Svāgatasūtra

1 śrāvastyāṃ / Cf. SHT IV (additions) 881r1: /// bhagavāṃ śrāvastyāṃ viharati sma jetavane ///

2 svāgataṃ vo bhikṣavaḥ / supravrajyā vo bhikṣavaḥ / lābhā sulabdhā / kadācit karhicid āryāyatane pratyājāti indriyair avikalatā ajaḍatā aneḍamūkatā ahastasaṃvācakatā pratibalatā subhāṣitadurbhāṣitānāṃ dharmāṇām artham ājñātum / Cf. SHT IV (additions) 881r2: /// svāgataṃ vo bhikṣavaḥ supravrajyaṃ sulabdhā ///; r3: /// + .. indriyair avikalatā ajaḍatā + ///; SBhV II 209.8-12: svāgataṃ vo bhikṣavaḥ supravrajitaṃ (MS °to); sulabdho vo manuṣyapratilambhaḥ; kadācit karhicid āryāyatane pratyājātiḥ, indriyair avikalatā, ajaḍatā, aneḍamūkatā, ahastasaṃvācikatā, pratibalatā subhāṣitadurbhāṣitānāṃ dharmāṇām artham ājñātuṃ

3 ahaṃ caitarhi śāstā loke utpannas tathāgato 'rhāṃ samyaksaṃbuddho vidyācaraṇasaṃpannaḥ sugato lokavid anuttara puruṣadamyasārathiḥ śāstā devamanuṣyāṇāṃ buddho bhagavāṃ /

Cf. SHT IV (additions) 881v1: /// lokavid anuttaraḥ puruṣadamyasārathiḥ ///

4 dharmaś ca deśyate aupaśamikaḥ pārinirvāṇikaḥ saṃbodhagāmī sugatapraveditaḥ / yad utāsmiṃ satīdaṃ bhavaty asyotpādād idam utpadyate /

yad utāvidyāpratyayāḥ saṃskārā yāvat samudayo nirodhaś ca bhavati /

5 tad idaṃ bhikṣavaḥ sudurlabhadurlabhaṃ yat kadācit karhicid āryāyatane pratyājāti indriyair avikalatā yāvat samudayo nirodhaś ca bhavati /

6 tasmāt tarhi bhikṣava ātmārthaṃ samanupaśyadbhiḥ parārthañ cobhayārthaṃ ca yāvad evaṃ vo bhikṣavaḥ śikṣitavyam //

7 svāgatasūtraṃ / samāptaḥ //

This e-text was provided to GRETIL in good faith that no copyright rights have been infringed. If anyone wishes to assert copyright over this file, please contact the GRETIL management at
gretil(at)sub(dot)uni-goettingen(dot)de. The file will be immediately removed pending resolution of the claim.

Distributed under a Creative Commons Attribution-NonCommercial-ShareAlike 4.0 International License.