Yogāvatāraḥ
namastārāyai
śrutvā śāstramudāraṃ niścitya pāramārthikaṃ tattvam /
mṛdvāsanopaviṣṭaḥ saśraddho yogamārabhed [yogī] // 1 //
grāhyagrāhakamubhayaṃ nobhayamahameva nirvṛtirmagna iti /
bahuvidhavikalpajālaṃ pravijñāya manaḥsamāpattiḥ // 2 //
jñeyaṃ vilokya sakalaṃ mā yogameva nirbhāsam /
pravivācye dehe yat tattathatājñānavajreṇa // 3 //
sarvākāravivarjitamādyantavibhāgarahitamavikalpam /
nimarlasahasradīdhitinirbhinnameti sarvaṃ gaganamiva // 4 //
svākāramātraśeṣaṃ paśyati cittaṃ svamādyanutpannam /
yenāpi paśyatīdaṃ tadapi tathaivāvalokayati // 5 //
so 'nupalambho 'cittaṃ tathatājñānaṃ tatkoṭiñca /
evaṃ tamaso 'bhyāsāt prajñāveditanirodhamāpnoti // 6 //
tābhiryukto yogī sattvārthamanekadhā kurute /
asmin pariniṣpanne tiṣṭhati yogī sadāryamadhvānam // 7 //
............danaghavāyau niṣkampyaṃ kleśamārādyaiḥ /
prajñāpāramitāṃ vāsmin sarvadā pravṛttasya // 8 //
siddhyantyanye bahavaḥ samādhiyogadānarāgādyāḥ // 9 //
// yogāvatāraḥ samāptaḥ //
// kṛtiriyamāryadig nāgapādānāmiti //