wenn man a Arbeit thut, so soll man's net blos mit der Hand thun, sondern man soll auch im Kopf' an Begriff davon und im Herz'n a Lieb' dazu hab'n.
Und weißt, was i mir denk', es könnt' dir 'was G'scheidter's in' Sinn kommen, als daß du all'weil mi hast – i brauch' mi net von dir ausschnitz'ln z'lass'n!
[18]Wann i g'wußt hätt', daß dir's net recht wär', oder di gar verschmach'n thät', nachher hätt' i's eh' net 'than. Wirt! Schieb' ihn in 'Of'n 'nein, ich mach' dir an andern!
Ja, a Meisterstück, das mi auf's Neu' wieder anspornt, mit dem Pauli ausz'führ'n, was i längst im Sinn' trag'.
Schau', Loni, wenn du schon dein' Uebermuth auslass'n willst an mir, so thu's in Gott's Namen. Wann aber nur net noch amal a Zeit kommt, wo's di reut.
Das muß wahr sein, denn zum Beiß'n g'hört vor allem a Schneid' – und das Wört'l steht in dei'm Katechismus net!
Es is a Glück, wenn du wieder amal auf an Berg 'naufgehst, nachher kriegst doch wieder an andern Gedank'n. Der ewige Daunderlau'n führt doch zu nix. Hint und vorn' halt di 's Deand'l für an Narr'n und macht di vor alle Leut' spöttisch.
Jesses, jesses! Sie meint's net so! Da möcht' i mi doch gleich bucklig lach'n. Is dir das noch net g'nug? Willst noch mehr Schand' und Spott auf di bring'n? Wenn du jetzt g'scheidt bist, so gehst mit mir heim und laßt den Findling geh'n, von dem man net amal weiß, ob er an Vater oder a Mutter g'habt hat.
Ja, ja, halt' di nur an' Lehnl! Das is erst der wahre! Der streicht dir den Butter schön 'nauf auf's Brod – und ess'n thut er's nachher selber. B'hüt' di Gott, Wirt! Werd' fein net stolz jetzt als Bürgermeister, [21] daß du einen am End' gar nimmer kennst, wenn man 'rein kommt zu dir.
Mußt hall net z'lang ausbleib'n, sonst könnt's leicht sein, daß mi der Hochmutsteuf'l packet! B'hüt di Gott!
Das is g'wiß. Sixt mir denn net an, Stellt sich auf die Fußspitzen. daß i schon um zwei Schuh höher word'n bin!
Schau – der Pauli is auch da! Was hast denn, machst ja an Kopf, als ob dir der Bader Zähn' g'riss'n hätt'!
Was du net sagst; machst mi ja ordentlich neugierig. Die beiden setzen sich vorne rechts an einen Tisch zusammen.
Ja aber sag' amal selber! Is das net a Mannsbild wie von lauter Semmelbrös'l. A and'rer hätt' sich halt g'wehrt und hätt' g'sagt, i kann d' Muttergottes schnitz'ln, wie i mag und di geht's nix an! Was hat [23] er aber 'rausdalkt? In langweiligem Tone. Ich mach' dir halt nachher a and're. Is das a Antwort für an Buab'n? Und dann braucht's es halt doch net, daß er g'rad mi zu so 'was hernimmt.
No wart' nur, er thut dir schon noch amal 'was an. Z'nächst schnitz'lt er dem Teuf'l sein Großmutter, nachher nimmt er auch di als Muster.
Ja, wenn d' Loni mag, mir is recht. Sind war schon viele Hochzeiter dag'wes'n und bei kei'm hat's an'biß'n –
I glaub' gar, der Bauer is auf B'schau da! Er setzt sich zu Pauli an den Tisch und folgt aufmerksam dem Gespräche.
Wenn's di gar so freut, dann freut's ja mi auch! Dann wird's auch weiter kein' Anstand hab'n und i frag' gleich – wann is d' Hochzeit?
Dann muß i wohl auch ernstlich werd'n! Also kurz und gut: euer Antrag is mir a große Ehr' und der Muckl ganz a richtiger Bursch, aber heirat'n – thu' i ihn net.
Jetzt will i dir aber 'was sag'n, Deand'l. Es is net 's erstemal, daß du so kurz an'bund'n bist. Das[25] kann net all'weil so fortgeh'n. Ei'm Antrag, wie dem heutig'n, dem schlagt man net g'rad so die Thür' vor der Nas'n zu, sondern schaut sich ihn a bisl von der Näh' an. Denn weißt, wenn du die Sach' bei'm Licht betracht'st, so hat die G'schicht' halt doch an Hack'n. Du bist a Madl, daß a Jed's gern hat und du wirst weder von mir noch von meiner Alt'n selig jemals a Wört'l g'hört hab'n weg'n deiner Herkunft. Aber es gibt halt doch Leut', die's net verwind'n können, daß du a g'legt's Kind bist. D'rum sollst dir so 'was überleg'n und di net z' stark d'rauf steif'n, daß du dem Klosterwirt sein Herzkäferl bist – es könnt' sich leicht keiner mehr find'n, der sich d'rüber wegsetzt über den Namen »Find'lloni!«
Ja, überleg' dir's wohl. I kann mei'm Muckl so viel mitgeb'n, daß sie mit zwei Händ' zugreif'n thät'n in jedem Bauernhof, wo er anklopft.
Gut – Vater – wenn auch keiner mehr kommt, ledig g'storb'n is auch net verdorb'n! Zugreif'n und ja sag'n kann i blos, wenn sich amal da unter'm Brustfleck 'was rührt; denn so lang's da drin todt bleibt, is a Heirat kein Glück, sondern a G'schäft – und a Heirat, die nach dem alt'n Brauch g'macht wird, wo der Bauer zum Bauer sagt: gib mir dein Mad'l, i gib dir noch fünfzig Guld'n und a Kuh d'rauf – a solche Heirat [26] kann mach'n wer will – i net – und i thät's net, wenn i auch kein Find'lkind wär'.
No, was is denn? Jetzt wär' i da bei'm Dasein! Braucht das so lang, bis man ja sagt? Derweil mach i zehn Heirat'n aus.
Wär' net z'wider! Loni – »na« wenn g'sagt hast, nachher beiß' i mir gleich an Kopf 'runter. Bin i net a Kerl, der den Teuf'l in der Luft beut'lt? Was hast an mir ausz'setz'n?
Wenn du meinst, es is besser, so kann i dir den G'fall'n schon thun. – I mag net! Verstehst? Das wird wohl Grund g'nug sein!
Wenn er dir net paßt, kann i nix dafür. Im Uebrig'n nix für ungut und schönen Dank für die Ehr', die du der Loni mit dei'm Antrag erwies'n hast. Dein G'wiss'n muß di ja schon z'fried'n stell'n, grad wie wenn du a gut's Werk 'than hätt'st. Im Augen blick hat mein Vater g'sagt, es müßt' a ganz b'sond'rer Bursch sein, der sich wegsetz'n könnt' über den saubern Namen »Find'lloni!«
No, no, so war's net g'meint. Und dadurch, daß du jetzt g'sagt hast, »i mag net«, is die G'schicht' aus.
Soll i mi vielleicht abkränk'n, daß i mager würd' wie a Zwief'lröhrl – fallet mir ein! Siehst, Loni, i gib dir sogar den Rat, daß du jetzt erst recht wählerisch wirst. Brauchst net Sorg' z' hab'n, daß du ledig bleibst und als alte Jungfer in der Ewigkeit Wolk'n schieb'n mußt. Der da Auf Pauli deutend. bleibt dir all'weil g'wiß, den hast im Sack und brauchst ihn bloß 'rausz'lang'n. Oder hast mi am End' gar abg'wies'n, weil du di mit ihm schon versproch'n hast?
Dein dumm's G'schwatz hat kein' Heimat. Daß zwisch'n uns nix is und nix wird, weißt du so gut als i, sonst wär'st net 'kommen und hätt'st um mi ang'halt'n. Wenn i amal ein' nimm, das muß einer sein, der a Schneid' hat; a richtig's Mannsbild und net einer, der blos so heißt, weil er a Hos'n anhat.
[29]Jetzt so 'was ließ' i mir halt doch net sag'n. I thät' ihr halt amal 's Wilde 'runter, was sie sich so vom Pechlerlehnl ang'wöhnt hat.
Hätt' i vielleicht net Recht! Von wem lernt's denn all' die Schlauderwört'ln, als von dir? Zeit und G'leg'nheit hat's ja g'nug. Zwisch'n euch dauert d'Schul' g'rad von der Früh' bis auf d' Nacht und es wär' schon lang an der Zeit, daß sie der G'meind a Dankschreib'n schicket, weil's ihr 's ganze Jahr an Schullehrer verhalt.
Jetzt schäm' di in d' Seel' 'nein, daß du ihm das Stück'l Brod vorwirfst, was ihm die G'meind' gibt. Thut dir der Pfennig jetzt schon weh, den du amal dazu zahl'n mußt als hausg'sess'ner Bauer? Dank's unserm [30] Herrgott, daß du von einer Mutter bist, die di gleich mitt'n 'neing'setzt hat in an reich'n Hof. Verdient hätt'st es net, nach ei'm solch'n Spott auf an Menschen, der sich sein ganz' Leb'n lang für Bauern z'samm'g'arbeit' und z'samm'g'schund'n hat.
I dank' dir, daß di so 'neing'redt hast weg'n meiner. I hätt' ihm schon 'nausgeb'n können, aber i hör' auf ei'm Ohr nimmer recht.
Trink' du dein Bier selber und laß dir einschänk'n von der, die dazu da is. Resl! Einschänk'n! Im Vorübergehen zu Pauli. Du bist schon der allerschönst'; es is merkwürdig, was a Mensch vertragt!
Botschaft soll i ausricht'n von der Zwerger Nandl. Du sollst morg'n am Sonntag d'Loni auf d'Weglalm lass'n, weil d'Kramerwab'n, die ihr versproch'n hat, über d'Hochzeit von ihrer Schwester ausz'helf'n, erst am Montag in der Früh' kommen kann.
Wenn du willst, Vater, können wir's schon mach'n. 's Meiste is schon herg'richt', heut' und morg'n bis Mittag is auch noch Zeit und am Montag Vormittags bin i wieder da. Thust ihr halt den G'fall'n.
Da hat er auch Recht. I gäb' dir auch lieber zwei Watsch'n, als daß i eine krieg'. Läuft in die Küche.
Jetzt hab' i all'weil g'meint, es sollt' heut' lustig hergeh'n bei'm neuen Bürgermeister. Bis jetzt rührt sich aber noch nix.
Ihr habt's notwendig, daß ihr euch beklagt. G'rad heut' zu Tag' kann man thun, was man mag und kein Mensch legt ei'm 'was in' Weg. Aber zu meiner Zeit, weil i noch jung war, da wenn du nur g'schnauft hast, bist schon eing'sperrt word'n.
G'rauft und g'schlag'n is freilich net so viel word'n als jetzt. Der Kirta hat acht Tag' 'dauert und kein Hirnbatz'l hat's 'geb'n, viel weniger hat einer mit'm Schlagring zug'haut. Dafür hat aber 's Landg'richt sein' Nas'n bei jedem G'spaß g'habt. Amal – da hab'n wir an Kirta begrab'n; der eine hat an Pfarrer g'macht, der andre an Meßmer, und i – i hab' an Tot'n gemacht. Acht Tag' d'rauf sind wir schon am Landg'richt g'wes'n; da hab'n's ei'm Jed'n von den andern sechs Tag 'naufg'hängt und i – weil i der Tote g'wes'n bin, mi hab'n's vierzehn Tag' eing'sperrt.
Da kommt ja gar d'Loni schon und der Lehnl is auch dabei; das soll mi zwar net wundern, denn ohne Loni kein Lehnl und ohne Lehnl kein' Loni.
Wir hab'n dir schon lang zug'horcht auf dein' G'sang, weil du's fast so schön kannst, wie die Engerln im Himm'l.
Geh', schwatz' net so viel und setz' di nieder und schnauf' ordentlich aus. Der Weg da'rauf is kein Katz'nsprung für a alt's Leut.
Na, blos an Renner hab' i ihm 'geb'n, nachher is er mir davon. I hab' ihn fang'n woll'n, hab' ihm zug'red't, 's hat mi aber nix g'nutzt. Auf amal, i hab' schon gar nimmer d'ran 'denkt, steh' i so drauß'n am [39] Kappell'nberg'l und schau' zum Holzergirgl 'nunter – krieg' i von hint' an Puff und purzl' dir über's Berg'l 'nunter wie a Kirtanud'l. Wie i in d'Höh' schau', steht das schwarze Vieh drob'n wie der Teuf'l und schaut mir nach und macht all'weil mehehehe.
Das is schon a Kunst auch, wenn man ein' von hint' erwischt. Aber wart' nur, jetzt hol' i mein Geiß'lsteck'n, nachher kriegt er Wix. Ab in den Heuschuppen.
Und i richt' mi jetzt schön z'samm', daß i weiter komm', weil du doch schon so gut warst und 'rauf bist.
Brauchst nix mehr, als an Trank aufz'setz'n, nachher wird dein G'schäft bei'nander sein. Ab in die Hütte.
I will dir's schon recht mach'n! Sie bindet sich eine grobe Schürze um und macht sich mit dem umherstehenden Geschirr zu schaffen.
Mein, 's wird mir doch d' Arbeit net z'viel werd'n, und gar da herob'n. Kann's denn a schöner's Platz'l geb'n, als d'Weglalm? 'Bald du jetzt da vorgehst, sixt g'rad 'nunter auf Graswang und da liegt's dir so friedlich und heilig da wie a Kripperl.
Geh', du bist a verliebter Gisp'l. Man meint, was i dir schon 'than hätt', daß du gar so an mir hängst.
Du lieber Gott! Warum hast du a Nagerl gern, i Ros'n oder d'Sonn'; thut dir auch nix b'sonders z'lieb und magst es doch; wenn du amal verheirat' bist, wird's ohnedas anders.
Es ist net dein Ernst, was da sagst – obgleich der Muckl noch der einzige wär', von dem man noch red'n könnt'.
[41]Das is a Geiß'lsteck'n, der gibt aus! Freu' di Gaisbock, jetzt kann's losgeh'n – Jeh, da schau', da kommt d' Traudl! Was willst denn du bei uns! Wir geb'n nix; i geh' selber bett'ln.
Nimm nur recht viel Seg'n mit. I hab' gestern ihr'n Kamatwag'n g'seh'n. Du, die hat dir a Wieg'n, da kannst gleich drei 'nein leg'n!
I schon, i! Und a blauang'strich'ne Himm'lbettstatt hat's, da sind zwei rote flammende Herz'n d'raufg'mal'n, größer wie mein Kopf.
[43]Mein, er ist halt a stiller Bursch. Es is sein Vater auch net anders g'wes'n, aber 's nämliche gute Herz hat er, wie der Alt', is brav und ordentlich und plagt sich redlich um die paar Kreuzer, die er sich verdient. Daß er verliebt is, das wird wohl kein' Sünd' sein.
Na, Sünd' is es keine, aber aufsteck'n kann er's, wann er mag. I kann kein Mannsbild net leid'n, das all'weil 'rumgeht wie a Henn', die an Zipf hat. Herrgott – i wann a Bua wär', der wildest' müßt' i sein im ganz'n Thal, rauf'n müßt'n sich d' Mad'ln um mi – und wo i so denk', soll mir der Pauli g'fall'n, der sich hinter an Weiberkitt'l steckt und meint, was er net fertig bringt, das soll sein' Mutter können.
Da thust ihm unrecht. I bin schon von selber 'rauf, weil i g'hört hab', daß du auf der Weglalm bist – und da hab i mir 'denkt, i könnt' amal allein mit dir red'n.
Mein Pauli hat kein Wört'l zu mir g'schnauft. Gestern wie er heim'kommen is, hab' i schon g'schlaf'n und wie i heut' d'Aug'n aufg'macht hab', war er mit'm Herrn Fritz schon über alle Berg'.
[45]Jetzt red' net so daher! Kannst ja der G'schicht' leicht a End' mach'n. Sag' halt amal g'radweg zu ihm: I will di net und mach' daß weiter kommst. Du bist ja sonst a gut's und a brav's Madl, aber an Fehler hast; den Mannsbildern verdrehst den Kopf und das is amal net recht.
I hab's noch kei'm g'schafft, daß er weg'n meiner damisch wird. Aber daß du so red'st, begreif' i, denn wo wär's anders in der Welt, als daß die Alt'n für die Jung'n zwitschern.
Oho – mußt net glaub'n, daß i dir mein' Pauli 'naufdisputir'n will; da thät' i mi schon schamen. Aber eins könnt' man verlang'n, daß man mit ei'm Buab'n, der's so gut meint, net sein Spiel treibt, denn wo's gar so gäh in d'Höh geht, möcht's leicht a Unglück geb'n. Nix für ungut, i red' halt, wie i's versteh' und wie i mein', daß es recht könnt' sein. So – jetzt weißt, wie i mein' und wie i denk' und jetzt b'hüt' di Gott! Sie wendet sich zum Gehen.
An dir is a Pfarrer verlor'n 'gang'n, du red'st ja wie a Evangelium. Man hört rechts von der Höhe einen lauten Juhschrei.
A halbe Stund' is her. Aber jetzt werden's müd' sein. Setz'n's Ihnen nieder und rast'n's aus. Hab'n thu' i nix als a Milch und an frisch'n Butter.
Hat ihn ja der Pauli g'führt; und so wie der Herr Pfarrer sagt, alle Weg' führ'n nach Rom, so führ'n bei dem alle Weg' nach der Weglalm, wenn d' Loni da is.
Und i mach' jetzt, daß i weiter komm', sonst wird's mir z' dunk'l. Also b'hüt' euch Gott bei 'nander Geht nach dem Hintergrunde.
O du g'nügsamer Mensch! Sie geht nach der Hütte und räumt das vor derselben zum Trocknen aufgestellte Geschirr zusammen.
Du hast halt doch a gut's Herz. Er holt die Flasche aus dem Rucksack hervor. Vergelt' dir's Gott! I sag's ja, der Mensch darf nur recht g'scheidt red'n, nachher kommt er zu 'was.
Ja – und i bin net amal stolz d'rauf, denn i red' auch mit ei'm, der dümmer is als i. Trinkt die Flasche leer.
Fallt dir sonst nix mehr ein. Z'erst trinkt er mir den Schnaps aus, und nachher will er 's Flasch'l auch noch hab'n.
Also Loni, b'hüt' di Gott. Morg'n auf der Hochzeit seh'n wir uns wieder. Wirst denn nachher auch mit mir tanz'n?
Na! Leise zu Pauli. I muß erst noch für di 's Maul aufmach'n. Und schlaf'n werd' i wohl da herob'n, denn d' Loni laß i net allein.
Laß mir mein' Ruh' und fang' net wieder von dem Leimsieder an. Du kannst viel zu mir sag'n – wenn du aber sonst nix z' red'n weißt, nachher kannst mi fuchtig mach'n.
Laß doch die dalket'n Kübeln amal in Ruh'; setz' di her zu mir, i will a g'scheidt's Wört'l mit dir disk'rir'n.
Sixt – gestern, wie dem Muckl sein Vater um di ang'halt'n hat, is mir völlig Angst 'word'n, du könnt'st »ja« sag'n. Der Muckl is a guter Kerl – das heißt, wenn er mag – aber wenn du ihn auch gern g'habt hätt'st, ihr hättet doch net z'samm'paßt. Er is a Mensch, der 's Leb'n nimmt, wie d' Sennerin den Rahm – von oben weg. Bei dir is die G'schicht' ganz anders, und zwei Leut', die in der Art verschied'n sind, die paß'n [54] niemals net z'samm'. Der einzige – nimm mir's net übel, daß i wieder davon anfang' – der einzige, der in der Art zu dir paßt, das is und bleibt der Pauli. Schau', Loni, du mußt blos denk'n, wen du auf der Welt noch hast. Dein' Pflegmutter liegt schon unter der Erd'n und dein Pflegvater is auch schon a alter Kerl. I will g'wiß nix berus'n, aber man weiß halt doch net, was heut' oder morg'n g'scheh'n kann.
Warum fahrst jetzt da so lang 'rum im Nebel. Sag' doch kurz, du hast kein' Mensch'n auf der Welt, von dem du sag'n könnt'st, er g'hört zu dir und du zu ihm. Schau', i hab' selber schon öfters über dem Pauli seiner Lieb' nach'denkt. Und wenn's mir dann in Sinn' kommt, wie verlass'n i auf der Welt bin, da thut's mir wohl, wenn i mir sag'n kann, es gibt an Mensch'n, von dem i weiß, i bin sein ganz' Denk'n, i bin sein Alles. Aber wenn i nachher den Pauli wieder anschau', wie er is und wie er thut, dann muß i mir sag'n, i kann ihn net mög'n, i kann net.
Mein Pflegvater hat g'wiß viel für mi 'than, i hab' ihn auch ganz gern, aber die rechte Lieb', wie man's zu ei'm Vater hab'n soll, is das halt doch net. Wenn i mir das alles sag', dann spür i's recht schwer, daß i so gar kein' Mensch'n hab' auf der Welt, den i so recht von Herz'n [55] lieb hab'n kann. Sixt, in ei'm solch'n Aug'nblick, da steigt's mir heiß auf, und i kann die Stund' nur verfluch'n, in der meine recht'n Eltern mi der Gnad' und Barmherzigkeit von fremd'n Leut'n überlass'n hab'n.
Sixt, Lehnl – in mei'm Herz'n, da is mir g'rad, als wär' a Kammerl drin, das mir unser Herrgott ganz extra für d' Eltern g'schaff'n hat. Und wie weh' mir's thut, daß die Kammer leer 'blieb'n is, das kann kei'm Mensch'n sag'n. I hab' keine Eltern und hab' doch a Herz dafür und mir will's net in' Sinn, daß es Leut' geb'n soll, die a Kind hab'n und kein' Lieb' dazu, die's weggeb'n können in Gleichmut oder gar in Haß.
Wie könnt's denn anders sein? O ja – ein's könnt' i mir noch denk'n, daß i a Mutter g'habt hab, di mi wegg'legt hat aus Angst vor der Schand', daß sie Mutter word'n is. O hätt's mi b'halt'n! Mein' Lieb' hätt' ihr müss'n alles vergess'n lass'n, die Treulosigkeit von ihrem Schatz und 's Achselzuck'n von den andern Mensch'n.
Sag' amal, Deandl, wie's kommt, daß du, wenn du von deinen Leut'n red'st, blos all'weil die schlecht'n Seit'n anführst und nie a gute.
[56]Denk' amal, sie hätt'n Unglück g'habt und wär'n so recht im Elend g'steckt, daß gar net g'wußt hätt'n, wie sich von ei'm Tag auf den andern durchbring'n; kannst dir jetzt da gar net denk'n, daß deine Leut' di g'rad deßweg'n, weil's di so gern g'habt, fortgeb'n hab'n unter Kummer und Herzleid, blos damit's dir besser geh'n sollt' im Leb'n.
Jetzt so a Lieb', die will mir net recht in' Kopf; i mein' d' Lieb' müßt' b'sitz'n, d' Lieb' müßt' hab'n; man sagt doch net umsonst: lieb hab'n.
O mein Deand'l, Lieb' und Lieb' is zweierlei. Es gibt auf der Welt gar verschiedene Lieb'n, aber die richtigste und die wahrste is halt doch blos d' Elternlieb', weil sie die einzige is, die all'weil gibt und niemals nimmt und nehmen will. A Bua, wenn er di noch so gern hat, wenn er sich dir ganz z'eig'n gibt, warum thut er's – Narr weil er di dafür will. Aber was kann a Kind sei'm Vater oder seiner Mutter geb'n? Wenn's brav is, hab'n die alt'n Leut' a Freud', es is schon wahr – wenn's Kind die alt'n Leut' recht lieb hat, wenn sie's hegt und pflegt, wie's im viert'n Gebot steht, es thut ihnen wohl – aber 's Rechte und 's Ganze is das noch all'weil net. Die größte Freud', die man an Kindern erleb'n kann, das is, wenn's glücklich [57] werd'n. 's Glück von den Kindern is d' Seligkeit von den Eltern.
Ja, Lehnl, i schau' nur g'rad und frag' mi, wo bei dir das alles herkommt. So kann a Mensch net red'n von der Lieb', wenn er's net selber g'spürt hat.
Wenn auch sonst kein', doch wenigstens den, den i hab', wenn i dir mein Herz ausschütt' – daß es leichter wird.
Du mein Gott, was wär' auch am End' an der G'schicht' z' erzähl'n. So 'was kommt alle Tag' vor. Gern hab'n wir uns g'habt, 's Mad'l und i; aber g'habt hab'n wir alle zwei nix und d'rum haben's dem Deand'l seine Leut' auch net zug'lass'n, daß wir Hochzeit g'macht hab'n. 's Deand'l war a folgsam's Kind, so hab'n wir halt g'wart', bis die Alt'n g'storb'n sind. Es hat a bisl lang dauert, i war schon in die vierzig und 's Mad'l net weit vom Dreiß'ger. In der Früh' sind wir copulirt word'n und am Nachmittag bin i in's Holz'n 'gang'n und mein jung's Weib auf d'Alm. Aber wir hab'n uns gern g'habt und war'n z'fried'n, wenn's gleich oft [58] 'kommen is, daß wir bloß über'n andern Tag warm 'gess'n hab'n. Zur richtig'n Zeit war auch a Kind da. Jetzt hat 's Unglück ang'fang'n. Mein Weib hat sich nimmer erholt und net lang hat's 'dauert – da hat man 's ein'grab'n. – Mi hat's an dem Ort nimmer g'litt'n, vom arbeit'n war kein' Red' mehr, jed'n Tag hat's mi an's Grab 'trieb'n – und i hab' doch 'was verdienen müß'n, schau', schon weg'n dem Kind. – So bin i halt amal fort, es war a eisig kalter Wintertag – 's Kleine am Arm – da bin i in d' Nacht 'nein'kommen – 's Kind hat 's Wimmern ang'fangt, daß i g'meint hab', es zerreißt mir 's Herz, meine eig'nen Kräft' hab'n mi verlass'n – und wie 's wieder Morg'n 'word'n is – hab' i kein Kind mehr g'habt.
Arm's Würmerl! Auffahrend. Lehnl! Aus jedem Wort, was du da g'red't hast, hört man den Kummer und den Schmerz um deine verlornen Lieb'n. Und wenn i bedenk' wie lieb und gut du mit mir schon bist, wie gern mußt du erst dein eig'nes Kind g'habt hab'n. Lehnl, red' – sag' mir, hätt'st du dein Kind weggeb'n können? Sag' »ja« und i kann vielleicht den Groll und den Haß geg'n meine Eltern erstick'n, der mir so schwer am Herz'n liegt.
[59]Deand'l, das is a schwere Frag'; i kann net »na« sag'n und i will's auch net. Aber ein's weiß i g'wiß, wenn i in jener Nacht mein Kind unserm Herrgott anvertraut und brav'n Leut'n vor die Thür' g'legt hätt' – und wenn i's auch net hab'n könnt' und dürft' net zu ihm sag'n »mein Kind« – es wär' a Trost für mi, wenn i wüßt', daß es jetzt besser d'ran is, als es je bei mir hätt' hab'n können.
Wenn's di tröst'n kann, soll mir's wohl thun! Jetzt sag' i dir halt gut' Nacht und wenn du di niederlegst und kannst net gleich einschlaf'n, so denk' halt a wen'g nach über das, was i dir g'sagt hab'. Gut' Nacht! Geht nach der Hütte ab. Eine leise Musik setzt ein.
Gut' Nacht, Lehnl! Sie blickt ihm nach, bis er durch die Thüre des Heuschuppens verschwunden ist. I hab' den Alt'n schon all'weil recht gern g'habt. Aber seit i weiß, daß er g'rad so verlass'n und allein auf der Welt is, wie i, seit der Stund' kommt's mir vor, als ob i ihn noch so gern hätt'. Seine Red'n hab'n mir so wohl 'than und mir is jetzt so leicht wie damals, wo i als a ganz jung's Deand'l zum erst'n Mal beicht'n g'wes'n bin. I kann's gar net begreif'n, wie i all'weil so sündhaft von meine Eltern hab' red'n mög'n. Freilich, hab'n 's mit net fortg'stoß'n von ihrem Herz'n, weg'geb'n an fremde Leut'? [60] Mög'n sie's jetzt 'than hab'n aus Lieb' oder aus Haß, das macht an dem, was g'scheh'n is, nix besser und nix schlechter. In Gott's Namen, unser Hergott wird's wiss'n und wird's schon recht mach'n. I werd' mi jetzt auch schlaf'n leg'n – aber ein's will i zuvor noch thun, was mir bis heut' noch nie eing'fall'n is: für meine recht'n Eltern will i 's erste Vaterunser bet'n. Ab nach der Hütte.
Hat lang' phantasirt, bis weiter'kommen is. Wenn die a Ahnung hätt', daß heut' noch an solch'n B'such kriegt! Schleicht nach der Hütte, in deren Fenster ein Licht aufgeflammt ist. Das Bankerl ist g'rad wie g'macht für mi! Setzt sich auf die Bank und blickt durch's Fenster. Is a fromm's Deand'l, da kniet's und bet's – und wie schön sie's Kreuz mach'n kann. O Jegerl, jetzt fangt sie 's ausschnür'n an! Die Musik endigt mit einem starken Accorde und das Licht am Fenster erlöscht. Da hast den Teuf'l, jetzt hat sie's Licht ausg'löscht.
Loni! Loni! – Sie wird schon schlaf'n 'gang'n sein! Aber mi leid't's net da drin, mir is so heiß, i leg' mi lieber – halt! was is denn jetzt da – was rührt sich da!
Herrgott, was hab' i da ang'fangt! Er rüttelt den Gestürzten. Lehnl! Lehnl! Er will ihm aufhelfen; im gleichen Augenblicke hört er nahende Schritte. Jetzt führt der Teuf'l noch wen daher! Er springt in das Gebüsch.
Was is denn da! Da hat's 'was 'geb'n! 's wird doch der Loni nix g'scheh'n sein! Er erblickt den bewußtlos daliegenden Lehnl. Jesus Maria, da liegt a Mensch! Er wirft Bergstock und Strauß bei Seite und kniet zu Lehnl nieder; der Mond bricht hervor und beleuchtet die Scene. Der Lehnl! Ja was is denn da g'scheh'n! [62] Mein Gott, Lehnl, komm' zu dir! Er hebt Lehnl empor und sieht das Blut über dessen Stirne rinnen. Rasch taucht er sein Tuch in den Brunnen und verbindet ihm den Kopf.
Macht nix, macht nix, wenn's auch der letzte Tropf'n is. I sag' dem Himmel Vergelt's Gott, daß i am Platz' g'wes'n bin – dem Deand'l war's schlecht vermeint.
Der Muckl war da, i hab' ihn recht wohl 'kennt. Und was er woll'n hat, wirst dir denk'n können. Aber was i heut' von ihr abg'wend't hab', das kann ihr morg'n zustoß'n! Wer weiß, ob i die Nacht noch überleb' – die Angst drückt mir fast Herz ab – Pauli, i mein', i kenn' di als den, der an der Loni hängt mit Leib und Seel' Pauli, wer weiß, was mit mir vorgeht – dann steht [63] das arme Deand'l allein auf der Welt. Bei allem, was dir heilig sein kann, bitt' i di, sei du a Schutz und a Hilf' für mein arm's Kind.
Jesus Maria, mein' Angst und mein' Sorg' hat verrat'n, was i di ganz' Zeit verheimlicht hab' – ja, Pauli – die Loni is mein Kind. Trag's ihr net nach, daß sie mich zum Vater hat – versprich mir's.
Alles, alles, was du willst. Sei nur jetzt stad, 's Red'n könnt' dir leicht schad'n. Setz' di daher auf's Bank'l, i weck' derweil d' Loni.
Na, Lehnl, das geht net. Jetzt folgst mir und gehst mit mir 'nunter in d' Holzerhütt'n. Dort breit' i di recht gut 'nein und wenn du di erholt hast, so geh' i wieder 'rauf und setz' mi daher, bis Tag wird.
[64]Die Musik setzt wieder ein und begleitet die Scene bis zum Schlusse. Bist auch blutig word'n, Sträuß'l, und hab' mi so 'plagt um di! I nimm di halt wieder mit und wenn je in mir der Mißmut aufsteig'n sollt' geg'n 's Madl, dann soll'n mi die Blüm'ln mahnen an die jetzige Stund'. Komm' Lehnl, häng' di ein in mi! Er hilft Lehnl auf, schlingt seinen Arm um ihn und geleitet ihr so gegen den Hintergrund.
Aber für mi hätt' dir a besserer G'spaß einfall'n dürf'n. Wenn das dein' ganze Weisheit is, kannst di heimgeig'n laß'n, wenn du magst. Ab nach dem Hintergrunde.
[68]Laß nur gut sein, i krieg's schon wieder auf der recht'n auch! Geht mit dem Wirt nach dem Hintergrund.
Solang' du mi net von meiner Krankheit kurirst, wird's net anders. Mit uns zwei muß jetzt bald 'was geh'n, das einspännig' Leb'n hab' i satt. Du wirst alle Tag sauberer –
Das macht die Angst und der Kummer, daß i di verlier'n könnt'. Sixt, Resl, mein' Lieb' zu dir is schon so schwer, jetzt hat sie sich vom Herz'n schon 'nunter g'senkt bis in' Mag'n; d'rum druckt's mi all'weil so und daher kommt der große Durst. Wo soll i aber 's Geld hernehmen, um den Durst z'lösch'n, wenn i net bett'ln darf.
Und i kann di net auslass'n, du hast mir all's z'viel Heiratgut! Fällt auf beide Kniee. Resl, schau' mi an, sieh i net aus wie einer von den vierzehn Nothelfern?
Der Kerl is mir schon so z'wider wie d'Arbeit und das will viel sag'n! Mit Resl ab nach dem Hintergrunde.
Mit deiner Hitz' kannst erst recht daheim bleib'n. Du bist wie a Sonnwendfeuer: fluderst alle Jahr amal auf, aber am andern Tag' is nix mehr da als a einschichtige Kohl'n.
I will euch 'was sag'n, macht die G'schicht' allein mit einander aus. Jetzt gibt's 'was G'scheidter's z'thun. [74] Ihr sollt eure lustig'n Hochzeitsg'stanz'ln loslaß'n und wenn nachher d' Leut' zuhorch'n, derweil stehl'n wir die Braut.
Plausch' net, es rührt sich doch 'was unter'm Brustfleck für mi; und die Birnen muß man schütt'ln, wenn's zeitig sind.
Muckl, eing'schlag'n hat's, jetzt laß' nur nimmer aus. Bis der Auswärts kommt, stehl'n wir dir die Braut auch.
Das wenn wahr wird, Klosterwirt, kauf i dir die schönste Kuh, die zwanz'g Stund' im Umkreis auftreibst.
Nachher is erst recht nix. Der Bua is amal bis über d' Ohr'n verliebt und die Verliebt'n sind narrische Leut', die seh'n und hör'n nimmer.
Aber trotzdem sollt'st net auslaß'n, und dem Pauli ordentlich zured'n, daß er mit mir in d' Stadt geht. Es kann ja nur zum Glück für euch alle zwei sein!
Den Schneider schaut's an, der hat ja gleich alle Tasch'n so voll g'stopft, daß er a Vierteljahr nix mehr z'kauf'n braucht.
Recht hast, Schneider, so a Hochzeit is net alle Tag' und deine Kinder freu'n sich auch, wenn du ihnen was z'Haus bringst.
Himmelseit'n! Jetzt hat man mir's doch g'stohl'n! Er läuft ab, um sie zu suchen; alle Gäste drängen sich ihm lachend nach.
Ja – das heißt – i weiß net; i hab' nur so 'was läut'n hör'n, als ob er g'fall'n wär' und hätt' sich am Kopf' oder am Arm' aufg'schlag'n.
Sixt es, sixt es, hab' i mir doch heut' früh' gleich 'denkt, es müßt' 'was g'scheh'n sein. Weißt, er is mit mir gestern auf d'Alm 'gang'n und über Nacht drob'n 'blieb'n. Heut' in der Früh' schrei' i ihm – schrei' all'weil, krieg' aber kein' Antwort – und wie i in sein' Liegerstatt schau', is er nimmer da.
Da muß i gleich nach'm Pauli schau'n; der is vorhin in der Stub'n drunt' g'wes'n, der wird's wohl wiss'n. Ab.
[81]Was sagst, Muckl, hab'n wir ihm sein' Hochzeiterin net schön ausg'führt; was! Geh' aber jetzt mit 'runter, daß die Gaudi net so gleich ausgeht.
Da hast recht; i will ihn noch a bisl hies'ln.Beide gehen ab und stoßen auf den rasch eintretenden Pauli.
Kommst du gar auch zum Tanz? I hätt' 'glaubt, deine Schuh' wär'n noch net trock'n, 's is gar feucht g'wes'n heut' Nacht!
So! A einzig's Wört'l wenn du schnaufst über die G'schicht', so bring' i di auf's G'richt. Der Lehnl liegt daheim im Sterb'n, daß du's weißt.
I denk' mir halt, er wird in aller Früh' aufg'stand'n sein, um dir an Busch'n Almenrausch z'brock'n, damit er dir gleich a Freud' mach'n könnt', wenn du aufwachst.
Und da wird's halt noch a wenig finster g'wes'n sein – und ja – no, und da wird er halt g'fall'n sein.
[83]I war heut' in der Früh' schon amal da, um dir an Gruß ausz'richt'n vom Lehnl und dir z'sag'n, du sollst kein' Angst net hab'n und es wär' net so schlimm; hast es aber so nötig g'habt, daß du mir sag'n hast laß'n, du könnt'st dir net denk'n was i mit dir z'red'n hätt'! – Jetzt weißt es ja, wie's mit'm Lehnl steht. Wendet sich zum Gehen.
Zwei mit Heugabeln bewaffnete Bursche folgen ihm und führen in ihrer Mitte die Braut; noch andere sind mit Besen, Stöcken etc. bewaffnet. So, da hätt'n wir's glücklich wieder eing'führt. Jetzt, Hochzeiter, halt's fest, dann laß' i die bewaffnete Mannschaft abtret'n. Exekutionstruppen! G'wehr bei Fuß! So – jetzt fahrt ab in der schönst'n Ordnung! Bleibt aber schön beieinander, denn der Loostanz geht gleich an!
[84]Daß du mir fein d' Loni mit dem Pauli z'samm'thust; das gibt a Mordsgaudi, i werd' nachher d' Loni schon noch a bisl kitz'ln, daß sie lachet wird, wenn's der Pauli zum Tanz holt.
Net wahr is, da geh'n noch viel' ab! Franzerl geh' her, mach' du den Anfang! Also auf'paßt! Franzl hat gezogen und öffnet nun das Loos. Erstes Paar: die ehr- und tugendsame Jungfrau Franziska Reindl mit dem hochlöblichen Jüngling Kaspar Hintermeier!
Da bin i schon. Her zu mir Franzl! Er drängt sich durch die Gäste, faßt das Mädchen um die Hüften und mit einem Juhschrei schwingt er es im Kreise umher.
[85]Sap'rment noch amal, i sieh noch so viel', die net da sind. Es scheint, i muß Jedem nachlauf'n. Wißt's was, Buab'n und Deand'ln – geh'n wir 'naus! Er geht ab durch den Hintergrund; der ganze Schwarm der Bursche und Mädchen drängt sich ihm lachend und jubelnd nach.
Das kannst mach'n, wie du willst. Bist so wie so all'weil so eiszapf'nkalt geg'n mi. Wirst seh'n, die G'schicht' nimmt kein gut's End'.
Letztes Paar: die ehrengeachtete Jungfrau Appollonia Höflmaier mit dem tugendsamen Jüngling Paulus Lohner, Herrgottschnitzer allda!
Sixt es, der Pauli! Der muß dir rein von unser'm Herrgott aufg'setzt sein, weil er ihn dir sogar bei'm Loostanz bis auf d' Letzt' aufhebt.
I werd's ihm sag'n lass'n, dem blind'n Gock'l, was ihm 's Glück für a Gerst'nkörn'l in's Maul g'steckt hat. Geh' Loisl, rühr' di, such' ihn!
Ja, wenn er net so schwer z' find'n wär'. Diemal wenn i mein' i hab' ihn, dann hab' i ihn net und diemal wenn i mein' i hab' ihn net, dann hab' i ihn.Ab.
Dumm's G'schwatz, einfältig's! Hab' i vielleicht je amal an Grund 'geb'n, daß du so daherred'n kannst?
Deßhalb brauchst net so aufz'fahr'n, es is doch schon wie's is. In aller Früh' hab'n 's ja d' Spatz'n schon am Dach pfiff'n, daß der Pauli heut' Nacht auf der Weglalm bei dir am Kammerfenster war.
Ja Deand'l, is denn wahr, was i g'hört hab'? Du und i – das is ja doch 's reinste Glücksspiel. A Freud' hab' i, daß i gleich damisch werd'n könnt'. Und z'schamen brauchst di g'wiß auch net mit mir. Denn wenn i auch 's Tanz'n schon lang nimmer 'trieb'n hab', verlernt, mein' i, hab' i's doch noch net!
Ich will dir aber sag'n, was du verlernt hast: die Rechtschaff'nheit von ei'm brav'n Bursch'n – du falscher, scheinheiliger Mensch, der sich net schämt, a brav's Deand'l um ihr'n ehrlich'n Namen z' bring'n durch dein' Schlechtigkeit und Hinterlist –
Jawohl z'weit – und d'rum sag' i dir jetzt, da wo i bin, hast du in Zukunft nix mehr z' such'n. Dein' Tanz aber – Zerreißt das Loos und wirft ihm die Fetzen vor die Füße. – da hast ihn, den kannst du halt'n mit wem du willst. Die Loni is von heut' an nimmer für di auf der Welt, das merkst dir! Und daß du's net vergißt und die Mad'ln alle, wie sie da 'rum steh'n, wiß'n, wie [90] man mit ei'm solch'n nixnutzig'n Bursch'n umgeht, so will i's ihnen zeig'n – du schlechter Mensch! Sie schlägt ihn in's Gesicht und wendet sich um Gehen.
Halt Loni – und net von der Stell', bis i dir g'sagt hab', wozu du mi 'rausg'fordert hast. Wie i jederzeit zu dir g'stand'n bin, wie mein Herz an dir g'hängt is das brauch' i dir nimmer z'sag'n; wohl aber, daß kein' mehr find'n wirst auf der Welt, der 's so ehrlich mit dir meint, wie i!
Red' net! Was i dir jetzt z' sag'n hab is kein' Frag' und braucht auch kein' Antwort. I will auch den Grund net wiß'n, warum du mi g'schlag'n hast. Denn was man dir auch von mir eing'red't hat – Mit einem Blicke auf Muckl. und i weiß auch, wer dir's eing'red't hat –, so weit hätt'st mi kennen soll'n, daß wenn's 'was Schlecht's g'wes'n wär', daß es g'rad deßhalb a Lug hätt' sein müß'n. Uebrigens – brauch i mi net vor dir zu vertheidig'n – i wüßt' net wozu – aber [91] i sag' dir blos das einzige: Sei froh, daß du a Deand'l bist, das erspart dir wenigstens die Vergeltung für den Schlag. Die Fetz'n vom Loos hätt'st mir auch net vor d' Füß' z' werf'n brauch'n. Denn daß i noch mit dir tanz'n wollt', das wirst ja doch net glaub'n. Zwar – wann i wollt' – mußt net meinen, daß mi was abhalt'n könnt' – denn – da schau' dir's an, die zwei Arm', mit denen thät' i di dreh'n und lupfet di in d'Höh'. – Er faßt Loni bei beiden Armen, hebt sie empor und stellt sie auf der andern Seite energisch nieder. Hast es g'seh'n! Da stehst – und jetzt wenn sagst: zwisch'n uns is nix und zwisch'n uns wird nix, nachher kannst Recht hab'n! – B'hüt' di Gott! Ab.
Also – die zwei Sach'n wär'n erledigt. Jetzt kommt 'was and'res. Am Steg' über'n Amperbach is 's G'lander 'broch'n und sind schon drei Stück Vieh' 'nunterg'fall'n. Es fragt sich jetzt, wer soll das G'lander mach'n laß'n.
Geh'n wir nachher zu 'was andrem über. Betreff Unterstützung des Pechlerlehnl – der Lehnl hat seit zwei Jahr' a kleine Beisteuer zu sei'm Unterhalt von der G'meind' 'kriegt und es fragt sich jetzt, wie das weiter soll g'halt'n werd'n. Eigentlich ging's die G'meind' gar nix an, denn der Lehnl g'hört in's Oest'reichisch' 'nüber. Aber in Anbetracht, daß er seit dreiundzwanz'g Jahr' der G'meind' manch'n Dienst erwies'n hat, fleißig und arbeitsam g'wes'n is, hat man ihm die Unterstützung zukommen laß'n.
I bin dafür, daß man 's eingeh'n laßt. Plag'n hat sich a andrer auch müß'n und kriegt nix, warum soll g'rad den die G'meind' erhalt'n?
[95]No, von erhalt'n kann g'rad kein' Red' sein; mit dem allein, was er kriegt, kann er net leb'n, aber –
Jetzt möcht' i den Herrn Bürgermeister doch schon d'rauf aufmerksam mach'n, daß das D'reinred'n vom Lehrer net geht.
Leb'n thut der Lehnl von mir, also kann man net sag'n, die G'meind' erhalt' ihn – und die paar Pfennig' Zulag', meinet i, könnt' man ihm laß'n.
Warum pressirt's denn so? I möcht' die G'schicht' auch lernen, daß i später net aufsitz', wenn i auch amal einer von den Großkopfet'n bin.
I mein', a Fehler könnt' darin lieg'n, daß die G'meind' noch nicht den Dank ausg'sproch'n hat für die Uebertragung der Schnitzarbeit'n die der Huberbauer in uns're Kirch' g'stift' hat, an den Lohnerpauli.
Aber daß dir Löcher in' Kopf schlagst, damit die G'meindskassa Doktor und Apotheker zahl'n kann, das erlaub'n wir net.
[98]Darüber könnt's ruhig schlaf'n. Der Pauli, der mi 'pflegt hat, hat g'sagt, das wird er auch noch z'samm' bring'n.
Oho langsam! So 'was gibt's net; solang i in der Verwaltung bin, braucht sich die Kassa nix schenk'n z'lass'n.
Soll nur umschlag'n, nachher schlag' i zu; die ewige Heiraterei wird mir z'dumm. Auf d'Woch'n müß'n's zum Standesamt.
Das Standesamt bin i! I hab mir schon die Bög'n alle 'kauft, wo's draufsteht, wie und wo und was. I will mir net nachsag'n laß'n, daß i mein G'schäft net versteh'. Den letzt'n zwei, die dag'wes'n sind, hab' i's schon hing'sagt, daß sie's nur g'rad so g'stoß'n hat.
Studier' dir nur für die meinen zwei auch a schöne Red' ein. Wer weiß, ob du's net bald für d' Loni brauch'n kannst. A alter Spruch sagt, dreimal hintereinander brennt's und dreimal wird g'heirat'.
Das glaub' i net! Seit der letzt'n G'schicht is d' Loni wie umg'wand'lt. Sie kommt mir g'rad vor wie a Sulz; wenn du's anrührst, zittert's.
[100]Das hätt's damals auch bleib'n laß'n können; denn kein's im Dorf' steht auf ihrer Seit'n. Aber tröst' di, über alles wachst a Gras.
Das werd' i schon noch amal z'seh'n krieg'n. I will net z'samm' kommen mit dem Wildling, der mei'm Deand'l so mitg'spielt hat. Der Mensch hat ja g'schimpft wie a Rohrspatz. Der Teuf'l soll ihn hol'n.
[101]Jetzt das wär' g'rad net notwendig; aber fort wenn er käm', fort aus'm Ort, dann wär' allem abg'holf'n.
Man muß nix verred'n! Ihr wißt, daß i dem Pauli schon lang antrag'n hab', mit mir in d' Stadt z'geh'n, um sich dort ausz'bild'n. I mein', es wär' auch a Pflicht für die G'meind', die so an talentvoll'n Mensch'n hat, daß sie ihn net aufwachs'n laßt wie Erdäpf'lkraut. Ihr müßt 'was dazu thun, daß aus dem Buab'n 'was wird. Geld braucht ihr kein's dazu her z'geb'n.
Jetzt wenn du net dein Schandmaul wieder dazwisch'n hätt'st, wär's gar net ganz. Wirst net nachgeb'n, bis 'nausfliegst.
[102]Das mein' ich eb'n auch! Aber ihr als Vorsteher müßt ihn halt vor Allem dazwisch'n nehmen. Was wär' das für euer Dorf für a Auszeichnung, wenn er berühmt werd'n thät'. Von der ganz'n Welt kämen d'Leut' herg'lauf'n, um den Ort und das Haus anz'schau'n, wo er gebor'n is.
Und den Herrgott, den er dir g'schnitzt hat, den kauft dir nachher amal so a Stadtfex um so viel Geld ab, daß gleich an ganz'n Bauernhof d'rum kriegst.
Ja, Herr Fritz, im ganz'n Haus such' i schon nach Ihnen; 's Frühstück is schon lang fertig. Soll i 's 'reinbring'n?
Mein Gott, so ei'm dick'n Schäd'l schad't net leicht 'was. Wie geht's denn dir? – Schaust net gut aus – hab' all'weil Zeitlang g'habt nach dir und hab' 'glaubt, du b'suchst mi amal.
Meinst vielleicht, i sollt' di noch lob'n auch? Das wär' doch z'viel verlangt. Wer den Pauli g'seh'n hat wie i – wie er heimkommen is, kein Wort g'red't, sein Feiertagsg'wand wegg'worf'n hat und wieder n'aus is bei der Thür' – Deand'l – der kann dir kein Fleißbillet geb'n. Erst am andern Tag' in der Früh' is er wieder 'kommen, und wie i ihn frag'n hab' woll'n, was denn is, hat's g'heiß'n: red nix, wenn du hab'n willst, daß i dir gut bin.
[105]Du bist halt auch wie die andern; red'st allweil blos von ihm, aber net von mir. Hab' i mi schon so g'freut, daß i mit dir über die G'schicht' disk'rir'n könnt', derweil is das auch wieder nix. – Jetzt is halt aus!
No – das möcht' i g'rad doch net so steif behaupt'n. Wasamal a rechte Lieb' war, diebleibt's auch, mag da g'scheh'n, was will!
So – du hast ihn net g'seh'n, wie er dag'stand'n is und g'red't hat – a ganz' Mannsbild, wie man sich's denkt – und wie er g'sagt hat: jetzt wenn sagst, zwisch'n uns is nix und zwischen uns wird nix, nachher kannst Recht hab'n! – Und das B'hüt' Gott – i dank'!
Ja, ja – das will i schon glaub'n – aber – wenn auch bei ihm, wie i mein', 's Eis net gar so hart wär' – du kannst ihn ja doch nimmer mög'n.
No, wie so! – I hab's noch recht fein eing'fad'lt auch; hab' a Zeitlang sein' Arbeit ang'schaut und nachher hab' i ganz schlau g'fragt: gehst jetzt bald 'nein in d' Stadt mit'm Herrn Baumiller? Antwort hab' i keine 'kriegt, hab' aber doch net aus'laß'n und hab' ihm alles vorg'stellt, wie's is und wie's wär' und wie's sein könnt' – und was meint's, daß er nachher g'sagt hat?
Net viel! Hing'stellt hat er sich vor mi und hat g'sagt: »Sixt Klosterwirt, verbiet'n kann i dir's net, daß du red'st – aber wenn noch viel am Herz'n hast, nachher geh' i derweil heim und 'bald fertig bist, laßt mir's sag'n, nachher komm' i wieder und arbeit' schön stad weiter« – hat mi steh'n laß'n und is in d' Sacristei 'nein.
[107]Daß i nimmer mit ihm red', das weiß i g'wiß. Was hab' i jetzt davon? Auslach'n thut er mi, und d' Zeit hab' i versäumt. Lehnl, gleich gehst mit mir in' Keller Für sich. Jetzt fang' i vor lauter Wut 's Pansch'n an! Eilig ab.
Was hab' i g'sagt? I kenn' meine Leut'. Der Pauli hat alles z'viel Respekt vor der Stadt. Er denkt sich, d'Herrenleut' sind wie Katz'n, streicht man's schön glatt über'n Buck'l 'nunter so schnurr'n's und schmeichel'n's, streicht man's aber widerborstig, so funk'ln's und kratz'ns. Ab.
Ja, ja! Mit einem schweren Seufzer. So geht's schon manchmal auf der Welt. – Jetzt werd' i halt wieder an mein' Arbeit' gehn. Wendet sich zum Gehen.
I red' ja nur g'rad deßweg'n von ihm, daß du amal zur Ruh' kommst. Und das g'schieht net eher, vor der Pauli net geht.
Wirst's gleich versteh'n. Komm', setz' di amal a bisl daher zu mir. Beide setzen sich. Sag', Loni, kannst du's begreif'n, daß a Mensch mit ganz'm Herz'n und ganzer Seel' was wünscht und hofft, so, daß er gar kein' andern Gedank'n mehr hat. Begreifft du das?
[109]Sixt, Loni, so a G'fühl hab' i g'habt, wie i a junger Mensch war. Wie i ang'fangt hab' z' mal'n und wie i die Bilder g'seh'n hab' von unsere groß'n Künstler, da is in mir der Wunsch aufg'stieg'n, 'was gleiches z'schaff'n und auch Bilder z'mal'n, vor denen die ganze Welt staunen müßt'. Der Wunsch war a recht schöner und was an mei'm gut'n Will'n und an mei'm Fleiß g'leg'n is, das is auch redlich g'scheh'n. Aber weiter hab' i's halt doch net 'bracht, als daß meine Bild'ln gern 'kauft word'n sind und daß i mir a bisl 'was erworb'n hab'. Da find' i auf amal an Mensch'n, der die Gab', die mir g'fehlt hat, im reichst'n Maß besitzt und dem, um das z' werd'n, was mir beim best'n Will'n und allem Fleiß net g'lung'n is, gar nix fehlt, als die richtige Schul'!
Ja, Deand'l, das is der Pauli. All'weil besser und besser hab' i ihn kennen lernen – und wie mein Glaub'n an sein Talent immer mehr und mehr bestärkt word'n is, da hat in mir unter all' der Asch'n die alte Glut wieder aufg'flammt. I seh' den Mensch'n im Geist schon wachs'n und werd'n, i seh' im Voraus schon die Kunstwerk', die unter seiner Hand entsteh'n soll'n und in Gedank'n [110] seh' ich die Leut' sich d'rum 'rum dräng'n und hör', wie sie einander erzähl'n: Der alte Maler is, der den Mensch'n für die Kunst g'wonnen hat – und von dem Dank', den die Welt ihm 'bracht hätt', wär' auch für mi a Theil abg'fall'n, wenn auch nur a ganz kleiner – und i wär' z'fried'n g'wes'n.
Und g'rad das is 's einzige, was noch helfen kann. Soviel Lieb' is bei ihm noch all'weil daheim, daß er dir's net abschlagt, wenn du zu ihm sagst: Pauli, i bitt' di, geh' fort, mi leid't's nimmer im Dorf', solang' du da bist! – Wenigstens mußt es versuch'n. Schau', du hast schon a Schuld abz'trag'n an dem Mensch'n und i mein' fast, es könnt' dir dein Herz a bisl leichter mach'n, wenn du dir sag'n kannst, du hast 'was zu sei'm Glück bei'trag'n.
In Gott'snamen – i thu's – weil Ihnen a G'fall'n damit g'schieht – und weil – weil i so froh bin, wenn i den Mensch'n nimmer sieh.
So is recht. Jetzt kann i ruhig wieder auf meine Berg 'naufsteig'n. Weißt, es muß ja net gleich sein. Wenn i heut' Abends heim komm', können wir nochmal d'rüber red'n und nachher wird sich schon amal die rechte Zeit dazu find'n. Jetzt b'hüt' di Gott und i dank' dir halt im Voraus für dein' gut'n Will'n – B'hüt' Gott! Ab.
B'hüt' Gott! Nach kurzem Bedenken. Es muß ja net gleich sein, hat er g'sagt – Wohl muß es gleich sein, denn a alt's Sprichwort sagt: man muß 's Eisen schmied'n, so lang's heiß is. – Resl! – Die muß ihn mir gleich 'rüber hol'n.
Jesses d' Loni! Er bleibt bei der Thüre stehen und dreht in peinlicher Verlegenheit den Hut zwischen den Händen.
Ja, ja, bist schon recht – er hat g'sagt, du sollst da wart'n, er wird gleich kommen – hat er g'sagt.
No, da werd' i's wohl thun müß'n. Er setzt sich mit dem Rücken gegen Loni an den rechts an der Wand stehenden Tisch. Verlegene Pause. Loni versucht zu sprechen, vermag aber kein Wort hervorzubringen; die Hände auf dem Rücken, geht sie nun mit dein Anscheine möglichster Gleichgiltigkeit nach dem Hintergrunde. Verstohlens sieht Pauli nach ihr um, dreht aber hastig das Gesicht wieder gegen die Wand, sowie Loni Kehrt macht.
[114]Na, na – so bleib' nur – er kommt gleich! Das heißt – es könnt' ja möglich sein, daß er auch net gleich käm' – aber – wenn du's vielleicht mit der Arbeit recht notwendig hast – i weiß auch, was er dir z'sag'n hat – nachher – wenn du meinst – und wenn du's von mir anhör'n willst – nachher könnt's ja i dir auch sag'n.
Schau' Loni, plag' di net. Du hast's schon in Manchem recht weit 'bracht, aber 's Lüg'n bringst doch net recht z'samm'. Druck's nur 'raus, was mir z'sag'n hast; i merk's ja doch, daß a abg'machte Sach' is, daß du mit mir red'n sollst.
Das is freilich a ganz g'wichtiger Grund. Aber wer weiß, ob dein Mutterl net am End' Recht hat und ob's net dein Glück wär', wenn ihr folg'n thät'st.
No also, sixt es, da wär'n wir ja bei der Sach'. Vor einer halben Stund' war dein Vater bei mir und jetzt schicken's di!
Ja, Pauli, i will's auch net länger läugnen; der Herr Baumiller hat mir 's Versprech'n abg'nommen, daß i dir zured'n soll, daß du mit ihm in d' Stadt ging'st. A klein's bisl, hat er g'meint, könnt'st doch noch auf das hör'n, was i dir sag' – und nachher hat er g'meint, wenn i dir saget: Pauli, mi leid't's nimmer im Dorf, solang' du da bist – mein' Rast und mein' Ruh is weg – geh' fort von da – so – so thät'st du's auch – hat er g'sagt.
[116]Und du schamst di net, mir so 'was in's G'sicht z'sag'n. Mein' Ruh' hast mir g'stohl'n, um meiner Lieb' will'n hast mi b'schand'lt vor alle Leut' und jetzt kommst und willst mein' Lieb z'Hilf' nehmen, um mi von meiner Heimat z'treib'n, von Mutter und Haus. Loni, das is grundschlecht!
Pauli, i bitt' di um Gott'swill'n, glaub' so 'was net von mir. Wenn i mi hab' überred'n lass'n, daß i dir zured', so war's, weil i überzeugt bin, es wär' besser für di, wenn ging'st – weil du mi dann vielleicht vergeß'n könnt'st und alles, was g'scheh'n is. Und wenn du nachher a berühmter Bildhauer werd'n thät'st und alle Leut' dich gern hätt'n und in Ehr'n halt'n – und wenn du nachher recht reich werd'n thät'st – so hätt' i halt g'meint, könnt'st leicht auch das find'n, was in deiner Heimat umsonst g'sucht hast – die Lieb' von ei'm brav'n Deand'l.
Also g'rad weg'n mei'm Glück? Du mitleidig's Deand'l! – I sag' dir, i glaub' dir's net; i glaub' viel eher, daß du jetzt lügst und daß dein' erste Red' Wahrheit war, daß mich blos fort hab'n willst, weil i dir im Weg umgeh'.
Laß' es gut sein! – Ja, i geh' dir aus'm Weg. Du sollst dein' Ruh' find'n, ob i mein Glück, das is a [117] and're Frag'. Glaub' ja net, daß i mir aus dem Maler sei'm G'schwatz a Hoffnung mach'. I will net berühmt werd'n und brauch' kein' Reichthum – was i brauch', hab' i Gott sei Dank und wollt' i mir mehr wünsch'n, müßt' mi unser Herrgott straf'n. Aber mag's jetzt sein, wie's will – i geh' – und wenn i auch in mein Unglück renn'.
Plag' di net, dein Ernst is ja doch net! I bin schon über gar viel weg'kommen und werd' mi auch da durchschlag'n. Freilich, wie schwer als es mir wird, das kann dir gleich sein, wenn's nur nach dei'm Kopf geht.
Na, Pauli – wenn du mi auch für recht schlecht haltst, so schlecht bin i doch net – und sixt, wenn du meinst, es wär' net so, wie der Herr Baumiller sagt, sondern so wie du sagst – sixt – da mein' i, wär's besser, du gingst net fort, sondern bliebest da und thät'st auch gleich –
Geh' sei stad – es is jetzt vorbei! Aber g'rad dadurch, daß i geh', will i dir noch beweis'n, wie gern i di g'habt hab' – und somit b hüt' di Gott. Er wendet sich zum Gehen.
[118]Was is? Loni macht vergebliche Versuche, zu sprechen. Wenn noch an Wunsch hast, schenir' di net – jetzt geht's in ei'm hin!
Wenn's wirklich a b'schloß'ne Sach' is, daß gehst – nachher – nachher könnt'st mir ja doch noch zum B'hüt' Gott dein' Hand geb'n? Sie streckt ihm die Hand entgegen.
Loni! Plötzlich hält er inne. Na! Das geht ja doch net, daß i die Hand drück', die nach mir g'schlag'n hat.
Wenn i dir aber sag', wie weh' mir's schon all'weil g'wes'n is – und wie i schon oft mit naß'n Aug'n die Stund' verwünscht hab', wo i dir so a schwer's Unrecht hab' anthun können – wenn i di so recht von Herz'n um Verzeihung bitt', darfst mir dann dein' Hand auch net geb'n?
Du fragst mit einer Stimm', so gut und lieb, wie i's noch nie von dir g'hört hab' und aus deinen Aug'n schaut's mi an, daß i's fast net für möglich halt'n kann. Loni – meinst net, es könnt' noch anders werd'n zwisch'n uns?
A was Schand' – es wär ja gar nie a Schand' g'wes'n, wenn net d' Leut' dabei g'stand'n wär'n. Und du hast es ja blos in der Hitz 'than. Sixt, alles ließ' sich wieder gut mach'n, wenn du nur an fest'n Will'n hätt'st und wenn du di a wenig z'samm' nähmst.
Wenn du mit mir Hand in Hand in' Kirch'n ging'st und auf die Frag' vom geistlich'n Herrn, ob mi hab'n willst für 's ganze Leb'n, vor all' den Leut'n recht laut sag'n thät'st: Ja! Willst das, Loni?
[120]Ja – ja – i will! Und so laut will i's sag'n, daß deine geschnitz'n Heilig'n selber a Freud d'ran hab'n soll'n. Ja, dein will i g'hör'n mit Leib und Seel'. Sie fällt ihm um den Hals. Du braver du treuer Bursch!
Geh' Traudl, mach' dir doch keine unnütz'n Gedank'n. 's Rad'l lauft jetzt schon, wie's lauf'n soll. D' Hauptsach' is doch, daß d' Loni Ja g'sagt hat.
O mein, red' net, da hab'n schon manche ihr Stuhlfest g'halt'n und nachher is doch noch z'rückgang'n. Was wär bei der Wetterhex' net möglich?
No ja, das is schon wahr, aber g'rad das is a Hauptzug von der Loni, daß wenn's amal sagt, so is und so muß sein, nachher beibt's auch und kommt kein Tipferl mehr davon weg.
Ja, ja – aber 's Ganze is mir halt doch z'schnell gang'n. 's Mad'l hat ja umg'schlag'n wie's Wetter im [122] April. Und nachher – jesses – jesses – jesses – jetzt is mir schon wieder a Masch'n 'nunterg'fall'n. I sag's ja, gar nix geht mir mehr z'samm'.
Di net, denn du tragst mir nix mehr ein. Aber dein Bub'n darf i nimmer auslaß'n. Wie i g'hört hab', Hochzeit wird, gleich hab' i dir's Rennen ang'fangt wie a Roß, wenn's a Brems'n sticht.
Und hast's gleich im ganz'n Thal aust'rommelt – da sagt man all'weil von den alt'n Weibern – d' Mannsbilder wenn anfang'n sind zehnmal ärger und gar du, du bist der allervoreiligst; du wirst schon aus der Nud'l an Dalk'n mach'n.
's Dalk'n mach'n is dein' Sach' – 's Heirat'n mach'n die meine. Wie i nur wo zwei schnauf'n sieh als Liebsleut', kommen's mir nimmer von einander.
Aber heirat'n, solang' man jung is. I hab's all'weil g'sagt, der Pauli hat a Roßglück. A Deand'l, wie d' Loni is, kommt nur alle heilige Zeit'n amal auf d' Welt.
Wenn i an Vergleich anstell'n wollt', dürft' i blos sag'n: Zwisch'n euch und der Loni ist a Unterschied, wie bei den Zündhölz'ln, die einen taug'n was, die andern nix. Man hört einen Juhschrei.
Mutter, da bring' i dir jetzt die Tochter in's Haus. Schau' dir's ordentlich an und weil du weißt, was mir das Deand'l wert is, so wirst auch wiß'n, wie's g'halt'n muß werd'n bei uns.
Traudl, du gute Seel', i hab' dir so viel abz'bitt'n, daß i gar net weiß, wo i anfang'n soll. Verzeih' mir [124] halt und nimm mi gern auf in dein Haus, i will dir g'wiß a brave Tochter und dei'm Bub'n a rechtschaffen's Weib sein.
O mein lieber Herrgott, i weiß ja gar net, was i sag'n soll. A solche Freud' soll i altes Leut noch erfahr'n! Dein Herz hat sich um'dreht und die bessere Seit'n is 'rauswärts 'kommen. Du hast mein' Pauli gern und willst ihn heirat'n!
Das laß' i mir g'fall'n. Wenn der Verspruch schon so g'feiert wird, wie wird's nachher erst auf der Hochzeit zugeh'n!
Packt's an, Buab'n, das Faß'l kommt in d' Stub'n 'nein. Es kommen noch mehr Leut', denn i hab' alles eing'lad'n, was mir unterwegs g'lauf'n is.
Und i bin bei alle Vettern und Bas'ln g'wes'n und hab's herkommen g'heiß'n, aber g'schenkt hat mir kein's 'was.
Di mein' i net, du hast selber nix, d'rum kannst mir auch nix geb'n. Er zieht ihn auf die Seite. An schönen Gruß soll i dir ausricht'n vom Lehnl.
Er hat g'sagt, er kann net und du thät'st schon wiß'n, warum 's besser wär', wenn er wegbleibet. I hab' ihn nachher ausg'lacht und hab' g'sagt, er wär' a dummer Kerl; denn wo's so a gut's Bier gibt, da bleibt a g'scheidter Mensch net weg.
No, wär' net z'wider, wenn der Lehnl heut' Abend fehl'n thät'! I hol' ihn. Er schleicht sich nach kurzer Zeit hinweg.
Weiß der Teuf'l! Bei dir z' Haus hab i's ausg'führt; hab'n alle großmächtige schwarze Köpf', aber kein einzig's taugt 'was.
Die hab' i mir eigens für solche Gäst' ang'schafft, die d' Zündhölz'ln blos im Wirtshaus kauf'n. Weißt – ohne die Schacht'l brennen's net.
Heiliger Florian, a frisch' Bier! Bauern, halt's mi, sonst dreht's mi. Alles ab in das Haus bis auf Loni und Muckl. Vom Anfange der zweiten Scene bis hieher muß ein immerwährend reges Leben herrschen mit Kommen und Gehen, Begrüßen und Glückwünschen, ohne doch den Dialog zu stören.
No, Loni, jetzt is halt doch so 'word'n, wie i dir all'weil g'sagt hab' und man darf dir und dem Pauli Glück wünsch'n.
I bin mir schon net recht g'scheidt g'wes'n, was i thun soll, denn auf die Weis', wie du mi die letzt' Zeit behand'lt hast, hätt' i beinah' 's Kurasch verlor'n.
No mein, i hab' mir nachher auch gleich wieder 'denkt, den Kopf kannst mir ja doch net 'runterreiß'n.
No, du hast di früher auch net viel d'ran 'kehrt. Aber schau' jedem schlagt sein' Stund'. Mi hat's mit der Nandl bös erwischt, die zieht dir d' Masch'n weiters net z'samm'. In vier Woch'n sitz' i drin im Schlaghäus'l und nachher heißt's parir'n.
[129]Möchst di wieder einschmeich'ln bei mir? Aber schau', soll'st mir halt doch verzeih'n, schon deßweg'n, weil mein' Eifersucht dein Glück g'macht hat.
Freilich reut's mi, wenn i auch net läugnen kann, daß mir a große Gaudi g'macht hat, wie ihr auf amal auf einander losg'fahr'n seid's, wie die g'stupft'n Gock'ln
Hätt' i nur von Anfang net so viel Angst ausg'stand'n weg'n Lehnl. Das hatt' weiters net dumm ausg'schaut, wenn [130] i, der einzige Sohn vom Röthelbachbauern, a paar Monat' hätt' sitz'n müß'n wegen so einer dalket'n G'schicht'.
Kannst dich ja doch leicht noch erinnern an den Tag, wo i mit mei'm Vater zu euch 'kommen bin und wo du mir nachher so g'schwind an Korb 'geb'n hast, da war gleich d'rauf d' Red', daß du am andern Tag' auf d'Alm gehst. Da hab' i mir denkt, den Katz'nsprung könnt' i auch noch d'ran wag'n. Vielleicht red't man sich leichter mit dir, wenn du allein bist.
Freilich, und g'rad wie i an dein Fenster hab' klopf'n woll'n, da kommt der Lehnl dazu, packt mi und wie's geht, i hab' ihn halt wegg'schlenzt – und da – da is er halt unglücklich g'fall'n.
In der erst'n Angst, man könnt' mi seh'n, bin i ausg'riß'n. Freilich hat mi d' Sorg' um den Lehnl net weit kommen lass'n. So bin i wieder z'rück und hab' g'seh'n, daß der Pauli da is und dem Lehnl aufhilft. Der arm' Kerl hat g'meint, er müßt' schon sterb'n weg'n dem bisl Loch im Kopf und hat den Pauli heilig versprech'n laß'n, daß er dir a Schutz sein wollt' und a Hilf', ob du gut oder ungut mit ihm wärst. Alles hab' i mit ang'hört, auch wie er ihm verrat'n hat, daß du sein leiblich's Kind wär'st. Zutraulich. Weißt, von mir aus hat's kein Mensch erfahr'n und erfahrt's auch Niemand. Brauchst di net z'sorg'n, daß i's weiß.
Jetzt das is a schöne G'schicht', Herrgott von Mitt'nwald! I glaub', Bruder, da hast a Dummheit g'macht. Ab ins Haus.
Gar nix sagst und gehst mit 'rein. Er zieht ihn durch die Thüre des Gitters. Du hast am allererst'n a Recht und a Pflicht, daß da bist.
Wenn du wiß'n thät'st, wie's bei mir da drin ausschaut, nachher sähest ein, daß i in kein' lustige G'sellschaft paß'.
A was da! Du hast all'n Grund, lustig z'sein, jetzt wo dein Lieblingswunsch in Erfüllung geht, daß d' Loni und i a Paar werd'n.
Ja – früher – da hab' i's mir ausg'mal'n in Gedank'n, wenn mein Deand'l amal an richtig'n Bursch'n zum Mann krieget und wie i nachher ganz glückselig wär', wenn i mit anseh'n könnt', wie das Deand'l so mitten drin sitzt im Wohlsein und in der Zufried'nheit.
Und warum soll das net sein? Wir hab'n uns gern, und was an mir liegt, das weißt, wird auch g'scheh'n.
[133]Geh', red' kein so dalket's Zeug, du wirst fortgeh'n – wo willst denn du alter Zwick'l noch hin. A überspannte G'schicht' is, weiter nix.
I will di net von dei'm Glaub'n abbring'n, aber es wird doch so sein müß'n, daß i geh'. Du weißt, daß der Muckl damals alles g'hört hat, was auf der Alm zwischen uns g'red't word'n is.
Und was is nachher? I bin der erst', der vor der ganz'n G'meind' dir die Händ' entgeg'nstreckt und sagt, daß i di mein' Vater heiß'n und als solch'n halt'n will. Und grad so wie i wird auch d' Loni –
Sei stad – sei stad – du weißt net, wie das Deand'l über ihre Eltern denkt. Wenn d' Loni je erfahret, daß i ihr Vater bin – so gern's mi bis jetzt g'habt hat – mit dem Wort bin i ihr z'wider bis in d' Seel' 'nein. Und erfahr'n muß sie's, denn wenn der Muckl bis jetzt auch g'schwieg'n hat, so war das nur die Angst vor'm G'richt.
[134]I hab' von der Loni an bessern Glaub'n. Weißt was – jetzt hol' i's 'raus, nachher red'st off'n mit ihr.
Na, Pauli, na! Um Gott'swill'n net! Sie könnt mir's nie verzeih'n, daß i sie weg'geb'n hab', wenn's auch nur g'scheh'n is aus Lieb' und in der G'fahr. Mir druckt's fast 's Herz ab, daß i 's Deand'l von jetzt ab nimmer seh'n soll, aber es geht net anders. I geh' in mein' Heimat z'rück, die paar Jahr'ln, wo ich noch z'leb'n hab', werd'n meiner G'meind' net z' viel sein. Halblaut erklingt aus dem Hause die Melodie der Hochzeitsg'stanz'ln. A Bitt' hätt' i aber noch an di. Sixt, da hab' i mir a bisl was erspart. Es könnt' g'rad so viel sein, daß man von da bis in mein Dorf amal dafür hin und herfahrt. Wenn nachher amal hörst, daß i g'storb'n bin, so laß' mi um das Geld mit'm Wag'n hol'n und laß mi eingrab'n an ei'm Platz'l, wo i mir denk'n dürft', 's Mad'l kommt amal neb'n mir z'lieg'n. Und jetzt laß mi geh'n.
No freilich, i weiß ja, daß du's bist. 's is noch kein' Viertl'stund' her, daß sich der Muckl gegen mi verschnappt hat. Aber was hab' i von dir hör'n müß'n? Du willst deine Kinder verlaß'n? Untersteh' di – du – da müßt' i ja gleich in der erst'n Stund', wo i mein' Vater find', 's Greinen anfang'n.
Red' net vom Verzeih'n. Im erst'n Aug'nblick, wo i g'hört hab', daß du mein Vater bist, is mir mit ei'm Schlag' alles Liebe eing'fall'n, was i von dir erfahr'n hab' seit dem Tag', wo du zum erst'nmal mein klein's Kinderhanderl 'druckt hast. Mein arm's Vaterl, was mußt du g'litt'n hab'n, wo du mich so gern g'habt hast. Aber jetzt soll dir's auch von uns zwei vergolt'n werd'n. Gelt, Pauli?
O mein lieber Herrgott – die Freud' – i könnt' jetzt gleich an Juhschrei mach'n, daß alle Berg' zum wak'ln anfang'n. Wenn i mir denk', daß wir alle mit einander in Fried'n haus'n – daß i noch Enk'ln am [136] Arm 'rum trag' – und wenn's größer sind, auf die Knie' reit'n laß' – und die Kindswäsch' – und die Dutz'ln – Pauli, halt' sonst mach' i an Kreuzsprung!
Jawohl – und damit 's net lang Zeit zum tratsch'n hab'n – am nächst'n Sonntag, wenn i und der Pauli 's erstemal in der Kirch'n aufbot'n werd'n so soll der Herr Pfarrer mi gleich bei'm recht'n Namen ruf'n. Mit mei'm Pflegevater und mit deiner Mutter red'n wir heut' noch sobald die Gäst' fort sind. Is dir's so recht, Pauli?
Sind's uns net bös, Herr Fritz, daß ihr Plan net 'naus'gang'n is; aber zwei Leut' z'wiß'n, wo's zu jeder Stund' gern g'seh'n sind und a Heimat hab'n, i mein', das wär' auch 'was wert. Bleib'n's uns gut!
Ja was wär' denn jetzt das? Da drin sind die Gäst' und die Brautleut' treib'n sich 'rum weiß Gott wo. Schau', der Herr Maler? No – was sag'n 's denn da?
Weißt was, Maler, weil den Pauli net kriegst, jetzt nimmst mi 'nein in d' Stadt; mi kannst ausbild'n laß'n, so viel als magst.